| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
3. уж̇жхаабанагасигкаабад̣̇аван̣н̣анаа
3. Ujjhāpanakasikkhāpadavaṇṇanā
103. д̇ад̇ияасигкаабад̣̇з – д̣̇аб̣б̣ам̣ маллабуд̇д̇ам̣ бхигкуу уж̇жхаабзнд̇ийд̇и ‘‘чанд̣̇ааяа д̣̇аб̣б̣о маллабуд̇д̇о’’д̇иаад̣̇ийни вад̣̇анд̇аа д̇ам̣ ааяасманд̇ам̣ д̇зхи бхигкуухи аваж̇аанаабзнд̇и, аван̃н̃ааяа ологаабзнд̇и, лаамагад̇о ваа жинд̇аабзнд̇ий’’д̇и ад̇т̇о. лагкан̣ам̣ банзд̇т̇а сад̣̇д̣̇асад̇т̇аанусаарзна взд̣̇ид̇аб̣б̣ам̣. ож̇жхаабзнд̇ийд̇иби баато. аяамзвад̇т̇о . чанд̣̇ааяаад̇и чанд̣̇зна багкабаад̇зна; ад̇д̇ано ад̇д̇ано санд̣̇идтасамбхад̇д̇аанам̣ бан̣ийд̇аани бан̃н̃абзд̇ийд̇и ад̇хиббааяо. кияяанд̇ийд̇и ‘‘чанд̣̇ааяа д̣̇аб̣б̣о маллабуд̇д̇о’’д̇иаад̣̇ийни вад̣̇анд̇аа багаасзнд̇и.
103. Tatiyasikkhāpade – dabbaṃ mallaputtaṃ bhikkhū ujjhāpentīti ‘‘chandāya dabbo mallaputto’’tiādīni vadantā taṃ āyasmantaṃ tehi bhikkhūhi avajānāpenti, avaññāya olokāpenti, lāmakato vā cintāpentī’’ti attho. Lakkhaṇaṃ panettha saddasatthānusārena veditabbaṃ. Ojjhāpentītipi pāṭho. Ayamevattho . Chandāyāti chandena pakkhapātena; attano attano sandiṭṭhasambhattānaṃ paṇītāni paññapetīti adhippāyo. Khiyyantīti ‘‘chandāya dabbo mallaputto’’tiādīni vadantā pakāsenti.
105. уж̇жхаабанагз кияяанагз баажид̇д̇ияанд̇и зд̇т̇а язна важанзна уж̇жхаабзнд̇и, д̇ам̣ уж̇жхаабанагам̣. язна жа кияяанд̇и д̇ам̣ кияяанагам̣. д̇асмим̣ уж̇жхаабанагз кияяанагз. баажид̇д̇ияанд̇и вад̇т̇уд̣̇ваяз баажид̇д̇ияад̣̇ваяам̣ вуд̇д̇ам̣.
105.Ujjhāpanake khiyyanake pācittiyanti ettha yena vacanena ujjhāpenti, taṃ ujjhāpanakaṃ. Yena ca khiyyanti taṃ khiyyanakaṃ. Tasmiṃ ujjhāpanake khiyyanake. Pācittiyanti vatthudvaye pācittiyadvayaṃ vuttaṃ.
106. уж̇жхаабанагам̣ наама убасамбаннам̣ сан̇гхзна саммад̇ам̣ сзнаасанабан̃н̃аабагам̣ ваа…бз… аббамад̇д̇агависсаж̇ж̇анагам̣ ваад̇и зд̇зсам̣ бад̣̇аанам̣ ‘‘ман̇гугад̇д̇угаамо’’д̇и иминаа самб̣анд̇хо. аван̣н̣ам̣ гад̇д̇угаамо аяасам̣ гад̇д̇угаамод̇и имзсам̣ бана васзна убасамбаннанд̇иаад̣̇ийсу ‘‘убасамбаннассаа’’д̇и звам̣ вибхад̇д̇ивибарин̣аамо гаад̇аб̣б̣о. уж̇жхаабзд̇и ваа кияяад̇и ваа аабад̇д̇и баажид̇д̇ияассаад̇и зд̇т̇а бана яасмаа ‘‘кияяанагам̣ наамаа’’д̇и звам̣ маад̇игаабад̣̇ам̣ уд̣̇д̇харид̇вааби ‘‘уж̇жхаабанагам̣ наамаа’’д̇и имасса бад̣̇асса вуд̇д̇авибхан̇г̇оязва вад̇д̇аб̣б̣о ход̇и, ан̃н̃аваад̣̇агасигкаабад̣̇з вияа ан̃н̃о висзсо над̇т̇и, д̇асмаа д̇ам̣ висум̣ ануд̣̇д̇харид̇ваа авибхаж̇ид̇ваа ниг̇аманамзва згад̇о гад̇анд̇и взд̣̇ид̇аб̣б̣ам̣. д̇хаммагаммз д̇хаммагаммасан̃н̃ийд̇иаад̣̇ийсу яам̣ д̇асса убасамбаннасса саммуд̇игаммам̣ гад̇ам̣ д̇ан̃жз д̇хаммагаммам̣ ход̇и, со жа бхигку д̇асмим̣ д̇хаммагаммасан̃н̃ий уж̇жхаабанаган̃жа кияяанаган̃жа гарод̇и, ат̇асса д̇асмим̣ уж̇жхаабанагз жа кияяанагз жа аабад̇д̇и баажид̇д̇ияассаад̇и иминаа наязна ад̇т̇о взд̣̇ид̇аб̣б̣о.
106.Ujjhāpanakaṃ nāma upasampannaṃ saṅghena sammataṃ senāsanapaññāpakaṃ vā…pe… appamattakavissajjanakaṃ vāti etesaṃ padānaṃ ‘‘maṅkukattukāmo’’ti iminā sambandho. Avaṇṇaṃ kattukāmo ayasaṃ kattukāmoti imesaṃ pana vasena upasampannantiādīsu ‘‘upasampannassā’’ti evaṃ vibhattivipariṇāmo kātabbo. Ujjhāpeti vā khiyyati vā āpatti pācittiyassāti ettha pana yasmā ‘‘khiyyanakaṃ nāmā’’ti evaṃ mātikāpadaṃ uddharitvāpi ‘‘ujjhāpanakaṃ nāmā’’ti imassa padassa vuttavibhaṅgoyeva vattabbo hoti, aññavādakasikkhāpade viya añño viseso natthi, tasmā taṃ visuṃ anuddharitvā avibhajitvā nigamanameva ekato katanti veditabbaṃ. Dhammakamme dhammakammasaññītiādīsu yaṃ tassa upasampannassa sammutikammaṃ kataṃ tañce dhammakammaṃ hoti, so ca bhikkhu tasmiṃ dhammakammasaññī ujjhāpanakañca khiyyanakañca karoti, athassa tasmiṃ ujjhāpanake ca khiyyanake ca āpatti pācittiyassāti iminā nayena attho veditabbo.
анубасамбаннам̣ уж̇жхаабзд̇и ваа кияяад̇и ваад̇и зд̇т̇а убасамбаннам̣ сан̇гхзна саммад̇ам̣ ан̃н̃ам̣ анубасамбаннам̣ уж̇жхаабзд̇и аваж̇аанаабзд̇и, д̇асса ваа д̇ам̣ санд̇игз кияяад̇ийд̇и ад̇т̇о. убасамбаннам̣ сан̇гхзна асаммад̇анд̇и гаммаваажааяа асаммад̇ам̣ гзвалам̣ ‘‘д̇авзсо бхааро’’д̇и сан̇гхзна ааробид̇абхаарам̣ бхигкуунам̣ ваа паасувихаарад̇т̇ааяа саяамзва д̇ам̣ бхаарам̣ ваханд̇ам̣, яад̇ра ваа д̣̇вз д̇аяо бхигкуу вихаранд̇и, д̇ад̇ра ваа д̇аад̣̇исам̣ гаммам̣ гаронд̇анд̇и ад̇хиббааяо. анубасамбаннам̣ сан̇гхзна саммад̇ам̣ ваа асаммад̇ам̣ ваад̇и зд̇т̇а бана гин̃жааби анубасамбаннасса д̇зраса саммуд̇ияо д̣̇аад̇ум̣ на вадданд̇и. ат̇а ко убасамбаннагаалз лад̣̇д̇хасаммуд̇иго бажчаа анубасамбаннабхаавз тид̇о, д̇ам̣ санд̇хааяа ‘‘сан̇гхзна саммад̇ам̣ ваа’’д̇и вуд̇д̇ам̣. яасса бана б̣яад̇д̇асса сааман̣зрасса гзвалам̣ сан̇гхзна ваа саммад̇зна ваа бхигкунаа ‘‘д̇вам̣ ид̣̇ам̣ гаммам̣ гарохий’’д̇и бхааро гад̇о, д̇аад̣̇исам̣ санд̇хааяа ‘‘асаммад̇ам̣ ваа’’д̇и вуд̇д̇ам̣. сзсамзд̇т̇а уд̇д̇аанамзваад̇и.
Anupasampannaṃujjhāpeti vā khiyyati vāti ettha upasampannaṃ saṅghena sammataṃ aññaṃ anupasampannaṃ ujjhāpeti avajānāpeti, tassa vā taṃ santike khiyyatīti attho. Upasampannaṃ saṅghena asammatanti kammavācāya asammataṃ kevalaṃ ‘‘taveso bhāro’’ti saṅghena āropitabhāraṃ bhikkhūnaṃ vā phāsuvihāratthāya sayameva taṃ bhāraṃ vahantaṃ, yatra vā dve tayo bhikkhū viharanti, tatra vā tādisaṃ kammaṃ karontanti adhippāyo. Anupasampannaṃ saṅghena sammataṃ vā asammataṃ vāti ettha pana kiñcāpi anupasampannassa terasa sammutiyo dātuṃ na vaṭṭanti. Atha kho upasampannakāle laddhasammutiko pacchā anupasampannabhāve ṭhito, taṃ sandhāya ‘‘saṅghena sammataṃ vā’’ti vuttaṃ. Yassa pana byattassa sāmaṇerassa kevalaṃ saṅghena vā sammatena vā bhikkhunā ‘‘tvaṃ idaṃ kammaṃ karohī’’ti bhāro kato, tādisaṃ sandhāya ‘‘asammataṃ vā’’ti vuttaṃ. Sesamettha uttānamevāti.
д̇исамудтаанам̣ – гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и.
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
уж̇жхаабанагасигкаабад̣̇ам̣ д̇ад̇ияам̣.
Ujjhāpanakasikkhāpadaṃ tatiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. уж̇жхаабанагасигкаабад̣̇аван̣н̣анаа • 3. Ujjhāpanakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. уж̇жхаабанагасигкаабад̣̇аван̣н̣анаа • 3. Ujjhāpanakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. уж̇жхаабанагасигкаабад̣̇аван̣н̣анаа • 3. Ujjhāpanakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. уж̇жхаабанагасигкаабад̣̇ам̣ • 3. Ujjhāpanakasikkhāpadaṃ
