| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. уггажзласуд̇д̇ам̣
4. Ukkacelasuttaṃ
380. згам̣ самаяам̣ бхаг̇аваа важ̇ж̇ийсу вихарад̇и уггажзлааяам̣ г̇ан̇г̇ааяа над̣̇ияаа д̇ийрз махад̇аа бхигкусан̇гхзна сад̣̇д̇хим̣ ажирабариниб̣б̣уд̇зсу саарибуд̇д̇амог̇г̇аллаанзсу. д̇зна ко бана самаязна бхаг̇аваа бхигкусан̇гхабаривуд̇о аж̇жхогаасз нисинно ход̇и.
380. Ekaṃ samayaṃ bhagavā vajjīsu viharati ukkacelāyaṃ gaṅgāya nadiyā tīre mahatā bhikkhusaṅghena saddhiṃ aciraparinibbutesu sāriputtamoggallānesu. Tena kho pana samayena bhagavā bhikkhusaṅghaparivuto ajjhokāse nisinno hoti.
ат̇а ко бхаг̇аваа д̇ун̣хийбхууд̇ам̣ бхигкусан̇гхам̣ анувилогзд̇ваа бхигкуу ааманд̇зси – ‘‘аби мяааяам̣, бхигкавз, барисаа сун̃н̃аа вияа кааяад̇и бариниб̣б̣уд̇зсу саарибуд̇д̇амог̇г̇аллаанзсу. асун̃н̃аа мз, бхигкавз, барисаа ход̇и , анабзгкаа д̇ассам̣ д̣̇исааяам̣ ход̇и, яассам̣ д̣̇исааяам̣ саарибуд̇д̇амог̇г̇аллаанаа вихаранд̇и. яз хи д̇з, бхигкавз, ахзсум̣ ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа, д̇зсамби бхаг̇аванд̇аанам̣ зд̇аббарамам̣язва саавагаяуг̇ам̣ 1 ахоси – сзяяат̇ааби маяхам̣ саарибуд̇д̇амог̇г̇аллаанаа. язби д̇з, бхигкавз, бхависсанд̇и анааг̇ад̇амад̣̇д̇хаанам̣ араханд̇о саммаасамб̣уд̣̇д̇хаа, д̇зсамби бхаг̇аванд̇аанам̣ зд̇аббарамам̣язва саавагаяуг̇ам̣ бхависсад̇и – сзяяат̇ааби маяхам̣ саарибуд̇д̇амог̇г̇аллаанаа. ажчарияам̣, бхигкавз, саавагаанам̣! аб̣бхуд̇ам̣, бхигкавз, саавагаанам̣! сад̇т̇у жа наама саасанагараа бхависсанд̇и оваад̣̇аббадигараа, жад̇уннан̃жа барисаанам̣ бияаа бхависсанд̇и манаабаа г̇арубхааванийяаа жа! ажчарияам̣, бхигкавз, д̇ат̇ааг̇ад̇асса, аб̣бхуд̇ам̣, бхигкавз, д̇ат̇ааг̇ад̇асса! зваруубзби наама саавагаяуг̇з бариниб̣б̣уд̇з над̇т̇и д̇ат̇ааг̇ад̇асса сого ваа барид̣̇зво ваа! д̇ам̣ гуд̇зд̇т̇а, бхигкавз, лаб̣бхаа! яам̣ д̇ам̣ ж̇аад̇ам̣ бхууд̇ам̣ сан̇кад̇ам̣ балогад̇хаммам̣, д̇ам̣ вад̇а маа балуж̇ж̇ийд̇и – нзд̇ам̣ таанам̣ виж̇ж̇ад̇и. сзяяат̇ааби, бхигкавз, махад̇о ругкасса д̇идтад̇о сааравад̇о яз маханд̇ад̇араа канд̇хаа д̇з балуж̇ж̇зяяум̣; звамзва ко, бхигкавз, махад̇о бхигкусан̇гхасса д̇идтад̇о сааравад̇о саарибуд̇д̇амог̇г̇аллаанаа бариниб̣б̣уд̇аа. д̇ам̣ гуд̇зд̇т̇а, бхигкавз, лаб̣бхаа! яам̣ д̇ам̣ ж̇аад̇ам̣ бхууд̇ам̣ сан̇кад̇ам̣ балогад̇хаммам̣, д̇ам̣ вад̇а маа балуж̇ж̇ийд̇и – нзд̇ам̣ таанам̣ виж̇ж̇ад̇и. д̇асмаад̇иха, бхигкавз, ад̇д̇ад̣̇ийбаа вихарат̇а ад̇д̇асаран̣аа анан̃н̃асаран̣аа, д̇хаммад̣̇ийбаа д̇хаммасаран̣аа анан̃н̃асаран̣аа.
Atha kho bhagavā tuṇhībhūtaṃ bhikkhusaṅghaṃ anuviloketvā bhikkhū āmantesi – ‘‘api myāyaṃ, bhikkhave, parisā suññā viya khāyati parinibbutesu sāriputtamoggallānesu. Asuññā me, bhikkhave, parisā hoti , anapekkhā tassaṃ disāyaṃ hoti, yassaṃ disāyaṃ sāriputtamoggallānā viharanti. Ye hi te, bhikkhave, ahesuṃ atītamaddhānaṃ arahanto sammāsambuddhā, tesampi bhagavantānaṃ etapparamaṃyeva sāvakayugaṃ 2 ahosi – seyyathāpi mayhaṃ sāriputtamoggallānā. Yepi te, bhikkhave, bhavissanti anāgatamaddhānaṃ arahanto sammāsambuddhā, tesampi bhagavantānaṃ etapparamaṃyeva sāvakayugaṃ bhavissati – seyyathāpi mayhaṃ sāriputtamoggallānā. Acchariyaṃ, bhikkhave, sāvakānaṃ! Abbhutaṃ, bhikkhave, sāvakānaṃ! Satthu ca nāma sāsanakarā bhavissanti ovādappaṭikarā, catunnañca parisānaṃ piyā bhavissanti manāpā garubhāvanīyā ca! Acchariyaṃ, bhikkhave, tathāgatassa, abbhutaṃ, bhikkhave, tathāgatassa! Evarūpepi nāma sāvakayuge parinibbute natthi tathāgatassa soko vā paridevo vā! Taṃ kutettha, bhikkhave, labbhā! Yaṃ taṃ jātaṃ bhūtaṃ saṅkhataṃ palokadhammaṃ, taṃ vata mā palujjīti – netaṃ ṭhānaṃ vijjati. Seyyathāpi, bhikkhave, mahato rukkhassa tiṭṭhato sāravato ye mahantatarā khandhā te palujjeyyuṃ; evameva kho, bhikkhave, mahato bhikkhusaṅghassa tiṭṭhato sāravato sāriputtamoggallānā parinibbutā. Taṃ kutettha, bhikkhave, labbhā! Yaṃ taṃ jātaṃ bhūtaṃ saṅkhataṃ palokadhammaṃ, taṃ vata mā palujjīti – netaṃ ṭhānaṃ vijjati. Tasmātiha, bhikkhave, attadīpā viharatha attasaraṇā anaññasaraṇā, dhammadīpā dhammasaraṇā anaññasaraṇā.
‘‘гат̇ан̃жа, бхигкавз, бхигку ад̇д̇ад̣̇ийбо вихарад̇и ад̇д̇асаран̣о анан̃н̃асаран̣о, д̇хаммад̣̇ийбо д̇хаммасаран̣о анан̃н̃асаран̣о? ид̇ха, бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. звам̣ ко, бхигкавз, бхигку ад̇д̇ад̣̇ийбо вихарад̇и ад̇д̇асаран̣о анан̃н̃асаран̣о, д̇хаммад̣̇ийбо д̇хаммасаран̣о анан̃н̃асаран̣о. яз хи гзжи, бхигкавз, зд̇арахи ваа мамажжаяз ваа ад̇д̇ад̣̇ийбаа вихариссанд̇и ад̇д̇асаран̣аа анан̃н̃асаран̣аа, д̇хаммад̣̇ийбаа д̇хаммасаран̣аа анан̃н̃асаран̣аа; д̇амад̇аг̇г̇з мзд̇з, бхигкавз, бхигкуу бхависсанд̇и яз гзжи сигкаагаамаа’’д̇и. жад̇уд̇т̇ам̣.
‘‘Kathañca, bhikkhave, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Evaṃ kho, bhikkhave, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo. Ye hi keci, bhikkhave, etarahi vā mamaccaye vā attadīpā viharissanti attasaraṇā anaññasaraṇā, dhammadīpā dhammasaraṇā anaññasaraṇā; tamatagge mete, bhikkhave, bhikkhū bhavissanti ye keci sikkhākāmā’’ti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4-5. уггажзласуд̇д̇аад̣̇иван̣н̣анаа • 4-5. Ukkacelasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4-5. уггажзласуд̇д̇аад̣̇иван̣н̣анаа • 4-5. Ukkacelasuttādivaṇṇanā
