| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૮. ઉક્ખિત્તાસિકસુત્તં
8. Ukkhittāsikasuttaṃ
૧૦૩. ‘‘છ, ભિક્ખવે, આનિસંસે સમ્પસ્સમાનેન અલમેવ ભિક્ખુના સબ્બસઙ્ખારેસુ અનોધિં કરિત્વા દુક્ખસઞ્ઞં ઉપટ્ઠાપેતું. કતમે છ? ‘સબ્બસઙ્ખારેસુ ચ મે નિબ્બિદસઞ્ઞા પચ્ચુપટ્ઠિતા ભવિસ્સતિ, સેય્યથાપિ ઉક્ખિત્તાસિકે વધકે. સબ્બલોકા ચ મે મનો વુટ્ઠહિસ્સતિ, નિબ્બાને ચ સન્તદસ્સાવી ભવિસ્સામિ, અનુસયા ચ મે સમુગ્ઘાતં ગચ્છિસ્સન્તિ 1, કિચ્ચકારી ચ ભવિસ્સામિ, સત્થા ચ મે પરિચિણ્ણો ભવિસ્સતિ મેત્તાવતાયા’તિ. ઇમે ખો, ભિક્ખવે, છ આનિસંસે સમ્પસ્સમાનેન અલમેવ ભિક્ખુના સબ્બસઙ્ખારેસુ અનોધિં કરિત્વા દુક્ખસઞ્ઞં ઉપટ્ઠાપેતુ’’ન્તિ. અટ્ઠમં.
103. ‘‘Cha, bhikkhave, ānisaṃse sampassamānena alameva bhikkhunā sabbasaṅkhāresu anodhiṃ karitvā dukkhasaññaṃ upaṭṭhāpetuṃ. Katame cha? ‘Sabbasaṅkhāresu ca me nibbidasaññā paccupaṭṭhitā bhavissati, seyyathāpi ukkhittāsike vadhake. Sabbalokā ca me mano vuṭṭhahissati, nibbāne ca santadassāvī bhavissāmi, anusayā ca me samugghātaṃ gacchissanti 2, kiccakārī ca bhavissāmi, satthā ca me pariciṇṇo bhavissati mettāvatāyā’ti. Ime kho, bhikkhave, cha ānisaṃse sampassamānena alameva bhikkhunā sabbasaṅkhāresu anodhiṃ karitvā dukkhasaññaṃ upaṭṭhāpetu’’nti. Aṭṭhamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૮. ઉક્ખિત્તાસિકસુત્તવણ્ણના • 8. Ukkhittāsikasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૧. પાતુભાવસુત્તાદિવણ્ણના • 1-11. Pātubhāvasuttādivaṇṇanā
