| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೮. ಉಕ್ಖಿತ್ತಾಸಿಕಸುತ್ತಂ
8. Ukkhittāsikasuttaṃ
೧೦೩. ‘‘ಛ, ಭಿಕ್ಖವೇ, ಆನಿಸಂಸೇ ಸಮ್ಪಸ್ಸಮಾನೇನ ಅಲಮೇವ ಭಿಕ್ಖುನಾ ಸಬ್ಬಸಙ್ಖಾರೇಸು ಅನೋಧಿಂ ಕರಿತ್ವಾ ದುಕ್ಖಸಞ್ಞಂ ಉಪಟ್ಠಾಪೇತುಂ। ಕತಮೇ ಛ? ‘ಸಬ್ಬಸಙ್ಖಾರೇಸು ಚ ಮೇ ನಿಬ್ಬಿದಸಞ್ಞಾ ಪಚ್ಚುಪಟ್ಠಿತಾ ಭವಿಸ್ಸತಿ, ಸೇಯ್ಯಥಾಪಿ ಉಕ್ಖಿತ್ತಾಸಿಕೇ ವಧಕೇ। ಸಬ್ಬಲೋಕಾ ಚ ಮೇ ಮನೋ ವುಟ್ಠಹಿಸ್ಸತಿ, ನಿಬ್ಬಾನೇ ಚ ಸನ್ತದಸ್ಸಾವೀ ಭವಿಸ್ಸಾಮಿ, ಅನುಸಯಾ ಚ ಮೇ ಸಮುಗ್ಘಾತಂ ಗಚ್ಛಿಸ್ಸನ್ತಿ 1, ಕಿಚ್ಚಕಾರೀ ಚ ಭವಿಸ್ಸಾಮಿ, ಸತ್ಥಾ ಚ ಮೇ ಪರಿಚಿಣ್ಣೋ ಭವಿಸ್ಸತಿ ಮೇತ್ತಾವತಾಯಾ’ತಿ। ಇಮೇ ಖೋ, ಭಿಕ್ಖವೇ, ಛ ಆನಿಸಂಸೇ ಸಮ್ಪಸ್ಸಮಾನೇನ ಅಲಮೇವ ಭಿಕ್ಖುನಾ ಸಬ್ಬಸಙ್ಖಾರೇಸು ಅನೋಧಿಂ ಕರಿತ್ವಾ ದುಕ್ಖಸಞ್ಞಂ ಉಪಟ್ಠಾಪೇತು’’ನ್ತಿ। ಅಟ್ಠಮಂ।
103. ‘‘Cha, bhikkhave, ānisaṃse sampassamānena alameva bhikkhunā sabbasaṅkhāresu anodhiṃ karitvā dukkhasaññaṃ upaṭṭhāpetuṃ. Katame cha? ‘Sabbasaṅkhāresu ca me nibbidasaññā paccupaṭṭhitā bhavissati, seyyathāpi ukkhittāsike vadhake. Sabbalokā ca me mano vuṭṭhahissati, nibbāne ca santadassāvī bhavissāmi, anusayā ca me samugghātaṃ gacchissanti 2, kiccakārī ca bhavissāmi, satthā ca me pariciṇṇo bhavissati mettāvatāyā’ti. Ime kho, bhikkhave, cha ānisaṃse sampassamānena alameva bhikkhunā sabbasaṅkhāresu anodhiṃ karitvā dukkhasaññaṃ upaṭṭhāpetu’’nti. Aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೮. ಉಕ್ಖಿತ್ತಾಸಿಕಸುತ್ತವಣ್ಣನಾ • 8. Ukkhittāsikasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೧. ಪಾತುಭಾವಸುತ್ತಾದಿವಣ್ಣನಾ • 1-11. Pātubhāvasuttādivaṇṇanā
