| Library / Tipiṭaka / તિપિટક • Tipiṭaka / મહાવિભઙ્ગ-અટ્ઠકથા • Mahāvibhaṅga-aṭṭhakathā |
૩. ઉક્કોટનસિક્ખાપદવણ્ણના
3. Ukkoṭanasikkhāpadavaṇṇanā
૩૯૨. તતિયસિક્ખાપદે – ઉક્કોટેન્તીતિ તસ્સ તસ્સ ભિક્ખુનો સન્તિકં ગન્ત્વા ‘‘અકતં કમ્મ’’ન્તિઆદીનિ વદન્તા ઉચ્ચાલેન્તિ; યથાપતિટ્ઠિતભાવેન પતિટ્ઠાતું ન દેન્તિ.
392. Tatiyasikkhāpade – ukkoṭentīti tassa tassa bhikkhuno santikaṃ gantvā ‘‘akataṃ kamma’’ntiādīni vadantā uccālenti; yathāpatiṭṭhitabhāvena patiṭṭhātuṃ na denti.
૩૯૩. યથાધમ્મન્તિ યો યસ્સ અધિકરણસ્સ વૂપસમનાય ધમ્મો વુત્તો, તેનેવ ધમ્મેનાતિ અત્થો. નિહતાધિકરણન્તિ નિહતં અધિકરણં; સત્થારા વુત્તધમ્મેનેવ વૂપસમિતં અધિકરણન્તિ અત્થો.
393.Yathādhammanti yo yassa adhikaraṇassa vūpasamanāya dhammo vutto, teneva dhammenāti attho. Nihatādhikaraṇanti nihataṃ adhikaraṇaṃ; satthārā vuttadhammeneva vūpasamitaṃ adhikaraṇanti attho.
૩૯૫. ધમ્મકમ્મે ધમ્મકમ્મસઞ્ઞીતિ યેન કમ્મેન તં અધિકરણં વૂપસમિતં, તઞ્ચે ધમ્મકમ્મં હોતિ, તસ્મિં ધમ્મકમ્મે અયમ્પિ ધમ્મકમ્મસઞ્ઞી હુત્વા યદિ ઉક્કોટેતિ, પાચિત્તિયં આપજ્જતીતિ અત્થો. એતેન નયેન સેસપદાનિપિ વેદિતબ્બાનિ. અયમેત્થ સઙ્ખેપો, વિત્થારો પન ‘‘ઇમેસં ચતુન્નં અધિકરણાનં કતિ ઉક્કોટના’’તિઆદિના નયેન પરિવારે વુત્તો. અટ્ઠકથાસુ તં સબ્બં આહરિત્વા તસ્સેવત્થો વણ્ણિતો. મયં પન તં તત્થેવ વણ્ણયિસ્સામ. ઇધ આહરિત્વા વણ્ણિયમાને હિ સુટ્ઠુતરં સમ્મોહો ભવેય્યાતિ ન વણ્ણયિમ્હ. સેસમેત્થ ઉત્તાનમેવ. તિસમુટ્ઠાનં – કિરિયં, સઞ્ઞાવિમોક્ખં, સચિત્તકં, લોકવજ્જં, કાયકમ્મં, વચીકમ્મં, અકુસલચિત્તં, દુક્ખવેદનન્તિ.
395.Dhammakamme dhammakammasaññīti yena kammena taṃ adhikaraṇaṃ vūpasamitaṃ, tañce dhammakammaṃ hoti, tasmiṃ dhammakamme ayampi dhammakammasaññī hutvā yadi ukkoṭeti, pācittiyaṃ āpajjatīti attho. Etena nayena sesapadānipi veditabbāni. Ayamettha saṅkhepo, vitthāro pana ‘‘imesaṃ catunnaṃ adhikaraṇānaṃ kati ukkoṭanā’’tiādinā nayena parivāre vutto. Aṭṭhakathāsu taṃ sabbaṃ āharitvā tassevattho vaṇṇito. Mayaṃ pana taṃ tattheva vaṇṇayissāma. Idha āharitvā vaṇṇiyamāne hi suṭṭhutaraṃ sammoho bhaveyyāti na vaṇṇayimha. Sesamettha uttānameva. Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ઉક્કોટનસિક્ખાપદં તતિયં.
Ukkoṭanasikkhāpadaṃ tatiyaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૭. સપ્પાણકવગ્ગો • 7. Sappāṇakavaggo
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૩. ઉક્કોટનસિક્ખાપદવણ્ણના • 3. Ukkoṭanasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૩. ઉક્કોટનસિક્ખાપદવણ્ણના • 3. Ukkoṭanasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૩. ઉક્કોટનસિક્ખાપદવણ્ણના • 3. Ukkoṭanasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૩. ઉક્કોટનસિક્ખાપદં • 3. Ukkoṭanasikkhāpadaṃ
