| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[270] 10. улуугаж̇аад̇агаван̣н̣анаа
[270] 10. Ulūkajātakavaṇṇanā
саб̣б̣зхи гира н̃аад̇ийхийд̇и ид̣̇ам̣ сад̇т̇аа ж̇зд̇аванз вихаранд̇о гааголуугагалахам̣ аараб̣бха гат̇зси. д̇асмин̃хи гаалз гаагаа д̣̇иваа улуугз каад̣̇анд̇и, улуугаа суурияад̇т̇ан̇г̇аманад̇о бадтааяа д̇ад̇т̇а д̇ад̇т̇а саяид̇аанам̣ гаагаанам̣ сийсаани чинд̣̇ид̇ваа д̇з ж̇ийвид̇агкаяам̣ баабзнд̇и. ат̇згасса бхигкуно ж̇зд̇аванабажжанд̇з згасмим̣ баривзн̣з васанд̇асса саммаж̇ж̇анагаалз ругкад̇о бад̇ид̇аани сад̇д̇адтанаал̣имад̇д̇ааниби б̣ахуд̇арааниби гаагасийсаани чад̣д̣зд̇аб̣б̣аани хонд̇и. со д̇амад̇т̇ам̣ бхигкуунам̣ аарожзси. бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, амугасса гира бхигкуно васанадтаанз д̣̇ивасз д̣̇ивасз зд̇д̇агаани наама гаагасийсаани чад̣д̣зд̇аб̣б̣аани хонд̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчи, бхигкуу ‘‘имааяа наамаа’’д̇и вад̇ваа ‘‘гад̣̇аа бадтааяа бана, бханд̇з, гаагаанан̃жа улуугаанан̃жа ан̃н̃аман̃н̃ам̣ взрам̣ уббанна’’нд̇и бужчим̣су, сад̇т̇аа ‘‘батамагаббигагаалад̇о бадтааяаа’’д̇и вад̇ваа ад̇ийд̇ам̣ аахари.
Sabbehi kira ñātīhīti idaṃ satthā jetavane viharanto kākolūkakalahaṃ ārabbha kathesi. Tasmiñhi kāle kākā divā ulūke khādanti, ulūkā sūriyatthaṅgamanato paṭṭhāya tattha tattha sayitānaṃ kākānaṃ sīsāni chinditvā te jīvitakkhayaṃ pāpenti. Athekassa bhikkhuno jetavanapaccante ekasmiṃ pariveṇe vasantassa sammajjanakāle rukkhato patitāni sattaṭṭhanāḷimattānipi bahutarānipi kākasīsāni chaḍḍetabbāni honti. So tamatthaṃ bhikkhūnaṃ ārocesi. Bhikkhū dhammasabhāyaṃ kathaṃ samuṭṭhāpesuṃ – ‘‘āvuso, amukassa kira bhikkhuno vasanaṭṭhāne divase divase ettakāni nāma kākasīsāni chaḍḍetabbāni hontī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchi, bhikkhū ‘‘imāya nāmā’’ti vatvā ‘‘kadā paṭṭhāya pana, bhante, kākānañca ulūkānañca aññamaññaṃ veraṃ uppanna’’nti pucchiṃsu, satthā ‘‘paṭhamakappikakālato paṭṭhāyā’’ti vatvā atītaṃ āhari.
ад̇ийд̇з батамагаббигаа мануссаа саннибад̇ид̇ваа згам̣ абхируубам̣ собхаг̇г̇аббад̇д̇ам̣ аажаарасамбаннам̣ саб̣б̣аагаарабарибун̣н̣ам̣ бурисам̣ г̇ахзд̇ваа рааж̇аанам̣ гарим̣су, жад̇уббад̣̇ааби саннибад̇ид̇ваа згам̣ сийхам̣ рааж̇аанам̣ агам̣су, махаасамуд̣̇д̣̇з мажчаа аананд̣̇ам̣ наама мажчам̣ рааж̇аанам̣ агам̣су. д̇ад̇о сагун̣аг̇ан̣аа химаванд̇абад̣̇зсз згасмим̣ бидтибаасаан̣з саннибад̇ид̇ваа ‘‘мануссзсу рааж̇аа бан̃н̃ааяад̇и, д̇ат̇аа жад̇уббад̣̇зсу жзва мажчзсу жа. амхаагам̣ бананд̇арз рааж̇аа наама над̇т̇и, аббад̇иссаваасо наама на ваддад̇и, амхаагамби рааж̇аанам̣ лад̣̇д̇хум̣ ваддад̇и, згам̣ рааж̇адтаанз табзд̇аб̣б̣аяуд̇д̇агам̣ ж̇аанаат̇аа’’д̇и. д̇з д̇аад̣̇исам̣ сагун̣ам̣ ологаяамаанаа згам̣ улуугам̣ рожзд̇ваа ‘‘аяам̣ но ружжад̇ий’’д̇и аахам̣су. ат̇зго сагун̣о саб̣б̣зсам̣ аж̇жхаасаяаг̇г̇ахан̣ад̇т̇ам̣ д̇игкад̇д̇ум̣ саавзси. д̇асса саавзнд̇асса д̣̇вз сааванаа ад̇хиваасзд̇ваа д̇ад̇ияасааванааяа зго гааго удтааяа ‘‘д̇идта д̇аавзд̇асса имасмим̣ рааж̇аабхисзгагаалз зваруубам̣ мукам̣ бхавад̇и, гуд̣̇д̇хасса гийд̣̇исам̣ бхависсад̇и, иминаа хи гуд̣̇д̇хзна ологид̇аа маяам̣ д̇ад̇д̇агабаалз багкид̇д̇алон̣ам̣ вияа д̇ад̇т̇а д̇ад̇т̇зва бхиж̇ж̇иссаама, имам̣ рааж̇аанам̣ гаад̇ум̣ маяхам̣ на ружжад̇ий’’д̇и имамад̇т̇ам̣ багаасзд̇ум̣ батамам̣ г̇аат̇амааха –
Atīte paṭhamakappikā manussā sannipatitvā ekaṃ abhirūpaṃ sobhaggappattaṃ ācārasampannaṃ sabbākāraparipuṇṇaṃ purisaṃ gahetvā rājānaṃ kariṃsu, catuppadāpi sannipatitvā ekaṃ sīhaṃ rājānaṃ akaṃsu, mahāsamudde macchā ānandaṃ nāma macchaṃ rājānaṃ akaṃsu. Tato sakuṇagaṇā himavantapadese ekasmiṃ piṭṭhipāsāṇe sannipatitvā ‘‘manussesu rājā paññāyati, tathā catuppadesu ceva macchesu ca. Amhākaṃ panantare rājā nāma natthi, appatissavāso nāma na vaṭṭati, amhākampi rājānaṃ laddhuṃ vaṭṭati, ekaṃ rājaṭṭhāne ṭhapetabbayuttakaṃ jānāthā’’ti. Te tādisaṃ sakuṇaṃ olokayamānā ekaṃ ulūkaṃ rocetvā ‘‘ayaṃ no ruccatī’’ti āhaṃsu. Atheko sakuṇo sabbesaṃ ajjhāsayaggahaṇatthaṃ tikkhattuṃ sāvesi. Tassa sāventassa dve sāvanā adhivāsetvā tatiyasāvanāya eko kāko uṭṭhāya ‘‘tiṭṭha tāvetassa imasmiṃ rājābhisekakāle evarūpaṃ mukhaṃ bhavati, kuddhassa kīdisaṃ bhavissati, iminā hi kuddhena olokitā mayaṃ tattakapāle pakkhittaloṇaṃ viya tattha tattheva bhijjissāma, imaṃ rājānaṃ kātuṃ mayhaṃ na ruccatī’’ti imamatthaṃ pakāsetuṃ paṭhamaṃ gāthamāha –
58.
58.
‘‘саб̣б̣зхи гира н̃аад̇ийхи, госияо иссаро гад̇о;
‘‘Sabbehi kira ñātīhi, kosiyo issaro kato;
сажз н̃аад̇ийханун̃н̃аад̇о, бхан̣зяяаахам̣ згаваажига’’нд̇и.
Sace ñātīhanuññāto, bhaṇeyyāhaṃ ekavācika’’nti.
д̇ассад̇т̇о – яаа зсаа сааванаа вад̇д̇ад̇и, д̇ам̣ суд̇ваа вад̣̇аами. саб̣б̣зхи гира имзхи самааг̇ад̇зхи н̃аад̇ийхи аяам̣ госияо рааж̇аа гад̇о. сажз банаахам̣ н̃аад̇ийхи анун̃н̃аад̇о бхавзяяам̣, зд̇т̇а вад̇д̇аб̣б̣ам̣ згаваажигам̣ гин̃жи бхан̣зяяанд̇и.
Tassattho – yā esā sāvanā vattati, taṃ sutvā vadāmi. Sabbehi kira imehi samāgatehi ñātīhi ayaṃ kosiyo rājā kato. Sace panāhaṃ ñātīhi anuññāto bhaveyyaṃ, ettha vattabbaṃ ekavācikaṃ kiñci bhaṇeyyanti.
ат̇а нам̣ ануж̇аананд̇аа сагун̣аа д̣̇уд̇ияам̣ г̇аат̇амаахам̣су –
Atha naṃ anujānantā sakuṇā dutiyaṃ gāthamāhaṃsu –
59.
59.
‘‘бхан̣а самма анун̃н̃аад̇о, ад̇т̇ам̣ д̇хамман̃жа гзвалам̣;
‘‘Bhaṇa samma anuññāto, atthaṃ dhammañca kevalaṃ;
санд̇и хи д̣̇ахараа багкий, бан̃н̃аванд̇о ж̇уд̇инд̇хараа’’д̇и.
Santi hi daharā pakkhī, paññavanto jutindharā’’ti.
д̇ад̇т̇а бхан̣а, самма, анун̃н̃аад̇од̇и, самма, вааяаса д̇вам̣ амхзхи саб̣б̣зхи анун̃н̃аад̇о, яам̣ д̇з бхан̣ид̇аб̣б̣ам̣, д̇ам̣ бхан̣а. ад̇т̇ам̣ д̇хамман̃жа гзваланд̇и бхан̣анд̇о жа гааран̣ан̃жзва бавзн̣иааг̇ад̇ан̃жа важанам̣ амун̃жид̇ваа бхан̣а. бан̃н̃аванд̇о ж̇уд̇инд̇хараад̇и бан̃н̃аасамбаннаа жзва н̃аан̣обхаасад̇хараа жа д̣̇ахарааби багкино ад̇т̇иязва.
Tattha bhaṇa, samma, anuññātoti, samma, vāyasa tvaṃ amhehi sabbehi anuññāto, yaṃ te bhaṇitabbaṃ, taṃ bhaṇa. Atthaṃ dhammañca kevalanti bhaṇanto ca kāraṇañceva paveṇiāgatañca vacanaṃ amuñcitvā bhaṇa. Paññavanto jutindharāti paññāsampannā ceva ñāṇobhāsadharā ca daharāpi pakkhino atthiyeva.
со звам̣ анун̃н̃аад̇о д̇ад̇ияам̣ г̇аат̇амааха –
So evaṃ anuññāto tatiyaṃ gāthamāha –
60.
60.
‘‘на мз ружжад̇и бхад̣̇д̣̇ам̣ во, улуугассаабхисзжанам̣;
‘‘Na me ruccati bhaddaṃ vo, ulūkassābhisecanaṃ;
аггуд̣̇д̇хасса мукам̣ басса, гат̇ам̣ гуд̣̇д̇хо гариссад̇ий’’д̇и.
Akkuddhassa mukhaṃ passa, kathaṃ kuddho karissatī’’ti.
д̇ассад̇т̇о – бхад̣̇д̣̇ам̣ д̇умхаагам̣ ход̇у, яам̣ банзд̇ам̣ д̇игкад̇д̇ум̣ сааванаваажааяа улуугасса абхисзжанам̣ гарийяад̇и, зд̇ам̣ маяхам̣ на ружжад̇и. зд̇асса хи ид̣̇аани д̇удтажид̇д̇асса аггуд̣̇д̇хасса мукам̣ бассат̇а, гуд̣̇д̇хо банааяам̣ гат̇ам̣ гариссад̇ийд̇и на ж̇аанаами, саб̣б̣ат̇ааби зд̇ам̣ маяхам̣ на ружжад̇ийд̇и.
Tassattho – bhaddaṃ tumhākaṃ hotu, yaṃ panetaṃ tikkhattuṃ sāvanavācāya ulūkassa abhisecanaṃ karīyati, etaṃ mayhaṃ na ruccati. Etassa hi idāni tuṭṭhacittassa akkuddhassa mukhaṃ passatha, kuddho panāyaṃ kathaṃ karissatīti na jānāmi, sabbathāpi etaṃ mayhaṃ na ruccatīti.
со звам̣ вад̇ваа ‘‘маяхам̣ на ружжад̇и, маяхам̣ на ружжад̇ий’’д̇и вираванд̇о аагаасз уббад̇и, улуугоби нам̣ удтааяа ануб̣анд̇хи. д̇ад̇о бадтааяа д̇з ан̃н̃аман̃н̃ам̣ взрам̣ б̣анд̇хим̣су. сагун̣аа суван̣н̣ахам̣сам̣ рааж̇аанам̣ гад̇ваа баггамим̣су.
So evaṃ vatvā ‘‘mayhaṃ na ruccati, mayhaṃ na ruccatī’’ti viravanto ākāse uppati, ulūkopi naṃ uṭṭhāya anubandhi. Tato paṭṭhāya te aññamaññaṃ veraṃ bandhiṃsu. Sakuṇā suvaṇṇahaṃsaṃ rājānaṃ katvā pakkamiṃsu.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз б̣ахуу сод̇аабаннаад̣̇аяо ахзсум̣. ‘‘д̇ад̣̇аа раж̇ж̇з абхисид̇д̇ахам̣сабод̇о ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne bahū sotāpannādayo ahesuṃ. ‘‘Tadā rajje abhisittahaṃsapoto ahameva ahosi’’nti.
улуугаж̇аад̇агаван̣н̣анаа д̣̇асамаа.
Ulūkajātakavaṇṇanā dasamā.
бад̣̇умаваг̇г̇о д̣̇уд̇ияо.
Padumavaggo dutiyo.
д̇ассуд̣̇д̣̇аанам̣ –
Tassuddānaṃ –
бад̣̇умам̣ муд̣̇убаан̣ий жа, балобханам̣ банаад̣̇агам̣;
Padumaṃ mudupāṇī ca, palobhanaṃ panādakaṃ;
кураббам̣ синд̇хаван̃жзва, гаггадаа, раамад̣̇уусагам̣;
Khurappaṃ sindhavañceva, kakkaṭā, rāmadūsakaṃ;
суж̇аад̇ам̣ улуугам̣ д̣̇аса.
Sujātaṃ ulūkaṃ dasa.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 270. улуугаж̇аад̇агам̣ • 270. Ulūkajātakaṃ
