Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

    [542] 5. уман̇г̇аж̇аад̇агаван̣н̣анаа

    [542] 5. Umaṅgajātakavaṇṇanā

    бан̃жаало саб̣б̣асзнааяаад̇и ид̣̇ам̣ сад̇т̇аа ж̇зд̇аванз вихаранд̇о бан̃н̃аабаарамим̣ аараб̣бха гат̇зси. згад̣̇ивасан̃хи бхигкуу д̇хаммасабхааяам̣ саннисиннаа д̇ат̇ааг̇ад̇асса бан̃н̃аабаарамим̣ ван̣н̣аяанд̇аа нисийд̣̇им̣су ‘‘махаабан̃н̃о, аавусо, д̇ат̇ааг̇ад̇о бут̇убан̃н̃о г̇амбхийрабан̃н̃о хаасабан̃н̃о ж̇аванабан̃н̃о д̇игкабан̃н̃о ниб̣б̣зд̇хигабан̃н̃о бараббаваад̣̇амад̣̇д̣̇ано, ад̇д̇ано бан̃н̃аанубхаавзна гуудад̣̇анд̇аад̣̇аяо б̣раахман̣з, сабхияаад̣̇аяо бариб̣б̣ааж̇агз, ан̇г̇улимаалаад̣̇аяо жорз, аал̣авагаад̣̇аяо яагкз, саггаад̣̇аяо д̣̇звз, б̣агаад̣̇аяо б̣рахмаано жа д̣̇амзд̇ваа ниб̣б̣исзванз агааси, б̣ахуж̇анагааяз баб̣б̣аж̇ж̇ам̣ д̣̇ад̇ваа маг̇г̇апалзсу бад̇идтаабзси, звам̣ махаабан̃н̃о, аавусо, сад̇т̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, д̇ат̇ааг̇ад̇о ид̣̇аанзва бан̃н̃аваа, ад̇ийд̇зби абарибаггз н̃аан̣з б̣од̇хин̃аан̣ад̇т̇ааяа жарияам̣ жаранд̇оби бан̃н̃авааязваа’’д̇и вад̇ваа д̇зхи яаажид̇о ад̇ийд̇ам̣ аахари.

    Pañcālosabbasenāyāti idaṃ satthā jetavane viharanto paññāpāramiṃ ārabbha kathesi. Ekadivasañhi bhikkhū dhammasabhāyaṃ sannisinnā tathāgatassa paññāpāramiṃ vaṇṇayantā nisīdiṃsu ‘‘mahāpañño, āvuso, tathāgato puthupañño gambhīrapañño hāsapañño javanapañño tikkhapañño nibbedhikapañño parappavādamaddano, attano paññānubhāvena kūṭadantādayo brāhmaṇe, sabhiyādayo paribbājake, aṅgulimālādayo core, āḷavakādayo yakkhe, sakkādayo deve, bakādayo brahmāno ca dametvā nibbisevane akāsi, bahujanakāye pabbajjaṃ datvā maggaphalesu patiṭṭhāpesi, evaṃ mahāpañño, āvuso, satthā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, tathāgato idāneva paññavā, atītepi aparipakke ñāṇe bodhiñāṇatthāya cariyaṃ carantopi paññavāyevā’’ti vatvā tehi yācito atītaṃ āhari.

    ад̇ийд̇з вид̣̇зхарадтз мит̇илааяам̣ взд̣̇зхо наама рааж̇аа раж̇ж̇ам̣ гаарзси. д̇асса ад̇т̇ад̇хаммаанусаасагаа жад̇д̇ааро бан̣д̣ид̇аа ахзсум̣ сзнаго, буггусо, гааминд̣̇о, д̣̇звинд̣̇о жаад̇и. д̇ад̣̇аа рааж̇аа б̣од̇хисад̇д̇асса бадисанд̇хиг̇г̇ахан̣ад̣̇ивасз бажжуусагаалз зваруубам̣ субинам̣ ад̣̇д̣̇аса – рааж̇ан̇г̇ан̣з жад̇уусу гон̣зсу жад̇д̇ааро аг̇г̇игканд̇хаа махаабаагаараббамаан̣аа удтааяа баж̇ж̇аланд̇и. д̇зсам̣ маж̇жхз каж̇ж̇обанагаббамаан̣о аг̇г̇игканд̣̇о удтахид̇ваа д̇ан̇кан̣ан̃н̃зва жад̇д̇ааро аг̇г̇игканд̇хз ад̇иггамид̇ваа яаава б̣рахмалогаа удтааяа сагалажаггаваал̣ам̣ обхаасзд̇ваа тид̇о, бхуумияам̣ бад̇ид̇о саасабаб̣ийж̇амад̇д̇амби бан̃н̃ааяад̇и. д̇ам̣ сад̣̇звагаа логаа самаарагаа саб̣рахмагаа г̇анд̇хамаалаад̣̇ийхи бууж̇знд̇и, махааж̇ано ж̇ааланд̇арзнзва жарад̇и, ломагуубамад̇д̇амби ун̣хам̣ на г̇ан̣хаад̇и. рааж̇аа имам̣ субинам̣ д̣̇исваа бхийд̇ад̇асид̇о удтааяа ‘‘гим̣ ну ко мз бхависсад̇ий’’д̇и жинд̇знд̇о нисиннагова арун̣ам̣ удтаабзси.

    Atīte videharaṭṭhe mithilāyaṃ vedeho nāma rājā rajjaṃ kāresi. Tassa atthadhammānusāsakā cattāro paṇḍitā ahesuṃ senako, pukkuso, kāmindo, devindo cāti. Tadā rājā bodhisattassa paṭisandhiggahaṇadivase paccūsakāle evarūpaṃ supinaṃ addasa – rājaṅgaṇe catūsu koṇesu cattāro aggikkhandhā mahāpākārappamāṇā uṭṭhāya pajjalanti. Tesaṃ majjhe khajjopanakappamāṇo aggikkhando uṭṭhahitvā taṅkhaṇaññeva cattāro aggikkhandhe atikkamitvā yāva brahmalokā uṭṭhāya sakalacakkavāḷaṃ obhāsetvā ṭhito, bhūmiyaṃ patito sāsapabījamattampi paññāyati. Taṃ sadevakā lokā samārakā sabrahmakā gandhamālādīhi pūjenti, mahājano jālantareneva carati, lomakūpamattampi uṇhaṃ na gaṇhāti. Rājā imaṃ supinaṃ disvā bhītatasito uṭṭhāya ‘‘kiṃ nu kho me bhavissatī’’ti cintento nisinnakova aruṇaṃ uṭṭhāpesi.

    жад̇д̇аароби бан̣д̣ид̇аа баад̇овааг̇анд̇ваа ‘‘гажжи, д̣̇зва, сукам̣ саяид̇т̇аа’’д̇и сукасзяяам̣ бужчим̣су. со ‘‘гуд̇о мз сукасзяяам̣ лад̣̇д̇ха’’нд̇и вад̇ваа ‘‘зваруубо мз субино д̣̇идто’’д̇и саб̣б̣ам̣ гат̇зси. ат̇а нам̣ сзнагабан̣д̣ид̇о ‘‘маа бхааяи, махаарааж̇а, ман̇г̇аласубино зса, вуд̣̇д̇хи во бхависсад̇ий’’д̇и вад̇ваа ‘‘гим̣ гааран̣аа аажарияаа’’д̇и вуд̇д̇з ‘‘махаарааж̇а, амхз жад̇д̇ааро бан̣д̣ид̇з абхибхавид̇ваа ан̃н̃о во бан̃жамо бан̣д̣ид̇о уббаж̇ж̇иссад̇и, маяан̃хи жад̇д̇ааро бан̣д̣ид̇аа жад̇д̇ааро аг̇г̇игканд̇хаа вияа, д̇зсам̣ маж̇жхз уббанно аг̇г̇игканд̇хо вияа ан̃н̃о бан̃жамо бан̣д̣ид̇о уббаж̇ж̇иссад̇и, со сад̣̇звагз логз асад̣̇исо бхависсад̇ий’’д̇и вад̇ваа ‘‘ид̣̇аани банзса гухи’’нд̇и вуд̇д̇з ‘‘махаарааж̇а, аж̇ж̇а д̇асса бадисанд̇хиг̇г̇ахан̣зна ваа маад̇угужчид̇о нигкаманзна ваа бхавид̇аб̣б̣а’’нд̇и ад̇д̇ано сиббаб̣алзна д̣̇иб̣б̣ажагкунаа д̣̇идто вияа б̣яаагааси. рааж̇ааби д̇ад̇о бадтааяа д̇ам̣ важанам̣ ануссари.

    Cattāropi paṇḍitā pātovāgantvā ‘‘kacci, deva, sukhaṃ sayitthā’’ti sukhaseyyaṃ pucchiṃsu. So ‘‘kuto me sukhaseyyaṃ laddha’’nti vatvā ‘‘evarūpo me supino diṭṭho’’ti sabbaṃ kathesi. Atha naṃ senakapaṇḍito ‘‘mā bhāyi, mahārāja, maṅgalasupino esa, vuddhi vo bhavissatī’’ti vatvā ‘‘kiṃ kāraṇā ācariyā’’ti vutte ‘‘mahārāja, amhe cattāro paṇḍite abhibhavitvā añño vo pañcamo paṇḍito uppajjissati, mayañhi cattāro paṇḍitā cattāro aggikkhandhā viya, tesaṃ majjhe uppanno aggikkhandho viya añño pañcamo paṇḍito uppajjissati, so sadevake loke asadiso bhavissatī’’ti vatvā ‘‘idāni panesa kuhi’’nti vutte ‘‘mahārāja, ajja tassa paṭisandhiggahaṇena vā mātukucchito nikkhamanena vā bhavitabba’’nti attano sippabalena dibbacakkhunā diṭṭho viya byākāsi. Rājāpi tato paṭṭhāya taṃ vacanaṃ anussari.

    мит̇илааяам̣ бана жад̇уусу д̣̇ваарзсу баажийнаяавамаж̇жхаго, д̣̇агкин̣аяавамаж̇жхаго, бажчимаяавамаж̇жхаго, уд̇д̇араяавамаж̇жхагод̇и жад̇д̇ааро г̇аамаа ахзсум̣. д̇зсу баажийнаяавамаж̇жхагз сиривад̣дхано наама сздти бадивасад̇и, суманад̣̇звий наамасса бхарияаа ахоси. махаасад̇д̇о д̇ам̣ д̣̇ивасам̣ ран̃н̃аа субинасса д̣̇идтавзлааяа д̇аавад̇им̣сабхаванад̇о жавид̇ваа д̇ассаа гужчимхи бадисанд̇хим̣ г̇ан̣хи. д̇асмим̣язва гаалз абарзби д̣̇звабуд̇д̇асахассаа д̇аавад̇им̣сабхаванад̇о жавид̇ваа д̇асмим̣язва г̇аамз сздтаанусздтийнам̣ гулзсу бадисанд̇хим̣ г̇ан̣хим̣су. суманад̣̇звийби д̣̇асамаасажжаязна суван̣н̣аван̣н̣ам̣ буд̇д̇ам̣ виж̇ааяи. д̇асмим̣ кан̣з сагго мануссалогам̣ ологзнд̇о махаасад̇д̇асса маад̇угужчид̇о нигкаманабхаавам̣ н̃ад̇ваа ‘‘имам̣ б̣уд̣̇д̇хан̇гурам̣ сад̣̇звагз логз баагадам̣ гаад̇ум̣ ваддад̇ий’’д̇и махаасад̇д̇асса маад̇угужчид̇о нигканд̇агкан̣з ад̣̇иссамаанагааязна г̇анд̇ваа д̇асса хад̇т̇з згам̣ осад̇хагхадигам̣ табзд̇ваа сагадтаанамзва г̇ад̇о. махаасад̇д̇о д̇ам̣ мудтим̣ гад̇ваа г̇ан̣хи. д̇асмим̣ бана маад̇угужчид̇о нигканд̇з маад̇у аббамад̇д̇агамби д̣̇угкам̣ наахоси, д̇хамагаран̣ад̇о уд̣̇агамива сукзна нигками.

    Mithilāyaṃ pana catūsu dvāresu pācīnayavamajjhako, dakkhiṇayavamajjhako, pacchimayavamajjhako, uttarayavamajjhakoti cattāro gāmā ahesuṃ. Tesu pācīnayavamajjhake sirivaḍḍhano nāma seṭṭhi paṭivasati, sumanadevī nāmassa bhariyā ahosi. Mahāsatto taṃ divasaṃ raññā supinassa diṭṭhavelāya tāvatiṃsabhavanato cavitvā tassā kucchimhi paṭisandhiṃ gaṇhi. Tasmiṃyeva kāle aparepi devaputtasahassā tāvatiṃsabhavanato cavitvā tasmiṃyeva gāme seṭṭhānuseṭṭhīnaṃ kulesu paṭisandhiṃ gaṇhiṃsu. Sumanadevīpi dasamāsaccayena suvaṇṇavaṇṇaṃ puttaṃ vijāyi. Tasmiṃ khaṇe sakko manussalokaṃ olokento mahāsattassa mātukucchito nikkhamanabhāvaṃ ñatvā ‘‘imaṃ buddhaṅkuraṃ sadevake loke pākaṭaṃ kātuṃ vaṭṭatī’’ti mahāsattassa mātukucchito nikkhantakkhaṇe adissamānakāyena gantvā tassa hatthe ekaṃ osadhaghaṭikaṃ ṭhapetvā sakaṭṭhānameva gato. Mahāsatto taṃ muṭṭhiṃ katvā gaṇhi. Tasmiṃ pana mātukucchito nikkhante mātu appamattakampi dukkhaṃ nāhosi, dhamakaraṇato udakamiva sukhena nikkhami.

    саа д̇асса хад̇т̇з осад̇хагхадигам̣ д̣̇исваа ‘‘д̇аад̇а, гим̣ д̇з лад̣̇д̇ха’’нд̇и ааха. ‘‘осад̇хам̣, аммаа’’д̇и д̣̇иб̣б̣осад̇хам̣ маад̇у хад̇т̇з табзси. табзд̇ваа жа бана ‘‘амма, ид̣̇ам̣ осад̇хам̣ язна гзнажи ааб̣аад̇хзна ааб̣аад̇хигаанам̣ д̣̇зт̇аа’’д̇и ааха. саа д̇удтабахадтаа сиривад̣дханасздтино аарожзси. д̇асса бана сад̇д̇авассиго сийсааб̣аад̇хо ад̇т̇и. со д̇удтабахадто худ̇ваа ‘‘аяам̣ маад̇угужчид̇о ж̇ааяамаано осад̇хам̣ г̇ахзд̇ваа ааг̇ад̇о, ж̇аад̇агкан̣зязва маад̇араа сад̣̇д̇хим̣ гат̇зси, зваруубзна бун̃н̃авад̇аа д̣̇иннам̣ осад̇хам̣ махаанубхаавам̣ бхависсад̇ий’’д̇и жинд̇зд̇ваа д̇ам̣ осад̇хам̣ г̇ахзд̇ваа нисад̣̇ааяам̣ гхам̣сид̇ваа т̇огам̣ налаадз магкзси. д̇асмим̣ кан̣з д̇асса сад̇д̇авассиго сийсааб̣аад̇хо бад̣̇умабад̇д̇ад̇о уд̣̇агам̣ вияа нивад̇д̇ид̇ваа г̇ад̇о. со ‘‘махаанубхаавам̣ осад̇ха’’нд̇и соманассаббад̇д̇о ахоси. махаасад̇д̇асса осад̇хам̣ г̇ахзд̇ваа ааг̇ад̇абхааво саб̣б̣ад̇т̇а баагадо ж̇аад̇о. яз гзжи ааб̣аад̇хигаа, саб̣б̣з сздтисса г̇зхам̣ г̇анд̇ваа осад̇хам̣ яаажанд̇и. саб̣б̣зсам̣ нисад̣̇ааяам̣ гхам̣сид̇ваа т̇огам̣ г̇ахзд̇ваа уд̣̇агзна аал̣олзд̇ваа д̣̇зд̇и . д̣̇иб̣б̣осад̇хзна сарийрз магкид̇амад̇д̇зязва саб̣б̣ааб̣аад̇хаа вуубасамманд̇и. сукид̇аа мануссаа ‘‘сиривад̣дханасздтино г̇зхз осад̇хасса маханд̇о аанубхааво’’д̇и ван̣н̣аяанд̇аа баггамим̣су. махаасад̇д̇асса бана наамаг̇г̇ахан̣ад̣̇ивасз махаасздти ‘‘мама буд̇д̇асса аяяагаад̣̇ийнам̣ на наамзна ад̇т̇о ад̇т̇и, ж̇ааяамаанасса осад̇хам̣ г̇ахзд̇ваа ааг̇ад̇ад̇д̇аа осад̇ханаамагова ход̇уу’’д̇и вад̇ваа ‘‘махосад̇хагумааро’’д̇взвасса наамамагааси.

    Sā tassa hatthe osadhaghaṭikaṃ disvā ‘‘tāta, kiṃ te laddha’’nti āha. ‘‘Osadhaṃ, ammā’’ti dibbosadhaṃ mātu hatthe ṭhapesi. Ṭhapetvā ca pana ‘‘amma, idaṃ osadhaṃ yena kenaci ābādhena ābādhikānaṃ dethā’’ti āha. Sā tuṭṭhapahaṭṭhā sirivaḍḍhanaseṭṭhino ārocesi. Tassa pana sattavassiko sīsābādho atthi. So tuṭṭhapahaṭṭho hutvā ‘‘ayaṃ mātukucchito jāyamāno osadhaṃ gahetvā āgato, jātakkhaṇeyeva mātarā saddhiṃ kathesi, evarūpena puññavatā dinnaṃ osadhaṃ mahānubhāvaṃ bhavissatī’’ti cintetvā taṃ osadhaṃ gahetvā nisadāyaṃ ghaṃsitvā thokaṃ nalāṭe makkhesi. Tasmiṃ khaṇe tassa sattavassiko sīsābādho padumapattato udakaṃ viya nivattitvā gato. So ‘‘mahānubhāvaṃ osadha’’nti somanassappatto ahosi. Mahāsattassa osadhaṃ gahetvā āgatabhāvo sabbattha pākaṭo jāto. Ye keci ābādhikā, sabbe seṭṭhissa gehaṃ gantvā osadhaṃ yācanti. Sabbesaṃ nisadāyaṃ ghaṃsitvā thokaṃ gahetvā udakena āḷoletvā deti . Dibbosadhena sarīre makkhitamatteyeva sabbābādhā vūpasammanti. Sukhitā manussā ‘‘sirivaḍḍhanaseṭṭhino gehe osadhassa mahanto ānubhāvo’’ti vaṇṇayantā pakkamiṃsu. Mahāsattassa pana nāmaggahaṇadivase mahāseṭṭhi ‘‘mama puttassa ayyakādīnaṃ na nāmena attho atthi, jāyamānassa osadhaṃ gahetvā āgatattā osadhanāmakova hotū’’ti vatvā ‘‘mahosadhakumāro’’tvevassa nāmamakāsi.

    ид̣̇ан̃жасса ахоси ‘‘мама буд̇д̇о махаабун̃н̃о, на згагова ниб̣б̣ад̇д̇иссад̇и, иминаа сад̣̇д̇хим̣ ж̇аад̇ад̣̇аарагзхи бхавид̇аб̣б̣а’’нд̇и. со ологаабзнд̇о д̣̇аарагасахассаанам̣ ниб̣б̣ад̇д̇абхаавам̣ суд̇ваа саб̣б̣зсамби гумаарагаанам̣ бил̣анд̇ханаани д̣̇ад̇ваа д̇хаад̇ияо д̣̇аабзси ‘‘буд̇д̇асса мз убадтаагаа бхависсанд̇ий’’д̇и. б̣од̇хисад̇д̇зна сад̣̇д̇хим̣язва д̇зсам̣ ман̇г̇аладтаанз ман̇г̇алам̣ гаарзси. д̣̇аарагз алан̇гарид̇ваа махаасад̇д̇асса убадтаад̇ум̣ аанзнд̇и. б̣од̇хисад̇д̇о д̇зхи сад̣̇д̇хим̣ гийл̣анд̇о вад̣дхид̇ваа сад̇д̇авассигагаалз суван̣н̣абадимаа вияа абхируубо ахоси. ат̇асса г̇аамамаж̇жхз д̇зхи сад̣̇д̇хим̣ гийл̣анд̇асса хад̇т̇иассаад̣̇ийсу ааг̇ажчанд̇зсу гийл̣ааман̣д̣алам̣ бхиж̇ж̇ад̇и. ваад̇аад̇абабахаран̣агаалз д̣̇аарагаа гиламанд̇и. згад̣̇ивасан̃жа д̇зсам̣ гийл̣анд̇аанам̣язва агааламзгхо удтахи. д̇ам̣ д̣̇исваа нааг̇аб̣ало б̣од̇хисад̇д̇о д̇хаавид̇ваа згасаалам̣ баависи. ид̇арз д̣̇аарагаа бажчад̇о д̇хааванд̇аа ан̃н̃аман̃н̃асса баад̣̇зсу бахарид̇ваа убагкалид̇ваа бад̇ид̇аа ж̇ан̣н̣угабхзд̣̇аад̣̇ийни баабун̣им̣су. б̣од̇хисад̇д̇оби ‘‘имасмим̣ таанз гийл̣аасаалам̣ гаад̇ум̣ ваддад̇и, звам̣ ваад̇з ваа вассз ваа аад̇абз ваа ааг̇ад̇з на гиламиссаамаа’’д̇и жинд̇зд̇ваа д̇з д̣̇аарагз ааха – ‘‘саммаа, имасмим̣ таанз ваад̇з ваа вассз ваа аад̇абз ваа ааг̇ад̇з таананисаж̇ж̇асаяанагкамам̣ згам̣ саалам̣ гаарзссаама, згзгам̣ гахаабан̣ам̣ аахарат̇аа’’д̇и. д̇з д̇ат̇аа гарим̣су.

    Idañcassa ahosi ‘‘mama putto mahāpuñño, na ekakova nibbattissati, iminā saddhiṃ jātadārakehi bhavitabba’’nti. So olokāpento dārakasahassānaṃ nibbattabhāvaṃ sutvā sabbesampi kumārakānaṃ piḷandhanāni datvā dhātiyo dāpesi ‘‘puttassa me upaṭṭhākā bhavissantī’’ti. Bodhisattena saddhiṃyeva tesaṃ maṅgalaṭṭhāne maṅgalaṃ kāresi. Dārake alaṅkaritvā mahāsattassa upaṭṭhātuṃ ānenti. Bodhisatto tehi saddhiṃ kīḷanto vaḍḍhitvā sattavassikakāle suvaṇṇapaṭimā viya abhirūpo ahosi. Athassa gāmamajjhe tehi saddhiṃ kīḷantassa hatthiassādīsu āgacchantesu kīḷāmaṇḍalaṃ bhijjati. Vātātapapaharaṇakāle dārakā kilamanti. Ekadivasañca tesaṃ kīḷantānaṃyeva akālamegho uṭṭhahi. Taṃ disvā nāgabalo bodhisatto dhāvitvā ekasālaṃ pāvisi. Itare dārakā pacchato dhāvantā aññamaññassa pādesu paharitvā upakkhalitvā patitā jaṇṇukabhedādīni pāpuṇiṃsu. Bodhisattopi ‘‘imasmiṃ ṭhāne kīḷāsālaṃ kātuṃ vaṭṭati, evaṃ vāte vā vasse vā ātape vā āgate na kilamissāmā’’ti cintetvā te dārake āha – ‘‘sammā, imasmiṃ ṭhāne vāte vā vasse vā ātape vā āgate ṭhānanisajjasayanakkhamaṃ ekaṃ sālaṃ kāressāma, ekekaṃ kahāpaṇaṃ āharathā’’ti. Te tathā kariṃsu.

    махаасад̇д̇о махаавад̣дхагим̣ баггосаабзд̇ваа ‘‘имасмим̣ таанз саалам̣ гарохий’’д̇и сахассам̣ ад̣̇ааси. со ‘‘саад̇хуу’’д̇и самбадижчид̇ваа сахассам̣ г̇ахзд̇ваа каан̣уган̣дагз годдзд̇ваа бхуумим̣ самам̣ гаарзд̇ваа суд̇д̇ам̣ басаарзси. махаасад̇д̇о д̇асса суд̇д̇абасааран̣авид̇хаанам̣ анаараад̇хзнд̇о ‘‘аажарияа, звам̣ абасаарзд̇ваа саад̇хугам̣ басаарзхий’’д̇и ааха. саами, ахам̣ ад̇д̇ано сиббаануруубзна басаарзсим̣, ид̇о ан̃н̃ам̣ на ж̇аанаамийд̇и. ‘зд̇д̇агам̣ аж̇аананд̇о д̇вам̣ амхаагам̣ д̇ханам̣ г̇ахзд̇ваа саалам̣ гат̇ам̣ гариссаси, аахара, суд̇д̇ам̣ басаарзд̇ваа д̇з д̣̇ассаамий’’д̇и аахараабзд̇ваа саяам̣ суд̇д̇ам̣ басаарзси. д̇ам̣ виссагаммад̣̇звабуд̇д̇асса басаарид̇ам̣ вияа ахоси. д̇ад̇о вад̣дхагим̣ ааха ‘‘звам̣ басаарзд̇ум̣ сагкиссасий’’д̇и? ‘‘на сагкиссаамий’’д̇и. ‘‘мама вижааран̣ааяа бана гаад̇ум̣ сагкиссасий’’д̇и. ‘‘сагкиссаами, саамий’’д̇и. махаасад̇д̇о яат̇аа д̇ассаа саалааяа згасмим̣ бад̣̇зсз анаат̇аанам̣ васанадтаанам̣ ход̇и, згасмим̣ анаат̇аанам̣ ид̇т̇ийнам̣ виж̇ааяанадтаанам̣, згасмим̣ ааг̇анд̇угасаман̣аб̣раахман̣аанам̣ васанадтаанам̣, згасмим̣ ааг̇анд̇угамануссаанам̣ васанадтаанам̣, згасмим̣ ааг̇анд̇угаваан̣иж̇аанам̣ бхан̣д̣адтабанадтаанам̣ ход̇и, д̇ат̇аа саб̣б̣аани таанаани б̣ахимукаани гад̇ваа саалам̣ вижаарзси. д̇ад̇т̇зва гийл̣ааман̣д̣алам̣, д̇ад̇т̇зва винижчаяам̣, д̇ад̇т̇зва д̇хаммасабхам̣ гаарзси. гад̇ибаахзнзва нидтид̇ааяа саалааяа жид̇д̇агаарз баггосаабзд̇ваа саяам̣ вижаарзд̇ваа раман̣ийяам̣ жид̇д̇агаммам̣ гаарзси. саалаа суд̇хаммаад̣̇звасабхаабадибхааг̇аа ахоси.

    Mahāsatto mahāvaḍḍhakiṃ pakkosāpetvā ‘‘imasmiṃ ṭhāne sālaṃ karohī’’ti sahassaṃ adāsi. So ‘‘sādhū’’ti sampaṭicchitvā sahassaṃ gahetvā khāṇukaṇṭake koṭṭetvā bhūmiṃ samaṃ kāretvā suttaṃ pasāresi. Mahāsatto tassa suttapasāraṇavidhānaṃ anārādhento ‘‘ācariya, evaṃ apasāretvā sādhukaṃ pasārehī’’ti āha. Sāmi, ahaṃ attano sippānurūpena pasāresiṃ, ito aññaṃ na jānāmīti. ‘Ettakaṃ ajānanto tvaṃ amhākaṃ dhanaṃ gahetvā sālaṃ kathaṃ karissasi, āhara, suttaṃ pasāretvā te dassāmī’’ti āharāpetvā sayaṃ suttaṃ pasāresi. Taṃ vissakammadevaputtassa pasāritaṃ viya ahosi. Tato vaḍḍhakiṃ āha ‘‘evaṃ pasāretuṃ sakkhissasī’’ti? ‘‘Na sakkhissāmī’’ti. ‘‘Mama vicāraṇāya pana kātuṃ sakkhissasī’’ti. ‘‘Sakkhissāmi, sāmī’’ti. Mahāsatto yathā tassā sālāya ekasmiṃ padese anāthānaṃ vasanaṭṭhānaṃ hoti, ekasmiṃ anāthānaṃ itthīnaṃ vijāyanaṭṭhānaṃ, ekasmiṃ āgantukasamaṇabrāhmaṇānaṃ vasanaṭṭhānaṃ, ekasmiṃ āgantukamanussānaṃ vasanaṭṭhānaṃ, ekasmiṃ āgantukavāṇijānaṃ bhaṇḍaṭṭhapanaṭṭhānaṃ hoti, tathā sabbāni ṭhānāni bahimukhāni katvā sālaṃ vicāresi. Tattheva kīḷāmaṇḍalaṃ, tattheva vinicchayaṃ, tattheva dhammasabhaṃ kāresi. Katipāheneva niṭṭhitāya sālāya cittakāre pakkosāpetvā sayaṃ vicāretvā ramaṇīyaṃ cittakammaṃ kāresi. Sālā sudhammādevasabhāpaṭibhāgā ahosi.

    д̇ад̇о ‘‘на зд̇д̇агзна саалаа собхад̇и, богкаран̣им̣ бана гаарзд̇ум̣ ваддад̇ий’’д̇и богкаран̣им̣ кан̣аабзд̇ваа идтагавад̣дхагим̣ баггосаабзд̇ваа саяам̣ вижаарзд̇ваа сахассаван̇гам̣ сад̇ад̇ид̇т̇ам̣ богкаран̣им̣ гаарзси. саа бан̃жавид̇хабад̣̇умасан̃чаннаа нанд̣̇аабогкаран̣ий вияа ахоси. д̇ассаа д̇ийрз бубпапалад̇харз наанааругкз робаабзд̇ваа нанд̣̇анаванагаббам̣ уяяаанам̣ гаарзси. д̇амзва жа саалам̣ ниссааяа д̇хаммигасаман̣аб̣раахман̣аанан̃жзва ааг̇анд̇угаг̇амигаад̣̇ийнан̃жа д̣̇аанавад̇д̇ам̣ бадтабзси. д̇асса саа гирияаа саб̣б̣ад̇т̇а баагадаа ахоси . б̣ахуу мануссаа осаранд̇и. махаасад̇д̇о саалааяа нисийд̣̇ид̇ваа самбад̇д̇асамбад̇д̇аанам̣ гааран̣аагааран̣ам̣ яуд̇д̇ааяуд̇д̇ам̣ гат̇зси, винижчаяам̣ табзси, б̣уд̣̇д̇хуббаад̣̇агаало вияа ахоси.

    Tato ‘‘na ettakena sālā sobhati, pokkharaṇiṃ pana kāretuṃ vaṭṭatī’’ti pokkharaṇiṃ khaṇāpetvā iṭṭhakavaḍḍhakiṃ pakkosāpetvā sayaṃ vicāretvā sahassavaṅkaṃ satatitthaṃ pokkharaṇiṃ kāresi. Sā pañcavidhapadumasañchannā nandāpokkharaṇī viya ahosi. Tassā tīre pupphaphaladhare nānārukkhe ropāpetvā nandanavanakappaṃ uyyānaṃ kāresi. Tameva ca sālaṃ nissāya dhammikasamaṇabrāhmaṇānañceva āgantukagamikādīnañca dānavattaṃ paṭṭhapesi. Tassa sā kiriyā sabbattha pākaṭā ahosi . Bahū manussā osaranti. Mahāsatto sālāya nisīditvā sampattasampattānaṃ kāraṇākāraṇaṃ yuttāyuttaṃ kathesi, vinicchayaṃ ṭhapesi, buddhuppādakālo viya ahosi.

    взд̣̇зхарааж̇ааби сад̇д̇авассажжаязна ‘‘жад̇д̇ааро бан̣д̣ид̇аа ‘амхз абхибхавид̇ваа бан̃жамо бан̣д̣ид̇о уббаж̇ж̇иссад̇ий’д̇и мз гат̇аяим̣су, гад̇т̇а со зд̇арахий’’д̇и сарид̇ваа ‘‘д̇асса васанадтаанам̣ ж̇аанаат̇аа’’д̇и жад̇уухи д̣̇ваарзхи жад̇д̇ааро амажжз бзсзси. сзсад̣̇ваарзхи нигканд̇аа амажжаа махаасад̇д̇ам̣ на бассим̣су. баажийнад̣̇ваарзна нигканд̇о амажжо бана саалаад̣̇ийни д̣̇исваа ‘‘бан̣д̣ид̇зна наама имиссаа саалааяа гаарагзна ваа гаараабагзна ваа бхавид̇аб̣б̣а’’нд̇и жинд̇зд̇ваа мануссз бужчи ‘‘аяам̣ саалаа гад̇аравад̣дхагинаа гад̇аа’’д̇и? мануссаа ‘‘нааяам̣ вад̣дхагинаа гад̇аа, сиривад̣дханасздтибуд̇д̇зна махосад̇хабан̣д̣ид̇зна ад̇д̇ано бан̃н̃ааб̣алзна вижаарзд̇ваа гад̇аа’’д̇и вад̣̇им̣су. ‘‘гад̇ивассо бана бан̣д̣ид̇о’’д̇и? ‘‘барибун̣н̣асад̇д̇авассо’’д̇и. амажжо ран̃н̃аа д̣̇идтасубинад̣̇ивасад̇о бадтааяа вассам̣ г̇ан̣зд̇ваа ‘‘ран̃н̃о д̣̇идтасубинзна самзд̇и, аяамзва со бан̣д̣ид̇о’’д̇и ран̃н̃о д̣̇ууд̇ам̣ бзсзси ‘‘д̣̇зва, баажийнаяавамаж̇жхагаг̇аамз сиривад̣дханасздтибуд̇д̇о махосад̇хабан̣д̣ид̇о наама сад̇д̇авассигова самаано зваруубам̣ наама саалам̣ вижаарзси, богкаран̣им̣ уяяаанан̃жа гаарзси, имам̣ бан̣д̣ид̇ам̣ г̇ахзд̇ваа аанзмий’’д̇и. рааж̇аа д̇ам̣ гат̇ам̣ суд̇ваава д̇удтажид̇д̇о худ̇ваа сзнагам̣ баггосаабзд̇ваа д̇амад̇т̇ам̣ аарожзд̇ваа ‘‘гим̣, аажарияа, аанзма бан̣д̣ид̇а’’нд̇и бужчи. со лаабхам̣ мажчарааяанд̇о ‘‘махаарааж̇а, саалаад̣̇ийнам̣ гаараабид̇амад̇д̇зна бан̣д̣ид̇о наама на ход̇и, яо гожи зд̇аани гаарзд̇и, аббамад̇д̇агам̣ зд̇а’’нд̇и ааха. со д̇асса гат̇ам̣ суд̇ваа ‘‘бхавид̇аб̣б̣амзд̇т̇а гааран̣знаа’’д̇и д̇ун̣хий худ̇ваа ‘‘д̇ад̇т̇зва васанд̇о бан̣д̣ид̇ам̣ виймам̣сад̇уу’’д̇и амажжасса д̣̇ууд̇ам̣ бадибзсзси. д̇ам̣ суд̇ваа амажжо д̇ад̇т̇зва васанд̇о бан̣д̣ид̇ам̣ виймам̣си.

    Vedeharājāpi sattavassaccayena ‘‘cattāro paṇḍitā ‘amhe abhibhavitvā pañcamo paṇḍito uppajjissatī’ti me kathayiṃsu, kattha so etarahī’’ti saritvā ‘‘tassa vasanaṭṭhānaṃ jānāthā’’ti catūhi dvārehi cattāro amacce pesesi. Sesadvārehi nikkhantā amaccā mahāsattaṃ na passiṃsu. Pācīnadvārena nikkhanto amacco pana sālādīni disvā ‘‘paṇḍitena nāma imissā sālāya kārakena vā kārāpakena vā bhavitabba’’nti cintetvā manusse pucchi ‘‘ayaṃ sālā kataravaḍḍhakinā katā’’ti? Manussā ‘‘nāyaṃ vaḍḍhakinā katā, sirivaḍḍhanaseṭṭhiputtena mahosadhapaṇḍitena attano paññābalena vicāretvā katā’’ti vadiṃsu. ‘‘Kativasso pana paṇḍito’’ti? ‘‘Paripuṇṇasattavasso’’ti. Amacco raññā diṭṭhasupinadivasato paṭṭhāya vassaṃ gaṇetvā ‘‘rañño diṭṭhasupinena sameti, ayameva so paṇḍito’’ti rañño dūtaṃ pesesi ‘‘deva, pācīnayavamajjhakagāme sirivaḍḍhanaseṭṭhiputto mahosadhapaṇḍito nāma sattavassikova samāno evarūpaṃ nāma sālaṃ vicāresi, pokkharaṇiṃ uyyānañca kāresi, imaṃ paṇḍitaṃ gahetvā ānemī’’ti. Rājā taṃ kathaṃ sutvāva tuṭṭhacitto hutvā senakaṃ pakkosāpetvā tamatthaṃ ārocetvā ‘‘kiṃ, ācariya, ānema paṇḍita’’nti pucchi. So lābhaṃ maccharāyanto ‘‘mahārāja, sālādīnaṃ kārāpitamattena paṇḍito nāma na hoti, yo koci etāni kāreti, appamattakaṃ eta’’nti āha. So tassa kathaṃ sutvā ‘‘bhavitabbamettha kāraṇenā’’ti tuṇhī hutvā ‘‘tattheva vasanto paṇḍitaṃ vīmaṃsatū’’ti amaccassa dūtaṃ paṭipesesi. Taṃ sutvā amacco tattheva vasanto paṇḍitaṃ vīmaṃsi.

    сад̇д̇ад̣̇аарагабан̃хо

    Sattadārakapañho

    д̇ад̇рид̣̇ам̣ виймам̣сануд̣̇д̣̇аанам̣ –

    Tatridaṃ vīmaṃsanuddānaṃ –

    ‘‘мам̣сам̣ г̇он̣о г̇ант̇и суд̇д̇ам̣, буд̇д̇о г̇од̇о рат̇зна жа;

    ‘‘Maṃsaṃ goṇo ganthi suttaṃ, putto goto rathena ca;

    д̣̇ан̣д̣о сийсам̣ ахий жзва, гуггудо ман̣и виж̇ааяанам̣;

    Daṇḍo sīsaṃ ahī ceva, kukkuṭo maṇi vijāyanaṃ;

    од̣̇анам̣ ваалуган̃жааби, д̇ал̣аагуяяаанам̣ г̇ад̣̇рабхо ман̣ий’’д̇и.

    Odanaṃ vālukañcāpi, taḷākuyyānaṃ gadrabho maṇī’’ti.

    д̇ад̇т̇а мам̣санд̇и згад̣̇ивасам̣ б̣од̇хисад̇д̇з гийл̣ааман̣д̣алам̣ г̇ажчанд̇з зго сзно суунапалагад̇о мам̣сабзсим̣ г̇ахзд̇ваа аагаасам̣ багканд̣̇и. д̇ам̣ д̣̇исваа д̣̇аарагаа ‘‘мам̣сабзсим̣ чад̣д̣аабзссаамаа’’д̇и сзнам̣ ануб̣анд̇хим̣су. сзно ид̇о жид̇о жа д̇хаавад̇и. д̇з уд̣̇д̇хам̣ ологзд̇ваа д̇асса бажчад̇о бажчад̇о г̇ажчанд̇аа баасаан̣аад̣̇ийсу убагкалид̇ваа гиламанд̇и. ат̇а нз бан̣д̣ид̇о ааха ‘‘чад̣д̣аабзссаами на’’нд̇и. ‘‘чад̣д̣аабзхи саамий’’д̇и. ‘‘д̇зна хи бассат̇аа’’д̇и со уд̣̇д̇хам̣ анологзд̇ваава ваад̇авзг̇зна д̇хаавид̇ваа сзнасса чааяам̣ аггамид̇ваа баан̣им̣ бахарид̇ваа махааравам̣ рави. д̇асса д̇зж̇зна со сад̣̇д̣̇о сзнасса гужчияам̣ винивиж̇жхид̇ваа нижчаарид̇о вияа ахоси. со бхийд̇о мам̣сам̣ чад̣д̣зси. махаасад̇д̇о чад̣д̣ид̇абхаавам̣ н̃ад̇ваа чааяам̣ ологзнд̇ова бхуумияам̣ бад̇ид̇ум̣ ад̣̇ад̇ваа аагаасзязва самбадижчи. д̇ам̣ ажчарияам̣ д̣̇исваа махааж̇ано над̣̇анд̇о ваг̇г̇анд̇о абподзнд̇о махаасад̣̇д̣̇ам̣ агааси. амажжо д̇ам̣ бавад̇д̇им̣ н̃ад̇ваа ран̃н̃о д̣̇ууд̇ам̣ бзсзси ‘‘бан̣д̣ид̇о иминаа убааязна мам̣сабзсим̣ чад̣д̣аабзси, ид̣̇ам̣ д̣̇зво ж̇аанаад̇уу’’д̇и. д̇ам̣ суд̇ваа рааж̇аа сзнагам̣ бужчи ‘‘гим̣, сзнага, аанзма бан̣д̣ид̇а’’нд̇и? со жинд̇зси ‘‘д̇асса ид̇хааг̇ад̇агаалад̇о бадтааяа маяам̣ ниббабхаа бхависсаама, ад̇т̇ибхаавамби но рааж̇аа на ж̇ааниссад̇и, на д̇ам̣ аанзд̇ум̣ ваддад̇ий’’д̇и. со б̣алавалаабхамажчарияад̇ааяа ‘‘махаарааж̇а, зд̇д̇агзна бан̣д̣ид̇о наама на ход̇и, аббамад̇д̇агам̣ гин̃жи зд̇а’’нд̇и ааха. рааж̇аа маж̇жхад̇д̇ова худ̇ваа ‘‘д̇ад̇т̇зва нам̣ виймам̣сад̇уу’’д̇и буна бзсзси.

    Tattha maṃsanti ekadivasaṃ bodhisatte kīḷāmaṇḍalaṃ gacchante eko seno sūnaphalakato maṃsapesiṃ gahetvā ākāsaṃ pakkhandi. Taṃ disvā dārakā ‘‘maṃsapesiṃ chaḍḍāpessāmā’’ti senaṃ anubandhiṃsu. Seno ito cito ca dhāvati. Te uddhaṃ oloketvā tassa pacchato pacchato gacchantā pāsāṇādīsu upakkhalitvā kilamanti. Atha ne paṇḍito āha ‘‘chaḍḍāpessāmi na’’nti. ‘‘Chaḍḍāpehi sāmī’’ti. ‘‘Tena hi passathā’’ti so uddhaṃ anoloketvāva vātavegena dhāvitvā senassa chāyaṃ akkamitvā pāṇiṃ paharitvā mahāravaṃ ravi. Tassa tejena so saddo senassa kucchiyaṃ vinivijjhitvā nicchārito viya ahosi. So bhīto maṃsaṃ chaḍḍesi. Mahāsatto chaḍḍitabhāvaṃ ñatvā chāyaṃ olokentova bhūmiyaṃ patituṃ adatvā ākāseyeva sampaṭicchi. Taṃ acchariyaṃ disvā mahājano nadanto vagganto apphoṭento mahāsaddaṃ akāsi. Amacco taṃ pavattiṃ ñatvā rañño dūtaṃ pesesi ‘‘paṇḍito iminā upāyena maṃsapesiṃ chaḍḍāpesi, idaṃ devo jānātū’’ti. Taṃ sutvā rājā senakaṃ pucchi ‘‘kiṃ, senaka, ānema paṇḍita’’nti? So cintesi ‘‘tassa idhāgatakālato paṭṭhāya mayaṃ nippabhā bhavissāma, atthibhāvampi no rājā na jānissati, na taṃ ānetuṃ vaṭṭatī’’ti. So balavalābhamacchariyatāya ‘‘mahārāja, ettakena paṇḍito nāma na hoti, appamattakaṃ kiñci eta’’nti āha. Rājā majjhattova hutvā ‘‘tattheva naṃ vīmaṃsatū’’ti puna pesesi.

    г̇он̣од̇и зго баажийнаяавамаж̇жхагаг̇аамаваасий бурисо ‘‘вассз бад̇ид̇з гасиссаамий’’д̇и г̇ааманд̇арад̇о г̇он̣з гин̣ид̇ваа аанзд̇ваа г̇зхз васаабзд̇ваа бунад̣̇ивасз г̇ожарад̇т̇ааяа д̇ин̣абхуумим̣ аанзд̇ваа г̇он̣абидтз нисинно гиланд̇аруубо од̇арид̇ваа ругкамуулз нибаннова нид̣̇д̣̇ам̣ оггами. д̇асмим̣ кан̣з зго жоро г̇он̣з г̇ахзд̇ваа балааяи. со баб̣уж̇жхид̇ваа г̇он̣з абассанд̇о ид̇о жид̇о жа ологзд̇ваа г̇он̣з г̇ахзд̇ваа балааяанд̇ам̣ жорам̣ д̣̇исваа взг̇зна багканд̣̇ид̇ваа ‘‘гухим̣ мз г̇он̣з нзсий’’д̇и ааха. ‘‘мама г̇он̣з ад̇д̇ано ижчид̇адтаанам̣ нзмий’’д̇и. д̇зсам̣ виваад̣̇ам̣ суд̇ваа махааж̇ано саннибад̇и. бан̣д̣ид̇о д̇зсам̣ саалаад̣̇ваарзна г̇ажчанд̇аанам̣ сад̣̇д̣̇ам̣ суд̇ваа убхоби баггосаабзд̇ваа д̇зсам̣ гирияам̣ д̣̇исваава ‘‘аяам̣ жоро, аяам̣ г̇он̣асаамиго’’д̇и ж̇аанаад̇и. ж̇аананд̇оби ‘‘гасмаа вивад̣̇ат̇аа’’д̇и бужчи. г̇он̣асаамиго ааха – ‘‘саами, имз ахам̣ асугаг̇аамад̇о асугасса наама хад̇т̇ад̇о гин̣ид̇ваа аанзд̇ваа г̇зхз васаабзд̇ваа г̇ожарад̇т̇ааяа д̇ин̣абхуумим̣ нзсим̣, д̇ад̇т̇а мама бамаад̣̇ам̣ д̣̇исваа аяам̣ г̇он̣з г̇ахзд̇ваа балааяи. сваахам̣ ид̇о жид̇о жа ологзнд̇о имам̣ д̣̇исваа ануб̣анд̇хид̇ваа г̇ан̣хим̣, асугаг̇аамаваасино маяаа зд̇зсам̣ гин̣ид̇ваа г̇ахид̇абхаавам̣ ж̇аананд̇ий’’д̇и. жоро бана ‘‘мамзд̇з гхараж̇аад̇игаа, аяам̣ мусаа бхан̣ад̇ий’’д̇и ааха.

    Goṇoti eko pācīnayavamajjhakagāmavāsī puriso ‘‘vasse patite kasissāmī’’ti gāmantarato goṇe kiṇitvā ānetvā gehe vasāpetvā punadivase gocaratthāya tiṇabhūmiṃ ānetvā goṇapiṭṭhe nisinno kilantarūpo otaritvā rukkhamūle nipannova niddaṃ okkami. Tasmiṃ khaṇe eko coro goṇe gahetvā palāyi. So pabujjhitvā goṇe apassanto ito cito ca oloketvā goṇe gahetvā palāyantaṃ coraṃ disvā vegena pakkhanditvā ‘‘kuhiṃ me goṇe nesī’’ti āha. ‘‘Mama goṇe attano icchitaṭṭhānaṃ nemī’’ti. Tesaṃ vivādaṃ sutvā mahājano sannipati. Paṇḍito tesaṃ sālādvārena gacchantānaṃ saddaṃ sutvā ubhopi pakkosāpetvā tesaṃ kiriyaṃ disvāva ‘‘ayaṃ coro, ayaṃ goṇasāmiko’’ti jānāti. Jānantopi ‘‘kasmā vivadathā’’ti pucchi. Goṇasāmiko āha – ‘‘sāmi, ime ahaṃ asukagāmato asukassa nāma hatthato kiṇitvā ānetvā gehe vasāpetvā gocaratthāya tiṇabhūmiṃ nesiṃ, tattha mama pamādaṃ disvā ayaṃ goṇe gahetvā palāyi. Svāhaṃ ito cito ca olokento imaṃ disvā anubandhitvā gaṇhiṃ, asukagāmavāsino mayā etesaṃ kiṇitvā gahitabhāvaṃ jānantī’’ti. Coro pana ‘‘mamete gharajātikā, ayaṃ musā bhaṇatī’’ti āha.

    ат̇а нз бан̣д̣ид̇о ‘‘ахам̣ во ад̣д̣ам̣ д̇хаммзна винижчиниссаами, тассат̇а мз винижчаяз’’д̇и бужчид̇ваа ‘‘аама, саами, тассаамаа’’д̇и вуд̇д̇з ‘‘махааж̇анасса манам̣ г̇ан̣хид̇ум̣ ваддад̇ий’’д̇и батамам̣ жорам̣ бужчи ‘‘д̇аяаа имз г̇он̣аа гим̣ каад̣̇аабид̇аа гим̣ бааяид̇аа’’д̇и? ‘‘яааг̇ум̣ бааяид̇аа д̇илабидтан̃жа маасз жа каад̣̇аабид̇аа’’д̇и. д̇ад̇о г̇он̣асаамигам̣ бужчи. со ааха – ‘‘саами, гуд̇о мз д̣̇уг̇г̇ад̇асса яааг̇уаад̣̇ийни лад̣̇д̇хаани, д̇ин̣амзва каад̣̇аабид̇аа’’д̇и. бан̣д̣ид̇о д̇зсам̣ гат̇ам̣ барисам̣ г̇аахаабзд̇ваа бияан̇г̇убад̇д̇аани аахараабзд̇ваа годдаабзд̇ваа уд̣̇агзна мад̣̇д̣̇аабзд̇ваа г̇он̣з бааязси. г̇он̣аа д̇ин̣амзва чад̣д̣аяим̣су. бан̣д̣ид̇о ‘‘бассат̇зд̇а’’нд̇и махааж̇анасса д̣̇ассзд̇ваа жорам̣ бужчи ‘‘д̇вам̣ жороси, на жоросий’’д̇и? со ‘‘жоромхий’’д̇и ааха. ‘‘д̇зна хи д̇вам̣ ид̇о бадтааяа маа зваруубамагаасий’’д̇и овад̣̇и. б̣од̇хисад̇д̇асса барисаа бана д̇ам̣ хад̇т̇абаад̣̇зхи годдзд̇ваа д̣̇уб̣б̣аламагааси. ат̇а нам̣ бан̣д̣ид̇о ‘‘д̣̇идтад̇хаммзязва д̇аава имам̣ д̣̇угкам̣ лабхаси, самбарааяз бана нираяаад̣̇ийсу махаад̣̇угкам̣ анубхависсаси, самма, д̇вам̣ ид̇о бадтааяа баж̇ахзд̇ам̣ гамма’’нд̇и вад̇ваа д̇асса бан̃жа сийлаани ад̣̇ааси. амажжо д̇ам̣ бавад̇д̇им̣ яат̇аабхууд̇ам̣ ран̃н̃о аарожаабзси. рааж̇аа сзнагам̣ бужчи ‘‘гим̣, сзнага, аанзма бан̣д̣ид̇а’’нд̇и. ‘‘г̇он̣аад̣д̣ам̣ наама, махаарааж̇а, яз гзжи винижчинанд̇и, ааг̇амзхи д̇ааваа’’д̇и вуд̇д̇з рааж̇аа маж̇жхад̇д̇о худ̇ваа буна д̇ат̇зва саасанам̣ бзсзси. саб̣б̣адтаанзсуби звам̣ взд̣̇ид̇аб̣б̣ам̣. ид̇о барам̣ бана уд̣̇д̣̇аанамад̇д̇амзва вибхаж̇ид̇ваа д̣̇ассаяиссаамаад̇и.

    Atha ne paṇḍito ‘‘ahaṃ vo aḍḍaṃ dhammena vinicchinissāmi, ṭhassatha me vinicchaye’’ti pucchitvā ‘‘āma, sāmi, ṭhassāmā’’ti vutte ‘‘mahājanassa manaṃ gaṇhituṃ vaṭṭatī’’ti paṭhamaṃ coraṃ pucchi ‘‘tayā ime goṇā kiṃ khādāpitā kiṃ pāyitā’’ti? ‘‘Yāguṃ pāyitā tilapiṭṭhañca māse ca khādāpitā’’ti. Tato goṇasāmikaṃ pucchi. So āha – ‘‘sāmi, kuto me duggatassa yāguādīni laddhāni, tiṇameva khādāpitā’’ti. Paṇḍito tesaṃ kathaṃ parisaṃ gāhāpetvā piyaṅgupattāni āharāpetvā koṭṭāpetvā udakena maddāpetvā goṇe pāyesi. Goṇā tiṇameva chaḍḍayiṃsu. Paṇḍito ‘‘passatheta’’nti mahājanassa dassetvā coraṃ pucchi ‘‘tvaṃ corosi, na corosī’’ti? So ‘‘coromhī’’ti āha. ‘‘Tena hi tvaṃ ito paṭṭhāya mā evarūpamakāsī’’ti ovadi. Bodhisattassa parisā pana taṃ hatthapādehi koṭṭetvā dubbalamakāsi. Atha naṃ paṇḍito ‘‘diṭṭhadhammeyeva tāva imaṃ dukkhaṃ labhasi, samparāye pana nirayādīsu mahādukkhaṃ anubhavissasi, samma, tvaṃ ito paṭṭhāya pajahetaṃ kamma’’nti vatvā tassa pañca sīlāni adāsi. Amacco taṃ pavattiṃ yathābhūtaṃ rañño ārocāpesi. Rājā senakaṃ pucchi ‘‘kiṃ, senaka, ānema paṇḍita’’nti. ‘‘Goṇaaḍḍaṃ nāma, mahārāja, ye keci vinicchinanti, āgamehi tāvā’’ti vutte rājā majjhatto hutvā puna tatheva sāsanaṃ pesesi. Sabbaṭṭhānesupi evaṃ veditabbaṃ. Ito paraṃ pana uddānamattameva vibhajitvā dassayissāmāti.

    г̇ант̇ийд̇и згаа д̣̇уг̇г̇ад̇ид̇т̇ий наанааван̣н̣зхи суд̇д̇зхи г̇ант̇игз б̣анд̇хид̇ваа гад̇ам̣ суд̇д̇аг̇ант̇ид̇абил̣анд̇ханам̣ г̇ийвад̇о можзд̇ваа саадагасса убари табзд̇ваа нхааяид̇ум̣ бан̣д̣ид̇зна гаарид̇абогкаран̣им̣ од̇ари. абараа д̇арун̣ид̇т̇ий д̇ам̣ д̣̇исваа лобхам̣ уббаад̣̇зд̇ваа угкибид̇ваа ‘‘амма, ад̇ивияа собханам̣ ид̣̇ам̣ гид̇д̇агзна д̇з гад̇ам̣, ахамби ад̇д̇ано зваруубам̣ гариссаами, г̇ийвааяа бил̣анд̇хид̇ваа бамаан̣ам̣ д̇аавасса убад̇хаарзмий’’д̇и вад̇ваа д̇ааяа уж̇ужид̇д̇ад̇ааяа ‘‘убад̇хаарзхий’’д̇и вуд̇д̇з г̇ийвааяа бил̣анд̇хид̇ваа баггаами. ид̇араа д̇ам̣ д̣̇исваа сийгхам̣ уд̇д̇арид̇ваа саадагам̣ ниваасзд̇ваа убад̇хаавид̇ваа ‘‘гахам̣ мз бил̣анд̇ханам̣ г̇ахзд̇ваа балааяиссасий’’д̇и саадагз г̇ан̣хи. ид̇араа ‘‘наахам̣ д̇ава санд̇агам̣ г̇ан̣хаами, мама г̇ийвааяамзва бил̣анд̇хана’’нд̇и ааха. махааж̇ано д̇ам̣ суд̇ваа саннибад̇и. бан̣д̣ид̇о д̣̇аарагзхи сад̣̇д̇хим̣ гийл̣анд̇о д̇аасам̣ галахам̣ гад̇ваа саалаад̣̇ваарзна г̇ажчанд̇ийнам̣ сад̣̇д̣̇ам̣ суд̇ваа ‘‘гим̣ сад̣̇д̣̇о зсо’’д̇и бужчид̇ваа убхиннам̣ галахагааран̣ам̣ суд̇ваа баггосаабзд̇ваа аагаарзнзва жорин̃жа ажорин̃жа н̃ад̇вааби д̇амад̇т̇ам̣ бужчид̇ваа ‘‘ахам̣ во д̇хаммзна винижчиниссаами, мама винижчаяз тассат̇аа’’д̇и вад̇ваа ‘‘аама, тассаама, саамий’’д̇и вуд̇д̇з батамам̣ жорим̣ бужчи ‘‘д̇вам̣ имам̣ бил̣анд̇ханам̣ бил̣анд̇ханд̇ий гад̇араг̇анд̇хам̣ вилимбасий’’д̇и? ‘‘ахам̣ нижжам̣ саб̣б̣асам̣хаарагам̣ вилимбаамий’’д̇и. саб̣б̣асам̣хаараго наама саб̣б̣аг̇анд̇хзхи яож̇зд̇ваа гад̇аг̇анд̇хо. д̇ад̇о ид̇арам̣ бужчи. саа ааха ‘‘гуд̇о, саами, лад̣̇д̇хо д̣̇уг̇г̇ад̇ааяа маяхам̣ саб̣б̣асам̣хаараго, ахам̣ нижжам̣ бияан̇г̇убубпаг̇анд̇хамзва вилимбаамий’’д̇и. бан̣д̣ид̇о уд̣̇агабаад̇им̣ аахараабзд̇ваа д̇ам̣ бил̣анд̇ханам̣ д̇ад̇т̇а багкибаабзд̇ваа г̇анд̇хигам̣ баггосаабзд̇ваа ‘‘зд̇ам̣ г̇анд̇хам̣ убасин̇гхид̇ваа асугаг̇анд̇хабхаавам̣ ж̇аанаахий’’д̇и ааха. со убасин̇гханд̇о бияан̇г̇убубпабхаавам̣ н̃ад̇ваа имам̣ згаганибаад̇з г̇аат̇амааха –

    Ganthīti ekā duggatitthī nānāvaṇṇehi suttehi ganthike bandhitvā kataṃ suttaganthitapiḷandhanaṃ gīvato mocetvā sāṭakassa upari ṭhapetvā nhāyituṃ paṇḍitena kāritapokkharaṇiṃ otari. Aparā taruṇitthī taṃ disvā lobhaṃ uppādetvā ukkhipitvā ‘‘amma, ativiya sobhanaṃ idaṃ kittakena te kataṃ, ahampi attano evarūpaṃ karissāmi, gīvāya piḷandhitvā pamāṇaṃ tāvassa upadhāremī’’ti vatvā tāya ujucittatāya ‘‘upadhārehī’’ti vutte gīvāya piḷandhitvā pakkāmi. Itarā taṃ disvā sīghaṃ uttaritvā sāṭakaṃ nivāsetvā upadhāvitvā ‘‘kahaṃ me piḷandhanaṃ gahetvā palāyissasī’’ti sāṭake gaṇhi. Itarā ‘‘nāhaṃ tava santakaṃ gaṇhāmi, mama gīvāyameva piḷandhana’’nti āha. Mahājano taṃ sutvā sannipati. Paṇḍito dārakehi saddhiṃ kīḷanto tāsaṃ kalahaṃ katvā sālādvārena gacchantīnaṃ saddaṃ sutvā ‘‘kiṃ saddo eso’’ti pucchitvā ubhinnaṃ kalahakāraṇaṃ sutvā pakkosāpetvā ākāreneva coriñca acoriñca ñatvāpi tamatthaṃ pucchitvā ‘‘ahaṃ vo dhammena vinicchinissāmi, mama vinicchaye ṭhassathā’’ti vatvā ‘‘āma, ṭhassāma, sāmī’’ti vutte paṭhamaṃ coriṃ pucchi ‘‘tvaṃ imaṃ piḷandhanaṃ piḷandhantī kataragandhaṃ vilimpasī’’ti? ‘‘Ahaṃ niccaṃ sabbasaṃhārakaṃ vilimpāmī’’ti. Sabbasaṃhārako nāma sabbagandhehi yojetvā katagandho. Tato itaraṃ pucchi. Sā āha ‘‘kuto, sāmi, laddho duggatāya mayhaṃ sabbasaṃhārako, ahaṃ niccaṃ piyaṅgupupphagandhameva vilimpāmī’’ti. Paṇḍito udakapātiṃ āharāpetvā taṃ piḷandhanaṃ tattha pakkhipāpetvā gandhikaṃ pakkosāpetvā ‘‘etaṃ gandhaṃ upasiṅghitvā asukagandhabhāvaṃ jānāhī’’ti āha. So upasiṅghanto piyaṅgupupphabhāvaṃ ñatvā imaṃ ekakanipāte gāthamāha –

    ‘‘саб̣б̣асам̣хаараго над̇т̇и, суд̣̇д̇хам̣ ган̇г̇у бавааяад̇и;

    ‘‘Sabbasaṃhārako natthi, suddhaṃ kaṅgu pavāyati;

    алигам̣ бхаасад̇ияам̣ д̇худ̇д̇ий, сажжамааху махаллигаа’’д̇и. (ж̇аа. 1.1.110);

    Alikaṃ bhāsatiyaṃ dhuttī, saccamāhu mahallikā’’ti. (jā. 1.1.110);

    д̇ад̇т̇а д̇худ̇д̇ийд̇и д̇худ̇д̇игаа. аахууд̇и ааха, аяамзва ваа баато.

    Tattha dhuttīti dhuttikā. Āhūti āha, ayameva vā pāṭho.

    звам̣ махаасад̇д̇о д̇ам̣ гааран̣ам̣ махааж̇анам̣ ж̇аанаабзд̇ваа ‘‘д̇вам̣ жорийси, на жорийсий’’д̇и бужчид̇ваа жорибхаавам̣ бадиж̇аанаабзси. д̇ад̇о бадтааяа махаасад̇д̇асса бан̣д̣ид̇абхааво баагадо ж̇аад̇о.

    Evaṃ mahāsatto taṃ kāraṇaṃ mahājanaṃ jānāpetvā ‘‘tvaṃ corīsi, na corīsī’’ti pucchitvā coribhāvaṃ paṭijānāpesi. Tato paṭṭhāya mahāsattassa paṇḍitabhāvo pākaṭo jāto.

    суд̇д̇анд̇и згаа габбаасагкзд̇д̇арагкигаа ид̇т̇ий габбаасагкзд̇д̇ам̣ рагканд̇ий д̇ад̇т̇зва барисуд̣̇д̇хам̣ габбаасам̣ г̇ахзд̇ваа сукумасуд̇д̇ам̣ ганд̇ид̇ваа г̇ул̣ам̣ гад̇ваа ужчан̇г̇з табзд̇ваа г̇аамам̣ ааг̇ажчанд̇ий ‘‘бан̣д̣ид̇асса богкаран̣ияам̣ нхааяиссаамий’’д̇и д̇ийрам̣ г̇анд̇ваа саадагам̣ мун̃жид̇ваа саадагасса убари суд̇д̇аг̇ул̣ам̣ табзд̇ваа од̇арид̇ваа богкаран̣ияам̣ нхааяад̇и. абараа д̇ам̣ д̣̇исваа луд̣̇д̇хажид̇д̇ад̇ааяа д̇ам̣ г̇ахзд̇ваа ‘‘ахо манаабам̣ суд̇д̇ам̣, амма, д̇аяаа гад̇а’’нд̇и ажчарам̣ бахарид̇ваа ологзнд̇ий вияа ужчан̇г̇з гад̇ваа баггаами. сзсам̣ буриманаязнзва вид̇т̇аарзд̇аб̣б̣ам̣. бан̣д̣ид̇о батамам̣ жорим̣ бужчи ‘‘д̇вам̣ г̇ул̣ам̣ гаронд̇ий анд̇о гим̣ багкибид̇ваа агаасий’’д̇и? ‘‘габбаасапаладтимзва саамий’’д̇и. д̇ад̇о ид̇арам̣ бужчи. саа ‘‘саами д̇имб̣аруадти’’нд̇и ааха. со убхиннам̣ важанам̣ барисам̣ г̇аахаабзд̇ваа суд̇д̇аг̇ул̣ам̣ ниб̣б̣зтаабзд̇ваа д̇имб̣аруадтим̣ д̣̇исваа д̇ам̣ жорибхаавам̣ сам̣бадижчаабзси. махааж̇ано хадтад̇удто ‘‘сувинижчид̇о ад̣д̣о’’д̇и саад̇хугаарасахассаани бавад̇д̇зси.

    Suttanti ekā kappāsakkhettarakkhikā itthī kappāsakkhettaṃ rakkhantī tattheva parisuddhaṃ kappāsaṃ gahetvā sukhumasuttaṃ kantitvā guḷaṃ katvā ucchaṅge ṭhapetvā gāmaṃ āgacchantī ‘‘paṇḍitassa pokkharaṇiyaṃ nhāyissāmī’’ti tīraṃ gantvā sāṭakaṃ muñcitvā sāṭakassa upari suttaguḷaṃ ṭhapetvā otaritvā pokkharaṇiyaṃ nhāyati. Aparā taṃ disvā luddhacittatāya taṃ gahetvā ‘‘aho manāpaṃ suttaṃ, amma, tayā kata’’nti accharaṃ paharitvā olokentī viya ucchaṅge katvā pakkāmi. Sesaṃ purimanayeneva vitthāretabbaṃ. Paṇḍito paṭhamaṃ coriṃ pucchi ‘‘tvaṃ guḷaṃ karontī anto kiṃ pakkhipitvā akāsī’’ti? ‘‘Kappāsaphalaṭṭhimeva sāmī’’ti. Tato itaraṃ pucchi. Sā ‘‘sāmi timbaruaṭṭhi’’nti āha. So ubhinnaṃ vacanaṃ parisaṃ gāhāpetvā suttaguḷaṃ nibbeṭhāpetvā timbaruaṭṭhiṃ disvā taṃ coribhāvaṃ saṃpaṭicchāpesi. Mahājano haṭṭhatuṭṭho ‘‘suvinicchito aḍḍo’’ti sādhukārasahassāni pavattesi.

    буд̇д̇од̇и згад̣̇ивасам̣ згаа ид̇т̇ий буд̇д̇ам̣ аад̣̇ааяа мукад̇хованад̇т̇ааяа бан̣д̣ид̇асса богкаран̣им̣ г̇анд̇ваа буд̇д̇ам̣ нхаабзд̇ваа ад̇д̇ано саадагз нисийд̣̇аабзд̇ваа ад̇д̇ано мукам̣ д̇ховид̇ум̣ од̇ари. д̇асмим̣ кан̣з згаа яагкиний д̇ам̣ д̣̇аарагам̣ д̣̇исваа каад̣̇ид̇угаамаа худ̇ваа ид̇т̇ивзсам̣ г̇ахзд̇ваа ‘‘сахааяигз, собхад̇и вад̇ааяам̣ д̣̇аараго, д̇авзсо буд̇д̇о’’д̇и бужчид̇ваа ‘‘аамаа’’д̇и вуд̇д̇з ‘‘бааязми на’’нд̇и вад̇ваа ‘‘бааязхий’’д̇и вуд̇д̇аа д̇ам̣ г̇ахзд̇ваа т̇огам̣ гийл̣аабзд̇ваа аад̣̇ааяа балааяи. ид̇араа д̇ам̣ д̣̇исваа д̇хаавид̇ваа ‘‘гухим̣ мз буд̇д̇ам̣ нзсий’’д̇и г̇ан̣хи. яагкиний ‘‘гуд̇о д̇аяаа буд̇д̇о лад̣̇д̇хо, мамзсо буд̇д̇о’’д̇и ааха. д̇аа галахам̣ гаронд̇ияо саалаад̣̇ваарзна г̇ажчанд̇и. бан̣д̣ид̇о д̇ам̣ галахасад̣̇д̣̇ам̣ суд̇ваа баггосаабзд̇ваа ‘‘гимзд̇а’’нд̇и бужчи. д̇аа д̇асса зд̇амад̇т̇ам̣ аарожзсум̣. д̇ам̣ суд̇ваа махаасад̇д̇о агкийнам̣ анимисад̇ааяа жзва рад̇д̇ад̇ааяа жа нираасан̇гад̇ааяа жа чааяааяа абхаавад̇ааяа жа ‘‘аяам̣ яагкиний’’д̇и н̃ад̇вааби ‘‘мама винижчаяз тассат̇аа’’д̇и вад̇ваа ‘‘аама, тассаамаа’’д̇и вуд̇д̇з бхуумияам̣ лзкам̣ гад̣дхаяид̇ваа лзкаамаж̇жхз д̣̇аарагам̣ нибаж̇ж̇аабзд̇ваа яагкиним̣ хад̇т̇зсу, маад̇арам̣ баад̣̇зсу г̇аахаабзд̇ваа ‘‘д̣̇взби гад̣дхид̇ваа г̇ан̣хат̇а, гад̣дхид̇ум̣ саггонд̇ияаа зва буд̇д̇о’’д̇и ааха.

    Puttoti ekadivasaṃ ekā itthī puttaṃ ādāya mukhadhovanatthāya paṇḍitassa pokkharaṇiṃ gantvā puttaṃ nhāpetvā attano sāṭake nisīdāpetvā attano mukhaṃ dhovituṃ otari. Tasmiṃ khaṇe ekā yakkhinī taṃ dārakaṃ disvā khāditukāmā hutvā itthivesaṃ gahetvā ‘‘sahāyike, sobhati vatāyaṃ dārako, taveso putto’’ti pucchitvā ‘‘āmā’’ti vutte ‘‘pāyemi na’’nti vatvā ‘‘pāyehī’’ti vuttā taṃ gahetvā thokaṃ kīḷāpetvā ādāya palāyi. Itarā taṃ disvā dhāvitvā ‘‘kuhiṃ me puttaṃ nesī’’ti gaṇhi. Yakkhinī ‘‘kuto tayā putto laddho, mameso putto’’ti āha. Tā kalahaṃ karontiyo sālādvārena gacchanti. Paṇḍito taṃ kalahasaddaṃ sutvā pakkosāpetvā ‘‘kimeta’’nti pucchi. Tā tassa etamatthaṃ ārocesuṃ. Taṃ sutvā mahāsatto akkhīnaṃ animisatāya ceva rattatāya ca nirāsaṅkatāya ca chāyāya abhāvatāya ca ‘‘ayaṃ yakkhinī’’ti ñatvāpi ‘‘mama vinicchaye ṭhassathā’’ti vatvā ‘‘āma, ṭhassāmā’’ti vutte bhūmiyaṃ lekhaṃ kaḍḍhayitvā lekhāmajjhe dārakaṃ nipajjāpetvā yakkhiniṃ hatthesu, mātaraṃ pādesu gāhāpetvā ‘‘dvepi kaḍḍhitvā gaṇhatha, kaḍḍhituṃ sakkontiyā eva putto’’ti āha.

    д̇аа убхоби гад̣дхим̣су. д̣̇аараго гад̣дхияамаано д̣̇угкаббад̇д̇о худ̇ваа вирави. маад̇аа хад̣̇аязна палид̇зна вияа худ̇ваа буд̇д̇ам̣ мун̃жид̇ваа род̣̇амаанаа адтааси. бан̣д̣ид̇о махааж̇анам̣ бужчи ‘‘амбхо, д̣̇аарагз, маад̇у хад̣̇аяам̣ муд̣̇угам̣ ход̇и, уд̣̇ааху амаад̇уу’’д̇и. ‘‘маад̇у хад̣̇аяам̣ муд̣̇угам̣ ход̇ий’’д̇и. ‘‘гим̣ д̣̇аани д̣̇аарагам̣ г̇ахзд̇ваа тид̇аа маад̇аа ход̇и, уд̣̇ааху виссаж̇ж̇зд̇ваа тид̇аа’’д̇и? ‘‘виссаж̇ж̇зд̇ваа тид̇аа бан̣д̣ид̇аа’’д̇и. ‘‘имам̣ бана д̣̇аарагажорим̣ д̇умхз ж̇аанаат̇аа’’д̇и? ‘‘на ж̇аанаама, бан̣д̣ид̇аа’’д̇и. ат̇а нз бан̣д̣ид̇о ааха – ‘‘яагкиний зсаа, зд̇ам̣ каад̣̇ид̇ум̣ г̇ан̣хий’’д̇и. ‘‘гат̇ам̣ ж̇аанааси, бан̣д̣ид̇аа’’д̇и. ‘‘агкийнам̣ анимисад̇ааяа жзва рад̇д̇ад̇ааяа жа нираасан̇гад̇ааяа жа чааяааяа абхаавзна жа ниггарун̣ад̇ааяа жаа’’д̇и. ат̇а нам̣ бужчи ‘‘гааси д̇ва’’нд̇и? ‘‘яагкиниймхи саамий’’д̇и. ‘‘гасмаа имам̣ д̣̇аарагам̣ г̇ан̣хий’’д̇и? ‘‘каад̣̇ид̇ум̣ г̇ан̣хаами, саамий’’д̇и. ‘‘анд̇хаб̣аалз, д̇вам̣ буб̣б̣зби баабагаммам̣ гад̇ваа яагкиний ж̇аад̇ааси, ид̣̇аани бунаби баабам̣ гароси, ахо анд̇хаб̣аалаасий’’д̇и вад̇ваа д̇ам̣ бан̃жасийлзсу бад̇идтаабзд̇ваа ‘‘ид̇о бадтааяа зваруубам̣ баабагаммам̣ маа агаасий’’д̇и вад̇ваа д̇ам̣ уяяож̇зси. д̣̇аарагамаад̇ааби д̣̇аарагам̣ лабхид̇ваа ‘‘жирам̣ ж̇ийвад̇у саамий’’д̇и бан̣д̣ид̇ам̣ т̇омзд̇ваа буд̇д̇ам̣ аад̣̇ааяа баггаами.

    Tā ubhopi kaḍḍhiṃsu. Dārako kaḍḍhiyamāno dukkhappatto hutvā viravi. Mātā hadayena phalitena viya hutvā puttaṃ muñcitvā rodamānā aṭṭhāsi. Paṇḍito mahājanaṃ pucchi ‘‘ambho, dārake, mātu hadayaṃ mudukaṃ hoti, udāhu amātū’’ti. ‘‘Mātu hadayaṃ mudukaṃ hotī’’ti. ‘‘Kiṃ dāni dārakaṃ gahetvā ṭhitā mātā hoti, udāhu vissajjetvā ṭhitā’’ti? ‘‘Vissajjetvā ṭhitā paṇḍitā’’ti. ‘‘Imaṃ pana dārakacoriṃ tumhe jānāthā’’ti? ‘‘Na jānāma, paṇḍitā’’ti. Atha ne paṇḍito āha – ‘‘yakkhinī esā, etaṃ khādituṃ gaṇhī’’ti. ‘‘Kathaṃ jānāsi, paṇḍitā’’ti. ‘‘Akkhīnaṃ animisatāya ceva rattatāya ca nirāsaṅkatāya ca chāyāya abhāvena ca nikkaruṇatāya cā’’ti. Atha naṃ pucchi ‘‘kāsi tva’’nti? ‘‘Yakkhinīmhi sāmī’’ti. ‘‘Kasmā imaṃ dārakaṃ gaṇhī’’ti? ‘‘Khādituṃ gaṇhāmi, sāmī’’ti. ‘‘Andhabāle, tvaṃ pubbepi pāpakammaṃ katvā yakkhinī jātāsi, idāni punapi pāpaṃ karosi, aho andhabālāsī’’ti vatvā taṃ pañcasīlesu patiṭṭhāpetvā ‘‘ito paṭṭhāya evarūpaṃ pāpakammaṃ mā akāsī’’ti vatvā taṃ uyyojesi. Dārakamātāpi dārakaṃ labhitvā ‘‘ciraṃ jīvatu sāmī’’ti paṇḍitaṃ thometvā puttaṃ ādāya pakkāmi.

    г̇од̇од̇и зго гира лагун̣д̣агад̇д̇аа г̇од̇о, гаал̣аван̣н̣ад̇аа жа гаал̣од̇и г̇од̇агаал̣о наама бурисо сад̇д̇асам̣важчараани гаммам̣ гад̇ваа бхарияам̣ лабхи. саа наамзна д̣̇ийгхад̇аалаа наама. со згад̣̇ивасам̣ д̇ам̣ ааманд̇зд̇ваа ‘‘бхад̣̇д̣̇з, буувакаад̣̇анийяам̣ бажаахи, маад̇аабид̇аро д̣̇адтум̣ г̇амиссаамаа’’д̇и вад̇ваа ‘‘гим̣ д̇з маад̇аабид̇уухий’’д̇и д̇ааяа бадигкид̇д̇оби яаавад̇ад̇ияам̣ вад̇ваа буувакаад̣̇анийяам̣ бажаабзд̇ваа баат̇зяяан̃жзва бан̣н̣аагааран̃жа аад̣̇ааяа д̇ааяа сад̣̇д̇хим̣ маг̇г̇ам̣ бадибанно анд̇араамаг̇г̇з уд̇д̇аанаваахиним̣ згам̣ над̣̇им̣ ад̣̇д̣̇аса. д̇з бана д̣̇взби уд̣̇агабхийругаж̇аад̇игаава, д̇асмаа д̇ам̣ уд̇д̇арид̇ум̣ ависаханд̇аа д̇ийрз адтам̣су. д̇ад̣̇аа д̣̇ийгхабидти наамзго д̣̇уг̇г̇ад̇абурисо анувижаранд̇о д̇ам̣ таанам̣ баабун̣и. ат̇а нам̣ д̇з д̣̇исваа бужчим̣су ‘‘самма, аяам̣ над̣̇ий г̇амбхийраа уд̇д̇аанаа’’д̇и. со д̇зсам̣ гат̇ам̣ суд̇ваа уд̣̇агабхийругабхаавам̣ н̃ад̇ваа ‘‘самма, аяам̣ над̣̇ий г̇амбхийраа б̣ахужан̣д̣амажчаагин̣н̣аа’’д̇и ааха. ‘‘самма, гат̇ам̣ д̇вам̣ г̇амиссасий’’д̇и? со ааха – ‘‘сам̣сумаарамагараанам̣ амхзхи барижаяо ад̇т̇и, д̇зна д̇з амхз на вихзтзнд̇ий’’д̇и. ‘‘д̇зна хи, самма, амхзби нзхий’’д̇и. со ‘‘саад̇хуу’’д̇и самбадижчи. ат̇асса д̇з каж̇ж̇абхож̇анам̣ ад̣̇ам̣су. со гад̇абхад̇д̇агижжо ‘‘самма, гам̣ батамам̣ нзмий’’д̇и бужчи. со ааха – ‘‘д̇ава сахааяигам̣ батамам̣ нзхи, мам̣ бажчаа нзхий’’д̇и. со ‘‘саад̇хуу’’д̇и самбадижчид̇ваа д̇ам̣ канд̇хз гад̇ваа баат̇зяяан̃жзва бан̣н̣аагааран̃жа г̇ахзд̇ваа над̣̇им̣ од̇арид̇ваа т̇огам̣ г̇анд̇ваа уггудиго нисийд̣̇ид̇ваа баггаами.

    Gototi eko kira lakuṇḍakattā goto, kāḷavaṇṇatā ca kāḷoti gotakāḷo nāma puriso sattasaṃvaccharāni kammaṃ katvā bhariyaṃ labhi. Sā nāmena dīghatālā nāma. So ekadivasaṃ taṃ āmantetvā ‘‘bhadde, pūvakhādanīyaṃ pacāhi, mātāpitaro daṭṭhuṃ gamissāmā’’ti vatvā ‘‘kiṃ te mātāpitūhī’’ti tāya paṭikkhittopi yāvatatiyaṃ vatvā pūvakhādanīyaṃ pacāpetvā pātheyyañceva paṇṇākārañca ādāya tāya saddhiṃ maggaṃ paṭipanno antarāmagge uttānavāhiniṃ ekaṃ nadiṃ addasa. Te pana dvepi udakabhīrukajātikāva, tasmā taṃ uttarituṃ avisahantā tīre aṭṭhaṃsu. Tadā dīghapiṭṭhi nāmeko duggatapuriso anuvicaranto taṃ ṭhānaṃ pāpuṇi. Atha naṃ te disvā pucchiṃsu ‘‘samma, ayaṃ nadī gambhīrā uttānā’’ti. So tesaṃ kathaṃ sutvā udakabhīrukabhāvaṃ ñatvā ‘‘samma, ayaṃ nadī gambhīrā bahucaṇḍamacchākiṇṇā’’ti āha. ‘‘Samma, kathaṃ tvaṃ gamissasī’’ti? So āha – ‘‘saṃsumāramakarānaṃ amhehi paricayo atthi, tena te amhe na viheṭhentī’’ti. ‘‘Tena hi, samma, amhepi nehī’’ti. So ‘‘sādhū’’ti sampaṭicchi. Athassa te khajjabhojanaṃ adaṃsu. So katabhattakicco ‘‘samma, kaṃ paṭhamaṃ nemī’’ti pucchi. So āha – ‘‘tava sahāyikaṃ paṭhamaṃ nehi, maṃ pacchā nehī’’ti. So ‘‘sādhū’’ti sampaṭicchitvā taṃ khandhe katvā pātheyyañceva paṇṇākārañca gahetvā nadiṃ otaritvā thokaṃ gantvā ukkuṭiko nisīditvā pakkāmi.

    г̇од̇агаал̣о д̇ийрз тид̇ова ‘‘г̇амбхийраавад̇ааяам̣ над̣̇ий, звам̣ д̣̇ийгхассаби наама зваруубаа, маяхам̣ бана абасаяхаава бхависсад̇ий’’д̇и жинд̇зси. ид̇ароби д̇ам̣ над̣̇иймаж̇жхам̣ нзд̇ваа ‘‘бхад̣̇д̣̇з, ахам̣ д̇ам̣ босзссаами, самбаннавад̇т̇аалан̇гаараа д̣̇аасид̣̇аасабаривуд̇аа вижариссаси, гим̣ д̇з аяам̣ лагун̣д̣агавааманаго гариссад̇и, мама важанам̣ гарохий’’д̇и ааха. саа д̇асса важанам̣ суд̇ваава ад̇д̇ано саамигз синзхам̣ бхинд̣̇ид̇ваа д̇ам̣кан̣ан̃н̃зва д̇асмим̣ бадиб̣ад̣̇д̇хажид̇д̇аа худ̇ваа ‘‘саами, сажз мам̣ на чад̣д̣зссаси, гариссаами д̇з важана’’нд̇и самбадижчи. ‘‘бхад̣̇д̣̇з, гим̣ вад̣̇зси, ахам̣ д̇ам̣ босзссаамий’’д̇и. д̇з барад̇ийрам̣ г̇анд̇ваа убхоби самаг̇г̇аа саммод̣̇амаанаа ‘‘г̇од̇агаал̣ам̣ бахааяа д̇идта д̇ва’’нд̇и вад̇ваа д̇асса бассанд̇ассзва каад̣̇анийяам̣ каад̣̇анд̇аа баггамим̣су. со д̣̇исваа ‘‘имз згад̇о худ̇ваа мам̣ чад̣д̣зд̇ваа балааяанд̇и ман̃н̃з’’д̇и абараабарам̣ д̇хааванд̇о т̇огам̣ од̇арид̇ваа бхаязна нивад̇д̇ид̇ваа буна д̇зсу гобзна ‘‘ж̇ийваами ваа мараами ваа’’д̇и уллан̇гхид̇ваа над̣̇ияам̣ бад̇ид̇о уд̇д̇аанабхаавам̣ н̃ад̇ваа над̣̇им̣ уд̇д̇арид̇ваа взг̇зна д̇ам̣ баабун̣ид̇ваа ‘‘амбхо д̣̇удтажора, гухим̣ мз бхарияам̣ нзсий’’д̇и ааха. ид̇ароби д̇ам̣ ‘‘арз д̣̇удтавааманага, гуд̇о д̇ава бхарияаа, мамзсаа бхарияаа’’д̇и вад̇ваа г̇ийвааяам̣ г̇ахзд̇ваа киби. со д̣̇ийгхад̇аалам̣ хад̇т̇з г̇ахзд̇ваа’’д̇идта д̇вам̣ гухим̣ г̇ажчаси, сад̇д̇а сам̣важчараани гаммам̣ гад̇ваа лад̣̇д̇хабхарияаа мзсий’’д̇и вад̇ваа д̇зна сад̣̇д̇хим̣ галахам̣ гаронд̇о саалааяа санд̇игам̣ баабун̣и. махааж̇ано саннибад̇и.

    Gotakāḷo tīre ṭhitova ‘‘gambhīrāvatāyaṃ nadī, evaṃ dīghassapi nāma evarūpā, mayhaṃ pana apasayhāva bhavissatī’’ti cintesi. Itaropi taṃ nadīmajjhaṃ netvā ‘‘bhadde, ahaṃ taṃ posessāmi, sampannavatthālaṅkārā dāsidāsaparivutā vicarissasi, kiṃ te ayaṃ lakuṇḍakavāmanako karissati, mama vacanaṃ karohī’’ti āha. Sā tassa vacanaṃ sutvāva attano sāmike sinehaṃ bhinditvā taṃkhaṇaññeva tasmiṃ paṭibaddhacittā hutvā ‘‘sāmi, sace maṃ na chaḍḍessasi, karissāmi te vacana’’nti sampaṭicchi. ‘‘Bhadde, kiṃ vadesi, ahaṃ taṃ posessāmī’’ti. Te paratīraṃ gantvā ubhopi samaggā sammodamānā ‘‘gotakāḷaṃ pahāya tiṭṭha tva’’nti vatvā tassa passantasseva khādanīyaṃ khādantā pakkamiṃsu. So disvā ‘‘ime ekato hutvā maṃ chaḍḍetvā palāyanti maññe’’ti aparāparaṃ dhāvanto thokaṃ otaritvā bhayena nivattitvā puna tesu kopena ‘‘jīvāmi vā marāmi vā’’ti ullaṅghitvā nadiyaṃ patito uttānabhāvaṃ ñatvā nadiṃ uttaritvā vegena taṃ pāpuṇitvā ‘‘ambho duṭṭhacora, kuhiṃ me bhariyaṃ nesī’’ti āha. Itaropi taṃ ‘‘are duṭṭhavāmanaka, kuto tava bhariyā, mamesā bhariyā’’ti vatvā gīvāyaṃ gahetvā khipi. So dīghatālaṃ hatthe gahetvā’’tiṭṭha tvaṃ kuhiṃ gacchasi, satta saṃvaccharāni kammaṃ katvā laddhabhariyā mesī’’ti vatvā tena saddhiṃ kalahaṃ karonto sālāya santikaṃ pāpuṇi. Mahājano sannipati.

    бан̣д̣ид̇о ‘‘гим̣ сад̣̇д̣̇о наамзсо’’д̇и бужчид̇ваа д̇з убхоби баггосаабзд̇ваа важанаббадиважанам̣ суд̇ваа ‘‘мама винижчаяз тассат̇аа’’д̇и вад̇ваа ‘‘аама, тассаамаа’’д̇и вуд̇д̇з батамам̣ д̣̇ийгхабидтим̣ баггосаабзд̇ваа ‘‘д̇вам̣ гонаамосий’’д̇и бужчи. ‘‘д̣̇ийгхабидтиго наама, саамий’’д̇и. ‘‘бхарияаа д̇з гаа наамаа’’д̇и? со д̇ассаа наамам̣ аж̇аананд̇о ан̃н̃ам̣ гат̇зси. ‘‘маад̇аабид̇аро д̇з гз наамаа’’д̇и? ‘‘асугаа наамаа’’д̇и. ‘‘бхарияааяа бана д̇з маад̇аабид̇аро гз наамаа’’д̇и? со аж̇аанид̇ваа ан̃н̃ам̣ гат̇зси. д̇асса гат̇ам̣ барисам̣ г̇аахаабзд̇ваа д̇ам̣ абанзд̇ваа ид̇арам̣ баггосаабзд̇ваа буриманаязнзва саб̣б̣зсам̣ наамаани бужчи. со яат̇аабхууд̇ам̣ ж̇аананд̇о авираж̇жхид̇ваа гат̇зси. д̇амби абанзд̇ваа д̣̇ийгхад̇аалам̣ баггосаабзд̇ваа ‘‘д̇вам̣ гаа наамаа’’д̇и бужчи. ‘‘д̣̇ийгхад̇аалаа наама саамий’’д̇и. ‘‘саамиго д̇з гонаамо’’д̇и? саа аж̇аананд̇ий ан̃н̃ам̣ гат̇зси. ‘‘маад̇аабид̇аро д̇з гз наамаа’’д̇и. ‘‘асугаа наама саамий’’д̇и. ‘‘саамигасса бана д̇з маад̇аабид̇аро гз наамаа’’д̇и? сааби вилабанд̇ий ан̃н̃ам̣ гат̇зси . ид̇арз д̣̇вз баггосаабзд̇ваа махааж̇анам̣ бужчи ‘‘гим̣ имиссаа д̣̇ийгхабидтисса важанзна самзд̇и, уд̣̇ааху г̇од̇агаал̣ассаа’’д̇и. ‘‘г̇од̇агаал̣асса бан̣д̣ид̇аа’’д̇и. ‘‘аяам̣ зд̇иссаа саамиго, ид̇аро жоро’’д̇и. ат̇а нам̣ ‘‘жороси, на жоросий’’д̇и бужчи. ‘‘аама, саами, жоромхий’’д̇и жорабхаавам̣ самбадижчи. бан̣д̣ид̇асса винижчаязна г̇од̇агаал̣о ад̇д̇ано бхарияам̣ лабхид̇ваа махаасад̇д̇ам̣ т̇омзд̇ваа д̇ам̣ аад̣̇ааяа баггаами. бан̣д̣ид̇о д̣̇ийгхабидтимааха ‘‘маа буна звамагаасий’’д̇и.

    Paṇḍito ‘‘kiṃ saddo nāmeso’’ti pucchitvā te ubhopi pakkosāpetvā vacanappaṭivacanaṃ sutvā ‘‘mama vinicchaye ṭhassathā’’ti vatvā ‘‘āma, ṭhassāmā’’ti vutte paṭhamaṃ dīghapiṭṭhiṃ pakkosāpetvā ‘‘tvaṃ konāmosī’’ti pucchi. ‘‘Dīghapiṭṭhiko nāma, sāmī’’ti. ‘‘Bhariyā te kā nāmā’’ti? So tassā nāmaṃ ajānanto aññaṃ kathesi. ‘‘Mātāpitaro te ke nāmā’’ti? ‘‘Asukā nāmā’’ti. ‘‘Bhariyāya pana te mātāpitaro ke nāmā’’ti? So ajānitvā aññaṃ kathesi. Tassa kathaṃ parisaṃ gāhāpetvā taṃ apanetvā itaraṃ pakkosāpetvā purimanayeneva sabbesaṃ nāmāni pucchi. So yathābhūtaṃ jānanto avirajjhitvā kathesi. Tampi apanetvā dīghatālaṃ pakkosāpetvā ‘‘tvaṃ kā nāmā’’ti pucchi. ‘‘Dīghatālā nāma sāmī’’ti. ‘‘Sāmiko te konāmo’’ti? Sā ajānantī aññaṃ kathesi. ‘‘Mātāpitaro te ke nāmā’’ti. ‘‘Asukā nāma sāmī’’ti. ‘‘Sāmikassa pana te mātāpitaro ke nāmā’’ti? Sāpi vilapantī aññaṃ kathesi . Itare dve pakkosāpetvā mahājanaṃ pucchi ‘‘kiṃ imissā dīghapiṭṭhissa vacanena sameti, udāhu gotakāḷassā’’ti. ‘‘Gotakāḷassa paṇḍitā’’ti. ‘‘Ayaṃ etissā sāmiko, itaro coro’’ti. Atha naṃ ‘‘corosi, na corosī’’ti pucchi. ‘‘Āma, sāmi, coromhī’’ti corabhāvaṃ sampaṭicchi. Paṇḍitassa vinicchayena gotakāḷo attano bhariyaṃ labhitvā mahāsattaṃ thometvā taṃ ādāya pakkāmi. Paṇḍito dīghapiṭṭhimāha ‘‘mā puna evamakāsī’’ti.

    рат̇зна жаад̇и згад̣̇ивасам̣ зго бана бурисо рат̇з нисийд̣̇ид̇ваа мукад̇хованад̇т̇ааяа нигками. д̇асмим̣ кан̣з сагго ааваж̇ж̇знд̇о бан̣д̣ид̇ам̣ д̣̇исваа ‘‘махосад̇хаб̣уд̣̇д̇хан̇гурасса бан̃н̃аанубхаавам̣ баагадам̣ гариссаамий’’д̇и жинд̇зд̇ваа мануссавзсзнааг̇анд̇ваа рат̇асса бажчаабхааг̇ам̣ г̇ахзд̇ваа бааяааси. рат̇з нисинно бурисо ‘‘д̇аад̇а, гзнад̇т̇знааг̇ад̇осий’’д̇и бужчид̇ваа ‘‘д̇умхз убадтаад̇у’’нд̇и вуд̇д̇з ‘‘саад̇хуу’’д̇и самбадижчид̇ваа яаанаа оруяха сарийрагижжад̇т̇ааяа г̇ад̇о. д̇асмим̣ кан̣з сагго рат̇ам̣ абхирухид̇ваа взг̇зна бааж̇зси. рат̇асаамиго бана сарийрагижжам̣ гад̇ваа нигканд̇о саггам̣ рат̇ам̣ г̇ахзд̇ваа балааяанд̇ам̣ д̣̇исваа взг̇зна г̇анд̇ваа ‘‘д̇идта д̇идта, гухим̣ мз рат̇ам̣ нзсий’’д̇и вад̇ваа ‘‘д̇ава рат̇о ан̃н̃о бхависсад̇и, аяам̣ бана мама рат̇о’’д̇и вуд̇д̇з д̇зна сад̣̇д̇хим̣ галахам̣ гаронд̇о саалаад̣̇ваарам̣ бад̇д̇о. бан̣д̣ид̇о ‘‘гим̣ наамзд̇а’’нд̇и бужчид̇ваа д̇з баггосаабзд̇ваа ааг̇ажчанд̇з д̣̇исваа ниб̣бхаяад̇ааяа жзва агкийнам̣ анимисад̇ааяа жа ‘‘аяам̣ сагго, аяам̣ рат̇асаамиго’’д̇и ан̃н̃ааси, звам̣ санд̇зби виваад̣̇агааран̣ам̣ бужчид̇ваа ‘‘мама винижчаяз тассат̇аа’’д̇и вад̇ваа ‘‘аама, тассаамаа’’д̇и вуд̇д̇з ‘‘ахам̣ рат̇ам̣ бааж̇зссаами, д̇умхз д̣̇взби рат̇ам̣ бажчад̇о г̇ахзд̇ваа г̇ажчат̇а, рат̇асаамиго на виссаж̇ж̇зссад̇и, ид̇аро виссаж̇ж̇зссад̇ий’’д̇и вад̇ваа бурисам̣ аан̣аабзси ‘‘рат̇ам̣ бааж̇зхий’’д̇и. со д̇ат̇аа агааси.

    Rathena cāti ekadivasaṃ eko pana puriso rathe nisīditvā mukhadhovanatthāya nikkhami. Tasmiṃ khaṇe sakko āvajjento paṇḍitaṃ disvā ‘‘mahosadhabuddhaṅkurassa paññānubhāvaṃ pākaṭaṃ karissāmī’’ti cintetvā manussavesenāgantvā rathassa pacchābhāgaṃ gahetvā pāyāsi. Rathe nisinno puriso ‘‘tāta, kenatthenāgatosī’’ti pucchitvā ‘‘tumhe upaṭṭhātu’’nti vutte ‘‘sādhū’’ti sampaṭicchitvā yānā oruyha sarīrakiccatthāya gato. Tasmiṃ khaṇe sakko rathaṃ abhiruhitvā vegena pājesi. Rathasāmiko pana sarīrakiccaṃ katvā nikkhanto sakkaṃ rathaṃ gahetvā palāyantaṃ disvā vegena gantvā ‘‘tiṭṭha tiṭṭha, kuhiṃ me rathaṃ nesī’’ti vatvā ‘‘tava ratho añño bhavissati, ayaṃ pana mama ratho’’ti vutte tena saddhiṃ kalahaṃ karonto sālādvāraṃ patto. Paṇḍito ‘‘kiṃ nāmeta’’nti pucchitvā te pakkosāpetvā āgacchante disvā nibbhayatāya ceva akkhīnaṃ animisatāya ca ‘‘ayaṃ sakko, ayaṃ rathasāmiko’’ti aññāsi, evaṃ santepi vivādakāraṇaṃ pucchitvā ‘‘mama vinicchaye ṭhassathā’’ti vatvā ‘‘āma, ṭhassāmā’’ti vutte ‘‘ahaṃ rathaṃ pājessāmi, tumhe dvepi rathaṃ pacchato gahetvā gacchatha, rathasāmiko na vissajjessati, itaro vissajjessatī’’ti vatvā purisaṃ āṇāpesi ‘‘rathaṃ pājehī’’ti. So tathā akāsi.

    ид̇арзби д̣̇вз бажчад̇о г̇ахзд̇ваа г̇ажчанд̇и. рат̇асаамиго т̇огам̣ г̇анд̇ваа виссаж̇ж̇зд̇ваа тид̇о, сагго бана рат̇зна сад̣̇д̇хим̣ г̇анд̇ваа рат̇знзва сад̣̇д̇хим̣ нивад̇д̇и. бан̣д̣ид̇о мануссз аажигки ‘‘аяам̣ бурисо т̇огам̣ г̇анд̇ваа рат̇ам̣ виссаж̇ж̇зд̇ваа тид̇о, аяам̣ бана рат̇зна сад̣̇д̇хим̣ д̇хаавид̇ваа рат̇знзва сад̣̇д̇хим̣ нивад̇д̇и, нзвасса сарийрз сзд̣̇аб̣инд̣̇умад̇д̇амби ад̇т̇и, ассаасабассаасоби над̇т̇и, абхийд̇о анимисанзд̇д̇о, зса сагго д̣̇зварааж̇аа’’д̇и. ат̇а нам̣ ‘‘сагго д̣̇зварааж̇аасий’’д̇и бужчид̇ваа ‘‘аама, бан̣д̣ид̇аа’’д̇и вуд̇д̇з ‘‘гасмаа ааг̇ад̇осий’’д̇и вад̇ваа ‘‘д̇авзва бан̃н̃аабагаасанад̇т̇ам̣ бан̣д̣ид̇аа’’д̇и вуд̇д̇з ‘‘д̇зна хи маа буна звамагаасий’’д̇и овад̣̇ад̇и. саггоби саггаанубхаавам̣ д̣̇ассзнд̇о аагаасз тад̇ваа ‘‘сувинижчид̇о бан̣д̣ид̇зна ад̣д̣о’’д̇и бан̣д̣ид̇асса т̇уд̇им̣ гад̇ваа сагадтаанамзва г̇ад̇о. д̇ад̣̇аа со амажжо саяамзва ран̃н̃о санд̇игам̣ г̇анд̇ваа ‘‘махаарааж̇а, бан̣д̣ид̇зна звам̣ рат̇аад̣д̣о сувинижчид̇о, саггоби д̇зна барааж̇ид̇о, гасмаа бурисависзсам̣ на ж̇аанааси, д̣̇зваа’’д̇и ааха. рааж̇аа сзнагам̣ бужчи ‘‘гим̣, сзнага, аанзма бан̣д̣ид̇а’’нд̇и. со лаабхамажчарзна ‘‘махаарааж̇а, зд̇д̇агзна бан̣д̣ид̇о наама на ход̇и, ааг̇амзт̇а д̇аава виймам̣сид̇ваа ж̇ааниссаамаа’’д̇и ааха.

    Itarepi dve pacchato gahetvā gacchanti. Rathasāmiko thokaṃ gantvā vissajjetvā ṭhito, sakko pana rathena saddhiṃ gantvā ratheneva saddhiṃ nivatti. Paṇḍito manusse ācikkhi ‘‘ayaṃ puriso thokaṃ gantvā rathaṃ vissajjetvā ṭhito, ayaṃ pana rathena saddhiṃ dhāvitvā ratheneva saddhiṃ nivatti, nevassa sarīre sedabindumattampi atthi, assāsapassāsopi natthi, abhīto animisanetto, esa sakko devarājā’’ti. Atha naṃ ‘‘sakko devarājāsī’’ti pucchitvā ‘‘āma, paṇḍitā’’ti vutte ‘‘kasmā āgatosī’’ti vatvā ‘‘taveva paññāpakāsanatthaṃ paṇḍitā’’ti vutte ‘‘tena hi mā puna evamakāsī’’ti ovadati. Sakkopi sakkānubhāvaṃ dassento ākāse ṭhatvā ‘‘suvinicchito paṇḍitena aḍḍo’’ti paṇḍitassa thutiṃ katvā sakaṭṭhānameva gato. Tadā so amacco sayameva rañño santikaṃ gantvā ‘‘mahārāja, paṇḍitena evaṃ rathaaḍḍo suvinicchito, sakkopi tena parājito, kasmā purisavisesaṃ na jānāsi, devā’’ti āha. Rājā senakaṃ pucchi ‘‘kiṃ, senaka, ānema paṇḍita’’nti. So lābhamaccharena ‘‘mahārāja, ettakena paṇḍito nāma na hoti, āgametha tāva vīmaṃsitvā jānissāmā’’ti āha.

    сад̇д̇ад̣̇аарагабан̃хо нидтид̇о.

    Sattadārakapañho niṭṭhito.

    г̇ад̣̇рабхабан̃хо

    Gadrabhapañho

    д̣̇ан̣д̣од̇и ат̇згад̣̇ивасам̣ рааж̇аа ‘‘бан̣д̣ид̇ам̣ виймам̣сиссаамаа’’д̇и кад̣̇ирад̣̇ан̣д̣ам̣ аахараабзд̇ваа д̇ад̇о вид̣̇ад̇т̇им̣ г̇ахзд̇ваа жунд̣̇агаарз баггосаабзд̇ваа судту ликаабзд̇ваа баажийнаяавамаж̇жхагаг̇аамам̣ бзсзси ‘‘баажийнаяавамаж̇жхагаг̇аамаваасино гира бан̣д̣ид̇аа, ‘имасса кад̣̇ирад̣̇ан̣д̣асса ид̣̇ам̣ аг̇г̇ам̣, ид̣̇ам̣ муула’нд̇и ж̇аананд̇у, аж̇аананд̇аанам̣ сахассад̣̇ан̣д̣о’’д̇и. г̇аамаваасино саннибад̇ид̇ваа ж̇аанид̇ум̣ асаггонд̇аа сздтино гат̇аяим̣су ‘‘гад̣̇аажи махосад̇хабан̣д̣ид̇о ж̇аанзяяа, баггосаабзд̇ваа д̇ам̣ бужчат̇аа’’д̇и. сздти бан̣д̣ид̇ам̣ гийл̣ааман̣д̣алаа баггосаабзд̇ваа д̇амад̇т̇ам̣ аарожзд̇ваа ‘‘д̇аад̇а, маяам̣ ж̇аанид̇ум̣ на саггома, аби ну д̇вам̣ сагкиссасий’’д̇и бужчи. д̇ам̣ суд̇ваа бан̣д̣ид̇о жинд̇зси ‘‘ран̃н̃о имасса аг̇г̇зна ваа муулзна ваа баяож̇анам̣ над̇т̇и, мама виймам̣санад̇т̇ааяа бзсид̇ам̣ бхависсад̇ий’’д̇и. жинд̇зд̇ваа жа бана ‘‘аахарат̇а, д̇аад̇а, ж̇ааниссаамий’’д̇и аахараабзд̇ваа хад̇т̇зна г̇ахзд̇ваава ‘‘ид̣̇ам̣ аг̇г̇ам̣ ид̣̇ам̣ муула’’нд̇и н̃ад̇вааби махааж̇анасса хад̣̇аяаг̇г̇ахан̣ад̇т̇ам̣ уд̣̇агабаад̇им̣ аахараабзд̇ваа кад̣̇ирад̣̇ан̣д̣агасса маж̇жхз суд̇д̇зна б̣анд̇хид̇ваа суд̇д̇агодияам̣ г̇ахзд̇ваа кад̣̇ирад̣̇ан̣д̣агам̣ уд̣̇агабидтз табзси. муулам̣ бхаарияад̇ааяа батамам̣ уд̣̇агз нимуж̇ж̇и. д̇ад̇о махааж̇анам̣ бужчи ‘‘ругкасса наама муулам̣ бхаарияам̣ ход̇и, уд̣̇ааху аг̇г̇а’’нд̇и? ‘‘муулам̣ бан̣д̣ид̇аа’’д̇и. д̇зна хи имасса батамам̣ нимуг̇г̇ам̣ бассат̇а, зд̇ам̣ мууланд̇и имааяа сан̃н̃ааяа аг̇г̇ан̃жа муулан̃жа аажигки. г̇аамаваасино ‘‘ид̣̇ам̣ аг̇г̇ам̣ ид̣̇ам̣ муула’’нд̇и ран̃н̃о бахин̣им̣су. рааж̇аа ‘‘го имам̣ ж̇аанаад̇ий’’д̇и бужчид̇ваа ‘‘сиривад̣дханасздтино буд̇д̇о махосад̇хабан̣д̣ид̇о’’д̇и суд̇ваа ‘‘гим̣, сзнага, аанзма бан̣д̣ид̇а’’нд̇и бужчи. ад̇хиваасзхи, д̣̇зва, ан̃н̃знаби убааязна нам̣ виймам̣сиссаамаад̇и.

    Daṇḍoti athekadivasaṃ rājā ‘‘paṇḍitaṃ vīmaṃsissāmā’’ti khadiradaṇḍaṃ āharāpetvā tato vidatthiṃ gahetvā cundakāre pakkosāpetvā suṭṭhu likhāpetvā pācīnayavamajjhakagāmaṃ pesesi ‘‘pācīnayavamajjhakagāmavāsino kira paṇḍitā, ‘imassa khadiradaṇḍassa idaṃ aggaṃ, idaṃ mūla’nti jānantu, ajānantānaṃ sahassadaṇḍo’’ti. Gāmavāsino sannipatitvā jānituṃ asakkontā seṭṭhino kathayiṃsu ‘‘kadāci mahosadhapaṇḍito jāneyya, pakkosāpetvā taṃ pucchathā’’ti. Seṭṭhi paṇḍitaṃ kīḷāmaṇḍalā pakkosāpetvā tamatthaṃ ārocetvā ‘‘tāta, mayaṃ jānituṃ na sakkoma, api nu tvaṃ sakkhissasī’’ti pucchi. Taṃ sutvā paṇḍito cintesi ‘‘rañño imassa aggena vā mūlena vā payojanaṃ natthi, mama vīmaṃsanatthāya pesitaṃ bhavissatī’’ti. Cintetvā ca pana ‘‘āharatha, tāta, jānissāmī’’ti āharāpetvā hatthena gahetvāva ‘‘idaṃ aggaṃ idaṃ mūla’’nti ñatvāpi mahājanassa hadayaggahaṇatthaṃ udakapātiṃ āharāpetvā khadiradaṇḍakassa majjhe suttena bandhitvā suttakoṭiyaṃ gahetvā khadiradaṇḍakaṃ udakapiṭṭhe ṭhapesi. Mūlaṃ bhāriyatāya paṭhamaṃ udake nimujji. Tato mahājanaṃ pucchi ‘‘rukkhassa nāma mūlaṃ bhāriyaṃ hoti, udāhu agga’’nti? ‘‘Mūlaṃ paṇḍitā’’ti. Tena hi imassa paṭhamaṃ nimuggaṃ passatha, etaṃ mūlanti imāya saññāya aggañca mūlañca ācikkhi. Gāmavāsino ‘‘idaṃ aggaṃ idaṃ mūla’’nti rañño pahiṇiṃsu. Rājā ‘‘ko imaṃ jānātī’’ti pucchitvā ‘‘sirivaḍḍhanaseṭṭhino putto mahosadhapaṇḍito’’ti sutvā ‘‘kiṃ, senaka, ānema paṇḍita’’nti pucchi. Adhivāsehi, deva, aññenapi upāyena naṃ vīmaṃsissāmāti.

    сийсанд̇и ат̇згад̣̇ивасам̣ ид̇т̇ияаа жа бурисасса жаад̇и д̣̇вз сийсаани аахараабзд̇ваа ‘‘ид̣̇ам̣ ид̇т̇исийсам̣, ид̣̇ам̣ бурисасийсанд̇и ж̇аананд̇у, аж̇аананд̇аанам̣ сахассад̣̇ан̣д̣о’’д̇и бахин̣им̣су. г̇аамаваасино аж̇аананд̇аа бан̣д̣ид̇ам̣ бужчим̣су. со д̣̇исваава ан̃н̃ааси. гат̇ам̣ ж̇аанаад̇и? бурисасийсз гира сиб̣б̣иний уж̇угаава ход̇и, ид̇т̇исийсз сиб̣б̣иний ван̇гаа ход̇и, баривад̇д̇ид̇ваа г̇ажчад̇и. со иминаа абхин̃н̃аан̣зна ‘‘ид̣̇ам̣ ид̇т̇ияаа сийсам̣, ид̣̇ам̣ бурисасса сийса’’нд̇и аажигки. г̇аамаваасиноби ран̃н̃о бахин̣им̣су. сзсам̣ буримасад̣̇исамзва.

    Sīsanti athekadivasaṃ itthiyā ca purisassa cāti dve sīsāni āharāpetvā ‘‘idaṃ itthisīsaṃ, idaṃ purisasīsanti jānantu, ajānantānaṃ sahassadaṇḍo’’ti pahiṇiṃsu. Gāmavāsino ajānantā paṇḍitaṃ pucchiṃsu. So disvāva aññāsi. Kathaṃ jānāti? Purisasīse kira sibbinī ujukāva hoti, itthisīse sibbinī vaṅkā hoti, parivattitvā gacchati. So iminā abhiññāṇena ‘‘idaṃ itthiyā sīsaṃ, idaṃ purisassa sīsa’’nti ācikkhi. Gāmavāsinopi rañño pahiṇiṃsu. Sesaṃ purimasadisameva.

    ахийд̇и ат̇згад̣̇ивасам̣ саббан̃жа саббинин̃жа аахараабзд̇ваа ‘‘аяам̣ саббо, аяам̣ саббинийд̇и ж̇аананд̇у, аж̇аананд̇аанам̣ сахассад̣̇ан̣д̣о’’д̇и вад̇ваа г̇аамаваасийнам̣ бзсзсум̣. г̇аамаваасино аж̇аананд̇аа бан̣д̣ид̇ам̣ бужчим̣су. со д̣̇исваава ж̇аанаад̇и. саббасса хи нан̇г̇удтам̣ т̇уулам̣ ход̇и, саббинияаа д̇анугам̣ ход̇и, саббасса сийсам̣ бут̇улам̣ ход̇и, саббинияаа д̇анугам̣ ход̇и, саббасса агкийни маханд̇аани, саббинияаа куд̣̇д̣̇агаани, саббасса совад̇д̇иго барааб̣ад̣̇д̇хо ход̇и, саббинияаа вижчиннаго. со имзхи абхин̃н̃аан̣зхи ‘‘аяам̣ саббо, аяам̣ саббиний’’д̇и аажигки. сзсам̣ вуд̇д̇анаяамзва.

    Ahīti athekadivasaṃ sappañca sappiniñca āharāpetvā ‘‘ayaṃ sappo, ayaṃ sappinīti jānantu, ajānantānaṃ sahassadaṇḍo’’ti vatvā gāmavāsīnaṃ pesesuṃ. Gāmavāsino ajānantā paṇḍitaṃ pucchiṃsu. So disvāva jānāti. Sappassa hi naṅguṭṭhaṃ thūlaṃ hoti, sappiniyā tanukaṃ hoti, sappassa sīsaṃ puthulaṃ hoti, sappiniyā tanukaṃ hoti, sappassa akkhīni mahantāni, sappiniyā khuddakāni, sappassa sovattiko parābaddho hoti, sappiniyā vicchinnako. So imehi abhiññāṇehi ‘‘ayaṃ sappo, ayaṃ sappinī’’ti ācikkhi. Sesaṃ vuttanayameva.

    гуггудод̇и ат̇згад̣̇ивасам̣ ‘‘баажийнаяавамаж̇жхагаг̇аамаваасино амхаагам̣ саб̣б̣асзд̇ам̣ баад̣̇ависаан̣ам̣ сийсагагуд̇хам̣ д̇аяо гаалз анад̇иггамид̇ваа над̣̇анд̇ам̣ усабхам̣ бзсзнд̇у, но жз бзсзнд̇и, сахассад̣̇ан̣д̣о’’д̇и бахин̣им̣су. д̇з аж̇аананд̇аа бан̣д̣ид̇ам̣ бужчим̣су. со ааха – ‘‘рааж̇аа во саб̣б̣асзд̇ам̣ гуггудам̣ аахараабзси, со хи баад̣̇анакасикад̇ааяа баад̣̇ависаан̣о наама, сийсажуул̣ад̇ааяа сийсагагуд̇хо наама, д̇игкад̇д̇ум̣ вассанад̇о д̇аяо гаалз анад̇иггамид̇ваа над̣̇ад̇и наама, д̇асмаа зваруубам̣ гуггул̣ам̣ бзсзт̇аа’’д̇и ааха. д̇з бзсаяим̣су.

    Kukkuṭoti athekadivasaṃ ‘‘pācīnayavamajjhakagāmavāsino amhākaṃ sabbasetaṃ pādavisāṇaṃ sīsakakudhaṃ tayo kāle anatikkamitvā nadantaṃ usabhaṃ pesentu, no ce pesenti, sahassadaṇḍo’’ti pahiṇiṃsu. Te ajānantā paṇḍitaṃ pucchiṃsu. So āha – ‘‘rājā vo sabbasetaṃ kukkuṭaṃ āharāpesi, so hi pādanakhasikhatāya pādavisāṇo nāma, sīsacūḷatāya sīsakakudho nāma, tikkhattuṃ vassanato tayo kāle anatikkamitvā nadati nāma, tasmā evarūpaṃ kukkuḷaṃ pesethā’’ti āha. Te pesayiṃsu.

    ман̣ийд̇и саггзна гусаран̃н̃о д̣̇инно ман̣игканд̇хо адтасу таанзсу ван̇го ход̇и. д̇асса бураан̣асуд̇д̇ам̣ чиннам̣, гожи бураан̣асуд̇д̇ам̣ нийхарид̇ваа навасуд̇д̇ам̣ бавзсзд̇ум̣ на саггод̇и, д̇асмаа згад̣̇ивасам̣ ‘‘имасмаа ман̣игканд̇хаа бураан̣асуд̇д̇ам̣ нийхарид̇ваа навасуд̇д̇ам̣ бавзсзнд̇уу’’д̇и бзсаяим̣су. г̇аамаваасино бураан̣асуд̇д̇ам̣ нийхарид̇ваа навасуд̇д̇ам̣ бавзсзд̇ум̣ асаггонд̇аа бан̣д̣ид̇асса аажигким̣су. со ‘‘маа жинд̇аяид̇т̇а, мад̇хум̣ аахарат̇аа’’д̇и аахараабзд̇ваа ман̣ино д̣̇вийсу бассзсу мад̇хунаа чид̣̇д̣̇ам̣ магкзд̇ваа гамб̣аласуд̇д̇ам̣ ваддзд̇ваа годияам̣ мад̇хунаа магкзд̇ваа т̇огам̣ чид̣̇д̣̇з бавзсзд̇ваа гибиллигаанам̣ нигкаманадтаанз табзси. гибиллигаа мад̇хуг̇анд̇хзна нигкамид̇ваа ман̣имхи бураан̣асуд̇д̇ам̣ каад̣̇амаанаа г̇анд̇ваа гамб̣аласуд̇д̇агодияам̣ д̣ам̣сид̇ваа гад̣дханд̇аа згзна бассзна нийхарим̣су. бан̣д̣ид̇о бавзсид̇абхаавам̣ н̃ад̇ваа ‘‘ран̃н̃о д̣̇зт̇аа’’д̇и г̇аамаваасийнам̣ ад̣̇ааси. д̇з ран̃н̃о бзсаяим̣су. со бавзсид̇аубааяам̣ суд̇ваа д̇усси.

    Maṇīti sakkena kusarañño dinno maṇikkhandho aṭṭhasu ṭhānesu vaṅko hoti. Tassa purāṇasuttaṃ chinnaṃ, koci purāṇasuttaṃ nīharitvā navasuttaṃ pavesetuṃ na sakkoti, tasmā ekadivasaṃ ‘‘imasmā maṇikkhandhā purāṇasuttaṃ nīharitvā navasuttaṃ pavesentū’’ti pesayiṃsu. Gāmavāsino purāṇasuttaṃ nīharitvā navasuttaṃ pavesetuṃ asakkontā paṇḍitassa ācikkhiṃsu. So ‘‘mā cintayittha, madhuṃ āharathā’’ti āharāpetvā maṇino dvīsu passesu madhunā chiddaṃ makkhetvā kambalasuttaṃ vaṭṭetvā koṭiyaṃ madhunā makkhetvā thokaṃ chidde pavesetvā kipillikānaṃ nikkhamanaṭṭhāne ṭhapesi. Kipillikā madhugandhena nikkhamitvā maṇimhi purāṇasuttaṃ khādamānā gantvā kambalasuttakoṭiyaṃ ḍaṃsitvā kaḍḍhantā ekena passena nīhariṃsu. Paṇḍito pavesitabhāvaṃ ñatvā ‘‘rañño dethā’’ti gāmavāsīnaṃ adāsi. Te rañño pesayiṃsu. So pavesitaupāyaṃ sutvā tussi.

    виж̇ааяананд̇и ат̇згад̣̇ивасам̣ ран̃н̃о ман̇г̇алаусабхам̣ б̣ахуу маасз каад̣̇аабзд̇ваа маход̣̇арам̣ гад̇ваа висаан̣аани д̇ховид̇ваа д̇злзна магкзд̇ваа халид̣̇д̣̇ияаа нхаабзд̇ваа г̇аамаваасийнам̣ бахин̣им̣су ‘‘д̇умхз гира бан̣д̣ид̇аа, аяан̃жа ран̃н̃о ман̇г̇алаусабхо бад̇идтид̇аг̇аб̣бхо, зд̇ам̣ виж̇ааяаабзд̇ваа саважчагам̣ бзсзт̇а, абзсзнд̇аанам̣ сахассад̣̇ан̣д̣о’’д̇и. г̇аамаваасино ‘‘на саггаа ид̣̇ам̣ гаад̇ум̣, гим̣ ну ко гариссаамаа’’д̇и бан̣д̣ид̇ам̣ бужчим̣су. со ‘‘иминаа згзна бан̃хабадибхааг̇зна бхавид̇аб̣б̣а’’нд̇и жинд̇зд̇ваа ‘‘сагкиссат̇а банзгам̣ ран̃н̃аа сад̣̇д̇хим̣ гат̇анасамад̇т̇ам̣ висаарад̣̇ам̣ бурисам̣ лад̣̇д̇ху’’нд̇и бужчи. ‘‘на г̇ару зд̇ам̣, бан̣д̣ид̇аа’’д̇и. ‘‘д̇зна хи нам̣ баггосат̇аа’’д̇и. д̇з баггосим̣су. ат̇а нам̣ махаасад̇д̇о ‘‘зхи, бхо буриса, д̇вам̣ д̇ава гзсз бидтияам̣ вигирид̇ваа наанаббагаарам̣ б̣алавабарид̣̇звам̣ барид̣̇званд̇о рааж̇ад̣̇ваарам̣ г̇ажча, ан̃н̃зхи бужчид̇оби гин̃жи авад̇ваава барид̣̇зва, ран̃н̃аа бана баггосаабзд̇ваа барид̣̇звагааран̣ам̣ бужчид̇ова самаано ‘бид̇аа мз д̣̇зва виж̇ааяид̇ум̣ на саггод̇и, аж̇ж̇а сад̇д̇амо д̣̇ивасо, бадисаран̣ам̣ мз хохи, виж̇ааяанубааяамасса гарохий’д̇и вад̇ваа ран̃н̃аа ‘гим̣ вилабаси адтаанамзд̇ам̣, бурисаа наама виж̇ааяанд̇аа над̇т̇ий’д̇и вуд̇д̇з ‘сажз д̣̇зва, звам̣ над̇т̇и, ат̇а гасмаа баажийнаяавамаж̇жхагаг̇аамаваасино гат̇ам̣ ман̇г̇алаусабхам̣ виж̇ааяаабзссанд̇ий’д̇и вад̣̇зяяаасий’’д̇и ааха. со ‘‘саад̇хуу’’д̇и самбадижчид̇ваа д̇ат̇аа агааси. рааж̇аа ‘‘гзнид̣̇ам̣ бан̃хабадибхааг̇ам̣ жинд̇ид̇а’’нд̇и бужчид̇ваа ‘‘махосад̇хабан̣д̣ид̇знаа’’д̇и суд̇ваа д̇усси.

    Vijāyananti athekadivasaṃ rañño maṅgalausabhaṃ bahū māse khādāpetvā mahodaraṃ katvā visāṇāni dhovitvā telena makkhetvā haliddiyā nhāpetvā gāmavāsīnaṃ pahiṇiṃsu ‘‘tumhe kira paṇḍitā, ayañca rañño maṅgalausabho patiṭṭhitagabbho, etaṃ vijāyāpetvā savacchakaṃ pesetha, apesentānaṃ sahassadaṇḍo’’ti. Gāmavāsino ‘‘na sakkā idaṃ kātuṃ, kiṃ nu kho karissāmā’’ti paṇḍitaṃ pucchiṃsu. So ‘‘iminā ekena pañhapaṭibhāgena bhavitabba’’nti cintetvā ‘‘sakkhissatha panekaṃ raññā saddhiṃ kathanasamatthaṃ visāradaṃ purisaṃ laddhu’’nti pucchi. ‘‘Na garu etaṃ, paṇḍitā’’ti. ‘‘Tena hi naṃ pakkosathā’’ti. Te pakkosiṃsu. Atha naṃ mahāsatto ‘‘ehi, bho purisa, tvaṃ tava kese piṭṭhiyaṃ vikiritvā nānappakāraṃ balavaparidevaṃ paridevanto rājadvāraṃ gaccha, aññehi pucchitopi kiñci avatvāva parideva, raññā pana pakkosāpetvā paridevakāraṇaṃ pucchitova samāno ‘pitā me deva vijāyituṃ na sakkoti, ajja sattamo divaso, paṭisaraṇaṃ me hohi, vijāyanupāyamassa karohī’ti vatvā raññā ‘kiṃ vilapasi aṭṭhānametaṃ, purisā nāma vijāyantā natthī’ti vutte ‘sace deva, evaṃ natthi, atha kasmā pācīnayavamajjhakagāmavāsino kathaṃ maṅgalausabhaṃ vijāyāpessantī’ti vadeyyāsī’’ti āha. So ‘‘sādhū’’ti sampaṭicchitvā tathā akāsi. Rājā ‘‘kenidaṃ pañhapaṭibhāgaṃ cintita’’nti pucchitvā ‘‘mahosadhapaṇḍitenā’’ti sutvā tussi.

    од̣̇ананд̇и абарасмим̣ д̣̇ивасз ‘‘бан̣д̣ид̇ам̣ виймам̣сиссаамаа’’д̇и ‘‘баажийнаяавамаж̇жхагаг̇аамаваасино амхаагам̣ адтан̇г̇асаманнааг̇ад̇ам̣ амб̣илод̣̇анам̣ бажид̇ваа бзсзнд̇у. д̇ад̇римаани адтан̇г̇аани – на д̇ан̣д̣улзхи, на уд̣̇агзна, на угкалияаа, на уд̣̇д̇ханзна, на аг̇г̇инаа, на д̣̇ааруухи, на ид̇т̇ияаа на бурисзна, на маг̇г̇знаад̇и. абзсзнд̇аанам̣ сахассад̣̇ан̣д̣о’’д̇и бахин̣им̣су. г̇аамаваасино д̇ам̣ гааран̣ам̣ аж̇аананд̇аа бан̣д̣ид̇ам̣ бужчим̣су. со ‘‘маа жинд̇аяид̇т̇аа’’д̇и вад̇ваа ‘‘на д̇ан̣д̣улзхийд̇и ган̣игам̣ г̇аахаабзд̇ваа, на уд̣̇агзнаад̇и химам̣ г̇аахаабзд̇ваа, на угкалияаад̇и ан̃н̃ам̣ навамад̇д̇игаабхааж̇анам̣ г̇аахаабзд̇ваа, на уд̣̇д̇ханзнаад̇и каан̣угз годдаабзд̇ваа, на аг̇г̇инаад̇и багад̇иаг̇г̇им̣ бахааяа аран̣иаг̇г̇им̣ г̇аахаабзд̇ваа, на д̣̇ааруухийд̇и бан̣н̣аани г̇аахаабзд̇ваа амб̣илод̣̇анам̣ бажаабзд̇ваа навабхааж̇анз багкибид̇ваа лан̃чид̇ваа, на ид̇т̇ияаа на бурисзнаад̇и бан̣д̣агзна угкибаабзд̇ваа, на маг̇г̇знаад̇и махаамаг̇г̇ам̣ бахааяа ж̇ан̇гхамаг̇г̇зна ран̃н̃о бзсзт̇аа’’д̇и ааха. д̇з д̇ат̇аа гарим̣су. рааж̇аа ‘‘гзна банзса бан̃хо н̃аад̇о’’д̇и бужчид̇ваа ‘‘махосад̇хабан̣д̣ид̇знаа’’д̇и суд̇ваа д̇усси.

    Odananti aparasmiṃ divase ‘‘paṇḍitaṃ vīmaṃsissāmā’’ti ‘‘pācīnayavamajjhakagāmavāsino amhākaṃ aṭṭhaṅgasamannāgataṃ ambilodanaṃ pacitvā pesentu. Tatrimāni aṭṭhaṅgāni – na taṇḍulehi, na udakena, na ukkhaliyā, na uddhanena, na agginā, na dārūhi, na itthiyā na purisena, na maggenāti. Apesentānaṃ sahassadaṇḍo’’ti pahiṇiṃsu. Gāmavāsino taṃ kāraṇaṃ ajānantā paṇḍitaṃ pucchiṃsu. So ‘‘mā cintayitthā’’ti vatvā ‘‘na taṇḍulehīti kaṇikaṃ gāhāpetvā, na udakenāti himaṃ gāhāpetvā, na ukkhaliyāti aññaṃ navamattikābhājanaṃ gāhāpetvā, na uddhanenāti khāṇuke koṭṭāpetvā, na aggināti pakatiaggiṃ pahāya araṇiaggiṃ gāhāpetvā, na dārūhīti paṇṇāni gāhāpetvā ambilodanaṃ pacāpetvā navabhājane pakkhipitvā lañchitvā, na itthiyā na purisenāti paṇḍakena ukkhipāpetvā, na maggenāti mahāmaggaṃ pahāya jaṅghamaggena rañño pesethā’’ti āha. Te tathā kariṃsu. Rājā ‘‘kena panesa pañho ñāto’’ti pucchitvā ‘‘mahosadhapaṇḍitenā’’ti sutvā tussi.

    ваалуганд̇и абарасмим̣ д̣̇ивасз бан̣д̣ид̇асса виймам̣санад̇т̇ам̣ г̇аамаваасийнам̣ бахин̣им̣су ‘‘рааж̇аа д̣̇олааяа гийл̣ид̇угаамо, рааж̇агулз бураан̣аяод̇д̇ам̣ чиннам̣, згам̣ ваалугаяод̇д̇ам̣ ваддзд̇ваа бзсзнд̇у, абзсзнд̇аанам̣ сахассад̣̇ан̣д̣о’’д̇и. д̇з бан̣д̣ид̇ам̣ бужчим̣су. бан̣д̣ид̇о ‘‘иминааби бан̃хабадибхааг̇знзва бхавид̇аб̣б̣а’’нд̇и г̇аамаваасино ассаасзд̇ваа важанагусалз д̣̇вз д̇аяо бурисз баггосаабзд̇ваа ‘‘г̇ажчат̇а д̇умхз, рааж̇аанам̣ вад̣̇зт̇а ‘д̣̇зва, г̇аамаваасино д̇асса яод̇д̇асса д̇анугам̣ ваа т̇уулам̣ ваа бамаан̣ам̣ на ж̇аананд̇и, бураан̣аваалугаяод̇д̇ад̇о вид̣̇ад̇т̇имад̇д̇ам̣ ваа жад̇уран̇г̇уламад̇д̇ам̣ ваа кан̣д̣ам̣ бзсзт̇а, д̇ам̣ ологзд̇ваа д̇зна бамаан̣зна ваддзссанд̇ий’д̇и. сажз, во рааж̇аа ‘амхаагам̣ гхарз ваалугаяод̇д̇ам̣ наама на гад̣̇аажи суд̇абуб̣б̣а’нд̇и вад̣̇ад̇и, ат̇а нам̣ ‘сажз, махаарааж̇а, во зваруубам̣ на саггаа гаад̇ум̣, баажийнаяавамаж̇жхагаг̇аамаваасино гат̇ам̣ гариссанд̇ий’д̇и вад̣̇зяяаат̇аа’’д̇и бзсзси. д̇з д̇ат̇аа гарим̣су. рааж̇аа ‘‘гзна жинд̇ид̇ам̣ бан̃хабадибхааг̇а’’нд̇и бужчид̇ваа ‘‘махосад̇хабан̣д̣ид̇знаа’’д̇и суд̇ваа д̇усси.

    Vālukanti aparasmiṃ divase paṇḍitassa vīmaṃsanatthaṃ gāmavāsīnaṃ pahiṇiṃsu ‘‘rājā dolāya kīḷitukāmo, rājakule purāṇayottaṃ chinnaṃ, ekaṃ vālukayottaṃ vaṭṭetvā pesentu, apesentānaṃ sahassadaṇḍo’’ti. Te paṇḍitaṃ pucchiṃsu. Paṇḍito ‘‘imināpi pañhapaṭibhāgeneva bhavitabba’’nti gāmavāsino assāsetvā vacanakusale dve tayo purise pakkosāpetvā ‘‘gacchatha tumhe, rājānaṃ vadetha ‘deva, gāmavāsino tassa yottassa tanukaṃ vā thūlaṃ vā pamāṇaṃ na jānanti, purāṇavālukayottato vidatthimattaṃ vā caturaṅgulamattaṃ vā khaṇḍaṃ pesetha, taṃ oloketvā tena pamāṇena vaṭṭessantī’ti. Sace, vo rājā ‘amhākaṃ ghare vālukayottaṃ nāma na kadāci sutapubba’nti vadati, atha naṃ ‘sace, mahārāja, vo evarūpaṃ na sakkā kātuṃ, pācīnayavamajjhakagāmavāsino kathaṃ karissantī’ti vadeyyāthā’’ti pesesi. Te tathā kariṃsu. Rājā ‘‘kena cintitaṃ pañhapaṭibhāga’’nti pucchitvā ‘‘mahosadhapaṇḍitenā’’ti sutvā tussi.

    д̇ал̣ааганд̇и абарасмим̣ д̣̇ивасз бан̣д̣ид̇асса виймам̣санад̇т̇ам̣ ‘‘рааж̇аа уд̣̇агагийл̣ам̣ гийл̣ид̇угаамо, бан̃жавид̇хабад̣̇умасажчаннам̣ богкаран̣им̣ бзсзнд̇у, абзсзнд̇аанам̣ сахассад̣̇ан̣д̣о’’д̇и г̇аамаваасийнам̣ бзсаяим̣су. д̇з бан̣д̣ид̇асса аарожзсум̣. со ‘‘иминааби бан̃хабадибхааг̇знзва бхавид̇аб̣б̣а’’нд̇и жинд̇зд̇ваа важанагусалз гад̇ибаяз мануссз баггосаабзд̇ваа ‘‘зт̇а д̇умхз уд̣̇агагийл̣ам̣ гийл̣ид̇ваа агкийни рад̇д̇аани гад̇ваа аллагзсаа аллавад̇т̇аа гад̣̇д̣̇амамагкид̇асарийраа яод̇д̇ад̣̇ан̣д̣алзд̣д̣ухад̇т̇аа рааж̇ад̣̇ваарам̣ г̇анд̇ваа д̣̇ваарз тид̇абхаавам̣ ран̃н̃о аарожаабзд̇ваа гад̇огаасаа бависид̇ваа ‘махаарааж̇а, д̇умхзхи гира баажийнаяавамаж̇жхагаг̇аамаваасино богкаран̣им̣ бзсзнд̇ууд̇и бахид̇аа маяам̣ д̇умхаагам̣ анужчавигам̣ маханд̇ам̣ богкаран̣им̣ аад̣̇ааяа ааг̇ад̇аа. саа бана аран̃н̃аваасигад̇д̇аа наг̇арам̣ д̣̇исваа д̣̇ваарабаагаарабарикаааддаалагаад̣̇ийни ологзд̇ваа бхийд̇ад̇асид̇аа яод̇д̇аани чинд̣̇ид̇ваа балааяид̇ваа аран̃н̃амзва бавидтаа, маяам̣ лзд̣д̣уд̣̇ан̣д̣аад̣̇ийхи бот̇знд̇ааби нивад̇д̇зд̇ум̣ на сагкимхаа, д̇умхаагам̣ аран̃н̃аа аанийд̇ам̣ бураан̣абогкаран̣им̣ бзсзт̇а, д̇ааяа сад̣̇д̇хим̣ яож̇зд̇ваа хариссаамаа’д̇и вад̇ваа ран̃н̃аана гад̣̇аажи мама аран̃н̃ад̇о аанийд̇абогкаран̣ий наама бхууд̇абуб̣б̣аа, на жа маяаа гассажи яож̇зд̇ваа аахаран̣ад̇т̇ааяа богкаран̣ий бзсид̇абуб̣б̣аа’д̇и вуд̇д̇з ‘сажз, д̣̇зва, во звам̣ на саггаа гаад̇ум̣, баажийнаяавамаж̇жхагаг̇аамаваасино гат̇ам̣ богкаран̣им̣ бзсзссанд̇ий’д̇и вад̣̇зяяаат̇аа’’д̇и вад̇ваа бзсзси. д̇з д̇ат̇аа гарим̣су. рааж̇аа бан̣д̣ид̇зна н̃аад̇абхаавам̣ суд̇ваа д̇усси.

    Taḷākanti aparasmiṃ divase paṇḍitassa vīmaṃsanatthaṃ ‘‘rājā udakakīḷaṃ kīḷitukāmo, pañcavidhapadumasacchannaṃ pokkharaṇiṃ pesentu, apesentānaṃ sahassadaṇḍo’’ti gāmavāsīnaṃ pesayiṃsu. Te paṇḍitassa ārocesuṃ. So ‘‘imināpi pañhapaṭibhāgeneva bhavitabba’’nti cintetvā vacanakusale katipaye manusse pakkosāpetvā ‘‘etha tumhe udakakīḷaṃ kīḷitvā akkhīni rattāni katvā allakesā allavatthā kaddamamakkhitasarīrā yottadaṇḍaleḍḍuhatthā rājadvāraṃ gantvā dvāre ṭhitabhāvaṃ rañño ārocāpetvā katokāsā pavisitvā ‘mahārāja, tumhehi kira pācīnayavamajjhakagāmavāsino pokkharaṇiṃ pesentūti pahitā mayaṃ tumhākaṃ anucchavikaṃ mahantaṃ pokkharaṇiṃ ādāya āgatā. Sā pana araññavāsikattā nagaraṃ disvā dvārapākāraparikhāaṭṭālakādīni oloketvā bhītatasitā yottāni chinditvā palāyitvā araññameva paviṭṭhā, mayaṃ leḍḍudaṇḍādīhi pothentāpi nivattetuṃ na sakkhimhā, tumhākaṃ araññā ānītaṃ purāṇapokkharaṇiṃ pesetha, tāya saddhiṃ yojetvā harissāmā’ti vatvā raññāna kadāci mama araññato ānītapokkharaṇī nāma bhūtapubbā, na ca mayā kassaci yojetvā āharaṇatthāya pokkharaṇī pesitapubbā’ti vutte ‘sace, deva, vo evaṃ na sakkā kātuṃ, pācīnayavamajjhakagāmavāsino kathaṃ pokkharaṇiṃ pesessantī’ti vadeyyāthā’’ti vatvā pesesi. Te tathā kariṃsu. Rājā paṇḍitena ñātabhāvaṃ sutvā tussi.

    уяяаананд̇и бунзгад̣̇ивасам̣ ‘‘маяам̣ уяяаанагийл̣ам̣ гийл̣ид̇угаамаа, амхааган̃жа бураан̣ауяяаанам̣ бариж̇ин̣н̣ам̣, обхаг̇г̇ам̣ ж̇аад̇ам̣, баажийнаяавамаж̇жхагаг̇аамаваасино субубпид̇ад̇арун̣аругкасан̃чаннам̣ навауяяаанам̣ бзсзнд̇уу’’д̇и бахин̣им̣су. г̇аамаваасино бан̣д̣ид̇асса аарожзсум̣. бан̣д̣ид̇о ‘‘иминааби бан̃хабадибхааг̇знзва бхавид̇аб̣б̣а’’нд̇и д̇з самассаасзд̇ваа мануссз бзсзд̇ваа буриманаязнзва гат̇аабзси.

    Uyyānanti punekadivasaṃ ‘‘mayaṃ uyyānakīḷaṃ kīḷitukāmā, amhākañca purāṇauyyānaṃ parijiṇṇaṃ, obhaggaṃ jātaṃ, pācīnayavamajjhakagāmavāsino supupphitataruṇarukkhasañchannaṃ navauyyānaṃ pesentū’’ti pahiṇiṃsu. Gāmavāsino paṇḍitassa ārocesuṃ. Paṇḍito ‘‘imināpi pañhapaṭibhāgeneva bhavitabba’’nti te samassāsetvā manusse pesetvā purimanayeneva kathāpesi.

    д̇ад̣̇ааби рааж̇аа д̇уссид̇ваа сзнагам̣ бужчи ‘‘гим̣, сзнага, аанзма бан̣д̣ид̇а’’нд̇и. со лаабхамажчариязна ‘‘зд̇д̇агзна бан̣д̣ид̇о наама на ход̇и, ааг̇амзт̇а, д̣̇зваа’’д̇и ааха. д̇асса д̇ам̣ важанам̣ суд̇ваа рааж̇аа жинд̇зси ‘‘махосад̇хабан̣д̣ид̇о сад̇д̇ад̣̇аарагабан̃хзхи мама манам̣ г̇ан̣хи, зваруубзсубисса г̇уяхабан̃хависсаж̇ж̇анзсу жзва бан̃хабадибхааг̇зсу жа б̣уд̣̇д̇хасса вияа б̣яаагаран̣ам̣, сзнаго зваруубам̣ бан̣д̣ид̇ам̣ аанзд̇ум̣ на д̣̇зд̇и, гим̣ мз сзнагзна, аанзссаами на’’нд̇и. со маханд̇зна бариваарзна д̇ам̣ г̇аамам̣ бааяааси. д̇асса ман̇г̇алаассам̣ абхирухид̇ваа г̇ажчанд̇асса ассасса баад̣̇о палид̇абхуумияаа анд̇арам̣ бависид̇ваа бхиж̇ж̇и. рааж̇аа д̇ад̇ова нивад̇д̇ид̇ваа наг̇арам̣ баависи. ат̇а нам̣ сзнаго убасан̇гамид̇ваа бужчи ‘‘махаарааж̇а, бан̣д̣ид̇ам̣ гим̣ аанзд̇ум̣ баажийнаяавамаж̇жхагаг̇аамам̣ аг̇амид̇т̇аа’’д̇и. ‘‘аама, бан̣д̣ид̇аа’’д̇и. ‘‘махаарааж̇а, д̇умхз мам̣ анад̇т̇агаамам̣ гад̇ваа бассат̇а, ‘ааг̇амзт̇а д̇ааваа’д̇и вуд̇д̇зби ад̇ид̇урид̇аа нигкамид̇т̇а, батамаг̇аманзнзва ман̇г̇алаассасса баад̣̇о бхинно’’д̇и.

    Tadāpi rājā tussitvā senakaṃ pucchi ‘‘kiṃ, senaka, ānema paṇḍita’’nti. So lābhamacchariyena ‘‘ettakena paṇḍito nāma na hoti, āgametha, devā’’ti āha. Tassa taṃ vacanaṃ sutvā rājā cintesi ‘‘mahosadhapaṇḍito sattadārakapañhehi mama manaṃ gaṇhi, evarūpesupissa guyhapañhavissajjanesu ceva pañhapaṭibhāgesu ca buddhassa viya byākaraṇaṃ, senako evarūpaṃ paṇḍitaṃ ānetuṃ na deti, kiṃ me senakena, ānessāmi na’’nti. So mahantena parivārena taṃ gāmaṃ pāyāsi. Tassa maṅgalaassaṃ abhiruhitvā gacchantassa assassa pādo phalitabhūmiyā antaraṃ pavisitvā bhijji. Rājā tatova nivattitvā nagaraṃ pāvisi. Atha naṃ senako upasaṅkamitvā pucchi ‘‘mahārāja, paṇḍitaṃ kiṃ ānetuṃ pācīnayavamajjhakagāmaṃ agamitthā’’ti. ‘‘Āma, paṇḍitā’’ti. ‘‘Mahārāja, tumhe maṃ anatthakāmaṃ katvā passatha, ‘āgametha tāvā’ti vuttepi atituritā nikkhamittha, paṭhamagamaneneva maṅgalaassassa pādo bhinno’’ti.

    со д̇асса важанам̣ суд̇ваа д̇ун̣хий худ̇ваа бунзгад̣̇ивасам̣ д̇зна сад̣̇д̇хим̣ манд̇зси ‘‘гим̣, сзнага, аанзма бан̣д̣ид̇а’’нд̇и. д̣̇зва, саяам̣ аг̇анд̇ваа д̣̇ууд̇ам̣ бзсзт̇а ‘‘бан̣д̣ид̇а, амхаагам̣ д̇ава санд̇игам̣ ааг̇ажчанд̇аанам̣ ассасса баад̣̇о бхинно, ассад̇арам̣ ваа но бзсзд̇у сздтад̇арам̣ ваа’’д̇и. ‘‘яад̣̇и ассад̇арам̣ бзсзссад̇и, саяам̣ ааг̇амиссад̇и. сздтад̇арам̣ бзсзнд̇о бид̇арам̣ бзсзссад̇и, аяамзго но бан̃хо бхависсад̇ий’’д̇и. рааж̇аа ‘‘саад̇хуу’’д̇и самбадижчид̇ваа д̇ат̇аа гад̇ваа д̣̇ууд̇ам̣ бзсзси. бан̣д̣ид̇о д̣̇ууд̇асса важанам̣ суд̇ваа ‘‘рааж̇аа маман̃жзва бид̇аран̃жа бассид̇угаамо’’д̇и жинд̇зд̇ваа бид̇у санд̇игам̣ г̇анд̇ваа ванд̣̇ид̇ваа ‘‘д̇аад̇а, рааж̇аа д̇умхз жзва маман̃жа д̣̇адтугаамо, д̇умхз батамад̇арам̣ сздтисахассабаривуд̇аа г̇ажчат̇а, г̇ажчанд̇аа жа д̇ужчахад̇т̇аа аг̇анд̇ваа навасаббибуурам̣ жанд̣̇анагаран̣д̣агам̣ аад̣̇ааяа г̇ажчат̇а. рааж̇аа д̇умхзхи сад̣̇д̇хим̣ бадисант̇аарам̣ гад̇ваа ‘г̇ахабад̇и бад̇ируубам̣ аасанам̣ н̃ад̇ваа нисийд̣̇аахий’д̇и вагкад̇и, ат̇а д̇умхз д̇ат̇ааруубам̣ аасанам̣ н̃ад̇ваа нисийд̣̇зяяаат̇а. д̇умхаагам̣ нисиннагаалз ахам̣ ааг̇амиссаами, рааж̇аа маяааби сад̣̇д̇хим̣ бадисант̇аарам̣ гад̇ваа ‘бан̣д̣ид̇а, д̇аваануруубам̣ аасанам̣ н̃ад̇ваа нисийд̣̇аа’д̇и вагкад̇и, ат̇аахам̣ д̇умхз ологзссаами, д̇умхз д̇ааяа сан̃н̃ааяа аасанаа вудтааяа ‘д̇аад̇а махосад̇ха, имасмим̣ аасанз нисийд̣̇аа’д̇и вад̣̇зяяаат̇а, аж̇ж̇а но зго бан̃хо мад̇т̇агам̣ баабун̣иссад̇ий’’д̇и ааха. со ‘‘саад̇хуу’’д̇и самбадижчид̇ваа вуд̇д̇анаязнзва г̇анд̇ваа ад̇д̇ано д̣̇ваарз тид̇абхаавам̣ ран̃н̃о аарожаабзд̇ваа ‘‘бависад̇уу’’д̇и вуд̇д̇з бависид̇ваа рааж̇аанам̣ ванд̣̇ид̇ваа згаманд̇ам̣ адтааси.

    So tassa vacanaṃ sutvā tuṇhī hutvā punekadivasaṃ tena saddhiṃ mantesi ‘‘kiṃ, senaka, ānema paṇḍita’’nti. Deva, sayaṃ agantvā dūtaṃ pesetha ‘‘paṇḍita, amhākaṃ tava santikaṃ āgacchantānaṃ assassa pādo bhinno, assataraṃ vā no pesetu seṭṭhataraṃ vā’’ti. ‘‘Yadi assataraṃ pesessati, sayaṃ āgamissati. Seṭṭhataraṃ pesento pitaraṃ pesessati, ayameko no pañho bhavissatī’’ti. Rājā ‘‘sādhū’’ti sampaṭicchitvā tathā katvā dūtaṃ pesesi. Paṇḍito dūtassa vacanaṃ sutvā ‘‘rājā mamañceva pitarañca passitukāmo’’ti cintetvā pitu santikaṃ gantvā vanditvā ‘‘tāta, rājā tumhe ceva mamañca daṭṭhukāmo, tumhe paṭhamataraṃ seṭṭhisahassaparivutā gacchatha, gacchantā ca tucchahatthā agantvā navasappipūraṃ candanakaraṇḍakaṃ ādāya gacchatha. Rājā tumhehi saddhiṃ paṭisanthāraṃ katvā ‘gahapati patirūpaṃ āsanaṃ ñatvā nisīdāhī’ti vakkhati, atha tumhe tathārūpaṃ āsanaṃ ñatvā nisīdeyyātha. Tumhākaṃ nisinnakāle ahaṃ āgamissāmi, rājā mayāpi saddhiṃ paṭisanthāraṃ katvā ‘paṇḍita, tavānurūpaṃ āsanaṃ ñatvā nisīdā’ti vakkhati, athāhaṃ tumhe olokessāmi, tumhe tāya saññāya āsanā vuṭṭhāya ‘tāta mahosadha, imasmiṃ āsane nisīdā’ti vadeyyātha, ajja no eko pañho matthakaṃ pāpuṇissatī’’ti āha. So ‘‘sādhū’’ti sampaṭicchitvā vuttanayeneva gantvā attano dvāre ṭhitabhāvaṃ rañño ārocāpetvā ‘‘pavisatū’’ti vutte pavisitvā rājānaṃ vanditvā ekamantaṃ aṭṭhāsi.

    рааж̇аа д̇зна сад̣̇д̇хим̣ бадисант̇аарам̣ гад̇ваа ‘‘г̇ахабад̇и, д̇авабуд̇д̇о махосад̇хабан̣д̣ид̇о гухи’’нд̇и бужчи. ‘‘бажчад̇о ааг̇ажчад̇и, д̣̇зваа’’д̇и. рааж̇аа ‘‘бажчад̇о ааг̇ажчад̇ий’’д̇и суд̇ваа д̇удтамаанасо худ̇ваа ‘‘махаасздти ад̇д̇ано яуд̇д̇аасанам̣ н̃ад̇ваа нисийд̣̇аа’’д̇и ааха. со ад̇д̇ано яуд̇д̇аасанам̣ н̃ад̇ваа згаманд̇ам̣ нисийд̣̇и. махаасад̇д̇оби алан̇гад̇абадияад̇д̇о д̣̇аарагасахассабаривуд̇о алан̇гад̇арат̇з нисийд̣̇ид̇ваа наг̇арам̣ бависанд̇о барикаабидтз жарамаанам̣ згам̣ г̇ад̣̇рабхам̣ д̣̇исваа т̇аамасамбаннз маан̣авз бзсзси ‘‘амбхо, зд̇ам̣ г̇ад̣̇рабхам̣ ануб̣анд̇хид̇ваа яат̇аа сад̣̇д̣̇ам̣ на гарод̇и, звамасса мукаб̣анд̇ханам̣ гад̇ваа гилан̃ж̇зна взтзд̇ваа д̇асмим̣ згзнад̇т̇аран̣зна бадижчаад̣̇зд̇ваа ам̣сзнаад̣̇ааяа ааг̇ажчат̇аа’’д̇и. д̇з д̇ат̇аа гарим̣су. б̣од̇хисад̇д̇оби маханд̇зна бариваарзна наг̇арам̣ баависи. махааж̇ано ‘‘зса гира сиривад̣дханасздтино буд̇д̇о махосад̇хабан̣д̣ид̇о наама, зса гира ж̇ааяамаано осад̇хагхадигам̣ хад̇т̇зна г̇ахзд̇ваа ж̇аад̇о, иминаа гира зд̇д̇агаанам̣ виймам̣санабан̃хаанам̣ бан̃хабадибхааг̇о н̃аад̇о’’д̇и махаасад̇д̇ам̣ абхид̇т̇аванд̇о ологзнд̇оби д̇ид̇д̇им̣ на г̇ажчад̇и. со рааж̇ад̣̇ваарам̣ г̇анд̇ваа бадивзд̣̇зси. рааж̇аа суд̇ваава хадтад̇удто ‘‘мама буд̇д̇о махосад̇хабан̣д̣ид̇о киббам̣ ааг̇ажчад̇уу’’д̇и ааха. со д̣̇аарагасахассабаривуд̇о баасаад̣̇ам̣ абхирухид̇ваа рааж̇аанам̣ ванд̣̇ид̇ваа згаманд̇ам̣ адтааси. рааж̇аа д̇ам̣ д̣̇исваава соманассаббад̇д̇о худ̇ваа мад̇хурабадисант̇аарам̣ гад̇ваа ‘‘бан̣д̣ид̇а, бад̇ируубам̣ аасанам̣ н̃ад̇ваа нисийд̣̇аа’’д̇и ааха. ат̇а со бид̇арам̣ ологзси. ат̇асса бид̇ааби ологид̇асан̃н̃ааяа удтааяа ‘‘бан̣д̣ид̇а, имасмим̣ аасанз нисийд̣̇аа’’д̇и ааха. со д̇асмим̣ аасанз нисийд̣̇и.

    Rājā tena saddhiṃ paṭisanthāraṃ katvā ‘‘gahapati, tavaputto mahosadhapaṇḍito kuhi’’nti pucchi. ‘‘Pacchato āgacchati, devā’’ti. Rājā ‘‘pacchato āgacchatī’’ti sutvā tuṭṭhamānaso hutvā ‘‘mahāseṭṭhi attano yuttāsanaṃ ñatvā nisīdā’’ti āha. So attano yuttāsanaṃ ñatvā ekamantaṃ nisīdi. Mahāsattopi alaṅkatapaṭiyatto dārakasahassaparivuto alaṅkatarathe nisīditvā nagaraṃ pavisanto parikhāpiṭṭhe caramānaṃ ekaṃ gadrabhaṃ disvā thāmasampanne māṇave pesesi ‘‘ambho, etaṃ gadrabhaṃ anubandhitvā yathā saddaṃ na karoti, evamassa mukhabandhanaṃ katvā kilañjena veṭhetvā tasmiṃ ekenattharaṇena paṭicchādetvā aṃsenādāya āgacchathā’’ti. Te tathā kariṃsu. Bodhisattopi mahantena parivārena nagaraṃ pāvisi. Mahājano ‘‘esa kira sirivaḍḍhanaseṭṭhino putto mahosadhapaṇḍito nāma, esa kira jāyamāno osadhaghaṭikaṃ hatthena gahetvā jāto, iminā kira ettakānaṃ vīmaṃsanapañhānaṃ pañhapaṭibhāgo ñāto’’ti mahāsattaṃ abhitthavanto olokentopi tittiṃ na gacchati. So rājadvāraṃ gantvā paṭivedesi. Rājā sutvāva haṭṭhatuṭṭho ‘‘mama putto mahosadhapaṇḍito khippaṃ āgacchatū’’ti āha. So dārakasahassaparivuto pāsādaṃ abhiruhitvā rājānaṃ vanditvā ekamantaṃ aṭṭhāsi. Rājā taṃ disvāva somanassappatto hutvā madhurapaṭisanthāraṃ katvā ‘‘paṇḍita, patirūpaṃ āsanaṃ ñatvā nisīdā’’ti āha. Atha so pitaraṃ olokesi. Athassa pitāpi olokitasaññāya uṭṭhāya ‘‘paṇḍita, imasmiṃ āsane nisīdā’’ti āha. So tasmiṃ āsane nisīdi.

    д̇ам̣ д̇ад̇т̇а нисиннам̣ д̣̇исваава сзнагабуггусагааминд̣̇ад̣̇звинд̣̇аа жзва ан̃н̃з жа анд̇хаб̣аалаа баан̣им̣ бахарид̇ваа махаахасид̇ам̣ хасид̇ваа ‘‘имам̣ анд̇хаб̣аалам̣ ‘бан̣д̣ид̇о’д̇и вад̣̇им̣су, со бид̇арам̣ аасанаа вудтаабзд̇ваа саяам̣ нисийд̣̇ад̇и, имам̣ ‘бан̣д̣ид̇о’д̇и вад̇д̇ум̣ аяуд̇д̇а’’нд̇и барихаасам̣ гарим̣су. рааж̇ааби д̣̇уммуко анад̇д̇амано ахоси. ат̇а нам̣ махаасад̇д̇о бужчи ‘‘гим̣, махаарааж̇а, д̣̇уммукад̇т̇аа’’д̇и ? ‘‘аама бан̣д̣ид̇а, д̣̇уммукомхи, саванамзва д̇з манаабам̣, д̣̇ассанам̣ бана аманаабам̣ ж̇аад̇а’’нд̇и. ‘‘гим̣ гааран̣аа, махаарааж̇аа’’д̇и? ‘‘бид̇арам̣ аасанаа вудтаабзд̇ваа нисиннад̇д̇аа’’д̇и. ‘‘гим̣ бана д̇вам̣, махаарааж̇а, ‘саб̣б̣адтаанзсу буд̇д̇зхи бид̇арова уд̇д̇амаа’д̇и ман̃н̃асий’’д̇и. ‘‘аама, бан̣д̣ид̇аа’’д̇и. ат̇а махаасад̇д̇о ‘‘нану, махаарааж̇а, д̇умхзхи амхаагам̣ ‘ассад̇арам̣ ваа бзсзд̇у сздтад̇арам̣ ваа’д̇и саасанам̣ бахид̇а’’нд̇и вад̇ваа аасанаа вудтааяа д̇з маан̣авз ологзд̇ваа ‘‘д̇умхзхи г̇ахид̇ам̣ г̇ад̣̇рабхам̣ аанзт̇аа’’д̇и аан̣аабзд̇ваа ран̃н̃о баад̣̇амуулз нибаж̇ж̇аабзд̇ваа ‘‘махаарааж̇а, аяам̣ г̇ад̣̇рабхо гим̣ аг̇гхад̇ий’’д̇и бужчи. ‘‘бан̣д̣ид̇а, сажз убагаараго, адта гахаабан̣з аг̇гхад̇ий’’д̇и. ‘‘имам̣ бадижжа ж̇аад̇о ааж̇аанийяавал̣авааяа гужчимхи вудтаассад̇аро гим̣ аг̇гхад̇ий’’д̇и? ‘‘анаг̇гхо бан̣д̣ид̇аа’’д̇и. ‘‘д̣̇зва, гасмаа звам̣ гат̇зт̇а, нану д̇умхзхи ид̣̇аанзва вуд̇д̇ам̣ ‘саб̣б̣адтаанзсу буд̇д̇зхи бид̇арова уд̇д̇амаа’д̇и. сажз д̇ам̣ сажжам̣, д̇умхаагам̣ ваад̣̇з ассад̇арад̇о г̇ад̣̇рабхова уд̇д̇амо ход̇и, гим̣ бана, махаарааж̇а, д̇умхаагам̣ бан̣д̣ид̇аа зд̇д̇агамби ж̇аанид̇ум̣ асаггонд̇аа баан̣им̣ бахарид̇ваа хасанд̇и, ахо д̇умхаагам̣ бан̣д̣ид̇аанам̣ бан̃н̃аасамбад̇д̇и, гуд̇о во зд̇з лад̣̇д̇хаа’’д̇и жад̇д̇ааро бан̣д̣ид̇з барихасид̇ваа рааж̇аанам̣ имааяа згаганибаад̇з г̇аат̇ааяа аж̇жхабхааси –

    Taṃ tattha nisinnaṃ disvāva senakapukkusakāmindadevindā ceva aññe ca andhabālā pāṇiṃ paharitvā mahāhasitaṃ hasitvā ‘‘imaṃ andhabālaṃ ‘paṇḍito’ti vadiṃsu, so pitaraṃ āsanā vuṭṭhāpetvā sayaṃ nisīdati, imaṃ ‘paṇḍito’ti vattuṃ ayutta’’nti parihāsaṃ kariṃsu. Rājāpi dummukho anattamano ahosi. Atha naṃ mahāsatto pucchi ‘‘kiṃ, mahārāja, dummukhatthā’’ti ? ‘‘Āma paṇḍita, dummukhomhi, savanameva te manāpaṃ, dassanaṃ pana amanāpaṃ jāta’’nti. ‘‘Kiṃ kāraṇā, mahārājā’’ti? ‘‘Pitaraṃ āsanā vuṭṭhāpetvā nisinnattā’’ti. ‘‘Kiṃ pana tvaṃ, mahārāja, ‘sabbaṭṭhānesu puttehi pitarova uttamā’ti maññasī’’ti. ‘‘Āma, paṇḍitā’’ti. Atha mahāsatto ‘‘nanu, mahārāja, tumhehi amhākaṃ ‘assataraṃ vā pesetu seṭṭhataraṃ vā’ti sāsanaṃ pahita’’nti vatvā āsanā vuṭṭhāya te māṇave oloketvā ‘‘tumhehi gahitaṃ gadrabhaṃ ānethā’’ti āṇāpetvā rañño pādamūle nipajjāpetvā ‘‘mahārāja, ayaṃ gadrabho kiṃ agghatī’’ti pucchi. ‘‘Paṇḍita, sace upakārako, aṭṭha kahāpaṇe agghatī’’ti. ‘‘Imaṃ paṭicca jāto ājānīyavaḷavāya kucchimhi vuṭṭhaassataro kiṃ agghatī’’ti? ‘‘Anaggho paṇḍitā’’ti. ‘‘Deva, kasmā evaṃ kathetha, nanu tumhehi idāneva vuttaṃ ‘sabbaṭṭhānesu puttehi pitarova uttamā’ti. Sace taṃ saccaṃ, tumhākaṃ vāde assatarato gadrabhova uttamo hoti, kiṃ pana, mahārāja, tumhākaṃ paṇḍitā ettakampi jānituṃ asakkontā pāṇiṃ paharitvā hasanti, aho tumhākaṃ paṇḍitānaṃ paññāsampatti, kuto vo ete laddhā’’ti cattāro paṇḍite parihasitvā rājānaṃ imāya ekakanipāte gāthāya ajjhabhāsi –

    ‘‘хам̣жи д̇увам̣ зваман̃н̃аси ‘сзяяо, буд̇д̇зна бид̇аа’д̇и рааж̇асздта;

    ‘‘Haṃci tuvaṃ evamaññasi ‘seyyo, puttena pitā’ti rājaseṭṭha;

    ханд̣̇ассад̇арасса д̇з аяам̣, ассад̇арасса хи г̇ад̣̇рабхо бид̇аа’’д̇и. (ж̇аа. 1.1.111);

    Handassatarassa te ayaṃ, assatarassa hi gadrabho pitā’’ti. (jā. 1.1.111);

    д̇ассад̇т̇о – яад̣̇и, д̇вам̣ рааж̇асздта, саб̣б̣адтаанзсу сзяяо буд̇д̇зна бид̇аад̇и звам̣ ман̃н̃аси, д̇ава ассад̇арад̇оби аяам̣ г̇ад̣̇рабхо сзяяо ход̇у. гим̣ гааран̣аа? ассад̇арасса хи г̇ад̣̇рабхо бид̇аад̇и.

    Tassattho – yadi, tvaṃ rājaseṭṭha, sabbaṭṭhānesu seyyo puttena pitāti evaṃ maññasi, tava assataratopi ayaṃ gadrabho seyyo hotu. Kiṃ kāraṇā? Assatarassa hi gadrabho pitāti.

    зван̃жа бана вад̇ваа махаасад̇д̇о ааха – ‘‘махаарааж̇а , сажз буд̇д̇ад̇о бид̇аа сзяяо, мама бид̇арам̣ г̇ан̣хат̇а. сажз бид̇ид̇о буд̇д̇о сзяяо, мам̣ г̇ан̣хат̇а д̇умхаагам̣ ад̇т̇ааяаа’’д̇и. рааж̇аа соманассаббад̇д̇о ахоси. саб̣б̣аа рааж̇абарисааби ‘‘сугат̇ид̇о бан̣д̣ид̇зна бан̃хо’’д̇и уннад̣̇анд̇аа саад̇хугаарасахассаани ад̣̇ам̣су, ан̇г̇улиподаа жзва жзлугкзбаа жа бавад̇д̇им̣су . жад̇д̇ааро бан̣д̣ид̇ааби д̣̇уммукаа баж̇жхааяанд̇аава ахзсум̣. нану маад̇аабид̇уунам̣ г̇ун̣ам̣ ж̇аананд̇о б̣од̇хисад̇д̇зна сад̣̇исо наама над̇т̇и , ат̇а со гасмаа звамагаасийд̇и? на со бид̇у авамаананад̇т̇ааяа, ран̃н̃аа бана ‘‘ассад̇арам̣ ваа бзсзд̇у сздтад̇арам̣ ваа’’д̇и бзсид̇ам̣, д̇асмаа д̇ассзва бан̃хасса аавибхаавад̇т̇ам̣ ад̇д̇ано жа бан̣д̣ид̇абхаавасса н̃аабанад̇т̇ам̣ жад̇уннан̃жа бан̣д̣ид̇аанам̣ аббадибхаанагаран̣ад̇т̇ам̣ звамагаасийд̇и.

    Evañca pana vatvā mahāsatto āha – ‘‘mahārāja , sace puttato pitā seyyo, mama pitaraṃ gaṇhatha. Sace pitito putto seyyo, maṃ gaṇhatha tumhākaṃ atthāyā’’ti. Rājā somanassappatto ahosi. Sabbā rājaparisāpi ‘‘sukathito paṇḍitena pañho’’ti unnadantā sādhukārasahassāni adaṃsu, aṅguliphoṭā ceva celukkhepā ca pavattiṃsu . Cattāro paṇḍitāpi dummukhā pajjhāyantāva ahesuṃ. Nanu mātāpitūnaṃ guṇaṃ jānanto bodhisattena sadiso nāma natthi , atha so kasmā evamakāsīti? Na so pitu avamānanatthāya, raññā pana ‘‘assataraṃ vā pesetu seṭṭhataraṃ vā’’ti pesitaṃ, tasmā tasseva pañhassa āvibhāvatthaṃ attano ca paṇḍitabhāvassa ñāpanatthaṃ catunnañca paṇḍitānaṃ appaṭibhānakaraṇatthaṃ evamakāsīti.

    г̇ад̣̇рабхабан̃хо нидтид̇о.

    Gadrabhapañho niṭṭhito.

    згуунавийсад̇имабан̃хо

    Ekūnavīsatimapañho

    рааж̇аа д̇уссид̇ваа г̇анд̇ход̣̇агабун̣н̣ам̣ суван̣н̣абхин̇гаарам̣ аад̣̇ааяа ‘‘баажийнаяавамаж̇жхагаг̇аамам̣ рааж̇абхог̇зна барибхун̃ж̇ад̇уу’’д̇и сздтисса хад̇т̇з уд̣̇агам̣ баад̇зд̇ваа ‘‘сзсасздтино зд̇ассзва убадтаагаа хонд̇уу’’д̇и вад̇ваа б̣од̇хисад̇д̇асса маад̇у жа саб̣б̣аалан̇гаарз бзсзд̇ваа г̇ад̣̇рабхабан̃хз басанно б̣од̇хисад̇д̇ам̣ буд̇д̇ам̣ гад̇ваа г̇ан̣хид̇ум̣ сздтим̣ авожа – ‘‘г̇ахабад̇и, махосад̇хабан̣д̣ид̇ам̣ мама буд̇д̇ам̣ гад̇ваа д̣̇зхий’’д̇и. ‘‘д̣̇зва, ад̇ид̇арун̣о аяам̣, аж̇ж̇аабисса мукз кийраг̇анд̇хо вааяад̇и, махаллагагаалз д̇умхаагам̣ санд̇игз бхависсад̇ий’’д̇и. ‘‘г̇ахабад̇и, д̇вам̣ ид̇о бадтааяа зд̇асмим̣ нираалаяо хохи, аяам̣ аж̇ж̇ад̇аг̇г̇з мама буд̇д̇о, ахам̣ мама буд̇д̇ам̣ босзд̇ум̣ сагкиссаами, г̇ажча д̇ва’’нд̇и д̇ам̣ уяяож̇зси. со рааж̇аанам̣ ванд̣̇ид̇ваа бан̣д̣ид̇ам̣ аалин̇г̇ид̇ваа урз нибаж̇ж̇аабзд̇ваа сийсз жумб̣ид̇ваа ‘‘д̇аад̇а, аббамад̇д̇о хохий’’д̇и оваад̣̇амасса ад̣̇ааси. соби бид̇арам̣ ванд̣̇ид̇ваа ‘‘д̇аад̇а, маа жинд̇аяид̇т̇аа’’д̇и ассаасзд̇ваа бид̇арам̣ уяяож̇зси. рааж̇аа бан̣д̣ид̇ам̣ бужчи ‘‘д̇аад̇а, анд̇обхад̇д̇иго бхависсаси, уд̣̇ааху б̣ахибхад̇д̇иго’’д̇и. со ‘‘махаа мз баривааро, д̇асмаа б̣ахибхад̇д̇игзна маяаа бхавид̇ум̣ ваддад̇ий’’д̇и жинд̇зд̇ваа ‘‘б̣ахибхад̇д̇иго бхависсаами, д̣̇зваа’’д̇и ааха. ат̇асса рааж̇аа ануруубам̣ г̇зхам̣ д̣̇аабзд̇ваа д̣̇аарагасахассам̣ аад̣̇им̣ гад̇ваа бариб̣б̣аяам̣ д̣̇аабзд̇ваа саб̣б̣абарибхог̇з д̣̇аабзси. со д̇ад̇о бадтааяа рааж̇аанам̣ убадтааси.

    Rājā tussitvā gandhodakapuṇṇaṃ suvaṇṇabhiṅkāraṃ ādāya ‘‘pācīnayavamajjhakagāmaṃ rājabhogena paribhuñjatū’’ti seṭṭhissa hatthe udakaṃ pātetvā ‘‘sesaseṭṭhino etasseva upaṭṭhākā hontū’’ti vatvā bodhisattassa mātu ca sabbālaṅkāre pesetvā gadrabhapañhe pasanno bodhisattaṃ puttaṃ katvā gaṇhituṃ seṭṭhiṃ avoca – ‘‘gahapati, mahosadhapaṇḍitaṃ mama puttaṃ katvā dehī’’ti. ‘‘Deva, atitaruṇo ayaṃ, ajjāpissa mukhe khīragandho vāyati, mahallakakāle tumhākaṃ santike bhavissatī’’ti. ‘‘Gahapati, tvaṃ ito paṭṭhāya etasmiṃ nirālayo hohi, ayaṃ ajjatagge mama putto, ahaṃ mama puttaṃ posetuṃ sakkhissāmi, gaccha tva’’nti taṃ uyyojesi. So rājānaṃ vanditvā paṇḍitaṃ āliṅgitvā ure nipajjāpetvā sīse cumbitvā ‘‘tāta, appamatto hohī’’ti ovādamassa adāsi. Sopi pitaraṃ vanditvā ‘‘tāta, mā cintayitthā’’ti assāsetvā pitaraṃ uyyojesi. Rājā paṇḍitaṃ pucchi ‘‘tāta, antobhattiko bhavissasi, udāhu bahibhattiko’’ti. So ‘‘mahā me parivāro, tasmā bahibhattikena mayā bhavituṃ vaṭṭatī’’ti cintetvā ‘‘bahibhattiko bhavissāmi, devā’’ti āha. Athassa rājā anurūpaṃ gehaṃ dāpetvā dārakasahassaṃ ādiṃ katvā paribbayaṃ dāpetvā sabbaparibhoge dāpesi. So tato paṭṭhāya rājānaṃ upaṭṭhāsi.

    рааж̇ааби нам̣ виймам̣сид̇угаамо ахоси. д̇ад̣̇аа жа наг̇арасса д̣̇агкин̣ад̣̇ваарад̇о авид̣̇уурз богкаран̣ид̇ийрз згасмим̣ д̇ааларугкз гаагагулаавагз ман̣ирад̇анам̣ ахоси. д̇асса чааяаа богкаран̣ияам̣ бан̃н̃ааяи. махааж̇ано ‘‘богкаран̣ияам̣ ман̣и ад̇т̇ий’’д̇и ран̃н̃о аарожзси. со сзнагам̣ ааманд̇зд̇ваа ‘‘богкаран̣ияам̣ гира ман̣ирад̇анам̣ бан̃н̃ааяад̇и, гат̇ам̣ д̇ам̣ г̇ан̣хаабзссаамаа’’д̇и бужчид̇ваа ‘‘махаарааж̇а, уд̣̇агам̣ нийхараабзд̇ваа г̇ан̣хид̇ум̣ ваддад̇ий’’д̇и вуд̇д̇з ‘‘д̇зна хи, аажарияа, звам̣ гарохий’’д̇и д̇ассзва бхаарамагааси. со б̣ахуу мануссз саннибаад̇аабзд̇ваа уд̣̇аган̃жа гад̣̇д̣̇аман̃жа нийхараабзд̇ваа бхуумим̣ бхинд̣̇ид̇вааби ман̣им̣ наад̣̇д̣̇аса. буна бун̣н̣ааяа богкаран̣ияаа ман̣ижчааяаа бан̃н̃ааяи . со бунаби д̇ат̇аа гад̇ваа на жа ад̣̇д̣̇аса. д̇ад̇о рааж̇аа бан̣д̣ид̇ам̣ ааманд̇зд̇ваа ‘‘д̇аад̇а, богкаран̣ияам̣ зго ман̣и бан̃н̃ааяад̇и, сзнаго уд̣̇аган̃жа гад̣̇д̣̇аман̃жа нийхараабзд̇ваа бхуумим̣ бхинд̣̇ид̇вааби наад̣̇д̣̇аса, буна бун̣н̣ааяа богкаран̣ияаа бан̃н̃ааяад̇и, сагкиссаси д̇ам̣ ман̣им̣ г̇ан̣хаабзд̇у’’нд̇и бужчи. со ‘‘нзд̇ам̣, махаарааж̇а, г̇ару, зт̇а д̣̇ассзссаамий’’д̇и ааха. рааж̇аа д̇асса важанам̣ д̇уссид̇ваа ‘‘бассиссаами аж̇ж̇а бан̣д̣ид̇асса н̃аан̣аб̣ала’’нд̇и махааж̇анабаривуд̇о богкаран̣ид̇ийрам̣ г̇ад̇о.

    Rājāpi naṃ vīmaṃsitukāmo ahosi. Tadā ca nagarassa dakkhiṇadvārato avidūre pokkharaṇitīre ekasmiṃ tālarukkhe kākakulāvake maṇiratanaṃ ahosi. Tassa chāyā pokkharaṇiyaṃ paññāyi. Mahājano ‘‘pokkharaṇiyaṃ maṇi atthī’’ti rañño ārocesi. So senakaṃ āmantetvā ‘‘pokkharaṇiyaṃ kira maṇiratanaṃ paññāyati, kathaṃ taṃ gaṇhāpessāmā’’ti pucchitvā ‘‘mahārāja, udakaṃ nīharāpetvā gaṇhituṃ vaṭṭatī’’ti vutte ‘‘tena hi, ācariya, evaṃ karohī’’ti tasseva bhāramakāsi. So bahū manusse sannipātāpetvā udakañca kaddamañca nīharāpetvā bhūmiṃ bhinditvāpi maṇiṃ nāddasa. Puna puṇṇāya pokkharaṇiyā maṇicchāyā paññāyi . So punapi tathā katvā na ca addasa. Tato rājā paṇḍitaṃ āmantetvā ‘‘tāta, pokkharaṇiyaṃ eko maṇi paññāyati, senako udakañca kaddamañca nīharāpetvā bhūmiṃ bhinditvāpi nāddasa, puna puṇṇāya pokkharaṇiyā paññāyati, sakkhissasi taṃ maṇiṃ gaṇhāpetu’’nti pucchi. So ‘‘netaṃ, mahārāja, garu, etha dassessāmī’’ti āha. Rājā tassa vacanaṃ tussitvā ‘‘passissāmi ajja paṇḍitassa ñāṇabala’’nti mahājanaparivuto pokkharaṇitīraṃ gato.

    махаасад̇д̇о д̇ийрз тад̇ваа ман̣им̣ ологзнд̇о ‘‘нааяам̣ ман̣и богкаран̣ияам̣, д̇ааларугкз гаагагулаавагз ман̣инаа бхавид̇аб̣б̣а’’нд̇и н̃ад̇ваа ‘‘над̇т̇и, д̣̇зва, богкаран̣ияам̣ ман̣ий’’д̇и вад̇ваа ‘‘нану уд̣̇агз бан̃н̃ааяад̇ий’’д̇и вуд̇д̇з ‘‘д̇зна хи уд̣̇агабаад̇им̣ аахараа’’д̇и уд̣̇агабаад̇им̣ аахараабзд̇ваа ‘‘бассат̇а, д̣̇зва, нааяам̣ ман̣и богкаран̣ияам̣язва бан̃н̃ааяад̇и, баад̇ияамби бан̃н̃ааяад̇ий’’д̇и вад̇ваа ‘‘бан̣д̣ид̇а, гад̇т̇а бана ман̣инаа бхавид̇аб̣б̣а’’нд̇и вуд̇д̇з ‘‘д̣̇зва, богкаран̣ияамби баад̇ияамби чааяаава бан̃н̃ааяад̇и, на ман̣и, ман̣и бана д̇ааларугкз гаагагулаавагз ад̇т̇и, бурисам̣ аан̣аабзд̇ваа аахараабзхий’’д̇и ааха. рааж̇аа д̇ат̇аа гад̇ваа ман̣им̣ аахараабзси. со аахарид̇ваа бан̣д̣ид̇асса ад̣̇ааси. бан̣д̣ид̇о д̇ам̣ г̇ахзд̇ваа ран̃н̃о хад̇т̇з табзси. д̇ам̣ д̣̇исваа махааж̇ано бан̣д̣ид̇асса саад̇хугаарам̣ д̣̇ад̇ваа сзнагам̣ барибхаасанд̇о ‘‘ман̣ирад̇анам̣ д̇ааларугкз гаагагулаавагз ад̇т̇и, сзнагаб̣аало б̣ахуу мануссз богкаран̣имзва бхинд̣̇аабзси, бан̣д̣ид̇зна наама махосад̇хасад̣̇исзна бхавид̇аб̣б̣а’’нд̇и махаасад̇д̇асса т̇уд̇имагааси. рааж̇аабисса д̇удто ад̇д̇ано г̇ийвааяа бил̣анд̇ханам̣ муд̇д̇аахаарам̣ д̣̇ад̇ваа д̣̇аарагасахассаанамби муд̇д̇аавалияо д̣̇аабзси. б̣од̇хисад̇д̇асса жа бариваарасса жа иминаа барихаарзна убадтаанам̣ ануж̇аанийд̇и.

    Mahāsatto tīre ṭhatvā maṇiṃ olokento ‘‘nāyaṃ maṇi pokkharaṇiyaṃ, tālarukkhe kākakulāvake maṇinā bhavitabba’’nti ñatvā ‘‘natthi, deva, pokkharaṇiyaṃ maṇī’’ti vatvā ‘‘nanu udake paññāyatī’’ti vutte ‘‘tena hi udakapātiṃ āharā’’ti udakapātiṃ āharāpetvā ‘‘passatha, deva, nāyaṃ maṇi pokkharaṇiyaṃyeva paññāyati, pātiyampi paññāyatī’’ti vatvā ‘‘paṇḍita, kattha pana maṇinā bhavitabba’’nti vutte ‘‘deva, pokkharaṇiyampi pātiyampi chāyāva paññāyati, na maṇi, maṇi pana tālarukkhe kākakulāvake atthi, purisaṃ āṇāpetvā āharāpehī’’ti āha. Rājā tathā katvā maṇiṃ āharāpesi. So āharitvā paṇḍitassa adāsi. Paṇḍito taṃ gahetvā rañño hatthe ṭhapesi. Taṃ disvā mahājano paṇḍitassa sādhukāraṃ datvā senakaṃ paribhāsanto ‘‘maṇiratanaṃ tālarukkhe kākakulāvake atthi, senakabālo bahū manusse pokkharaṇimeva bhindāpesi, paṇḍitena nāma mahosadhasadisena bhavitabba’’nti mahāsattassa thutimakāsi. Rājāpissa tuṭṭho attano gīvāya piḷandhanaṃ muttāhāraṃ datvā dārakasahassānampi muttāvaliyo dāpesi. Bodhisattassa ca parivārassa ca iminā parihārena upaṭṭhānaṃ anujānīti.

    згуунавийсад̇имабан̃хо нидтид̇о.

    Ekūnavīsatimapañho niṭṭhito.

    гаган̣дагабан̃хо

    Kakaṇṭakapañho

    бунзгад̣̇ивасам̣ рааж̇аа бан̣д̣ид̇зна сад̣̇д̇хим̣ уяяаанам̣ аг̇амааси. д̇ад̣̇аа зго гаган̣даго д̇оран̣аг̇г̇з васад̇и. со рааж̇аанам̣ ааг̇ажчанд̇ам̣ д̣̇исваа од̇арид̇ваа бхуумияам̣ нибаж̇ж̇и. рааж̇аа д̇асса д̇ам̣ гирияам̣ ологзд̇ваа ‘‘бан̣д̣ид̇а, аяам̣ гаган̣даго гим̣ гарод̇ий’’д̇и бужчи. махаасад̇д̇о ‘‘махаарааж̇а, д̇умхз сзвад̇ий’’д̇и ааха. ‘‘сажз звам̣ амхаагам̣ сзвад̇и, зд̇асса маа нибпало ход̇у, бхог̇амасса д̣̇аабзхий’’д̇и. ‘‘д̣̇зва, д̇асса бхог̇зна гижжам̣ над̇т̇и, каад̣̇анийяамад̇д̇ам̣ аламзд̇ассаа’’д̇и . ‘‘гим̣ банзса, каад̣̇ад̇ий’’д̇и? ‘‘мам̣сам̣ д̣̇зваа’’д̇и. ‘‘гид̇д̇агам̣ лад̣̇д̇хум̣ ваддад̇ий’’д̇и? ‘‘гааган̣игамад̇д̇аг̇гханагам̣ д̣̇зваа’’д̇и. рааж̇аа згам̣ бурисам̣ аан̣аабзси ‘‘рааж̇ад̣̇ааяо наама гааган̣игамад̇д̇ам̣ на ваддад̇и, имасса ниб̣ад̣̇д̇хам̣ ад̣дхамаасаг̇гханагам̣ мам̣сам̣ аахарид̇ваа д̣̇зхий’’д̇и. со ‘‘саад̇хуу’’д̇и самбадижчид̇ваа д̇ад̇о бадтааяа д̇ат̇аа агааси. со згад̣̇ивасам̣ убосат̇з маагхаад̇з мам̣сам̣ алабхид̇ваа д̇амзва ад̣дхамаасагам̣ виж̇жхид̇ваа суд̇д̇зна аавунид̇ваа д̇асса г̇ийвааяам̣ бил̣анд̇хи. ат̇асса д̇ам̣ ниссааяа маано уббаж̇ж̇и. д̇ам̣ д̣̇ивасамзва рааж̇аа буна махосад̇хзна сад̣̇д̇хим̣ уяяаанам̣ аг̇амааси. со рааж̇аанам̣ ааг̇ажчанд̇ам̣ д̣̇исвааби д̇ханам̣ ниссааяа уббаннамаанавасзна ‘‘взд̣̇зха, д̇вам̣ ну ко махад̣̇д̇хано, ахам̣ ну ко’’д̇и ран̃н̃аа сад̣̇д̇хим̣ ад̇д̇аанам̣ самам̣ гаронд̇о анод̇арид̇ваа д̇оран̣аг̇г̇зязва сийсам̣ жаалзнд̇о нибаж̇ж̇и. рааж̇аа д̇асса д̇ам̣ гирияам̣ ологзд̇ваа ‘‘бан̣д̣ид̇а, зса буб̣б̣з вияа аж̇ж̇а на од̇арад̇и, гим̣ ну ко гааран̣а’’нд̇и бужчанд̇о имам̣ г̇аат̇амааха –

    Punekadivasaṃ rājā paṇḍitena saddhiṃ uyyānaṃ agamāsi. Tadā eko kakaṇṭako toraṇagge vasati. So rājānaṃ āgacchantaṃ disvā otaritvā bhūmiyaṃ nipajji. Rājā tassa taṃ kiriyaṃ oloketvā ‘‘paṇḍita, ayaṃ kakaṇṭako kiṃ karotī’’ti pucchi. Mahāsatto ‘‘mahārāja, tumhe sevatī’’ti āha. ‘‘Sace evaṃ amhākaṃ sevati, etassa mā nipphalo hotu, bhogamassa dāpehī’’ti. ‘‘Deva, tassa bhogena kiccaṃ natthi, khādanīyamattaṃ alametassā’’ti . ‘‘Kiṃ panesa, khādatī’’ti? ‘‘Maṃsaṃ devā’’ti. ‘‘Kittakaṃ laddhuṃ vaṭṭatī’’ti? ‘‘Kākaṇikamattagghanakaṃ devā’’ti. Rājā ekaṃ purisaṃ āṇāpesi ‘‘rājadāyo nāma kākaṇikamattaṃ na vaṭṭati, imassa nibaddhaṃ aḍḍhamāsagghanakaṃ maṃsaṃ āharitvā dehī’’ti. So ‘‘sādhū’’ti sampaṭicchitvā tato paṭṭhāya tathā akāsi. So ekadivasaṃ uposathe māghāte maṃsaṃ alabhitvā tameva aḍḍhamāsakaṃ vijjhitvā suttena āvunitvā tassa gīvāyaṃ piḷandhi. Athassa taṃ nissāya māno uppajji. Taṃ divasameva rājā puna mahosadhena saddhiṃ uyyānaṃ agamāsi. So rājānaṃ āgacchantaṃ disvāpi dhanaṃ nissāya uppannamānavasena ‘‘vedeha, tvaṃ nu kho mahaddhano, ahaṃ nu kho’’ti raññā saddhiṃ attānaṃ samaṃ karonto anotaritvā toraṇaggeyeva sīsaṃ cālento nipajji. Rājā tassa taṃ kiriyaṃ oloketvā ‘‘paṇḍita, esa pubbe viya ajja na otarati, kiṃ nu kho kāraṇa’’nti pucchanto imaṃ gāthamāha –

    ‘‘нааяам̣ бурз уннамад̇и, д̇оран̣аг̇г̇з гаган̣даго;

    ‘‘Nāyaṃ pure unnamati, toraṇagge kakaṇṭako;

    махосад̇ха виж̇аанаахи, гзна т̇ад̣̇д̇хо гаган̣даго’’д̇и. (ж̇аа. 1.2.39);

    Mahosadha vijānāhi, kena thaddho kakaṇṭako’’ti. (jā. 1.2.39);

    д̇ад̇т̇а уннамад̇ийд̇и яат̇аа аж̇ж̇а анод̇арид̇ваа д̇оран̣аг̇г̇зязва сийсам̣ жаалзнд̇о уннамад̇и, звам̣ бурз на уннамад̇и. гзна т̇ад̣̇д̇ход̇и гзна гааран̣зна т̇ад̣̇д̇хабхаавам̣ аабаннод̇и.

    Tattha unnamatīti yathā ajja anotaritvā toraṇaggeyeva sīsaṃ cālento unnamati, evaṃ pure na unnamati. Kena thaddhoti kena kāraṇena thaddhabhāvaṃ āpannoti.

    бан̣д̣ид̇о д̇асса важанам̣ суд̇ваа ‘‘махаарааж̇а, убосат̇з маагхаад̇з мам̣сам̣ алабханд̇зна рааж̇абурисзна г̇ийвааяа б̣ад̣̇д̇хам̣ ад̣дхамаасагам̣ ниссааяа д̇асса маанзна бхавид̇аб̣б̣а’’нд̇и н̃ад̇ваа имам̣ г̇аат̇амааха –

    Paṇḍito tassa vacanaṃ sutvā ‘‘mahārāja, uposathe māghāte maṃsaṃ alabhantena rājapurisena gīvāya baddhaṃ aḍḍhamāsakaṃ nissāya tassa mānena bhavitabba’’nti ñatvā imaṃ gāthamāha –

    ‘‘алад̣̇д̇хабуб̣б̣ам̣ лад̣̇д̇хаана, ад̣дхамаасам̣ гаган̣даго;

    ‘‘Aladdhapubbaṃ laddhāna, aḍḍhamāsaṃ kakaṇṭako;

    ад̇иман̃н̃ад̇и рааж̇аанам̣, взд̣̇зхам̣ мит̇илаг̇г̇аха’’нд̇и. (ж̇аа. 1.2.40);

    Atimaññati rājānaṃ, vedehaṃ mithilaggaha’’nti. (jā. 1.2.40);

    рааж̇аа д̇асса важанам̣ суд̇ваа д̇ам̣ бурисам̣ баггосаабзд̇ваа бужчи. со яат̇аабхууд̇ам̣ ран̃н̃о аарожзси. рааж̇аа д̇ам̣ гат̇ам̣ суд̇ваа ‘‘ган̃жи абужчид̇ваава саб̣б̣ан̃н̃уб̣уд̣̇д̇хзна вияа бан̣д̣ид̇зна гаган̣дагасса аж̇жхаасаяо н̃аад̇о’’д̇и ад̇ивияа басийд̣̇ид̇ваа бан̣д̣ид̇асса жад̇уусу д̣̇ваарзсу сун̇гам̣ д̣̇аабзси. гаган̣дагасса бана гуж̇жхид̇ваа вад̇д̇ам̣ хаарзд̇ум̣ аарабхи. бан̣д̣ид̇о бана ‘‘маа хаарзхи махаарааж̇аа’’д̇и д̇ам̣ ниваарзси.

    Rājā tassa vacanaṃ sutvā taṃ purisaṃ pakkosāpetvā pucchi. So yathābhūtaṃ rañño ārocesi. Rājā taṃ kathaṃ sutvā ‘‘kañci apucchitvāva sabbaññubuddhena viya paṇḍitena kakaṇṭakassa ajjhāsayo ñāto’’ti ativiya pasīditvā paṇḍitassa catūsu dvāresu suṅkaṃ dāpesi. Kakaṇṭakassa pana kujjhitvā vattaṃ hāretuṃ ārabhi. Paṇḍito pana ‘‘mā hārehi mahārājā’’ti taṃ nivāresi.

    гаган̣дагабан̃хо нидтид̇о.

    Kakaṇṭakapañho niṭṭhito.

    сиригаал̣аган̣н̣ибан̃хо

    Sirikāḷakaṇṇipañho

    ат̇зго мит̇илаваасий бин̇г̇уд̇д̇аро наама маан̣аво д̇аггасилам̣ г̇анд̇ваа д̣̇исаабаамогкаажарияасса санд̇игз сиббам̣ сигканд̇о киббамзва сигки. со ануяог̇ам̣ д̣̇ад̇ваа ‘‘г̇ажчаамаха’’нд̇и аажарияам̣ аабужчи. д̇асмим̣ бана гулз ‘‘сажз ваяаббад̇д̇аа д̇хийд̇аа ход̇и, ж̇здтанд̇зваасигасса д̣̇аад̇аб̣б̣аа’’д̇и вад̇д̇ам̣ва, д̇асмаа д̇асса аажарияасса ваяаббад̇д̇аа згаа д̇хийд̇аа ад̇т̇и, саа абхируубаа д̣̇зважчараабадибхааг̇аа. ат̇а нам̣ аажарияо ‘‘д̇хийд̇арам̣ д̇з, д̇аад̇а, д̣̇ассаами, д̇ам̣ аад̣̇ааяа г̇амиссасий’’д̇и ааха. со бана маан̣аво д̣̇уб̣бхаг̇о гаал̣аган̣н̣ий, гумааригаа бана махаабун̃н̃аа. д̇асса д̇ам̣ д̣̇исваа жид̇д̇ам̣ на аллийяад̇и. со д̇ам̣ арожзнд̇оби ‘‘аажарияасса важанам̣ на бхинд̣̇иссаамий’’д̇и самбадижчи. аажарияо д̇хийд̇арам̣ д̇асса ад̣̇ааси. со рад̇д̇ибхааг̇з алан̇гад̇асирисаяанз нибанно д̇ааяа ааг̇анд̇ваа саяанам̣ абхирул̣хамад̇д̇ааяа аддийяамаано харааяамаано ж̇иг̇ужчамаано багамбамаано од̇арид̇ваа бхуумияам̣ нибаж̇ж̇и. сааби од̇арид̇ваа д̇асса санд̇игам̣ г̇анд̇ваа нибаж̇ж̇и, со удтааяа саяанам̣ абхирухи. сааби буна саяанам̣ абхирухи, со буна саяанаа од̇арид̇ваа бхуумияам̣ нибаж̇ж̇и. гаал̣аган̣н̣ий наама сирияаа сад̣̇д̇хим̣ на самзд̇и. гумааригаа саяанзязва нибаж̇ж̇и, со бхуумияам̣ саяи.

    Atheko mithilavāsī piṅguttaro nāma māṇavo takkasilaṃ gantvā disāpāmokkhācariyassa santike sippaṃ sikkhanto khippameva sikkhi. So anuyogaṃ datvā ‘‘gacchāmaha’’nti ācariyaṃ āpucchi. Tasmiṃ pana kule ‘‘sace vayappattā dhītā hoti, jeṭṭhantevāsikassa dātabbā’’ti vattaṃva, tasmā tassa ācariyassa vayappattā ekā dhītā atthi, sā abhirūpā devaccharāpaṭibhāgā. Atha naṃ ācariyo ‘‘dhītaraṃ te, tāta, dassāmi, taṃ ādāya gamissasī’’ti āha. So pana māṇavo dubbhago kāḷakaṇṇī, kumārikā pana mahāpuññā. Tassa taṃ disvā cittaṃ na allīyati. So taṃ arocentopi ‘‘ācariyassa vacanaṃ na bhindissāmī’’ti sampaṭicchi. Ācariyo dhītaraṃ tassa adāsi. So rattibhāge alaṅkatasirisayane nipanno tāya āgantvā sayanaṃ abhiruḷhamattāya aṭṭīyamāno harāyamāno jigucchamāno pakampamāno otaritvā bhūmiyaṃ nipajji. Sāpi otaritvā tassa santikaṃ gantvā nipajji, so uṭṭhāya sayanaṃ abhiruhi. Sāpi puna sayanaṃ abhiruhi, so puna sayanā otaritvā bhūmiyaṃ nipajji. Kāḷakaṇṇī nāma siriyā saddhiṃ na sameti. Kumārikā sayaneyeva nipajji, so bhūmiyaṃ sayi.

    звам̣ сад̇д̇аахам̣ вийд̇инаамзд̇ваа д̇ам̣ аад̣̇ааяа аажарияам̣ ванд̣̇ид̇ваа нигками, анд̇араамаг̇г̇з аалаабасаллаабамад̇д̇амби над̇т̇и. анижчамаанаава убхоби мит̇илам̣ самбад̇д̇аа. ат̇а бин̇г̇уд̇д̇аро наг̇араа авид̣̇уурз паласамбаннам̣ уд̣̇умб̣араругкам̣ д̣̇исваа куд̣̇ааяа бийл̣ид̇о д̇ам̣ абхирухид̇ваа палаани каад̣̇и. сааби чаад̇аж̇жхад̇д̇аа ругкамуулам̣ г̇анд̇ваа ‘‘саами, маяхамби палаани баад̇зт̇аа’’д̇и ааха. гим̣ д̇ава хад̇т̇абаад̣̇аа над̇т̇и, саяам̣ абхирухид̇ваа каад̣̇аад̇и. саа абхирухид̇ваа каад̣̇и. со д̇ассаа абхирул̣хабхаавам̣ н̃ад̇ваа киббам̣ од̇арид̇ваа ругкам̣ ган̣дагзхи баригкибид̇ваа ‘‘муд̇д̇омхи гаал̣аган̣н̣ияаа’’д̇и вад̇ваа балааяи. сааби од̇арид̇ум̣ асаггонд̇ий д̇ад̇т̇зва нисийд̣̇и. ат̇а рааж̇аа уяяаанз гийл̣ид̇ваа хад̇т̇игканд̇хз нисинно сааяанхасамаяз наг̇арам̣ бависанд̇о д̇ам̣ д̣̇исваа бадиб̣ад̣̇д̇хажид̇д̇о худ̇ваа ‘‘сабариг̇г̇ахаа, абариг̇г̇ахаа’’д̇и бужчаабзси. сааби ‘‘ад̇т̇и мз, саами, гулад̣̇ад̇д̇иго бад̇и, со бана мам̣ ид̇ха нисийд̣̇аабзд̇ваа чад̣д̣зд̇ваа балаад̇о’’д̇и ааха. амажжо д̇ам̣ гааран̣ам̣ ран̃н̃о аарожзси. рааж̇аа ‘‘асаамигабхан̣д̣ам̣ наама ран̃н̃о баабун̣аад̇ий’’д̇и д̇ам̣ од̇аарзд̇ваа хад̇т̇игканд̇хам̣ ааробзд̇ваа нивзсанам̣ нзд̇ваа абхисин̃жид̇ваа аг̇г̇амахзсидтаанз табзси. саа д̇асса бияаа ахоси манаабаа. уд̣̇умб̣араругкз лад̣̇д̇хад̇д̇аа ‘‘уд̣̇умб̣арад̣̇звий’’д̇взвассаа наамам̣ сан̃ж̇ааним̣су.

    Evaṃ sattāhaṃ vītināmetvā taṃ ādāya ācariyaṃ vanditvā nikkhami, antarāmagge ālāpasallāpamattampi natthi. Anicchamānāva ubhopi mithilaṃ sampattā. Atha piṅguttaro nagarā avidūre phalasampannaṃ udumbararukkhaṃ disvā khudāya pīḷito taṃ abhiruhitvā phalāni khādi. Sāpi chātajjhattā rukkhamūlaṃ gantvā ‘‘sāmi, mayhampi phalāni pātethā’’ti āha. Kiṃ tava hatthapādā natthi, sayaṃ abhiruhitvā khādāti. Sā abhiruhitvā khādi. So tassā abhiruḷhabhāvaṃ ñatvā khippaṃ otaritvā rukkhaṃ kaṇṭakehi parikkhipitvā ‘‘muttomhi kāḷakaṇṇiyā’’ti vatvā palāyi. Sāpi otarituṃ asakkontī tattheva nisīdi. Atha rājā uyyāne kīḷitvā hatthikkhandhe nisinno sāyanhasamaye nagaraṃ pavisanto taṃ disvā paṭibaddhacitto hutvā ‘‘sapariggahā, apariggahā’’ti pucchāpesi. Sāpi ‘‘atthi me, sāmi, kuladattiko pati, so pana maṃ idha nisīdāpetvā chaḍḍetvā palāto’’ti āha. Amacco taṃ kāraṇaṃ rañño ārocesi. Rājā ‘‘asāmikabhaṇḍaṃ nāma rañño pāpuṇātī’’ti taṃ otāretvā hatthikkhandhaṃ āropetvā nivesanaṃ netvā abhisiñcitvā aggamahesiṭṭhāne ṭhapesi. Sā tassa piyā ahosi manāpā. Udumbararukkhe laddhattā ‘‘udumbaradevī’’tvevassā nāmaṃ sañjāniṃsu.

    ат̇згад̣̇ивасам̣ ран̃н̃о уяяаанаг̇аманад̇т̇ааяа д̣̇ваараг̇аамаваасигзхи маг̇г̇ам̣ бадиж̇аг̇г̇аабзсум̣. бин̇г̇уд̇д̇ароби бхад̇им̣ гаронд̇о гажчам̣ б̣анд̇хид̇ваа гуд̣̇д̣̇аалзна маг̇г̇ам̣ д̇ажчи. маг̇г̇з анидтид̇зязва рааж̇аа уд̣̇умб̣арад̣̇звияаа сад̣̇д̇хим̣ рат̇з нисийд̣̇ид̇ваа нигками. уд̣̇умб̣арад̣̇звий гаал̣аган̣н̣им̣ маг̇г̇ам̣ д̇ажчанд̇ам̣ д̣̇исваа ‘‘зваруубам̣ сирим̣ д̇хаарзд̇ум̣ наасагки аяам̣ гаал̣аган̣н̣ий’’д̇и д̇ам̣ ологзнд̇ий хаси. рааж̇аа хасамаанам̣ д̣̇исваа гуж̇жхид̇ваа ‘‘гасмаа хасий’’д̇и бужчи. д̣̇зва, аяам̣ маг̇г̇ад̇ажчаго бурисо маяхам̣ бораан̣агасаамиго, зса мам̣ уд̣̇умб̣араругкам̣ ааробзд̇ваа ган̣дагзхи баригкибид̇ваа г̇ад̇о, имаахам̣ ологзд̇ваа ‘‘зваруубам̣ сирим̣ д̇хаарзд̇ум̣ наасагки гаал̣аган̣н̣ий аяа’’нд̇и жинд̇зд̇ваа хасинд̇и. рааж̇аа ‘‘д̇вам̣ мусааваад̣̇ам̣ гат̇зси, ан̃н̃ам̣ ган̃жи бурисам̣ д̣̇исваа д̇аяаа хасид̇ам̣ бхависсад̇и, д̇ам̣ маарзссаамий’’д̇и асим̣ аг̇г̇ахзси. саа бхаяаббад̇д̇аа ‘‘д̣̇зва, бан̣д̣ид̇з д̇аава бужчат̇аа’’д̇и ааха. рааж̇аа сзнагам̣ бужчи ‘‘сзнага, имиссаа важанам̣ д̇вам̣ сад̣̇д̣̇ахасий’’д̇и. ‘‘на сад̣̇д̣̇ахаами, д̣̇зва, го наама зваруубам̣ ид̇т̇ирад̇анам̣ бахааяа г̇амиссад̇ий’’д̇и. саа д̇асса гат̇ам̣ суд̇ваа ад̇ирзгад̇арам̣ бхийд̇аа ахоси. ат̇а рааж̇аа ‘‘сзнаго гим̣ ж̇аанаад̇и, бан̣д̣ид̇ам̣ бужчиссаамий’’д̇и жинд̇зд̇ваа д̇ам̣ бужчанд̇о имам̣ г̇аат̇амааха –

    Athekadivasaṃ rañño uyyānagamanatthāya dvāragāmavāsikehi maggaṃ paṭijaggāpesuṃ. Piṅguttaropi bhatiṃ karonto kacchaṃ bandhitvā kuddālena maggaṃ tacchi. Magge aniṭṭhiteyeva rājā udumbaradeviyā saddhiṃ rathe nisīditvā nikkhami. Udumbaradevī kāḷakaṇṇiṃ maggaṃ tacchantaṃ disvā ‘‘evarūpaṃ siriṃ dhāretuṃ nāsakkhi ayaṃ kāḷakaṇṇī’’ti taṃ olokentī hasi. Rājā hasamānaṃ disvā kujjhitvā ‘‘kasmā hasī’’ti pucchi. Deva, ayaṃ maggatacchako puriso mayhaṃ porāṇakasāmiko, esa maṃ udumbararukkhaṃ āropetvā kaṇṭakehi parikkhipitvā gato, imāhaṃ oloketvā ‘‘evarūpaṃ siriṃ dhāretuṃ nāsakkhi kāḷakaṇṇī aya’’nti cintetvā hasinti. Rājā ‘‘tvaṃ musāvādaṃ kathesi, aññaṃ kañci purisaṃ disvā tayā hasitaṃ bhavissati, taṃ māressāmī’’ti asiṃ aggahesi. Sā bhayappattā ‘‘deva, paṇḍite tāva pucchathā’’ti āha. Rājā senakaṃ pucchi ‘‘senaka, imissā vacanaṃ tvaṃ saddahasī’’ti. ‘‘Na saddahāmi, deva, ko nāma evarūpaṃ itthiratanaṃ pahāya gamissatī’’ti. Sā tassa kathaṃ sutvā atirekataraṃ bhītā ahosi. Atha rājā ‘‘senako kiṃ jānāti, paṇḍitaṃ pucchissāmī’’ti cintetvā taṃ pucchanto imaṃ gāthamāha –

    ‘‘ид̇т̇ий сияаа руубавад̇ий, саа жа сийлавад̇ий сияаа;

    ‘‘Itthī siyā rūpavatī, sā ca sīlavatī siyā;

    бурисо д̇ам̣ на ижчзяяа, сад̣̇д̣̇ахааси махосад̇хаа’’д̇и. (ж̇аа. 1.2.83);

    Puriso taṃ na iccheyya, saddahāsi mahosadhā’’ti. (jā. 1.2.83);

    д̇ад̇т̇а сийлавад̇ийд̇и аажаараг̇ун̣асамбаннаа.

    Tattha sīlavatīti ācāraguṇasampannā.

    д̇ам̣ суд̇ваа бан̣д̣ид̇о г̇аат̇амааха –

    Taṃ sutvā paṇḍito gāthamāha –

    ‘‘сад̣̇д̣̇ахаами махаарааж̇а, бурисо д̣̇уб̣бхаг̇о сияаа;

    ‘‘Saddahāmi mahārāja, puriso dubbhago siyā;

    сирий жа гаал̣аган̣н̣ий жа, на самзнд̇и гуд̣̇аажана’’нд̇и. (ж̇аа. 1.2.84);

    Sirī ca kāḷakaṇṇī ca, na samenti kudācana’’nti. (jā. 1.2.84);

    д̇ад̇т̇а на самзнд̇ийд̇и самуд̣̇д̣̇асса оримад̇ийрабааримад̇ийраани вияа жа г̇аг̇анад̇алабат̇авид̇алаани вияа жа на самааг̇ажчанд̇и.

    Tattha na samentīti samuddassa orimatīrapārimatīrāni viya ca gaganatalapathavitalāni viya ca na samāgacchanti.

    рааж̇аа д̇асса важанзна д̇ам̣ гааран̣ам̣ суд̇ваа д̇ассаа на гуж̇жхи, хад̣̇аяамасса ниб̣б̣ааяи. со д̇асса д̇уссид̇ваа ‘‘сажз бан̣д̣ид̇о наабхависса, аж̇ж̇аахам̣ б̣ааласзнагасса гат̇ааяа зваруубам̣ ид̇т̇ирад̇анам̣ хийно ассам̣, д̇ам̣ ниссааяа маяаа зсаа лад̣̇д̇хаа’’д̇и сад̇асахассзна бууж̇ам̣ гаарзси. д̣̇звийби рааж̇аанам̣ ванд̣̇ид̇ваа ‘‘д̣̇зва, бан̣д̣ид̇ам̣ ниссааяа маяаа ж̇ийвид̇ам̣ лад̣̇д̇хам̣, имаахам̣ ганидтабхаад̇игадтаанз табзд̇ум̣ варам̣ яаажаамий’’д̇и ааха. ‘‘саад̇ху, д̣̇зви, г̇ан̣хаахи, д̣̇амми д̇з вара’’нд̇и. ‘‘д̣̇зва, аж̇ж̇а бадтааяа мама ганидтам̣ винаа гин̃жи мад̇хурарасам̣ на каад̣̇иссаами, ид̇о бадтааяа взлааяа ваа авзлааяа ваа д̣̇ваарам̣ вивараабзд̇ваа имасса мад̇хурарасам̣ бзсзд̇ум̣ лабханагаварам̣ г̇ан̣хаамий’’д̇и. ‘‘саад̇ху, бхад̣̇д̣̇з, иман̃жа варам̣ г̇ан̣хаахий’’д̇и.

    Rājā tassa vacanena taṃ kāraṇaṃ sutvā tassā na kujjhi, hadayamassa nibbāyi. So tassa tussitvā ‘‘sace paṇḍito nābhavissa, ajjāhaṃ bālasenakassa kathāya evarūpaṃ itthiratanaṃ hīno assaṃ, taṃ nissāya mayā esā laddhā’’ti satasahassena pūjaṃ kāresi. Devīpi rājānaṃ vanditvā ‘‘deva, paṇḍitaṃ nissāya mayā jīvitaṃ laddhaṃ, imāhaṃ kaniṭṭhabhātikaṭṭhāne ṭhapetuṃ varaṃ yācāmī’’ti āha. ‘‘Sādhu, devi, gaṇhāhi, dammi te vara’’nti. ‘‘Deva, ajja paṭṭhāya mama kaniṭṭhaṃ vinā kiñci madhurarasaṃ na khādissāmi, ito paṭṭhāya velāya vā avelāya vā dvāraṃ vivarāpetvā imassa madhurarasaṃ pesetuṃ labhanakavaraṃ gaṇhāmī’’ti. ‘‘Sādhu, bhadde, imañca varaṃ gaṇhāhī’’ti.

    сиригаал̣аган̣н̣ибан̃хо нидтид̇о.

    Sirikāḷakaṇṇipañho niṭṭhito.

    мзн̣д̣агабан̃хо

    Meṇḍakapañho

    абарасмим̣ д̣̇ивасз рааж̇аа гад̇абаад̇араасо баасаад̣̇асса д̣̇ийгханд̇арз жан̇гаманд̇о ваад̇абаананд̇арзна ологзнд̇о згам̣ зл̣аган̃жа сунакан̃жа мид̇д̇асант̇авам̣ гаронд̇ам̣ ад̣̇д̣̇аса. со гира зл̣аго хад̇т̇исаалам̣ г̇анд̇ваа хад̇т̇исса бурад̇о кид̇д̇ам̣ анаамадтад̇ин̣ам̣ каад̣̇и. ат̇а нам̣ хад̇т̇иг̇обагаа бот̇зд̇ваа нийхарим̣су. со виравид̇ваа балааяи. ат̇а нам̣ зго бурисо взг̇знааг̇анд̇ваа бидтияам̣ д̣̇ан̣д̣зна д̇ирияам̣ бахари. со бидтим̣ онаамзд̇ваа взд̣̇анааббад̇д̇о худ̇ваа г̇анд̇ваа рааж̇аг̇зхасса махаабхид̇д̇им̣ ниссааяа бидтигааяа нибаж̇ж̇и. д̇ам̣ д̣̇ивасамзва ран̃н̃о махаанасз адтижаммаад̣̇ийни каад̣̇ид̇ваа вад̣дхид̇асунако бхад̇д̇агаарагз бхад̇д̇ам̣ самбаад̣̇зд̇ваа б̣ахи тад̇ваа сарийрз сзд̣̇ам̣ ниб̣б̣аабзнд̇з мажчамам̣саг̇анд̇хам̣ гхааяид̇ваа д̇ан̣хам̣ ад̇хиваасзд̇ум̣ асаггонд̇о махаанасам̣ бависид̇ваа бхааж̇анабид̇хаанам̣ баад̇зд̇ваа мам̣сам̣ каад̣̇и. ат̇а бхад̇д̇агаараго бхааж̇анасад̣̇д̣̇зна бависид̇ваа д̇ам̣ д̣̇исваа д̣̇ваарам̣ бид̣̇ахид̇ваа д̇ам̣ лзд̣д̣уд̣̇ан̣д̣аад̣̇ийхи бот̇зси. со каад̣̇ид̇амам̣сам̣ мукзнзва чад̣д̣зд̇ваа виравид̇ваа нигками. бхад̇д̇агаарагоби д̇асса нигканд̇абхаавам̣ н̃ад̇ваа ануб̣анд̇хид̇ваа бидтияам̣ д̣̇ан̣д̣зна д̇ирияам̣ бахари. со взд̣̇анааббад̇д̇о бидтим̣ онаамзд̇ваа згам̣ баад̣̇ам̣ угкибид̇ваа зл̣агасса нибаннадтаанамзва баависи. ат̇а нам̣ зл̣аго ‘‘самма, гим̣ бидтим̣ онаамзд̇ваа ааг̇ажчаси, гим̣ д̇з ваад̇о виж̇жхад̇ий’’д̇и бужчи. сунакоби ‘‘д̇вамби бидтим̣ онаамзд̇ваа нибанноси, гим̣ д̇з ваад̇о виж̇жхад̇ий’’д̇и бужчи. д̇з ан̃н̃аман̃н̃ам̣ ад̇д̇ано бавад̇д̇им̣ аарожзсум̣.

    Aparasmiṃ divase rājā katapātarāso pāsādassa dīghantare caṅkamanto vātapānantarena olokento ekaṃ eḷakañca sunakhañca mittasanthavaṃ karontaṃ addasa. So kira eḷako hatthisālaṃ gantvā hatthissa purato khittaṃ anāmaṭṭhatiṇaṃ khādi. Atha naṃ hatthigopakā pothetvā nīhariṃsu. So viravitvā palāyi. Atha naṃ eko puriso vegenāgantvā piṭṭhiyaṃ daṇḍena tiriyaṃ pahari. So piṭṭhiṃ onāmetvā vedanāppatto hutvā gantvā rājagehassa mahābhittiṃ nissāya piṭṭhikāya nipajji. Taṃ divasameva rañño mahānase aṭṭhicammādīni khāditvā vaḍḍhitasunakho bhattakārake bhattaṃ sampādetvā bahi ṭhatvā sarīre sedaṃ nibbāpente macchamaṃsagandhaṃ ghāyitvā taṇhaṃ adhivāsetuṃ asakkonto mahānasaṃ pavisitvā bhājanapidhānaṃ pātetvā maṃsaṃ khādi. Atha bhattakārako bhājanasaddena pavisitvā taṃ disvā dvāraṃ pidahitvā taṃ leḍḍudaṇḍādīhi pothesi. So khāditamaṃsaṃ mukheneva chaḍḍetvā viravitvā nikkhami. Bhattakārakopi tassa nikkhantabhāvaṃ ñatvā anubandhitvā piṭṭhiyaṃ daṇḍena tiriyaṃ pahari. So vedanāppatto piṭṭhiṃ onāmetvā ekaṃ pādaṃ ukkhipitvā eḷakassa nipannaṭṭhānameva pāvisi. Atha naṃ eḷako ‘‘samma, kiṃ piṭṭhiṃ onāmetvā āgacchasi, kiṃ te vāto vijjhatī’’ti pucchi. Sunakhopi ‘‘tvampi piṭṭhiṃ onāmetvā nipannosi, kiṃ te vāto vijjhatī’’ti pucchi. Te aññamaññaṃ attano pavattiṃ ārocesuṃ.

    ат̇а нам̣ зл̣аго бужчи ‘‘гим̣ бана д̇вам̣ буна бхад̇д̇аг̇зхам̣ г̇анд̇ум̣ сагкиссаси саммаа’’д̇и? ‘‘на сагкиссаами, самма, г̇ад̇асса мз ж̇ийвид̇ам̣ над̇т̇ий’’д̇и. ‘‘д̇вам̣ бана буна хад̇т̇исаалам̣ г̇анд̇ум̣ сагкиссасий’’д̇и. ‘‘маяааби д̇ад̇т̇а г̇анд̇ум̣ на саггаа, г̇ад̇асса мз ж̇ийвид̇ам̣ над̇т̇ий’’д̇и. д̇з ‘‘гат̇ам̣ ну ко маяам̣ ид̣̇аани ж̇ийвиссаамаа’’д̇и убааяам̣ жинд̇зсум̣. ат̇а нам̣ зл̣аго ааха – ‘‘сажз маяам̣ самаг̇г̇аваасам̣ васид̇ум̣ саггома, ад̇т̇зго убааяо’’д̇и. ‘‘д̇зна хи гат̇зхий’’д̇и. ‘‘самма, д̇вам̣ ид̇о бадтааяа хад̇т̇исаалам̣ яаахи, ‘‘нааяам̣ д̇ин̣ам̣ каад̣̇ад̇ий’’д̇и д̇аяи хад̇т̇иг̇обагаа аасан̇гам̣ на гариссанд̇и, д̇вам̣ мама д̇ин̣ам̣ аахарзяяааси. ахамби бхад̇д̇аг̇зхам̣ бависиссаами, ‘‘нааяам̣ мам̣сакаад̣̇аго’’д̇и бхад̇д̇агаараго маяи аасан̇гам̣ на гариссад̇и, ахам̣ д̇з мам̣сам̣ аахариссаамий’’д̇и. д̇з ‘‘сунд̣̇аро убааяо’’д̇и убхоби самбадижчим̣су. сунако хад̇т̇исаалам̣ г̇анд̇ваа д̇ин̣агалаабам̣ д̣ам̣сид̇ваа ааг̇анд̇ваа махаабхид̇д̇ибидтигааяа табзси. ид̇ароби бхад̇д̇аг̇зхам̣ г̇анд̇ваа мам̣сакан̣д̣ам̣ мукабуурам̣ д̣ам̣сид̇ваа аанзд̇ваа д̇ад̇т̇зва табзси. сунако мам̣сам̣ каад̣̇и, зл̣аго д̇ин̣ам̣ каад̣̇и. д̇з иминаа убааязна самаг̇г̇аа саммод̣̇амаанаа махаабхид̇д̇ибидтигааяа васанд̇и. рааж̇аа д̇зсам̣ мид̇д̇асант̇авам̣ д̣̇исваа жинд̇зси ‘‘ад̣̇идтабуб̣б̣ам̣ вад̇а мз гааран̣ам̣ д̣̇идтам̣, имз бажжаамид̇д̇аа худ̇вааби самаг̇г̇аваасам̣ васанд̇и. ид̣̇ам̣ гааран̣ам̣ г̇ахзд̇ваа бан̃хам̣ гад̇ваа бан̃жа бан̣д̣ид̇з бужчиссаами, имам̣ бан̃хам̣ аж̇аананд̇ам̣ радтаа баб̣б̣ааж̇зссаами, д̇ам̣ ж̇аананд̇асса ‘зваруубо бан̣д̣ид̇о над̇т̇ий’д̇и махаасаггаарам̣ гариссаами. аж̇ж̇а д̇аава авзлаа, свз убадтаанам̣ ааг̇ад̇агаалз бужчиссаамий’’д̇и. со бунад̣̇ивасз бан̣д̣ид̇зсу ааг̇анд̇ваа нисиннзсу бан̃хам̣ бужчанд̇о имам̣ г̇аат̇амааха –

    Atha naṃ eḷako pucchi ‘‘kiṃ pana tvaṃ puna bhattagehaṃ gantuṃ sakkhissasi sammā’’ti? ‘‘Na sakkhissāmi, samma, gatassa me jīvitaṃ natthī’’ti. ‘‘Tvaṃ pana puna hatthisālaṃ gantuṃ sakkhissasī’’ti. ‘‘Mayāpi tattha gantuṃ na sakkā, gatassa me jīvitaṃ natthī’’ti. Te ‘‘kathaṃ nu kho mayaṃ idāni jīvissāmā’’ti upāyaṃ cintesuṃ. Atha naṃ eḷako āha – ‘‘sace mayaṃ samaggavāsaṃ vasituṃ sakkoma, attheko upāyo’’ti. ‘‘Tena hi kathehī’’ti. ‘‘Samma, tvaṃ ito paṭṭhāya hatthisālaṃ yāhi, ‘‘nāyaṃ tiṇaṃ khādatī’’ti tayi hatthigopakā āsaṅkaṃ na karissanti, tvaṃ mama tiṇaṃ āhareyyāsi. Ahampi bhattagehaṃ pavisissāmi, ‘‘nāyaṃ maṃsakhādako’’ti bhattakārako mayi āsaṅkaṃ na karissati, ahaṃ te maṃsaṃ āharissāmī’’ti. Te ‘‘sundaro upāyo’’ti ubhopi sampaṭicchiṃsu. Sunakho hatthisālaṃ gantvā tiṇakalāpaṃ ḍaṃsitvā āgantvā mahābhittipiṭṭhikāya ṭhapesi. Itaropi bhattagehaṃ gantvā maṃsakhaṇḍaṃ mukhapūraṃ ḍaṃsitvā ānetvā tattheva ṭhapesi. Sunakho maṃsaṃ khādi, eḷako tiṇaṃ khādi. Te iminā upāyena samaggā sammodamānā mahābhittipiṭṭhikāya vasanti. Rājā tesaṃ mittasanthavaṃ disvā cintesi ‘‘adiṭṭhapubbaṃ vata me kāraṇaṃ diṭṭhaṃ, ime paccāmittā hutvāpi samaggavāsaṃ vasanti. Idaṃ kāraṇaṃ gahetvā pañhaṃ katvā pañca paṇḍite pucchissāmi, imaṃ pañhaṃ ajānantaṃ raṭṭhā pabbājessāmi, taṃ jānantassa ‘evarūpo paṇḍito natthī’ti mahāsakkāraṃ karissāmi. Ajja tāva avelā, sve upaṭṭhānaṃ āgatakāle pucchissāmī’’ti. So punadivase paṇḍitesu āgantvā nisinnesu pañhaṃ pucchanto imaṃ gāthamāha –

    ‘‘язсам̣ на гад̣̇аажи бхууд̇абуб̣б̣ам̣, сакяам̣ сад̇д̇абад̣̇амбимасми логз;

    ‘‘Yesaṃ na kadāci bhūtapubbaṃ, sakhyaṃ sattapadampimasmi loke;

    ж̇аад̇аа амид̇д̇аа д̣̇увз сахааяаа, бадисанд̇хааяа жаранд̇и гисса хзд̇уу’’д̇и. (ж̇аа. 1.12.94);

    Jātā amittā duve sahāyā, paṭisandhāya caranti kissa hetū’’ti. (jā. 1.12.94);

    д̇ад̇т̇а бадисанд̇хааяаад̇и сад̣̇д̣̇ахид̇ваа гхадид̇аа худ̇ваа.

    Tattha paṭisandhāyāti saddahitvā ghaṭitā hutvā.

    ид̣̇ан̃жа бана вад̇ваа буна звамааха –

    Idañca pana vatvā puna evamāha –

    ‘‘яад̣̇и мз аж̇ж̇а баад̇араасагаалз, бан̃хам̣ на саггун̣зяяаат̇а вад̇д̇умзд̇ам̣;

    ‘‘Yadi me ajja pātarāsakāle, pañhaṃ na sakkuṇeyyātha vattumetaṃ;

    радтаа баб̣б̣ааж̇аяиссаами во саб̣б̣з, на хи мад̇т̇о д̣̇уббан̃н̃аж̇аад̇игзхий’’д̇и. (ж̇аа. 1.12.95);

    Raṭṭhā pabbājayissāmi vo sabbe, na hi mattho duppaññajātikehī’’ti. (jā. 1.12.95);

    д̇ад̣̇аа бана сзнаго аг̇г̇аасанз нисинно ахоси, бан̣д̣ид̇о бана барияанд̇з нисинно. со д̇ам̣ бан̃хам̣ убад̇хаарзнд̇о д̇амад̇т̇ам̣ ад̣̇исваа жинд̇зси ‘‘аяам̣ рааж̇аа д̣̇анд̇хад̇хаад̇уго имам̣ бан̃хам̣ жинд̇зд̇ваа сан̇карид̇ум̣ асамад̇т̇о, гин̃жид̣̇зва, д̇зна д̣̇идтам̣ бхависсад̇и, згад̣̇ивасам̣ огаасам̣ лабханд̇о имам̣ бан̃хам̣ нийхариссаами, сзнаго гзнажи убааязна аж̇ж̇згад̣̇ивасамад̇д̇ам̣ ад̇хиваасаабзд̇уу’’д̇и. ид̇арзби жад̇д̇ааро бан̣д̣ид̇аа анд̇хагаараг̇аб̣бхам̣ бавидтаа вияа на гин̃жи бассим̣су. сзнаго ‘‘гаа ну ко махосад̇хасса бавад̇д̇ий’’д̇и б̣од̇хисад̇д̇ам̣ ологзси. соби д̇ам̣ ологзси. сзнаго б̣од̇хисад̇д̇асса ологид̇аагаарзнзва д̇асса ад̇хиббааяам̣ н̃ад̇ваа ‘‘бан̣д̣ид̇ассаби на убадтаад̇и, д̇знзгад̣̇ивасам̣ огаасам̣ ижчад̇и, буурзссаамисса манорат̇а’’нд̇и жинд̇зд̇ваа ран̃н̃аа сад̣̇д̇хим̣ виссаасзна махаахасид̇ам̣ хасид̇ваа ‘‘гим̣, махаарааж̇а, саб̣б̣зва амхз бан̃хам̣ гат̇зд̇ум̣ асаггонд̇з радтаа баб̣б̣ааж̇зссаси, зд̇амби ‘зго г̇ан̣тибан̃хо’д̇и д̇вам̣ саллагкзси, на маяам̣ зд̇ам̣ гат̇зд̇ум̣ на саггома, абижа ко т̇огам̣ ад̇хиваасзхи. г̇ан̣тибан̃хо зса, на саггома махааж̇анамаж̇жхз гат̇зд̇ум̣, згаманд̇з жинд̇зд̇ваа бажчаа д̇умхаагам̣ гат̇зссаама , огаасам̣ но д̣̇зхий’’д̇и махаасад̇д̇ам̣ ологзд̇ваа имам̣ г̇аат̇аад̣̇ваяамааха –

    Tadā pana senako aggāsane nisinno ahosi, paṇḍito pana pariyante nisinno. So taṃ pañhaṃ upadhārento tamatthaṃ adisvā cintesi ‘‘ayaṃ rājā dandhadhātuko imaṃ pañhaṃ cintetvā saṅkharituṃ asamattho, kiñcideva, tena diṭṭhaṃ bhavissati, ekadivasaṃ okāsaṃ labhanto imaṃ pañhaṃ nīharissāmi, senako kenaci upāyena ajjekadivasamattaṃ adhivāsāpetū’’ti. Itarepi cattāro paṇḍitā andhakāragabbhaṃ paviṭṭhā viya na kiñci passiṃsu. Senako ‘‘kā nu kho mahosadhassa pavattī’’ti bodhisattaṃ olokesi. Sopi taṃ olokesi. Senako bodhisattassa olokitākāreneva tassa adhippāyaṃ ñatvā ‘‘paṇḍitassapi na upaṭṭhāti, tenekadivasaṃ okāsaṃ icchati, pūressāmissa manoratha’’nti cintetvā raññā saddhiṃ vissāsena mahāhasitaṃ hasitvā ‘‘kiṃ, mahārāja, sabbeva amhe pañhaṃ kathetuṃ asakkonte raṭṭhā pabbājessasi, etampi ‘eko gaṇṭhipañho’ti tvaṃ sallakkhesi, na mayaṃ etaṃ kathetuṃ na sakkoma, apica kho thokaṃ adhivāsehi. Gaṇṭhipañho esa, na sakkoma mahājanamajjhe kathetuṃ, ekamante cintetvā pacchā tumhākaṃ kathessāma , okāsaṃ no dehī’’ti mahāsattaṃ oloketvā imaṃ gāthādvayamāha –

    ‘‘махааж̇анасамааг̇амамхи гхорз, ж̇анаголаахаласан̇г̇амамхи ж̇аад̇з;

    ‘‘Mahājanasamāgamamhi ghore, janakolāhalasaṅgamamhi jāte;

    вигкид̇д̇аманаа анзгажид̇д̇аа, бан̃хам̣ на саггун̣ома вад̇д̇умзд̇ам̣.

    Vikkhittamanā anekacittā, pañhaṃ na sakkuṇoma vattumetaṃ.

    ‘‘згаг̇г̇ажид̇д̇аава згамзгаа, рахаси г̇ад̇аа ад̇т̇ам̣ нижинд̇аяид̇ваа;

    ‘‘Ekaggacittāva ekamekā, rahasi gatā atthaṃ nicintayitvā;

    бавивзгз саммасид̇ваана д̇хийраа, ат̇а вагканд̇и ж̇анинд̣̇а зд̇амад̇т̇а’’нд̇и. (ж̇аа. 1.12.96-97);

    Paviveke sammasitvāna dhīrā, atha vakkhanti janinda etamattha’’nti. (jā. 1.12.96-97);

    д̇ад̇т̇а саммасид̇ваанаад̇и гааяажид̇д̇авивзгз тид̇аа имз д̇хийраа имам̣ бан̃хам̣ саммасид̇ваа ат̇а во зд̇ам̣ ад̇т̇ам̣ вагканд̇и.

    Tattha sammasitvānāti kāyacittaviveke ṭhitā ime dhīrā imaṃ pañhaṃ sammasitvā atha vo etaṃ atthaṃ vakkhanti.

    рааж̇аа д̇асса гат̇ам̣ суд̇ваа анад̇д̇амано худ̇вааби ‘‘саад̇ху жинд̇зд̇ваа гат̇зт̇а, агат̇знд̇з бана во баб̣б̣ааж̇зссаамий’’д̇и д̇аж̇ж̇зсиязва. жад̇д̇ааро бан̣д̣ид̇аа баасаад̣̇аа од̇арим̣су. сзнаго ид̇арз ааха – ‘‘саммаа, рааж̇аа сукумабан̃хам̣ бужчи, агат̇ид̇з маханд̇ам̣ бхаяам̣ бхависсад̇и, саббааяабхож̇анам̣ бхун̃ж̇ид̇ваа саммаа убад̇хаарзт̇аа’’д̇и. д̇з ад̇д̇ано ад̇д̇ано г̇зхам̣ г̇ад̇аа. бан̣д̣ид̇оби удтааяа уд̣̇умб̣арад̣̇звияаа санд̇игам̣ г̇анд̇ваа ‘‘д̣̇зви, аж̇ж̇а ваа хияяо ваа рааж̇аа гад̇т̇а жирам̣ адтаасий’’д̇и бужчи. ‘‘д̇аад̇а, д̣̇ийгханд̇арз ваад̇абаанзна ологзнд̇о жан̇гамад̇ий’’д̇и. д̇ад̇о бан̣д̣ид̇о жинд̇зси ‘‘ран̃н̃аа иминаа бассзна гин̃жи д̣̇идтам̣ бхависсад̇ий’’д̇и. со д̇ад̇т̇а г̇анд̇ваа б̣ахи ологзнд̇о зл̣агасунакаанам̣ гирияам̣ д̣̇исваа ‘‘имз д̣̇исваа ран̃н̃аа бан̃хо абхисан̇кад̇о’’д̇и саннидтаанам̣ гад̇ваа г̇зхам̣ г̇ад̇о. ид̇арзби д̇аяо жинд̇зд̇ваа гин̃жи ад̣̇исваа сзнагасса санд̇игам̣ аг̇амам̣су. со д̇з бужчи ‘‘д̣̇идто во бан̃хо’’д̇и. ‘‘на д̣̇идто аажарияаа’’д̇и. ‘‘яад̣̇и звам̣ рааж̇аа во баб̣б̣ааж̇зссад̇и, гим̣ гариссат̇аа’’д̇и? ‘‘д̇умхзхи бана д̣̇идто’’д̇и? ‘‘ахамби на бассаамий’’д̇и. ‘‘д̇умхзсу абассанд̇зсу маяам̣ гим̣ бассаама, ран̃н̃о бана санд̇игз ‘жинд̇зд̇ваа гат̇зссаамаа’д̇и сийханаад̣̇ам̣ над̣̇ид̇ваа ааг̇ад̇амхаа, агат̇ид̇з амхз рааж̇аа гуж̇жхиссад̇и, гим̣ гарома, аяам̣ бан̃хо на саггаа амхзхи д̣̇адтум̣ , бан̣д̣ид̇зна бана сад̇аг̇ун̣ам̣ сахассаг̇ун̣ам̣ сад̇асахассаг̇ун̣ам̣ гад̇ваа жинд̇ид̇о бхависсад̇и, зт̇а д̇асса санд̇игам̣ г̇ажчаамаа’’д̇и д̇з жад̇д̇ааро бан̣д̣ид̇аа б̣од̇хисад̇д̇асса гхарад̣̇ваарам̣ ааг̇ад̇абхаавам̣ аарожаабзд̇ваа ‘‘бависанд̇у бан̣д̣ид̇аа’’д̇и вуд̇д̇з г̇зхам̣ бависид̇ваа бадисант̇аарам̣ гад̇ваа згаманд̇ам̣ тид̇аа махаасад̇д̇ам̣ бужчим̣су ‘‘гим̣ бана, бан̣д̣ид̇а, жинд̇ид̇о бан̃хо’’д̇и? ‘‘аама, жинд̇ид̇о, маяи ажинд̇знд̇з ан̃н̃о го жинд̇аяиссад̇ий’’д̇и. ‘‘д̇зна хи бан̣д̣ид̇а амхаагамби гат̇зт̇аа’’д̇и.

    Rājā tassa kathaṃ sutvā anattamano hutvāpi ‘‘sādhu cintetvā kathetha, akathente pana vo pabbājessāmī’’ti tajjesiyeva. Cattāro paṇḍitā pāsādā otariṃsu. Senako itare āha – ‘‘sammā, rājā sukhumapañhaṃ pucchi, akathite mahantaṃ bhayaṃ bhavissati, sappāyabhojanaṃ bhuñjitvā sammā upadhārethā’’ti. Te attano attano gehaṃ gatā. Paṇḍitopi uṭṭhāya udumbaradeviyā santikaṃ gantvā ‘‘devi, ajja vā hiyyo vā rājā kattha ciraṃ aṭṭhāsī’’ti pucchi. ‘‘Tāta, dīghantare vātapānena olokento caṅkamatī’’ti. Tato paṇḍito cintesi ‘‘raññā iminā passena kiñci diṭṭhaṃ bhavissatī’’ti. So tattha gantvā bahi olokento eḷakasunakhānaṃ kiriyaṃ disvā ‘‘ime disvā raññā pañho abhisaṅkhato’’ti sanniṭṭhānaṃ katvā gehaṃ gato. Itarepi tayo cintetvā kiñci adisvā senakassa santikaṃ agamaṃsu. So te pucchi ‘‘diṭṭho vo pañho’’ti. ‘‘Na diṭṭho ācariyā’’ti. ‘‘Yadi evaṃ rājā vo pabbājessati, kiṃ karissathā’’ti? ‘‘Tumhehi pana diṭṭho’’ti? ‘‘Ahampi na passāmī’’ti. ‘‘Tumhesu apassantesu mayaṃ kiṃ passāma, rañño pana santike ‘cintetvā kathessāmā’ti sīhanādaṃ naditvā āgatamhā, akathite amhe rājā kujjhissati, kiṃ karoma, ayaṃ pañho na sakkā amhehi daṭṭhuṃ , paṇḍitena pana sataguṇaṃ sahassaguṇaṃ satasahassaguṇaṃ katvā cintito bhavissati, etha tassa santikaṃ gacchāmā’’ti te cattāro paṇḍitā bodhisattassa gharadvāraṃ āgatabhāvaṃ ārocāpetvā ‘‘pavisantu paṇḍitā’’ti vutte gehaṃ pavisitvā paṭisanthāraṃ katvā ekamantaṃ ṭhitā mahāsattaṃ pucchiṃsu ‘‘kiṃ pana, paṇḍita, cintito pañho’’ti? ‘‘Āma, cintito, mayi acintente añño ko cintayissatī’’ti. ‘‘Tena hi paṇḍita amhākampi kathethā’’ti.

    бан̣д̣ид̇о ‘‘сажаахам̣ зд̇зсам̣ на гат̇зссаами, рааж̇аа д̇з радтаа баб̣б̣ааж̇зссад̇и, мам̣ бана сад̇д̇ахи рад̇анзхи бууж̇зссад̇и, имз анд̇хаб̣аалаа маа винассанд̇у, гат̇зссаами д̇зса’’нд̇и жинд̇зд̇ваа д̇з жад̇д̇аароби нийжаасанз нисийд̣̇аабзд̇ваа ан̃ж̇алим̣ баг̇г̇ан̣хаабзд̇ваа ран̃н̃аа д̣̇идтад̇ам̣ аж̇аанаабзд̇ваа ‘‘ран̃н̃аа бужчид̇агаалз звам̣ гат̇зяяаат̇аа’’д̇и жад̇уннамби жад̇ассо г̇аат̇ааяо б̣анд̇хид̇ваа баал̣имзва уг̇г̇ан̣хаабзд̇ваа уяяож̇зси. д̇з д̣̇уд̇ияад̣̇ивасз рааж̇убадтаанам̣ г̇анд̇ваа бан̃н̃ад̇д̇аасанз нисийд̣̇им̣су. рааж̇аа сзнагам̣ бужчи ‘‘н̃аад̇о д̇з, сзнага, бан̃хо’’д̇и? ‘‘махаарааж̇а, маяи аж̇аананд̇з ан̃н̃о го ж̇ааниссад̇ий’’д̇и. ‘‘д̇зна хи гат̇зхий’’д̇и. ‘‘сун̣аат̇а д̣̇зваа’’д̇и со уг̇г̇ахид̇анияаамзнзва г̇аат̇амааха –

    Paṇḍito ‘‘sacāhaṃ etesaṃ na kathessāmi, rājā te raṭṭhā pabbājessati, maṃ pana sattahi ratanehi pūjessati, ime andhabālā mā vinassantu, kathessāmi tesa’’nti cintetvā te cattāropi nīcāsane nisīdāpetvā añjaliṃ paggaṇhāpetvā raññā diṭṭhataṃ ajānāpetvā ‘‘raññā pucchitakāle evaṃ katheyyāthā’’ti catunnampi catasso gāthāyo bandhitvā pāḷimeva uggaṇhāpetvā uyyojesi. Te dutiyadivase rājupaṭṭhānaṃ gantvā paññattāsane nisīdiṃsu. Rājā senakaṃ pucchi ‘‘ñāto te, senaka, pañho’’ti? ‘‘Mahārāja, mayi ajānante añño ko jānissatī’’ti. ‘‘Tena hi kathehī’’ti. ‘‘Suṇātha devā’’ti so uggahitaniyāmeneva gāthamāha –

    ‘‘уг̇г̇абуд̇д̇арааж̇абуд̇д̇ияаанам̣, ураб̣бхасса мам̣сам̣ бияам̣ манаабам̣;

    ‘‘Uggaputtarājaputtiyānaṃ, urabbhassa maṃsaṃ piyaṃ manāpaṃ;

    на сунакасса д̇з ад̣̇знд̇и мам̣сам̣, ат̇а мзн̣д̣асса сун̣зна сакяамассаа’’д̇и. (ж̇аа. 1.12.98);

    Na sunakhassa te adenti maṃsaṃ, atha meṇḍassa suṇena sakhyamassā’’ti. (jā. 1.12.98);

    д̇ад̇т̇а уг̇г̇абуд̇д̇арааж̇абуд̇д̇ияаананд̇и уг̇г̇ад̇аанам̣ амажжабуд̇д̇аанан̃жзва рааж̇абуд̇д̇аанан̃жа.

    Tattha uggaputtarājaputtiyānanti uggatānaṃ amaccaputtānañceva rājaputtānañca.

    г̇аат̇ам̣ вад̇вааби сзнаго ад̇т̇ам̣ на ж̇аанаад̇и. рааж̇аа бана ад̇д̇ано д̣̇идтабхаавзна баж̇аанаад̇и, д̇асмаа ‘‘сзнагзна д̇аава н̃аад̇о’’д̇и буггусам̣ бужчи. собисса ‘‘гим̣ ахамби абан̣д̣ид̇о’’д̇и вад̇ваа уг̇г̇ахид̇анияаамзнзва г̇аат̇амааха –

    Gāthaṃ vatvāpi senako atthaṃ na jānāti. Rājā pana attano diṭṭhabhāvena pajānāti, tasmā ‘‘senakena tāva ñāto’’ti pukkusaṃ pucchi. Sopissa ‘‘kiṃ ahampi apaṇḍito’’ti vatvā uggahitaniyāmeneva gāthamāha –

    ‘‘жаммам̣ вихананд̇и зл̣агасса, ассабидтад̇т̇арассукасса хзд̇у;

    ‘‘Cammaṃ vihananti eḷakassa, assapiṭṭhattharassukhassa hetu;

    на жа д̇з сунакасса ад̇т̇аранд̇и, ат̇а мзн̣д̣асса сун̣зна сакяамассаа’’д̇и. (ж̇аа. 1.12.99);

    Na ca te sunakhassa attharanti, atha meṇḍassa suṇena sakhyamassā’’ti. (jā. 1.12.99);

    д̇ассаби ад̇т̇о абаагадоязва. рааж̇аа бана ад̇д̇ано баагадад̇д̇аа ‘‘иминааби буггусзна н̃аад̇о’’д̇и гааминд̣̇ам̣ бужчи. соби уг̇г̇ахид̇анияаамзнзва г̇аат̇амааха –

    Tassapi attho apākaṭoyeva. Rājā pana attano pākaṭattā ‘‘imināpi pukkusena ñāto’’ti kāmindaṃ pucchi. Sopi uggahitaniyāmeneva gāthamāha –

    ‘‘аавзллид̇асин̇г̇иго хи мзн̣д̣о, на жа сунакасса висаан̣агаани ад̇т̇и;

    ‘‘Āvellitasiṅgiko hi meṇḍo, na ca sunakhassa visāṇakāni atthi;

    д̇ин̣абхагко мам̣сабхож̇ано жа, ат̇а мзн̣д̣асса сун̣зна сакяамассаа’’д̇и. (ж̇аа. 1.12.100);

    Tiṇabhakkho maṃsabhojano ca, atha meṇḍassa suṇena sakhyamassā’’ti. (jā. 1.12.100);

    рааж̇аа ‘‘иминааби н̃аад̇о’’д̇и д̣̇звинд̣̇ам̣ бужчи. соби уг̇г̇ахид̇анияаамзнзва г̇аат̇амааха –

    Rājā ‘‘imināpi ñāto’’ti devindaṃ pucchi. Sopi uggahitaniyāmeneva gāthamāha –

    ‘‘д̇ин̣амааси балаасамааси мзн̣д̣о, на жа сунако д̇ин̣амааси но балаасам̣;

    ‘‘Tiṇamāsi palāsamāsi meṇḍo, na ca sunakho tiṇamāsi no palāsaṃ;

    г̇ан̣хзяяа сун̣о сасам̣ б̣ил̣аарам̣, ат̇а мзн̣д̣асса сун̣зна сакяамассаа’’д̇и. (ж̇аа. 1.12.101);

    Gaṇheyya suṇo sasaṃ biḷāraṃ, atha meṇḍassa suṇena sakhyamassā’’ti. (jā. 1.12.101);

    д̇ад̇т̇а д̇ин̣амааси балаасамаасийд̇и д̇ин̣акаад̣̇аго жзва бан̣н̣акаад̣̇аго жа. но балаасанд̇и бан̣н̣амби на каад̣̇ад̇и.

    Tattha tiṇamāsi palāsamāsīti tiṇakhādako ceva paṇṇakhādako ca. No palāsanti paṇṇampi na khādati.

    ат̇а рааж̇аа бан̣д̣ид̇ам̣ бужчи – ‘‘д̇аад̇а, д̇вамби имам̣ бан̃хам̣ ж̇аанаасий’’д̇и? ‘‘махаарааж̇а, авийжид̇о яаава бхаваг̇г̇аа мам̣ табзд̇ваа го ан̃н̃о зд̇ам̣ ж̇ааниссад̇ий’’д̇и. ‘‘д̇зна хи гат̇зхий’’д̇и. ‘‘сун̣а махаарааж̇аа’’д̇и д̇асса бан̃хасса ад̇д̇ано баагадабхаавам̣ багаасзнд̇о г̇аат̇аад̣̇ваяамааха –

    Atha rājā paṇḍitaṃ pucchi – ‘‘tāta, tvampi imaṃ pañhaṃ jānāsī’’ti? ‘‘Mahārāja, avīcito yāva bhavaggā maṃ ṭhapetvā ko añño etaṃ jānissatī’’ti. ‘‘Tena hi kathehī’’ti. ‘‘Suṇa mahārājā’’ti tassa pañhassa attano pākaṭabhāvaṃ pakāsento gāthādvayamāha –

    ‘‘адтад̣дхабад̣̇о жад̇уббад̣̇асса, мзн̣д̣о адтанако ад̣̇иссамаано;

    ‘‘Aṭṭhaḍḍhapado catuppadassa, meṇḍo aṭṭhanakho adissamāno;

    чаад̣̇ияамаахарад̇ий аяам̣ имасса, мам̣сам̣ аахарад̇ий аяам̣ амусса.

    Chādiyamāharatī ayaṃ imassa, maṃsaṃ āharatī ayaṃ amussa.

    ‘‘баасаад̣̇авараг̇ад̇о вид̣̇зхасздто, вийд̇ихаарам̣ ан̃н̃аман̃н̃абхож̇анаанам̣;

    ‘‘Pāsādavaragato videhaseṭṭho, vītihāraṃ aññamaññabhojanānaṃ;

    ад̣̇д̣̇агки гира сагкигам̣ ж̇анинд̣̇о, б̣убхуггасса бун̣н̣ам̣мукасса жзд̇а’’нд̇и. (ж̇аа. 1.12.102-103);

    Addakkhi kira sakkhikaṃ janindo, bubhukkassa puṇṇaṃmukhassa ceta’’nti. (jā. 1.12.102-103);

    д̇ад̇т̇а адтад̣дхабад̣̇од̇и б̣яан̃ж̇анагусалад̇ааяа зл̣агасса жад̇уббаад̣̇ам̣ санд̇хааяааха. мзн̣д̣од̇и зл̣аго. адтанакод̇и згзгасмим̣ баад̣̇з д̣̇виннам̣ д̣̇виннам̣ кураанам̣ васзнзд̇ам̣ вуд̇д̇ам̣. ад̣̇иссамаанод̇и мам̣сам̣ аахаран̣агаалз абан̃н̃ааяамаано. чаад̣̇ияанд̇и г̇зхажчад̣̇анам̣. д̇ин̣анд̇и ад̇т̇о. аяам̣ имассаад̇и сунако зл̣агасса. вийд̇ихааранд̇и вийд̇ихаран̣ам̣. ан̃н̃аман̃н̃абхож̇анаананд̇и ан̃н̃аман̃н̃асса бхож̇анаанам̣. мзн̣д̣о хи сунакасса бхож̇анам̣ харад̇и, со д̇асса вийд̇ихарад̇и, сунакоби д̇асса харад̇и, ид̇аро вийд̇ихарад̇и. ад̣̇д̣̇агкийд̇и д̇ам̣ д̇зсам̣ ан̃н̃аман̃н̃абхож̇анаанам̣ вийд̇ихаран̣ам̣ сагкигам̣ ад̇д̇ано бажжагкам̣ гад̇ваа ад̣̇д̣̇аса. б̣убхуггассаад̇и бхубхууд̇и сад̣̇д̣̇агаран̣асунакасса. бун̣н̣ам̣мукассаад̇и мзн̣д̣асса. имзсам̣ зд̇ам̣ мид̇д̇асант̇авам̣ рааж̇аа саяам̣ бассийд̇и.

    Tattha aṭṭhaḍḍhapadoti byañjanakusalatāya eḷakassa catuppādaṃ sandhāyāha. Meṇḍoti eḷako. Aṭṭhanakhoti ekekasmiṃ pāde dvinnaṃ dvinnaṃ khurānaṃ vasenetaṃ vuttaṃ. Adissamānoti maṃsaṃ āharaṇakāle apaññāyamāno. Chādiyanti gehacchadanaṃ. Tiṇanti attho. Ayaṃ imassāti sunakho eḷakassa. Vītihāranti vītiharaṇaṃ. Aññamaññabhojanānanti aññamaññassa bhojanānaṃ. Meṇḍo hi sunakhassa bhojanaṃ harati, so tassa vītiharati, sunakhopi tassa harati, itaro vītiharati. Addakkhīti taṃ tesaṃ aññamaññabhojanānaṃ vītiharaṇaṃ sakkhikaṃ attano paccakkhaṃ katvā addasa. Bubhukkassāti bhubhūti saddakaraṇasunakhassa. Puṇṇaṃmukhassāti meṇḍassa. Imesaṃ etaṃ mittasanthavaṃ rājā sayaṃ passīti.

    рааж̇аа ид̇арзхи б̣од̇хисад̇д̇ам̣ ниссааяа н̃аад̇абхаавам̣ аж̇аананд̇о ‘‘бан̃жа бан̣д̣ид̇аа ад̇д̇ано ад̇д̇ано н̃аан̣аб̣алзна ж̇ааним̣суу’’д̇и ман̃н̃амаано соманассаббад̇д̇о худ̇ваа имам̣ г̇аат̇амааха –

    Rājā itarehi bodhisattaṃ nissāya ñātabhāvaṃ ajānanto ‘‘pañca paṇḍitā attano attano ñāṇabalena jāniṃsū’’ti maññamāno somanassappatto hutvā imaṃ gāthamāha –

    ‘‘лаабхаа вад̇а мз анаббаруубаа, яасса мзд̣̇исаа бан̣д̣ид̇аа гуламхи;

    ‘‘Lābhā vata me anapparūpā, yassa medisā paṇḍitā kulamhi;

    бан̃хасса г̇амбхийраг̇ад̇ам̣ нибун̣амад̇т̇ам̣, бадивиж̇жханд̇и субхаасид̇зна д̇хийраа’’д̇и. (ж̇аа. 1.12.104);

    Pañhassa gambhīragataṃ nipuṇamatthaṃ, paṭivijjhanti subhāsitena dhīrā’’ti. (jā. 1.12.104);

    д̇ад̇т̇а бадивиж̇жханд̇ийд̇и субхаасид̇зна д̇з вид̣̇ид̇ваа гат̇знд̇и.

    Tattha paṭivijjhantīti subhāsitena te viditvā kathenti.

    ат̇а нзсам̣ ‘‘д̇удтзна наама д̇удтаагааро гад̇д̇аб̣б̣о’’д̇и д̇ам̣ гаронд̇о имам̣ г̇аат̇амааха –

    Atha nesaṃ ‘‘tuṭṭhena nāma tuṭṭhākāro kattabbo’’ti taṃ karonto imaṃ gāthamāha –

    ‘‘ассад̇арират̇ан̃жа згамзгам̣, пийд̇ам̣ г̇аамаваран̃жа згамзгам̣;

    ‘‘Assatarirathañca ekamekaṃ, phītaṃ gāmavarañca ekamekaṃ;

    саб̣б̣зсам̣ во д̣̇амми бан̣д̣ид̇аанам̣, барамаббад̇ийд̇амано субхаасид̇знаа’’д̇и. (ж̇аа. 1.12.105);

    Sabbesaṃ vo dammi paṇḍitānaṃ, paramappatītamano subhāsitenā’’ti. (jā. 1.12.105);

    ид̇и вад̇ваа д̇зсам̣ д̇ам̣ саб̣б̣ам̣ д̣̇аабзси.

    Iti vatvā tesaṃ taṃ sabbaṃ dāpesi.

    д̣̇ваад̣̇асанибаад̇з мзн̣д̣агабан̃хо нидтид̇о.

    Dvādasanipāte meṇḍakapañho niṭṭhito.

    сириманд̇абан̃хо

    Sirimantapañho

    уд̣̇умб̣арад̣̇звий бана ид̇арзхи бан̣д̣ид̇ам̣ ниссааяа бан̃хасса н̃аад̇абхаавам̣ н̃ад̇ваа ‘‘ран̃н̃аа муг̇г̇ам̣ маасзна ниб̣б̣исзсагам̣ гаронд̇зна вияа бан̃жаннам̣ самагова саггааро гад̇о, нану маяхам̣ ганидтасса висзсам̣ саггаарам̣ гаад̇ум̣ ваддад̇ий’’д̇и жинд̇зд̇ваа ран̃н̃о санд̇игам̣ г̇анд̇ваа бужчи ‘‘д̣̇зва, гзна во бан̃хо гат̇ид̇о’’д̇и? ‘‘бан̃жахи бан̣д̣ид̇зхи, бхад̣̇д̣̇з’’д̇и. ‘‘д̣̇зва, жад̇д̇ааро ж̇анаа д̇ам̣ бан̃хам̣ гам̣ ниссааяа ж̇ааним̣суу’’д̇и? ‘‘на ж̇аанаами, бхад̣̇д̣̇з’’д̇и. ‘‘махаарааж̇а, гим̣ д̇з ж̇аананд̇и, бан̣д̣ид̇о бана ‘маа нассанд̇у имз б̣аалаа’д̇и бан̃хам̣ уг̇г̇ан̣хаабзси, д̇умхз саб̣б̣зсам̣ самагам̣ саггаарам̣ гарот̇а, аяуд̇д̇амзд̇ам̣, бан̣д̣ид̇асса висзсагам̣ гаад̇ум̣ ваддад̇ий’’д̇и. рааж̇аа ‘‘ад̇д̇аанам̣ ниссааяа н̃аад̇абхаавам̣ на гат̇зсий’’д̇и бан̣д̣ид̇асса д̇уссид̇ваа ад̇ирзгад̇арам̣ саггаарам̣ гаад̇угаамо жинд̇зси ‘‘ход̇у мама буд̇д̇ам̣ згам̣ бан̃хам̣ бужчид̇ваа гат̇ид̇агаалз маханд̇ам̣ саггаарам̣ гариссаамий’’д̇и. со бан̃хам̣ жинд̇знд̇о сириманд̇абан̃хам̣ жинд̇зд̇ваа згад̣̇ивасам̣ бан̃жаннам̣ бан̣д̣ид̇аанам̣ убадтаанам̣ ааг̇анд̇ваа суканисиннагаалз сзнагам̣ ааха – ‘‘сзнага, бан̃хам̣ бужчиссаамий’’д̇и. ‘‘бужча д̣̇зваа’’д̇и. рааж̇аа сириманд̇абан̃хз батамам̣ г̇аат̇амааха –

    Udumbaradevī pana itarehi paṇḍitaṃ nissāya pañhassa ñātabhāvaṃ ñatvā ‘‘raññā muggaṃ māsena nibbisesakaṃ karontena viya pañcannaṃ samakova sakkāro kato, nanu mayhaṃ kaniṭṭhassa visesaṃ sakkāraṃ kātuṃ vaṭṭatī’’ti cintetvā rañño santikaṃ gantvā pucchi ‘‘deva, kena vo pañho kathito’’ti? ‘‘Pañcahi paṇḍitehi, bhadde’’ti. ‘‘Deva, cattāro janā taṃ pañhaṃ kaṃ nissāya jāniṃsū’’ti? ‘‘Na jānāmi, bhadde’’ti. ‘‘Mahārāja, kiṃ te jānanti, paṇḍito pana ‘mā nassantu ime bālā’ti pañhaṃ uggaṇhāpesi, tumhe sabbesaṃ samakaṃ sakkāraṃ karotha, ayuttametaṃ, paṇḍitassa visesakaṃ kātuṃ vaṭṭatī’’ti. Rājā ‘‘attānaṃ nissāya ñātabhāvaṃ na kathesī’’ti paṇḍitassa tussitvā atirekataraṃ sakkāraṃ kātukāmo cintesi ‘‘hotu mama puttaṃ ekaṃ pañhaṃ pucchitvā kathitakāle mahantaṃ sakkāraṃ karissāmī’’ti. So pañhaṃ cintento sirimantapañhaṃ cintetvā ekadivasaṃ pañcannaṃ paṇḍitānaṃ upaṭṭhānaṃ āgantvā sukhanisinnakāle senakaṃ āha – ‘‘senaka, pañhaṃ pucchissāmī’’ti. ‘‘Puccha devā’’ti. Rājā sirimantapañhe paṭhamaṃ gāthamāha –

    ‘‘бан̃н̃ааяубзд̇ам̣ сирияаа вихийнам̣, яасассинам̣ вааби абзд̇абан̃н̃ам̣;

    ‘‘Paññāyupetaṃ siriyā vihīnaṃ, yasassinaṃ vāpi apetapaññaṃ;

    бужчаами д̇ам̣ сзнага зд̇амад̇т̇ам̣, гамзд̇т̇а сзяяо гусалаа вад̣̇анд̇ий’’д̇и. (ж̇аа. 1.15.83);

    Pucchāmi taṃ senaka etamatthaṃ, kamettha seyyo kusalā vadantī’’ti. (jā. 1.15.83);

    д̇ад̇т̇а гамзд̇т̇а сзяяод̇и имзсу д̣̇вийсу гад̇арам̣ бан̣д̣ид̇аа сзяяод̇и вад̣̇анд̇и.

    Tattha kamettha seyyoti imesu dvīsu kataraṃ paṇḍitā seyyoti vadanti.

    аяан̃жа гира бан̃хо сзнагасса вам̣саануг̇ад̇о, д̇зна нам̣ киббамзва гат̇зси –

    Ayañca kira pañho senakassa vaṃsānugato, tena naṃ khippameva kathesi –

    ‘‘д̇хийраа жа б̣аалаа жа хавз ж̇анинд̣̇а, сиббуубабаннаа жа асиббино жа;

    ‘‘Dhīrā ca bālā ca have janinda, sippūpapannā ca asippino ca;

    суж̇аад̇иманд̇оби аж̇аад̇имасса, яасассино бзсагараа бхаванд̇и;

    Sujātimantopi ajātimassa, yasassino pesakarā bhavanti;

    зд̇амби д̣̇исваана ахам̣ вад̣̇аами, бан̃н̃о нихийно сириймаава сзяяо’’д̇и. (ж̇аа. 1.15.84);

    Etampi disvāna ahaṃ vadāmi, pañño nihīno sirīmāva seyyo’’ti. (jā. 1.15.84);

    д̇ад̇т̇а бан̃н̃о нихийнод̇и бан̃н̃аваа нихийно, иссарова уд̇д̇амод̇и ад̇т̇о.

    Tattha pañño nihīnoti paññavā nihīno, issarova uttamoti attho.

    рааж̇аа д̇асса важанам̣ суд̇ваа ид̇арз д̇аяо абужчид̇ваа сан̇гханавагам̣ худ̇ваа нисиннам̣ махосад̇хабан̣д̣ид̇ам̣ ааха –

    Rājā tassa vacanaṃ sutvā itare tayo apucchitvā saṅghanavakaṃ hutvā nisinnaṃ mahosadhapaṇḍitaṃ āha –

    ‘‘д̇увамби бужчаами аномабан̃н̃а, махосад̇ха гзвалад̇хаммад̣̇асси;

    ‘‘Tuvampi pucchāmi anomapañña, mahosadha kevaladhammadassi;

    б̣аалам̣ яасассим̣ бан̣д̣ид̇ам̣ аббабхог̇ам̣, гамзд̇т̇а сзяяо гусалаа вад̣̇анд̇ий’’д̇и. (ж̇аа. 1.15.85);

    Bālaṃ yasassiṃ paṇḍitaṃ appabhogaṃ, kamettha seyyo kusalā vadantī’’ti. (jā. 1.15.85);

    д̇ад̇т̇а гзвалад̇хаммад̣̇ассийд̇и саб̣б̣ад̇хаммад̣̇асси.

    Tattha kevaladhammadassīti sabbadhammadassi.

    ат̇асса махаасад̇д̇о ‘‘сун̣а, махаарааж̇аа’’д̇и вад̇ваа гат̇зси –

    Athassa mahāsatto ‘‘suṇa, mahārājā’’ti vatvā kathesi –

    ‘‘баабаани гаммаани гарод̇и б̣аало, ид̇хамзва сзяяо ид̇и ман̃н̃амаано;

    ‘‘Pāpāni kammāni karoti bālo, idhameva seyyo iti maññamāno;

    ид̇халогад̣̇ассий баралогамад̣̇ассий, убхаяад̇т̇а б̣аало галимаг̇г̇ахзси;

    Idhalokadassī paralokamadassī, ubhayattha bālo kalimaggahesi;

    зд̇амби д̣̇исваана ахам̣ вад̣̇аами, бан̃н̃ова сзяяо на яасасси б̣аало’’д̇и. (ж̇аа. 1.15.86);

    Etampi disvāna ahaṃ vadāmi, paññova seyyo na yasassi bālo’’ti. (jā. 1.15.86);

    д̇ад̇т̇а ид̇хамзва сзяяод̇и ид̇халогз иссарияамзва маяхам̣ сздтанд̇и ман̃н̃амаано. галимаг̇г̇ахзсийд̇и б̣аало иссарияамаанзна баабагаммам̣ гад̇ваа нираяаад̣̇им̣ убабаж̇ж̇анд̇о баралогз жа буна д̇ад̇о ааг̇анд̇ваа нийжагулз д̣̇угкабхаавам̣ бад̇ваа ниб̣б̣ад̇д̇амаано ид̇халогз жаад̇и убхаяад̇т̇а барааж̇аяамзва г̇ан̣хаад̇и. зд̇амби гааран̣ам̣ ахам̣ д̣̇исваа бан̃н̃аасамбаннова уд̇д̇амо, иссаро бана б̣аало на уд̇д̇амод̇и вад̣̇аами.

    Tattha idhameva seyyoti idhaloke issariyameva mayhaṃ seṭṭhanti maññamāno. Kalimaggahesīti bālo issariyamānena pāpakammaṃ katvā nirayādiṃ upapajjanto paraloke ca puna tato āgantvā nīcakule dukkhabhāvaṃ patvā nibbattamāno idhaloke cāti ubhayattha parājayameva gaṇhāti. Etampi kāraṇaṃ ahaṃ disvā paññāsampannova uttamo, issaro pana bālo na uttamoti vadāmi.

    звам̣ вуд̇д̇з рааж̇аа сзнагам̣ ологзд̇ваа ‘‘нану махосад̇хо бан̃н̃аванд̇амзва уд̇д̇амод̇и вад̣̇ад̇ий’’д̇и ааха. сзнаго ‘‘махаарааж̇а, махосад̇хо д̣̇ахаро, аж̇ж̇аабисса мукз кийраг̇анд̇хо вааяад̇и, гимзса ж̇аанаад̇ий’’д̇и вад̇ваа имам̣ г̇аат̇амааха –

    Evaṃ vutte rājā senakaṃ oloketvā ‘‘nanu mahosadho paññavantameva uttamoti vadatī’’ti āha. Senako ‘‘mahārāja, mahosadho daharo, ajjāpissa mukhe khīragandho vāyati, kimesa jānātī’’ti vatvā imaṃ gāthamāha –

    ‘‘нисиббамзд̇ам̣ вид̣̇ад̇хаад̇и бхог̇ам̣, на б̣анд̇хуваа на сарийраван̣н̣о яо;

    ‘‘Nisippametaṃ vidadhāti bhogaṃ, na bandhuvā na sarīravaṇṇo yo;

    бассзл̣амууг̇ам̣ сукамзд̇хамаанам̣, сирий хи нам̣ бхаж̇ад̇з г̇оравинд̣̇ам̣;

    Passeḷamūgaṃ sukhamedhamānaṃ, sirī hi naṃ bhajate goravindaṃ;

    зд̇амби д̣̇исваана ахам̣ вад̣̇аами, бан̃н̃о нихийно сириймаава сзяяо’’д̇и.

    Etampi disvāna ahaṃ vadāmi, pañño nihīno sirīmāva seyyo’’ti.

    д̇ад̇т̇а зл̣амууг̇анд̇и баг̇гхарид̇алааламукам̣. г̇оравинд̣̇анд̇и со гира д̇асмим̣язва наг̇арз асийд̇игодивибхаво сздти вируубо. наасса буд̇д̇о на жа д̇хийд̇аа, на гин̃жи сиббам̣ ж̇аанаад̇и. гат̇знд̇ассабисса ханугасса убхохиби бассзхи лаалаад̇хаараа баг̇гхарад̇и. д̣̇зважчараа вияа д̣̇вз ид̇т̇ияо саб̣б̣аалан̇гаарзхи вибхуусид̇аа субубпид̇аани нийлуббалаани г̇ахзд̇ваа убхосу бассзсу тид̇аа д̇ам̣ лаалам̣ нийлуббалзхи самбадижчид̇ваа нийлуббалаани ваад̇абаанзна чад̣д̣знд̇и. сураасон̣д̣ааби баанааг̇аарам̣ бависанд̇аа нийлуббалзхи ад̇т̇з сад̇и д̇асса г̇зхад̣̇ваарам̣ г̇анд̇ваа ‘‘саами г̇оравинд̣̇а, сздтий’’д̇и вад̣̇анд̇и. со д̇зсам̣ сад̣̇д̣̇ам̣ суд̇ваа ваад̇абаанз тад̇ваа ‘‘гим̣, д̇аад̇аа’’д̇и вад̣̇ад̇и. ат̇асса лаалаад̇хаараа баг̇гхарад̇и . д̇аа ид̇т̇ияо д̇ам̣ нийлуббалзхи самбадижчид̇ваа нийлуббалаани анд̇аравийт̇ияам̣ кибанд̇и. сураад̇худ̇д̇аа д̇аани г̇ахзд̇ваа уд̣̇агзна вигкаалзд̇ваа бил̣анд̇хид̇ваа баанааг̇аарам̣ бависанд̇и. звам̣ сирисамбанно ахоси. сзнаго д̇ам̣ уд̣̇аахаран̣ам̣ гад̇ваа д̣̇ассзнд̇о звамааха.

    Tattha eḷamūganti paggharitalālamukhaṃ. Goravindanti so kira tasmiṃyeva nagare asītikoṭivibhavo seṭṭhi virūpo. Nāssa putto na ca dhītā, na kiñci sippaṃ jānāti. Kathentassapissa hanukassa ubhohipi passehi lālādhārā paggharati. Devaccharā viya dve itthiyo sabbālaṅkārehi vibhūsitā supupphitāni nīluppalāni gahetvā ubhosu passesu ṭhitā taṃ lālaṃ nīluppalehi sampaṭicchitvā nīluppalāni vātapānena chaḍḍenti. Surāsoṇḍāpi pānāgāraṃ pavisantā nīluppalehi atthe sati tassa gehadvāraṃ gantvā ‘‘sāmi goravinda, seṭṭhī’’ti vadanti. So tesaṃ saddaṃ sutvā vātapāne ṭhatvā ‘‘kiṃ, tātā’’ti vadati. Athassa lālādhārā paggharati . Tā itthiyo taṃ nīluppalehi sampaṭicchitvā nīluppalāni antaravīthiyaṃ khipanti. Surādhuttā tāni gahetvā udakena vikkhāletvā piḷandhitvā pānāgāraṃ pavisanti. Evaṃ sirisampanno ahosi. Senako taṃ udāharaṇaṃ katvā dassento evamāha.

    д̇ам̣ суд̇ваа рааж̇аа ‘‘гийд̣̇исам̣, д̇аад̇а, махосад̇хабан̣д̣ид̇аа’’д̇и ааха. бан̣д̣ид̇о ‘‘д̣̇зва, гим̣ сзнаго ж̇аанаад̇и, од̣̇анасид̇т̇адтаанз гааго вияа д̣̇ад̇хим̣ баад̇ум̣ аарад̣̇д̇хасунако вияа жа яасамзва бассад̇и, сийсз бад̇анд̇ам̣ махаамуг̇г̇арам̣ на бассад̇и, сун̣а, д̣̇зваа’’д̇и вад̇ваа имам̣ г̇аат̇амааха –

    Taṃ sutvā rājā ‘‘kīdisaṃ, tāta, mahosadhapaṇḍitā’’ti āha. Paṇḍito ‘‘deva, kiṃ senako jānāti, odanasitthaṭṭhāne kāko viya dadhiṃ pātuṃ āraddhasunakho viya ca yasameva passati, sīse patantaṃ mahāmuggaraṃ na passati, suṇa, devā’’ti vatvā imaṃ gāthamāha –

    ‘‘лад̣̇д̇хаа сукам̣ маж̇ж̇ад̇и аббабан̃н̃о, д̣̇угкзна пудтоби бамохамзд̇и;

    ‘‘Laddhā sukhaṃ majjati appapañño, dukkhena phuṭṭhopi pamohameti;

    ааг̇анд̇унаа д̣̇угкасукзна пудто, бавзд̇хад̇и ваарижарова гхаммз;

    Āgantunā dukkhasukhena phuṭṭho, pavedhati vāricarova ghamme;

    зд̇амби д̣̇исваана ахам̣ вад̣̇аами, бан̃н̃ова сзяяо на яасасси б̣аало’’д̇и. (ж̇аа. 1.15.88);

    Etampi disvāna ahaṃ vadāmi, paññova seyyo na yasassi bālo’’ti. (jā. 1.15.88);

    д̇ад̇т̇а суканд̇и иссарияасукам̣ лабхид̇ваа б̣аало бамаж̇ж̇ад̇и, бамад̇д̇о самаано баабам̣ гарод̇и. д̣̇угкзнаад̇и гааяигажзд̇асигад̣̇угкзна. ааг̇анд̇унаад̇и на аж̇жхад̇д̇игзна. сад̇д̇аанан̃хи сукамби д̣̇угкамби ааг̇анд̇угамзва, на нижжабавад̇д̇ам̣. гхаммзд̇и уд̣̇агаа уд̣̇д̇харид̇ваа аад̇абз кид̇д̇амажчо вияа.

    Tattha sukhanti issariyasukhaṃ labhitvā bālo pamajjati, pamatto samāno pāpaṃ karoti. Dukkhenāti kāyikacetasikadukkhena. Āgantunāti na ajjhattikena. Sattānañhi sukhampi dukkhampi āgantukameva, na niccapavattaṃ. Ghammeti udakā uddharitvā ātape khittamaccho viya.

    д̇ам̣ суд̇ваа рааж̇аа ‘‘гийд̣̇исам̣ аажарияаа’’д̇и ааха. сзнаго ‘‘д̣̇зва, гимзса ж̇аанаад̇и, д̇идтанд̇у д̇аава мануссаа, аран̃н̃з ж̇аад̇аругкзсуби паласамбаннамзва б̣ахуу вихан̇г̇амаа бхаж̇анд̇ий’’д̇и вад̇ваа имам̣ г̇аат̇амааха –

    Taṃ sutvā rājā ‘‘kīdisaṃ ācariyā’’ti āha. Senako ‘‘deva, kimesa jānāti, tiṭṭhantu tāva manussā, araññe jātarukkhesupi phalasampannameva bahū vihaṅgamā bhajantī’’ti vatvā imaṃ gāthamāha –

    ‘‘д̣̇умам̣ яат̇аа саад̣̇упалам̣ аран̃н̃з, саманд̇ад̇о самабхисаранд̇и багкий;

    ‘‘Dumaṃ yathā sāduphalaṃ araññe, samantato samabhisaranti pakkhī;

    звамби ад̣дхам̣ сад̇ханам̣ сабхог̇ам̣, б̣ахуж̇ж̇ано бхаж̇ад̇и ад̇т̇ахзд̇у;

    Evampi aḍḍhaṃ sadhanaṃ sabhogaṃ, bahujjano bhajati atthahetu;

    зд̇амби д̣̇исваана ахам̣ вад̣̇аами, бан̃н̃о нихийно сириймаава сзяяо’’д̇и. (ж̇аа. 1.15.89);

    Etampi disvāna ahaṃ vadāmi, pañño nihīno sirīmāva seyyo’’ti. (jā. 1.15.89);

    д̇ад̇т̇а б̣ахуж̇ж̇анод̇и махааж̇ано.

    Tattha bahujjanoti mahājano.

    д̇ам̣ суд̇ваа рааж̇аа ‘‘гийд̣̇исам̣ д̇аад̇аа’’д̇и ааха. бан̣д̣ид̇о ‘‘гимзса маход̣̇аро ж̇аанаад̇и, сун̣а, д̣̇зваа’’д̇и вад̇ваа имам̣ г̇аат̇амааха –

    Taṃ sutvā rājā ‘‘kīdisaṃ tātā’’ti āha. Paṇḍito ‘‘kimesa mahodaro jānāti, suṇa, devā’’ti vatvā imaṃ gāthamāha –

    ‘‘на саад̇ху б̣алаваа б̣аало, саахасаа винд̣̇ад̇з д̇ханам̣;

    ‘‘Na sādhu balavā bālo, sāhasā vindate dhanaṃ;

    ганд̣̇анд̇амзд̇ам̣ д̣̇уммзд̇хам̣, гад̣дханд̇и нираяам̣ бхусам̣;

    Kandantametaṃ dummedhaṃ, kaḍḍhanti nirayaṃ bhusaṃ;

    зд̇амби д̣̇исваана ахам̣ вад̣̇аами, бан̃н̃ова сзяяо на яасасси б̣аало’’д̇и. (ж̇аа. 1.15.90);

    Etampi disvāna ahaṃ vadāmi, paññova seyyo na yasassi bālo’’ti. (jā. 1.15.90);

    д̇ад̇т̇а саахасаад̇и саахасзна саахасигагаммам̣ гад̇ваа ж̇анам̣ бийл̣зд̇ваа д̇ханам̣ винд̣̇ад̇и. ат̇а нам̣ нираяабаалаа ганд̣̇анд̇амзва д̣̇уммзд̇хам̣ б̣алававзд̣̇анам̣ нираяам̣ гад̣дханд̇и.

    Tattha sāhasāti sāhasena sāhasikakammaṃ katvā janaṃ pīḷetvā dhanaṃ vindati. Atha naṃ nirayapālā kandantameva dummedhaṃ balavavedanaṃ nirayaṃ kaḍḍhanti.

    буна ран̃н̃аа ‘‘гим̣ сзнагаа’’д̇и вуд̇д̇з сзнаго имам̣ г̇аат̇амааха –

    Puna raññā ‘‘kiṃ senakā’’ti vutte senako imaṃ gāthamāha –

    ‘‘яаа гаажи наж̇ж̇о г̇ан̇г̇амабхиссаванд̇и, саб̣б̣аава д̇аа наамаг̇од̇д̇ам̣ ж̇аханд̇и;

    ‘‘Yā kāci najjo gaṅgamabhissavanti, sabbāva tā nāmagottaṃ jahanti;

    г̇ан̇г̇аа самуд̣̇д̣̇ам̣ бадибаж̇ж̇амаанаа, на кааяад̇з ид̣̇д̇хим̣ бан̃н̃оби логз;

    Gaṅgā samuddaṃ paṭipajjamānā, na khāyate iddhiṃ paññopi loke;

    зд̇амби д̣̇исваана ахам̣ вад̣̇аами, бан̃н̃о нихийно сириймаава сзяяо’’д̇и. (ж̇аа. 1.15.91);

    Etampi disvāna ahaṃ vadāmi, pañño nihīno sirīmāva seyyo’’ti. (jā. 1.15.91);

    д̇ад̇т̇а наж̇ж̇од̇и ниннаа худ̇ваа санд̣̇амаанаа анд̇амасо гуннад̣̇ияоби г̇ан̇г̇ам̣ абхиссаванд̇и. ж̇аханд̇ийд̇и г̇ан̇г̇аад̇взва сан̇кяам̣ г̇ажчанд̇и, ад̇д̇ано наамаг̇од̇д̇ам̣ ж̇аханд̇и. на кааяад̇зд̇и сааби г̇ан̇г̇аа самуд̣̇д̣̇ам̣ бадибаж̇ж̇амаанаа на бан̃н̃ааяад̇и, самуд̣̇д̣̇од̇взва наамам̣ лабхад̇и. звамзва махаабан̃н̃оби иссарасанд̇игам̣ бад̇д̇о на кааяад̇и на бан̃н̃ааяад̇и,самуд̣̇д̣̇ам̣ бавидтаг̇ан̇г̇аа вияа ход̇и.

    Tattha najjoti ninnā hutvā sandamānā antamaso kunnadiyopi gaṅgaṃ abhissavanti. Jahantīti gaṅgātveva saṅkhyaṃ gacchanti, attano nāmagottaṃ jahanti. Na khāyateti sāpi gaṅgā samuddaṃ paṭipajjamānā na paññāyati, samuddotveva nāmaṃ labhati. Evameva mahāpaññopi issarasantikaṃ patto na khāyati na paññāyati,samuddaṃ paviṭṭhagaṅgā viya hoti.

    буна рааж̇аа ‘‘гим̣ бан̣д̣ид̇аа’’д̇и ааха. со ‘‘сун̣а, махаарааж̇аа’’д̇и вад̇ваа имам̣ г̇аат̇аад̣̇ваяамааха –

    Puna rājā ‘‘kiṃ paṇḍitā’’ti āha. So ‘‘suṇa, mahārājā’’ti vatvā imaṃ gāthādvayamāha –

    ‘‘яамзд̇амагкаа уд̣̇ад̇хим̣ маханд̇ам̣, саванд̇и наж̇ж̇о саб̣б̣агааламасан̇кяам̣;

    ‘‘Yametamakkhā udadhiṃ mahantaṃ, savanti najjo sabbakālamasaṅkhyaṃ;

    со сааг̇аро нижжамул̣ааравзг̇о, взлам̣ на ажжзд̇и махаасамуд̣̇д̣̇о.

    So sāgaro niccamuḷāravego, velaṃ na acceti mahāsamuddo.

    ‘‘звамби б̣ааласса баж̇аббид̇аани, бан̃н̃ам̣ на ажжзд̇и сирий гад̣̇аажи;

    ‘‘Evampi bālassa pajappitāni, paññaṃ na acceti sirī kadāci;

    зд̇амби д̣̇исваана ахам̣ вад̣̇аами, бан̃н̃ова сзяяо на яасасси б̣аало’’д̇и. (ж̇аа. 1.15.92-93);

    Etampi disvāna ahaṃ vadāmi, paññova seyyo na yasassi bālo’’ti. (jā. 1.15.92-93);

    д̇ад̇т̇а яамзд̇амагкаад̇и яам̣ зд̇ам̣ агкааси вад̣̇зси. асан̇кяанд̇и аг̇ан̣анам̣. взлам̣ на ажжзд̇ийд̇и ул̣ааравзг̇оби худ̇ваа уумисахассам̣ угкибид̇вааби взлам̣ ад̇иггамид̇ум̣ на саггод̇и, взлам̣ бад̇ваа авассам̣ саб̣б̣аа уумияо бхиж̇ж̇анд̇и. звамби б̣ааласса баж̇аббид̇аанийд̇и б̣ааласса важанааниби звамзва бан̃н̃аванд̇ам̣ ад̇иггамид̇ум̣ на саггонд̇и, д̇ам̣ бад̇ваава бхиж̇ж̇анд̇и. бан̃н̃ам̣ на ажжзд̇ийд̇и бан̃н̃аванд̇ам̣ сиримаа наама наад̇иггамад̇и. на хи гожи мануж̇о ад̇т̇аанад̇т̇з уббаннаган̇ко д̇ам̣чинд̣̇анад̇т̇ааяа бан̃н̃аванд̇ам̣ ад̇иггамид̇ваа б̣ааласса иссарасса баад̣̇амуулам̣ г̇ажчад̇и, бан̃н̃аванд̇асса бана баад̣̇амуулзязва винижчаяо наама лаб̣бхад̇ийд̇и.

    Tattha yametamakkhāti yaṃ etaṃ akkhāsi vadesi. Asaṅkhyanti agaṇanaṃ. Velaṃ na accetīti uḷāravegopi hutvā ūmisahassaṃ ukkhipitvāpi velaṃ atikkamituṃ na sakkoti, velaṃ patvā avassaṃ sabbā ūmiyo bhijjanti. Evampi bālassa pajappitānīti bālassa vacanānipi evameva paññavantaṃ atikkamituṃ na sakkonti, taṃ patvāva bhijjanti. Paññaṃ na accetīti paññavantaṃ sirimā nāma nātikkamati. Na hi koci manujo atthānatthe uppannakaṅkho taṃchindanatthāya paññavantaṃ atikkamitvā bālassa issarassa pādamūlaṃ gacchati, paññavantassa pana pādamūleyeva vinicchayo nāma labbhatīti.

    д̇ам̣ суд̇ваа рааж̇аа ‘‘гат̇ам̣ сзнагаа’’д̇и ааха. со ‘‘сун̣а, д̣̇зваа’’д̇и вад̇ваа имам̣ г̇аат̇амааха –

    Taṃ sutvā rājā ‘‘kathaṃ senakā’’ti āha. So ‘‘suṇa, devā’’ti vatvā imaṃ gāthamāha –

    ‘‘асан̃н̃ад̇о жзби барзсамад̇т̇ам̣, бхан̣аад̇и санд̇хаанаг̇ад̇о яасассий;

    ‘‘Asaññato cepi paresamatthaṃ, bhaṇāti sandhānagato yasassī;

    д̇ассзва д̇ам̣ руухад̇и н̃аад̇имаж̇жхз, сирий хи нам̣ гаараяад̇з на бан̃н̃аа;

    Tasseva taṃ rūhati ñātimajjhe, sirī hi naṃ kārayate na paññā;

    зд̇амби д̣̇исваана ахам̣ вад̣̇аами, бан̃н̃о нихийно сириймаава сзяяо’’д̇и. (ж̇аа. 1.15.94);

    Etampi disvāna ahaṃ vadāmi, pañño nihīno sirīmāva seyyo’’ti. (jā. 1.15.94);

    д̇ад̇т̇а асан̃н̃ад̇о жзбийд̇и иссаро хи сажзби гааяаад̣̇ийхи асан̃н̃ад̇о д̣̇уссийло. санд̇хаанаг̇ад̇од̇и винижчаяз тид̇о худ̇ваа барзсам̣ ад̇т̇ам̣ бхан̣ад̇и, д̇асмим̣ винижчаяаман̣д̣алз махаабариваарабаривуд̇асса мусааваад̣̇ам̣ вад̇ваа саамигамби ассаамигам̣ гаронд̇асса д̇ассзва д̇ам̣ важанам̣ рухад̇и. сирий хи нам̣ д̇ат̇аа гаараяад̇з на бан̃н̃аа, д̇асмаа бан̃н̃о нихийно, сиримаава сзяяод̇и вад̣̇аами.

    Tattha asaññato cepīti issaro hi sacepi kāyādīhi asaññato dussīlo. Sandhānagatoti vinicchaye ṭhito hutvā paresaṃ atthaṃ bhaṇati, tasmiṃ vinicchayamaṇḍale mahāparivāraparivutassa musāvādaṃ vatvā sāmikampi assāmikaṃ karontassa tasseva taṃ vacanaṃ ruhati. Sirī hi naṃ tathā kārayate na paññā, tasmā pañño nihīno, sirimāva seyyoti vadāmi.

    буна ран̃н̃аа ‘‘гим̣, д̇аад̇аа’’д̇и вуд̇д̇з бан̣д̣ид̇о ‘‘сун̣а, д̣̇зва, б̣ааласзнаго гим̣ ж̇аанаад̇ий’’д̇и вад̇ваа имам̣ г̇аат̇амааха –

    Puna raññā ‘‘kiṃ, tātā’’ti vutte paṇḍito ‘‘suṇa, deva, bālasenako kiṃ jānātī’’ti vatvā imaṃ gāthamāha –

    ‘‘барасса ваа ад̇д̇ано вааби хзд̇у, б̣аало мусаа бхаасад̇и аббабан̃н̃о;

    ‘‘Parassa vā attano vāpi hetu, bālo musā bhāsati appapañño;

    со нинд̣̇ид̇о ход̇и сабхааяа маж̇жхз, бажчааби со д̣̇уг̇г̇ад̇иг̇аамий ход̇и;

    So nindito hoti sabhāya majjhe, pacchāpi so duggatigāmī hoti;

    зд̇амби д̣̇исваана ахам̣ вад̣̇аами, бан̃н̃ова сзяяо на яасасси б̣аало’’д̇и. (ж̇аа. 1.15.95);

    Etampi disvāna ahaṃ vadāmi, paññova seyyo na yasassi bālo’’ti. (jā. 1.15.95);

    д̇ад̇о сзнаго имам̣ г̇аат̇амааха –

    Tato senako imaṃ gāthamāha –

    ‘‘ад̇т̇амби жз бхаасад̇и бхуурибан̃н̃о, анаал̣хияо аббад̇хано д̣̇алид̣̇д̣̇о;

    ‘‘Atthampi ce bhāsati bhūripañño, anāḷhiyo appadhano daliddo;

    на д̇асса д̇ам̣ руухад̇и н̃аад̇имаж̇жхз, сирий жа бан̃н̃аан̣авад̇о на ход̇и;

    Na tassa taṃ rūhati ñātimajjhe, sirī ca paññāṇavato na hoti;

    зд̇амби д̣̇исваана ахам̣ вад̣̇аами, бан̃н̃о нихийно сириймаава сзяяо’’д̇и. (ж̇аа. 1.15.96);

    Etampi disvāna ahaṃ vadāmi, pañño nihīno sirīmāva seyyo’’ti. (jā. 1.15.96);

    д̇ад̇т̇а ад̇т̇амбийд̇и гааран̣амби жз бхаасад̇и. н̃аад̇имаж̇жхзд̇и барисамаж̇жхз. бан̃н̃аан̣авад̇од̇и махаарааж̇а, бан̃н̃аан̣аванд̇асса сирисобхаг̇г̇аббад̇д̇асса санд̇игам̣ г̇анд̇ваа багад̇ияаа виж̇ж̇амаанааби сирий наама на ход̇и. со хи д̇асса санд̇игз суурияуг̇г̇аманз каж̇ж̇обанаго вияа кааяад̇ийд̇и д̣̇ассзд̇и.

    Tattha atthampīti kāraṇampi ce bhāsati. Ñātimajjheti parisamajjhe. Paññāṇavatoti mahārāja, paññāṇavantassa sirisobhaggappattassa santikaṃ gantvā pakatiyā vijjamānāpi sirī nāma na hoti. So hi tassa santike sūriyuggamane khajjopanako viya khāyatīti dasseti.

    буна ран̃н̃аа ‘‘гийд̣̇исам̣, д̇аад̇аа’’д̇и вуд̇д̇з бан̣д̣ид̇о ‘‘гим̣ ж̇аанаад̇и, сзнаго, ид̇халогамад̇д̇амзва ологзд̇и, на баралога’’нд̇и вад̇ваа имам̣ г̇аат̇амааха –

    Puna raññā ‘‘kīdisaṃ, tātā’’ti vutte paṇḍito ‘‘kiṃ jānāti, senako, idhalokamattameva oloketi, na paraloka’’nti vatvā imaṃ gāthamāha –

    ‘‘барасса ваа ад̇д̇ано вааби хзд̇у, на бхаасад̇и алигам̣ бхуурибан̃н̃о;

    ‘‘Parassa vā attano vāpi hetu, na bhāsati alikaṃ bhūripañño;

    со бууж̇ид̇о ход̇и сабхааяа маж̇жхз, бажчааби со суг̇г̇ад̇иг̇аамий ход̇и;

    So pūjito hoti sabhāya majjhe, pacchāpi so suggatigāmī hoti;

    зд̇амби д̣̇исваана ахам̣ вад̣̇аами, бан̃н̃ова сзяяо на яасасси б̣аало’’д̇и. (ж̇аа. 1.15.97);

    Etampi disvāna ahaṃ vadāmi, paññova seyyo na yasassi bālo’’ti. (jā. 1.15.97);

    д̇ад̇о сзнаго г̇аат̇амааха –

    Tato senako gāthamāha –

    ‘‘хад̇т̇ий г̇аваассаа ман̣игун̣д̣алаа жа, т̇ияо жа ид̣̇д̇хзсу гулзсу ж̇аад̇аа;

    ‘‘Hatthī gavāssā maṇikuṇḍalā ca, thiyo ca iddhesu kulesu jātā;

    саб̣б̣аава д̇аа убабхог̇аа бхаванд̇и, ид̣̇д̇хасса босасса анид̣̇д̇химанд̇о;

    Sabbāva tā upabhogā bhavanti, iddhassa posassa aniddhimanto;

    зд̇амби д̣̇исваана ахам̣ вад̣̇аами, бан̃н̃о нихийно сириймаава сзяяо’’д̇и. (ж̇аа. 1.15.98);

    Etampi disvāna ahaṃ vadāmi, pañño nihīno sirīmāva seyyo’’ti. (jā. 1.15.98);

    д̇ад̇т̇а ид̣̇д̇хассаад̇и иссарасса. анид̣̇д̇химанд̇од̇и на гзвалам̣ д̇аа наарияова, ат̇а ко саб̣б̣з анид̣̇д̇химанд̇оби сад̇д̇аа д̇асса убабхог̇аа бхаванд̇и.

    Tattha iddhassāti issarassa. Aniddhimantoti na kevalaṃ tā nāriyova, atha kho sabbe aniddhimantopi sattā tassa upabhogā bhavanti.

    д̇ад̇о бан̣д̣ид̇о ‘‘гим̣ зса ж̇аанаад̇ий’’д̇и вад̇ваа згам̣ гааран̣ам̣ аахарид̇ваа д̣̇ассзнд̇о имам̣ г̇аат̇амааха –

    Tato paṇḍito ‘‘kiṃ esa jānātī’’ti vatvā ekaṃ kāraṇaṃ āharitvā dassento imaṃ gāthamāha –

    ‘‘асам̣вихид̇агамманд̇ам̣ , б̣аалам̣ д̣̇уммзд̇хаманд̇инам̣;

    ‘‘Asaṃvihitakammantaṃ , bālaṃ dummedhamantinaṃ;

    сирий ж̇ахад̇и д̣̇уммзд̇хам̣, ж̇ин̣н̣ам̣ва ураг̇о д̇ажам̣;

    Sirī jahati dummedhaṃ, jiṇṇaṃva urago tacaṃ;

    зд̇амби д̣̇исваана ахам̣ вад̣̇аами;

    Etampi disvāna ahaṃ vadāmi;

    бан̃н̃ова сзяяо на яасасси б̣аало’’д̇и. (ж̇аа. 1.15.99);

    Paññova seyyo na yasassi bālo’’ti. (jā. 1.15.99);

    д̇ад̇т̇а ‘‘сирий ж̇ахад̇ий’’д̇и бад̣̇асса жзд̇ияаж̇аад̇агзна (ж̇аа. 1.8.45 аад̣̇аяо) ад̇т̇о ван̣н̣зд̇аб̣б̣о.

    Tattha ‘‘sirī jahatī’’ti padassa cetiyajātakena (jā. 1.8.45 ādayo) attho vaṇṇetabbo.

    ат̇а сзнаго ран̃н̃аа ‘‘гийд̣̇иса’’нд̇и вуд̇д̇з ‘‘д̣̇зва, гим̣ зса д̇арун̣ад̣̇аараго ж̇аанаад̇и, сун̣аат̇аа’’д̇и вад̇ваа ‘‘бан̣д̣ид̇ам̣ аббадибхаанам̣ гариссаамий’’д̇и жинд̇зд̇ваа имам̣ г̇аат̇амааха –

    Atha senako raññā ‘‘kīdisa’’nti vutte ‘‘deva, kiṃ esa taruṇadārako jānāti, suṇāthā’’ti vatvā ‘‘paṇḍitaṃ appaṭibhānaṃ karissāmī’’ti cintetvā imaṃ gāthamāha –

    ‘‘бан̃жа бан̣д̣ид̇аа маяам̣ бхад̣̇д̣̇анд̇з, саб̣б̣з бан̃ж̇алигаа убадтид̇аа;

    ‘‘Pañca paṇḍitā mayaṃ bhaddante, sabbe pañjalikā upaṭṭhitā;

    д̇вам̣ но абхибхуяяа иссароси, саггова бхууд̇абад̇и д̣̇зварааж̇аа;

    Tvaṃ no abhibhuyya issarosi, sakkova bhūtapati devarājā;

    зд̇амби д̣̇исваана ахам̣ вад̣̇аами, бан̃н̃о нихийно сириймаава сзяяо’’д̇и. (ж̇аа. 1.15.100);

    Etampi disvāna ahaṃ vadāmi, pañño nihīno sirīmāva seyyo’’ti. (jā. 1.15.100);

    ид̣̇ам̣ гира суд̇ваа рааж̇аа ‘‘саад̇хуруубам̣ сзнагзна гааран̣ам̣ аабхад̇ам̣, сагкиссад̇и ну ко мз буд̇д̇о имасса ваад̣̇ам̣ бхинд̣̇ид̇ваа ан̃н̃ам̣ гааран̣ам̣ аахарид̇у’’нд̇и жинд̇зд̇ваа ‘‘гийд̣̇исам̣ бан̣д̣ид̇аа’’д̇и ааха. сзнагзна гира имасмим̣ гааран̣з аабхад̇з табзд̇ваа б̣од̇хисад̇д̇ам̣ ан̃н̃о д̇ам̣ ваад̣̇ам̣ бхинд̣̇ид̇ум̣ самад̇т̇о наама над̇т̇и, д̇асмаа махаасад̇д̇о ад̇д̇ано н̃аан̣аб̣алзна д̇асса ваад̣̇ам̣ бхинд̣̇анд̇о ‘‘махаарааж̇а, гимзса б̣аало ж̇аанаад̇и, яасамзва ологзд̇и, бан̃н̃ааяа висзсам̣ на ж̇аанаад̇и, сун̣аат̇аа’’д̇и вад̇ваа имам̣ г̇аат̇амааха –

    Idaṃ kira sutvā rājā ‘‘sādhurūpaṃ senakena kāraṇaṃ ābhataṃ, sakkhissati nu kho me putto imassa vādaṃ bhinditvā aññaṃ kāraṇaṃ āharitu’’nti cintetvā ‘‘kīdisaṃ paṇḍitā’’ti āha. Senakena kira imasmiṃ kāraṇe ābhate ṭhapetvā bodhisattaṃ añño taṃ vādaṃ bhindituṃ samattho nāma natthi, tasmā mahāsatto attano ñāṇabalena tassa vādaṃ bhindanto ‘‘mahārāja, kimesa bālo jānāti, yasameva oloketi, paññāya visesaṃ na jānāti, suṇāthā’’ti vatvā imaṃ gāthamāha –

    ‘‘д̣̇аасова бан̃н̃асса яасасси б̣аало, ад̇т̇зсу ж̇аад̇зсу д̇ат̇аавид̇хзсу;

    ‘‘Dāsova paññassa yasassi bālo, atthesu jātesu tathāvidhesu;

    яам̣ бан̣д̣ид̇о нибун̣ам̣ сам̣вид̇хзд̇и, саммохамаабаж̇ж̇ад̇и д̇ад̇т̇а б̣аало;

    Yaṃ paṇḍito nipuṇaṃ saṃvidheti, sammohamāpajjati tattha bālo;

    зд̇амби д̣̇исваана ахам̣ вад̣̇аами, бан̃н̃ова сзяяо на яасасси б̣аало’’д̇и. (ж̇аа. 1.15.101);

    Etampi disvāna ahaṃ vadāmi, paññova seyyo na yasassi bālo’’ti. (jā. 1.15.101);

    д̇ад̇т̇а ад̇т̇зсууд̇и гижжзсу ж̇аад̇зсу. сам̣вид̇хзд̇ийд̇и сам̣вид̣̇ахад̇и.

    Tattha atthesūti kiccesu jātesu. Saṃvidhetīti saṃvidahati.

    ид̇и махаасад̇д̇о синзрубаад̣̇ад̇о суван̣н̣аваалугам̣ уд̣̇д̇харанд̇о вияа г̇аг̇анад̇алз бун̣н̣ажанд̣̇ам̣ удтаабзнд̇о вияа жа наяагааран̣ам̣ д̣̇ассзси. звам̣ махаасад̇д̇зна бан̃н̃аанубхаавам̣ д̣̇ассзд̇ваа гат̇ид̇з рааж̇аа сзнагам̣ ааха – ‘‘гийд̣̇исам̣, сзнага, саггонд̇о уд̇д̇ариби гат̇зхий’’д̇и. со годтз табид̇ад̇хан̃н̃ам̣ вияа уг̇г̇ахид̇агам̣ кзбзд̇ваа аббадибхаано ман̇губхууд̇о баж̇жхааяанд̇о нисийд̣̇и. сажз хи со ан̃н̃ам̣ гааран̣ам̣ аахарзяяа, на г̇аат̇аасахассзнаби имам̣ ж̇аад̇агам̣ нидтааязт̇а. д̇асса бана аббадибхаанасса тид̇агаалз г̇амбхийрам̣ огхам̣ аанзнд̇о вияа махаасад̇д̇о уд̇д̇ариби бан̃н̃амзва ван̣н̣знд̇о имам̣ г̇аат̇амааха –

    Iti mahāsatto sinerupādato suvaṇṇavālukaṃ uddharanto viya gaganatale puṇṇacandaṃ uṭṭhāpento viya ca nayakāraṇaṃ dassesi. Evaṃ mahāsattena paññānubhāvaṃ dassetvā kathite rājā senakaṃ āha – ‘‘kīdisaṃ, senaka, sakkonto uttaripi kathehī’’ti. So koṭṭhe ṭhapitadhaññaṃ viya uggahitakaṃ khepetvā appaṭibhāno maṅkubhūto pajjhāyanto nisīdi. Sace hi so aññaṃ kāraṇaṃ āhareyya, na gāthāsahassenapi imaṃ jātakaṃ niṭṭhāyetha. Tassa pana appaṭibhānassa ṭhitakāle gambhīraṃ oghaṃ ānento viya mahāsatto uttaripi paññameva vaṇṇento imaṃ gāthamāha –

    ‘‘ад̣̇д̇хаа хи бан̃н̃аава сад̇ам̣ басад̇т̇аа, ганд̇аа сирий бхог̇арад̇аа мануссаа;

    ‘‘Addhā hi paññāva sataṃ pasatthā, kantā sirī bhogaratā manussā;

    н̃аан̣ан̃жа б̣уд̣̇д̇хаанамад̇уляаруубам̣, бан̃н̃ам̣ на ажжзд̇и сирий гад̣̇аажий’’д̇и. (ж̇аа. 1.15.102);

    Ñāṇañca buddhānamatulyarūpaṃ, paññaṃ na acceti sirī kadācī’’ti. (jā. 1.15.102);

    д̇ад̇т̇а сад̇анд̇и б̣уд̣̇д̇хаад̣̇ийнам̣ саббурисаанам̣. бхог̇арад̇аад̇и махаарааж̇а, яасмаа анд̇хаб̣ааламануссаа бхог̇арад̇аава, д̇асмаа д̇зсам̣ сирий ганд̇аа. яасо наамзса бан̣д̣ид̇зхи г̇арахид̇о б̣аалаанам̣ ганд̇од̇и жааяам̣ ад̇т̇о бхисаж̇аад̇агзна (ж̇аа. 1.14.78 аад̣̇аяо) ван̣н̣зд̇аб̣б̣о. б̣уд̣̇д̇хаананд̇и саб̣б̣ан̃н̃уб̣уд̣̇д̇хаанан̃жа н̃аан̣ам̣. гад̣̇аажийд̇и гисмин̃жи гаалз н̃аан̣аванд̇ам̣ сирий наама наад̇иггамад̇и, д̣̇зваад̇и.

    Tattha satanti buddhādīnaṃ sappurisānaṃ. Bhogaratāti mahārāja, yasmā andhabālamanussā bhogaratāva, tasmā tesaṃ sirī kantā. Yaso nāmesa paṇḍitehi garahito bālānaṃ kantoti cāyaṃ attho bhisajātakena (jā. 1.14.78 ādayo) vaṇṇetabbo. Buddhānanti sabbaññubuddhānañca ñāṇaṃ. Kadācīti kismiñci kāle ñāṇavantaṃ sirī nāma nātikkamati, devāti.

    д̇ам̣ суд̇ваа рааж̇аа махаасад̇д̇асса бан̃хаб̣яаагаран̣зна д̇удто гханавассам̣ вассзнд̇о вияа махаасад̇д̇ам̣ д̇ханзна бууж̇знд̇о имам̣ г̇аат̇амааха –

    Taṃ sutvā rājā mahāsattassa pañhabyākaraṇena tuṭṭho ghanavassaṃ vassento viya mahāsattaṃ dhanena pūjento imaṃ gāthamāha –

    ‘‘яам̣ д̇ам̣ абужчимха агид̇д̇аяий но, махосад̇ха гзвалад̇хаммад̣̇ассий;

    ‘‘Yaṃ taṃ apucchimha akittayī no, mahosadha kevaladhammadassī;

    г̇авам̣ сахассам̣ усабхан̃жа нааг̇ам̣, ааж̇ан̃н̃аяуд̇д̇з жа рат̇з д̣̇аса имз;

    Gavaṃ sahassaṃ usabhañca nāgaṃ, ājaññayutte ca rathe dasa ime;

    бан̃хасса взяяаагаран̣зна д̇удто, д̣̇ад̣̇аами д̇з г̇аамавараани сол̣асаа’’д̇и. (ж̇аа. 1.15.103);

    Pañhassa veyyākaraṇena tuṭṭho, dadāmi te gāmavarāni soḷasā’’ti. (jā. 1.15.103);

    д̇ад̇т̇а усабхан̃жа нааг̇анд̇и д̇асса г̇авам̣ сахассасса усабхам̣ гад̇ваа алан̇гад̇абадияад̇д̇ам̣ аароханийяам̣ нааг̇ам̣ д̣̇аммийд̇и.

    Tattha usabhañca nāganti tassa gavaṃ sahassassa usabhaṃ katvā alaṅkatapaṭiyattaṃ ārohanīyaṃ nāgaṃ dammīti.

    вийсад̇инибаад̇з сириманд̇абан̃хо нидтид̇о.

    Vīsatinipāte sirimantapañho niṭṭhito.

    чаннабат̇абан̃хо

    Channapathapañho

    д̇ад̇о бадтааяа б̣од̇хисад̇д̇асса яасо махаа ахоси. д̇ам̣ саб̣б̣ам̣ уд̣̇умб̣арад̣̇звийязва вижаарзси. саа д̇асса сол̣асавассигагаалз жинд̇зси ‘‘мама ганидто махаллаго ж̇аад̇о, яасобисса махаа ахоси, ааваахамасса гаад̇ум̣ ваддад̇ий’’д̇и. саа ран̃н̃о д̇амад̇т̇ам̣ аарожзси. рааж̇аа ‘‘саад̇ху ж̇аанаабзхи на’’нд̇и ааха. саа д̇ам̣ ж̇аанаабзд̇ваа д̇зна самбадижчид̇з ‘‘д̇зна хи, д̇аад̇а, д̇з гумааригам̣ аанзмий’’д̇и ааха. ат̇а махаасад̇д̇о ‘‘гад̣̇аажи имзхи аанийд̇аа мама на ружжзяяа, саяамзва д̇аава убад̇хаарзмий’’д̇и жинд̇зд̇ваа звамааха – ‘‘д̣̇зви, гад̇ибаахам̣ маа гин̃жи ран̃н̃о вад̣̇зт̇а, ахам̣ згам̣ гумааригам̣ саяам̣ бариязсид̇ваа мама жид̇д̇аружид̇ам̣ д̇умхаагам̣ аажигкиссаамий’’д̇и. ‘‘звам̣ гарохи, д̇аад̇аа’’д̇и. со д̣̇звим̣ ванд̣̇ид̇ваа ад̇д̇ано гхарам̣ г̇анд̇ваа сахааяагаанам̣ сан̃н̃ам̣ д̣̇ад̇ваа ан̃н̃аад̇агавзсзна д̇уннавааяаубагаран̣аани г̇ахзд̇ваа згагова уд̇д̇арад̣̇ваарзна нигкамид̇ваа уд̇д̇араяавамаж̇жхагам̣ бааяааси. д̇ад̣̇аа бана д̇ад̇т̇а згам̣ бораан̣асздтигулам̣ баригкийн̣ам̣ ахоси. д̇асса гуласса д̇хийд̇аа амараад̣̇звий наама абхируубаа д̣̇ассанийяаа баасаад̣̇игаа саб̣б̣алагкан̣асамбаннаа бун̃н̃авад̇ий. саа д̇ам̣ д̣̇ивасам̣ баад̇ова яааг̇ум̣ бажид̇ваа аад̣̇ааяа ‘‘бид̇у гасанадтаанам̣ г̇амиссаамий’’д̇и нигкамид̇ваа д̇амзва маг̇г̇ам̣ бадибаж̇ж̇и. махаасад̇д̇о д̇ам̣ ааг̇ажчанд̇им̣ д̣̇исваа ‘‘саб̣б̣алагкан̣асамбаннааяам̣ ид̇т̇ий, сажз абариг̇г̇ахаа, имааяа мз баад̣̇абарижааригааяа бхавид̇ум̣ ваддад̇ий’’д̇и жинд̇зси.

    Tato paṭṭhāya bodhisattassa yaso mahā ahosi. Taṃ sabbaṃ udumbaradevīyeva vicāresi. Sā tassa soḷasavassikakāle cintesi ‘‘mama kaniṭṭho mahallako jāto, yasopissa mahā ahosi, āvāhamassa kātuṃ vaṭṭatī’’ti. Sā rañño tamatthaṃ ārocesi. Rājā ‘‘sādhu jānāpehi na’’nti āha. Sā taṃ jānāpetvā tena sampaṭicchite ‘‘tena hi, tāta, te kumārikaṃ ānemī’’ti āha. Atha mahāsatto ‘‘kadāci imehi ānītā mama na rucceyya, sayameva tāva upadhāremī’’ti cintetvā evamāha – ‘‘devi, katipāhaṃ mā kiñci rañño vadetha, ahaṃ ekaṃ kumārikaṃ sayaṃ pariyesitvā mama cittarucitaṃ tumhākaṃ ācikkhissāmī’’ti. ‘‘Evaṃ karohi, tātā’’ti. So deviṃ vanditvā attano gharaṃ gantvā sahāyakānaṃ saññaṃ datvā aññātakavesena tunnavāyaupakaraṇāni gahetvā ekakova uttaradvārena nikkhamitvā uttarayavamajjhakaṃ pāyāsi. Tadā pana tattha ekaṃ porāṇaseṭṭhikulaṃ parikkhīṇaṃ ahosi. Tassa kulassa dhītā amarādevī nāma abhirūpā dassanīyā pāsādikā sabbalakkhaṇasampannā puññavatī. Sā taṃ divasaṃ pātova yāguṃ pacitvā ādāya ‘‘pitu kasanaṭṭhānaṃ gamissāmī’’ti nikkhamitvā tameva maggaṃ paṭipajji. Mahāsatto taṃ āgacchantiṃ disvā ‘‘sabbalakkhaṇasampannāyaṃ itthī, sace apariggahā, imāya me pādaparicārikāya bhavituṃ vaṭṭatī’’ti cintesi.

    сааби д̇ам̣ д̣̇исваава ‘‘сажз зваруубасса бурисасса г̇зхз бхавзяяам̣, саггаа маяаа гудумб̣ам̣ сан̣таабзд̇у’’нд̇и жинд̇зси.

    Sāpi taṃ disvāva ‘‘sace evarūpassa purisassa gehe bhaveyyaṃ, sakkā mayā kuṭumbaṃ saṇṭhāpetu’’nti cintesi.

    ат̇а махаасад̇д̇о – ‘‘имиссаа сабариг̇г̇ахаабариг̇г̇ахабхаавам̣ на ж̇аанаами, хад̇т̇амудтияаа нам̣ бужчиссаами, сажз зсаа бан̣д̣ид̇аа бхависсад̇и, ж̇ааниссад̇и. но жз, на ж̇ааниссад̇и, ид̇хзва нам̣ чад̣д̣зд̇ваа г̇ажчаамий’’д̇и жинд̇зд̇ваа д̣̇уурз тид̇ова хад̇т̇амудтимагааси. сааби ‘‘аяам̣ мама сасаамигаасаамигабхаавам̣ бужчад̇ий’’д̇и н̃ад̇ваа хад̇т̇ам̣ басаарзси. со абариг̇г̇ахабхаавам̣ н̃ад̇ваа самийбам̣ г̇анд̇ваа ‘‘бхад̣̇д̣̇з, гаа наама д̇ва’’нд̇и бужчи. ‘‘саами, ахам̣ ад̇ийд̇з ваа анааг̇ад̇з ваа зд̇арахи ваа яам̣ над̇т̇и, д̇аннаамигаа’’д̇и. ‘‘бхад̣̇д̣̇з, логз амараа наама над̇т̇и, д̇вам̣ амараа наама бхависсасий’’д̇и. ‘‘звам̣, саамий’’д̇и. ‘‘бхад̣̇д̣̇з, гасса яааг̇ум̣ хариссасий’’д̇и? ‘‘буб̣б̣ад̣̇звад̇ааяа, саамий’’д̇и. ‘‘бхад̣̇д̣̇з, буб̣б̣ад̣̇звад̇аа наама маад̇аабид̇аро, д̇ава бид̇у яааг̇ум̣ хариссаси ман̃н̃з’’д̇и. ‘‘звам̣, саамий’’д̇и. ‘‘бхад̣̇д̣̇з, д̇ава бид̇аа гим̣ гарод̇ий’’д̇и? ‘‘саами, згам̣ д̣̇вид̇хаа гарод̇ий’’д̇и. ‘‘згасса д̣̇вид̇хаагаран̣ам̣ наама гасанам̣, д̇ава бид̇аа гасад̇ий’’д̇и . ‘‘звам̣, саамий’’д̇и. ‘‘гад̇арасмим̣ бана таанз д̇з бид̇аа гасад̇ий’’д̇и? ‘‘яад̇т̇а сагим̣ г̇ад̇аа на знд̇и, д̇асмим̣ таанз, саамий’’д̇и. ‘‘сагим̣ г̇ад̇аанам̣ на бажжааг̇аманадтаанам̣ наама сусаанам̣, сусаанасанд̇игз гасад̇и, бхад̣̇д̣̇з’’д̇и. ‘‘звам̣, саамий’’д̇и. ‘‘бхад̣̇д̣̇з, аж̇ж̇зва зссасий’’д̇и. ‘‘сажз зссад̇и, на зссаа’’ми. ‘‘но жз зссад̇и, зссаами, саамий’’д̇и. ‘‘бхад̣̇д̣̇з, бид̇аа д̇з ман̃н̃з над̣̇ийбаарз гасад̇и, уд̣̇агз знд̇з на зссаси, анзнд̇з зссасий’’д̇и. ‘‘звам̣, саамий’’д̇и. зд̇д̇агам̣ наама махаасад̇д̇о аалаабасаллаабам̣ гарод̇и.

    Atha mahāsatto – ‘‘imissā sapariggahāpariggahabhāvaṃ na jānāmi, hatthamuṭṭhiyā naṃ pucchissāmi, sace esā paṇḍitā bhavissati, jānissati. No ce, na jānissati, idheva naṃ chaḍḍetvā gacchāmī’’ti cintetvā dūre ṭhitova hatthamuṭṭhimakāsi. Sāpi ‘‘ayaṃ mama sasāmikāsāmikabhāvaṃ pucchatī’’ti ñatvā hatthaṃ pasāresi. So apariggahabhāvaṃ ñatvā samīpaṃ gantvā ‘‘bhadde, kā nāma tva’’nti pucchi. ‘‘Sāmi, ahaṃ atīte vā anāgate vā etarahi vā yaṃ natthi, tannāmikā’’ti. ‘‘Bhadde, loke amarā nāma natthi, tvaṃ amarā nāma bhavissasī’’ti. ‘‘Evaṃ, sāmī’’ti. ‘‘Bhadde, kassa yāguṃ harissasī’’ti? ‘‘Pubbadevatāya, sāmī’’ti. ‘‘Bhadde, pubbadevatā nāma mātāpitaro, tava pitu yāguṃ harissasi maññe’’ti. ‘‘Evaṃ, sāmī’’ti. ‘‘Bhadde, tava pitā kiṃ karotī’’ti? ‘‘Sāmi, ekaṃ dvidhā karotī’’ti. ‘‘Ekassa dvidhākaraṇaṃ nāma kasanaṃ, tava pitā kasatī’’ti . ‘‘Evaṃ, sāmī’’ti. ‘‘Katarasmiṃ pana ṭhāne te pitā kasatī’’ti? ‘‘Yattha sakiṃ gatā na enti, tasmiṃ ṭhāne, sāmī’’ti. ‘‘Sakiṃ gatānaṃ na paccāgamanaṭṭhānaṃ nāma susānaṃ, susānasantike kasati, bhadde’’ti. ‘‘Evaṃ, sāmī’’ti. ‘‘Bhadde, ajjeva essasī’’ti. ‘‘Sace essati, na essā’’mi. ‘‘No ce essati, essāmi, sāmī’’ti. ‘‘Bhadde, pitā te maññe nadīpāre kasati, udake ente na essasi, anente essasī’’ti. ‘‘Evaṃ, sāmī’’ti. Ettakaṃ nāma mahāsatto ālāpasallāpaṃ karoti.

    ат̇а нам̣ амараад̣̇звий ‘‘яааг̇ум̣ бивиссаси, саамий’’д̇и ниманд̇зси. махаасад̇д̇о ‘‘батамамзва бадигкибанам̣ наама аваман̇г̇ала’’нд̇и жинд̇зд̇ваа ‘‘аама, бивиссаамий’’д̇и ааха. саа бана яааг̇угхадам̣ од̇аарзси. махаасад̇д̇о жинд̇зси ‘‘сажз баад̇им̣ ад̇ховид̇ваа хад̇т̇ад̇хованам̣ ад̣̇ад̇ваа д̣̇ассад̇и, зд̇т̇зва нам̣ бахааяа г̇амиссаамий’’д̇и. саа бана баад̇им̣ д̇ховид̇ваа баад̇ияаа уд̣̇агам̣ аахарид̇ваа хад̇т̇ад̇хованам̣ д̣̇ад̇ваа д̇ужчабаад̇им̣ хад̇т̇з адтабзд̇ваа бхуумияам̣ табзд̇ваа гхадам̣ аалул̣зд̇ваа яааг̇уяаа буурзси, д̇ад̇т̇а бана сид̇т̇аани маханд̇аани. ат̇а нам̣ махаасад̇д̇о ааха ‘‘гим̣, бхад̣̇д̣̇з, ад̇иб̣ахалаа яааг̇уу’’д̇и. ‘‘уд̣̇агам̣ на лад̣̇д̇хам̣, саамий’’д̇и . ‘‘гзд̣̇аарз уд̣̇агам̣ на лад̣̇д̇хам̣ бхависсад̇и ман̃н̃з’’д̇и. ‘‘звам̣, саамий’’д̇и. саа бид̇у яааг̇ум̣ табзд̇ваа б̣од̇хисад̇д̇асса ад̣̇ааси. со яааг̇ум̣ бивид̇ваа мукам̣ вигкаалзд̇ваа ‘‘бхад̣̇д̣̇з, д̇уяхам̣ маад̇у г̇зхам̣ г̇амиссаами, маг̇г̇ам̣ мз аажигкаа’’д̇и ааха. саа ‘‘саад̇хуу’’д̇и вад̇ваа маг̇г̇ам̣ аажигканд̇ий згаганибаад̇з имам̣ г̇аат̇амааха –

    Atha naṃ amarādevī ‘‘yāguṃ pivissasi, sāmī’’ti nimantesi. Mahāsatto ‘‘paṭhamameva paṭikkhipanaṃ nāma avamaṅgala’’nti cintetvā ‘‘āma, pivissāmī’’ti āha. Sā pana yāgughaṭaṃ otāresi. Mahāsatto cintesi ‘‘sace pātiṃ adhovitvā hatthadhovanaṃ adatvā dassati, ettheva naṃ pahāya gamissāmī’’ti. Sā pana pātiṃ dhovitvā pātiyā udakaṃ āharitvā hatthadhovanaṃ datvā tucchapātiṃ hatthe aṭṭhapetvā bhūmiyaṃ ṭhapetvā ghaṭaṃ āluḷetvā yāguyā pūresi, tattha pana sitthāni mahantāni. Atha naṃ mahāsatto āha ‘‘kiṃ, bhadde, atibahalā yāgū’’ti. ‘‘Udakaṃ na laddhaṃ, sāmī’’ti . ‘‘Kedāre udakaṃ na laddhaṃ bhavissati maññe’’ti. ‘‘Evaṃ, sāmī’’ti. Sā pitu yāguṃ ṭhapetvā bodhisattassa adāsi. So yāguṃ pivitvā mukhaṃ vikkhāletvā ‘‘bhadde, tuyhaṃ mātu gehaṃ gamissāmi, maggaṃ me ācikkhā’’ti āha. Sā ‘‘sādhū’’ti vatvā maggaṃ ācikkhantī ekakanipāte imaṃ gāthamāha –

    ‘‘язна сад̇д̇уб̣илан̇г̇аа жа, д̣̇иг̇ун̣абалаасо жа бубпид̇о;

    ‘‘Yena sattubilaṅgā ca, diguṇapalāso ca pupphito;

    язна д̣̇ад̣̇аами д̇зна вад̣̇аами, язна на д̣̇ад̣̇аами на д̇зна вад̣̇аами;

    Yena dadāmi tena vadāmi, yena na dadāmi na tena vadāmi;

    зса маг̇г̇о яавамаж̇жхагасса, зд̇ам̣ аннабат̇ам̣ виж̇аанаахий’’д̇и. (ж̇аа. 1.1.112);

    Esa maggo yavamajjhakassa, etaṃ annapathaṃ vijānāhī’’ti. (jā. 1.1.112);

    д̇ассад̇т̇о – ‘‘саами, анд̇ог̇аамам̣ бависид̇ваа згам̣ сад̇д̇уаабан̣ам̣ бассиссаси, д̇ад̇о ган̃ж̇игаабан̣ам̣, д̇зсам̣ бурад̇о д̣̇иг̇ун̣абан̣н̣о говил̣ааро субубпид̇о, д̇асмаа д̇вам̣ язна сад̇д̇уб̣илан̇г̇аа жа говил̣ааро жа бубпид̇о, д̇зна г̇анд̇ваа говил̣аарамуулз тад̇ваа д̣̇агкин̣ам̣ г̇ан̣ха ваамам̣ мун̃жа, зса маг̇г̇о яавамаж̇жхагасса яавамаж̇жхагаг̇аамз тид̇асса амхаагам̣ г̇зхасса, зд̇ам̣ звам̣ бадижчаад̣̇зд̇ваа маяаа вуд̇д̇ам̣ чаннабат̇ам̣ бадижчаннабат̇ам̣ чаннабат̇ам̣ ваа бадижчаннагааран̣ам̣ виж̇аанаахий’’д̇и. зд̇т̇а хи язна д̣̇ад̣̇аамийд̇и язна хад̇т̇зна д̣̇ад̣̇аами, ид̣̇ам̣ д̣̇агкин̣ахад̇т̇ам̣ санд̇хааяа вуд̇д̇ам̣, ид̇арам̣ ваамахад̇т̇ам̣. звам̣ саа д̇асса маг̇г̇ам̣ аажигкид̇ваа бид̇у яааг̇ум̣ г̇ахзд̇ваа аг̇амааси.

    Tassattho – ‘‘sāmi, antogāmaṃ pavisitvā ekaṃ sattuāpaṇaṃ passissasi, tato kañjikāpaṇaṃ, tesaṃ purato diguṇapaṇṇo koviḷāro supupphito, tasmā tvaṃ yena sattubilaṅgā ca koviḷāro ca pupphito, tena gantvā koviḷāramūle ṭhatvā dakkhiṇaṃ gaṇha vāmaṃ muñca, esa maggo yavamajjhakassa yavamajjhakagāme ṭhitassa amhākaṃ gehassa, etaṃ evaṃ paṭicchādetvā mayā vuttaṃ channapathaṃ paṭicchannapathaṃ channapathaṃ vā paṭicchannakāraṇaṃ vijānāhī’’ti. Ettha hi yena dadāmīti yena hatthena dadāmi, idaṃ dakkhiṇahatthaṃ sandhāya vuttaṃ, itaraṃ vāmahatthaṃ. Evaṃ sā tassa maggaṃ ācikkhitvā pitu yāguṃ gahetvā agamāsi.

    чаннабат̇абан̃хо нидтид̇о.

    Channapathapañho niṭṭhito.

    амараад̣̇звибариязсанаа

    Amarādevipariyesanā

    соби д̇ааяа гат̇ид̇амаг̇г̇знзва д̇ам̣ г̇зхам̣ г̇ад̇о. ат̇а нам̣ амараад̣̇звияаа маад̇аа д̣̇исваа аасанам̣ д̣̇ад̇ваа ‘‘яааг̇ум̣ бивиссаси, саамий’’д̇и ааха. ‘‘амма, ганидтабхаг̇инияаа мз амараад̣̇звияаа т̇огаа яааг̇у мз д̣̇иннаа’’д̇и. д̇ам̣ суд̇ваа саа ‘‘д̇хийд̇у мз ад̇т̇ааяа ааг̇ад̇о бхависсад̇ий’’д̇и ан̃н̃ааси. махаасад̇д̇о д̇зсам̣ д̣̇уг̇г̇ад̇абхаавам̣ ж̇аананд̇оби ‘‘амма, ахам̣ д̇уннавааяо, гин̃жи сиб̣б̣ид̇аб̣б̣аяуд̇д̇агам̣ ад̇т̇ий’’д̇и бужчи. ‘‘ад̇т̇и, саами, муулам̣ бана над̇т̇ий’’д̇и? ‘‘амма муулзна гаммам̣ над̇т̇и, аанзхи, сиб̣б̣иссаами на’’нд̇и. саа ж̇ин̣н̣асаадагаани аахарид̇ваа ад̣̇ааси. б̣од̇хисад̇д̇о аахадаахадам̣ нидтаабзсиязва. бун̃н̃авад̇о хи гирияаа наама самиж̇жхад̇иязва. ат̇а нам̣ ааха ‘‘амма, вийт̇ибхааг̇зна аарожзяяаасий’’д̇и. саа сагалаг̇аамам̣ аарожзси. махаасад̇д̇о д̇уннавааяагаммам̣ гад̇ваа згаахзнзва сахассам̣ гахаабан̣ам̣ уббаад̣̇зси. махаллигаабисса баад̇араасабхад̇д̇ам̣ бажид̇ваа д̣̇ад̇ваа ‘‘д̇аад̇а, сааяамаасам̣ гид̇д̇агам̣ бажаамий’’д̇и ааха. ‘‘амма, яад̇д̇агаа имасмим̣ г̇зхз бхун̃ж̇анд̇и, д̇зсам̣ бамаан̣знаа’’д̇и. саа анзгасуубаб̣яан̃ж̇анам̣ б̣ахубхад̇д̇ам̣ бажи. амараад̣̇звийби сааяам̣ сийсзна д̣̇ааругалаабам̣, ужчан̇г̇зна бан̣н̣ам̣ аад̣̇ааяа аран̃н̃ад̇о ааг̇анд̇ваа бураг̇зхад̣̇ваарз д̣̇ааругалаабам̣ нигкибид̇ваа бажчимад̣̇ваарзна г̇зхам̣ баависи. бид̇аабиссаа сааяад̇арам̣ ааг̇амааси. махаасад̇д̇о наанаг̇г̇арасабхож̇анам̣ бхун̃ж̇и. ид̇араа маад̇аабид̇аро бхож̇зд̇ваа бажчаа саяам̣ бхун̃ж̇ид̇ваа маад̇аабид̇уунам̣ баад̣̇з д̇ховид̇ваа махаасад̇д̇асса баад̣̇з д̇хови.

    Sopi tāya kathitamaggeneva taṃ gehaṃ gato. Atha naṃ amarādeviyā mātā disvā āsanaṃ datvā ‘‘yāguṃ pivissasi, sāmī’’ti āha. ‘‘Amma, kaniṭṭhabhaginiyā me amarādeviyā thokā yāgu me dinnā’’ti. Taṃ sutvā sā ‘‘dhītu me atthāya āgato bhavissatī’’ti aññāsi. Mahāsatto tesaṃ duggatabhāvaṃ jānantopi ‘‘amma, ahaṃ tunnavāyo, kiñci sibbitabbayuttakaṃ atthī’’ti pucchi. ‘‘Atthi, sāmi, mūlaṃ pana natthī’’ti? ‘‘Amma mūlena kammaṃ natthi, ānehi, sibbissāmi na’’nti. Sā jiṇṇasāṭakāni āharitvā adāsi. Bodhisatto āhaṭāhaṭaṃ niṭṭhāpesiyeva. Puññavato hi kiriyā nāma samijjhatiyeva. Atha naṃ āha ‘‘amma, vīthibhāgena āroceyyāsī’’ti. Sā sakalagāmaṃ ārocesi. Mahāsatto tunnavāyakammaṃ katvā ekāheneva sahassaṃ kahāpaṇaṃ uppādesi. Mahallikāpissa pātarāsabhattaṃ pacitvā datvā ‘‘tāta, sāyamāsaṃ kittakaṃ pacāmī’’ti āha. ‘‘Amma, yattakā imasmiṃ gehe bhuñjanti, tesaṃ pamāṇenā’’ti. Sā anekasūpabyañjanaṃ bahubhattaṃ paci. Amarādevīpi sāyaṃ sīsena dārukalāpaṃ, ucchaṅgena paṇṇaṃ ādāya araññato āgantvā puragehadvāre dārukalāpaṃ nikkhipitvā pacchimadvārena gehaṃ pāvisi. Pitāpissā sāyataraṃ āgamāsi. Mahāsatto nānaggarasabhojanaṃ bhuñji. Itarā mātāpitaro bhojetvā pacchā sayaṃ bhuñjitvā mātāpitūnaṃ pāde dhovitvā mahāsattassa pāde dhovi.

    со д̇ам̣ бариг̇г̇ан̣ханд̇о гад̇ибаахам̣ д̇ад̇т̇зва васи. ат̇а нам̣ виймам̣санд̇о згад̣̇ивасам̣ ааха – ‘‘бхад̣̇д̣̇з, ад̣дханаал̣игад̇ан̣д̣улз г̇ахзд̇ваа д̇ад̇о маяхам̣ яааг̇ун̃жа бууван̃жа бхад̇д̇ан̃жа бажаахий’’д̇и. саа ‘‘саад̇хуу’’д̇и самбадижчид̇ваа д̇ан̣д̣улз годдзд̇ваа муулад̇ан̣д̣улзхи бхад̇д̇ам̣, маж̇жхимад̇ан̣д̣улзхи яааг̇ум̣, ган̣агаахи буувам̣ бажид̇ваа д̇ад̣̇ануруубам̣ суубаб̣яан̃ж̇анам̣ самбаад̣̇зд̇ваа махаасад̇д̇асса саб̣яан̃ж̇анам̣ яааг̇ум̣ ад̣̇ааси. саа яааг̇у мукз табид̇амад̇д̇аава сад̇д̇а расахаран̣исахассаани парид̇ваа адтааси. со д̇ассаа виймам̣санад̇т̇амзва ‘‘бхад̣̇д̣̇з, яааг̇ум̣ бажид̇ум̣ аж̇аананд̇ий гимад̇т̇ам̣ мама д̇ан̣д̣улз наасзсий’’д̇и гуд̣̇д̇хо вияа саха кзл̣зна нидтубхид̇ваа бхуумияам̣ баад̇зси. саа д̇асса агуж̇жхид̇ваава ‘‘саами, сажз яааг̇у на сунд̣̇араа, буувам̣ каад̣̇аа’’д̇и буувам̣ ад̣̇ааси. д̇амби д̇ат̇зва агааси. ‘‘сажз, саами, буувам̣ на сунд̣̇арам̣, бхад̇д̇ам̣ бхун̃ж̇аа’’д̇и бхад̇д̇ам̣ ад̣̇ааси. бхад̇д̇амби д̇ат̇зва гад̇ваа ‘‘бхад̣̇д̣̇з, д̇вам̣ бажид̇ум̣ аж̇аананд̇ий мама санд̇агам̣ гимад̇т̇ам̣ наасзсий’’д̇и гуд̣̇д̇хо вияа д̇ийн̣иби згад̇о мад̣̇д̣̇ид̇ваа сийсад̇о бадтааяа сагаласарийрам̣ лимбид̇ваа ‘‘г̇ажча, д̣̇ваарз нисийд̣̇аахий’’д̇и ааха. саа агуж̇жхид̇ваава ‘‘саад̇ху, саамий’’д̇и г̇анд̇ваа д̇ат̇аа агааси. со д̇ассаа нихад̇амаанабхаавам̣ н̃ад̇ваа ‘‘бхад̣̇д̣̇з, зхий’’д̇и ааха. саа агуж̇жхид̇ваа згаважанзнзва ааг̇ад̇аа. махаасад̇д̇о бана ааг̇ажчанд̇о гахаабан̣асахассзна сад̣̇д̇хим̣ згасаадагаяуг̇ам̣ д̇амб̣уулабасиб̣б̣агз табзд̇ваа ааг̇ад̇о. ат̇а со д̇ам̣ саадагам̣ нийхарид̇ваа д̇ассаа хад̇т̇з табзд̇ваа ‘‘бхад̣̇д̣̇з, д̇ава сахааяигаахи сад̣̇д̇хим̣ нхааяид̇ваа имам̣ саадагам̣ ниваасзд̇ваа зхий’’д̇и ааха. саа д̇ат̇аа агааси.

    So taṃ pariggaṇhanto katipāhaṃ tattheva vasi. Atha naṃ vīmaṃsanto ekadivasaṃ āha – ‘‘bhadde, aḍḍhanāḷikataṇḍule gahetvā tato mayhaṃ yāguñca pūvañca bhattañca pacāhī’’ti. Sā ‘‘sādhū’’ti sampaṭicchitvā taṇḍule koṭṭetvā mūlataṇḍulehi bhattaṃ, majjhimataṇḍulehi yāguṃ, kaṇakāhi pūvaṃ pacitvā tadanurūpaṃ sūpabyañjanaṃ sampādetvā mahāsattassa sabyañjanaṃ yāguṃ adāsi. Sā yāgu mukhe ṭhapitamattāva satta rasaharaṇisahassāni pharitvā aṭṭhāsi. So tassā vīmaṃsanatthameva ‘‘bhadde, yāguṃ pacituṃ ajānantī kimatthaṃ mama taṇḍule nāsesī’’ti kuddho viya saha kheḷena niṭṭhubhitvā bhūmiyaṃ pātesi. Sā tassa akujjhitvāva ‘‘sāmi, sace yāgu na sundarā, pūvaṃ khādā’’ti pūvaṃ adāsi. Tampi tatheva akāsi. ‘‘Sace, sāmi, pūvaṃ na sundaraṃ, bhattaṃ bhuñjā’’ti bhattaṃ adāsi. Bhattampi tatheva katvā ‘‘bhadde, tvaṃ pacituṃ ajānantī mama santakaṃ kimatthaṃ nāsesī’’ti kuddho viya tīṇipi ekato madditvā sīsato paṭṭhāya sakalasarīraṃ limpitvā ‘‘gaccha, dvāre nisīdāhī’’ti āha. Sā akujjhitvāva ‘‘sādhu, sāmī’’ti gantvā tathā akāsi. So tassā nihatamānabhāvaṃ ñatvā ‘‘bhadde, ehī’’ti āha. Sā akujjhitvā ekavacaneneva āgatā. Mahāsatto pana āgacchanto kahāpaṇasahassena saddhiṃ ekasāṭakayugaṃ tambūlapasibbake ṭhapetvā āgato. Atha so taṃ sāṭakaṃ nīharitvā tassā hatthe ṭhapetvā ‘‘bhadde, tava sahāyikāhi saddhiṃ nhāyitvā imaṃ sāṭakaṃ nivāsetvā ehī’’ti āha. Sā tathā akāsi.

    бан̣д̣ид̇о уббаад̣̇ид̇ад̇ханан̃жа, аабхад̇ад̇ханан̃жа саб̣б̣ам̣ д̇ассаа маад̇аабид̇уунам̣ д̣̇ад̇ваа самассаасзд̇ваа сасурз аабужчид̇ваа д̇ам̣ аад̣̇ааяа наг̇араабхимуко аг̇амааси. анд̇араамаг̇г̇з д̇ассаа виймам̣санад̇т̇ааяа чад̇д̇ан̃жа убааханан̃жа д̣̇ад̇ваа звамааха – ‘‘бхад̣̇д̣̇з, имам̣ чад̇д̇ам̣ г̇ахзд̇ваа ад̇д̇аанам̣ д̇хаарзхи, убааханам̣ абхирухид̇ваа яаахий’’д̇и. саа д̇ам̣ г̇ахзд̇ваа д̇ат̇аа агад̇ваа аб̣бхогаасз суурияасанд̇аабз чад̇д̇ам̣ ад̇хаарзд̇ваа вананд̇з д̇хаарзд̇ваа г̇ажчад̇и, т̇аладтаанз убааханам̣ бадимун̃жид̇ваа уд̣̇агадтаанам̣ самбад̇д̇агаалз абхирухид̇ваа г̇ажчад̇и. б̣од̇хисад̇д̇о д̇ам̣ гааран̣ам̣ д̣̇исваа бужчи ‘‘гим̣, бхад̣̇д̣̇з, т̇аладтаанз убааханам̣ бадимун̃жид̇ваа уд̣̇агадтаанз абхирухид̇ваа г̇ажчаси, суурияасанд̇аабз чад̇д̇ам̣ ад̇хаарзд̇ваа вананд̇з д̇хаарзд̇ваа’’д̇и? саа ааха – ‘‘саами, т̇аладтаанз ган̣дагаад̣̇ийни бассаами, уд̣̇агадтаанз мажчагажчабаган̣дагаад̣̇ийни на бассаами, д̇зсу баад̣̇з бавидтзсу д̣̇угкавзд̣̇анаа бхавзяяа, аб̣бхогаасз сугкаругкаган̣дагаад̣̇ийни над̇т̇и, вананд̇арам̣ бавидтаанам̣ бана сугкаругкад̣̇ан̣д̣аад̣̇игзсу мад̇т̇агз бад̇ид̇зсу д̣̇угкавзд̣̇анаа бхавзяяа, д̇асмаа д̇аани бадигхаад̇анад̇т̇ааяа звам̣ гаромий’’д̇и.

    Paṇḍito uppāditadhanañca, ābhatadhanañca sabbaṃ tassā mātāpitūnaṃ datvā samassāsetvā sasure āpucchitvā taṃ ādāya nagarābhimukho agamāsi. Antarāmagge tassā vīmaṃsanatthāya chattañca upāhanañca datvā evamāha – ‘‘bhadde, imaṃ chattaṃ gahetvā attānaṃ dhārehi, upāhanaṃ abhiruhitvā yāhī’’ti. Sā taṃ gahetvā tathā akatvā abbhokāse sūriyasantāpe chattaṃ adhāretvā vanante dhāretvā gacchati, thalaṭṭhāne upāhanaṃ paṭimuñcitvā udakaṭṭhānaṃ sampattakāle abhiruhitvā gacchati. Bodhisatto taṃ kāraṇaṃ disvā pucchi ‘‘kiṃ, bhadde, thalaṭṭhāne upāhanaṃ paṭimuñcitvā udakaṭṭhāne abhiruhitvā gacchasi, sūriyasantāpe chattaṃ adhāretvā vanante dhāretvā’’ti? Sā āha – ‘‘sāmi, thalaṭṭhāne kaṇṭakādīni passāmi, udakaṭṭhāne macchakacchapakaṇṭakādīni na passāmi, tesu pāde paviṭṭhesu dukkhavedanā bhaveyya, abbhokāse sukkharukkhakaṇṭakādīni natthi, vanantaraṃ paviṭṭhānaṃ pana sukkharukkhadaṇḍādikesu matthake patitesu dukkhavedanā bhaveyya, tasmā tāni paṭighātanatthāya evaṃ karomī’’ti.

    б̣од̇хисад̇д̇о д̣̇вийхи гааран̣зхи д̇ассаа гат̇ам̣ суд̇ваа д̇уссид̇ваа г̇ажчанд̇о згасмим̣ таанз паласамбаннам̣ згам̣ б̣ад̣̇араругкам̣ д̣̇исваа б̣ад̣̇араругкамуулз нисийд̣̇и. саа б̣ад̣̇араругкамуулз нисиннам̣ махаасад̇д̇ам̣ д̣̇исваа ‘‘саами, абхирухид̇ваа б̣ад̣̇арапалам̣ г̇ахзд̇ваа каад̣̇аахи, маяхамби д̣̇зхий’’д̇и ааха. ‘‘бхад̣̇д̣̇з, ахам̣ гиламаами, абхирухид̇ум̣ на саггоми, д̇вамзва абхирухаа’’д̇и. саа д̇асса важанам̣ суд̇ваа б̣ад̣̇араругкам̣ абхируяха сааканд̇арз нисийд̣̇ид̇ваа палам̣ ожини. б̣од̇хисад̇д̇о д̇ам̣ ааха – ‘‘бхад̣̇д̣̇з, палам̣ маяхам̣ д̣̇зхий’’д̇и. саа ‘‘аяам̣ бурисо бан̣д̣ид̇о ваа абан̣д̣ид̇о ваа виймам̣сиссаамий’’д̇и жинд̇зд̇ваа д̇ам̣ ааха ‘‘саами, ун̣хапалам̣ каад̣̇иссаси, уд̣̇ааху сийд̇апала’’нд̇и? со д̇ам̣ гааран̣ам̣ аж̇аананд̇о вияа звамааха – ‘‘бхад̣̇д̣̇з, ун̣хапалзна мз ад̇т̇о’’д̇и . саа палаани бхуумияам̣ кибид̇ваа ‘‘саами, каад̣̇аа’’д̇и ааха. б̣од̇хисад̇д̇о д̇ам̣ г̇ахзд̇ваа д̇хамзнд̇о каад̣̇и. буна виймам̣самаано нам̣ звамааха – ‘‘бхад̣̇д̣̇з, сийд̇алам̣ мз д̣̇зхий’’д̇и. ат̇а саа б̣ад̣̇арапалаани д̇ин̣абхуумияаа убари киби. со д̇ам̣ г̇ахзд̇ваа каад̣̇ид̇ваа ‘‘аяам̣ д̣̇ааригаа ад̇ивияа бан̣д̣ид̇аа’’д̇и жинд̇зд̇ваа д̇усси. ат̇а махаасад̇д̇о д̇ам̣ ааха – ‘‘бхад̣̇д̣̇з, б̣ад̣̇араругкад̇о од̇араахий’’д̇и. саа махаасад̇д̇асса важанам̣ суд̇ваа ругкад̇о од̇арид̇ваа гхадам̣ г̇ахзд̇ваа над̣̇им̣ г̇анд̇ваа уд̣̇агам̣ аанзд̇ваа махаасад̇д̇асса ад̣̇ааси. махаасад̇д̇о бивид̇ваа мукам̣ вигкаалзд̇ваа д̇ад̇о удтааяа г̇ажчанд̇о наг̇арамзва самбад̇д̇о.

    Bodhisatto dvīhi kāraṇehi tassā kathaṃ sutvā tussitvā gacchanto ekasmiṃ ṭhāne phalasampannaṃ ekaṃ badararukkhaṃ disvā badararukkhamūle nisīdi. Sā badararukkhamūle nisinnaṃ mahāsattaṃ disvā ‘‘sāmi, abhiruhitvā badaraphalaṃ gahetvā khādāhi, mayhampi dehī’’ti āha. ‘‘Bhadde, ahaṃ kilamāmi, abhiruhituṃ na sakkomi, tvameva abhiruhā’’ti. Sā tassa vacanaṃ sutvā badararukkhaṃ abhiruyha sākhantare nisīditvā phalaṃ ocini. Bodhisatto taṃ āha – ‘‘bhadde, phalaṃ mayhaṃ dehī’’ti. Sā ‘‘ayaṃ puriso paṇḍito vā apaṇḍito vā vīmaṃsissāmī’’ti cintetvā taṃ āha ‘‘sāmi, uṇhaphalaṃ khādissasi, udāhu sītaphala’’nti? So taṃ kāraṇaṃ ajānanto viya evamāha – ‘‘bhadde, uṇhaphalena me attho’’ti . Sā phalāni bhūmiyaṃ khipitvā ‘‘sāmi, khādā’’ti āha. Bodhisatto taṃ gahetvā dhamento khādi. Puna vīmaṃsamāno naṃ evamāha – ‘‘bhadde, sītalaṃ me dehī’’ti. Atha sā badaraphalāni tiṇabhūmiyā upari khipi. So taṃ gahetvā khāditvā ‘‘ayaṃ dārikā ativiya paṇḍitā’’ti cintetvā tussi. Atha mahāsatto taṃ āha – ‘‘bhadde, badararukkhato otarāhī’’ti. Sā mahāsattassa vacanaṃ sutvā rukkhato otaritvā ghaṭaṃ gahetvā nadiṃ gantvā udakaṃ ānetvā mahāsattassa adāsi. Mahāsatto pivitvā mukhaṃ vikkhāletvā tato uṭṭhāya gacchanto nagarameva sampatto.

    ат̇а со д̇ам̣ виймам̣санад̇т̇ааяа д̣̇овааригасса г̇зхз табзд̇ваа д̣̇овааригасса бхарияааяа аажигкид̇ваа ад̇д̇ано нивзсанам̣ г̇анд̇ваа бурисз ааманд̇зд̇ваа ‘‘асугаг̇зхз ид̇т̇им̣ табзд̇ваа ааг̇ад̇омхи, имам̣ сахассам̣ аад̣̇ааяа г̇анд̇ваа д̇ам̣ виймам̣сат̇аа’’д̇и сахассам̣ д̣̇ад̇ваа бзсзси. д̇з д̇ат̇аа гарим̣су. саа ааха – ‘‘ид̣̇ам̣ мама саамигасса баад̣̇араж̇амби на аг̇гхад̇ий’’д̇и. д̇з ааг̇анд̇ваа бан̣д̣ид̇асса аарожзсум̣. бунаби яаавад̇ад̇ияам̣ бзсзд̇ваа жад̇уд̇т̇з ваарз махаасад̇д̇о д̇зязва ‘‘д̇зна хи нам̣ хад̇т̇з г̇ахзд̇ваа гад̣дханд̇аа аанзт̇аа’’д̇и ааха. д̇з д̇ат̇аа гарим̣су. саа махаасад̇д̇ам̣ махаасамбад̇д̇ияам̣ тид̇ам̣ на сан̃ж̇аани, нам̣ ологзд̇ваа жа бана хаси жзва род̣̇и жа. со убхаяагааран̣ам̣ бужчи. ат̇а нам̣ саа ааха – ‘‘саами, ахам̣ хасамаанаа д̇ава самбад̇д̇им̣ ологзд̇ваа ‘аяам̣ агааран̣зна на лад̣̇д̇хаа, буримабхавз гусалам̣ гад̇ваа лад̣̇д̇хаа, ахо бун̃н̃аанам̣ палам̣ наамаа’д̇и хасим̣. род̣̇амаанаа бана ‘ид̣̇аани барасса рагкид̇аг̇обид̇авад̇т̇умхи абараж̇жхид̇ваа нираяам̣ г̇амиссад̇ий’д̇и д̇аяи гаарун̃н̃зна род̣̇и’’нд̇и.

    Atha so taṃ vīmaṃsanatthāya dovārikassa gehe ṭhapetvā dovārikassa bhariyāya ācikkhitvā attano nivesanaṃ gantvā purise āmantetvā ‘‘asukagehe itthiṃ ṭhapetvā āgatomhi, imaṃ sahassaṃ ādāya gantvā taṃ vīmaṃsathā’’ti sahassaṃ datvā pesesi. Te tathā kariṃsu. Sā āha – ‘‘idaṃ mama sāmikassa pādarajampi na agghatī’’ti. Te āgantvā paṇḍitassa ārocesuṃ. Punapi yāvatatiyaṃ pesetvā catutthe vāre mahāsatto teyeva ‘‘tena hi naṃ hatthe gahetvā kaḍḍhantā ānethā’’ti āha. Te tathā kariṃsu. Sā mahāsattaṃ mahāsampattiyaṃ ṭhitaṃ na sañjāni, naṃ oloketvā ca pana hasi ceva rodi ca. So ubhayakāraṇaṃ pucchi. Atha naṃ sā āha – ‘‘sāmi, ahaṃ hasamānā tava sampattiṃ oloketvā ‘ayaṃ akāraṇena na laddhā, purimabhave kusalaṃ katvā laddhā, aho puññānaṃ phalaṃ nāmā’ti hasiṃ. Rodamānā pana ‘idāni parassa rakkhitagopitavatthumhi aparajjhitvā nirayaṃ gamissatī’ti tayi kāruññena rodi’’nti.

    со д̇ам̣ виймам̣сид̇ваа суд̣̇д̇хабхаавам̣ н̃ад̇ваа ‘‘г̇ажчат̇а нам̣ д̇ад̇т̇зва нзт̇аа’’д̇и вад̇ваа бзсзд̇ваа буна д̇уннавааяавзсам̣ г̇ахзд̇ваа г̇анд̇ваа д̇ааяа сад̣̇д̇хим̣ саяид̇ваа бунад̣̇ивасз баад̇ова рааж̇агулам̣ бависид̇ваа уд̣̇умб̣арад̣̇звияаа аарожзси. саа ран̃н̃о аарожзд̇ваа амараад̣̇звим̣ саб̣б̣аалан̇гаарзхи алан̇гарид̇ваа махааяог̇г̇з нисийд̣̇аабзд̇ваа маханд̇зна саггаарзна махаасад̇д̇асса г̇зхам̣ нзд̇ваа ман̇г̇алам̣ гаарзси. рааж̇аа б̣од̇хисад̇д̇асса сахассамуулам̣ бан̣н̣аагаарам̣ бзсзси. д̣̇овааригз аад̣̇им̣ гад̇ваа сагаланаг̇араваасино бан̣н̣аагаарз бахин̣им̣су. амараад̣̇звийби ран̃н̃аа бахид̇ам̣ бан̣н̣аагаарам̣ д̣̇вид̇хаа бхинд̣̇ид̇ваа згам̣ годтаасам̣ ран̃н̃о бзсзси. зд̇знубааязна сагаланаг̇араваасийнамби бан̣н̣аагаарам̣ бзсзд̇ваа наг̇арам̣ сан̇г̇ан̣хи. д̇ад̇о бадтааяа махаасад̇д̇о д̇ааяа сад̣̇д̇хим̣ самаг̇г̇аваасам̣ васанд̇о ран̃н̃о ад̇т̇ан̃жа д̇хамман̃жа анусааси.

    So taṃ vīmaṃsitvā suddhabhāvaṃ ñatvā ‘‘gacchatha naṃ tattheva nethā’’ti vatvā pesetvā puna tunnavāyavesaṃ gahetvā gantvā tāya saddhiṃ sayitvā punadivase pātova rājakulaṃ pavisitvā udumbaradeviyā ārocesi. Sā rañño ārocetvā amarādeviṃ sabbālaṅkārehi alaṅkaritvā mahāyogge nisīdāpetvā mahantena sakkārena mahāsattassa gehaṃ netvā maṅgalaṃ kāresi. Rājā bodhisattassa sahassamūlaṃ paṇṇākāraṃ pesesi. Dovārike ādiṃ katvā sakalanagaravāsino paṇṇākāre pahiṇiṃsu. Amarādevīpi raññā pahitaṃ paṇṇākāraṃ dvidhā bhinditvā ekaṃ koṭṭhāsaṃ rañño pesesi. Etenupāyena sakalanagaravāsīnampi paṇṇākāraṃ pesetvā nagaraṃ saṅgaṇhi. Tato paṭṭhāya mahāsatto tāya saddhiṃ samaggavāsaṃ vasanto rañño atthañca dhammañca anusāsi.

    амараад̣̇звибариязсанаа нидтид̇аа.

    Amarādevipariyesanā niṭṭhitā.

    саб̣б̣арад̇анат̇знаван̣н̣анаа

    Sabbaratanathenavaṇṇanā

    ат̇згад̣̇ивасам̣ сзнаго ид̇арз д̇аяо ад̇д̇ано санд̇игам̣ ааг̇ад̇з ааманд̇зси ‘‘амбхо, маяам̣ г̇ахабад̇ибуд̇д̇асса махосад̇хассзва наббахома, ид̣̇аани бана д̇зна ад̇д̇анаа б̣яад̇д̇ад̇араа бхарияаа аанийд̇аа, гинд̇и нам̣ ран̃н̃о анд̇арз барибхинд̣̇зяяаамаа’’д̇и. ‘‘аажарияа, маяам̣ гим̣ ж̇аанаама, д̇вам̣язва ж̇аанаахий’’д̇и. ‘‘ход̇у маа жинд̇аяид̇т̇а, ад̇т̇зго убааяо, ахам̣ ран̃н̃о жуул̣ааман̣им̣ т̇знзд̇ваа аахариссаами, буггуса, д̇вам̣ суван̣н̣амаалам̣ аахара, гааминд̣̇а, д̇вам̣ гамб̣алам̣, д̣̇звинд̣̇а, д̇вам̣ суван̣н̣абаад̣̇уганд̇и звам̣ маяам̣ жад̇д̇аароби убааязна д̇аани аахариссаама, д̇ад̇о амхаагам̣ г̇зхз адтабзд̇ваа г̇ахабад̇ибуд̇д̇асса г̇зхам̣ бзсзссаамаа’’д̇и. ат̇а ко д̇з жад̇д̇аароби д̇ат̇аа гарим̣су. д̇зсу сзнаго д̇аава жуул̣ааман̣им̣ д̇аггагхадз багкибид̇ваа д̣̇аасияаа хад̇т̇з табзд̇ваа бзсзси ‘‘имам̣ д̇аггагхадам̣ ан̃н̃зсам̣ г̇ан̣ханд̇аанам̣ ад̣̇ад̇ваа сажз махосад̇хасса г̇зхз г̇ан̣хаад̇и, гхадзнзва сад̣̇д̇хим̣ д̣̇зхий’’д̇и. саа бан̣д̣ид̇асса гхарад̣̇ваарам̣ г̇анд̇ваа ‘‘д̇аггам̣ г̇ан̣хат̇а, д̇аггам̣ г̇ан̣хат̇аа’’д̇и абараабарам̣ жарад̇и.

    Athekadivasaṃ senako itare tayo attano santikaṃ āgate āmantesi ‘‘ambho, mayaṃ gahapatiputtassa mahosadhasseva nappahoma, idāni pana tena attanā byattatarā bhariyā ānītā, kinti naṃ rañño antare paribhindeyyāmā’’ti. ‘‘Ācariya, mayaṃ kiṃ jānāma, tvaṃyeva jānāhī’’ti. ‘‘Hotu mā cintayittha, attheko upāyo, ahaṃ rañño cūḷāmaṇiṃ thenetvā āharissāmi, pukkusa, tvaṃ suvaṇṇamālaṃ āhara, kāminda, tvaṃ kambalaṃ, devinda, tvaṃ suvaṇṇapādukanti evaṃ mayaṃ cattāropi upāyena tāni āharissāma, tato amhākaṃ gehe aṭṭhapetvā gahapatiputtassa gehaṃ pesessāmā’’ti. Atha kho te cattāropi tathā kariṃsu. Tesu senako tāva cūḷāmaṇiṃ takkaghaṭe pakkhipitvā dāsiyā hatthe ṭhapetvā pesesi ‘‘imaṃ takkaghaṭaṃ aññesaṃ gaṇhantānaṃ adatvā sace mahosadhassa gehe gaṇhāti, ghaṭeneva saddhiṃ dehī’’ti. Sā paṇḍitassa gharadvāraṃ gantvā ‘‘takkaṃ gaṇhatha, takkaṃ gaṇhathā’’ti aparāparaṃ carati.

    амараад̣̇звий д̣̇ваарз тид̇аа д̇ассаа гирияам̣ д̣̇исваа ‘‘аяам̣ ан̃н̃ад̇т̇а на г̇ажчад̇и, бхавид̇аб̣б̣амзд̇т̇а гааран̣знаа’’д̇и ин̇г̇ид̇асан̃н̃ааяа д̣̇аасияо бадиггамаабзд̇ваа саяамзва ‘‘амма, зхи д̇аггам̣ г̇ан̣хиссаамий’’д̇и баггосид̇ваа д̇ассаа ааг̇ад̇агаалз д̣̇аасийнам̣ сан̃н̃ам̣ д̣̇ад̇ваа д̇аасу анааг̇ажчанд̇ийсу ‘‘г̇ажча, амма, д̣̇аасияо баггосаахий’’д̇и д̇амзва бзсзд̇ваа д̇аггагхадз хад̇т̇ам̣ од̇аарзд̇ваа ман̣им̣ д̣̇исваа д̇ам̣ д̣̇аасим̣ бужчи ‘‘амма, д̇вам̣ гасса санд̇агаа’’д̇и? ‘‘аяяз, сзнагабан̣д̣ид̇асса д̣̇аасиймхий’’д̇и. д̇ад̇о д̇ассаа наамам̣ д̇ассаа жа маад̇уяаа наамам̣ бужчид̇ваа ‘‘асугаа наамаа’’д̇и вуд̇д̇з ‘‘амма, имам̣ д̇аггам̣ гад̇имуула’’нд̇и бужчи. ‘‘аяяз, жад̇унаал̣ига’’нд̇и. ‘‘д̇зна хи, амма, имам̣ д̇аггам̣ мз д̣̇зхий’’д̇и вад̇ваа ‘‘аяяз, д̇умхзсу г̇ан̣ханд̇ийсу муулзна мз го ад̇т̇о, гхадзнзва сад̣̇д̇хим̣ г̇ан̣хат̇аа’’д̇и вуд̇д̇з ‘‘д̇зна хи яаахий’’д̇и д̇ам̣ уяяож̇зд̇ваа саа ‘‘асугамаасз асугад̣̇ивасз сзнагаажарияо асугааяа наама д̣̇аасияаа д̇хийд̇ааяа асугааяа наама хад̇т̇з ран̃н̃о жуул̣ааман̣им̣ бахзнагад̇т̇ааяа бахин̣ий’’д̇и бан̣н̣з ликид̇ваа д̇аггам̣ г̇ан̣хи. буггусоби суван̣н̣амаалам̣ суманабубпажан̇годагз табзд̇ваа суманабубпзна бадижчаад̣̇зд̇ваа д̇ат̇зва бзсзси. гааминд̣̇оби гамб̣алам̣ бан̣н̣абажчияам̣ табзд̇ваа бан̣н̣зхи чаад̣̇зд̇ваа бзсзси. д̣̇звинд̣̇оби суван̣н̣абаад̣̇угам̣ яавагалаабанд̇арз б̣анд̇хид̇ваа бзсзси. саа саб̣б̣ааниби д̇аани г̇ахзд̇ваа бан̣н̣з агкараани ааробзд̇ваа махаасад̇д̇асса аажигкид̇ваа табзси.

    Amarādevī dvāre ṭhitā tassā kiriyaṃ disvā ‘‘ayaṃ aññattha na gacchati, bhavitabbamettha kāraṇenā’’ti iṅgitasaññāya dāsiyo paṭikkamāpetvā sayameva ‘‘amma, ehi takkaṃ gaṇhissāmī’’ti pakkositvā tassā āgatakāle dāsīnaṃ saññaṃ datvā tāsu anāgacchantīsu ‘‘gaccha, amma, dāsiyo pakkosāhī’’ti tameva pesetvā takkaghaṭe hatthaṃ otāretvā maṇiṃ disvā taṃ dāsiṃ pucchi ‘‘amma, tvaṃ kassa santakā’’ti? ‘‘Ayye, senakapaṇḍitassa dāsīmhī’’ti. Tato tassā nāmaṃ tassā ca mātuyā nāmaṃ pucchitvā ‘‘asukā nāmā’’ti vutte ‘‘amma, imaṃ takkaṃ katimūla’’nti pucchi. ‘‘Ayye, catunāḷika’’nti. ‘‘Tena hi, amma, imaṃ takkaṃ me dehī’’ti vatvā ‘‘ayye, tumhesu gaṇhantīsu mūlena me ko attho, ghaṭeneva saddhiṃ gaṇhathā’’ti vutte ‘‘tena hi yāhī’’ti taṃ uyyojetvā sā ‘‘asukamāse asukadivase senakācariyo asukāya nāma dāsiyā dhītāya asukāya nāma hatthe rañño cūḷāmaṇiṃ pahenakatthāya pahiṇī’’ti paṇṇe likhitvā takkaṃ gaṇhi. Pukkusopi suvaṇṇamālaṃ sumanapupphacaṅkoṭake ṭhapetvā sumanapupphena paṭicchādetvā tatheva pesesi. Kāmindopi kambalaṃ paṇṇapacchiyaṃ ṭhapetvā paṇṇehi chādetvā pesesi. Devindopi suvaṇṇapādukaṃ yavakalāpantare bandhitvā pesesi. Sā sabbānipi tāni gahetvā paṇṇe akkharāni āropetvā mahāsattassa ācikkhitvā ṭhapesi.

    д̇зби жад̇д̇ааро бан̣д̣ид̇аа рааж̇агулам̣ г̇анд̇ваа ‘‘гим̣, д̣̇зва, д̇умхз жуул̣ааман̣им̣ на бил̣анд̇хат̇аа’’д̇и аахам̣су. рааж̇аа ‘‘бил̣анд̇хиссаами аахарат̇аа’’д̇и бурисз ааха. д̇з ман̣им̣ на бассим̣су, ид̇арааниби на бассим̣суязва. ат̇а д̇з жад̇д̇ааро бан̣д̣ид̇аа ‘‘д̣̇зва, д̇умхаагам̣ аабхаран̣аани махосад̇хасса г̇зхз ад̇т̇и, со д̇аани саяам̣ вал̣ан̃ж̇зд̇и, бадисад̇д̇у д̇з махаарааж̇а, г̇ахабад̇ибуд̇д̇о’’д̇и д̇ам̣ бхинд̣̇им̣су. ат̇асса ад̇т̇ажарагаа мануссаа сийгхам̣ г̇анд̇ваа аарожзсум̣. со ‘‘рааж̇аанам̣ д̣̇исваа ж̇ааниссаамий’’д̇и рааж̇убадтаанам̣ аг̇амааси. рааж̇аа гуж̇жхид̇ваа ‘‘го ж̇ааниссад̇и, гим̣ бхависсад̇и гим̣ гариссад̇ий’’д̇и ад̇д̇аанам̣ бассид̇ум̣ наад̣̇ааси. бан̣д̣ид̇о ран̃н̃о гуд̣̇д̇хабхаавам̣ н̃ад̇ваа ад̇д̇ано нивзсанамзва г̇ад̇о. рааж̇аа ‘‘нам̣ г̇ан̣хат̇аа’’д̇и аан̣аабзси. бан̣д̣ид̇о ад̇т̇ажарагаанам̣ важанам̣ суд̇ваа ‘‘маяаа абаг̇анд̇ум̣ ваддад̇ий’’д̇и амараад̣̇звияаа сан̃н̃ам̣ д̣̇ад̇ваа ан̃н̃аад̇агавзсзна наг̇араа нигкамид̇ваа д̣̇агкин̣аяавамаж̇жхагаг̇аамам̣ г̇анд̇ваа д̇асмим̣ гумбхагаарагаммам̣ агааси. наг̇арз ‘‘бан̣д̣ид̇о балаад̇о’’д̇и згаголаахалам̣ ж̇аад̇ам̣.

    Tepi cattāro paṇḍitā rājakulaṃ gantvā ‘‘kiṃ, deva, tumhe cūḷāmaṇiṃ na piḷandhathā’’ti āhaṃsu. Rājā ‘‘piḷandhissāmi āharathā’’ti purise āha. Te maṇiṃ na passiṃsu, itarānipi na passiṃsuyeva. Atha te cattāro paṇḍitā ‘‘deva, tumhākaṃ ābharaṇāni mahosadhassa gehe atthi, so tāni sayaṃ vaḷañjeti, paṭisattu te mahārāja, gahapatiputto’’ti taṃ bhindiṃsu. Athassa atthacarakā manussā sīghaṃ gantvā ārocesuṃ. So ‘‘rājānaṃ disvā jānissāmī’’ti rājupaṭṭhānaṃ agamāsi. Rājā kujjhitvā ‘‘ko jānissati, kiṃ bhavissati kiṃ karissatī’’ti attānaṃ passituṃ nādāsi. Paṇḍito rañño kuddhabhāvaṃ ñatvā attano nivesanameva gato. Rājā ‘‘naṃ gaṇhathā’’ti āṇāpesi. Paṇḍito atthacarakānaṃ vacanaṃ sutvā ‘‘mayā apagantuṃ vaṭṭatī’’ti amarādeviyā saññaṃ datvā aññātakavesena nagarā nikkhamitvā dakkhiṇayavamajjhakagāmaṃ gantvā tasmiṃ kumbhakārakammaṃ akāsi. Nagare ‘‘paṇḍito palāto’’ti ekakolāhalaṃ jātaṃ.

    сзнагаад̣̇аяоби жад̇д̇ааро ж̇анаа д̇асса балаад̇абхаавам̣ н̃ад̇ваа ‘‘маа жинд̇аяид̇т̇а, маяам̣ гим̣ абан̣д̣ид̇аа’’д̇и ан̃н̃аман̃н̃ам̣ аж̇аанаабзд̇ваава амараад̣̇звияаа бан̣н̣аагаарам̣ бахин̣им̣су саа д̇зхи жад̇уухи бзсид̇абан̣н̣аагаарам̣ г̇ахзд̇ваа ‘‘асуга-асугавзлааяа ааг̇ажчад̇уу’’д̇и вад̇ваа згам̣ гуубам̣ кан̣аабзд̇ваа г̇уут̇араасино саха уд̣̇агзна д̇ад̇т̇а буурзд̇ваа г̇уут̇агуубасса убарид̇алз яанд̇апалагаахи бид̣̇ахид̇ваа гил̣ан̃ж̇зна бадижчаад̣̇зд̇ваа саб̣б̣ам̣ нидтаабзси. ат̇а сзнаго сааяанхасамаяз нхад̇ваа ад̇д̇аанам̣ алан̇гарид̇ваа наанаг̇г̇арасабхож̇анам̣ бхун̃ж̇ид̇ваа б̣од̇хисад̇д̇асса г̇зхам̣ аг̇амааси. со гхарад̣̇ваарз тад̇ваа ад̇д̇ано ааг̇ад̇абхаавам̣ ж̇аанаабзси. саа ‘‘зхи, аажарияаа’’д̇и ааха. со г̇анд̇ваа д̇ассаа санд̇игз адтааси. саа звамааха – ‘‘саами, ид̣̇аани ахам̣ д̇ава васам̣ г̇ад̇аа, ад̇д̇ано сарийрам̣ анхааяид̇ваа саяид̇ум̣ аяуд̇д̇а’’нд̇и. со д̇ассаа важанам̣ суд̇ваа ‘‘саад̇хуу’’д̇и самбадижчи. саа нигкамид̇ваа уд̣̇агабуурам̣ гхадам̣ г̇ахзд̇ваа аасид̇д̇аа вияа ‘‘зхи, аажарияа, нхаанад̇т̇ааяа палагаани аарухаа’’д̇и вад̇ваа д̇асса палагаани абхируяха тид̇агаалз г̇зхам̣ бависид̇ваа палагагодияам̣ аггамид̇ваа г̇уут̇агуубз баад̇зси.

    Senakādayopi cattāro janā tassa palātabhāvaṃ ñatvā ‘‘mā cintayittha, mayaṃ kiṃ apaṇḍitā’’ti aññamaññaṃ ajānāpetvāva amarādeviyā paṇṇākāraṃ pahiṇiṃsu sā tehi catūhi pesitapaṇṇākāraṃ gahetvā ‘‘asuka-asukavelāya āgacchatū’’ti vatvā ekaṃ kūpaṃ khaṇāpetvā gūtharāsino saha udakena tattha pūretvā gūthakūpassa uparitale yantaphalakāhi pidahitvā kiḷañjena paṭicchādetvā sabbaṃ niṭṭhāpesi. Atha senako sāyanhasamaye nhatvā attānaṃ alaṅkaritvā nānaggarasabhojanaṃ bhuñjitvā bodhisattassa gehaṃ agamāsi. So gharadvāre ṭhatvā attano āgatabhāvaṃ jānāpesi. Sā ‘‘ehi, ācariyā’’ti āha. So gantvā tassā santike aṭṭhāsi. Sā evamāha – ‘‘sāmi, idāni ahaṃ tava vasaṃ gatā, attano sarīraṃ anhāyitvā sayituṃ ayutta’’nti. So tassā vacanaṃ sutvā ‘‘sādhū’’ti sampaṭicchi. Sā nikkhamitvā udakapūraṃ ghaṭaṃ gahetvā āsittā viya ‘‘ehi, ācariya, nhānatthāya phalakāni āruhā’’ti vatvā tassa phalakāni abhiruyha ṭhitakāle gehaṃ pavisitvā phalakakoṭiyaṃ akkamitvā gūthakūpe pātesi.

    буггусоби сааяанхасамаяз нхад̇ваа алан̇гарид̇ваа наанаг̇г̇арасабхож̇анам̣ бхун̃ж̇ид̇ваа б̣од̇хисад̇д̇асса г̇зхам̣ г̇анд̇ваа гхарад̣̇ваарз тад̇ваа ад̇д̇ано ааг̇ад̇абхаавам̣ ж̇аанаабзси. згаа барижааригаа ид̇т̇ий амараад̣̇звияаа аарожзси. саа д̇ассаа важанам̣ суд̇ваа ‘‘зхи, аажарияа, ад̇д̇ано сарийрам̣ анхааяид̇ваа саяид̇ум̣ аяуд̇д̇а’’нд̇и ааха. со ‘‘саад̇хуу’’д̇и самбадижчи. саа нигкамид̇ваа уд̣̇агабуурам̣ гхадам̣ г̇ахзд̇ваа аасин̃жамаанаа вияа ‘‘зхи, аажарияа, нхаанад̇т̇ааяа палагаани абхирухаа’’д̇и ааха. д̇асса палагаани абхируяха тид̇агаалз саа г̇зхам̣ бависид̇ваа палагаани аагад̣дхид̇ваа г̇уут̇агуубз баад̇зси. буггусам̣ сзнаго ‘‘го зсо’’д̇и бужчи. ‘‘ахам̣ буггусо’’д̇и. ‘‘д̇вам̣ го наама мануссо’’д̇и? ‘‘ахам̣ сзнаго’’д̇и ан̃н̃аман̃н̃ам̣ бужчид̇ваа адтам̣су. д̇ат̇аа ид̇арз д̣̇взби д̇ад̇т̇зва баад̇зси. саб̣б̣зби д̇з ж̇зг̇ужчз г̇уут̇агуубз адтам̣су. саа вибхаад̇ааяа рад̇д̇ияаа д̇ад̇о угкибаабзд̇ваа, жад̇д̇аароби ж̇анз курамун̣д̣з гаараабзд̇ваа д̇ан̣д̣улаани г̇аахаабзд̇ваа уд̣̇агзна д̇змзд̇ваа годдаабзд̇ваа жун̣н̣ам̣ б̣ахалаяааг̇ум̣ бажаабзд̇ваа мад̣̇д̣̇ид̇ваа сийсад̇о бадтааяа сагаласарийрам̣ вилимбаабзд̇ваа д̇уулабижууни г̇аахаабзд̇ваа д̇ат̇зва сийсад̇о бадтааяа огираабзд̇ваа махаад̣̇угкам̣ баабзд̇ваа гилан̃ж̇агужчияам̣ нибаж̇ж̇аабзд̇ваа взтзд̇ваа ран̃н̃о аарожзд̇угаамаа худ̇ваа д̇зхи сад̣̇д̇хим̣ жад̇д̇аари рад̇анаани г̇аахаабзд̇ваа ран̃н̃о санд̇игам̣ г̇анд̇ваа рааж̇аанам̣ ванд̣̇ид̇ваа згаманд̇ам̣ нисийд̣̇ид̇ваа – ‘‘д̣̇зва, сзд̇аваанарам̣ наама махаабан̣н̣аагаарам̣ бадиг̇г̇ан̣хат̇аа’’д̇и вад̇ваа жад̇д̇аари гилан̃ж̇аани ран̃н̃о баад̣̇амуулз табаабзси. ат̇а рааж̇аа вивараабзд̇ваа сзд̇амаггадасад̣̇исз жад̇д̇аароби ж̇анз басси. ат̇а саб̣б̣з мануссаа ‘‘ахо ад̣̇идтабуб̣б̣аа, ахо махаасзд̇аваанараа’’д̇и вад̇ваа махаахасид̇ам̣ хасим̣су. д̇з жад̇д̇аароби махаалаж̇ж̇аа ахзсум̣.

    Pukkusopi sāyanhasamaye nhatvā alaṅkaritvā nānaggarasabhojanaṃ bhuñjitvā bodhisattassa gehaṃ gantvā gharadvāre ṭhatvā attano āgatabhāvaṃ jānāpesi. Ekā paricārikā itthī amarādeviyā ārocesi. Sā tassā vacanaṃ sutvā ‘‘ehi, ācariya, attano sarīraṃ anhāyitvā sayituṃ ayutta’’nti āha. So ‘‘sādhū’’ti sampaṭicchi. Sā nikkhamitvā udakapūraṃ ghaṭaṃ gahetvā āsiñcamānā viya ‘‘ehi, ācariya, nhānatthāya phalakāni abhiruhā’’ti āha. Tassa phalakāni abhiruyha ṭhitakāle sā gehaṃ pavisitvā phalakāni ākaḍḍhitvā gūthakūpe pātesi. Pukkusaṃ senako ‘‘ko eso’’ti pucchi. ‘‘Ahaṃ pukkuso’’ti. ‘‘Tvaṃ ko nāma manusso’’ti? ‘‘Ahaṃ senako’’ti aññamaññaṃ pucchitvā aṭṭhaṃsu. Tathā itare dvepi tattheva pātesi. Sabbepi te jegucche gūthakūpe aṭṭhaṃsu. Sā vibhātāya rattiyā tato ukkhipāpetvā, cattāropi jane khuramuṇḍe kārāpetvā taṇḍulāni gāhāpetvā udakena temetvā koṭṭāpetvā cuṇṇaṃ bahalayāguṃ pacāpetvā madditvā sīsato paṭṭhāya sakalasarīraṃ vilimpāpetvā tūlapicūni gāhāpetvā tatheva sīsato paṭṭhāya okirāpetvā mahādukkhaṃ pāpetvā kilañjakucchiyaṃ nipajjāpetvā veṭhetvā rañño ārocetukāmā hutvā tehi saddhiṃ cattāri ratanāni gāhāpetvā rañño santikaṃ gantvā rājānaṃ vanditvā ekamantaṃ nisīditvā – ‘‘deva, setavānaraṃ nāma mahāpaṇṇākāraṃ paṭiggaṇhathā’’ti vatvā cattāri kilañjāni rañño pādamūle ṭhapāpesi. Atha rājā vivarāpetvā setamakkaṭasadise cattāropi jane passi. Atha sabbe manussā ‘‘aho adiṭṭhapubbā, aho mahāsetavānarā’’ti vatvā mahāhasitaṃ hasiṃsu. Te cattāropi mahālajjā ahesuṃ.

    ат̇а амараад̣̇звий ад̇д̇ано саамино нид̣̇д̣̇осабхаавам̣ гат̇знд̇ий рааж̇аанам̣ ааха – ‘‘д̣̇зва, махосад̇хабан̣д̣ид̇о на жоро, имз жад̇д̇аарова жораа. зд̇зсу хи сзнаго ман̣ижоро, буггусо суван̣н̣амаалаажоро, гааминд̣̇о гамб̣алажоро, д̣̇звинд̣̇о суван̣н̣абаад̣̇угаажоро. имз жораа асугамаасз асугад̣̇ивасз асугад̣̇аасид̇хийд̇аанам̣ асугад̣̇аасийнам̣ хад̇т̇з имаани рад̇анаани бахин̣анд̇и. имам̣ бан̣н̣ам̣ бассат̇а, ад̇д̇ано санд̇аган̃жа г̇ан̣хат̇а, жорз жа, д̣̇зва, бадижчат̇аа’’д̇и. саа жад̇д̇аароби ж̇анз махаавиббагаарам̣ баабзд̇ваа рааж̇аанам̣ ванд̣̇ид̇ваа ад̇д̇ано г̇зхамзва г̇ад̇аа. рааж̇аа б̣од̇хисад̇д̇асса балаад̇абхаавзна д̇асмим̣ аасан̇гааяа жа ан̃н̃зсам̣ бан̣д̣ид̇абад̇иманд̇ийнам̣ абхаавзна жа д̇зсам̣ гин̃жи авад̇ваа ‘‘бан̣д̣ид̇аа нхаабзд̇ваа ад̇д̇ано г̇зхаани г̇ажчат̇аа’’д̇и бзсзси. жад̇д̇ааро ж̇анаа махаавиббагаарам̣ бад̇ваа рааж̇аанам̣ ванд̣̇ид̇ваа ад̇д̇ано г̇зхамзва г̇ад̇аа.

    Atha amarādevī attano sāmino niddosabhāvaṃ kathentī rājānaṃ āha – ‘‘deva, mahosadhapaṇḍito na coro, ime cattārova corā. Etesu hi senako maṇicoro, pukkuso suvaṇṇamālācoro, kāmindo kambalacoro, devindo suvaṇṇapādukācoro. Ime corā asukamāse asukadivase asukadāsidhītānaṃ asukadāsīnaṃ hatthe imāni ratanāni pahiṇanti. Imaṃ paṇṇaṃ passatha, attano santakañca gaṇhatha, core ca, deva, paṭicchathā’’ti. Sā cattāropi jane mahāvippakāraṃ pāpetvā rājānaṃ vanditvā attano gehameva gatā. Rājā bodhisattassa palātabhāvena tasmiṃ āsaṅkāya ca aññesaṃ paṇḍitapatimantīnaṃ abhāvena ca tesaṃ kiñci avatvā ‘‘paṇḍitā nhāpetvā attano gehāni gacchathā’’ti pesesi. Cattāro janā mahāvippakāraṃ patvā rājānaṃ vanditvā attano gehameva gatā.

    саб̣б̣арад̇анат̇знаа нидтид̇аа.

    Sabbaratanathenā niṭṭhitā.

    каж̇ж̇обанагабан̃хо

    Khajjopanakapañho

    ат̇асса чад̇д̇з ад̇хивад̇т̇аа д̣̇звад̇аа б̣од̇хисад̇д̇асса д̇хаммад̣̇зсанам̣ ассун̣анд̇ий ‘‘гим̣ ну ко гааран̣а’’нд̇и ааваж̇ж̇амаанаа д̇ам̣ гааран̣ам̣ н̃ад̇ваа ‘‘бан̣д̣ид̇асса аанаяанагааран̣ам̣ гариссаамий’’д̇и жинд̇зд̇ваа рад̇д̇ибхааг̇з чад̇д̇абин̣д̣игам̣ виварид̇ваа рааж̇аанам̣ жад̇угганибаад̇з д̣̇звад̇ааяа бужчид̇абан̃хз ааг̇ад̇з ‘‘ханд̇и хад̇т̇зхи баад̣̇зхий’’д̇иаад̣̇игз жад̇д̇ааро бан̃хз бужчи. рааж̇аа аж̇аананд̇о ‘‘ахам̣ на ж̇аанаами, ан̃н̃з бан̣д̣ид̇з бужчиссаамий’’д̇и згад̣̇ивасам̣ огаасам̣ яаажид̇ваа бунад̣̇ивасз ‘‘ааг̇ажчанд̇уу’’д̇и жад̇уннам̣ бан̣д̣ид̇аанам̣ саасанам̣ бзсзси. д̇зхи ‘‘маяам̣ курамун̣д̣аа вийт̇им̣ од̇аранд̇аа лаж̇ж̇аамаа’’д̇и вуд̇д̇з рааж̇аа жад̇д̇ааро наал̣ибаддз бзсзси ‘‘имз сийсзсу гад̇ваа ааг̇ажчанд̇уу’’д̇и. д̇ад̣̇аа гира д̇з наал̣ибаддаа уббаннаа. д̇з ааг̇анд̇ваа бан̃н̃ад̇д̇аасанз нисийд̣̇им̣су. ат̇а рааж̇аа ‘‘сзнага, аж̇ж̇а рад̇д̇ибхааг̇з чад̇д̇з ад̇хивад̇т̇аа д̣̇звад̇аа мам̣ жад̇д̇ааро бан̃хз бужчи, ахам̣ бана аж̇аананд̇о ‘бан̣д̣ид̇з бужчиссаамий’д̇и аважам̣, гат̇зхи мз д̇з бан̃хз’’д̇и вад̇ваа имам̣ г̇аат̇амааха –

    Athassa chatte adhivatthā devatā bodhisattassa dhammadesanaṃ assuṇantī ‘‘kiṃ nu kho kāraṇa’’nti āvajjamānā taṃ kāraṇaṃ ñatvā ‘‘paṇḍitassa ānayanakāraṇaṃ karissāmī’’ti cintetvā rattibhāge chattapiṇḍikaṃ vivaritvā rājānaṃ catukkanipāte devatāya pucchitapañhe āgate ‘‘hanti hatthehi pādehī’’tiādike cattāro pañhe pucchi. Rājā ajānanto ‘‘ahaṃ na jānāmi, aññe paṇḍite pucchissāmī’’ti ekadivasaṃ okāsaṃ yācitvā punadivase ‘‘āgacchantū’’ti catunnaṃ paṇḍitānaṃ sāsanaṃ pesesi. Tehi ‘‘mayaṃ khuramuṇḍā vīthiṃ otarantā lajjāmā’’ti vutte rājā cattāro nāḷipaṭṭe pesesi ‘‘ime sīsesu katvā āgacchantū’’ti. Tadā kira te nāḷipaṭṭā uppannā. Te āgantvā paññattāsane nisīdiṃsu. Atha rājā ‘‘senaka, ajja rattibhāge chatte adhivatthā devatā maṃ cattāro pañhe pucchi, ahaṃ pana ajānanto ‘paṇḍite pucchissāmī’ti avacaṃ, kathehi me te pañhe’’ti vatvā imaṃ gāthamāha –

    ‘‘ханд̇и хад̇т̇зхи баад̣̇зхи, мукан̃жа барисумбхад̇и;

    ‘‘Hanti hatthehi pādehi, mukhañca parisumbhati;

    са вз рааж̇а бияо ход̇и, гам̣ д̇зна д̇ваабхибассасий’’д̇и. (ж̇аа. 1.4.197);

    Sa ve rāja piyo hoti, kaṃ tena tvābhipassasī’’ti. (jā. 1.4.197);

    сзнаго аж̇аананд̇о ‘‘гим̣ ханд̇и, гат̇ам̣ ханд̇ий’’д̇и д̇ам̣ д̇ам̣ вилабид̇ваа нзва анд̇ам̣ басси, на годим̣ басси. сзсааби аббадибхаанаа ахзсум̣. ат̇а рааж̇аа виббадисаарий худ̇ваа буна рад̇д̇ибхааг̇з д̣̇звад̇ааяа ‘‘бан̃хо д̇з н̃аад̇о’’д̇и будто ‘‘маяаа жад̇д̇ааро бан̣д̣ид̇аа будтаа, д̇зби на ж̇ааним̣суу’’д̇и ааха. д̣̇звад̇аа ‘‘гим̣ д̇з ж̇ааниссанд̇и, табзд̇ваа махосад̇хабан̣д̣ид̇ам̣ ан̃н̃о гожи зд̇з бан̃хз гат̇зд̇ум̣ самад̇т̇о наама над̇т̇и. сажз д̇ам̣ баггосаабзд̇ваа зд̇з бан̃хз на гат̇аабзссаси, иминаа д̇з ж̇алид̇зна аяагуудзна сийсам̣ бхинд̣̇иссаамий’’д̇и рааж̇аанам̣ д̇аж̇ж̇зд̇ваа ‘‘махаарааж̇а, аг̇г̇инаа ад̇т̇з сад̇и каж̇ж̇обанагам̣ д̇хамид̇ум̣ на ваддад̇и, кийрзна ад̇т̇з сад̇и висаан̣ам̣ д̣̇ухид̇ум̣ на ваддад̇ий’’д̇и вад̇ваа имам̣ бан̃жаганибаад̇з каж̇ж̇обанагабан̃хам̣ уд̣̇аахари –

    Senako ajānanto ‘‘kiṃ hanti, kathaṃ hantī’’ti taṃ taṃ vilapitvā neva antaṃ passi, na koṭiṃ passi. Sesāpi appaṭibhānā ahesuṃ. Atha rājā vippaṭisārī hutvā puna rattibhāge devatāya ‘‘pañho te ñāto’’ti puṭṭho ‘‘mayā cattāro paṇḍitā puṭṭhā, tepi na jāniṃsū’’ti āha. Devatā ‘‘kiṃ te jānissanti, ṭhapetvā mahosadhapaṇḍitaṃ añño koci ete pañhe kathetuṃ samattho nāma natthi. Sace taṃ pakkosāpetvā ete pañhe na kathāpessasi, iminā te jalitena ayakūṭena sīsaṃ bhindissāmī’’ti rājānaṃ tajjetvā ‘‘mahārāja, agginā atthe sati khajjopanakaṃ dhamituṃ na vaṭṭati, khīrena atthe sati visāṇaṃ duhituṃ na vaṭṭatī’’ti vatvā imaṃ pañcakanipāte khajjopanakapañhaṃ udāhari –

    ‘‘го ну санд̇амхи баж̇ж̇од̇з, аг̇г̇ибариязсанам̣ жарам̣;

    ‘‘Ko nu santamhi pajjote, aggipariyesanaṃ caraṃ;

    ад̣̇д̣̇агки рад̇д̇и каж̇ж̇од̇ам̣, ж̇аад̇авзд̣̇ам̣ аман̃н̃ат̇а.

    Addakkhi ratti khajjotaṃ, jātavedaṃ amaññatha.

    ‘‘свасса г̇омаяажун̣н̣аани, абхимад̇т̇ам̣ д̇ин̣аани жа;

    ‘‘Svassa gomayacuṇṇāni, abhimatthaṃ tiṇāni ca;

    вибарийд̇ааяа сан̃н̃ааяа, наасагки баж̇ж̇алзд̇авз.

    Viparītāya saññāya, nāsakkhi pajjaletave.

    ‘‘звамби анубааязна, ад̇т̇ам̣ на лабхад̇з миг̇о;

    ‘‘Evampi anupāyena, atthaṃ na labhate migo;

    висаан̣ад̇о г̇авам̣ д̣̇охам̣, яад̇т̇а кийрам̣ на винд̣̇ад̇и.

    Visāṇato gavaṃ dohaṃ, yattha khīraṃ na vindati.

    ‘‘вивид̇хзхи убааязхи, ад̇т̇ам̣ баббонд̇и маан̣аваа;

    ‘‘Vividhehi upāyehi, atthaṃ papponti māṇavā;

    ниг̇г̇ахзна амид̇д̇аанам̣, мид̇д̇аанам̣ баг̇г̇ахзна жа.

    Niggahena amittānaṃ, mittānaṃ paggahena ca.

    ‘‘сзнаамогкабалаабхзна, валлабхаанам̣ наязна жа;

    ‘‘Senāmokkhapalābhena, vallabhānaṃ nayena ca;

    ж̇аг̇ад̇им̣ ж̇аг̇ад̇ибаалаа, аавасанд̇и васунд̇хара’’нд̇и. (ж̇аа. 1.5.75-79);

    Jagatiṃ jagatipālā, āvasanti vasundhara’’nti. (jā. 1.5.75-79);

    д̇ад̇т̇а санд̇амхи баж̇ж̇од̇зд̇и аг̇г̇имхи санд̇з. жаранд̇и жаранд̇о. ад̣̇д̣̇агкийд̇и басси, д̣̇исваа жа бана ван̣н̣асааман̃н̃ад̇ааяа каж̇ж̇обанагам̣ ‘‘ж̇аад̇авзд̣̇о аяам̣ бхависсад̇ий’’д̇и аман̃н̃ид̇т̇а. свассаад̇и со асса каж̇ж̇обанагасса убари сукумаани г̇омаяажун̣н̣аани жзва д̇ин̣аани жа. абхимад̇т̇анд̇и хад̇т̇зхи гхам̣сид̇ваа аагиранд̇о ж̇ан̣н̣угзхи бхуумияам̣ бад̇идтааяа мукзна д̇хаманд̇о ж̇аалзссаами нанд̇и вибарийд̇ааяа сан̃н̃ааяа вааяаманд̇оби ж̇аалзд̇ум̣ наасагки. миг̇од̇и миг̇асад̣̇исо анд̇хаб̣аало звам̣ анубааязна бариязсанд̇о ад̇т̇ам̣ на лабхад̇и. яад̇т̇аад̇и яасмим̣ висаан̣з кийрамзва над̇т̇и, д̇ад̇о г̇аавим̣ д̣̇уханд̇о вияа жа ад̇т̇ам̣ на винд̣̇ад̇и. сзнаамогкабалаабхзнаад̇и сзнаамогкаанам̣ амажжаанам̣ лаабхзна. валлабхаананд̇и бияаманаабаанам̣ виссаасигаанам̣ амажжаанам̣ наязна жа. васунд̇харанд̇и васусан̇каад̇аанам̣ рад̇анаанам̣ д̇хааран̣ад̇о васунд̇харанд̇и лад̣̇д̇ханаамам̣ ж̇аг̇ад̇им̣ ж̇аг̇ад̇ибаалаа рааж̇аано аавасанд̇и.

    Tattha santamhi pajjoteti aggimhi sante. Caranti caranto. Addakkhīti passi, disvā ca pana vaṇṇasāmaññatāya khajjopanakaṃ ‘‘jātavedo ayaṃ bhavissatī’’ti amaññittha. Svassāti so assa khajjopanakassa upari sukhumāni gomayacuṇṇāni ceva tiṇāni ca. Abhimatthanti hatthehi ghaṃsitvā ākiranto jaṇṇukehi bhūmiyaṃ patiṭṭhāya mukhena dhamanto jālessāmi nanti viparītāya saññāya vāyamantopi jāletuṃ nāsakkhi. Migoti migasadiso andhabālo evaṃ anupāyena pariyesanto atthaṃ na labhati. Yatthāti yasmiṃ visāṇe khīrameva natthi, tato gāviṃ duhanto viya ca atthaṃ na vindati. Senāmokkhapalābhenāti senāmokkhānaṃ amaccānaṃ lābhena. Vallabhānanti piyamanāpānaṃ vissāsikānaṃ amaccānaṃ nayena ca. Vasundharanti vasusaṅkhātānaṃ ratanānaṃ dhāraṇato vasundharanti laddhanāmaṃ jagatiṃ jagatipālā rājāno āvasanti.

    на д̇з д̇аяаа сад̣̇исаа худ̇ваа аг̇г̇имхи виж̇ж̇амаанзязва каж̇ж̇обанагам̣ д̇хаманд̇и. махаарааж̇а, д̇вам̣ бана аг̇г̇имхи сад̇и каж̇ж̇обанагам̣ д̇хаманд̇о вияа, д̇улам̣ чад̣д̣зд̇ваа хад̇т̇зна д̇улаяанд̇о вияа, кийрзна ад̇т̇з ж̇аад̇з висаан̣ад̇о д̣̇уханд̇о вияа жа, сзнагаад̣̇аяо бужчаси, зд̇з гим̣ ж̇аананд̇и. каж̇ж̇обанагасад̣̇исаа хзд̇з. аг̇г̇игканд̇хасад̣̇исо махосад̇хо бан̃н̃ааяа ж̇алад̇и, д̇ам̣ баггосаабзд̇ваа бужча. имз д̇з бан̃хз аж̇аананд̇асса ж̇ийвид̇ам̣ над̇т̇ийд̇и рааж̇аанам̣ д̇аж̇ж̇зд̇ваа анд̇арад̇хааяи.

    Na te tayā sadisā hutvā aggimhi vijjamāneyeva khajjopanakaṃ dhamanti. Mahārāja, tvaṃ pana aggimhi sati khajjopanakaṃ dhamanto viya, tulaṃ chaḍḍetvā hatthena tulayanto viya, khīrena atthe jāte visāṇato duhanto viya ca, senakādayo pucchasi, ete kiṃ jānanti. Khajjopanakasadisā hete. Aggikkhandhasadiso mahosadho paññāya jalati, taṃ pakkosāpetvā puccha. Ime te pañhe ajānantassa jīvitaṃ natthīti rājānaṃ tajjetvā antaradhāyi.

    каж̇ж̇обанагабан̃хо нидтид̇о.

    Khajjopanakapañho niṭṭhito.

    бхуурибан̃хо

    Bhūripañho

    ат̇а рааж̇аа маран̣абхаяад̇аж̇ж̇ид̇о бунад̣̇ивасз жад̇д̇ааро амажжз баггосаабзд̇ваа ‘‘д̇аад̇аа, д̇умхз жад̇д̇ааро жад̇уусу рат̇зсу тад̇ваа жад̇уухи наг̇арад̣̇ваарзхи нигкамид̇ваа яад̇т̇а мама буд̇д̇ам̣ махосад̇хабан̣д̣ид̇ам̣ бассат̇а, д̇ад̇т̇звасса саггаарам̣ гад̇ваа киббам̣ аанзт̇аа’’д̇и аан̣аабзси. д̇зби жад̇д̇ааро згзгзна д̣̇ваарзна нигкамим̣су. д̇зсу д̇аяо ж̇анаа бан̣д̣ид̇ам̣ на бассим̣су. д̣̇агкин̣ад̣̇ваарзна нигканд̇о бана д̣̇агкин̣аяавамаж̇жхагаг̇аамз махаасад̇д̇ам̣ мад̇д̇игам̣ аахарид̇ваа аажарияасса жаггам̣ ваддзд̇ваа мад̇д̇игаамагкид̇асарийрам̣ балаалабидтагз нисийд̣̇ид̇ваа мудтим̣ мудтим̣ гад̇ваа аббасуубам̣ яавабхад̇д̇ам̣ бхун̃ж̇амаанам̣ басси. гасмаа банзса зд̇ам̣ гаммам̣ агаасийд̇и? рааж̇аа гира ‘‘ниссам̣саяам̣ бан̣д̣ид̇о раж̇ж̇ам̣ г̇ан̣хиссад̇ий’’д̇и аасан̇гад̇и. ‘‘со ‘гумбхагаарагаммзна ж̇ийвад̇ий’д̇и суд̇ваа нираасан̇го бхависсад̇ий’’д̇и жинд̇зд̇ваа звамагаасийд̇и. со амажжам̣ д̣̇исваа ад̇д̇ано санд̇игам̣ ааг̇ад̇абхаавам̣ н̃ад̇ваа ‘‘аж̇ж̇а маяхам̣ яасо буна баагад̇иго бхависсад̇и, амараад̣̇звияаа самбаад̣̇ид̇ам̣ наанаг̇г̇арасабхож̇анамзва бхун̃ж̇иссаамий’’д̇и жинд̇зд̇ваа г̇ахид̇ам̣ яавабхад̇д̇абин̣д̣ам̣ чад̣д̣зд̇ваа удтааяа мукам̣ вигкаалзд̇ваа нисийд̣̇и. д̇асмим̣ кан̣з со амажжо д̇ам̣ убасан̇гами. со бана сзнагабагкиго, д̇асмаа нам̣ гхадзнд̇о ‘‘бан̣д̣ид̇а, аажарияасзнагасса важанам̣ нияяаанигам̣, д̇ава наама яасз барихийнз д̇ат̇ааруубаа бан̃н̃аа бад̇идтаа ход̇ум̣ наасагки, ид̣̇аани мад̇д̇игаамагкид̇о балаалабидтз нисийд̣̇ид̇ваа зваруубам̣ бхад̇д̇ам̣ бхун̃ж̇асий’’д̇и вад̇ваа д̣̇асаганибаад̇з бхуурибан̃хз батамам̣ г̇аат̇амааха –

    Atha rājā maraṇabhayatajjito punadivase cattāro amacce pakkosāpetvā ‘‘tātā, tumhe cattāro catūsu rathesu ṭhatvā catūhi nagaradvārehi nikkhamitvā yattha mama puttaṃ mahosadhapaṇḍitaṃ passatha, tatthevassa sakkāraṃ katvā khippaṃ ānethā’’ti āṇāpesi. Tepi cattāro ekekena dvārena nikkhamiṃsu. Tesu tayo janā paṇḍitaṃ na passiṃsu. Dakkhiṇadvārena nikkhanto pana dakkhiṇayavamajjhakagāme mahāsattaṃ mattikaṃ āharitvā ācariyassa cakkaṃ vaṭṭetvā mattikāmakkhitasarīraṃ palālapiṭṭhake nisīditvā muṭṭhiṃ muṭṭhiṃ katvā appasūpaṃ yavabhattaṃ bhuñjamānaṃ passi. Kasmā panesa etaṃ kammaṃ akāsīti? Rājā kira ‘‘nissaṃsayaṃ paṇḍito rajjaṃ gaṇhissatī’’ti āsaṅkati. ‘‘So ‘kumbhakārakammena jīvatī’ti sutvā nirāsaṅko bhavissatī’’ti cintetvā evamakāsīti. So amaccaṃ disvā attano santikaṃ āgatabhāvaṃ ñatvā ‘‘ajja mayhaṃ yaso puna pākatiko bhavissati, amarādeviyā sampāditaṃ nānaggarasabhojanameva bhuñjissāmī’’ti cintetvā gahitaṃ yavabhattapiṇḍaṃ chaḍḍetvā uṭṭhāya mukhaṃ vikkhāletvā nisīdi. Tasmiṃ khaṇe so amacco taṃ upasaṅkami. So pana senakapakkhiko, tasmā naṃ ghaṭento ‘‘paṇḍita, ācariyasenakassa vacanaṃ niyyānikaṃ, tava nāma yase parihīne tathārūpā paññā patiṭṭhā hotuṃ nāsakkhi, idāni mattikāmakkhito palālapiṭṭhe nisīditvā evarūpaṃ bhattaṃ bhuñjasī’’ti vatvā dasakanipāte bhūripañhe paṭhamaṃ gāthamāha –

    ‘‘сажжам̣ гира, д̇вам̣ аби бхуурибан̃н̃а, яаа д̇аад̣̇исий сирий д̇хид̇ий мад̇ий жа;

    ‘‘Saccaṃ kira, tvaṃ api bhūripañña, yā tādisī sirī dhitī matī ca;

    на д̇ааяад̇збхаававасуубанид̇ам̣, яо яавагам̣ бхун̃ж̇аси аббасууба’’нд̇и. (ж̇аа. 1.10.145);

    Na tāyatebhāvavasūpanitaṃ, yo yavakaṃ bhuñjasi appasūpa’’nti. (jā. 1.10.145);

    д̇ад̇т̇а сажжам̣ гираад̇и яам̣ аажарияасзнаго ааха, д̇ам̣ гира сажжамзва. сирийд̇и иссарияам̣. д̇хид̇ийд̇и аб̣бхожчиннавийрияам̣. на д̇ааяад̇збхаававасуубанид̇анд̇и абхаавасса авуд̣дхияаа васам̣ убанийд̇ам̣ д̇ам̣ на рагкад̇и на г̇обзд̇и, бад̇идтаа ход̇ум̣ на саггод̇и. яаваганд̇и яавабхад̇д̇ам̣.

    Tattha saccaṃ kirāti yaṃ ācariyasenako āha, taṃ kira saccameva. Sirīti issariyaṃ. Dhitīti abbhocchinnavīriyaṃ. Na tāyatebhāvavasūpanitanti abhāvassa avuḍḍhiyā vasaṃ upanītaṃ taṃ na rakkhati na gopeti, patiṭṭhā hotuṃ na sakkoti. Yavakanti yavabhattaṃ.

    ат̇а нам̣ махаасад̇д̇о ‘‘анд̇хаб̣аала, ахам̣ ад̇д̇ано бан̃н̃ааб̣алзна буна д̇ам̣ яасам̣ баагад̇игам̣ гаад̇угаамо звам̣ гаромий’’д̇и вад̇ваа имам̣ г̇аат̇аад̣̇ваяамааха –

    Atha naṃ mahāsatto ‘‘andhabāla, ahaṃ attano paññābalena puna taṃ yasaṃ pākatikaṃ kātukāmo evaṃ karomī’’ti vatvā imaṃ gāthādvayamāha –

    ‘‘сукам̣ д̣̇угкзна барибаажаяанд̇о, гаалаагаалам̣ вижинам̣ чанд̣̇ачанно;

    ‘‘Sukhaṃ dukkhena paripācayanto, kālākālaṃ vicinaṃ chandachanno;

    ад̇т̇асса д̣̇ваараани аваабуранд̇о, д̇знаахам̣ д̇уссаами яавод̣̇анзна.

    Atthassa dvārāni avāpuranto, tenāhaṃ tussāmi yavodanena.

    ‘‘гаалан̃жа н̃ад̇ваа абхиж̇ийханааяа, манд̇зхи ад̇т̇ам̣ барибаажаяид̇ваа;

    ‘‘Kālañca ñatvā abhijīhanāya, mantehi atthaṃ paripācayitvā;

    виж̇амбхиссам̣ сийхавиж̇амбхид̇аани, д̇ааяид̣̇д̇хияаа д̣̇агкаси мам̣ бунаабий’’д̇и. (ж̇аа. 1.10.146-147);

    Vijambhissaṃ sīhavijambhitāni, tāyiddhiyā dakkhasi maṃ punāpī’’ti. (jā. 1.10.146-147);

    д̇ад̇т̇а д̣̇угкзнаад̇и иминаа гааяигажзд̇асигад̣̇угкзна ад̇д̇ано бораан̣агасукам̣ бадибаагад̇игагаран̣зна барибаажаяанд̇овад̣дхзнд̇о. гаалаагааланд̇и аяам̣ бадижчанно худ̇ваа жаран̣агаало, аяам̣ аббадижчаннод̇и звам̣ гаалан̃жа агаалан̃жа вижинанд̇о ран̃н̃о гуд̣̇д̇хагаалз чаннзна жарид̇аб̣б̣анд̇и н̃ад̇ваа чанд̣̇зна ад̇д̇ано ружияаа чанно бадижчанно худ̇ваа гумбхагаарагаммзна ж̇ийванд̇о ад̇д̇ано ад̇т̇асса гааран̣асан̇каад̇аани д̣̇ваараани аваабуранд̇о вихараами, д̇зна гааран̣знаахам̣ яавод̣̇анзна д̇уссаамийд̇и ад̇т̇о. абхиж̇ийханааяаад̇и вийрияагаран̣асса. манд̇зхи ад̇т̇ам̣ барибаажаяид̇ваад̇и ад̇д̇ано н̃аан̣аб̣алзна мама яасам̣ вад̣дхзд̇ваа маносилаад̇алз виж̇амбхамаано сийхо вияа виж̇амбхиссам̣, д̇ааяа ид̣̇д̇хияаа мам̣ бунаби д̇вам̣ бассиссасийд̇и.

    Tattha dukkhenāti iminā kāyikacetasikadukkhena attano porāṇakasukhaṃ paṭipākatikakaraṇena paripācayantovaḍḍhento. Kālākālanti ayaṃ paṭicchanno hutvā caraṇakālo, ayaṃ appaṭicchannoti evaṃ kālañca akālañca vicinanto rañño kuddhakāle channena caritabbanti ñatvā chandena attano ruciyā channo paṭicchanno hutvā kumbhakārakammena jīvanto attano atthassa kāraṇasaṅkhātāni dvārāni avāpuranto viharāmi, tena kāraṇenāhaṃ yavodanena tussāmīti attho. Abhijīhanāyāti vīriyakaraṇassa. Mantehi atthaṃ paripācayitvāti attano ñāṇabalena mama yasaṃ vaḍḍhetvā manosilātale vijambhamāno sīho viya vijambhissaṃ, tāya iddhiyā maṃ punapi tvaṃ passissasīti.

    ат̇а нам̣ амажжо ааха – ‘‘бан̣д̣ид̇а, чад̇д̇з ад̇хивад̇т̇аа д̣̇звад̇аа рааж̇аанам̣ бан̃хам̣ бужчи. рааж̇аа жад̇д̇ааро бан̣д̣ид̇з бужчи. д̇зсу згоби д̇ам̣ бан̃хам̣ гат̇зд̇ум̣ наасагки, д̇асмаа рааж̇аа д̇ава санд̇игам̣ мам̣ бахин̣ий’’д̇и. ‘‘звам̣ санд̇з бан̃н̃ааяа аанубхаавам̣ гасмаа на бассаси, зваруубз хи гаалз на иссарияам̣ бад̇идтаа ход̇и, бан̃н̃аасамбаннова бад̇идтаа ход̇ий’’д̇и махаасад̇д̇о бан̃н̃ааяа аанубхаавам̣ ван̣н̣зси. амажжо ран̃н̃аа ‘‘бан̣д̣ид̇ам̣ д̣̇идтадтаанзязва саггаарам̣ гад̇ваа аанзт̇аа’’д̇и д̣̇иннам̣ гахаабан̣асахассам̣ махаасад̇д̇асса хад̇т̇з табзси. гумбхагааро ‘‘махосад̇хабан̣д̣ид̇о гира маяаа бзсагаарагаммам̣ гаарид̇о’’д̇и бхаяам̣ аабаж̇ж̇и. ат̇а нам̣ махаасад̇д̇о ‘‘маа бхааяи, аажарияа, б̣ахуубагааро д̇вам̣ амхаага’’нд̇и ассаасзд̇ваа сахассам̣ д̣̇ад̇ваа мад̇д̇игаамагкид̇знзва сарийрзна рат̇з нисийд̣̇ид̇ваа наг̇арам̣ баависи. амажжо ран̃н̃о аарожзд̇ваа ‘‘д̇аад̇а, гухим̣ бан̣д̣ид̇о д̣̇идто’’д̇и вуд̇д̇з ‘‘д̣̇зва, д̣̇агкин̣аяавамаж̇жхагаг̇аамз гумбхагаарагаммам̣ гад̇ваа ж̇ийвад̇и, д̇умхз баггосат̇аад̇и суд̇ваава анхааяид̇ваа мад̇д̇игаамагкид̇знзва сарийрзна ааг̇ад̇о’’д̇и ааха. рааж̇аа ‘‘сажз маяхам̣ бажжад̇т̇иго асса, иссарияавид̇хинаа жарзяяа, нааяам̣ мама бажжад̇т̇иго’’д̇и жинд̇зд̇ваа ‘‘мама буд̇д̇асса ‘ад̇д̇ано гхарам̣ г̇анд̇ваа нхад̇ваа алан̇гарид̇ваа маяаа д̣̇иннавид̇хаанзна ааг̇ажчад̇уу’д̇и вад̣̇зяяаат̇аа’’д̇и ааха. д̇ам̣ суд̇ваа бан̣д̣ид̇о д̇ат̇аа гад̇ваа ааг̇анд̇ваа ‘‘бависад̇уу’’д̇и вуд̇д̇з бависид̇ваа рааж̇аанам̣ ванд̣̇ид̇ваа згаманд̇ам̣ адтааси. рааж̇аа бадисант̇аарам̣ гад̇ваа бан̣д̣ид̇ам̣ виймам̣санд̇о имам̣ г̇аат̇амааха –

    Atha naṃ amacco āha – ‘‘paṇḍita, chatte adhivatthā devatā rājānaṃ pañhaṃ pucchi. Rājā cattāro paṇḍite pucchi. Tesu ekopi taṃ pañhaṃ kathetuṃ nāsakkhi, tasmā rājā tava santikaṃ maṃ pahiṇī’’ti. ‘‘Evaṃ sante paññāya ānubhāvaṃ kasmā na passasi, evarūpe hi kāle na issariyaṃ patiṭṭhā hoti, paññāsampannova patiṭṭhā hotī’’ti mahāsatto paññāya ānubhāvaṃ vaṇṇesi. Amacco raññā ‘‘paṇḍitaṃ diṭṭhaṭṭhāneyeva sakkāraṃ katvā ānethā’’ti dinnaṃ kahāpaṇasahassaṃ mahāsattassa hatthe ṭhapesi. Kumbhakāro ‘‘mahosadhapaṇḍito kira mayā pesakārakammaṃ kārito’’ti bhayaṃ āpajji. Atha naṃ mahāsatto ‘‘mā bhāyi, ācariya, bahūpakāro tvaṃ amhāka’’nti assāsetvā sahassaṃ datvā mattikāmakkhiteneva sarīrena rathe nisīditvā nagaraṃ pāvisi. Amacco rañño ārocetvā ‘‘tāta, kuhiṃ paṇḍito diṭṭho’’ti vutte ‘‘deva, dakkhiṇayavamajjhakagāme kumbhakārakammaṃ katvā jīvati, tumhe pakkosathāti sutvāva anhāyitvā mattikāmakkhiteneva sarīrena āgato’’ti āha. Rājā ‘‘sace mayhaṃ paccatthiko assa, issariyavidhinā careyya, nāyaṃ mama paccatthiko’’ti cintetvā ‘‘mama puttassa ‘attano gharaṃ gantvā nhatvā alaṅkaritvā mayā dinnavidhānena āgacchatū’ti vadeyyāthā’’ti āha. Taṃ sutvā paṇḍito tathā katvā āgantvā ‘‘pavisatū’’ti vutte pavisitvā rājānaṃ vanditvā ekamantaṃ aṭṭhāsi. Rājā paṭisanthāraṃ katvā paṇḍitaṃ vīmaṃsanto imaṃ gāthamāha –

    ‘‘сукийби хзгз на гаронд̇и баабам̣, аван̣н̣асам̣саг̇г̇абхаяаа бунзгз;

    ‘‘Sukhīpi heke na karonti pāpaṃ, avaṇṇasaṃsaggabhayā puneke;

    бахуу самаано вибулад̇т̇ажинд̇ий, гим̣ гааран̣аа мз на гароси д̣̇угка’’нд̇и. (ж̇аа. 1.10.148);

    Pahū samāno vipulatthacintī, kiṃ kāraṇā me na karosi dukkha’’nti. (jā. 1.10.148);

    д̇ад̇т̇а сукийд̇и бан̣д̣ид̇а, згажжз ‘‘маяам̣ сукино самбаннаиссарияаа, алам̣ но зд̇д̇агзнаа’’д̇и уд̇д̇ари иссарияагааран̣аа баабам̣ на гаронд̇и, згажжз ‘‘зваруубасса но яасад̣̇ааяагасса саамигасса абараж̇жханд̇аанам̣ аван̣н̣о бхависсад̇ий’’д̇и аван̣н̣асам̣саг̇г̇абхаяаа на гаронд̇и. зго на самад̇т̇о ход̇и, зго манд̣̇абан̃н̃о, д̇вам̣ бана самад̇т̇о жа вибулад̇т̇ажинд̇ий жа, ижчанд̇о бана сагалаж̇амб̣уд̣̇ийбз раж̇ж̇амби гаарзяяааси. гим̣ гааран̣аа мама раж̇ж̇ам̣ г̇ахзд̇ваа д̣̇угкам̣ на гаросийд̇и.

    Tattha sukhīti paṇḍita, ekacce ‘‘mayaṃ sukhino sampannaissariyā, alaṃ no ettakenā’’ti uttari issariyakāraṇā pāpaṃ na karonti, ekacce ‘‘evarūpassa no yasadāyakassa sāmikassa aparajjhantānaṃ avaṇṇo bhavissatī’’ti avaṇṇasaṃsaggabhayā na karonti. Eko na samattho hoti, eko mandapañño, tvaṃ pana samattho ca vipulatthacintī ca, icchanto pana sakalajambudīpe rajjampi kāreyyāsi. Kiṃ kāraṇā mama rajjaṃ gahetvā dukkhaṃ na karosīti.

    ат̇а нам̣ б̣од̇хисад̇д̇о ааха –

    Atha naṃ bodhisatto āha –

    ‘‘на бан̣д̣ид̇аа ад̇д̇асукасса хзд̇у, баабаани гаммаани самаажаранд̇и;

    ‘‘Na paṇḍitā attasukhassa hetu, pāpāni kammāni samācaranti;

    д̣̇угкзна пудтаа калид̇ааби санд̇аа, чанд̣̇аа жа д̣̇осаа на ж̇аханд̇и д̇хамма’’нд̇и. (ж̇аа. 1.10.149);

    Dukkhena phuṭṭhā khalitāpi santā, chandā ca dosā na jahanti dhamma’’nti. (jā. 1.10.149);

    д̇ад̇т̇а калид̇аабийд̇и самбад̇д̇ид̇о калид̇ваа вибад̇д̇ияам̣ тид̇асабхааваа худ̇вааби. на ж̇аханд̇и д̇хамманд̇и бавзн̣ияад̇хаммамби сужарид̇ад̇хаммамби на ж̇аханд̇и.

    Tattha khalitāpīti sampattito khalitvā vipattiyaṃ ṭhitasabhāvā hutvāpi. Na jahanti dhammanti paveṇiyadhammampi sucaritadhammampi na jahanti.

    буна рааж̇аа д̇асса виймам̣санад̇т̇ам̣ кад̇д̇ияамааяам̣ гат̇знд̇о имам̣ г̇аат̇амааха –

    Puna rājā tassa vīmaṃsanatthaṃ khattiyamāyaṃ kathento imaṃ gāthamāha –

    ‘‘язна гзнажи ван̣н̣зна, муд̣̇унаа д̣̇аарун̣зна ваа;

    ‘‘Yena kenaci vaṇṇena, mudunā dāruṇena vā;

    уд̣̇д̇харз д̣̇ийнамад̇д̇аанам̣, бажчаа д̇хаммам̣ самаажарз’’д̇и. (ж̇аа. 1.10.150);

    Uddhare dīnamattānaṃ, pacchā dhammaṃ samācare’’ti. (jā. 1.10.150);

    д̇ад̇т̇а д̣̇ийнанд̇и д̣̇уг̇г̇ад̇ам̣ ад̇д̇аанам̣ уд̣̇д̇харид̇ваа самбад̇д̇ияам̣ табзяяаад̇и.

    Tattha dīnanti duggataṃ attānaṃ uddharitvā sampattiyaṃ ṭhapeyyāti.

    ат̇асса махаасад̇д̇о ругкуубамам̣ д̣̇ассзнд̇о имам̣ г̇аат̇амааха –

    Athassa mahāsatto rukkhūpamaṃ dassento imaṃ gāthamāha –

    ‘‘яасса ругкасса чааяааяа, нисийд̣̇зяяа саязяяа ваа;

    ‘‘Yassa rukkhassa chāyāya, nisīdeyya sayeyya vā;

    на д̇асса саакам̣ бхан̃ж̇зяяа, мид̇д̇ад̣̇уб̣бхо хи баабаго’’д̇и. (ж̇аа. 1.10.151);

    Na tassa sākhaṃ bhañjeyya, mittadubbho hi pāpako’’ti. (jā. 1.10.151);

    зван̃жа бана вад̇ваа – ‘‘махаарааж̇а, яад̣̇и барибхуд̇д̇аругкасса саакам̣ бхан̃ж̇анд̇оби мид̇д̇ад̣̇уб̣бхий ход̇и , язхи д̇умхзхи мама бид̇аа ул̣аарз иссарияз бад̇идтаабид̇о, ахан̃жа маханд̇зна ануг̇г̇ахзна ануг̇г̇ахид̇о, д̇зсу д̇умхзсу абараж̇жханд̇о ахам̣ гат̇ам̣ наама мид̇д̇ад̣̇уб̣бхо на бхавзяяа’’нд̇и саб̣б̣ат̇ааби ад̇д̇ано амид̇д̇ад̣̇уб̣бхибхаавам̣ гат̇зд̇ваа ран̃н̃о жид̇д̇аажаарам̣ жод̣̇знд̇о имам̣ г̇аат̇амааха –

    Evañca pana vatvā – ‘‘mahārāja, yadi paribhuttarukkhassa sākhaṃ bhañjantopi mittadubbhī hoti , yehi tumhehi mama pitā uḷāre issariye patiṭṭhāpito, ahañca mahantena anuggahena anuggahito, tesu tumhesu aparajjhanto ahaṃ kathaṃ nāma mittadubbho na bhaveyya’’nti sabbathāpi attano amittadubbhibhāvaṃ kathetvā rañño cittācāraṃ codento imaṃ gāthamāha –

    ‘‘яассааби д̇хаммам̣ бурисо виж̇ан̃н̃аа, яз жасса ган̇кам̣ винаяанд̇и санд̇о;

    ‘‘Yassāpi dhammaṃ puriso vijaññā, ye cassa kaṅkhaṃ vinayanti santo;

    д̇ам̣ хисса д̣̇ийбан̃жа барааяан̣ан̃жа, на д̇зна мзд̇д̇им̣ ж̇араязт̇а бан̃н̃о’’д̇и. (ж̇аа. 1.10.152);

    Taṃ hissa dīpañca parāyaṇañca, na tena mettiṃ jarayetha pañño’’ti. (jā. 1.10.152);

    д̇ассад̇т̇о – махаарааж̇а, яасса аажарияасса санд̇игаа яо бурисо аббамад̇д̇агамби д̇хаммам̣ гааран̣ам̣ ж̇аанзяяа, яз жасса санд̇о уббаннам̣ ган̇кам̣ винаяанд̇и, д̇ам̣ д̇асса бад̇идтаанадтзна д̣̇ийбан̃жзва барааяан̣ан̃жа, д̇аад̣̇исзна аажариязна сад̣̇д̇хим̣ бан̣д̣ид̇о мид̇д̇абхаавам̣ наама на ж̇ийрзяяа на наасзяяа.

    Tassattho – mahārāja, yassa ācariyassa santikā yo puriso appamattakampi dhammaṃ kāraṇaṃ jāneyya, ye cassa santo uppannaṃ kaṅkhaṃ vinayanti, taṃ tassa patiṭṭhānaṭṭhena dīpañceva parāyaṇañca, tādisena ācariyena saddhiṃ paṇḍito mittabhāvaṃ nāma na jīreyya na nāseyya.

    ид̣̇аани д̇ам̣ овад̣̇анд̇о имам̣ г̇аат̇аад̣̇ваяамааха –

    Idāni taṃ ovadanto imaṃ gāthādvayamāha –

    ‘‘аласо г̇ихий гаамабхог̇ий на саад̇ху, асан̃н̃ад̇о баб̣б̣аж̇ид̇о на саад̇ху;

    ‘‘Alaso gihī kāmabhogī na sādhu, asaññato pabbajito na sādhu;

    рааж̇аа на саад̇ху анисаммагаарий, яо бан̣д̣ид̇о год̇хано д̇ам̣ на саад̇ху.

    Rājā na sādhu anisammakārī, yo paṇḍito kodhano taṃ na sādhu.

    ‘‘нисамма кад̇д̇ияо гаяираа, наанисамма д̣̇исамбад̇и;

    ‘‘Nisamma khattiyo kayirā, nānisamma disampati;

    нисаммагаарино рааж̇а, яасо гид̇д̇и жа вад̣дхад̇ий’’д̇и. (ж̇аа. 1.10.153-154);

    Nisammakārino rāja, yaso kitti ca vaḍḍhatī’’ti. (jā. 1.10.153-154);

    д̇ад̇т̇а на саад̇хууд̇и на сунд̣̇аро. анисаммагаарийд̇и гин̃жи суд̇ваа анубад̇хаарзд̇ваа ад̇д̇ано бажжагкам̣ агад̇ваа гаараго. яасо гид̇д̇и жаад̇и иссарияабаривааро жа г̇ун̣агид̇д̇и жа зганд̇зна вад̣дхад̇ийд̇и.

    Tattha na sādhūti na sundaro. Anisammakārīti kiñci sutvā anupadhāretvā attano paccakkhaṃ akatvā kārako. Yaso kitti cāti issariyaparivāro ca guṇakitti ca ekantena vaḍḍhatīti.

    бхуурибан̃хо нидтид̇о.

    Bhūripañho niṭṭhito.

    д̣̇звад̇аабан̃хо

    Devatāpañho

    звам̣ вуд̇д̇з рааж̇аа махаасад̇д̇ам̣ самуссид̇асзд̇ажчад̇д̇з рааж̇абаллан̇гз нисийд̣̇аабзд̇ваа саяам̣ нийжаасанз нисийд̣̇ид̇ваа ааха – ‘‘бан̣д̣ид̇а, сзд̇ажчад̇д̇з ад̇хивад̇т̇аа д̣̇звад̇аа мам̣ жад̇д̇ааро бан̃хз бужчи, д̇з ахам̣ на ж̇аанаами. жад̇д̇аароби бан̣д̣ид̇аа на ж̇ааним̣су, гат̇зхи мз, д̇аад̇а, д̇з бан̃хз’’д̇и. махаарааж̇а, чад̇д̇з ад̇хивад̇т̇аа д̣̇звад̇аа ваа ход̇у, жаад̇умахаарааж̇игаад̣̇аяо ваа хонд̇у, язна гзнажи бужчид̇абан̃хам̣ ахам̣ гат̇зд̇ум̣ саггоми. вад̣̇а, махаарааж̇а, д̣̇звад̇ааяа бужчид̇абан̃хзд̇и. ат̇а рааж̇аа д̣̇звад̇ааяа бужчид̇анияаамзнзва гат̇знд̇о батамам̣ г̇аат̇амааха –

    Evaṃ vutte rājā mahāsattaṃ samussitasetacchatte rājapallaṅke nisīdāpetvā sayaṃ nīcāsane nisīditvā āha – ‘‘paṇḍita, setacchatte adhivatthā devatā maṃ cattāro pañhe pucchi, te ahaṃ na jānāmi. Cattāropi paṇḍitā na jāniṃsu, kathehi me, tāta, te pañhe’’ti. Mahārāja, chatte adhivatthā devatā vā hotu, cātumahārājikādayo vā hontu, yena kenaci pucchitapañhaṃ ahaṃ kathetuṃ sakkomi. Vada, mahārāja, devatāya pucchitapañheti. Atha rājā devatāya pucchitaniyāmeneva kathento paṭhamaṃ gāthamāha –

    ‘‘ханд̇и хад̇т̇зхи баад̣̇зхи, мукан̃жа барисумбхад̇и;

    ‘‘Hanti hatthehi pādehi, mukhañca parisumbhati;

    са вз рааж̇а бияо ход̇и, гам̣ д̇зна д̇ваабхибассасий’’д̇и. (ж̇аа. 1.4.197);

    Sa ve rāja piyo hoti, kaṃ tena tvābhipassasī’’ti. (jā. 1.4.197);

    д̇ад̇т̇а ханд̇ийд̇и бахарад̇и. барисумбхад̇ийд̇и бахарад̇иязва. са взд̇и со звам̣ гаронд̇о бияо ход̇и. гам̣ д̇зна д̇ваабхибассасийд̇и д̇зна бахаран̣агааран̣зна бияам̣ гад̇амам̣ буг̇г̇алам̣ д̇вам̣, рааж̇а, абхибассасийд̇и.

    Tattha hantīti paharati. Parisumbhatīti paharatiyeva. Sa veti so evaṃ karonto piyo hoti. Kaṃ tena tvābhipassasīti tena paharaṇakāraṇena piyaṃ katamaṃ puggalaṃ tvaṃ, rāja, abhipassasīti.

    махаасад̇д̇асса д̇ам̣ гат̇ам̣ суд̇ваава г̇аг̇анад̇алз бун̣н̣ажанд̣̇о вияа ад̇т̇о баагадо ахоси. ат̇а махаасад̇д̇о ‘‘сун̣а, махаарааж̇а, яад̣̇аа хи маад̇уан̇гз нибанно д̣̇ахарагумааро хадтад̇удто гийл̣анд̇о маад̇арам̣ хад̇т̇абаад̣̇зхи бахарад̇и, гзсз лун̃жад̇и, мудтинаа мукам̣ бахарад̇и, д̇ад̣̇аа нам̣ маад̇аа ‘жорабуд̇д̇ага, гат̇ам̣ д̇вам̣ но звам̣ бахарасий’д̇иаад̣̇ийни бзмасинзхавасзнзва вад̇ваа бзмам̣ санд̇хаарзд̇ум̣ асаггонд̇ий аалин̇г̇ид̇ваа т̇ананд̇арз нибаж̇ж̇аабзд̇ваа мукам̣ барижумб̣ад̇и. ид̇и со д̇ассаа зваруубз гаалз бияад̇аро ход̇и, д̇ат̇аа бид̇унобий’’д̇и звам̣ г̇аг̇анамаж̇жхз суурияам̣ удтаабзнд̇о вияа баагадам̣ гад̇ваа бан̃хам̣ гат̇зси. д̇ам̣ суд̇ваа д̣̇звад̇аа чад̇д̇абин̣д̣игам̣ виварид̇ваа нигкамид̇ваа убад̣дхам̣ сарийрам̣ д̣̇ассзд̇ваа ‘‘сугат̇ид̇о бан̣д̣ид̇зна бан̃хо’’д̇и мад̇хурассарзна саад̇хугаарам̣ д̣̇ад̇ваа рад̇анажан̇годагам̣ буурзд̇ваа д̣̇иб̣б̣абубпаг̇анд̇хаваасзхи б̣од̇хисад̇д̇ам̣ бууж̇зд̇ваа анд̇арад̇хааяи. рааж̇ааби бан̣д̣ид̇ам̣ бубпаад̣̇ийхи бууж̇зд̇ваа ид̇арам̣ бан̃хам̣ яаажид̇ваа ‘‘вад̣̇а, махаарааж̇аа’’д̇и вуд̇д̇з д̣̇уд̇ияам̣ г̇аат̇амааха –

    Mahāsattassa taṃ kathaṃ sutvāva gaganatale puṇṇacando viya attho pākaṭo ahosi. Atha mahāsatto ‘‘suṇa, mahārāja, yadā hi mātuaṅke nipanno daharakumāro haṭṭhatuṭṭho kīḷanto mātaraṃ hatthapādehi paharati, kese luñcati, muṭṭhinā mukhaṃ paharati, tadā naṃ mātā ‘coraputtaka, kathaṃ tvaṃ no evaṃ paharasī’tiādīni pemasinehavaseneva vatvā pemaṃ sandhāretuṃ asakkontī āliṅgitvā thanantare nipajjāpetvā mukhaṃ paricumbati. Iti so tassā evarūpe kāle piyataro hoti, tathā pitunopī’’ti evaṃ gaganamajjhe sūriyaṃ uṭṭhāpento viya pākaṭaṃ katvā pañhaṃ kathesi. Taṃ sutvā devatā chattapiṇḍikaṃ vivaritvā nikkhamitvā upaḍḍhaṃ sarīraṃ dassetvā ‘‘sukathito paṇḍitena pañho’’ti madhurassarena sādhukāraṃ datvā ratanacaṅkoṭakaṃ pūretvā dibbapupphagandhavāsehi bodhisattaṃ pūjetvā antaradhāyi. Rājāpi paṇḍitaṃ pupphādīhi pūjetvā itaraṃ pañhaṃ yācitvā ‘‘vada, mahārājā’’ti vutte dutiyaṃ gāthamāha –

    ‘‘аггосад̇и яат̇аагаамам̣, ааг̇аман̃жасса ижчад̇и;

    ‘‘Akkosati yathākāmaṃ, āgamañcassa icchati;

    са вз рааж̇а бияо ход̇и, гам̣ д̇зна д̇ваабхибассасий’’д̇и. (ж̇аа. 1.4.198);

    Sa ve rāja piyo hoti, kaṃ tena tvābhipassasī’’ti. (jā. 1.4.198);

    ат̇асса махаасад̇д̇о – ‘‘махаарааж̇а, маад̇аа важанабзсанам̣ гаад̇ум̣ самад̇т̇ам̣ сад̇д̇адтавассигам̣ буд̇д̇ам̣ ‘д̇аад̇а, кзд̇д̇ам̣ г̇ажча, анд̇араабан̣ам̣ г̇ажчаа’д̇иаад̣̇ийни вад̇ваа ‘амма, сажз ид̣̇ан̃жид̣̇ан̃жа каад̣̇анийяам̣ бхож̇анийяам̣ д̣̇ассаси, г̇амиссаамий’д̇и вуд̇д̇з ‘саад̇ху, буд̇д̇а, г̇ан̣хаахий’д̇и вад̇ваа д̣̇зд̇и. со д̣̇аараго д̇ам̣ каад̣̇ид̇ваа б̣ахи г̇анд̇ваа д̣̇аарагзхи сад̣̇д̇хим̣ гийл̣ид̇ваа маад̇убзсанам̣ на г̇ажчад̇и. маад̇араа ‘‘д̇аад̇а, г̇ажчаахий’д̇и вуд̇д̇з со маад̇арам̣ ‘амма, д̇вам̣ сийд̇ааяа гхаражчааяааяа нисийд̣̇аси, гим̣ бана ахам̣ д̇ава б̣ахи бзсанагаммам̣ гариссаами, ахам̣ д̇ам̣ ван̃жзмий’д̇и вад̇ваа хад̇т̇авигаарамукавигаарз гад̇ваа г̇ад̇о. саа г̇ажчанд̇ам̣ д̣̇исваа гуж̇жхид̇ваа д̣̇ан̣д̣агам̣ г̇ахзд̇ваа ‘д̇вам̣ мама санд̇агам̣ каад̣̇ид̇ваа кзд̇д̇з гижжам̣ гаад̇ум̣ на ижчасий’д̇и д̇аж̇ж̇знд̇ий взг̇зна балааяанд̇ам̣ ануб̣анд̇хид̇ваа баабун̣ид̇ум̣ асаггонд̇ий ‘жораа д̇ам̣ кан̣д̣аакан̣д̣ам̣ чинд̣̇анд̇уу’д̇иаад̣̇ийни вад̇ваа яат̇аагаамам̣ аггосад̇и барибхаасад̇и. яам̣ бана мукзна бхан̣ад̇и, д̇ат̇аа хад̣̇аяз аббамад̇д̇агамби на ижчад̇и, ааг̇аманан̃жасса ижчад̇и, со д̣̇ивасабхааг̇ам̣ гийл̣ид̇ваа сааяам̣ г̇зхам̣ бависид̇ум̣ ависаханд̇о н̃аад̇агаанам̣ санд̇игам̣ г̇ажчад̇и. маад̇аабисса ааг̇аманамаг̇г̇ам̣ ологзнд̇ий анааг̇ажчанд̇ам̣ д̣̇исваа ‘бависид̇ум̣ на висахад̇и ман̃н̃з’д̇и согасса хад̣̇аяам̣ буурзд̇ваа ассубун̣н̣зхи нзд̇д̇зхи н̃аад̇игхарз убад̇хаарзнд̇ий буд̇д̇ам̣ д̣̇исваа аалин̇г̇ид̇ваа сийсз жумб̣ид̇ваа убхохи хад̇т̇зхи д̣̇ал̣хам̣ г̇ахзд̇ваа ‘д̇аад̇а бияабуд̇д̇ага, мама важанам̣ хад̣̇аяз табзсий’д̇и ад̇ирзгад̇арам̣ бзмам̣ уббаад̣̇зси. звам̣, махаарааж̇а, маад̇уяаа гуд̣̇д̇хагаалз буд̇д̇о бияад̇аро наама ход̇ий’’д̇и д̣̇уд̇ияам̣ бан̃хам̣ гат̇зси. д̣̇звад̇аа д̇ат̇зва бууж̇зси.

    Athassa mahāsatto – ‘‘mahārāja, mātā vacanapesanaṃ kātuṃ samatthaṃ sattaṭṭhavassikaṃ puttaṃ ‘tāta, khettaṃ gaccha, antarāpaṇaṃ gacchā’tiādīni vatvā ‘amma, sace idañcidañca khādanīyaṃ bhojanīyaṃ dassasi, gamissāmī’ti vutte ‘sādhu, putta, gaṇhāhī’ti vatvā deti. So dārako taṃ khāditvā bahi gantvā dārakehi saddhiṃ kīḷitvā mātupesanaṃ na gacchati. Mātarā ‘‘tāta, gacchāhī’ti vutte so mātaraṃ ‘amma, tvaṃ sītāya gharacchāyāya nisīdasi, kiṃ pana ahaṃ tava bahi pesanakammaṃ karissāmi, ahaṃ taṃ vañcemī’ti vatvā hatthavikāramukhavikāre katvā gato. Sā gacchantaṃ disvā kujjhitvā daṇḍakaṃ gahetvā ‘tvaṃ mama santakaṃ khāditvā khette kiccaṃ kātuṃ na icchasī’ti tajjentī vegena palāyantaṃ anubandhitvā pāpuṇituṃ asakkontī ‘corā taṃ khaṇḍākhaṇḍaṃ chindantū’tiādīni vatvā yathākāmaṃ akkosati paribhāsati. Yaṃ pana mukhena bhaṇati, tathā hadaye appamattakampi na icchati, āgamanañcassa icchati, so divasabhāgaṃ kīḷitvā sāyaṃ gehaṃ pavisituṃ avisahanto ñātakānaṃ santikaṃ gacchati. Mātāpissa āgamanamaggaṃ olokentī anāgacchantaṃ disvā ‘pavisituṃ na visahati maññe’ti sokassa hadayaṃ pūretvā assupuṇṇehi nettehi ñātighare upadhārentī puttaṃ disvā āliṅgitvā sīse cumbitvā ubhohi hatthehi daḷhaṃ gahetvā ‘tāta piyaputtaka, mama vacanaṃ hadaye ṭhapesī’ti atirekataraṃ pemaṃ uppādesi. Evaṃ, mahārāja, mātuyā kuddhakāle putto piyataro nāma hotī’’ti dutiyaṃ pañhaṃ kathesi. Devatā tatheva pūjesi.

    рааж̇ааби бууж̇зд̇ваа д̇ад̇ияам̣ бан̃хам̣ яаажид̇ваа ‘‘вад̣̇а, махаарааж̇аа’’д̇и вуд̇д̇з д̇ад̇ияам̣ г̇аат̇амааха –

    Rājāpi pūjetvā tatiyaṃ pañhaṃ yācitvā ‘‘vada, mahārājā’’ti vutte tatiyaṃ gāthamāha –

    ‘‘аб̣бхагкаад̇и абхууд̇зна, алигзнаабхисаараяз;

    ‘‘Abbhakkhāti abhūtena, alikenābhisāraye;

    са вз рааж̇а бияо ход̇и, гам̣ д̇зна д̇ваабхибассасий’’д̇и. (ж̇аа. 1.4.199);

    Sa ve rāja piyo hoti, kaṃ tena tvābhipassasī’’ti. (jā. 1.4.199);

    ат̇асса махаасад̇д̇о ‘‘рааж̇а, яад̣̇аа убхо ж̇аяамбад̇игаа рахог̇ад̇аа логассаад̣̇арад̇ияаа гийл̣анд̇аа ‘бхад̣̇д̣̇з, д̇ава маяи бзмам̣ над̇т̇и, хад̣̇аяам̣ д̇з б̣ахи г̇ад̇а’нд̇и звам̣ ан̃н̃аман̃н̃ам̣ абхууд̇зна аб̣бхаажигканд̇и, алигзна саарзнд̇и жод̣̇знд̇и, д̇ад̣̇аа д̇з ад̇ирзгад̇арам̣ ан̃н̃аман̃н̃ам̣ бияааяанд̇и. звамасса бан̃хасса ад̇т̇ам̣ ж̇аанаахий’’д̇и гат̇зси. д̣̇звад̇аа д̇ат̇зва бууж̇зси.

    Athassa mahāsatto ‘‘rāja, yadā ubho jayampatikā rahogatā lokassādaratiyā kīḷantā ‘bhadde, tava mayi pemaṃ natthi, hadayaṃ te bahi gata’nti evaṃ aññamaññaṃ abhūtena abbhācikkhanti, alikena sārenti codenti, tadā te atirekataraṃ aññamaññaṃ piyāyanti. Evamassa pañhassa atthaṃ jānāhī’’ti kathesi. Devatā tatheva pūjesi.

    рааж̇ааби бууж̇зд̇ваа ид̇арам̣ бан̃хам̣ яаажид̇ваа ‘‘вад̣̇а, махаарааж̇аа’’д̇и вуд̇д̇з жад̇уд̇т̇ам̣ г̇аат̇амааха –

    Rājāpi pūjetvā itaraṃ pañhaṃ yācitvā ‘‘vada, mahārājā’’ti vutte catutthaṃ gāthamāha –

    ‘‘харам̣ аннан̃жа баанан̃жа, вад̇т̇асзнаасанаани жа;

    ‘‘Haraṃ annañca pānañca, vatthasenāsanāni ca;

    ан̃н̃ад̣̇ад̇т̇ухараа санд̇аа, д̇з вз рааж̇а бияаа хонд̇и;

    Aññadatthuharā santā, te ve rāja piyā honti;

    гам̣ д̇зна д̇ваабхибассасий’’д̇и. (ж̇аа. 1.4.200);

    Kaṃ tena tvābhipassasī’’ti. (jā. 1.4.200);

    ат̇асса махаасад̇д̇о ‘‘махаарааж̇а, аяам̣ бан̃хо д̇хаммигасаман̣аб̣раахман̣з санд̇хааяа вуд̇д̇о. сад̣̇д̇хаани хи гулаани ид̇халогабаралогам̣ сад̣̇д̣̇ахид̇ваа д̣̇знд̇и жзва д̣̇аад̇угаамаани жа хонд̇и, д̇аани д̇ат̇ааруубз саман̣аб̣раахман̣з яаажанд̇зби лад̣̇д̇хам̣ харанд̇з бхун̃ж̇анд̇зби д̣̇исваа ‘амхзязва яаажанд̇и, амхаагам̣язва санд̇агаани аннабаанаад̣̇ийни барибхун̃ж̇анд̇ий’д̇и д̇зсу ад̇ирзгад̇арам̣ бзмам̣ гаронд̇и. звам̣ ко, махаарааж̇а, ан̃н̃ад̣̇ад̇т̇ухараа санд̇аа згам̣сзна яаажанд̇аа жзва лад̣̇д̇хам̣ харанд̇аа жа самаанаа бияаа хонд̇ий’’д̇и гат̇зси. имасмим̣ бана бан̃хз гат̇ид̇з д̣̇звад̇аа д̇ат̇зва бууж̇зд̇ваа саад̇хугаарам̣ д̣̇ад̇ваа сад̇д̇арад̇анабуурам̣ рад̇анажан̇годагам̣ ‘‘г̇ан̣ха, махаабан̣д̣ид̇аа’’д̇и махаасад̇д̇асса баад̣̇амуулз киби. рааж̇аабисса ад̇ирзгад̇арам̣ бууж̇ам̣ гаронд̇о ад̇ивияа басийд̣̇ид̇ваа сзнаабад̇идтаанам̣ ад̣̇ааси. д̇ад̇о бадтааяа махаасад̇д̇асса яасо махаа ахоси.

    Athassa mahāsatto ‘‘mahārāja, ayaṃ pañho dhammikasamaṇabrāhmaṇe sandhāya vutto. Saddhāni hi kulāni idhalokaparalokaṃ saddahitvā denti ceva dātukāmāni ca honti, tāni tathārūpe samaṇabrāhmaṇe yācantepi laddhaṃ harante bhuñjantepi disvā ‘amheyeva yācanti, amhākaṃyeva santakāni annapānādīni paribhuñjantī’ti tesu atirekataraṃ pemaṃ karonti. Evaṃ kho, mahārāja, aññadatthuharā santā ekaṃsena yācantā ceva laddhaṃ harantā ca samānā piyā hontī’’ti kathesi. Imasmiṃ pana pañhe kathite devatā tatheva pūjetvā sādhukāraṃ datvā sattaratanapūraṃ ratanacaṅkoṭakaṃ ‘‘gaṇha, mahāpaṇḍitā’’ti mahāsattassa pādamūle khipi. Rājāpissa atirekataraṃ pūjaṃ karonto ativiya pasīditvā senāpatiṭṭhānaṃ adāsi. Tato paṭṭhāya mahāsattassa yaso mahā ahosi.

    д̣̇звад̇аабан̃хо нидтид̇о.

    Devatāpañho niṭṭhito.

    бан̃жабан̣д̣ид̇абан̃хо

    Pañcapaṇḍitapañho

    буна д̇з жад̇д̇ааро бан̣д̣ид̇аа ‘‘амбхо, г̇ахабад̇ибуд̇д̇о ид̣̇аани маханд̇ад̇аро ж̇аад̇о, гим̣ гаромаа’’д̇и манд̇аяим̣су. ат̇а нз сзнаго ааха – ‘‘ход̇у д̣̇идто мз убааяо, маяам̣ г̇ахабад̇ибуд̇д̇ам̣ убасан̇гамид̇ваа ‘рахассам̣ наама гасса гат̇зд̇ум̣ ваддад̇ий’д̇и бужчиссаама, со ‘на гассажи гат̇зд̇аб̣б̣а’нд̇и вагкад̇и. ат̇а нам̣ ‘г̇ахабад̇ибуд̇д̇о д̇з, д̣̇зва, бажжад̇т̇иго ж̇аад̇о’д̇и барибхинд̣̇иссаамаа’’д̇и. д̇з жад̇д̇аароби бан̣д̣ид̇аа д̇асса гхарам̣ г̇анд̇ваа бадисант̇аарам̣ гад̇ваа ‘‘бан̣д̣ид̇а, бан̃хам̣ бужчид̇угаамамхаа’’д̇и вад̇ваа ‘‘бужчат̇аа’’д̇и вуд̇д̇з сзнаго бужчи ‘‘бан̣д̣ид̇а, бурисзна наама гад̇т̇а бад̇идтаад̇аб̣б̣а’’нд̇и? ‘‘сажжз бад̇идтаад̇аб̣б̣а’’нд̇и. ‘‘сажжз бад̇идтид̇зна гим̣ уббаад̣̇зд̇аб̣б̣а’’нд̇и? ‘‘д̇ханам̣ уббаад̣̇зд̇аб̣б̣а’’нд̇и. ‘‘д̇ханам̣ уббаад̣̇зд̇ваа гим̣ гаад̇аб̣б̣а’’нд̇и? ‘‘манд̇о г̇ахзд̇аб̣б̣о’’д̇и. ‘‘манд̇ам̣ г̇ахзд̇ваа гим̣ гаад̇аб̣б̣а’’нд̇и? ‘‘ад̇д̇ано рахассам̣ барасса на гат̇зд̇аб̣б̣а’’нд̇и. д̇з ‘‘саад̇ху бан̣д̣ид̇аа’’д̇и вад̇ваа д̇удтамаанасаа худ̇ваа ‘‘ид̣̇аани г̇ахабад̇ибуд̇д̇асса бидтим̣ бассиссаамаа’’д̇и ран̃н̃о санд̇игам̣ г̇анд̇ваа ‘‘махаарааж̇а, г̇ахабад̇ибуд̇д̇о д̇з бажжад̇т̇иго ж̇аад̇о’’д̇и вад̣̇им̣су. ‘‘наахам̣ д̇умхаагам̣ важанам̣ сад̣̇д̣̇ахаами, на со маяхам̣ бажжад̇т̇иго бхависсад̇ий’’д̇и . сажжам̣, махаарааж̇а, сад̣̇д̣̇ахат̇а, асад̣̇д̣̇аханд̇о бана д̇амзва бужчат̇а ‘‘бан̣д̣ид̇а, ад̇д̇ано рахассам̣ наама гасса гат̇зд̇аб̣б̣а’’нд̇и? сажз бажжад̇т̇иго на бхависсад̇и, ‘‘асугасса наама гат̇зд̇аб̣б̣а’’нд̇и вагкад̇и. сажз бажжад̇т̇иго бхависсад̇и, ‘‘гассажи на гат̇зд̇аб̣б̣ам̣, манорат̇з барибун̣н̣з гат̇зд̇аб̣б̣а’’нд̇и вагкад̇и. д̇ад̣̇аа амхаагам̣ важанам̣ сад̣̇д̣̇ахид̇ваа нигган̇каа бхавзяяаат̇аад̇и. со ‘‘саад̇хуу’’д̇и самбадижчид̇ваа згад̣̇ивасам̣ саб̣б̣зсу самааг̇анд̇ваа нисиннзсу вийсад̇инибаад̇з бан̃жабан̣д̣ид̇абан̃хз батамам̣ г̇аат̇амааха –

    Puna te cattāro paṇḍitā ‘‘ambho, gahapatiputto idāni mahantataro jāto, kiṃ karomā’’ti mantayiṃsu. Atha ne senako āha – ‘‘hotu diṭṭho me upāyo, mayaṃ gahapatiputtaṃ upasaṅkamitvā ‘rahassaṃ nāma kassa kathetuṃ vaṭṭatī’ti pucchissāma, so ‘na kassaci kathetabba’nti vakkhati. Atha naṃ ‘gahapatiputto te, deva, paccatthiko jāto’ti paribhindissāmā’’ti. Te cattāropi paṇḍitā tassa gharaṃ gantvā paṭisanthāraṃ katvā ‘‘paṇḍita, pañhaṃ pucchitukāmamhā’’ti vatvā ‘‘pucchathā’’ti vutte senako pucchi ‘‘paṇḍita, purisena nāma kattha patiṭṭhātabba’’nti? ‘‘Sacce patiṭṭhātabba’’nti. ‘‘Sacce patiṭṭhitena kiṃ uppādetabba’’nti? ‘‘Dhanaṃ uppādetabba’’nti. ‘‘Dhanaṃ uppādetvā kiṃ kātabba’’nti? ‘‘Manto gahetabbo’’ti. ‘‘Mantaṃ gahetvā kiṃ kātabba’’nti? ‘‘Attano rahassaṃ parassa na kathetabba’’nti. Te ‘‘sādhu paṇḍitā’’ti vatvā tuṭṭhamānasā hutvā ‘‘idāni gahapatiputtassa piṭṭhiṃ passissāmā’’ti rañño santikaṃ gantvā ‘‘mahārāja, gahapatiputto te paccatthiko jāto’’ti vadiṃsu. ‘‘Nāhaṃ tumhākaṃ vacanaṃ saddahāmi, na so mayhaṃ paccatthiko bhavissatī’’ti . Saccaṃ, mahārāja, saddahatha, asaddahanto pana tameva pucchatha ‘‘paṇḍita, attano rahassaṃ nāma kassa kathetabba’’nti? Sace paccatthiko na bhavissati, ‘‘asukassa nāma kathetabba’’nti vakkhati. Sace paccatthiko bhavissati, ‘‘kassaci na kathetabbaṃ, manorathe paripuṇṇe kathetabba’’nti vakkhati. Tadā amhākaṃ vacanaṃ saddahitvā nikkaṅkhā bhaveyyāthāti. So ‘‘sādhū’’ti sampaṭicchitvā ekadivasaṃ sabbesu samāgantvā nisinnesu vīsatinipāte pañcapaṇḍitapañhe paṭhamaṃ gāthamāha –

    ‘‘бан̃жа бан̣д̣ид̇аа самааг̇ад̇аад̇т̇а, бан̃хаа мз бадибхаад̇и д̇ам̣ сун̣аат̇а;

    ‘‘Pañca paṇḍitā samāgatāttha, pañhā me paṭibhāti taṃ suṇātha;

    нинд̣̇ияамад̇т̇ам̣ басам̣сияам̣ ваа, гассзваавигарзяяа г̇уяхамад̇т̇а’’нд̇и. (ж̇аа. 1.15.315);

    Nindiyamatthaṃ pasaṃsiyaṃ vā, kassevāvikareyya guyhamattha’’nti. (jā. 1.15.315);

    звам̣ вуд̇д̇з сзнаго ‘‘рааж̇аанамби амхаагам̣язва аб̣бханд̇арз багкибиссаамий’’д̇и жинд̇зд̇ваа имам̣ г̇аат̇амааха –

    Evaṃ vutte senako ‘‘rājānampi amhākaṃyeva abbhantare pakkhipissāmī’’ti cintetvā imaṃ gāthamāha –

    ‘‘д̇вам̣ аавигарохи бхуумибаала, бхад̇д̇аа бхаарасахо д̇увам̣ вад̣̇зд̇ам̣;

    ‘‘Tvaṃ āvikarohi bhūmipāla, bhattā bhārasaho tuvaṃ vadetaṃ;

    д̇ава чанд̣̇аружийни саммасид̇ваа, ат̇а вагканд̇и ж̇анинд̣̇а бан̃жа д̇хийраа’’д̇и. (ж̇аа. 1.15.316);

    Tava chandarucīni sammasitvā, atha vakkhanti janinda pañca dhīrā’’ti. (jā. 1.15.316);

    д̇ад̇т̇а бхад̇д̇аад̇и д̇вам̣ амхаагам̣ саамиго жзва уббаннасса жа бхаарасса сахо, батамам̣ д̇аава д̇вамзва зд̇ам̣ вад̣̇зхи. д̇ава чанд̣̇аружийнийд̇и бажчаа д̇ава чанд̣̇ан̃жзва ружжанагааран̣аани жа саммасид̇ваа имз бан̃жа бан̣д̣ид̇аа вагканд̇и.

    Tattha bhattāti tvaṃ amhākaṃ sāmiko ceva uppannassa ca bhārassa saho, paṭhamaṃ tāva tvameva etaṃ vadehi. Tava chandarucīnīti pacchā tava chandañceva ruccanakāraṇāni ca sammasitvā ime pañca paṇḍitā vakkhanti.

    ат̇а рааж̇аа ад̇д̇ано гилзсавасигад̇ааяа имам̣ г̇аат̇амааха –

    Atha rājā attano kilesavasikatāya imaṃ gāthamāha –

    ‘‘яаа сийлавад̇ий анан̃н̃ат̇зяяаа, бхад̇д̇ужчанд̣̇авасаануг̇аа бияаа манаабаа;

    ‘‘Yā sīlavatī anaññatheyyā, bhattucchandavasānugā piyā manāpā;

    нинд̣̇ияамад̇т̇ам̣ басам̣сияам̣ ваа, бхарияааяаавигарзяяа г̇уяхамад̇т̇а’’нд̇и. (ж̇аа. 1.15.317);

    Nindiyamatthaṃ pasaṃsiyaṃ vā, bhariyāyāvikareyya guyhamattha’’nti. (jā. 1.15.317);

    д̇ад̇т̇а анан̃н̃ат̇зяяаад̇и гилзсавасзна ан̃н̃зна на т̇знид̇аб̣б̣аа.

    Tattha anaññatheyyāti kilesavasena aññena na thenitabbā.

    д̇ад̇о сзнаго ‘‘ид̣̇аани рааж̇аанам̣ амхаагам̣ аб̣бханд̇арз багкибимхаа’’д̇и д̇уссид̇ваа саяам̣гад̇агааран̣амзва д̣̇ийбзнд̇о имам̣ г̇аат̇амааха –

    Tato senako ‘‘idāni rājānaṃ amhākaṃ abbhantare pakkhipimhā’’ti tussitvā sayaṃkatakāraṇameva dīpento imaṃ gāthamāha –

    ‘‘яо гижчаг̇ад̇асса аад̇урасса, саран̣ам̣ ход̇и г̇ад̇ий барааяан̣ан̃жа;

    ‘‘Yo kicchagatassa āturassa, saraṇaṃ hoti gatī parāyaṇañca;

    нинд̣̇ияамад̇т̇ам̣ басам̣сияам̣ ваа, сакиноваавигарзяяа г̇уяхамад̇т̇а’’нд̇и. (ж̇аа. 1.15.318);

    Nindiyamatthaṃ pasaṃsiyaṃ vā, sakhinovāvikareyya guyhamattha’’nti. (jā. 1.15.318);

    ат̇а рааж̇аа буггусам̣ бужчи ‘‘гат̇ам̣, буггуса, бассаси, нинд̣̇ияам̣ ваа басам̣сияам̣ ваа рахассам̣ гасса гат̇зд̇аб̣б̣а’’нд̇и? со гат̇знд̇о имам̣ г̇аат̇амааха –

    Atha rājā pukkusaṃ pucchi ‘‘kathaṃ, pukkusa, passasi, nindiyaṃ vā pasaṃsiyaṃ vā rahassaṃ kassa kathetabba’’nti? So kathento imaṃ gāthamāha –

    ‘‘ж̇здто ат̇а маж̇жхимо ганидто, яо жз сийласамаахид̇о тид̇ад̇д̇о;

    ‘‘Jeṭṭho atha majjhimo kaniṭṭho, yo ce sīlasamāhito ṭhitatto;

    нинд̣̇ияамад̇т̇ам̣ басам̣сияам̣ ваа, бхаад̇уваавигарзяяа г̇уяхамад̇т̇а’’нд̇и. (ж̇аа. 1.15.319);

    Nindiyamatthaṃ pasaṃsiyaṃ vā, bhātuvāvikareyya guyhamattha’’nti. (jā. 1.15.319);

    д̇ад̇т̇а тид̇ад̇д̇од̇и тид̇асабхааво ниб̣б̣исзвано.

    Tattha ṭhitattoti ṭhitasabhāvo nibbisevano.

    д̇ад̇о рааж̇аа гааминд̣̇ам̣ бужчи ‘‘гат̇ам̣ гааминд̣̇а бассаси, рахассам̣ гасса гат̇зд̇аб̣б̣а’’нд̇и? со гат̇знд̇о имам̣ г̇аат̇амааха –

    Tato rājā kāmindaṃ pucchi ‘‘kathaṃ kāminda passasi, rahassaṃ kassa kathetabba’’nti? So kathento imaṃ gāthamāha –

    ‘‘яо вз бид̇ухад̣̇аяасса бад̣̇д̇хаг̇уу, ануж̇аад̇о бид̇арам̣ аномабан̃н̃о;

    ‘‘Yo ve pituhadayassa paddhagū, anujāto pitaraṃ anomapañño;

    нинд̣̇ияамад̇т̇ам̣ басам̣сияам̣ ваа, буд̇д̇ассаавигарзяяа г̇уяхамад̇т̇а’’нд̇и. (ж̇аа. 1.15.320);

    Nindiyamatthaṃ pasaṃsiyaṃ vā, puttassāvikareyya guyhamattha’’nti. (jā. 1.15.320);

    д̇ад̇т̇а бад̣̇д̇хаг̇ууд̇и бзсанагаараго яо бид̇усса бзсанам̣ гарод̇и, бид̇у жид̇д̇асса васз вад̇д̇ад̇и, оваад̣̇агкамо ход̇ийд̇и ад̇т̇о. ануж̇аад̇од̇и д̇аяо буд̇д̇аа ад̇иж̇аад̇о жа ануж̇аад̇о жа аваж̇аад̇о жаад̇и. ануббаннам̣ яасам̣ уббаад̣̇знд̇о ад̇иж̇аад̇о, гулабхааро аваж̇аад̇о, гулабавзн̣ирагкаго бана ануж̇аад̇о. д̇ам̣ санд̇хааяа звамааха.

    Tattha paddhagūti pesanakārako yo pitussa pesanaṃ karoti, pitu cittassa vase vattati, ovādakkhamo hotīti attho. Anujātoti tayo puttā atijāto ca anujāto ca avajāto cāti. Anuppannaṃ yasaṃ uppādento atijāto, kulabhāro avajāto, kulapaveṇirakkhako pana anujāto. Taṃ sandhāya evamāha.

    д̇ад̇о рааж̇аа д̣̇звинд̣̇ам̣ бужчи – ‘‘гат̇ам̣ д̣̇звинд̣̇а, бассаси, рахассам̣ гасса гат̇зд̇аб̣б̣а’’нд̇и? со ад̇д̇ано гад̇агааран̣амзва гат̇знд̇о имам̣ г̇аат̇амааха –

    Tato rājā devindaṃ pucchi – ‘‘kathaṃ devinda, passasi, rahassaṃ kassa kathetabba’’nti? So attano katakāraṇameva kathento imaṃ gāthamāha –

    ‘‘маад̇аа д̣̇вибад̣̇ааж̇анинд̣̇асздта, яаа нам̣ босзд̇и чанд̣̇асаа биязна;

    ‘‘Mātā dvipadājanindaseṭṭha, yā naṃ poseti chandasā piyena;

    нинд̣̇ияамад̇т̇ам̣ басам̣сияам̣ ваа, маад̇уяаавигарзяяа г̇уяхамад̇т̇а’’нд̇и. (ж̇аа. 1.15.321);

    Nindiyamatthaṃ pasaṃsiyaṃ vā, mātuyāvikareyya guyhamattha’’nti. (jā. 1.15.321);

    д̇ад̇т̇а д̣̇вибад̣̇ааж̇анинд̣̇асздтаад̇и д̣̇вибад̣̇аанам̣ сздта, ж̇анинд̣̇а. чанд̣̇асаа биязнаад̇и чанд̣̇зна жзва бзмзна жа.

    Tattha dvipadājanindaseṭṭhāti dvipadānaṃ seṭṭha, janinda. Chandasā piyenāti chandena ceva pemena ca.

    звам̣ д̇з бужчид̇ваа рааж̇аа бан̣д̣ид̇ам̣ бужчи ‘‘гат̇ам̣ бассаси, бан̣д̣ид̇а, рахассам̣ гасса гат̇зд̇аб̣б̣а’’нд̇и. ‘‘махаарааж̇а, яаава ад̇д̇ано ижчид̇ам̣ на нибпаж̇ж̇ад̇и, д̇аава бан̣д̣ид̇о ад̇хиваасзяяа, гассажи на гат̇зяяаа’’д̇и со имам̣ г̇аат̇амааха –

    Evaṃ te pucchitvā rājā paṇḍitaṃ pucchi ‘‘kathaṃ passasi, paṇḍita, rahassaṃ kassa kathetabba’’nti. ‘‘Mahārāja, yāva attano icchitaṃ na nipphajjati, tāva paṇḍito adhivāseyya, kassaci na katheyyā’’ti so imaṃ gāthamāha –

    ‘‘г̇уяхасса хи г̇уяхамзва саад̇ху, на хи г̇уяхасса басад̇т̇амаавигаммам̣;

    ‘‘Guyhassa hi guyhameva sādhu, na hi guyhassa pasatthamāvikammaṃ;

    анибпаннад̇аа сахзяяа д̇хийро, нибпаннова яат̇аасукам̣ бхан̣зяяаа’’д̇и. (ж̇аа. 1.15.322);

    Anipphannatā saheyya dhīro, nipphannova yathāsukhaṃ bhaṇeyyā’’ti. (jā. 1.15.322);

    д̇ад̇т̇а анибпаннад̇аад̇и махаарааж̇а, яаава ад̇д̇ано ижчид̇ам̣ на нибпаж̇ж̇ад̇и, д̇аава бан̣д̣ид̇о ад̇хиваасзяяа, на гассажи гат̇зяяаад̇и.

    Tattha anipphannatāti mahārāja, yāva attano icchitaṃ na nipphajjati, tāva paṇḍito adhivāseyya, na kassaci katheyyāti.

    бан̣д̣ид̇зна бана звам̣ вуд̇д̇з рааж̇аа анад̇д̇амано ахоси. сзнаго рааж̇аанам̣ ологзси, рааж̇ааби сзнагамукам̣ ологзси. б̣од̇хисад̇д̇о д̇зсам̣ гирияам̣ д̣̇исваава ж̇аани ‘‘имз жад̇д̇ааро ж̇анаа батамамзва мам̣ ран̃н̃о анд̇арз барибхинд̣̇им̣су, виймам̣санавасзна бан̃хо бужчид̇о бхависсад̇ий’’д̇и. д̇зсам̣ бана гат̇знд̇аанан̃н̃зва суурияо ад̇т̇ан̇г̇ад̇о, д̣̇ийбаа ж̇алид̇аа. бан̣д̣ид̇о ‘‘рааж̇агаммаани наама бхаарияаани, на бан̃н̃ааяад̇и ‘гим̣ бхависсад̇ий’д̇и, киббамзва г̇анд̇ум̣ ваддад̇ий’’д̇и удтааяаасанаа рааж̇аанам̣ ванд̣̇ид̇ваа нигкамид̇ваа жинд̇зси ‘‘имзсу зго ‘сахааяагасса гат̇зд̇ум̣ ваддад̇ий’д̇и ааха , зго ‘бхаад̇усса, зго буд̇д̇асса, зго маад̇у гат̇зд̇ум̣ ваддад̇ий’д̇и ааха. имзхи зд̇ам̣ гад̇амзва бхависсад̇и, д̣̇идтамзва гат̇ид̇анд̇и ман̃н̃аами, ход̇у аж̇ж̇зва зд̇ам̣ ж̇ааниссаамий’’д̇и. д̇з бана жад̇д̇аароби ан̃н̃зсу д̣̇ивасзсу рааж̇агулаа нигкамид̇ваа рааж̇анивзсанад̣̇ваарз згасса бхад̇д̇аамб̣ан̣асса бидтз нисийд̣̇ид̇ваа гижжагаран̣ийяаани манд̇зд̇ваа гхараани г̇ажчанд̇и. д̇асмаа бан̣д̣ид̇о ‘‘ахам̣ зд̇зсам̣ жад̇уннам̣ рахассам̣ амб̣ан̣асса хздтаа нибаж̇ж̇ид̇ваа ж̇аанид̇ум̣ саггун̣зяяа’’нд̇и жинд̇зд̇ваа д̇ам̣ амб̣ан̣ам̣ угкибаабзд̇ваа ад̇т̇аран̣ам̣ ад̇т̇араабзд̇ваа амб̣ан̣асса хздтаа бависид̇ваа бурисаанам̣ сан̃н̃ам̣ ад̣̇ааси ‘‘д̇умхз жад̇уусу бан̣д̣ид̇зсу манд̇зд̇ваа г̇ад̇зсу ааг̇анд̇ваа мам̣ аанзяяаат̇аа’’д̇и. д̇з ‘‘саад̇хуу’’д̇и самбадижчид̇ваа баггамим̣су. сзнагоби рааж̇аанам̣ ааха – ‘‘махаарааж̇а, амхаагам̣ важанам̣ на сад̣̇д̣̇ахат̇а, ид̣̇аани гим̣ гариссат̇аа’’д̇и. со д̇асса важанам̣ г̇ахзд̇ваа анисаамзд̇ваава бхийд̇ад̇асид̇о худ̇ваа ‘‘ид̣̇аани гим̣ гарома, сзнага бан̣д̣ид̇аа’’д̇и бужчи. ‘‘махаарааж̇а, бабан̃жам̣ агад̇ваа ган̃жи аж̇аанаабзд̇ваа г̇ахабад̇ибуд̇д̇ам̣ маарзд̇ум̣ ваддад̇ий’’д̇и. рааж̇аа ‘‘сзнага, табзд̇ваа д̇умхз ан̃н̃о мама ад̇т̇агаамо наама над̇т̇и, д̇умхз ад̇д̇ано сухад̣̇з г̇ахзд̇ваа д̣̇вааранд̇арз тад̇ваа г̇ахабад̇ибуд̇д̇асса баад̇ова убадтаанам̣ ааг̇ажчанд̇асса каг̇г̇зна сийсам̣ чинд̣̇ат̇аа’’д̇и ад̇д̇ано каг̇г̇арад̇анам̣ ад̣̇ааси. д̇з ‘‘саад̇ху, д̣̇зва, маа бхааяи, маяам̣ д̇ам̣ маарзссаамаа’’д̇и вад̇ваа нигкамид̇ваа ‘‘д̣̇идтаа но бажжаамид̇д̇асса бидтий’’д̇и бхад̇д̇аамб̣ан̣асса бидтз нисийд̣̇им̣су. д̇ад̇о сзнаго ааха ‘‘амбхо, го г̇ахабад̇ибуд̇д̇ам̣ маарзссад̇ий’’д̇и. ид̇арз ‘‘д̇умхзязва аажарияа, маарзт̇аа’’д̇и д̇ассзва бхаарам̣ гарим̣су.

    Paṇḍitena pana evaṃ vutte rājā anattamano ahosi. Senako rājānaṃ olokesi, rājāpi senakamukhaṃ olokesi. Bodhisatto tesaṃ kiriyaṃ disvāva jāni ‘‘ime cattāro janā paṭhamameva maṃ rañño antare paribhindiṃsu, vīmaṃsanavasena pañho pucchito bhavissatī’’ti. Tesaṃ pana kathentānaññeva sūriyo atthaṅgato, dīpā jalitā. Paṇḍito ‘‘rājakammāni nāma bhāriyāni, na paññāyati ‘kiṃ bhavissatī’ti, khippameva gantuṃ vaṭṭatī’’ti uṭṭhāyāsanā rājānaṃ vanditvā nikkhamitvā cintesi ‘‘imesu eko ‘sahāyakassa kathetuṃ vaṭṭatī’ti āha , eko ‘bhātussa, eko puttassa, eko mātu kathetuṃ vaṭṭatī’ti āha. Imehi etaṃ katameva bhavissati, diṭṭhameva kathitanti maññāmi, hotu ajjeva etaṃ jānissāmī’’ti. Te pana cattāropi aññesu divasesu rājakulā nikkhamitvā rājanivesanadvāre ekassa bhattaambaṇassa piṭṭhe nisīditvā kiccakaraṇīyāni mantetvā gharāni gacchanti. Tasmā paṇḍito ‘‘ahaṃ etesaṃ catunnaṃ rahassaṃ ambaṇassa heṭṭhā nipajjitvā jānituṃ sakkuṇeyya’’nti cintetvā taṃ ambaṇaṃ ukkhipāpetvā attharaṇaṃ attharāpetvā ambaṇassa heṭṭhā pavisitvā purisānaṃ saññaṃ adāsi ‘‘tumhe catūsu paṇḍitesu mantetvā gatesu āgantvā maṃ āneyyāthā’’ti. Te ‘‘sādhū’’ti sampaṭicchitvā pakkamiṃsu. Senakopi rājānaṃ āha – ‘‘mahārāja, amhākaṃ vacanaṃ na saddahatha, idāni kiṃ karissathā’’ti. So tassa vacanaṃ gahetvā anisāmetvāva bhītatasito hutvā ‘‘idāni kiṃ karoma, senaka paṇḍitā’’ti pucchi. ‘‘Mahārāja, papañcaṃ akatvā kañci ajānāpetvā gahapatiputtaṃ māretuṃ vaṭṭatī’’ti. Rājā ‘‘senaka, ṭhapetvā tumhe añño mama atthakāmo nāma natthi, tumhe attano suhade gahetvā dvārantare ṭhatvā gahapatiputtassa pātova upaṭṭhānaṃ āgacchantassa khaggena sīsaṃ chindathā’’ti attano khaggaratanaṃ adāsi. Te ‘‘sādhu, deva, mā bhāyi, mayaṃ taṃ māressāmā’’ti vatvā nikkhamitvā ‘‘diṭṭhā no paccāmittassa piṭṭhī’’ti bhattaambaṇassa piṭṭhe nisīdiṃsu. Tato senako āha ‘‘ambho, ko gahapatiputtaṃ māressatī’’ti. Itare ‘‘tumheyeva ācariya, mārethā’’ti tasseva bhāraṃ kariṃsu.

    ат̇а нз сзнаго бужчи ‘‘д̇умхз ‘рахассам̣ наама асугасса асугасса гат̇зд̇аб̣б̣а’нд̇и вад̣̇ат̇а, гим̣ во зд̇ам̣ гад̇ам̣, уд̣̇ааху д̣̇идтам̣ суд̇а’’нд̇и? ‘‘гад̇ам̣ зд̇ам̣, аажарияаа’’д̇и. д̇умхз ‘‘рахассам̣ наама сахааяагасса гат̇зд̇аб̣б̣а’’нд̇и вад̣̇ат̇а, ‘‘гим̣ во зд̇ам̣ гад̇ам̣, уд̣̇ааху д̣̇идтам̣ суд̇а’’нд̇и? ‘‘гад̇ам̣ зд̇ам̣ маяаа’’д̇и? ‘‘гат̇зт̇а, аажарияаа’’д̇и. ‘‘имасмим̣ рахассз ран̃н̃аа н̃аад̇з ж̇ийвид̇ам̣ мз над̇т̇ий’’д̇и. ‘‘маа бхааяат̇а аажарияа, ид̇ха д̇умхаагам̣ рахассабхзд̣̇аго над̇т̇и, гат̇зт̇аа’’д̇и. со накзна амб̣ан̣ам̣ годдзд̇ваа ‘‘ад̇т̇и ну ко имасса хздтаа г̇ахабад̇ибуд̇д̇о’’д̇и ааха. ‘‘аажарияа, г̇ахабад̇ибуд̇д̇о ад̇д̇ано иссариязна зваруубам̣ таанам̣ на бависиссад̇и, ид̣̇аани яасзна мад̇д̇о бхависсад̇и, гат̇зт̇а д̇умхз’’д̇и. сзнаго д̇аава ад̇д̇ано рахассам̣ гат̇знд̇о ааха – ‘‘д̇умхз имасмим̣ наг̇арз асугам̣ наама взсим̣ ж̇аанаат̇аа’’д̇и? ‘‘аама, аажарияаа’’д̇и. ‘‘ид̣̇аани саа бан̃н̃ааяад̇ий’’д̇и. ‘‘на бан̃н̃ааяад̇и, аажарияаа’’д̇и. ‘‘ахам̣ саалавануяяаанз д̇ааяа сад̣̇д̇хим̣ бурисагижжам̣ гад̇ваа д̇ассаа бил̣анд̇ханзсу лобхзна д̇ам̣ маарзд̇ваа д̇ассааязва саадагзна бхан̣д̣игам̣ гад̇ваа аахарид̇ваа амхаагам̣ гхарз асугабхуумигааяа асугз наама г̇аб̣бхз нааг̇ад̣̇анд̇агз лаг̇г̇зсим̣, вал̣ан̃ж̇зд̇ум̣ 3 висахаами, бураан̣абхаавамасса ологзми, зваруубам̣ абараад̇хагаммам̣ гад̇ваа маяаа згасса сахааяагасса гат̇ид̇ам̣, на д̇зна гассажи гат̇ид̇абуб̣б̣ам̣, иминаа гааран̣зна ‘сахааяагасса г̇уяхам̣ гат̇зд̇аб̣б̣а’нд̇и маяаа гат̇ид̇а’’нд̇и. бан̣д̣ид̇о д̇асса рахассам̣ саад̇хугам̣ вавад̇т̇абзд̇ваа саллагкзси.

    Atha ne senako pucchi ‘‘tumhe ‘rahassaṃ nāma asukassa asukassa kathetabba’nti vadatha, kiṃ vo etaṃ kataṃ, udāhu diṭṭhaṃ suta’’nti? ‘‘Kataṃ etaṃ, ācariyā’’ti. Tumhe ‘‘rahassaṃ nāma sahāyakassa kathetabba’’nti vadatha, ‘‘kiṃ vo etaṃ kataṃ, udāhu diṭṭhaṃ suta’’nti? ‘‘Kataṃ etaṃ mayā’’ti? ‘‘Kathetha, ācariyā’’ti. ‘‘Imasmiṃ rahasse raññā ñāte jīvitaṃ me natthī’’ti. ‘‘Mā bhāyatha ācariya, idha tumhākaṃ rahassabhedako natthi, kathethā’’ti. So nakhena ambaṇaṃ koṭṭetvā ‘‘atthi nu kho imassa heṭṭhā gahapatiputto’’ti āha. ‘‘Ācariya, gahapatiputto attano issariyena evarūpaṃ ṭhānaṃ na pavisissati, idāni yasena matto bhavissati, kathetha tumhe’’ti. Senako tāva attano rahassaṃ kathento āha – ‘‘tumhe imasmiṃ nagare asukaṃ nāma vesiṃ jānāthā’’ti? ‘‘Āma, ācariyā’’ti. ‘‘Idāni sā paññāyatī’’ti. ‘‘Na paññāyati, ācariyā’’ti. ‘‘Ahaṃ sālavanuyyāne tāya saddhiṃ purisakiccaṃ katvā tassā piḷandhanesu lobhena taṃ māretvā tassāyeva sāṭakena bhaṇḍikaṃ katvā āharitvā amhākaṃ ghare asukabhūmikāya asuke nāma gabbhe nāgadantake laggesiṃ, vaḷañjetuṃ 3 visahāmi, purāṇabhāvamassa olokemi, evarūpaṃ aparādhakammaṃ katvā mayā ekassa sahāyakassa kathitaṃ, na tena kassaci kathitapubbaṃ, iminā kāraṇena ‘sahāyakassa guyhaṃ kathetabba’nti mayā kathita’’nti. Paṇḍito tassa rahassaṃ sādhukaṃ vavatthapetvā sallakkhesi.

    буггусоби ад̇д̇ано рахассам̣ гат̇знд̇о ааха – ‘‘мама ууруяаа гудтам̣ ад̇т̇и, ганидто мз баад̇ова ган̃жи аж̇аанаабзд̇ваа д̇ам̣ д̇ховид̇ваа бхзсаж̇ж̇зна магкзд̇ваа убари билод̇игам̣ д̣̇ад̇ваа б̣анд̇хад̇и. рааж̇аа маяи муд̣̇ужид̇д̇о ‘зхи буггусаа’д̇и мам̣ баггосид̇ваа язбхуяязна мама ууруяааязва саяад̇и , сажз бана зд̇ам̣ рааж̇аа ж̇аанзяяа, мам̣ маарзяяа. д̇ам̣ мама ганидтам̣ табзд̇ваа ан̃н̃о ж̇аананд̇о наама над̇т̇и, д̇зна гааран̣зна ‘рахассам̣ наама бхаад̇у гат̇зд̇аб̣б̣а’нд̇и маяаа вуд̇д̇а’’нд̇и. гааминд̣̇оби ад̇д̇ано рахассам̣ гат̇знд̇о ааха – ‘‘мам̣ гаал̣абагкз убосат̇ад̣̇ивасз нарад̣̇зво наама яагко г̇ан̣хаад̇и, ахам̣ уммад̇д̇агасунако вияа вираваами, сваахам̣ д̇амад̇т̇ам̣ буд̇д̇асса гат̇зсим̣. со мама яагкзна г̇ахид̇абхаавам̣ н̃ад̇ваа мам̣ анд̇ог̇зхаг̇аб̣бхз нибаж̇ж̇аабзд̇ваа д̣̇ваарам̣ бид̣̇ахид̇ваа нигкамид̇ваа мама сад̣̇д̣̇ам̣ бадижчаад̣̇анад̇т̇ам̣ д̣̇ваарз самаж̇ж̇ам̣ гаарзси, иминаа гааран̣зна ‘рахассам̣ наама буд̇д̇асса гат̇зд̇аб̣б̣а’нд̇и маяаа вуд̇д̇а’’нд̇и. д̇ад̇о д̇аяоби д̣̇звинд̣̇ам̣ бужчим̣су. со ад̇д̇ано рахассам̣ гат̇знд̇о ааха – ‘‘маяаа ман̣ибахам̣санагаммам̣ гаронд̇зна ран̃н̃о санд̇агам̣ саггзна гусаран̃н̃о д̣̇иннам̣, сирибавзсанам̣ ман̇г̇аламан̣ирад̇анам̣ т̇знзд̇ваа маад̇уяаа д̣̇иннам̣. саа ган̃жи аж̇аанаабзд̇ваа мама рааж̇агулам̣ бависанагаалз д̇ам̣ маяхам̣ д̣̇зд̇и, ахам̣ д̇зна ман̣инаа сирим̣ бавзсзд̇ваа рааж̇анивзсанам̣ г̇ажчаами. рааж̇аа д̇умхзхи сад̣̇д̇хим̣ агат̇зд̇ваа батамад̇арам̣ маяаа сад̣̇д̇хим̣ гат̇зси. д̣̇звасигам̣ адта, сол̣аса, д̣̇вад̇д̇им̣са, жад̇усадти гахаабан̣з мама бариб̣б̣аяад̇т̇ааяа д̣̇зд̇и . сажз д̇асса ман̣ирад̇анасса чаннабхаавам̣ рааж̇аа ж̇аанзяяа, маяхам̣ ж̇ийвид̇ам̣ над̇т̇и, иминаа гааран̣зна ‘рахассам̣ наама маад̇у гат̇зд̇аб̣б̣а’нд̇и маяаа вуд̇д̇а’’нд̇и.

    Pukkusopi attano rahassaṃ kathento āha – ‘‘mama ūruyā kuṭṭhaṃ atthi, kaniṭṭho me pātova kañci ajānāpetvā taṃ dhovitvā bhesajjena makkhetvā upari pilotikaṃ datvā bandhati. Rājā mayi muducitto ‘ehi pukkusā’ti maṃ pakkositvā yebhuyyena mama ūruyāyeva sayati , sace pana etaṃ rājā jāneyya, maṃ māreyya. Taṃ mama kaniṭṭhaṃ ṭhapetvā añño jānanto nāma natthi, tena kāraṇena ‘rahassaṃ nāma bhātu kathetabba’nti mayā vutta’’nti. Kāmindopi attano rahassaṃ kathento āha – ‘‘maṃ kāḷapakkhe uposathadivase naradevo nāma yakkho gaṇhāti, ahaṃ ummattakasunakho viya viravāmi, svāhaṃ tamatthaṃ puttassa kathesiṃ. So mama yakkhena gahitabhāvaṃ ñatvā maṃ antogehagabbhe nipajjāpetvā dvāraṃ pidahitvā nikkhamitvā mama saddaṃ paṭicchādanatthaṃ dvāre samajjaṃ kāresi, iminā kāraṇena ‘rahassaṃ nāma puttassa kathetabba’nti mayā vutta’’nti. Tato tayopi devindaṃ pucchiṃsu. So attano rahassaṃ kathento āha – ‘‘mayā maṇipahaṃsanakammaṃ karontena rañño santakaṃ sakkena kusarañño dinnaṃ, siripavesanaṃ maṅgalamaṇiratanaṃ thenetvā mātuyā dinnaṃ. Sā kañci ajānāpetvā mama rājakulaṃ pavisanakāle taṃ mayhaṃ deti, ahaṃ tena maṇinā siriṃ pavesetvā rājanivesanaṃ gacchāmi. Rājā tumhehi saddhiṃ akathetvā paṭhamataraṃ mayā saddhiṃ kathesi. Devasikaṃ aṭṭha, soḷasa, dvattiṃsa, catusaṭṭhi kahāpaṇe mama paribbayatthāya deti . Sace tassa maṇiratanassa channabhāvaṃ rājā jāneyya, mayhaṃ jīvitaṃ natthi, iminā kāraṇena ‘rahassaṃ nāma mātu kathetabba’nti mayā vutta’’nti.

    махаасад̇д̇о саб̣б̣зсамби г̇уяхам̣ ад̇д̇ано бажжагкам̣ агааси . д̇з бана ад̇д̇ано уд̣̇арам̣ паалзд̇ваа анд̇ам̣ б̣аахирам̣ гаронд̇аа вияа рахассам̣ ан̃н̃аман̃н̃ам̣ гат̇зд̇ваа ‘‘д̇умхз аббамад̇д̇аа баад̇ова ааг̇ажчат̇а, г̇ахабад̇ибуд̇д̇ам̣ маарзссаамаа’’д̇и удтааяа баггамим̣су. д̇зсам̣ г̇ад̇агаалз бан̣д̣ид̇асса бурисаа ааг̇анд̇ваа амб̣ан̣ам̣ угкибид̇ваа махаасад̇д̇ам̣ аад̣̇ааяа баггамим̣су. со гхарам̣ г̇анд̇ваа нхад̇ваа алан̇гарид̇ваа субхож̇анам̣ бхун̃ж̇ид̇ваа ‘‘аж̇ж̇а мз бхаг̇иний уд̣̇умб̣арад̣̇звий рааж̇аг̇зхад̇о саасанам̣ бзсзссад̇ий’’д̇и н̃ад̇ваа д̣̇ваарз бажжааяигам̣ бурисам̣ табзси ‘‘рааж̇аг̇зхад̇о ааг̇ад̇ам̣ сийгхам̣ бавзсзд̇ваа мама д̣̇ассзяяаасий’’д̇и. зван̃жа бана вад̇ваа саяанабидтз нибаж̇ж̇и. д̇асмим̣ кан̣з рааж̇ааби саяанабидтз нибаннова бан̣д̣ид̇асса г̇ун̣ам̣ сарид̇ваа ‘‘махосад̇хабан̣д̣ид̇о сад̇д̇авассигагаалад̇о бадтааяа мам̣ убадтаханд̇о на гин̃жи маяхам̣ анад̇т̇ам̣ агааси, д̣̇звад̇ааяа бужчид̇абан̃хзби бан̣д̣ид̇з асад̇и ж̇ийвид̇ам̣ мз лад̣̇д̇хам̣ на сияаа. взрибажжаамид̇д̇аанам̣ важанам̣ г̇ахзд̇ваа ‘асамад̇хурам̣ бан̣д̣ид̇ам̣ маарзт̇аа’д̇и каг̇г̇ам̣ д̣̇знд̇зна аяуд̇д̇ам̣ маяаа гад̇ам̣, свз д̣̇аани нам̣ бассид̇ум̣ на лабхиссаамий’’д̇и согам̣ уббаад̣̇зси. сарийрад̇о сзд̣̇аа мужжим̣су. со согасамаббид̇о жид̇д̇ассаад̣̇ам̣ на лабхи. уд̣̇умб̣арад̣̇звийби д̇зна сад̣̇д̇хим̣ згасаяанаг̇ад̇аа д̇ам̣ аагаарам̣ д̣̇исваа ‘‘гим̣ ну ко маяхам̣ гожи абараад̇хо ад̇т̇и, уд̣̇ааху д̣̇звасса гин̃жи согагааран̣ам̣ уббаннам̣, бужчиссаами д̇аава на’’нд̇и имам̣ г̇аат̇амааха –

    Mahāsatto sabbesampi guyhaṃ attano paccakkhaṃ akāsi . Te pana attano udaraṃ phāletvā antaṃ bāhiraṃ karontā viya rahassaṃ aññamaññaṃ kathetvā ‘‘tumhe appamattā pātova āgacchatha, gahapatiputtaṃ māressāmā’’ti uṭṭhāya pakkamiṃsu. Tesaṃ gatakāle paṇḍitassa purisā āgantvā ambaṇaṃ ukkhipitvā mahāsattaṃ ādāya pakkamiṃsu. So gharaṃ gantvā nhatvā alaṅkaritvā subhojanaṃ bhuñjitvā ‘‘ajja me bhaginī udumbaradevī rājagehato sāsanaṃ pesessatī’’ti ñatvā dvāre paccāyikaṃ purisaṃ ṭhapesi ‘‘rājagehato āgataṃ sīghaṃ pavesetvā mama dasseyyāsī’’ti. Evañca pana vatvā sayanapiṭṭhe nipajji. Tasmiṃ khaṇe rājāpi sayanapiṭṭhe nipannova paṇḍitassa guṇaṃ saritvā ‘‘mahosadhapaṇḍito sattavassikakālato paṭṭhāya maṃ upaṭṭhahanto na kiñci mayhaṃ anatthaṃ akāsi, devatāya pucchitapañhepi paṇḍite asati jīvitaṃ me laddhaṃ na siyā. Veripaccāmittānaṃ vacanaṃ gahetvā ‘asamadhuraṃ paṇḍitaṃ mārethā’ti khaggaṃ dentena ayuttaṃ mayā kataṃ, sve dāni naṃ passituṃ na labhissāmī’’ti sokaṃ uppādesi. Sarīrato sedā mucciṃsu. So sokasamappito cittassādaṃ na labhi. Udumbaradevīpi tena saddhiṃ ekasayanagatā taṃ ākāraṃ disvā ‘‘kiṃ nu kho mayhaṃ koci aparādho atthi, udāhu devassa kiñci sokakāraṇaṃ uppannaṃ, pucchissāmi tāva na’’nti imaṃ gāthamāha –

    ‘‘гим̣ д̇вам̣ виманоси рааж̇асздта, д̣̇вибад̣̇аж̇анинд̣̇а важанам̣ сун̣ома мзд̇ам̣;

    ‘‘Kiṃ tvaṃ vimanosi rājaseṭṭha, dvipadajaninda vacanaṃ suṇoma metaṃ;

    гим̣ жинд̇аяамаано д̣̇умманоси, нууна д̣̇зва абараад̇хо ад̇т̇и маяха’’нд̇и. (ж̇аа. 1.15.323);

    Kiṃ cintayamāno dummanosi, nūna deva aparādho atthi mayha’’nti. (jā. 1.15.323);

    ат̇а рааж̇аа гат̇знд̇о г̇аат̇амааха –

    Atha rājā kathento gāthamāha –

    ‘‘бан̣хз важ̇жхо махосад̇ход̇и, аан̣ад̇д̇о мз вамааяа бхуурибан̃н̃о;

    ‘‘Paṇhe vajjho mahosadhoti, āṇatto me vamāya bhūripañño;

    д̇ам̣ жинд̇аяамаано д̣̇умманосми, на хи д̣̇звий абараад̇хо ад̇т̇и д̇уяха’’нд̇и. (ж̇аа. 1.15.324);

    Taṃ cintayamāno dummanosmi, na hi devī aparādho atthi tuyha’’nti. (jā. 1.15.324);

    д̇ад̇т̇а аан̣ад̇д̇од̇и бхад̣̇д̣̇з, жад̇д̇ааро бан̣д̣ид̇аа ‘‘махосад̇хо мама бажжад̇т̇иго’’д̇и гат̇аяим̣су. маяаа д̇ат̇ад̇о авижинид̇ваа ‘‘вад̇хзт̇а на’’нд̇и бхуурибан̃н̃о вад̇хааяа аан̣ад̇д̇о. д̇ам̣ гааран̣ам̣ жинд̇аяамаано д̣̇умманосмийд̇и.

    Tattha āṇattoti bhadde, cattāro paṇḍitā ‘‘mahosadho mama paccatthiko’’ti kathayiṃsu. Mayā tathato avicinitvā ‘‘vadhetha na’’nti bhūripañño vadhāya āṇatto. Taṃ kāraṇaṃ cintayamāno dummanosmīti.

    д̇ассаа д̇асса важанам̣ суд̇ваава махаасад̇д̇з синзхзна баб̣б̣ад̇амад̇д̇о сого уббаж̇ж̇и. д̇ад̇о саа жинд̇зси ‘‘згзна убааязна рааж̇аанам̣ ассаасзд̇ваа ран̃н̃о нид̣̇д̣̇ам̣ оггаманагаалз мама ганидтасса саасанам̣ бахин̣иссаамий’’д̇и. ат̇а саа ‘‘махаарааж̇а, д̇аяаавзд̇ам̣ гад̇ам̣ г̇ахабад̇ибуд̇д̇ам̣ маханд̇з иссарияз бад̇идтаабзнд̇зна, д̇умхзхи со сзнаабад̇идтаанз табид̇о, ид̣̇аани гира со д̇умхаагам̣язва бажжад̇т̇иго ж̇аад̇о, на ко бана бажжад̇т̇иго куд̣̇д̣̇аго наама ад̇т̇и, маарзд̇аб̣б̣ова, д̇умхз маа жинд̇аяид̇т̇аа’’д̇и рааж̇аанам̣ ассаасзси. со д̇анубхууд̇асого нид̣̇д̣̇ам̣ оггами. д̣̇звий удтааяа г̇аб̣бхам̣ бависид̇ваа ‘‘д̇аад̇а махосад̇ха, жад̇д̇ааро бан̣д̣ид̇аа д̇ам̣ барибхинд̣̇им̣су, рааж̇аа гуд̣̇д̇хо свз д̣̇вааранд̇арз д̇ам̣ вад̇хааяа аан̣аабзси, свз рааж̇агулам̣ маа ааг̇ажчзяяааси, ааг̇ажчанд̇о бана наг̇арам̣ хад̇т̇аг̇ад̇ам̣ гад̇ваа самад̇т̇о худ̇ваа ааг̇ажчзяяаасий’’д̇и бан̣н̣ам̣ ликид̇ваа мод̣̇агасса анд̇о багкибид̇ваа мод̣̇агам̣ суд̇д̇зна взтзд̇ваа навабхааж̇анз гад̇ваа чаад̣̇зд̇ваа лан̃чзд̇ваа ад̇т̇ажааригааяа д̣̇аасияаа ад̣̇ааси ‘‘имам̣ мод̣̇агам̣ г̇ахзд̇ваа мама ганидтасса д̣̇зхий’’д̇и. саа д̇ат̇аа агааси. ‘‘рад̇д̇им̣ гат̇ам̣ нигканд̇аа’’д̇и на жинд̇зд̇аб̣б̣ам̣. ран̃н̃аа батамамзва д̣̇звияаа варо д̣̇инно, д̇зна на нам̣ гожи ниваарзси. б̣од̇хисад̇д̇о бан̣н̣аагаарам̣ г̇ахзд̇ваа нам̣ уяяож̇зси. саа буна ааг̇анд̇ваа д̣̇иннабхаавам̣ аарожзси. д̇асмим̣ кан̣з д̣̇звий ааг̇анд̇ваа ран̃н̃аа сад̣̇д̇хим̣ нибаж̇ж̇и. махаасад̇д̇оби мод̣̇агам̣ бхинд̣̇ид̇ваа бан̣н̣ам̣ ваажзд̇ваа д̇амад̇т̇ам̣ н̃ад̇ваа гад̇д̇аб̣б̣агижжам̣ вижаарзд̇ваа саяанз нибаж̇ж̇и.

    Tassā tassa vacanaṃ sutvāva mahāsatte sinehena pabbatamatto soko uppajji. Tato sā cintesi ‘‘ekena upāyena rājānaṃ assāsetvā rañño niddaṃ okkamanakāle mama kaniṭṭhassa sāsanaṃ pahiṇissāmī’’ti. Atha sā ‘‘mahārāja, tayāvetaṃ kataṃ gahapatiputtaṃ mahante issariye patiṭṭhāpentena, tumhehi so senāpatiṭṭhāne ṭhapito, idāni kira so tumhākaṃyeva paccatthiko jāto, na kho pana paccatthiko khuddako nāma atthi, māretabbova, tumhe mā cintayitthā’’ti rājānaṃ assāsesi. So tanubhūtasoko niddaṃ okkami. Devī uṭṭhāya gabbhaṃ pavisitvā ‘‘tāta mahosadha, cattāro paṇḍitā taṃ paribhindiṃsu, rājā kuddho sve dvārantare taṃ vadhāya āṇāpesi, sve rājakulaṃ mā āgaccheyyāsi, āgacchanto pana nagaraṃ hatthagataṃ katvā samattho hutvā āgaccheyyāsī’’ti paṇṇaṃ likhitvā modakassa anto pakkhipitvā modakaṃ suttena veṭhetvā navabhājane katvā chādetvā lañchetvā atthacārikāya dāsiyā adāsi ‘‘imaṃ modakaṃ gahetvā mama kaniṭṭhassa dehī’’ti. Sā tathā akāsi. ‘‘Rattiṃ kathaṃ nikkhantā’’ti na cintetabbaṃ. Raññā paṭhamameva deviyā varo dinno, tena na naṃ koci nivāresi. Bodhisatto paṇṇākāraṃ gahetvā naṃ uyyojesi. Sā puna āgantvā dinnabhāvaṃ ārocesi. Tasmiṃ khaṇe devī āgantvā raññā saddhiṃ nipajji. Mahāsattopi modakaṃ bhinditvā paṇṇaṃ vācetvā tamatthaṃ ñatvā kattabbakiccaṃ vicāretvā sayane nipajji.

    ид̇арзби жад̇д̇ааро ж̇анаа баад̇ова каг̇г̇ам̣ г̇ахзд̇ваа д̣̇вааранд̇арз тад̇ваа бан̣д̣ид̇ам̣ абассанд̇аа д̣̇умманаа худ̇ваа ран̃н̃о санд̇игам̣ г̇анд̇ваа ‘‘гим̣ бан̣д̣ид̇аа маарид̇о во г̇ахабад̇ибуд̇д̇о’’д̇и вуд̇д̇з ‘‘на бассаама, д̣̇зваа’’д̇и аахам̣су. махаасад̇д̇оби арун̣уг̇г̇аманзязва наг̇арам̣ ад̇д̇ано хад̇т̇аг̇ад̇ам̣ гад̇ваа д̇ад̇т̇а д̇ад̇т̇а аарагкам̣ табзд̇ваа махааж̇анабаривуд̇о рат̇ам̣ ааруяха маханд̇зна бариваарзна рааж̇ад̣̇ваарам̣ аг̇амааси. рааж̇аа сийхабан̃ж̇арам̣ уг̇гхаадзд̇ваа б̣ахи ологзнд̇о адтааси. ат̇а махаасад̇д̇о рат̇аа од̇арид̇ваа рааж̇аанам̣ ванд̣̇ид̇ваа адтааси. рааж̇аа д̇ам̣ д̣̇исваа жинд̇зси ‘‘сажз аяам̣ мама бажжад̇т̇иго бхавзяяа , на мам̣ ванд̣̇зяяаа’’д̇и. ат̇а нам̣ баггосаабзд̇ваа рааж̇аа аасанз нисийд̣̇и. махаасад̇д̇оби згаманд̇ам̣ нисийд̣̇и. жад̇д̇аароби бан̣д̣ид̇аа д̇ад̇т̇зва нисийд̣̇им̣су. ат̇а нам̣ рааж̇аа гин̃жи аж̇аананд̇о вияа ‘‘д̇аад̇а, д̇вам̣ хияяо г̇анд̇ваа ид̣̇аани ааг̇ажчаси, гим̣ мам̣ барижжаж̇асий’’д̇и вад̇ваа имам̣ г̇аат̇амааха –

    Itarepi cattāro janā pātova khaggaṃ gahetvā dvārantare ṭhatvā paṇḍitaṃ apassantā dummanā hutvā rañño santikaṃ gantvā ‘‘kiṃ paṇḍitā mārito vo gahapatiputto’’ti vutte ‘‘na passāma, devā’’ti āhaṃsu. Mahāsattopi aruṇuggamaneyeva nagaraṃ attano hatthagataṃ katvā tattha tattha ārakkhaṃ ṭhapetvā mahājanaparivuto rathaṃ āruyha mahantena parivārena rājadvāraṃ agamāsi. Rājā sīhapañjaraṃ ugghāṭetvā bahi olokento aṭṭhāsi. Atha mahāsatto rathā otaritvā rājānaṃ vanditvā aṭṭhāsi. Rājā taṃ disvā cintesi ‘‘sace ayaṃ mama paccatthiko bhaveyya , na maṃ vandeyyā’’ti. Atha naṃ pakkosāpetvā rājā āsane nisīdi. Mahāsattopi ekamantaṃ nisīdi. Cattāropi paṇḍitā tattheva nisīdiṃsu. Atha naṃ rājā kiñci ajānanto viya ‘‘tāta, tvaṃ hiyyo gantvā idāni āgacchasi, kiṃ maṃ pariccajasī’’ti vatvā imaṃ gāthamāha –

    ‘‘абхид̣̇осаг̇ад̇о д̣̇аани зхиси, гим̣ суд̇ваа гим̣ сан̇гад̇з мано д̇з;

    ‘‘Abhidosagato dāni ehisi, kiṃ sutvā kiṃ saṅkate mano te;

    го д̇з гимавожа бхуурибан̃н̃а, ин̇гха важанам̣ сун̣ома б̣руухи мзд̇а’’нд̇и. (ж̇аа. 1.15.325);

    Ko te kimavoca bhūripañña, iṅgha vacanaṃ suṇoma brūhi meta’’nti. (jā. 1.15.325);

    д̇ад̇т̇а абхид̣̇осаг̇ад̇од̇и хияяо батамаяаамз г̇ад̇о ид̣̇аани ааг̇ад̇о. гим̣ сан̇гад̇зд̇и гим̣ аасан̇гад̇з. гимавожаад̇и гим̣ ран̃н̃о санд̇игам̣ маа г̇амийд̇и д̇ам̣ гожи авожа.

    Tattha abhidosagatoti hiyyo paṭhamayāme gato idāni āgato. Kiṃ saṅkateti kiṃ āsaṅkate. Kimavocāti kiṃ rañño santikaṃ mā gamīti taṃ koci avoca.

    ат̇а нам̣ махаасад̇д̇о ‘‘махаарааж̇а, д̇аяаа мз жад̇уннам̣ бан̣д̣ид̇аанам̣ важанам̣ г̇ахзд̇ваа вад̇хо аан̣ад̇д̇о, д̇знаахам̣ на змий’’д̇и жод̣̇знд̇о имам̣ г̇аат̇амааха –

    Atha naṃ mahāsatto ‘‘mahārāja, tayā me catunnaṃ paṇḍitānaṃ vacanaṃ gahetvā vadho āṇatto, tenāhaṃ na emī’’ti codento imaṃ gāthamāha –

    ‘‘бан̣хз важ̇жхо махосад̇ход̇и, яад̣̇и д̇з манд̇аяид̇ам̣ ж̇анинд̣̇а д̣̇осам̣;

    ‘‘Paṇhe vajjho mahosadhoti, yadi te mantayitaṃ janinda dosaṃ;

    бхарияааяа рахог̇ад̇о асам̣си, г̇уяхам̣ баад̇угад̇ам̣ суд̇ам̣ мамзд̇а’’нд̇и. (ж̇аа. 1.15.326);

    Bhariyāya rahogato asaṃsi, guyhaṃ pātukataṃ sutaṃ mameta’’nti. (jā. 1.15.326);

    д̇ад̇т̇а яад̣̇и д̇зд̇и яасмаа д̇аяаа. манд̇аяид̇анд̇и гат̇ид̇ам̣. д̣̇осанд̇и абхид̣̇осам̣, рад̇д̇ибхааг̇зд̇и ад̇т̇о. гасса гат̇ид̇анд̇и? бхарияааяа. д̇ван̃хи хияяо д̇ассаа имамад̇т̇ам̣ рахог̇ад̇о асам̣си. г̇уяхам̣ баад̇угад̇анд̇и д̇ассаа зваруубам̣ ад̇д̇ано рахассам̣ баад̇угад̇ам̣. суд̇ам̣ мамзд̇анд̇и маяаа банзд̇ам̣ д̇асмим̣ кан̣зязва суд̇ам̣.

    Tattha yadi teti yasmā tayā. Mantayitanti kathitaṃ. Dosanti abhidosaṃ, rattibhāgeti attho. Kassa kathitanti? Bhariyāya. Tvañhi hiyyo tassā imamatthaṃ rahogato asaṃsi. Guyhaṃ pātukatanti tassā evarūpaṃ attano rahassaṃ pātukataṃ. Sutaṃ mametanti mayā panetaṃ tasmiṃ khaṇeyeva sutaṃ.

    рааж̇аа д̇ам̣ суд̇ваа ‘‘имааяа д̇ан̇кан̣ан̃н̃зва саасанам̣ бахид̇ам̣ бхависсад̇ий’’д̇и гуд̣̇д̇хо д̣̇звим̣ ологзси. д̇ам̣ н̃ад̇ваа махаасад̇д̇о ‘‘гим̣, д̣̇зва, д̣̇звияаа гуж̇жхат̇а, ахам̣ ад̇ийд̇аанааг̇ад̇абажжуббаннам̣ саб̣б̣ам̣ ж̇аанаами. д̣̇зва, д̇умхаагам̣ д̇аава рахассам̣ д̣̇звияаа гат̇ид̇ам̣ ход̇у, аажарияасзнагасса буггусаад̣̇ийнам̣ ваа рахассам̣ мама гзна гат̇ид̇ам̣, ахам̣ зд̇зсамби рахассам̣ ж̇аанаамиязваа’’д̇и сзнагасса д̇аава рахассам̣ гат̇знд̇о имам̣ г̇аат̇амааха –

    Rājā taṃ sutvā ‘‘imāya taṅkhaṇaññeva sāsanaṃ pahitaṃ bhavissatī’’ti kuddho deviṃ olokesi. Taṃ ñatvā mahāsatto ‘‘kiṃ, deva, deviyā kujjhatha, ahaṃ atītānāgatapaccuppannaṃ sabbaṃ jānāmi. Deva, tumhākaṃ tāva rahassaṃ deviyā kathitaṃ hotu, ācariyasenakassa pukkusādīnaṃ vā rahassaṃ mama kena kathitaṃ, ahaṃ etesampi rahassaṃ jānāmiyevā’’ti senakassa tāva rahassaṃ kathento imaṃ gāthamāha –

    ‘‘яам̣ саалаванасмим̣ сзнаго, баабагаммам̣ агааси асаб̣бхируубам̣;

    ‘‘Yaṃ sālavanasmiṃ senako, pāpakammaṃ akāsi asabbhirūpaṃ;

    сакинова рахог̇ад̇о асам̣си, г̇уяхам̣ баад̇угад̇ам̣ суд̇ам̣ мамзд̇а’’нд̇и. (ж̇аа. 1.15.327);

    Sakhinova rahogato asaṃsi, guyhaṃ pātukataṃ sutaṃ mameta’’nti. (jā. 1.15.327);

    д̇ад̇т̇а асаб̣бхируубанд̇и асаад̇хуж̇аад̇игам̣ лаамагам̣ агусалагаммам̣ агааси. имасмим̣язва хи наг̇арз асугам̣ наама взсим̣ саалавануяяаанз бурисагижжам̣ гад̇ваа д̇ам̣ маарзд̇ваа алан̇гаарам̣ г̇ахзд̇ваа д̇ассааязва саадагзна бхан̣д̣игам̣ гад̇ваа ад̇д̇ано гхарз асугадтаанз нааг̇ад̣̇анд̇агз лаг̇г̇зд̇ваа табзси. сакиноваад̇и ат̇а нам̣, махаарааж̇а, згасса сахааяагасса рахог̇ад̇о худ̇ваа агкааси, д̇амби маяаа суд̇ам̣. наахам̣ д̣̇звасса бажжад̇т̇иго, сзнагоязва. яад̣̇и д̇з бажжад̇т̇игзна гаммам̣ ад̇т̇и, сзнагам̣ г̇ан̣хаабзхийд̇и.

    Tattha asabbhirūpanti asādhujātikaṃ lāmakaṃ akusalakammaṃ akāsi. Imasmiṃyeva hi nagare asukaṃ nāma vesiṃ sālavanuyyāne purisakiccaṃ katvā taṃ māretvā alaṅkāraṃ gahetvā tassāyeva sāṭakena bhaṇḍikaṃ katvā attano ghare asukaṭṭhāne nāgadantake laggetvā ṭhapesi. Sakhinovāti atha naṃ, mahārāja, ekassa sahāyakassa rahogato hutvā akkhāsi, tampi mayā sutaṃ. Nāhaṃ devassa paccatthiko, senakoyeva. Yadi te paccatthikena kammaṃ atthi, senakaṃ gaṇhāpehīti.

    рааж̇аа сзнагам̣ ологзд̇ваа ‘‘сажжам̣, сзнагаа’’д̇и бужчид̇ваа ‘‘сажжам̣, д̣̇зваа’’д̇и вуд̇д̇з д̇асса б̣анд̇ханааг̇аараббавзсанам̣ аан̣аабзси. бан̣д̣ид̇о буггусасса рахассам̣ гат̇знд̇о имам̣ г̇аат̇амааха –

    Rājā senakaṃ oloketvā ‘‘saccaṃ, senakā’’ti pucchitvā ‘‘saccaṃ, devā’’ti vutte tassa bandhanāgārappavesanaṃ āṇāpesi. Paṇḍito pukkusassa rahassaṃ kathento imaṃ gāthamāha –

    ‘‘буггусабурисасса д̇з ж̇анинд̣̇а, уббанно рог̇о арааж̇аяуд̇д̇о;

    ‘‘Pukkusapurisassa te janinda, uppanno rogo arājayutto;

    бхаад̇ужжа рахог̇ад̇о асам̣си, г̇уяхам̣ баад̇угад̇ам̣ суд̇ам̣ мамзд̇а’’нд̇и. (ж̇аа. 1.15.328);

    Bhātucca rahogato asaṃsi, guyhaṃ pātukataṃ sutaṃ mameta’’nti. (jā. 1.15.328);

    д̇ад̇т̇а арааж̇аяуд̇д̇од̇и махаарааж̇а, зд̇асса гудтарог̇о уббанно, со рааж̇аанам̣ бад̇д̇ум̣ аяуд̇д̇о, чубанаанужчавиго на ход̇и. д̇умхз жа ‘‘буггусасса ууру муд̣̇уго’’д̇и язбхуяязна д̇асса уурумхи нибаж̇ж̇ат̇а. со банзса ван̣аб̣анд̇хабилод̇игааяа пассо, д̣̇зваад̇и.

    Tattha arājayuttoti mahārāja, etassa kuṭṭharogo uppanno, so rājānaṃ pattuṃ ayutto, chupanānucchaviko na hoti. Tumhe ca ‘‘pukkusassa ūru muduko’’ti yebhuyyena tassa ūrumhi nipajjatha. So panesa vaṇabandhapilotikāya phasso, devāti.

    рааж̇аа д̇амби ологзд̇ваа ‘‘сажжам̣ буггусаа’’д̇и бужчид̇ваа ‘‘сажжам̣ д̣̇зваа’’д̇и вуд̇д̇з д̇амби б̣анд̇ханааг̇аарам̣ бавзсаабзси. бан̣д̣ид̇о гааминд̣̇ассаби рахассам̣ гат̇знд̇о имам̣ г̇аат̇амааха –

    Rājā tampi oloketvā ‘‘saccaṃ pukkusā’’ti pucchitvā ‘‘saccaṃ devā’’ti vutte tampi bandhanāgāraṃ pavesāpesi. Paṇḍito kāmindassapi rahassaṃ kathento imaṃ gāthamāha –

    ‘‘ааб̣аад̇хояам̣ асаб̣бхируубо, гааминд̣̇о нарад̣̇звзна пудто;

    ‘‘Ābādhoyaṃ asabbhirūpo, kāmindo naradevena phuṭṭho;

    буд̇д̇асса рахог̇ад̇о асам̣си, г̇уяхам̣ баад̇угад̇ам̣ суд̇ам̣ мамзд̇а’’нд̇и. (ж̇аа. 1.15.329);

    Puttassa rahogato asaṃsi, guyhaṃ pātukataṃ sutaṃ mameta’’nti. (jā. 1.15.329);

    д̇ад̇т̇а асаб̣бхируубод̇и язна со ааб̣аад̇хзна пудто уммад̇д̇агасунако вияа виравад̇и, со нарад̣̇зваяагкааб̣аад̇хо асаб̣бхиж̇аад̇иго лаамаго, рааж̇агулам̣ бависид̇ум̣ на яуд̇д̇о, махаарааж̇аад̇и вад̣̇ад̇и.

    Tattha asabbhirūpoti yena so ābādhena phuṭṭho ummattakasunakho viya viravati, so naradevayakkhābādho asabbhijātiko lāmako, rājakulaṃ pavisituṃ na yutto, mahārājāti vadati.

    рааж̇аа д̇амби ологзд̇ваа ‘‘сажжам̣ гааминд̣̇аа’’д̇и бужчид̇ваа ‘‘сажжам̣ д̣̇зваа’’д̇и вуд̇д̇з д̇амби б̣анд̇ханааг̇аарам̣ бавзсаабзси. бан̣д̣ид̇о д̣̇звинд̣̇ассаби рахассам̣ гат̇знд̇о имам̣ г̇аат̇амааха –

    Rājā tampi oloketvā ‘‘saccaṃ kāmindā’’ti pucchitvā ‘‘saccaṃ devā’’ti vutte tampi bandhanāgāraṃ pavesāpesi. Paṇḍito devindassapi rahassaṃ kathento imaṃ gāthamāha –

    ‘‘адтаван̇гам̣ ман̣ирад̇анам̣ ул̣аарам̣, сагго д̇з ад̣̇ад̣̇аа бид̇аамахасса;

    ‘‘Aṭṭhavaṅkaṃ maṇiratanaṃ uḷāraṃ, sakko te adadā pitāmahassa;

    д̣̇звинд̣̇асса г̇ад̇ам̣ д̇ад̣̇аж̇ж̇а хад̇т̇ам̣, маад̇ужжа рахог̇ад̇о асам̣си;

    Devindassa gataṃ tadajja hatthaṃ, mātucca rahogato asaṃsi;

    г̇уяхам̣ баад̇угад̇ам̣ суд̇ам̣ мамзд̇а’’нд̇и. (ж̇аа. 1.15.330);

    Guyhaṃ pātukataṃ sutaṃ mameta’’nti. (jā. 1.15.330);

    д̇ад̇т̇а бид̇аамахассаад̇и д̇ава бид̇аамахасса гусарааж̇асса. д̇ад̣̇аж̇ж̇а хад̇т̇анд̇и д̇ам̣ ман̇г̇аласаммад̇ам̣ ман̣ирад̇анам̣ аж̇ж̇а д̣̇звинд̣̇асса хад̇т̇аг̇ад̇ам̣, махаарааж̇аад̇и.

    Tattha pitāmahassāti tava pitāmahassa kusarājassa. Tadajja hatthanti taṃ maṅgalasammataṃ maṇiratanaṃ ajja devindassa hatthagataṃ, mahārājāti.

    рааж̇аа д̇амби ологзд̇ваа ‘‘сажжам̣ д̣̇звинд̣̇аа’’д̇и бужчид̇ваа ‘‘сажжам̣ д̣̇зваа’’д̇и вуд̇д̇з д̇амби б̣анд̇ханааг̇аарам̣ бавзсаабзси. звам̣ ‘‘б̣од̇хисад̇д̇ам̣ вад̇хиссаамаа’’д̇и жинд̇зд̇ваа саб̣б̣зби д̇з б̣анд̇ханааг̇аарам̣ бавидтаа. б̣од̇хисад̇д̇о ‘‘махаарааж̇а, иминаа гааран̣знаахам̣ ‘ад̇д̇ано г̇уяхам̣ барасса на гат̇зд̇аб̣б̣а’нд̇и вад̣̇аами, вад̣̇анд̇аа бана махаавинаасам̣ бад̇д̇аа’’д̇и вад̇ваа уд̇д̇ари д̇хаммам̣ д̣̇зсзнд̇о имаа г̇аат̇аа абхааси –

    Rājā tampi oloketvā ‘‘saccaṃ devindā’’ti pucchitvā ‘‘saccaṃ devā’’ti vutte tampi bandhanāgāraṃ pavesāpesi. Evaṃ ‘‘bodhisattaṃ vadhissāmā’’ti cintetvā sabbepi te bandhanāgāraṃ paviṭṭhā. Bodhisatto ‘‘mahārāja, iminā kāraṇenāhaṃ ‘attano guyhaṃ parassa na kathetabba’nti vadāmi, vadantā pana mahāvināsaṃ pattā’’ti vatvā uttari dhammaṃ desento imā gāthā abhāsi –

    ‘‘г̇уяхасса хи г̇уяхамзва саад̇ху, на г̇уяхасса басад̇т̇амаавигаммам̣;

    ‘‘Guyhassa hi guyhameva sādhu, na guyhassa pasatthamāvikammaṃ;

    анибпаннад̇аа сахзяяа д̇хийро, нибпаннова яат̇аасукам̣ бхан̣зяяа.

    Anipphannatā saheyya dhīro, nipphannova yathāsukhaṃ bhaṇeyya.

    ‘‘на г̇уяхамад̇т̇ам̣ виварзяяа, рагкзяяа нам̣ яат̇аа нид̇хим̣;

    ‘‘Na guyhamatthaṃ vivareyya, rakkheyya naṃ yathā nidhiṃ;

    на хи баад̇угад̇о саад̇ху, г̇уяхо ад̇т̇о баж̇аанад̇аа.

    Na hi pātukato sādhu, guyho attho pajānatā.

    ‘‘т̇ияаа г̇уяхам̣ на сам̣сзяяа, амид̇д̇асса жа бан̣д̣ид̇о;

    ‘‘Thiyā guyhaṃ na saṃseyya, amittassa ca paṇḍito;

    яо жаамисзна сам̣хийро, хад̣̇аяад̇т̇зно жа яо наро.

    Yo cāmisena saṃhīro, hadayattheno ca yo naro.

    ‘‘г̇уяхамад̇т̇ам̣ асамб̣уд̣̇д̇хам̣, самб̣од̇хаяад̇и яо наро;

    ‘‘Guyhamatthaṃ asambuddhaṃ, sambodhayati yo naro;

    манд̇абхзд̣̇абхаяаа д̇асса, д̣̇аасабхууд̇о д̇ид̇игкад̇и.

    Mantabhedabhayā tassa, dāsabhūto titikkhati.

    ‘‘яааванд̇о бурисассад̇т̇ам̣, г̇уяхам̣ ж̇аананд̇и манд̇инам̣;

    ‘‘Yāvanto purisassatthaṃ, guyhaṃ jānanti mantinaṃ;

    д̇ааванд̇о д̇асса уб̣б̣зг̇аа, д̇асмаа г̇уяхам̣ на виссаж̇з.

    Tāvanto tassa ubbegā, tasmā guyhaṃ na vissaje.

    ‘‘вивижжа бхаасзяяа д̣̇иваа рахассам̣, рад̇д̇им̣ г̇ирам̣ наад̇ивзлам̣ бамун̃жз;

    ‘‘Vivicca bhāseyya divā rahassaṃ, rattiṃ giraṃ nātivelaṃ pamuñce;

    убассуд̇игаа хи сун̣анд̇и манд̇ам̣, д̇асмаа манд̇о киббамубзд̇и бхзд̣̇а’’нд̇и. (ж̇аа. 1.15.331-336);

    Upassutikā hi suṇanti mantaṃ, tasmā manto khippamupeti bheda’’nti. (jā. 1.15.331-336);

    д̇ад̇т̇а амид̇д̇асса жаад̇и ид̇т̇ияаа жа бажжад̇т̇игасса жа на гат̇зяяа. сам̣хийрод̇и яо жа язна гзнажи аамисзна сам̣хийрад̇и убалаабад̇и сан̇г̇ахам̣ г̇ажчад̇и, д̇ассаби на сам̣сзяяа. хад̣̇аяад̇т̇знод̇и яо жа амид̇д̇о мид̇д̇абад̇ируубаго мукзна ан̃н̃ам̣ гат̇зд̇и, хад̣̇аязна ан̃н̃ам̣ жинд̇зд̇и, д̇ассаби на сам̣сзяяа. асамб̣уд̣̇д̇ханд̇и барзхи ан̃н̃аад̇ам̣. ‘‘асамб̣од̇ха’’нд̇иби баато, барзсам̣ б̣од̇хзд̇ум̣ аяуд̇д̇анд̇и ад̇т̇о. д̇ид̇игкад̇ийд̇и д̇асса аггосамби барибхаасамби бахаарамби д̣̇аасо вияа худ̇ваа ад̇хиваасзд̇и. манд̇инанд̇и манд̇ид̇ам̣, манд̇ийнам̣ ваа анд̇арз яааванд̇о ж̇аананд̇ийд̇и ад̇т̇о. д̇ааванд̇од̇и д̇з г̇уяхаж̇аананагз бадижжа д̇ад̇д̇агаа д̇асса уб̣б̣зг̇аа санд̇аасаа уббаж̇ж̇анд̇и. на виссаж̇зд̇и на виссаж̇ж̇зяяа барам̣ на ж̇аанаабзяяа. вивижжаад̇и сажз д̣̇иваа рахассам̣ манд̇зд̇угаамо ход̇и, вивид̇д̇ам̣ огаасам̣ гаарзд̇ваа суббадижчаннадтаанз манд̇зяяа. наад̇ивзланд̇и рад̇д̇им̣ рахассам̣ гат̇знд̇о бана ад̇ивзлам̣ марияаад̣̇аад̇игганд̇ам̣ махаасад̣̇д̣̇ам̣ гаронд̇о г̇ирам̣ наббамун̃жзяяа. убассуд̇игаа хийд̇и манд̇анадтаанам̣ убаг̇анд̇ваа д̇ирогуддаад̣̇ийсу тад̇ваа сод̇ааро. д̇асмаад̇и махаарааж̇а, д̇зна гааран̣зна со манд̇о киббамзва бхзд̣̇амубааг̇амийд̇и.

    Tattha amittassa cāti itthiyā ca paccatthikassa ca na katheyya. Saṃhīroti yo ca yena kenaci āmisena saṃhīrati upalāpati saṅgahaṃ gacchati, tassapi na saṃseyya. Hadayatthenoti yo ca amitto mittapatirūpako mukhena aññaṃ katheti, hadayena aññaṃ cinteti, tassapi na saṃseyya. Asambuddhanti parehi aññātaṃ. ‘‘Asambodha’’ntipi pāṭho, paresaṃ bodhetuṃ ayuttanti attho. Titikkhatīti tassa akkosampi paribhāsampi pahārampi dāso viya hutvā adhivāseti. Mantinanti mantitaṃ, mantīnaṃ vā antare yāvanto jānantīti attho. Tāvantoti te guyhajānanake paṭicca tattakā tassa ubbegā santāsā uppajjanti. Na vissajeti na vissajjeyya paraṃ na jānāpeyya. Viviccāti sace divā rahassaṃ mantetukāmo hoti, vivittaṃ okāsaṃ kāretvā suppaṭicchannaṭṭhāne manteyya. Nātivelanti rattiṃ rahassaṃ kathento pana ativelaṃ mariyādātikkantaṃ mahāsaddaṃ karonto giraṃ nappamuñceyya. Upassutikā hīti mantanaṭṭhānaṃ upagantvā tirokuṭṭādīsu ṭhatvā sotāro. Tasmāti mahārāja, tena kāraṇena so manto khippameva bhedamupāgamīti.

    рааж̇аа махаасад̇д̇асса гат̇ам̣ суд̇ваа ‘‘зд̇з саяам̣ рааж̇авзрино худ̇ваа бан̣д̣ид̇ам̣ мама взрим̣ гаронд̇ий’’д̇и гуж̇жхид̇ваа ‘‘г̇ажчат̇а нз наг̇араа нигкамаабзд̇ваа суулзсу ваа уд̇д̇аасзт̇а, сийсаани ваа д̇зсам̣ чинд̣̇ат̇аа’’д̇и аан̣аабзси. д̇зсу бажчааб̣аахам̣ б̣анд̇хид̇ваа жад̇уггз жад̇уггз гасаахи бахаарасахассам̣ д̣̇ад̇ваа нийяамаанзсу бан̣д̣ид̇о ‘‘д̣̇зва, имз д̇умхаагам̣ бораан̣агаа амажжаа, камат̇а нзсам̣ абараад̇ха’’нд̇и рааж̇аанам̣ камаабзси. рааж̇аа д̇асса важанам̣ суд̇ваа ‘‘саад̇хуу’’д̇и д̇з баггосаабзд̇ваа д̇ассзва д̣̇аасз гад̇ваа ад̣̇ааси. со бана д̇з д̇ад̇т̇зва бхуж̇иссз агааси. рааж̇аа ‘‘д̇зна хи мама виж̇ид̇з маа васанд̇уу’’д̇и баб̣б̣ааж̇анийяагаммам̣ аан̣аабзси. бан̣д̣ид̇о ‘‘камат̇а, д̣̇зва, зд̇зсам̣ анд̇хаб̣аалаанам̣ д̣̇оса’’нд̇и камаабзд̇ваа д̇зсам̣ таананд̇араани буна баагад̇игаани гаарзси. рааж̇аа ‘‘бажжаамид̇д̇зсуби д̇аавасса зваруубаа мзд̇д̇аа бхавад̇и, ан̃н̃зсу ж̇анзсу гат̇ам̣ на бхависсад̇ий’’д̇и бан̣д̣ид̇асса ад̇ивияа басанно ахоси. д̇ад̇о бадтааяа жад̇д̇ааро бан̣д̣ид̇аа уд̣̇д̇хад̇ад̣̇аатаа вияа саббаа ниб̣б̣исаа худ̇ваа гин̃жи гат̇зд̇ум̣ наасагким̣су.

    Rājā mahāsattassa kathaṃ sutvā ‘‘ete sayaṃ rājaverino hutvā paṇḍitaṃ mama veriṃ karontī’’ti kujjhitvā ‘‘gacchatha ne nagarā nikkhamāpetvā sūlesu vā uttāsetha, sīsāni vā tesaṃ chindathā’’ti āṇāpesi. Tesu pacchābāhaṃ bandhitvā catukke catukke kasāhi pahārasahassaṃ datvā nīyamānesu paṇḍito ‘‘deva, ime tumhākaṃ porāṇakā amaccā, khamatha nesaṃ aparādha’’nti rājānaṃ khamāpesi. Rājā tassa vacanaṃ sutvā ‘‘sādhū’’ti te pakkosāpetvā tasseva dāse katvā adāsi. So pana te tattheva bhujisse akāsi. Rājā ‘‘tena hi mama vijite mā vasantū’’ti pabbājanīyakammaṃ āṇāpesi. Paṇḍito ‘‘khamatha, deva, etesaṃ andhabālānaṃ dosa’’nti khamāpetvā tesaṃ ṭhānantarāni puna pākatikāni kāresi. Rājā ‘‘paccāmittesupi tāvassa evarūpā mettā bhavati, aññesu janesu kathaṃ na bhavissatī’’ti paṇḍitassa ativiya pasanno ahosi. Tato paṭṭhāya cattāro paṇḍitā uddhatadāṭhā viya sappā nibbisā hutvā kiñci kathetuṃ nāsakkhiṃsu.

    бан̃жабан̣д̣ид̇абан̃хо нидтид̇о.

    Pañcapaṇḍitapañho niṭṭhito.

    нидтид̇аа жа барибхинд̣̇агат̇аа.

    Niṭṭhitā ca paribhindakathā.

    яуд̣̇д̇хабарааж̇аяаган̣д̣ам̣

    Yuddhaparājayakaṇḍaṃ

    д̇ад̇о бадтааяа бан̣д̣ид̇ова ран̃н̃о ад̇т̇ан̃жа д̇хамман̃жа анусаасад̇и. со жинд̇зси ‘‘ран̃н̃о сзд̇ачад̇д̇амад̇д̇амзва, раж̇ж̇ам̣ бана ахамзва вижаарзми , маяаа аббамад̇д̇зна бхавид̇ум̣ ваддад̇ий’’д̇и. со наг̇арз махаабаагаарам̣ наама гаарзси, д̇ат̇аа анубаагааран̃жа д̣̇ваараддаалагз анд̇араддаалагз уд̣̇агабарикам̣ гад̣̇д̣̇амабарикам̣ сугкабариканд̇и д̇иссо барикааяо гаарзси, анд̇онаг̇арз ж̇ин̣н̣аг̇зхаани бадисан̇караабзси, махаабогкаран̣ияо гаарзд̇ваа д̇аасу уд̣̇аганид̇хаанам̣ гаарзси, наг̇арз саб̣б̣агодтааг̇аараани д̇хан̃н̃асса буураабзси, химаванд̇аббад̣̇зсад̇о гулубагад̇аабасзхи гуд̣̇руусагумуд̣̇аб̣ийж̇аани аахараабзси, уд̣̇аганид̣̇д̇хаманаани сод̇хаабзд̇ваа д̇ад̇т̇а робаабзси, б̣ахинаг̇арзби ж̇ин̣н̣асаалаабадисан̇каран̣агаммам̣ гаарзси. гим̣ гааран̣аа? анааг̇ад̇абхаяабадиб̣ааханад̇т̇ам̣. д̇ад̇о д̇ад̇о ааг̇ад̇аваан̣иж̇агзби ‘‘саммаа, д̇умхз гуд̇о ааг̇ад̇ад̇т̇аа’’д̇и бужчид̇ваа ‘‘асугадтаанад̇о’’д̇и вуд̇д̇з ‘‘д̇умхаагам̣ ран̃н̃аа гим̣ бияа’’нд̇и бужчид̇ваа ‘‘асугам̣ наамаа’’д̇и вуд̇д̇з д̇зсам̣ саммаанам̣ гаарзд̇ваа уяяож̇зд̇ваа ад̇д̇ано згасад̇з яод̇хз баггосаабзд̇ваа ‘‘саммаа, маяаа д̣̇иннз бан̣н̣аагаарз г̇ахзд̇ваа згасад̇арааж̇ад̇хаанияо г̇анд̇ваа имз бан̣н̣аагаарз ад̇д̇ано бияагаамад̇ааяа д̇зсам̣ рааж̇уунам̣ д̣̇ад̇ваа д̇зязва убадтаханд̇аа д̇зсам̣ гирияам̣ ваа манд̇ам̣ ваа н̃ад̇ваа маяхам̣ саасанам̣ бзсзнд̇аа д̇ад̇т̇зва васат̇а, ахам̣ во буд̇д̇ад̣̇аарам̣ босзссаамий’’д̇и вад̇ваа гзсан̃жи гун̣д̣алз, гзсан̃жи баад̣̇угааяо, гзсан̃жи каг̇г̇з, гзсан̃жи суван̣н̣амаалааяо агкараани чинд̣̇ид̇ваа ‘‘яад̣̇аа мама гижжам̣ ад̇т̇и, д̇ад̣̇аа бан̃н̃ааяанд̇уу’’д̇и ад̇хидтахид̇ваа д̇зсам̣ хад̇т̇з д̣̇ад̇ваа бзсзси. д̇з д̇ад̇т̇а д̇ад̇т̇а г̇анд̇ваа д̇зсам̣ д̇зсам̣ рааж̇уунам̣ бан̣н̣аагаарам̣ д̣̇ад̇ваа ‘‘гзнад̇т̇знааг̇ад̇аа’’д̇и вуд̇д̇з ‘‘д̇умхзва убадтаад̇ум̣ ааг̇ад̇амхаа’’д̇и вад̇ваа ‘‘гуд̇о ааг̇ад̇ад̇т̇аа’’д̇и будтаа ааг̇ад̇адтаанам̣ авад̇ваа ан̃н̃аани таанаани аажигкид̇ваа ‘‘д̇зна хи саад̇хуу’’д̇и самбадижчид̇з убадтаханд̇аа д̇зсам̣ аб̣бханд̇аригаа ахзсум̣.

    Tato paṭṭhāya paṇḍitova rañño atthañca dhammañca anusāsati. So cintesi ‘‘rañño setachattamattameva, rajjaṃ pana ahameva vicāremi , mayā appamattena bhavituṃ vaṭṭatī’’ti. So nagare mahāpākāraṃ nāma kāresi, tathā anupākārañca dvāraṭṭālake antaraṭṭālake udakaparikhaṃ kaddamaparikhaṃ sukkhaparikhanti tisso parikhāyo kāresi, antonagare jiṇṇagehāni paṭisaṅkharāpesi, mahāpokkharaṇiyo kāretvā tāsu udakanidhānaṃ kāresi, nagare sabbakoṭṭhāgārāni dhaññassa pūrāpesi, himavantappadesato kulupakatāpasehi kudrūsakumudabījāni āharāpesi, udakaniddhamanāni sodhāpetvā tattha ropāpesi, bahinagarepi jiṇṇasālāpaṭisaṅkharaṇakammaṃ kāresi. Kiṃ kāraṇā? Anāgatabhayapaṭibāhanatthaṃ. Tato tato āgatavāṇijakepi ‘‘sammā, tumhe kuto āgatatthā’’ti pucchitvā ‘‘asukaṭṭhānato’’ti vutte ‘‘tumhākaṃ raññā kiṃ piya’’nti pucchitvā ‘‘asukaṃ nāmā’’ti vutte tesaṃ sammānaṃ kāretvā uyyojetvā attano ekasate yodhe pakkosāpetvā ‘‘sammā, mayā dinne paṇṇākāre gahetvā ekasatarājadhāniyo gantvā ime paṇṇākāre attano piyakāmatāya tesaṃ rājūnaṃ datvā teyeva upaṭṭhahantā tesaṃ kiriyaṃ vā mantaṃ vā ñatvā mayhaṃ sāsanaṃ pesentā tattheva vasatha, ahaṃ vo puttadāraṃ posessāmī’’ti vatvā kesañci kuṇḍale, kesañci pādukāyo, kesañci khagge, kesañci suvaṇṇamālāyo akkharāni chinditvā ‘‘yadā mama kiccaṃ atthi, tadā paññāyantū’’ti adhiṭṭhahitvā tesaṃ hatthe datvā pesesi. Te tattha tattha gantvā tesaṃ tesaṃ rājūnaṃ paṇṇākāraṃ datvā ‘‘kenatthenāgatā’’ti vutte ‘‘tumheva upaṭṭhātuṃ āgatamhā’’ti vatvā ‘‘kuto āgatatthā’’ti puṭṭhā āgataṭṭhānaṃ avatvā aññāni ṭhānāni ācikkhitvā ‘‘tena hi sādhū’’ti sampaṭicchite upaṭṭhahantā tesaṃ abbhantarikā ahesuṃ.

    д̇ад̣̇аа габиларадтз сан̇каб̣алаго наама рааж̇аа аавуд̇хаани саж̇ж̇аабзси, сзнам̣ сан̇гад̣дхи. д̇асса санд̇игз убанигкид̇д̇агабурисо бан̣д̣ид̇асса саасанам̣ бзсзси ‘‘саами, маяам̣ ид̇ха бавад̇д̇им̣ ‘ид̣̇ам̣ наама гариссад̇ий’д̇и на ж̇аанаама, аавуд̇хаани саж̇ж̇аабзд̇и, сзнам̣ сан̇гад̣дхад̇и, д̇умхз бурисависзсз бзсзд̇ваа ид̣̇ам̣ бавад̇д̇им̣ д̇ат̇ад̇о ж̇аанаат̇аа’’д̇и. ат̇а махаасад̇д̇о сувабод̇агам̣ ааманд̇зд̇ваа ‘‘самма, габиларадтз сан̇каб̣алаго наама рааж̇аа аавуд̇хаани саж̇ж̇аабзси, д̇вам̣ д̇ад̇т̇а г̇анд̇ваа ‘имам̣ наама гарод̇ий’д̇и д̇ат̇ад̇о н̃ад̇ваа сагалаж̇амб̣уд̣̇ийбам̣ аахин̣д̣ид̇ваа маяхам̣ бавад̇д̇им̣ аахараахий’’д̇и вад̇ваа мад̇хулааж̇з каад̣̇аабзд̇ваа мад̇хубаанийяам̣ бааязд̇ваа сад̇абаагасахассабаагзхи д̇злзхи багканд̇арам̣ магкзд̇ваа баажийнасийхабан̃ж̇арз тад̇ваа виссаж̇ж̇зси. соби д̇ад̇т̇а г̇анд̇ваа д̇асса бурисасса санд̇игаа д̇асса ран̃н̃о бавад̇д̇им̣ д̇ат̇ад̇о н̃ад̇ваа сагалаж̇амб̣уд̣̇ийбам̣ бариг̇г̇ан̣ханд̇о габиларадтз уд̇д̇арабан̃жааланаг̇арам̣ баабун̣и. д̇ад̣̇аа д̇ад̇т̇а жуул̣аниб̣рахмад̣̇ад̇д̇о наама рааж̇аа раж̇ж̇ам̣ гаарзси. д̇асса гзваддо наама б̣раахман̣о ад̇т̇ан̃жа д̇хамман̃жа анусаасад̇и, бан̣д̣ид̇о б̣яад̇д̇о. со бажжуусагаалз баб̣уж̇жхид̇ваа д̣̇ийбаалогзна алан̇гад̇аббадияад̇д̇ам̣ сириг̇аб̣бхам̣ ологзнд̇о ад̇д̇ано маханд̇ам̣ яасам̣ д̣̇исваа ‘‘аяам̣ мама яасо, гасса санд̇аго’’д̇и жинд̇зд̇ваа ‘‘на ан̃н̃асса санд̇аго жуул̣аниб̣рахмад̣̇ад̇д̇асса , зваруубам̣ бана яасад̣̇ааяагам̣ рааж̇аанам̣ сагалаж̇амб̣уд̣̇ийбз аг̇г̇арааж̇аанам̣ гаад̇ум̣ ваддад̇и, ахан̃жа аг̇г̇абурохид̇о бхависсаамий’’д̇и жинд̇зд̇ваа баад̇ова нхад̇ваа бхун̃ж̇ид̇ваа алан̇гарид̇ваа ран̃н̃о санд̇игам̣ г̇анд̇ваа ‘‘махаарааж̇а, сукам̣ саяат̇аа’’д̇и сукасзяяам̣ бужчид̇ваа ‘‘аама, бан̣д̣ид̇аа’’д̇и вуд̇д̇з рааж̇аанам̣ ‘‘д̣̇зва, манд̇зд̇аб̣б̣ам̣ ад̇т̇ий’’д̇и ааха. ‘‘вад̣̇а, аажарияаа’’д̇и. ‘‘д̣̇зва, анд̇онаг̇арз рахо наама на саггаа лад̣̇д̇хум̣, уяяаанам̣ г̇ажчаамаа’’д̇и. ‘‘саад̇ху, аажарияаа’’д̇и рааж̇аа д̇зна сад̣̇д̇хим̣ уяяаанам̣ г̇анд̇ваа б̣алагааяам̣ б̣ахи табзд̇ваа аарагкам̣ гаарзд̇ваа б̣раахман̣зна сад̣̇д̇хим̣ уяяаанам̣ бависид̇ваа ман̇г̇аласилаабаддз нисийд̣̇и.

    Tadā kapilaraṭṭhe saṅkhabalako nāma rājā āvudhāni sajjāpesi, senaṃ saṅkaḍḍhi. Tassa santike upanikkhittakapuriso paṇḍitassa sāsanaṃ pesesi ‘‘sāmi, mayaṃ idha pavattiṃ ‘idaṃ nāma karissatī’ti na jānāma, āvudhāni sajjāpeti, senaṃ saṅkaḍḍhati, tumhe purisavisese pesetvā idaṃ pavattiṃ tathato jānāthā’’ti. Atha mahāsatto suvapotakaṃ āmantetvā ‘‘samma, kapilaraṭṭhe saṅkhabalako nāma rājā āvudhāni sajjāpesi, tvaṃ tattha gantvā ‘imaṃ nāma karotī’ti tathato ñatvā sakalajambudīpaṃ āhiṇḍitvā mayhaṃ pavattiṃ āharāhī’’ti vatvā madhulāje khādāpetvā madhupānīyaṃ pāyetvā satapākasahassapākehi telehi pakkhantaraṃ makkhetvā pācīnasīhapañjare ṭhatvā vissajjesi. Sopi tattha gantvā tassa purisassa santikā tassa rañño pavattiṃ tathato ñatvā sakalajambudīpaṃ pariggaṇhanto kapilaraṭṭhe uttarapañcālanagaraṃ pāpuṇi. Tadā tattha cūḷanibrahmadatto nāma rājā rajjaṃ kāresi. Tassa kevaṭṭo nāma brāhmaṇo atthañca dhammañca anusāsati, paṇḍito byatto. So paccūsakāle pabujjhitvā dīpālokena alaṅkatappaṭiyattaṃ sirigabbhaṃ olokento attano mahantaṃ yasaṃ disvā ‘‘ayaṃ mama yaso, kassa santako’’ti cintetvā ‘‘na aññassa santako cūḷanibrahmadattassa , evarūpaṃ pana yasadāyakaṃ rājānaṃ sakalajambudīpe aggarājānaṃ kātuṃ vaṭṭati, ahañca aggapurohito bhavissāmī’’ti cintetvā pātova nhatvā bhuñjitvā alaṅkaritvā rañño santikaṃ gantvā ‘‘mahārāja, sukhaṃ sayathā’’ti sukhaseyyaṃ pucchitvā ‘‘āma, paṇḍitā’’ti vutte rājānaṃ ‘‘deva, mantetabbaṃ atthī’’ti āha. ‘‘Vada, ācariyā’’ti. ‘‘Deva, antonagare raho nāma na sakkā laddhuṃ, uyyānaṃ gacchāmā’’ti. ‘‘Sādhu, ācariyā’’ti rājā tena saddhiṃ uyyānaṃ gantvā balakāyaṃ bahi ṭhapetvā ārakkhaṃ kāretvā brāhmaṇena saddhiṃ uyyānaṃ pavisitvā maṅgalasilāpaṭṭe nisīdi.

    д̇ад̣̇аа сувабод̇агоби д̇ам̣ гирияам̣ д̣̇исваа ‘‘бхавид̇аб̣б̣амзд̇т̇а гааран̣зна, аж̇ж̇а бан̣д̣ид̇асса аажигкид̇аб̣б̣аяуд̇д̇агам̣ гин̃жи сун̣иссаамий’’д̇и уяяаанам̣ бависид̇ваа ман̇г̇аласааларугкасса бад̇д̇анд̇арз нилийяид̇ваа нисийд̣̇и. рааж̇аа ‘‘гат̇зт̇а, аажарияаа’’д̇и ааха. ‘‘махаарааж̇а, д̇ава ган̣н̣з ид̇о гарохи, жад̇угган̣н̣ова манд̇о бхависсад̇и. сажз, махаарааж̇а, мама важанам̣ гарзяяааси, сагалаж̇амб̣уд̣̇ийбз д̇ам̣ аг̇г̇арааж̇аанам̣ гаромий’’д̇и. со махаад̇ан̣хад̇ааяа д̇асса важанам̣ суд̇ваа соманассаббад̇д̇о худ̇ваа ‘‘гат̇зт̇а, аажарияа, гариссаами д̇з важана’’нд̇и ааха. ‘‘д̣̇зва, маяам̣ сзнам̣ сан̇гад̣дхид̇ваа батамам̣ куд̣̇д̣̇аганаг̇арам̣ румбхид̇ваа г̇ан̣хиссаама, ахан̃хи жуул̣ад̣̇ваарзна наг̇арам̣ бависид̇ваа рааж̇аанам̣ вагкаами – махаарааж̇а, д̇ава яуд̣̇д̇хзна гижжам̣ над̇т̇и, гзвалам̣ амхаагам̣ ран̃н̃о санд̇аго хохи, д̇ава раж̇ж̇ам̣ д̇авзва бхависсад̇и, яуж̇жханд̇о бана амхаагам̣ б̣алавааханасса маханд̇ад̇ааяа зганд̇зна барааж̇иссасий’’д̇и. ‘‘сажз мз важанам̣ гариссад̇и, сан̇г̇ан̣хиссаама нам̣. но жз, яуж̇жхид̇ваа ж̇ийвид̇агкаяам̣ баабзд̇ваа д̣̇вз сзнаа г̇ахзд̇ваа ан̃н̃ам̣ наг̇арам̣ г̇ан̣хиссаама, д̇ад̇о ан̃н̃анд̇и зд̇знубааязна сагалаж̇амб̣уд̣̇ийбз раж̇ж̇ам̣ г̇ахзд̇ваа ‘ж̇аяабаанам̣ бивиссаамаа’д̇и вад̇ваа згасад̇арааж̇аано амхаагам̣ наг̇арам̣ аанзд̇ваа уяяаанз аабаанаман̣д̣абам̣ гаарзд̇ваа д̇ад̇т̇а нисиннз висамиссагам̣ сурам̣ бааязд̇ваа саб̣б̣зби д̇з рааж̇аано ж̇ийвид̇агкаяам̣ баабзд̇ваа згасад̇арааж̇ад̇хаанийсу раж̇ж̇ам̣ амхаагам̣ хад̇т̇аг̇ад̇ам̣ гариссаама. звам̣ д̇вам̣ сагалаж̇амб̣уд̣̇ийбз аг̇г̇арааж̇аа бхависсасий’’д̇и. соби ‘‘саад̇ху, аажарияа, звам̣ гариссаамий’’д̇и вад̣̇ад̇и. ‘‘махаарааж̇а, жад̇угган̣н̣о манд̇о наама, аяан̃хи манд̇о на саггаа ан̃н̃зна ж̇аанид̇ум̣, д̇асмаа бабан̃жам̣ агад̇ваа сийгхам̣ нигкамат̇аа’’д̇и. рааж̇аа д̇уссид̇ваа ‘‘саад̇хуу’’д̇и самбадижчи.

    Tadā suvapotakopi taṃ kiriyaṃ disvā ‘‘bhavitabbamettha kāraṇena, ajja paṇḍitassa ācikkhitabbayuttakaṃ kiñci suṇissāmī’’ti uyyānaṃ pavisitvā maṅgalasālarukkhassa pattantare nilīyitvā nisīdi. Rājā ‘‘kathetha, ācariyā’’ti āha. ‘‘Mahārāja, tava kaṇṇe ito karohi, catukkaṇṇova manto bhavissati. Sace, mahārāja, mama vacanaṃ kareyyāsi, sakalajambudīpe taṃ aggarājānaṃ karomī’’ti. So mahātaṇhatāya tassa vacanaṃ sutvā somanassappatto hutvā ‘‘kathetha, ācariya, karissāmi te vacana’’nti āha. ‘‘Deva, mayaṃ senaṃ saṅkaḍḍhitvā paṭhamaṃ khuddakanagaraṃ rumbhitvā gaṇhissāma, ahañhi cūḷadvārena nagaraṃ pavisitvā rājānaṃ vakkhāmi – mahārāja, tava yuddhena kiccaṃ natthi, kevalaṃ amhākaṃ rañño santako hohi, tava rajjaṃ taveva bhavissati, yujjhanto pana amhākaṃ balavāhanassa mahantatāya ekantena parājissasī’’ti. ‘‘Sace me vacanaṃ karissati, saṅgaṇhissāma naṃ. No ce, yujjhitvā jīvitakkhayaṃ pāpetvā dve senā gahetvā aññaṃ nagaraṃ gaṇhissāma, tato aññanti etenupāyena sakalajambudīpe rajjaṃ gahetvā ‘jayapānaṃ pivissāmā’ti vatvā ekasatarājāno amhākaṃ nagaraṃ ānetvā uyyāne āpānamaṇḍapaṃ kāretvā tattha nisinne visamissakaṃ suraṃ pāyetvā sabbepi te rājāno jīvitakkhayaṃ pāpetvā ekasatarājadhānīsu rajjaṃ amhākaṃ hatthagataṃ karissāma. Evaṃ tvaṃ sakalajambudīpe aggarājā bhavissasī’’ti. Sopi ‘‘sādhu, ācariya, evaṃ karissāmī’’ti vadati. ‘‘Mahārāja, catukkaṇṇo manto nāma, ayañhi manto na sakkā aññena jānituṃ, tasmā papañcaṃ akatvā sīghaṃ nikkhamathā’’ti. Rājā tussitvā ‘‘sādhū’’ti sampaṭicchi.

    сувабод̇аго д̇ам̣ суд̇ваа д̇зсам̣ манд̇абарияосаанз саакааяам̣ оламб̣агам̣ од̇аарзнд̇о вияа гзваддасса сийсз чаган̣абин̣д̣ам̣ баад̇зд̇ваа ‘‘гимзд̇а’’нд̇и мукам̣ виварид̇ваа уд̣̇д̇хам̣ ологзнд̇асса абарамби мукз баад̇зд̇ваа ‘‘гири гирий’’д̇и сад̣̇д̣̇ам̣ вираванд̇о саакад̇о уббад̇ид̇ваа ‘‘гзвадда, д̇вам̣ жад̇угган̣н̣аманд̇од̇и ман̃н̃аси, ид̣̇аанзва чагган̣н̣о ж̇аад̇о, буна адтаган̣н̣о бхавид̇ваа анзгасад̇аган̣н̣оби бхависсад̇ий’’д̇и вад̇ваа ‘‘г̇ан̣хат̇а, г̇ан̣хат̇аа’’д̇и вад̣̇анд̇аанан̃н̃зва ваад̇авзг̇зна мит̇илам̣ г̇анд̇ваа бан̣д̣ид̇асса нивзсанам̣ баависи. д̇асса бана ид̣̇ам̣ вад̇д̇ам̣ – сажз гуд̇ожи аабхад̇асаасанам̣ бан̣д̣ид̇ассзва гат̇зд̇аб̣б̣ам̣ ход̇и, ат̇асса ам̣сагуудз од̇арад̇и, сажз амараад̣̇звияааби сод̇ум̣ ваддад̇и, ужчан̇г̇з од̇арад̇и, сажз махааж̇анзна сод̇аб̣б̣ам̣, бхуумияам̣ од̇арад̇и. д̇ад̣̇аа со бан̣д̣ид̇асса ам̣сагуудз од̇ари. д̇ааяа сан̃н̃ааяа ‘‘рахассзна бхавид̇аб̣б̣а’’нд̇и махааж̇ано бадиггами. бан̣д̣ид̇о д̇ам̣ г̇ахзд̇ваа убарибаасаад̣̇ад̇алам̣ абхируяха ‘‘гим̣ д̇з, д̇аад̇а, д̣̇идтам̣ суд̇а’’нд̇и бужчи. ат̇асса со ‘‘ахам̣, д̣̇зва, сагалаж̇амб̣уд̣̇ийбз вижаранд̇о ан̃н̃асса ран̃н̃о санд̇игз гин̃жи г̇уяхам̣ на бассаами, уд̇д̇арабан̃жааланаг̇арз бана жуул̣аниб̣рахмад̣̇ад̇д̇асса бурохид̇о гзваддо наама б̣раахман̣о рааж̇аанам̣ уяяаанам̣ нзд̇ваа жад̇угган̣н̣аманд̇ам̣ г̇ан̣хи. ат̇аахам̣ сааканд̇арз нисийд̣̇ид̇ваа д̇зсам̣ манд̇ам̣ сун̣ид̇ваа манд̇абарияосаанз д̇асса сийсз жа мукз жа чаган̣абин̣д̣ам̣ баад̇зд̇ваа ааг̇ад̇омхий’’д̇и вад̇ваа саб̣б̣ам̣ гат̇зси. ‘ран̃н̃аа самбадижчид̇а’’нд̇и вуд̇д̇з ‘‘самбадижчи, д̣̇зваа’’д̇и ааха.

    Suvapotako taṃ sutvā tesaṃ mantapariyosāne sākhāyaṃ olambakaṃ otārento viya kevaṭṭassa sīse chakaṇapiṇḍaṃ pātetvā ‘‘kimeta’’nti mukhaṃ vivaritvā uddhaṃ olokentassa aparampi mukhe pātetvā ‘‘kiri kirī’’ti saddaṃ viravanto sākhato uppatitvā ‘‘kevaṭṭa, tvaṃ catukkaṇṇamantoti maññasi, idāneva chakkaṇṇo jāto, puna aṭṭhakaṇṇo bhavitvā anekasatakaṇṇopi bhavissatī’’ti vatvā ‘‘gaṇhatha, gaṇhathā’’ti vadantānaññeva vātavegena mithilaṃ gantvā paṇḍitassa nivesanaṃ pāvisi. Tassa pana idaṃ vattaṃ – sace kutoci ābhatasāsanaṃ paṇḍitasseva kathetabbaṃ hoti, athassa aṃsakūṭe otarati, sace amarādeviyāpi sotuṃ vaṭṭati, ucchaṅge otarati, sace mahājanena sotabbaṃ, bhūmiyaṃ otarati. Tadā so paṇḍitassa aṃsakūṭe otari. Tāya saññāya ‘‘rahassena bhavitabba’’nti mahājano paṭikkami. Paṇḍito taṃ gahetvā uparipāsādatalaṃ abhiruyha ‘‘kiṃ te, tāta, diṭṭhaṃ suta’’nti pucchi. Athassa so ‘‘ahaṃ, deva, sakalajambudīpe vicaranto aññassa rañño santike kiñci guyhaṃ na passāmi, uttarapañcālanagare pana cūḷanibrahmadattassa purohito kevaṭṭo nāma brāhmaṇo rājānaṃ uyyānaṃ netvā catukkaṇṇamantaṃ gaṇhi. Athāhaṃ sākhantare nisīditvā tesaṃ mantaṃ suṇitvā mantapariyosāne tassa sīse ca mukhe ca chakaṇapiṇḍaṃ pātetvā āgatomhī’’ti vatvā sabbaṃ kathesi. ‘Raññā sampaṭicchita’’nti vutte ‘‘sampaṭicchi, devā’’ti āha.

    ат̇асса бан̣д̣ид̇о гад̇д̇аб̣б̣аяуд̇д̇агам̣ саггаарам̣ гарид̇ваа д̇ам̣ муд̣̇убажжад̇т̇аран̣з суван̣н̣абан̃ж̇арз судту саяаабзд̇ваа ‘‘гзваддо мама махосад̇хасса бан̣д̣ид̇абхаавам̣ на ж̇аанаад̇и ман̃н̃з, ахам̣ на д̣̇аанисса манд̇асса мад̇т̇агам̣ баабун̣ид̇ум̣ д̣̇ассаамий’’д̇и жинд̇зд̇ваа наг̇арад̇о д̣̇уг̇г̇ад̇агулаани нийхараабзд̇ваа б̣ахи ниваасаабзси, радтаж̇анабад̣̇ад̣̇ваараг̇аамзсу самид̣̇д̇хаани иссарияагулаани аахарид̇ваа анд̇онаг̇арз ниваасаабзси, б̣ахум̣ д̇ханад̇хан̃н̃ам̣ гаарзси. жуул̣аниб̣рахмад̣̇ад̇д̇оби гзваддасса важанам̣ г̇ахзд̇ваа сзнан̇г̇абаривуд̇о г̇анд̇ваа згам̣ куд̣̇д̣̇аганаг̇арам̣ баригкиби. гзваддоби вуд̇д̇анаязнзва д̇ад̇т̇а бависид̇ваа д̇ам̣ рааж̇аанам̣ сан̃н̃аабзд̇ваа ад̇д̇ано санд̇агамагааси. д̣̇вз сзнаа згад̇о гад̇ваа д̇ад̇о ан̃н̃ам̣ наг̇арам̣ румбхад̇и. зд̇знубааязна бадибаадияаа саб̣б̣аани д̇аани наг̇араани г̇ан̣хи. звам̣ жуул̣аниб̣рахмад̣̇ад̇д̇о гзваддасса оваад̣̇з тид̇о, табзд̇ваа взд̣̇зхарааж̇аанам̣ сзсарааж̇аано сагалаж̇амб̣уд̣̇ийбз ад̇д̇ано санд̇агз агааси. б̣од̇хисад̇д̇асса бана убанигкид̇д̇агабурисаа ‘‘жуул̣аниб̣рахмад̣̇ад̇д̇зна зд̇д̇агаани наг̇араани г̇ахид̇аани , аббамад̇д̇о ход̇уу’’д̇и нижжам̣ саасанам̣ бахин̣им̣су. соби д̇зсам̣ ‘‘ахам̣ ид̇ха аббамад̇д̇о васаами, д̇умхзби анугган̣танд̇аа аббамад̇д̇о худ̇ваа васат̇аа’’д̇и бадибзсзси.

    Athassa paṇḍito kattabbayuttakaṃ sakkāraṃ karitvā taṃ mudupaccattharaṇe suvaṇṇapañjare suṭṭhu sayāpetvā ‘‘kevaṭṭo mama mahosadhassa paṇḍitabhāvaṃ na jānāti maññe, ahaṃ na dānissa mantassa matthakaṃ pāpuṇituṃ dassāmī’’ti cintetvā nagarato duggatakulāni nīharāpetvā bahi nivāsāpesi, raṭṭhajanapadadvāragāmesu samiddhāni issariyakulāni āharitvā antonagare nivāsāpesi, bahuṃ dhanadhaññaṃ kāresi. Cūḷanibrahmadattopi kevaṭṭassa vacanaṃ gahetvā senaṅgaparivuto gantvā ekaṃ khuddakanagaraṃ parikkhipi. Kevaṭṭopi vuttanayeneva tattha pavisitvā taṃ rājānaṃ saññāpetvā attano santakamakāsi. Dve senā ekato katvā tato aññaṃ nagaraṃ rumbhati. Etenupāyena paṭipāṭiyā sabbāni tāni nagarāni gaṇhi. Evaṃ cūḷanibrahmadatto kevaṭṭassa ovāde ṭhito, ṭhapetvā vedeharājānaṃ sesarājāno sakalajambudīpe attano santake akāsi. Bodhisattassa pana upanikkhittakapurisā ‘‘cūḷanibrahmadattena ettakāni nagarāni gahitāni , appamatto hotū’’ti niccaṃ sāsanaṃ pahiṇiṃsu. Sopi tesaṃ ‘‘ahaṃ idha appamatto vasāmi, tumhepi anukkaṇṭhantā appamatto hutvā vasathā’’ti paṭipesesi.

    жуул̣аниб̣рахмад̣̇ад̇д̇о сад̇д̇ад̣̇ивасасад̇д̇амаасаад̇хигзхи сад̇д̇асам̣важчарзхи вид̣̇зхараж̇ж̇ам̣ важ̇ж̇зд̇ваа сзсам̣ сагалаж̇амб̣уд̣̇ийбз раж̇ж̇ам̣ г̇ахзд̇ваа гзваддам̣ ааха – ‘‘аажарияа, мит̇илааяам̣ вид̣̇зхараж̇ж̇ам̣ г̇ан̣хаамаа’’д̇и. ‘‘махаарааж̇а, махосад̇хабан̣д̣ид̇асса васананаг̇арз раж̇ж̇ам̣ г̇ан̣хид̇ум̣ на сагкиссаама. со хи звам̣ н̃аан̣асамбанно звам̣ убааяагусало’’д̇и со вид̇т̇аарзд̇ваа жанд̣̇аман̣д̣алам̣ удтаабзнд̇о вияа махосад̇хасса г̇ун̣з гат̇зси. аяан̃хи саяамби убааяагусалова, д̇асмаа ‘‘мит̇иланаг̇арам̣ наама д̣̇зва аббамад̇д̇агам̣, сагалаж̇амб̣уд̣̇ийбз раж̇ж̇ам̣ амхаагам̣ баход̇и, гим̣ но зд̇знаа’’д̇и убааязнзва рааж̇аанам̣ саллагкаабзси. сзсарааж̇ааноби ‘‘маяам̣ мит̇илараж̇ж̇ам̣ г̇ахзд̇ваава ж̇аяабаанам̣ бивиссаамаа’’д̇и вад̣̇анд̇и. гзваддо д̇зби ниваарзд̇ваа ‘‘вид̣̇зхараж̇ж̇ам̣ г̇ахзд̇ваа гим̣ гариссаама, соби рааж̇аа амхаагам̣ санд̇агова, д̇асмаа нивад̇д̇ат̇аа’’д̇и д̇з убааязнзва б̣од̇хзси. д̇з д̇асса важанам̣ суд̇ваа нивад̇д̇им̣су. махаасад̇д̇асса убанигкид̇д̇агабурисаа саасанам̣ бзсаяим̣су ‘‘б̣рахмад̣̇ад̇д̇о згасад̇арааж̇абаривуд̇о мит̇илам̣ ааг̇ажчанд̇ова нивад̇д̇ид̇ваа ад̇д̇ано наг̇арамзва г̇ад̇о’’д̇и. соби д̇зсам̣ ‘‘ид̇о бадтааяа д̇асса гирияам̣ ж̇аананд̇уу’’д̇и бадибзсзси. б̣рахмад̣̇ад̇д̇оби гзваддзна сад̣̇д̇хим̣ ‘‘ид̣̇аани гим̣ гариссаамий’’д̇и манд̇зд̇ваа ‘‘ж̇аяабаанам̣ бивиссаамаа’’д̇и вуд̇д̇з уяяаанам̣ алан̇гарид̇ваа жаадисад̇зсу жаадисахассзсу сурам̣ табзт̇а, наанаавид̇хаани жа мажчамам̣саад̣̇ийни убанзт̇аа’’д̇и сзвагз аан̣аабзси. убанигкид̇д̇агабурисаа д̇ам̣ бавад̇д̇им̣ бан̣д̣ид̇асса аарожзсум̣. д̇з бана ‘‘висзна сурам̣ яож̇зд̇ваа рааж̇аано маарзд̇угаамо’’д̇и на ж̇ааним̣су. махаасад̇д̇о бана сувабод̇агасса санд̇игаа суд̇ад̇д̇аа д̇ат̇ад̇о ж̇аанид̇ваа ‘‘нзсам̣ сураабаанад̣̇ивасам̣ д̇ат̇ад̇о ж̇аанид̇ваа мама бзсзт̇аа’’д̇и бадисаасанам̣ бзсзси. д̇з д̇ат̇аа гарим̣су.

    Cūḷanibrahmadatto sattadivasasattamāsādhikehi sattasaṃvaccharehi videharajjaṃ vajjetvā sesaṃ sakalajambudīpe rajjaṃ gahetvā kevaṭṭaṃ āha – ‘‘ācariya, mithilāyaṃ videharajjaṃ gaṇhāmā’’ti. ‘‘Mahārāja, mahosadhapaṇḍitassa vasananagare rajjaṃ gaṇhituṃ na sakkhissāma. So hi evaṃ ñāṇasampanno evaṃ upāyakusalo’’ti so vitthāretvā candamaṇḍalaṃ uṭṭhāpento viya mahosadhassa guṇe kathesi. Ayañhi sayampi upāyakusalova, tasmā ‘‘mithilanagaraṃ nāma deva appamattakaṃ, sakalajambudīpe rajjaṃ amhākaṃ pahoti, kiṃ no etenā’’ti upāyeneva rājānaṃ sallakkhāpesi. Sesarājānopi ‘‘mayaṃ mithilarajjaṃ gahetvāva jayapānaṃ pivissāmā’’ti vadanti. Kevaṭṭo tepi nivāretvā ‘‘videharajjaṃ gahetvā kiṃ karissāma, sopi rājā amhākaṃ santakova, tasmā nivattathā’’ti te upāyeneva bodhesi. Te tassa vacanaṃ sutvā nivattiṃsu. Mahāsattassa upanikkhittakapurisā sāsanaṃ pesayiṃsu ‘‘brahmadatto ekasatarājaparivuto mithilaṃ āgacchantova nivattitvā attano nagarameva gato’’ti. Sopi tesaṃ ‘‘ito paṭṭhāya tassa kiriyaṃ jānantū’’ti paṭipesesi. Brahmadattopi kevaṭṭena saddhiṃ ‘‘idāni kiṃ karissāmī’’ti mantetvā ‘‘jayapānaṃ pivissāmā’’ti vutte uyyānaṃ alaṅkaritvā cāṭisatesu cāṭisahassesu suraṃ ṭhapetha, nānāvidhāni ca macchamaṃsādīni upanethā’’ti sevake āṇāpesi. Upanikkhittakapurisā taṃ pavattiṃ paṇḍitassa ārocesuṃ. Te pana ‘‘visena suraṃ yojetvā rājāno māretukāmo’’ti na jāniṃsu. Mahāsatto pana suvapotakassa santikā sutattā tathato jānitvā ‘‘nesaṃ surāpānadivasaṃ tathato jānitvā mama pesethā’’ti paṭisāsanaṃ pesesi. Te tathā kariṃsu.

    бан̣д̣ид̇о ‘‘маад̣̇исз д̇харамаанз зд̇д̇агаанам̣ рааж̇уунам̣ маран̣ам̣ аяуд̇д̇ам̣, авассаяо нзсам̣ бхависсаамий’’д̇и жинд̇зд̇ваа сахаж̇аад̇ам̣ яод̇хасахассам̣ баггосаабзд̇ваа ‘‘саммаа, жуул̣аниб̣рахмад̣̇ад̇д̇о гира уяяаанам̣ алан̇гаараабзд̇ваа згасад̇арааж̇абаривуд̇о сурам̣ баад̇угаамо, д̇умхз д̇ад̇т̇а г̇анд̇ваа рааж̇уунам̣ аасанзсу бан̃н̃ад̇д̇зсу гисмин̃жи анисиннзязва ‘жуул̣аниб̣рахмад̣̇ад̇д̇асса ананд̇арам̣ махаарахам̣ аасанам̣ амхаагам̣ ран̃н̃ова д̣̇зт̇аа’д̇и вад̣̇анд̇аа г̇ахзд̇ваа д̇зсам̣ бурисзхи ‘д̇умхз гасса бурисаа’д̇и вуд̇д̇з ‘вид̣̇зхарааж̇ассаа’д̇и вад̣̇зяяаат̇а. д̇з д̇умхзхи сад̣̇д̇хим̣ ‘маяам̣ сад̇д̇ад̣̇ивасасад̇д̇амаасаад̇хигаани сад̇д̇авассаани раж̇ж̇ам̣ г̇ан̣ханд̇аа згад̣̇ивасамби вид̣̇зхарааж̇аанам̣ на бассаама, гим̣ рааж̇аа наамзса, г̇ажчат̇а барияанд̇з аасанам̣ г̇ан̣хат̇аа’д̇и вад̣̇анд̇аа галахам̣ гариссанд̇и. ат̇а д̇умхз ‘табзд̇ваа б̣рахмад̣̇ад̇д̇ам̣ ан̃н̃о амхаагам̣ ран̃н̃о уд̇д̇арид̇аро ид̇ха над̇т̇ий’д̇и галахам̣ вад̣дхзд̇ваа амхаагам̣ ран̃н̃о аасанамад̇д̇амби алабханд̇аа ‘на д̣̇аани во сурам̣ баад̇ум̣ мажчамам̣сам̣ каад̣̇ид̇ум̣ д̣̇ассаамаа’д̇и над̣̇анд̇аа ваг̇г̇анд̇аа махаагхосам̣ гаронд̇аа д̇зсам̣ санд̇аасам̣ ж̇анзнд̇аа маханд̇зхи лзд̣д̣уд̣̇ан̣д̣зхи саб̣б̣ажаадияо бхинд̣̇ид̇ваа мажчамам̣сам̣ виббагирид̇ваа абарибхог̇ам̣ гад̇ваа ж̇авзна сзнааяа анд̇арам̣ бависид̇ваа д̣̇званаг̇арам̣ бавидтаа асураа вияа уллол̣ам̣ удтаабзд̇ваа ‘маяам̣ мит̇иланаг̇арз махосад̇хабан̣д̣ид̇асса бурисаа, саггонд̇аа амхз г̇ан̣хат̇аа’д̇и д̇умхаагам̣ ааг̇ад̇абхаавам̣ ж̇аанаабзд̇ваа ааг̇ажчат̇аа’’д̇и бзсзси. д̇з ‘‘саад̇хуу’’д̇и д̇асса важанам̣ самбадижчид̇ваа ванд̣̇ид̇ваа саннад̣̇д̇хабан̃жаавуд̇хаа нигкамид̇ваа д̇ад̇т̇а г̇анд̇ваа нанд̣̇анаванамива алан̇гад̇ауяяаанам̣ бависид̇ваа самуссид̇асзд̇ажчад̇д̇з згасад̇арааж̇абаллан̇гз аад̣̇им̣ гад̇ваа алан̇гад̇аббадияад̇д̇ам̣ сиривибхавам̣ д̣̇исваа махаасад̇д̇зна вуд̇д̇анияаамзнзва саб̣б̣ам̣ гад̇ваа махааж̇анам̣ сан̇кобхзд̇ваа мит̇илаабхимукаа баггамим̣су. рааж̇абурисааби д̇ам̣ бавад̇д̇им̣ д̇зсам̣ рааж̇уунам̣ аарожзсум̣. жуул̣аниб̣рахмад̣̇ад̇д̇оби ‘‘зваруубасса наама мз висаяог̇асса анд̇арааяо гад̇о’’д̇и гуж̇жхи. рааж̇ааноби ‘‘амхаагам̣ ж̇аяабаанам̣ баад̇ум̣ наад̣̇аасий’’д̇и гуж̇жхим̣су. б̣алагааяааби ‘‘маяам̣ амуулагам̣ сурам̣ баад̇ум̣ на лабхимхаа’’д̇и гуж̇жхим̣су.

    Paṇḍito ‘‘mādise dharamāne ettakānaṃ rājūnaṃ maraṇaṃ ayuttaṃ, avassayo nesaṃ bhavissāmī’’ti cintetvā sahajātaṃ yodhasahassaṃ pakkosāpetvā ‘‘sammā, cūḷanibrahmadatto kira uyyānaṃ alaṅkārāpetvā ekasatarājaparivuto suraṃ pātukāmo, tumhe tattha gantvā rājūnaṃ āsanesu paññattesu kismiñci anisinneyeva ‘cūḷanibrahmadattassa anantaraṃ mahārahaṃ āsanaṃ amhākaṃ raññova dethā’ti vadantā gahetvā tesaṃ purisehi ‘tumhe kassa purisā’ti vutte ‘videharājassā’ti vadeyyātha. Te tumhehi saddhiṃ ‘mayaṃ sattadivasasattamāsādhikāni sattavassāni rajjaṃ gaṇhantā ekadivasampi videharājānaṃ na passāma, kiṃ rājā nāmesa, gacchatha pariyante āsanaṃ gaṇhathā’ti vadantā kalahaṃ karissanti. Atha tumhe ‘ṭhapetvā brahmadattaṃ añño amhākaṃ rañño uttaritaro idha natthī’ti kalahaṃ vaḍḍhetvā amhākaṃ rañño āsanamattampi alabhantā ‘na dāni vo suraṃ pātuṃ macchamaṃsaṃ khādituṃ dassāmā’ti nadantā vaggantā mahāghosaṃ karontā tesaṃ santāsaṃ janentā mahantehi leḍḍudaṇḍehi sabbacāṭiyo bhinditvā macchamaṃsaṃ vippakiritvā aparibhogaṃ katvā javena senāya antaraṃ pavisitvā devanagaraṃ paviṭṭhā asurā viya ulloḷaṃ uṭṭhāpetvā ‘mayaṃ mithilanagare mahosadhapaṇḍitassa purisā, sakkontā amhe gaṇhathā’ti tumhākaṃ āgatabhāvaṃ jānāpetvā āgacchathā’’ti pesesi. Te ‘‘sādhū’’ti tassa vacanaṃ sampaṭicchitvā vanditvā sannaddhapañcāvudhā nikkhamitvā tattha gantvā nandanavanamiva alaṅkatauyyānaṃ pavisitvā samussitasetacchatte ekasatarājapallaṅke ādiṃ katvā alaṅkatappaṭiyattaṃ sirivibhavaṃ disvā mahāsattena vuttaniyāmeneva sabbaṃ katvā mahājanaṃ saṅkhobhetvā mithilābhimukhā pakkamiṃsu. Rājapurisāpi taṃ pavattiṃ tesaṃ rājūnaṃ ārocesuṃ. Cūḷanibrahmadattopi ‘‘evarūpassa nāma me visayogassa antarāyo kato’’ti kujjhi. Rājānopi ‘‘amhākaṃ jayapānaṃ pātuṃ nādāsī’’ti kujjhiṃsu. Balakāyāpi ‘‘mayaṃ amūlakaṃ suraṃ pātuṃ na labhimhā’’ti kujjhiṃsu.

    жуул̣аниб̣рахмад̣̇ад̇д̇о д̇з рааж̇аано ааманд̇зд̇ваа ‘‘зт̇а, бхо, мит̇илам̣ г̇анд̇ваа вид̣̇зхарааж̇асса каг̇г̇зна сийсам̣ чинд̣̇ид̇ваа баад̣̇зхи аггамид̇ваа нисиннаа ж̇аяабаанам̣ бивиссаама, сзнам̣ г̇аманасаж̇ж̇ам̣ гарот̇аа’’д̇и вад̇ваа буна рахог̇ад̇о гзваддассаби зд̇амад̇т̇ам̣ гат̇зд̇ваа ‘‘амхаагам̣ зваруубасса манд̇асса анд̇арааяагарам̣ бажжаамид̇д̇ам̣ г̇ан̣хиссаама, згасад̇арааж̇уунам̣ адтаарасаагкобхан̣исан̇кааяа сзнааяа баривуд̇аа г̇ажчаама, зт̇а, аажарияаа’’д̇и ааха. б̣раахман̣о ад̇д̇ано бан̣д̣ид̇абхаавзна жинд̇зси ‘‘махосад̇хабан̣д̣ид̇ам̣ ж̇инид̇ум̣ наама на саггаа, амхаагам̣язва лаж̇ж̇ид̇аб̣б̣ам̣ бхависсад̇и, нивад̇д̇аабзссаами на’’нд̇и. ат̇а нам̣ звамааха – ‘‘махаарааж̇а, на зса вид̣̇зхарааж̇асса т̇аамо, махосад̇хабан̣д̣ид̇асса сам̣вид̇хаанамзд̇ам̣, махаанубхааво банзса, д̇зна рагкид̇аа мит̇илаа сийхарагкид̇аг̇ухаа вияа на саггаа гзнажи г̇ахзд̇ум̣, гзвалам̣ амхаагам̣ лаж̇ж̇анагам̣ бхависсад̇и, алам̣ д̇ад̇т̇а г̇аманзнаа’’д̇и. рааж̇аа бана кад̇д̇ияамаанзна иссарияамад̣̇зна мад̇д̇о худ̇ваа ‘‘гим̣ со гариссад̇ий’’д̇и вад̇ваа згасад̇арааж̇абаривуд̇о адтаарасаагкобхан̣исан̇кааяа сзнааяа сад̣̇д̇хим̣ нигками. гзваддоби ад̇д̇ано гат̇ам̣ г̇ан̣хаабзд̇ум̣ асаггонд̇о ‘‘ран̃н̃о бажжанийгавуд̇д̇и наама аяуд̇д̇аа’’д̇и д̇зна сад̣̇д̇хим̣язва нигками. д̇зби яод̇хаа згарад̇д̇знзва мит̇илам̣ бад̇ваа ад̇д̇анаа гад̇агижжам̣ бан̣д̣ид̇асса гат̇аяим̣су. батамам̣ убанигкид̇д̇агабурисаабисса саасанам̣ бахин̣им̣су. ‘‘жуул̣аниб̣рахмад̣̇ад̇д̇о ‘вид̣̇зхарааж̇аанам̣ г̇ан̣хиссаамий’д̇и згасад̇арааж̇абаривуд̇о ааг̇ажчад̇и, бан̣д̣ид̇о аббамад̇д̇о ход̇у, аж̇ж̇а асугадтаанам̣ наама ааг̇ад̇о, аж̇ж̇а асугадтаанам̣, аж̇ж̇а наг̇арам̣ баабун̣иссад̇ий’’д̇и бан̣д̣ид̇асса ниб̣ад̣̇д̇хам̣ бзсзнд̇иязва. д̇ам̣ суд̇ваа махаасад̇д̇о аббамад̇д̇о ахоси. вид̣̇зхарааж̇аа бана ‘‘б̣рахмад̣̇ад̇д̇о гира имам̣ наг̇арам̣ г̇ахзд̇ум̣ ааг̇ажчад̇ий’’д̇и барамбарагхосзна ассоси.

    Cūḷanibrahmadatto te rājāno āmantetvā ‘‘etha, bho, mithilaṃ gantvā videharājassa khaggena sīsaṃ chinditvā pādehi akkamitvā nisinnā jayapānaṃ pivissāma, senaṃ gamanasajjaṃ karothā’’ti vatvā puna rahogato kevaṭṭassapi etamatthaṃ kathetvā ‘‘amhākaṃ evarūpassa mantassa antarāyakaraṃ paccāmittaṃ gaṇhissāma, ekasatarājūnaṃ aṭṭhārasaakkhobhaṇisaṅkhāya senāya parivutā gacchāma, etha, ācariyā’’ti āha. Brāhmaṇo attano paṇḍitabhāvena cintesi ‘‘mahosadhapaṇḍitaṃ jinituṃ nāma na sakkā, amhākaṃyeva lajjitabbaṃ bhavissati, nivattāpessāmi na’’nti. Atha naṃ evamāha – ‘‘mahārāja, na esa videharājassa thāmo, mahosadhapaṇḍitassa saṃvidhānametaṃ, mahānubhāvo panesa, tena rakkhitā mithilā sīharakkhitaguhā viya na sakkā kenaci gahetuṃ, kevalaṃ amhākaṃ lajjanakaṃ bhavissati, alaṃ tattha gamanenā’’ti. Rājā pana khattiyamānena issariyamadena matto hutvā ‘‘kiṃ so karissatī’’ti vatvā ekasatarājaparivuto aṭṭhārasaakkhobhaṇisaṅkhāya senāya saddhiṃ nikkhami. Kevaṭṭopi attano kathaṃ gaṇhāpetuṃ asakkonto ‘‘rañño paccanīkavutti nāma ayuttā’’ti tena saddhiṃyeva nikkhami. Tepi yodhā ekaratteneva mithilaṃ patvā attanā katakiccaṃ paṇḍitassa kathayiṃsu. Paṭhamaṃ upanikkhittakapurisāpissa sāsanaṃ pahiṇiṃsu. ‘‘Cūḷanibrahmadatto ‘videharājānaṃ gaṇhissāmī’ti ekasatarājaparivuto āgacchati, paṇḍito appamatto hotu, ajja asukaṭṭhānaṃ nāma āgato, ajja asukaṭṭhānaṃ, ajja nagaraṃ pāpuṇissatī’’ti paṇḍitassa nibaddhaṃ pesentiyeva. Taṃ sutvā mahāsatto appamatto ahosi. Videharājā pana ‘‘brahmadatto kira imaṃ nagaraṃ gahetuṃ āgacchatī’’ti paramparaghosena assosi.

    ат̇а б̣рахмад̣̇ад̇д̇о аг̇г̇абад̣̇осзязва уггаасад̇асахассзна д̇хаарияамаанзна ааг̇анд̇ваа сагаланаг̇арам̣ бариваарзси. ат̇а нам̣ хад̇т̇ибаагаарарат̇абаагаараад̣̇ийхи баригкибаабзд̇ваа д̇зсу д̇зсу таанзсу б̣алаг̇умб̣ам̣ табзси. мануссаа уннаад̣̇знд̇аа абподзнд̇аа сзл̣знд̇аа нажжанд̇аа г̇аж̇ж̇анд̇аа д̇аж̇ж̇знд̇аа махаагхосам̣ гаронд̇аа адтам̣су. д̣̇ийбобхаасзна жзва алан̇гааробхаасзна жа сагаласад̇д̇аяож̇анигаа мит̇илаа згобхаасаа ахоси. хад̇т̇иассарат̇ад̇уурияаанам̣ сад̣̇д̣̇зна бат̇авияаа бхиж̇ж̇анагаало вияа ахоси. жад̇д̇ааро бан̣д̣ид̇аа уллол̣асад̣̇д̣̇ам̣ суд̇ваа аж̇аананд̇аа ран̃н̃о санд̇игам̣ г̇анд̇ваа ‘‘махаарааж̇а, уллол̣асад̣̇д̣̇о ж̇аад̇о, на ко бана маяам̣ ж̇аанаама, гим̣ наамзд̇ам̣, виймам̣сид̇ум̣ ваддад̇ий’’д̇и аахам̣су. д̇ам̣ суд̇ваа рааж̇аа ‘‘жуул̣аниб̣рахмад̣̇ад̇д̇о ну ко ааг̇ад̇о бхавзяяаа’’д̇и сийхабан̃ж̇арам̣ виварид̇ваа ологзнд̇о д̇ассааг̇аманабхаавам̣ н̃ад̇ваа бхийд̇ад̇асид̇о ‘‘над̇т̇и амхаагам̣ ж̇ийвид̇ам̣, саб̣б̣з но ж̇ийвид̇агкаяам̣ баабзссад̇ий’’д̇и д̇зхи сад̣̇д̇хим̣ саллабанд̇о нисийд̣̇и. махаасад̇д̇о бана д̇ассааг̇ад̇абхаавам̣ н̃ад̇ваа сийхо вияа ачамбхид̇о сагаланаг̇арз аарагкам̣ сам̣вид̣̇ахид̇ваа ‘‘рааж̇аанам̣ ассаасзссаамий’’д̇и рааж̇анивзсанам̣ абхирухид̇ваа згаманд̇ам̣ адтааси. рааж̇аа д̇ам̣ д̣̇исваава бадилад̣̇д̇хассаасо худ̇ваа ‘‘табзд̇ваа мама буд̇д̇ам̣ махосад̇хабан̣д̣ид̇ам̣ ан̃н̃о мам̣ имамхаа д̣̇угкаа можзд̇ум̣ самад̇т̇о наама над̇т̇ий’’д̇и жинд̇зд̇ваа д̇зна сад̣̇д̇хим̣ саллабанд̇о ааха –

    Atha brahmadatto aggapadoseyeva ukkāsatasahassena dhāriyamānena āgantvā sakalanagaraṃ parivāresi. Atha naṃ hatthipākārarathapākārādīhi parikkhipāpetvā tesu tesu ṭhānesu balagumbaṃ ṭhapesi. Manussā unnādentā apphoṭentā seḷentā naccantā gajjantā tajjentā mahāghosaṃ karontā aṭṭhaṃsu. Dīpobhāsena ceva alaṅkārobhāsena ca sakalasattayojanikā mithilā ekobhāsā ahosi. Hatthiassarathatūriyānaṃ saddena pathaviyā bhijjanakālo viya ahosi. Cattāro paṇḍitā ulloḷasaddaṃ sutvā ajānantā rañño santikaṃ gantvā ‘‘mahārāja, ulloḷasaddo jāto, na kho pana mayaṃ jānāma, kiṃ nāmetaṃ, vīmaṃsituṃ vaṭṭatī’’ti āhaṃsu. Taṃ sutvā rājā ‘‘cūḷanibrahmadatto nu kho āgato bhaveyyā’’ti sīhapañjaraṃ vivaritvā olokento tassāgamanabhāvaṃ ñatvā bhītatasito ‘‘natthi amhākaṃ jīvitaṃ, sabbe no jīvitakkhayaṃ pāpessatī’’ti tehi saddhiṃ sallapanto nisīdi. Mahāsatto pana tassāgatabhāvaṃ ñatvā sīho viya achambhito sakalanagare ārakkhaṃ saṃvidahitvā ‘‘rājānaṃ assāsessāmī’’ti rājanivesanaṃ abhiruhitvā ekamantaṃ aṭṭhāsi. Rājā taṃ disvāva paṭiladdhassāso hutvā ‘‘ṭhapetvā mama puttaṃ mahosadhapaṇḍitaṃ añño maṃ imamhā dukkhā mocetuṃ samattho nāma natthī’’ti cintetvā tena saddhiṃ sallapanto āha –

    590.

    590.

    ‘‘бан̃жаало саб̣б̣асзнааяа, б̣рахмад̣̇ад̇д̇ояамааг̇ад̇о;

    ‘‘Pañcālo sabbasenāya, brahmadattoyamāgato;

    сааяам̣ бан̃жаалияаа сзнаа, аббамзяяо махосад̇ха.

    Sāyaṃ pañcāliyā senā, appameyyo mahosadha.

    591.

    591.

    ‘‘вийт̇имад̇ий бад̇д̇имад̇ий, саб̣б̣асан̇г̇аамаговид̣̇аа;

    ‘‘Vīthimatī pattimatī, sabbasaṅgāmakovidā;

    охаариний сад̣̇д̣̇авад̇ий, бхзрисан̇каббаб̣од̇ханаа.

    Ohārinī saddavatī, bherisaṅkhappabodhanā.

    592.

    592.

    ‘‘лохавиж̇ж̇аалан̇гаараабхаа, д̇хаж̇иний ваамарохиний;

    ‘‘Lohavijjālaṅkārābhā, dhajinī vāmarohinī;

    сиббиязхи сусамбаннаа, суурзхи суббад̇идтид̇аа.

    Sippiyehi susampannā, sūrehi suppatiṭṭhitā.

    593.

    593.

    ‘‘д̣̇асзд̇т̇а бан̣д̣ид̇аа ааху, бхуурибан̃н̃аа рахог̇амаа;

    ‘‘Dasettha paṇḍitā āhu, bhūripaññā rahogamā;

    маад̇аа згаад̣̇асий ран̃н̃о, бан̃жаалияам̣ басаасад̇и.

    Mātā ekādasī rañño, pañcāliyaṃ pasāsati.

    594.

    594.

    ‘‘ат̇зд̇т̇згасад̇ам̣ кад̇яаа, ануяанд̇аа яасассино;

    ‘‘Athetthekasataṃ khatyā, anuyantā yasassino;

    ажчиннарадтаа б̣яат̇ид̇аа, бан̃жаалияам̣ васам̣ г̇ад̇аа.

    Acchinnaraṭṭhā byathitā, pañcāliyaṃ vasaṃ gatā.

    595.

    595.

    ‘‘яам̣вад̣̇аа д̇аггараа ран̃н̃о, агаамаа бияабхаан̣ино;

    ‘‘Yaṃvadā takkarā rañño, akāmā piyabhāṇino;

    бан̃жааламануяааяанд̇и, агаамаа васино г̇ад̇аа.

    Pañcālamanuyāyanti, akāmā vasino gatā.

    596.

    596.

    ‘‘д̇ааяа сзнааяа мит̇илаа, д̇исанд̇хибариваарид̇аа;

    ‘‘Tāya senāya mithilā, tisandhiparivāritā;

    рааж̇ад̇хааний вид̣̇зхаанам̣, саманд̇аа барикан̃н̃ад̇и.

    Rājadhānī videhānaṃ, samantā parikhaññati.

    597.

    597.

    ‘‘уд̣̇д̇хам̣ д̇аарагаж̇аад̇аава, саманд̇аа бариваарид̇аа;

    ‘‘Uddhaṃ tārakajātāva, samantā parivāritā;

    махосад̇ха виж̇аанаахи, гат̇ам̣ могко бхависсад̇ий’’д̇и.

    Mahosadha vijānāhi, kathaṃ mokkho bhavissatī’’ti.

    д̇ад̇т̇а саб̣б̣асзнааяаад̇и саб̣б̣ааяа згасад̇арааж̇анааяигааяа адтаарасаагкобхан̣исан̇кааяа сзнааяа сад̣̇д̇хим̣ ааг̇ад̇о гира, д̇аад̇аад̇и вад̣̇ад̇и. бан̃жаалияаад̇и бан̃жааларан̃н̃о санд̇агаа. вийт̇имад̇ийд̇и вийт̇ияаа аанийд̇з д̣̇аб̣б̣асамбхаарз г̇ахзд̇ваа вижаранд̇зна вад̣дхагиг̇ан̣зна саманнааг̇ад̇аа. бад̇д̇имад̇ийд̇и бад̣̇асан̃жарзна б̣алагааязна саманнааг̇ад̇аа. саб̣б̣асан̇г̇аамаговид̣̇аад̇и саб̣б̣асан̇г̇аамз гусалаа. охааринийд̇и барасзнааяа анд̇арам̣ бависид̇ваа абан̃н̃ааяанд̇аава барасийсам̣ аахарид̇ум̣ самад̇т̇аа. сад̣̇д̣̇авад̇ийд̇и д̣̇асахи сад̣̇д̣̇зхи авивид̇д̇аа. бхзрисан̇каббаб̣од̇ханаад̇и ‘‘зт̇а яаат̇а яуж̇жхат̇аа’’д̇иаад̣̇ийни д̇ад̇т̇а важийбхзд̣̇зна ж̇аанаабзд̇ум̣ на саггаа, д̇аад̣̇исаани банзд̇т̇а гижжаани бхзрисан̇касад̣̇д̣̇зхзва б̣од̇хзнд̇ийд̇и бхзрисан̇каббаб̣од̇ханаа. лохавиж̇ж̇аалан̇гаараабхаад̇и зд̇т̇а лохавиж̇ж̇аад̇и лохасиббаани. сад̇д̇арад̇анабадиман̣д̣ид̇аанам̣ гаважажаммаж̇аалигаасийсагарзн̣игаад̣̇ийнам̣ зд̇ам̣ наамам̣. алан̇гаараад̇и рааж̇амахаамад̇д̇аад̣̇ийнам̣ алан̇гаараа. д̇асмаа лохавиж̇ж̇аахи жзва алан̇гаарзхи жа бхаасад̇ийд̇и лохавиж̇ж̇аалан̇гаараабхаад̇и аяамзд̇т̇а ад̇т̇о. д̇хаж̇инийд̇и суван̣н̣аад̣̇ибадиман̣д̣ид̇зхи наанаавад̇т̇асамуж̇ж̇алзхи рат̇аад̣̇ийсу самуссид̇ад̇хаж̇зхи саманнааг̇ад̇аа. ваамарохинийд̇и хад̇т̇ий жа ассз жа аароханд̇аа ваамабассзна аароханд̇и, д̇зна ‘‘ваамарохиний’’д̇и вужжанд̇и, д̇зхи саманнааг̇ад̇аа, абаримид̇ахад̇т̇иассасамаагин̣н̣аад̇и ад̇т̇о. сиббиязхийд̇и хад̇т̇исиббаассасиббаад̣̇ийсу адтаарасасу сиббзсу нибпад̇д̇им̣ бад̇д̇зхи судту саманнааг̇ад̇аа сусамаагин̣н̣аа. суурзхийд̇и д̇аад̇а, зсаа гира сзнаа сийхасамаанабараггамзхи суураяод̇хзхи суббад̇идтид̇аа.

    Tattha sabbasenāyāti sabbāya ekasatarājanāyikāya aṭṭhārasaakkhobhaṇisaṅkhāya senāya saddhiṃ āgato kira, tātāti vadati. Pañcāliyāti pañcālarañño santakā. Vīthimatīti vīthiyā ānīte dabbasambhāre gahetvā vicarantena vaḍḍhakigaṇena samannāgatā. Pattimatīti padasañcarena balakāyena samannāgatā. Sabbasaṅgāmakovidāti sabbasaṅgāme kusalā. Ohārinīti parasenāya antaraṃ pavisitvā apaññāyantāva parasīsaṃ āharituṃ samatthā. Saddavatīti dasahi saddehi avivittā. Bherisaṅkhappabodhanāti ‘‘etha yātha yujjhathā’’tiādīni tattha vacībhedena jānāpetuṃ na sakkā, tādisāni panettha kiccāni bherisaṅkhasaddeheva bodhentīti bherisaṅkhappabodhanā. Lohavijjālaṅkārābhāti ettha lohavijjāti lohasippāni. Sattaratanapaṭimaṇḍitānaṃ kavacacammajālikāsīsakareṇikādīnaṃ etaṃ nāmaṃ. Alaṅkārāti rājamahāmattādīnaṃ alaṅkārā. Tasmā lohavijjāhi ceva alaṅkārehi ca bhāsatīti lohavijjālaṅkārābhāti ayamettha attho. Dhajinīti suvaṇṇādipaṭimaṇḍitehi nānāvatthasamujjalehi rathādīsu samussitadhajehi samannāgatā. Vāmarohinīti hatthī ca asse ca ārohantā vāmapassena ārohanti, tena ‘‘vāmarohinī’’ti vuccanti, tehi samannāgatā, aparimitahatthiassasamākiṇṇāti attho. Sippiyehīti hatthisippaassasippādīsu aṭṭhārasasu sippesu nipphattiṃ pattehi suṭṭhu samannāgatā susamākiṇṇā. Sūrehīti tāta, esā kira senā sīhasamānaparakkamehi sūrayodhehi suppatiṭṭhitā.

    аахууд̇и д̣̇аса гирзд̇т̇а сзнааяа бан̣д̣ид̇аад̇и вад̣̇анд̇и. бхуурибан̃н̃аад̇и бат̇ависамааяа вибулааяа бан̃н̃ааяа саманнааг̇ад̇аа. рахог̇амаад̇и рахо г̇аманасийлаа рахо нисийд̣̇ид̇ваа манд̇анасийлаа. д̇з гира згаахад̣̇вийхам̣ жинд̇зд̇ум̣ лабханд̇аа бат̇авим̣ баривад̇д̇зд̇ум̣ аагаасз г̇ан̣хид̇ум̣ самад̇т̇аа. згаад̣̇асийд̇и д̇зхи гира бан̣д̣ид̇зхи ад̇ирзгад̇арабан̃н̃аа бан̃жааларан̃н̃о маад̇аа. саа д̇зсам̣ згаад̣̇асий худ̇ваа бан̃жаалияам̣ сзнам̣ басаасад̇и анусаасад̇и.

    Āhūti dasa kirettha senāya paṇḍitāti vadanti. Bhūripaññāti pathavisamāya vipulāya paññāya samannāgatā. Rahogamāti raho gamanasīlā raho nisīditvā mantanasīlā. Te kira ekāhadvīhaṃ cintetuṃ labhantā pathaviṃ parivattetuṃ ākāse gaṇhituṃ samatthā. Ekādasīti tehi kira paṇḍitehi atirekatarapaññā pañcālarañño mātā. Sā tesaṃ ekādasī hutvā pañcāliyaṃ senaṃ pasāsati anusāsati.

    згад̣̇ивасам̣ гирзго бурисо згам̣ д̇ан̣д̣уланаал̣ин̃жа будагабхад̇д̇ан̃жа гахаабан̣асахассан̃жа г̇ахзд̇ваа ‘‘над̣̇им̣ д̇ариссаамий’’д̇и од̇ин̣н̣о над̣̇имаж̇жхам̣ бад̇ваа д̇арид̇ум̣ асаггонд̇о д̇ийрз тид̇з мануссз звамааха – ‘‘амбхо, мама хад̇т̇з згаа д̇ан̣д̣уланаал̣и будагабхад̇д̇ам̣ гахаабан̣асахассан̃жа ад̇т̇и, ид̇о яам̣ маяхам̣ ружжад̇и, д̇ам̣ д̣̇ассаами. яо саггод̇и, со мам̣ уд̇д̇аарзд̇уу’’д̇и. ат̇зго т̇аамасамбанно бурисо г̇аал̣хам̣ ниваасзд̇ваа над̣̇им̣ ог̇аахзд̇ваа д̇ам̣ хад̇т̇з г̇ахзд̇ваа барад̇ийрам̣ уд̇д̇аарзд̇ваа ‘‘д̣̇зхи мз д̣̇аад̇аб̣б̣а’’нд̇и ааха. ‘‘со д̇ан̣д̣уланаал̣им̣ ваа будагабхад̇д̇ам̣ ваа г̇ан̣хаахий’’д̇и . ‘‘самма, ахам̣ ж̇ийвид̇ам̣ аг̇ан̣зд̇ваа д̇ам̣ уд̇д̇аарзсим̣, на мз зд̇зхи ад̇т̇о, гахаабан̣ам̣ мз д̣̇зхий’’д̇и. ахам̣ ‘‘ид̇о маяхам̣ яам̣ ружжад̇и, д̇ам̣ д̣̇ассаамий’’д̇и аважам̣, ид̣̇аани маяхам̣ яам̣ ружжад̇и, д̇ам̣ д̣̇амми, ижчанд̇о г̇ан̣хаад̇и. со самийбз тид̇асса згасса гат̇зси. соби д̇ам̣ ‘‘зса ад̇д̇ано ружжанагам̣ д̇ава д̣̇зд̇и, г̇ан̣хаа’’д̇и ааха. со ‘‘ахам̣ на г̇ан̣хиссаамий’’д̇и д̇ам̣ аад̣̇ааяа винижчаяам̣ г̇анд̇ваа винижчаяаамажжаанам̣ аарожзси. д̇зби саб̣б̣ам̣ суд̇ваа д̇ат̇зваахам̣су. со д̇зсам̣ винижчаязна ад̇удто ран̃н̃о санд̇игам̣ г̇анд̇ваа д̇амад̇т̇ам̣ аарожзси. рааж̇ааби винижчаяаамажжз баггосаабзд̇ваа д̇зсам̣ санд̇игз убхиннам̣ важанам̣ суд̇ваа винижчинид̇ум̣ аж̇аананд̇о ад̇д̇ано ж̇ийвид̇ам̣ бахааяа над̣̇им̣ од̇ин̣н̣ам̣ бараж̇ж̇аабзси.

    Ekadivasaṃ kireko puriso ekaṃ taṇḍulanāḷiñca puṭakabhattañca kahāpaṇasahassañca gahetvā ‘‘nadiṃ tarissāmī’’ti otiṇṇo nadimajjhaṃ patvā tarituṃ asakkonto tīre ṭhite manusse evamāha – ‘‘ambho, mama hatthe ekā taṇḍulanāḷi puṭakabhattaṃ kahāpaṇasahassañca atthi, ito yaṃ mayhaṃ ruccati, taṃ dassāmi. Yo sakkoti, so maṃ uttāretū’’ti. Atheko thāmasampanno puriso gāḷhaṃ nivāsetvā nadiṃ ogāhetvā taṃ hatthe gahetvā paratīraṃ uttāretvā ‘‘dehi me dātabba’’nti āha. ‘‘So taṇḍulanāḷiṃ vā puṭakabhattaṃ vā gaṇhāhī’’ti . ‘‘Samma, ahaṃ jīvitaṃ agaṇetvā taṃ uttāresiṃ, na me etehi attho, kahāpaṇaṃ me dehī’’ti. Ahaṃ ‘‘ito mayhaṃ yaṃ ruccati, taṃ dassāmī’’ti avacaṃ, idāni mayhaṃ yaṃ ruccati, taṃ dammi, icchanto gaṇhāti. So samīpe ṭhitassa ekassa kathesi. Sopi taṃ ‘‘esa attano ruccanakaṃ tava deti, gaṇhā’’ti āha. So ‘‘ahaṃ na gaṇhissāmī’’ti taṃ ādāya vinicchayaṃ gantvā vinicchayāmaccānaṃ ārocesi. Tepi sabbaṃ sutvā tathevāhaṃsu. So tesaṃ vinicchayena atuṭṭho rañño santikaṃ gantvā tamatthaṃ ārocesi. Rājāpi vinicchayāmacce pakkosāpetvā tesaṃ santike ubhinnaṃ vacanaṃ sutvā vinicchinituṃ ajānanto attano jīvitaṃ pahāya nadiṃ otiṇṇaṃ parajjāpesi.

    д̇асмим̣ кан̣з ран̃н̃о маад̇аа жалаагад̣̇звий наама авид̣̇уурз нисиннаа ахоси. саа ран̃н̃о д̣̇уб̣б̣инижчид̇абхаавам̣ н̃ад̇ваа ‘‘д̇аад̇а, имам̣ ад̣д̣ам̣ н̃ад̇ваава судту винижчид̇а’’нд̇и ааха. ‘‘амма, ахам̣ зд̇д̇агам̣ ж̇аанаами. сажз д̇умхз уд̇д̇арид̇арам̣ ж̇аанаат̇а, д̇умхзва винижчинат̇аа’’д̇и. саа ‘‘звам̣ гариссаамий’’д̇и вад̇ваа д̇ам̣ бурисам̣ баггосаабзд̇ваа ‘‘зхи, д̇аад̇а, д̇ава хад̇т̇аг̇ад̇аани д̇ийн̣иби бхуумияам̣ табзхий’’д̇и бадибаадияаа табаабзд̇ваа ‘‘д̇аад̇а, д̇вам̣ уд̣̇агз вуяхамаано имасса гим̣ гат̇зсий’’д̇и бужчид̇ваа ‘‘ид̣̇ам̣ наамаяяз’’д̇и вуд̇д̇з ‘‘д̇зна хи д̇ава ружжанагам̣ г̇ан̣хаа’’д̇и ааха. со сахассад̇т̇авигам̣ г̇ан̣хи. ат̇а нам̣ саа т̇огам̣ г̇ад̇агаалз баггосаабзд̇ваа ‘‘д̇аад̇а, сахассам̣ д̇з ружжад̇ий’’д̇и бужчид̇ваа ‘‘аама, ружжад̇ий’’д̇и вуд̇д̇з ‘‘д̇аад̇а, д̇аяаа ‘ид̇о яам̣ маяхам̣ ружжад̇и, д̇ам̣ д̣̇ассаамий’д̇и имасса вуд̇д̇ам̣, на вуд̇д̇а’’нд̇и бужчид̇ваа ‘‘вуд̇д̇ам̣ д̣̇звий’’д̇и вуд̇д̇з ‘‘д̇зна хи имам̣ сахассам̣ зд̇асса д̣̇зхий’’д̇и вад̇ваа д̣̇аабзси. со род̣̇анд̇о барид̣̇званд̇о ад̣̇ааси. д̇асмим̣ кан̣з рааж̇аа амажжаа жа д̇уссид̇ваа саад̇хугаарам̣ бавад̇д̇аяим̣су. д̇ад̇о бадтааяа д̇ассаа бан̣д̣ид̇абхааво саб̣б̣ад̇т̇а баагадо ж̇аад̇о. д̇ам̣ санд̇хааяа вид̣̇зхарааж̇аа ‘‘маад̇аа згаад̣̇асий ран̃н̃о’’д̇и ааха.

    Tasmiṃ khaṇe rañño mātā calākadevī nāma avidūre nisinnā ahosi. Sā rañño dubbinicchitabhāvaṃ ñatvā ‘‘tāta, imaṃ aḍḍaṃ ñatvāva suṭṭhu vinicchita’’nti āha. ‘‘Amma, ahaṃ ettakaṃ jānāmi. Sace tumhe uttaritaraṃ jānātha, tumheva vinicchinathā’’ti. Sā ‘‘evaṃ karissāmī’’ti vatvā taṃ purisaṃ pakkosāpetvā ‘‘ehi, tāta, tava hatthagatāni tīṇipi bhūmiyaṃ ṭhapehī’’ti paṭipāṭiyā ṭhapāpetvā ‘‘tāta, tvaṃ udake vuyhamāno imassa kiṃ kathesī’’ti pucchitvā ‘‘idaṃ nāmayye’’ti vutte ‘‘tena hi tava ruccanakaṃ gaṇhā’’ti āha. So sahassatthavikaṃ gaṇhi. Atha naṃ sā thokaṃ gatakāle pakkosāpetvā ‘‘tāta, sahassaṃ te ruccatī’’ti pucchitvā ‘‘āma, ruccatī’’ti vutte ‘‘tāta, tayā ‘ito yaṃ mayhaṃ ruccati, taṃ dassāmī’ti imassa vuttaṃ, na vutta’’nti pucchitvā ‘‘vuttaṃ devī’’ti vutte ‘‘tena hi imaṃ sahassaṃ etassa dehī’’ti vatvā dāpesi. So rodanto paridevanto adāsi. Tasmiṃ khaṇe rājā amaccā ca tussitvā sādhukāraṃ pavattayiṃsu. Tato paṭṭhāya tassā paṇḍitabhāvo sabbattha pākaṭo jāto. Taṃ sandhāya videharājā ‘‘mātā ekādasī rañño’’ti āha.

    кад̇яаад̇и кад̇д̇ияаа. ажчиннарадтаад̇и жуул̣аниб̣рахмад̣̇ад̇д̇зна ажчинд̣̇ид̇ваа г̇ахид̇арадтаа. б̣яат̇ид̇аад̇и маран̣абхаяабхийд̇аа ан̃н̃ам̣ г̇ахзд̇аб̣б̣аг̇ахан̣ам̣ абассанд̇аа. бан̃жаалияам̣ васам̣ г̇ад̇аад̇и зд̇асса бан̃жааларан̃н̃о васам̣ г̇ад̇аад̇и ад̇т̇о. саамиважанад̇т̇з хи зд̇ам̣ убаяог̇аважанам̣. яам̣вад̣̇аа д̇аггараад̇и яам̣ мукзна вад̣̇анд̇и, д̇ам̣ ран̃н̃о гаад̇ум̣ саггонд̇аава. васино г̇ад̇аад̇и буб̣б̣з саяам̣васино ид̣̇аани банасса васам̣ г̇ад̇аад̇и ад̇т̇о. д̇исанд̇хийд̇и батамам̣ хад̇т̇ибаагаарзна баригкид̇д̇аа, д̇ад̇о рат̇абаагаарзна, д̇ад̇о ассабаагаарзна, д̇ад̇о яод̇хабад̇д̇ибаагаарзна баригкид̇д̇аад̇и имзхи жад̇уухи сан̇кзбзхи д̇исанд̇хийхи бариваарид̇аа. хад̇т̇ират̇аанан̃хи анд̇арам̣ зго санд̇хи, рат̇аассаанам̣ анд̇арам̣ зго санд̇хи, ассабад̇д̇ийнам̣ анд̇арам̣ зго санд̇хи. барикан̃н̃ад̇ийд̇и канийяад̇и. иман̃хи ид̣̇аани уббаадзд̇ваа г̇ан̣хид̇угаамаа вияа саманд̇ад̇о кананд̇и. уд̣̇д̇хам̣ д̇аарагаж̇аад̇ааваад̇и д̇аад̇а, яааяа сзнааяа саманд̇аа бариваарид̇аа, саа анзгасад̇асахассад̣̇ан̣д̣ад̣̇ийбигаахи уд̣̇д̇хам̣ д̇аарагаж̇аад̇аа вияа кааяад̇и. виж̇аанаахийд̇и д̇аад̇а махосад̇хабан̣д̣ид̇а, авийжид̇о яаава бхаваг̇г̇аа ан̃н̃о д̇аяаа сад̣̇исо убааяагусало бан̣д̣ид̇о наама над̇т̇и, бан̣д̣ид̇абхааво наама зваруубзсу таанзсу бан̃н̃ааяад̇и, д̇асмаа д̇вамзва ж̇аанаахи, гат̇ам̣ амхаагам̣ ид̇о д̣̇угкаа бамогко бхависсад̇ийд̇и.

    Khatyāti khattiyā. Acchinnaraṭṭhāti cūḷanibrahmadattena acchinditvā gahitaraṭṭhā. Byathitāti maraṇabhayabhītā aññaṃ gahetabbagahaṇaṃ apassantā. Pañcāliyaṃ vasaṃ gatāti etassa pañcālarañño vasaṃ gatāti attho. Sāmivacanatthe hi etaṃ upayogavacanaṃ. Yaṃvadā takkarāti yaṃ mukhena vadanti, taṃ rañño kātuṃ sakkontāva. Vasino gatāti pubbe sayaṃvasino idāni panassa vasaṃ gatāti attho. Tisandhīti paṭhamaṃ hatthipākārena parikkhittā, tato rathapākārena, tato assapākārena, tato yodhapattipākārena parikkhittāti imehi catūhi saṅkhepehi tisandhīhi parivāritā. Hatthirathānañhi antaraṃ eko sandhi, rathaassānaṃ antaraṃ eko sandhi, assapattīnaṃ antaraṃ eko sandhi. Parikhaññatīti khanīyati. Imañhi idāni uppāṭetvā gaṇhitukāmā viya samantato khananti. Uddhaṃ tārakajātāvāti tāta, yāya senāya samantā parivāritā, sā anekasatasahassadaṇḍadīpikāhi uddhaṃ tārakajātā viya khāyati. Vijānāhīti tāta mahosadhapaṇḍita, avīcito yāva bhavaggā añño tayā sadiso upāyakusalo paṇḍito nāma natthi, paṇḍitabhāvo nāma evarūpesu ṭhānesu paññāyati, tasmā tvameva jānāhi, kathaṃ amhākaṃ ito dukkhā pamokkho bhavissatīti.

    имам̣ ран̃н̃о гат̇ам̣ суд̇ваа махаасад̇д̇о жинд̇зси ‘‘аяам̣ рааж̇аа ад̇ивияа маран̣абхаяабхийд̇о, г̇илаанасса ко бана взж̇ж̇о бадисаран̣ам̣, чаад̇асса бхож̇анам̣, бибаасид̇асса баанийяам̣, имассаби мам̣ табзд̇ваа ан̃н̃ам̣ бадисаран̣ам̣ над̇т̇и, ассаасзссаами на’’нд̇и. ат̇а махаасад̇д̇о маносилаад̇алз над̣̇анд̇о сийхо вияа ‘‘маа бхааяи, махаарааж̇а, раж̇ж̇асукам̣ анубхава, ахам̣ лзд̣д̣ум̣

    Imaṃ rañño kathaṃ sutvā mahāsatto cintesi ‘‘ayaṃ rājā ativiya maraṇabhayabhīto, gilānassa kho pana vejjo paṭisaraṇaṃ, chātassa bhojanaṃ, pipāsitassa pānīyaṃ, imassapi maṃ ṭhapetvā aññaṃ paṭisaraṇaṃ natthi, assāsessāmi na’’nti. Atha mahāsatto manosilātale nadanto sīho viya ‘‘mā bhāyi, mahārāja, rajjasukhaṃ anubhava, ahaṃ leḍḍuṃ

    г̇ахзд̇ваа гаагам̣ вияа, д̇ханум̣ г̇ахзд̇ваа маггадам̣ вияа жа, имам̣ адтаарасаагкобхан̣исан̇кам̣ сзнам̣ уд̣̇арз б̣анд̇хасаадагаанамби ассаамигам̣ гад̇ваа балаабзссаамий’’д̇и вад̇ваа навамам̣ г̇аат̇амааха –

    Gahetvā kākaṃ viya, dhanuṃ gahetvā makkaṭaṃ viya ca, imaṃ aṭṭhārasaakkhobhaṇisaṅkhaṃ senaṃ udare bandhasāṭakānampi assāmikaṃ katvā palāpessāmī’’ti vatvā navamaṃ gāthamāha –

    598.

    598.

    ‘‘баад̣̇з д̣̇зва басаарзхи, бхун̃ж̇а гаамз рамассу жа;

    ‘‘Pāde deva pasārehi, bhuñja kāme ramassu ca;

    хид̇ваа бан̃жаалияам̣ сзнам̣, б̣рахмад̣̇ад̇д̇о балааяид̇ий’’д̇и.

    Hitvā pañcāliyaṃ senaṃ, brahmadatto palāyitī’’ti.

    д̇ассад̇т̇о – ‘‘д̣̇зва, д̇вам̣ яат̇аасукам̣ ад̇д̇ано раж̇ж̇асукасан̇каад̇з д̇з баад̣̇з басаарзхи, басаарзнд̇о жа сан̇г̇аамз жид̇д̇ам̣ агад̇ваа бхун̃ж̇а, гаамз рамассу жа, зса б̣рахмад̣̇ад̇д̇о имам̣ сзнам̣ чад̣д̣зд̇ваа балааяиссад̇ий’’д̇и.

    Tassattho – ‘‘deva, tvaṃ yathāsukhaṃ attano rajjasukhasaṅkhāte te pāde pasārehi, pasārento ca saṅgāme cittaṃ akatvā bhuñja, kāme ramassu ca, esa brahmadatto imaṃ senaṃ chaḍḍetvā palāyissatī’’ti.

    звам̣ бан̣д̣ид̇о рааж̇аанам̣ самассаасзд̇ваа ванд̣̇ид̇ваа рааж̇анивзсанаа нигкамид̇ваа наг̇арз чан̣абхзрим̣ жараабзд̇ваа нааг̇арз ааха – ‘‘амбхо, д̇умхз маа жинд̇аяид̇т̇а, сад̇д̇аахам̣ маалааг̇анд̇хавилзбанабаанабхож̇анаад̣̇ийни самбаад̣̇зд̇ваа чан̣агийл̣ам̣ бадтабзт̇а. д̇ад̇т̇а д̇ад̇т̇а мануссаа яат̇ааруубам̣ махаабаанам̣ биванд̇у, г̇анд̇хаб̣б̣ам̣ гаронд̇у, ваад̣̇знд̇у ваг̇г̇анд̇у сзл̣знд̇у над̣̇анд̇у нажжанд̇у г̇ааяанд̇у абподзнд̇у, бариб̣б̣аяо бана во мама санд̇агова ход̇у, ахам̣ махосад̇хабан̣д̣ид̇о наама, бассиссат̇а мз аанубхаава’’нд̇и. д̇з д̇ат̇аа гарим̣су. д̇ад̣̇аа г̇ийд̇аваад̣̇ид̇аад̣̇исад̣̇д̣̇ам̣ б̣ахинаг̇арз тид̇аа сун̣анд̇и, жуул̣ад̣̇ваарзна мануссаа наг̇арам̣ бависанд̇и. табзд̇ваа бадисад̇д̇ум̣ д̣̇идтам̣ д̣̇идтам̣ на г̇ан̣ханд̇и, д̇асмаа сан̃жааро на чиж̇ж̇ад̇и, наг̇арам̣ бавидтамануссаа чан̣агийл̣аниссид̇ам̣ ж̇анам̣ бассанд̇и.

    Evaṃ paṇḍito rājānaṃ samassāsetvā vanditvā rājanivesanā nikkhamitvā nagare chaṇabheriṃ carāpetvā nāgare āha – ‘‘ambho, tumhe mā cintayittha, sattāhaṃ mālāgandhavilepanapānabhojanādīni sampādetvā chaṇakīḷaṃ paṭṭhapetha. Tattha tattha manussā yathārūpaṃ mahāpānaṃ pivantu, gandhabbaṃ karontu, vādentu vaggantu seḷentu nadantu naccantu gāyantu apphoṭentu, paribbayo pana vo mama santakova hotu, ahaṃ mahosadhapaṇḍito nāma, passissatha me ānubhāva’’nti. Te tathā kariṃsu. Tadā gītavāditādisaddaṃ bahinagare ṭhitā suṇanti, cūḷadvārena manussā nagaraṃ pavisanti. Ṭhapetvā paṭisattuṃ diṭṭhaṃ diṭṭhaṃ na gaṇhanti, tasmā sañcāro na chijjati, nagaraṃ paviṭṭhamanussā chaṇakīḷanissitaṃ janaṃ passanti.

    жуул̣аниб̣рахмад̣̇ад̇д̇оби наг̇арз голаахалам̣ суд̇ваа амажжз звамааха – ‘‘амбхо, амхзсу адтаарасаагкобхан̣ияаа сзнааяа наг̇арам̣ бариваарзд̇ваа тид̇зсу наг̇араваасийнам̣ бхаяам̣ ваа саараж̇ж̇ам̣ ваа над̇т̇и, аананд̣̇ид̇аа соманассаббад̇д̇аа абподзнд̇и над̣̇анд̇и сзл̣знд̇и нажжанд̇и г̇ааяанд̇и, гим̣ наамзд̇а’’нд̇и? ат̇а нам̣ убанигкид̇д̇агабурисаа мусааваад̣̇ам̣ гад̇ваа звамаахам̣су ‘‘д̣̇зва, маяам̣ згзна гаммзна жуул̣ад̣̇ваарзна наг̇арам̣ бависид̇ваа чан̣аниссид̇ам̣ махааж̇анам̣ д̣̇исваа бужчимхаа ‘амбхо , сагалаж̇амб̣уд̣̇ийбарааж̇аано ааг̇анд̇ваа д̇умхаагам̣ наг̇арам̣ баригкибид̇ваа тид̇аа, д̇умхз бана ад̇ибамад̇д̇аа, гим̣ наамзд̇а’нд̇и? д̇з звамаахам̣су ‘амбхо, амхаагам̣ ран̃н̃о гумаарагаалз зго манорат̇о ахоси сагалаж̇амб̣уд̣̇ийбарааж̇уухи наг̇арз бариваарид̇з чан̣ам̣ гариссаамийд̇и, д̇асса аж̇ж̇а манорат̇о мад̇т̇агам̣ бад̇д̇о, д̇асмаа чан̣абхзрим̣ жараабзд̇ваа саяам̣ махаад̇алз махаабаанам̣ бивад̇ий’’’д̇и.

    Cūḷanibrahmadattopi nagare kolāhalaṃ sutvā amacce evamāha – ‘‘ambho, amhesu aṭṭhārasaakkhobhaṇiyā senāya nagaraṃ parivāretvā ṭhitesu nagaravāsīnaṃ bhayaṃ vā sārajjaṃ vā natthi, ānanditā somanassappattā apphoṭenti nadanti seḷenti naccanti gāyanti, kiṃ nāmeta’’nti? Atha naṃ upanikkhittakapurisā musāvādaṃ katvā evamāhaṃsu ‘‘deva, mayaṃ ekena kammena cūḷadvārena nagaraṃ pavisitvā chaṇanissitaṃ mahājanaṃ disvā pucchimhā ‘ambho , sakalajambudīparājāno āgantvā tumhākaṃ nagaraṃ parikkhipitvā ṭhitā, tumhe pana atipamattā, kiṃ nāmeta’nti? Te evamāhaṃsu ‘ambho, amhākaṃ rañño kumārakāle eko manoratho ahosi sakalajambudīparājūhi nagare parivārite chaṇaṃ karissāmīti, tassa ajja manoratho matthakaṃ patto, tasmā chaṇabheriṃ carāpetvā sayaṃ mahātale mahāpānaṃ pivatī’’’ti.

    рааж̇аа д̇зсам̣ гат̇ам̣ суд̇ваа гуж̇жхид̇ваа сзнам̣ аан̣аабзси – ‘‘бхонд̇о, г̇ажчат̇а, киббам̣ ид̇о жид̇о жа наг̇арам̣ авад̇т̇арид̇ваа барикам̣ бхинд̣̇ид̇ваа баагаарам̣ мад̣̇д̣̇анд̇аа д̣̇ваараддаалагз бхинд̣̇анд̇аа наг̇арам̣ бависид̇ваа сагадзхи гумбхан̣д̣аани вияа махааж̇анасса сийсаани г̇ан̣хат̇а, вид̣̇зхаран̃н̃о сийсам̣ аахарат̇аа’’д̇и. д̇ам̣ суд̇ваа суураяод̇хаа наанаавуд̇хахад̇т̇аа д̣̇ваарасамийбам̣ г̇анд̇ваа бан̣д̣ид̇асса бурисзхи сагкараваалугагалаласин̃жанабаасаан̣абад̇анаад̣̇ийхи убад̣̇д̣̇уд̇аа бадиггаманд̇и. ‘‘баагаарам̣ бхинд̣̇иссаамаа’’д̇и барикам̣ од̇ин̣н̣зби анд̇араддаалагзсу тид̇аа усусад̇д̇ид̇омараад̣̇ийхи виж̇жханд̇аа махаавинаасам̣ баабзнд̇и. бан̣д̣ид̇асса яод̇хаа жуул̣аниб̣рахмад̣̇ад̇д̇асса яод̇хз хад̇т̇авигаараад̣̇ийни д̣̇ассзд̇ваа наанаббагаарзхи аггосанд̇и барибхаасанд̇и д̇аж̇ж̇знд̇и. ‘‘д̇умхз гиламанд̇аа бхад̇д̇ам̣ алабханд̇аа т̇огам̣ бивиссат̇а каад̣̇иссат̇аа’’д̇и сураабидтагаани жзва мажчамам̣сасуулаани жа басаарзд̇ваа саяамзва биванд̇и каад̣̇анд̇и, анубаагаарз жан̇гаманд̇и. ид̇арз гин̃жи гаад̇ум̣ асаггонд̇аа жуул̣аниб̣рахмад̣̇ад̇д̇асса санд̇игам̣ г̇анд̇ваа ‘‘д̣̇зва, табзд̇ваа ид̣̇д̇химанд̇з ан̃н̃зхи нид̣̇д̇харид̇ум̣ на саггаа’’д̇и вад̣̇им̣су.

    Rājā tesaṃ kathaṃ sutvā kujjhitvā senaṃ āṇāpesi – ‘‘bhonto, gacchatha, khippaṃ ito cito ca nagaraṃ avattharitvā parikhaṃ bhinditvā pākāraṃ maddantā dvāraṭṭālake bhindantā nagaraṃ pavisitvā sakaṭehi kumbhaṇḍāni viya mahājanassa sīsāni gaṇhatha, videharañño sīsaṃ āharathā’’ti. Taṃ sutvā sūrayodhā nānāvudhahatthā dvārasamīpaṃ gantvā paṇḍitassa purisehi sakkharavālukakalalasiñcanapāsāṇapatanādīhi upaddutā paṭikkamanti. ‘‘Pākāraṃ bhindissāmā’’ti parikhaṃ otiṇṇepi antaraṭṭālakesu ṭhitā ususattitomarādīhi vijjhantā mahāvināsaṃ pāpenti. Paṇḍitassa yodhā cūḷanibrahmadattassa yodhe hatthavikārādīni dassetvā nānappakārehi akkosanti paribhāsanti tajjenti. ‘‘Tumhe kilamantā bhattaṃ alabhantā thokaṃ pivissatha khādissathā’’ti surāpiṭṭhakāni ceva macchamaṃsasūlāni ca pasāretvā sayameva pivanti khādanti, anupākāre caṅkamanti. Itare kiñci kātuṃ asakkontā cūḷanibrahmadattassa santikaṃ gantvā ‘‘deva, ṭhapetvā iddhimante aññehi niddharituṃ na sakkā’’ti vadiṃsu.

    рааж̇аа жад̇убан̃жаахам̣ васид̇ваа г̇ахзд̇аб̣б̣аяуд̇д̇агам̣ абассанд̇о гзваддам̣ бужчи ‘‘аажарияа, наг̇арам̣ г̇ан̣хид̇ум̣ на саггома, згоби убасан̇гамид̇ум̣ самад̇т̇о над̇т̇и, гим̣ гаад̇аб̣б̣а’’нд̇и. гзваддо ‘‘ход̇у, махаарааж̇а, наг̇арам̣ наама б̣ахиуд̣̇агам̣ ход̇и, уд̣̇агагкаязна нам̣ г̇ан̣хиссаама, мануссаа уд̣̇агзна гиламанд̇аа д̣̇ваарам̣ вивариссанд̇ий’’д̇и ааха. со ‘‘ад̇т̇зсо убааяо’’д̇и самбадижчи. д̇ад̇о бадтааяа уд̣̇агам̣ бавзсзд̇ум̣ на д̣̇знд̇и. бан̣д̣ид̇асса убанигкид̇д̇агабурисаа бан̣н̣ам̣ ликид̇ваа ган̣д̣з б̣анд̇хид̇ваа д̇ам̣ бавад̇д̇им̣ бзсзсум̣. д̇знаби батамамзва аан̣ад̇д̇ам̣ ‘‘яо яо ган̣д̣з бан̣н̣ам̣ бассад̇и, со со мз аахарад̇уу’’д̇и. ат̇зго бурисо д̇ам̣ д̣̇исваа бан̣д̣ид̇асса д̣̇ассзси. со д̇ам̣ бавад̇д̇им̣ н̃ад̇ваа ‘‘на мз бан̣д̣ид̇абхаавам̣ ж̇аананд̇ий’’д̇и садтихад̇т̇ам̣ взл̣ум̣ д̣̇вид̇хаа паалзд̇ваа барисуд̣̇д̇хам̣ сод̇хаабзд̇ваа буна згад̇о гад̇ваа жаммзна б̣анд̇хид̇ваа убари галалзна магкзд̇ваа химаванд̇ад̇о ид̣̇д̇химанд̇ад̇аабасзхи аанийд̇ам̣ гуд̣̇руусагумуд̣̇аб̣ийж̇ам̣ богкаран̣ид̇ийрз галалзсу робаабзд̇ваа убари взл̣ум̣ табаабзд̇ваа уд̣̇агасса буураабзси. згарад̇д̇знзва вад̣дхид̇ваа бубпам̣ взл̣умад̇т̇агад̇о уг̇г̇анд̇ваа рад̇анамад̇д̇ам̣ адтааси.

    Rājā catupañcāhaṃ vasitvā gahetabbayuttakaṃ apassanto kevaṭṭaṃ pucchi ‘‘ācariya, nagaraṃ gaṇhituṃ na sakkoma, ekopi upasaṅkamituṃ samattho natthi, kiṃ kātabba’’nti. Kevaṭṭo ‘‘hotu, mahārāja, nagaraṃ nāma bahiudakaṃ hoti, udakakkhayena naṃ gaṇhissāma, manussā udakena kilamantā dvāraṃ vivarissantī’’ti āha. So ‘‘attheso upāyo’’ti sampaṭicchi. Tato paṭṭhāya udakaṃ pavesetuṃ na denti. Paṇḍitassa upanikkhittakapurisā paṇṇaṃ likhitvā kaṇḍe bandhitvā taṃ pavattiṃ pesesuṃ. Tenapi paṭhamameva āṇattaṃ ‘‘yo yo kaṇḍe paṇṇaṃ passati, so so me āharatū’’ti. Atheko puriso taṃ disvā paṇḍitassa dassesi. So taṃ pavattiṃ ñatvā ‘‘na me paṇḍitabhāvaṃ jānantī’’ti saṭṭhihatthaṃ veḷuṃ dvidhā phāletvā parisuddhaṃ sodhāpetvā puna ekato katvā cammena bandhitvā upari kalalena makkhetvā himavantato iddhimantatāpasehi ānītaṃ kudrūsakumudabījaṃ pokkharaṇitīre kalalesu ropāpetvā upari veḷuṃ ṭhapāpetvā udakassa pūrāpesi. Ekaratteneva vaḍḍhitvā pupphaṃ veḷumatthakato uggantvā ratanamattaṃ aṭṭhāsi.

    ат̇а нам̣ уббаадзд̇ваа ‘‘ид̣̇ам̣ жуул̣аниб̣рахмад̣̇ад̇д̇асса д̣̇зт̇аа’’д̇и ад̇д̇ано бурисаанам̣ д̣̇аабзси. д̇з д̇асса д̣̇ан̣д̣агам̣ валаяам̣ гад̇ваа ‘‘амбхо, б̣рахмад̣̇ад̇д̇асса баад̣̇амуулигаа чаад̇агзна маа марид̇т̇а, г̇ан̣хат̇зд̇ам̣ уббалам̣ бил̣анд̇хид̇ваа д̣̇ан̣д̣агам̣ гужчибуурам̣ каад̣̇ат̇аа’’д̇и вад̇ваа кибим̣су. д̇амзго бан̣д̣ид̇асса убанигкид̇д̇агабурисо удтааяа г̇ан̣хи, ат̇а д̇ам̣ ран̃н̃о санд̇игам̣ аахарид̇ваа ‘‘бассат̇а, д̣̇зва, имасса д̣̇ан̣д̣агам̣, на но ид̇о буб̣б̣з звам̣ д̣̇ийгхад̣̇ан̣д̣аго д̣̇идтабуб̣б̣о’’д̇и вад̇ваа ‘‘минат̇а на’’нд̇и вуд̇д̇з бан̣д̣ид̇асса бурисаа садтихад̇т̇ам̣ д̣̇ан̣д̣агам̣ асийд̇ихад̇т̇ам̣ гад̇ваа миним̣су. буна ран̃н̃аа ‘‘гад̇т̇зд̇ам̣ ж̇аад̇а’’нд̇и вуд̇д̇з зго мусааваад̣̇ам̣ гад̇ваа звамааха – ‘‘д̣̇зва, ахам̣ згад̣̇ивасам̣ бибаасид̇о худ̇ваа ‘сурам̣ бивиссаамий’д̇и жуул̣ад̣̇ваарзна наг̇арам̣ бавидто, нааг̇араанам̣ уд̣̇агагийл̣ад̇т̇ааяа гад̇ам̣ махаабогкаран̣им̣ бассим̣, махааж̇ано наавааяа нисийд̣̇ид̇ваа бубпаани г̇ан̣хаад̇и. д̇ад̇т̇а ид̣̇ам̣ д̇ийраббад̣̇зсз ж̇аад̇ам̣, г̇амбхийрадтаанз ж̇аад̇асса бана д̣̇ан̣д̣аго сад̇ахад̇т̇о бхависсад̇ий’’д̇и.

    Atha naṃ uppāṭetvā ‘‘idaṃ cūḷanibrahmadattassa dethā’’ti attano purisānaṃ dāpesi. Te tassa daṇḍakaṃ valayaṃ katvā ‘‘ambho, brahmadattassa pādamūlikā chātakena mā marittha, gaṇhathetaṃ uppalaṃ piḷandhitvā daṇḍakaṃ kucchipūraṃ khādathā’’ti vatvā khipiṃsu. Tameko paṇḍitassa upanikkhittakapuriso uṭṭhāya gaṇhi, atha taṃ rañño santikaṃ āharitvā ‘‘passatha, deva, imassa daṇḍakaṃ, na no ito pubbe evaṃ dīghadaṇḍako diṭṭhapubbo’’ti vatvā ‘‘minatha na’’nti vutte paṇḍitassa purisā saṭṭhihatthaṃ daṇḍakaṃ asītihatthaṃ katvā miniṃsu. Puna raññā ‘‘katthetaṃ jāta’’nti vutte eko musāvādaṃ katvā evamāha – ‘‘deva, ahaṃ ekadivasaṃ pipāsito hutvā ‘suraṃ pivissāmī’ti cūḷadvārena nagaraṃ paviṭṭho, nāgarānaṃ udakakīḷatthāya kataṃ mahāpokkharaṇiṃ passiṃ, mahājano nāvāya nisīditvā pupphāni gaṇhāti. Tattha idaṃ tīrappadese jātaṃ, gambhīraṭṭhāne jātassa pana daṇḍako satahattho bhavissatī’’ti.

    д̇ам̣ суд̇ваа рааж̇аа гзваддам̣ ааха – ‘‘аажарияа, на саггаа уд̣̇агагкаязна ид̣̇ам̣ г̇ан̣хид̇ум̣, харат̇згам̣ убааяа’’нд̇и. ‘‘д̇зна хи, д̣̇зва, д̇хан̃н̃агкаязна г̇ан̣хиссаама, наг̇арам̣ наама б̣ахид̇хан̃н̃ам̣ ход̇ий’’д̇и. звам̣ ход̇у аажарияаад̇и, бан̣д̣ид̇о буриманаязнзва д̇ам̣ бавад̇д̇им̣ н̃ад̇ваа ‘‘на мз гзваддаб̣раахман̣о бан̣д̣ид̇абхаавам̣ ж̇аанаад̇ий’’д̇и анубаагаарамад̇т̇агз галалам̣ гад̇ваа вийхим̣ д̇ад̇т̇а робаабзси. б̣од̇хисад̇д̇аанам̣ ад̇хиббааяо наама самиж̇жхад̇ийд̇и вийхий згарад̇д̇знзва вудтааяа баагаарамад̇т̇агз нийлаа худ̇ваа бан̃н̃ааяанд̇и. д̇ам̣ д̣̇исваа жуул̣аниб̣рахмад̣̇ад̇д̇о ‘‘амбхо, гимзд̇ам̣ баагаарамад̇т̇агз нийлам̣ худ̇ваа бан̃н̃ааяад̇ий’’д̇и бужчи. бан̣д̣ид̇асса убанигкид̇д̇агабурисо ран̃н̃о важанам̣ мукад̇о ж̇ивхам̣ лун̃жанд̇о вияа г̇ахзд̇ваа ‘‘д̣̇зва, г̇ахабад̇ибуд̇д̇о махосад̇хабан̣д̣ид̇о анааг̇ад̇абхаяам̣ д̣̇исваа буб̣б̣зва радтад̇о д̇хан̃н̃ам̣ аахараабзд̇ваа годтааг̇аараад̣̇ийни буураабзд̇ваа сзсад̇хан̃н̃ам̣ баагаарабассз нигкибаабзси. д̇з гира вийхаяо аад̇абзна сугканд̇аа вассзна д̇змзнд̇аа д̇ад̇т̇зва сассам̣ ж̇анзсум̣. ахам̣ згад̣̇ивасам̣ згзна гаммзна жуул̣ад̣̇ваарзна бависид̇ваа баагаарамад̇т̇агз вийхираасид̇о вийхим̣ хад̇т̇зна г̇ахзд̇ваа вийт̇ияам̣ чад̣д̣знд̇з бассим̣. ат̇а д̇з мам̣ барихаасанд̇аа ‘чаад̇оси ман̃н̃з, вийхим̣саадагад̣̇асанд̇з б̣анд̇хид̇ваа д̇ава г̇зхам̣ харид̇ваа годдзд̇ваа бажаабзд̇ваа бхун̃ж̇аахий’д̇и вад̣̇им̣суу’’д̇и аарожзси.

    Taṃ sutvā rājā kevaṭṭaṃ āha – ‘‘ācariya, na sakkā udakakkhayena idaṃ gaṇhituṃ, harathekaṃ upāya’’nti. ‘‘Tena hi, deva, dhaññakkhayena gaṇhissāma, nagaraṃ nāma bahidhaññaṃ hotī’’ti. Evaṃ hotu ācariyāti, paṇḍito purimanayeneva taṃ pavattiṃ ñatvā ‘‘na me kevaṭṭabrāhmaṇo paṇḍitabhāvaṃ jānātī’’ti anupākāramatthake kalalaṃ katvā vīhiṃ tattha ropāpesi. Bodhisattānaṃ adhippāyo nāma samijjhatīti vīhī ekaratteneva vuṭṭhāya pākāramatthake nīlā hutvā paññāyanti. Taṃ disvā cūḷanibrahmadatto ‘‘ambho, kimetaṃ pākāramatthake nīlaṃ hutvā paññāyatī’’ti pucchi. Paṇḍitassa upanikkhittakapuriso rañño vacanaṃ mukhato jivhaṃ luñcanto viya gahetvā ‘‘deva, gahapatiputto mahosadhapaṇḍito anāgatabhayaṃ disvā pubbeva raṭṭhato dhaññaṃ āharāpetvā koṭṭhāgārādīni pūrāpetvā sesadhaññaṃ pākārapasse nikkhipāpesi. Te kira vīhayo ātapena sukkhantā vassena tementā tattheva sassaṃ janesuṃ. Ahaṃ ekadivasaṃ ekena kammena cūḷadvārena pavisitvā pākāramatthake vīhirāsito vīhiṃ hatthena gahetvā vīthiyaṃ chaḍḍente passiṃ. Atha te maṃ parihāsantā ‘chātosi maññe, vīhiṃsāṭakadasante bandhitvā tava gehaṃ haritvā koṭṭetvā pacāpetvā bhuñjāhī’ti vadiṃsū’’ti ārocesi.

    д̇ам̣ суд̇ваа рааж̇аа гзваддам̣ ‘‘аажарияа, д̇хан̃н̃агкаязнаби г̇ан̣хид̇ум̣ на саггаа, аяамби анубааяо’’д̇и ааха. ‘‘д̇зна хи, д̣̇зва, д̣̇ааругкаязна г̇ан̣хиссаама, наг̇арам̣ наама б̣ахид̣̇ааругам̣ ход̇ий’’д̇и. ‘‘звам̣ ход̇у, аажарияаа’’д̇и. бан̣д̣ид̇о буриманаязнзва д̇ам̣ бавад̇д̇им̣ н̃ад̇ваа баагаарамад̇т̇агз вийхим̣ ад̇иггамид̇ваа бан̃н̃ааяамаанам̣ д̣̇аарураасим̣ гаарзси. бан̣д̣ид̇асса мануссаа жуул̣аниб̣рахмад̣̇ад̇д̇асса бурисзхи сад̣̇д̇хим̣ барихаасам̣ гаронд̇аа ‘‘сажз чаад̇ад̇т̇а, яааг̇убхад̇д̇ам̣ бажид̇ваа бхун̃ж̇ат̇аа’’д̇и маханд̇амаханд̇аани д̣̇аарууни кибим̣су. рааж̇аа ‘‘баагаарамад̇т̇агзна д̣̇аарууни бан̃н̃ааяанд̇и, гимзд̇а’’нд̇и бужчид̇ваа ‘‘д̣̇зва, г̇ахабад̇ибуд̇д̇о гира махосад̇хабан̣д̣ид̇о анааг̇ад̇абхаяам̣ д̣̇исваа д̣̇аарууни аахараабзд̇ваа гулаанам̣ бажчааг̇зхзсу табаабзд̇ваа ад̇ирзгаани баагаарам̣ ниссааяа табаабзсий’’д̇и убанигкид̇д̇агаанан̃н̃зва санд̇игаа важанам̣ суд̇ваа гзваддам̣ ааха – ‘‘аажарияа, д̣̇ааругкаязнаби на саггаа амхзхи г̇ан̣хид̇ум̣, аахарат̇згам̣ убааяа’’нд̇и. ‘‘маа жинд̇аяид̇т̇а, махаарааж̇а, ан̃н̃о убааяо ад̇т̇ий’’д̇и. ‘‘аажарияа, гим̣ убааяо наамзса, наахам̣ д̇ава убааяасса анд̇ам̣ бассаами, на саггаа амхзхи взд̣̇зхам̣ г̇ан̣хид̇ум̣, амхаагам̣ наг̇арамзва г̇амиссаамаа’’д̇и. ‘‘д̣̇зва, ‘жуул̣аниб̣рахмад̣̇ад̇д̇о згасад̇акад̇д̇иязхи сад̣̇д̇хим̣ взд̣̇зхам̣ г̇ан̣хид̇ум̣ наасагкий’д̇и амхаагам̣ лаж̇ж̇анагам̣ бхависсад̇и, гим̣ бана махосад̇хова бан̣д̣ид̇о, ахамби бан̣д̣ид̇оязва, згам̣ лзсам̣ гариссаамий’’д̇и. ‘‘гим̣ лзсо наама, аажарияаа’’д̇и. ‘‘д̇хаммаяуд̣̇д̇хам̣ наама гариссаама, д̣̇зваа’’д̇и. ‘‘гимзд̇ам̣ д̇хаммаяуд̣̇д̇хам̣ наамаа’’д̇и? ‘‘махаарааж̇а на сзнаа яуж̇жхиссанд̇и, д̣̇виннам̣ бана рааж̇уунам̣ д̣̇вз бан̣д̣ид̇аа згадтаанз бхависсанд̇и. д̇зсу яо ванд̣̇иссад̇и, д̇асса барааж̇аяо бхависсад̇и. махосад̇хо бана имам̣ манд̇ам̣ на ж̇аанаад̇и, ахам̣ махаллаго, со д̣̇ахаро, мам̣ д̣̇исваава ванд̣̇иссад̇и, д̇ад̣̇аа вид̣̇зхо барааж̇ид̇о наама бхависсад̇и, ат̇а маяам̣ вид̣̇зхам̣ барааж̇зд̇ваа ад̇д̇ано наг̇арамзва г̇амиссаама, звам̣ но лаж̇ж̇анагам̣ на бхависсад̇и. ид̣̇ам̣ д̇хаммаяуд̣̇д̇хам̣ наамаа’’д̇и.

    Taṃ sutvā rājā kevaṭṭaṃ ‘‘ācariya, dhaññakkhayenapi gaṇhituṃ na sakkā, ayampi anupāyo’’ti āha. ‘‘Tena hi, deva, dārukkhayena gaṇhissāma, nagaraṃ nāma bahidārukaṃ hotī’’ti. ‘‘Evaṃ hotu, ācariyā’’ti. Paṇḍito purimanayeneva taṃ pavattiṃ ñatvā pākāramatthake vīhiṃ atikkamitvā paññāyamānaṃ dārurāsiṃ kāresi. Paṇḍitassa manussā cūḷanibrahmadattassa purisehi saddhiṃ parihāsaṃ karontā ‘‘sace chātattha, yāgubhattaṃ pacitvā bhuñjathā’’ti mahantamahantāni dārūni khipiṃsu. Rājā ‘‘pākāramatthakena dārūni paññāyanti, kimeta’’nti pucchitvā ‘‘deva, gahapatiputto kira mahosadhapaṇḍito anāgatabhayaṃ disvā dārūni āharāpetvā kulānaṃ pacchāgehesu ṭhapāpetvā atirekāni pākāraṃ nissāya ṭhapāpesī’’ti upanikkhittakānaññeva santikā vacanaṃ sutvā kevaṭṭaṃ āha – ‘‘ācariya, dārukkhayenapi na sakkā amhehi gaṇhituṃ, āharathekaṃ upāya’’nti. ‘‘Mā cintayittha, mahārāja, añño upāyo atthī’’ti. ‘‘Ācariya, kiṃ upāyo nāmesa, nāhaṃ tava upāyassa antaṃ passāmi, na sakkā amhehi vedehaṃ gaṇhituṃ, amhākaṃ nagarameva gamissāmā’’ti. ‘‘Deva, ‘cūḷanibrahmadatto ekasatakhattiyehi saddhiṃ vedehaṃ gaṇhituṃ nāsakkhī’ti amhākaṃ lajjanakaṃ bhavissati, kiṃ pana mahosadhova paṇḍito, ahampi paṇḍitoyeva, ekaṃ lesaṃ karissāmī’’ti. ‘‘Kiṃ leso nāma, ācariyā’’ti. ‘‘Dhammayuddhaṃ nāma karissāma, devā’’ti. ‘‘Kimetaṃ dhammayuddhaṃ nāmā’’ti? ‘‘Mahārāja na senā yujjhissanti, dvinnaṃ pana rājūnaṃ dve paṇḍitā ekaṭṭhāne bhavissanti. Tesu yo vandissati, tassa parājayo bhavissati. Mahosadho pana imaṃ mantaṃ na jānāti, ahaṃ mahallako, so daharo, maṃ disvāva vandissati, tadā videho parājito nāma bhavissati, atha mayaṃ videhaṃ parājetvā attano nagarameva gamissāma, evaṃ no lajjanakaṃ na bhavissati. Idaṃ dhammayuddhaṃ nāmā’’ti.

    бан̣д̣ид̇о д̇амби рахассам̣ буриманаязнзва н̃ад̇ваа ‘‘сажз гзваддасса бараж̇ж̇аами, наахам̣ бан̣д̣ид̇осмий’’д̇и жинд̇зси. жуул̣аниб̣рахмад̣̇ад̇д̇оби ‘‘собхано, аажарияа, убааяо’’д̇и вад̇ваа ‘‘свз д̇хаммаяуд̣̇д̇хам̣ бхависсад̇и, д̣̇виннамби бан̣д̣ид̇аанам̣ д̇хаммзна ж̇аяабарааж̇аяо бхависсад̇и. яо д̇хаммаяуд̣̇д̇хам̣ на гариссад̇и, соби барааж̇ид̇о наама бхависсад̇ий’’д̇и бан̣н̣ам̣ ликаабзд̇ваа жуул̣ад̣̇ваарзна взд̣̇зхасса бзсзси. д̇ам̣ суд̇ваа взд̣̇зхо бан̣д̣ид̇ам̣ баггосаабзд̇ваа д̇амад̇т̇ам̣ аажигки. д̇ам̣ бавад̇д̇им̣ суд̇ваа бан̣д̣ид̇о ‘‘саад̇ху, д̣̇зва, свз баад̇ова бажчимад̣̇ваарз д̇хаммаяуд̣̇д̇хаман̣д̣алам̣ саж̇ж̇зссанд̇и, ‘д̇хаммаяуд̣̇д̇хаман̣д̣алам̣ ааг̇ажчад̇уу’д̇и бзсзт̇аа’’д̇и ааха. д̇ам̣ суд̇ваа рааж̇аа ааг̇ад̇ад̣̇ууд̇ассзва хад̇т̇з бан̣н̣агам̣ ад̣̇ааси. бан̣д̣ид̇о бунад̣̇ивасз ‘‘гзваддассзва барааж̇аяо ход̇уу’’д̇и бажчимад̣̇ваарз д̇хаммаяуд̣̇д̇хаман̣д̣алам̣ саж̇ж̇аабзси. д̇зби ко згасад̇абурисаа ‘‘го ж̇аанаад̇и, гим̣ бхависсад̇ий’’д̇и бан̣д̣ид̇асса аарагкад̇т̇ааяа гзваддам̣ бариваараяим̣су. д̇зби згасад̇арааж̇аано д̇хаммаяуд̣̇д̇хаман̣д̣алам̣ г̇анд̇ваа баажийнад̣̇исам̣ ологзнд̇аа адтам̣су, д̇ат̇аа гзваддаб̣раахман̣оби.

    Paṇḍito tampi rahassaṃ purimanayeneva ñatvā ‘‘sace kevaṭṭassa parajjāmi, nāhaṃ paṇḍitosmī’’ti cintesi. Cūḷanibrahmadattopi ‘‘sobhano, ācariya, upāyo’’ti vatvā ‘‘sve dhammayuddhaṃ bhavissati, dvinnampi paṇḍitānaṃ dhammena jayaparājayo bhavissati. Yo dhammayuddhaṃ na karissati, sopi parājito nāma bhavissatī’’ti paṇṇaṃ likhāpetvā cūḷadvārena vedehassa pesesi. Taṃ sutvā vedeho paṇḍitaṃ pakkosāpetvā tamatthaṃ ācikkhi. Taṃ pavattiṃ sutvā paṇḍito ‘‘sādhu, deva, sve pātova pacchimadvāre dhammayuddhamaṇḍalaṃ sajjessanti, ‘dhammayuddhamaṇḍalaṃ āgacchatū’ti pesethā’’ti āha. Taṃ sutvā rājā āgatadūtasseva hatthe paṇṇakaṃ adāsi. Paṇḍito punadivase ‘‘kevaṭṭasseva parājayo hotū’’ti pacchimadvāre dhammayuddhamaṇḍalaṃ sajjāpesi. Tepi kho ekasatapurisā ‘‘ko jānāti, kiṃ bhavissatī’’ti paṇḍitassa ārakkhatthāya kevaṭṭaṃ parivārayiṃsu. Tepi ekasatarājāno dhammayuddhamaṇḍalaṃ gantvā pācīnadisaṃ olokentā aṭṭhaṃsu, tathā kevaṭṭabrāhmaṇopi.

    б̣од̇хисад̇д̇о бана баад̇ова г̇анд̇ход̣̇агзна нхад̇ваа сад̇асахассаг̇гханагам̣ гаасигавад̇т̇ам̣ ниваасзд̇ваа саб̣б̣аалан̇гаарабадиман̣д̣ид̇о наанаг̇г̇арасабхож̇анам̣ бхун̃ж̇ид̇ваа маханд̇зна бариваарзна рааж̇ад̣̇ваарам̣ г̇анд̇ваа ‘‘бависад̇у мз буд̇д̇о’’д̇и вуд̇д̇з бависид̇ваа рааж̇аанам̣ ванд̣̇ид̇ваа згаманд̇ам̣ тад̇ваа ‘‘гухим̣ г̇амиссаси, д̇аад̇аа’’д̇и вуд̇д̇з ‘‘д̇хаммаяуд̣̇д̇хаман̣д̣алам̣ г̇амиссаамий’’д̇и ааха. ‘‘гим̣ лад̣̇д̇хум̣ ваддад̇ий’’д̇и? ‘‘д̣̇зва, гзваддаб̣раахман̣ам̣ ман̣ирад̇анзна ван̃жзд̇угаамомхи, адтаван̇гам̣ ман̣ирад̇анам̣ лад̣̇д̇хум̣ ваддад̇ий’’д̇и. ‘‘г̇ан̣ха, д̇аад̇аа’’д̇и. со д̇ам̣ г̇ахзд̇ваа рааж̇аанам̣ ванд̣̇ид̇ваа рааж̇анивзсанаа од̇ин̣н̣о сахаж̇аад̇зхи яод̇хасахассзхи баривуд̇о навуд̇игахаабан̣асахассаг̇гханагам̣ сзд̇асинд̇хаваяуд̇д̇ам̣ рат̇аварамааруяха баад̇араасавзлааяа д̣̇ваарасамийбам̣ баабун̣и. гзваддо бана ‘‘ид̣̇аани ааг̇амиссад̇и, ид̣̇аани ааг̇амиссад̇ий’’д̇и д̇ассааг̇аманам̣ ологзнд̇оязва адтааси, ологанзна д̣̇ийгхаг̇ийвад̇ам̣ бад̇д̇о вияа ахоси, суурияад̇зж̇зна сзд̣̇аа мужжанд̇и. махаасад̇д̇оби махаабариваарад̇ааяа махаасамуд̣̇д̣̇о вияа аж̇жход̇т̇аранд̇о гзсарасийхо вияа ачамбхид̇о виг̇ад̇аломахам̣со д̣̇ваарам̣ вивараабзд̇ваа наг̇араа нигкамма рат̇аа оруяха сийхо вияа виж̇амбхамаано бааяааси. згасад̇арааж̇ааноби д̇асса руубасирим̣ д̣̇исваа ‘‘зса гира сиривад̣дханасздтибуд̇д̇о махосад̇хабан̣д̣ид̇о бан̃н̃ааяа сагалаж̇амб̣уд̣̇ийбз ад̣̇уд̇ияо’’д̇и уггудтисахассаани бавад̇д̇аяим̣су.

    Bodhisatto pana pātova gandhodakena nhatvā satasahassagghanakaṃ kāsikavatthaṃ nivāsetvā sabbālaṅkārapaṭimaṇḍito nānaggarasabhojanaṃ bhuñjitvā mahantena parivārena rājadvāraṃ gantvā ‘‘pavisatu me putto’’ti vutte pavisitvā rājānaṃ vanditvā ekamantaṃ ṭhatvā ‘‘kuhiṃ gamissasi, tātā’’ti vutte ‘‘dhammayuddhamaṇḍalaṃ gamissāmī’’ti āha. ‘‘Kiṃ laddhuṃ vaṭṭatī’’ti? ‘‘Deva, kevaṭṭabrāhmaṇaṃ maṇiratanena vañcetukāmomhi, aṭṭhavaṅkaṃ maṇiratanaṃ laddhuṃ vaṭṭatī’’ti. ‘‘Gaṇha, tātā’’ti. So taṃ gahetvā rājānaṃ vanditvā rājanivesanā otiṇṇo sahajātehi yodhasahassehi parivuto navutikahāpaṇasahassagghanakaṃ setasindhavayuttaṃ rathavaramāruyha pātarāsavelāya dvārasamīpaṃ pāpuṇi. Kevaṭṭo pana ‘‘idāni āgamissati, idāni āgamissatī’’ti tassāgamanaṃ olokentoyeva aṭṭhāsi, olokanena dīghagīvataṃ patto viya ahosi, sūriyatejena sedā muccanti. Mahāsattopi mahāparivāratāya mahāsamuddo viya ajjhottharanto kesarasīho viya achambhito vigatalomahaṃso dvāraṃ vivarāpetvā nagarā nikkhamma rathā oruyha sīho viya vijambhamāno pāyāsi. Ekasatarājānopi tassa rūpasiriṃ disvā ‘‘esa kira sirivaḍḍhanaseṭṭhiputto mahosadhapaṇḍito paññāya sakalajambudīpe adutiyo’’ti ukkuṭṭhisahassāni pavattayiṃsu.

    соби маруг̇ан̣абаривуд̇о вияа сагго аномзна сиривибхавзна д̇ам̣ ман̣ирад̇анам̣ хад̇т̇зна г̇ахзд̇ваа гзваддаабхимуко аг̇амааси. гзваддоби д̇ам̣ д̣̇исваава сагабхаавзна сан̣таад̇ум̣ асаггонд̇о бажжуг̇г̇аманам̣ гад̇ваа звамааха – ‘‘бан̣д̣ид̇а махосад̇ха, маяам̣ д̣̇вз бан̣д̣ид̇аа, амхаагам̣ д̇умхз ниссааяа зд̇д̇агам̣ гаалам̣ васанд̇аанам̣ д̇умхзхи бан̣н̣аагаарамад̇д̇амби на бзсид̇абуб̣б̣ам̣, гасмаа звамагад̇т̇аа’’д̇и? ат̇а нам̣ махаасад̇д̇о ‘‘бан̣д̣ид̇а, д̇умхаагам̣ анужчавигам̣ бан̣н̣аагаарам̣ ологзнд̇аа аж̇ж̇а маяам̣ имам̣ ман̣ирад̇анам̣ лабхимхаа, ханд̣̇а, имам̣ ман̣ирад̇анам̣ г̇ан̣хат̇а, зваруубам̣ наама ан̃н̃ам̣ ман̣ирад̇анам̣ над̇т̇ий’’д̇и ааха. со д̇асса хад̇т̇з ж̇аламаанам̣ ман̣ирад̇анам̣ д̣̇исваа ‘‘д̣̇аад̇угаамо мз бхависсад̇ий’’д̇и жинд̇зд̇ваа ‘‘д̇зна хи, бан̣д̣ид̇а, д̣̇зхий’’д̇и хад̇т̇ам̣ басаарзси. махаасад̇д̇о ‘‘г̇ан̣хаахи, аажарияаа’’д̇и кибид̇ваа басаарид̇ахад̇т̇асса ан̇г̇улийсу баад̇зси. б̣раахман̣о г̇арум̣ ман̣ирад̇анам̣ ан̇г̇улийхи д̇хаарзд̇ум̣ наасагки. ман̣ирад̇анам̣ бариг̇ал̣ид̇ваа махаасад̇д̇асса баад̣̇амуулз бад̇и. б̣раахман̣о лобхзна ‘‘г̇ан̣хиссаами на’’нд̇и д̇асса баад̣̇амуулз он̣ад̇о ахоси. ат̇асса махаасад̇д̇о удтаад̇ум̣ ад̣̇ад̇ваа згзна хад̇т̇зна канд̇хадтигз, згзна бидтигажчааяам̣ г̇ахзд̇ваа ‘‘удтзт̇а аажарияа, удтзт̇а аажарияа, ахам̣ ад̇ид̣̇ахаро д̇умхаагам̣ над̇д̇умад̇д̇о, маа мам̣ ванд̣̇ат̇аа’’д̇и вад̣̇анд̇о абараабарам̣ гад̇ваа мукам̣ бхуумияам̣ гхам̣сид̇ваа лохид̇амагкид̇ам̣ гад̇ваа ‘‘анд̇хаб̣аала, д̇вам̣ мама санд̇игаа ванд̣̇анам̣ бажжаасийсасий’’д̇и г̇ийвааяам̣ г̇ахзд̇ваа киби. со усабхамад̇д̇з таанз бад̇ид̇ваа удтааяа балааяи. ман̣ирад̇анам̣ бана махаасад̇д̇асса мануссааязва г̇ан̣хим̣су.

    Sopi marugaṇaparivuto viya sakko anomena sirivibhavena taṃ maṇiratanaṃ hatthena gahetvā kevaṭṭābhimukho agamāsi. Kevaṭṭopi taṃ disvāva sakabhāvena saṇṭhātuṃ asakkonto paccuggamanaṃ katvā evamāha – ‘‘paṇḍita mahosadha, mayaṃ dve paṇḍitā, amhākaṃ tumhe nissāya ettakaṃ kālaṃ vasantānaṃ tumhehi paṇṇākāramattampi na pesitapubbaṃ, kasmā evamakatthā’’ti? Atha naṃ mahāsatto ‘‘paṇḍita, tumhākaṃ anucchavikaṃ paṇṇākāraṃ olokentā ajja mayaṃ imaṃ maṇiratanaṃ labhimhā, handa, imaṃ maṇiratanaṃ gaṇhatha, evarūpaṃ nāma aññaṃ maṇiratanaṃ natthī’’ti āha. So tassa hatthe jalamānaṃ maṇiratanaṃ disvā ‘‘dātukāmo me bhavissatī’’ti cintetvā ‘‘tena hi, paṇḍita, dehī’’ti hatthaṃ pasāresi. Mahāsatto ‘‘gaṇhāhi, ācariyā’’ti khipitvā pasāritahatthassa aṅgulīsu pātesi. Brāhmaṇo garuṃ maṇiratanaṃ aṅgulīhi dhāretuṃ nāsakkhi. Maṇiratanaṃ parigaḷitvā mahāsattassa pādamūle pati. Brāhmaṇo lobhena ‘‘gaṇhissāmi na’’nti tassa pādamūle oṇato ahosi. Athassa mahāsatto uṭṭhātuṃ adatvā ekena hatthena khandhaṭṭhike, ekena piṭṭhikacchāyaṃ gahetvā ‘‘uṭṭhetha ācariya, uṭṭhetha ācariya, ahaṃ atidaharo tumhākaṃ nattumatto, mā maṃ vandathā’’ti vadanto aparāparaṃ katvā mukhaṃ bhūmiyaṃ ghaṃsitvā lohitamakkhitaṃ katvā ‘‘andhabāla, tvaṃ mama santikā vandanaṃ paccāsīsasī’’ti gīvāyaṃ gahetvā khipi. So usabhamatte ṭhāne patitvā uṭṭhāya palāyi. Maṇiratanaṃ pana mahāsattassa manussāyeva gaṇhiṃsu.

    б̣од̇хисад̇д̇асса бана ‘‘удтзт̇а аажарияа, удтзт̇а аажарияа, маа мам̣ ванд̣̇ат̇аа’’д̇и важийгхосо сагалабарисам̣ чаад̣̇зд̇ваа адтааси. ‘‘гзваддаб̣раахман̣о махосад̇хасса баад̣̇з ванд̣̇ад̇ий’’д̇и бурисаабисса згаббахаарзнзва уннаад̣̇аад̣̇ийни агам̣су. б̣рахмад̣̇ад̇д̇ам̣ аад̣̇им̣ гад̇ваа саб̣б̣зби д̇з рааж̇аано гзваддам̣ махаасад̇д̇асса баад̣̇амуулз он̣ад̇ам̣ ад̣̇д̣̇асам̣суязва. д̇з ‘‘амхаагам̣ бан̣д̣ид̇зна махосад̇хо ванд̣̇ид̇о, ид̣̇аани барааж̇ид̇амхаа, на но ж̇ийвид̇ам̣ д̣̇ассад̇ий’’д̇и ад̇д̇ано ад̇д̇ано ассз абхирухид̇ваа уд̇д̇арабан̃жаалаабхимукаа балааяид̇ум̣ аарабхим̣су. д̇з балааяанд̇з д̣̇исваа б̣од̇хисад̇д̇асса бурисаа ‘‘жуул̣аниб̣рахмад̣̇ад̇д̇о згасад̇акад̇д̇ияз г̇ахзд̇ваа балааяад̇ий’’д̇и буна уггудтимагам̣су. д̇ам̣ суд̇ваа д̇з рааж̇аано маран̣абхаяабхийд̇аа бхияяосомад̇д̇ааяа балааяанд̇аа сзнан̇г̇ам̣ бхинд̣̇им̣су. б̣од̇хисад̇д̇асса бурисааби над̣̇анд̇аа ваг̇г̇анд̇аа судтуд̇арам̣ голаахаламагам̣су . махаасад̇д̇о сзнан̇г̇абаривуд̇о наг̇арамзва баависи. жуул̣аниб̣рахмад̣̇ад̇д̇асса сзнааби д̇ияож̇анамад̇д̇ам̣ багканд̣̇и.

    Bodhisattassa pana ‘‘uṭṭhetha ācariya, uṭṭhetha ācariya, mā maṃ vandathā’’ti vacīghoso sakalaparisaṃ chādetvā aṭṭhāsi. ‘‘Kevaṭṭabrāhmaṇo mahosadhassa pāde vandatī’’ti purisāpissa ekappahāreneva unnādādīni akaṃsu. Brahmadattaṃ ādiṃ katvā sabbepi te rājāno kevaṭṭaṃ mahāsattassa pādamūle oṇataṃ addasaṃsuyeva. Te ‘‘amhākaṃ paṇḍitena mahosadho vandito, idāni parājitamhā, na no jīvitaṃ dassatī’’ti attano attano asse abhiruhitvā uttarapañcālābhimukhā palāyituṃ ārabhiṃsu. Te palāyante disvā bodhisattassa purisā ‘‘cūḷanibrahmadatto ekasatakhattiye gahetvā palāyatī’’ti puna ukkuṭṭhimakaṃsu. Taṃ sutvā te rājāno maraṇabhayabhītā bhiyyosomattāya palāyantā senaṅgaṃ bhindiṃsu. Bodhisattassa purisāpi nadantā vaggantā suṭṭhutaraṃ kolāhalamakaṃsu . Mahāsatto senaṅgaparivuto nagarameva pāvisi. Cūḷanibrahmadattassa senāpi tiyojanamattaṃ pakkhandi.

    гзваддо ассам̣ абхируяха налаадз лохид̇ам̣ бун̃чамаано сзнам̣ бад̇ваа ассабидтияам̣ нисиннова ‘‘бхонд̇о маа балааяат̇а, бхонд̇о маа балааяат̇а, наахам̣ г̇ахабад̇ибуд̇д̇ам̣ ванд̣̇аами, д̇идтат̇а д̇идтат̇аа’’д̇и ааха. сзнаа асад̣̇д̣̇аханд̇аа адтад̇ваа ааг̇ажчанд̇ам̣ гзваддам̣ аггосанд̇аа барибхаасанд̇аа ‘‘баабад̇хамма д̣̇удтаб̣раахман̣а, ‘д̇хаммаяуд̣̇д̇хам̣ наама гариссаамий’д̇и вад̇ваа над̇д̇умад̇д̇ам̣ аббахонд̇амби ванд̣̇ад̇и, над̇т̇и д̇ава гад̇д̇аб̣б̣а’’нд̇и гат̇ам̣ асун̣анд̇аа вияа г̇ажчанд̇зва. со взг̇зна г̇анд̇ваа сзнам̣ баабун̣ид̇ваа ‘‘бхонд̇о важанам̣ сад̣̇д̣̇ахат̇а маяхам̣, наахам̣ д̇ам̣ ванд̣̇аами, ман̣ирад̇анзна мам̣ ван̃жзсий’’д̇и саб̣б̣зби д̇з рааж̇аано наанаагааран̣зхи самб̣од̇хзд̇ваа ад̇д̇ано гат̇ам̣ г̇ан̣хаабзд̇ваа д̇ат̇аа бхиннам̣ сзнам̣ бадинивад̇д̇зси. саа бана д̇аава махад̇ий сзнаа сажз згзгабам̣сумудтим̣ ваа згзгалзд̣д̣ум̣ ваа г̇ахзд̇ваа наг̇араабхимукаа кибзяяа, барикам̣ буурзд̇ваа баагаараббамаан̣аа рааси бхавзяяа. б̣од̇хисад̇д̇аанам̣ бана ад̇хиббааяо наама самиж̇жхад̇иязва, д̇асмаа згоби бам̣сумудтим̣ ваа лзд̣д̣ум̣ ваа наг̇араабхимукам̣ кибанд̇о наама наахоси. саб̣б̣зби д̇з нивад̇д̇ид̇ваа ад̇д̇ано ад̇д̇ано канд̇хааваарадтаанамзва бажжааг̇амим̣су .

    Kevaṭṭo assaṃ abhiruyha nalāṭe lohitaṃ puñchamāno senaṃ patvā assapiṭṭhiyaṃ nisinnova ‘‘bhonto mā palāyatha, bhonto mā palāyatha, nāhaṃ gahapatiputtaṃ vandāmi, tiṭṭhatha tiṭṭhathā’’ti āha. Senā asaddahantā aṭṭhatvā āgacchantaṃ kevaṭṭaṃ akkosantā paribhāsantā ‘‘pāpadhamma duṭṭhabrāhmaṇa, ‘dhammayuddhaṃ nāma karissāmī’ti vatvā nattumattaṃ appahontampi vandati, natthi tava kattabba’’nti kathaṃ asuṇantā viya gacchanteva. So vegena gantvā senaṃ pāpuṇitvā ‘‘bhonto vacanaṃ saddahatha mayhaṃ, nāhaṃ taṃ vandāmi, maṇiratanena maṃ vañcesī’’ti sabbepi te rājāno nānākāraṇehi sambodhetvā attano kathaṃ gaṇhāpetvā tathā bhinnaṃ senaṃ paṭinivattesi. Sā pana tāva mahatī senā sace ekekapaṃsumuṭṭhiṃ vā ekekaleḍḍuṃ vā gahetvā nagarābhimukhā khipeyya, parikhaṃ pūretvā pākārappamāṇā rāsi bhaveyya. Bodhisattānaṃ pana adhippāyo nāma samijjhatiyeva, tasmā ekopi paṃsumuṭṭhiṃ vā leḍḍuṃ vā nagarābhimukhaṃ khipanto nāma nāhosi. Sabbepi te nivattitvā attano attano khandhāvāraṭṭhānameva paccāgamiṃsu .

    рааж̇аа гзваддам̣ бужчи ‘‘гим̣ гарома, аажарияаа’’д̇и. ‘‘д̣̇зва, гассажи жуул̣ад̣̇ваарзна нигкамид̇ум̣ ад̣̇ад̇ваа сан̃жаарам̣ чинд̣̇аама, мануссаа нигкамид̇ум̣ алабханд̇аа угган̣тид̇ваа д̣̇ваарам̣ вивариссанд̇и, ат̇а маяам̣ бажжаамид̇д̇ам̣ г̇ан̣хиссаамаа’’д̇и. бан̣д̣ид̇о д̇ам̣ бавад̇д̇им̣ буриманаязнзва н̃ад̇ваа жинд̇зси ‘‘имзсу жирам̣ ид̇хзва васанд̇зсу паасугам̣ наама над̇т̇и. убааязнзва д̇з балаабзд̇ум̣ ваддад̇ий’’д̇и. со ‘‘манд̇зна д̇з балаабзссаамий’’д̇и згам̣ манд̇агусалам̣ убад̇хаарзнд̇о анугзваддам̣ наама б̣раахман̣ам̣ д̣̇исваа д̇ам̣ баггосаабзд̇ваа ‘‘аажарияа, амхаагам̣ згам̣ гаммам̣ нид̣̇д̇харид̇ум̣ ваддад̇ий’’д̇и ааха. ‘‘гим̣ гарома, бан̣д̣ид̇а, вад̣̇зхий’’д̇и. ‘‘аажарияа, д̇умхз анубаагаарз тад̇ваа амхаагам̣ мануссаанам̣ бамаад̣̇ам̣ ологзд̇ваа анд̇аранд̇араа б̣рахмад̣̇ад̇д̇асса мануссаанам̣ буувамажчамам̣саад̣̇ийни кибид̇ваа ‘‘амбхо, ид̣̇ан̃жид̣̇ан̃жа каад̣̇ат̇а маа угган̣тат̇а, ан̃н̃ам̣ гад̇ибаахам̣ васид̇ум̣ вааяамат̇а, наг̇араваасино бан̃ж̇арз б̣ад̣̇д̇хагуггудаа вияа угган̣тид̇аа нажирассзва во д̣̇ваарам̣ вивариссанд̇и. ат̇а д̇умхз взд̣̇зхан̃жа д̣̇удтаг̇ахабад̇ибуд̇д̇ан̃жа г̇ан̣хиссат̇аа’’д̇и вад̣̇зяяаат̇а . амхаагам̣ мануссаа д̇ам̣ гат̇ам̣ суд̇ваа д̇умхз аггосид̇ваа д̇аж̇ж̇зд̇ваа б̣рахмад̣̇ад̇д̇асса мануссаанам̣ бассанд̇аанан̃н̃зва д̇умхз хад̇т̇абаад̣̇зсу г̇ахзд̇ваа взл̣убзсигаад̣̇ийхи бахаранд̇аа вияа худ̇ваа гзсз охаарзд̇ваа бан̃жа жуул̣аа г̇аахаабзд̇ваа идтагажун̣н̣зна огираабзд̇ваа ган̣авийрамаалам̣ ган̣н̣з гад̇ваа гад̇ибаяабахаарз д̣̇ад̇ваа бидтияам̣ рааж̇ияо д̣̇ассзд̇ваа баагаарам̣ ааробзд̇ваа сиггааяа багкибид̇ваа яод̇д̇зна од̇аарзд̇ваа ‘‘г̇ажча манд̇абхзд̣̇ага, жораа’’д̇и жуул̣аниб̣рахмад̣̇ад̇д̇асса мануссаанам̣ д̣̇ассанд̇и. д̇з д̇ам̣ ран̃н̃о санд̇игам̣ аанзссанд̇и. рааж̇аа д̇ам̣ д̣̇исваа ‘‘го д̇з абараад̇хо’’д̇и бужчиссад̇и. ат̇асса звам̣ вад̣̇зяяаат̇а ‘‘махаарааж̇а, маяхам̣ буб̣б̣з яасо маханд̇о, г̇ахабад̇ибуд̇д̇о манд̇абхзд̣̇аго’’д̇и мам̣ гуж̇жхид̇ваа ран̃н̃о гат̇зд̇ваа саб̣б̣ам̣ мз вибхавам̣ ажчинд̣̇и, ‘‘ахам̣ мама яасабхзд̣̇агасса г̇ахабад̇ибуд̇д̇асса сийсам̣ г̇ан̣хаабзссаамий’’д̇и д̇умхаагам̣ мануссаанам̣ угган̣тид̇аможанзна зд̇зсам̣ тид̇аанам̣ каад̣̇анийяам̣ ваа бхож̇анийяам̣ ваа д̣̇зми. зд̇д̇агзна мам̣ бораан̣авзрам̣ хад̣̇аяз гад̇ваа имам̣ б̣яасанам̣ баабзси. ‘‘д̇ам̣ саб̣б̣ам̣ д̇умхаагам̣ мануссаа ж̇аананд̇и, махаарааж̇аа’’д̇и наанаббагаарзхи д̇ам̣ сад̣̇д̣̇ахаабзд̇ваа виссаасз уббаннз вад̣̇зяяаат̇а ‘‘махаарааж̇а, д̇умхз мамам̣ лад̣̇д̇хагаалад̇о бадтааяа маа жинд̇аяид̇т̇а. ид̣̇аани взд̣̇зхасса жа г̇ахабад̇ибуд̇д̇асса жа ж̇ийвид̇ам̣ над̇т̇и, ахам̣ имасмим̣ наг̇арз баагаарасса т̇ирадтаанад̣̇уб̣б̣аладтаанан̃жа барикааяам̣ гумбхийлаад̣̇ийнам̣ ад̇т̇идтаанан̃жа над̇т̇идтаанан̃жа ж̇аанаами, на жирассзва во наг̇арам̣ г̇ахзд̇ваа д̣̇ассаамий’’д̇и. ат̇а со рааж̇аа сад̣̇д̣̇ахид̇ваа д̇умхаагам̣ саггаарам̣ гариссад̇и, сзнаавааханан̃жа бадижчаабзссад̇и. ат̇асса сзнам̣ ваал̣агумбхийладтаанзсуязва од̇аарзяяаат̇а. д̇асса сзнаа гумбхийлабхаязна на од̇ариссад̇и, д̇ад̣̇аа д̇умхз рааж̇аанам̣ убасан̇гамид̇ваа ‘‘д̇умхаагам̣ сзнааяа, д̣̇зва, г̇ахабад̇ибуд̇д̇зна лан̃ж̇о д̣̇инно, саб̣б̣з рааж̇аано жа аажарияагзваддан̃жа аад̣̇им̣ гад̇ваа на гзнажи лан̃ж̇о аг̇г̇ахид̇о наама ад̇т̇и. гзвалам̣ зд̇з д̇умхз бариваарзд̇ваа жаранд̇и, саб̣б̣з бана г̇ахабад̇ибуд̇д̇асса санд̇агаава, ахамзгова д̇умхаагам̣ бурисо. сажз мз на сад̣̇д̣̇ахат̇а, саб̣б̣з рааж̇аано алан̇гарид̇ваа мам̣ д̣̇ассанааяа ааг̇ажчанд̇уу’’д̇и бзсзт̇а. ‘‘ат̇а нзсам̣ г̇ахабад̇ибуд̇д̇зна ад̇д̇ано наамаруубам̣ ликид̇ваа д̣̇иннзсу вад̇т̇аалан̇гааракаг̇г̇аад̣̇ийсу агкараани д̣̇исваа нидтам̣ г̇ажчзяяаат̇аа’’д̇и вад̣̇зяяаат̇а. со д̇ат̇аа гад̇ваа д̇аани д̣̇исваа нидтам̣ г̇анд̇ваа бхийд̇ад̇асид̇о д̇з рааж̇аано уяяож̇зд̇ваа ‘‘ид̣̇аани гим̣ гарома бан̣д̣ид̇аа’’д̇и д̇умхз бужчиссад̇и. д̇амзнам̣ д̇умхз звам̣ вад̣̇зяяаат̇а ‘‘махаарааж̇а, г̇ахабад̇ибуд̇д̇о б̣ахумааяо. сажз ан̃н̃аани гад̇ибаяад̣̇ивасаани васиссат̇а, саб̣б̣ам̣ во сзнам̣ ад̇д̇ано хад̇т̇аг̇ад̇ам̣ гад̇ваа д̇умхз г̇ан̣хиссад̇и. д̇асмаа бабан̃жам̣ агад̇ваа аж̇ж̇зва маж̇жхимаяаамаананд̇арз ассабидтияам̣ нисийд̣̇ид̇ваа балааяиссаама, маа но барахад̇т̇з маран̣ам̣ ход̇уу’’д̇и. со д̇умхаагам̣ важанам̣ суд̇ваа д̇ат̇аа гариссад̇и. д̇умхз д̇асса балааяанавзлааяа нивад̇д̇ид̇ваа амхаагам̣ мануссз ж̇аанаабзяяаат̇аад̇и.

    Rājā kevaṭṭaṃ pucchi ‘‘kiṃ karoma, ācariyā’’ti. ‘‘Deva, kassaci cūḷadvārena nikkhamituṃ adatvā sañcāraṃ chindāma, manussā nikkhamituṃ alabhantā ukkaṇṭhitvā dvāraṃ vivarissanti, atha mayaṃ paccāmittaṃ gaṇhissāmā’’ti. Paṇḍito taṃ pavattiṃ purimanayeneva ñatvā cintesi ‘‘imesu ciraṃ idheva vasantesu phāsukaṃ nāma natthi. Upāyeneva te palāpetuṃ vaṭṭatī’’ti. So ‘‘mantena te palāpessāmī’’ti ekaṃ mantakusalaṃ upadhārento anukevaṭṭaṃ nāma brāhmaṇaṃ disvā taṃ pakkosāpetvā ‘‘ācariya, amhākaṃ ekaṃ kammaṃ niddharituṃ vaṭṭatī’’ti āha. ‘‘Kiṃ karoma, paṇḍita, vadehī’’ti. ‘‘Ācariya, tumhe anupākāre ṭhatvā amhākaṃ manussānaṃ pamādaṃ oloketvā antarantarā brahmadattassa manussānaṃ pūvamacchamaṃsādīni khipitvā ‘‘ambho, idañcidañca khādatha mā ukkaṇṭhatha, aññaṃ katipāhaṃ vasituṃ vāyamatha, nagaravāsino pañjare baddhakukkuṭā viya ukkaṇṭhitā nacirasseva vo dvāraṃ vivarissanti. Atha tumhe vedehañca duṭṭhagahapatiputtañca gaṇhissathā’’ti vadeyyātha . Amhākaṃ manussā taṃ kathaṃ sutvā tumhe akkositvā tajjetvā brahmadattassa manussānaṃ passantānaññeva tumhe hatthapādesu gahetvā veḷupesikādīhi paharantā viya hutvā kese ohāretvā pañca cūḷā gāhāpetvā iṭṭhakacuṇṇena okirāpetvā kaṇavīramālaṃ kaṇṇe katvā katipayapahāre datvā piṭṭhiyaṃ rājiyo dassetvā pākāraṃ āropetvā sikkāya pakkhipitvā yottena otāretvā ‘‘gaccha mantabhedaka, corā’’ti cūḷanibrahmadattassa manussānaṃ dassanti. Te taṃ rañño santikaṃ ānessanti. Rājā taṃ disvā ‘‘ko te aparādho’’ti pucchissati. Athassa evaṃ vadeyyātha ‘‘mahārāja, mayhaṃ pubbe yaso mahanto, gahapatiputto mantabhedako’’ti maṃ kujjhitvā rañño kathetvā sabbaṃ me vibhavaṃ acchindi, ‘‘ahaṃ mama yasabhedakassa gahapatiputtassa sīsaṃ gaṇhāpessāmī’’ti tumhākaṃ manussānaṃ ukkaṇṭhitamocanena etesaṃ ṭhitānaṃ khādanīyaṃ vā bhojanīyaṃ vā demi. Ettakena maṃ porāṇaveraṃ hadaye katvā imaṃ byasanaṃ pāpesi. ‘‘Taṃ sabbaṃ tumhākaṃ manussā jānanti, mahārājā’’ti nānappakārehi taṃ saddahāpetvā vissāse uppanne vadeyyātha ‘‘mahārāja, tumhe mamaṃ laddhakālato paṭṭhāya mā cintayittha. Idāni vedehassa ca gahapatiputtassa ca jīvitaṃ natthi, ahaṃ imasmiṃ nagare pākārassa thiraṭṭhānadubbalaṭṭhānañca parikhāyaṃ kumbhīlādīnaṃ atthiṭṭhānañca natthiṭṭhānañca jānāmi, na cirasseva vo nagaraṃ gahetvā dassāmī’’ti. Atha so rājā saddahitvā tumhākaṃ sakkāraṃ karissati, senāvāhanañca paṭicchāpessati. Athassa senaṃ vāḷakumbhīlaṭṭhānesuyeva otāreyyātha. Tassa senā kumbhīlabhayena na otarissati, tadā tumhe rājānaṃ upasaṅkamitvā ‘‘tumhākaṃ senāya, deva, gahapatiputtena lañjo dinno, sabbe rājāno ca ācariyakevaṭṭañca ādiṃ katvā na kenaci lañjo aggahito nāma atthi. Kevalaṃ ete tumhe parivāretvā caranti, sabbe pana gahapatiputtassa santakāva, ahamekova tumhākaṃ puriso. Sace me na saddahatha, sabbe rājāno alaṅkaritvā maṃ dassanāya āgacchantū’’ti pesetha. ‘‘Atha nesaṃ gahapatiputtena attano nāmarūpaṃ likhitvā dinnesu vatthālaṅkārakhaggādīsu akkharāni disvā niṭṭhaṃ gaccheyyāthā’’ti vadeyyātha. So tathā katvā tāni disvā niṭṭhaṃ gantvā bhītatasito te rājāno uyyojetvā ‘‘idāni kiṃ karoma paṇḍitā’’ti tumhe pucchissati. Tamenaṃ tumhe evaṃ vadeyyātha ‘‘mahārāja, gahapatiputto bahumāyo. Sace aññāni katipayadivasāni vasissatha, sabbaṃ vo senaṃ attano hatthagataṃ katvā tumhe gaṇhissati. Tasmā papañcaṃ akatvā ajjeva majjhimayāmānantare assapiṭṭhiyaṃ nisīditvā palāyissāma, mā no parahatthe maraṇaṃ hotū’’ti. So tumhākaṃ vacanaṃ sutvā tathā karissati. Tumhe tassa palāyanavelāya nivattitvā amhākaṃ manusse jānāpeyyāthāti.

    д̇ам̣ суд̇ваа анугзваддаб̣раахман̣о ‘‘саад̇ху бан̣д̣ид̇а, гариссаами д̇з важана’’нд̇и ааха. ‘‘д̇зна хи гад̇ибаяабахаарз сахид̇ум̣ ваддад̇ий’’д̇и. ‘‘бан̣д̣ид̇а , мама ж̇ийвид̇ан̃жа хад̇т̇абаад̣̇з жа табзд̇ваа сзсам̣ ад̇д̇ано руживасзна гарохий’’д̇и. со д̇асса г̇зхз мануссаанам̣ саггаарам̣ гаарзд̇ваа анугзваддам̣ вуд̇д̇анаязна виббагаарам̣ баабзд̇ваа яод̇д̇зна од̇аарзд̇ваа б̣рахмад̣̇ад̇д̇амануссаанам̣ д̣̇аабзси. ат̇а д̇з д̇ам̣ г̇ахзд̇ваа д̇асса д̣̇ассзсум̣. рааж̇аа д̇ам̣ виймам̣сид̇ваа сад̣̇д̣̇ахид̇ваа саггаарамасса гад̇ваа сзнам̣ бадижчаабзси. соби д̇ам̣ ваал̣агумбхийладтаанзсуязва од̇аарзд̇и. мануссаа гумбхийлзхи каж̇ж̇амаанаа аддаалагадтид̇зхи мануссзхи усусад̇д̇ид̇омарзхи виж̇жхияамаанаа махаавинаасам̣ баабун̣анд̇и. д̇ад̇о бадтааяа гожи бхаязна убаг̇анд̇ум̣ на саггод̇и. анугзваддо рааж̇аанам̣ убасан̇гамид̇ваа ‘‘д̇умхаагам̣ ад̇т̇ааяа яуж̇жханагаа наама над̇т̇и, саб̣б̣зхи лан̃ж̇о г̇ахид̇о, асад̣̇д̣̇аханд̇о баггосаабзд̇ваа нивад̇т̇авад̇т̇аад̣̇ийсу агкараани ологзт̇аа’’д̇и ааха. рааж̇аа д̇ат̇аа гад̇ваа саб̣б̣зсам̣ вад̇т̇аад̣̇ийсу агкараани д̣̇исваа ‘‘ад̣̇д̇хаа имзхи лан̃ж̇о г̇ахид̇о’’д̇и нидтам̣ г̇анд̇ваа ‘‘аажарияа, ид̣̇аани гим̣ гад̇д̇аб̣б̣а’’нд̇и бужчид̇ваа ‘‘д̣̇зва, ан̃н̃ам̣ гаад̇аб̣б̣ам̣ над̇т̇и. сажз бабан̃жам̣ гариссат̇а, г̇ахабад̇ибуд̇д̇о во г̇ан̣хиссад̇и, аажарияагзваддоби гзвалам̣ налаадз ван̣ам̣ гад̇ваа жарад̇и, лан̃ж̇о бана зд̇знаби г̇ахид̇о. аяан̃хи ман̣ирад̇анам̣ г̇ахзд̇ваа д̇умхз д̇ияож̇анам̣ балаабзси, буна сад̣̇д̣̇ахаабзд̇ваа нивад̇д̇зси, аяамби барибхинд̣̇агова. згарад̇д̇иваасоби маяхам̣ на ружжад̇и, аж̇ж̇зва маж̇жхимаяаамасамананд̇арз балааяид̇ум̣ ваддад̇и, мам̣ табзд̇ваа ан̃н̃о д̇ава сухад̣̇аяо наама над̇т̇ий’’д̇и вуд̇д̇з ‘‘д̇зна хи аажарияа д̇умхзязва мз ассам̣ габбзд̇ваа яаанасаж̇ж̇ам̣ гарот̇аа’’д̇и ааха.

    Taṃ sutvā anukevaṭṭabrāhmaṇo ‘‘sādhu paṇḍita, karissāmi te vacana’’nti āha. ‘‘Tena hi katipayapahāre sahituṃ vaṭṭatī’’ti. ‘‘Paṇḍita , mama jīvitañca hatthapāde ca ṭhapetvā sesaṃ attano rucivasena karohī’’ti. So tassa gehe manussānaṃ sakkāraṃ kāretvā anukevaṭṭaṃ vuttanayena vippakāraṃ pāpetvā yottena otāretvā brahmadattamanussānaṃ dāpesi. Atha te taṃ gahetvā tassa dassesuṃ. Rājā taṃ vīmaṃsitvā saddahitvā sakkāramassa katvā senaṃ paṭicchāpesi. Sopi taṃ vāḷakumbhīlaṭṭhānesuyeva otāreti. Manussā kumbhīlehi khajjamānā aṭṭālakaṭṭhitehi manussehi ususattitomarehi vijjhiyamānā mahāvināsaṃ pāpuṇanti. Tato paṭṭhāya koci bhayena upagantuṃ na sakkoti. Anukevaṭṭo rājānaṃ upasaṅkamitvā ‘‘tumhākaṃ atthāya yujjhanakā nāma natthi, sabbehi lañjo gahito, asaddahanto pakkosāpetvā nivatthavatthādīsu akkharāni olokethā’’ti āha. Rājā tathā katvā sabbesaṃ vatthādīsu akkharāni disvā ‘‘addhā imehi lañjo gahito’’ti niṭṭhaṃ gantvā ‘‘ācariya, idāni kiṃ kattabba’’nti pucchitvā ‘‘deva, aññaṃ kātabbaṃ natthi. Sace papañcaṃ karissatha, gahapatiputto vo gaṇhissati, ācariyakevaṭṭopi kevalaṃ nalāṭe vaṇaṃ katvā carati, lañjo pana etenapi gahito. Ayañhi maṇiratanaṃ gahetvā tumhe tiyojanaṃ palāpesi, puna saddahāpetvā nivattesi, ayampi paribhindakova. Ekarattivāsopi mayhaṃ na ruccati, ajjeva majjhimayāmasamanantare palāyituṃ vaṭṭati, maṃ ṭhapetvā añño tava suhadayo nāma natthī’’ti vutte ‘‘tena hi ācariya tumheyeva me assaṃ kappetvā yānasajjaṃ karothā’’ti āha.

    б̣раахман̣о д̇асса нижчаязна балааяанабхаавам̣ н̃ад̇ваа ‘‘маа бхааяи, махаарааж̇аа’’д̇и ассаасзд̇ваа б̣ахи нигкамид̇ваа убанигкид̇д̇агабурисаанам̣ ‘‘аж̇ж̇а рааж̇аа балааяиссад̇и, маа нид̣̇д̣̇ааяид̇т̇аа’’д̇и оваад̣̇ам̣ д̣̇ад̇ваа ран̃н̃о ассо яат̇аа аагад̣дхид̇о судтуд̇арам̣ балааяад̇и, звам̣ авагаббанааяа габбзд̇ваа маж̇жхимаяаамасамананд̇арз ‘‘габбид̇о, д̣̇зва, ассо, взлам̣ ж̇аанаахий’’д̇и ааха. рааж̇аа ассам̣ абхирухид̇ваа балааяи. анугзваддоби ассам̣ абхирухид̇ваа д̇зна сад̣̇д̇хим̣ г̇ажчанд̇о вияа т̇огам̣ г̇анд̇ваа нивад̇д̇о. авагаббанааяа габбид̇аассо аагад̣дхияамааноби рааж̇аанам̣ г̇ахзд̇ваа балааяи. анугзваддо сзнааяа анд̇арам̣ бависид̇ваа ‘‘жуул̣аниб̣рахмад̣̇ад̇д̇о балаад̇о’’д̇и уггудтимагааси. убанигкид̇д̇агабурисааби ад̇д̇ано мануссзхи сад̣̇д̇хим̣ убагхосим̣су. сзсарааж̇аано д̇ам̣ суд̇ваа ‘‘махосад̇хабан̣д̣ид̇о д̣̇ваарам̣ виварид̇ваа нигканд̇о бхависсад̇и, на но д̣̇аани ж̇ийвид̇ам̣ д̣̇ассад̇ий’’д̇и бхийд̇ад̇асид̇аа убабхог̇абарибхог̇абхан̣д̣ааниби анологзд̇ваа ид̇о жид̇о жа балааяим̣су. мануссаа ‘‘рааж̇аано балааяанд̇ий’’д̇и судтуд̇арам̣ убагхосим̣су. д̇ам̣ суд̇ваа д̣̇ваараддаалагаад̣̇ийсу тид̇ааби уннаад̣̇им̣су абподаяим̣су. ид̇и д̇асмим̣ кан̣з бат̇авий вияа бхиж̇ж̇амаанаа самуд̣̇д̣̇о вияа сан̇кубхид̇о сагаланаг̇арам̣ анд̇о жа б̣ахи жа зганиннаад̣̇ам̣ ахоси. адтаарасаагкобхан̣исан̇каа мануссаа ‘‘махосад̇хабан̣д̣ид̇зна гира б̣рахмад̣̇ад̇д̇о згасад̇арааж̇аано жа г̇ахид̇аа’’д̇и маран̣абхаяабхийд̇аа ад̇д̇ано ад̇д̇ано уд̣̇араб̣ад̣̇д̇хасаадагамби чад̣д̣зд̇ваа балааяим̣су. канд̇хааваарадтаанам̣ д̇ужчам̣ ахоси. жуул̣аниб̣рахмад̣̇ад̇д̇о згасад̇з кад̇д̇ияз г̇ахзд̇ваа ад̇д̇ано наг̇арамзва г̇ад̇о. бунад̣̇ивасз бана баад̇ова наг̇арад̣̇ваараани виварид̇ваа б̣алагааяаа наг̇араа нигкамид̇ваа махаавилобам̣ д̣̇исваа ‘‘гим̣ гарома, бан̣д̣ид̇аа’’д̇и махаасад̇д̇асса аарожаяим̣су. со ааха – ‘‘зд̇зхи чад̣д̣ид̇ам̣ д̇ханам̣ амхаагам̣ баабун̣аад̇и, саб̣б̣зсам̣ рааж̇уунам̣ санд̇агам̣ амхаагам̣ ран̃н̃о, д̣̇зт̇а, сздтийнан̃жа гзваддаб̣раахман̣асса жа санд̇агам̣ амхаагам̣ аахарат̇а, авасзсам̣ бана наг̇араваасино г̇ан̣ханд̇уу’’д̇и. д̇зсам̣ махаг̇гхарад̇анабхан̣д̣амзва аахаранд̇аанам̣ ад̣дхамаасо вийд̇ивад̇д̇о. сзсам̣ бана жад̇уухи маасзхи аахарим̣су. махаасад̇д̇о анугзваддасса маханд̇ам̣ саггаарамагааси. д̇ад̇о бадтааяа жа гира мит̇илаваасино б̣ахуу хиран̃н̃асуван̣н̣аа ж̇аад̇аа. б̣рахмад̣̇ад̇д̇ассаби д̇зхи рааж̇уухи сад̣̇д̇хим̣ уд̇д̇арабан̃жааланаг̇арз васанд̇асса згавассам̣ ад̇ийд̇ам̣.

    Brāhmaṇo tassa nicchayena palāyanabhāvaṃ ñatvā ‘‘mā bhāyi, mahārājā’’ti assāsetvā bahi nikkhamitvā upanikkhittakapurisānaṃ ‘‘ajja rājā palāyissati, mā niddāyitthā’’ti ovādaṃ datvā rañño asso yathā ākaḍḍhito suṭṭhutaraṃ palāyati, evaṃ avakappanāya kappetvā majjhimayāmasamanantare ‘‘kappito, deva, asso, velaṃ jānāhī’’ti āha. Rājā assaṃ abhiruhitvā palāyi. Anukevaṭṭopi assaṃ abhiruhitvā tena saddhiṃ gacchanto viya thokaṃ gantvā nivatto. Avakappanāya kappitaasso ākaḍḍhiyamānopi rājānaṃ gahetvā palāyi. Anukevaṭṭo senāya antaraṃ pavisitvā ‘‘cūḷanibrahmadatto palāto’’ti ukkuṭṭhimakāsi. Upanikkhittakapurisāpi attano manussehi saddhiṃ upaghosiṃsu. Sesarājāno taṃ sutvā ‘‘mahosadhapaṇḍito dvāraṃ vivaritvā nikkhanto bhavissati, na no dāni jīvitaṃ dassatī’’ti bhītatasitā upabhogaparibhogabhaṇḍānipi anoloketvā ito cito ca palāyiṃsu. Manussā ‘‘rājāno palāyantī’’ti suṭṭhutaraṃ upaghosiṃsu. Taṃ sutvā dvāraṭṭālakādīsu ṭhitāpi unnādiṃsu apphoṭayiṃsu. Iti tasmiṃ khaṇe pathavī viya bhijjamānā samuddo viya saṅkhubhito sakalanagaraṃ anto ca bahi ca ekaninnādaṃ ahosi. Aṭṭhārasaakkhobhaṇisaṅkhā manussā ‘‘mahosadhapaṇḍitena kira brahmadatto ekasatarājāno ca gahitā’’ti maraṇabhayabhītā attano attano udarabaddhasāṭakampi chaḍḍetvā palāyiṃsu. Khandhāvāraṭṭhānaṃ tucchaṃ ahosi. Cūḷanibrahmadatto ekasate khattiye gahetvā attano nagarameva gato. Punadivase pana pātova nagaradvārāni vivaritvā balakāyā nagarā nikkhamitvā mahāvilopaṃ disvā ‘‘kiṃ karoma, paṇḍitā’’ti mahāsattassa ārocayiṃsu. So āha – ‘‘etehi chaḍḍitaṃ dhanaṃ amhākaṃ pāpuṇāti, sabbesaṃ rājūnaṃ santakaṃ amhākaṃ rañño, detha, seṭṭhīnañca kevaṭṭabrāhmaṇassa ca santakaṃ amhākaṃ āharatha, avasesaṃ pana nagaravāsino gaṇhantū’’ti. Tesaṃ mahaggharatanabhaṇḍameva āharantānaṃ aḍḍhamāso vītivatto. Sesaṃ pana catūhi māsehi āhariṃsu. Mahāsatto anukevaṭṭassa mahantaṃ sakkāramakāsi. Tato paṭṭhāya ca kira mithilavāsino bahū hiraññasuvaṇṇā jātā. Brahmadattassapi tehi rājūhi saddhiṃ uttarapañcālanagare vasantassa ekavassaṃ atītaṃ.

    б̣рахмад̣̇ад̇д̇асса яуд̣̇д̇хабарааж̇аяаган̣д̣ам̣ нидтид̇ам̣.

    Brahmadattassa yuddhaparājayakaṇḍaṃ niṭṭhitaṃ.

    суваган̣д̣ам̣

    Suvakaṇḍaṃ

    ат̇згад̣̇ивасам̣ гзваддо аад̣̇аасз мукам̣ ологзнд̇о налаадз ван̣ам̣ д̣̇исваа ‘‘ид̣̇ам̣ г̇ахабад̇ибуд̇д̇асса гаммам̣, д̇знаахам̣ зд̇д̇агаанам̣ рааж̇уунам̣ анд̇арз лаж̇ж̇аабид̇о’’д̇и жинд̇зд̇ваа самуббаннагод̇хо худ̇ваа ‘‘гад̣̇аа ну квасса бидтим̣ бассид̇ум̣ самад̇т̇о бхависсаамий’’д̇и жинд̇знд̇о ‘‘ад̇т̇зсо убааяо, амхаагам̣ ран̃н̃о д̇хийд̇аа бан̃жаалажанд̣̇ий наама уд̇д̇амаруубад̇хараа д̣̇зважчараабадибхааг̇аа, д̇ам̣ вид̣̇зхаран̃н̃о д̣̇ассаамаа’’д̇и вад̇ваа ‘‘взд̣̇зхам̣ гаамзна балобхзд̇ваа г̇илид̇аб̣ал̣исам̣ вияа мажчам̣ сад̣̇д̇хим̣ махосад̇хзна аанзд̇ваа убхо д̇з маарзд̇ваа ж̇аяабаанам̣ бивиссаамаа’’д̇и саннидтаанам̣ гад̇ваа рааж̇аанам̣ убасан̇гамид̇ваа ааха – ‘‘д̣̇зва, зго манд̇о ад̇т̇ий’’д̇и. ‘‘аажарияа, д̇ава манд̇ам̣ ниссааяа уд̣̇араб̣ад̣̇д̇хасаадагассаби ассаамино ж̇аад̇амхаа, ид̣̇аани гим̣ гариссаси, д̇ун̣хий хохий’’д̇и. ‘‘махаарааж̇а, иминаа убааязна сад̣̇исо ан̃н̃о над̇т̇ий’’д̇и. ‘‘д̇зна хи бхан̣аахий’’д̇и. ‘‘махаарааж̇а, амхзхи д̣̇вийхиязва згад̇о бхавид̇ум̣ ваддад̇ий’’д̇и. ‘‘звам̣ ход̇уу’’д̇и. ат̇а нам̣ б̣раахман̣о убарибаасаад̣̇ад̇алам̣ ааробзд̇ваа ааха – ‘‘махаарааж̇а, вид̣̇зхарааж̇аанам̣ гилзсзна балобхзд̇ваа ид̇хаанзд̇ваа сад̣̇д̇хим̣ г̇ахабад̇ибуд̇д̇зна маарзссаамаа’’д̇и. ‘‘сунд̣̇аро, аажарияа, убааяо, гат̇ам̣ бана д̇ам̣ балобхзд̇ваа аанзссаамаа’’д̇и? ‘‘махаарааж̇а, д̇хийд̇аа во бан̃чаалажанд̣̇ий уд̇д̇амаруубад̇хараа, д̇ассаа руубасамбад̇д̇им̣ жаад̇урияавилаасзна гавийхи г̇ийд̇ам̣ б̣анд̇хаабзд̇ваа д̇аани габ̣б̣аани мит̇илааяам̣ г̇ааяаабзд̇ваа ‘зваруубам̣ ид̇т̇ирад̇анам̣ алабханд̇асса вид̣̇зханаринд̣̇асса гим̣ раж̇ж̇знаа’д̇и д̇асса саванасам̣саг̇г̇знзва бадиб̣ад̣̇д̇хабхаавам̣ н̃ад̇ваа ахам̣ д̇ад̇т̇а г̇анд̇ваа д̣̇ивасам̣ вавад̇т̇абзссаами. со маяи д̣̇ивасам̣ вавад̇т̇абзд̇ваа ааг̇ад̇з г̇илид̇аб̣ал̣исо вияа мажчо г̇ахабад̇ибуд̇д̇ам̣ г̇ахзд̇ваа ааг̇амиссад̇и, ат̇а нз маарзссаамаа’’д̇и.

    Athekadivasaṃ kevaṭṭo ādāse mukhaṃ olokento nalāṭe vaṇaṃ disvā ‘‘idaṃ gahapatiputtassa kammaṃ, tenāhaṃ ettakānaṃ rājūnaṃ antare lajjāpito’’ti cintetvā samuppannakodho hutvā ‘‘kadā nu khvassa piṭṭhiṃ passituṃ samattho bhavissāmī’’ti cintento ‘‘attheso upāyo, amhākaṃ rañño dhītā pañcālacandī nāma uttamarūpadharā devaccharāpaṭibhāgā, taṃ videharañño dassāmā’’ti vatvā ‘‘vedehaṃ kāmena palobhetvā gilitabaḷisaṃ viya macchaṃ saddhiṃ mahosadhena ānetvā ubho te māretvā jayapānaṃ pivissāmā’’ti sanniṭṭhānaṃ katvā rājānaṃ upasaṅkamitvā āha – ‘‘deva, eko manto atthī’’ti. ‘‘Ācariya, tava mantaṃ nissāya udarabaddhasāṭakassapi assāmino jātamhā, idāni kiṃ karissasi, tuṇhī hohī’’ti. ‘‘Mahārāja, iminā upāyena sadiso añño natthī’’ti. ‘‘Tena hi bhaṇāhī’’ti. ‘‘Mahārāja, amhehi dvīhiyeva ekato bhavituṃ vaṭṭatī’’ti. ‘‘Evaṃ hotū’’ti. Atha naṃ brāhmaṇo uparipāsādatalaṃ āropetvā āha – ‘‘mahārāja, videharājānaṃ kilesena palobhetvā idhānetvā saddhiṃ gahapatiputtena māressāmā’’ti. ‘‘Sundaro, ācariya, upāyo, kathaṃ pana taṃ palobhetvā ānessāmā’’ti? ‘‘Mahārāja, dhītā vo pañchālacandī uttamarūpadharā, tassā rūpasampattiṃ cāturiyavilāsena kavīhi gītaṃ bandhāpetvā tāni kabbāni mithilāyaṃ gāyāpetvā ‘evarūpaṃ itthiratanaṃ alabhantassa videhanarindassa kiṃ rajjenā’ti tassa savanasaṃsaggeneva paṭibaddhabhāvaṃ ñatvā ahaṃ tattha gantvā divasaṃ vavatthapessāmi. So mayi divasaṃ vavatthapetvā āgate gilitabaḷiso viya maccho gahapatiputtaṃ gahetvā āgamissati, atha ne māressāmā’’ti.

    рааж̇аа д̇асса важанам̣ суд̇ваа д̇уссид̇ваа ‘‘сунд̣̇аро убааяо, аажарияа, звам̣ гариссаамаа’’д̇и самбадижчи. д̇ам̣ бана манд̇ам̣ жуул̣аниб̣рахмад̣̇ад̇д̇асса саяанабаалигаа саал̣игаа суд̇ваа бажжагкамагааси. рааж̇аа нибун̣з габ̣б̣агаарз баггосаабзд̇ваа б̣ахум̣ д̇ханам̣ д̣̇ад̇ваа д̇хийд̇арам̣ д̇зсам̣ д̣̇ассзд̇ваа ‘‘д̇аад̇аа, зд̇иссаа руубасамбад̇д̇им̣ ниссааяа габ̣б̣ам̣ гарот̇аа’’д̇и ааха. д̇з ад̇иманохараани г̇ийд̇аани б̣анд̇хид̇ваа рааж̇аанам̣ сааваяим̣су. рааж̇аа д̇уссид̇ваа б̣ахум̣ д̇ханам̣ д̇зсам̣ ад̣̇ааси. гавийнам̣ санд̇игаа надаа сигкид̇ваа самаж̇ж̇аман̣д̣алз г̇ааяим̣су. ид̇и д̇аани вид̇т̇аарид̇аани ахзсум̣. д̇зсу мануссаанам̣ анд̇арз вид̇т̇аарид̇ад̇д̇ам̣ г̇ад̇зсу рааж̇аа г̇ааяагз баггосаабзд̇ваа ааха – ‘‘д̇аад̇аа, д̇умхз махаасагун̣з г̇ахзд̇ваа рад̇д̇ибхааг̇з ругкам̣ абхируяха д̇ад̇т̇а нисиннаа г̇ааяид̇ваа бажжуусагаалз д̇зсам̣ г̇ийваасу гам̣сад̇аалз б̣анд̇хид̇ваа д̇з уббаад̇зд̇ваа од̇арат̇аа’’д̇и. со гира ‘‘бан̃жааларан̃н̃о д̇хийд̇у сарийраван̣н̣ам̣ д̣̇звад̇ааби г̇ааяанд̇ий’’д̇и баагадабхаавагаран̣ад̇т̇ам̣ д̇ат̇аа гаарзси. буна рааж̇аа гавий баггосаабзд̇ваа ‘‘д̇аад̇аа, ид̣̇аани д̇умхз ‘зваруубаа гумааригаа ж̇амб̣уд̣̇ийбад̇алз ан̃н̃асса ран̃н̃о наанужчавигаа, мит̇илааяам̣ взд̣̇зхаран̃н̃о анужчавигаа’д̇и ран̃н̃о жа иссарияам̣ имааяа жа руубам̣ ван̣н̣зд̇ваа г̇ийд̇аани б̣анд̇хат̇аа’’д̇и ааха. д̇з д̇ат̇аа гад̇ваа ран̃н̃о аарожаяим̣су.

    Rājā tassa vacanaṃ sutvā tussitvā ‘‘sundaro upāyo, ācariya, evaṃ karissāmā’’ti sampaṭicchi. Taṃ pana mantaṃ cūḷanibrahmadattassa sayanapālikā sāḷikā sutvā paccakkhamakāsi. Rājā nipuṇe kabbakāre pakkosāpetvā bahuṃ dhanaṃ datvā dhītaraṃ tesaṃ dassetvā ‘‘tātā, etissā rūpasampattiṃ nissāya kabbaṃ karothā’’ti āha. Te atimanoharāni gītāni bandhitvā rājānaṃ sāvayiṃsu. Rājā tussitvā bahuṃ dhanaṃ tesaṃ adāsi. Kavīnaṃ santikā naṭā sikkhitvā samajjamaṇḍale gāyiṃsu. Iti tāni vitthāritāni ahesuṃ. Tesu manussānaṃ antare vitthāritattaṃ gatesu rājā gāyake pakkosāpetvā āha – ‘‘tātā, tumhe mahāsakuṇe gahetvā rattibhāge rukkhaṃ abhiruyha tattha nisinnā gāyitvā paccūsakāle tesaṃ gīvāsu kaṃsatāle bandhitvā te uppātetvā otarathā’’ti. So kira ‘‘pañcālarañño dhītu sarīravaṇṇaṃ devatāpi gāyantī’’ti pākaṭabhāvakaraṇatthaṃ tathā kāresi. Puna rājā kavī pakkosāpetvā ‘‘tātā, idāni tumhe ‘evarūpā kumārikā jambudīpatale aññassa rañño nānucchavikā, mithilāyaṃ vedeharañño anucchavikā’ti rañño ca issariyaṃ imāya ca rūpaṃ vaṇṇetvā gītāni bandhathā’’ti āha. Te tathā katvā rañño ārocayiṃsu.

    рааж̇аа д̇зсам̣ д̇ханам̣ д̣̇ад̇ваа буна г̇ааяагз баггосаабзд̇ваа ‘‘д̇аад̇аа, мит̇илам̣ г̇анд̇ваа д̇ад̇т̇а иминаава убааязна г̇ааяат̇аа’’д̇и бзсзси. д̇з д̇аани г̇ааяанд̇аа анубуб̣б̣зна мит̇илам̣ г̇анд̇ваа самаж̇ж̇аман̣д̣алз г̇ааяим̣су. д̇аани суд̇ваа махааж̇ано уггудтисахассаани бавад̇д̇зд̇ваа д̇зсам̣ б̣ахум̣ д̇ханам̣ ад̣̇ааси. д̇з рад̇д̇исамаяз ругкзсуби г̇ааяид̇ваа бажжуусагаалз сагун̣аанам̣ г̇ийваасу гам̣сад̇аалз б̣анд̇хид̇ваа од̇аранд̇и. аагаасз гам̣сад̇ааласад̣̇д̣̇ам̣ суд̇ваа ‘‘бан̃жааларааж̇ад̇хийд̇у сарийраван̣н̣ам̣ д̣̇звад̇ааби г̇ааяанд̇ий’’д̇и сагаланаг̇арз згаголаахалам̣ ахоси. рааж̇аа суд̇ваа г̇ааяагз баггосаабзд̇ваа анд̇онивзсанз самаж̇ж̇ам̣ гаарзд̇ваа ‘‘зваруубам̣ гира уд̇д̇амаруубад̇харам̣ д̇хийд̇арам̣ жуул̣анирааж̇аа маяхам̣ д̣̇аад̇угаамо’’д̇и д̇уссид̇ваа д̇зсам̣ б̣ахум̣ д̇ханам̣ ад̣̇ааси. д̇з ааг̇анд̇ваа б̣рахмад̣̇ад̇д̇асса аарожзсум̣. ат̇а нам̣ гзваддо ааха – ‘‘ид̣̇аани, махаарааж̇а, д̣̇ивасам̣ вавад̇т̇абанад̇т̇ааяа г̇амиссаамий’’д̇и. ‘‘саад̇ху, аажарияа, гим̣ лад̣̇д̇хум̣ ваддад̇ий’’д̇и? ‘‘т̇огам̣ бан̣н̣аагаара’’нд̇и. ‘‘д̇зна хи г̇ан̣хаа’’д̇и д̣̇аабзси. со д̇ам̣ аад̣̇ааяа маханд̇зна бариваарзна взд̣̇зхарадтам̣ баабун̣и. д̇ассааг̇аманам̣ суд̇ваа наг̇арз згаголаахалам̣ ж̇аад̇ам̣ ‘‘жуул̣анирааж̇аа гира взд̣̇зхо жа мид̇д̇асант̇авам̣ гариссанд̇и, жуул̣анирааж̇аа ад̇д̇ано д̇хийд̇арам̣ амхаагам̣ ран̃н̃о д̣̇ассад̇и , гзваддо д̣̇ивасам̣ вавад̇т̇абзд̇ум̣ зд̇ий’’д̇и. взд̣̇зхарааж̇ааби сун̣и, махаасад̇д̇оби, суд̇ваана банасса зд̇ад̣̇ахоси ‘‘д̇ассааг̇аманам̣ маяхам̣ на ружжад̇и, д̇ат̇ад̇о нам̣ ж̇ааниссаамий’’д̇и. со жуул̣анисанд̇игз убанигкид̇д̇агабурисаанам̣ саасанам̣ бзсзси ‘‘имамад̇т̇ам̣ д̇ат̇ад̇о ж̇аанид̇ваа бзсзнд̇уу’’д̇и. ат̇а д̇з ‘‘маяамзд̇ам̣ д̇ат̇ад̇о на ж̇аанаама, рааж̇аа жа гзваддо жа саяанаг̇аб̣бхз нисийд̣̇ид̇ваа манд̇знд̇и, ран̃н̃о бана саяанабаалигаа саал̣игаа сагун̣игаа зд̇амад̇т̇ам̣ ж̇аанзяяаа’’д̇и бадибзсаяим̣су.

    Rājā tesaṃ dhanaṃ datvā puna gāyake pakkosāpetvā ‘‘tātā, mithilaṃ gantvā tattha imināva upāyena gāyathā’’ti pesesi. Te tāni gāyantā anupubbena mithilaṃ gantvā samajjamaṇḍale gāyiṃsu. Tāni sutvā mahājano ukkuṭṭhisahassāni pavattetvā tesaṃ bahuṃ dhanaṃ adāsi. Te rattisamaye rukkhesupi gāyitvā paccūsakāle sakuṇānaṃ gīvāsu kaṃsatāle bandhitvā otaranti. Ākāse kaṃsatālasaddaṃ sutvā ‘‘pañcālarājadhītu sarīravaṇṇaṃ devatāpi gāyantī’’ti sakalanagare ekakolāhalaṃ ahosi. Rājā sutvā gāyake pakkosāpetvā antonivesane samajjaṃ kāretvā ‘‘evarūpaṃ kira uttamarūpadharaṃ dhītaraṃ cūḷanirājā mayhaṃ dātukāmo’’ti tussitvā tesaṃ bahuṃ dhanaṃ adāsi. Te āgantvā brahmadattassa ārocesuṃ. Atha naṃ kevaṭṭo āha – ‘‘idāni, mahārāja, divasaṃ vavatthapanatthāya gamissāmī’’ti. ‘‘Sādhu, ācariya, kiṃ laddhuṃ vaṭṭatī’’ti? ‘‘Thokaṃ paṇṇākāra’’nti. ‘‘Tena hi gaṇhā’’ti dāpesi. So taṃ ādāya mahantena parivārena vedeharaṭṭhaṃ pāpuṇi. Tassāgamanaṃ sutvā nagare ekakolāhalaṃ jātaṃ ‘‘cūḷanirājā kira vedeho ca mittasanthavaṃ karissanti, cūḷanirājā attano dhītaraṃ amhākaṃ rañño dassati , kevaṭṭo divasaṃ vavatthapetuṃ etī’’ti. Vedeharājāpi suṇi, mahāsattopi, sutvāna panassa etadahosi ‘‘tassāgamanaṃ mayhaṃ na ruccati, tathato naṃ jānissāmī’’ti. So cūḷanisantike upanikkhittakapurisānaṃ sāsanaṃ pesesi ‘‘imamatthaṃ tathato jānitvā pesentū’’ti. Atha te ‘‘mayametaṃ tathato na jānāma, rājā ca kevaṭṭo ca sayanagabbhe nisīditvā mantenti, rañño pana sayanapālikā sāḷikā sakuṇikā etamatthaṃ jāneyyā’’ti paṭipesayiṃsu.

    д̇ам̣ суд̇ваа махаасад̇д̇о жинд̇зси ‘‘яат̇аа бажжаамид̇д̇аанам̣ огаасо на ход̇и, звам̣ сувибхад̇д̇ам̣ гад̇ваа сусаж̇ж̇ид̇ам̣ наг̇арам̣ ахам̣ гзваддасса д̣̇адтум̣ на д̣̇ассаамий’’д̇и. со наг̇арад̣̇ваарад̇о яаава рааж̇аг̇зхаа, рааж̇аг̇зхад̇о жа яаава ад̇д̇аг̇зхаа, г̇аманамаг̇г̇ам̣ убхосу бассзсу гилан̃ж̇зхи баригкибаабзд̇ваа мад̇т̇агзби гилан̃ж̇зхи бадижчаад̣̇аабзд̇ваа жид̇д̇агаммам̣ гаараабзд̇ваа бхуумияам̣ бубпаани вигирид̇ваа бун̣н̣агхадз табаабзд̇ваа гад̣̇алияо б̣анд̇хаабзд̇ваа д̇хаж̇з баг̇г̇ан̣хаабзси. гзваддо наг̇арам̣ бависид̇ваа сувибхад̇д̇ам̣ наг̇арам̣ абассанд̇о ‘‘ран̃н̃аа мз маг̇г̇о алан̇гаараабид̇о’’д̇и жинд̇зд̇ваа наг̇арасса ад̣̇ассанад̇т̇ам̣ гад̇абхаавам̣ на ж̇аани. со г̇анд̇ваа рааж̇аанам̣ д̣̇исваа бан̣н̣аагаарам̣ бадижчаабзд̇ваа бадисант̇аарам̣ гад̇ваа згаманд̇ам̣ нисийд̣̇ид̇ваа ран̃н̃аа гад̇асаггаарасаммаано ааг̇ад̇агааран̣ам̣ аарожзнд̇о д̣̇вз г̇аат̇аа абхааси –

    Taṃ sutvā mahāsatto cintesi ‘‘yathā paccāmittānaṃ okāso na hoti, evaṃ suvibhattaṃ katvā susajjitaṃ nagaraṃ ahaṃ kevaṭṭassa daṭṭhuṃ na dassāmī’’ti. So nagaradvārato yāva rājagehā, rājagehato ca yāva attagehā, gamanamaggaṃ ubhosu passesu kilañjehi parikkhipāpetvā matthakepi kilañjehi paṭicchādāpetvā cittakammaṃ kārāpetvā bhūmiyaṃ pupphāni vikiritvā puṇṇaghaṭe ṭhapāpetvā kadaliyo bandhāpetvā dhaje paggaṇhāpesi. Kevaṭṭo nagaraṃ pavisitvā suvibhattaṃ nagaraṃ apassanto ‘‘raññā me maggo alaṅkārāpito’’ti cintetvā nagarassa adassanatthaṃ katabhāvaṃ na jāni. So gantvā rājānaṃ disvā paṇṇākāraṃ paṭicchāpetvā paṭisanthāraṃ katvā ekamantaṃ nisīditvā raññā katasakkārasammāno āgatakāraṇaṃ ārocento dve gāthā abhāsi –

    599.

    599.

    ‘‘рааж̇аа сант̇авагаамо д̇з, рад̇анаани бавзжчад̇и;

    ‘‘Rājā santhavakāmo te, ratanāni pavecchati;

    ааг̇ажчанд̇у ид̇о д̣̇ууд̇аа, ман̃ж̇угаа бияабхаан̣ино.

    Āgacchantu ito dūtā, mañjukā piyabhāṇino.

    600.

    600.

    ‘‘бхаасанд̇у муд̣̇угаа ваажаа, яаа ваажаа бадинанд̣̇ид̇аа;

    ‘‘Bhāsantu mudukā vācā, yā vācā paṭinanditā;

    бан̃жаало жа вид̣̇зхо жа, убхо згаа бхаванд̇у д̇з’’д̇и.

    Pañcālo ca videho ca, ubho ekā bhavantu te’’ti.

    д̇ад̇т̇а сант̇авагаамод̇и махаарааж̇а, амхаагам̣ рааж̇аа д̇аяаа сад̣̇д̇хим̣ мид̇д̇асант̇авам̣ гаад̇угаамо. рад̇анаанийд̇и ид̇т̇ирад̇анам̣ ад̇д̇ано д̇хийд̇арам̣ аад̣̇им̣ гад̇ваа д̇умхаагам̣ саб̣б̣арад̇анаани д̣̇ассад̇и. ааг̇ажчанд̇ууд̇и ид̇о бадтааяа гира уд̇д̇арабан̃жааланаг̇арад̇о бан̣н̣аагаарам̣ г̇ахзд̇ваа мад̇хураважанаа бияабхаан̣ино д̣̇ууд̇аа ид̇ха ааг̇ажчанд̇у, ид̇о жа д̇ад̇т̇а г̇ажчанд̇у. згаа бхаванд̇ууд̇и г̇ан̇г̇од̣̇агам̣ вияа яамунод̣̇агзна сад̣̇д̇хим̣ сам̣санд̣̇анд̇аа згасад̣̇исаава хонд̇ууд̇и.

    Tattha santhavakāmoti mahārāja, amhākaṃ rājā tayā saddhiṃ mittasanthavaṃ kātukāmo. Ratanānīti itthiratanaṃ attano dhītaraṃ ādiṃ katvā tumhākaṃ sabbaratanāni dassati. Āgacchantūti ito paṭṭhāya kira uttarapañcālanagarato paṇṇākāraṃ gahetvā madhuravacanā piyabhāṇino dūtā idha āgacchantu, ito ca tattha gacchantu. Ekā bhavantūti gaṅgodakaṃ viya yamunodakena saddhiṃ saṃsandantā ekasadisāva hontūti.

    зван̃жа бана вад̇ваа ‘‘махаарааж̇а, амхаагам̣ рааж̇аа ан̃н̃ам̣ махаамад̇д̇ам̣ бзсзд̇угаамо худ̇вааби ‘ан̃н̃о манаабам̣ гад̇ваа саасанам̣ аарожзд̇ум̣ на сагкиссад̇ий’д̇и мам̣ бзсзси ‘аажарияа, д̇умхз рааж̇аанам̣ саад̇хугам̣ баб̣од̇хзд̇ваа аад̣̇ааяа ааг̇ажчат̇аа’д̇и, г̇ажчат̇а рааж̇асздта абхируубан̃жа гумааригам̣ лабхиссат̇а, амхааган̃жа ран̃н̃аа сад̣̇д̇хим̣ мид̇д̇абхааво бад̇идтахиссад̇ий’’д̇и ааха. со д̇асса важанам̣ суд̇ваа д̇удтамаанасо ‘‘уд̇д̇амаруубад̇харам̣ гира гумааригам̣ лабхиссаамий’’д̇и саванасам̣саг̇г̇зна б̣аж̇жхид̇ваа ‘‘аажарияа, д̇умхааган̃жа гира махосад̇хабан̣д̣ид̇асса жа д̇хаммаяуд̣̇д̇хз виваад̣̇о ахоси, г̇ажчат̇а буд̇д̇ам̣ мз бассат̇а, убхоби бан̣д̣ид̇аа ан̃н̃аман̃н̃ам̣ камаабзд̇ваа манд̇зд̇ваа зт̇аа’’д̇и ааха. д̇ам̣ суд̇ваа гзваддо ‘‘бассиссаами бан̣д̣ид̇а’’нд̇и д̇ам̣ бассид̇ум̣ аг̇амааси. махаасад̇д̇оби д̇ам̣ д̣̇ивасам̣ ‘‘д̇зна мз баабад̇хаммзна сад̣̇д̇хим̣ саллаабо маа ход̇уу’’д̇и баад̇ова т̇огам̣ саббим̣ биви, г̇зхамбисса б̣ахалзна аллаг̇омаязна лзбаабзси, т̇амбхз д̇злзна магкзси, д̇асса нибаннаман̃жагам̣ табзд̇ваа сзсаани ман̃жабийтаад̣̇ийни нийхараабзси.

    Evañca pana vatvā ‘‘mahārāja, amhākaṃ rājā aññaṃ mahāmattaṃ pesetukāmo hutvāpi ‘añño manāpaṃ katvā sāsanaṃ ārocetuṃ na sakkhissatī’ti maṃ pesesi ‘ācariya, tumhe rājānaṃ sādhukaṃ pabodhetvā ādāya āgacchathā’ti, gacchatha rājaseṭṭha abhirūpañca kumārikaṃ labhissatha, amhākañca raññā saddhiṃ mittabhāvo patiṭṭhahissatī’’ti āha. So tassa vacanaṃ sutvā tuṭṭhamānaso ‘‘uttamarūpadharaṃ kira kumārikaṃ labhissāmī’’ti savanasaṃsaggena bajjhitvā ‘‘ācariya, tumhākañca kira mahosadhapaṇḍitassa ca dhammayuddhe vivādo ahosi, gacchatha puttaṃ me passatha, ubhopi paṇḍitā aññamaññaṃ khamāpetvā mantetvā ethā’’ti āha. Taṃ sutvā kevaṭṭo ‘‘passissāmi paṇḍita’’nti taṃ passituṃ agamāsi. Mahāsattopi taṃ divasaṃ ‘‘tena me pāpadhammena saddhiṃ sallāpo mā hotū’’ti pātova thokaṃ sappiṃ pivi, gehampissa bahalena allagomayena lepāpesi, thambhe telena makkhesi, tassa nipannamañcakaṃ ṭhapetvā sesāni mañcapīṭhādīni nīharāpesi.

    со мануссаанам̣ сан̃н̃амад̣̇ааси ‘‘д̇аад̇аа, б̣раахман̣з гат̇зд̇ум̣ аарад̣̇д̇хз звам̣ вад̣̇зяяаат̇а ‘б̣раахман̣а, маа бан̣д̣ид̇зна сад̣̇д̇хим̣ гат̇аяид̇т̇а, аж̇ж̇а д̇зна д̇икин̣асабби бивид̇а’нд̇и. маяи жа д̇зна сад̣̇д̇хим̣ гат̇анаагаарам̣ гаронд̇зби ‘д̣̇зва д̇икин̣асабби д̇з бивид̇ам̣, маа гат̇зт̇аа’д̇и мам̣ ниваарзт̇аа’’д̇и. звам̣ вижаарзд̇ваа махаасад̇д̇о рад̇д̇абадам̣ ниваасзд̇ваа сад̇д̇асу д̣̇ваарагодтагзсу мануссз табзд̇ваа сад̇д̇амз д̣̇ваарагодтагз бадаман̃жагз нибаж̇ж̇и. гзваддобисса батамад̣̇ваарагодтагз тад̇ваа ‘‘гахам̣ бан̣д̣ид̇о’’д̇и бужчи. ат̇а нам̣ д̇з мануссаа ‘‘б̣раахман̣а, маа сад̣̇д̣̇амагари, сажзби ааг̇ажчид̇угаамо, д̇ун̣хий худ̇ваа зхи, аж̇ж̇а бан̣д̣ид̇зна д̇икин̣асабби бийд̇ам̣, махаасад̣̇д̣̇ам̣ гаад̇ум̣ на лаб̣бхад̇ий’’д̇и аахам̣су. сзсад̣̇ваарагодтагзсуби нам̣ д̇ат̇зва аахам̣су. со сад̇д̇амад̣̇ваарагодтагам̣ ад̇иггамид̇ваа бан̣д̣ид̇асса санд̇игам̣ аг̇амааси. бан̣д̣ид̇о гат̇анаагаарам̣ д̣̇ассзси. ат̇а нам̣ мануссаа ‘‘д̣̇зва, маа гат̇аяид̇т̇а, д̇икин̣асабби д̇з бийд̇ам̣, гим̣ д̇з иминаа д̣̇удтаб̣раахман̣зна сад̣̇д̇хим̣ гат̇ид̇знаа’’д̇и вад̇ваа ваараяим̣су. ид̇и со д̇асса санд̇игам̣ г̇анд̇ваа нзва нисийд̣̇ид̇ум̣, на аасанам̣ ниссааяа тид̇адтаанам̣ лабхи, аллаг̇омаяам̣ аггамид̇ваа адтааси.

    So manussānaṃ saññamadāsi ‘‘tātā, brāhmaṇe kathetuṃ āraddhe evaṃ vadeyyātha ‘brāhmaṇa, mā paṇḍitena saddhiṃ kathayittha, ajja tena tikhiṇasappi pivita’nti. Mayi ca tena saddhiṃ kathanākāraṃ karontepi ‘deva tikhiṇasappi te pivitaṃ, mā kathethā’ti maṃ nivārethā’’ti. Evaṃ vicāretvā mahāsatto rattapaṭaṃ nivāsetvā sattasu dvārakoṭṭhakesu manusse ṭhapetvā sattame dvārakoṭṭhake paṭamañcake nipajji. Kevaṭṭopissa paṭhamadvārakoṭṭhake ṭhatvā ‘‘kahaṃ paṇḍito’’ti pucchi. Atha naṃ te manussā ‘‘brāhmaṇa, mā saddamakari, sacepi āgacchitukāmo, tuṇhī hutvā ehi, ajja paṇḍitena tikhiṇasappi pītaṃ, mahāsaddaṃ kātuṃ na labbhatī’’ti āhaṃsu. Sesadvārakoṭṭhakesupi naṃ tatheva āhaṃsu. So sattamadvārakoṭṭhakaṃ atikkamitvā paṇḍitassa santikaṃ agamāsi. Paṇḍito kathanākāraṃ dassesi. Atha naṃ manussā ‘‘deva, mā kathayittha, tikhiṇasappi te pītaṃ, kiṃ te iminā duṭṭhabrāhmaṇena saddhiṃ kathitenā’’ti vatvā vārayiṃsu. Iti so tassa santikaṃ gantvā neva nisīdituṃ, na āsanaṃ nissāya ṭhitaṭṭhānaṃ labhi, allagomayaṃ akkamitvā aṭṭhāsi.

    ат̇а нам̣ ологзд̇ваа зго агкийни нимийли, зго бхамугам̣ угкиби, зго габбарам̣ ган̣д̣ууяи. со д̇зсам̣ гирияам̣ ологзд̇ваа ман̇губхууд̇о ‘‘г̇ажчаамахам̣ бан̣д̣ид̇аа’’д̇и вад̇ваа абарзна ‘‘арз д̣̇удтаб̣раахман̣а, ‘маа сад̣̇д̣̇амагаасий’д̇и вуд̇д̇о сад̣̇д̣̇амзва гароси, адтийни д̇з бхинд̣̇иссаамий’’д̇и вуд̇д̇з бхийд̇ад̇асид̇о худ̇ваа нивад̇д̇ид̇ваа ологзси. ат̇а нам̣ ан̃н̃о взл̣убзсигааяа бидтияам̣ д̇аалзси, ан̃н̃о г̇ийвааяам̣ г̇ахзд̇ваа киби, ан̃н̃о бидтияам̣ хад̇т̇ад̇алзна бахари. со д̣̇ийбимукаа муд̇д̇амиг̇о вияа бхийд̇ад̇асид̇о нигкамид̇ваа рааж̇аг̇зхам̣ г̇ад̇о. рааж̇аа жинд̇зси ‘‘аж̇ж̇а мама буд̇д̇о имам̣ бавад̇д̇им̣ суд̇ваа д̇удто бхависсад̇и, д̣̇виннам̣ бан̣д̣ид̇аанам̣ махад̇ияаа д̇хаммасаагажчааяа бхавид̇аб̣б̣ам̣, аж̇ж̇а убхо ан̃н̃аман̃н̃ам̣ камаабзссанд̇и, лаабхаа вад̇а мз’’д̇и. со гзваддам̣ д̣̇исваа бан̣д̣ид̇зна сад̣̇д̇хим̣ сам̣санд̣̇анаагаарам̣ бужчанд̇о г̇аат̇амааха –

    Atha naṃ oloketvā eko akkhīni nimīli, eko bhamukaṃ ukkhipi, eko kapparaṃ kaṇḍūyi. So tesaṃ kiriyaṃ oloketvā maṅkubhūto ‘‘gacchāmahaṃ paṇḍitā’’ti vatvā aparena ‘‘are duṭṭhabrāhmaṇa, ‘mā saddamakāsī’ti vutto saddameva karosi, aṭṭhīni te bhindissāmī’’ti vutte bhītatasito hutvā nivattitvā olokesi. Atha naṃ añño veḷupesikāya piṭṭhiyaṃ tālesi, añño gīvāyaṃ gahetvā khipi, añño piṭṭhiyaṃ hatthatalena pahari. So dīpimukhā muttamigo viya bhītatasito nikkhamitvā rājagehaṃ gato. Rājā cintesi ‘‘ajja mama putto imaṃ pavattiṃ sutvā tuṭṭho bhavissati, dvinnaṃ paṇḍitānaṃ mahatiyā dhammasākacchāya bhavitabbaṃ, ajja ubho aññamaññaṃ khamāpessanti, lābhā vata me’’ti. So kevaṭṭaṃ disvā paṇḍitena saddhiṃ saṃsandanākāraṃ pucchanto gāthamāha –

    601.

    601.

    ‘‘гат̇ам̣ ну гзвадда махосад̇хзна, самааг̇амо ааси д̇ад̣̇ин̇гха б̣руухи;

    ‘‘Kathaṃ nu kevaṭṭa mahosadhena, samāgamo āsi tadiṅgha brūhi;

    гажжи д̇з бадиниж̇жхад̇д̇о, гажжи д̇удто махосад̇хо’’д̇и.

    Kacci te paṭinijjhatto, kacci tuṭṭho mahosadho’’ti.

    д̇ад̇т̇а бадиниж̇жхад̇д̇од̇и д̇хаммаяуд̣̇д̇хаман̣д̣алз бавад̇д̇авиг̇г̇ахасса вуубасаманад̇т̇ам̣ гажжи д̇вам̣ д̇зна, со жа д̇аяаа ниж̇жхад̇д̇о камаабид̇о. гажжи д̇удтод̇и гажжи д̇умхаагам̣ ран̃н̃аа бзсид̇ам̣ бавад̇д̇им̣ суд̇ваа д̇удтод̇и.

    Tattha paṭinijjhattoti dhammayuddhamaṇḍale pavattaviggahassa vūpasamanatthaṃ kacci tvaṃ tena, so ca tayā nijjhatto khamāpito. Kacci tuṭṭhoti kacci tumhākaṃ raññā pesitaṃ pavattiṃ sutvā tuṭṭhoti.

    д̇ам̣ суд̇ваа гзваддо ‘‘махаарааж̇а, д̇умхз ‘бан̣д̣ид̇о’д̇и д̇ам̣ г̇ахзд̇ваа вижарат̇а, д̇ад̇о асаббурисад̇аро наама над̇т̇ий’’д̇и г̇аат̇амааха –

    Taṃ sutvā kevaṭṭo ‘‘mahārāja, tumhe ‘paṇḍito’ti taṃ gahetvā vicaratha, tato asappurisataro nāma natthī’’ti gāthamāha –

    602.

    602.

    ‘‘анарияаруубо бурисо ж̇анинд̣̇а, асаммод̣̇аго т̇ад̣̇д̇хо асаб̣бхируубо;

    ‘‘Anariyarūpo puriso janinda, asammodako thaddho asabbhirūpo;

    яат̇аа мууг̇о жа б̣ад̇хиро жа, на гин̃жид̇т̇ам̣ абхаасат̇аа’’д̇и.

    Yathā mūgo ca badhiro ca, na kiñcitthaṃ abhāsathā’’ti.

    д̇ад̇т̇а асаб̣бхируубод̇и абан̣д̣ид̇аж̇аад̇иго. на гин̃жид̇т̇анд̇и маяаа саха гин̃жи ад̇т̇ам̣ на бхаасид̇т̇а, д̇знзва нам̣ абан̣д̣ид̇од̇и ман̃н̃аамийд̇и б̣од̇хисад̇д̇асса аг̇ун̣ам̣ гат̇зси.

    Tattha asabbhirūpoti apaṇḍitajātiko. Na kiñcitthanti mayā saha kiñci atthaṃ na bhāsittha, teneva naṃ apaṇḍitoti maññāmīti bodhisattassa aguṇaṃ kathesi.

    рааж̇аа д̇асса важанам̣ анабхинанд̣̇ид̇ваа аббадиггосид̇ваа д̇асса жа д̇зна сад̣̇д̇хим̣ ааг̇ад̇аанан̃жа бариб̣б̣аяан̃жзва ниваасаг̇зхан̃жа д̣̇аабзд̇ваа ‘‘г̇ажчат̇аажарияа, виссамат̇аа’’д̇и д̇ам̣ уяяож̇зд̇ваа ‘‘мама буд̇д̇о бан̣д̣ид̇о бадисант̇аарагусало, иминаа гира сад̣̇д̇хим̣ нзва бадисант̇аарам̣ агааси, на д̇удтим̣ бавзд̣̇зси. гин̃жи д̇зна анааг̇ад̇абхаяам̣ д̣̇идтам̣ бхависсад̇ий’’д̇и саяамзва гат̇ам̣ самудтаабзси –

    Rājā tassa vacanaṃ anabhinanditvā appaṭikkositvā tassa ca tena saddhiṃ āgatānañca paribbayañceva nivāsagehañca dāpetvā ‘‘gacchathācariya, vissamathā’’ti taṃ uyyojetvā ‘‘mama putto paṇḍito paṭisanthārakusalo, iminā kira saddhiṃ neva paṭisanthāraṃ akāsi, na tuṭṭhiṃ pavedesi. Kiñci tena anāgatabhayaṃ diṭṭhaṃ bhavissatī’’ti sayameva kathaṃ samuṭṭhāpesi –

    603.

    603.

    ‘‘ад̣̇д̇хаа ид̣̇ам̣ манд̇абад̣̇ам̣ суд̣̇уд̣̇д̣̇асам̣, ад̇т̇о суд̣̇д̇хо наравириязна д̣̇идто;

    ‘‘Addhā idaṃ mantapadaṃ sududdasaṃ, attho suddho naraviriyena diṭṭho;

    д̇ат̇аа хи гааяо мама самбавзд̇хад̇и, хид̇ваа саяам̣ го барахад̇т̇амзссад̇ий’’д̇и.

    Tathā hi kāyo mama sampavedhati, hitvā sayaṃ ko parahatthamessatī’’ti.

    д̇ад̇т̇а ид̣̇анд̇и яам̣ мама буд̇д̇зна д̣̇идтам̣, ад̣̇д̇хаа ид̣̇ам̣ манд̇абад̣̇ам̣ ан̃н̃зна ид̇арабурисзна суд̣̇уд̣̇д̣̇асам̣. наравириязнаад̇и вийрияаванд̇зна махосад̇хабан̣д̣ид̇зна суд̣̇д̇хо ад̇т̇о д̣̇идто бхависсад̇и. саяанд̇и сагам̣ радтам̣ хид̇ваа го барахад̇т̇ам̣ г̇амиссад̇и.

    Tattha idanti yaṃ mama puttena diṭṭhaṃ, addhā idaṃ mantapadaṃ aññena itarapurisena sududdasaṃ. Naraviriyenāti vīriyavantena mahosadhapaṇḍitena suddho attho diṭṭho bhavissati. Sayanti sakaṃ raṭṭhaṃ hitvā ko parahatthaṃ gamissati.

    ‘‘мама буд̇д̇зна б̣раахман̣асса ааг̇аманз д̣̇осо д̣̇идто бхависсад̇и. аяан̃хи ааг̇ажчанд̇о на мид̇д̇асант̇авад̇т̇ааяа ааг̇амиссад̇и, мам̣ бана гаамзна балобхзд̇ваа наг̇арам̣ нзд̇ваа г̇ан̣ханад̇т̇ааяа ааг̇ад̇зна бхавид̇аб̣б̣ам̣. д̇ам̣ анааг̇ад̇абхаяам̣ д̣̇идтам̣ бхависсад̇и бан̣д̣ид̇знаа’’д̇и д̇асса д̇амад̇т̇ам̣ ааваж̇ж̇зд̇ваа бхийд̇ад̇асид̇асса нисиннагаалз жад̇д̇ааро бан̣д̣ид̇аа ааг̇амим̣су. рааж̇аа сзнагам̣ бужчи ‘‘сзнага, ружжад̇и д̇з уд̇д̇арабан̃жааланаг̇арам̣ г̇анд̇ваа жуул̣анирааж̇асса д̇хийд̇у аанаяана’’нд̇и? гим̣ гат̇зт̇а махаарааж̇а, на хи сирим̣ ааг̇ажчанд̇им̣ д̣̇ан̣д̣зна бахарид̇ваа балаабзд̇ум̣ ваддад̇и. сажз д̇умхз д̇ад̇т̇а г̇анд̇ваа д̇ам̣ г̇ан̣хиссат̇а, табзд̇ваа жуул̣аниб̣рахмад̣̇ад̇д̇ам̣ ан̃н̃о д̇умхзхи само ж̇амб̣уд̣̇ийбад̇алз на бхависсад̇и. гим̣ гааран̣аа? ж̇здтарааж̇ад̇хийд̇ааяа г̇ахид̇ад̇д̇аа. со хи ‘‘сзсарааж̇аано мама мануссаа, взд̣̇зхо згова маяаа сад̣̇исо’’д̇и сагалаж̇амб̣уд̣̇ийбз уд̇д̇амаруубад̇харам̣ д̇хийд̇арам̣ д̇умхаагам̣ д̣̇аад̇угаамо ж̇аад̇о, гарот̇асса важанам̣. маяамби д̇умхз ниссааяа вад̇т̇аалан̇гаарз лабхиссаамаад̇и. рааж̇аа сзсзби бужчи. д̇зби д̇ат̇зва гат̇зсум̣. д̇асса д̇зхи сад̣̇д̇хим̣ гат̇знд̇ассзва гзваддаб̣раахман̣о ад̇д̇ано ниваасаг̇зхаа нигкамид̇ваа ‘‘рааж̇аанам̣ ааманд̇зд̇ваа г̇амиссаамий’’д̇и ааг̇анд̇ваа ‘‘махаарааж̇а, на саггаа амхзхи бабан̃жам̣ гаад̇ум̣, г̇амиссаама маяам̣ наринд̣̇аа’’д̇и ааха. рааж̇аа д̇асса саггаарам̣ гад̇ваа д̇ам̣ уяяож̇зси. махаасад̇д̇о д̇асса г̇аманабхаавам̣ н̃ад̇ваа нхад̇ваа алан̇гарид̇ваа рааж̇убадтаанам̣ ааг̇анд̇ваа рааж̇аанам̣ ванд̣̇ид̇ваа згаманд̇ам̣ нисийд̣̇и. рааж̇аа жинд̇зси ‘‘буд̇д̇о мз махосад̇хабан̣д̣ид̇о махааманд̇ий манд̇абааран̇г̇ад̇о ад̇ийд̇аанааг̇ад̇абажжуббаннам̣ ад̇т̇ам̣ ж̇аанаад̇и. амхаагам̣ д̇ад̇т̇а г̇анд̇ум̣ яуд̇д̇абхаавам̣ ваа аяуд̇д̇абхаавам̣ ваа бан̣д̣ид̇о ж̇ааниссад̇ий’’д̇и. со ад̇д̇анаа батамам̣ жинд̇ид̇ам̣ авад̇ваа рааг̇арад̇д̇о мохамуул̣хо худ̇ваа д̇ам̣ бужчанд̇о г̇аат̇амааха –

    ‘‘Mama puttena brāhmaṇassa āgamane doso diṭṭho bhavissati. Ayañhi āgacchanto na mittasanthavatthāya āgamissati, maṃ pana kāmena palobhetvā nagaraṃ netvā gaṇhanatthāya āgatena bhavitabbaṃ. Taṃ anāgatabhayaṃ diṭṭhaṃ bhavissati paṇḍitenā’’ti tassa tamatthaṃ āvajjetvā bhītatasitassa nisinnakāle cattāro paṇḍitā āgamiṃsu. Rājā senakaṃ pucchi ‘‘senaka, ruccati te uttarapañcālanagaraṃ gantvā cūḷanirājassa dhītu ānayana’’nti? Kiṃ kathetha mahārāja, na hi siriṃ āgacchantiṃ daṇḍena paharitvā palāpetuṃ vaṭṭati. Sace tumhe tattha gantvā taṃ gaṇhissatha, ṭhapetvā cūḷanibrahmadattaṃ añño tumhehi samo jambudīpatale na bhavissati. Kiṃ kāraṇā? Jeṭṭharājadhītāya gahitattā. So hi ‘‘sesarājāno mama manussā, vedeho ekova mayā sadiso’’ti sakalajambudīpe uttamarūpadharaṃ dhītaraṃ tumhākaṃ dātukāmo jāto, karothassa vacanaṃ. Mayampi tumhe nissāya vatthālaṅkāre labhissāmāti. Rājā sesepi pucchi. Tepi tatheva kathesuṃ. Tassa tehi saddhiṃ kathentasseva kevaṭṭabrāhmaṇo attano nivāsagehā nikkhamitvā ‘‘rājānaṃ āmantetvā gamissāmī’’ti āgantvā ‘‘mahārāja, na sakkā amhehi papañcaṃ kātuṃ, gamissāma mayaṃ narindā’’ti āha. Rājā tassa sakkāraṃ katvā taṃ uyyojesi. Mahāsatto tassa gamanabhāvaṃ ñatvā nhatvā alaṅkaritvā rājupaṭṭhānaṃ āgantvā rājānaṃ vanditvā ekamantaṃ nisīdi. Rājā cintesi ‘‘putto me mahosadhapaṇḍito mahāmantī mantapāraṅgato atītānāgatapaccuppannaṃ atthaṃ jānāti. Amhākaṃ tattha gantuṃ yuttabhāvaṃ vā ayuttabhāvaṃ vā paṇḍito jānissatī’’ti. So attanā paṭhamaṃ cintitaṃ avatvā rāgaratto mohamūḷho hutvā taṃ pucchanto gāthamāha –

    604.

    604.

    ‘‘чаннан̃хи згаава мад̇ий самзд̇и, яз бан̣д̣ид̇аа уд̇д̇амабхуурибад̇д̇аа;

    ‘‘Channañhi ekāva matī sameti, ye paṇḍitā uttamabhūripattā;

    яаанам̣ аяаанам̣ ат̇а вааби таанам̣, махосад̇ха д̇вамби мад̇им̣ гарохий’’д̇и.

    Yānaṃ ayānaṃ atha vāpi ṭhānaṃ, mahosadha tvampi matiṃ karohī’’ti.

    д̇ад̇т̇а чаннанд̇и бан̣д̣ид̇а, гзваддаб̣раахман̣асса жа мама жа имзсан̃жа жад̇уннанд̇и чаннам̣ амхаагам̣ згаава мад̇и згоязва аж̇жхаасаяо г̇ан̇г̇од̣̇агам̣ вияа яамунод̣̇агзна сам̣санд̣̇ад̇и самзд̇и. яз маяам̣ чаби ж̇анаа бан̣д̣ид̇аа уд̇д̇амабхуурибад̇д̇аа, д̇зсам̣ но чаннамби жуул̣анирааж̇ад̇хийд̇у аанаяанам̣ ружжад̇ийд̇и. таананд̇и ид̇хзва ваасо. мад̇им̣ гарохийд̇и амхаагам̣ ружжанагам̣ наама аббамаан̣ам̣, д̇вамби жинд̇зхи, гим̣ амхаагам̣ ааваахад̇т̇ааяа д̇ад̇т̇а яаанам̣, уд̣̇ааху аяаанам̣, ад̣̇у ид̇хзва ваасо ружжад̇ийд̇и.

    Tattha channanti paṇḍita, kevaṭṭabrāhmaṇassa ca mama ca imesañca catunnanti channaṃ amhākaṃ ekāva mati ekoyeva ajjhāsayo gaṅgodakaṃ viya yamunodakena saṃsandati sameti. Ye mayaṃ chapi janā paṇḍitā uttamabhūripattā, tesaṃ no channampi cūḷanirājadhītu ānayanaṃ ruccatīti. Ṭhānanti idheva vāso. Matiṃ karohīti amhākaṃ ruccanakaṃ nāma appamāṇaṃ, tvampi cintehi, kiṃ amhākaṃ āvāhatthāya tattha yānaṃ, udāhu ayānaṃ, adu idheva vāso ruccatīti.

    д̇ам̣ суд̇ваа бан̣д̣ид̇о ‘‘аяам̣ рааж̇аа ад̇ивияа гаамаг̇ид̣̇д̇хо анд̇хаб̣аалабхаавзна имзсам̣ жад̇уннам̣ важанам̣ г̇ан̣хаад̇и, г̇аманз д̣̇осам̣ гат̇зд̇ваа нивад̇д̇зссаами на’’ни жинд̇зд̇ваа жад̇ассо г̇аат̇ааяо абхааси –

    Taṃ sutvā paṇḍito ‘‘ayaṃ rājā ativiya kāmagiddho andhabālabhāvena imesaṃ catunnaṃ vacanaṃ gaṇhāti, gamane dosaṃ kathetvā nivattessāmi na’’ni cintetvā catasso gāthāyo abhāsi –

    605.

    605.

    ‘‘ж̇аанааси ко рааж̇а махаанубхааво, махаб̣б̣ало жуул̣аниб̣рахмад̣̇ад̇д̇о;

    ‘‘Jānāsi kho rāja mahānubhāvo, mahabbalo cūḷanibrahmadatto;

    рааж̇аа жа д̇ам̣ ижчад̇и мааран̣ад̇т̇ам̣, миг̇ам̣ яат̇аа огажарзна луд̣̇д̣̇о.

    Rājā ca taṃ icchati māraṇatthaṃ, migaṃ yathā okacarena luddo.

    606.

    606.

    ‘‘яат̇ааби мажчо б̣ал̣исам̣, ван̇гам̣ мам̣сзна чаад̣̇ид̇ам̣;

    ‘‘Yathāpi maccho baḷisaṃ, vaṅkaṃ maṃsena chāditaṃ;

    аамаг̇ид̣̇д̇хо на ж̇аанаад̇и, мажчо маран̣амад̇д̇ано.

    Āmagiddho na jānāti, maccho maraṇamattano.

    607.

    607.

    ‘‘звамзва д̇увам̣ рааж̇а, жуул̣анзяяасса д̇хийд̇арам̣;

    ‘‘Evameva tuvaṃ rāja, cūḷaneyyassa dhītaraṃ;

    гаамаг̇ид̣̇д̇хо на ж̇аанааси, мажчова маран̣амад̇д̇ано.

    Kāmagiddho na jānāsi, macchova maraṇamattano.

    608.

    608.

    ‘‘сажз г̇ажчаси бан̃жаалам̣, киббамад̇д̇ам̣ ж̇ахиссаси;

    ‘‘Sace gacchasi pañcālaṃ, khippamattaṃ jahissasi;

    миг̇ам̣ бант̇аануб̣анд̇хам̣ва, маханд̇ам̣ бхаяамзссад̇ий’’д̇и.

    Migaṃ panthānubandhaṃva, mahantaṃ bhayamessatī’’ti.

    д̇ад̇т̇а рааж̇аад̇и вид̣̇зхам̣ аалабад̇и. махаанубхаавод̇и махааяасо. махаб̣б̣алод̇и адтарасаагкобхан̣исан̇кзна б̣алзна саманнааг̇ад̇о. мааран̣ад̇т̇анд̇и мааран̣асса ад̇т̇ааяа. огажарзнаад̇и огажааригааяа миг̇ияаа. луд̣̇д̣̇о хи згам̣ миг̇им̣ сигкаабзд̇ваа раж̇ж̇угзна б̣анд̇хид̇ваа аран̃н̃ам̣ нзд̇ваа миг̇аанам̣ г̇ожарадтаанз табзси. саа б̣ааламиг̇ам̣ ад̇д̇ано санд̇игам̣ аанзд̇угаамаа сагасан̃н̃ааяа рааг̇ам̣ ж̇анзнд̇ий виравад̇и. д̇ассаа сад̣̇д̣̇ам̣ суд̇ваа б̣ааламиг̇о миг̇аг̇ан̣абаривуд̇о ванаг̇умб̣з нибанно сзсамиг̇ийсу сан̃н̃ам̣ агад̇ваа д̇ассаа сад̣̇д̣̇ассаванасам̣саг̇г̇зна б̣ад̣̇д̇хо вудтааяа нигкамид̇ваа г̇ийвам̣ угкибид̇ваа гилзсавасзна д̇ам̣ миг̇им̣ убаг̇анд̇ваа луд̣̇д̣̇асса бассам̣ д̣̇ад̇ваа д̇идтад̇и. д̇амзнам̣ со д̇икин̣ааяа сад̇д̇ияаа виж̇жхид̇ваа ж̇ийвид̇агкаяам̣ баабзд̇и. д̇ад̇т̇а луд̣̇д̣̇о вияа жуул̣анирааж̇аа, огажааригаа вияа асса д̇хийд̇аа, луд̣̇д̣̇асса хад̇т̇з аавуд̇хам̣ вияа гзваддаб̣раахман̣о. ид̇и яат̇аа огажарзна луд̣̇д̣̇о миг̇ам̣ мааран̣ад̇т̇ааяа ижчад̇и, звам̣ соби рааж̇аа д̇ам̣ ижчад̇ийд̇и ад̇т̇о.

    Tattha rājāti videhaṃ ālapati. Mahānubhāvoti mahāyaso. Mahabbaloti aṭṭharasaakkhobhaṇisaṅkhena balena samannāgato. Māraṇatthanti māraṇassa atthāya. Okacarenāti okacārikāya migiyā. Luddo hi ekaṃ migiṃ sikkhāpetvā rajjukena bandhitvā araññaṃ netvā migānaṃ gocaraṭṭhāne ṭhapesi. Sā bālamigaṃ attano santikaṃ ānetukāmā sakasaññāya rāgaṃ janentī viravati. Tassā saddaṃ sutvā bālamigo migagaṇaparivuto vanagumbe nipanno sesamigīsu saññaṃ akatvā tassā saddassavanasaṃsaggena baddho vuṭṭhāya nikkhamitvā gīvaṃ ukkhipitvā kilesavasena taṃ migiṃ upagantvā luddassa passaṃ datvā tiṭṭhati. Tamenaṃ so tikhiṇāya sattiyā vijjhitvā jīvitakkhayaṃ pāpeti. Tattha luddo viya cūḷanirājā, okacārikā viya assa dhītā, luddassa hatthe āvudhaṃ viya kevaṭṭabrāhmaṇo. Iti yathā okacarena luddo migaṃ māraṇatthāya icchati, evaṃ sopi rājā taṃ icchatīti attho.

    аамаг̇ид̣̇д̇ход̇и б̣яаамасад̇аг̇амбхийрз уд̣̇агз васанд̇оби д̇асмим̣ б̣ал̣исасса ван̇гадтаанам̣ чаад̣̇зд̇ваа тид̇з аамасан̇каад̇з аамисз г̇ид̣̇д̇хо худ̇ваа б̣ал̣исам̣ г̇илад̇и, ад̇д̇ано маран̣ам̣ на ж̇аанаад̇и. д̇хийд̇аранд̇и жуул̣аниб̣аал̣исигасса гзваддаб̣раахман̣асса важанаб̣ал̣исам̣ чаад̣̇зд̇ваа тид̇ам̣ аамисасад̣̇исам̣. д̇асса ран̃н̃о д̇хийд̇арам̣ гаамаг̇ид̣̇д̇хо худ̇ваа мажчо ад̇д̇ано маран̣асан̇каад̇ам̣ аамисам̣ вияа на ж̇аанааси. бан̃жааланд̇и уд̇д̇арабан̃жааланаг̇арам̣. ад̇д̇анд̇и ад̇д̇аанам̣. бант̇аануб̣анд̇ханд̇и яат̇аа г̇аамад̣̇ваарамаг̇г̇ам̣ ануб̣анд̇хамиг̇ам̣ маханд̇ам̣ бхаяамзссад̇и, д̇ан̃хи миг̇ам̣ мааран̣ад̇т̇ааяа аавуд̇хаани г̇ахзд̇ваа нигканд̇зсу мануссзсу яз яз бассанд̇и, д̇з д̇з маарзнд̇и, звам̣ уд̇д̇арабан̃жааланаг̇арам̣ г̇ажчанд̇амби д̇ам̣ маханд̇ам̣ маран̣абхаяам̣ зссад̇и убаг̇амиссад̇ийд̇и.

    Āmagiddhoti byāmasatagambhīre udake vasantopi tasmiṃ baḷisassa vaṅkaṭṭhānaṃ chādetvā ṭhite āmasaṅkhāte āmise giddho hutvā baḷisaṃ gilati, attano maraṇaṃ na jānāti. Dhītaranti cūḷanibāḷisikassa kevaṭṭabrāhmaṇassa vacanabaḷisaṃ chādetvā ṭhitaṃ āmisasadisaṃ. Tassa rañño dhītaraṃ kāmagiddho hutvā maccho attano maraṇasaṅkhātaṃ āmisaṃ viya na jānāsi. Pañcālanti uttarapañcālanagaraṃ. Attanti attānaṃ. Panthānubandhanti yathā gāmadvāramaggaṃ anubandhamigaṃ mahantaṃ bhayamessati, tañhi migaṃ māraṇatthāya āvudhāni gahetvā nikkhantesu manussesu ye ye passanti, te te mārenti, evaṃ uttarapañcālanagaraṃ gacchantampi taṃ mahantaṃ maraṇabhayaṃ essati upagamissatīti.

    звам̣ махаасад̇д̇о жад̇уухи г̇аат̇аахи рааж̇аанам̣ ниг̇г̇ан̣хид̇ваа гат̇зси. со рааж̇аа д̇зна ад̇ивияа ниг̇г̇ахид̇ова ‘‘аяам̣ мам̣ ад̇д̇ано д̣̇аасам̣ вияа ман̃н̃ад̇и, рааж̇аад̇и сан̃н̃амби на гарод̇и, аг̇г̇арааж̇зна ‘д̇хийд̇арам̣ д̣̇ассаамий’д̇и мама санд̇игам̣ бзсид̇ам̣ н̃ад̇ваа згамби ман̇г̇алабадисам̣яуд̇д̇ам̣ гат̇ам̣ агат̇зд̇ваа мам̣ ‘б̣ааламиг̇о вияа, г̇илид̇аб̣ал̣исамажчо вияа бант̇аануб̣анд̇хамиг̇о вияа, маран̣ам̣ баабун̣иссад̇ий’д̇и вад̣̇ад̇ий’’д̇и гуж̇жхид̇ваа ананд̇арам̣ г̇аат̇амааха –

    Evaṃ mahāsatto catūhi gāthāhi rājānaṃ niggaṇhitvā kathesi. So rājā tena ativiya niggahitova ‘‘ayaṃ maṃ attano dāsaṃ viya maññati, rājāti saññampi na karoti, aggarājena ‘dhītaraṃ dassāmī’ti mama santikaṃ pesitaṃ ñatvā ekampi maṅgalapaṭisaṃyuttaṃ kathaṃ akathetvā maṃ ‘bālamigo viya, gilitabaḷisamaccho viya panthānubandhamigo viya, maraṇaṃ pāpuṇissatī’ti vadatī’’ti kujjhitvā anantaraṃ gāthamāha –

    609.

    609.

    ‘‘маяамзва б̣ааламхасз зл̣амууг̇аа, яз уд̇д̇амад̇т̇аани д̇аяий лабимхаа;

    ‘‘Mayameva bālamhase eḷamūgā, ye uttamatthāni tayī lapimhā;

    гимзва д̇вам̣ нан̇г̇алагодивад̣дхо, ад̇т̇аани ж̇аанааси яат̇ааби ан̃н̃з’’д̇и.

    Kimeva tvaṃ naṅgalakoṭivaḍḍho, atthāni jānāsi yathāpi aññe’’ti.

    д̇ад̇т̇а б̣ааламхасзд̇и б̣аалаамха. зл̣амууг̇аад̇и лааламукаа маяамзва. уд̇д̇амад̇т̇аанийд̇и уд̇д̇амаид̇т̇ирад̇анабадилаабхагааран̣аани. д̇аяий лавимхаад̇и д̇ава санд̇игз гат̇аяимхаа. гимзваад̇и г̇арахад̇т̇з нибаад̇о. нан̇г̇алагодивад̣дход̇и г̇ахабад̇ибуд̇д̇о д̣̇ахарагаалад̇о бадтааяа нан̇г̇алагодим̣ ваханд̇оязва вад̣дхад̇и, д̇амад̇т̇ам̣ санд̇хааяа ‘‘д̇вам̣ г̇ахабад̇игаммамзва ж̇аанааси, на кад̇д̇ияаанам̣ ман̇г̇алагамма’’нд̇и иминаа ад̇хиббааязнзвамааха. ан̃н̃зд̇и яат̇аа гзваддо ваа сзнагаад̣̇аяо ваа ан̃н̃з бан̣д̣ид̇аа имаани кад̇д̇ияаанам̣ ман̇г̇алад̇т̇аани ж̇аананд̇и, д̇ат̇аа д̇вам̣ д̇аани гим̣ ж̇аанааси, г̇ахабад̇игаммаж̇аананамзва д̇аваанужчавиганд̇и.

    Tattha bālamhaseti bālāmha. Eḷamūgāti lālamukhā mayameva. Uttamatthānīti uttamaitthiratanapaṭilābhakāraṇāni. Tayī lavimhāti tava santike kathayimhā. Kimevāti garahatthe nipāto. Naṅgalakoṭivaḍḍhoti gahapatiputto daharakālato paṭṭhāya naṅgalakoṭiṃ vahantoyeva vaḍḍhati, tamatthaṃ sandhāya ‘‘tvaṃ gahapatikammameva jānāsi, na khattiyānaṃ maṅgalakamma’’nti iminā adhippāyenevamāha. Aññeti yathā kevaṭṭo vā senakādayo vā aññe paṇḍitā imāni khattiyānaṃ maṅgalatthāni jānanti, tathā tvaṃ tāni kiṃ jānāsi, gahapatikammajānanameva tavānucchavikanti.

    ид̇и нам̣ аггосид̇ваа барибхаасид̇ваа ‘‘г̇ахабад̇ибуд̇д̇о мама ман̇г̇аланд̇арааяам̣ гарод̇и, нийхарат̇а на’’нд̇и нийхараабзд̇ум̣ г̇аат̇амааха –

    Iti naṃ akkositvā paribhāsitvā ‘‘gahapatiputto mama maṅgalantarāyaṃ karoti, nīharatha na’’nti nīharāpetuṃ gāthamāha –

    610.

    610.

    ‘‘имам̣ г̇алз г̇ахзд̇ваана, наасзт̇а виж̇ид̇аа мама;

    ‘‘Imaṃ gale gahetvāna, nāsetha vijitā mama;

    яо мз рад̇аналаабхасса, анд̇арааяааяа бхаасад̇ий’’д̇и.

    Yo me ratanalābhassa, antarāyāya bhāsatī’’ti.

    со ран̃н̃о гуд̣̇д̇хабхаавам̣ н̃ад̇ваа ‘‘сажз ко бана мам̣ гожи ран̃н̃о важанам̣ г̇ахзд̇ваа хад̇т̇з ваа г̇ийвааяа ваа бараамасзяяа, д̇ам̣ мз алам̣ асса яааваж̇ийвам̣ лаж̇ж̇ид̇ум̣, д̇асмаа саяамзва нигкамиссаамий’’д̇и жинд̇зд̇ваа рааж̇аанам̣ ванд̣̇ид̇ваа ад̇д̇ано г̇зхам̣ г̇ад̇о. рааж̇ааби гзвалам̣ год̇хавасзнзва вад̣̇ад̇и, б̣од̇хисад̇д̇з бана г̇аружид̇д̇ад̇ааяа на ган̃жи д̇ат̇аа гаад̇ум̣ аан̣аабзси. ат̇а махаасад̇д̇о ‘‘аяам̣ рааж̇аа б̣аало ад̇д̇ано хид̇аахид̇ам̣ на ж̇аанаад̇и , гаамаг̇ид̣̇д̇хо худ̇ваа ‘д̇асса д̇хийд̇арам̣ лабхиссаамиязваа’д̇и анааг̇ад̇абхаяам̣ аж̇аанид̇ваа г̇ажчанд̇о махаавинаасам̣ баабун̣иссад̇и. наасса гат̇ам̣ хад̣̇аяз гаад̇ум̣ ваддад̇и, б̣ахубагааро мз зса махааяасад̣̇ааяаго, имасса маяаа бажжаязна бхавид̇ум̣ ваддад̇и. батамам̣ ко бана сувабод̇агам̣ бзсзд̇ваа д̇ат̇ад̇о н̃ад̇ваа бажчаа ахам̣ г̇амиссаамий’’д̇и жинд̇зд̇ваа сувабод̇агам̣ бзсзси. д̇амад̇т̇ам̣ багаасзнд̇о сад̇т̇аа ааха –

    So rañño kuddhabhāvaṃ ñatvā ‘‘sace kho pana maṃ koci rañño vacanaṃ gahetvā hatthe vā gīvāya vā parāmaseyya, taṃ me alaṃ assa yāvajīvaṃ lajjituṃ, tasmā sayameva nikkhamissāmī’’ti cintetvā rājānaṃ vanditvā attano gehaṃ gato. Rājāpi kevalaṃ kodhavaseneva vadati, bodhisatte pana garucittatāya na kañci tathā kātuṃ āṇāpesi. Atha mahāsatto ‘‘ayaṃ rājā bālo attano hitāhitaṃ na jānāti , kāmagiddho hutvā ‘tassa dhītaraṃ labhissāmiyevā’ti anāgatabhayaṃ ajānitvā gacchanto mahāvināsaṃ pāpuṇissati. Nāssa kathaṃ hadaye kātuṃ vaṭṭati, bahupakāro me esa mahāyasadāyako, imassa mayā paccayena bhavituṃ vaṭṭati. Paṭhamaṃ kho pana suvapotakaṃ pesetvā tathato ñatvā pacchā ahaṃ gamissāmī’’ti cintetvā suvapotakaṃ pesesi. Tamatthaṃ pakāsento satthā āha –

    611.

    611.

    ‘‘д̇ад̇о жа со абаггамма, взд̣̇зхасса убанд̇игаа;

    ‘‘Tato ca so apakkamma, vedehassa upantikā;

    ат̇а ааманд̇аяий д̣̇ууд̇ам̣, маад̇харам̣ сувабан̣д̣ид̇ам̣.

    Atha āmantayī dūtaṃ, mādharaṃ suvapaṇḍitaṃ.

    612.

    612.

    ‘‘зхи самма харид̇абагка, взяяааважжам̣ гарохи мз;

    ‘‘Ehi samma haritapakkha, veyyāvaccaṃ karohi me;

    ад̇т̇и бан̃жааларааж̇асса, саал̣игаа саяанабаалигаа.

    Atthi pañcālarājassa, sāḷikā sayanapālikā.

    613.

    613.

    ‘‘д̇ам̣ б̣анд̇ханзна бужчассу, саа хи саб̣б̣асса говид̣̇аа;

    ‘‘Taṃ bandhanena pucchassu, sā hi sabbassa kovidā;

    саа д̇зсам̣ саб̣б̣ам̣ ж̇аанаад̇и, ран̃н̃о жа госияасса жа.

    Sā tesaṃ sabbaṃ jānāti, rañño ca kosiyassa ca.

    614.

    614.

    ‘‘аамод̇и со бадиссуд̇ваа, маад̇харо сувабан̣д̣ид̇о;

    ‘‘Āmoti so paṭissutvā, mādharo suvapaṇḍito;

    аг̇амааси харид̇абагко, саал̣игааяа убанд̇игам̣.

    Agamāsi haritapakkho, sāḷikāya upantikaṃ.

    615.

    615.

    ‘‘д̇ад̇о жа ко со г̇анд̇ваана, маад̇харо сувабан̣д̣ид̇о;

    ‘‘Tato ca kho so gantvāna, mādharo suvapaṇḍito;

    ат̇ааманд̇аяи сугхарам̣, саал̣игам̣ ман̃ж̇убхаан̣игам̣.

    Athāmantayi sugharaṃ, sāḷikaṃ mañjubhāṇikaṃ.

    616.

    616.

    ‘‘гажжи д̇з сугхарз каманийяам̣, гажжи взссз анаамаяам̣;

    ‘‘Kacci te sughare khamanīyaṃ, kacci vesse anāmayaṃ;

    гажжи д̇з мад̇хунаа лааж̇аа, лаб̣бхад̇з сугхарз д̇увам̣.

    Kacci te madhunā lājā, labbhate sughare tuvaṃ.

    617.

    617.

    ‘‘гусалан̃жзва мз самма, ат̇о самма анаамаяам̣;

    ‘‘Kusalañceva me samma, atho samma anāmayaṃ;

    ат̇о мз мад̇хунаа лааж̇аа, лаб̣бхад̇з сувабан̣д̣ид̇а.

    Atho me madhunā lājā, labbhate suvapaṇḍita.

    618.

    618.

    ‘‘гуд̇о ну самма ааг̇амма, гасса ваа бахид̇о д̇увам̣;

    ‘‘Kuto nu samma āgamma, kassa vā pahito tuvaṃ;

    на жа мзси ид̇о буб̣б̣з, д̣̇идто ваа яад̣̇и ваа суд̇о’’д̇и.

    Na ca mesi ito pubbe, diṭṭho vā yadi vā suto’’ti.

    д̇ад̇т̇а харид̇абагкаад̇и харид̇абад̇д̇асамаанабагкаа. взяяааважжанд̇и ‘‘зхи, саммаа’’д̇и вуд̇д̇з ааг̇анд̇ваа ан̇гз нисиннам̣ ‘‘самма, ан̃н̃зна мануссабхууд̇зна гаад̇ум̣ асаггун̣зяяам̣ мамзгам̣ взяяаавадигам̣ гарохий’’д̇и ааха.

    Tattha haritapakkhāti haritapattasamānapakkhā. Veyyāvaccanti ‘‘ehi, sammā’’ti vutte āgantvā aṅke nisinnaṃ ‘‘samma, aññena manussabhūtena kātuṃ asakkuṇeyyaṃ mamekaṃ veyyāvaṭikaṃ karohī’’ti āha.

    ‘‘гим̣ гароми, д̣̇зваа’’д̇и вуд̇д̇з ‘‘самма, гзваддаб̣раахман̣асса д̣̇ууд̇зяязнааг̇ад̇агааран̣ам̣ табзд̇ваа рааж̇аанан̃жа гзваддан̃жа ан̃н̃з на ж̇аананд̇и, убхова ран̃н̃о саяанаг̇аб̣бхз нисиннаа манд̇аяим̣су. д̇асса бана ад̇т̇и бан̃жааларааж̇асса саал̣игаа саяанабаалигаа. саа гира д̇ам̣ рахассам̣ ж̇аанаад̇и, д̇вам̣ д̇ад̇т̇а г̇анд̇ваа д̇ааяа сад̣̇д̇хим̣ мзт̇унабадисам̣яуд̇д̇ам̣ виссаасам̣ гад̇ваа д̇зсам̣ д̇ам̣ рахассам̣ б̣анд̇ханзна бужчассу. д̇ам̣ саал̣игам̣ бадижчаннз бад̣̇зсз яат̇аа д̇ам̣ гожи на ж̇аанаад̇и, звам̣ бужча. сажз хи д̇з гожи сад̣̇д̣̇ам̣ сун̣аад̇и, ж̇ийвид̇ам̣ д̇з над̇т̇и, д̇асмаа бадижчаннз таанз сан̣игам̣ бужчаа’’д̇и. саа д̇зсам̣ саб̣б̣анд̇и саа д̇зсам̣ ран̃н̃о жа госияаг̇од̇д̇асса жа гзваддассаад̇и д̣̇виннамби ж̇анаанам̣ саб̣б̣ам̣ рахассам̣ ж̇аанаад̇и.

    ‘‘Kiṃ karomi, devā’’ti vutte ‘‘samma, kevaṭṭabrāhmaṇassa dūteyyenāgatakāraṇaṃ ṭhapetvā rājānañca kevaṭṭañca aññe na jānanti, ubhova rañño sayanagabbhe nisinnā mantayiṃsu. Tassa pana atthi pañcālarājassa sāḷikā sayanapālikā. Sā kira taṃ rahassaṃ jānāti, tvaṃ tattha gantvā tāya saddhiṃ methunapaṭisaṃyuttaṃ vissāsaṃ katvā tesaṃ taṃ rahassaṃ bandhanena pucchassu. Taṃ sāḷikaṃ paṭicchanne padese yathā taṃ koci na jānāti, evaṃ puccha. Sace hi te koci saddaṃ suṇāti, jīvitaṃ te natthi, tasmā paṭicchanne ṭhāne saṇikaṃ pucchā’’ti. Sā tesaṃ sabbanti sā tesaṃ rañño ca kosiyagottassa ca kevaṭṭassāti dvinnampi janānaṃ sabbaṃ rahassaṃ jānāti.

    аамод̇ийд̇и бхигкавз, со сувабод̇аго бан̣д̣ид̇зна буриманаязнзва саггаарам̣ гад̇ваа бзсид̇о ‘‘аамо’’д̇и д̇асса бадиссуд̇ваа махаасад̇д̇ам̣ ванд̣̇ид̇ваа бад̣̇агкин̣ам̣ гад̇ваа вивадасийхабан̃ж̇арзна нигкамид̇ваа ваад̇авзг̇зна сивирадтз аридтабурам̣ наама г̇анд̇ваа д̇ад̇т̇а бавад̇д̇им̣ саллагкзд̇ваа саал̣игааяа санд̇игам̣ г̇ад̇о. гат̇ам̣? со хи рааж̇анивзсанасса ган̃жанат̇убигааяа нисийд̣̇ид̇ваа рааг̇аниссид̇ам̣ мад̇хураравам̣ рави. гим̣ гааран̣аа? имам̣ сад̣̇д̣̇ам̣ суд̇ваа саал̣игаа бадирависсад̇и, д̇ааяа сан̃н̃ааяа д̇ассаа санд̇игам̣ г̇амиссаамийд̇и. сааби д̇асса сад̣̇д̣̇ам̣ суд̇ваа рааж̇асаяанасса санд̇игз суван̣н̣абан̃ж̇арз нисиннаа рааг̇арад̇д̇ажид̇д̇аа худ̇ваа д̇игкад̇д̇ум̣ бадирави. со т̇огам̣ г̇анд̇ваа бунаббунам̣ сад̣̇д̣̇ам̣ гад̇ваа д̇ааяа гад̇асад̣̇д̣̇аанусаарзна гамзна сийхабан̃ж̇арауммаарз тад̇ваа бариссаяаабхаавам̣ ологзд̇ваа д̇ассаа санд̇игам̣ г̇ад̇о. ат̇а нам̣ саа ‘‘зхи, самма, суван̣н̣абан̃ж̇арз нисийд̣̇аа’’д̇и ааха. со г̇анд̇ваа нисийд̣̇и. ааманд̇аяийд̇и звам̣ со г̇анд̇ваа мзт̇унабадисам̣яуд̇д̇ам̣ виссаасам̣ гад̇д̇угаамо худ̇ваа д̇ам̣ ааманд̇зси. сугхаранд̇и ган̃жанабан̃ж̇арз васанад̇ааяа сунд̣̇арагхарам̣. взссзд̇и взссигз взссаж̇аад̇игз. саал̣игаа гира сагун̣зсу взссаж̇аад̇игаа наама, д̇зна д̇ам̣ звам̣ аалабад̇и. д̇уванд̇и сугхарз д̇ам̣ бужчаами ‘‘гажжи д̇з мад̇хунаа сад̣̇д̇хим̣ лааж̇аа лаб̣бхад̇ий’’д̇и. ааг̇аммаад̇и самма, гуд̇о ааг̇анд̇ваа ид̇ха бавидтод̇и бужчад̇и. гасса ваад̇и гзна ваа бзсид̇о д̇вам̣ ид̇хааг̇ад̇од̇и.

    Āmotīti bhikkhave, so suvapotako paṇḍitena purimanayeneva sakkāraṃ katvā pesito ‘‘āmo’’ti tassa paṭissutvā mahāsattaṃ vanditvā padakkhiṇaṃ katvā vivaṭasīhapañjarena nikkhamitvā vātavegena siviraṭṭhe ariṭṭhapuraṃ nāma gantvā tattha pavattiṃ sallakkhetvā sāḷikāya santikaṃ gato. Kathaṃ? So hi rājanivesanassa kañcanathupikāya nisīditvā rāganissitaṃ madhuraravaṃ ravi. Kiṃ kāraṇā? Imaṃ saddaṃ sutvā sāḷikā paṭiravissati, tāya saññāya tassā santikaṃ gamissāmīti. Sāpi tassa saddaṃ sutvā rājasayanassa santike suvaṇṇapañjare nisinnā rāgarattacittā hutvā tikkhattuṃ paṭiravi. So thokaṃ gantvā punappunaṃ saddaṃ katvā tāya katasaddānusārena kamena sīhapañjaraummāre ṭhatvā parissayābhāvaṃ oloketvā tassā santikaṃ gato. Atha naṃ sā ‘‘ehi, samma, suvaṇṇapañjare nisīdā’’ti āha. So gantvā nisīdi. Āmantayīti evaṃ so gantvā methunapaṭisaṃyuttaṃ vissāsaṃ kattukāmo hutvā taṃ āmantesi. Sugharanti kañcanapañjare vasanatāya sundaragharaṃ. Vesseti vessike vessajātike. Sāḷikā kira sakuṇesu vessajātikā nāma, tena taṃ evaṃ ālapati. Tuvanti sughare taṃ pucchāmi ‘‘kacci te madhunā saddhiṃ lājā labbhatī’’ti. Āgammāti samma, kuto āgantvā idha paviṭṭhoti pucchati. Kassa vāti kena vā pesito tvaṃ idhāgatoti.

    со д̇ассаа важанам̣ суд̇ваа ‘‘сажаахам̣ ‘мит̇илад̇о ааг̇ад̇о’д̇и вагкаами, зсаа маран̣амаабаннааби маяаа сад̣̇д̇хим̣ виссаасам̣ на гариссад̇и. сивирадтз ко бана аридтабурам̣ саллагкзд̇ваа ааг̇ад̇о, д̇асмаа мусааваад̣̇ам̣ гад̇ваа сивирааж̇зна бзсид̇о худ̇ваа д̇ад̇о ааг̇ад̇абхаавам̣ гат̇зссаамий’’д̇и жинд̇зд̇ваа ааха –

    So tassā vacanaṃ sutvā ‘‘sacāhaṃ ‘mithilato āgato’ti vakkhāmi, esā maraṇamāpannāpi mayā saddhiṃ vissāsaṃ na karissati. Siviraṭṭhe kho pana ariṭṭhapuraṃ sallakkhetvā āgato, tasmā musāvādaṃ katvā sivirājena pesito hutvā tato āgatabhāvaṃ kathessāmī’’ti cintetvā āha –

    619.

    619.

    ‘‘ахосим̣ сивирааж̇асса, баасаад̣̇з саяанабаалаго;

    ‘‘Ahosiṃ sivirājassa, pāsāde sayanapālako;

    д̇ад̇о со д̇хаммиго рааж̇аа, б̣ад̣̇д̇хз можзси б̣анд̇ханаа’’д̇и.

    Tato so dhammiko rājā, baddhe mocesi bandhanā’’ti.

    д̇ад̇т̇а б̣ад̣̇д̇хзд̇и ад̇д̇ано д̇хаммигад̇ааяа саб̣б̣з б̣ад̣̇д̇хагз б̣анд̇ханаа можзси. звам̣ можзнд̇о мамби сад̣̇д̣̇ахид̇ваа ‘‘мун̃жат̇а на’’нд̇и можаабзси. сохам̣ вивадаа суван̣н̣абан̃ж̇араа нигкамид̇вааби б̣ахибаасаад̣̇з яад̇т̇ижчаами, д̇ад̇т̇а г̇ожарам̣ г̇ахзд̇ваа суван̣н̣абан̃ж̇арзязва васаами. яат̇аа д̇вам̣, на звам̣ нижжагаалам̣ бан̃ж̇арзязва ажчаамийд̇и.

    Tattha baddheti attano dhammikatāya sabbe baddhake bandhanā mocesi. Evaṃ mocento mampi saddahitvā ‘‘muñcatha na’’nti mocāpesi. Sohaṃ vivaṭā suvaṇṇapañjarā nikkhamitvāpi bahipāsāde yatthicchāmi, tattha gocaraṃ gahetvā suvaṇṇapañjareyeva vasāmi. Yathā tvaṃ, na evaṃ niccakālaṃ pañjareyeva acchāmīti.

    ат̇асса саа ад̇д̇ано ад̇т̇ааяа суван̣н̣ад̇аддагз табид̇з мад̇хулааж̇з жзва мад̇хурод̣̇аган̃жа д̣̇ад̇ваа ‘‘самма, д̇вам̣ д̣̇уурад̇о ааг̇ад̇о, гзнад̇т̇зна ид̇хааг̇ад̇осий’’д̇и бужчи. со д̇ассаа важанам̣ суд̇ваа рахассам̣ сод̇угаамо мусааваад̣̇ам̣ гад̇ваа ааха –

    Athassa sā attano atthāya suvaṇṇataṭṭake ṭhapite madhulāje ceva madhurodakañca datvā ‘‘samma, tvaṃ dūrato āgato, kenatthena idhāgatosī’’ti pucchi. So tassā vacanaṃ sutvā rahassaṃ sotukāmo musāvādaṃ katvā āha –

    620.

    620.

    ‘‘д̇асса мзгаа д̣̇уд̇ияааси, саал̣игаа ман̃ж̇убхаан̣игаа;

    ‘‘Tassa mekā dutiyāsi, sāḷikā mañjubhāṇikā;

    д̇ам̣ д̇ад̇т̇а авад̇хий сзно, бзгкад̇о сугхарз мамаа’’д̇и.

    Taṃ tattha avadhī seno, pekkhato sughare mamā’’ti.

    д̇ад̇т̇а д̇асса мзгаад̇и д̇асса маяхам̣ згаа. д̣̇уд̇ияаасийд̇и бураан̣ад̣̇уд̇ияигаа ахоси.

    Tattha tassa mekāti tassa mayhaṃ ekā. Dutiyāsīti purāṇadutiyikā ahosi.

    ат̇а нам̣ саа бужчи ‘‘гат̇ам̣ бана д̇з бхарияам̣ сзно авад̇хий’’д̇и? со д̇ассаа аажигканд̇о ‘‘сун̣а бхад̣̇д̣̇з, згад̣̇ивасам̣ амхаагам̣ рааж̇аа уд̣̇агагийл̣ам̣ г̇ажчанд̇о мамби баггоси. ат̇аахам̣ бхарияам̣ аад̣̇ааяа д̇зна сад̣̇д̇хим̣ г̇анд̇ваа гийл̣ид̇ваа сааяанхасамаяз д̇знзва сад̣̇д̇хим̣ бажжааг̇анд̇ваа ран̃н̃аа сад̣̇д̇хим̣язва баасаад̣̇ам̣ абхируяха сарийрам̣ сугкаабанад̇т̇ааяа бхарияам̣ аад̣̇ааяа сийхабан̃ж̇арзна нигкамид̇ваа гуудааг̇аарагужчияам̣ нисийд̣̇им̣. д̇асмим̣ кан̣з зго сзно гуудааг̇аараа нигканд̇о амхз г̇ан̣хид̇ум̣ багканд̣̇и. ахам̣ маран̣абхаяабхийд̇о взг̇зна балааяим̣. саа бана д̇ад̣̇аа г̇аруг̇аб̣бхаа ахоси, д̇асмаа взг̇зна балааяид̇ум̣ наасагки. ат̇а со маяхам̣ бассанд̇ассзва д̇ам̣ маарзд̇ваа аад̣̇ааяа г̇ад̇о. ат̇а мам̣ д̇ассаа согзна род̣̇амаанам̣ д̣̇исваа амхаагам̣ рааж̇аа ‘самма, гим̣ род̣̇асий’д̇и бужчид̇ваа д̇амад̇т̇ам̣ суд̇ваа ‘маа б̣аал̣хам̣, самма, род̣̇аси, ан̃н̃ам̣ бхарияам̣ бариязсаахий’д̇и вад̇ваа ‘гим̣, д̣̇зва, ан̃н̃ааяа анаажаарааяа д̣̇уссийлааяа бхарияааяа аанийд̇ааяа, д̇ад̇оби згагзнзва жарид̇ум̣ вара’нд̇и вуд̇д̇з ‘самма, ахам̣ згам̣ сагун̣игам̣ сийлаажаарасамбаннам̣ ассосим̣, д̇ава бхарияааяа сад̣̇исамзва. жуул̣анирааж̇асса хи саяанабаалигаа саал̣игаа зваруубаа, д̇вам̣ д̇ад̇т̇а г̇анд̇ваа д̇ассаа манам̣ бужчид̇ваа огаасам̣ гаарзд̇ваа сажз д̇з ружжад̇и, ааг̇анд̇ваа амхаагам̣ аажигка. ат̇аахам̣ во виваахам̣ гад̇ваа маханд̇зна бариваарзна д̇ам̣ аанзссаамаа’д̇и вад̇ваа мам̣ ид̇ха бахин̣и, д̇знамхи гааран̣знааг̇ад̇о’’д̇и вад̇ваа г̇аат̇ам̣ ааха –

    Atha naṃ sā pucchi ‘‘kathaṃ pana te bhariyaṃ seno avadhī’’ti? So tassā ācikkhanto ‘‘suṇa bhadde, ekadivasaṃ amhākaṃ rājā udakakīḷaṃ gacchanto mampi pakkosi. Athāhaṃ bhariyaṃ ādāya tena saddhiṃ gantvā kīḷitvā sāyanhasamaye teneva saddhiṃ paccāgantvā raññā saddhiṃyeva pāsādaṃ abhiruyha sarīraṃ sukkhāpanatthāya bhariyaṃ ādāya sīhapañjarena nikkhamitvā kūṭāgārakucchiyaṃ nisīdiṃ. Tasmiṃ khaṇe eko seno kūṭāgārā nikkhanto amhe gaṇhituṃ pakkhandi. Ahaṃ maraṇabhayabhīto vegena palāyiṃ. Sā pana tadā garugabbhā ahosi, tasmā vegena palāyituṃ nāsakkhi. Atha so mayhaṃ passantasseva taṃ māretvā ādāya gato. Atha maṃ tassā sokena rodamānaṃ disvā amhākaṃ rājā ‘samma, kiṃ rodasī’ti pucchitvā tamatthaṃ sutvā ‘mā bāḷhaṃ, samma, rodasi, aññaṃ bhariyaṃ pariyesāhī’ti vatvā ‘kiṃ, deva, aññāya anācārāya dussīlāya bhariyāya ānītāya, tatopi ekakeneva carituṃ vara’nti vutte ‘samma, ahaṃ ekaṃ sakuṇikaṃ sīlācārasampannaṃ assosiṃ, tava bhariyāya sadisameva. Cūḷanirājassa hi sayanapālikā sāḷikā evarūpā, tvaṃ tattha gantvā tassā manaṃ pucchitvā okāsaṃ kāretvā sace te ruccati, āgantvā amhākaṃ ācikkha. Athāhaṃ vo vivāhaṃ katvā mahantena parivārena taṃ ānessāmā’ti vatvā maṃ idha pahiṇi, tenamhi kāraṇenāgato’’ti vatvā gāthaṃ āha –

    621.

    621.

    ‘‘д̇ассаа гаамаа хи саммад̇д̇о, ааг̇ад̇осми д̇аванд̇и гз;

    ‘‘Tassā kāmā hi sammatto, āgatosmi tavanti ke;

    сажз гарзяяа огаасам̣, убхаяова васаамасз’’д̇и.

    Sace kareyya okāsaṃ, ubhayova vasāmase’’ti.

    саа д̇асса важанам̣ суд̇ваа соманассаббад̇д̇аа ахоси. звам̣ санд̇зби ад̇д̇ано бияабхаавам̣ аж̇аанаабзд̇ваа анижчамаанаа вияа ааха –

    Sā tassa vacanaṃ sutvā somanassappattā ahosi. Evaṃ santepi attano piyabhāvaṃ ajānāpetvā anicchamānā viya āha –

    622.

    622.

    ‘‘сувова сувим̣ гаамзяяа, саал̣иго бана саал̣игам̣;

    ‘‘Suvova suviṃ kāmeyya, sāḷiko pana sāḷikaṃ;

    сувасса саал̣игааязва, сам̣ваасо ход̇и гийд̣̇исо’’д̇и.

    Suvassa sāḷikāyeva, saṃvāso hoti kīdiso’’ti.

    д̇ад̇т̇а сувод̇и самма сувабан̣д̣ид̇а, сувова сувим̣ гаамзяяа. гийд̣̇исод̇и асамаанаж̇аад̇игаанам̣ сам̣ваасо наама гийд̣̇исо ход̇и. суво хи самаанаж̇аад̇игам̣ сувим̣ д̣̇исваа жирасант̇авамби саал̣игам̣ ж̇ахиссад̇и, со бияавиббаяог̇о махад̇о д̣̇угкааяа бхависсад̇и, асамаанаж̇аад̇игаанам̣ сам̣ваасо наама на самзд̇ийд̇и.

    Tattha suvoti samma suvapaṇḍita, suvova suviṃ kāmeyya. Kīdisoti asamānajātikānaṃ saṃvāso nāma kīdiso hoti. Suvo hi samānajātikaṃ suviṃ disvā cirasanthavampi sāḷikaṃ jahissati, so piyavippayogo mahato dukkhāya bhavissati, asamānajātikānaṃ saṃvāso nāma na sametīti.

    ид̇аро д̇ам̣ суд̇ваа ‘‘аяам̣ мам̣ на бадигкибад̇и, барихаарамзва гарод̇и, ад̣̇д̇хаа мам̣ ижчиссад̇и, наанаавид̇хаахи нам̣ убамаахи сад̣̇д̣̇ахаабзссаамий’’д̇и жинд̇зд̇ваа ааха –

    Itaro taṃ sutvā ‘‘ayaṃ maṃ na paṭikkhipati, parihārameva karoti, addhā maṃ icchissati, nānāvidhāhi naṃ upamāhi saddahāpessāmī’’ti cintetvā āha –

    623.

    623.

    ‘‘яояам̣ гаамз гаамаяад̇и, аби жан̣д̣аалигаамаби;

    ‘‘Yoyaṃ kāme kāmayati, api caṇḍālikāmapi;

    саб̣б̣о хи сад̣̇исо ход̇и, над̇т̇и гаамз асаад̣̇исо’’д̇и.

    Sabbo hi sadiso hoti, natthi kāme asādiso’’ti.

    д̇ад̇т̇а жан̣д̣аалигаамабийд̇и жан̣д̣аалигам̣ аби. сад̣̇исод̇и жид̇д̇асад̣̇исад̇ааяа саб̣б̣о сам̣ваасо сад̣̇исова ход̇и. гаамасмин̃хи жид̇д̇амзва бамаан̣ам̣, на ж̇аад̇ийд̇и.

    Tattha caṇḍālikāmapīti caṇḍālikaṃ api. Sadisoti cittasadisatāya sabbo saṃvāso sadisova hoti. Kāmasmiñhi cittameva pamāṇaṃ, na jātīti.

    зван̃жа бана вад̇ваа мануссзсу д̇аава наанааж̇аад̇игаанам̣ самаанабхаавад̣̇ассанад̇т̇ам̣ ад̇ийд̇ам̣ аахарид̇ваа д̣̇ассзнд̇о ананд̇арам̣ г̇аат̇амааха –

    Evañca pana vatvā manussesu tāva nānājātikānaṃ samānabhāvadassanatthaṃ atītaṃ āharitvā dassento anantaraṃ gāthamāha –

    624.

    624.

    ‘‘ад̇т̇и ж̇амбаавад̇ий наама, маад̇аа сивисса рааж̇ино;

    ‘‘Atthi jampāvatī nāma, mātā sivissa rājino;

    саа бхарияаа ваасуд̣̇звасса, ган̣хасса махзсий бияаа’’д̇и.

    Sā bhariyā vāsudevassa, kaṇhassa mahesī piyā’’ti.

    д̇ад̇т̇а ж̇амбаавад̇ийд̇и сивиран̃н̃о маад̇аа ж̇амбаавад̇ий наама жан̣д̣аалий ахоси. саа ган̣хааяанаг̇од̇д̇асса д̣̇асабхаад̇игаанам̣ ж̇здтагасса ваасуд̣̇звасса бияаа махзсий ахоси. со гирзгад̣̇ивасам̣ д̣̇вааравад̇ид̇о нигкамид̇ваа уяяаанам̣ г̇ажчанд̇о наг̇арам̣ бависанд̇им̣ згаманд̇з тид̇ам̣ абхируубам̣ згам̣ жан̣д̣аалигам̣ д̣̇исваава бадиб̣ад̣̇д̇хажид̇д̇о худ̇ваа ‘‘гим̣ ж̇аад̇игаа’’д̇и бужчаабзд̇ваа ‘‘жан̣д̣аалаж̇аад̇игаа’’д̇и суд̇вааби бадиб̣ад̣̇д̇хажид̇д̇ад̇ааяа асаамигабхаавам̣ бужчаабзд̇ваа ‘‘асаамигаа’’д̇и суд̇ваа д̇ам̣ аад̣̇ааяа д̇ад̇о нивад̇д̇ид̇ваа нивзсанам̣ нзд̇ваа аг̇г̇амахзсим̣ агааси. саа сивим̣ наама буд̇д̇ам̣ виж̇ааяи. со бид̇у ажжаязна д̣̇вааравад̇ияам̣ раж̇ж̇ам̣ гаарзси. д̇ам̣ санд̇хааязд̇ам̣ вуд̇д̇ам̣.

    Tattha jampāvatīti sivirañño mātā jampāvatī nāma caṇḍālī ahosi. Sā kaṇhāyanagottassa dasabhātikānaṃ jeṭṭhakassa vāsudevassa piyā mahesī ahosi. So kirekadivasaṃ dvāravatito nikkhamitvā uyyānaṃ gacchanto nagaraṃ pavisantiṃ ekamante ṭhitaṃ abhirūpaṃ ekaṃ caṇḍālikaṃ disvāva paṭibaddhacitto hutvā ‘‘kiṃ jātikā’’ti pucchāpetvā ‘‘caṇḍālajātikā’’ti sutvāpi paṭibaddhacittatāya asāmikabhāvaṃ pucchāpetvā ‘‘asāmikā’’ti sutvā taṃ ādāya tato nivattitvā nivesanaṃ netvā aggamahesiṃ akāsi. Sā siviṃ nāma puttaṃ vijāyi. So pitu accayena dvāravatiyaṃ rajjaṃ kāresi. Taṃ sandhāyetaṃ vuttaṃ.

    ид̇и со имам̣ уд̣̇аахаран̣ам̣ аахарид̇ваа ‘‘зваруубоби наама кад̇д̇ияо жан̣д̣аалияаа сад̣̇д̇хим̣ сам̣ваасам̣ габбзси, амхзсу д̇иражчаанаг̇ад̇зсу гим̣ вад̇д̇аб̣б̣ам̣, ан̃н̃аман̃н̃ам̣ сам̣ваасарожанам̣язва бамаан̣а’’нд̇и вад̇ваа абарамби уд̣̇аахаран̣ам̣ аахаранд̇о ааха –

    Iti so imaṃ udāharaṇaṃ āharitvā ‘‘evarūpopi nāma khattiyo caṇḍāliyā saddhiṃ saṃvāsaṃ kappesi, amhesu tiracchānagatesu kiṃ vattabbaṃ, aññamaññaṃ saṃvāsarocanaṃyeva pamāṇa’’nti vatvā aparampi udāharaṇaṃ āharanto āha –

    625.

    625.

    ‘‘радтавад̇ий гимбурисий, сааби важчам̣ агаамаяи;

    ‘‘Raṭṭhavatī kimpurisī, sāpi vacchaṃ akāmayi;

    мануссо миг̇ияаа сад̣̇д̇хим̣, над̇т̇и гаамз асаад̣̇исо’’д̇и.

    Manusso migiyā saddhiṃ, natthi kāme asādiso’’ti.

    д̇ад̇т̇а важчанд̇и звам̣наамагам̣ д̇аабасам̣. гат̇ам̣ бана саа д̇ам̣ гаамзсийд̇и? ад̇ийд̇асмин̃хи зго б̣раахман̣о гаамзсу аад̣̇ийнавам̣ д̣̇исваа маханд̇ам̣ яасам̣ бахааяа исибаб̣б̣аж̇ж̇ам̣ баб̣б̣аж̇ид̇ваа химаванд̇з бан̣н̣асаалам̣ маабзд̇ваа васи. д̇асса бан̣н̣асаалад̇о авид̣̇уурз згиссаа г̇ухааяа б̣ахуу гиннараа васанд̇и. д̇ад̇т̇зва зго маггадаго д̣̇ваарз васад̇и. со ж̇аалам̣ винзд̇ваа д̇зсам̣ сийсам̣ бхинд̣̇ид̇ваа лохид̇ам̣ бивад̇и. гиннараа наама д̣̇уб̣б̣алаа хонд̇и бхийругаж̇аад̇игаа. соби маггадаго ад̇ивисаало. д̇з д̇асса гин̃жи гаад̇ум̣ асаггонд̇аа д̇ам̣ д̇аабасам̣ убасан̇гамид̇ваа гад̇абадисант̇аараа ааг̇ад̇агааран̣ам̣ будтаа ‘‘д̣̇зва, зго маггадаго ж̇ийвид̇ам̣ но ханад̇и, д̇умхз табзд̇ваа амхаагам̣ ан̃н̃ам̣ бадисаран̣ам̣ на бассаама, д̇ам̣ маарзд̇ваа амхаагам̣ сод̇т̇ибхаавам̣ гарохий’’д̇и аахам̣су. д̇ам̣ суд̇ваа д̇аабасо ‘‘абзт̇а на маад̣̇исаа баан̣аад̇ибаад̇ам̣ гаронд̇ий’’д̇и абасаад̣̇зси. д̇зсу радтавад̇ий наама гиннарий абхируубаа баасаад̣̇игаа асаамигаа ахоси. д̇з д̇ам̣ алан̇гарид̇ваа д̇аабасасса санд̇игам̣ нзд̇ваа ‘‘д̣̇зва, аяам̣ д̇з баад̣̇абарижааригаа ход̇у, амхаагам̣ бажжаамид̇д̇ам̣ вад̇хзхий’’д̇и аахам̣су. д̇аабасо д̇ам̣ д̣̇исваава бадиб̣ад̣̇д̇хажид̇д̇о худ̇ваа д̇ааяа сад̣̇д̇хим̣ сам̣ваасам̣ габбзд̇ваа г̇ухаад̣̇ваарз тад̇ваа г̇ожарад̇т̇ааяа нигканд̇ам̣ маггадагам̣ муг̇г̇арзна бот̇зд̇ваа ж̇ийвид̇агкаяам̣ баабзси. со д̇ааяа сад̣̇д̇хим̣ самаг̇г̇аваасам̣ васанд̇о буд̇д̇ад̇хийд̇аахи вад̣дхид̇ваа д̇ад̇т̇зва гааламагааси. звам̣ саа д̇ам̣ гаамзси. сувабод̇аго имам̣ уд̣̇аахаран̣ам̣ аахарид̇ваа ‘‘важчад̇аабасо д̇аава мануссо худ̇ваа д̇иражчаанаг̇ад̇ааяа гиннарияаа сад̣̇д̇хим̣ сам̣ваасам̣ габбзси, гиман̇г̇ам̣ бана амхаагам̣? маяан̃хи убхо багкинова д̇иражчаанаг̇ад̇ааваа’’д̇и д̣̇ийбзнд̇о ‘‘мануссо миг̇ияаа сад̣̇д̇хи’’нд̇и ааха. звам̣ мануссаа д̇иражчаанаг̇ад̇аахи сад̣̇д̇хим̣ самаг̇г̇аваасам̣ васанд̇и, над̇т̇и гаамз асаад̣̇исо наама, жид̇д̇амзва бамаан̣анд̇и гат̇зси.

    Tattha vacchanti evaṃnāmakaṃ tāpasaṃ. Kathaṃ pana sā taṃ kāmesīti? Atītasmiñhi eko brāhmaṇo kāmesu ādīnavaṃ disvā mahantaṃ yasaṃ pahāya isipabbajjaṃ pabbajitvā himavante paṇṇasālaṃ māpetvā vasi. Tassa paṇṇasālato avidūre ekissā guhāya bahū kinnarā vasanti. Tattheva eko makkaṭako dvāre vasati. So jālaṃ vinetvā tesaṃ sīsaṃ bhinditvā lohitaṃ pivati. Kinnarā nāma dubbalā honti bhīrukajātikā. Sopi makkaṭako ativisālo. Te tassa kiñci kātuṃ asakkontā taṃ tāpasaṃ upasaṅkamitvā katapaṭisanthārā āgatakāraṇaṃ puṭṭhā ‘‘deva, eko makkaṭako jīvitaṃ no hanati, tumhe ṭhapetvā amhākaṃ aññaṃ paṭisaraṇaṃ na passāma, taṃ māretvā amhākaṃ sotthibhāvaṃ karohī’’ti āhaṃsu. Taṃ sutvā tāpaso ‘‘apetha na mādisā pāṇātipātaṃ karontī’’ti apasādesi. Tesu raṭṭhavatī nāma kinnarī abhirūpā pāsādikā asāmikā ahosi. Te taṃ alaṅkaritvā tāpasassa santikaṃ netvā ‘‘deva, ayaṃ te pādaparicārikā hotu, amhākaṃ paccāmittaṃ vadhehī’’ti āhaṃsu. Tāpaso taṃ disvāva paṭibaddhacitto hutvā tāya saddhiṃ saṃvāsaṃ kappetvā guhādvāre ṭhatvā gocaratthāya nikkhantaṃ makkaṭakaṃ muggarena pothetvā jīvitakkhayaṃ pāpesi. So tāya saddhiṃ samaggavāsaṃ vasanto puttadhītāhi vaḍḍhitvā tattheva kālamakāsi. Evaṃ sā taṃ kāmesi. Suvapotako imaṃ udāharaṇaṃ āharitvā ‘‘vacchatāpaso tāva manusso hutvā tiracchānagatāya kinnariyā saddhiṃ saṃvāsaṃ kappesi, kimaṅgaṃ pana amhākaṃ? Mayañhi ubho pakkhinova tiracchānagatāvā’’ti dīpento ‘‘manusso migiyā saddhi’’nti āha. Evaṃ manussā tiracchānagatāhi saddhiṃ samaggavāsaṃ vasanti, natthi kāme asādiso nāma, cittameva pamāṇanti kathesi.

    саа д̇асса важанам̣ суд̇ваа ‘‘саами, жид̇д̇ам̣ наама саб̣б̣агаалам̣ згасад̣̇исам̣ на ход̇и, бияавиббаяог̇асса бхааяаамий’’д̇и ааха. соби сувабод̇аго ид̇т̇имааяаасу гусало, д̇зна д̇ам̣ виймам̣санд̇о буна г̇аат̇амааха –

    Sā tassa vacanaṃ sutvā ‘‘sāmi, cittaṃ nāma sabbakālaṃ ekasadisaṃ na hoti, piyavippayogassa bhāyāmī’’ti āha. Sopi suvapotako itthimāyāsu kusalo, tena taṃ vīmaṃsanto puna gāthamāha –

    626.

    626.

    ‘‘ханд̣̇а кваахам̣ г̇амиссаами, саал̣игз ман̃ж̇убхаан̣игз;

    ‘‘Handa khvāhaṃ gamissāmi, sāḷike mañjubhāṇike;

    бажжагкаанубад̣̇ан̃хзд̇ам̣, ад̇иман̃н̃аси нууна ма’’нд̇и.

    Paccakkhānupadañhetaṃ, atimaññasi nūna ma’’nti.

    д̇ад̇т̇а бажжагкаанубад̣̇ам̣ хзд̇анд̇и яам̣ д̇вам̣ вад̣̇зси, саб̣б̣амзд̇ам̣ бажжагкаанасса анубад̣̇ам̣, бажжагкаанагааран̣ам̣ бажжагкаанагодтаасо банзса. ад̇иман̃н̃аси нууна манд̇и ‘‘нууна мам̣ ижчад̇и аяа’’нд̇и д̇вам̣ мам̣ ад̇иггамид̇ваа ман̃н̃аси, маяхам̣ саарам̣ на ж̇аанааси . ахан̃хи рааж̇абууж̇ид̇о, на маяхам̣ бхарияаа д̣̇уллабхаа, ан̃н̃ам̣ бхарияам̣ бариязсиссаамийд̇и.

    Tattha paccakkhānupadaṃ hetanti yaṃ tvaṃ vadesi, sabbametaṃ paccakkhānassa anupadaṃ, paccakkhānakāraṇaṃ paccakkhānakoṭṭhāso panesa. Atimaññasi nūna manti ‘‘nūna maṃ icchati aya’’nti tvaṃ maṃ atikkamitvā maññasi, mayhaṃ sāraṃ na jānāsi . Ahañhi rājapūjito, na mayhaṃ bhariyā dullabhā, aññaṃ bhariyaṃ pariyesissāmīti.

    саа д̇асса важанам̣ суд̇ваава бхиж̇ж̇амаанахад̣̇аяаа вияа д̇асса саха д̣̇ассанзнзва уббаннагаамарад̇ияаа ануд̣аяхамаанаа вияа худ̇вааби ад̇д̇ано ид̇т̇имааяааяа анижчамаанаа вияа худ̇ваа д̣̇ияад̣дхам̣ г̇аат̇амааха –

    Sā tassa vacanaṃ sutvāva bhijjamānahadayā viya tassa saha dassaneneva uppannakāmaratiyā anuḍayhamānā viya hutvāpi attano itthimāyāya anicchamānā viya hutvā diyaḍḍhaṃ gāthamāha –

    627.

    627.

    ‘‘на сирий д̇арамаанасса, маад̇хара сувабан̣д̣ид̇а;

    ‘‘Na sirī taramānassa, mādhara suvapaṇḍita;

    ид̇хзва д̇аава ажчассу, яаава рааж̇аана д̣̇агкаси;

    Idheva tāva acchassu, yāva rājāna dakkhasi;

    сосси сад̣̇д̣̇ам̣ муд̣̇ин̇г̇аанам̣, аанубхааван̃жа рааж̇ино’’д̇и.

    Sossi saddaṃ mudiṅgānaṃ, ānubhāvañca rājino’’ti.

    д̇ад̇т̇а на сирийд̇и самма сувабан̣д̣ид̇а, д̇арамаанасса сирий наама на ход̇и, д̇арамаанзна гад̇агаммам̣ на собхад̇и, ‘‘гхарааваасо жа наамзса ад̇иг̇аруго’’д̇и жинд̇зд̇ваа д̇улзд̇ваа гаад̇аб̣б̣о. ид̇хзва д̇аава ажчассу, яаава маханд̇зна яасзна саманнааг̇ад̇ам̣ амхаагам̣ рааж̇аанам̣ бассиссаси. соссийд̇и сааяанхасамаяз гиннарисамааналийлаахи уд̇д̇амаруубад̇хараахи наарийхи важ̇ж̇амаанаанам̣ муд̣̇ин̇г̇аанам̣ ан̃н̃зсан̃жа г̇ийд̇аваад̣̇ид̇аанам̣ сад̣̇д̣̇ам̣ д̇вам̣ сун̣иссаси, ран̃н̃о жа аанубхаавам̣ маханд̇ам̣ сирисобхаг̇г̇ам̣ бассиссаси. ‘‘самма, гим̣ д̇вам̣ д̇урид̇оси, гим̣ лзсамби на ж̇аанааси, ажчассу д̇аава, бажчаа ж̇ааниссаамаа’’д̇и.

    Tattha na sirīti samma suvapaṇḍita, taramānassa sirī nāma na hoti, taramānena katakammaṃ na sobhati, ‘‘gharāvāso ca nāmesa atigaruko’’ti cintetvā tuletvā kātabbo. Idheva tāva acchassu, yāva mahantena yasena samannāgataṃ amhākaṃ rājānaṃ passissasi. Sossīti sāyanhasamaye kinnarisamānalīlāhi uttamarūpadharāhi nārīhi vajjamānānaṃ mudiṅgānaṃ aññesañca gītavāditānaṃ saddaṃ tvaṃ suṇissasi, rañño ca ānubhāvaṃ mahantaṃ sirisobhaggaṃ passissasi. ‘‘Samma, kiṃ tvaṃ turitosi, kiṃ lesampi na jānāsi, acchassu tāva, pacchā jānissāmā’’ti.

    ат̇а д̇з сааяанхасамананд̇арз мзт̇унасам̣ваасам̣ гарим̣су, самаг̇г̇аа саммод̣̇амаанаа бияасам̣ваасам̣ васим̣су. ат̇а нам̣ сувабод̇аго ‘‘на ид̣̇аанзсаа маяхам̣ рахассам̣ г̇ухиссад̇и, ид̣̇аани нам̣ бужчид̇ваа г̇анд̇ум̣ ваддад̇ий’’д̇и жинд̇зд̇ваа ‘‘саал̣игз’’д̇и ааха. ‘‘гим̣, саамий’’д̇и? ‘‘ахам̣ гин̃жи д̇з вад̇д̇угаамомхий’’д̇и. ‘‘вад̣̇а, саамий’’д̇и. ‘‘ход̇у, аж̇ж̇а амхаагам̣ ман̇г̇алад̣̇ивасо, ан̃н̃ад̇арасмим̣ д̣̇ивасз ж̇ааниссаамий’’д̇и. ‘‘сажз ман̇г̇алабадисам̣яуд̇д̇аа гат̇аа бхависсад̇и, гат̇зхи. но жз, маа гат̇зхи саамий’’д̇и. ‘‘ман̇г̇алагат̇аавзсаа, бхад̣̇д̣̇з’’д̇и. ‘‘д̇зна хи гат̇зхий’’д̇и. ат̇а нам̣ ‘‘бхад̣̇д̣̇з, сажз сод̇угаамаа бхависсаси, гат̇зссаами д̇з’’д̇и вад̇ваа д̇ам̣ рахассам̣ бужчанд̇о д̣̇ияад̣дхам̣ г̇аат̇амааха –

    Atha te sāyanhasamanantare methunasaṃvāsaṃ kariṃsu, samaggā sammodamānā piyasaṃvāsaṃ vasiṃsu. Atha naṃ suvapotako ‘‘na idānesā mayhaṃ rahassaṃ guhissati, idāni naṃ pucchitvā gantuṃ vaṭṭatī’’ti cintetvā ‘‘sāḷike’’ti āha. ‘‘Kiṃ, sāmī’’ti? ‘‘Ahaṃ kiñci te vattukāmomhī’’ti. ‘‘Vada, sāmī’’ti. ‘‘Hotu, ajja amhākaṃ maṅgaladivaso, aññatarasmiṃ divase jānissāmī’’ti. ‘‘Sace maṅgalapaṭisaṃyuttā kathā bhavissati, kathehi. No ce, mā kathehi sāmī’’ti. ‘‘Maṅgalakathāvesā, bhadde’’ti. ‘‘Tena hi kathehī’’ti. Atha naṃ ‘‘bhadde, sace sotukāmā bhavissasi, kathessāmi te’’ti vatvā taṃ rahassaṃ pucchanto diyaḍḍhaṃ gāthamāha –

    628.

    628.

    ‘‘яо ну квааяам̣ д̇иб̣б̣о сад̣̇д̣̇о, д̇ирож̇анабад̣̇з суд̇о;

    ‘‘Yo nu khvāyaṃ tibbo saddo, tirojanapade suto;

    д̇хийд̇аа бан̃жааларааж̇асса, осад̇хий вияа ван̣н̣иний;

    Dhītā pañcālarājassa, osadhī viya vaṇṇinī;

    д̇ам̣ д̣̇ассад̇и вид̣̇зхаанам̣, со виваахо бхависсад̇ий’’д̇и.

    Taṃ dassati videhānaṃ, so vivāho bhavissatī’’ti.

    д̇ассад̇т̇о – яо ну ко аяам̣ сад̣̇д̣̇о д̇иб̣б̣о б̣ахало, д̇ирож̇анабад̣̇з суд̇о барарадтзсу ж̇анабад̣̇зсу виссуд̇о бан̃н̃аад̇о баагадо бад̇т̇адо. гинд̇и? д̇хийд̇аа бан̃жааларааж̇асса осад̇хийд̇аарагаа вияа вирожамаанаа д̇ааяа зва самаанаван̣н̣иний ад̇т̇и, д̇ам̣ со вид̣̇зхаанам̣ д̣̇ассад̇и, со виваахо бхависсад̇и. яо со звам̣ бад̇т̇адо сад̣̇д̣̇о, ахам̣ д̇ам̣ суд̇ваа жинд̇зсим̣ ‘‘аяам̣ гумааригаа уд̇д̇амаруубад̇хараа, вид̣̇зхарааж̇ааби жуул̣аниран̃н̃о бадисад̇д̇у ахоси. ан̃н̃з б̣ахуу рааж̇аано жуул̣аниб̣рахмад̣̇ад̇д̇асса васавад̇д̇ино санд̇и, д̇зсам̣ ад̣̇ад̇ваа гим̣ гааран̣аа вид̣̇зхасса д̇хийд̇арам̣ д̣̇ассад̇ий’’д̇и?

    Tassattho – yo nu kho ayaṃ saddo tibbo bahalo, tirojanapade suto pararaṭṭhesu janapadesu vissuto paññāto pākaṭo patthaṭo. Kinti? Dhītā pañcālarājassa osadhītārakā viya virocamānā tāya eva samānavaṇṇinī atthi, taṃ so videhānaṃ dassati, so vivāho bhavissati. Yo so evaṃ patthaṭo saddo, ahaṃ taṃ sutvā cintesiṃ ‘‘ayaṃ kumārikā uttamarūpadharā, videharājāpi cūḷanirañño paṭisattu ahosi. Aññe bahū rājāno cūḷanibrahmadattassa vasavattino santi, tesaṃ adatvā kiṃ kāraṇā videhassa dhītaraṃ dassatī’’ti?

    саа д̇асса важанам̣ суд̇ваа звамааха – ‘‘саами, гим̣ гааран̣аа ман̇г̇алад̣̇ивасз аваман̇г̇алам̣ гат̇зсий’’д̇и? ‘‘ахам̣, бхад̣̇д̣̇з, ‘ман̇г̇ала’нд̇и гат̇зми, д̇вам̣ ‘аваман̇г̇ала’нд̇и гат̇зси, гим̣ ну ко зд̇а’’нд̇и? ‘‘саами, амид̇д̇аанамби д̇зсам̣ зваруубаа ман̇г̇алагирияаа маа ход̇уу’’д̇и. ‘‘гат̇зхи д̇аава бхад̣̇д̣̇з’’д̇и. ‘‘саами, на саггаа гат̇зд̇у’’нд̇и. ‘‘бхад̣̇д̣̇з, д̇аяаа вид̣̇ид̇ам̣ рахассам̣ мама агат̇ид̇агаалад̇о бадтааяа над̇т̇и амхаагам̣ самаг̇г̇асам̣ваасо’’д̇и. саа д̇зна ниббийл̣ияамаанаа ‘‘д̇зна хи, саами, сун̣аахий’’д̇и вад̇ваа имам̣ г̇аат̇амааха –

    Sā tassa vacanaṃ sutvā evamāha – ‘‘sāmi, kiṃ kāraṇā maṅgaladivase avamaṅgalaṃ kathesī’’ti? ‘‘Ahaṃ, bhadde, ‘maṅgala’nti kathemi, tvaṃ ‘avamaṅgala’nti kathesi, kiṃ nu kho eta’’nti? ‘‘Sāmi, amittānampi tesaṃ evarūpā maṅgalakiriyā mā hotū’’ti. ‘‘Kathehi tāva bhadde’’ti. ‘‘Sāmi, na sakkā kathetu’’nti. ‘‘Bhadde, tayā viditaṃ rahassaṃ mama akathitakālato paṭṭhāya natthi amhākaṃ samaggasaṃvāso’’ti. Sā tena nippīḷiyamānā ‘‘tena hi, sāmi, suṇāhī’’ti vatvā imaṃ gāthamāha –

    629.

    629.

    ‘‘зд̣̇исо маа амид̇д̇аанам̣, виваахо ход̇у маад̇хара;

    ‘‘Ediso mā amittānaṃ, vivāho hotu mādhara;

    яат̇аа бан̃жааларааж̇асса, взд̣̇зхзна бхависсад̇ий’’д̇и.

    Yathā pañcālarājassa, vedehena bhavissatī’’ti.

    имам̣ г̇аат̇ам̣ вад̇ваа буна д̇зна ‘‘бхад̣̇д̣̇з, гасмаа зваруубам̣ гат̇ам̣ гат̇зсий’’д̇и вуд̇д̇з ‘‘д̇зна хи сун̣аахи, зд̇т̇а д̣̇осам̣ д̇з гат̇зссаамий’’д̇и вад̇ваа имам̣ г̇аат̇амааха –

    Imaṃ gāthaṃ vatvā puna tena ‘‘bhadde, kasmā evarūpaṃ kathaṃ kathesī’’ti vutte ‘‘tena hi suṇāhi, ettha dosaṃ te kathessāmī’’ti vatvā imaṃ gāthamāha –

    630.

    630.

    ‘‘аанаяид̇ваана взд̣̇зхам̣, бан̃жаалаанам̣ рат̇зсабхо;

    ‘‘Ānayitvāna vedehaṃ, pañcālānaṃ rathesabho;

    д̇ад̇о нам̣ гхаад̇аяиссад̇и, насса сакий бхависсад̇ий’’д̇и.

    Tato naṃ ghātayissati, nassa sakhī bhavissatī’’ti.

    д̇ад̇т̇а д̇ад̇о нам̣ гхаад̇аяиссад̇ийд̇и яад̣̇аа со имам̣ наг̇арам̣ ааг̇ад̇о бхависсад̇и, д̇ад̣̇аа д̇зна сад̣̇д̇хим̣ сакибхаавам̣ мид̇д̇ад̇хаммам̣ на гариссад̇и, д̣̇адтумбисса д̇хийд̇арам̣ на д̣̇ассад̇и. зго гирасса бана ад̇т̇ад̇хаммаанусаасаго махосад̇хабан̣д̣ид̇о наама ад̇т̇и, д̇зна сад̣̇д̇хим̣ д̇ам̣ гхаад̇зссад̇и. д̇з убхо ж̇анз гхаад̇зд̇ваа ж̇аяабаанам̣ бивиссаамаад̇и гзваддо ран̃н̃аа сад̣̇д̇хим̣ манд̇зд̇ваа д̇ам̣ г̇ан̣хид̇ваа ааг̇анд̇ум̣ г̇ад̇од̇и.

    Tattha tato naṃ ghātayissatīti yadā so imaṃ nagaraṃ āgato bhavissati, tadā tena saddhiṃ sakhibhāvaṃ mittadhammaṃ na karissati, daṭṭhumpissa dhītaraṃ na dassati. Eko kirassa pana atthadhammānusāsako mahosadhapaṇḍito nāma atthi, tena saddhiṃ taṃ ghātessati. Te ubho jane ghātetvā jayapānaṃ pivissāmāti kevaṭṭo raññā saddhiṃ mantetvā taṃ gaṇhitvā āgantuṃ gatoti.

    звам̣ саа г̇уяхаманд̇ам̣ ниссзсам̣ гад̇ваа сувабан̣д̣ид̇асса гат̇зси. д̇ам̣ суд̇ваа сувабан̣д̣ид̇о ‘‘аажарияо гзваддо убааяагусало, ажчарияам̣ д̇асса ран̃н̃о зваруубзна убааязна гхаад̇ана’’нд̇и гзваддам̣ ван̣н̣зд̇ваа ‘‘зваруубзна аваман̇г̇алзна амхаагам̣ го ад̇т̇о, д̇ун̣хийбхууд̇аа саяаамаа’’д̇и вад̇ваа ааг̇аманагаммасса нибпад̇д̇им̣ н̃ад̇ваа д̇ам̣ рад̇д̇им̣ д̇ааяа сад̣̇д̇хим̣ васид̇ваа ‘‘бхад̣̇д̣̇з, ахам̣ сивирадтам̣ г̇анд̇ваа манаабааяа бхарияааяа лад̣̇д̇хабхаавам̣ сивиран̃н̃о д̣̇звияаа жа аарожзссаамий’’д̇и г̇аманам̣ ануж̇аанаабзд̇ум̣ ааха –

    Evaṃ sā guyhamantaṃ nissesaṃ katvā suvapaṇḍitassa kathesi. Taṃ sutvā suvapaṇḍito ‘‘ācariyo kevaṭṭo upāyakusalo, acchariyaṃ tassa rañño evarūpena upāyena ghātana’’nti kevaṭṭaṃ vaṇṇetvā ‘‘evarūpena avamaṅgalena amhākaṃ ko attho, tuṇhībhūtā sayāmā’’ti vatvā āgamanakammassa nipphattiṃ ñatvā taṃ rattiṃ tāya saddhiṃ vasitvā ‘‘bhadde, ahaṃ siviraṭṭhaṃ gantvā manāpāya bhariyāya laddhabhāvaṃ sivirañño deviyā ca ārocessāmī’’ti gamanaṃ anujānāpetuṃ āha –

    631.

    631.

    ‘‘ханд̣̇а ко мам̣ ануж̇аанаахи, рад̇д̇ияо сад̇д̇амад̇д̇ияо;

    ‘‘Handa kho maṃ anujānāhi, rattiyo sattamattiyo;

    яааваахам̣ сивирааж̇асса, аарожзми махзсино;

    Yāvāhaṃ sivirājassa, ārocemi mahesino;

    лад̣̇д̇хо жа мз аавасат̇о, саал̣игааяа убанд̇ига’’нд̇и.

    Laddho ca me āvasatho, sāḷikāya upantika’’nti.

    д̇ад̇т̇а махзсинод̇и махзсияаа жасса. аавасат̇од̇и васанадтаанам̣. убанд̇иганд̇и ат̇а нз ‘‘зт̇а д̇ассаа санд̇игам̣ г̇ажчаамаа’’д̇и вад̇ваа адтамз д̣̇ивасз ид̇хаанзд̇ваа маханд̇зна бариваарзна д̇ам̣ г̇ахзд̇ваа г̇амиссаами, яаава мамааг̇аманам̣, д̇аава маа угган̣тийд̇и.

    Tattha mahesinoti mahesiyā cassa. Āvasathoti vasanaṭṭhānaṃ. Upantikanti atha ne ‘‘etha tassā santikaṃ gacchāmā’’ti vatvā aṭṭhame divase idhānetvā mahantena parivārena taṃ gahetvā gamissāmi, yāva mamāgamanaṃ, tāva mā ukkaṇṭhīti.

    д̇ам̣ суд̇ваа саал̣игаа д̇зна вияог̇ам̣ анижчамаанааби д̇асса важанам̣ бадигкибид̇ум̣ асаггонд̇ий ананд̇арам̣ г̇аат̇амааха –

    Taṃ sutvā sāḷikā tena viyogaṃ anicchamānāpi tassa vacanaṃ paṭikkhipituṃ asakkontī anantaraṃ gāthamāha –

    632.

    632.

    ‘‘ханд̣̇а ко д̇ам̣ ануж̇аанаами, рад̇д̇ияо сад̇д̇амад̇д̇ияо;

    ‘‘Handa kho taṃ anujānāmi, rattiyo sattamattiyo;

    сажз д̇вам̣ сад̇д̇арад̇д̇зна, нааг̇ажчаси маманд̇игз;

    Sace tvaṃ sattarattena, nāgacchasi mamantike;

    ман̃н̃з огганд̇асад̇д̇ам̣ мам̣, мад̇ааяа ааг̇амиссасий’’д̇и.

    Maññe okkantasattaṃ maṃ, matāya āgamissasī’’ti.

    д̇ад̇т̇а ман̃н̃з огганд̇асад̇д̇ам̣ манд̇и звам̣ санд̇з ахам̣ мам̣ абаг̇ад̇аж̇ийвид̇ам̣ саллагкзми. со д̇вам̣ адтамз д̣̇ивасз анааг̇ажчанд̇о маяи мад̇ааяа ааг̇амиссаси, д̇асмаа маа бабан̃жам̣ агаасийд̇и.

    Tattha maññe okkantasattaṃ manti evaṃ sante ahaṃ maṃ apagatajīvitaṃ sallakkhemi. So tvaṃ aṭṭhame divase anāgacchanto mayi matāya āgamissasi, tasmā mā papañcaṃ akāsīti.

    ид̇ароби ‘‘бхад̣̇д̣̇з, гим̣ вад̣̇зси, маяхамби адтамз д̣̇ивасз д̇ам̣ абассанд̇асса гуд̇о ж̇ийвид̇а’’нд̇и ваажааяа вад̇ваа хад̣̇аязна бана ‘‘ж̇ийва ваа д̇вам̣ мара ваа, гим̣ д̇аяаа маяха’’нд̇и жинд̇зд̇ваа удтааяа т̇огам̣ сивирадтаабхимуко г̇анд̇ваа нивад̇д̇ид̇ваа мит̇илам̣ г̇анд̇ваа бан̣д̣ид̇асса ам̣сагуудз од̇арид̇ваа махаасад̇д̇зна бана д̇ааяа сан̃н̃ааяа убарибаасаад̣̇ам̣ ааробзд̇ваа будто саб̣б̣ам̣ д̇ам̣ бавад̇д̇им̣ бан̣д̣ид̇асса аарожзси. собисса буриманаязнзва саб̣б̣ам̣ саггаарамагааси. д̇амад̇т̇ам̣ багаасзнд̇о сад̇т̇аа ааха –

    Itaropi ‘‘bhadde, kiṃ vadesi, mayhampi aṭṭhame divase taṃ apassantassa kuto jīvita’’nti vācāya vatvā hadayena pana ‘‘jīva vā tvaṃ mara vā, kiṃ tayā mayha’’nti cintetvā uṭṭhāya thokaṃ siviraṭṭhābhimukho gantvā nivattitvā mithilaṃ gantvā paṇḍitassa aṃsakūṭe otaritvā mahāsattena pana tāya saññāya uparipāsādaṃ āropetvā puṭṭho sabbaṃ taṃ pavattiṃ paṇḍitassa ārocesi. Sopissa purimanayeneva sabbaṃ sakkāramakāsi. Tamatthaṃ pakāsento satthā āha –

    633.

    633.

    ‘‘д̇ад̇о жа ко со г̇анд̇ваана, маад̇харо сувабан̣д̣ид̇о;

    ‘‘Tato ca kho so gantvāna, mādharo suvapaṇḍito;

    махосад̇хасса агкааси, саал̣игааважанам̣ ид̣̇а’’нд̇и.

    Mahosadhassa akkhāsi, sāḷikāvacanaṃ ida’’nti.

    д̇ад̇т̇а саал̣игааважанам̣ ид̣̇анд̇и ид̣̇ам̣ саал̣игааяа важананд̇и саб̣б̣ам̣ вид̇т̇аарзд̇ваа гат̇зсийд̇и.

    Tattha sāḷikāvacanaṃ idanti idaṃ sāḷikāya vacananti sabbaṃ vitthāretvā kathesīti.

    сувакан̣д̣ам̣ нидтид̇ам̣.

    Suvakhaṇḍaṃ niṭṭhitaṃ.

    махаауман̇г̇аган̣д̣ам̣

    Mahāumaṅgakaṇḍaṃ

    д̇ам̣ суд̇ваа махаасад̇д̇о жинд̇зси ‘‘рааж̇аа мама анижчамаанассзва г̇амиссад̇и, г̇анд̇ваа жа бана махаавинаасам̣ баабун̣иссад̇и. ат̇а маяхам̣ ‘зваруубасса наама яасад̣̇ааяагасса ран̃н̃о важанам̣ хад̣̇аяз гад̇ваа д̇асса сан̇г̇ахам̣ наагаасий’д̇и г̇арахааби уббаж̇ж̇иссад̇и, маад̣̇исз бан̣д̣ид̇з виж̇ж̇амаанз гим̣гааран̣аа зса нассиссад̇и, ахам̣ ран̃н̃о бурзд̇арамзва г̇анд̇ваа жуул̣аним̣ д̣̇исваа сувибхад̇д̇ам̣ гад̇ваа вид̣̇зхаран̃н̃о ниваасад̇т̇ааяа наг̇арам̣ маабзд̇ваа г̇аавуд̇амад̇д̇ам̣ ж̇ан̇гхауман̇г̇ам̣, ад̣дхаяож̇аниган̃жа махаауман̇г̇ам̣, гаарзд̇ваа жуул̣аниран̃н̃о д̇хийд̇арам̣ абхисин̃жид̇ваа амхаагам̣ ран̃н̃обаад̣̇абарижааригам̣ гад̇ваа адтаарасаагкобхан̣исан̇кзхи б̣алзхи згасад̇арааж̇уусу бариваарзд̇ваа тид̇зсвзва амхаагам̣ рааж̇аанам̣ раахумукад̇о жанд̣̇ам̣ вияа можзд̇ваа аад̣̇ааяааг̇аманам̣ наама мама бхааро’’д̇и. д̇ассзвам̣ жинд̇знд̇асса сарийрз бийд̇и уббаж̇ж̇и. со бийд̇ивзг̇зна уд̣̇аанам̣ уд̣̇аанзнд̇о имам̣ убад̣дхаг̇аат̇амааха –

    Taṃ sutvā mahāsatto cintesi ‘‘rājā mama anicchamānasseva gamissati, gantvā ca pana mahāvināsaṃ pāpuṇissati. Atha mayhaṃ ‘evarūpassa nāma yasadāyakassa rañño vacanaṃ hadaye katvā tassa saṅgahaṃ nākāsī’ti garahāpi uppajjissati, mādise paṇḍite vijjamāne kiṃkāraṇā esa nassissati, ahaṃ rañño puretarameva gantvā cūḷaniṃ disvā suvibhattaṃ katvā videharañño nivāsatthāya nagaraṃ māpetvā gāvutamattaṃ jaṅghaumaṅgaṃ, aḍḍhayojanikañca mahāumaṅgaṃ, kāretvā cūḷanirañño dhītaraṃ abhisiñcitvā amhākaṃ raññopādaparicārikaṃ katvā aṭṭhārasaakkhobhaṇisaṅkhehi balehi ekasatarājūsu parivāretvā ṭhitesveva amhākaṃ rājānaṃ rāhumukhato candaṃ viya mocetvā ādāyāgamanaṃ nāma mama bhāro’’ti. Tassevaṃ cintentassa sarīre pīti uppajji. So pītivegena udānaṃ udānento imaṃ upaḍḍhagāthamāha –

    634.

    634.

    ‘‘яассзва гхарз бхун̃ж̇зяяа бхог̇ам̣, д̇ассзва ад̇т̇ам̣ бурисо жарзяяаа’’д̇и.

    ‘‘Yasseva ghare bhuñjeyya bhogaṃ, tasseva atthaṃ puriso careyyā’’ti.

    д̇ассад̇т̇о – яасса ран̃н̃о санд̇игз бурисо маханд̇ам̣ иссарияам̣ лабхид̇ваа бхог̇ам̣ бхун̃ж̇зяяа, аггосанд̇ассаби бахаранд̇ассаби г̇алз г̇ахзд̇ваа ниггад̣дханд̇ассаби д̇ассзва ад̇т̇ам̣ хид̇ам̣ вуд̣дхим̣ бан̣д̣ид̇о гааяад̣̇ваараад̣̇ийхи д̇ийхи д̣̇ваарзхи жарзяяа. на хи мид̇д̇ад̣̇уб̣бхигаммам̣ бан̣д̣ид̇зхи гаад̇аб̣б̣анд̇и.

    Tassattho – yassa rañño santike puriso mahantaṃ issariyaṃ labhitvā bhogaṃ bhuñjeyya, akkosantassapi paharantassapi gale gahetvā nikkaḍḍhantassapi tasseva atthaṃ hitaṃ vuḍḍhiṃ paṇḍito kāyadvārādīhi tīhi dvārehi careyya. Na hi mittadubbhikammaṃ paṇḍitehi kātabbanti.

    ид̇и жинд̇зд̇ваа со нхад̇ваа алан̇гарид̇ваа маханд̇зна яасзна рааж̇агулам̣ г̇анд̇ваа рааж̇аанам̣ ванд̣̇ид̇ваа згаманд̇ам̣ тид̇о ааха – ‘‘гим̣, д̣̇зва, г̇ажчиссат̇а уд̇д̇арабан̃жааланаг̇ара’’нд̇и? ‘‘аама, д̇аад̇а, бан̃жаалажанд̣̇им̣ алабханд̇асса мама гим̣ раж̇ж̇зна, маа мам̣ барижжаж̇и, маяаа сад̣̇д̇хим̣язва зхи. д̇ад̇т̇а амхаагам̣ г̇ад̇агааран̣аа д̣̇вз ад̇т̇аа нибпаж̇ж̇иссанд̇и, ид̇т̇ирад̇анан̃жа лажчаами, ран̃н̃аа жа мз сад̣̇д̇хим̣ мзд̇д̇и бад̇идтахиссад̇ий’’д̇и. ат̇а нам̣ бан̣д̣ид̇о ‘‘д̇зна хи, д̣̇зва, ахам̣ бурз г̇анд̇ваа д̇умхаагам̣ нивзсанаани маабзссаами, д̇умхз маяаа бахид̇асаасанзна ааг̇ажчзяяаат̇аа’’д̇и вад̣̇анд̇о д̣̇вз г̇аат̇аа абхааси –

    Iti cintetvā so nhatvā alaṅkaritvā mahantena yasena rājakulaṃ gantvā rājānaṃ vanditvā ekamantaṃ ṭhito āha – ‘‘kiṃ, deva, gacchissatha uttarapañcālanagara’’nti? ‘‘Āma, tāta, pañcālacandiṃ alabhantassa mama kiṃ rajjena, mā maṃ pariccaji, mayā saddhiṃyeva ehi. Tattha amhākaṃ gatakāraṇā dve atthā nipphajjissanti, itthiratanañca lacchāmi, raññā ca me saddhiṃ metti patiṭṭhahissatī’’ti. Atha naṃ paṇḍito ‘‘tena hi, deva, ahaṃ pure gantvā tumhākaṃ nivesanāni māpessāmi, tumhe mayā pahitasāsanena āgaccheyyāthā’’ti vadanto dve gāthā abhāsi –

    ‘‘ханд̣̇аахам̣ г̇ажчаами бурз ж̇анинд̣̇а, бан̃жааларааж̇асса бурам̣ сураммам̣;

    ‘‘Handāhaṃ gacchāmi pure janinda, pañcālarājassa puraṃ surammaṃ;

    нивзсанаани маабзд̇ум̣, взд̣̇зхасса яасассино.

    Nivesanāni māpetuṃ, vedehassa yasassino.

    635.

    635.

    ‘‘нивзсанаани маабзд̇ваа, взд̣̇зхасса яасассино;

    ‘‘Nivesanāni māpetvā, vedehassa yasassino;

    яад̣̇аа д̇з бахин̣зяяаами, д̇ад̣̇аа зяяааси кад̇д̇ияаа’’д̇и.

    Yadā te pahiṇeyyāmi, tadā eyyāsi khattiyā’’ti.

    д̇ад̇т̇а взд̣̇зхассаад̇и д̇ава вид̣̇зхарааж̇асса. зяяаасийд̇и ааг̇ажчзяяаасийд̇и.

    Tattha vedehassāti tava videharājassa. Eyyāsīti āgaccheyyāsīti.

    д̇ам̣ суд̇ваа рааж̇аа ‘‘на гира мам̣ бан̣д̣ид̇о барижжаж̇ад̇ий’’д̇и хадтад̇удто худ̇ваа ааха – ‘‘д̇аад̇а, д̇ава бурз г̇ажчанд̇асса гим̣ лад̣̇д̇хум̣ ваддад̇ий’’д̇и? ‘‘б̣алавааханам̣, д̣̇зваа’’д̇и. ‘‘яад̇д̇агам̣ ижчаси, д̇ад̇д̇агам̣ г̇ан̣ха, д̇аад̇аа’’д̇и. ‘‘жад̇д̇аари б̣анд̇ханааг̇аараани вивараабзд̇ваа жораанам̣ сан̇калигаб̣анд̇ханаани бхинд̣̇аабзд̇ваа д̇зби маяаа сад̣̇д̇хим̣ бзсзт̇а д̣̇зваа’’д̇и. ‘‘яат̇ааружи гарохи, д̇аад̇аа’’д̇и. махаасад̇д̇о б̣анд̇ханааг̇аарад̣̇ваараани вивараабзд̇ваа суурз махааяод̇хз г̇ад̇адтаанз гаммам̣ нибпаад̣̇зд̇ум̣ самад̇т̇з нийхараабзд̇ваа ‘‘мам̣ убадтахат̇аа’’д̇и вад̇ваа д̇зсам̣ саггаарам̣ гаарзд̇ваа вад̣дхагигаммааражаммагаараидтагабаасаан̣агааражид̇д̇агаараад̣̇аяо наанаасиббагусалаа адтаараса сзнияо аад̣̇ааяа ваасипарасугуд̣̇д̣̇аалакан̣ид̇д̇иаад̣̇ийни б̣ахууни убагаран̣аани г̇аахаабзд̇ваа махааб̣алагааяабаривуд̇о наг̇араа нигками. д̇амад̇т̇ам̣ багаасзнд̇о сад̇т̇аа ааха –

    Taṃ sutvā rājā ‘‘na kira maṃ paṇḍito pariccajatī’’ti haṭṭhatuṭṭho hutvā āha – ‘‘tāta, tava pure gacchantassa kiṃ laddhuṃ vaṭṭatī’’ti? ‘‘Balavāhanaṃ, devā’’ti. ‘‘Yattakaṃ icchasi, tattakaṃ gaṇha, tātā’’ti. ‘‘Cattāri bandhanāgārāni vivarāpetvā corānaṃ saṅkhalikabandhanāni bhindāpetvā tepi mayā saddhiṃ pesetha devā’’ti. ‘‘Yathāruci karohi, tātā’’ti. Mahāsatto bandhanāgāradvārāni vivarāpetvā sūre mahāyodhe gataṭṭhāne kammaṃ nipphādetuṃ samatthe nīharāpetvā ‘‘maṃ upaṭṭhahathā’’ti vatvā tesaṃ sakkāraṃ kāretvā vaḍḍhakikammāracammakāraiṭṭhakapāsāṇakāracittakārādayo nānāsippakusalā aṭṭhārasa seniyo ādāya vāsipharasukuddālakhaṇittiādīni bahūni upakaraṇāni gāhāpetvā mahābalakāyaparivuto nagarā nikkhami. Tamatthaṃ pakāsento satthā āha –

    636.

    636.

    ‘‘д̇ад̇о жа бааяааси бурз махосад̇хо, бан̃жааларааж̇асса бурам̣ сураммам̣;

    ‘‘Tato ca pāyāsi pure mahosadho, pañcālarājassa puraṃ surammaṃ;

    нивзсанаани маабзд̇ум̣, взд̣̇зхасса яасассино’’д̇и.

    Nivesanāni māpetuṃ, vedehassa yasassino’’ti.

    махаасад̇д̇оби г̇ажчанд̇о яож̇ананд̇арз яож̇ананд̇арз згзгам̣ г̇аамам̣ нивзсзд̇ваа згзгам̣ амажжам̣ ‘‘д̇умхз ран̃н̃о бан̃жаалажанд̣̇им̣ г̇ахзд̇ваа нивад̇д̇анагаалз хад̇т̇иассарат̇з габбзд̇ваа рааж̇аанам̣ аад̣̇ааяа бажжаамид̇д̇з бадиб̣ааханд̇аа киббам̣ мит̇илам̣ баабзяяаат̇аа’’д̇и вад̇ваа табзси. г̇ан̇г̇аад̇ийрам̣ бана бад̇ваа аананд̣̇агумаарам̣ баггосаабзд̇ваа ‘‘аананд̣̇а, д̇вам̣ д̇ийн̣и вад̣дхагисад̇аани аад̣̇ааяа уд̣̇д̇хам̣г̇ан̇г̇ам̣ г̇анд̇ваа саарад̣̇аарууни г̇аахаабзд̇ваа д̇исад̇амад̇д̇аа нааваа маабзд̇ваа наг̇арассад̇т̇ааяа д̇ад̇т̇зва д̇ажчаабзд̇ваа саллахугаанам̣ д̣̇ааруунам̣ наавааяа буураабзд̇ваа киббам̣ ааг̇ажчзяяаасий’’д̇и бзсзси. саяам̣ бана наавааяа г̇ан̇г̇ам̣ д̇арид̇ваа од̇ин̣н̣адтаанад̇о бадтааяа бад̣̇асан̃н̃ааязва г̇ан̣зд̇ваа ‘‘ид̣̇ам̣ ад̣дхаяож̇анадтаанам̣, зд̇т̇а махаауман̇г̇о бхависсад̇и, имасмим̣ таанз ран̃н̃о нивзсананаг̇арам̣ бхависсад̇и, ид̇о бадтааяа яаава рааж̇аг̇зхаа г̇аавуд̇амад̇д̇з таанз ж̇ан̇гхауман̇г̇о бхависсад̇ий’’д̇и барижчинд̣̇ид̇ваа наг̇арам̣ баависи. жуул̣анирааж̇аа б̣од̇хисад̇д̇асса ааг̇аманам̣ суд̇ваа ‘‘ид̣̇аани мз манорат̇о мад̇т̇агам̣ баабун̣иссад̇и, бажжаамид̇д̇аанам̣ бидтим̣ бассиссаами, имасмим̣ ааг̇ад̇з взд̣̇зхоби на жирассзва ааг̇амиссад̇и, ат̇а нз убхоби маарзд̇ваа сагалаж̇амб̣уд̣̇ийбад̇алз згараж̇ж̇ам̣ гариссаамий’’д̇и барамад̇удтим̣ бад̇д̇о ахоси. сагаланаг̇арам̣ сан̇кубхи ‘‘зса гира махосад̇хабан̣д̣ид̇о, иминаа гира згасад̇арааж̇аано лзд̣д̣унаа гаагаа вияа балаабид̇аа’’д̇и.

    Mahāsattopi gacchanto yojanantare yojanantare ekekaṃ gāmaṃ nivesetvā ekekaṃ amaccaṃ ‘‘tumhe rañño pañcālacandiṃ gahetvā nivattanakāle hatthiassarathe kappetvā rājānaṃ ādāya paccāmitte paṭibāhantā khippaṃ mithilaṃ pāpeyyāthā’’ti vatvā ṭhapesi. Gaṅgātīraṃ pana patvā ānandakumāraṃ pakkosāpetvā ‘‘ānanda, tvaṃ tīṇi vaḍḍhakisatāni ādāya uddhaṃgaṅgaṃ gantvā sāradārūni gāhāpetvā tisatamattā nāvā māpetvā nagarassatthāya tattheva tacchāpetvā sallahukānaṃ dārūnaṃ nāvāya pūrāpetvā khippaṃ āgaccheyyāsī’’ti pesesi. Sayaṃ pana nāvāya gaṅgaṃ taritvā otiṇṇaṭṭhānato paṭṭhāya padasaññāyeva gaṇetvā ‘‘idaṃ aḍḍhayojanaṭṭhānaṃ, ettha mahāumaṅgo bhavissati, imasmiṃ ṭhāne rañño nivesananagaraṃ bhavissati, ito paṭṭhāya yāva rājagehā gāvutamatte ṭhāne jaṅghaumaṅgo bhavissatī’’ti paricchinditvā nagaraṃ pāvisi. Cūḷanirājā bodhisattassa āgamanaṃ sutvā ‘‘idāni me manoratho matthakaṃ pāpuṇissati, paccāmittānaṃ piṭṭhiṃ passissāmi, imasmiṃ āgate vedehopi na cirasseva āgamissati, atha ne ubhopi māretvā sakalajambudīpatale ekarajjaṃ karissāmī’’ti paramatuṭṭhiṃ patto ahosi. Sakalanagaraṃ saṅkhubhi ‘‘esa kira mahosadhapaṇḍito, iminā kira ekasatarājāno leḍḍunā kākā viya palāpitā’’ti.

    махаасад̇д̇о нааг̇арзсу ад̇д̇ано руубасамбад̇д̇им̣ бассанд̇зсуязва рааж̇ад̣̇ваарам̣ г̇анд̇ваа ран̃н̃о бадивзд̣̇зд̇ваа ‘‘бависад̇уу’’д̇и вуд̇д̇з бависид̇ваа рааж̇аанам̣ ванд̣̇ид̇ваа згаманд̇ам̣ нисийд̣̇и. ат̇а нам̣ рааж̇аа бадисант̇аарам̣ гад̇ваа ‘‘д̇аад̇а, рааж̇аа гад̣̇аа ааг̇амиссад̇ий’’д̇и бужчи. ‘‘маяаа бзсид̇агаалз, д̣̇зваа’’д̇и. ‘‘д̇вам̣ бана гимад̇т̇ам̣ ааг̇ад̇осий’’д̇и. ‘‘амхаагам̣ ран̃н̃о нивзсанам̣ маабзд̇ум̣, д̣̇зваа’’д̇и. ‘‘саад̇ху, д̇аад̇аа’’д̇и. ат̇асса сзнааяа бариб̣б̣аяам̣ д̣̇аабзд̇ваа махаасад̇д̇асса маханд̇ам̣ саггаарам̣ гаарзд̇ваа нивзсанаг̇зхам̣ д̣̇аабзд̇ваа ‘‘д̇аад̇а, яаава д̇з рааж̇аа нааг̇ажчад̇и, д̇аава анугган̣тамаано амхаагамби гад̇д̇аб̣б̣аяуд̇д̇агам̣ гаронд̇ова васаахи д̇ва’’нд̇и ааха. со гира рааж̇анивзсанам̣ абхируханд̇ова махаасобаанабаад̣̇амуулз тад̇ваа ‘‘ид̇ха ж̇ан̇гхауман̇г̇ад̣̇ваарам̣ бхависсад̇ий’’д̇и саллагкзси. ат̇асса зд̇ад̣̇ахоси ‘‘рааж̇аа ‘амхаагамби гад̇д̇аб̣б̣аяуд̇д̇агам̣ гарохий’д̇и вад̣̇ад̇и, уман̇г̇з кан̣ияамаанз яат̇аа ид̣̇ам̣ собаанам̣ на осаггад̇и, д̇ат̇аа гаад̇ум̣ ваддад̇ий’’д̇и. ат̇а рааж̇аанам̣ звамааха – ‘‘д̣̇зва, ахам̣ бависанд̇о собаанабаад̣̇амуулз тад̇ваа навагаммам̣ ологзнд̇о махаасобаанз д̣̇осам̣ бассим̣. сажз д̇з ружжад̇и, ахам̣ д̣̇аарууни лабханд̇о манаабам̣ гад̇ваа ад̇т̇арзяяа’’нд̇и. ‘‘саад̇ху, бан̣д̣ид̇а, ад̇т̇араахий’’д̇и. со ‘‘ид̇ха уман̇г̇ад̣̇ваарам̣ бхависсад̇ий’’д̇и саллагкзд̇ваа д̇ам̣ бораан̣асобаанам̣ харид̇ваа яад̇т̇а уман̇г̇ад̣̇ваарам̣ бхависсад̇и, д̇ад̇т̇а бам̣суно абад̇анад̇т̇ааяа палагасант̇аарам̣ гаарзд̇ваа яат̇аа собаанам̣ на осаггад̇и, звам̣ нижжалам̣ гад̇ваа собаанам̣ ад̇т̇ари. рааж̇аа д̇ам̣ гааран̣ам̣ аж̇аананд̇о ‘‘мама синзхзна гарод̇ий’’д̇и ман̃н̃и.

    Mahāsatto nāgaresu attano rūpasampattiṃ passantesuyeva rājadvāraṃ gantvā rañño paṭivedetvā ‘‘pavisatū’’ti vutte pavisitvā rājānaṃ vanditvā ekamantaṃ nisīdi. Atha naṃ rājā paṭisanthāraṃ katvā ‘‘tāta, rājā kadā āgamissatī’’ti pucchi. ‘‘Mayā pesitakāle, devā’’ti. ‘‘Tvaṃ pana kimatthaṃ āgatosī’’ti. ‘‘Amhākaṃ rañño nivesanaṃ māpetuṃ, devā’’ti. ‘‘Sādhu, tātā’’ti. Athassa senāya paribbayaṃ dāpetvā mahāsattassa mahantaṃ sakkāraṃ kāretvā nivesanagehaṃ dāpetvā ‘‘tāta, yāva te rājā nāgacchati, tāva anukkaṇṭhamāno amhākampi kattabbayuttakaṃ karontova vasāhi tva’’nti āha. So kira rājanivesanaṃ abhiruhantova mahāsopānapādamūle ṭhatvā ‘‘idha jaṅghaumaṅgadvāraṃ bhavissatī’’ti sallakkhesi. Athassa etadahosi ‘‘rājā ‘amhākampi kattabbayuttakaṃ karohī’ti vadati, umaṅge khaṇiyamāne yathā idaṃ sopānaṃ na osakkati, tathā kātuṃ vaṭṭatī’’ti. Atha rājānaṃ evamāha – ‘‘deva, ahaṃ pavisanto sopānapādamūle ṭhatvā navakammaṃ olokento mahāsopāne dosaṃ passiṃ. Sace te ruccati, ahaṃ dārūni labhanto manāpaṃ katvā atthareyya’’nti. ‘‘Sādhu, paṇḍita, attharāhī’’ti. So ‘‘idha umaṅgadvāraṃ bhavissatī’’ti sallakkhetvā taṃ porāṇasopānaṃ haritvā yattha umaṅgadvāraṃ bhavissati, tattha paṃsuno apatanatthāya phalakasanthāraṃ kāretvā yathā sopānaṃ na osakkati, evaṃ niccalaṃ katvā sopānaṃ atthari. Rājā taṃ kāraṇaṃ ajānanto ‘‘mama sinehena karotī’’ti maññi.

    звам̣ д̇ам̣ д̣̇ивасам̣ д̇знзва навагаммзна вийд̇инаамзд̇ваа бунад̣̇ивасз рааж̇аанам̣ ааха – ‘‘д̣̇зва, сажз амхаагам̣ ран̃н̃о васанадтаанам̣ ж̇аанзяяаама, манаабам̣ гад̇ваа бадиж̇аг̇г̇зяяаамаа’’д̇и. саад̇ху, бан̣д̣ид̇а, табзд̇ваа мама нивзсанам̣ сагаланаг̇арз яам̣ нивзсанам̣ ижчаси, д̇ам̣ г̇ан̣хаад̇и. махаарааж̇а, маяам̣ ааг̇анд̇угаа, д̇умхаагам̣ б̣ахуу валлабхаа яод̇хаа, д̇з ад̇д̇ано ад̇д̇ано г̇зхзсу г̇аяхамаанзсу амхзхи сад̣̇д̇хим̣ галахам̣ гариссанд̇и. ‘‘д̇ад̣̇аа, д̣̇зва, д̇зхи сад̣̇д̇хим̣ маяам̣ гим̣ гариссаамаа’’д̇и? ‘‘д̇зсам̣ важанам̣ маа г̇ан̣ха. яам̣ ижчаси, д̇ам̣ таанамзва г̇ан̣хаабзхий’’д̇и. ‘‘д̣̇зва, д̇з бунаббунам̣ ааг̇анд̇ваа д̇умхаагам̣ гат̇зссанд̇и, д̇зна д̇умхаагам̣ жид̇д̇асукам̣ на лабхиссад̇и. сажз бана ижчзяяаат̇а, яаава маяам̣ нивзсанаани г̇ан̣хаама, д̇аава амхаагам̣язва мануссаа д̣̇овааригаа ассу. д̇ад̇о д̇з д̣̇ваарам̣ алабхид̇ваа нааг̇амиссанд̇и. звам̣ санд̇з д̇умхаагамби жид̇д̇асукам̣ лабхиссад̇ий’’д̇и. рааж̇аа ‘‘саад̇хуу’’д̇и самбадижчи.

    Evaṃ taṃ divasaṃ teneva navakammena vītināmetvā punadivase rājānaṃ āha – ‘‘deva, sace amhākaṃ rañño vasanaṭṭhānaṃ jāneyyāma, manāpaṃ katvā paṭijaggeyyāmā’’ti. Sādhu, paṇḍita, ṭhapetvā mama nivesanaṃ sakalanagare yaṃ nivesanaṃ icchasi, taṃ gaṇhāti. Mahārāja, mayaṃ āgantukā, tumhākaṃ bahū vallabhā yodhā, te attano attano gehesu gayhamānesu amhehi saddhiṃ kalahaṃ karissanti. ‘‘Tadā, deva, tehi saddhiṃ mayaṃ kiṃ karissāmā’’ti? ‘‘Tesaṃ vacanaṃ mā gaṇha. Yaṃ icchasi, taṃ ṭhānameva gaṇhāpehī’’ti. ‘‘Deva, te punappunaṃ āgantvā tumhākaṃ kathessanti, tena tumhākaṃ cittasukhaṃ na labhissati. Sace pana iccheyyātha, yāva mayaṃ nivesanāni gaṇhāma, tāva amhākaṃyeva manussā dovārikā assu. Tato te dvāraṃ alabhitvā nāgamissanti. Evaṃ sante tumhākampi cittasukhaṃ labhissatī’’ti. Rājā ‘‘sādhū’’ti sampaṭicchi.

    махаасад̇д̇о собаанабаад̣̇амуулз собаанасийсз махаад̣̇ваарзд̇и саб̣б̣ад̇т̇а ад̇д̇ано мануссзязва табзд̇ваа ‘‘гассажи бависид̇ум̣ маа ад̣̇ад̇т̇аа’’д̇и вад̇ваа ат̇а ран̃н̃о маад̇у нивзсанам̣ г̇анд̇ваа ‘‘бхинд̣̇анаагаарам̣ д̣̇ассзт̇аа’’д̇и мануссз аан̣аабзси. д̇з д̣̇ваарагодтагаалинд̣̇ад̇о бадтааяа идтагаа жа мад̇д̇игаа жа абанзд̇ум̣ аарабхим̣су. рааж̇амаад̇аа д̇ам̣ бавад̇д̇им̣ суд̇ваа ааг̇анд̇ваа ‘‘гисса, д̇аад̇аа, мама г̇зхам̣ бхинд̣̇ат̇аа’’д̇и ааха. ‘‘махосад̇хабан̣д̣ид̇о бхинд̣̇аабзд̇ваа ад̇д̇ано ран̃н̃о нивзсанам̣ гаад̇угаамо’’д̇и. ‘‘яад̣̇и звам̣ ид̇хзва васат̇аа’’д̇и. ‘‘амхаагам̣ ран̃н̃о маханд̇ам̣ б̣алавааханам̣, ид̣̇ам̣ наббаход̇и, ан̃н̃ам̣ маханд̇ам̣ г̇зхам̣ гариссаамаа’’д̇и. ‘‘д̇умхз мам̣ на ж̇аанаат̇а, ахам̣ рааж̇амаад̇аа, ид̣̇аани буд̇д̇асса санд̇игам̣ г̇анд̇ваа ж̇ааниссаамий’’д̇и. ‘‘маяам̣ ран̃н̃о важанзна бхинд̣̇аама, саггонд̇ий ваарзхий’’д̇и. саа гуж̇жхид̇ваа ‘‘ид̣̇аани во гад̇д̇аб̣б̣ам̣ ж̇ааниссаамий’’д̇и рааж̇ад̣̇ваарам̣ аг̇амааси. ат̇а нам̣ ‘‘маа бависаа’’д̇и д̣̇овааригаа ваараяим̣су. ‘‘ахам̣ рааж̇амаад̇аа’’д̇и. ‘‘на маяам̣ д̇ам̣ ж̇аанаама, маяам̣ ран̃н̃аа ‘гассажи бависид̇ум̣ маа ад̣̇ад̇т̇аа’д̇и аан̣ад̇д̇аа, г̇ажча д̇ва’’нд̇и. саа г̇ахзд̇аб̣б̣аг̇ахан̣ам̣ абассанд̇ий нивад̇д̇ид̇ваа ад̇д̇ано нивзсанам̣ ологзнд̇ий адтааси. ат̇а нам̣ зго бурисо ‘‘гим̣ ид̇ха гароси, г̇ажчаси, на г̇ажчасий’’д̇и г̇ийвааяа г̇ахзд̇ваа бхуумияам̣ баад̇зси.

    Mahāsatto sopānapādamūle sopānasīse mahādvāreti sabbattha attano manusseyeva ṭhapetvā ‘‘kassaci pavisituṃ mā adatthā’’ti vatvā atha rañño mātu nivesanaṃ gantvā ‘‘bhindanākāraṃ dassethā’’ti manusse āṇāpesi. Te dvārakoṭṭhakālindato paṭṭhāya iṭṭhakā ca mattikā ca apanetuṃ ārabhiṃsu. Rājamātā taṃ pavattiṃ sutvā āgantvā ‘‘kissa, tātā, mama gehaṃ bhindathā’’ti āha. ‘‘Mahosadhapaṇḍito bhindāpetvā attano rañño nivesanaṃ kātukāmo’’ti. ‘‘Yadi evaṃ idheva vasathā’’ti. ‘‘Amhākaṃ rañño mahantaṃ balavāhanaṃ, idaṃ nappahoti, aññaṃ mahantaṃ gehaṃ karissāmā’’ti. ‘‘Tumhe maṃ na jānātha, ahaṃ rājamātā, idāni puttassa santikaṃ gantvā jānissāmī’’ti. ‘‘Mayaṃ rañño vacanena bhindāma, sakkontī vārehī’’ti. Sā kujjhitvā ‘‘idāni vo kattabbaṃ jānissāmī’’ti rājadvāraṃ agamāsi. Atha naṃ ‘‘mā pavisā’’ti dovārikā vārayiṃsu. ‘‘Ahaṃ rājamātā’’ti. ‘‘Na mayaṃ taṃ jānāma, mayaṃ raññā ‘kassaci pavisituṃ mā adatthā’ti āṇattā, gaccha tva’’nti. Sā gahetabbagahaṇaṃ apassantī nivattitvā attano nivesanaṃ olokentī aṭṭhāsi. Atha naṃ eko puriso ‘‘kiṃ idha karosi, gacchasi, na gacchasī’’ti gīvāya gahetvā bhūmiyaṃ pātesi.

    саа жинд̇зси ‘‘ад̣̇д̇хаа имз ран̃н̃о аан̣ад̇д̇аа бхависсанд̇и, ид̇арат̇аа звам̣ гаад̇ум̣ на сагкиссанд̇и, бан̣д̣ид̇ассзва санд̇игам̣ г̇ажчиссаамий’’д̇и. саа г̇анд̇ваа ‘‘д̇аад̇а махосад̇ха, гасмаа мама нивзсанам̣ бхинд̣̇аабзсий’’д̇и ааха. со д̇ааяа сад̣̇д̇хим̣ на гат̇зси, санд̇игз тид̇о бурисо банасса ‘‘д̣̇зви, гим̣ гат̇зсий’’д̇и ааха. ‘‘д̇аад̇а, махосад̇хабан̣д̣ид̇о гасмаа мама г̇зхам̣ бхинд̣̇аабзд̇ий’’д̇и? ‘‘взд̣̇зхаран̃н̃о васанадтаанам̣ гаад̇у’’нд̇и. ‘‘гим̣, д̇аад̇а, звам̣ маханд̇з наг̇арз ан̃н̃ад̇т̇а нивзсанадтаанам̣ на лаб̣бхад̇ий’’д̇и ман̃н̃ад̇и. ‘‘имам̣ сад̇асахассам̣ лан̃ж̇ам̣ г̇ахзд̇ваа ан̃н̃ад̇т̇а г̇зхам̣ гаарзд̇уу’’д̇и. ‘‘саад̇ху, д̣̇зви, д̇умхаагам̣ г̇зхам̣ виссаж̇ж̇аабзссаами, лан̃ж̇асса г̇ахид̇абхаавам̣ маа гассажи гат̇аяид̇т̇а. маа но ан̃н̃зби лан̃ж̇ам̣ д̣̇ад̇ваа г̇зхаани виссаж̇ж̇аабзд̇угаамаа ахзсу’’нд̇и. саад̇ху, д̇аад̇а, ‘‘ран̃н̃о маад̇аа лан̃ж̇ам̣ ад̣̇аасий’’д̇и маяхамби лаж̇ж̇анагамзва, д̇асмаа на гассажи гат̇зссаамийд̇и. со ‘‘саад̇хуу’’д̇и д̇ассаа санд̇игаа сад̇асахассам̣ г̇ахзд̇ваа г̇зхам̣ виссаж̇ж̇аабзд̇ваа гзваддасса г̇зхам̣ аг̇амааси. соби д̣̇ваарам̣ г̇анд̇ваа взл̣убзсигаахи бидтижаммуббааданам̣ лабхид̇ваа г̇ахзд̇аб̣б̣аг̇ахан̣ам̣ абассанд̇о буна г̇зхам̣ г̇анд̇ваа сад̇асахассамзва ад̣̇ааси. зд̇знубааязна сагаланаг̇арз г̇зхадтаанам̣ г̇ан̣ханд̇зна лан̃ж̇ам̣ г̇ахзд̇ваа лад̣̇д̇хагахаабан̣аанан̃н̃зва нава годияо ж̇аад̇аа.

    Sā cintesi ‘‘addhā ime rañño āṇattā bhavissanti, itarathā evaṃ kātuṃ na sakkhissanti, paṇḍitasseva santikaṃ gacchissāmī’’ti. Sā gantvā ‘‘tāta mahosadha, kasmā mama nivesanaṃ bhindāpesī’’ti āha. So tāya saddhiṃ na kathesi, santike ṭhito puriso panassa ‘‘devi, kiṃ kathesī’’ti āha. ‘‘Tāta, mahosadhapaṇḍito kasmā mama gehaṃ bhindāpetī’’ti? ‘‘Vedeharañño vasanaṭṭhānaṃ kātu’’nti. ‘‘Kiṃ, tāta, evaṃ mahante nagare aññattha nivesanaṭṭhānaṃ na labbhatī’’ti maññati. ‘‘Imaṃ satasahassaṃ lañjaṃ gahetvā aññattha gehaṃ kāretū’’ti. ‘‘Sādhu, devi, tumhākaṃ gehaṃ vissajjāpessāmi, lañjassa gahitabhāvaṃ mā kassaci kathayittha. Mā no aññepi lañjaṃ datvā gehāni vissajjāpetukāmā ahesu’’nti. Sādhu, tāta, ‘‘rañño mātā lañjaṃ adāsī’’ti mayhampi lajjanakameva, tasmā na kassaci kathessāmīti. So ‘‘sādhū’’ti tassā santikā satasahassaṃ gahetvā gehaṃ vissajjāpetvā kevaṭṭassa gehaṃ agamāsi. Sopi dvāraṃ gantvā veḷupesikāhi piṭṭhicammuppāṭanaṃ labhitvā gahetabbagahaṇaṃ apassanto puna gehaṃ gantvā satasahassameva adāsi. Etenupāyena sakalanagare gehaṭṭhānaṃ gaṇhantena lañjaṃ gahetvā laddhakahāpaṇānaññeva nava koṭiyo jātā.

    махаасад̇д̇о сагаланаг̇арам̣ вижарид̇ваа рааж̇агулам̣ аг̇амааси. ат̇а нам̣ рааж̇аа бужчи ‘‘гим̣, бан̣д̣ид̇а, лад̣̇д̇хам̣ д̇з васанадтаана’’нд̇и? ‘‘махаарааж̇а, ад̣̇знд̇аа наама над̇т̇и, абижа ко бана г̇зхзсу г̇аяхамаанзсу гиламанд̇и. д̇зсам̣ бияавиббаяог̇ам̣ гаад̇ум̣ амхаагам̣ аяуд̇д̇ам̣. б̣ахинаг̇арз г̇аавуд̇амад̇д̇з таанз г̇ан̇г̇ааяа жа наг̇арасса жа анд̇арз асугадтаанз амхаагам̣ ран̃н̃о васананаг̇арам̣ гариссаамий’’д̇и. д̇ам̣ суд̇ваа рааж̇аа ‘‘анд̇онаг̇арз яуж̇жхид̇умби д̣̇угкам̣, нзва сагасзнаа, на барасзнаа н̃аад̇ум̣ саггаа. б̣ахинаг̇арз бана сукам̣ яуд̣̇д̇хам̣ гаад̇ум̣, д̇асмаа б̣ахинаг̇арзязва д̇з годдзд̇ваа маарзссаамаа’’д̇и д̇уссид̇ваа ‘‘саад̇ху, бан̣д̣ид̇а, д̇аяаа саллагкид̇адтаанзязва гаарзхий’’д̇и ааха. ‘‘махаарааж̇а, ахам̣ гаарзссаами, д̇умхаагам̣ бана мануссзхи д̣̇аарубан̣н̣аад̣̇ийнам̣ ад̇т̇ааяа амхаагам̣ навагаммадтаанам̣ нааг̇анд̇аб̣б̣ам̣. ааг̇ажчанд̇аа хи галахам̣ гариссанд̇и, д̇знзва д̇умхааган̃жа амхааган̃жа жид̇д̇асукам̣ на бхависсад̇ий’’д̇и. ‘‘саад̇ху, бан̣д̣ид̇а, д̇зна бассзна нисан̃жаарам̣ гаарзхий’’д̇и. ‘‘д̣̇зва, амхаагам̣ хад̇т̇ий уд̣̇агаабхирад̇аа уд̣̇агзязва гийл̣иссанд̇и. уд̣̇агз аавилз ж̇аад̇з ‘махосад̇хасса ааг̇ад̇агаалад̇о бадтааяа басаннам̣ уд̣̇агам̣ баад̇ум̣ на лабхаамаа’д̇и сажз нааг̇араа гуж̇жхиссанд̇и, д̇амби сахид̇аб̣б̣а’’нд̇и . рааж̇аа ‘‘виссад̇т̇аа д̇умхаагам̣ хад̇т̇ий гийл̣анд̇уу’’д̇и вад̇ваа наг̇арз бхзрим̣ жараабзси – ‘‘яо ид̇о нигкамид̇ваа махосад̇хасса наг̇арамаабид̇адтаанам̣ г̇ажчад̇и, д̇асса сахассад̣̇ан̣д̣о’’д̇и.

    Mahāsatto sakalanagaraṃ vicaritvā rājakulaṃ agamāsi. Atha naṃ rājā pucchi ‘‘kiṃ, paṇḍita, laddhaṃ te vasanaṭṭhāna’’nti? ‘‘Mahārāja, adentā nāma natthi, apica kho pana gehesu gayhamānesu kilamanti. Tesaṃ piyavippayogaṃ kātuṃ amhākaṃ ayuttaṃ. Bahinagare gāvutamatte ṭhāne gaṅgāya ca nagarassa ca antare asukaṭṭhāne amhākaṃ rañño vasananagaraṃ karissāmī’’ti. Taṃ sutvā rājā ‘‘antonagare yujjhitumpi dukkhaṃ, neva sakasenā, na parasenā ñātuṃ sakkā. Bahinagare pana sukhaṃ yuddhaṃ kātuṃ, tasmā bahinagareyeva te koṭṭetvā māressāmā’’ti tussitvā ‘‘sādhu, paṇḍita, tayā sallakkhitaṭṭhāneyeva kārehī’’ti āha. ‘‘Mahārāja, ahaṃ kāressāmi, tumhākaṃ pana manussehi dārupaṇṇādīnaṃ atthāya amhākaṃ navakammaṭṭhānaṃ nāgantabbaṃ. Āgacchantā hi kalahaṃ karissanti, teneva tumhākañca amhākañca cittasukhaṃ na bhavissatī’’ti. ‘‘Sādhu, paṇḍita, tena passena nisañcāraṃ kārehī’’ti. ‘‘Deva, amhākaṃ hatthī udakābhiratā udakeyeva kīḷissanti. Udake āvile jāte ‘mahosadhassa āgatakālato paṭṭhāya pasannaṃ udakaṃ pātuṃ na labhāmā’ti sace nāgarā kujjhissanti, tampi sahitabba’’nti . Rājā ‘‘vissatthā tumhākaṃ hatthī kīḷantū’’ti vatvā nagare bheriṃ carāpesi – ‘‘yo ito nikkhamitvā mahosadhassa nagaramāpitaṭṭhānaṃ gacchati, tassa sahassadaṇḍo’’ti.

    махаасад̇д̇о рааж̇аанам̣ ванд̣̇ид̇ваа ад̇д̇ано барисам̣ аад̣̇ааяа нигкамид̇ваа яат̇аабарижчиннадтаанз наг̇арам̣ маабзд̇ум̣ аарабхи. баараг̇ан̇г̇ааяа ваг̇г̇улим̣ наама г̇аамам̣ гаарзд̇ваа хад̇т̇иассарат̇авааханан̃жзва г̇об̣алиб̣ад̣̇д̣̇ан̃жа д̇ад̇т̇а табзд̇ваа наг̇арагаран̣ам̣ вижаарзнд̇о ‘‘зд̇д̇агаа ид̣̇ам̣ гаронд̇уу’’д̇и саб̣б̣агаммаани вибхаж̇ид̇ваа уман̇г̇агаммам̣ бадтабзси. махаауман̇г̇ад̣̇ваарам̣ г̇ан̇г̇аад̇ид̇т̇з ахоси. садтимад̇д̇аани яод̇хасад̇аани махаауман̇г̇ам̣ кан̣анд̇и. маханд̇зхи жаммабасиб̣б̣агзхи ваалугабам̣сум̣ харид̇ваа г̇ан̇г̇ааяа баад̇знд̇и. баад̇ид̇абаад̇ид̇ам̣ бам̣сум̣ хад̇т̇ий мад̣̇д̣̇анд̇и, г̇ан̇г̇аа аал̣улаа санд̣̇ад̇и. наг̇араваасино ‘‘махосад̇хасса ааг̇ад̇агаалад̇о бадтааяа басаннам̣ уд̣̇агам̣ баад̇ум̣ на лабхаама, г̇ан̇г̇аа аал̣улаа санд̣̇ад̇и, гим̣ ну ко зд̇а’’нд̇и вад̣̇анд̇и. ат̇а нзсам̣ бан̣д̣ид̇асса убанигкид̇д̇агабурисаа аарожзнд̇и ‘‘махосад̇хасса гира хад̇т̇ий уд̣̇агам̣ гийл̣анд̇аа г̇ан̇г̇ааяа гад̣̇д̣̇амам̣ гаронд̇и, д̇зна г̇ан̇г̇аа аал̣улаа санд̣̇ад̇ий’’д̇и.

    Mahāsatto rājānaṃ vanditvā attano parisaṃ ādāya nikkhamitvā yathāparicchinnaṭṭhāne nagaraṃ māpetuṃ ārabhi. Pāragaṅgāya vagguliṃ nāma gāmaṃ kāretvā hatthiassarathavāhanañceva gobalibaddañca tattha ṭhapetvā nagarakaraṇaṃ vicārento ‘‘ettakā idaṃ karontū’’ti sabbakammāni vibhajitvā umaṅgakammaṃ paṭṭhapesi. Mahāumaṅgadvāraṃ gaṅgātitthe ahosi. Saṭṭhimattāni yodhasatāni mahāumaṅgaṃ khaṇanti. Mahantehi cammapasibbakehi vālukapaṃsuṃ haritvā gaṅgāya pātenti. Pātitapātitaṃ paṃsuṃ hatthī maddanti, gaṅgā āḷulā sandati. Nagaravāsino ‘‘mahosadhassa āgatakālato paṭṭhāya pasannaṃ udakaṃ pātuṃ na labhāma, gaṅgā āḷulā sandati, kiṃ nu kho eta’’nti vadanti. Atha nesaṃ paṇḍitassa upanikkhittakapurisā ārocenti ‘‘mahosadhassa kira hatthī udakaṃ kīḷantā gaṅgāya kaddamaṃ karonti, tena gaṅgā āḷulā sandatī’’ti.

    б̣од̇хисад̇д̇аанам̣ ад̇хиббааяо наама самиж̇жхад̇и, д̇асмаа уман̇г̇з муулаани ваа каан̣угаани ваа марумб̣аани ваа баасаан̣аани ваа саб̣б̣зби бхуумияам̣ бависим̣су. ж̇ан̇гхауман̇г̇асса д̣̇ваарам̣ д̇асмим̣язва наг̇арз ахоси. д̇ийн̣и бурисасад̇аани ж̇ан̇гхауман̇г̇ам̣ кан̣анд̇и , жаммабасиб̣б̣агзхи бам̣сум̣харид̇ваа д̇асмим̣ наг̇арз баад̇знд̇и. баад̇ид̇абаад̇ид̇ам̣ уд̣̇агзна мад̣̇д̣̇аабзд̇ваа баагаарам̣ жинанд̇и, ан̃н̃аани ваа гаммаани гаронд̇и. махаауман̇г̇асса бависанад̣̇ваарам̣ наг̇арз ахоси адтаарасахад̇т̇уб̣б̣зд̇хзна яанд̇аяуд̇д̇ад̣̇ваарзна саманнааг̇ад̇ам̣. д̇ан̃хи згааяа аан̣ияаа агганд̇ааяа бид̇хийяад̇и, згааяа аан̣ияаа агганд̇ааяа виварийяад̇и. махаауман̇г̇асса д̣̇вийсу бассзсу идтагаахи жинид̇ваа суд̇хаагаммам̣ гаарзси, мад̇т̇агз палагзна чаннам̣ гаарзд̇ваа уллогам̣ мад̇д̇игааяа лимбаабзд̇ваа сзд̇агаммам̣ гаарзд̇ваа жид̇д̇агаммам̣ гаарзси. саб̣б̣аани банзд̇т̇а асийд̇и махаад̣̇ваараани жад̇усадти жуул̣ад̣̇ваараани ахзсум̣, саб̣б̣аани яанд̇аяуд̇д̇аанзва. згааяа аан̣ияаа агганд̇ааяа саб̣б̣аанзва бид̇хийяанд̇и, згааяа аан̣ияаа агганд̇ааяа саб̣б̣аанзва виварийяанд̇и. д̣̇вийсу бассзсу анзгасад̇ад̣̇ийбаалаяаа ахзсум̣, д̇зби яанд̇аяуд̇д̇ааязва. згасмим̣ виварияамаанз саб̣б̣з виварийяанд̇и, згасмим̣ бид̇хийяамаанз саб̣б̣з бид̇хийяанд̇и. д̣̇вийсу бассзсу згасад̇аанам̣ кад̇д̇ияаанам̣ згасад̇асаяанаг̇аб̣бхаа ахзсум̣. згзгасмим̣ г̇аб̣бхз наанааван̣н̣абажжад̇т̇аран̣ад̇т̇ад̇ам̣ згзгам̣ махаасаяанам̣ самуссид̇асзд̇ажчад̇д̇ам̣, згзгам̣ махаасаяанам̣ ниссааяа згзгам̣ маад̇уг̇аамаруубагам̣ уд̇д̇амаруубад̇харам̣ бад̇идтид̇ам̣. д̇ам̣ хад̇т̇зна абараамасид̇ваа ‘‘мануссарууба’’нд̇и на саггаа н̃аад̇ум̣, абижа уман̇г̇асса убхосу бассзсу гусалаа жид̇д̇агаараа наанаббагаарам̣ жид̇д̇агаммам̣ гарим̣су. саггавилаасасинзрусад̇д̇абарибхан̣д̣ажаггаваал̣асааг̇арасад̇д̇амахаасара- жад̇умахаад̣̇ийба-химаванд̇а-анод̇ад̇д̇асара-маносилаад̇ала жанд̣̇имасуурияа-жаад̇умахаарааж̇игаад̣̇ичагаамааважарасамбад̇д̇ияоби саб̣б̣аа уман̇г̇зязва д̣̇ассаяим̣су. бхуумияам̣ раж̇ад̇абаддаван̣н̣аа ваалугаа огирим̣су, убари уллогабад̣̇умаани д̣̇ассзсум̣. убхосу бассзсу наанаббагаарз аабан̣зби д̣̇ассаяим̣су. д̇зсу д̇зсу таанзсу г̇анд̇хад̣̇аамабубпад̣̇аамаад̣̇ийни оламб̣зд̇ваа суд̇хаммаад̣̇звасабхам̣ вияа уман̇г̇ам̣ алан̇гарим̣су.

    Bodhisattānaṃ adhippāyo nāma samijjhati, tasmā umaṅge mūlāni vā khāṇukāni vā marumbāni vā pāsāṇāni vā sabbepi bhūmiyaṃ pavisiṃsu. Jaṅghaumaṅgassa dvāraṃ tasmiṃyeva nagare ahosi. Tīṇi purisasatāni jaṅghaumaṅgaṃ khaṇanti , cammapasibbakehi paṃsuṃharitvā tasmiṃ nagare pātenti. Pātitapātitaṃ udakena maddāpetvā pākāraṃ cinanti, aññāni vā kammāni karonti. Mahāumaṅgassa pavisanadvāraṃ nagare ahosi aṭṭhārasahatthubbedhena yantayuttadvārena samannāgataṃ. Tañhi ekāya āṇiyā akkantāya pidhīyati, ekāya āṇiyā akkantāya vivarīyati. Mahāumaṅgassa dvīsu passesu iṭṭhakāhi cinitvā sudhākammaṃ kāresi, matthake phalakena channaṃ kāretvā ullokaṃ mattikāya limpāpetvā setakammaṃ kāretvā cittakammaṃ kāresi. Sabbāni panettha asīti mahādvārāni catusaṭṭhi cūḷadvārāni ahesuṃ, sabbāni yantayuttāneva. Ekāya āṇiyā akkantāya sabbāneva pidhīyanti, ekāya āṇiyā akkantāya sabbāneva vivarīyanti. Dvīsu passesu anekasatadīpālayā ahesuṃ, tepi yantayuttāyeva. Ekasmiṃ vivariyamāne sabbe vivarīyanti, ekasmiṃ pidhīyamāne sabbe pidhīyanti. Dvīsu passesu ekasatānaṃ khattiyānaṃ ekasatasayanagabbhā ahesuṃ. Ekekasmiṃ gabbhe nānāvaṇṇapaccattharaṇatthataṃ ekekaṃ mahāsayanaṃ samussitasetacchattaṃ, ekekaṃ mahāsayanaṃ nissāya ekekaṃ mātugāmarūpakaṃ uttamarūpadharaṃ patiṭṭhitaṃ. Taṃ hatthena aparāmasitvā ‘‘manussarūpa’’nti na sakkā ñātuṃ, apica umaṅgassa ubhosu passesu kusalā cittakārā nānappakāraṃ cittakammaṃ kariṃsu. Sakkavilāsasinerusattaparibhaṇḍacakkavāḷasāgarasattamahāsara- catumahādīpa-himavanta-anotattasara-manosilātala candimasūriya-cātumahārājikādichakāmāvacarasampattiyopi sabbā umaṅgeyeva dassayiṃsu. Bhūmiyaṃ rajatapaṭṭavaṇṇā vālukā okiriṃsu, upari ullokapadumāni dassesuṃ. Ubhosu passesu nānappakāre āpaṇepi dassayiṃsu. Tesu tesu ṭhānesu gandhadāmapupphadāmādīni olambetvā sudhammādevasabhaṃ viya umaṅgaṃ alaṅkariṃsu.

    д̇ааниби ко д̇ийн̣и вад̣дхагисад̇аани д̇ийн̣и нааваасад̇аани б̣анд̇хид̇ваа нидтид̇абаригаммаанам̣ д̣̇аб̣б̣асамбхаараанам̣ буурзд̇ваа г̇ан̇г̇ааяа аахарид̇ваа бан̣д̣ид̇асса аарожзсум̣ . д̇аани со наг̇арз убаяог̇ам̣ нзд̇ваа ‘‘маяаа аан̣ад̇д̇ад̣̇ивасзязва аахарзяяаат̇аа’’д̇и вад̇ваа нааваа бадижчаннадтаанз табаабзси. наг̇арз уд̣̇агабарикаа, гад̣̇д̣̇амабарикаа, сугкабарикаад̇и д̇иссо барикааяо гаарзси. адтаарасахад̇т̇о баагааро г̇обураддаалаго рааж̇анивзсанаани хад̇т̇исаалаад̣̇аяо богкаран̣ияод̇и саб̣б̣амзд̇ам̣ нидтам̣ аг̇амааси. ид̇и махаауман̇г̇о ж̇ан̇гхауман̇г̇о наг̇аранд̇и саб̣б̣амзд̇ам̣ жад̇уухи маасзхи нидтид̇ам̣. ат̇а махаасад̇д̇о жад̇умаасажжаязна ран̃н̃о ааг̇аманад̇т̇ааяа д̣̇ууд̇ам̣ баахзси. д̇амад̇т̇ам̣ багаасзнд̇о сад̇т̇аа ааха –

    Tānipi kho tīṇi vaḍḍhakisatāni tīṇi nāvāsatāni bandhitvā niṭṭhitaparikammānaṃ dabbasambhārānaṃ pūretvā gaṅgāya āharitvā paṇḍitassa ārocesuṃ . Tāni so nagare upayogaṃ netvā ‘‘mayā āṇattadivaseyeva āhareyyāthā’’ti vatvā nāvā paṭicchannaṭṭhāne ṭhapāpesi. Nagare udakaparikhā, kaddamaparikhā, sukkhaparikhāti tisso parikhāyo kāresi. Aṭṭhārasahattho pākāro gopuraṭṭālako rājanivesanāni hatthisālādayo pokkharaṇiyoti sabbametaṃ niṭṭhaṃ agamāsi. Iti mahāumaṅgo jaṅghaumaṅgo nagaranti sabbametaṃ catūhi māsehi niṭṭhitaṃ. Atha mahāsatto catumāsaccayena rañño āgamanatthāya dūtaṃ pāhesi. Tamatthaṃ pakāsento satthā āha –

    637.

    637.

    ‘‘нивзсанаани маабзд̇ваа, взд̣̇зхасса яасассино;

    ‘‘Nivesanāni māpetvā, vedehassa yasassino;

    ат̇асса баахин̣ий д̣̇ууд̇ам̣, взд̣̇зхам̣ мит̇илаг̇г̇ахам̣;

    Athassa pāhiṇī dūtaṃ, vedehaṃ mithilaggahaṃ;

    зхи д̣̇аани махаарааж̇а, маабид̇ам̣ д̇з нивзсана’’нд̇и.

    Ehi dāni mahārāja, māpitaṃ te nivesana’’nti.

    д̇ад̇т̇а баахин̣ийд̇и бзсзси.

    Tattha pāhiṇīti pesesi.

    рааж̇аа д̣̇ууд̇асса важанам̣ суд̇ваа д̇удтажид̇д̇о худ̇ваа маханд̇зна бариваарзна наг̇араа нигками. д̇амад̇т̇ам̣ багаасзнд̇о сад̇т̇аа ааха –

    Rājā dūtassa vacanaṃ sutvā tuṭṭhacitto hutvā mahantena parivārena nagarā nikkhami. Tamatthaṃ pakāsento satthā āha –

    638.

    638.

    ‘‘д̇ад̇о жа рааж̇аа бааяааси, сзнааяа жад̇уран̇г̇ияаа;

    ‘‘Tato ca rājā pāyāsi, senāya caturaṅgiyā;

    ананд̇авааханам̣ д̣̇адтум̣, пийд̇ам̣ габилияам̣ бура’’нд̇и.

    Anantavāhanaṃ daṭṭhuṃ, phītaṃ kapiliyaṃ pura’’nti.

    д̇ад̇т̇а ананд̇аваахананд̇и абаримид̇ахад̇т̇иассаад̣̇ивааханам̣. габилияам̣ буранд̇и габиларадтз маабид̇ам̣ наг̇арам̣.

    Tattha anantavāhananti aparimitahatthiassādivāhanaṃ. Kapiliyaṃ puranti kapilaraṭṭhe māpitaṃ nagaraṃ.

    со анубуб̣б̣зна г̇анд̇ваа г̇ан̇г̇аад̇ийрам̣ баабун̣и. ат̇а нам̣ махаасад̇д̇о бажжуг̇г̇анд̇ваа ад̇д̇анаа гад̇анаг̇арам̣ бавзсзси. со д̇ад̇т̇а баасаад̣̇авараг̇ад̇о наанаг̇г̇арасабхож̇анам̣ бхун̃ж̇ид̇ваа т̇огам̣ виссамид̇ваа сааяанхасамаяз ад̇д̇ано ааг̇ад̇абхаавам̣ н̃аабзд̇ум̣ жуул̣аниран̃н̃о д̣̇ууд̇ам̣ бзсзси. д̇амад̇т̇ам̣ багаасзнд̇о сад̇т̇аа ааха –

    So anupubbena gantvā gaṅgātīraṃ pāpuṇi. Atha naṃ mahāsatto paccuggantvā attanā katanagaraṃ pavesesi. So tattha pāsādavaragato nānaggarasabhojanaṃ bhuñjitvā thokaṃ vissamitvā sāyanhasamaye attano āgatabhāvaṃ ñāpetuṃ cūḷanirañño dūtaṃ pesesi. Tamatthaṃ pakāsento satthā āha –

    639.

    639.

    ‘‘д̇ад̇о жа ко со г̇анд̇ваана, б̣рахмад̣̇ад̇д̇асса баахин̣и;

    ‘‘Tato ca kho so gantvāna, brahmadattassa pāhiṇi;

    ааг̇ад̇осми махаарааж̇а, д̇ава баад̣̇аани ванд̣̇ид̇ум̣.

    Āgatosmi mahārāja, tava pādāni vandituṃ.

    640.

    640.

    ‘‘д̣̇ад̣̇аахи д̣̇аани мз бхарияам̣, наарим̣ саб̣б̣ан̇г̇асобхиним̣;

    ‘‘Dadāhi dāni me bhariyaṃ, nāriṃ sabbaṅgasobhiniṃ;

    суван̣н̣зна бадижчаннам̣, д̣̇аасийг̇ан̣абурагкад̇а’’нд̇и.

    Suvaṇṇena paṭicchannaṃ, dāsīgaṇapurakkhata’’nti.

    д̇ад̇т̇а ванд̣̇ид̇унд̇и взд̣̇зхо махаллаго, жуул̣анирааж̇аа д̇асса буд̇д̇анад̇д̇амад̇д̇оби на ход̇и, гилзсавасзна мужчид̇о бана худ̇ваа ‘‘ж̇аамаад̇арзна наама сасуро ванд̣̇анийяо’’д̇и жинд̇зд̇ваа д̇асса жид̇д̇ам̣ аж̇аананд̇ова ванд̣̇анасаасанам̣ бахин̣и. д̣̇ад̣̇аахи д̣̇аанийд̇и ахам̣ д̇аяаа ‘‘д̇хийд̇арам̣ д̣̇ассаамий’’д̇и баггосаабид̇о, д̇ам̣ мз ид̣̇аани д̣̇зхийд̇и бахин̣и. суван̣н̣зна бадижчаннанд̇и суван̣н̣аалан̇гаарзна бадиман̣д̣ид̇ам̣.

    Tattha vanditunti vedeho mahallako, cūḷanirājā tassa puttanattamattopi na hoti, kilesavasena mucchito pana hutvā ‘‘jāmātarena nāma sasuro vandanīyo’’ti cintetvā tassa cittaṃ ajānantova vandanasāsanaṃ pahiṇi. Dadāhi dānīti ahaṃ tayā ‘‘dhītaraṃ dassāmī’’ti pakkosāpito, taṃ me idāni dehīti pahiṇi. Suvaṇṇena paṭicchannanti suvaṇṇālaṅkārena paṭimaṇḍitaṃ.

    жуул̣анирааж̇аа д̣̇ууд̇асса важанам̣ суд̇ваа соманассаббад̇д̇о ‘‘ид̣̇аани мз бажжаамид̇д̇о гухим̣ г̇амиссад̇и, убхиннамби нзсам̣ сийсаани чинд̣̇ид̇ваа ж̇аяабаанам̣ бивиссаамаа’’д̇и жинд̇зд̇ваа гзвалам̣ соманассам̣ д̣̇ассзнд̇о д̣̇ууд̇асса саггаарам̣ гад̇ваа ананд̇арам̣ г̇аат̇амааха –

    Cūḷanirājā dūtassa vacanaṃ sutvā somanassappatto ‘‘idāni me paccāmitto kuhiṃ gamissati, ubhinnampi nesaṃ sīsāni chinditvā jayapānaṃ pivissāmā’’ti cintetvā kevalaṃ somanassaṃ dassento dūtassa sakkāraṃ katvā anantaraṃ gāthamāha –

    641.

    641.

    ‘‘свааг̇ад̇ам̣ д̇зва взд̣̇зха, ат̇о д̇з ад̣̇урааг̇ад̇ам̣;

    ‘‘Svāgataṃ teva vedeha, atho te adurāgataṃ;

    нагкад̇д̇ан̃н̃зва барибужча, ахам̣ ган̃н̃ам̣ д̣̇ад̣̇аами д̇з;

    Nakkhattaññeva paripuccha, ahaṃ kaññaṃ dadāmi te;

    суван̣н̣зна бадижчаннам̣, д̣̇аасийг̇ан̣абурагкад̇а’’нд̇и.

    Suvaṇṇena paṭicchannaṃ, dāsīgaṇapurakkhata’’nti.

    д̇ад̇т̇а взд̣̇зхаад̇и взд̣̇зхасса саасанам̣ суд̇ваа д̇ам̣ бурад̇о тид̇ам̣ вияа аалабад̇и. ат̇а ваа ‘‘звам̣ б̣рахмад̣̇ад̇д̇зна вуд̇д̇анд̇и вад̣̇зхий’’д̇и д̣̇ууд̇ам̣ аан̣аабзнд̇о звамааха.

    Tattha vedehāti vedehassa sāsanaṃ sutvā taṃ purato ṭhitaṃ viya ālapati. Atha vā ‘‘evaṃ brahmadattena vuttanti vadehī’’ti dūtaṃ āṇāpento evamāha.

    д̇ам̣ суд̇ваа д̣̇ууд̇о взд̣̇зхасса санд̇игам̣ г̇анд̇ваа ‘‘д̣̇зва, ман̇г̇алагирияааяа анужчавигам̣ нагкад̇д̇ам̣ гира ж̇аанаахи, рааж̇аа д̇з д̇хийд̇арам̣ д̣̇зд̇ий’’д̇и ааха. со ‘‘аж̇ж̇зва нагкад̇д̇ам̣ собхана’’нд̇и буна д̣̇ууд̇ам̣ бахин̣и. д̇амад̇т̇ам̣ багаасзнд̇о сад̇т̇аа ааха –

    Taṃ sutvā dūto vedehassa santikaṃ gantvā ‘‘deva, maṅgalakiriyāya anucchavikaṃ nakkhattaṃ kira jānāhi, rājā te dhītaraṃ detī’’ti āha. So ‘‘ajjeva nakkhattaṃ sobhana’’nti puna dūtaṃ pahiṇi. Tamatthaṃ pakāsento satthā āha –

    642.

    642.

    ‘‘д̇ад̇о жа рааж̇аа взд̣̇зхо, нагкад̇д̇ам̣ барибужчат̇а;

    ‘‘Tato ca rājā vedeho, nakkhattaṃ paripucchatha;

    нагкад̇д̇ам̣ барибужчид̇ваа, б̣рахмад̣̇ад̇д̇асса баахин̣и.

    Nakkhattaṃ paripucchitvā, brahmadattassa pāhiṇi.

    643.

    643.

    ‘‘д̣̇ад̣̇аахи д̣̇аани мз бхарияам̣, наарим̣ саб̣б̣ан̇г̇асобхиним̣;

    ‘‘Dadāhi dāni me bhariyaṃ, nāriṃ sabbaṅgasobhiniṃ;

    суван̣н̣зна бадижчаннам̣, д̣̇аасийг̇ан̣абурагкад̇а’’нд̇и.

    Suvaṇṇena paṭicchannaṃ, dāsīgaṇapurakkhata’’nti.

    жуул̣анирааж̇ааби –

    Cūḷanirājāpi –

    644.

    644.

    ‘‘д̣̇ад̣̇аами д̣̇аани д̇з бхарияам̣, наарим̣ саб̣б̣ан̇г̇асобхиним̣;

    ‘‘Dadāmi dāni te bhariyaṃ, nāriṃ sabbaṅgasobhiniṃ;

    суван̣н̣зна бадижчаннам̣, д̣̇аасийг̇ан̣абурагкад̇а’’нд̇и. –

    Suvaṇṇena paṭicchannaṃ, dāsīgaṇapurakkhata’’nti. –

    имам̣ г̇аат̇ам̣ вад̇ваа ‘‘ид̣̇аани бзсзми, ид̣̇аани бзсзмий’’д̇и мусааваад̣̇ам̣ гад̇ваа згасад̇арааж̇уунам̣ сан̃н̃ам̣ ад̣̇ааси ‘‘адтаарасаагкобхан̣исан̇кааяа сзнааяа сад̣̇д̇хим̣ саб̣б̣з яуд̣̇д̇хасаж̇ж̇аа худ̇ваа нигкаманд̇у, аж̇ж̇а убхиннамби бажжад̇т̇игаанам̣ сийсаани чинд̣̇ид̇ваа свз ж̇аяабаанам̣ бивиссаамаа’’д̇и. д̇з саб̣б̣зби нигкамим̣су. саяам̣ нигканд̇о бана маад̇арам̣ жалаагад̣̇звин̃жа аг̇г̇амахзсим̣, нанд̣̇аад̣̇звин̃жа, буд̇д̇ам̣ бан̃жаалажанд̣̇ан̃жа, д̇хийд̇арам̣ бан̃жаалажанд̣̇ин̃жаад̇и жад̇д̇ааро ж̇анз ород̇хзхи сад̣̇д̇хим̣ баасаад̣̇з ниваасаабзд̇ваа нигками. б̣од̇хисад̇д̇оби взд̣̇зхаран̃н̃о жзва д̇зна сад̣̇д̇хим̣ ааг̇ад̇асзнааяа жа маханд̇ам̣ саггаарам̣ гаарзси . гзжи мануссаа сурам̣ биванд̇и, гзжи мажчамам̣саад̣̇ийни каад̣̇анд̇и, гзжи д̣̇уурамаг̇г̇аа ааг̇ад̇ад̇д̇аа гиланд̇аа саяанд̇и. вид̣̇зхарааж̇аа бана сзнагаад̣̇аяо жад̇д̇ааро бан̣д̣ид̇з г̇ахзд̇ваа амажжаг̇ан̣абаривуд̇о алан̇гад̇амахаад̇алз нисийд̣̇и.

    Imaṃ gāthaṃ vatvā ‘‘idāni pesemi, idāni pesemī’’ti musāvādaṃ katvā ekasatarājūnaṃ saññaṃ adāsi ‘‘aṭṭhārasaakkhobhaṇisaṅkhāya senāya saddhiṃ sabbe yuddhasajjā hutvā nikkhamantu, ajja ubhinnampi paccatthikānaṃ sīsāni chinditvā sve jayapānaṃ pivissāmā’’ti. Te sabbepi nikkhamiṃsu. Sayaṃ nikkhanto pana mātaraṃ calākadeviñca aggamahesiṃ, nandādeviñca, puttaṃ pañcālacandañca, dhītaraṃ pañcālacandiñcāti cattāro jane orodhehi saddhiṃ pāsāde nivāsāpetvā nikkhami. Bodhisattopi vedeharañño ceva tena saddhiṃ āgatasenāya ca mahantaṃ sakkāraṃ kāresi . Keci manussā suraṃ pivanti, keci macchamaṃsādīni khādanti, keci dūramaggā āgatattā kilantā sayanti. Videharājā pana senakādayo cattāro paṇḍite gahetvā amaccagaṇaparivuto alaṅkatamahātale nisīdi.

    жуул̣анирааж̇ааби адтаарасаагкобхан̣исан̇кааяа сзнааяа саб̣б̣ам̣ д̇ам̣ наг̇арам̣ д̇исанд̇им̣ жад̇усан̇кзбам̣ баригкибид̇ваа анзгасад̇асахассаахи уггаахи д̇хаарияамаанаахи арун̣з уг̇г̇ажчанд̇зязва г̇ахан̣асаж̇ж̇о худ̇ваа адтааси. д̇ам̣ н̃ад̇ваа махаасад̇д̇о ад̇д̇ано яод̇хаанам̣ д̇ийн̣и сад̇аани бзсзси ‘‘д̇умхз ж̇ан̇гхауман̇г̇зна г̇анд̇ваа ран̃н̃о маад̇аран̃жа аг̇г̇амахзсин̃жа буд̇д̇ан̃жа д̇хийд̇аран̃жа ж̇ан̇гхауман̇г̇зна аанзд̇ваа махаауман̇г̇зна нзд̇ваа уман̇г̇ад̣̇ваарад̇о б̣ахи агад̇ваа анд̇оуман̇г̇зязва табзд̇ваа яаава амхаагам̣ ааг̇аманаа рагканд̇аа д̇ад̇т̇а тад̇ваа амхаагам̣ ааг̇аманагаалз уман̇г̇аа нийхарид̇ваа уман̇г̇ад̣̇ваарз махаависааламаал̣агз табзт̇аа’’д̇и. д̇з д̇асса важанам̣ самбадижчид̇ваа ж̇ан̇гхауман̇г̇зна г̇анд̇ваа собаанабаад̣̇амуулз палагасант̇аран̣ам̣ уг̇гхаадзд̇ваа собаанабаад̣̇амуулз собаанасийсз махаад̇алзд̇и зд̇д̇агз таанз аарагкамануссз жа куж̇ж̇аад̣̇ибарижааригааяо жа хад̇т̇абаад̣̇зсу б̣анд̇хид̇ваа мукан̃жа бид̣̇ахид̇ваа д̇ад̇т̇а д̇ад̇т̇а бадижчаннадтаанз табзд̇ваа ран̃н̃о бадияад̇д̇ам̣ каад̣̇анийяабхож̇анийяам̣ гин̃жи каад̣̇ид̇ваа гин̃жи бхинд̣̇ид̇ваа жун̣н̣авижун̣н̣ам̣ гад̇ваа абарибхог̇ам̣ гад̇ваа чад̣д̣зд̇ваа убарибаасаад̣̇ам̣ абхирухим̣су. д̇ад̣̇аа жалаагад̣̇звий нанд̣̇аад̣̇звин̃жа рааж̇абуд̇д̇ан̃жа рааж̇ад̇хийд̇аран̃жа г̇ахзд̇ваа ‘‘го ж̇аанаад̇и, гим̣ бхависсад̇ий’’д̇и ман̃н̃амаанаа ад̇д̇анаа сад̣̇д̇хим̣ згасаяанзязва саяаабзси. д̇з яод̇хаа г̇аб̣бхад̣̇ваарз тад̇ваа баггосим̣су. саа нигкамид̇ваа ‘‘гим̣, д̇аад̇аа’’д̇и ааха. ‘‘д̣̇зви, амхаагам̣ рааж̇аа взд̣̇зхан̃жа махосад̇хан̃жа ж̇ийвид̇агкаяам̣ баабзд̇ваа сагалаж̇амб̣уд̣̇ийбз згараж̇ж̇ам̣ гад̇ваа згасад̇арааж̇абаривуд̇о маханд̇зна яасзна аж̇ж̇а махааж̇аяабаанам̣ биванд̇о д̇умхз жад̇д̇аароби ж̇анз г̇ахзд̇ваа аанзхий’’д̇и амхз бахин̣ийд̇и.

    Cūḷanirājāpi aṭṭhārasaakkhobhaṇisaṅkhāya senāya sabbaṃ taṃ nagaraṃ tisantiṃ catusaṅkhepaṃ parikkhipitvā anekasatasahassāhi ukkāhi dhāriyamānāhi aruṇe uggacchanteyeva gahaṇasajjo hutvā aṭṭhāsi. Taṃ ñatvā mahāsatto attano yodhānaṃ tīṇi satāni pesesi ‘‘tumhe jaṅghaumaṅgena gantvā rañño mātarañca aggamahesiñca puttañca dhītarañca jaṅghaumaṅgena ānetvā mahāumaṅgena netvā umaṅgadvārato bahi akatvā antoumaṅgeyeva ṭhapetvā yāva amhākaṃ āgamanā rakkhantā tattha ṭhatvā amhākaṃ āgamanakāle umaṅgā nīharitvā umaṅgadvāre mahāvisālamāḷake ṭhapethā’’ti. Te tassa vacanaṃ sampaṭicchitvā jaṅghaumaṅgena gantvā sopānapādamūle phalakasantharaṇaṃ ugghāṭetvā sopānapādamūle sopānasīse mahātaleti ettake ṭhāne ārakkhamanusse ca khujjādiparicārikāyo ca hatthapādesu bandhitvā mukhañca pidahitvā tattha tattha paṭicchannaṭṭhāne ṭhapetvā rañño paṭiyattaṃ khādanīyabhojanīyaṃ kiñci khāditvā kiñci bhinditvā cuṇṇavicuṇṇaṃ katvā aparibhogaṃ katvā chaḍḍetvā uparipāsādaṃ abhiruhiṃsu. Tadā calākadevī nandādeviñca rājaputtañca rājadhītarañca gahetvā ‘‘ko jānāti, kiṃ bhavissatī’’ti maññamānā attanā saddhiṃ ekasayaneyeva sayāpesi. Te yodhā gabbhadvāre ṭhatvā pakkosiṃsu. Sā nikkhamitvā ‘‘kiṃ, tātā’’ti āha. ‘‘Devi, amhākaṃ rājā vedehañca mahosadhañca jīvitakkhayaṃ pāpetvā sakalajambudīpe ekarajjaṃ katvā ekasatarājaparivuto mahantena yasena ajja mahājayapānaṃ pivanto tumhe cattāropi jane gahetvā ānehī’’ti amhe pahiṇīti.

    д̇зби д̇зсам̣ важанам̣ сад̣̇д̣̇ахид̇ваа баасаад̣̇аа од̇арид̇ваа собаанабаад̣̇амуулам̣ аг̇амим̣су. ат̇а нз г̇ахзд̇ваа ж̇ан̇гхауман̇г̇ам̣ бависим̣су. д̇з аахам̣су ‘‘маяам̣ зд̇д̇агам̣ гаалам̣ ид̇ха васанд̇аа имам̣ вийт̇им̣ на од̇ин̣н̣абуб̣б̣аа’’д̇и. ‘‘д̣̇зви, имам̣ вийт̇им̣ на саб̣б̣ад̣̇аа од̇аранд̇и, ман̇г̇алавийт̇и наамзсаа, аж̇ж̇а ман̇г̇алад̣̇ивасабхаавзна рааж̇аа иминаа маг̇г̇зна аанзд̇ум̣ аан̣аабзсий’’д̇и. д̇з д̇зсам̣ важанам̣ сад̣̇д̣̇ахим̣су. ат̇згажжз д̇з жад̇д̇ааро г̇ахзд̇ваа г̇ажчим̣су. згажжз нивад̇д̇ид̇ваа рааж̇анивзсанз рад̇анаг̇аб̣бхз виварид̇ваа яат̇ижчид̇ам̣ рад̇анасаарам̣ г̇ахзд̇ваа ааг̇амим̣су. ид̇арзби жад̇д̇ааро кад̇д̇ияаа бурад̇о махаауман̇г̇ам̣ бад̇ваа алан̇гад̇ад̣̇звасабхам̣ вияа уман̇г̇ам̣ д̣̇исваа ‘‘ран̃н̃о ад̇т̇ааяа саж̇ж̇ид̇а’’нд̇и сан̃н̃ам̣ гарим̣су. ат̇а нз г̇ан̇г̇ааяа авид̣̇ууратаанам̣ нзд̇ваа анд̇оуман̇г̇зязва алан̇гад̇аг̇аб̣бхз нисийд̣̇аабзд̇ваа згажжз аарагкам̣ г̇ахзд̇ваа ажчим̣су. згажжз д̇зсам̣ аанийд̇абхаавам̣ н̃аабзд̇ум̣ г̇анд̇ваа б̣од̇хисад̇д̇асса аарожзсум̣. со д̇зсам̣ гат̇ам̣ суд̇ваа ‘‘ид̣̇аани мз манорат̇о мад̇т̇агам̣ баабун̣иссад̇ий’’д̇и соманассаж̇аад̇о ран̃н̃о санд̇игам̣ г̇анд̇ваа згаманд̇ам̣ адтааси. рааж̇ааби гилзсаад̇урад̇ааяа ‘‘ид̣̇аани мз д̇хийд̇арам̣ бзсзссад̇и, ид̣̇аани мз д̇хийд̇арам̣ бзсзссад̇ий’’д̇и баллан̇гад̇о удтааяа ваад̇абаанзна ологзнд̇о анзгзхи уггаасад̇асахассзхи згобхаасам̣ ж̇аад̇ам̣ наг̇арам̣ махад̇ияаа сзнааяа баривуд̇ам̣ д̣̇исваа аасан̇гид̇абарисан̇гид̇о ‘‘гим̣ ну ко зд̇а’’нд̇и бан̣д̣ид̇зхи сад̣̇д̇хим̣ манд̇знд̇о г̇аат̇амааха –

    Tepi tesaṃ vacanaṃ saddahitvā pāsādā otaritvā sopānapādamūlaṃ agamiṃsu. Atha ne gahetvā jaṅghaumaṅgaṃ pavisiṃsu. Te āhaṃsu ‘‘mayaṃ ettakaṃ kālaṃ idha vasantā imaṃ vīthiṃ na otiṇṇapubbā’’ti. ‘‘Devi, imaṃ vīthiṃ na sabbadā otaranti, maṅgalavīthi nāmesā, ajja maṅgaladivasabhāvena rājā iminā maggena ānetuṃ āṇāpesī’’ti. Te tesaṃ vacanaṃ saddahiṃsu. Athekacce te cattāro gahetvā gacchiṃsu. Ekacce nivattitvā rājanivesane ratanagabbhe vivaritvā yathicchitaṃ ratanasāraṃ gahetvā āgamiṃsu. Itarepi cattāro khattiyā purato mahāumaṅgaṃ patvā alaṅkatadevasabhaṃ viya umaṅgaṃ disvā ‘‘rañño atthāya sajjita’’nti saññaṃ kariṃsu. Atha ne gaṅgāya avidūraṭhānaṃ netvā antoumaṅgeyeva alaṅkatagabbhe nisīdāpetvā ekacce ārakkhaṃ gahetvā acchiṃsu. Ekacce tesaṃ ānītabhāvaṃ ñāpetuṃ gantvā bodhisattassa ārocesuṃ. So tesaṃ kathaṃ sutvā ‘‘idāni me manoratho matthakaṃ pāpuṇissatī’’ti somanassajāto rañño santikaṃ gantvā ekamantaṃ aṭṭhāsi. Rājāpi kilesāturatāya ‘‘idāni me dhītaraṃ pesessati, idāni me dhītaraṃ pesessatī’’ti pallaṅkato uṭṭhāya vātapānena olokento anekehi ukkāsatasahassehi ekobhāsaṃ jātaṃ nagaraṃ mahatiyā senāya parivutaṃ disvā āsaṅkitaparisaṅkito ‘‘kiṃ nu kho eta’’nti paṇḍitehi saddhiṃ mantento gāthamāha –

    645.

    645.

    ‘‘хад̇т̇ий ассаа рат̇аа бад̇д̇ий, сзнаа д̇идтанд̇и ваммид̇аа;

    ‘‘Hatthī assā rathā pattī, senā tiṭṭhanti vammitā;

    уггаа бад̣̇ид̇д̇аа жхааяанд̇и, гим̣ ну ман̃н̃анд̇и бан̣д̣ид̇аа’’д̇и.

    Ukkā padittā jhāyanti, kiṃ nu maññanti paṇḍitā’’ti.

    д̇ад̇т̇а гим̣ ну ман̃н̃анд̇ийд̇и жуул̣анирааж̇аа амхаагам̣ д̇удто, уд̣̇ааху гуд̣̇д̇хо, гим̣ ну бан̣д̣ид̇аа ман̃н̃анд̇ийд̇и бужчи.

    Tattha kiṃ nu maññantīti cūḷanirājā amhākaṃ tuṭṭho, udāhu kuddho, kiṃ nu paṇḍitā maññantīti pucchi.

    д̇ам̣ суд̇ваа сзнаго ааха – ‘‘маа жинд̇аяид̇т̇а, махаарааж̇а, ад̇иб̣ахуу уггаа бан̃н̃ааяанд̇и, рааж̇аа д̇умхаагам̣ д̣̇аад̇ум̣ д̇хийд̇арам̣ г̇ахзд̇ваа зд̇и ман̃н̃з’’д̇и. буггусоби ‘‘д̇умхаагам̣ ааг̇анд̇угасаггаарам̣ гаад̇ум̣ аарагкам̣ г̇ахзд̇ваа тид̇о бхависсад̇ий’’д̇и ааха. звам̣ д̇зсам̣ яам̣ яам̣ ружжад̇и, д̇ам̣ д̇ам̣ гат̇аяим̣су. рааж̇аа бана ‘‘асугадтаанз сзнаа д̇идтанд̇у, асугадтаанз аарагкам̣ г̇ан̣хат̇а, аббамад̇д̇аа хот̇аа’’д̇и вад̣̇анд̇аанам̣ сад̣̇д̣̇ам̣ суд̇ваа ологзнд̇о саннад̣̇д̇хабан̃жаавуд̇хам̣ сзнам̣ бассид̇ваа маран̣абхаяабхийд̇о худ̇ваа махаасад̇д̇асса гат̇ам̣ бажжаасийсанд̇о ид̇арам̣ г̇аат̇амааха –

    Taṃ sutvā senako āha – ‘‘mā cintayittha, mahārāja, atibahū ukkā paññāyanti, rājā tumhākaṃ dātuṃ dhītaraṃ gahetvā eti maññe’’ti. Pukkusopi ‘‘tumhākaṃ āgantukasakkāraṃ kātuṃ ārakkhaṃ gahetvā ṭhito bhavissatī’’ti āha. Evaṃ tesaṃ yaṃ yaṃ ruccati, taṃ taṃ kathayiṃsu. Rājā pana ‘‘asukaṭṭhāne senā tiṭṭhantu, asukaṭṭhāne ārakkhaṃ gaṇhatha, appamattā hothā’’ti vadantānaṃ saddaṃ sutvā olokento sannaddhapañcāvudhaṃ senaṃ passitvā maraṇabhayabhīto hutvā mahāsattassa kathaṃ paccāsīsanto itaraṃ gāthamāha –

    646.

    646.

    ‘‘хад̇т̇ий ассаа рат̇аа бад̇д̇ий, сзнаа д̇идтанд̇и ваммид̇аа;

    ‘‘Hatthī assā rathā pattī, senā tiṭṭhanti vammitā;

    уггаа бад̣̇ид̇д̇аа жхааяанд̇и, гим̣ ну гааханд̇и бан̣д̣ид̇аа’’д̇и.

    Ukkā padittā jhāyanti, kiṃ nu kāhanti paṇḍitā’’ti.

    д̇ад̇т̇а гим̣ ну гааханд̇и бан̣д̣ид̇аад̇и бан̣д̣ид̇а, гим̣ наама жинд̇зси, имаа сзнаа амхаагам̣ гим̣ гариссанд̇ийд̇и.

    Tattha kiṃ nu kāhanti paṇḍitāti paṇḍita, kiṃ nāma cintesi, imā senā amhākaṃ kiṃ karissantīti.

    д̇ам̣ суд̇ваа махаасад̇д̇о ‘‘имам̣ анд̇хаб̣аалам̣ т̇огам̣ санд̇аасзд̇ваа бажчаа мама бан̃н̃ааб̣алам̣ д̣̇ассзд̇ваа ассаасзссаамий’’д̇и жинд̇зд̇ваа ааха –

    Taṃ sutvā mahāsatto ‘‘imaṃ andhabālaṃ thokaṃ santāsetvā pacchā mama paññābalaṃ dassetvā assāsessāmī’’ti cintetvā āha –

    647.

    647.

    ‘‘рагкад̇и д̇ам̣ махаарааж̇а, жуул̣анзяяо махаб̣б̣ало;

    ‘‘Rakkhati taṃ mahārāja, cūḷaneyyo mahabbalo;

    бад̣̇удто б̣рахмад̣̇ад̇д̇зна, баад̇о д̇ам̣ гхаад̇аяиссад̇ий’’д̇и.

    Paduṭṭho brahmadattena, pāto taṃ ghātayissatī’’ti.

    д̇ам̣ суд̇ваа саб̣б̣з маран̣абхаяад̇аж̇ж̇ид̇аа ж̇аад̇аа. ран̃н̃о ган̣д̣о сусси мукз кзл̣о баричиж̇ж̇и, сарийрз д̣̇аахо уббаж̇ж̇и. со маран̣абхаяабхийд̇о барид̣̇званд̇о д̣̇вз г̇аат̇аа ааха –

    Taṃ sutvā sabbe maraṇabhayatajjitā jātā. Rañño kaṇḍo sussi mukhe kheḷo parichijji, sarīre dāho uppajji. So maraṇabhayabhīto paridevanto dve gāthā āha –

    648.

    648.

    ‘‘уб̣б̣зд̇хад̇и мз хад̣̇аяам̣, мукан̃жа барисуссад̇и;

    ‘‘Ubbedhati me hadayaṃ, mukhañca parisussati;

    ниб̣б̣уд̇им̣ наад̇хиг̇ажчаами, аг̇г̇ид̣̇ад̣дхова аад̇абз.

    Nibbutiṃ nādhigacchāmi, aggidaḍḍhova ātape.

    649.

    649.

    ‘‘гаммаараанам̣ яат̇аа уггаа, ад̇т̇о жхааяад̇и но б̣ахи;

    ‘‘Kammārānaṃ yathā ukkā, attho jhāyati no bahi;

    звамби хад̣̇аяам̣ маяхам̣, анд̇о жхааяад̇и но б̣ахий’’д̇и.

    Evampi hadayaṃ mayhaṃ, anto jhāyati no bahī’’ti.

    д̇ад̇т̇а уб̣б̣зд̇хад̇ийд̇и д̇аад̇а махосад̇хабан̣д̣ид̇а, хад̣̇аяам̣ мз махааваад̇аббахарид̇ам̣ вияа баллавам̣ гамбад̇и. анд̇о жхааяад̇ийд̇и со ‘‘уггаа вияа маяхам̣ хад̣̇аяамам̣сам̣ аб̣бханд̇арз жхааяад̇и, б̣ахи бана на жхааяад̇ий’’д̇и барид̣̇звад̇и.

    Tattha ubbedhatīti tāta mahosadhapaṇḍita, hadayaṃ me mahāvātappaharitaṃ viya pallavaṃ kampati. Anto jhāyatīti so ‘‘ukkā viya mayhaṃ hadayamaṃsaṃ abbhantare jhāyati, bahi pana na jhāyatī’’ti paridevati.

    махаасад̇д̇о д̇асса барид̣̇звид̇асад̣̇д̣̇ам̣ суд̇ваа ‘‘аяам̣ анд̇хаб̣аало ан̃н̃зсу д̣̇ивасзсу мама важанам̣ на агааси, бхияяо нам̣ ниг̇г̇ан̣хиссаамий’’д̇и жинд̇зд̇ваа ааха –

    Mahāsatto tassa paridevitasaddaṃ sutvā ‘‘ayaṃ andhabālo aññesu divasesu mama vacanaṃ na akāsi, bhiyyo naṃ niggaṇhissāmī’’ti cintetvā āha –

    650.

    650.

    ‘‘бамад̇д̇о манд̇анаад̇ийд̇о, бхиннаманд̇оси кад̇д̇ияа;

    ‘‘Pamatto mantanātīto, bhinnamantosi khattiya;

    ид̣̇аани ко д̇ам̣ д̇ааяанд̇у, бан̣д̣ид̇аа манд̇ино ж̇анаа.

    Idāni kho taṃ tāyantu, paṇḍitā mantino janā.

    651.

    651.

    ‘‘агад̇ваамажжасса важанам̣, ад̇т̇агаамахид̇зсино;

    ‘‘Akatvāmaccassa vacanaṃ, atthakāmahitesino;

    ад̇д̇абийд̇ирад̇о рааж̇аа, миг̇о гуудзва охид̇о.

    Attapītirato rājā, migo kūṭeva ohito.

    652.

    652.

    ‘‘яат̇ааби мажчо б̣ал̣исам̣, ван̇гам̣ мам̣сзна чаад̣̇ид̇ам̣;

    ‘‘Yathāpi maccho baḷisaṃ, vaṅkaṃ maṃsena chāditaṃ;

    аамаг̇ид̣̇д̇хо на ж̇аанаад̇и, мажчо маран̣амад̇д̇ано.

    Āmagiddho na jānāti, maccho maraṇamattano.

    653.

    653.

    ‘‘звамзва д̇увам̣ рааж̇а, жуул̣анзяяасса д̇хийд̇арам̣;

    ‘‘Evameva tuvaṃ rāja, cūḷaneyyassa dhītaraṃ;

    гаамаг̇ид̣̇д̇хо на ж̇аанааси, мажчова маран̣амад̇д̇ано.

    Kāmagiddho na jānāsi, macchova maraṇamattano.

    654.

    654.

    ‘‘сажз г̇ажчаси бан̃жаалам̣, киббамад̇д̇ам̣ ж̇ахиссаси;

    ‘‘Sace gacchasi pañcālaṃ, khippamattaṃ jahissasi;

    миг̇ам̣ бант̇аануб̣анд̇хам̣ва, маханд̇ам̣ бхаяамзссад̇и.

    Migaṃ panthānubandhaṃva, mahantaṃ bhayamessati.

    655.

    655.

    ‘‘анарияаруубо бурисо ж̇анинд̣̇а, ахийва ужчан̇г̇аг̇ад̇о д̣асзяяа;

    ‘‘Anariyarūpo puriso janinda, ahīva ucchaṅgagato ḍaseyya;

    на д̇зна мид̇д̇им̣ гаяираат̇а д̇хийро, д̣̇угко хавз гаабурисзна сан̇г̇амо.

    Na tena mittiṃ kayirātha dhīro, dukkho have kāpurisena saṅgamo.

    656.

    656.

    ‘‘яад̣̇зва ж̇ан̃н̃аа бурисам̣ ж̇анинд̣̇а, сийлавааяам̣ б̣ахуссуд̇о;

    ‘‘Yadeva jaññā purisaṃ janinda, sīlavāyaṃ bahussuto;

    д̇знзва мид̇д̇им̣ гаяираат̇а д̇хийро, суко хавз саббурисзна сан̇г̇амо’’д̇и.

    Teneva mittiṃ kayirātha dhīro, sukho have sappurisena saṅgamo’’ti.

    д̇ад̇т̇а бамад̇д̇од̇и махаарааж̇а, д̇вам̣ гаамзна бамад̇д̇о. манд̇анаад̇ийд̇од̇и маяаа анааг̇ад̇абхаяам̣ д̣̇исваа бан̃н̃ааяа барижчинд̣̇ид̇ваа манд̇ид̇аманд̇анам̣ ад̇иггаманд̇о. бхиннаманд̇од̇и манд̇анаад̇игганд̇ад̇д̇ааязва бхиннаманд̇о, яо ваа д̇з сзнагаад̣̇ийхи сад̣̇д̇хим̣ манд̇о г̇ахид̇о, зсо бхиннод̇иби бхиннаманд̇оси ж̇аад̇о. бан̣д̣ид̇аад̇и имз сзнагаад̣̇аяо жад̇д̇ааро ж̇анаа ид̣̇аани д̇ам̣ рагканд̇у, бассаами нзсам̣ б̣аланд̇и д̣̇ийбзд̇и. агад̇ваамажжассаад̇и мама уд̇д̇амаамажжасса важанам̣ агад̇ваа. ад̇д̇абийд̇ирад̇од̇и ад̇д̇ано гилзсабийд̇ияаа абхирад̇о худ̇ваа. миг̇о гуудзва охид̇од̇и яат̇аа наама ниваабалобхзна ааг̇ад̇о миг̇о гуудабаасз б̣аж̇жхад̇и, звам̣ мама важанам̣ аг̇г̇ахзд̇ваа ‘‘бан̃жаалажанд̣̇им̣ лабхиссаамий’’д̇и гилзсалобхзна ааг̇анд̇ваа ид̣̇аани гуудабаасз б̣ад̣̇д̇хо миг̇о вияа ж̇аад̇осийд̇и.

    Tattha pamattoti mahārāja, tvaṃ kāmena pamatto. Mantanātītoti mayā anāgatabhayaṃ disvā paññāya paricchinditvā mantitamantanaṃ atikkamanto. Bhinnamantoti mantanātikkantattāyeva bhinnamanto, yo vā te senakādīhi saddhiṃ manto gahito, eso bhinnotipi bhinnamantosi jāto. Paṇḍitāti ime senakādayo cattāro janā idāni taṃ rakkhantu, passāmi nesaṃ balanti dīpeti. Akatvāmaccassāti mama uttamaamaccassa vacanaṃ akatvā. Attapītiratoti attano kilesapītiyā abhirato hutvā. Migo kūṭeva ohitoti yathā nāma nivāpalobhena āgato migo kūṭapāse bajjhati, evaṃ mama vacanaṃ aggahetvā ‘‘pañcālacandiṃ labhissāmī’’ti kilesalobhena āgantvā idāni kūṭapāse baddho migo viya jātosīti.

    ‘‘яат̇ааби мажжо’’д̇и г̇аат̇аад̣̇ваяам̣ ‘‘д̇ад̣̇аа маяаа аяам̣ убамаа аабхад̇аа’’д̇и д̣̇ассзд̇ум̣ вуд̇д̇ам̣. ‘‘сажз г̇ажчасий’’д̇и г̇аат̇ааби ‘‘на гзвалам̣ зд̇д̇агамзва, имамби ахам̣ аахари’’нд̇и д̣̇ассзд̇ум̣ вуд̇д̇аа. анарияаруубод̇и гзваддаб̣раахман̣асад̣̇исо асаббурисаж̇аад̇иго ниллаж̇ж̇абурисо. на д̇зна мид̇д̇инд̇и д̇аад̣̇исзна сад̣̇д̇хим̣ мид̇д̇ид̇хаммам̣ на гаяираат̇а, д̇вам̣ бана гзваддзна сад̣̇д̇хим̣ мид̇д̇ид̇хаммам̣ гад̇ваа д̇асса важанам̣ г̇ан̣хи. д̣̇угкод̇и зваруубзна сад̣̇д̇хим̣ сан̇г̇амо наама згаваарамби гад̇о ид̇халогзби баралогзби махаад̣̇угкааваханад̇о д̣̇угко наама ход̇и. яад̣̇зваад̇и яам̣ зва, аяамзва ваа баато. сукод̇и ид̇халогзби баралогзби сукоязва.

    ‘‘Yathāpi macco’’ti gāthādvayaṃ ‘‘tadā mayā ayaṃ upamā ābhatā’’ti dassetuṃ vuttaṃ. ‘‘Sace gacchasī’’ti gāthāpi ‘‘na kevalaṃ ettakameva, imampi ahaṃ āhari’’nti dassetuṃ vuttā. Anariyarūpoti kevaṭṭabrāhmaṇasadiso asappurisajātiko nillajjapuriso. Na tena mittinti tādisena saddhiṃ mittidhammaṃ na kayirātha, tvaṃ pana kevaṭṭena saddhiṃ mittidhammaṃ katvā tassa vacanaṃ gaṇhi. Dukkhoti evarūpena saddhiṃ saṅgamo nāma ekavārampi kato idhalokepi paralokepi mahādukkhāvahanato dukkho nāma hoti. Yadevāti yaṃ eva, ayameva vā pāṭho. Sukhoti idhalokepi paralokepi sukhoyeva.

    ат̇а нам̣ ‘‘буна зваруубам̣ гариссад̇ий’’д̇и судтуд̇арам̣ ниг̇г̇ан̣ханд̇о буб̣б̣з ран̃н̃аа гат̇ид̇агат̇ам̣ аахарид̇ваа д̣̇ассзнд̇о –

    Atha naṃ ‘‘puna evarūpaṃ karissatī’’ti suṭṭhutaraṃ niggaṇhanto pubbe raññā kathitakathaṃ āharitvā dassento –

    657.

    657.

    ‘‘б̣аало д̇увам̣ зл̣амууг̇оси рааж̇а, яо уд̇д̇амад̇т̇аани маяий лабид̇т̇о;

    ‘‘Bālo tuvaṃ eḷamūgosi rāja, yo uttamatthāni mayī lapittho;

    гимзвахам̣ нан̇г̇алагодивад̣дхо, ад̇т̇аани ж̇аанаами яат̇ааби ан̃н̃з.

    Kimevahaṃ naṅgalakoṭivaḍḍho, atthāni jānāmi yathāpi aññe.

    658.

    658.

    ‘‘имам̣ г̇алз г̇ахзд̇ваана, наасзт̇а виж̇ид̇аа мама;

    ‘‘Imaṃ gale gahetvāna, nāsetha vijitā mama;

    яо мз рад̇аналаабхасса, анд̇арааяааяа бхаасад̇ий’’д̇и. –

    Yo me ratanalābhassa, antarāyāya bhāsatī’’ti. –

    имаа д̣̇вз г̇аат̇аа вад̇ваа ‘‘махаарааж̇а, ахам̣ г̇ахабад̇ибуд̇д̇о, яат̇аа д̇ава ан̃н̃з сзнагаад̣̇аяо бан̣д̣ид̇аа ад̇т̇аани ж̇аананд̇и, д̇ат̇аа гимзва ахам̣ ж̇ааниссам̣, аг̇ожаро зса маяхам̣, г̇ахабад̇исиббамзваахам̣ ж̇аанаами, аяам̣ ад̇т̇о сзнагаад̣̇ийнам̣ бан̣д̣ид̇аанам̣ баагадо ход̇и, аж̇ж̇а д̇з адтаарасаагкобхан̣исан̇кааяа сзнааяа бариваарид̇асса сзнагаад̣̇аяо авассаяаа хонд̇у, мам̣ бана г̇ийвааяам̣ г̇ахзд̇ваа ниггад̣дхид̇ум̣ аан̣аабзси, ид̣̇аани мам̣ гасмаа бужчасий’’д̇и звам̣ суниг̇г̇ахид̇ам̣ ниг̇г̇ан̣хи.

    Imā dve gāthā vatvā ‘‘mahārāja, ahaṃ gahapatiputto, yathā tava aññe senakādayo paṇḍitā atthāni jānanti, tathā kimeva ahaṃ jānissaṃ, agocaro esa mayhaṃ, gahapatisippamevāhaṃ jānāmi, ayaṃ attho senakādīnaṃ paṇḍitānaṃ pākaṭo hoti, ajja te aṭṭhārasaakkhobhaṇisaṅkhāya senāya parivāritassa senakādayo avassayā hontu, maṃ pana gīvāyaṃ gahetvā nikkaḍḍhituṃ āṇāpesi, idāni maṃ kasmā pucchasī’’ti evaṃ suniggahitaṃ niggaṇhi.

    д̇ам̣ суд̇ваа рааж̇аа жинд̇зси ‘‘бан̣д̣ид̇о маяаа гат̇ид̇ад̣̇осамзва гат̇зд̇и. буб̣б̣зва хи ид̣̇ам̣ анааг̇ад̇абхаяам̣ ж̇аани, д̇зна мам̣ ад̇ивияа ниг̇г̇ан̣хаад̇и, на ко банааяам̣ зд̇д̇агам̣ гаалам̣ ниггаммагова ажчиссад̇и, авассам̣ иминаа маяхам̣ сод̇т̇ибхааво гад̇о бхависсад̇ий’’д̇и. ат̇а нам̣ бариг̇г̇ан̣ханд̇о д̣̇вз г̇аат̇аа абхааси –

    Taṃ sutvā rājā cintesi ‘‘paṇḍito mayā kathitadosameva katheti. Pubbeva hi idaṃ anāgatabhayaṃ jāni, tena maṃ ativiya niggaṇhāti, na kho panāyaṃ ettakaṃ kālaṃ nikkammakova acchissati, avassaṃ iminā mayhaṃ sotthibhāvo kato bhavissatī’’ti. Atha naṃ pariggaṇhanto dve gāthā abhāsi –

    659.

    659.

    ‘‘махосад̇ха ад̇ийд̇зна, наанувиж̇жханд̇и бан̣д̣ид̇аа,

    ‘‘Mahosadha atītena, nānuvijjhanti paṇḍitā,

    гим̣ мам̣ ассам̣ва самб̣ад̣̇д̇хам̣, бад̇од̣̇знзва виж̇жхаси.

    Kiṃ maṃ assaṃva sambaddhaṃ, patodeneva vijjhasi.

    660.

    660.

    ‘‘сажз бассаси могкам̣ ваа, кзмам̣ ваа бана бассаси;

    ‘‘Sace passasi mokkhaṃ vā, khemaṃ vā pana passasi;

    д̇знзва мам̣ анусааса, гим̣ ад̇ийд̇зна виж̇жхасий’’д̇и.

    Teneva maṃ anusāsa, kiṃ atītena vijjhasī’’ti.

    д̇ад̇т̇а наанувиж̇жханд̇ийд̇и ад̇ийд̇ад̣̇осам̣ г̇ахзд̇ваа мукасад̇д̇ийхи на виж̇жханд̇и. ассам̣ва самб̣ад̣̇д̇ханд̇и сад̇д̇усзнааяа баривуд̇ад̇д̇аа судту б̣анд̇хид̇ваа табид̇ам̣ ассам̣ вияа гим̣ мам̣ виж̇жхаси. д̇знзва манд̇и звам̣ д̇з могко бхависсад̇и, звам̣ кзманд̇и д̇знзва сод̇т̇ибхаавзна мам̣ анусааса ассаасзхи, д̇ан̃хи табзд̇ваа ан̃н̃ам̣ мз бадисаран̣ам̣ над̇т̇ийд̇и.

    Tattha nānuvijjhantīti atītadosaṃ gahetvā mukhasattīhi na vijjhanti. Assaṃva sambaddhanti sattusenāya parivutattā suṭṭhu bandhitvā ṭhapitaṃ assaṃ viya kiṃ maṃ vijjhasi. Teneva manti evaṃ te mokkho bhavissati, evaṃ khemanti teneva sotthibhāvena maṃ anusāsa assāsehi, tañhi ṭhapetvā aññaṃ me paṭisaraṇaṃ natthīti.

    ат̇а нам̣ махаасад̇д̇о ‘‘аяам̣ рааж̇аа ад̇ивияа анд̇хаб̣аало, бурисависзсам̣ на ж̇аанаад̇и, т̇огам̣ гиламзд̇ваа бажчаа д̇асса авассаяо бхависсамий’’д̇и жинд̇зд̇ваа ааха –

    Atha naṃ mahāsatto ‘‘ayaṃ rājā ativiya andhabālo, purisavisesaṃ na jānāti, thokaṃ kilametvā pacchā tassa avassayo bhavissamī’’ti cintetvā āha –

    661.

    661.

    ‘‘ад̇ийд̇ам̣ маанусам̣ гаммам̣, д̣̇уггарам̣ д̣̇урабхисамбхавам̣;

    ‘‘Atītaṃ mānusaṃ kammaṃ, dukkaraṃ durabhisambhavaṃ;

    на д̇ам̣ саггоби можзд̇ум̣, д̇вам̣ баж̇аанассу кад̇д̇ияа.

    Na taṃ sakkopi mocetuṃ, tvaṃ pajānassu khattiya.

    662.

    662.

    ‘‘санд̇и взхааяасаа нааг̇аа, ид̣̇д̇химанд̇о яасассино;

    ‘‘Santi vehāyasā nāgā, iddhimanto yasassino;

    д̇зби аад̣̇ааяа г̇ажчзяяум̣, яасса хонд̇и д̇ат̇аавид̇хаа.

    Tepi ādāya gaccheyyuṃ, yassa honti tathāvidhā.

    663.

    663.

    ‘‘санд̇и взхааяасаа ассаа, ид̣̇д̇химанд̇о яасассино;

    ‘‘Santi vehāyasā assā, iddhimanto yasassino;

    д̇зби аад̣̇ааяа г̇ажчзяяум̣, яасса хонд̇и д̇ат̇аавид̇хаа.

    Tepi ādāya gaccheyyuṃ, yassa honti tathāvidhā.

    664.

    664.

    ‘‘санд̇и взхааяасаа багкий, ид̣̇д̇химанд̇о яасассино;

    ‘‘Santi vehāyasā pakkhī, iddhimanto yasassino;

    д̇зби аад̣̇ааяа г̇ажчзяяум̣, яасса хонд̇и д̇ат̇аавид̇хаа.

    Tepi ādāya gaccheyyuṃ, yassa honti tathāvidhā.

    665.

    665.

    ‘‘санд̇и взхааяасаа яагкаа, ид̣̇д̇химанд̇о яасассино;

    ‘‘Santi vehāyasā yakkhā, iddhimanto yasassino;

    д̇зби аад̣̇ааяа г̇ажчзяяум̣, яасса хонд̇и д̇ат̇аавид̇хаа.

    Tepi ādāya gaccheyyuṃ, yassa honti tathāvidhā.

    666.

    666.

    ‘‘ад̇ийд̇ам̣ маанусам̣ гаммам̣, д̣̇уггарам̣ д̣̇урабхисамбхавам̣;

    ‘‘Atītaṃ mānusaṃ kammaṃ, dukkaraṃ durabhisambhavaṃ;

    на д̇ам̣ саггоми можзд̇ум̣, анд̇алигкзна кад̇д̇ияаа’’д̇и.

    Na taṃ sakkomi mocetuṃ, antalikkhena khattiyā’’ti.

    д̇ад̇т̇а гамманд̇и махаарааж̇а, ид̣̇ам̣ ид̇о д̇ава можанам̣ наама ад̇ийд̇ам̣, мануссзхи гад̇д̇аб̣б̣агаммам̣ ад̇ийд̇ам̣. д̣̇уггарам̣ д̣̇урабхисамбхаванд̇и нзва гаад̇ум̣, на самбхавид̇ум̣ саггаа. на д̇ам̣ саггомийд̇и ахам̣ д̇ам̣ ид̇о можзд̇ум̣ на саггоми. д̇вам̣ баж̇аанассу кад̇д̇ияаад̇и махаарааж̇а, д̇вамзвзд̇т̇а гад̇д̇аб̣б̣ам̣ ж̇аанассу. взхааяасаад̇и аагаасзна г̇аманасамад̇т̇аа. нааг̇аад̇и хад̇т̇ино. яассаад̇и яасса ран̃н̃о. д̇ат̇аавид̇хаад̇и чад̣̇д̣̇анд̇агулз ваа убосат̇агулз ваа ж̇аад̇аа нааг̇аа хонд̇и, д̇ам̣ рааж̇аанам̣ д̇з аад̣̇ааяа г̇ажчзяяум̣. ассаад̇и валаахагаассарааж̇агулз ж̇аад̇аа ассаа. багкийд̇и г̇арул̣хам̣ санд̇хааяааха. яагкаад̇и саад̇ааг̇ираад̣̇аяо яагкаа. анд̇алигкзнаад̇и анд̇алигкзна можзд̇ум̣ на саггоми, д̇ам̣ аад̣̇ааяа аагаасзна мит̇илам̣ нзд̇ум̣ на саггомийд̇и ад̇т̇о.

    Tattha kammanti mahārāja, idaṃ ito tava mocanaṃ nāma atītaṃ, manussehi kattabbakammaṃ atītaṃ. Dukkaraṃ durabhisambhavanti neva kātuṃ, na sambhavituṃ sakkā. Na taṃ sakkomīti ahaṃ taṃ ito mocetuṃ na sakkomi. Tvaṃ pajānassu khattiyāti mahārāja, tvamevettha kattabbaṃ jānassu. Vehāyasāti ākāsena gamanasamatthā. Nāgāti hatthino. Yassāti yassa rañño. Tathāvidhāti chaddantakule vā uposathakule vā jātā nāgā honti, taṃ rājānaṃ te ādāya gaccheyyuṃ. Assāti valāhakaassarājakule jātā assā. Pakkhīti garuḷhaṃ sandhāyāha. Yakkhāti sātāgirādayo yakkhā. Antalikkhenāti antalikkhena mocetuṃ na sakkomi, taṃ ādāya ākāsena mithilaṃ netuṃ na sakkomīti attho.

    рааж̇аа д̇ам̣ суд̇ваа аббадибхаано нисийд̣̇и. ат̇а сзнаго жинд̇зси ‘‘ид̣̇аани ран̃н̃о жзва амхааган̃жа табзд̇ваа бан̣д̣ид̇ам̣ ан̃н̃ам̣ бадисаран̣ам̣ над̇т̇и, рааж̇аа банасса гат̇ам̣ суд̇ваа маран̣абхаяад̇аж̇ж̇ид̇о гин̃жи вад̇д̇ум̣ на саггод̇и, ахам̣ бан̣д̣ид̇ам̣ яаажиссаамий’’д̇и. со яаажанд̇о д̣̇вз г̇аат̇аа абхааси –

    Rājā taṃ sutvā appaṭibhāno nisīdi. Atha senako cintesi ‘‘idāni rañño ceva amhākañca ṭhapetvā paṇḍitaṃ aññaṃ paṭisaraṇaṃ natthi, rājā panassa kathaṃ sutvā maraṇabhayatajjito kiñci vattuṃ na sakkoti, ahaṃ paṇḍitaṃ yācissāmī’’ti. So yācanto dve gāthā abhāsi –

    667.

    667.

    ‘‘ад̇ийрад̣̇ассий бурисо, маханд̇з уд̣̇аган̣н̣авз;

    ‘‘Atīradassī puriso, mahante udakaṇṇave;

    яад̇т̇а со лабхад̇з г̇аад̇хам̣, д̇ад̇т̇а со винд̣̇ад̇з сукам̣.

    Yattha so labhate gādhaṃ, tattha so vindate sukhaṃ.

    668.

    668.

    ‘‘звам̣ амхан̃жа ран̃н̃о жа, д̇вам̣ бад̇идтаа махосад̇ха;

    ‘‘Evaṃ amhañca rañño ca, tvaṃ patiṭṭhā mahosadha;

    д̇вам̣ носи манд̇инам̣ сздто, амхз д̣̇угкаа баможаяаа’’д̇и.

    Tvaṃ nosi mantinaṃ seṭṭho, amhe dukkhā pamocayā’’ti.

    д̇ад̇т̇а ад̇ийрад̣̇ассийд̇и самуд̣̇д̣̇з бхиннанааво д̇ийрам̣ абассанд̇о. яад̇т̇аад̇и уумивзг̇аб̣бхаахад̇о вижаранд̇о яамхи бад̣̇зсз бад̇идтам̣ лабхад̇и. баможаяаад̇и буб̣б̣зби мит̇илам̣ бариваарзд̇ваа тид̇агаалз д̇аяаава баможид̇амхаа, ид̣̇ааниби д̇вамзва амхз д̣̇угкаа можзхийд̇и яаажи.

    Tattha atīradassīti samudde bhinnanāvo tīraṃ apassanto. Yatthāti ūmivegabbhāhato vicaranto yamhi padese patiṭṭhaṃ labhati. Pamocayāti pubbepi mithilaṃ parivāretvā ṭhitakāle tayāva pamocitamhā, idānipi tvameva amhe dukkhā mocehīti yāci.

    ат̇а нам̣ ниг̇г̇ан̣ханд̇о махаасад̇д̇о г̇аат̇ааяа аж̇жхабхааси –

    Atha naṃ niggaṇhanto mahāsatto gāthāya ajjhabhāsi –

    669.

    669.

    ‘‘ад̇ийд̇ам̣ маанусам̣ гаммам̣, д̣̇уггарам̣ д̣̇урабхисамбхавам̣;

    ‘‘Atītaṃ mānusaṃ kammaṃ, dukkaraṃ durabhisambhavaṃ;

    на д̇ам̣ саггоми можзд̇ум̣, д̇вам̣ баж̇аанассу сзнагаа’’д̇и.

    Na taṃ sakkomi mocetuṃ, tvaṃ pajānassu senakā’’ti.

    д̇ад̇т̇а баж̇аанассу сзнагаад̇и сзнага, ахам̣ на саггоми, д̇вам̣ бана имам̣ рааж̇аанам̣ аагаасзна мит̇илам̣ нзхийд̇и.

    Tattha pajānassu senakāti senaka, ahaṃ na sakkomi, tvaṃ pana imaṃ rājānaṃ ākāsena mithilaṃ nehīti.

    рааж̇аа г̇ахзд̇аб̣б̣аг̇ахан̣ам̣ абассанд̇о маран̣абхаяад̇аж̇ж̇ид̇о махаасад̇д̇зна сад̣̇д̇хим̣ гат̇зд̇ум̣ асаггонд̇о ‘‘гад̣̇аажи сзнагоби гин̃жи убааяам̣ ж̇аанзяяа, бужчиссаами д̇аава на’’нд̇и бужчанд̇о г̇аат̇амааха –

    Rājā gahetabbagahaṇaṃ apassanto maraṇabhayatajjito mahāsattena saddhiṃ kathetuṃ asakkonto ‘‘kadāci senakopi kiñci upāyaṃ jāneyya, pucchissāmi tāva na’’nti pucchanto gāthamāha –

    670.

    670.

    ‘‘сун̣охи мзд̇ам̣ важанам̣, басса сзнам̣ махаб̣бхаяам̣;

    ‘‘Suṇohi metaṃ vacanaṃ, passa senaṃ mahabbhayaṃ;

    сзнагам̣ д̣̇аани бужчаами, гим̣ гижжам̣ ид̇ха ман̃н̃асий’’д̇и.

    Senakaṃ dāni pucchāmi, kiṃ kiccaṃ idha maññasī’’ti.

    д̇ад̇т̇а гим̣ гижжанд̇и гим̣ гаад̇аб̣б̣аяуд̇д̇агам̣ ид̇ха ман̃н̃аси, махосад̇хзнамхи барижжад̇д̇о, яад̣̇и д̇вам̣ ж̇аанааси, вад̣̇зхийд̇и.

    Tattha kiṃ kiccanti kiṃ kātabbayuttakaṃ idha maññasi, mahosadhenamhi pariccatto, yadi tvaṃ jānāsi, vadehīti.

    д̇ам̣ суд̇ваа сзнаго ‘‘мам̣ рааж̇аа убааяам̣ бужчад̇и, собхано ваа ход̇у маа ваа, гат̇зссаами згам̣ убааяа’’нд̇и жинд̇зд̇ваа г̇аат̇амааха –

    Taṃ sutvā senako ‘‘maṃ rājā upāyaṃ pucchati, sobhano vā hotu mā vā, kathessāmi ekaṃ upāya’’nti cintetvā gāthamāha –

    671.

    671.

    ‘‘аг̇г̇им̣ ваа д̣̇ваарад̇о д̣̇зма, г̇ан̣хаамасз виганд̇анам̣;

    ‘‘Aggiṃ vā dvārato dema, gaṇhāmase vikantanaṃ;

    ан̃н̃аман̃н̃ам̣ вад̇хид̇ваана, киббам̣ хиссаама ж̇ийвид̇ам̣;

    Aññamaññaṃ vadhitvāna, khippaṃ hissāma jīvitaṃ;

    маа но рааж̇аа б̣рахмад̣̇ад̇д̇о, жирам̣ д̣̇угкзна маараяий’’д̇и.

    Mā no rājā brahmadatto, ciraṃ dukkhena mārayī’’ti.

    д̇ад̇т̇а д̣̇ваарад̇од̇и д̣̇ваарам̣ бид̣̇ахид̇ваа д̇ад̇т̇а аг̇г̇им̣ д̣̇зма. виганд̇ананд̇и ан̃н̃аман̃н̃ам̣ виганд̇анам̣ сад̇т̇ам̣ г̇ан̣хаама. хиссаамаад̇и ж̇ийвид̇ам̣ киббам̣ ж̇ахиссаама, алан̇гад̇абаасаад̣̇оязва но д̣̇ааружид̇аго бхависсад̇и.

    Tattha dvāratoti dvāraṃ pidahitvā tattha aggiṃ dema. Vikantananti aññamaññaṃ vikantanaṃ satthaṃ gaṇhāma. Hissāmāti jīvitaṃ khippaṃ jahissāma, alaṅkatapāsādoyeva no dārucitako bhavissati.

    д̇ам̣ суд̇ваа рааж̇аа анад̇д̇амано ‘‘ад̇д̇ано буд̇д̇ад̣̇аарасса зваруубам̣ жид̇агам̣ гарохий’’д̇и вад̇ваа буггусаад̣̇аяо бужчи. д̇зби ад̇д̇ано бад̇ируубаа б̣аалагат̇ааязва гат̇аяим̣су. д̇зна вуд̇д̇ам̣ –

    Taṃ sutvā rājā anattamano ‘‘attano puttadārassa evarūpaṃ citakaṃ karohī’’ti vatvā pukkusādayo pucchi. Tepi attano patirūpā bālakathāyeva kathayiṃsu. Tena vuttaṃ –

    672.

    672.

    ‘‘сун̣охи мзд̇ам̣ важанам̣, басса сзнам̣ махаб̣бхаяам̣;

    ‘‘Suṇohi metaṃ vacanaṃ, passa senaṃ mahabbhayaṃ;

    буггусам̣ д̣̇аани бужчаами, гим̣ гижжам̣ ид̇ха ман̃н̃аси.

    Pukkusaṃ dāni pucchāmi, kiṃ kiccaṃ idha maññasi.

    673.

    673.

    ‘‘висам̣ каад̣̇ид̇ваа мийяаама, киббам̣ хиссаама ж̇ийвид̇ам̣;

    ‘‘Visaṃ khāditvā mīyāma, khippaṃ hissāma jīvitaṃ;

    маа но рааж̇аа б̣рахмад̣̇ад̇д̇о, жирам̣ д̣̇угкзна маараяи.

    Mā no rājā brahmadatto, ciraṃ dukkhena mārayi.

    674.

    674.

    ‘‘сун̣охи мзд̇ам̣ важанам̣, басса сзнам̣ махаб̣бхаяам̣;

    ‘‘Suṇohi metaṃ vacanaṃ, passa senaṃ mahabbhayaṃ;

    гааминд̣̇ам̣ д̣̇аани бужчаами, гим̣ гижжам̣ ид̇ха ман̃н̃аси.

    Kāmindaṃ dāni pucchāmi, kiṃ kiccaṃ idha maññasi.

    675.

    675.

    ‘‘раж̇ж̇уяаа б̣аж̇жха мийяаама, бабаад̇аа бабад̇аамасз;

    ‘‘Rajjuyā bajjha mīyāma, papātā papatāmase;

    маа но рааж̇аа б̣рахмад̣̇ад̇д̇о, жирам̣ д̣̇угкзна маараяи.

    Mā no rājā brahmadatto, ciraṃ dukkhena mārayi.

    676.

    676.

    ‘‘сун̣охи мзд̇ам̣ важанам̣, басса сзнам̣ махаб̣бхаяам̣;

    ‘‘Suṇohi metaṃ vacanaṃ, passa senaṃ mahabbhayaṃ;

    д̣̇звинд̣̇ам̣ д̣̇аани бужчаами, гим̣ гижжам̣ ид̇ха ман̃н̃аси.

    Devindaṃ dāni pucchāmi, kiṃ kiccaṃ idha maññasi.

    677.

    677.

    ‘‘аг̇г̇им̣ ваа д̣̇ваарад̇о д̣̇зма, г̇ан̣хаамасз виганд̇анам̣;

    ‘‘Aggiṃ vā dvārato dema, gaṇhāmase vikantanaṃ;

    ан̃н̃аман̃н̃ам̣ вад̇хид̇ваана, киббам̣ хиссаама ж̇ийвид̇ам̣;

    Aññamaññaṃ vadhitvāna, khippaṃ hissāma jīvitaṃ;

    на но саггод̇и можзд̇ум̣, сукзнзва махосад̇хо’’д̇и.

    Na no sakkoti mocetuṃ, sukheneva mahosadho’’ti.

    абижа зд̇зсу д̣̇звинд̣̇о ‘‘аяам̣ рааж̇аа гим̣ гарод̇и, аг̇г̇имхи санд̇з каж̇ж̇обанагам̣ д̇хамад̇и, табзд̇ваа махосад̇хам̣ ан̃н̃о ид̇ха сод̇т̇ибхаавам̣ гаад̇ум̣ самад̇т̇о наама над̇т̇и, аяам̣ д̇ам̣ абужчид̇ваа амхз бужчад̇и, маяам̣ гим̣ ж̇аанаамаа’’д̇и жинд̇зд̇ваа ан̃н̃ам̣ убааяам̣ абассанд̇о сзнагзна гат̇ид̇амзва гат̇зд̇ваа махаасад̇д̇ам̣ ван̣н̣знд̇о д̣̇вз баад̣̇з ааха. д̇ад̇рааяам̣ ад̇хиббааяо – ‘‘махаарааж̇а, маяам̣ саб̣б̣зби бан̣д̣ид̇амзва яаажаама. сажз бана яаажияамааноби на но саггод̇и можзд̇ум̣ сукзнзва махосад̇хо, ат̇а сзнагасса важанам̣ гариссаамаа’’д̇и.

    Apica etesu devindo ‘‘ayaṃ rājā kiṃ karoti, aggimhi sante khajjopanakaṃ dhamati, ṭhapetvā mahosadhaṃ añño idha sotthibhāvaṃ kātuṃ samattho nāma natthi, ayaṃ taṃ apucchitvā amhe pucchati, mayaṃ kiṃ jānāmā’’ti cintetvā aññaṃ upāyaṃ apassanto senakena kathitameva kathetvā mahāsattaṃ vaṇṇento dve pāde āha. Tatrāyaṃ adhippāyo – ‘‘mahārāja, mayaṃ sabbepi paṇḍitameva yācāma. Sace pana yāciyamānopi na no sakkoti mocetuṃ sukheneva mahosadho, atha senakassa vacanaṃ karissāmā’’ti.

    д̇ам̣ суд̇ваа рааж̇аа буб̣б̣з б̣од̇хисад̇д̇асса гат̇ид̇ад̣̇осам̣ сарид̇ваа д̇зна сад̣̇д̇хим̣ гат̇зд̇ум̣ асаггонд̇о д̇асса сун̣анд̇ассзва барид̣̇званд̇о ааха –

    Taṃ sutvā rājā pubbe bodhisattassa kathitadosaṃ saritvā tena saddhiṃ kathetuṃ asakkonto tassa suṇantasseva paridevanto āha –

    678.

    678.

    ‘‘яат̇аа гад̣̇алино саарам̣, анвзсам̣ наад̇хиг̇ажчад̇и;

    ‘‘Yathā kadalino sāraṃ, anvesaṃ nādhigacchati;

    звам̣ анвзсамаанаа нам̣, бан̃хам̣ наж̇жхаг̇амаамасз.

    Evaṃ anvesamānā naṃ, pañhaṃ najjhagamāmase.

    679.

    679.

    ‘‘яат̇аа симб̣алино саарам̣, анвзсам̣ наад̇хиг̇ажчад̇и;

    ‘‘Yathā simbalino sāraṃ, anvesaṃ nādhigacchati;

    звам̣ анвзсамаанаа нам̣, бан̃хам̣ наж̇жхаг̇амаамасз.

    Evaṃ anvesamānā naṃ, pañhaṃ najjhagamāmase.

    680.

    680.

    ‘‘ад̣̇зсз вад̇а но вудтам̣, гун̃ж̇араанам̣ ванод̣̇агз;

    ‘‘Adese vata no vuṭṭhaṃ, kuñjarānaṃ vanodake;

    сагаасз д̣̇уммануссаанам̣, б̣аалаанам̣ авиж̇аанад̇ам̣.

    Sakāse dummanussānaṃ, bālānaṃ avijānataṃ.

    681.

    681.

    ‘‘уб̣б̣зд̇хад̇и мз хад̣̇аяам̣, мукан̃жа барисуссад̇и;

    ‘‘Ubbedhati me hadayaṃ, mukhañca parisussati;

    ниб̣б̣уд̇им̣ наад̇хиг̇ажчаами, аг̇г̇ид̣̇ад̣дхова аад̇абз.

    Nibbutiṃ nādhigacchāmi, aggidaḍḍhova ātape.

    682.

    682.

    ‘‘гаммаараанам̣ яат̇аа уггаа, анд̇о жхааяад̇и но б̣ахи;

    ‘‘Kammārānaṃ yathā ukkā, anto jhāyati no bahi;

    звамби хад̣̇аяам̣ маяхам̣, анд̇о жхааяад̇и но б̣ахий’’д̇и.

    Evampi hadayaṃ mayhaṃ, anto jhāyati no bahī’’ti.

    д̇ад̇т̇а гад̣̇алинод̇и яат̇аа гад̣̇алигканд̇хасса ниссаарад̇д̇аа саарад̇т̇иго бурисо анвзсанд̇оби д̇ад̇о саарам̣ наад̇хиг̇ажчад̇и, звам̣ маяам̣ имамхаа д̣̇угкаа мужжанубааяам̣ бан̃хам̣ бан̃жа бан̣д̣ид̇з бужчид̇ваа анвзсамаанааби бан̃хам̣ наж̇жхаг̇амаамасз. амхзхи бужчид̇ам̣ убааяам̣ аж̇аананд̇аа ассун̣анд̇аа вияа ж̇аад̇аа, маяам̣ д̇ам̣ бан̃хам̣ наад̇хиг̇ажчаама. д̣̇уд̇ияаг̇аат̇ааяаби зсзва наяо. гун̃ж̇араанам̣ ванод̣̇агзд̇и яат̇аа гун̃ж̇араанам̣ нируд̣̇агз таанз вудтам̣ ад̣̇зсз вудтам̣ наама ход̇и, д̇з хи д̇ат̇ааруубз нируд̣̇агз ванаг̇аханз бад̣̇зсз васанд̇аа киббамзва бажжаамид̇д̇аанам̣ васам̣ г̇ажчанд̇и, звам̣ амхзхиби имзсам̣ д̣̇уммануссаанам̣ б̣аалаанам̣ санд̇игз васанд̇зхи ад̣̇зсз вудтам̣. зд̇д̇агзсу хи бан̣д̣ид̇зсу згоби мз ид̣̇аани бадисаран̣ам̣ над̇т̇ийд̇и наанаавид̇хзна вилабад̇и.

    Tattha kadalinoti yathā kadalikkhandhassa nissārattā sāratthiko puriso anvesantopi tato sāraṃ nādhigacchati, evaṃ mayaṃ imamhā dukkhā muccanupāyaṃ pañhaṃ pañca paṇḍite pucchitvā anvesamānāpi pañhaṃ najjhagamāmase. Amhehi pucchitaṃ upāyaṃ ajānantā assuṇantā viya jātā, mayaṃ taṃ pañhaṃ nādhigacchāma. Dutiyagāthāyapi eseva nayo. Kuñjarānaṃ vanodaketi yathā kuñjarānaṃ nirudake ṭhāne vuṭṭhaṃ adese vuṭṭhaṃ nāma hoti, te hi tathārūpe nirudake vanagahane padese vasantā khippameva paccāmittānaṃ vasaṃ gacchanti, evaṃ amhehipi imesaṃ dummanussānaṃ bālānaṃ santike vasantehi adese vuṭṭhaṃ. Ettakesu hi paṇḍitesu ekopi me idāni paṭisaraṇaṃ natthīti nānāvidhena vilapati.

    д̇ам̣ суд̇ваа бан̣д̣ид̇о ‘‘аяам̣ рааж̇аа ад̇ивияа гиламад̇и. сажз нам̣ на ассаасзссаами, хад̣̇аязна палид̇зна мариссад̇ий’’д̇и жинд̇зд̇ваа ассаасзси. д̇амад̇т̇ам̣ багаасзнд̇о сад̇т̇аа ааха –

    Taṃ sutvā paṇḍito ‘‘ayaṃ rājā ativiya kilamati. Sace naṃ na assāsessāmi, hadayena phalitena marissatī’’ti cintetvā assāsesi. Tamatthaṃ pakāsento satthā āha –

    683.

    683.

    ‘‘д̇ад̇о со бан̣д̣ид̇о д̇хийро, ад̇т̇ад̣̇ассий махосад̇хо;

    ‘‘Tato so paṇḍito dhīro, atthadassī mahosadho;

    взд̣̇зхам̣ д̣̇угкид̇ам̣ д̣̇исваа, ид̣̇ам̣ важанамаб̣рави.

    Vedehaṃ dukkhitaṃ disvā, idaṃ vacanamabravi.

    684.

    684.

    ‘‘маа д̇вам̣ бхааяи махаарааж̇а, маа д̇вам̣ бхааяи рат̇зсабха;

    ‘‘Mā tvaṃ bhāyi mahārāja, mā tvaṃ bhāyi rathesabha;

    ахам̣ д̇ам̣ можаяиссаами, раахуг̇г̇ахам̣ва жанд̣̇имам̣.

    Ahaṃ taṃ mocayissāmi, rāhuggahaṃva candimaṃ.

    685.

    685.

    ‘‘маа д̇вам̣ бхааяи махаарааж̇а, маа д̇вам̣ бхааяи рат̇зсабха;

    ‘‘Mā tvaṃ bhāyi mahārāja, mā tvaṃ bhāyi rathesabha;

    ахам̣ д̇ам̣ можаяиссаами, раахуг̇г̇ахам̣ва суурияам̣.

    Ahaṃ taṃ mocayissāmi, rāhuggahaṃva sūriyaṃ.

    686.

    686.

    ‘‘маа д̇вам̣ бхааяи махаарааж̇а, маа д̇вам̣ бхааяи рат̇зсабха;

    ‘‘Mā tvaṃ bhāyi mahārāja, mā tvaṃ bhāyi rathesabha;

    ахам̣ д̇ам̣ можаяиссаами, бан̇гз саннам̣ва гун̃ж̇арам̣.

    Ahaṃ taṃ mocayissāmi, paṅke sannaṃva kuñjaraṃ.

    687.

    687.

    ‘‘маа д̇вам̣ бхааяи махаарааж̇а, маа д̇вам̣ бхааяи рат̇зсабха;

    ‘‘Mā tvaṃ bhāyi mahārāja, mā tvaṃ bhāyi rathesabha;

    ахам̣ д̇ам̣ можаяиссаами, бзл̣ааб̣ад̣̇д̇хам̣ва баннаг̇ам̣.

    Ahaṃ taṃ mocayissāmi, peḷābaddhaṃva pannagaṃ.

    688.

    688.

    ‘‘маа д̇вам̣ бхааяи махаарааж̇а, маа д̇вам̣ бхааяи рат̇зсабха;

    ‘‘Mā tvaṃ bhāyi mahārāja, mā tvaṃ bhāyi rathesabha;

    ахам̣ д̇ам̣ можаяиссаами, багким̣ б̣ад̣̇д̇хам̣ва бан̃ж̇арз.

    Ahaṃ taṃ mocayissāmi, pakkhiṃ baddhaṃva pañjare.

    689.

    689.

    ‘‘маа д̇вам̣ бхааяи махаарааж̇а, маа д̇вам̣ бхааяи рат̇зсабха;

    ‘‘Mā tvaṃ bhāyi mahārāja, mā tvaṃ bhāyi rathesabha;

    ахам̣ д̇ам̣ можаяиссаами, мажчз ж̇аалаг̇ад̇зрива.

    Ahaṃ taṃ mocayissāmi, macche jālagateriva.

    690.

    690.

    ‘‘маа д̇вам̣ бхааяи махаарааж̇а, маа д̇вам̣ бхааяи рат̇зсабха;

    ‘‘Mā tvaṃ bhāyi mahārāja, mā tvaṃ bhāyi rathesabha;

    ахам̣ д̇ам̣ можаяиссаами, саяог̇г̇аб̣алавааханам̣.

    Ahaṃ taṃ mocayissāmi, sayoggabalavāhanaṃ.

    691.

    691.

    ‘‘маа д̇вам̣ бхааяи махаарааж̇а, маа д̇вам̣ бхааяи рат̇зсабха;

    ‘‘Mā tvaṃ bhāyi mahārāja, mā tvaṃ bhāyi rathesabha;

    бан̃жаалам̣ ваахаяиссаами, гаагасзнам̣ва лзд̣д̣унаа.

    Pañcālaṃ vāhayissāmi, kākasenaṃva leḍḍunā.

    692.

    692.

    ‘‘ад̣̇у бан̃н̃аа гимад̇т̇ияаа, амажжо вааби д̇аад̣̇исо;

    ‘‘Adu paññā kimatthiyā, amacco vāpi tādiso;

    яо д̇ам̣ самб̣аад̇хабагканд̣̇ам̣, д̣̇угкаа на бариможаяз’’д̇и.

    Yo taṃ sambādhapakkhandaṃ, dukkhā na parimocaye’’ti.

    д̇ад̇т̇а ид̣̇анд̇и д̣̇авад̣аахад̣̇ад̣дхз аран̃н̃з гханавассам̣ вассаабзнд̇о вияа нам̣ ассаасзнд̇о ид̣̇ам̣ ‘‘маа д̇вам̣ бхааяи, махаарааж̇аа’’д̇иаад̣̇игам̣ важанам̣ аб̣рави. д̇ад̇т̇а саннанд̇и лаг̇г̇ам̣. бзл̣ааб̣ад̣̇д̇ханд̇и бзл̣ааяа аб̣бханд̇араг̇ад̇ам̣ саббам̣. бан̃жааланд̇и зд̇ам̣ звам̣ маханд̇имби бан̃жааларан̃н̃о сзнам̣. ваахаяиссаамийд̇и балаабзссаами . ад̣̇ууд̇и наамад̇т̇з нибаад̇о, бан̃н̃аа наама гимад̇т̇ияаад̇и ад̇т̇о. амажжо вааби д̇аад̣̇исод̇и д̇аад̣̇исо бан̃н̃ааяа самбанно амажжо вааби гимад̇т̇ияо, яо д̇ам̣ звам̣ маран̣асамб̣аад̇хаббад̇д̇ам̣ д̣̇угкаа на бариможаяз. махаарааж̇а, ахам̣ батамад̇арам̣ ааг̇ажчанд̇о наама гимад̇т̇ам̣ ааг̇ад̇од̇и ман̃н̃аси. маа бхааяи, ахам̣ д̇ам̣ имамхаа д̣̇угкаа можаяиссаамийд̇и ассаасзси.

    Tattha idanti davaḍāhadaḍḍhe araññe ghanavassaṃ vassāpento viya naṃ assāsento idaṃ ‘‘mā tvaṃ bhāyi, mahārājā’’tiādikaṃ vacanaṃ abravi. Tattha sannanti laggaṃ. Peḷābaddhanti peḷāya abbhantaragataṃ sappaṃ. Pañcālanti etaṃ evaṃ mahantimpi pañcālarañño senaṃ. Vāhayissāmīti palāpessāmi . Adūti nāmatthe nipāto, paññā nāma kimatthiyāti attho. Amacco vāpi tādisoti tādiso paññāya sampanno amacco vāpi kimatthiyo, yo taṃ evaṃ maraṇasambādhappattaṃ dukkhā na parimocaye. Mahārāja, ahaṃ paṭhamataraṃ āgacchanto nāma kimatthaṃ āgatoti maññasi. Mā bhāyi, ahaṃ taṃ imamhā dukkhā mocayissāmīti assāsesi.

    соби д̇асса важанам̣ суд̇ваа ‘‘ид̣̇аани мз ж̇ийвид̇ам̣ лад̣̇д̇ха’’нд̇и ассаасам̣ бадилабхи. б̣од̇хисад̇д̇зна сийханаад̣̇з гад̇з саб̣б̣з жа д̇уссим̣су. ат̇а нам̣ сзнаго бужчи ‘‘бан̣д̣ид̇а, д̇вам̣ саб̣б̣з амхз г̇ахзд̇ваа г̇ажчанд̇о гзнубааязна г̇амиссасий’’д̇и? ‘‘алан̇гад̇ауман̇г̇зна нзссаами, д̇умхз г̇аманасаж̇ж̇аа хот̇аа’’д̇и вад̇ваа уман̇г̇ад̣̇вааравиваран̣ад̇т̇ам̣ яод̇хз аан̣аабзнд̇о г̇аат̇амааха –

    Sopi tassa vacanaṃ sutvā ‘‘idāni me jīvitaṃ laddha’’nti assāsaṃ paṭilabhi. Bodhisattena sīhanāde kate sabbe ca tussiṃsu. Atha naṃ senako pucchi ‘‘paṇḍita, tvaṃ sabbe amhe gahetvā gacchanto kenupāyena gamissasī’’ti? ‘‘Alaṅkataumaṅgena nessāmi, tumhe gamanasajjā hothā’’ti vatvā umaṅgadvāravivaraṇatthaṃ yodhe āṇāpento gāthamāha –

    693.

    693.

    ‘‘зт̇а маан̣аваа удтзт̇а, мукам̣ сод̇хзт̇а санд̇хино;

    ‘‘Etha māṇavā uṭṭhetha, mukhaṃ sodhetha sandhino;

    взд̣̇зхо сахамажжзхи, уман̇г̇зна г̇амиссад̇ий’’д̇и.

    Vedeho sahamaccehi, umaṅgena gamissatī’’ti.

    д̇ад̇т̇а маан̣аваад̇и д̇арун̣аад̇хиважанам̣. мукам̣ сод̇хзт̇аад̇и уман̇г̇ад̣̇ваарам̣ виварат̇а. санд̇хинод̇и гхарасанд̇хино жа д̣̇ваарам̣ сод̇хзт̇а, згасад̇аанам̣ саяанаг̇аб̣бхаанам̣ д̣̇ваарам̣ виварат̇а, анзгасад̇аанам̣ д̣̇ийбаалаяаанам̣ д̣̇ваарам̣ виварат̇аад̇и.

    Tattha māṇavāti taruṇādhivacanaṃ. Mukhaṃ sodhethāti umaṅgadvāraṃ vivaratha. Sandhinoti gharasandhino ca dvāraṃ sodhetha, ekasatānaṃ sayanagabbhānaṃ dvāraṃ vivaratha, anekasatānaṃ dīpālayānaṃ dvāraṃ vivarathāti.

    д̇з удтааяа уман̇г̇ад̣̇ваарам̣ виварим̣су. сагало уман̇г̇о згобхаасо алан̇гад̇ад̣̇звасабхаа вияа вирожи. д̇амад̇т̇ам̣ багаасзнд̇о сад̇т̇аа ааха –

    Te uṭṭhāya umaṅgadvāraṃ vivariṃsu. Sakalo umaṅgo ekobhāso alaṅkatadevasabhā viya viroci. Tamatthaṃ pakāsento satthā āha –

    694.

    694.

    ‘‘д̇асса д̇ам̣ важанам̣ суд̇ваа, бан̣д̣ид̇ассаанужаарино;

    ‘‘Tassa taṃ vacanaṃ sutvā, paṇḍitassānucārino;

    уман̇г̇ад̣̇ваарам̣ виварим̣су, яанд̇аяуд̇д̇з жа аг̇г̇ал̣з’’д̇и.

    Umaṅgadvāraṃ vivariṃsu, yantayutte ca aggaḷe’’ti.

    д̇ад̇т̇а анужааринод̇и взяяааважжагараа. яанд̇аяуд̇д̇з жа аг̇г̇ал̣зд̇и суужигхадигасамбаннаани жа д̣̇ваарагаваадаани.

    Tattha anucārinoti veyyāvaccakarā. Yantayutte ca aggaḷeti sūcighaṭikasampannāni ca dvārakavāṭāni.

    д̇з уман̇г̇ад̣̇ваарам̣ виварид̇ваа махаасад̇д̇асса аарожзсум̣. со ран̃н̃о сан̃н̃амад̣̇ааси ‘‘гаало, д̣̇зва, баасаад̣̇аа од̇арат̇аа’’д̇и. д̇ам̣ суд̇ваа рааж̇аа од̇ари. ат̇а сзнаго сийсад̇о наал̣ибаддам̣ абанзд̇ваа саадагам̣ омун̃жид̇ваа гажчам̣ д̣̇ал̣хам̣ б̣анд̇хи. ат̇а нам̣ махаасад̇д̇о д̣̇исваа ‘‘сзнага, гим̣ гаросий’’д̇и бужчи. ‘‘бан̣д̣ид̇а, уман̇г̇зна г̇ажчанд̇зхи наама взтанам̣ можзд̇ваа гажчам̣ д̣̇ал̣хам̣ б̣анд̇хид̇ваа г̇анд̇аб̣б̣а’’нд̇и . ‘‘сзнага, ‘уман̇г̇ам̣ бависанд̇о онамид̇ваа ж̇ан̣н̣угзхи бад̇идтааяа бависиссаамий’д̇и маа сан̃н̃амагааси. сажз хад̇т̇инаа г̇анд̇угаамоси, хад̇т̇им̣ абхируяха г̇ажчаахи. сажз ассзна г̇анд̇угаамоси, ассам̣ абхируяха г̇ажчаахи. ужжо уман̇г̇о адтаарасахад̇т̇уб̣б̣зд̇хо висаалад̣̇вааро, д̇вам̣ яат̇ааружияаа алан̇гад̇аббадияад̇д̇о ран̃н̃о бурад̇о г̇ажчаахий’’д̇и ааха. б̣од̇хисад̇д̇о гира сзнагасса г̇аманам̣ бурад̇о вижаарзд̇ваа рааж̇аанам̣ маж̇жхз гад̇ваа саяам̣ бажчад̇о ахоси. гим̣ гааран̣аа? рааж̇аа алан̇гад̇ауман̇г̇ам̣ ологзнд̇о маа сан̣игам̣ аг̇амаасийд̇и. уман̇г̇з махааж̇анасса яааг̇убхад̇д̇акаад̣̇анийяаад̣̇ийни аббамаан̣аани ахзсум̣. д̇з мануссаа каад̣̇анд̇аа биванд̇аа уман̇г̇ам̣ ологзнд̇аа г̇ажчанд̇и. махаасад̇д̇о ‘‘яаат̇а махаарааж̇а, яаат̇а махаарааж̇аа’’д̇и жод̣̇знд̇о бажчад̇о яаад̇и. рааж̇аа алан̇гад̇ад̣̇звасабхам̣ вияа уман̇г̇ам̣ ологзнд̇о яаад̇и. д̇амад̇т̇ам̣ багаасзнд̇о сад̇т̇аа ааха –

    Te umaṅgadvāraṃ vivaritvā mahāsattassa ārocesuṃ. So rañño saññamadāsi ‘‘kālo, deva, pāsādā otarathā’’ti. Taṃ sutvā rājā otari. Atha senako sīsato nāḷipaṭṭaṃ apanetvā sāṭakaṃ omuñcitvā kacchaṃ daḷhaṃ bandhi. Atha naṃ mahāsatto disvā ‘‘senaka, kiṃ karosī’’ti pucchi. ‘‘Paṇḍita, umaṅgena gacchantehi nāma veṭhanaṃ mocetvā kacchaṃ daḷhaṃ bandhitvā gantabba’’nti . ‘‘Senaka, ‘umaṅgaṃ pavisanto onamitvā jaṇṇukehi patiṭṭhāya pavisissāmī’ti mā saññamakāsi. Sace hatthinā gantukāmosi, hatthiṃ abhiruyha gacchāhi. Sace assena gantukāmosi, assaṃ abhiruyha gacchāhi. Ucco umaṅgo aṭṭhārasahatthubbedho visāladvāro, tvaṃ yathāruciyā alaṅkatappaṭiyatto rañño purato gacchāhī’’ti āha. Bodhisatto kira senakassa gamanaṃ purato vicāretvā rājānaṃ majjhe katvā sayaṃ pacchato ahosi. Kiṃ kāraṇā? Rājā alaṅkataumaṅgaṃ olokento mā saṇikaṃ agamāsīti. Umaṅge mahājanassa yāgubhattakhādanīyādīni appamāṇāni ahesuṃ. Te manussā khādantā pivantā umaṅgaṃ olokentā gacchanti. Mahāsatto ‘‘yātha mahārāja, yātha mahārājā’’ti codento pacchato yāti. Rājā alaṅkatadevasabhaṃ viya umaṅgaṃ olokento yāti. Tamatthaṃ pakāsento satthā āha –

    695.

    695.

    ‘‘бурад̇о сзнаго яаад̇и, бажчад̇о жа махосад̇хо;

    ‘‘Purato senako yāti, pacchato ca mahosadho;

    маж̇жхз жа рааж̇аа взд̣̇зхо, амажжабариваарид̇о’’д̇и.

    Majjhe ca rājā vedeho, amaccaparivārito’’ti.

    ран̃н̃о ааг̇ад̇абхаавам̣ н̃ад̇ваа д̇з маан̣аваа рааж̇амаад̇аран̃жа д̣̇звин̃жа буд̇д̇ан̃жа д̇хийд̇аран̃жа уман̇г̇аа нийхарид̇ваа махаависааламаал̣агз табзсум̣. рааж̇ааби б̣од̇хисад̇д̇зна сад̣̇д̇хим̣ уман̇г̇аа нигками. д̇з рааж̇аанан̃жа бан̣д̣ид̇ан̃жа д̣̇исваа ‘‘ниссам̣саяам̣ барахад̇т̇ам̣ г̇ад̇амхаа, амхз г̇ахзд̇ваа ааг̇ад̇зхи бан̣д̣ид̇асса бурисзхи бхавид̇аб̣б̣а’’нд̇и маран̣абхаяад̇аж̇ж̇ид̇аа махаавиравам̣ виравим̣су. жуул̣анирааж̇ааби гира взд̣̇зхаран̃н̃о балааяанабхаязна г̇ан̇г̇аад̇о г̇аавуд̇амад̇д̇адтаанз адтааси. со саннисиннааяа рад̇д̇ияаа д̇зсам̣ виравам̣ суд̇ваа ‘‘нанд̣̇аад̣̇звияаа вияа сад̣̇д̣̇о’’д̇и вад̇д̇угаамоби ‘‘гухим̣ нанд̣̇аад̣̇звим̣ бассиссасий’’д̇и барихаасабхаязна на гин̃жи ааха. махаасад̇д̇о бана д̇асмим̣ таанз бан̃жаалажанд̣̇им̣ гумааригам̣ рад̇анараасимхи табзд̇ваа абхисин̃жид̇ваа ‘‘махаарааж̇а, д̇вам̣ имиссаа гааран̣аа ааг̇ад̇о, аяам̣ д̇з аг̇г̇амахзсий ход̇уу’’д̇и ааха. д̇ийн̣и нааваасад̇аани убадтаабзсум̣, рааж̇аа висааламаал̣агаа од̇арид̇ваа алан̇гад̇анаавам̣ абхирухи. д̇зби жад̇д̇ааро кад̇д̇ияаа наавам̣ абхирухим̣су. д̇амад̇т̇ам̣ багаасзнд̇о сад̇т̇аа ааха –

    Rañño āgatabhāvaṃ ñatvā te māṇavā rājamātarañca deviñca puttañca dhītarañca umaṅgā nīharitvā mahāvisālamāḷake ṭhapesuṃ. Rājāpi bodhisattena saddhiṃ umaṅgā nikkhami. Te rājānañca paṇḍitañca disvā ‘‘nissaṃsayaṃ parahatthaṃ gatamhā, amhe gahetvā āgatehi paṇḍitassa purisehi bhavitabba’’nti maraṇabhayatajjitā mahāviravaṃ viraviṃsu. Cūḷanirājāpi kira vedeharañño palāyanabhayena gaṅgāto gāvutamattaṭṭhāne aṭṭhāsi. So sannisinnāya rattiyā tesaṃ viravaṃ sutvā ‘‘nandādeviyā viya saddo’’ti vattukāmopi ‘‘kuhiṃ nandādeviṃ passissasī’’ti parihāsabhayena na kiñci āha. Mahāsatto pana tasmiṃ ṭhāne pañcālacandiṃ kumārikaṃ ratanarāsimhi ṭhapetvā abhisiñcitvā ‘‘mahārāja, tvaṃ imissā kāraṇā āgato, ayaṃ te aggamahesī hotū’’ti āha. Tīṇi nāvāsatāni upaṭṭhāpesuṃ, rājā visālamāḷakā otaritvā alaṅkatanāvaṃ abhiruhi. Tepi cattāro khattiyā nāvaṃ abhiruhiṃsu. Tamatthaṃ pakāsento satthā āha –

    696.

    696.

    ‘‘уман̇г̇аа нигкамид̇ваана, взд̣̇зхо наавамаарухи;

    ‘‘Umaṅgā nikkhamitvāna, vedeho nāvamāruhi;

    абхирул̣хан̃жа д̇ам̣ н̃ад̇ваа, анусааси махосад̇хо.

    Abhiruḷhañca taṃ ñatvā, anusāsi mahosadho.

    697.

    697.

    ‘‘аяам̣ д̇з сасуро д̣̇зва, аяам̣ сассу ж̇анаад̇хиба;

    ‘‘Ayaṃ te sasuro deva, ayaṃ sassu janādhipa;

    яат̇аа маад̇у бадибад̇д̇и, звам̣ д̇з ход̇у сассуяаа.

    Yathā mātu paṭipatti, evaṃ te hotu sassuyā.

    698.

    698.

    ‘‘яат̇ааби нияаго бхаад̇аа, сауд̣̇арияо згамаад̇уго;

    ‘‘Yathāpi niyako bhātā, saudariyo ekamātuko;

    звам̣ бан̃жаалажанд̣̇о д̇з, д̣̇аяид̇аб̣б̣о рат̇зсабха.

    Evaṃ pañcālacando te, dayitabbo rathesabha.

    699.

    699.

    ‘‘аяам̣ бан̃жаалажанд̣̇ий д̇з, рааж̇абуд̇д̇ий абхижчид̇аа;

    ‘‘Ayaṃ pañcālacandī te, rājaputtī abhicchitā;

    гаамам̣ гарохи д̇з д̇ааяа, бхарияаа д̇з рат̇зсабхаа’’д̇и.

    Kāmaṃ karohi te tāya, bhariyā te rathesabhā’’ti.

    д̇ад̇т̇а анусаасийд̇и звам̣ гирасса ахоси ‘‘гад̣̇аажи зсо гуж̇жхид̇ваа жуул̣аниран̃н̃о маад̇арам̣ маарзяяа, абхируубааяа нанд̣̇аад̣̇звияаа сад̣̇д̇хим̣ сам̣ваасам̣ габбзяяа, рааж̇агумаарам̣ ваа маарзяяа, бадин̃н̃амасса г̇ан̣хиссаамий’’д̇и. д̇асмаа ‘‘аяам̣ д̇з’’д̇иаад̣̇ийни вад̣̇анд̇о анусааси. д̇ад̇т̇а аяам̣ д̇з сасурод̇и аяам̣ д̇ава сасурасса жуул̣аниран̃н̃о буд̇д̇о бан̃жаалажанд̣̇ияаа ганидтабхаад̇иго, аяам̣ д̇з ид̣̇аани сасуро. аяам̣ сассууд̇и аяам̣ имиссаа маад̇аа нанд̣̇аад̣̇звий наама д̇ава сассу. яат̇аамаад̇ууд̇и яат̇аа маад̇у буд̇д̇аа вад̇д̇аббадивад̇д̇ам̣ гаронд̇и , звам̣ д̇з зд̇иссаа ход̇у, б̣алавад̇им̣ маад̇усан̃н̃ам̣ бажжубадтаабзд̇ваа маа нам̣ гад̣̇аажи лобхажид̇д̇зна ологзхи. нияагод̇и аж̇жхад̇д̇иго згабид̇араа ж̇аад̇о. згамаад̇угод̇и згамаад̇араа ж̇аад̇о. д̣̇аяид̇аб̣б̣од̇и бияааяид̇аб̣б̣о. бхарияаад̇и аяам̣ д̇з бхарияаа, маа зд̇иссаа авамаанам̣ агаасийд̇и ран̃н̃о бадин̃н̃ам̣ г̇ан̣хи.

    Tattha anusāsīti evaṃ kirassa ahosi ‘‘kadāci eso kujjhitvā cūḷanirañño mātaraṃ māreyya, abhirūpāya nandādeviyā saddhiṃ saṃvāsaṃ kappeyya, rājakumāraṃ vā māreyya, paṭiññamassa gaṇhissāmī’’ti. Tasmā ‘‘ayaṃ te’’tiādīni vadanto anusāsi. Tattha ayaṃ te sasuroti ayaṃ tava sasurassa cūḷanirañño putto pañcālacandiyā kaniṭṭhabhātiko, ayaṃ te idāni sasuro. Ayaṃ sassūti ayaṃ imissā mātā nandādevī nāma tava sassu. Yathāmātūti yathā mātu puttā vattappaṭivattaṃ karonti , evaṃ te etissā hotu, balavatiṃ mātusaññaṃ paccupaṭṭhāpetvā mā naṃ kadāci lobhacittena olokehi. Niyakoti ajjhattiko ekapitarā jāto. Ekamātukoti ekamātarā jāto. Dayitabboti piyāyitabbo. Bhariyāti ayaṃ te bhariyā, mā etissā avamānaṃ akāsīti rañño paṭiññaṃ gaṇhi.

    рааж̇ааби ‘‘саад̇хуу’’д̇и самбадижчи. рааж̇амаад̇арам̣ бана аараб̣бха гин̃жи на гат̇зси. гим̣ гааран̣аа? д̇ассаа махаллагабхаавзнзва. ид̣̇ам̣ бана саб̣б̣ам̣ б̣од̇хисад̇д̇о д̇ийрз тад̇ваава гат̇зси. ат̇а нам̣ рааж̇аа махаад̣̇угкад̇о муд̇д̇ад̇ааяа г̇анд̇угаамо худ̇ваа ‘‘д̇аад̇а, д̇вам̣ д̇ийрз тид̇ова гат̇зсий’’д̇и вад̇ваа г̇аат̇амааха –

    Rājāpi ‘‘sādhū’’ti sampaṭicchi. Rājamātaraṃ pana ārabbha kiñci na kathesi. Kiṃ kāraṇā? Tassā mahallakabhāveneva. Idaṃ pana sabbaṃ bodhisatto tīre ṭhatvāva kathesi. Atha naṃ rājā mahādukkhato muttatāya gantukāmo hutvā ‘‘tāta, tvaṃ tīre ṭhitova kathesī’’ti vatvā gāthamāha –

    700.

    700.

    ‘‘ааруяха наавам̣ д̇арамаано, гим̣ ну д̇ийрамхи д̇идтаси;

    ‘‘Āruyha nāvaṃ taramāno, kiṃ nu tīramhi tiṭṭhasi;

    гижчаа муд̇д̇аамха д̣̇угкад̇о, яаама д̣̇аани махосад̇хаа’’д̇и.

    Kicchā muttāmha dukkhato, yāma dāni mahosadhā’’ti.

    махаасад̇д̇о ‘‘д̣̇зва, д̇умхзхи сад̣̇д̇хим̣ г̇аманам̣ наама маяхам̣ аяуд̇д̇а’’нд̇и вад̇ваа ааха –

    Mahāsatto ‘‘deva, tumhehi saddhiṃ gamanaṃ nāma mayhaṃ ayutta’’nti vatvā āha –

    701.

    701.

    ‘‘нзса д̇хаммо махаарааж̇а, яохам̣ сзнааяа нааяаго;

    ‘‘Nesa dhammo mahārāja, yohaṃ senāya nāyako;

    сзнан̇г̇ам̣ барихаабзд̇ваа, ад̇д̇аанам̣ бариможаяз.

    Senaṅgaṃ parihāpetvā, attānaṃ parimocaye.

    702.

    702.

    ‘‘нивзсанамхи д̇з д̣̇зва, сзнан̇г̇ам̣ барихаабид̇ам̣;

    ‘‘Nivesanamhi te deva, senaṅgaṃ parihāpitaṃ;

    д̇ам̣ д̣̇иннам̣ б̣рахмад̣̇ад̇д̇зна, аанаяиссам̣ рат̇зсабхаа’’д̇и.

    Taṃ dinnaṃ brahmadattena, ānayissaṃ rathesabhā’’ti.

    д̇ад̇т̇а д̇хаммод̇и сабхааво. нивзсанамхийд̇и д̇ам̣ наг̇арам̣ санд̇хааяааха. бариможаязд̇и бариможзяяам̣. барихаабид̇анд̇и чад̣д̣ид̇ам̣. д̇зсу хи мануссзсу д̣̇уурамаг̇г̇ам̣ ааг̇ад̇ад̇д̇аа гзжи гиланд̇аа нид̣̇д̣̇ам̣ огганд̇аа гзжи каад̣̇анд̇аа биванд̇аа амхаагам̣ нигканд̇абхаавамби на ж̇ааним̣су, гзжи г̇илаанаа. маяаа сад̣̇д̇хим̣ жад̇д̇ааро маасз гаммам̣ гад̇ваа мама убагаарагаа мануссаа жзд̇т̇а б̣ахуу, на саггаа маяаа згамануссамби чад̣д̣зд̇ваа г̇анд̇ум̣, ахам̣ бана нивад̇д̇ид̇ваа саб̣б̣амби д̇ам̣ д̇ава сзнам̣ б̣рахмад̣̇ад̇д̇зна д̣̇иннам̣ аббадивид̣̇д̇хам̣ аанзссаами. д̇умхз, махаарааж̇а, гад̇т̇ажи авиламб̣анд̇аа сийгхам̣ г̇ажчат̇а. маяаа зваа анд̇араамаг̇г̇з хад̇т̇ивааханаад̣̇ийни табид̇аани, гиланд̇агиланд̇аани бахааяа самад̇т̇асамад̇т̇зхи сийгхам̣ мит̇иламзва бависат̇аад̇и.

    Tattha dhammoti sabhāvo. Nivesanamhīti taṃ nagaraṃ sandhāyāha. Parimocayeti parimoceyyaṃ. Parihāpitanti chaḍḍitaṃ. Tesu hi manussesu dūramaggaṃ āgatattā keci kilantā niddaṃ okkantā keci khādantā pivantā amhākaṃ nikkhantabhāvampi na jāniṃsu, keci gilānā. Mayā saddhiṃ cattāro māse kammaṃ katvā mama upakārakā manussā cettha bahū, na sakkā mayā ekamanussampi chaḍḍetvā gantuṃ, ahaṃ pana nivattitvā sabbampi taṃ tava senaṃ brahmadattena dinnaṃ appaṭividdhaṃ ānessāmi. Tumhe, mahārāja, katthaci avilambantā sīghaṃ gacchatha. Mayā evā antarāmagge hatthivāhanādīni ṭhapitāni, kilantakilantāni pahāya samatthasamatthehi sīghaṃ mithilameva pavisathāti.

    д̇ад̇о рааж̇аа г̇аат̇амааха –

    Tato rājā gāthamāha –

    703.

    703.

    ‘‘аббасзно махаасзнам̣, гат̇ам̣ виг̇г̇аяха тассаси;

    ‘‘Appaseno mahāsenaṃ, kathaṃ viggayha ṭhassasi;

    д̣̇уб̣б̣ало б̣алаванд̇зна, вихан̃н̃иссаси бан̣д̣ид̇аа’’д̇и.

    Dubbalo balavantena, vihaññissasi paṇḍitā’’ti.

    д̇ад̇т̇а виг̇г̇аяхаад̇и барибпарид̇ваа. вихан̃н̃иссасийд̇и хан̃н̃иссаси.

    Tattha viggayhāti parippharitvā. Vihaññissasīti haññissasi.

    д̇ад̇о б̣од̇хисад̇д̇о ааха –

    Tato bodhisatto āha –

    704.

    704.

    ‘‘аббасзноби жз манд̇ий, махаасзнам̣ аманд̇инам̣;

    ‘‘Appasenopi ce mantī, mahāsenaṃ amantinaṃ;

    ж̇инаад̇и рааж̇аа рааж̇аано, аад̣̇ижжовуд̣̇аяам̣ д̇ама’’нд̇и.

    Jināti rājā rājāno, ādiccovudayaṃ tama’’nti.

    д̇ад̇т̇а манд̇ийд̇и манд̇ааяа саманнааг̇ад̇о бан̃н̃аваа убааяагусало. аманд̇инанд̇и анубааяагусалам̣ ж̇инаад̇и, бан̃н̃аваа д̣̇уббан̃н̃ам̣ ж̇инаад̇и. рааж̇аа рааж̇аанод̇и згоби жа зваруубо рааж̇аа б̣ахууби д̣̇уббан̃н̃арааж̇аано ж̇инаад̇иязва. яат̇аа гинд̇и? аад̣̇ижжовуд̣̇аяам̣ д̇аманд̇и, яат̇аа аад̣̇ижжо уд̣̇аяанд̇о д̇амам̣ вид̣̇д̇хам̣сзд̇ваа аалогам̣ д̣̇ассзд̇и, звам̣ ж̇инаад̇и жзва суурияо вияа вирожад̇и жа.

    Tattha mantīti mantāya samannāgato paññavā upāyakusalo. Amantinanti anupāyakusalaṃ jināti, paññavā duppaññaṃ jināti. Rājā rājānoti ekopi ca evarūpo rājā bahūpi duppaññarājāno jinātiyeva. Yathā kinti? Ādiccovudayaṃ tamanti, yathā ādicco udayanto tamaṃ viddhaṃsetvā ālokaṃ dasseti, evaṃ jināti ceva sūriyo viya virocati ca.

    ид̣̇ам̣ вад̇ваа махаасад̇д̇о рааж̇аанам̣ ‘‘г̇ажчат̇а д̇умхз’’д̇и ванд̣̇ид̇ваа уяяож̇зси. со ‘‘муд̇д̇о вад̇амхи амид̇д̇ахад̇т̇ад̇о, имиссаа жа лад̣̇д̇хад̇д̇аа манорат̇оби мз мад̇т̇агам̣ бад̇д̇о’’д̇и б̣од̇хисад̇д̇асса г̇ун̣з ааваж̇ж̇зд̇ваа уббаннабийд̇ибаамож̇ж̇о бан̣д̣ид̇асса г̇ун̣з сзнагасса гат̇знд̇о г̇аат̇амааха –

    Idaṃ vatvā mahāsatto rājānaṃ ‘‘gacchatha tumhe’’ti vanditvā uyyojesi. So ‘‘mutto vatamhi amittahatthato, imissā ca laddhattā manorathopi me matthakaṃ patto’’ti bodhisattassa guṇe āvajjetvā uppannapītipāmojjo paṇḍitassa guṇe senakassa kathento gāthamāha –

    705.

    705.

    ‘‘сусукам̣ вад̇а сам̣ваасо, бан̣д̣ид̇зхийд̇и сзнага;

    ‘‘Susukhaṃ vata saṃvāso, paṇḍitehīti senaka;

    багкийва бан̃ж̇арз б̣ад̣̇д̇хз, мажчз ж̇аалаг̇ад̇зрива;

    Pakkhīva pañjare baddhe, macche jālagateriva;

    амид̇д̇ахад̇т̇ад̇д̇аг̇ад̇з, можаяий но махосад̇хо’’д̇и.

    Amittahatthattagate, mocayī no mahosadho’’ti.

    д̇ад̇т̇а сусукам̣ вад̇аад̇и ад̇исукам̣ вад̇а ид̣̇ам̣, яо сам̣ваасо бан̣д̣ид̇зхи. ид̇ийд̇и гааран̣ад̇т̇з нибаад̇о. ид̣̇ам̣ вуд̇д̇ам̣ ход̇и – яасмаа амид̇д̇ахад̇т̇аг̇ад̇з можаяи но махосад̇хо, д̇асмаа, сзнага, вад̣̇аами. сусукам̣ вад̇а ид̣̇ам̣, яо зса бан̣д̣ид̇зхи сам̣ваасод̇и.

    Tattha susukhaṃ vatāti atisukhaṃ vata idaṃ, yo saṃvāso paṇḍitehi. Itīti kāraṇatthe nipāto. Idaṃ vuttaṃ hoti – yasmā amittahatthagate mocayi no mahosadho, tasmā, senaka, vadāmi. Susukhaṃ vata idaṃ, yo esa paṇḍitehi saṃvāsoti.

    д̇ам̣ суд̇ваа сзнагоби бан̣д̣ид̇асса г̇ун̣з гат̇знд̇о ааха –

    Taṃ sutvā senakopi paṇḍitassa guṇe kathento āha –

    706.

    706.

    ‘‘звамзд̇ам̣ махаарааж̇а, бан̣д̣ид̇аа хи сукаавахаа;

    ‘‘Evametaṃ mahārāja, paṇḍitā hi sukhāvahā;

    багкийва бан̃ж̇арз б̣ад̣̇д̇хз, мажчз ж̇аалаг̇ад̇зрива;

    Pakkhīva pañjare baddhe, macche jālagateriva;

    амид̇д̇ахад̇т̇ад̇д̇аг̇ад̇з, можаяий но махосад̇хо’’д̇и.

    Amittahatthattagate, mocayī no mahosadho’’ti.

    ат̇а взд̣̇зхарааж̇аа над̣̇им̣ уд̇д̇арид̇ваа яож̇ананд̇арз яож̇ананд̇арз махаасад̇д̇зна гаарид̇аг̇аамам̣ самбад̇д̇о. д̇ад̇расса б̣од̇хисад̇д̇зна табид̇амануссаа хад̇т̇ивааханаад̣̇ийни жзва аннабаанаад̣̇ийни жа ад̣̇ам̣су. со гиланд̇з хад̇т̇иассарат̇аад̣̇аяо табзд̇ваа ид̇арз аад̣̇ааяа д̇зхи сад̣̇д̇хим̣ ан̃н̃ам̣ г̇аамам̣ баабун̣и. зд̇знубааязна яож̇анасад̇игам̣ маг̇г̇ам̣ ад̇иггамид̇ваа бунад̣̇ивасз баад̇ова мит̇илам̣ баависи. махаасад̇д̇оби уман̇г̇ад̣̇ваарам̣ г̇анд̇ваа ад̇д̇анаа саннад̣̇д̇хакаг̇г̇ам̣ омун̃жид̇ваа уман̇г̇ад̣̇ваарз ваалугам̣ вияуухид̇ваа табзси. табзд̇ваа жа бана уман̇г̇ам̣ бависид̇ваа уман̇г̇зна г̇анд̇ваа наг̇арам̣ бависид̇ваа баасаад̣̇ам̣ абхируяха г̇анд̇ход̣̇агзна нхад̇ваа наанаг̇г̇арасабхож̇анам̣ бхун̃ж̇ид̇ваа саяанавараг̇ад̇о ‘‘манорат̇о мз мад̇т̇агам̣ бад̇д̇о’’д̇и ааваж̇ж̇знд̇о нибаж̇ж̇и. ат̇а д̇ассаа рад̇д̇ияаа ажжаязна жуул̣анирааж̇аа сзнан̇г̇ам̣ вижаараяамаано д̇ам̣ наг̇арам̣ убааг̇ами. д̇амад̇т̇ам̣ багаасзнд̇о сад̇т̇аа ааха –

    Atha vedeharājā nadiṃ uttaritvā yojanantare yojanantare mahāsattena kāritagāmaṃ sampatto. Tatrassa bodhisattena ṭhapitamanussā hatthivāhanādīni ceva annapānādīni ca adaṃsu. So kilante hatthiassarathādayo ṭhapetvā itare ādāya tehi saddhiṃ aññaṃ gāmaṃ pāpuṇi. Etenupāyena yojanasatikaṃ maggaṃ atikkamitvā punadivase pātova mithilaṃ pāvisi. Mahāsattopi umaṅgadvāraṃ gantvā attanā sannaddhakhaggaṃ omuñcitvā umaṅgadvāre vālukaṃ viyūhitvā ṭhapesi. Ṭhapetvā ca pana umaṅgaṃ pavisitvā umaṅgena gantvā nagaraṃ pavisitvā pāsādaṃ abhiruyha gandhodakena nhatvā nānaggarasabhojanaṃ bhuñjitvā sayanavaragato ‘‘manoratho me matthakaṃ patto’’ti āvajjento nipajji. Atha tassā rattiyā accayena cūḷanirājā senaṅgaṃ vicārayamāno taṃ nagaraṃ upāgami. Tamatthaṃ pakāsento satthā āha –

    707.

    707.

    ‘‘рагкид̇ваа гасин̣ам̣ рад̇д̇им̣, жуул̣анзяяо махаб̣б̣ало;

    ‘‘Rakkhitvā kasiṇaṃ rattiṃ, cūḷaneyyo mahabbalo;

    уд̣̇знд̇ам̣ арун̣уг̇г̇асмим̣, убагаарим̣ убааг̇ами.

    Udentaṃ aruṇuggasmiṃ, upakāriṃ upāgami.

    708.

    708.

    ‘‘ааруяха баварам̣ нааг̇ам̣, б̣алаванд̇ам̣ садтихааяанам̣;

    ‘‘Āruyha pavaraṃ nāgaṃ, balavantaṃ saṭṭhihāyanaṃ;

    рааж̇аа авожа бан̃жаало, жуул̣анзяяо махаб̣б̣ало.

    Rājā avoca pañcālo, cūḷaneyyo mahabbalo.

    709.

    709.

    ‘‘саннад̣̇д̇хо ман̣иваммзна, сарамаад̣̇ааяа баан̣инаа;

    ‘‘Sannaddho maṇivammena, saramādāya pāṇinā;

    бзсияз аж̇жхабхаасид̇т̇а, бут̇уг̇умб̣з самааг̇ад̇з’’д̇и.

    Pesiye ajjhabhāsittha, puthugumbe samāgate’’ti.

    д̇ад̇т̇а гасин̣анд̇и сагалам̣ ниссзсам̣. уд̣̇знд̇анд̇и уд̣̇знд̇з. убагааринд̇и бан̃жааланаг̇арам̣ убаад̣̇ааяа махаасад̇д̇знагаарид̇ад̇д̇аа ‘‘убагаарий’’д̇и лад̣̇д̇ханаамагам̣ д̇ам̣ наг̇арам̣ убааг̇ами. авожаад̇и ад̇д̇ано сзнам̣ авожа. бзсиязд̇и ад̇д̇ано бзсанагаарагз. аж̇жхабхаасид̇т̇аад̇и ад̇хиабхаасид̇т̇а, бурзд̇арамзва абхаасид̇т̇а, бут̇уг̇умб̣зд̇и б̣ахуусу сиббзсу бад̇идтид̇з анзгасиббаж̇аананагзд̇и.

    Tattha kasiṇanti sakalaṃ nissesaṃ. Udentanti udente. Upakārinti pañcālanagaraṃ upādāya mahāsattenakāritattā ‘‘upakārī’’ti laddhanāmakaṃ taṃ nagaraṃ upāgami. Avocāti attano senaṃ avoca. Pesiyeti attano pesanakārake. Ajjhabhāsitthāti adhiabhāsittha, puretarameva abhāsittha, puthugumbeti bahūsu sippesu patiṭṭhite anekasippajānanaketi.

    ид̣̇аани д̇з саруубад̇о д̣̇ассзд̇умааха –

    Idāni te sarūpato dassetumāha –

    710.

    710.

    ‘‘хад̇т̇аарохз анийгадтз, рат̇игз бад̇д̇игаарагз;

    ‘‘Hatthārohe anīkaṭṭhe, rathike pattikārake;

    убаасанамхи гад̇ахад̇т̇з, ваалавзд̇хз самааг̇ад̇з’’д̇и.

    Upāsanamhi katahatthe, vālavedhe samāgate’’ti.

    д̇ад̇т̇а убаасанамхийд̇и д̇ханусиббз. гад̇ахад̇т̇зд̇и авираж̇жханавзд̇хид̇ааяа самбаннахад̇т̇з.

    Tattha upāsanamhīti dhanusippe. Katahattheti avirajjhanavedhitāya sampannahatthe.

    ид̣̇аани рааж̇аа взд̣̇зхам̣ ж̇ийваг̇г̇аахам̣ г̇ан̣хаабзд̇ум̣ аан̣аабзнд̇о ааха –

    Idāni rājā vedehaṃ jīvaggāhaṃ gaṇhāpetuṃ āṇāpento āha –

    711.

    711.

    ‘‘бзсзт̇а гун̃ж̇арз д̣̇анд̇ий, б̣алаванд̇з садтихааяанз;

    ‘‘Pesetha kuñjare dantī, balavante saṭṭhihāyane;

    мад̣̇д̣̇анд̇у гун̃ж̇араа наг̇арам̣, взд̣̇зхзна сумаабид̇ам̣.

    Maddantu kuñjarā nagaraṃ, vedehena sumāpitaṃ.

    712.

    712.

    ‘‘важчад̣̇анд̇амукаа сзд̇аа, д̇игкаг̇г̇аа адтивзд̇хино;

    ‘‘Vacchadantamukhā setā, tikkhaggā aṭṭhivedhino;

    бан̣уннаа д̇ханувзг̇зна, самбад̇анд̇уд̇арийд̇араа.

    Paṇunnā dhanuvegena, sampatantutarītarā.

    713.

    713.

    ‘‘маан̣аваа ваммино суураа, жид̇рад̣̇ан̣д̣аяуд̇аавуд̇хаа;

    ‘‘Māṇavā vammino sūrā, citradaṇḍayutāvudhā;

    багканд̣̇ино махаанааг̇аа, хад̇т̇ийнам̣ хонд̇у саммукаа.

    Pakkhandino mahānāgā, hatthīnaṃ hontu sammukhā.

    714.

    714.

    ‘‘сад̇д̇ияо д̇злад̇ход̇ааяо, ажжиманд̇аа бабхассараа;

    ‘‘Sattiyo teladhotāyo, accimantā pabhassarā;

    виж̇ж̇од̇амаанаа д̇идтанд̇у, сад̇арам̣сийва д̇аарагаа.

    Vijjotamānā tiṭṭhantu, sataraṃsīva tārakā.

    715.

    715.

    ‘‘аавуд̇хаб̣алаванд̇аанам̣ , г̇ун̣игааяуурад̇хааринам̣;

    ‘‘Āvudhabalavantānaṃ , guṇikāyūradhārinaṃ;

    зд̇аад̣̇исаанам̣ яод̇хаанам̣, сан̇г̇аамз абалааяинам̣;

    Etādisānaṃ yodhānaṃ, saṅgāme apalāyinaṃ;

    взд̣̇зхо гуд̇о мужжиссад̇и, сажз багкийва гаахид̇и.

    Vedeho kuto muccissati, sace pakkhīva kāhiti.

    716.

    716.

    ‘‘д̇им̣са мз бурисанаавуд̇яо, саб̣б̣звзгзганижжид̇аа;

    ‘‘Tiṃsa me purisanāvutyo, sabbevekekaniccitā;

    язсам̣ самам̣ на бассаами, гзвалам̣ махиймам̣ жарам̣.

    Yesaṃ samaṃ na passāmi, kevalaṃ mahīmaṃ caraṃ.

    717.

    717.

    ‘‘нааг̇аа жа габбид̇аа д̣̇анд̇ий, б̣алаванд̇о садтихааяанаа;

    ‘‘Nāgā ca kappitā dantī, balavanto saṭṭhihāyanā;

    язсам̣ канд̇хзсу собханд̇и, гумаараа жааруд̣̇ассанаа.

    Yesaṃ khandhesu sobhanti, kumārā cārudassanā.

    718.

    718.

    ‘‘бийд̇аалан̇гаараа бийд̇авасанаа, бийд̇уд̇д̇араниваасанаа;

    ‘‘Pītālaṅkārā pītavasanā, pītuttaranivāsanā;

    нааг̇аканд̇хзсу собханд̇и, д̣̇звабуд̇д̇аава нанд̣̇анз.

    Nāgakhandhesu sobhanti, devaputtāva nandane.

    719.

    719.

    ‘‘баатийнаван̣н̣аа нзд̇д̇им̣саа, д̇злад̇ход̇аа бабхассараа;

    ‘‘Pāṭhīnavaṇṇā nettiṃsā, teladhotā pabhassarā;

    нидтид̇аа нарад̇хийрзбхи, самад̇хаараа суниссид̇аа.

    Niṭṭhitā naradhīrebhi, samadhārā sunissitā.

    720.

    720.

    ‘‘взллаалино вийд̇амалаа, сиггааяасамаяаа д̣̇ал̣аа;

    ‘‘Vellālino vītamalā, sikkāyasamayā daḷā;

    г̇ахид̇аа б̣алаванд̇збхи, суббахаараббахаарибхи.

    Gahitā balavantebhi, suppahārappahāribhi.

    721.

    721.

    ‘‘суван̣н̣ат̇арусамбаннаа, лохид̇агажчубад̇хаарид̇аа;

    ‘‘Suvaṇṇatharusampannā, lohitakacchupadhāritā;

    вивад̇д̇амаанаа собханд̇и, виж̇ж̇ууваб̣бхагхананд̇арз.

    Vivattamānā sobhanti, vijjūvabbhaghanantare.

    722.

    722.

    ‘‘бадаагаа ваммино суураа, асижаммасса говид̣̇аа;

    ‘‘Paṭākā vammino sūrā, asicammassa kovidā;

    д̇хануг̇г̇ахаа сигкид̇араа, нааг̇аканд̇хз нибаад̇ино.

    Dhanuggahā sikkhitarā, nāgakhandhe nipātino.

    723.

    723.

    ‘‘зд̇аад̣̇исзхи баригкид̇д̇о, над̇т̇и могко ид̇о д̇ава;

    ‘‘Etādisehi parikkhitto, natthi mokkho ito tava;

    бабхаавам̣ д̇з на бассаами, язна д̇вам̣ мит̇илам̣ важ̇з’’д̇и.

    Pabhāvaṃ te na passāmi, yena tvaṃ mithilaṃ vaje’’ti.

    д̇ад̇т̇а д̣̇анд̇ийд̇и самбаннад̣̇анд̇з. важчад̣̇анд̇амукаад̇и никаад̣̇анасад̣̇исамукаа. бан̣уннаад̇и виссадтаа. самбад̇анд̇уд̇арийд̇араад̇и зваруубаа сараа ид̇арийд̇араа самбад̇анд̇у самааг̇ажчанд̇у. гханамзгхавассам̣ вияа саравассам̣ вассат̇аад̇и аан̣аабзси. маан̣аваад̇и д̇арун̣аяод̇хаа. вамминод̇и ваммахад̇т̇аа. жид̇рад̣̇ан̣д̣аяуд̇аавуд̇хаад̇и жид̇рад̣̇ан̣д̣аяуд̇д̇зхи аавуд̇хзхи саманнааг̇ад̇аа. багканд̣̇инод̇и сан̇г̇аамабагканд̣̇игаа. махаанааг̇аад̇и махаанааг̇зсу гон̃жанаад̣̇ам̣ гад̇ваа ааг̇ажчанд̇зсуби нижжалаа тад̇ваа д̇зсам̣ д̣̇анд̇з г̇ахзд̇ваа лун̃жид̇ум̣ самад̇т̇аа яод̇хаа. сад̇арам̣сийва д̇аарагаад̇и сад̇арам̣сий вияа осад̇хид̇аарагаа. аавуд̇хаб̣алаванд̇аананд̇и аавуд̇хаб̣алзна яуд̇д̇аанам̣ саманнааг̇ад̇аанам̣. г̇ун̣игааяуурад̇хааринанд̇и г̇ун̣и вужжад̇и гаважам̣, гаважаани жзва гааяуураабхаран̣аани жа д̇хаарзнд̇аанам̣, гаважасан̇каад̇аани ваа гааяуураани д̇хаарзнд̇аанам̣. сажз багкийва гаахид̇ийд̇и сажзби багкий вияа аагаасз багканд̣̇анам̣ гариссад̇и, д̇ат̇ааби гим̣ мужжиссад̇ийд̇и вад̣̇ад̇и.

    Tattha dantīti sampannadante. Vacchadantamukhāti nikhādanasadisamukhā. Paṇunnāti vissaṭṭhā. Sampatantutarītarāti evarūpā sarā itarītarā sampatantu samāgacchantu. Ghanameghavassaṃ viya saravassaṃ vassathāti āṇāpesi. Māṇavāti taruṇayodhā. Vamminoti vammahatthā. Citradaṇḍayutāvudhāti citradaṇḍayuttehi āvudhehi samannāgatā. Pakkhandinoti saṅgāmapakkhandikā. Mahānāgāti mahānāgesu koñcanādaṃ katvā āgacchantesupi niccalā ṭhatvā tesaṃ dante gahetvā luñcituṃ samatthā yodhā. Sataraṃsīva tārakāti sataraṃsī viya osadhitārakā. Āvudhabalavantānanti āvudhabalena yuttānaṃ samannāgatānaṃ. Guṇikāyūradhārinanti guṇi vuccati kavacaṃ, kavacāni ceva kāyūrābharaṇāni ca dhārentānaṃ, kavacasaṅkhātāni vā kāyūrāni dhārentānaṃ. Sace pakkhīva kāhitīti sacepi pakkhī viya ākāse pakkhandanaṃ karissati, tathāpi kiṃ muccissatīti vadati.

    д̇им̣са мз бурисанаавуд̇яод̇и бурисаанам̣ д̇им̣сасахассаани навуд̇исад̇аани д̇им̣санаавуд̇яод̇и вужжанд̇и. саб̣б̣звзгзганижжид̇аад̇и зд̇д̇агаа маяхам̣ барзсам̣ хад̇т̇ад̇о аавуд̇хам̣ г̇ахзд̇ваа бажжаамид̇д̇аанам̣ сийсабаад̇анасамад̇т̇аа згзгам̣ вижинид̇ваа г̇ахид̇аа анивад̇д̇ино яод̇хаад̇и д̣̇ассзд̇и. гзвалам̣ махиймам̣ жаранд̇и сагаламби имам̣ махим̣ жаранд̇о язсам̣ самам̣ сад̣̇исам̣ на бассаами, гуд̇о уд̇д̇арид̇арам̣, д̇зязва мз яод̇хаа зд̇д̇агаад̇и д̣̇ассзд̇и. жааруд̣̇ассанаад̇и жаару вужжад̇и суван̣н̣ам̣, суван̣н̣аван̣н̣аад̇и ад̇т̇о. бийд̇аалан̇гаараад̇и бийд̇аван̣н̣асуван̣н̣аалан̇гаараа. бийд̇авасанаад̇и бийд̇аван̣н̣асуван̣н̣авад̇т̇аа. бийд̇уд̇д̇араниваасанаад̇и бийд̇ауд̇д̇араасан̇г̇анивад̇т̇аа. баатийнаван̣н̣аад̇и баасаан̣амажчасад̣̇исаа. нзд̇д̇им̣саад̇и каг̇г̇аа. нарад̇хийрзбхийд̇и бан̣д̣ид̇абурисзхи. суниссид̇аад̇и сунисид̇аа ад̇ид̇икин̣аа.

    Tiṃsa me purisanāvutyoti purisānaṃ tiṃsasahassāni navutisatāni tiṃsanāvutyoti vuccanti. Sabbevekekaniccitāti ettakā mayhaṃ paresaṃ hatthato āvudhaṃ gahetvā paccāmittānaṃ sīsapātanasamatthā ekekaṃ vicinitvā gahitā anivattino yodhāti dasseti. Kevalaṃ mahīmaṃ caranti sakalampi imaṃ mahiṃ caranto yesaṃ samaṃ sadisaṃ na passāmi, kuto uttaritaraṃ, teyeva me yodhā ettakāti dasseti. Cārudassanāti cāru vuccati suvaṇṇaṃ, suvaṇṇavaṇṇāti attho. Pītālaṅkārāti pītavaṇṇasuvaṇṇālaṅkārā. Pītavasanāti pītavaṇṇasuvaṇṇavatthā. Pītuttaranivāsanāti pītauttarāsaṅganivatthā. Pāṭhīnavaṇṇāti pāsāṇamacchasadisā. Nettiṃsāti khaggā. Naradhīrebhīti paṇḍitapurisehi. Sunissitāti sunisitā atitikhiṇā.

    взллаалинод̇и тид̇амаж̇жханхигз суурияо вияа виж̇ж̇од̇амаанаа. сиггааяасамаяаад̇и сад̇д̇а ваарз гон̃жасагун̣з каад̣̇аабзд̇ваа г̇ахид̇зна сиггааяасзна гад̇аа. суббахаараббахаарибхийд̇и д̣̇ал̣хаббахаарзхи яод̇хзхи. лохид̇агажчубад̇хаарид̇аад̇и лохид̇аван̣н̣ааяа госияаа саманнааг̇ад̇аа. бадаагаад̇и аагаасз баривад̇д̇анасамад̇т̇аа. суураад̇и ж̇аад̇исуураа. асижаммасса говид̣̇аад̇и зд̇зсам̣ г̇ахан̣з гусалаа. д̇хануг̇г̇ахаад̇и д̇хануг̇г̇ахагаа. сигкид̇араад̇и зд̇асмим̣ д̇хануг̇г̇ахан̣з ад̇ивияа сигкид̇аа. нааг̇аканд̇хз нибаад̇инод̇и хад̇т̇игканд̇хз каг̇г̇зна чинд̣̇ид̇ваа нибаад̇анасамад̇т̇аа. над̇т̇и могкод̇и амбхо, взд̣̇зха, д̇вам̣ батамам̣ д̇аава г̇ахабад̇ибуд̇д̇ассаанубхаавзна муд̇д̇оси, ид̣̇аани бана над̇т̇и д̇ава могкод̇и вад̣̇ад̇и. бабхаавам̣ д̇зд̇и ид̣̇аани д̇з рааж̇аанубхаавам̣ на бассаами, язна д̇вам̣ мит̇илам̣ г̇амиссаси киббам̣, ж̇аалз бавидтамажчо вияа ж̇аад̇осийд̇и.

    Vellālinoti ṭhitamajjhanhike sūriyo viya vijjotamānā. Sikkāyasamayāti satta vāre koñcasakuṇe khādāpetvā gahitena sikkāyasena katā. Suppahārappahāribhīti daḷhappahārehi yodhehi. Lohitakacchupadhāritāti lohitavaṇṇāya kosiyā samannāgatā. Paṭākāti ākāse parivattanasamatthā. Sūrāti jātisūrā. Asicammassa kovidāti etesaṃ gahaṇe kusalā. Dhanuggahāti dhanuggahakā. Sikkhitarāti etasmiṃ dhanuggahaṇe ativiya sikkhitā. Nāgakhandhe nipātinoti hatthikkhandhe khaggena chinditvā nipātanasamatthā. Natthi mokkhoti ambho, vedeha, tvaṃ paṭhamaṃ tāva gahapatiputtassānubhāvena muttosi, idāni pana natthi tava mokkhoti vadati. Pabhāvaṃ teti idāni te rājānubhāvaṃ na passāmi, yena tvaṃ mithilaṃ gamissasi khippaṃ, jāle paviṭṭhamaccho viya jātosīti.

    жуул̣анирааж̇аа взд̣̇зхам̣ д̇аж̇ж̇знд̇о ‘‘ид̣̇аани нам̣ г̇ан̣хиссаамий’’д̇и важ̇иран̇гусзна нааг̇ам̣ жод̣̇знд̇о ‘‘г̇ан̣хат̇а, бхинд̣̇ат̇а, виж̇жхат̇аа’’д̇и сзнам̣ аан̣аабзнд̇о убагааринаг̇арам̣ авад̇т̇аранд̇о вияа убааг̇ами. ат̇а нам̣ махаасад̇д̇асса убанигкид̇д̇агабурисаа ‘‘го ж̇аанаад̇и, гим̣ бхависсад̇ий’’д̇и ад̇д̇ано убадтаагз г̇ахзд̇ваа бариваараяим̣су. д̇асмим̣ кан̣з б̣од̇хисад̇д̇о сирисаяанаа вудтааяа гад̇асарийраббадиж̇аг̇г̇ано бхуд̇д̇абаад̇араасо алан̇гад̇аббадияад̇д̇о сад̇асахассаг̇гханагам̣ гаасигавад̇т̇ам̣ ниваасзд̇ваа рад̇д̇агамб̣алам̣ згам̣сз гарид̇ваа сад̇д̇арад̇анавижид̇д̇ам̣ валан̃ж̇анад̣̇ан̣д̣агам̣ аад̣̇ааяа суван̣н̣абаад̣̇угам̣ ааруяха д̣̇зважчарааяа вияа алан̇гад̇аид̇т̇ияаа ваалаб̣ийж̇анияаа б̣ийж̇ияамаано алан̇гад̇абаасаад̣̇з сийхабан̃ж̇арам̣ виварид̇ваа жуул̣аниран̃н̃о ад̇д̇аанам̣ д̣̇ассзнд̇о саггад̣̇зварааж̇алийлааяа абараабарам̣ жан̇гами. жуул̣анирааж̇ааби д̇асса руубасирим̣ ологзд̇ваа жид̇д̇ам̣ басаад̣̇зд̇ум̣ наасагки, ‘‘ид̣̇аани нам̣ г̇ан̣хиссаамий’’д̇и д̇урид̇ад̇урид̇ова хад̇т̇им̣ бзсзси. бан̣д̣ид̇о жинд̇зси ‘‘аяам̣ ‘взд̣̇зхо мз лад̣̇д̇хо’д̇и сан̃н̃ааяа д̇урид̇ад̇урид̇ова ааг̇ажчад̇и, на ж̇аанаад̇и ад̇д̇ано буд̇д̇ад̣̇аарам̣ г̇ахзд̇ваа амхаагам̣ ран̃н̃о г̇ад̇абхаавам̣, суван̣н̣аад̣̇аасасад̣̇исам̣ мама мукам̣ д̣̇ассзд̇ваа гат̇зссаами д̇зна сад̣̇д̇хи’’нд̇и. со ваад̇абаанз тид̇ова мад̇хурассарам̣ нижчаарзд̇ваа д̇зна сад̣̇д̇хим̣ гат̇знд̇о ааха –

    Cūḷanirājā vedehaṃ tajjento ‘‘idāni naṃ gaṇhissāmī’’ti vajiraṅkusena nāgaṃ codento ‘‘gaṇhatha, bhindatha, vijjhathā’’ti senaṃ āṇāpento upakārinagaraṃ avattharanto viya upāgami. Atha naṃ mahāsattassa upanikkhittakapurisā ‘‘ko jānāti, kiṃ bhavissatī’’ti attano upaṭṭhāke gahetvā parivārayiṃsu. Tasmiṃ khaṇe bodhisatto sirisayanā vuṭṭhāya katasarīrappaṭijaggano bhuttapātarāso alaṅkatappaṭiyatto satasahassagghanakaṃ kāsikavatthaṃ nivāsetvā rattakambalaṃ ekaṃse karitvā sattaratanavicittaṃ valañjanadaṇḍakaṃ ādāya suvaṇṇapādukaṃ āruyha devaccharāya viya alaṅkataitthiyā vālabījaniyā bījiyamāno alaṅkatapāsāde sīhapañjaraṃ vivaritvā cūḷanirañño attānaṃ dassento sakkadevarājalīlāya aparāparaṃ caṅkami. Cūḷanirājāpi tassa rūpasiriṃ oloketvā cittaṃ pasādetuṃ nāsakkhi, ‘‘idāni naṃ gaṇhissāmī’’ti turitaturitova hatthiṃ pesesi. Paṇḍito cintesi ‘‘ayaṃ ‘vedeho me laddho’ti saññāya turitaturitova āgacchati, na jānāti attano puttadāraṃ gahetvā amhākaṃ rañño gatabhāvaṃ, suvaṇṇādāsasadisaṃ mama mukhaṃ dassetvā kathessāmi tena saddhi’’nti. So vātapāne ṭhitova madhurassaraṃ nicchāretvā tena saddhiṃ kathento āha –

    724.

    724.

    ‘‘гим̣ ну санд̇арамаанова, нааг̇ам̣ бзсзси гун̃ж̇арам̣;

    ‘‘Kiṃ nu santaramānova, nāgaṃ pesesi kuñjaraṃ;

    бахадтаруубо аабад̇аси, сид̣̇д̇хад̇т̇осмийд̇и ман̃н̃аси.

    Pahaṭṭharūpo āpatasi, siddhatthosmīti maññasi.

    725.

    725.

    ‘‘охарзд̇ам̣ д̇ханум̣ жаабам̣, кураббам̣ бадисам̣хара;

    ‘‘Oharetaṃ dhanuṃ cāpaṃ, khurappaṃ paṭisaṃhara;

    охарзд̇ам̣ субхам̣ ваммам̣, взл̣урияаман̣исант̇ад̇а’’нд̇и.

    Oharetaṃ subhaṃ vammaṃ, veḷuriyamaṇisanthata’’nti.

    д̇ад̇т̇а гун̃ж̇аранд̇и сздтам̣. бахадтаруубод̇и хадтад̇удтажид̇д̇о соманассаж̇аад̇о. аабад̇асийд̇и ааг̇ажчаси. сид̣̇д̇хад̇т̇осмийд̇и нибпаннад̇т̇осми, манорат̇о мз мад̇т̇агам̣ бад̇д̇од̇и ман̃н̃аси. охарзд̇анд̇и имам̣ жаабасан̇каад̇ам̣ д̇ханум̣ охара, авахара, чад̣д̣зхи, го ну д̇з зд̇знад̇т̇о. бадисам̣хараад̇и абанзд̇ваа ан̃н̃асса ваа д̣̇зхи, бадижчаннз ваа таанз табзхи, гим̣ кураббзна гариссаси. вамманд̇и зд̇ам̣ ваммамби абанзхи. ид̣̇ам̣ д̇аяаа хияяо бадимуггам̣ бхависсад̇и, чад̣д̣зхи нам̣, маа д̇з сарийрам̣ уббан̣д̣угам̣ ахоси, агиламзд̇ваа баад̇ова наг̇арам̣ бависаахийд̇и ран̃н̃аа сад̣̇д̇хим̣ гзл̣имагааси.

    Tattha kuñjaranti seṭṭhaṃ. Pahaṭṭharūpoti haṭṭhatuṭṭhacitto somanassajāto. Āpatasīti āgacchasi. Siddhatthosmīti nipphannatthosmi, manoratho me matthakaṃ pattoti maññasi. Oharetanti imaṃ cāpasaṅkhātaṃ dhanuṃ ohara, avahara, chaḍḍehi, ko nu te etenattho. Paṭisaṃharāti apanetvā aññassa vā dehi, paṭicchanne vā ṭhāne ṭhapehi, kiṃ khurappena karissasi. Vammanti etaṃ vammampi apanehi. Idaṃ tayā hiyyo paṭimukkaṃ bhavissati, chaḍḍehi naṃ, mā te sarīraṃ uppaṇḍukaṃ ahosi, akilametvā pātova nagaraṃ pavisāhīti raññā saddhiṃ keḷimakāsi.

    со д̇асса важанам̣ суд̇ваа ‘‘г̇ахабад̇ибуд̇д̇о маяаа сад̣̇д̇хим̣ гзл̣им̣ гарод̇и, аж̇ж̇а д̇з гад̇д̇аб̣б̣ам̣ ж̇ааниссаамий’’д̇и д̇ам̣ д̇аж̇ж̇знд̇о г̇аат̇амааха –

    So tassa vacanaṃ sutvā ‘‘gahapatiputto mayā saddhiṃ keḷiṃ karoti, ajja te kattabbaṃ jānissāmī’’ti taṃ tajjento gāthamāha –

    726.

    726.

    ‘‘басаннамукаван̣н̣оси , мхид̇абуб̣б̣ан̃жа бхаасаси;

    ‘‘Pasannamukhavaṇṇosi , mhitapubbañca bhāsasi;

    ход̇и ко маран̣агаалз, зд̣̇исий ван̣н̣асамбад̣̇аа’’д̇и.

    Hoti kho maraṇakāle, edisī vaṇṇasampadā’’ti.

    д̇ад̇т̇а мхид̇абуб̣б̣ан̃жаад̇и батамам̣ мхид̇ам̣ гад̇ваа бажчаа бхаасанд̇о мхид̇абуб̣б̣амзва бхаасаси, мам̣ гисмин̃жи на г̇ан̣зси. ход̇и код̇и маран̣агаалз наама ван̣н̣асамбад̣̇аа ход̇иязва, д̇асмаа д̇вам̣ вирожаси, аж̇ж̇а д̇з сийсам̣ чинд̣̇ид̇ваа ж̇аяабаанам̣ бивиссаамаад̇и.

    Tattha mhitapubbañcāti paṭhamaṃ mhitaṃ katvā pacchā bhāsanto mhitapubbameva bhāsasi, maṃ kismiñci na gaṇesi. Hoti khoti maraṇakāle nāma vaṇṇasampadā hotiyeva, tasmā tvaṃ virocasi, ajja te sīsaṃ chinditvā jayapānaṃ pivissāmāti.

    звам̣ д̇асса д̇зна сад̣̇д̇хим̣ гат̇анагаалз махааб̣алагааяо махаасад̇д̇асса руубасирим̣ д̣̇исваа ‘‘амбхо, амхаагам̣ рааж̇аа махосад̇хабан̣д̣ид̇зна сад̣̇д̇хим̣ манд̇зд̇и , гим̣ ну ко гат̇зси, зд̇зсам̣ гат̇ам̣ сун̣иссаамаа’’д̇и ран̃н̃о санд̇игамзва аг̇амааси. бан̣д̣ид̇оби д̇асса гат̇ам̣ суд̇ваа ‘‘на мам̣ ‘махосад̇хабан̣д̣ид̇о’д̇и ж̇аанааси. наахам̣ ад̇д̇аанам̣ маарзд̇ум̣ д̣̇ассаами, манд̇о д̇з , д̣̇зва, бхинно, гзваддзна жа д̇аяаа жа хад̣̇аязна жинд̇ид̇ам̣ на ж̇аад̇ам̣, мукзна гат̇ид̇амзва ж̇аад̇а’’нд̇и багаасзнд̇о ааха –

    Evaṃ tassa tena saddhiṃ kathanakāle mahābalakāyo mahāsattassa rūpasiriṃ disvā ‘‘ambho, amhākaṃ rājā mahosadhapaṇḍitena saddhiṃ manteti , kiṃ nu kho kathesi, etesaṃ kathaṃ suṇissāmā’’ti rañño santikameva agamāsi. Paṇḍitopi tassa kathaṃ sutvā ‘‘na maṃ ‘mahosadhapaṇḍito’ti jānāsi. Nāhaṃ attānaṃ māretuṃ dassāmi, manto te , deva, bhinno, kevaṭṭena ca tayā ca hadayena cintitaṃ na jātaṃ, mukhena kathitameva jāta’’nti pakāsento āha –

    727.

    727.

    могхам̣ д̇з г̇аж̇ж̇ид̇ам̣ рааж̇а, бхиннаманд̇оси кад̇д̇ияа;

    Moghaṃ te gajjitaṃ rāja, bhinnamantosi khattiya;

    д̣̇уг̇г̇ан̣хоси д̇аяаа рааж̇аа, кал̣ун̇гзнзва синд̇хаво.

    Duggaṇhosi tayā rājā, khaḷuṅkeneva sindhavo.

    728.

    728.

    ‘‘д̇ин̣н̣о хияяо рааж̇аа г̇ан̇г̇ам̣, саамажжо сабариж̇ж̇ано;

    ‘‘Tiṇṇo hiyyo rājā gaṅgaṃ, sāmacco saparijjano;

    хам̣сарааж̇ам̣ яат̇аа д̇хан̇го, ануж̇ж̇авам̣ бад̇иссасий’’д̇и.

    Haṃsarājaṃ yathā dhaṅko, anujjavaṃ patissasī’’ti.

    д̇ад̇т̇а бхиннаманд̇осийд̇и яо д̇аяаа гзваддзна сад̣̇д̇хим̣ саяанаг̇аб̣бхз манд̇о г̇ахид̇о, д̇ам̣ манд̇ам̣ на ж̇аанаад̇ийд̇и маа сан̃н̃ам̣ гари, баг̇зва со маяаа н̃аад̇о, бхиннаманд̇о аси ж̇аад̇о. д̣̇уг̇г̇ан̣хоси д̇аяаад̇и махаарааж̇а, д̇аяаа амхаагам̣ рааж̇аа ассакал̣ун̇гзна синд̇хаво вияа д̣̇уг̇г̇ан̣хоси, кал̣ун̇гам̣ аарул̣хзна ж̇авасамбаннам̣ ааж̇аанийяам̣ ааруяха г̇ажчанд̇о вияа г̇ахзд̇ум̣ на саггаад̇и ад̇т̇о. кал̣ун̇го вияа хи гзваддо, д̇ам̣ аарул̣хабурисо вияа д̇вам̣, ж̇авасамбанно синд̇хаво вияа ахам̣, д̇ам̣ аарул̣хабурисо вияа амхаагам̣ рааж̇аад̇и д̣̇ассзд̇и. д̇ин̣н̣о хияяод̇и хияяова уд̇д̇ин̣н̣о. со жа ко саамажжо сабариж̇ано, на згагова балааяид̇ваа г̇ад̇о. ануж̇ж̇аванд̇и сажз бана д̇вам̣ д̇ам̣ ануж̇ависсаси ануб̣анд̇хиссаси, ат̇а яат̇аа суван̣н̣ахам̣сарааж̇ам̣ ануж̇аванд̇о д̇хан̇го анд̇араава бад̇иссад̇и, звам̣ бад̇иссаси, анд̇араава винаасам̣ баабун̣иссасийд̇и вад̣̇ад̇и.

    Tattha bhinnamantosīti yo tayā kevaṭṭena saddhiṃ sayanagabbhe manto gahito, taṃ mantaṃ na jānātīti mā saññaṃ kari, pageva so mayā ñāto, bhinnamanto asi jāto. Duggaṇhosi tayāti mahārāja, tayā amhākaṃ rājā assakhaḷuṅkena sindhavo viya duggaṇhosi, khaḷuṅkaṃ āruḷhena javasampannaṃ ājānīyaṃ āruyha gacchanto viya gahetuṃ na sakkāti attho. Khaḷuṅko viya hi kevaṭṭo, taṃ āruḷhapuriso viya tvaṃ, javasampanno sindhavo viya ahaṃ, taṃ āruḷhapuriso viya amhākaṃ rājāti dasseti. Tiṇṇo hiyyoti hiyyova uttiṇṇo. So ca kho sāmacco saparijano, na ekakova palāyitvā gato. Anujjavanti sace pana tvaṃ taṃ anujavissasi anubandhissasi, atha yathā suvaṇṇahaṃsarājaṃ anujavanto dhaṅko antarāva patissati, evaṃ patissasi, antarāva vināsaṃ pāpuṇissasīti vadati.

    ид̣̇аани со ачамбхид̇агзсарасийхо вияа уд̣̇аахаран̣ам̣ аахаранд̇о ааха –

    Idāni so achambhitakesarasīho viya udāharaṇaṃ āharanto āha –

    729.

    729.

    ‘‘син̇г̇аалаа рад̇д̇ибхааг̇зна, пуллам̣ д̣̇исваана гим̣сугам̣;

    ‘‘Siṅgālā rattibhāgena, phullaṃ disvāna kiṃsukaṃ;

    мам̣сабзсийд̇и ман̃н̃анд̇аа, бариб̣яуул̣хаа миг̇аад̇хамаа.

    Maṃsapesīti maññantā, paribyūḷhā migādhamā.

    730.

    730.

    ‘‘вийд̇ивад̇д̇аасу рад̇д̇ийсу, уг̇г̇ад̇асмим̣ д̣̇иваагарз;

    ‘‘Vītivattāsu rattīsu, uggatasmiṃ divākare;

    гим̣ сугам̣ пуллид̇ам̣ д̣̇исваа, аасажчиннаа миг̇аад̇хамаа.

    Kiṃ sukaṃ phullitaṃ disvā, āsacchinnā migādhamā.

    731.

    731.

    ‘‘звамзва д̇увам̣ рааж̇а, взд̣̇зхам̣ бариваарияа;

    ‘‘Evameva tuvaṃ rāja, vedehaṃ parivāriya;

    аасажчинно г̇амиссаси, син̇г̇аалаа гим̣сугам̣ яат̇аа’’д̇и.

    Āsacchinno gamissasi, siṅgālā kiṃsukaṃ yathā’’ti.

    д̇ад̇т̇а д̣̇исваанаад̇и жанд̣̇аалогзна ологзд̇ваа. бариб̣яуул̣хаад̇и баад̇ова мам̣сабзсим̣ каад̣̇ид̇ваа г̇амиссаамаад̇и бариваарзд̇ваа адтам̣су. вийд̇ивад̇д̇аасууд̇и д̇з яаасу яаасу рад̇д̇ийсу звам̣ адтам̣су, д̇аасу д̇аасу рад̇д̇ийсу ад̇ийд̇аасу. д̣̇исваад̇и суурияаалогзна гим̣сугам̣ д̣̇исваа ‘‘на ид̣̇ам̣ мам̣са’’нд̇и н̃ад̇ваа чиннаасаа худ̇ваа балааяим̣су. син̇г̇аалаад̇и яат̇аа син̇г̇аалаа гим̣сугам̣ бариваарзд̇ваа аасажчиннаа г̇ад̇аа, звам̣ д̇увамби ид̇ха взд̣̇зхаран̃н̃о над̇т̇ибхаавам̣ н̃ад̇ваа аасажчинно худ̇ваа г̇амиссаси, сзнам̣ г̇ахзд̇ваа балааяиссасийд̇и д̣̇ийбзд̇и.

    Tattha disvānāti candālokena oloketvā. Paribyūḷhāti pātova maṃsapesiṃ khāditvā gamissāmāti parivāretvā aṭṭhaṃsu. Vītivattāsūti te yāsu yāsu rattīsu evaṃ aṭṭhaṃsu, tāsu tāsu rattīsu atītāsu. Disvāti sūriyālokena kiṃsukaṃ disvā ‘‘na idaṃ maṃsa’’nti ñatvā chinnāsā hutvā palāyiṃsu. Siṅgālāti yathā siṅgālā kiṃsukaṃ parivāretvā āsacchinnā gatā, evaṃ tuvampi idha vedeharañño natthibhāvaṃ ñatvā āsacchinno hutvā gamissasi, senaṃ gahetvā palāyissasīti dīpeti.

    рааж̇аа д̇асса ачамбхид̇аважанам̣ суд̇ваа жинд̇зси ‘‘аяам̣ г̇ахабад̇ибуд̇д̇о ад̇исууро худ̇ваа гат̇зси, ниссам̣саяам̣ взд̣̇зхо балаад̇о бхависсад̇ий’’д̇и. со ад̇ивияа гуж̇жхид̇ваа ‘‘буб̣б̣з маяам̣ г̇ахабад̇ибуд̇д̇ам̣ ниссааяа уд̣̇арасаадагассаби ассаамигаа ж̇аад̇аа, ид̣̇аани д̇зна амхаагам̣ хад̇т̇аг̇ад̇о бажжаамид̇д̇о балаабид̇о, б̣ахусса вад̇а но анад̇т̇асса гаараго, убхиннам̣ гад̇д̇аб̣б̣агааран̣ам̣ имассзва гариссаамий’’д̇и д̇асса гааран̣ам̣ гаад̇ум̣ аан̣аабзнд̇о ааха –

    Rājā tassa achambhitavacanaṃ sutvā cintesi ‘‘ayaṃ gahapatiputto atisūro hutvā kathesi, nissaṃsayaṃ vedeho palāto bhavissatī’’ti. So ativiya kujjhitvā ‘‘pubbe mayaṃ gahapatiputtaṃ nissāya udarasāṭakassapi assāmikā jātā, idāni tena amhākaṃ hatthagato paccāmitto palāpito, bahussa vata no anatthassa kārako, ubhinnaṃ kattabbakāraṇaṃ imasseva karissāmī’’ti tassa kāraṇaṃ kātuṃ āṇāpento āha –

    732.

    732.

    ‘‘имасса хад̇т̇з баад̣̇з жа, ган̣н̣анаасан̃жа чинд̣̇ат̇а;

    ‘‘Imassa hatthe pāde ca, kaṇṇanāsañca chindatha;

    яо мз амид̇д̇ам̣ хад̇т̇аг̇ад̇ам̣, взд̣̇зхам̣ бариможаяи.

    Yo me amittaṃ hatthagataṃ, vedehaṃ parimocayi.

    733.

    733.

    ‘‘имам̣ мам̣сам̣ва баад̇аб̣яам̣, суулз гад̇ваа бажанд̇у нам̣;

    ‘‘Imaṃ maṃsaṃva pātabyaṃ, sūle katvā pacantu naṃ;

    яо мз амид̇д̇ам̣ хад̇т̇аг̇ад̇ам̣, взд̣̇зхам̣ бариможаяи.

    Yo me amittaṃ hatthagataṃ, vedehaṃ parimocayi.

    734.

    734.

    ‘‘яат̇ааби аасабхам̣ жаммам̣, бат̇аб̣яаа вид̇анийяад̇и;

    ‘‘Yathāpi āsabhaṃ cammaṃ, pathabyā vitanīyati;

    сийхасса ат̇о б̣яаг̇гхасса, ход̇и сан̇гусамаахад̇ам̣.

    Sīhassa atho byagghassa, hoti saṅkusamāhataṃ.

    735.

    735.

    ‘‘звам̣ д̇ам̣ вид̇анид̇ваана, взд̇хаяиссаами сад̇д̇ияаа;

    ‘‘Evaṃ taṃ vitanitvāna, vedhayissāmi sattiyā;

    яо мз амид̇д̇ам̣ хад̇т̇аг̇ад̇ам̣, взд̣̇зхам̣ бариможаяий’’д̇и.

    Yo me amittaṃ hatthagataṃ, vedehaṃ parimocayī’’ti.

    д̇ад̇т̇а баад̇аб̣яанд̇и баажаяид̇аб̣б̣ам̣ бажид̇аб̣б̣аяуд̇д̇агам̣ миг̇аад̣̇ийнам̣ мам̣сам̣ вияа имам̣ г̇ахабад̇ибуд̇д̇ам̣ суулз аавун̣ид̇ваа бажанд̇у. сийхасса ат̇о б̣яаг̇гхассаад̇и зд̇зсан̃жа яат̇аа жаммам̣ сан̇гусамаахад̇ам̣ ход̇и, звам̣ ход̇у. взд̇хаяиссаамийд̇и виж̇жхаабзссаами.

    Tattha pātabyanti pācayitabbaṃ pacitabbayuttakaṃ migādīnaṃ maṃsaṃ viya imaṃ gahapatiputtaṃ sūle āvuṇitvā pacantu. Sīhassa atho byagghassāti etesañca yathā cammaṃ saṅkusamāhataṃ hoti, evaṃ hotu. Vedhayissāmīti vijjhāpessāmi.

    д̇ам̣ суд̇ваа махаасад̇д̇о хасид̇ам̣ гад̇ваа ‘‘аяам̣ рааж̇аа ад̇д̇ано д̣̇звияаа жа б̣анд̇хаваанан̃жа маяаа мит̇илам̣ бахид̇абхаавам̣ на ж̇аанаад̇и, д̇зна мз имам̣ гаммагааран̣ам̣ вижаарзд̇и, год̇хавасзна ко бана мам̣ усунаа ваа виж̇жхзяяа, ан̃н̃ам̣ ваа ад̇д̇ано ружжанагам̣ гарзяяа, согаад̇урам̣ имам̣ взд̣̇анааббад̇д̇ам̣ гад̇ваа хад̇т̇ибидтзязва висан̃н̃им̣ нам̣ нибаж̇ж̇аабзд̇ум̣ д̇ам̣ гааран̣ам̣ аарожзссаамий’’д̇и жинд̇зд̇ваа ааха –

    Taṃ sutvā mahāsatto hasitaṃ katvā ‘‘ayaṃ rājā attano deviyā ca bandhavānañca mayā mithilaṃ pahitabhāvaṃ na jānāti, tena me imaṃ kammakāraṇaṃ vicāreti, kodhavasena kho pana maṃ usunā vā vijjheyya, aññaṃ vā attano ruccanakaṃ kareyya, sokāturaṃ imaṃ vedanāppattaṃ katvā hatthipiṭṭheyeva visaññiṃ naṃ nipajjāpetuṃ taṃ kāraṇaṃ ārocessāmī’’ti cintetvā āha –

    736.

    736.

    ‘‘сажз мз хад̇т̇з баад̣̇з жа, ган̣н̣анаасан̃жа чзжчаси;

    ‘‘Sace me hatthe pāde ca, kaṇṇanāsañca checchasi;

    звам̣ бан̃жаалажанд̣̇асса, взд̣̇зхо чзд̣̇аяиссад̇и.

    Evaṃ pañcālacandassa, vedeho chedayissati.

    737.

    737.

    ‘‘сажз мз хад̇т̇з баад̣̇з жа, ган̣н̣анаасан̃жа чзжчаси;

    ‘‘Sace me hatthe pāde ca, kaṇṇanāsañca checchasi;

    звам̣ бан̃жаалажанд̣̇ияаа, взд̣̇зхо чзд̣̇аяиссад̇и.

    Evaṃ pañcālacandiyā, vedeho chedayissati.

    738.

    738.

    ‘‘сажз мз хад̇т̇з баад̣̇з жа, ган̣н̣анаасан̃жа чзжчаси;

    ‘‘Sace me hatthe pāde ca, kaṇṇanāsañca checchasi;

    звам̣ нанд̣̇ааяа д̣̇звияаа, взд̣̇зхо чзд̣̇аяиссад̇и.

    Evaṃ nandāya deviyā, vedeho chedayissati.

    739.

    739.

    ‘‘сажз мз хад̇т̇з баад̣̇з жа, ган̣н̣анаасан̃жа чзжчаси;

    ‘‘Sace me hatthe pāde ca, kaṇṇanāsañca checchasi;

    звам̣ д̇з буд̇д̇ад̣̇аарасса, взд̣̇зхо чзд̣̇аяиссад̇и.

    Evaṃ te puttadārassa, vedeho chedayissati.

    740.

    740.

    ‘‘сажз мам̣сам̣ва баад̇аб̣яам̣, суулз гад̇ваа бажиссаси;

    ‘‘Sace maṃsaṃva pātabyaṃ, sūle katvā pacissasi;

    звам̣ бан̃жаалажанд̣̇асса, взд̣̇зхо баажаяиссад̇и.

    Evaṃ pañcālacandassa, vedeho pācayissati.

    741.

    741.

    ‘‘сажз мам̣сам̣ва баад̇аб̣яам̣, суулз гад̇ваа бажиссаси;

    ‘‘Sace maṃsaṃva pātabyaṃ, sūle katvā pacissasi;

    звам̣ бан̃жаалажанд̣̇ияаа, взд̣̇зхо баажаяиссад̇и.

    Evaṃ pañcālacandiyā, vedeho pācayissati.

    742.

    742.

    ‘‘сажз мам̣сам̣ва баад̇аб̣яам̣, суулз гад̇ваа бажиссаси;

    ‘‘Sace maṃsaṃva pātabyaṃ, sūle katvā pacissasi;

    звам̣ нанд̣̇ааяа д̣̇звияаа, взд̣̇зхо баажаяиссад̇и.

    Evaṃ nandāya deviyā, vedeho pācayissati.

    743.

    743.

    ‘‘сажз мам̣сам̣ва баад̇аб̣яам̣, суулз гад̇ваа бажиссаси;

    ‘‘Sace maṃsaṃva pātabyaṃ, sūle katvā pacissasi;

    звам̣ д̇з буд̇д̇ад̣̇аарасса, взд̣̇зхо баажаяиссад̇и.

    Evaṃ te puttadārassa, vedeho pācayissati.

    744.

    744.

    ‘‘сажз мам̣ вид̇анид̇ваана, взд̇хаяиссаси сад̇д̇ияаа;

    ‘‘Sace maṃ vitanitvāna, vedhayissasi sattiyā;

    звам̣ бан̃жаалажанд̣̇асса, взд̣̇зхо взд̇хаяиссад̇и.

    Evaṃ pañcālacandassa, vedeho vedhayissati.

    745.

    745.

    ‘‘сажз мам̣ вид̇анид̇ваана, взд̇хаяиссаси сад̇д̇ияаа;

    ‘‘Sace maṃ vitanitvāna, vedhayissasi sattiyā;

    звам̣ бан̃жаалажанд̣̇ияаа, взд̣̇зхо взд̇хаяиссад̇и.

    Evaṃ pañcālacandiyā, vedeho vedhayissati.

    746.

    746.

    ‘‘сажз мам̣ вид̇анид̇ваана, взд̇хаяиссаси сад̇д̇ияаа;

    ‘‘Sace maṃ vitanitvāna, vedhayissasi sattiyā;

    звам̣ нанд̣̇ааяа д̣̇звияаа, взд̣̇зхо взд̇хаяиссад̇и.

    Evaṃ nandāya deviyā, vedeho vedhayissati.

    747.

    747.

    ‘‘сажз мам̣ вид̇анид̇ваана, взд̇хаяиссаси сад̇д̇ияаа;

    ‘‘Sace maṃ vitanitvāna, vedhayissasi sattiyā;

    звам̣ д̇з буд̇д̇ад̣̇аарасса, взд̣̇зхо взд̇хаяиссад̇и;

    Evaṃ te puttadārassa, vedeho vedhayissati;

    звам̣ но манд̇ид̇ам̣ рахо, взд̣̇зхзна маяаа саха.

    Evaṃ no mantitaṃ raho, vedehena mayā saha.

    748.

    748.

    ‘‘яат̇ааби баласад̇ам̣ жаммам̣, гонд̇иманд̇аасунидтид̇ам̣;

    ‘‘Yathāpi palasataṃ cammaṃ, kontimantāsuniṭṭhitaṃ;

    убзд̇и д̇ануд̇аан̣ааяа, сараанам̣ бадиханд̇авз.

    Upeti tanutāṇāya, sarānaṃ paṭihantave.

    749.

    749.

    ‘‘сукаавахо д̣̇угкануд̣̇о, взд̣̇зхасса яасассино;

    ‘‘Sukhāvaho dukkhanudo, vedehassa yasassino;

    мад̇им̣ д̇з бадихан̃н̃аами, усум̣ баласад̇зна ваа’’д̇и.

    Matiṃ te paṭihaññāmi, usuṃ palasatena vā’’ti.

    д̇ад̇т̇а чзд̣̇аяиссад̇ийд̇и ‘‘бан̣д̣ид̇асса гира жуул̣анинаа хад̇т̇абаад̣̇аа чиннаа’’д̇и суд̇ваава чзд̣̇аяиссад̇и. буд̇д̇ад̣̇аарассаад̇и мама згасса чинд̣̇анабажжаяаа д̇ава д̣̇виннам̣ буд̇д̇аанан̃жзва аг̇г̇амахзсияаа жаад̇и д̇ин̣н̣амби ж̇анаанам̣ амхаагам̣ рааж̇аа чзд̣̇аяиссад̇и. звам̣ но манд̇ид̇ам̣ раход̇и махаарааж̇а, маяаа жа взд̣̇зхарааж̇зна жа звам̣ рахаси манд̇ид̇ам̣ ‘‘яам̣ яам̣ ид̇ха маяхам̣ жуул̣анирааж̇аа гаарзд̇и, д̇ам̣ д̇ам̣ д̇ад̇т̇а д̇асса буд̇д̇ад̣̇аараанам̣ гаад̇аб̣б̣а’’нд̇и. баласад̇анд̇и баласад̇аббамаан̣ам̣ б̣ахуу каарз каад̣̇аабзд̇ваа муд̣̇убхаавам̣ убанийд̇ам̣ жаммам̣. гонд̇иманд̇аасунидтид̇анд̇и гонд̇иманд̇аа вужжад̇и жаммагаарасад̇т̇ам̣, д̇ааяа ганд̇аналикид̇аанам̣ васзна гад̇ад̇д̇аа судту нидтид̇ам̣. д̇ануд̇аан̣ааяаад̇и яат̇аа д̇ам̣ жаммам̣ сан̇г̇аамз сараанам̣ бадиханд̇авз сарийрад̇аан̣ам̣ убзд̇и, сарз бадиханид̇ваа сарийрам̣ рагкад̇и. сукааваход̇и махаарааж̇а, ахамби амхаагам̣ ран̃н̃о бажжаамид̇д̇аанам̣ вааран̣ад̇т̇зна д̇ам̣ сарабарид̇д̇аан̣ажаммам̣ вияа сукаавахо. д̣̇угкануд̣̇од̇и гааяигасукажзд̇асигасукан̃жа аавахаами, д̣̇угкан̃жа нуд̣̇зми. мад̇инд̇и д̇асмаа д̇ава мад̇им̣ бан̃н̃ам̣ усум̣ д̇зна баласад̇ажаммзна вияа ад̇д̇ано мад̇ияаа бадиханиссаамийд̇и.

    Tattha chedayissatīti ‘‘paṇḍitassa kira cūḷaninā hatthapādā chinnā’’ti sutvāva chedayissati. Puttadārassāti mama ekassa chindanapaccayā tava dvinnaṃ puttānañceva aggamahesiyā cāti tiṇṇampi janānaṃ amhākaṃ rājā chedayissati. Evaṃ no mantitaṃ rahoti mahārāja, mayā ca vedeharājena ca evaṃ rahasi mantitaṃ ‘‘yaṃ yaṃ idha mayhaṃ cūḷanirājā kāreti, taṃ taṃ tattha tassa puttadārānaṃ kātabba’’nti. Palasatanti palasatappamāṇaṃ bahū khāre khādāpetvā mudubhāvaṃ upanītaṃ cammaṃ. Kontimantāsuniṭṭhitanti kontimantā vuccati cammakārasatthaṃ, tāya kantanalikhitānaṃ vasena katattā suṭṭhu niṭṭhitaṃ. Tanutāṇāyāti yathā taṃ cammaṃ saṅgāme sarānaṃ paṭihantave sarīratāṇaṃ upeti, sare paṭihanitvā sarīraṃ rakkhati. Sukhāvahoti mahārāja, ahampi amhākaṃ rañño paccāmittānaṃ vāraṇatthena taṃ saraparittāṇacammaṃ viya sukhāvaho. Dukkhanudoti kāyikasukhacetasikasukhañca āvahāmi, dukkhañca nudemi. Matinti tasmā tava matiṃ paññaṃ usuṃ tena palasatacammena viya attano matiyā paṭihanissāmīti.

    д̇ам̣ суд̇ваа рааж̇аа жинд̇зси ‘‘г̇ахабад̇ибуд̇д̇о гим̣ гат̇зд̇и, яат̇аа гира ахам̣ зд̇асса гариссаами, звам̣ взд̣̇зхарааж̇аа мама буд̇д̇ад̣̇аараанам̣ гаммагааран̣ам̣ гариссад̇и, на ж̇аанаад̇и мама буд̇д̇ад̣̇аараанам̣ аарагкасса сусам̣вихид̇абхаавам̣, ‘ид̣̇аани маарзссад̇ий’д̇и маран̣абхаязна вилабад̇и, наасса важанам̣ сад̣̇д̣̇ахаамий’’д̇и. махаасад̇д̇о ‘‘аяам̣ мам̣ маран̣абхаязна гат̇зд̇ийд̇и ман̃н̃ад̇и, ж̇аанаабзссаами на’’нд̇и жинд̇зд̇ваа ааха –

    Taṃ sutvā rājā cintesi ‘‘gahapatiputto kiṃ katheti, yathā kira ahaṃ etassa karissāmi, evaṃ vedeharājā mama puttadārānaṃ kammakāraṇaṃ karissati, na jānāti mama puttadārānaṃ ārakkhassa susaṃvihitabhāvaṃ, ‘idāni māressatī’ti maraṇabhayena vilapati, nāssa vacanaṃ saddahāmī’’ti. Mahāsatto ‘‘ayaṃ maṃ maraṇabhayena kathetīti maññati, jānāpessāmi na’’nti cintetvā āha –

    750.

    750.

    ‘‘ин̇гха басса махаарааж̇а, сун̃н̃ам̣ анд̇збурам̣ д̇ава;

    ‘‘Iṅgha passa mahārāja, suññaṃ antepuraṃ tava;

    ород̇хаа жа гумаараа жа, д̇ава маад̇аа жа кад̇д̇ияа;

    Orodhā ca kumārā ca, tava mātā ca khattiya;

    уман̇г̇аа нийхарид̇ваана, взд̣̇зхассубанаамид̇аа’’д̇и.

    Umaṅgā nīharitvāna, vedehassupanāmitā’’ti.

    д̇ад̇т̇а уман̇г̇аад̇и махаарааж̇а, маяаа ад̇д̇ано маан̣авз бзсзд̇ваа баасаад̣̇аа од̇араабзд̇ваа ж̇ан̇гхауман̇г̇зна аахараабзд̇ваа махаауман̇г̇аа нийхарид̇ваа б̣анд̇хаваа д̇з взд̣̇зхасса убанаамид̇аад̇и.

    Tattha umaṅgāti mahārāja, mayā attano māṇave pesetvā pāsādā otarāpetvā jaṅghaumaṅgena āharāpetvā mahāumaṅgā nīharitvā bandhavā te vedehassa upanāmitāti.

    д̇ам̣ суд̇ваа рааж̇аа жинд̇зси ‘‘бан̣д̣ид̇о ад̇ивияа д̣̇ал̣хам̣ гад̇ваа гат̇зд̇и, маяаа жа рад̇д̇ибхааг̇з г̇ан̇г̇аабассз нанд̣̇аад̣̇звияаа сад̣̇д̣̇о вияа суд̇о, махаабан̃н̃о бан̣д̣ид̇о гад̣̇аажи сажжам̣ бхан̣зяяаа’’д̇и. со уббаннаб̣алавасогоби сад̇им̣ убадтаабзд̇ваа асожанд̇о вияа згам̣ амажжам̣ баггосаабзд̇ваа ж̇аананад̇т̇ааяа бзсзнд̇о имам̣ г̇аат̇амааха –

    Taṃ sutvā rājā cintesi ‘‘paṇḍito ativiya daḷhaṃ katvā katheti, mayā ca rattibhāge gaṅgāpasse nandādeviyā saddo viya suto, mahāpañño paṇḍito kadāci saccaṃ bhaṇeyyā’’ti. So uppannabalavasokopi satiṃ upaṭṭhāpetvā asocanto viya ekaṃ amaccaṃ pakkosāpetvā jānanatthāya pesento imaṃ gāthamāha –

    751.

    751.

    ‘‘ин̇гха анд̇збурам̣ маяхам̣, г̇анд̇ваана вижинаат̇а нам̣;

    ‘‘Iṅgha antepuraṃ mayhaṃ, gantvāna vicinātha naṃ;

    яат̇аа имасса важанам̣, сажжам̣ ваа яад̣̇и ваа мусаа’’д̇и.

    Yathā imassa vacanaṃ, saccaṃ vā yadi vā musā’’ti.

    со сабаривааро рааж̇анивзсанам̣ г̇анд̇ваа д̣̇ваарам̣ виварид̇ваа анд̇о бависид̇ваа хад̇т̇абаад̣̇з б̣анд̇хид̇ваа мукан̃жа бид̣̇ахид̇ваа нааг̇ад̣̇анд̇агзсу олаг̇г̇ид̇з анд̇збурабаалагз жа куж̇ж̇авааманагаад̣̇аяо жа бхааж̇анаани бхинд̣̇ид̇ваа д̇ад̇т̇а д̇ад̇т̇а виббагин̣н̣акаад̣̇анийяабхож̇анийяан̃жа рад̇анагхарад̣̇ваараани виварид̇ваа гад̇арад̇анавилобам̣ вивадад̣̇ваарам̣ сириг̇аб̣бхан̃жа яат̇аавивадзхи зва ваад̇абаанзхи бависид̇ваа жарамаанам̣ гаагаг̇ан̣ан̃жа чад̣д̣ид̇аг̇аамасад̣̇исам̣ сусаанабхуумияам̣ вияа жа ниссиригам̣ рааж̇анивзсанан̃жа д̣̇исваа бунааг̇анд̇ваа ран̃н̃о аарожзнд̇о ааха –

    So saparivāro rājanivesanaṃ gantvā dvāraṃ vivaritvā anto pavisitvā hatthapāde bandhitvā mukhañca pidahitvā nāgadantakesu olaggite antepurapālake ca khujjavāmanakādayo ca bhājanāni bhinditvā tattha tattha vippakiṇṇakhādanīyabhojanīyañca ratanagharadvārāni vivaritvā kataratanavilopaṃ vivaṭadvāraṃ sirigabbhañca yathāvivaṭehi eva vātapānehi pavisitvā caramānaṃ kākagaṇañca chaḍḍitagāmasadisaṃ susānabhūmiyaṃ viya ca nissirikaṃ rājanivesanañca disvā punāgantvā rañño ārocento āha –

    752.

    752.

    ‘‘звамзд̇ам̣ махаарааж̇а, яат̇аа ааха махосад̇хо;

    ‘‘Evametaṃ mahārāja, yathā āha mahosadho;

    сун̃н̃ам̣ анд̇збурам̣ саб̣б̣ам̣, гаагабадданагам̣ яат̇аа’’д̇и.

    Suññaṃ antepuraṃ sabbaṃ, kākapaṭṭanakaṃ yathā’’ti.

    д̇ад̇т̇а гаагабадданагам̣ яат̇аад̇и мажчаг̇анд̇хзна ааг̇ад̇зхи гаагаг̇ан̣зхи самаагин̣н̣о самуд̣̇д̣̇ад̇ийрз чад̣д̣ид̇аг̇аамаго вияа.

    Tattha kākapaṭṭanakaṃ yathāti macchagandhena āgatehi kākagaṇehi samākiṇṇo samuddatīre chaḍḍitagāmako viya.

    д̇ам̣ суд̇ваа рааж̇аа жад̇уннам̣ ж̇анаанам̣ бияавиббаяог̇асамбхавзна согзна гамбамаано ‘‘ид̣̇ам̣ мама д̣̇угкам̣ г̇ахабад̇ибуд̇д̇ам̣ ниссааяа уббанна’’нд̇и д̣̇ан̣д̣зна гхаддид̇о аасийвисо вияа б̣од̇хисад̇д̇асса ад̇ивияа гуж̇жхи. махаасад̇д̇о д̇ассаагаарам̣ д̣̇исваа ‘‘аяам̣ рааж̇аа махааяасо гад̣̇аажи год̇хавасзна ‘гим̣ мама зд̇зхий’д̇и кад̇д̇ияамаанзна мам̣ вихзтзяяа, яам̣нуунаахам̣ нанд̣̇аад̣̇звим̣ иминаа ад̣̇идтабуб̣б̣ам̣ вияа гаронд̇о д̇ассаа сарийраван̣н̣ам̣ ван̣н̣зяяам̣. ат̇а со д̇ам̣ ануссарид̇ваа ‘сажаахам̣ махосад̇хам̣ маарзссаами, зваруубам̣ ид̇т̇ирад̇анам̣ на лабхиссаами, амаарзнд̇о буна д̇ам̣ лабхиссаамий’д̇и ад̇д̇ано бхарияааяа синзхзна на гин̃жи маяхам̣ гариссад̇ий’’д̇и жинд̇зд̇ваа ад̇д̇ано анурагкан̣ад̇т̇ам̣ баасаад̣̇з тид̇ова рад̇д̇агамб̣аланд̇араа суван̣н̣аван̣н̣ам̣ б̣аахум̣ нийхарид̇ваа д̇ассаа г̇ад̇амаг̇г̇аажигканавасзна ван̣н̣знд̇о ааха –

    Taṃ sutvā rājā catunnaṃ janānaṃ piyavippayogasambhavena sokena kampamāno ‘‘idaṃ mama dukkhaṃ gahapatiputtaṃ nissāya uppanna’’nti daṇḍena ghaṭṭito āsīviso viya bodhisattassa ativiya kujjhi. Mahāsatto tassākāraṃ disvā ‘‘ayaṃ rājā mahāyaso kadāci kodhavasena ‘kiṃ mama etehī’ti khattiyamānena maṃ viheṭheyya, yaṃnūnāhaṃ nandādeviṃ iminā adiṭṭhapubbaṃ viya karonto tassā sarīravaṇṇaṃ vaṇṇeyyaṃ. Atha so taṃ anussaritvā ‘sacāhaṃ mahosadhaṃ māressāmi, evarūpaṃ itthiratanaṃ na labhissāmi, amārento puna taṃ labhissāmī’ti attano bhariyāya sinehena na kiñci mayhaṃ karissatī’’ti cintetvā attano anurakkhaṇatthaṃ pāsāde ṭhitova rattakambalantarā suvaṇṇavaṇṇaṃ bāhuṃ nīharitvā tassā gatamaggācikkhanavasena vaṇṇento āha –

    753.

    753.

    ‘‘ид̇о г̇ад̇аа махаарааж̇а, наарий саб̣б̣ан̇г̇асобханаа;

    ‘‘Ito gatā mahārāja, nārī sabbaṅgasobhanā;

    госамб̣апалагасуссон̣ий, хам̣саг̇аг̇г̇арабхаан̣иний.

    Kosambaphalakasussoṇī, haṃsagaggarabhāṇinī.

    754.

    754.

    ‘‘ид̇о нийд̇аа махаарааж̇а, наарий саб̣б̣ан̇г̇асобханаа;

    ‘‘Ito nītā mahārāja, nārī sabbaṅgasobhanā;

    госзяяавасанаа саамаа, ж̇аад̇аруубасумзкалаа.

    Koseyyavasanā sāmā, jātarūpasumekhalā.

    755.

    755.

    ‘‘сурад̇д̇абаад̣̇аа галяаан̣ий, суван̣н̣аман̣имзкалаа;

    ‘‘Surattapādā kalyāṇī, suvaṇṇamaṇimekhalā;

    баарзвад̇агкий суд̇ануу, б̣имб̣одтаа д̇анумаж̇жхимаа.

    Pārevatakkhī sutanū, bimboṭṭhā tanumajjhimā.

    756.

    756.

    ‘‘суж̇аад̇аа бхуж̇аладтийва, взд̣̇ийва д̇анумаж̇жхимаа;

    ‘‘Sujātā bhujalaṭṭhīva, vedīva tanumajjhimā;

    д̣̇ийгхассаа гзсаа асид̇аа, ийсагаг̇г̇абавзллид̇аа.

    Dīghassā kesā asitā, īsakaggapavellitā.

    757.

    757.

    ‘‘суж̇аад̇аа миг̇ачаабаава, хзманд̇аг̇г̇исикаарива;

    ‘‘Sujātā migachāpāva, hemantaggisikhāriva;

    над̣̇ийва г̇ирид̣̇уг̇г̇зсу, сан̃чаннаа куд̣̇д̣̇авзл̣убхи.

    Nadīva giriduggesu, sañchannā khuddaveḷubhi.

    758.

    758.

    ‘‘нааг̇анаасууру галяаан̣ий, барамаа д̇имб̣аруд̇т̇аний;

    ‘‘Nāganāsūru kalyāṇī, paramā timbarutthanī;

    наад̇ид̣̇ийгхаа наад̇ирассаа, нааломаа наад̇иломасаа’’д̇и.

    Nātidīghā nātirassā, nālomā nātilomasā’’ti.

    д̇ад̇т̇а ид̇од̇и уман̇г̇ам̣ д̣̇ассзд̇и. госамб̣апалагасуссон̣ийд̇и висаалаган̃жанапалагам̣ вияа сунд̣̇арасон̣ий. хам̣саг̇аг̇г̇арабхаан̣инийд̇и г̇ожарад̇т̇ааяа вижаранд̇аанам̣ хам̣сабод̇агаанам̣ вияа г̇аг̇г̇арзна мад̇хурзна сарзна саманнааг̇ад̇аа. госзяяавасанаад̇и ган̃жанакажид̇агосзяяавад̇т̇авасанаа. саамаад̇и суван̣н̣асаамаа. баарзвад̇агкийд̇и бан̃жасу басаад̣̇зсу рад̇д̇адтаанз баарзвад̇асагун̣исад̣̇исагкий. суд̇анууд̇и собханасарийраа. б̣имб̣одтаад̇и б̣имб̣апалам̣ вияа сураж̇ж̇ид̇амадтодтабарияосаанаа. д̇анумаж̇жхимаад̇и гарамид̇ад̇анумаж̇жхимаа. суж̇аад̇аа бхуж̇аладтийваад̇и виж̇амбханагаалз ваад̇зрид̇арад̇д̇абаллававилаасиний суж̇аад̇аа бхуж̇алад̇аа вияа вирожад̇и. взд̣̇ийваад̇и ган̃жанавзд̣̇и вияа д̇анумаж̇жхимаа. ийсагаг̇г̇абавзллид̇аад̇и ийсагам̣ аг̇г̇зсу онад̇аа. ийсагаг̇г̇абавзллид̇аа ваа нзд̇д̇им̣сааяа аг̇г̇ам̣ вияа винад̇аа.

    Tattha itoti umaṅgaṃ dasseti. Kosambaphalakasussoṇīti visālakañcanaphalakaṃ viya sundarasoṇī. Haṃsagaggarabhāṇinīti gocaratthāya vicarantānaṃ haṃsapotakānaṃ viya gaggarena madhurena sarena samannāgatā. Koseyyavasanāti kañcanakhacitakoseyyavatthavasanā. Sāmāti suvaṇṇasāmā. Pārevatakkhīti pañcasu pasādesu rattaṭṭhāne pārevatasakuṇisadisakkhī. Sutanūti sobhanasarīrā. Bimboṭṭhāti bimbaphalaṃ viya surajjitamaṭṭhoṭṭhapariyosānā. Tanumajjhimāti karamitatanumajjhimā. Sujātā bhujalaṭṭhīvāti vijambhanakāle vāteritarattapallavavilāsinī sujātā bhujalatā viya virocati. Vedīvāti kañcanavedi viya tanumajjhimā. Īsakaggapavellitāti īsakaṃ aggesu onatā. Īsakaggapavellitā vā nettiṃsāya aggaṃ viya vinatā.

    миг̇ачаабааваад̇и баб̣б̣ад̇асаанумхи суж̇аад̇аа згавассигаб̣яаг̇гхабод̇игаа вияа вилаасагуд̇д̇ияуд̇д̇аа. хзманд̇аг̇г̇исикаариваад̇и обхаасасамбаннад̇ааяа хзманд̇з аг̇г̇исикаа вияа собхад̇и. куд̣̇д̣̇авзл̣убхийд̇и яат̇аа куд̣̇д̣̇агзхи уд̣̇агавзл̣уухи сан̃чаннаа над̣̇ий собхад̇и, звам̣ д̇анугаломааяа ломарааж̇ияаа собхад̇и. галяаан̣ийд̇и чавимам̣сагзсанхааруадтийнам̣ васзна бан̃жавид̇хзна галяаан̣зна саманнааг̇ад̇аа. барамаа д̇имб̣аруд̇т̇анийд̇и д̇имб̣аруд̇т̇аний барамаа уд̇д̇амаа, суван̣н̣апалагз табид̇асуван̣н̣аван̣н̣ад̇имб̣арупалад̣̇ваяамивассаа сусан̣таанасамбаннам̣ ниранд̇арам̣ т̇анаяуг̇алам̣.

    Migachāpāvāti pabbatasānumhi sujātā ekavassikabyagghapotikā viya vilāsakuttiyuttā. Hemantaggisikhārivāti obhāsasampannatāya hemante aggisikhā viya sobhati. Khuddaveḷubhīti yathā khuddakehi udakaveḷūhi sañchannā nadī sobhati, evaṃ tanukalomāya lomarājiyā sobhati. Kalyāṇīti chavimaṃsakesanhāruaṭṭhīnaṃ vasena pañcavidhena kalyāṇena samannāgatā. Paramā timbarutthanīti timbarutthanī paramā uttamā, suvaṇṇaphalake ṭhapitasuvaṇṇavaṇṇatimbaruphaladvayamivassā susaṇṭhānasampannaṃ nirantaraṃ thanayugalaṃ.

    звам̣ махаасад̇д̇з д̇ассаа руубасирим̣ ван̣н̣знд̇зва д̇асса саа буб̣б̣з ад̣̇идтабуб̣б̣аа вияа ахоси, б̣алавасинзхам̣ уббаад̣̇зси. ат̇асса синзхуббад̇д̇ибхаавам̣ н̃ад̇ваа махаасад̇д̇о ананд̇арам̣ г̇аат̇амааха –

    Evaṃ mahāsatte tassā rūpasiriṃ vaṇṇenteva tassa sā pubbe adiṭṭhapubbā viya ahosi, balavasinehaṃ uppādesi. Athassa sinehuppattibhāvaṃ ñatvā mahāsatto anantaraṃ gāthamāha –

    759.

    759.

    ‘‘нанд̣̇ааяа нууна маран̣зна, нанд̣̇аси сириваахана;

    ‘‘Nandāya nūna maraṇena, nandasi sirivāhana;

    ахан̃жа нууна нанд̣̇аа жа, г̇ажчаама самасаад̇хана’’нд̇и.

    Ahañca nūna nandā ca, gacchāma samasādhana’’nti.

    д̇ад̇т̇а сиривааханаад̇и сирисамбаннаваахана махаарааж̇а, нууна д̇вам̣ звам̣ уд̇д̇амаруубад̇харааяа нанд̣̇ааяа маран̣зна нанд̣̇асийд̇и вад̣̇ад̇и. г̇ажчаамаад̇и сажз хи д̇вам̣ мам̣ маарзссаси, згам̣сзнзва амхаагам̣ рааж̇аа нанд̣̇ам̣ маарзссад̇и. ид̇и нанд̣̇аа жа ахан̃жа яамасса санд̇игам̣ г̇амиссаама, яамо амхз убхо д̣̇исваа нанд̣̇ам̣ маяхамзва д̣̇ассад̇и, д̇асса д̇уяхам̣ мам̣ маарзд̇ваа д̇аад̣̇исам̣ ид̇т̇ирад̇анам̣ алабханд̇асса гим̣ раж̇ж̇зна, наахам̣ ад̇д̇ано маран̣зна барихааним̣ бассаами, д̣̇зваад̇и.

    Tattha sirivāhanāti sirisampannavāhana mahārāja, nūna tvaṃ evaṃ uttamarūpadharāya nandāya maraṇena nandasīti vadati. Gacchāmāti sace hi tvaṃ maṃ māressasi, ekaṃseneva amhākaṃ rājā nandaṃ māressati. Iti nandā ca ahañca yamassa santikaṃ gamissāma, yamo amhe ubho disvā nandaṃ mayhameva dassati, tassa tuyhaṃ maṃ māretvā tādisaṃ itthiratanaṃ alabhantassa kiṃ rajjena, nāhaṃ attano maraṇena parihāniṃ passāmi, devāti.

    ид̇и махаасад̇д̇о зд̇д̇агз таанз нанд̣̇амзва ван̣н̣зси, на ид̇арз д̇аяо ж̇анз. гим̣гааран̣аа? сад̇д̇аа хи наама бияабхарияаасу вияа сзсзсу аалаяам̣ на гаронд̇и, маад̇арам̣ ваа саранд̇о буд̇д̇ад̇хийд̇ароби сариссад̇ийд̇и д̇асмаа д̇амзва ван̣н̣зси, рааж̇амаад̇арам̣ бана махаллигаабхаавзна на ван̣н̣зси. н̃аан̣асамбаннз махаасад̇д̇з мад̇хурассарзна ван̣н̣знд̇зязва нанд̣̇аад̣̇звий ааг̇анд̇ваа ран̃н̃о бурад̇о тид̇аа вияа ахоси. д̇ад̇о рааж̇аа жинд̇зси ‘‘табзд̇ваа махосад̇хам̣ ан̃н̃о мама бхарияам̣ аанзд̇ум̣ самад̇т̇о наама над̇т̇ий’’д̇и. ат̇асса нам̣ саранд̇асса сого уббаж̇ж̇и. ат̇а нам̣ махаасад̇д̇о ‘‘маа жинд̇аяид̇т̇а, махаарааж̇а, д̣̇звий жа д̇з буд̇д̇о жа маад̇аа жа д̇аяоби ааг̇ажчиссанд̇и, мама г̇аманамзвзд̇т̇а бамаан̣ам̣, д̇асмаа д̇вам̣ ассаасам̣ бадилабха, наринд̣̇аа’’д̇и рааж̇аанам̣ ассаасзси. ат̇а рааж̇аа жинд̇зси ‘‘ахам̣ ад̇д̇ано наг̇арам̣ сурагкид̇ам̣ суг̇обид̇ам̣ гаараабзд̇ваа имам̣ убагааринаг̇арам̣ зд̇д̇агзна б̣алавааханзна баригкибид̇ваава тид̇о. аяам̣ бана бан̣д̣ид̇о звам̣ суг̇обид̇ааби мама наг̇араа д̣̇звин̃жа мз буд̇д̇ан̃жа маад̇аран̃жа аанзд̇ваа взд̣̇зхасса д̣̇аабзси. амхзсу жа звам̣ бариваарзд̇ваа тид̇зсвзва згассаби аж̇аананд̇асса взд̣̇зхам̣ сасзнаавааханам̣ балаабзси. гим̣ ну ко д̣̇иб̣б̣амааяам̣ ж̇аанаад̇и, уд̣̇ааху жагкумохана’’нд̇и. ат̇а нам̣ бужчанд̇о ааха –

    Iti mahāsatto ettake ṭhāne nandameva vaṇṇesi, na itare tayo jane. Kiṃkāraṇā? Sattā hi nāma piyabhariyāsu viya sesesu ālayaṃ na karonti, mātaraṃ vā saranto puttadhītaropi sarissatīti tasmā tameva vaṇṇesi, rājamātaraṃ pana mahallikābhāvena na vaṇṇesi. Ñāṇasampanne mahāsatte madhurassarena vaṇṇenteyeva nandādevī āgantvā rañño purato ṭhitā viya ahosi. Tato rājā cintesi ‘‘ṭhapetvā mahosadhaṃ añño mama bhariyaṃ ānetuṃ samattho nāma natthī’’ti. Athassa naṃ sarantassa soko uppajji. Atha naṃ mahāsatto ‘‘mā cintayittha, mahārāja, devī ca te putto ca mātā ca tayopi āgacchissanti, mama gamanamevettha pamāṇaṃ, tasmā tvaṃ assāsaṃ paṭilabha, narindā’’ti rājānaṃ assāsesi. Atha rājā cintesi ‘‘ahaṃ attano nagaraṃ surakkhitaṃ sugopitaṃ kārāpetvā imaṃ upakārinagaraṃ ettakena balavāhanena parikkhipitvāva ṭhito. Ayaṃ pana paṇḍito evaṃ sugopitāpi mama nagarā deviñca me puttañca mātarañca ānetvā vedehassa dāpesi. Amhesu ca evaṃ parivāretvā ṭhitesveva ekassapi ajānantassa vedehaṃ sasenāvāhanaṃ palāpesi. Kiṃ nu kho dibbamāyaṃ jānāti, udāhu cakkhumohana’’nti. Atha naṃ pucchanto āha –

    760.

    760.

    ‘‘д̣̇иб̣б̣ам̣ ад̇хийяасз мааяам̣, агааси жагкумоханам̣;

    ‘‘Dibbaṃ adhīyase māyaṃ, akāsi cakkhumohanaṃ;

    яо мз амид̇д̇ам̣ хад̇т̇аг̇ад̇ам̣, взд̣̇зхам̣ бариможаяий’’д̇и.

    Yo me amittaṃ hatthagataṃ, vedehaṃ parimocayī’’ti.

    д̇ам̣ суд̇ваа махаасад̇д̇о ‘‘ахам̣ д̣̇иб̣б̣амааяам̣ ж̇аанаами, бан̣д̣ид̇аа хи наама д̣̇иб̣б̣амааяам̣ уг̇г̇ан̣хид̇ваа бхаяз самбад̇д̇з ад̇д̇аанамби барамби д̣̇угкад̇о можаяанд̇иязваа’’д̇и вад̇ваа ааха –

    Taṃ sutvā mahāsatto ‘‘ahaṃ dibbamāyaṃ jānāmi, paṇḍitā hi nāma dibbamāyaṃ uggaṇhitvā bhaye sampatte attānampi parampi dukkhato mocayantiyevā’’ti vatvā āha –

    761.

    761.

    ‘‘ад̇хийяанд̇и махаарааж̇а, д̣̇иб̣б̣амааяид̇ха бан̣д̣ид̇аа;

    ‘‘Adhīyanti mahārāja, dibbamāyidha paṇḍitā;

    д̇з можаяанд̇и ад̇д̇аанам̣, бан̣д̣ид̇аа манд̇ино ж̇анаа.

    Te mocayanti attānaṃ, paṇḍitā mantino janā.

    762.

    762.

    ‘‘санд̇и маан̣авабуд̇д̇аа мз, гусалаа санд̇хичзд̣̇агаа;

    ‘‘Santi māṇavaputtā me, kusalā sandhichedakā;

    язсам̣ гад̇зна маг̇г̇зна, взд̣̇ахо мит̇илам̣ г̇ад̇о’’д̇и.

    Yesaṃ katena maggena, vedaho mithilaṃ gato’’ti.

    д̇ад̇т̇а д̣̇иб̣б̣амааяид̇хаад̇и д̣̇иб̣б̣амааяам̣ ид̇ха. маан̣авабуд̇д̇аад̇и убадтаагад̇арун̣аяод̇хаа. язсам̣ гад̇знаад̇и язхи гад̇зна. маг̇г̇знаад̇и алан̇гад̇ауман̇г̇зна.

    Tattha dibbamāyidhāti dibbamāyaṃ idha. Māṇavaputtāti upaṭṭhākataruṇayodhā. Yesaṃ katenāti yehi katena. Maggenāti alaṅkataumaṅgena.

    д̇ам̣ суд̇ваа рааж̇аа ‘‘алан̇гад̇ауман̇г̇зна гира г̇ад̇о, гийд̣̇исо ну ко уман̇г̇о’’д̇и уман̇г̇ам̣ д̣̇адтугаамо ахоси. ат̇асса ижчид̇ам̣ н̃ад̇ваа махаасад̇д̇о ‘‘рааж̇аа уман̇г̇ам̣ д̣̇адтугаамо, д̣̇ассзссаамисса уман̇г̇а’’нд̇и д̣̇ассзнд̇о ааха –

    Taṃ sutvā rājā ‘‘alaṅkataumaṅgena kira gato, kīdiso nu kho umaṅgo’’ti umaṅgaṃ daṭṭhukāmo ahosi. Athassa icchitaṃ ñatvā mahāsatto ‘‘rājā umaṅgaṃ daṭṭhukāmo, dassessāmissa umaṅga’’nti dassento āha –

    763.

    763.

    ‘‘ин̇гха басса махаарааж̇а, уман̇г̇ам̣ саад̇ху маабид̇ам̣;

    ‘‘Iṅgha passa mahārāja, umaṅgaṃ sādhu māpitaṃ;

    хад̇т̇ийнам̣ ат̇а ассаанам̣, рат̇аанам̣ ат̇а бад̇д̇инам̣;

    Hatthīnaṃ atha assānaṃ, rathānaṃ atha pattinaṃ;

    аалогабхууд̇ам̣ д̇идтанд̇ам̣, уман̇г̇ам̣ саад̇ху маабид̇а’’нд̇и.

    Ālokabhūtaṃ tiṭṭhantaṃ, umaṅgaṃ sādhu māpita’’nti.

    д̇ад̇т̇а хад̇т̇ийнанд̇и идтагагаммажид̇д̇агаммавасзна гад̇аанам̣ зд̇зсам̣ хад̇т̇иаад̣̇ийнам̣ банд̇ийхи убасобхид̇ам̣ алан̇гад̇ад̣̇звасабхаасад̣̇исам̣ згобхаасам̣ худ̇ваа д̇идтанд̇ам̣ уман̇г̇ам̣ басса, д̣̇зваад̇и.

    Tattha hatthīnanti iṭṭhakakammacittakammavasena katānaṃ etesaṃ hatthiādīnaṃ pantīhi upasobhitaṃ alaṅkatadevasabhāsadisaṃ ekobhāsaṃ hutvā tiṭṭhantaṃ umaṅgaṃ passa, devāti.

    зван̃жа бана вад̇ваа ‘‘махаарааж̇а, мама бан̃н̃ааяа маабид̇з жанд̣̇асса жа суурияасса жа удтид̇адтаанз вияа баагадз алан̇гад̇ауман̇г̇з асийд̇имахаад̣̇ваараани жад̇усадтижуул̣ад̣̇ваараани згасад̇асаяанаг̇аб̣бхз анзгасад̇ад̣̇ийбаг̇аб̣бхз жа басса, маяаа сад̣̇д̇хим̣ самаг̇г̇о саммод̣̇амаано худ̇ваа ад̇д̇ано б̣алзна сад̣̇д̇хим̣ убагааринаг̇арам̣ бависа, д̣̇зваа’’д̇и наг̇арад̣̇ваарам̣ вивараабзси. рааж̇аа згасад̇арааж̇абаривааро наг̇арам̣ баависи. махаасад̇д̇о баасаад̣̇аа оруяха рааж̇аанам̣ ванд̣̇ид̇ваа сабариваарам̣ аад̣̇ааяа уман̇г̇ам̣ баависи. рааж̇аа алан̇гад̇ад̣̇звасабхам̣ вияа уман̇г̇ам̣ д̣̇исваа б̣од̇хисад̇д̇асса г̇ун̣з ван̣н̣знд̇о ааха –

    Evañca pana vatvā ‘‘mahārāja, mama paññāya māpite candassa ca sūriyassa ca uṭṭhitaṭṭhāne viya pākaṭe alaṅkataumaṅge asītimahādvārāni catusaṭṭhicūḷadvārāni ekasatasayanagabbhe anekasatadīpagabbhe ca passa, mayā saddhiṃ samaggo sammodamāno hutvā attano balena saddhiṃ upakārinagaraṃ pavisa, devā’’ti nagaradvāraṃ vivarāpesi. Rājā ekasatarājaparivāro nagaraṃ pāvisi. Mahāsatto pāsādā oruyha rājānaṃ vanditvā saparivāraṃ ādāya umaṅgaṃ pāvisi. Rājā alaṅkatadevasabhaṃ viya umaṅgaṃ disvā bodhisattassa guṇe vaṇṇento āha –

    764.

    764.

    ‘‘лаабхаа вад̇а вид̣̇зхаанам̣, яассимзд̣̇исаа бан̣д̣ид̇аа;

    ‘‘Lābhā vata videhānaṃ, yassimedisā paṇḍitā;

    гхарз васанд̇и виж̇ид̇з, яат̇аа д̇вам̣си махосад̇хаа’’д̇и.

    Ghare vasanti vijite, yathā tvaṃsi mahosadhā’’ti.

    д̇ад̇т̇а вид̣̇зхаананд̇и зваруубаанам̣ бан̣д̣ид̇аанам̣ аагарасса удтаанадтаанабхууд̇асса вид̣̇зхаанам̣ ж̇анабад̣̇асса лаабхаа вад̇а. яассимзд̣̇исаад̇и яасса имз зваруубаа бан̣д̣ид̇аа убааяагусалаа санд̇игз ваа згагхарз ваа згаж̇анабад̣̇з ваа згарадтз ваа васанд̇и, д̇ассаби лаабхаа вад̇а. яат̇аа д̇вам̣сийд̇и яат̇аа д̇вам̣ аси, д̇аад̣̇исзна бан̣д̣ид̇зна сад̣̇д̇хим̣язва згарадтз ваа згаж̇анабад̣̇з ваа зганаг̇арз ваа згагхарз ваа васид̇ум̣ лабханд̇и. д̇зсам̣ вид̣̇зхарадтаваасийнан̃жзва мит̇иланаг̇араваасийнан̃жа д̇аяаа сад̣̇д̇хим̣ згад̇о васид̇ум̣ лабханд̇аанам̣ лаабхаа вад̇аад̇и вад̣̇ад̇и.

    Tattha videhānanti evarūpānaṃ paṇḍitānaṃ ākarassa uṭṭhānaṭṭhānabhūtassa videhānaṃ janapadassa lābhā vata. Yassimedisāti yassa ime evarūpā paṇḍitā upāyakusalā santike vā ekaghare vā ekajanapade vā ekaraṭṭhe vā vasanti, tassapi lābhā vata. Yathā tvaṃsīti yathā tvaṃ asi, tādisena paṇḍitena saddhiṃyeva ekaraṭṭhe vā ekajanapade vā ekanagare vā ekaghare vā vasituṃ labhanti. Tesaṃ videharaṭṭhavāsīnañceva mithilanagaravāsīnañca tayā saddhiṃ ekato vasituṃ labhantānaṃ lābhā vatāti vadati.

    ат̇асса махаасад̇д̇о згасад̇асаяанаг̇аб̣бхз д̣̇ассзд̇и. згасса д̣̇ваарз вивадз саб̣б̣зсам̣ виварийяад̇и. згасса д̣̇ваарз бид̣̇ахид̇з саб̣б̣зсам̣ бид̇хийяад̇и. рааж̇аа уман̇г̇ам̣ ологзнд̇о бурад̇о г̇ажчад̇и, бан̣д̣ид̇о бана бажчад̇о. саб̣б̣аа сзнаа уман̇г̇амзва баависи. рааж̇аа уман̇г̇ад̇о нигками. бан̣д̣ид̇о д̇асса нигканд̇абхаавам̣ н̃ад̇ваа саяам̣ нигкамид̇ваа ан̃н̃зсам̣ нигкамид̇ум̣ ад̣̇ад̇ваа уман̇г̇ад̣̇ваарам̣ бид̣̇аханд̇о аан̣им̣ аггами. д̇аавад̣̇зва асийд̇имахаад̣̇ваараани жад̇усадтижуул̣ад̣̇ваараани згасад̇асаяанаг̇аб̣бхад̣̇ваараани анзгасад̇ад̣̇ийбаг̇аб̣бхад̣̇ваараани жа згаббахаарзнзва бид̣̇ахим̣су. сагало уман̇г̇о логанд̇арияанираяо вияа анд̇хагааро ахоси. махааж̇ано бхийд̇ад̇асид̇о ахоси. махаасад̇д̇о хияяо уман̇г̇ам̣ бависанд̇о яам̣ каг̇г̇ам̣ ваалугз табзси, д̇ам̣ г̇ахзд̇ваа бхуумид̇о адтаарасахад̇т̇уб̣б̣зд̇хам̣ аагаасам̣ уллан̇гхид̇ваа оруяха рааж̇аанам̣ хад̇т̇з г̇ахзд̇ваа асим̣ уг̇г̇ирид̇ваа д̇аасзд̇ваа ‘‘махаарааж̇а, сагалаж̇амб̣уд̣̇ийбз раж̇ж̇ам̣ гасса раж̇ж̇а’’нд̇и бужчи. со бхийд̇о ‘‘д̇уяхамзва бан̣д̣ид̇аа’’д̇и вад̇ваа ‘‘абхаяам̣ мз д̣̇зхий’’д̇и ааха. ‘‘маа бхааяид̇т̇а, махаарааж̇а, наахам̣ д̇ам̣ маарзд̇угаамад̇ааяа каг̇г̇ам̣ бараамасим̣, мама бан̃н̃аанубхаавам̣ д̣̇ассзд̇ум̣ бараамаси’’нд̇и каг̇г̇ам̣ ран̃н̃о ад̣̇ааси. ат̇а нам̣ каг̇г̇ам̣ г̇ахзд̇ваа тид̇ам̣ ‘‘махаарааж̇а, сажз мам̣ маарзд̇угаамоси, ид̣̇аанзва иминаа каг̇г̇зна маарзхи. ат̇а абхаяам̣ д̣̇аад̇угаамо, абхаяам̣ д̣̇зхий’’д̇и ааха. ‘‘бан̣д̣ид̇а, маяаа д̇уяхамби абхаяам̣ д̣̇иннамзва, д̇вам̣ маа жинд̇аяий’’д̇и асим̣ табзд̇ваа убхоби ан̃н̃аман̃н̃ам̣ ад̣̇уб̣бхааяа сабат̇ам̣ гарим̣су.

    Athassa mahāsatto ekasatasayanagabbhe dasseti. Ekassa dvāre vivaṭe sabbesaṃ vivarīyati. Ekassa dvāre pidahite sabbesaṃ pidhīyati. Rājā umaṅgaṃ olokento purato gacchati, paṇḍito pana pacchato. Sabbā senā umaṅgameva pāvisi. Rājā umaṅgato nikkhami. Paṇḍito tassa nikkhantabhāvaṃ ñatvā sayaṃ nikkhamitvā aññesaṃ nikkhamituṃ adatvā umaṅgadvāraṃ pidahanto āṇiṃ akkami. Tāvadeva asītimahādvārāni catusaṭṭhicūḷadvārāni ekasatasayanagabbhadvārāni anekasatadīpagabbhadvārāni ca ekappahāreneva pidahiṃsu. Sakalo umaṅgo lokantariyanirayo viya andhakāro ahosi. Mahājano bhītatasito ahosi. Mahāsatto hiyyo umaṅgaṃ pavisanto yaṃ khaggaṃ vāluke ṭhapesi, taṃ gahetvā bhūmito aṭṭhārasahatthubbedhaṃ ākāsaṃ ullaṅghitvā oruyha rājānaṃ hatthe gahetvā asiṃ uggiritvā tāsetvā ‘‘mahārāja, sakalajambudīpe rajjaṃ kassa rajja’’nti pucchi. So bhīto ‘‘tuyhameva paṇḍitā’’ti vatvā ‘‘abhayaṃ me dehī’’ti āha. ‘‘Mā bhāyittha, mahārāja, nāhaṃ taṃ māretukāmatāya khaggaṃ parāmasiṃ, mama paññānubhāvaṃ dassetuṃ parāmasi’’nti khaggaṃ rañño adāsi. Atha naṃ khaggaṃ gahetvā ṭhitaṃ ‘‘mahārāja, sace maṃ māretukāmosi, idāneva iminā khaggena mārehi. Atha abhayaṃ dātukāmo, abhayaṃ dehī’’ti āha. ‘‘Paṇḍita, mayā tuyhampi abhayaṃ dinnameva, tvaṃ mā cintayī’’ti asiṃ ṭhapetvā ubhopi aññamaññaṃ adubbhāya sapathaṃ kariṃsu.

    ат̇а рааж̇аа б̣од̇хисад̇д̇ам̣ ааха – ‘‘бан̣д̣ид̇а, звам̣ н̃аан̣аб̣аласамбанно худ̇ваа раж̇ж̇ам̣ гасмаа на г̇ан̣хаасий’’д̇и? ‘‘махаарааж̇а, ахам̣ ижчамаано аж̇ж̇зва сагалаж̇амб̣уд̣̇ийбз рааж̇аано маарзд̇ваа раж̇ж̇ам̣ г̇ан̣хзяяам̣, барам̣ маарзд̇ваа жа яасаг̇г̇ахан̣ам̣ наама бан̣д̣ид̇зхи на басад̇т̇а’’нд̇и. ‘‘бан̣д̣ид̇а, махааж̇ано д̣̇ваарам̣ алабхамаано барид̣̇звад̇и, уман̇г̇ад̣̇ваарам̣ виварид̇ваа махааж̇анасса ж̇ийвид̇ад̣̇аанам̣ д̣̇зхий’’д̇и . со д̣̇ваарам̣ вивари, сагало уман̇г̇о згобхаасо ахоси. махааж̇ано ассаасам̣ бадилабхи. саб̣б̣з рааж̇аано ад̇д̇ано сзнааяа сад̣̇д̇хим̣ нигкамид̇ваа бан̣д̣ид̇асса санд̇игам̣ ааг̇амим̣су. со ран̃н̃аа сад̣̇д̇хим̣ висааламаал̣агз адтааси. ат̇а нам̣ д̇з рааж̇аано аахам̣су ‘‘бан̣д̣ид̇а, д̇ам̣ ниссааяа ж̇ийвид̇ам̣ лад̣̇д̇хам̣, сажз мухуд̇д̇ам̣ уман̇г̇ад̣̇ваарам̣ на виварид̇т̇а, саб̣б̣зсам̣ но д̇ад̇т̇зва маран̣ам̣ абхависсаа’’д̇и. ‘‘на махаарааж̇аано ид̣̇аанзва д̇умхзхи ман̃н̃зва ниссааяа ж̇ийвид̇ам̣ лад̣̇д̇хам̣, буб̣б̣зби лад̣̇д̇хам̣язваа’’д̇и. ‘‘гад̣̇аа, бан̣д̣ид̇аа’’д̇и? ‘‘табзд̇ваа амхаагам̣ наг̇арам̣ сагалаж̇амб̣уд̣̇ийбз раж̇ж̇ам̣ г̇ахзд̇ваа уд̇д̇арабан̃жааланаг̇арам̣ г̇анд̇ваа уяяаанз ж̇аяабаанам̣ баад̇ум̣ сурааяа бадияад̇д̇агаалам̣ сарат̇аа’’д̇и? ‘‘аама, бан̣д̣ид̇аа’’д̇и. д̇ад̣̇аа зса рааж̇аа гзваддзна сад̣̇д̇хим̣ д̣̇умманд̇ид̇зна висаяож̇ид̇ааяа сурааяа жзва мажчамам̣сзхи жа д̇умхз маарзд̇ум̣ гижжамагааси. ат̇аахам̣ ‘‘маад̣̇исз бан̣д̣ид̇з д̇харамаанз имз анаат̇амаран̣ам̣ маа маранд̇уу’’д̇и ад̇д̇ано яод̇хз бзсзд̇ваа саб̣б̣абхааж̇анаани бхинд̣̇аабзд̇ваа зд̇зсам̣ манд̇ам̣ бхинд̣̇ид̇ваа д̇умхаагам̣ ж̇ийвид̇ад̣̇аанам̣ ад̣̇аасинд̇и.

    Atha rājā bodhisattaṃ āha – ‘‘paṇḍita, evaṃ ñāṇabalasampanno hutvā rajjaṃ kasmā na gaṇhāsī’’ti? ‘‘Mahārāja, ahaṃ icchamāno ajjeva sakalajambudīpe rājāno māretvā rajjaṃ gaṇheyyaṃ, paraṃ māretvā ca yasaggahaṇaṃ nāma paṇḍitehi na pasattha’’nti. ‘‘Paṇḍita, mahājano dvāraṃ alabhamāno paridevati, umaṅgadvāraṃ vivaritvā mahājanassa jīvitadānaṃ dehī’’ti . So dvāraṃ vivari, sakalo umaṅgo ekobhāso ahosi. Mahājano assāsaṃ paṭilabhi. Sabbe rājāno attano senāya saddhiṃ nikkhamitvā paṇḍitassa santikaṃ āgamiṃsu. So raññā saddhiṃ visālamāḷake aṭṭhāsi. Atha naṃ te rājāno āhaṃsu ‘‘paṇḍita, taṃ nissāya jīvitaṃ laddhaṃ, sace muhuttaṃ umaṅgadvāraṃ na vivarittha, sabbesaṃ no tattheva maraṇaṃ abhavissā’’ti. ‘‘Na mahārājāno idāneva tumhehi maññeva nissāya jīvitaṃ laddhaṃ, pubbepi laddhaṃyevā’’ti. ‘‘Kadā, paṇḍitā’’ti? ‘‘Ṭhapetvā amhākaṃ nagaraṃ sakalajambudīpe rajjaṃ gahetvā uttarapañcālanagaraṃ gantvā uyyāne jayapānaṃ pātuṃ surāya paṭiyattakālaṃ sarathā’’ti? ‘‘Āma, paṇḍitā’’ti. Tadā esa rājā kevaṭṭena saddhiṃ dummantitena visayojitāya surāya ceva macchamaṃsehi ca tumhe māretuṃ kiccamakāsi. Athāhaṃ ‘‘mādise paṇḍite dharamāne ime anāthamaraṇaṃ mā marantū’’ti attano yodhe pesetvā sabbabhājanāni bhindāpetvā etesaṃ mantaṃ bhinditvā tumhākaṃ jīvitadānaṃ adāsinti.

    д̇з саб̣б̣зби уб̣б̣иг̇г̇амаанасаа худ̇ваа жуул̣анирааж̇аанам̣ бужчим̣су ‘‘сажжам̣ гира, махаарааж̇аа’’д̇и? ‘‘аама, маяаа гзваддасса гат̇ам̣ г̇ахзд̇ваа гад̇ам̣, сажжамзва бан̣д̣ид̇о гат̇зд̇ий’’д̇и. д̇з саб̣б̣зби махаасад̇д̇ам̣ аалин̇г̇ид̇ваа ‘‘бан̣д̣ид̇а, д̇вам̣ саб̣б̣зсам̣ но бад̇идтаа ж̇аад̇о, д̇ам̣ ниссааяа маяам̣ ж̇ийвид̇ам̣ лабхимхаа’’д̇и саб̣б̣абасаад̇ханзхи махаасад̇д̇асса бууж̇ам̣ гарим̣су. бан̣д̣ид̇о рааж̇аанам̣ ааха – ‘‘махаарааж̇а, д̇умхз маа жинд̇аяид̇т̇а, баабамид̇д̇асам̣саг̇г̇ассзва зса д̣̇осо, имз рааж̇аано камаабзт̇аа’’д̇и. рааж̇аа ‘‘маяаа д̣̇уббурисам̣ ниссааяа д̇умхаагам̣ зваруубам̣ гад̇ам̣, зса маяхам̣ д̣̇осо, камат̇а мз д̣̇осам̣, буна зваруубам̣ на гариссаамий’’д̇и камаабзси. д̇з ан̃н̃аман̃н̃ам̣ ажжаяам̣ д̣̇зсзд̇ваа самаг̇г̇аа саммод̣̇амаанаа ахзсум̣. ат̇а рааж̇аа б̣ахууни каад̣̇анийяабхож̇анийяаг̇анд̇хамаалаад̣̇ийни аахараабзд̇ваа саб̣б̣зхи сад̣̇д̇хим̣ сад̇д̇аахам̣ уман̇г̇зязва гийл̣ид̇ваа наг̇арам̣ бависид̇ваа махаасад̇д̇асса махаасаггаарам̣ гаарзд̇ваа згасад̇арааж̇абаривуд̇о махаад̇алз нисийд̣̇ид̇ваа бан̣д̣ид̇ам̣ ад̇д̇ано санд̇игз васаабзд̇угаамад̇ааяа ааха –

    Te sabbepi ubbiggamānasā hutvā cūḷanirājānaṃ pucchiṃsu ‘‘saccaṃ kira, mahārājā’’ti? ‘‘Āma, mayā kevaṭṭassa kathaṃ gahetvā kataṃ, saccameva paṇḍito kathetī’’ti. Te sabbepi mahāsattaṃ āliṅgitvā ‘‘paṇḍita, tvaṃ sabbesaṃ no patiṭṭhā jāto, taṃ nissāya mayaṃ jīvitaṃ labhimhā’’ti sabbapasādhanehi mahāsattassa pūjaṃ kariṃsu. Paṇḍito rājānaṃ āha – ‘‘mahārāja, tumhe mā cintayittha, pāpamittasaṃsaggasseva esa doso, ime rājāno khamāpethā’’ti. Rājā ‘‘mayā duppurisaṃ nissāya tumhākaṃ evarūpaṃ kataṃ, esa mayhaṃ doso, khamatha me dosaṃ, puna evarūpaṃ na karissāmī’’ti khamāpesi. Te aññamaññaṃ accayaṃ desetvā samaggā sammodamānā ahesuṃ. Atha rājā bahūni khādanīyabhojanīyagandhamālādīni āharāpetvā sabbehi saddhiṃ sattāhaṃ umaṅgeyeva kīḷitvā nagaraṃ pavisitvā mahāsattassa mahāsakkāraṃ kāretvā ekasatarājaparivuto mahātale nisīditvā paṇḍitaṃ attano santike vasāpetukāmatāya āha –

    765.

    765.

    ‘‘вуд̇д̇ин̃жа барихааран̃жа, д̣̇иг̇ун̣ам̣ бхад̇д̇авзд̇анам̣;

    ‘‘Vuttiñca parihārañca, diguṇaṃ bhattavetanaṃ;

    д̣̇ад̣̇аами вибулз бхог̇з, бхун̃ж̇а гаамз рамассу жа;

    Dadāmi vipule bhoge, bhuñja kāme ramassu ca;

    маа вид̣̇зхам̣ бажжаг̇амаа, гим̣ вид̣̇зхо гариссад̇ий’’д̇и.

    Mā videhaṃ paccagamā, kiṃ videho karissatī’’ti.

    д̇ад̇т̇а вуд̇д̇инд̇и яасаниссид̇ам̣ ж̇ийвид̇авуд̇д̇им̣. барихааранд̇и г̇ааманиг̇амад̣̇аанам̣. бхад̇д̇анд̇и ниваабам̣. взд̇ананд̇и бариб̣б̣аяам̣. бхог̇зд̇и ан̃н̃зби д̇з вибулз бхог̇з д̣̇ад̣̇аами.

    Tattha vuttinti yasanissitaṃ jīvitavuttiṃ. Parihāranti gāmanigamadānaṃ. Bhattanti nivāpaṃ. Vetananti paribbayaṃ. Bhogeti aññepi te vipule bhoge dadāmi.

    бан̣д̣ид̇о д̇ам̣ бадигкибанд̇о ааха –

    Paṇḍito taṃ paṭikkhipanto āha –

    766.

    766.

    ‘‘яо жаж̇зт̇а махаарааж̇а, бхад̇д̇аарам̣ д̇ханагааран̣аа;

    ‘‘Yo cajetha mahārāja, bhattāraṃ dhanakāraṇā;

    убхиннам̣ ход̇и г̇аараяхо, ад̇д̇ано жа барасса жа;

    Ubhinnaṃ hoti gārayho, attano ca parassa ca;

    яаава ж̇ийвзяяа взд̣̇зхо, наан̃н̃асса бурисо сияаа.

    Yāva jīveyya vedeho, nāññassa puriso siyā.

    767.

    767.

    ‘‘яо жаж̇зт̇а махаарааж̇а, бхад̇д̇аарам̣ д̇ханагааран̣аа;

    ‘‘Yo cajetha mahārāja, bhattāraṃ dhanakāraṇā;

    убхиннам̣ ход̇и г̇аараяхо, ад̇д̇ано жа барасса жа;

    Ubhinnaṃ hoti gārayho, attano ca parassa ca;

    яаава д̇идтзяяа взд̣̇зхо, наан̃н̃асса виж̇ид̇з васз’’д̇и.

    Yāva tiṭṭheyya vedeho, nāññassa vijite vase’’ti.

    д̇ад̇т̇а ад̇д̇ано жа барасса жаад̇и зваруубан̃хи ‘‘д̇ханагааран̣аа маяаа ад̇д̇ано бхад̇д̇аарам̣ барижжаж̇анд̇зна баабам̣ гад̇а’’нд̇и ад̇д̇ааби ад̇д̇аанам̣ г̇арахад̇и, ‘‘иминаа д̇ханагааран̣аа ад̇д̇ано бхад̇д̇аа барижжад̇д̇о, баабад̇хаммо аяа’’нд̇и бароби г̇арахад̇и. д̇асмаа на саггаа д̇асмим̣ д̇харанд̇з маяаа ан̃н̃асса виж̇ид̇з васид̇унд̇и.

    Tattha attano ca parassa cāti evarūpañhi ‘‘dhanakāraṇā mayā attano bhattāraṃ pariccajantena pāpaṃ kata’’nti attāpi attānaṃ garahati, ‘‘iminā dhanakāraṇā attano bhattā pariccatto, pāpadhammo aya’’nti paropi garahati. Tasmā na sakkā tasmiṃ dharante mayā aññassa vijite vasitunti.

    ат̇а нам̣ рааж̇аа ааха – ‘‘д̇зна хи, бан̣д̣ид̇а, д̇ава ран̃н̃о д̣̇иван̇г̇ад̇агаалз ид̇хааг̇анд̇ум̣ бадин̃н̃ам̣ д̣̇зхий’’д̇и. со ‘‘саад̇ху, д̣̇зва, ахам̣ ж̇ийванд̇о ааг̇амиссаамий’’д̇и ааха. ат̇асса рааж̇аа сад̇д̇аахам̣ махаасаггаарам̣ гад̇ваа сад̇д̇аахажжаязна буна аабужчанагаалз ‘‘ахам̣ д̇з, бан̣д̣ид̇а, ид̣̇ан̃жид̣̇ан̃жа д̣̇аммий’’д̇и вад̣̇анд̇о г̇аат̇амааха –

    Atha naṃ rājā āha – ‘‘tena hi, paṇḍita, tava rañño divaṅgatakāle idhāgantuṃ paṭiññaṃ dehī’’ti. So ‘‘sādhu, deva, ahaṃ jīvanto āgamissāmī’’ti āha. Athassa rājā sattāhaṃ mahāsakkāraṃ katvā sattāhaccayena puna āpucchanakāle ‘‘ahaṃ te, paṇḍita, idañcidañca dammī’’ti vadanto gāthamāha –

    768.

    768.

    ‘‘д̣̇амми нигкасахассам̣ д̇з, г̇аамаасийд̇ин̃жа гаасису;

    ‘‘Dammi nikkhasahassaṃ te, gāmāsītiñca kāsisu;

    д̣̇аасисад̇аани жад̇д̇аари, д̣̇амми бхарияаасад̇ан̃жа д̇з;

    Dāsisatāni cattāri, dammi bhariyāsatañca te;

    саб̣б̣ам̣ сзнан̇г̇амаад̣̇ааяа, сод̇т̇им̣ г̇ажча махосад̇хаа’’д̇и.

    Sabbaṃ senaṅgamādāya, sotthiṃ gaccha mahosadhā’’ti.

    д̇ад̇т̇а нигкасахассанд̇и бан̃жасуван̣н̣зна нигкзна нигкаанам̣ сахассам̣. г̇аамаад̇и яз г̇аамаа сам̣важчарз сам̣важчарз сахассасахассудтаанагаа, д̇з жа г̇аамз д̇з д̣̇амми. гаасисууд̇и гаасирадтз. д̇ам̣ вид̣̇зхарадтасса аасаннам̣, д̇асмаа д̇ад̇т̇асса асийд̇иг̇аамз ад̣̇ааси.

    Tattha nikkhasahassanti pañcasuvaṇṇena nikkhena nikkhānaṃ sahassaṃ. Gāmāti ye gāmā saṃvacchare saṃvacchare sahassasahassuṭṭhānakā, te ca gāme te dammi. Kāsisūti kāsiraṭṭhe. Taṃ videharaṭṭhassa āsannaṃ, tasmā tatthassa asītigāme adāsi.

    соби рааж̇аанам̣ ааха – ‘‘махаарааж̇а, д̇умхз б̣анд̇хаваанам̣ маа жинд̇аяид̇т̇а, ахам̣ мама ран̃н̃о г̇аманагаалзязва ‘махаарааж̇а, нанд̣̇аад̣̇звим̣ маад̇удтаанз табзяяааси, бан̃жаалажанд̣̇ам̣ ганидтадтаанз’д̇и вад̇ваа д̇хийд̇ааяа д̇з абхисзгам̣ д̣̇аабзд̇ваа рааж̇аанам̣ уяяож̇зсим̣, маад̇аран̃жа д̣̇звин̃жа буд̇д̇ан̃жа сийгхамзва бзсзссаамий’’д̇и. со ‘‘саад̇ху, бан̣д̣ид̇аа’’д̇и ад̇д̇ано д̇хийд̇у д̣̇аад̇аб̣б̣аани д̣̇аасид̣̇аасавад̇т̇аалан̇гаарасуван̣н̣ахиран̃н̃аалан̇гад̇ахад̇т̇иассарат̇аад̣̇ийни ‘‘имаани д̇ассаа д̣̇ад̣̇зяяаасий’’д̇и махаасад̇д̇ам̣ бадижчаабзд̇ваа сзнаавааханасса гад̇д̇аб̣б̣агижжам̣ вижаарзнд̇о ааха –

    Sopi rājānaṃ āha – ‘‘mahārāja, tumhe bandhavānaṃ mā cintayittha, ahaṃ mama rañño gamanakāleyeva ‘mahārāja, nandādeviṃ mātuṭṭhāne ṭhapeyyāsi, pañcālacandaṃ kaniṭṭhaṭṭhāne’ti vatvā dhītāya te abhisekaṃ dāpetvā rājānaṃ uyyojesiṃ, mātarañca deviñca puttañca sīghameva pesessāmī’’ti. So ‘‘sādhu, paṇḍitā’’ti attano dhītu dātabbāni dāsidāsavatthālaṅkārasuvaṇṇahiraññaalaṅkatahatthiassarathādīni ‘‘imāni tassā dadeyyāsī’’ti mahāsattaṃ paṭicchāpetvā senāvāhanassa kattabbakiccaṃ vicārento āha –

    769.

    769.

    ‘‘яаава д̣̇ад̣̇анд̇у хад̇т̇ийнам̣, ассаанам̣ д̣̇иг̇ун̣ам̣ вид̇хам̣;

    ‘‘Yāva dadantu hatthīnaṃ, assānaṃ diguṇaṃ vidhaṃ;

    д̇аббзнд̇у аннабаанзна, рат̇игз бад̇д̇игаарагз’’д̇и.

    Tappentu annapānena, rathike pattikārake’’ti.

    д̇ад̇т̇а яааваад̇и на гзвалам̣ д̣̇иг̇ун̣амзва, яаава баход̇и, д̇аава хад̇т̇ийнан̃жа ассаанан̃жа яаваг̇од̇хумаад̣̇ивид̇хам̣ д̣̇зт̇аад̇и вад̣̇ад̇и. д̇аббзнд̇ууд̇и яад̇д̇агзна д̇з анд̇араамаг̇г̇з агиланд̇аа г̇ажчанд̇и, д̇ад̇д̇агам̣ д̣̇знд̇аа д̇аббзнд̇у.

    Tattha yāvāti na kevalaṃ diguṇameva, yāva pahoti, tāva hatthīnañca assānañca yavagodhumādividhaṃ dethāti vadati. Tappentūti yattakena te antarāmagge akilantā gacchanti, tattakaṃ dentā tappentu.

    зван̃жа бана вад̇ваа бан̣д̣ид̇ам̣ уяяож̇знд̇о ааха –

    Evañca pana vatvā paṇḍitaṃ uyyojento āha –

    770.

    770.

    ‘‘хад̇т̇ий ассз рат̇з бад̇д̇ий, г̇ажчзваад̣̇ааяа бан̣д̣ид̇а;

    ‘‘Hatthī asse rathe pattī, gacchevādāya paṇḍita;

    бассад̇у д̇ам̣ махаарааж̇аа, взд̣̇зхо мит̇илам̣ г̇ад̇а’’нд̇и.

    Passatu taṃ mahārājā, vedeho mithilaṃ gata’’nti.

    д̇ад̇т̇а мит̇илам̣ г̇ад̇анд̇и сод̇т̇инаа д̇ам̣ мит̇иланаг̇арам̣ самбад̇д̇ам̣ бассад̇у.

    Tattha mithilaṃ gatanti sotthinā taṃ mithilanagaraṃ sampattaṃ passatu.

    ид̇и со бан̣д̣ид̇асса маханд̇ам̣ саггаарам̣ гад̇ваа уяяож̇зси. д̇зби згасад̇арааж̇аано махаасад̇д̇асса саггаарам̣ гад̇ваа б̣ахум̣ бан̣н̣аагаарам̣ ад̣̇ам̣су. д̇зсам̣ санд̇игз убанигкид̇д̇агабурисааби бан̣д̣ид̇амзва бариваараяим̣су. со маханд̇зна бариваарзна баривуд̇о маг̇г̇ам̣ бадибаж̇ж̇ид̇ваа анд̇араамаг̇г̇зязва жуул̣аниран̃н̃аа д̣̇иннаг̇аамад̇о ааяам̣ аахараабзд̇ум̣ бурисз бзсзд̇ваа вид̣̇зхарадтам̣ самбаабун̣и. сзнагоби гинд̇араамаг̇г̇з ад̇д̇ано бурисам̣ табзси ‘‘жуул̣аниран̃н̃о буна ааг̇аманам̣ ваа анааг̇аманам̣ ваа ж̇аанид̇ваа яасса гассажи ааг̇аманан̃жа маяхам̣ аарожзяяаасий’’д̇и. со д̇ияож̇анамад̇т̇агзязва махаасад̇д̇ам̣ д̣̇исваа ааг̇анд̇ваа ‘‘бан̣д̣ид̇о маханд̇зна бариваарзна ааг̇ажчад̇ий’’д̇и сзнагасса аарожзси. со д̇ам̣ суд̇ваа рааж̇агулам̣ аг̇амааси . рааж̇ааби баасаад̣̇ад̇алз тид̇о ваад̇абаанзна ологзнд̇о махад̇им̣ сзнам̣ д̣̇исваа ‘‘махосад̇хабан̣д̣ид̇асса сзнаа манд̣̇аа, аяам̣ ад̇ивияа махад̇ий сзнаа д̣̇иссад̇и, гим̣ ну ко жуул̣анирааж̇аа ааг̇ад̇о сияаа’’д̇и бхийд̇ад̇асид̇о д̇амад̇т̇ам̣ бужчанд̇о ааха –

    Iti so paṇḍitassa mahantaṃ sakkāraṃ katvā uyyojesi. Tepi ekasatarājāno mahāsattassa sakkāraṃ katvā bahuṃ paṇṇākāraṃ adaṃsu. Tesaṃ santike upanikkhittakapurisāpi paṇḍitameva parivārayiṃsu. So mahantena parivārena parivuto maggaṃ paṭipajjitvā antarāmaggeyeva cūḷaniraññā dinnagāmato āyaṃ āharāpetuṃ purise pesetvā videharaṭṭhaṃ sampāpuṇi. Senakopi kintarāmagge attano purisaṃ ṭhapesi ‘‘cūḷanirañño puna āgamanaṃ vā anāgamanaṃ vā jānitvā yassa kassaci āgamanañca mayhaṃ āroceyyāsī’’ti. So tiyojanamatthakeyeva mahāsattaṃ disvā āgantvā ‘‘paṇḍito mahantena parivārena āgacchatī’’ti senakassa ārocesi. So taṃ sutvā rājakulaṃ agamāsi . Rājāpi pāsādatale ṭhito vātapānena olokento mahatiṃ senaṃ disvā ‘‘mahosadhapaṇḍitassa senā mandā, ayaṃ ativiya mahatī senā dissati, kiṃ nu kho cūḷanirājā āgato siyā’’ti bhītatasito tamatthaṃ pucchanto āha –

    771.

    771.

    ‘‘хад̇т̇ий ассаа рат̇аа бад̇д̇ий, сзнаа бад̣̇иссад̇з махаа;

    ‘‘Hatthī assā rathā pattī, senā padissate mahā;

    жад̇уран̇г̇иний бхийсаруубаа, гим̣ ну ман̃н̃аси бан̣д̣ид̇аа’’д̇и.

    Caturaṅginī bhīsarūpā, kiṃ nu maññasi paṇḍitā’’ti.

    ат̇асса сзнаго д̇амад̇т̇ам̣ аарожзнд̇о ааха –

    Athassa senako tamatthaṃ ārocento āha –

    772.

    772.

    ‘‘аананд̣̇о д̇з махаарааж̇а, уд̇д̇амо бадид̣̇иссад̇и;

    ‘‘Ānando te mahārāja, uttamo paṭidissati;

    саб̣б̣ам̣ сзнан̇г̇амаад̣̇ааяа, сод̇т̇им̣ бад̇д̇о махосад̇хо’’д̇и.

    Sabbaṃ senaṅgamādāya, sotthiṃ patto mahosadho’’ti.

    д̇ам̣ суд̇ваа рааж̇аа ааха – ‘‘сзнага, бан̣д̣ид̇асса сзнаа манд̣̇аа, аяам̣ бана махад̇ий’’д̇и. ‘‘махаарааж̇а, жуул̣анирааж̇аа д̇зна басаад̣̇ид̇о бхависсад̇и, д̇знасса басаннзна д̣̇иннаа бхависсад̇ий’’д̇и. рааж̇аа наг̇арз бхзрим̣ жараабзси ‘‘наг̇арам̣ алан̇гарид̇ваа бан̣д̣ид̇асса бажжуг̇г̇аманам̣ гаронд̇уу’’д̇и. нааг̇араа д̇ат̇аа гарим̣су. бан̣д̣ид̇о наг̇арам̣ бависид̇ваа рааж̇агулам̣ г̇анд̇ваа рааж̇аанам̣ ванд̣̇ид̇ваа згаманд̇ам̣ нисийд̣̇и. ат̇а нам̣ рааж̇аа удтааяа аалин̇г̇ид̇ваа баллан̇гавараг̇ад̇о бадисант̇аарам̣ гаронд̇о ааха –

    Taṃ sutvā rājā āha – ‘‘senaka, paṇḍitassa senā mandā, ayaṃ pana mahatī’’ti. ‘‘Mahārāja, cūḷanirājā tena pasādito bhavissati, tenassa pasannena dinnā bhavissatī’’ti. Rājā nagare bheriṃ carāpesi ‘‘nagaraṃ alaṅkaritvā paṇḍitassa paccuggamanaṃ karontū’’ti. Nāgarā tathā kariṃsu. Paṇḍito nagaraṃ pavisitvā rājakulaṃ gantvā rājānaṃ vanditvā ekamantaṃ nisīdi. Atha naṃ rājā uṭṭhāya āliṅgitvā pallaṅkavaragato paṭisanthāraṃ karonto āha –

    773.

    773.

    ‘‘яат̇аа бзд̇ам̣ сусаанасмим̣, чад̣д̣зд̇ваа жад̇уро ж̇анаа;

    ‘‘Yathā petaṃ susānasmiṃ, chaḍḍetvā caturo janā;

    звам̣ габилаяяз д̇яамха, чад̣д̣аяид̇ваа ид̇хааг̇ад̇аа.

    Evaṃ kapilayye tyamha, chaḍḍayitvā idhāgatā.

    774.

    774.

    ‘‘ат̇а д̇вам̣ гзна ван̣н̣зна, гзна ваа бана хзд̇унаа;

    ‘‘Atha tvaṃ kena vaṇṇena, kena vā pana hetunā;

    гзна ваа ад̇т̇аж̇аад̇зна, ад̇д̇аанам̣ бариможаяий’’д̇и.

    Kena vā atthajātena, attānaṃ parimocayī’’ti.

    д̇ад̇т̇а жад̇уро ж̇анаад̇и бан̣д̣ид̇а, яат̇аа наама гаалагад̇ам̣ жад̇уро ж̇анаа ман̃жагзна сусаанам̣ нзд̇ваа д̇ад̇т̇а чад̣д̣зд̇ваа анабзгкаа г̇ажчанд̇и, звам̣ габилаяяз радтз д̇ам̣ чад̣д̣зд̇ваа маяам̣ имааг̇ад̇аад̇и ад̇т̇о. гзна ван̣н̣знаад̇и гзна гааран̣зна. хзд̇унаад̇и бажжаязна. ад̇т̇аж̇аад̇знаад̇и ад̇т̇зна. ад̇д̇аанам̣ бариможаяийд̇и амид̇д̇ахад̇т̇аг̇ад̇о гзна гааран̣зна бажжаязна гзна ад̇т̇зна д̇вам̣ ад̇д̇аанам̣ бариможзсийд̇и бужчад̇и.

    Tattha caturo janāti paṇḍita, yathā nāma kālakataṃ caturo janā mañcakena susānaṃ netvā tattha chaḍḍetvā anapekkhā gacchanti, evaṃ kapilayye raṭṭhe taṃ chaḍḍetvā mayaṃ imāgatāti attho. Kena vaṇṇenāti kena kāraṇena. Hetunāti paccayena. Atthajātenāti atthena. Attānaṃ parimocayīti amittahatthagato kena kāraṇena paccayena kena atthena tvaṃ attānaṃ parimocesīti pucchati.

    д̇ад̇о махаасад̇д̇о ааха –

    Tato mahāsatto āha –

    775.

    775.

    ‘‘ад̇т̇ам̣ ад̇т̇зна взд̣̇зха, манд̇ам̣ манд̇зна кад̇д̇ияа;

    ‘‘Atthaṃ atthena vedeha, mantaṃ mantena khattiya;

    бариваараяим̣ рааж̇аанам̣, ж̇амб̣уд̣̇ийбам̣ва сааг̇аро’’д̇и.

    Parivārayiṃ rājānaṃ, jambudīpaṃva sāgaro’’ti.

    д̇ассад̇т̇о – ахам̣, махаарааж̇а, д̇зна жинд̇ид̇ам̣ ад̇т̇ам̣ ад̇д̇ано жинд̇ид̇зна ад̇т̇зна, д̇зна жа манд̇ид̇ам̣ манд̇ам̣ ад̇д̇ано манд̇ид̇зна манд̇зна бариваарзсим̣. на гзвалан̃жа зд̇д̇агамзва, згасад̇арааж̇абариваарам̣ бана д̇ам̣ рааж̇аанам̣ ж̇амб̣уд̣̇ийбам̣ сааг̇аро вияа бариваараяиссанд̇и. саб̣б̣ам̣ ад̇д̇ано гад̇агаммам̣ вид̇т̇аарзд̇ваа гат̇зси.

    Tassattho – ahaṃ, mahārāja, tena cintitaṃ atthaṃ attano cintitena atthena, tena ca mantitaṃ mantaṃ attano mantitena mantena parivāresiṃ. Na kevalañca ettakameva, ekasatarājaparivāraṃ pana taṃ rājānaṃ jambudīpaṃ sāgaro viya parivārayissanti. Sabbaṃ attano katakammaṃ vitthāretvā kathesi.

    д̇ам̣ суд̇ваа рааж̇аа ад̇ивияа д̇усси. ат̇асса бан̣д̣ид̇о жуул̣аниран̃н̃аа ад̇д̇ано д̣̇иннам̣ бан̣н̣аагаарам̣ аажигканд̇о ааха –

    Taṃ sutvā rājā ativiya tussi. Athassa paṇḍito cūḷaniraññā attano dinnaṃ paṇṇākāraṃ ācikkhanto āha –

    776.

    776.

    ‘‘д̣̇иннам̣ нигкасахассам̣ мз, г̇аамаасийд̇и жа гаасису;

    ‘‘Dinnaṃ nikkhasahassaṃ me, gāmāsīti ca kāsisu;

    д̣̇аасисад̇аани жад̇д̇аари, д̣̇иннам̣ бхарияаасад̇ан̃жа мз;

    Dāsisatāni cattāri, dinnaṃ bhariyāsatañca me;

    саб̣б̣ам̣ сзнан̇г̇амаад̣̇ааяа, сод̇т̇инаамхи ид̇хааг̇ад̇о’’д̇и.

    Sabbaṃ senaṅgamādāya, sotthināmhi idhāgato’’ti.

    д̇ад̇о рааж̇аа ад̇ивияа д̇удтабахадто махаасад̇д̇асса г̇ун̣ам̣ ван̣н̣знд̇о д̇амзва уд̣̇аанам̣ уд̣̇аанзси –

    Tato rājā ativiya tuṭṭhapahaṭṭho mahāsattassa guṇaṃ vaṇṇento tameva udānaṃ udānesi –

    777.

    777.

    ‘‘сусукам̣ вад̇а сам̣ваасо, бан̣д̣ид̇зхийд̇и сзнага;

    ‘‘Susukhaṃ vata saṃvāso, paṇḍitehīti senaka;

    багкийва бан̃ж̇арз б̣ад̣̇д̇хз мажчз ж̇аалаг̇ад̇зрива;

    Pakkhīva pañjare baddhe macche jālagateriva;

    амид̇д̇ахад̇т̇ад̇д̇аг̇ад̇з, можаяий но махосад̇хо’’д̇и.

    Amittahatthattagate, mocayī no mahosadho’’ti.

    сзнагоби д̇асса важанам̣ самбадижчанд̇о д̇амзва г̇аат̇амааха –

    Senakopi tassa vacanaṃ sampaṭicchanto tameva gāthamāha –

    778.

    778.

    ‘‘звамзд̇ам̣ махаарааж̇а, бан̣д̣ид̇аа хи сукаавахаа;

    ‘‘Evametaṃ mahārāja, paṇḍitā hi sukhāvahā;

    багкийва бан̃ж̇арз б̣ад̣̇д̇хз, мажчз ж̇аалаг̇ад̇зрива;

    Pakkhīva pañjare baddhe, macche jālagateriva;

    амид̇д̇ахад̇т̇ад̇д̇аг̇ад̇з, можаяий но махосад̇хо’’д̇и.

    Amittahatthattagate, mocayī no mahosadho’’ti.

    ат̇а рааж̇аа наг̇арз чан̣абхзрим̣ жараабзд̇ваа ‘‘сад̇д̇аахам̣ махаачан̣ам̣ гаронд̇у, язсам̣ маяи синзхо ад̇т̇и, д̇з саб̣б̣з бан̣д̣ид̇асса саггаарам̣ саммаанам̣ гаронд̇уу’’д̇и аан̣аабзнд̇о ааха –

    Atha rājā nagare chaṇabheriṃ carāpetvā ‘‘sattāhaṃ mahāchaṇaṃ karontu, yesaṃ mayi sineho atthi, te sabbe paṇḍitassa sakkāraṃ sammānaṃ karontū’’ti āṇāpento āha –

    779.

    779.

    ‘‘аахан̃н̃анд̇у саб̣б̣авийн̣аа, бхзрияо д̣̇инд̣̇имаани жа;

    ‘‘Āhaññantu sabbavīṇā, bheriyo dindimāni ca;

    д̇хамзнд̇у мааг̇ад̇хаа сан̇каа, ваг̇г̇уу над̣̇анд̇у д̣̇унд̣̇убхий’’д̇и.

    Dhamentu māgadhā saṅkhā, vaggū nadantu dundubhī’’ti.

    д̇ад̇т̇а аахан̃н̃анд̇ууд̇и ваад̣̇ияанд̇у. мааг̇ад̇хаа сан̇каад̇и маг̇ад̇харадтз сан̃ж̇аад̇аа сан̇каа. д̣̇унд̣̇убхийд̇и махаабхзрияо.

    Tattha āhaññantūti vādiyantu. Māgadhā saṅkhāti magadharaṭṭhe sañjātā saṅkhā. Dundubhīti mahābheriyo.

    ат̇а д̇з нааг̇араа жа ж̇аанабад̣̇аа жа багад̇ияааби бан̣д̣ид̇асса саггаарам̣ гаад̇угаамаа бхзрисад̣̇д̣̇ам̣ суд̇ваа ад̇ирзгад̇арам̣ агам̣су. д̇амад̇т̇ам̣ багаасзнд̇о сад̇т̇аа ааха –

    Atha te nāgarā ca jānapadā ca pakatiyāpi paṇḍitassa sakkāraṃ kātukāmā bherisaddaṃ sutvā atirekataraṃ akaṃsu. Tamatthaṃ pakāsento satthā āha –

    780.

    780.

    ‘‘ород̇хаа жа гумаараа жа, взсияаанаа жа б̣раахман̣аа;

    ‘‘Orodhā ca kumārā ca, vesiyānā ca brāhmaṇā;

    б̣ахум̣ аннан̃жа баанан̃жа, бан̣д̣ид̇ассаабхихаараяум̣.

    Bahuṃ annañca pānañca, paṇḍitassābhihārayuṃ.

    781.

    781.

    ‘‘хад̇т̇аарохаа анийгадтаа, рат̇игаа бад̇д̇игаарагаа;

    ‘‘Hatthārohā anīkaṭṭhā, rathikā pattikārakā;

    б̣ахум̣ аннан̃жа баанан̃жа, бан̣д̣ид̇ассаабхихаараяум̣.

    Bahuṃ annañca pānañca, paṇḍitassābhihārayuṃ.

    782.

    782.

    ‘‘самааг̇ад̇аа ж̇аанабад̣̇аа, нзг̇амаа жа самааг̇ад̇аа;

    ‘‘Samāgatā jānapadā, negamā ca samāgatā;

    б̣ахум̣ аннан̃жа баанан̃жа, бан̣д̣ид̇ассаабхихаараяум̣.

    Bahuṃ annañca pānañca, paṇḍitassābhihārayuṃ.

    783.

    783.

    ‘‘б̣ахуж̇ано басанноси, д̣̇исваа бан̣д̣ид̇амааг̇ад̇ам̣;

    ‘‘Bahujano pasannosi, disvā paṇḍitamāgataṃ;

    бан̣д̣ид̇амхи ануббад̇д̇з, жзлугкзбо авад̇д̇ат̇аа’’д̇и.

    Paṇḍitamhi anuppatte, celukkhepo avattathā’’ti.

    д̇ад̇т̇а ород̇хаад̇и уд̣̇умб̣арад̣̇звим̣ аад̣̇им̣ гад̇ваа анд̇збуригаа. абхихаараяунд̇и абхихаараабзсум̣, бахин̣им̣сууд̇и ад̇т̇о. б̣ахуж̇анод̇и бхигкавз, наг̇араваасино жа жад̇уд̣̇ваараг̇аамаваасино жа ж̇анабад̣̇аваасино жаад̇и б̣ахуж̇ано басанно ахоси. д̣̇исваа бан̣д̣ид̇амааг̇ад̇анд̇и бан̣д̣ид̇ам̣ мит̇илам̣ ааг̇ад̇ам̣ д̣̇исваа. авад̇д̇ат̇аад̇и бан̣д̣ид̇амхи мит̇илам̣ ануббад̇д̇з ‘‘аяам̣ но батамамзва бажжаамид̇д̇авасам̣ г̇ад̇ам̣ рааж̇аанам̣ можзд̇ваа бзсзд̇ваа бажчаа згасад̇арааж̇аано ан̃н̃аман̃н̃ам̣ камаабзд̇ваа самаг̇г̇з гад̇ваа жуул̣аним̣ басаад̣̇зд̇ваа д̇зна д̣̇иннам̣ маханд̇ам̣ яасам̣ аад̣̇ааяа ааг̇ад̇о’’д̇и д̇удтажид̇д̇зна ж̇анзна бавад̇д̇ид̇о жзлугкзбо бавад̇д̇ат̇а.

    Tattha orodhāti udumbaradeviṃ ādiṃ katvā antepurikā. Abhihārayunti abhihārāpesuṃ, pahiṇiṃsūti attho. Bahujanoti bhikkhave, nagaravāsino ca catudvāragāmavāsino ca janapadavāsino cāti bahujano pasanno ahosi. Disvā paṇḍitamāgatanti paṇḍitaṃ mithilaṃ āgataṃ disvā. Avattathāti paṇḍitamhi mithilaṃ anuppatte ‘‘ayaṃ no paṭhamameva paccāmittavasaṃ gataṃ rājānaṃ mocetvā pesetvā pacchā ekasatarājāno aññamaññaṃ khamāpetvā samagge katvā cūḷaniṃ pasādetvā tena dinnaṃ mahantaṃ yasaṃ ādāya āgato’’ti tuṭṭhacittena janena pavattito celukkhepo pavattatha.

    ат̇а махаасад̇д̇о чан̣аавасаанз рааж̇агулам̣ ааг̇анд̇ваа ‘‘махаарааж̇а, жуул̣аниран̃н̃о маад̇аран̃жа д̣̇звин̃жа буд̇д̇ан̃жа сийгхам̣ бзсзд̇ум̣ ваддад̇ий’’д̇и ааха. ‘‘саад̇ху, д̇аад̇а, бзсзхий’’д̇и. со д̇зсам̣ д̇ин̣н̣ам̣ ж̇анаанам̣ маханд̇ам̣ саггаарам̣ гад̇ваа ад̇д̇анаа сад̣̇д̇хим̣ ааг̇ад̇асзнааяаби саггаарам̣ саммаанам̣ гаарзд̇ваа д̇з д̇аяо ж̇анз маханд̇зна бариваарзна ад̇д̇ано бурисзхи сад̣̇д̇хим̣ бзсзси. ран̃н̃аа ад̇д̇ано д̣̇иннаа сад̇абхарияаа жа жад̇д̇аари д̣̇аасисад̇аани жа нанд̣̇аад̣̇звияаа сад̣̇д̇хим̣ бзсзси, ад̇д̇анаа сад̣̇д̇хим̣ ааг̇ад̇асзнамби д̇зхи сад̣̇д̇хим̣язва бзсзси. д̇з маханд̇зна бариваарзна уд̇д̇арабан̃жааланаг̇арам̣ баабун̣им̣су. ат̇а рааж̇аа маад̇арам̣ бужчи ‘‘гим̣, амма, взд̣̇зхарааж̇зна д̇з сан̇г̇ахо гад̇о’’д̇и? ‘‘гим̣ д̇аад̇а, гат̇зси, мам̣ д̣̇звад̇аатаанз табзд̇ваа саггаарамагааси, нанд̣̇аад̣̇звимби маад̇удтаанз табзси, бан̃жаалажанд̣̇ам̣ ганидтабхаад̇игадтаанз табзсий’’д̇и. д̇ам̣ суд̇ваа рааж̇аа ад̇ивияа д̇уссид̇ваа б̣ахум̣ бан̣н̣аагаарам̣ бзсзси. д̇ад̇о бадтааяа д̇з убхоби самаг̇г̇аа саммод̣̇амаанаа васим̣сууд̇и.

    Atha mahāsatto chaṇāvasāne rājakulaṃ āgantvā ‘‘mahārāja, cūḷanirañño mātarañca deviñca puttañca sīghaṃ pesetuṃ vaṭṭatī’’ti āha. ‘‘Sādhu, tāta, pesehī’’ti. So tesaṃ tiṇṇaṃ janānaṃ mahantaṃ sakkāraṃ katvā attanā saddhiṃ āgatasenāyapi sakkāraṃ sammānaṃ kāretvā te tayo jane mahantena parivārena attano purisehi saddhiṃ pesesi. Raññā attano dinnā satabhariyā ca cattāri dāsisatāni ca nandādeviyā saddhiṃ pesesi, attanā saddhiṃ āgatasenampi tehi saddhiṃyeva pesesi. Te mahantena parivārena uttarapañcālanagaraṃ pāpuṇiṃsu. Atha rājā mātaraṃ pucchi ‘‘kiṃ, amma, vedeharājena te saṅgaho kato’’ti? ‘‘Kiṃ tāta, kathesi, maṃ devatāṭhāne ṭhapetvā sakkāramakāsi, nandādevimpi mātuṭṭhāne ṭhapesi, pañcālacandaṃ kaniṭṭhabhātikaṭṭhāne ṭhapesī’’ti. Taṃ sutvā rājā ativiya tussitvā bahuṃ paṇṇākāraṃ pesesi. Tato paṭṭhāya te ubhopi samaggā sammodamānā vasiṃsūti.

    махаауман̇г̇акан̣д̣ам̣ нидтид̇ам̣.

    Mahāumaṅgakhaṇḍaṃ niṭṭhitaṃ.

    д̣̇агарагкасабан̃хо

    Dakarakkhasapañho

    бан̃жаалажанд̣̇ий вид̣̇зхаран̃н̃аа бияаа ахоси манаабаа. саа д̣̇уд̇ияз сам̣важчарз буд̇д̇ам̣ виж̇ааяи. д̇асса д̣̇асамз сам̣важчарз взд̣̇зхарааж̇аа гааламагааси. б̣од̇хисад̇д̇о д̇асса чад̇д̇ам̣ уссаабзд̇ваа ‘‘д̣̇зва, ахам̣ д̇ава аяяагасса жуул̣аниран̃н̃о санд̇игам̣ г̇амиссаамий’’д̇и аабужчи. бан̣д̣ид̇а, маа мам̣ д̣̇ахарам̣ чад̣д̣зд̇ваа г̇амид̇т̇а, ахам̣ д̇ам̣ бид̇удтаанз табзд̇ваа саггаарам̣ гариссаамийд̇и. бан̃жаалажанд̣̇ийби нам̣ ‘‘бан̣д̣ид̇а, д̇умхаагам̣ г̇ад̇агаалз ан̃н̃ам̣ бадисаран̣ам̣ над̇т̇и, маа г̇амид̇т̇аа’’д̇и яаажи. соби ‘‘маяаа ран̃н̃о бадин̃н̃аа д̣̇иннаа, на саггаа аг̇анд̇у’’нд̇и махааж̇анасса галунам̣ барид̣̇званд̇ассзва ад̇д̇ано убадтаагз г̇ахзд̇ваа наг̇араа нигкамид̇ваа уд̇д̇арабан̃жааланаг̇арам̣ г̇ад̇о. рааж̇аа д̇ассааг̇аманам̣ суд̇ваа бажжуг̇г̇анд̇ваа маханд̇зна саггаарзна наг̇арам̣ бавзсзд̇ваа маханд̇ам̣ г̇зхам̣ д̣̇ад̇ваа табзд̇ваа батамад̣̇иннз асийд̇иг̇аамз на ан̃н̃ам̣ бхог̇ам̣ ад̣̇ааси. со д̇ам̣ рааж̇аанам̣ убадтааси.

    Pañcālacandī videharaññā piyā ahosi manāpā. Sā dutiye saṃvacchare puttaṃ vijāyi. Tassa dasame saṃvacchare vedeharājā kālamakāsi. Bodhisatto tassa chattaṃ ussāpetvā ‘‘deva, ahaṃ tava ayyakassa cūḷanirañño santikaṃ gamissāmī’’ti āpucchi. Paṇḍita, mā maṃ daharaṃ chaḍḍetvā gamittha, ahaṃ taṃ pituṭṭhāne ṭhapetvā sakkāraṃ karissāmīti. Pañcālacandīpi naṃ ‘‘paṇḍita, tumhākaṃ gatakāle aññaṃ paṭisaraṇaṃ natthi, mā gamitthā’’ti yāci. Sopi ‘‘mayā rañño paṭiññā dinnā, na sakkā agantu’’nti mahājanassa kalunaṃ paridevantasseva attano upaṭṭhāke gahetvā nagarā nikkhamitvā uttarapañcālanagaraṃ gato. Rājā tassāgamanaṃ sutvā paccuggantvā mahantena sakkārena nagaraṃ pavesetvā mahantaṃ gehaṃ datvā ṭhapetvā paṭhamadinne asītigāme na aññaṃ bhogaṃ adāsi. So taṃ rājānaṃ upaṭṭhāsi.

    д̇ад̣̇аа бхзрий наама бариб̣б̣ааж̇игаа рааж̇аг̇зхз бхун̃ж̇ад̇и, саа бан̣д̣ид̇аа б̣яад̇д̇аа. д̇ааяа махаасад̇д̇о на д̣̇идтабуб̣б̣о, ‘‘махосад̇хабан̣д̣ид̇о гира рааж̇аанам̣ убадтаад̇ий’’д̇и сад̣̇д̣̇амзва сун̣аад̇и. д̇знаби саа на д̣̇идтабуб̣б̣аа, ‘‘бхзрий наама бариб̣б̣ааж̇игаа рааж̇аг̇зхз бхун̃ж̇ад̇ий’’д̇и сад̣̇д̣̇амзва сун̣аад̇и. нанд̣̇аад̣̇звий бана ‘‘бияавиббаяог̇ам̣ гад̇ваа амхз гиламаабзсий’’д̇и б̣од̇хисад̇д̇з анад̇д̇аманаа ахоси. саа бан̃жасад̇аа валлабхид̇т̇ияо аан̣аабзси ‘‘махосад̇хасса згам̣ д̣̇осам̣ убад̇хаарзд̇ваа ран̃н̃о анд̇арз барибхинд̣̇ид̇ум̣ вааяамат̇аа’’д̇и. д̇аа д̇асса анд̇арам̣ ологзнд̇ияо вижаранд̇и.

    Tadā bherī nāma paribbājikā rājagehe bhuñjati, sā paṇḍitā byattā. Tāya mahāsatto na diṭṭhapubbo, ‘‘mahosadhapaṇḍito kira rājānaṃ upaṭṭhātī’’ti saddameva suṇāti. Tenapi sā na diṭṭhapubbā, ‘‘bherī nāma paribbājikā rājagehe bhuñjatī’’ti saddameva suṇāti. Nandādevī pana ‘‘piyavippayogaṃ katvā amhe kilamāpesī’’ti bodhisatte anattamanā ahosi. Sā pañcasatā vallabhitthiyo āṇāpesi ‘‘mahosadhassa ekaṃ dosaṃ upadhāretvā rañño antare paribhindituṃ vāyamathā’’ti. Tā tassa antaraṃ olokentiyo vicaranti.

    ат̇згад̣̇ивасам̣ саа бариб̣б̣ааж̇игаа бхун̃ж̇ид̇ваа рааж̇аг̇зхаа нигканд̇ий б̣од̇хисад̇д̇ам̣ рааж̇убадтаанам̣ ааг̇ажчанд̇ам̣ рааж̇ан̇г̇ан̣з басси. со д̇ам̣ ванд̣̇ид̇ваа адтааси. саа ‘‘аяам̣ гира бан̣д̣ид̇о, ж̇ааниссаами д̇аавасса бан̣д̣ид̇абхаавам̣ ваа абан̣д̣ид̇абхаавам̣ ваа’’д̇и хад̇т̇амуд̣̇д̣̇ааяа бан̃хам̣ бужчанд̇ий б̣од̇хисад̇д̇ам̣ ологзд̇ваа хад̇т̇ам̣ басаарзси. саа гира ‘‘гийд̣̇исам̣, бан̣д̣ид̇а, рааж̇аа д̇ам̣ барад̣̇зсад̇о аанзд̇ваа ид̣̇аани бадиж̇аг̇г̇ад̇и, на бадиж̇аг̇г̇ад̇ий’’д̇и манасаава бан̃хам̣ бужчи. б̣од̇хисад̇д̇о ‘‘аяам̣ хад̇т̇амуд̣̇д̣̇ааяа мам̣ бан̃хам̣ бужчад̇ий’’д̇и н̃ад̇ваа бан̃хам̣ виссаж̇ж̇знд̇о хад̇т̇амудтим̣ агааси. со гира ‘‘аяяз, мама бадин̃н̃ам̣ г̇ахзд̇ваа баггосид̇ваа ид̣̇аани рааж̇аа г̇аал̣хамудтива ж̇аад̇о, на мз абуб̣б̣ам̣ гин̃жи д̣̇зд̇ий’’д̇и манасаава бан̃хам̣ виссаж̇ж̇зси. саа д̇ам̣ гааран̣ам̣ н̃ад̇ваа хад̇т̇ам̣ угкибид̇ваа ад̇д̇ано сийсам̣ бараамаси. д̇зна ид̣̇ам̣ д̣̇ассзд̇и ‘‘бан̣д̣ид̇а, сажз гиламаси, маяам̣ вияа гасмаа на баб̣б̣аж̇асий’’д̇и? д̇ам̣ н̃ад̇ваа махаасад̇д̇о ад̇д̇ано гужчим̣ бараамаси. д̇зна ид̣̇ам̣ д̣̇ассзд̇и ‘‘аяяз, мама босид̇аб̣б̣аа буд̇д̇ад̣̇аараа б̣ахуд̇араа, д̇зна на баб̣б̣аж̇аамий’’д̇и. ид̇и саа хад̇т̇амуд̣̇д̣̇ааяа бан̃хам̣ бужчид̇ваа ад̇д̇ано ааваасамзва аг̇амааси. махаасад̇д̇оби д̇ам̣ ванд̣̇ид̇ваа рааж̇убадтаанам̣ г̇ад̇о.

    Athekadivasaṃ sā paribbājikā bhuñjitvā rājagehā nikkhantī bodhisattaṃ rājupaṭṭhānaṃ āgacchantaṃ rājaṅgaṇe passi. So taṃ vanditvā aṭṭhāsi. Sā ‘‘ayaṃ kira paṇḍito, jānissāmi tāvassa paṇḍitabhāvaṃ vā apaṇḍitabhāvaṃ vā’’ti hatthamuddāya pañhaṃ pucchantī bodhisattaṃ oloketvā hatthaṃ pasāresi. Sā kira ‘‘kīdisaṃ, paṇḍita, rājā taṃ paradesato ānetvā idāni paṭijaggati, na paṭijaggatī’’ti manasāva pañhaṃ pucchi. Bodhisatto ‘‘ayaṃ hatthamuddāya maṃ pañhaṃ pucchatī’’ti ñatvā pañhaṃ vissajjento hatthamuṭṭhiṃ akāsi. So kira ‘‘ayye, mama paṭiññaṃ gahetvā pakkositvā idāni rājā gāḷhamuṭṭhiva jāto, na me apubbaṃ kiñci detī’’ti manasāva pañhaṃ vissajjesi. Sā taṃ kāraṇaṃ ñatvā hatthaṃ ukkhipitvā attano sīsaṃ parāmasi. Tena idaṃ dasseti ‘‘paṇḍita, sace kilamasi, mayaṃ viya kasmā na pabbajasī’’ti? Taṃ ñatvā mahāsatto attano kucchiṃ parāmasi. Tena idaṃ dasseti ‘‘ayye, mama positabbā puttadārā bahutarā, tena na pabbajāmī’’ti. Iti sā hatthamuddāya pañhaṃ pucchitvā attano āvāsameva agamāsi. Mahāsattopi taṃ vanditvā rājupaṭṭhānaṃ gato.

    нанд̣̇аад̣̇звияаа баяуд̇д̇аа валлабхид̇т̇ияо сийхабан̃ж̇арз тид̇аа д̇ам̣ гирияам̣ д̣̇исваа жуул̣аниран̃н̃о санд̇игам̣ г̇анд̇ваа ‘‘д̣̇зва, махосад̇хо бхзрибариб̣б̣ааж̇игааяа сад̣̇д̇хим̣ згад̇о худ̇ваа д̇умхаагам̣ раж̇ж̇ам̣ г̇ан̣хид̇угаамо, д̇умхаагам̣ бажжад̇т̇иго ход̇ий’’д̇и барибхинд̣̇им̣су. рааж̇аа ааха – ‘‘гим̣ во д̣̇идтам̣ ваа суд̇ам̣ ваа’’д̇и? махаарааж̇а , бариб̣б̣ааж̇игаа бхун̃ж̇ид̇ваа од̇аранд̇ий махосад̇хам̣ д̣̇исваа рааж̇аанам̣ хад̇т̇ад̇алам̣ вияа каламан̣д̣алам̣ вияа жа самам̣ гад̇ваа ‘‘раж̇ж̇ам̣ ад̇д̇ано хад̇т̇аг̇ад̇ам̣ гаад̇ум̣ саггосий’’д̇и хад̇т̇ам̣ басаарзси. махосад̇хоби каг̇г̇аг̇г̇ахан̣аагаарам̣ д̣̇ассзнд̇о ‘‘гад̇ибаахажжаязна сийсам̣ чинд̣̇ид̇ваа раж̇ж̇ам̣ ад̇д̇ано хад̇т̇аг̇ад̇ам̣ гариссаамий’’д̇и мудтим̣ агааси. саа ‘‘сийсамзва чинд̣̇аахий’’д̇и ад̇д̇ано хад̇т̇ам̣ угкибид̇ваа сийсам̣ бараамаси. махосад̇хо ‘‘маж̇жхзязва нам̣ чинд̣̇иссаамий’’д̇и гужчим̣ бараамаси. аббамад̇д̇аа, махаарааж̇а, хот̇а, махосад̇хам̣ гхаад̇зд̇ум̣ ваддад̇ийд̇и. со д̇аасам̣ гат̇ам̣ суд̇ваа жинд̇зси ‘‘на саггаа бан̣д̣ид̇зна маяи д̣̇уссид̇ум̣, бариб̣б̣ааж̇игам̣ бужчиссаамий’’д̇и.

    Nandādeviyā payuttā vallabhitthiyo sīhapañjare ṭhitā taṃ kiriyaṃ disvā cūḷanirañño santikaṃ gantvā ‘‘deva, mahosadho bheriparibbājikāya saddhiṃ ekato hutvā tumhākaṃ rajjaṃ gaṇhitukāmo, tumhākaṃ paccatthiko hotī’’ti paribhindiṃsu. Rājā āha – ‘‘kiṃ vo diṭṭhaṃ vā sutaṃ vā’’ti? Mahārāja , paribbājikā bhuñjitvā otarantī mahosadhaṃ disvā rājānaṃ hatthatalaṃ viya khalamaṇḍalaṃ viya ca samaṃ katvā ‘‘rajjaṃ attano hatthagataṃ kātuṃ sakkosī’’ti hatthaṃ pasāresi. Mahosadhopi khaggaggahaṇākāraṃ dassento ‘‘katipāhaccayena sīsaṃ chinditvā rajjaṃ attano hatthagataṃ karissāmī’’ti muṭṭhiṃ akāsi. Sā ‘‘sīsameva chindāhī’’ti attano hatthaṃ ukkhipitvā sīsaṃ parāmasi. Mahosadho ‘‘majjheyeva naṃ chindissāmī’’ti kucchiṃ parāmasi. Appamattā, mahārāja, hotha, mahosadhaṃ ghātetuṃ vaṭṭatīti. So tāsaṃ kathaṃ sutvā cintesi ‘‘na sakkā paṇḍitena mayi dussituṃ, paribbājikaṃ pucchissāmī’’ti.

    со бунад̣̇ивасз бариб̣б̣ааж̇игааяа бхуд̇д̇агаалз д̇ам̣ убасан̇гамид̇ваа бужчи ‘‘аяяз, гажжи д̇з махосад̇хабан̣д̣ид̇о д̣̇идто’’д̇и? ‘‘аама, махаарааж̇а, хияяо ид̇о бхун̃ж̇ид̇ваа нигканд̇ияаа д̣̇идто’’д̇и. ‘‘гожи бана во гат̇аасаллаабо ахосий’’д̇и. ‘‘махаарааж̇а, саллаабо над̇т̇и, ‘со бана бан̣д̣ид̇о’д̇и суд̇ваа ‘сажз бан̣д̣ид̇о, ид̣̇ам̣ ж̇ааниссад̇ий’д̇и хад̇т̇амуд̣̇д̣̇ааяа нам̣ бан̃хам̣ бужчанд̇ий ‘‘бан̣д̣ид̇а, гажжи д̇з рааж̇аа басаарид̇ахад̇т̇о, на сан̇гужид̇ахад̇т̇о, гажжи д̇з сан̇г̇ан̣хаад̇ий’’д̇и хад̇т̇ам̣ басаарзсим̣. бан̣д̣ид̇о – ‘‘рааж̇аа мама бадин̃н̃ам̣ г̇ахзд̇ваа баггосид̇ваа ид̣̇аани гин̃жи на д̣̇зд̇ий’’д̇и мудтимагааси. ат̇аахам̣ – ‘‘сажз гиламаси, маяам̣ вияа гасмаа на баб̣б̣аж̇асий’’д̇и сийсам̣ бараамасим̣. со – ‘‘мама босзд̇аб̣б̣аа буд̇д̇ад̣̇аараа б̣ахуд̇араа, д̇зна на баб̣б̣аж̇аамий’’д̇и ад̇д̇ано гужчим̣ бараамасийд̇и. ‘‘бан̣д̣ид̇о, аяяз, махосад̇хо’’д̇и? ‘‘аама, махаарааж̇а, бат̇авид̇алз бан̃н̃ааяа д̇зна сад̣̇исо наама над̇т̇ий’’д̇и. рааж̇аа д̇ассаа гат̇ам̣ суд̇ваа д̇ам̣ ванд̣̇ид̇ваа уяяож̇зси. д̇ассаа г̇ад̇агаалз бан̣д̣ид̇о рааж̇убадтаанам̣ бавидто. ат̇а нам̣ бужчи ‘‘гажжи д̇з, бан̣д̣ид̇а, бхзрий наама бариб̣б̣ааж̇игаа д̣̇идтаа’’д̇и? ‘‘аама, махаарааж̇а, хияяо ид̇о нигканд̇им̣ бассим̣, саа хад̇т̇амуд̣̇д̣̇ааяа звам̣ мам̣ бан̃хам̣ бужчи, ахан̃жассаа д̇ат̇зва виссаж̇ж̇зси’’нд̇и д̇ааяа гат̇ид̇анияаамзнзва гат̇зси. рааж̇аа д̇ам̣ д̣̇ивасам̣ басийд̣̇ид̇ваа бан̣д̣ид̇асса сзнаабад̇идтаанам̣ ад̣̇ааси, саб̣б̣агижжаани д̇амзва бадижчаабзси. д̇асса яасо махаа ахоси.

    So punadivase paribbājikāya bhuttakāle taṃ upasaṅkamitvā pucchi ‘‘ayye, kacci te mahosadhapaṇḍito diṭṭho’’ti? ‘‘Āma, mahārāja, hiyyo ito bhuñjitvā nikkhantiyā diṭṭho’’ti. ‘‘Koci pana vo kathāsallāpo ahosī’’ti. ‘‘Mahārāja, sallāpo natthi, ‘so pana paṇḍito’ti sutvā ‘sace paṇḍito, idaṃ jānissatī’ti hatthamuddāya naṃ pañhaṃ pucchantī ‘‘paṇḍita, kacci te rājā pasāritahattho, na saṅkucitahattho, kacci te saṅgaṇhātī’’ti hatthaṃ pasāresiṃ. Paṇḍito – ‘‘rājā mama paṭiññaṃ gahetvā pakkositvā idāni kiñci na detī’’ti muṭṭhimakāsi. Athāhaṃ – ‘‘sace kilamasi, mayaṃ viya kasmā na pabbajasī’’ti sīsaṃ parāmasiṃ. So – ‘‘mama posetabbā puttadārā bahutarā, tena na pabbajāmī’’ti attano kucchiṃ parāmasīti. ‘‘Paṇḍito, ayye, mahosadho’’ti? ‘‘Āma, mahārāja, pathavitale paññāya tena sadiso nāma natthī’’ti. Rājā tassā kathaṃ sutvā taṃ vanditvā uyyojesi. Tassā gatakāle paṇḍito rājupaṭṭhānaṃ paviṭṭho. Atha naṃ pucchi ‘‘kacci te, paṇḍita, bherī nāma paribbājikā diṭṭhā’’ti? ‘‘Āma, mahārāja, hiyyo ito nikkhantiṃ passiṃ, sā hatthamuddāya evaṃ maṃ pañhaṃ pucchi, ahañcassā tatheva vissajjesi’’nti tāya kathitaniyāmeneva kathesi. Rājā taṃ divasaṃ pasīditvā paṇḍitassa senāpatiṭṭhānaṃ adāsi, sabbakiccāni tameva paṭicchāpesi. Tassa yaso mahā ahosi.

    ран̃н̃о д̣̇иннаяасаананд̇арамзва со жинд̇зси ‘‘ран̃н̃аа згаббахаарзнзва маяхам̣ ад̇имаханд̇ам̣ иссарияам̣ д̣̇иннам̣, рааж̇аано ко бана маарзд̇угаамааби звам̣ гаронд̇иязва, яам̣нуунаахам̣ ‘мама сухад̣̇аяо ваа но ваа’д̇и рааж̇аанам̣ виймам̣сзяяам̣, на ко банан̃н̃о ж̇аанид̇ум̣ сагкиссад̇и, бхзрий бариб̣б̣ааж̇игаа н̃аан̣асамбаннаа, саа згзнубааязна ж̇ааниссад̇ий’’д̇и. со б̣ахууни г̇анд̇хамаалаад̣̇ийни г̇ахзд̇ваа бариб̣б̣ааж̇игааяа ааваасам̣ г̇анд̇ваа д̇ам̣ бууж̇аяид̇ваа ванд̣̇ид̇ваа ‘‘аяяз, д̇умхзхи ран̃н̃о мама г̇ун̣агат̇ааяа гат̇ид̇ад̣̇ивасад̇о бадтааяа рааж̇аа аж̇жход̇т̇арид̇ваа маяхам̣ ад̇имаханд̇ам̣ яасам̣ д̣̇зд̇и, д̇ам̣ ко бана ‘сабхаавзна ваа д̣̇зд̇и, но ваа’д̇и на ж̇аанаами, саад̇ху вад̇асса, сажз згзнубааязна ран̃н̃о маяи синзхабхаавам̣ ж̇аанзяяаат̇аа’’д̇и ааха. саа ‘‘саад̇хуу’’д̇и бадиссун̣ид̇ваа бунад̣̇ивасз рааж̇аг̇зхам̣ г̇ажчамаанаа д̣̇агарагкасабан̃хам̣ наама жинд̇зси. звам̣ гирассаа ахоси ‘‘ахам̣ жарабурисо вияа худ̇ваа убааязна рааж̇аанам̣ бан̃хам̣ бужчид̇ваа ‘бан̣д̣ид̇асса сухад̣̇аяо ваа, но ваа’д̇и ж̇ааниссаамий’’д̇и. саа г̇анд̇ваа гад̇абхад̇д̇агижжаа нисийд̣̇и. рааж̇ааби нам̣ ванд̣̇ид̇ваа згаманд̇ам̣ нисийд̣̇и. д̇ассаа зд̇ад̣̇ахоси ‘‘сажз рааж̇аа бан̣д̣ид̇асса убари д̣̇ухад̣̇аяо бхависсад̇и, бан̃хам̣ будто ад̇д̇ано д̣̇ухад̣̇аяабхаавам̣ махааж̇анамаж̇жхзязва гат̇зссад̇и, д̇ам̣ аяуд̇д̇ам̣, згаманд̇з нам̣ бан̃хам̣ бужчиссаамий’’д̇и. саа ‘‘рахо бажжаасийсаами, махаарааж̇аа’’д̇и ааха. рааж̇аа мануссз бадиггамаабзси. ат̇а нам̣ саа ааха – ‘‘махаарааж̇а, д̇ам̣ бан̃хам̣ бужчаамий’’д̇и. ‘‘бужча, аяяз, ж̇аананд̇о гат̇зссаамий’’д̇и. ат̇а саа д̣̇агарагкасабан̃хз батамам̣ г̇аат̇амааха –

    Rañño dinnayasānantarameva so cintesi ‘‘raññā ekappahāreneva mayhaṃ atimahantaṃ issariyaṃ dinnaṃ, rājāno kho pana māretukāmāpi evaṃ karontiyeva, yaṃnūnāhaṃ ‘mama suhadayo vā no vā’ti rājānaṃ vīmaṃseyyaṃ, na kho panañño jānituṃ sakkhissati, bherī paribbājikā ñāṇasampannā, sā ekenupāyena jānissatī’’ti. So bahūni gandhamālādīni gahetvā paribbājikāya āvāsaṃ gantvā taṃ pūjayitvā vanditvā ‘‘ayye, tumhehi rañño mama guṇakathāya kathitadivasato paṭṭhāya rājā ajjhottharitvā mayhaṃ atimahantaṃ yasaṃ deti, taṃ kho pana ‘sabhāvena vā deti, no vā’ti na jānāmi, sādhu vatassa, sace ekenupāyena rañño mayi sinehabhāvaṃ jāneyyāthā’’ti āha. Sā ‘‘sādhū’’ti paṭissuṇitvā punadivase rājagehaṃ gacchamānā dakarakkhasapañhaṃ nāma cintesi. Evaṃ kirassā ahosi ‘‘ahaṃ carapuriso viya hutvā upāyena rājānaṃ pañhaṃ pucchitvā ‘paṇḍitassa suhadayo vā, no vā’ti jānissāmī’’ti. Sā gantvā katabhattakiccā nisīdi. Rājāpi naṃ vanditvā ekamantaṃ nisīdi. Tassā etadahosi ‘‘sace rājā paṇḍitassa upari duhadayo bhavissati, pañhaṃ puṭṭho attano duhadayabhāvaṃ mahājanamajjheyeva kathessati, taṃ ayuttaṃ, ekamante naṃ pañhaṃ pucchissāmī’’ti. Sā ‘‘raho paccāsīsāmi, mahārājā’’ti āha. Rājā manusse paṭikkamāpesi. Atha naṃ sā āha – ‘‘mahārāja, taṃ pañhaṃ pucchāmī’’ti. ‘‘Puccha, ayye, jānanto kathessāmī’’ti. Atha sā dakarakkhasapañhe paṭhamaṃ gāthamāha –

    ‘‘сажз во вуяхамаанаанам̣, сад̇д̇аннам̣ уд̣̇аган̣н̣авз;

    ‘‘Sace vo vuyhamānānaṃ, sattannaṃ udakaṇṇave;

    мануссаб̣алимзсаано, наавам̣ г̇ан̣хзяяа рагкасо;

    Manussabalimesāno, nāvaṃ gaṇheyya rakkhaso;

    анубуб̣б̣ам̣ гат̇ам̣ д̣̇ад̇ваа, мун̃жзси д̣̇агарагкасаа’’д̇и. (ж̇аа. 1.16.224);

    Anupubbaṃ kathaṃ datvā, muñcesi dakarakkhasā’’ti. (jā. 1.16.224);

    д̇ад̇т̇а сад̇д̇аннанд̇и д̇умхаагам̣ маад̇аа жа нанд̣̇аад̣̇звий жа д̇икин̣аманд̇игумааро жа д̇ханусзкасахааяо жа бурохид̇о жа махосад̇хо жа д̇умхз жаад̇и имзсам̣ сад̇д̇аннам̣. уд̣̇аган̣н̣авзд̇и г̇амбхийравид̇т̇ад̇з уд̣̇агз. мануссаб̣алимзсаанод̇и мануссаб̣алим̣ г̇авзсанд̇о. г̇ан̣хзяяаад̇и т̇аамасамбанно д̣̇агарагкасо уд̣̇агам̣ д̣̇вид̇хаа гад̇ваа нигкамид̇ваа д̇ам̣ наавам̣ г̇ан̣хзяяа, г̇ахзд̇ваа жа бана ‘‘махаарааж̇а, имз ча ж̇анз мама анубадибаадияаа д̣̇зхи, д̇ам̣ виссаж̇ж̇зссаамий’’д̇и вад̣̇зяяа. ат̇а д̇вам̣ анубуб̣б̣ам̣ гат̇ам̣ д̣̇ад̇ваа мун̃жзси д̣̇агарагкасаа, гам̣ батамам̣ д̣̇ад̇ваа…бз… гам̣ чадтам̣ д̣̇ад̇ваа д̣̇агарагкасад̇о мун̃жзяяаасийд̇и?

    Tattha sattannanti tumhākaṃ mātā ca nandādevī ca tikhiṇamantikumāro ca dhanusekhasahāyo ca purohito ca mahosadho ca tumhe cāti imesaṃ sattannaṃ. Udakaṇṇaveti gambhīravitthate udake. Manussabalimesānoti manussabaliṃ gavesanto. Gaṇheyyāti thāmasampanno dakarakkhaso udakaṃ dvidhā katvā nikkhamitvā taṃ nāvaṃ gaṇheyya, gahetvā ca pana ‘‘mahārāja, ime cha jane mama anupaṭipāṭiyā dehi, taṃ vissajjessāmī’’ti vadeyya. Atha tvaṃ anupubbaṃ kathaṃ datvā muñcesi dakarakkhasā, kaṃ paṭhamaṃ datvā…pe… kaṃ chaṭṭhaṃ datvā dakarakkhasato muñceyyāsīti?

    д̇ам̣ суд̇ваа рааж̇аа ад̇д̇ано яат̇ааж̇жхаасаяам̣ гат̇знд̇о имам̣ г̇аат̇амааха –

    Taṃ sutvā rājā attano yathājjhāsayaṃ kathento imaṃ gāthamāha –

    ‘‘маад̇арам̣ батамам̣ д̣̇аж̇ж̇ам̣, бхарияам̣ д̣̇ад̇ваана бхаад̇арам̣;

    ‘‘Mātaraṃ paṭhamaṃ dajjaṃ, bhariyaṃ datvāna bhātaraṃ;

    д̇ад̇о сахааяам̣ д̣̇ад̇ваана, бан̃жамам̣ д̣̇аж̇ж̇ам̣ б̣раахман̣ам̣;

    Tato sahāyaṃ datvāna, pañcamaṃ dajjaṃ brāhmaṇaṃ;

    чадтаахам̣ д̣̇аж̇ж̇амад̇д̇аанам̣, нзва д̣̇аж̇ж̇ам̣ махосад̇ха’’нд̇и. (ж̇аа. 1.16.225);

    Chaṭṭhāhaṃ dajjamattānaṃ, neva dajjaṃ mahosadha’’nti. (jā. 1.16.225);

    д̇ад̇т̇а чадтааханд̇и аяяз, бан̃жамз каад̣̇ид̇з ат̇аахам̣ ‘‘бхо д̣̇агарагкаса, мукам̣ вивараа’’д̇и вад̇ваа д̇зна мукз вивадз д̣̇ал̣хам̣ гажчам̣ б̣анд̇хид̇ваа имам̣ раж̇ж̇асирим̣ аг̇ан̣зд̇ваа ‘‘ид̣̇аани мам̣ каад̣̇аа’’д̇и д̇асса мукз бад̇зяяам̣, на д̇взва ж̇ийвамаано махосад̇хабан̣д̣ид̇ам̣ д̣̇ад̣̇зяяанд̇и, зд̇д̇агзна аяам̣ бан̃хо нидтид̇о.

    Tattha chaṭṭhāhanti ayye, pañcame khādite athāhaṃ ‘‘bho dakarakkhasa, mukhaṃ vivarā’’ti vatvā tena mukhe vivaṭe daḷhaṃ kacchaṃ bandhitvā imaṃ rajjasiriṃ agaṇetvā ‘‘idāni maṃ khādā’’ti tassa mukhe pateyyaṃ, na tveva jīvamāno mahosadhapaṇḍitaṃ dadeyyanti, ettakena ayaṃ pañho niṭṭhito.

    звам̣ н̃аад̇ам̣ бариб̣б̣ааж̇игааяа ран̃н̃о махаасад̇д̇з сухад̣̇аяад̇ам̣, на бана зд̇д̇агзнзва бан̣д̣ид̇асса г̇ун̣о жанд̣̇о вияа баагадо ход̇и. д̇знассаа зд̇ад̣̇ахоси ‘‘ахам̣ махааж̇анамаж̇жхз зд̇зсам̣ г̇ун̣ам̣ гат̇аяиссаами, рааж̇аа д̇зсам̣ аг̇ун̣ам̣ гат̇зд̇ваа бан̣д̣ид̇асса г̇ун̣ам̣ гат̇зссад̇и, звам̣ бан̣д̣ид̇асса г̇ун̣о набхз бун̣н̣ажанд̣̇о вияа баагадо бхависсад̇ий’’д̇и. саа саб̣б̣ам̣ анд̇збураж̇анам̣ саннибаад̇аабзд̇ваа аад̣̇ид̇о бадтааяа буна рааж̇аанам̣ д̇амзва бан̃хам̣ бужчид̇ваа д̇зна д̇ат̇зва вуд̇д̇з ‘‘махаарааж̇а, д̇вам̣ ‘маад̇арам̣ батамам̣ д̣̇ассаамий’д̇и вад̣̇аси, маад̇аа наама махааг̇ун̣аа, д̇уяхан̃жа маад̇аа на ан̃н̃зсам̣ маад̇усад̣̇исаа. б̣ахуубагаараа д̇з зсаа’’д̇и д̇ассаа г̇ун̣ам̣ гат̇знд̇ий г̇аат̇аад̣̇ваяамааха –

    Evaṃ ñātaṃ paribbājikāya rañño mahāsatte suhadayataṃ, na pana ettakeneva paṇḍitassa guṇo cando viya pākaṭo hoti. Tenassā etadahosi ‘‘ahaṃ mahājanamajjhe etesaṃ guṇaṃ kathayissāmi, rājā tesaṃ aguṇaṃ kathetvā paṇḍitassa guṇaṃ kathessati, evaṃ paṇḍitassa guṇo nabhe puṇṇacando viya pākaṭo bhavissatī’’ti. Sā sabbaṃ antepurajanaṃ sannipātāpetvā ādito paṭṭhāya puna rājānaṃ tameva pañhaṃ pucchitvā tena tatheva vutte ‘‘mahārāja, tvaṃ ‘mātaraṃ paṭhamaṃ dassāmī’ti vadasi, mātā nāma mahāguṇā, tuyhañca mātā na aññesaṃ mātusadisā. Bahūpakārā te esā’’ti tassā guṇaṃ kathentī gāthādvayamāha –

    ‘‘босзд̇аа д̇з ж̇анзд̇д̇ий жа, д̣̇ийгхарад̇д̇аанугамбигаа;

    ‘‘Posetā te janettī ca, dīgharattānukampikā;

    чаб̣бхий д̇аяи бад̣̇уссад̇и, бан̣д̣ид̇аа ад̇т̇ад̣̇ассиний;

    Chabbhī tayi padussati, paṇḍitā atthadassinī;

    ан̃н̃ам̣ убанисам̣ гад̇ваа, вад̇хаа д̇ам̣ бариможаяи.

    Aññaṃ upanisaṃ katvā, vadhā taṃ parimocayi.

    ‘‘д̇ам̣ д̇аад̣̇исим̣ баан̣ад̣̇ад̣̇им̣, орасам̣ г̇аб̣бхад̇хаариним̣;

    ‘‘Taṃ tādisiṃ pāṇadadiṃ, orasaṃ gabbhadhāriniṃ;

    маад̇арам̣ гзна д̣̇осзна, д̣̇аж̇ж̇ааси д̣̇агарагкино’’д̇и. (ж̇аа. 1.16.226-227);

    Mātaraṃ kena dosena, dajjāsi dakarakkhino’’ti. (jā. 1.16.226-227);

    д̇ад̇т̇а босзд̇аад̇и д̣̇ахарагаалз д̣̇вз д̇аяо ваарз нхаабзд̇ваа бааязд̇ваа бхож̇зд̇ваа д̇ам̣ босзси. д̣̇ийгхарад̇д̇аанугамбигаад̇и жирагаалам̣ муд̣̇унаа хид̇ажид̇д̇зна анугамбигаа. чамбхий д̇аяи бад̣̇уссад̇ийд̇и яад̣̇аа д̇аяи чамбхий наама б̣раахман̣о бад̣̇усси, д̇ад̣̇аа саа бан̣д̣ид̇аа ад̇т̇ад̣̇ассиний ан̃н̃ам̣ д̇ава бадируубагам̣ гад̇ваа д̇ам̣ вад̇хаа бариможаяи.

    Tattha posetāti daharakāle dve tayo vāre nhāpetvā pāyetvā bhojetvā taṃ posesi. Dīgharattānukampikāti cirakālaṃ mudunā hitacittena anukampikā. Chambhī tayi padussatīti yadā tayi chambhī nāma brāhmaṇo padussi, tadā sā paṇḍitā atthadassinī aññaṃ tava paṭirūpakaṃ katvā taṃ vadhā parimocayi.

    жуул̣анисса гира махаажуул̣аний наама бид̇аа ахоси. саа имасса д̣̇ахарагаалз бурохид̇зна сад̣̇д̇хим̣ мзт̇унам̣ бадисзвид̇ваа рааж̇аанам̣ висзна маараабзд̇ваа б̣раахман̣асса чад̇д̇ам̣ уссаабзд̇ваа д̇асса аг̇г̇амахзсий худ̇ваа згад̣̇ивасам̣ ‘‘амма, чаад̇омхий’’д̇и вуд̇д̇з буд̇д̇асса паан̣ид̇зна сад̣̇д̇хим̣ буувакаж̇ж̇агам̣ д̣̇аабзси. ат̇а нам̣ магкигаа бариваараяим̣су, со ‘‘имам̣ ниммагкигам̣ гад̇ваа каад̣̇иссаамий’’д̇и т̇огам̣ бадиггамид̇ваа бхуумияам̣ паан̣ид̇аб̣инд̣̇ууни баад̇зд̇ваа ад̇д̇ано санд̇игз магкигаа бот̇зд̇ваа балаабзси. д̇аа г̇анд̇ваа ид̇арам̣ паан̣ид̇ам̣ бариваараяим̣су. со ниммагкигам̣ гад̇ваа каж̇ж̇агам̣ каад̣̇ид̇ваа хад̇т̇ам̣ д̇ховид̇ваа мукам̣ вигкаалзд̇ваа баггаами. б̣раахман̣о д̇асса д̇ам̣ гирияам̣ д̣̇исваа жинд̇зси ‘‘аяам̣ д̣̇аараго ид̣̇аанзва ниммагкигам̣ паан̣ид̇ам̣ каад̣̇ад̇и, вуд̣дхиббад̇д̇о мама раж̇ж̇ам̣ на д̣̇ассад̇и, ид̣̇аанзва нам̣ маарзссаамий’’д̇и. со д̣̇звияаа д̇амад̇т̇ам̣ аарожзси.

    Cūḷanissa kira mahācūḷanī nāma pitā ahosi. Sā imassa daharakāle purohitena saddhiṃ methunaṃ paṭisevitvā rājānaṃ visena mārāpetvā brāhmaṇassa chattaṃ ussāpetvā tassa aggamahesī hutvā ekadivasaṃ ‘‘amma, chātomhī’’ti vutte puttassa phāṇitena saddhiṃ pūvakhajjakaṃ dāpesi. Atha naṃ makkhikā parivārayiṃsu, so ‘‘imaṃ nimmakkhikaṃ katvā khādissāmī’’ti thokaṃ paṭikkamitvā bhūmiyaṃ phāṇitabindūni pātetvā attano santike makkhikā pothetvā palāpesi. Tā gantvā itaraṃ phāṇitaṃ parivārayiṃsu. So nimmakkhikaṃ katvā khajjakaṃ khāditvā hatthaṃ dhovitvā mukhaṃ vikkhāletvā pakkāmi. Brāhmaṇo tassa taṃ kiriyaṃ disvā cintesi ‘‘ayaṃ dārako idāneva nimmakkhikaṃ phāṇitaṃ khādati, vuḍḍhippatto mama rajjaṃ na dassati, idāneva naṃ māressāmī’’ti. So deviyā tamatthaṃ ārocesi.

    саа ‘‘саад̇хуу, д̣̇зва, ахам̣ д̇аяи синзхзна ад̇д̇ано саамигамби маарзсим̣, иминаа мз го ад̇т̇о, махаарааж̇а, згамби аж̇аанаабзд̇ваа рахассзна нам̣ маарзссаамий’’д̇и б̣раахман̣ам̣ ван̃жзд̇ваа ‘‘ад̇т̇зсо убааяо’’д̇и бан̣д̣ид̇ам̣ убааяагусалам̣ бхад̇д̇агаарагам̣ баггосаабзд̇ваа ‘‘самма, мама буд̇д̇о жуул̣анигумааро жа д̇ава буд̇д̇о д̇ханусзкагумааро жа згад̣̇ивасам̣ ж̇аад̇аа згад̇о гумаарабарихаарзна вад̣дхид̇аа бияасахааяагаа, чаб̣бхиб̣раахман̣о мама буд̇д̇ам̣ маарзд̇угаамо, д̇вам̣ д̇асса ж̇ийвид̇ад̣̇аанам̣ д̣̇зхий’’д̇и вад̇ваа ‘‘саад̇ху, д̣̇зви, гим̣ гаромий’’д̇и вуд̇д̇з ‘‘мама буд̇д̇о абхин̣хам̣ д̇ава г̇зхз ход̇у, д̇ван̃жа д̇з жа гад̇ибаахам̣ нираасан̇габхаавад̇т̇ааяа махаанасзязва субат̇а. д̇ад̇о нираасан̇габхаавам̣ н̃ад̇ваа д̇умхаагам̣ саяанадтаанз зл̣агадтийни табзд̇ваа мануссаанам̣ саяанавзлааяа махаанасз аг̇г̇им̣ д̣̇ад̇ваа ган̃жи аж̇аанаабзд̇ваа мама буд̇д̇ан̃жа д̇ава буд̇д̇ан̃жа г̇ахзд̇ваа аг̇г̇ад̣̇ваарзнзва нигкамид̇ваа д̇ирорадтам̣ г̇анд̇ваа мама буд̇д̇асса рааж̇абуд̇д̇абхаавам̣ анаажигкид̇ваа ж̇ийвид̇ам̣ анурагкаахий’’д̇и ааха.

    Sā ‘‘sādhū, deva, ahaṃ tayi sinehena attano sāmikampi māresiṃ, iminā me ko attho, mahārāja, ekampi ajānāpetvā rahassena naṃ māressāmī’’ti brāhmaṇaṃ vañcetvā ‘‘attheso upāyo’’ti paṇḍitaṃ upāyakusalaṃ bhattakārakaṃ pakkosāpetvā ‘‘samma, mama putto cūḷanikumāro ca tava putto dhanusekhakumāro ca ekadivasaṃ jātā ekato kumāraparihārena vaḍḍhitā piyasahāyakā, chabbhibrāhmaṇo mama puttaṃ māretukāmo, tvaṃ tassa jīvitadānaṃ dehī’’ti vatvā ‘‘sādhu, devi, kiṃ karomī’’ti vutte ‘‘mama putto abhiṇhaṃ tava gehe hotu, tvañca te ca katipāhaṃ nirāsaṅkabhāvatthāya mahānaseyeva supatha. Tato nirāsaṅkabhāvaṃ ñatvā tumhākaṃ sayanaṭṭhāne eḷakaṭṭhīni ṭhapetvā manussānaṃ sayanavelāya mahānase aggiṃ datvā kañci ajānāpetvā mama puttañca tava puttañca gahetvā aggadvāreneva nikkhamitvā tiroraṭṭhaṃ gantvā mama puttassa rājaputtabhāvaṃ anācikkhitvā jīvitaṃ anurakkhāhī’’ti āha.

    со ‘‘саад̇хуу’’д̇и самбадижчи. ат̇асса саа рад̇анасаарам̣ ад̣̇ааси. со д̇ат̇аа гад̇ваа гумааран̃жа буд̇д̇ан̃жа аад̣̇ааяа мад̣̇д̣̇арадтз сааг̇аланаг̇арам̣ г̇анд̇ваа рааж̇аанам̣ убадтааси. со бораан̣абхад̇д̇агаарагам̣ абанзд̇ваа д̇асса д̇ам̣ таанам̣ ад̣̇ааси. д̣̇взби гумаараа д̇зна сад̣̇д̇хим̣язва рааж̇анивзсанам̣ г̇ажчанд̇и. рааж̇аа ‘‘гассзд̇з буд̇д̇аа гумаараа’’д̇и бужчи. бхад̇д̇агаараго ‘‘маяхам̣ буд̇д̇аа’’д̇и ааха. ‘‘нану д̣̇вз асад̣̇исаа’’д̇и? ‘‘д̣̇виннам̣ ид̇т̇ийнам̣ буд̇д̇аа, д̣̇зваа’’д̇и. д̇з г̇ажчанд̇з гаалз виссаасигаа худ̇ваа мад̣̇д̣̇аран̃н̃о д̇хийд̇ааяа сад̣̇д̇хим̣ рааж̇анивзсанзязва гийл̣анд̇и. ат̇а жуул̣анигумааро жа рааж̇ад̇хийд̇аа жа абхин̣хад̣̇ассанзна ан̃н̃аман̃н̃ам̣ бадиб̣ад̣̇д̇хажид̇д̇аа ахзсум̣. гийл̣анадтаанз гумааро рааж̇ад̇хийд̇арам̣ г̇зн̣д̣угамби баасагамби аахараабзд̇и. анаахаранд̇им̣ сийсз бахарад̇и, саа род̣̇ад̇и. ат̇ассаа сад̣̇д̣̇ам̣ суд̇ваа рааж̇аа ‘‘гзна мз д̇хийд̇аа бахадаа’’д̇и вад̣̇ад̇и. д̇хаад̇ияо ааг̇анд̇ваа бужчанд̇и. гумааригаа ‘‘сажаахам̣ ‘иминаа бахадаамхий’д̇и вагкаами , бид̇аа мз зд̇асса рааж̇ад̣̇ан̣д̣ам̣ гариссад̇ий’’д̇и синзхзна на гат̇зд̇и, ‘‘наахам̣ гзнажи бахадаа’’д̇и вад̣̇ад̇и.

    So ‘‘sādhū’’ti sampaṭicchi. Athassa sā ratanasāraṃ adāsi. So tathā katvā kumārañca puttañca ādāya maddaraṭṭhe sāgalanagaraṃ gantvā rājānaṃ upaṭṭhāsi. So porāṇabhattakārakaṃ apanetvā tassa taṃ ṭhānaṃ adāsi. Dvepi kumārā tena saddhiṃyeva rājanivesanaṃ gacchanti. Rājā ‘‘kassete puttā kumārā’’ti pucchi. Bhattakārako ‘‘mayhaṃ puttā’’ti āha. ‘‘Nanu dve asadisā’’ti? ‘‘Dvinnaṃ itthīnaṃ puttā, devā’’ti. Te gacchante kāle vissāsikā hutvā maddarañño dhītāya saddhiṃ rājanivesaneyeva kīḷanti. Atha cūḷanikumāro ca rājadhītā ca abhiṇhadassanena aññamaññaṃ paṭibaddhacittā ahesuṃ. Kīḷanaṭṭhāne kumāro rājadhītaraṃ geṇḍukampi pāsakampi āharāpeti. Anāharantiṃ sīse paharati, sā rodati. Athassā saddaṃ sutvā rājā ‘‘kena me dhītā pahaṭā’’ti vadati. Dhātiyo āgantvā pucchanti. Kumārikā ‘‘sacāhaṃ ‘iminā pahaṭāmhī’ti vakkhāmi , pitā me etassa rājadaṇḍaṃ karissatī’’ti sinehena na katheti, ‘‘nāhaṃ kenaci pahaṭā’’ti vadati.

    ат̇згад̣̇ивасам̣ мад̣̇д̣̇арааж̇аа нам̣ бахаранд̇ам̣ ад̣̇д̣̇аса. д̣̇исваанасса зд̇ад̣̇ахоси ‘‘аяам̣ гумааро на жа бхад̇д̇агаарагзна сад̣̇исо абхируубо баасаад̣̇иго ад̇ивияа ачамбхид̇о, на иминаа зд̇асса буд̇д̇зна бхавид̇аб̣б̣а’’нд̇и. со д̇ад̇о бадтааяа д̇ам̣ бариг̇г̇ан̣хи. д̇хаад̇ияо гийл̣анадтаанз каад̣̇анийяам̣ аахарид̇ваа рааж̇ад̇хийд̇ааяа д̣̇знд̇и, саа ан̃н̃зсамби д̣̇аарагаанам̣ д̣̇зд̇и. д̇з ж̇ан̣н̣унаа бад̇идтааяа онад̇аа г̇ан̣ханд̇и. жуул̣анигумааро бана тид̇агова д̇ассаа хад̇т̇ад̇о ажчинд̣̇ид̇ваа г̇ан̣хаад̇и. рааж̇ааби д̇ам̣ гирияам̣ ад̣̇д̣̇аса. ат̇згад̣̇ивасам̣ жуул̣анигумаарасса г̇зн̣д̣уго ран̃н̃о жуул̣асаяанасса хздтаа баависи. гумааро д̇ам̣ г̇ан̣ханд̇о ад̇д̇ано иссарамаанзна ‘‘имасса бажжанд̇аран̃н̃о хздтаасаяанз на бависаамий’’д̇и д̇ам̣ д̣̇ан̣д̣агзна нийхарид̇ваа г̇ан̣хи. рааж̇аа д̇амби гирияам̣ д̣̇исваа ‘‘нижчаязнзса на бхад̇д̇агаарагасса буд̇д̇о’’д̇и д̇ам̣ баггосаабзд̇ваа ‘‘гассзсо буд̇д̇о’’д̇и бужчи. ‘‘маяхам̣ буд̇д̇о, д̣̇зваа’’д̇и. ‘‘ахам̣ д̇ава буд̇д̇ан̃жа абуд̇д̇ан̃жа ж̇аанаами, сабхаавам̣ мз гат̇зхи, но жз гат̇зси, ж̇ийвид̇ам̣ д̇з над̇т̇ий’’д̇и каг̇г̇ам̣ уг̇г̇ири. со маран̣абхаяабхийд̇о ‘‘гат̇зми, д̣̇зва, рахо бана бажжаасийсаамий’’д̇и вад̇ваа ран̃н̃аа огаасз гад̇з абхаяам̣ яаажид̇ваа яат̇аабхууд̇ам̣ аарожзси. рааж̇аа д̇ат̇ад̇о н̃ад̇ваа ад̇д̇ано д̇хийд̇арам̣ алан̇гарид̇ваа д̇асса баад̣̇абарижааригам̣ гад̇ваа ад̣̇ааси.

    Athekadivasaṃ maddarājā naṃ paharantaṃ addasa. Disvānassa etadahosi ‘‘ayaṃ kumāro na ca bhattakārakena sadiso abhirūpo pāsādiko ativiya achambhito, na iminā etassa puttena bhavitabba’’nti. So tato paṭṭhāya taṃ pariggaṇhi. Dhātiyo kīḷanaṭṭhāne khādanīyaṃ āharitvā rājadhītāya denti, sā aññesampi dārakānaṃ deti. Te jaṇṇunā patiṭṭhāya onatā gaṇhanti. Cūḷanikumāro pana ṭhitakova tassā hatthato acchinditvā gaṇhāti. Rājāpi taṃ kiriyaṃ addasa. Athekadivasaṃ cūḷanikumārassa geṇḍuko rañño cūḷasayanassa heṭṭhā pāvisi. Kumāro taṃ gaṇhanto attano issaramānena ‘‘imassa paccantarañño heṭṭhāsayane na pavisāmī’’ti taṃ daṇḍakena nīharitvā gaṇhi. Rājā tampi kiriyaṃ disvā ‘‘nicchayenesa na bhattakārakassa putto’’ti taṃ pakkosāpetvā ‘‘kasseso putto’’ti pucchi. ‘‘Mayhaṃ putto, devā’’ti. ‘‘Ahaṃ tava puttañca aputtañca jānāmi, sabhāvaṃ me kathehi, no ce kathesi, jīvitaṃ te natthī’’ti khaggaṃ uggiri. So maraṇabhayabhīto ‘‘kathemi, deva, raho pana paccāsīsāmī’’ti vatvā raññā okāse kate abhayaṃ yācitvā yathābhūtaṃ ārocesi. Rājā tathato ñatvā attano dhītaraṃ alaṅkaritvā tassa pādaparicārikaṃ katvā adāsi.

    имзсам̣ бана балаад̇ад̣̇ивасз ‘‘бхад̇д̇агаараго жа жуул̣анигумааро жа бхад̇д̇агаарагасса буд̇д̇о жа махаанасз бад̣̇ид̇д̇зязва д̣̇ад̣дхаа’’д̇и сагаланаг̇арз згаголаахалам̣ ахоси. жалаагад̣̇звийби д̇ам̣ бавад̇д̇им̣ суд̇ваа б̣раахман̣асса аарожзси ‘‘д̣̇зва, д̇умхаагам̣ манорат̇о мад̇т̇агам̣ бад̇д̇о, д̇з гира д̇аяоби бхад̇д̇аг̇зхзязва д̣̇ад̣дхаа’’д̇и. со д̇удтахадто ахоси. жалаагад̣̇звийби ‘‘жуул̣анигумаарасса адтийний’’д̇и зл̣агасса адтийни аахараабзд̇ваа б̣раахман̣асса д̣̇ассзд̇ваа чад̣д̣аабзси. имамад̇т̇ам̣ санд̇хааяа бариб̣б̣ааж̇игаа ‘‘ан̃н̃ам̣ убанисам̣ гад̇ваа, вад̇хаа д̇ам̣ бариможаяий’’д̇и ааха. саа хи зл̣агасса адтийни ‘‘мануссаадтийний’’д̇и д̣̇ассзд̇ваа д̇ам̣ вад̇хаа можзси. орасанд̇и яааяа д̇вам̣ урз гад̇ваа вад̣дхид̇о, д̇ам̣ орасам̣ бияам̣ манаабам̣. г̇аб̣бхад̇хаарининд̇и яааяа д̇вам̣ гужчинаа д̇хаарид̇о, д̇ам̣ зваруубам̣ маад̇арам̣ гзна д̣̇осзна д̣̇агарагкасасса д̣̇ассасийд̇и.

    Imesaṃ pana palātadivase ‘‘bhattakārako ca cūḷanikumāro ca bhattakārakassa putto ca mahānase paditteyeva daḍḍhā’’ti sakalanagare ekakolāhalaṃ ahosi. Calākadevīpi taṃ pavattiṃ sutvā brāhmaṇassa ārocesi ‘‘deva, tumhākaṃ manoratho matthakaṃ patto, te kira tayopi bhattageheyeva daḍḍhā’’ti. So tuṭṭhahaṭṭho ahosi. Calākadevīpi ‘‘cūḷanikumārassa aṭṭhīnī’’ti eḷakassa aṭṭhīni āharāpetvā brāhmaṇassa dassetvā chaḍḍāpesi. Imamatthaṃ sandhāya paribbājikā ‘‘aññaṃ upanisaṃ katvā, vadhā taṃ parimocayī’’ti āha. Sā hi eḷakassa aṭṭhīni ‘‘manussaaṭṭhīnī’’ti dassetvā taṃ vadhā mocesi. Orasanti yāya tvaṃ ure katvā vaḍḍhito, taṃ orasaṃ piyaṃ manāpaṃ. Gabbhadhārininti yāya tvaṃ kucchinā dhārito, taṃ evarūpaṃ mātaraṃ kena dosena dakarakkhasassa dassasīti.

    д̇ам̣ суд̇ваа рааж̇аа ‘‘аяяз, б̣ахуу мама маад̇у г̇ун̣аа, ахан̃жассаа мама убагаарабхаавам̣ ж̇аанаами, д̇ад̇оби бана мамзва г̇ун̣аа б̣ахуд̇араа’’д̇и маад̇у аг̇ун̣ам̣ гат̇знд̇о имам̣ г̇аат̇аад̣̇ваяамааха –

    Taṃ sutvā rājā ‘‘ayye, bahū mama mātu guṇā, ahañcassā mama upakārabhāvaṃ jānāmi, tatopi pana mameva guṇā bahutarā’’ti mātu aguṇaṃ kathento imaṃ gāthādvayamāha –

    ‘‘д̣̇ахараа вияалан̇гаарам̣, д̇хаарзд̇и абил̣анд̇ханам̣;

    ‘‘Daharā viyalaṅkāraṃ, dhāreti apiḷandhanaṃ;

    д̣̇овааригз анийгадтз, ад̇ивзлам̣ баж̇аг̇гхад̇и.

    Dovārike anīkaṭṭhe, ativelaṃ pajagghati.

    ‘‘ат̇оби бадирааж̇уунам̣, саяам̣ д̣̇ууд̇аани саасад̇и;

    ‘‘Athopi paṭirājūnaṃ, sayaṃ dūtāni sāsati;

    маад̇арам̣ д̇зна д̣̇осзна, д̣̇аж̇ж̇аахам̣ д̣̇агарагкино’’д̇и. (ж̇аа. 1.16.228-229);

    Mātaraṃ tena dosena, dajjāhaṃ dakarakkhino’’ti. (jā. 1.16.228-229);

    д̇ад̇т̇а д̣̇ахараа вияаад̇и махаллигааби худ̇ваа д̇арун̣ий вияа. д̇хаарзд̇и абил̣анд̇хананд̇и бил̣анд̇хид̇ум̣ аяуд̇д̇ам̣ алан̇гаарам̣ д̇хаарзд̇и. саа гира важ̇ирабуурид̇ам̣ ган̃жанамзкалам̣ бил̣анд̇хид̇ваа ран̃н̃о амажжзхи сад̣̇д̇хим̣ махаад̇алз нисиннагаалз абараабарам̣ жан̇гамад̇и, мзкалаасад̣̇д̣̇зна рааж̇анивзсанам̣ зганиннаад̣̇ам̣ ход̇и. баж̇аг̇гхад̇ийд̇и зсаа д̣̇овааригз жа хад̇т̇иаажарияаад̣̇игз анийгадтз жа, яз зд̇иссаа ужчидтагамби бхун̃ж̇ид̇ум̣ аяуд̇д̇аруубаа, д̇зби ааманд̇зд̇ваа д̇зхи сад̣̇д̇хим̣ ад̇ивзлам̣ махаахасид̇ам̣ хасад̇и. бадирааж̇уунанд̇и ан̃н̃зсам̣ рааж̇уунам̣. саяам̣ д̣̇ууд̇аани саасад̇ийд̇и мама важанзна саяам̣ бан̣н̣ам̣ ликид̇ваа д̣̇ууд̇зби бзсзд̇и ‘‘мама маад̇аа гаамз барибхун̃ж̇анаваяасмим̣язва тид̇аа, асугарааж̇аа гира ааг̇анд̇ваа д̇ам̣ аанзд̇уу’’д̇и. д̇з ‘‘маяам̣ ран̃н̃о убадтаагаа, гасмаа но звам̣ вад̣̇зсий’’д̇и бадибан̣н̣аани бзсзнд̇и. д̇зсу барисамаж̇жхз ваажияамаанзсу мама сийсам̣ чинд̣̇анагаало вияа ход̇и, маад̇арам̣ д̇зна д̣̇осзна д̣̇агарагкасасса д̣̇ассаамийд̇и.

    Tattha daharā viyāti mahallikāpi hutvā taruṇī viya. Dhāreti apiḷandhananti piḷandhituṃ ayuttaṃ alaṅkāraṃ dhāreti. Sā kira vajirapūritaṃ kañcanamekhalaṃ piḷandhitvā rañño amaccehi saddhiṃ mahātale nisinnakāle aparāparaṃ caṅkamati, mekhalāsaddena rājanivesanaṃ ekaninnādaṃ hoti. Pajagghatīti esā dovārike ca hatthiācariyādike anīkaṭṭhe ca, ye etissā ucchiṭṭhakampi bhuñjituṃ ayuttarūpā, tepi āmantetvā tehi saddhiṃ ativelaṃ mahāhasitaṃ hasati. Paṭirājūnanti aññesaṃ rājūnaṃ. Sayaṃ dūtāni sāsatīti mama vacanena sayaṃ paṇṇaṃ likhitvā dūtepi peseti ‘‘mama mātā kāme paribhuñjanavayasmiṃyeva ṭhitā, asukarājā kira āgantvā taṃ ānetū’’ti. Te ‘‘mayaṃ rañño upaṭṭhākā, kasmā no evaṃ vadesī’’ti paṭipaṇṇāni pesenti. Tesu parisamajjhe vāciyamānesu mama sīsaṃ chindanakālo viya hoti, mātaraṃ tena dosena dakarakkhasassa dassāmīti.

    ат̇а бариб̣б̣ааж̇игаа ‘‘махаарааж̇а , маад̇арам̣ д̇аава иминаа д̣̇осзна д̣̇зхи, бхарияаа бана д̇з б̣ахуубагаараа’’д̇и д̇ассаа г̇ун̣ам̣ гат̇знд̇ий д̣̇вз г̇аат̇аа абхааси –

    Atha paribbājikā ‘‘mahārāja , mātaraṃ tāva iminā dosena dehi, bhariyā pana te bahūpakārā’’ti tassā guṇaṃ kathentī dve gāthā abhāsi –

    ‘‘ид̇т̇иг̇умб̣асса бавараа, ажжанд̇ам̣ бияабхаан̣иний;

    ‘‘Itthigumbassa pavarā, accantaṃ piyabhāṇinī;

    ануг̇г̇ад̇аа сийлавад̇ий, чааяаава анабааяиний.

    Anuggatā sīlavatī, chāyāva anapāyinī.

    ‘‘аггод̇ханаа бун̃н̃авад̇ий, бан̣д̣ид̇аа ад̇т̇ад̣̇ассиний;

    ‘‘Akkodhanā puññavatī, paṇḍitā atthadassinī;

    уб̣б̣арим̣ гзна д̣̇осзна, аж̇ж̇ааси д̣̇агарагкино’’д̇и. (ж̇аа. 1.16.230-231);

    Ubbariṃ kena dosena, ajjāsi dakarakkhino’’ti. (jā. 1.16.230-231);

    д̇ад̇т̇а ид̇т̇иг̇умб̣ассаад̇и ид̇т̇иг̇ан̣асса. ануг̇г̇ад̇аад̇и д̣̇ахарагаалад̇о бадтааяа ануг̇ад̇аа. ‘‘аггод̇ханаа’’д̇иаад̣̇игзна банассаа г̇ун̣з гат̇зд̇и. мад̣̇д̣̇арадтз сааг̇аланаг̇арз васанагаалз бахадааби д̇ава аан̣аагаран̣абхаязна д̇аяи синзхзна маад̇аабид̇уунам̣ на гат̇зси, звамзсаа аггод̇ханаа бун̃н̃авад̇ий бан̣д̣ид̇аа ад̇т̇ад̣̇ассинийд̇и. ид̣̇ам̣ д̣̇ахарагаалз аггод̇ханаад̣̇ибхаавам̣ санд̇хааяааха. уб̣б̣аринд̇и ород̇хам̣. звам̣ г̇ун̣асамбаннам̣ нанд̣̇аад̣̇звим̣ гзна д̣̇осзна д̣̇агарагкасасса д̣̇ассасийд̇и вад̣̇ад̇и.

    Tattha itthigumbassāti itthigaṇassa. Anuggatāti daharakālato paṭṭhāya anugatā. ‘‘Akkodhanā’’tiādikena panassā guṇe katheti. Maddaraṭṭhe sāgalanagare vasanakāle pahaṭāpi tava āṇākaraṇabhayena tayi sinehena mātāpitūnaṃ na kathesi, evamesā akkodhanā puññavatī paṇḍitā atthadassinīti. Idaṃ daharakāle akkodhanādibhāvaṃ sandhāyāha. Ubbarinti orodhaṃ. Evaṃ guṇasampannaṃ nandādeviṃ kena dosena dakarakkhasassa dassasīti vadati.

    со д̇ассаа аг̇ун̣ам̣ гат̇знд̇о ааха –

    So tassā aguṇaṃ kathento āha –

    ‘‘кид̣д̣аарад̇исамаабаннам̣, анад̇т̇авасамааг̇ад̇ам̣;

    ‘‘Khiḍḍāratisamāpannaṃ, anatthavasamāgataṃ;

    саа мам̣ сагаана буд̇д̇аанам̣, аяаажам̣ яаажад̇з д̇ханам̣.

    Sā maṃ sakāna puttānaṃ, ayācaṃ yācate dhanaṃ.

    ‘‘сохам̣ д̣̇ад̣̇аами саарад̇д̇о, б̣ахум̣ ужжааважам̣ д̇ханам̣;

    ‘‘Sohaṃ dadāmi sāratto, bahuṃ uccāvacaṃ dhanaṃ;

    суд̣̇ужжаж̇ам̣ жаж̇ид̇ваана, бажчаа сожаами д̣̇уммано;

    Suduccajaṃ cajitvāna, pacchā socāmi dummano;

    уб̣б̣арим̣ д̇зна д̣̇осзна, д̣̇аж̇ж̇аахам̣ д̣̇агарагкино’’д̇и. (ж̇аа. 1.16.232-233);

    Ubbariṃ tena dosena, dajjāhaṃ dakarakkhino’’ti. (jā. 1.16.232-233);

    д̇ад̇т̇а анад̇т̇авасамааг̇ад̇анд̇и д̇ааяа кид̣д̣аарад̇ияаа гаамагийл̣ааяа анад̇т̇агаарагаанам̣ гилзсаанам̣ васам̣ ааг̇ад̇ам̣ мам̣ вид̣̇ид̇ваа. саа манд̇и саа нанд̣̇аад̣̇звий мам̣. сагаана буд̇д̇аананд̇и яам̣ маяаа ад̇д̇ано буд̇д̇ад̇хийд̇аанан̃жа бхарияаанан̃жа д̣̇иннам̣ бил̣анд̇ханам̣, д̇ам̣ аяаажид̇аб̣б̣аруубам̣ ‘‘маяхам̣ д̣̇зхий’’д̇и яаажад̇и. бажчаа сожаамийд̇и саа д̣̇уд̇ияад̣̇ивасз ‘‘имаани бил̣анд̇ханаани ран̃н̃аа мз д̣̇иннаани, аахарат̇зд̇ааний’’д̇и д̇зсам̣ род̣̇анд̇аанам̣ омун̃жид̇ваа г̇ан̣хаад̇и. ат̇аахам̣ д̇з род̣̇амаанз мама санд̇игам̣ ааг̇ад̇з д̣̇исваа бажчаа сожаами. звам̣ д̣̇осагааригаа зсаа. иминаа нам̣ д̣̇осзна д̣̇агарагкасасса д̣̇ассаамийд̇и.

    Tattha anatthavasamāgatanti tāya khiḍḍāratiyā kāmakīḷāya anatthakārakānaṃ kilesānaṃ vasaṃ āgataṃ maṃ viditvā. Sā manti sā nandādevī maṃ. Sakāna puttānanti yaṃ mayā attano puttadhītānañca bhariyānañca dinnaṃ piḷandhanaṃ, taṃ ayācitabbarūpaṃ ‘‘mayhaṃ dehī’’ti yācati. Pacchā socāmīti sā dutiyadivase ‘‘imāni piḷandhanāni raññā me dinnāni, āharathetānī’’ti tesaṃ rodantānaṃ omuñcitvā gaṇhāti. Athāhaṃ te rodamāne mama santikaṃ āgate disvā pacchā socāmi. Evaṃ dosakārikā esā. Iminā naṃ dosena dakarakkhasassa dassāmīti.

    ат̇а нам̣ бариб̣б̣ааж̇игаа ‘‘имам̣ д̇аава иминаа д̣̇осзна д̣̇зхи, ганидто бана д̇з д̇икин̣аманд̇игумааро убагаараго, д̇ам̣ гзна д̣̇осзна д̣̇ассад̇ий’’д̇и бужчанд̇ий ааха –

    Atha naṃ paribbājikā ‘‘imaṃ tāva iminā dosena dehi, kaniṭṭho pana te tikhiṇamantikumāro upakārako, taṃ kena dosena dassatī’’ti pucchantī āha –

    ‘‘язножид̇аа ж̇анабад̣̇аа, аанийд̇аа жа бадиг̇г̇ахам̣;

    ‘‘Yenocitā janapadā, ānītā ca paṭiggahaṃ;

    аабхад̇ам̣ барараж̇ж̇збхи, абхидтааяа б̣ахум̣ д̇ханам̣.

    Ābhataṃ pararajjebhi, abhiṭṭhāya bahuṃ dhanaṃ.

    д̇хануг̇г̇ахаанам̣ баварам̣, суурам̣ д̇икин̣аманд̇инам̣;

    Dhanuggahānaṃ pavaraṃ, sūraṃ tikhiṇamantinaṃ;

    бхаад̇арам̣ гзна д̣̇осзна, д̣̇аж̇ж̇ааси д̣̇агарагкино’’д̇и. (ж̇аа. 1.16.234-235);

    Bhātaraṃ kena dosena, dajjāsi dakarakkhino’’ti. (jā. 1.16.234-235);

    д̇ад̇т̇а ожид̇аад̇и вад̣дхид̇аа. бадиг̇г̇аханд̇и язна жа д̇умхз барад̣̇зсз васанд̇аа буна г̇зхам̣ аанийд̇аа. абхидтааяаад̇и абхибхавид̇ваа. д̇икин̣аманд̇инанд̇и д̇икин̣абан̃н̃ам̣.

    Tattha ocitāti vaḍḍhitā. Paṭiggahanti yena ca tumhe paradese vasantā puna gehaṃ ānītā. Abhiṭṭhāyāti abhibhavitvā. Tikhiṇamantinanti tikhiṇapaññaṃ.

    со гира маад̇у б̣раахман̣зна сад̣̇д̇хим̣ васанагаалз ж̇аад̇о. ат̇асса ваяаббад̇д̇асса б̣раахман̣о каг̇г̇ам̣ хад̇т̇з д̣̇ад̇ваа ‘‘имам̣ г̇ахзд̇ваа мам̣ убадтахаа’’д̇и ааха. со б̣раахман̣ам̣ ‘‘бид̇аа мз’’д̇и сан̃н̃ааяа убадтааси. ат̇а нам̣ зго амажжо ‘‘гумаара, на д̇вам̣ зд̇асса буд̇д̇о, д̇ава гужчиг̇ад̇агаалз жалаагад̣̇звий рааж̇аанам̣ маарзд̇ваа зд̇асса чад̇д̇ам̣ уссаабзси, д̇вам̣ махаажуул̣аниран̃н̃о буд̇д̇о’’д̇и ааха. со гуж̇жхид̇ваа ‘‘згзна убааязна нам̣ маарзссаамий’’д̇и рааж̇агулам̣ бависанд̇о д̇ам̣ каг̇г̇ам̣ згасса баад̣̇амуулигасса д̣̇ад̇ваа абарам̣ ‘‘д̇вам̣ рааж̇ад̣̇ваарз ‘мамзсо каг̇г̇о’д̇и иминаа сад̣̇д̇хим̣ виваад̣̇ам̣ гарзяяаасий’’д̇и вад̇ваа баависи. д̇з галахам̣ гарим̣су. со ‘‘гим̣ зса галахо’’д̇и згам̣ бурисам̣ бзсзси. со ааг̇анд̇ваа ‘‘каг̇г̇ад̇т̇ааяаа’’д̇и ааха. б̣раахман̣о д̇ам̣ суд̇ваа ‘‘гим̣ зд̇а’’нд̇и бужчи. со гира д̇умхзхи мама д̣̇иннакаг̇г̇о барасса санд̇агод̇и. ‘‘гим̣ вад̣̇зси, д̇аад̇а, д̇зна хи аахараабзхи, сан̃ж̇ааниссаами на’’нд̇и ааха. со д̇ам̣ аахараабзд̇ваа госад̇о ниггад̣дхид̇ваа ‘‘бассат̇аа’’д̇и д̇ам̣ сан̃жхаанаабзнд̇о вияа убаг̇анд̇ваа згаббахаарзнзва д̇асса сийсам̣ чинд̣̇ид̇ваа ад̇д̇ано баад̣̇амуулз баад̇зси. д̇ад̇о рааж̇аг̇зхам̣ бадиж̇аг̇г̇ид̇ваа наг̇арам̣ алан̇гарид̇ваа д̇асса абхисзгз убанийд̇з маад̇аа жуул̣анигумаарасса мад̣̇д̣̇арадтз васанабхаавам̣ аажигки. д̇ам̣ суд̇ваа гумааро сзнан̇г̇абаривуд̇о д̇ад̇т̇а г̇анд̇ваа бхаад̇арам̣ аанзд̇ваа раж̇ж̇ам̣ бадижчаабзси. д̇ад̇о бадтааяа д̇ам̣ ‘‘д̇икин̣аманд̇ий’’д̇и сан̃ж̇ааним̣су. бариб̣б̣ааж̇игаа д̇ам̣ ‘‘зваруубам̣ бхаад̇арам̣ гзна д̣̇осзна д̣̇агарагкасасса д̣̇аж̇ж̇аасий’’д̇и бужчи.

    So kira mātu brāhmaṇena saddhiṃ vasanakāle jāto. Athassa vayappattassa brāhmaṇo khaggaṃ hatthe datvā ‘‘imaṃ gahetvā maṃ upaṭṭhahā’’ti āha. So brāhmaṇaṃ ‘‘pitā me’’ti saññāya upaṭṭhāsi. Atha naṃ eko amacco ‘‘kumāra, na tvaṃ etassa putto, tava kucchigatakāle calākadevī rājānaṃ māretvā etassa chattaṃ ussāpesi, tvaṃ mahācūḷanirañño putto’’ti āha. So kujjhitvā ‘‘ekena upāyena naṃ māressāmī’’ti rājakulaṃ pavisanto taṃ khaggaṃ ekassa pādamūlikassa datvā aparaṃ ‘‘tvaṃ rājadvāre ‘mameso khaggo’ti iminā saddhiṃ vivādaṃ kareyyāsī’’ti vatvā pāvisi. Te kalahaṃ kariṃsu. So ‘‘kiṃ esa kalaho’’ti ekaṃ purisaṃ pesesi. So āgantvā ‘‘khaggatthāyā’’ti āha. Brāhmaṇo taṃ sutvā ‘‘kiṃ eta’’nti pucchi. So kira tumhehi mama dinnakhaggo parassa santakoti. ‘‘Kiṃ vadesi, tāta, tena hi āharāpehi, sañjānissāmi na’’nti āha. So taṃ āharāpetvā kosato nikkaḍḍhitvā ‘‘passathā’’ti taṃ sañjhānāpento viya upagantvā ekappahāreneva tassa sīsaṃ chinditvā attano pādamūle pātesi. Tato rājagehaṃ paṭijaggitvā nagaraṃ alaṅkaritvā tassa abhiseke upanīte mātā cūḷanikumārassa maddaraṭṭhe vasanabhāvaṃ ācikkhi. Taṃ sutvā kumāro senaṅgaparivuto tattha gantvā bhātaraṃ ānetvā rajjaṃ paṭicchāpesi. Tato paṭṭhāya taṃ ‘‘tikhiṇamantī’’ti sañjāniṃsu. Paribbājikā taṃ ‘‘evarūpaṃ bhātaraṃ kena dosena dakarakkhasassa dajjāsī’’ti pucchi.

    рааж̇аа д̇асса д̣̇осам̣ гат̇знд̇о ааха –

    Rājā tassa dosaṃ kathento āha –

    ‘‘язножид̇аа ж̇анабад̣̇аа, аанийд̇аа жа бадиг̇г̇ахам̣;

    ‘‘Yenocitā janapadā, ānītā ca paṭiggahaṃ;

    аабхад̇ам̣ барараж̇ж̇збхи, абхидтааяа б̣ахум̣ д̇ханам̣.

    Ābhataṃ pararajjebhi, abhiṭṭhāya bahuṃ dhanaṃ.

    ‘‘д̇хануг̇г̇ахаанам̣ баваро, сууро д̇икин̣аманд̇и жа;

    ‘‘Dhanuggahānaṃ pavaro, sūro tikhiṇamanti ca;

    маяааяам̣ сукид̇о рааж̇аа, ад̇иман̃н̃ад̇и д̣̇аараго.

    Mayāyaṃ sukhito rājā, atimaññati dārako.

    ‘‘убадтаанамби мз аяяз, на со зд̇и яат̇аа бурз;

    ‘‘Upaṭṭhānampi me ayye, na so eti yathā pure;

    бхаад̇арам̣ д̇зна д̣̇осзна, д̣̇аж̇ж̇аахам̣ д̣̇агарагкино’’д̇и. (ж̇аа. 1.16.236-238);

    Bhātaraṃ tena dosena, dajjāhaṃ dakarakkhino’’ti. (jā. 1.16.236-238);

    д̇ад̇т̇а барараж̇ж̇збхийд̇и имасса барараж̇ж̇ад̇о жа б̣аху д̇ханам̣ аабхад̇ам̣, аяан̃жа барараж̇ж̇з васанд̇о буна имам̣ г̇зхам̣ аанзд̇ваа ‘‘зса маяаа махад̇и яасз бад̇идтаабид̇о’’д̇и вад̣̇ад̇и. яат̇аа бурзд̇и буб̣б̣з баад̇ова ааг̇ажчад̇и, ид̣̇аани бана на д̇ат̇аа зд̇и. иминаа нам̣ д̣̇осзна д̣̇агарагкасасса д̣̇ассаамийд̇и.

    Tattha pararajjebhīti imassa pararajjato ca bahu dhanaṃ ābhataṃ, ayañca pararajje vasanto puna imaṃ gehaṃ ānetvā ‘‘esa mayā mahati yase patiṭṭhāpito’’ti vadati. Yathā pureti pubbe pātova āgacchati, idāni pana na tathā eti. Iminā naṃ dosena dakarakkhasassa dassāmīti.

    ат̇а бариб̣б̣ааж̇игаа ‘‘бхаад̇у д̇аава го д̣̇осо ход̇у, д̇ханусзкагумааро бана д̇аяи синзхаг̇ун̣аяуд̇д̇о б̣ахуубагааро’’д̇и д̇асса г̇ун̣ам̣ гат̇знд̇ий ааха –

    Atha paribbājikā ‘‘bhātu tāva ko doso hotu, dhanusekhakumāro pana tayi sinehaguṇayutto bahūpakāro’’ti tassa guṇaṃ kathentī āha –

    ‘‘згарад̇д̇зна убхаяо, д̇ван̃жзва д̇ханусзка жа;

    ‘‘Ekarattena ubhayo, tvañceva dhanusekha ca;

    убхо ж̇аад̇зд̇т̇а бан̃жаалаа, сахааяаа сусамааваяаа.

    Ubho jātettha pañcālā, sahāyā susamāvayā.

    ‘‘жарияаа д̇ам̣ ануб̣анд̇хид̇т̇о, згад̣̇угкасуко д̇ава;

    ‘‘Cariyā taṃ anubandhittho, ekadukkhasukho tava;

    уссугго д̇з д̣̇иваарад̇д̇им̣, саб̣б̣агижжзсу б̣яаавадо;

    Ussukko te divārattiṃ, sabbakiccesu byāvaṭo;

    сахааяам̣ гзна д̣̇осзна, д̣̇аж̇ж̇ааси д̣̇агарагкино’’д̇и. (ж̇аа. 1.16.239-240);

    Sahāyaṃ kena dosena, dajjāsi dakarakkhino’’ti. (jā. 1.16.239-240);

    д̇ад̇т̇а д̇ханусзкажаад̇и д̇ханусзко жа, д̇ханусзкагумааро жаад̇и ад̇т̇о. зд̇т̇аад̇и ид̇хзва наг̇арз. бан̃жаалаад̇и уд̇д̇арабан̃жааланаг̇арз ж̇аад̇ад̇д̇аа звам̣вохаараа. сусамааваяаад̇и судту самаваяаа. жарияаа д̇ам̣ ануб̣анд̇хид̇т̇од̇и д̣̇ахарагаалз ж̇анабад̣̇ажааригааяа багганд̇ам̣ д̇ам̣ ануб̣анд̇хи, чааяаава на виж̇ахи. уссуггод̇и д̇ава гижжзсу рад̇т̇инд̣̇ивам̣ уссугго чанд̣̇аж̇аад̇о нижжам̣ б̣яаавадо. д̇ам̣ гзна д̣̇осзна д̣̇агарагкасасса д̣̇ассасийд̇и.

    Tattha dhanusekhacāti dhanusekho ca, dhanusekhakumāro cāti attho. Etthāti idheva nagare. Pañcālāti uttarapañcālanagare jātattā evaṃvohārā. Susamāvayāti suṭṭhu samavayā. Cariyā taṃ anubandhitthoti daharakāle janapadacārikāya pakkantaṃ taṃ anubandhi, chāyāva na vijahi. Ussukkoti tava kiccesu ratthindivaṃ ussukko chandajāto niccaṃ byāvaṭo. Taṃ kena dosena dakarakkhasassa dassasīti.

    ат̇асса рааж̇аа д̣̇осам̣ гат̇знд̇о ааха –

    Athassa rājā dosaṃ kathento āha –

    ‘‘жарияаа мам̣ аяам̣ аяяз, баж̇аг̇гхид̇т̇о маяаа саха;

    ‘‘Cariyā maṃ ayaṃ ayye, pajagghittho mayā saha;

    аж̇ж̇ааби д̇зна ван̣н̣зна, ад̇ивзлам̣ баж̇аг̇гхад̇и.

    Ajjāpi tena vaṇṇena, ativelaṃ pajagghati.

    ‘‘уб̣б̣арияаабихам̣ аяяз, манд̇аяаами рахог̇ад̇о;

    ‘‘Ubbariyāpihaṃ ayye, mantayāmi rahogato;

    анааманд̇о бависад̇и, буб̣б̣з аббадивзд̣̇ид̇о.

    Anāmanto pavisati, pubbe appaṭivedito.

    ‘‘лад̣̇д̇хад̣̇вааро гад̇огаасо, ахиригам̣ анаад̣̇арам̣;

    ‘‘Laddhadvāro katokāso, ahirikaṃ anādaraṃ;

    сахааяам̣ д̇зна д̣̇осзна, д̣̇аж̇ж̇аахам̣ д̣̇агарагкино’’д̇и. (ж̇аа. 1.16.241-243);

    Sahāyaṃ tena dosena, dajjāhaṃ dakarakkhino’’ti. (jā. 1.16.241-243);

    д̇ад̇т̇а аж̇ж̇ааби д̇зна ван̣н̣знаад̇и яат̇аа жарияааяа буб̣б̣з мам̣ ануб̣анд̇ханд̇о маяаа анаат̇зна сад̣̇д̇хим̣ згад̇ова бхун̃ж̇анд̇о саяанд̇о хад̇т̇ам̣ бахарид̇ваа махаахасид̇ам̣ хаси, аж̇ж̇ааби д̇ат̇зва хасад̇и, д̣̇уг̇г̇ад̇агаалз вияа мам̣ ман̃н̃ад̇и. анааманд̇од̇и рахо нанд̣̇аад̣̇звияаа сад̣̇д̇хим̣ манд̇знд̇зби маяи аж̇аанаабзд̇ваа сахасаава бависад̇и. иминаа д̣̇осзна д̇ам̣ ахиригам̣ анаад̣̇арам̣ д̣̇агарагкасасса д̣̇ассаамийд̇и.

    Tattha ajjāpi tena vaṇṇenāti yathā cariyāya pubbe maṃ anubandhanto mayā anāthena saddhiṃ ekatova bhuñjanto sayanto hatthaṃ paharitvā mahāhasitaṃ hasi, ajjāpi tatheva hasati, duggatakāle viya maṃ maññati. Anāmantoti raho nandādeviyā saddhiṃ mantentepi mayi ajānāpetvā sahasāva pavisati. Iminā dosena taṃ ahirikaṃ anādaraṃ dakarakkhasassa dassāmīti.

    ат̇а бариб̣б̣ааж̇игаа ‘‘махаарааж̇а, д̇ава сахааяагасса д̇аава зсо д̣̇осо ход̇у, бурохид̇о бана д̇ава б̣ахуубагааро’’д̇и д̇асса г̇ун̣ам̣ гат̇знд̇ий ааха –

    Atha paribbājikā ‘‘mahārāja, tava sahāyakassa tāva eso doso hotu, purohito pana tava bahūpakāro’’ti tassa guṇaṃ kathentī āha –

    ‘‘гусало саб̣б̣анимид̇д̇аанам̣, руд̇ан̃н̃уу ааг̇ад̇ааг̇амо;

    ‘‘Kusalo sabbanimittānaṃ, rutaññū āgatāgamo;

    уббаад̇з субинз яуд̇д̇о, нияяаанз жа бавзсанз.

    Uppāte supine yutto, niyyāne ca pavesane.

    ‘‘бадто бхууманд̇алигкасмим̣, нагкад̇д̇абад̣̇аговид̣̇о;

    ‘‘Paṭṭho bhūmantalikkhasmiṃ, nakkhattapadakovido;

    б̣раахман̣ам̣ гзна д̣̇осзна, д̣̇аж̇ж̇ааси д̣̇агарагкино’’д̇и. (ж̇аа. 1.16.244-245);

    Brāhmaṇaṃ kena dosena, dajjāsi dakarakkhino’’ti. (jā. 1.16.244-245);

    д̇ад̇т̇а саб̣б̣анимид̇д̇аананд̇и ‘‘иминаа нимид̇д̇зна ид̣̇ам̣ бхависсад̇и, иминаа ид̣̇а’’нд̇и звам̣ саб̣б̣анимид̇д̇зсу гусало. руд̇ан̃н̃ууд̇и саб̣б̣аравам̣ ж̇аанаад̇и. уббаад̇зд̇и жанд̣̇аг̇г̇аахасуурияаг̇г̇аахауггаабаад̇ад̣̇исаад̣аахаад̣̇игз уббаад̇з. субинз яуд̇д̇од̇и субинз жа д̇асса нибпад̇д̇иж̇аананавасзна яуд̇д̇о. нияяаанз жа бавзсанзд̇и иминаа нагкад̇д̇зна нияяааяид̇аб̣б̣ам̣, иминаа бависид̇аб̣б̣анд̇и ж̇аанаад̇и. бадтод̇и чзго бадиб̣ало, бхуумияан̃жа анд̇алигкз жа д̣̇осаг̇ун̣з ж̇аанид̇ум̣ самад̇т̇о. нагкад̇д̇абад̣̇аговид̣̇од̇и адтавийсад̇ияаа нагкад̇д̇агодтаасзсу чзго. д̇ам̣ гзна д̣̇осзна д̣̇агарагкасасса д̣̇ассасийд̇и.

    Tattha sabbanimittānanti ‘‘iminā nimittena idaṃ bhavissati, iminā ida’’nti evaṃ sabbanimittesu kusalo. Rutaññūti sabbaravaṃ jānāti. Uppāteti candaggāhasūriyaggāhaukkāpātadisāḍāhādike uppāte. Supine yuttoti supine ca tassa nipphattijānanavasena yutto. Niyyāne ca pavesaneti iminā nakkhattena niyyāyitabbaṃ, iminā pavisitabbanti jānāti. Paṭṭhoti cheko paṭibalo, bhūmiyañca antalikkhe ca dosaguṇe jānituṃ samattho. Nakkhattapadakovidoti aṭṭhavīsatiyā nakkhattakoṭṭhāsesu cheko. Taṃ kena dosena dakarakkhasassa dassasīti.

    рааж̇аа д̇асса д̣̇осам̣ гат̇знд̇о ааха –

    Rājā tassa dosaṃ kathento āha –

    ‘‘барисааяамби мз аяяз, уммийлзд̇ваа уд̣̇игкад̇и;

    ‘‘Parisāyampi me ayye, ummīletvā udikkhati;

    д̇асмаа ажжабхамум̣ луд̣̇д̣̇ам̣, д̣̇аж̇ж̇аахам̣ д̣̇агарагкино’’д̇и. (ж̇аа. 1.16.246);

    Tasmā accabhamuṃ luddaṃ, dajjāhaṃ dakarakkhino’’ti. (jā. 1.16.246);

    д̇ассад̇т̇о – аяяз, зса мам̣ барисамаж̇жхз ологзнд̇оби агкийни уммийлзд̇ваа гуд̣̇д̇хо вияа уд̣̇игкад̇и, д̇асмаа звам̣ ад̇иггамид̇ваа тид̇абхамум̣ аманаабзна угкид̇д̇абхамугам̣ вияа луд̣̇д̣̇ам̣ бхаяаанагам̣ д̇ам̣ ахам̣ д̣̇агарагкасасса д̣̇ассаамийд̇и.

    Tassattho – ayye, esa maṃ parisamajjhe olokentopi akkhīni ummīletvā kuddho viya udikkhati, tasmā evaṃ atikkamitvā ṭhitabhamuṃ amanāpena ukkhittabhamukaṃ viya luddaṃ bhayānakaṃ taṃ ahaṃ dakarakkhasassa dassāmīti.

    д̇ад̇о бариб̣б̣ааж̇игаа ‘‘махаарааж̇а, д̇вам̣ ‘маад̇арам̣ аад̣̇им̣ гад̇ваа имз бан̃жа д̣̇агарагкасасса д̣̇аммий’д̇и вад̣̇аси, ‘зваруубан̃жа сиривибхавам̣ аг̇ан̣зд̇ваа ад̇д̇ано ж̇ийвид̇амби махосад̇хасса д̣̇аммий’д̇и вад̣̇аси, гам̣ д̇асса г̇ун̣ам̣ бассасий’’д̇и бужчанд̇ий имаа г̇аат̇ааяо ааха –

    Tato paribbājikā ‘‘mahārāja, tvaṃ ‘mātaraṃ ādiṃ katvā ime pañca dakarakkhasassa dammī’ti vadasi, ‘evarūpañca sirivibhavaṃ agaṇetvā attano jīvitampi mahosadhassa dammī’ti vadasi, kaṃ tassa guṇaṃ passasī’’ti pucchantī imā gāthāyo āha –

    ‘‘сасамуд̣̇д̣̇абарияааяам̣, махим̣ сааг̇арагун̣д̣алам̣;

    ‘‘Sasamuddapariyāyaṃ, mahiṃ sāgarakuṇḍalaṃ;

    васунд̇харам̣ аавасад̇и, амажжабариваарид̇о.

    Vasundharaṃ āvasati, amaccaparivārito.

    ‘‘жаад̇уранд̇о махаарадто, виж̇ид̇аавий махаб̣б̣ало;

    ‘‘Cāturanto mahāraṭṭho, vijitāvī mahabbalo;

    бат̇аб̣яаа згарааж̇ааси, яасо д̇з вибулам̣ г̇ад̇о.

    Pathabyā ekarājāsi, yaso te vipulaṃ gato.

    ‘‘сол̣асид̇т̇исахассаани, аамуд̇д̇аман̣игун̣д̣алаа;

    ‘‘Soḷasitthisahassāni, āmuttamaṇikuṇḍalā;

    наанааж̇анабад̣̇аа наарий, д̣̇зваган̃н̃уубамаа субхаа.

    Nānājanapadā nārī, devakaññūpamā subhā.

    ‘‘звам̣ саб̣б̣ан̇г̇асамбаннам̣, саб̣б̣агаамасамид̣̇д̇хинам̣;

    ‘‘Evaṃ sabbaṅgasampannaṃ, sabbakāmasamiddhinaṃ;

    сукид̇аанам̣ бияам̣ д̣̇ийгхам̣, ж̇ийвид̇ам̣ ааху кад̇д̇ияа.

    Sukhitānaṃ piyaṃ dīghaṃ, jīvitaṃ āhu khattiya.

    ‘‘ат̇а д̇вам̣ гзна ван̣н̣зна, гзна ваа бана хзд̇унаа;

    ‘‘Atha tvaṃ kena vaṇṇena, kena vā pana hetunā;

    бан̣д̣ид̇ам̣ анурагканд̇о, баан̣ам̣ жаж̇аси д̣̇ужжаж̇а’’нд̇и. (ж̇аа. 1.16.247-251);

    Paṇḍitaṃ anurakkhanto, pāṇaṃ cajasi duccaja’’nti. (jā. 1.16.247-251);

    д̇ад̇т̇а сасамуд̣̇д̣̇абарияааяанд̇и самуд̣̇д̣̇амарияаад̣̇асан̇каад̇зна самуд̣̇д̣̇абаригкзбзна саманнааг̇ад̇ам̣. сааг̇арагун̣д̣аланд̇и баригкибид̇ваа тид̇асса сааг̇арасса гун̣д̣алабхууд̇ам̣. виж̇ид̇аавийд̇и виж̇ид̇асан̇г̇аамо. згарааж̇аад̇и ан̃н̃асса ад̇д̇ано сад̣̇исасса ран̃н̃о абхаавад̇о згова рааж̇аа. саб̣б̣агаамасамид̣̇д̇хинанд̇и саб̣б̣зсамби вад̇т̇угаамагилзсагаамаанам̣ самид̣̇д̇хияаа саманнааг̇ад̇аанам̣. сукид̇аананд̇и зваруубаанам̣ сукид̇аанам̣ сад̇д̇аанам̣ звам̣ саб̣б̣ан̇г̇асамбаннам̣ ж̇ийвид̇ам̣ д̣̇ийгхамзва бияам̣, на д̇з аббам̣ ж̇ийвид̇амижчанд̇ийд̇и бан̣д̣ид̇аа вад̣̇анд̇и. баан̣анд̇и зваруубам̣ ад̇д̇ано ж̇ийвид̇ам̣ гасмаа бан̣д̣ид̇ам̣ анурагканд̇о жаж̇асийд̇и.

    Tattha sasamuddapariyāyanti samuddamariyādasaṅkhātena samuddaparikkhepena samannāgataṃ. Sāgarakuṇḍalanti parikkhipitvā ṭhitassa sāgarassa kuṇḍalabhūtaṃ. Vijitāvīti vijitasaṅgāmo. Ekarājāti aññassa attano sadisassa rañño abhāvato ekova rājā. Sabbakāmasamiddhinanti sabbesampi vatthukāmakilesakāmānaṃ samiddhiyā samannāgatānaṃ. Sukhitānanti evarūpānaṃ sukhitānaṃ sattānaṃ evaṃ sabbaṅgasampannaṃ jīvitaṃ dīghameva piyaṃ, na te appaṃ jīvitamicchantīti paṇḍitā vadanti. Pāṇanti evarūpaṃ attano jīvitaṃ kasmā paṇḍitaṃ anurakkhanto cajasīti.

    рааж̇аа д̇ассаа гат̇ам̣ суд̇ваа бан̣д̣ид̇асса г̇ун̣ам̣ гат̇знд̇о имаа г̇аат̇аа абхааси –

    Rājā tassā kathaṃ sutvā paṇḍitassa guṇaṃ kathento imā gāthā abhāsi –

    ‘‘яад̇оби ааг̇ад̇о аяяз, мама хад̇т̇ам̣ махосад̇хо;

    ‘‘Yatopi āgato ayye, mama hatthaṃ mahosadho;

    наабхиж̇аанаами д̇хийрасса, ан̣умад̇д̇амби д̣̇уггадам̣.

    Nābhijānāmi dhīrassa, aṇumattampi dukkaṭaṃ.

    ‘‘сажз жа гисмижи гаалз, маран̣ам̣ мз бурз сияаа;

    ‘‘Sace ca kismici kāle, maraṇaṃ me pure siyā;

    со мз буд̇д̇з бабуд̇д̇з жа, сукаабзяяа махосад̇хо.

    So me putte paputte ca, sukhāpeyya mahosadho.

    ‘‘анааг̇ад̇ам̣ бажжуббаннам̣, саб̣б̣амад̇т̇амби бассад̇и;

    ‘‘Anāgataṃ paccuppannaṃ, sabbamatthampi passati;

    анаабараад̇хагамманд̇ам̣, на д̣̇аж̇ж̇ам̣ д̣̇агарагкино’’д̇и. (ж̇аа. 1.16.252-254);

    Anāparādhakammantaṃ, na dajjaṃ dakarakkhino’’ti. (jā. 1.16.252-254);

    д̇ад̇т̇а гисмижийд̇и гисмин̃жи гаалз. сукаабзяяаад̇и сукасмим̣язва бад̇идтаабзяяа. саб̣б̣амад̇т̇анд̇и зса анааг̇ад̇ан̃жа бажжуббаннан̃жа ад̇ийд̇ан̃жа саб̣б̣ам̣ ад̇т̇ам̣ саб̣б̣ан̃н̃уб̣уд̣̇д̇хо вияа бассад̇и. анаабараад̇хагамманд̇анд̇и гааяагаммаад̣̇ийсу абараад̇харахид̇ам̣. на д̣̇аж̇ж̇анд̇и аяяз, звам̣ асамад̇хурам̣ бан̣д̣ид̇ам̣ наахам̣ д̣̇агарагкасасса д̣̇ассаамийд̇и звам̣ со махаасад̇д̇асса г̇ун̣з жанд̣̇аман̣д̣алам̣ уд̣̇д̇харанд̇о вияа угкибид̇ваа гат̇зси.

    Tattha kismicīti kismiñci kāle. Sukhāpeyyāti sukhasmiṃyeva patiṭṭhāpeyya. Sabbamatthanti esa anāgatañca paccuppannañca atītañca sabbaṃ atthaṃ sabbaññubuddho viya passati. Anāparādhakammantanti kāyakammādīsu aparādharahitaṃ. Na dajjanti ayye, evaṃ asamadhuraṃ paṇḍitaṃ nāhaṃ dakarakkhasassa dassāmīti evaṃ so mahāsattassa guṇe candamaṇḍalaṃ uddharanto viya ukkhipitvā kathesi.

    ид̇и имам̣ ж̇аад̇агам̣ яат̇аанусанд̇хиббад̇д̇ам̣. ат̇а бариб̣б̣ааж̇игаа жинд̇зси ‘‘зд̇д̇агзнаби бан̣д̣ид̇асса г̇ун̣аа баагадаа на хонд̇и, сагаланаг̇араваасийнам̣ маж̇жхз сааг̇арабидтз аасид̇д̇ад̇злам̣ виббагиранд̇ий вияа д̇асса г̇ун̣з баагадз гариссаамий’’д̇и рааж̇аанам̣ г̇ахзд̇ваа баасаад̣̇аа оруяха рааж̇ан̇г̇ан̣з аасанам̣ бан̃н̃абзд̇ваа д̇ад̇т̇а нисийд̣̇аабзд̇ваа нааг̇арз саннибаад̇аабзд̇ваа буна рааж̇аанам̣ аад̣̇ид̇о бадтааяа д̣̇агарагкасасса бан̃хам̣ бужчид̇ваа д̇зна хздтаа гат̇ид̇анияаамзнзва гат̇ид̇агаалз нааг̇арз ааманд̇зд̇ваа ааха –

    Iti imaṃ jātakaṃ yathānusandhippattaṃ. Atha paribbājikā cintesi ‘‘ettakenapi paṇḍitassa guṇā pākaṭā na honti, sakalanagaravāsīnaṃ majjhe sāgarapiṭṭhe āsittatelaṃ vippakirantī viya tassa guṇe pākaṭe karissāmī’’ti rājānaṃ gahetvā pāsādā oruyha rājaṅgaṇe āsanaṃ paññapetvā tattha nisīdāpetvā nāgare sannipātāpetvā puna rājānaṃ ādito paṭṭhāya dakarakkhasassa pañhaṃ pucchitvā tena heṭṭhā kathitaniyāmeneva kathitakāle nāgare āmantetvā āha –

    ‘‘ид̣̇ам̣ сун̣аат̇а бан̃жаалаа, жуул̣анзяяасса бхаасид̇ам̣;

    ‘‘Idaṃ suṇātha pañcālā, cūḷaneyyassa bhāsitaṃ;

    бан̣д̣ид̇ам̣ анурагканд̇о, баан̣ам̣ жаж̇ад̇и д̣̇ужжаж̇ам̣.

    Paṇḍitaṃ anurakkhanto, pāṇaṃ cajati duccajaṃ.

    ‘‘маад̇у бхарияааяа бхаад̇ужжа, сакино б̣раахман̣асса жа;

    ‘‘Mātu bhariyāya bhātucca, sakhino brāhmaṇassa ca;

    ад̇д̇ано жааби бан̃жаало, чаннам̣ жаж̇ад̇и ж̇ийвид̇ам̣.

    Attano cāpi pañcālo, channaṃ cajati jīvitaṃ.

    ‘‘звам̣ махад̇т̇игаа бан̃н̃аа, нибун̣аа саад̇хужинд̇иний;

    ‘‘Evaṃ mahatthikā paññā, nipuṇā sādhucintinī;

    д̣̇идтад̇хаммахид̇ад̇т̇ааяа, самбарааяасукааяа жаа’’д̇и. (ж̇аа. 1.16.255-257);

    Diṭṭhadhammahitatthāya, samparāyasukhāya cā’’ti. (jā. 1.16.255-257);

    д̇ад̇т̇а махад̇т̇игаад̇и маханд̇ам̣ ад̇т̇ам̣ г̇ахзд̇ваа тид̇аа. д̣̇идтад̇хаммахид̇ад̇т̇ааяаад̇и имасмим̣язва ад̇д̇абхаавз хид̇ад̇т̇ааяа жа баралогз сукад̇т̇ааяа жа ход̇ийд̇и.

    Tattha mahatthikāti mahantaṃ atthaṃ gahetvā ṭhitā. Diṭṭhadhammahitatthāyāti imasmiṃyeva attabhāve hitatthāya ca paraloke sukhatthāya ca hotīti.

    ид̇и саа рад̇анагхарасса ман̣игканд̇хзна гуудам̣ г̇ан̣ханд̇ий вияа махаасад̇д̇асса г̇ун̣зхи д̣̇зсанаагуудам̣ г̇ан̣хийд̇и.

    Iti sā ratanagharassa maṇikkhandhena kūṭaṃ gaṇhantī viya mahāsattassa guṇehi desanākūṭaṃ gaṇhīti.

    д̣̇агарагкасабан̃хо нидтид̇о.

    Dakarakkhasapañho niṭṭhito.

    сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва д̇ат̇ааг̇ад̇о бан̃н̃аваа, буб̣б̣зби бан̃н̃авааязваа’’д̇и ж̇аад̇агам̣ самод̇хаанзнд̇о осаанаг̇аат̇аа ааха –

    Satthā imaṃ dhammadesanaṃ āharitvā ‘‘na, bhikkhave, idāneva tathāgato paññavā, pubbepi paññavāyevā’’ti jātakaṃ samodhānento osānagāthā āha –

    ‘‘бхзрий уббалаван̣н̣ааси, бид̇аа суд̣̇д̇ход̣̇ано аху;

    ‘‘Bherī uppalavaṇṇāsi, pitā suddhodano ahu;

    маад̇аа ааси махаамааяаа, амараа б̣имб̣асунд̣̇арий.

    Mātā āsi mahāmāyā, amarā bimbasundarī.

    ‘‘суво ахоси аананд̣̇о, саарибуд̇д̇о жа жуул̣аний;

    ‘‘Suvo ahosi ānando, sāriputto ca cūḷanī;

    д̣̇звад̣̇ад̇д̇о жа гзваддо, жалаагаа т̇уллананд̣̇иний.

    Devadatto ca kevaṭṭo, calākā thullanandinī.

    ‘‘бан̃жаалажанд̣̇ий сунд̣̇арий, саал̣игаа маллигаа аху;

    ‘‘Pañcālacandī sundarī, sāḷikā mallikā ahu;

    амб̣адто ааси гааминд̣̇о, бодтабаад̣̇о жа буггусо.

    Ambaṭṭho āsi kāmindo, poṭṭhapādo ca pukkuso.

    ‘‘билод̇иго жа д̣̇звинд̣̇о, сзнаго ааси гассабо;

    ‘‘Pilotiko ca devindo, senako āsi kassapo;

    уд̣̇умб̣араа ман̇г̇алигаа, взд̣̇зхо гаал̣уд̣̇ааяаго;

    Udumbarā maṅgalikā, vedeho kāḷudāyako;

    махосад̇хо логанаат̇о, звам̣ д̇хаарзт̇а ж̇аад̇ага’’нд̇и.

    Mahosadho lokanātho, evaṃ dhāretha jātaka’’nti.

    уман̇г̇аж̇аад̇агаван̣н̣анаа бан̃жамаа.

    Umaṅgajātakavaṇṇanā pañcamā.

    (чадто бхааг̇о нидтид̇о.)

    (Chaṭṭho bhāgo niṭṭhito.)




    Next: [543] 6. бхуурид̣̇ад̇д̇аж̇аад̇агаван̣н̣анаа • [543] 6. Bhūridattajātakavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 542. уман̇г̇аж̇аад̇агам̣ • 542. Umaṅgajātakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact