| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౨. ఊమిభయసుత్తవణ్ణనా
2. Ūmibhayasuttavaṇṇanā
౧౨౨. దుతియే ఉదకోరోహన్తస్సాతి ఉదకం ఓతరన్తస్స. పాటికఙ్ఖితబ్బానీతి ఇచ్ఛితబ్బాని. సుసుకాభయన్తి చణ్డమచ్ఛభయం. ముఖావరణం మఞ్ఞే కరోన్తీతి ముఖపిదహనం వియ కరోన్తి. ఓదరికత్తస్సాతి మహోదరతాయ మహగ్ఘసభావస్స. అరక్ఖితేనేవ కాయేనాతిఆదీసు కాయద్వారే తివిధస్స సంవరస్స అభావతో అరక్ఖితేన కాయేన. వచీద్వారే చతుబ్బిధస్స సంవరస్స అభావతో అరక్ఖితాయ వాచాయ.
122. Dutiye udakorohantassāti udakaṃ otarantassa. Pāṭikaṅkhitabbānīti icchitabbāni. Susukābhayanti caṇḍamacchabhayaṃ. Mukhāvaraṇaṃ maññe karontīti mukhapidahanaṃ viya karonti. Odarikattassāti mahodaratāya mahagghasabhāvassa. Arakkhiteneva kāyenātiādīsu kāyadvāre tividhassa saṃvarassa abhāvato arakkhitena kāyena. Vacīdvāre catubbidhassa saṃvarassa abhāvato arakkhitāya vācāya.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౨. ఊమిభయసుత్తం • 2. Ūmibhayasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౨. ఊమిభయసుత్తవణ్ణనా • 2. Ūmibhayasuttavaṇṇanā
