| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
5. уунавийсад̇ивассасигкаабад̣̇аван̣н̣анаа
5. Ūnavīsativassasikkhāpadavaṇṇanā
402. бан̃жамасигкаабад̣̇з – ан̇г̇улияо д̣̇угкаа бхависсанд̇ийд̇и агкараани ликанд̇асса ан̇г̇улияо д̣̇угкаа бхависсанд̇ийд̇и жинд̇зсум̣. урасса д̣̇угкод̇и г̇ан̣анам̣ сигканд̇зна б̣ахум̣ жинд̇зд̇аб̣б̣ам̣ ход̇и, д̇знасса уро д̣̇угко бхависсад̇ийд̇и ман̃н̃им̣су. агкийни д̣̇угкаа бхависсанд̇ийд̇и руубасуд̇д̇ам̣ сигканд̇зна гахаабан̣аа баривад̇д̇зд̇ваа баривад̇д̇зд̇ваа бассид̇аб̣б̣аа хонд̇и, д̇знасса агкийни д̣̇угкаани бхависсанд̇ийд̇и ман̃н̃им̣су. д̣ам̣саад̣̇ийсу д̣ам̣саад̇и бин̇г̇аламагкигааяо. д̣̇угкаананд̇и д̣̇угкамаанам̣. д̇иб̣б̣аананд̇и б̣ахалаанам̣. караананд̇и д̇икин̣аанам̣. гадугаананд̇и парусаанам̣; аманаабад̇ааяа ваа гадугарасасад̣̇исаанам̣. асаад̇аананд̇и амад̇хураанам̣. баан̣ахараананд̇и ж̇ийвид̇ахараанам̣.
402. Pañcamasikkhāpade – aṅguliyo dukkhā bhavissantīti akkharāni likhantassa aṅguliyo dukkhā bhavissantīti cintesuṃ. Urassa dukkhoti gaṇanaṃ sikkhantena bahuṃ cintetabbaṃ hoti, tenassa uro dukkho bhavissatīti maññiṃsu. Akkhīni dukkhā bhavissantīti rūpasuttaṃ sikkhantena kahāpaṇā parivattetvā parivattetvā passitabbā honti, tenassa akkhīni dukkhāni bhavissantīti maññiṃsu. Ḍaṃsādīsu ḍaṃsāti piṅgalamakkhikāyo. Dukkhānanti dukkhamānaṃ. Tibbānanti bahalānaṃ. Kharānanti tikhiṇānaṃ. Kaṭukānanti pharusānaṃ; amanāpatāya vā kaṭukarasasadisānaṃ. Asātānanti amadhurānaṃ. Pāṇaharānanti jīvitaharānaṃ.
404. сиймам̣ самманнад̇ийд̇и навам̣ сиймам̣ б̣анд̇хад̇и. гурунд̣̇ияам̣ бана уд̣̇агугкзбабарижчинд̣̇анзби д̣̇уггадам̣ вуд̇д̇ам̣. барибун̣н̣авийсад̇ивассод̇и бадисанд̇хиг̇г̇ахан̣ад̇о бадтааяа барибун̣н̣авийсад̇ивассо; г̇аб̣бхавийсоби хи барибун̣н̣авийсад̇ивассод̇взва сан̇кяз г̇ажчад̇и. яат̇ааха –
404.Sīmaṃ sammannatīti navaṃ sīmaṃ bandhati. Kurundiyaṃ pana udakukkhepaparicchindanepi dukkaṭaṃ vuttaṃ. Paripuṇṇavīsativassoti paṭisandhiggahaṇato paṭṭhāya paripuṇṇavīsativasso; gabbhavīsopi hi paripuṇṇavīsativassotveva saṅkhye gacchati. Yathāha –
‘‘д̇зна ко бана самаязна ааяасмаа гумаарагассабо г̇аб̣бхавийсо убасамбанно ход̇и. ат̇а ко ааяасмад̇о гумаарагассабасса зд̇ад̣̇ахоси – ‘бхаг̇авад̇аа бан̃н̃ад̇д̇ам̣, на уунавийсад̇ивассо буг̇г̇ало убасамбаад̣̇зд̇аб̣б̣од̇и. ахан̃жамхи г̇аб̣бхавийсо убасамбанно. убасамбанно нукомхи, нану ко убасамбанно’д̇и. бхаг̇авад̇о зд̇амад̇т̇ам̣ аарожзсум̣. яам̣ бхигкавз маад̇угужчимхи батамам̣ жид̇д̇ам̣ уббаннам̣, батамам̣ вин̃н̃аан̣ам̣ баад̇убхууд̇ам̣ д̇ад̣̇убаад̣̇ааяа саавасса ж̇аад̇и. ануж̇аанаами, бхигкавз, г̇аб̣бхавийсам̣ убасамбаад̣̇зд̇у’’нд̇и (махаава. 124).
‘‘Tena kho pana samayena āyasmā kumārakassapo gabbhavīso upasampanno hoti. Atha kho āyasmato kumārakassapassa etadahosi – ‘bhagavatā paññattaṃ, na ūnavīsativasso puggalo upasampādetabboti. Ahañcamhi gabbhavīso upasampanno. Upasampanno nukhomhi, nanu kho upasampanno’ti. Bhagavato etamatthaṃ ārocesuṃ. Yaṃ bhikkhave mātukucchimhi paṭhamaṃ cittaṃ uppannaṃ, paṭhamaṃ viññāṇaṃ pātubhūtaṃ tadupādāya sāvassa jāti. Anujānāmi, bhikkhave, gabbhavīsaṃ upasampādetu’’nti (mahāva. 124).
д̇ад̇т̇а яо д̣̇ваад̣̇асамаасз маад̇угужчисмим̣ васид̇ваа махаабавааран̣ааяа ж̇аад̇о, со д̇ад̇о бадтааяа яаава згуунавийсад̇имз вассз махаабавааран̣аа, д̇ам̣ ад̇иггамид̇ваа баадибад̣̇з убасамбаад̣̇зд̇аб̣б̣о. зд̇знубааязна хааяанавад̣дханам̣ взд̣̇ид̇аб̣б̣ам̣.
Tattha yo dvādasamāse mātukucchismiṃ vasitvā mahāpavāraṇāya jāto, so tato paṭṭhāya yāva ekūnavīsatime vasse mahāpavāraṇā, taṃ atikkamitvā pāṭipade upasampādetabbo. Etenupāyena hāyanavaḍḍhanaṃ veditabbaṃ.
бораан̣агад̇т̇зраа бана згуунавийсад̇ивассам̣ сааман̣зрам̣ нигкаманийяабун̣н̣амаасим̣ ад̇иггамма баадибад̣̇ад̣̇ивасз убасамбаад̣̇знд̇и, д̇ам̣ гасмаад̇и? вужжад̇з – згасмим̣ вассз ча жаад̇уд̣̇д̣̇асигаубосат̇аа хонд̇и. ид̇и вийсад̇ияаа вассзсу жад̇д̇ааро маасаа барихааяанд̇и. рааж̇аано д̇ад̇ияз д̇ад̇ияз вассз вассам̣ уггад̣дханд̇и. ид̇и адтаарасасу вассзсу ча маасаа вад̣дханд̇и, д̇ад̇о убосат̇авасзна барихийнз жад̇д̇ааро маасз абанзд̇ваа д̣̇вз маасаа авасзсаа хонд̇и, д̇з д̣̇вз маасз г̇ахзд̇ваа вийсад̇ивассаани барибун̣н̣аани хонд̇ийд̇и нигган̇каа худ̇ваа нигкаманийяабун̣н̣амаасим̣ ад̇иггамма баадибад̣̇з убасамбаад̣̇знд̇и. зд̇т̇а бана яо баваарзд̇ваа вийсад̇ивассо бхависсад̇и, д̇ам̣ санд̇хааяа ‘‘згуунавийсад̇ивасса’’нд̇и вуд̇д̇ам̣. д̇асмаа яо маад̇угужчисмим̣ д̣̇ваад̣̇асамаасз васи, со згавийсад̇ивассо ход̇и. яо сад̇д̇амаасз васи, со сад̇д̇амаасаад̇хигавийсад̇ивассо. чамаасаж̇аад̇о бана на ж̇ийвад̇и.
Porāṇakattherā pana ekūnavīsativassaṃ sāmaṇeraṃ nikkhamanīyapuṇṇamāsiṃ atikkamma pāṭipadadivase upasampādenti, taṃ kasmāti? Vuccate – ekasmiṃ vasse cha cātuddasikauposathā honti. Iti vīsatiyā vassesu cattāro māsā parihāyanti. Rājāno tatiye tatiye vasse vassaṃ ukkaḍḍhanti. Iti aṭṭhārasasu vassesu cha māsā vaḍḍhanti, tato uposathavasena parihīne cattāro māse apanetvā dve māsā avasesā honti, te dve māse gahetvā vīsativassāni paripuṇṇāni hontīti nikkaṅkhā hutvā nikkhamanīyapuṇṇamāsiṃ atikkamma pāṭipade upasampādenti. Ettha pana yo pavāretvā vīsativasso bhavissati, taṃ sandhāya ‘‘ekūnavīsativassa’’nti vuttaṃ. Tasmā yo mātukucchismiṃ dvādasamāse vasi, so ekavīsativasso hoti. Yo sattamāse vasi, so sattamāsādhikavīsativasso. Chamāsajāto pana na jīvati.
406. анаабад̇д̇и уунавийсад̇ивассам̣ барибун̣н̣авийсад̇ивассасан̃н̃ийд̇и зд̇т̇а гин̃жааби убасамбаад̣̇знд̇асса анаабад̇д̇и, буг̇г̇ало бана анубасамбаннова ход̇и. сажз бана со д̣̇асавассажжаязна ан̃н̃ам̣ убасамбаад̣̇зд̇и, д̇ан̃жз мун̃жид̇ваа г̇ан̣о буурад̇и, суубасамбанно. соби жа яаава на ж̇аанаад̇и, д̇аавасса нзва саг̇г̇анд̇арааяо на могканд̇арааяо, н̃ад̇ваа бана буна убасамбаж̇ж̇ид̇аб̣б̣ам̣. сзсам̣ уд̇д̇аанамзва.
406.Anāpatti ūnavīsativassaṃ paripuṇṇavīsativassasaññīti ettha kiñcāpi upasampādentassa anāpatti, puggalo pana anupasampannova hoti. Sace pana so dasavassaccayena aññaṃ upasampādeti, tañce muñcitvā gaṇo pūrati, sūpasampanno. Sopi ca yāva na jānāti, tāvassa neva saggantarāyo na mokkhantarāyo, ñatvā pana puna upasampajjitabbaṃ. Sesaṃ uttānameva.
д̇исамудтаанам̣ – гирияам̣, сан̃н̃аавимогкам̣, сажид̇д̇агам̣, бан̣н̣ад̇д̇иваж̇ж̇ам̣, гааяагаммам̣,
Tisamuṭṭhānaṃ – kiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ,
важийгаммам̣, д̇ижид̇д̇ам̣, д̇ивзд̣̇ананд̇и.
Vacīkammaṃ, ticittaṃ, tivedananti.
уунавийсад̇ивассасигкаабад̣̇ам̣ бан̃жамам̣.
Ūnavīsativassasikkhāpadaṃ pañcamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. уунавийсад̇ивассасигкаабад̣̇аван̣н̣анаа • 5. Ūnavīsativassasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. уунавийсад̇ивассасигкаабад̣̇ам̣ • 5. Ūnavīsativassasikkhāpadaṃ
