A World of Knowledge
    Library / Tipiṭaka / తిపిటక • Tipiṭaka / మిలిన్దపఞ్హపాళి • Milindapañhapāḷi

    ౩. ఉన్దూరఙ్గపఞ్హో

    3. Undūraṅgapañho

    . ‘‘భన్తే నాగసేన, ‘ఉన్దూరస్స 1 ఏకం అఙ్గం గహేతబ్బ’న్తి యం వదేసి, కతమం తం ఏకం అఙ్గం గహేతబ్బ’’న్తి? ‘‘యథా, మహారాజ, ఉన్దూరో ఇతోచితో చ విచరన్తో ఆహారూపాసీసకో యేవ చరతి, ఏవమేవ ఖో, మహారాజ , యోగినా యోగావచరేన ఇతోచితో చ విచరన్తేన యోనిసో మనసికారూపాసీసకేనేవ భవితబ్బం. ఇదం, మహారాజ, ఉన్దూరస్స ఏకం అఙ్గం గహేతబ్బం. భాసితమ్పేతం, మహారాజ, థేరేన ఉపసేనేన వఙ్గన్తపుత్తేన –

    3. ‘‘Bhante nāgasena, ‘undūrassa 2 ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, undūro itocito ca vicaranto āhārūpāsīsako yeva carati, evameva kho, mahārāja , yoginā yogāvacarena itocito ca vicarantena yoniso manasikārūpāsīsakeneva bhavitabbaṃ. Idaṃ, mahārāja, undūrassa ekaṃ aṅgaṃ gahetabbaṃ. Bhāsitampetaṃ, mahārāja, therena upasenena vaṅgantaputtena –

    ‘‘‘ధమ్మాసీసం 3 కరిత్వాన, విహరన్తో విపస్సకో;

    ‘‘‘Dhammāsīsaṃ 4 karitvāna, viharanto vipassako;

    అనోలీనో విహరతి, ఉపసన్తో సదా సతో’’’తి.

    Anolīno viharati, upasanto sadā sato’’’ti.

    ఉన్దూరఙ్గపఞ్హో తతియో.

    Undūraṅgapañho tatiyo.







    Footnotes:
    1. ఉన్దురస్స (స్యా॰ క॰)
    2. undurassa (syā. ka.)
    3. ధమ్మసీసం (సీ॰ పీ॰)
    4. dhammasīsaṃ (sī. pī.)

    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact