| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
д̣̇уганид̣̇д̣̇зсо
Dukaniddeso
убаад̣̇аабхааж̇анийяаван̣н̣анаа
Upādābhājanīyavaṇṇanā
596. саманд̇ад̇о саб̣б̣асо д̣̇ассанадтзна жагку саманд̇ажагкууд̇и имамад̇т̇ам̣ д̣̇ассзд̇ум̣ ‘‘саб̣б̣асан̇кад̇аасан̇кад̇ад̣̇ассана’’нд̇и вуд̇д̇ам̣. звамаад̣̇инаад̇и зд̇т̇а аад̣̇и-сад̣̇д̣̇о ‘‘д̣̇угкам̣ барин̃н̃зяяам̣ барин̃н̃аад̇а’’нд̇и д̇ийсуби бад̣̇зсу бажжзгам̣ яож̇зд̇аб̣б̣о. ‘‘ид̣̇ам̣ д̣̇угканд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇ий’’д̇иаад̣̇инаа (махаава. 15; бади. ма. 2.30) хи баал̣и бавад̇д̇аад̇и. аагаарзнаад̇и д̣̇ваад̣̇асавид̇хзна аагаарзна. д̇амби гаамааважарам̣ вибассанаабажжавзгкан̣ан̃аан̣абхаавад̇о. ‘‘н̃аан̣ажагку сахаарияамаг̇г̇ам̣ вибассанаан̃аан̣анд̇иби яуж̇ж̇ад̇ий’’д̇и вад̣̇анд̇и. аг̇г̇амаг̇г̇зна бана саха вибассанаа бажжавзгкан̣ан̃аан̣анд̇и яуд̇д̇ам̣ вияа д̣̇иссад̇и.
596. Samantato sabbaso dassanaṭṭhena cakkhu samantacakkhūti imamatthaṃ dassetuṃ ‘‘sabbasaṅkhatāsaṅkhatadassana’’nti vuttaṃ. Evamādināti ettha ādi-saddo ‘‘dukkhaṃ pariññeyyaṃ pariññāta’’nti tīsupi padesu paccekaṃ yojetabbo. ‘‘Idaṃ dukkhanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādī’’tiādinā (mahāva. 15; paṭi. ma. 2.30) hi pāḷi pavattāti. Ākārenāti dvādasavidhena ākārena. Tampi kāmāvacaraṃ vipassanāpaccavekkhaṇañāṇabhāvato. ‘‘Ñāṇacakkhu sahaariyamaggaṃ vipassanāñāṇantipi yujjatī’’ti vadanti. Aggamaggena pana saha vipassanā paccavekkhaṇañāṇanti yuttaṃ viya dissati.
яат̇аавуд̇д̇з мам̣сабин̣д̣з сасамбхаарз жагкувохааро санд̇аанавасзна бавад̇д̇амаанз жад̇усамудтаанигаруубад̇хаммз убаад̣̇ааяа бавад̇д̇од̇и ‘‘жад̇у…бз… самбхаараа’’д̇и вуд̇д̇ам̣. сан̣таананд̇и ван̣н̣ааяад̇анамзваад̇и д̇зна д̇зна аагаарзна саннивидтзсу махаабхууд̇зсу д̇ам̣д̇ам̣сан̣таанавасзна ван̣н̣ааяад̇анасса вин̃н̃ааяамаанад̇д̇аа вуд̇д̇ам̣, на ван̣н̣ааяад̇анассзва сан̣таанабан̃н̃ад̇д̇ияаа убаад̣̇аанад̇д̇аа. д̇ат̇аа хи анд̇хагаарз пусид̇вааби сан̣таанам̣ вин̃н̃ааяад̇ийд̇и. д̇ат̇аа жа вагкад̇и ‘‘д̣̇ийгхаад̣̇ийни пусид̇вааби саггаа ж̇аанид̇у’’нд̇и, (д̇ха. са. адда. 616) ‘‘д̣̇ийгхаад̣̇исаннивзсам̣ бхууд̇асамуд̣̇ааяам̣ ниссааяаа’’д̇и (д̇ха. са. мууладий. 616) жа. д̇зсам̣ самбхавасан̣таанаанам̣ аабод̇хаад̇уван̣н̣ааяад̇анзхи анад̇т̇анд̇арабхаавзби д̇зхи висум̣ важанам̣ д̇ат̇аабхууд̇аанам̣ самбхавабхууд̇аанам̣ сан̣таанабхууд̇аанан̃жа. зд̇зна аабод̇хаад̇уван̣н̣ааяад̇анаанам̣ васзна вад̇д̇амаанаавад̇т̇аависзсо самбхаво сан̣таанан̃жаад̇и аяамад̇т̇о д̣̇ассид̇о ход̇и. д̇ад̇т̇а самбхаво жад̇усамудтааниго сол̣асавассагаалз уббаж̇ж̇ад̇и. д̇асса рааг̇авасзна таанаа важанам̣ ход̇ийд̇и вад̣̇анд̇и. ад̇ат̇аабхууд̇аанам̣ д̇ад̇о ан̃н̃ат̇аабхууд̇аанам̣. яат̇аавуд̇д̇з самбхааравад̇т̇усан̇каад̇з. виж̇ж̇амаанад̇д̇аад̇и бхияяовуд̇д̇ивасзна вуд̇д̇ам̣. д̇ат̇аа хи кийн̣аасаваанам̣ б̣рахмаанан̃жа самбхаво над̇т̇ийд̇и. аабод̇хаад̇увисзсад̇д̇аа самбхаво аабод̇хаад̇усамб̣анд̇хий аабод̇хаад̇уд̇анниссаяаниссид̇оби ход̇ийд̇и д̇асса жад̇уд̇хаад̇униссид̇ад̇ааяа авирод̇хо вуд̇д̇о.
Yathāvutte maṃsapiṇḍe sasambhāre cakkhuvohāro santānavasena pavattamāne catusamuṭṭhānikarūpadhamme upādāya pavattoti ‘‘catu…pe… sambhārā’’ti vuttaṃ. Saṇṭhānanti vaṇṇāyatanamevāti tena tena ākārena sanniviṭṭhesu mahābhūtesu taṃtaṃsaṇṭhānavasena vaṇṇāyatanassa viññāyamānattā vuttaṃ, na vaṇṇāyatanasseva saṇṭhānapaññattiyā upādānattā. Tathā hi andhakāre phusitvāpi saṇṭhānaṃ viññāyatīti. Tathā ca vakkhati ‘‘dīghādīni phusitvāpi sakkā jānitu’’nti, (dha. sa. aṭṭa. 616) ‘‘dīghādisannivesaṃ bhūtasamudāyaṃ nissāyā’’ti (dha. sa. mūlaṭī. 616) ca. Tesaṃ sambhavasaṇṭhānānaṃ āpodhātuvaṇṇāyatanehi anatthantarabhāvepi tehi visuṃ vacanaṃ tathābhūtānaṃ sambhavabhūtānaṃ saṇṭhānabhūtānañca. Etena āpodhātuvaṇṇāyatanānaṃ vasena vattamānaavatthāviseso sambhavo saṇṭhānañcāti ayamattho dassito hoti. Tattha sambhavo catusamuṭṭhāniko soḷasavassakāle uppajjati. Tassa rāgavasena ṭhānā vacanaṃ hotīti vadanti. Atathābhūtānaṃ tato aññathābhūtānaṃ. Yathāvutte sambhāravatthusaṅkhāte. Vijjamānattāti bhiyyovuttivasena vuttaṃ. Tathā hi khīṇāsavānaṃ brahmānañca sambhavo natthīti. Āpodhātuvisesattā sambhavo āpodhātusambandhī āpodhātutannissayanissitopi hotīti tassa catudhātunissitatāya avirodho vutto.
уд̇ужид̇д̇аахаарзхи убад̇т̇амбхияамаананд̇и зд̇т̇а ‘‘галаабанд̇араг̇ад̇аа уд̇уаахаараа ад̇хиббзд̇аа’’д̇и вад̣̇анд̇и. анзгагалаабаг̇ад̇абхаавам̣ жагкусса д̣̇ассзд̇и яад̇о убад̣̇д̣̇уд̇абадалз нираагаран̣зби жагку виж̇ж̇ад̇ийд̇и . бадигхадданам̣ висаяаабхимукабхааво нигхам̣сабажжаяад̇д̇аа. нигхам̣со ниссаяабхааваабад̇д̇и. яад̇о жагкаад̣̇иниссид̇аа сан̃н̃аа ‘‘бадигхасан̃н̃аа’’д̇и вужжад̇и.
Utucittāhārehi upatthambhiyamānanti ettha ‘‘kalāpantaragatā utuāhārā adhippetā’’ti vadanti. Anekakalāpagatabhāvaṃ cakkhussa dasseti yato upaddutapaṭale nirākaraṇepi cakkhu vijjatīti . Paṭighaṭṭanaṃ visayābhimukhabhāvo nighaṃsapaccayattā. Nighaṃso nissayabhāvāpatti. Yato cakkhādinissitā saññā ‘‘paṭighasaññā’’ti vuccati.
анзгад̇д̇аад̇и ид̣̇ам̣ аважанасса гааран̣ам̣, на хзд̇угирияааяа вин̃н̃ааяамаанабхаавасса. со бана абзгкаасид̣̇д̇хид̇о зва взд̣̇ид̇аб̣б̣о. хзд̇угирияаабзгкаа хи палагирияаад̇и. жагкум̣ сан̇г̇ан̣хаад̇ийд̇и жагкувин̃н̃аан̣асса ниссаяабхааваанубаг̇аманзби д̇ам̣сабхааваанад̇ивад̇д̇анад̇о д̇ассаа саман̃н̃ааяа д̇ад̇т̇а нирул̣хабхаавам̣ д̣̇ассзд̇и. д̣̇ассанабарин̣ааяагадто жагкусса инд̣̇адтоязваад̇и ‘‘яат̇аа хи иссаро’’д̇иаад̣̇инаа иссаробамаа вуд̇д̇аа. жагкувин̃н̃аан̣ам̣ д̣̇ассанагижжз барин̣ааяанд̇ам̣ жагку д̇ам̣сахаж̇аад̇з жагкусампассаад̣̇аяоби д̇ад̇т̇а барин̣ааяад̇ийд̇и вужжад̇ийд̇и ‘‘д̇з д̇хаммз…бз… барин̣ааяад̇ий’’д̇и вуд̇д̇ам̣, на бана жагкусампассаад̣̇ийнам̣ д̣̇ассанагижжад̇д̇аа. ат̇а ваа жагкусампассаад̣̇ийнам̣ инд̣̇рияабажжаяабхаавзна убагаарагам̣ жагкувин̃н̃аан̣ам̣ д̣̇ассанагижжз барин̣ааяанд̇ам̣ жагку д̇ад̇т̇а жагкусампассаад̣̇аяоби д̇ад̣̇анувад̇д̇агз барин̣ааяад̇ийд̇и ад̇т̇ааяам̣ барияааяод̇и д̣̇ассзнд̇о ааха ‘‘д̇з д̇хаммз…бз… н̣ааяад̇ий’’д̇и. анзгад̇т̇ад̇д̇аа д̇хаад̇уунам̣ жагкад̇ийд̇и имасса ‘‘барин̣ааяад̇и багаасзд̇ий’’д̇и жа ад̇т̇аа вуд̇д̇аа. сан̣таанамби руубааяад̇анамзваад̇и ‘‘самависамаани руубаани жагкад̇ийд̇и жагкуу’’д̇и вуд̇д̇ам̣. д̇ам̣д̣̇вааригаанам̣ пассаад̣̇ийнам̣ убаниссаяабажжаяабхааво зва вал̣ан̃ж̇анад̇т̇о.
Anekattāti idaṃ avacanassa kāraṇaṃ, na hetukiriyāya viññāyamānabhāvassa. So pana apekkhāsiddhito eva veditabbo. Hetukiriyāpekkhā hi phalakiriyāti. Cakkhuṃ saṅgaṇhātīti cakkhuviññāṇassa nissayabhāvānupagamanepi taṃsabhāvānativattanato tassā samaññāya tattha niruḷhabhāvaṃ dasseti. Dassanapariṇāyakaṭṭho cakkhussa indaṭṭhoyevāti ‘‘yathā hi issaro’’tiādinā issaropamā vuttā. Cakkhuviññāṇaṃ dassanakicce pariṇāyantaṃ cakkhu taṃsahajāte cakkhusamphassādayopi tattha pariṇāyatīti vuccatīti ‘‘te dhamme…pe… pariṇāyatī’’ti vuttaṃ, na pana cakkhusamphassādīnaṃ dassanakiccattā. Atha vā cakkhusamphassādīnaṃ indriyapaccayabhāvena upakārakaṃ cakkhuviññāṇaṃ dassanakicce pariṇāyantaṃ cakkhu tattha cakkhusamphassādayopi tadanuvattake pariṇāyatīti atthāyaṃ pariyāyoti dassento āha ‘‘te dhamme…pe… ṇāyatī’’ti. Anekatthattā dhātūnaṃ cakkhatīti imassa ‘‘pariṇāyati pakāsetī’’ti ca atthā vuttā. Saṇṭhānampi rūpāyatanamevāti ‘‘samavisamāni rūpāni cakkhatīti cakkhū’’ti vuttaṃ. Taṃdvārikānaṃ phassādīnaṃ upanissayapaccayabhāvo eva vaḷañjanattho.
599. д̇ам̣д̣̇вааригаа…бз… уббад̇д̇и вуд̇д̇аад̇и жагкувин̃н̃аан̣з уббаннз самбадижчанаад̣̇ийни б̣алаваарамман̣з ж̇аванам̣ зганд̇зна уббаж̇ж̇ад̇ийд̇и гад̇ваа вуд̇д̇ам̣. д̇ат̇аа жзва хи анд̇араа жагкувин̃н̃аан̣з ваа самбадижчанз ваа санд̇ийран̣з ваа тад̇ваа нивад̇д̇иссад̇ийд̇и нзд̇ам̣ таанам̣ виж̇ж̇ад̇ийд̇и нижчид̇ам̣. д̇зна бажжаязнаад̇и д̇ам̣багаарзна бажжаязна. д̇ам̣сад̣̇исаананд̇и г̇арум̣ гад̇ваа ассаад̣̇анаад̣̇иббавад̇д̇ивисзсарахид̇ад̇ааяа д̣̇ассанасад̣̇исаанам̣ манод̇хаад̇усанд̇ийран̣аводтаб̣б̣анаанам̣. бан̃жад̣̇вааригаж̇аванаанам̣ ассаад̣̇анаад̣̇ид̇о ан̃н̃ат̇аа г̇арум̣ гад̇ваа бавад̇д̇и над̇т̇и руубад̇хаммависаяад̇д̇аад̇и ‘‘ассаад̣̇анаабхинанд̣̇анабхууд̇ааний’’д̇и зд̇д̇агамзва вуд̇д̇ам̣. манод̣̇вааригаж̇аванабидтиваддагаанамби хи бан̃жад̣̇вааригаж̇аванаанам̣ ассаад̣̇анаабхинанд̣̇анабхаавзна руубам̣ г̇арум̣ гад̇ваа бавад̇д̇и над̇т̇ийд̇и на саггаа вад̇д̇унд̇и. руубам̣ аарамман̣аад̇хибад̇и агусалассзва ход̇и. д̇ат̇аа хи бадтаанз ‘‘аб̣яаагад̇о д̇хаммо агусаласса д̇хаммасса ад̇хибад̇ибажжаязна бажжаяо. аарамман̣аад̇хибад̇и жагкум̣ г̇арум̣ гад̇ваа ассаад̣̇зд̇и абхинанд̣̇ад̇ий’’д̇иаад̣̇инаа (бадтаа. 1.1.416) руубад̇хаммоби аарамман̣аад̇хибад̇и вибхад̇д̇о. ‘‘аб̣яаагад̇о д̇хаммо аб̣яаагад̇асса д̇хаммасса аб̣яаагад̇о д̇хаммо гусалассаа’’д̇и зд̇т̇а бана паланиб̣б̣аанаанзва аарамман̣аад̇хибад̇ибхаавзна вибхад̇д̇аанийд̇и. г̇ан̣анааяа жа ‘‘аарамман̣ааарамман̣аад̇хибад̇иубаниссаяабурзж̇аад̇аад̇т̇иавиг̇ад̇анд̇и зга’’нд̇и (бадтаа. 1.1.445) вуд̇д̇ам̣. яад̣̇и гусалассаби сияаа, д̣̇взд̇и вад̇д̇аб̣б̣ам̣ сияаад̇и. д̇аанийд̇и яат̇аавуд̇д̇аж̇аванаани бадинид̣̇д̣̇идтаани. д̇ам̣самбаяуд̇д̇аани жаад̇и ж̇аванасамбаяуд̇д̇аани. ан̃н̃аани жагкусампассаад̣̇ийни. яад̣̇и руубасса аарамман̣абажжаяабхаавамад̇д̇ам̣ ад̇хиббзд̇ам̣, ‘‘д̇ам̣ руубаарамман̣зд̇и зд̇знзва сиж̇жхзяяаа’’д̇и зд̇д̇агамзва вад̣̇зяяа. яасмаа бана руубам̣ д̇ам̣д̣̇вааригаж̇аванаанам̣ бажжаяависзсоби ход̇и, д̇асмаа д̇асса висзсасса д̣̇ийбанад̇т̇ам̣ ‘‘аараб̣бхаа’’д̇и важанам̣ вуд̇д̇ам̣ сияаад̇и ааха ‘‘аарамман̣абажжаяад̇о ан̃н̃абажжаяабхаавассаби д̣̇ийбага’’нд̇и.
599. Taṃdvārikā…pe… uppatti vuttāti cakkhuviññāṇe uppanne sampaṭicchanādīni balavārammaṇe javanaṃ ekantena uppajjatīti katvā vuttaṃ. Tathā ceva hi antarā cakkhuviññāṇe vā sampaṭicchane vā santīraṇe vā ṭhatvā nivattissatīti netaṃ ṭhānaṃ vijjatīti nicchitaṃ. Tena paccayenāti taṃpakārena paccayena. Taṃsadisānanti garuṃ katvā assādanādippavattivisesarahitatāya dassanasadisānaṃ manodhātusantīraṇavoṭṭhabbanānaṃ. Pañcadvārikajavanānaṃ assādanādito aññathā garuṃ katvā pavatti natthi rūpadhammavisayattāti ‘‘assādanābhinandanabhūtānī’’ti ettakameva vuttaṃ. Manodvārikajavanapiṭṭhivaṭṭakānampi hi pañcadvārikajavanānaṃ assādanābhinandanabhāvena rūpaṃ garuṃ katvā pavatti natthīti na sakkā vattunti. Rūpaṃ ārammaṇādhipati akusalasseva hoti. Tathā hi paṭṭhāne ‘‘abyākato dhammo akusalassa dhammassa adhipatipaccayena paccayo. Ārammaṇādhipati cakkhuṃ garuṃ katvā assādeti abhinandatī’’tiādinā (paṭṭhā. 1.1.416) rūpadhammopi ārammaṇādhipati vibhatto. ‘‘Abyākato dhammo abyākatassa dhammassa abyākato dhammo kusalassā’’ti ettha pana phalanibbānāneva ārammaṇādhipatibhāvena vibhattānīti. Gaṇanāya ca ‘‘ārammaṇaārammaṇādhipatiupanissayapurejātaatthiavigatanti eka’’nti (paṭṭhā. 1.1.445) vuttaṃ. Yadi kusalassapi siyā, dveti vattabbaṃ siyāti. Tānīti yathāvuttajavanāni paṭiniddiṭṭhāni. Taṃsampayuttāni cāti javanasampayuttāni. Aññāni cakkhusamphassādīni. Yadi rūpassa ārammaṇapaccayabhāvamattaṃ adhippetaṃ, ‘‘taṃ rūpārammaṇeti eteneva sijjheyyā’’ti ettakameva vadeyya. Yasmā pana rūpaṃ taṃdvārikajavanānaṃ paccayavisesopi hoti, tasmā tassa visesassa dīpanatthaṃ ‘‘ārabbhā’’ti vacanaṃ vuttaṃ siyāti āha ‘‘ārammaṇapaccayato aññapaccayabhāvassapi dīpaka’’nti.
600. сод̇авин̃н̃аан̣аббавад̇д̇ияам̣ саванагирияаавохаарод̇и сод̇асса саванагирияааяа гад̇д̇убхааво сод̇авин̃н̃аан̣асса бажжаяабхаавзнаад̇и вуд̇д̇ам̣ ‘‘сод̇авин̃н̃аан̣асса ниссаяабхаавзна сун̣аад̇ий’’д̇и. ж̇ийвид̇анимид̇д̇амаахаарарасо ж̇ийвид̇ам̣, д̇асмим̣ ниннад̇ааяа д̇ам̣ авхааяад̇ийд̇и ж̇ивхаад̇и звам̣ сид̣̇д̇хзна ж̇ивхаа-сад̣̇д̣̇зна багаасияамаанаа расаавхааяанасан̇каад̇аа сааяанагирияаа лаб̣бхад̇ийд̇и гад̇ваа вуд̇д̇ам̣ ‘‘ж̇ивхаасад̣̇д̣̇зна вин̃н̃ааяамаанаа гирияаасааяана’’нд̇и. д̇ат̇аа жа вагкад̇и ‘‘ж̇ийвид̇амавхааяад̇ийд̇и ж̇ивхаа’’д̇и (вибха. адта. 154). ааяод̇и уббад̇д̇ид̣̇зсо. басаад̣̇агааяасса гааяигаанам̣ д̣̇угкасукаанам̣ ниссаяабхаавад̇о ид̇арзсам̣ убаниссаяабхаавад̇о ‘‘д̣̇угкад̣̇угкавибарин̣аамад̣̇угкаанам̣ ааяо’’д̇и вуд̇д̇ам̣. б̣яаабид̇ааяаад̇и б̣яаабибхаавз, б̣яаабибхаавзна ваа. гааяаббасаад̣̇абхаавод̇и гааяаббасаад̣̇асаб̣бхааво. анувид̣̇д̇хад̇д̇аад̇и ануяуд̇д̇абхаавад̇о, сам̣садтабхаавад̇од̇и ад̇т̇о. д̇асмаад̇и яасмаа яаавад̇аа имасмим̣ гааяз убаад̣̇иннагабавад̇д̇ам̣ наама ад̇т̇и, саб̣б̣ад̇т̇а гааяааяад̇анам̣ габбаасабадалз снзхо вияаад̇и вуд̇д̇ам̣, д̇асмаа. бан̣д̣арасабхааваа басаад̣̇аа аабаат̇аг̇ад̇ам̣ висаяам̣ вин̃н̃аан̣уббад̇д̇ихзд̇убхаавзна багаасзнд̇аа вияа хонд̇ийд̇и д̇зсам̣ висаяаавабхаасанагижжад̇аа вуд̇д̇аа. самаананиссаяаананд̇и зганиссаяаанам̣. авиниб̣бхуд̇д̇зсу хи руубарасаад̣̇ийсу яам̣ниссаяам̣ руубам̣, д̇ам̣ниссаяо зва расаад̣̇ийд̇и. ан̃н̃аман̃н̃асабхааваанубаг̇амзнаад̇и лагкан̣асан̇гараабхаавамааха.
600. Sotaviññāṇappavattiyaṃ savanakiriyāvohāroti sotassa savanakiriyāya kattubhāvo sotaviññāṇassa paccayabhāvenāti vuttaṃ ‘‘sotaviññāṇassa nissayabhāvena suṇātī’’ti. Jīvitanimittamāhāraraso jīvitaṃ, tasmiṃ ninnatāya taṃ avhāyatīti jivhāti evaṃ siddhena jivhā-saddena pakāsiyamānā rasāvhāyanasaṅkhātā sāyanakiriyā labbhatīti katvā vuttaṃ ‘‘jivhāsaddena viññāyamānā kiriyāsāyana’’nti. Tathā ca vakkhati ‘‘jīvitamavhāyatīti jivhā’’ti (vibha. aṭṭha. 154). Āyoti uppattideso. Pasādakāyassa kāyikānaṃ dukkhasukhānaṃ nissayabhāvato itaresaṃ upanissayabhāvato ‘‘dukkhadukkhavipariṇāmadukkhānaṃ āyo’’ti vuttaṃ. Byāpitāyāti byāpibhāve, byāpibhāvena vā. Kāyappasādabhāvoti kāyappasādasabbhāvo. Anuviddhattāti anuyuttabhāvato, saṃsaṭṭhabhāvatoti attho. Tasmāti yasmā yāvatā imasmiṃ kāye upādinnakapavattaṃ nāma atthi, sabbattha kāyāyatanaṃ kappāsapaṭale sneho viyāti vuttaṃ, tasmā. Paṇḍarasabhāvā pasādā āpāthagataṃ visayaṃ viññāṇuppattihetubhāvena pakāsentā viya hontīti tesaṃ visayāvabhāsanakiccatā vuttā. Samānanissayānanti ekanissayānaṃ. Avinibbhuttesu hi rūparasādīsu yaṃnissayaṃ rūpaṃ, taṃnissayo eva rasādīti. Aññamaññasabhāvānupagamenāti lakkhaṇasaṅkarābhāvamāha.
яасмаа бажжаяанд̇арасахид̇оязва жагкуббасаад̣̇о руубаабхихананавасзна бавад̇д̇ад̇и, на бажжаяанд̇арарахид̇о, д̇асмаа руубаабхигхаад̇о ход̇у ваа маа ваа ход̇у, звам̣сабхааво со руубад̇хаммод̇и д̣̇ассзд̇ум̣ ‘‘руубаабхигхаад̇аарахо’’д̇и вуд̇д̇ам̣ яат̇аа ‘‘вибаагаарахасабхааваа гусалаагусалаа’’д̇и. висаяависаяийнам̣ ан̃н̃аман̃н̃ам̣ абхимукабхааво абхигхаад̇о вияаад̇и абхигхаад̇о, со руубз жагкусса , жагкумхи ваа руубасса ход̇ийд̇и вуд̇д̇ам̣ ‘‘руубз, руубасса ваа абхигхаад̇о’’д̇и. д̇знзвааха ‘‘яамхи жагкумхи анид̣̇ассанамхи саббадигхамхи руубам̣ санид̣̇ассанам̣ саббадигхам̣ бадихан̃н̃и ваа’’д̇и (д̇ха. са. 597), ‘‘жагку анид̣̇ассанам̣ саббадигхам̣ руубамхи санид̣̇ассанамхи саббадигхамхи бадихан̃н̃и ваа’’д̇и (д̇ха. са. 598) жа аад̣̇и. зд̇т̇а жа д̇ам̣д̇ам̣бхавабад̇т̇анаавасзна жагкаад̣̇ийсу авиг̇ад̇арааг̇асса ад̇д̇абхааванибпаад̣̇агасаад̇хааран̣агаммавасзна буримам̣ жагкулагкан̣ам̣ вуд̇д̇ам̣, суд̣̇уурасукумаад̣̇ибхзд̣̇ассаби руубасса г̇ахан̣асамад̇т̇амзва жагку ход̇ууд̇и звам̣ ниб̣б̣ад̇д̇ид̇ааавзн̣игагаммавасзна д̣̇уд̇ияам̣. зса наяо сзсзсуби. ат̇а ваа сад̇иби бан̃жаннам̣ басаад̣̇абхаавасааман̃н̃з сависаяаавабхаасанасан̇каад̇асса басаад̣̇аб̣яаабаарасса д̣̇ассанавасзна буримам̣ вуд̇д̇ам̣, басаад̣̇агааран̣асса сад̇иби гаммабхаавасааман̃н̃з ад̇д̇ано гааран̣абхзд̣̇зна бхзд̣̇ад̣̇ассанавасзна д̣̇уд̇ияам̣.
Yasmā paccayantarasahitoyeva cakkhuppasādo rūpābhihananavasena pavattati, na paccayantararahito, tasmā rūpābhighāto hotu vā mā vā hotu, evaṃsabhāvo so rūpadhammoti dassetuṃ ‘‘rūpābhighātāraho’’ti vuttaṃ yathā ‘‘vipākārahasabhāvā kusalākusalā’’ti. Visayavisayīnaṃ aññamaññaṃ abhimukhabhāvo abhighāto viyāti abhighāto, so rūpe cakkhussa , cakkhumhi vā rūpassa hotīti vuttaṃ ‘‘rūpe, rūpassa vā abhighāto’’ti. Tenevāha ‘‘yamhi cakkhumhi anidassanamhi sappaṭighamhi rūpaṃ sanidassanaṃ sappaṭighaṃ paṭihaññi vā’’ti (dha. sa. 597), ‘‘cakkhu anidassanaṃ sappaṭighaṃ rūpamhi sanidassanamhi sappaṭighamhi paṭihaññi vā’’ti (dha. sa. 598) ca ādi. Ettha ca taṃtaṃbhavapatthanāvasena cakkhādīsu avigatarāgassa attabhāvanipphādakasādhāraṇakammavasena purimaṃ cakkhulakkhaṇaṃ vuttaṃ, sudūrasukhumādibhedassapi rūpassa gahaṇasamatthameva cakkhu hotūti evaṃ nibbattitaāveṇikakammavasena dutiyaṃ. Esa nayo sesesupi. Atha vā satipi pañcannaṃ pasādabhāvasāmaññe savisayāvabhāsanasaṅkhātassa pasādabyāpārassa dassanavasena purimaṃ vuttaṃ, pasādakāraṇassa satipi kammabhāvasāmaññe attano kāraṇabhedena bhedadassanavasena dutiyaṃ.
гаамад̇ан̣хаад̇и гаамабхавз д̇ан̣хаа. д̇ат̇аа руубад̇ан̣хаа д̣̇адтаб̣б̣аа. д̇асса д̇асса бхавасса муулагааран̣абхууд̇аа д̇ан̣хаа д̇асмим̣ д̇асмим̣ бхавз уббаж̇ж̇анаарахааяад̇анависаяааби наама ход̇ийд̇и гаамад̇ан̣хаад̣̇ийнам̣ д̣̇адтугаамад̇аад̣̇ивохаараарахад̇аа вуд̇д̇аа. д̣̇адтугаамад̇аад̇и хи д̣̇адтумижчаа руубад̇ан̣хаад̇и ад̇т̇о. д̇ат̇аа сзсаасубийд̇и. зд̇т̇а жа д̣̇адтугаамад̇аад̣̇ийнам̣ д̇ам̣д̇ам̣ад̇д̇абхааваниб̣б̣ад̇д̇агагаммааяууханагкан̣ад̇о сад̇и буриманиб̣б̣ад̇д̇ияам̣ вад̇д̇аб̣б̣ам̣ над̇т̇и. асад̇иби д̇асса маг̇г̇зна асамуг̇гхаад̇ид̇абхаавзнзва гааран̣анд̇и д̣̇адтаб̣б̣ам̣. яад̇о маг̇г̇зна асамужчиннам̣ гааран̣алаабхз сад̇и уббаж̇ж̇ид̇ваа ад̇д̇ано паласса гааран̣абхаавуубаг̇аманад̇о виж̇ж̇амаанамзваад̇и уббаннаад̇т̇ид̇аабарияааязхи вужжад̇и ‘‘арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о уббаннуббаннз баабагз агусалз д̇хаммз анд̇арааязва анд̇арад̇хаабзд̇и’’ (сам̣. ни. 5.157), ‘‘санд̇ам̣ ваа аж̇жхад̇д̇ам̣ гаамажчанд̣̇ам̣ ад̇т̇и мз аж̇жхад̇д̇ам̣ гаамажчанд̣̇од̇и баж̇аанаад̇ий’’д̇и (д̣̇ий. ни. 2.382; ма. ни. 1.115) жа звамаад̣̇ийсу.
Kāmataṇhāti kāmabhave taṇhā. Tathā rūpataṇhā daṭṭhabbā. Tassa tassa bhavassa mūlakāraṇabhūtā taṇhā tasmiṃ tasmiṃ bhave uppajjanārahāyatanavisayāpi nāma hotīti kāmataṇhādīnaṃ daṭṭhukāmatādivohārārahatā vuttā. Daṭṭhukāmatāti hi daṭṭhumicchā rūpataṇhāti attho. Tathā sesāsupīti. Ettha ca daṭṭhukāmatādīnaṃ taṃtaṃattabhāvanibbattakakammāyūhanakkhaṇato sati purimanibbattiyaṃ vattabbaṃ natthi. Asatipi tassa maggena asamugghātitabhāveneva kāraṇanti daṭṭhabbaṃ. Yato maggena asamucchinnaṃ kāraṇalābhe sati uppajjitvā attano phalassa kāraṇabhāvūpagamanato vijjamānamevāti uppannaatthitāpariyāyehi vuccati ‘‘ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto uppannuppanne pāpake akusale dhamme antarāyeva antaradhāpeti’’ (saṃ. ni. 5.157), ‘‘santaṃ vā ajjhattaṃ kāmacchandaṃ atthi me ajjhattaṃ kāmacchandoti pajānātī’’ti (dī. ni. 2.382; ma. ni. 1.115) ca evamādīsu.
зд̇т̇ааха – жагкаад̣̇ийнам̣ инд̣̇рияаанам̣ гим̣ згагаммунаа уббад̇д̇и, уд̣̇ааху наанаагаммунаад̇и? убхаяат̇аабийд̇и бораан̣аа. д̇ад̇т̇а наанаагаммунаа д̇аава уббад̇д̇ияам̣ жагкаад̣̇ийнам̣ висзсз вад̇д̇аб̣б̣ам̣ над̇т̇и гааран̣асса бхиннад̇д̇аа. згагаммунаа бана уббад̇д̇ияам̣ д̇зсам̣ гат̇ам̣ висзсод̇и? гааран̣асса бхиннад̇д̇ааязва. д̇ам̣д̇ам̣бхавабад̇т̇анаабхууд̇аа хи д̇ан̣хаа д̇ам̣д̇ам̣бхавабарияаабаннааяад̇анаабхилаасад̇ааяа саяам̣ вижид̇д̇аруубаа убаниссаяабхаавзна д̇ам̣д̇ам̣бхаваниб̣б̣ад̇д̇агагаммасса вижид̇д̇абхзд̣̇ад̇ам̣ вид̣̇ахад̇и. яад̇о д̇ад̣̇аахид̇ависзсам̣ д̇ам̣ д̇ат̇ааруубасамад̇т̇ад̇ааяог̇зна анзгаруубаабаннам̣ вияа анзгам̣ висидтасабхаавам̣ палам̣ ниб̣б̣ад̇д̇зд̇и. д̇ат̇аа жа вагкад̇и ‘‘гаммамзва нзсам̣ висзсагааран̣а’’нд̇и. на жзд̇т̇а самад̇т̇ад̇аабхаавад̇о ан̃н̃ам̣ взд̣̇ид̇аб̣б̣ам̣ гааран̣ависзсзнаахид̇ависзсасса висидтапаланибпаад̣̇анаяог̇яад̇аабхаавад̇о. д̇ат̇аа хи сад̇и згассаби гаммасса анзгинд̣̇рияахзд̇уд̇аависзсаяог̇ам̣ згамби гамманд̇иаад̣̇инаа яуд̇д̇ид̇о ааг̇амад̇оби барад̇о саяамзва вагкад̇и. д̇ат̇аа жа згассзва гусалажид̇д̇асса сол̣асаад̣̇ивибаагажид̇д̇аниб̣б̣ад̇д̇ихзд̇убхааво вужжад̇и. логзби згассзва саалиб̣ийж̇асса барибун̣н̣аабарибун̣н̣ад̇ан̣д̣улапаланиб̣б̣ад̇д̇ихзд̇уд̇аа д̣̇иссад̇и. гим̣ ваа зд̇ааяа яуд̇д̇ижинд̇ааяа, на жинд̇ид̇аб̣б̣амзвзд̇ам̣. яад̇о гаммавибааго жагкаад̣̇ийни гаммавибааго жа саб̣б̣аагаарад̇о б̣уд̣̇д̇хаанам̣язва гаммавибааган̃аан̣апалаяуд̇д̇аанам̣ висаяо, на ан̃н̃зсам̣ ад̇аггааважарад̇ааяа. д̇знзва жа бхаг̇авад̇аа ‘‘гаммавибааго ажинд̇зяяо на жинд̇зд̇аб̣б̣о, яо жинд̇зяяа уммаад̣̇асса вигхаад̇асса бхааг̇ий ассаа’’д̇и (а. ни. 4.77) аад̣̇ийнавам̣ д̣̇ассзд̇ваа бадигкид̇д̇ам̣. аавин̃чанам̣ буг̇г̇аласса вин̃н̃аан̣асса ваа д̇ам̣ниннабхааваббад̇д̇ияаа хзд̇убхааво.
Etthāha – cakkhādīnaṃ indriyānaṃ kiṃ ekakammunā uppatti, udāhu nānākammunāti? Ubhayathāpīti porāṇā. Tattha nānākammunā tāva uppattiyaṃ cakkhādīnaṃ visese vattabbaṃ natthi kāraṇassa bhinnattā. Ekakammunā pana uppattiyaṃ tesaṃ kathaṃ visesoti? Kāraṇassa bhinnattāyeva. Taṃtaṃbhavapatthanābhūtā hi taṇhā taṃtaṃbhavapariyāpannāyatanābhilāsatāya sayaṃ vicittarūpā upanissayabhāvena taṃtaṃbhavanibbattakakammassa vicittabhedataṃ vidahati. Yato tadāhitavisesaṃ taṃ tathārūpasamatthatāyogena anekarūpāpannaṃ viya anekaṃ visiṭṭhasabhāvaṃ phalaṃ nibbatteti. Tathā ca vakkhati ‘‘kammameva nesaṃ visesakāraṇa’’nti. Na cettha samatthatābhāvato aññaṃ veditabbaṃ kāraṇavisesenāhitavisesassa visiṭṭhaphalanipphādanayogyatābhāvato. Tathā hi sati ekassapi kammassa anekindriyahetutāvisesayogaṃ ekampi kammantiādinā yuttito āgamatopi parato sayameva vakkhati. Tathā ca ekasseva kusalacittassa soḷasādivipākacittanibbattihetubhāvo vuccati. Lokepi ekasseva sālibījassa paripuṇṇāparipuṇṇataṇḍulaphalanibbattihetutā dissati. Kiṃ vā etāya yutticintāya, na cintitabbamevetaṃ. Yato kammavipāko cakkhādīni kammavipāko ca sabbākārato buddhānaṃyeva kammavipākañāṇaphalayuttānaṃ visayo, na aññesaṃ atakkāvacaratāya. Teneva ca bhagavatā ‘‘kammavipāko acinteyyo na cintetabbo, yo cinteyya ummādassa vighātassa bhāgī assā’’ti (a. ni. 4.77) ādīnavaṃ dassetvā paṭikkhittaṃ. Āviñchanaṃ puggalassa viññāṇassa vā taṃninnabhāvappattiyā hetubhāvo.
саб̣б̣зсанд̇и бад̣̇асса багаран̣ад̇о баарисзсад̇о ваа лаб̣бхамаанам̣ ад̇т̇ависзсам̣ аж̇аананд̇о яат̇ааруд̇авасзнзва ад̇т̇ам̣ г̇ахзд̇ваа ‘‘го зд̇т̇а висзсо’’д̇иаад̣̇инаа жод̣̇зд̇и. ид̇аро д̇зж̇аад̣̇ийнам̣ бажжзгам̣ ад̇хигабхаавз вияа д̣̇виннам̣ д̇ин̣н̣ам̣ ваа ад̇хигабхаавзби яат̇аавуд̇д̇аад̇хигабхаавзнзва згагаад̣̇ивасзна лаб̣бхамаанааяа омад̇д̇ад̇ааяаби гааяаббасаад̣̇о на ход̇ийд̇и вин̃н̃ааяамаанад̇д̇аа багаран̣ад̇о баарисзсад̇о ваа жад̇уннамби бхууд̇аанам̣ самабхаавзна гааяо ход̇ийд̇и аяамад̇т̇о сид̣̇д̇ход̇и саб̣б̣а-сад̣̇д̣̇о ид̇ха самабхаавад̣̇ийбагод̇и д̣̇ассзд̇ум̣ ‘‘ид̣̇ам̣ банаа’’д̇иаад̣̇имааха. имамад̇т̇ам̣ д̣̇ийбзд̇ийд̇и жа яат̇аавуд̇д̇зна н̃ааязна ‘‘саб̣б̣зса’’нд̇и важанад̇о аяамад̇т̇о лаб̣бхад̇и, на д̇асса ваажагад̇д̇аад̇и д̣̇ассзд̇и. д̇знзвааха ‘‘анувад̇д̇а…бз… васзна вуд̇д̇ад̇д̇аа’’д̇и. згад̣̇зсаад̇хигабхааванивааран̣знзва хи згад̣̇зсомад̇д̇ад̇аанивааран̣амби вин̃н̃ааяад̇ийд̇и. згад̣̇зсо аваяаво. жад̇уд̇хаад̇усамуд̣̇ааяаниссаяасса хи басаад̣̇асса д̇ад̣̇згад̇хаад̇уад̇хигад̇аа аваяаваад̇хигад̇аа ход̇ийд̇и.
Sabbesanti padassa pakaraṇato pārisesato vā labbhamānaṃ atthavisesaṃ ajānanto yathārutavaseneva atthaṃ gahetvā ‘‘ko ettha viseso’’tiādinā codeti. Itaro tejādīnaṃ paccekaṃ adhikabhāve viya dvinnaṃ tiṇṇaṃ vā adhikabhāvepi yathāvuttādhikabhāveneva ekakādivasena labbhamānāya omattatāyapi kāyappasādo na hotīti viññāyamānattā pakaraṇato pārisesato vā catunnampi bhūtānaṃ samabhāvena kāyo hotīti ayamattho siddhoti sabba-saddo idha samabhāvadīpakoti dassetuṃ ‘‘idaṃ panā’’tiādimāha. Imamatthaṃ dīpetīti ca yathāvuttena ñāyena ‘‘sabbesa’’nti vacanato ayamattho labbhati, na tassa vācakattāti dasseti. Tenevāha ‘‘anuvatta…pe… vasena vuttattā’’ti. Ekadesādhikabhāvanivāraṇeneva hi ekadesomattatānivāraṇampi viññāyatīti. Ekadeso avayavo. Catudhātusamudāyanissayassa hi pasādassa tadekadhātuadhikatā avayavādhikatā hotīti.
‘‘буримаа жзд̇т̇а д̣̇взби ваад̣̇ино нигааяанд̇арияаа’’д̇и вад̣̇анд̇и. аалогаад̣̇исахагаарийгааран̣асахид̇аанам̣язва жагкаад̣̇ийнам̣ руубаад̣̇иавабхаасанасамад̇т̇ад̇аа виварасса жа сод̇авин̃н̃аан̣убаниссаяабхааво г̇ун̣од̇и д̇зсам̣ лад̣̇д̇хийд̇и ад̇хиббааязна ‘‘д̇ам̣д̇ам̣бхууд̇аг̇ун̣зхий’’д̇иаад̣̇и вуд̇д̇ам̣. д̇зж̇аад̣̇ийнам̣ вияа виварасса бхууд̇абхааваабхаавад̇о ‘‘яат̇ааяог̇а’’нд̇и вуд̇д̇ам̣. ат̇а ваа руубаад̣̇аяо вияа виварамби бхууд̇аг̇ун̣од̇и бараад̇хиббааяам̣ д̣̇ассзнд̇о ‘‘д̇ам̣д̇ам̣бхууд̇аг̇ун̣зхий’’д̇и ааха. д̇зж̇асса бана аалогаруубзна, аагаасасан̇каад̇асса виварасса сад̣̇д̣̇зна, вааяусса г̇анд̇хзна, уд̣̇агасса расзна, бат̇авияаа подтаб̣б̣знаад̇и имамад̇т̇ам̣ санд̇хааяа ‘‘яат̇ааяог̇ам̣ д̇ам̣д̇ам̣бхууд̇аг̇ун̣зхий’’д̇и вуд̇д̇ам̣ сияаа. руубаад̣̇иг̇г̇ахан̣зд̇и руубаад̣̇ивисаяз жагкувин̃н̃аан̣аад̣̇игз нибпаад̣̇зд̇аб̣б̣зд̇и ад̇т̇о. убагарид̇аб̣б̣ад̇од̇и сахагаарийгааран̣абхууд̇зхи яат̇аавуд̇д̇абхууд̇аг̇ун̣зхи жагкаад̣̇ийнам̣ сагижжагаран̣з убагарид̇аб̣б̣ад̇о. сабхаавзна суяяамаанассаад̇и гзнажи анужжаарияамаанассзва лаб̣бхамаанад̇д̇аа вуд̇д̇ам̣. гхадданам̣ бана винаа вааяусад̣̇д̣̇оби над̇т̇ийд̇и. ат̇а ваа вааяумхи сад̣̇д̣̇о сабхаавзна суяяад̇ийд̇и аабз расо мад̇хурод̇и жа д̇асса лад̣̇д̇хиязваад̇и д̣̇адтаб̣б̣ам̣. д̣̇уд̇ияаваад̣̇иссаби ниг̇г̇ахо ход̇и д̇ассаби д̇зж̇аад̣̇иг̇ун̣аа руубаад̣̇аяод̇и звам̣лад̣̇д̇хигад̇д̇аа.
‘‘Purimā cettha dvepi vādino nikāyantariyā’’ti vadanti. Ālokādisahakārīkāraṇasahitānaṃyeva cakkhādīnaṃ rūpādiavabhāsanasamatthatā vivarassa ca sotaviññāṇupanissayabhāvo guṇoti tesaṃ laddhīti adhippāyena ‘‘taṃtaṃbhūtaguṇehī’’tiādi vuttaṃ. Tejādīnaṃ viya vivarassa bhūtabhāvābhāvato ‘‘yathāyoga’’nti vuttaṃ. Atha vā rūpādayo viya vivarampi bhūtaguṇoti parādhippāyaṃ dassento ‘‘taṃtaṃbhūtaguṇehī’’ti āha. Tejassa pana ālokarūpena, ākāsasaṅkhātassa vivarassa saddena, vāyussa gandhena, udakassa rasena, pathaviyā phoṭṭhabbenāti imamatthaṃ sandhāya ‘‘yathāyogaṃ taṃtaṃbhūtaguṇehī’’ti vuttaṃ siyā. Rūpādiggahaṇeti rūpādivisaye cakkhuviññāṇādike nipphādetabbeti attho. Upakaritabbatoti sahakārīkāraṇabhūtehi yathāvuttabhūtaguṇehi cakkhādīnaṃ sakiccakaraṇe upakaritabbato. Sabhāvena suyyamānassāti kenaci anuccāriyamānasseva labbhamānattā vuttaṃ. Ghaṭṭanaṃ pana vinā vāyusaddopi natthīti. Atha vā vāyumhi saddo sabhāvena suyyatīti āpe raso madhuroti ca tassa laddhiyevāti daṭṭhabbaṃ. Dutiyavādissapi niggaho hoti tassapi tejādiguṇā rūpādayoti evaṃladdhikattā.
руубаад̣̇ивисзсаг̇ун̣зхийд̇и руубаад̣̇ивисзсаг̇ун̣аяуд̇д̇зхи. д̇зж̇а…бз… вааяуухийд̇и сахаагаасзхи д̇зж̇аад̣̇ибарамаан̣уухи. габбаасад̇о висад̣̇исааяаад̇и габбаасабат̇авид̇о висзсаяуд̇д̇ааяа д̇ад̇о ад̇хигасаамад̇т̇ияаяуд̇д̇ааяаад̇и ад̇хиббааяо. д̇ассааязваад̇и габбаасабат̇авияааязва. яасмаа саа виж̇ж̇амаанааниби ависзсабхууд̇аани ад̇т̇ийд̇и г̇ахзд̇ум̣ асаггун̣зяяабхаавзна абхибхавид̇ваа тид̇аа, д̇асмаа д̇ассааязва г̇анд̇хо ад̇хигад̇аро бхавзяяаад̇и ад̇т̇о. аяан̃жа саб̣б̣о уд̇д̇аро ‘‘д̇асса д̇асса бхууд̇асса ад̇хигад̇ааяаа’’д̇иаад̣̇инаа адтагат̇ааяам̣ (д̇ха. са. адта. 600) вуд̇д̇ад̇д̇аа д̇ат̇ааг̇ад̇аанам̣ ваад̣̇ам̣ самбадижчид̇ваа вад̣̇анд̇асса ган̣аад̣̇асса васзна вуд̇д̇о. ‘‘ад̇д̇ано бана мад̇зна ган̣аад̣̇агабилаад̣̇аяо гзвалам̣ бат̇аваад̣̇ид̣̇раб̣яамзваад̇иаад̣̇и лад̣̇д̇хи. ган̣аад̣̇асаасанааяа ад̇химуд̇д̇аанам̣ саасанз анаваг̇аал̣хаанам̣ гзсан̃жи аяам̣ ваад̣̇о’’д̇и жа вад̣̇анд̇и. зд̇ассубхаяассаад̇и аасаваг̇анд̇хад̇о габбаасаг̇анд̇хо ад̇хиго сийд̇уд̣̇агаван̣н̣ад̇о ун̣ход̣̇агаван̣н̣о жа ад̇хигод̇и зд̇асса убхаяасса. д̇зж̇аад̣̇иад̇хигзсу жа самбхаарзсу руубаад̣̇ийнам̣ висзсасса ад̣̇ассанад̇о на руубаад̣̇аяо д̇зж̇аад̣̇ийнам̣ висзсаг̇ун̣од̇и сид̣̇д̇ханд̇и ааха ‘‘д̇ад̣̇абхаа…бз… д̇д̇ид̇аа’’д̇и. д̇зна на руубам̣ д̇зж̇асса висзсаг̇ун̣о зганд̇ад̇о д̇зж̇аад̣̇игз самбхаарз висзсзна ад̣̇ассанад̇о, яо яасса висзсаг̇ун̣о, на со д̇ад̣̇ад̇хигз самбхаарз зганд̇ад̇о висзсзна д̣̇иссад̇и яат̇аа бат̇авийад̇хигз самбхаарз аабод̇хаад̇ууд̇и д̣̇ассзд̇и. звам̣ сзсзсуби яат̇ааяог̇ам̣ яож̇зд̇аб̣б̣ам̣. го бана ваад̣̇о наанаагалаабзд̇и сабхаавад̇о наанад̇д̇аабхаавзби муулагааран̣анаанад̇д̇авасзна ад̇т̇и гожи висзсо асан̇гхаад̇зд̇и д̣̇ассзд̇и, яад̇о барамаран̣аад̣̇игирияаасамад̇т̇ад̇аа нзсам̣ гзсан̃жиязва д̣̇иссад̇ийд̇и.
Rūpādivisesaguṇehīti rūpādivisesaguṇayuttehi. Teja…pe… vāyūhīti sahākāsehi tejādiparamāṇūhi. Kappāsato visadisāyāti kappāsapathavito visesayuttāya tato adhikasāmatthiyayuttāyāti adhippāyo. Tassāyevāti kappāsapathaviyāyeva. Yasmā sā vijjamānānipi avisesabhūtāni atthīti gahetuṃ asakkuṇeyyabhāvena abhibhavitvā ṭhitā, tasmā tassāyeva gandho adhikataro bhaveyyāti attho. Ayañca sabbo uttaro ‘‘tassa tassa bhūtassa adhikatāyā’’tiādinā aṭṭhakathāyaṃ (dha. sa. aṭṭha. 600) vuttattā tathāgatānaṃ vādaṃ sampaṭicchitvā vadantassa kaṇādassa vasena vutto. ‘‘Attano pana matena kaṇādakapilādayo kevalaṃ pathavādidrabyamevātiādi laddhi. Kaṇādasāsanāya adhimuttānaṃ sāsane anavagāḷhānaṃ kesañci ayaṃ vādo’’ti ca vadanti. Etassubhayassāti āsavagandhato kappāsagandho adhiko sītudakavaṇṇato uṇhodakavaṇṇo ca adhikoti etassa ubhayassa. Tejādiadhikesu ca sambhāresu rūpādīnaṃ visesassa adassanato na rūpādayo tejādīnaṃ visesaguṇoti siddhanti āha ‘‘tadabhā…pe… ttitā’’ti. Tena na rūpaṃ tejassa visesaguṇo ekantato tejādike sambhāre visesena adassanato, yo yassa visesaguṇo, na so tadadhike sambhāre ekantato visesena dissati yathā pathavīadhike sambhāre āpodhātūti dasseti. Evaṃ sesesupi yathāyogaṃ yojetabbaṃ. Ko pana vādo nānākalāpeti sabhāvato nānattābhāvepi mūlakāraṇanānattavasena atthi koci viseso asaṅghāteti dasseti, yato paramaraṇādikiriyāsamatthatā nesaṃ kesañciyeva dissatīti.
згамбийд̇и би-сад̣̇д̣̇зна анзгасмим̣ вад̇д̇аб̣б̣амзва над̇т̇ийд̇и д̣̇ассзд̇и. бан̃жааяад̇анигад̇д̇абхаавз бад̇т̇анаа яаа д̣̇адтугаамад̇аад̣̇ибхаавзна вуд̇д̇аа, д̇ааяа нибпаннам̣. зд̇зна гааран̣ависзсзна палависзсамааха. на хийд̇иаад̣̇инаа вуд̇д̇амзвад̇т̇ам̣ самад̇т̇аяад̇и. д̇анд̇и гаммам̣. висзсзнаад̇и ад̇д̇ано гааран̣зна аахид̇аад̇исаязна . д̇знзва сод̇асса на ход̇и бажжаяо, д̇ад̇о ан̃н̃знзва бана ход̇ийд̇и ад̇хиббааяо. д̇зна анзгасабхаавзна гааран̣зна аахид̇ависзсам̣ згамби гаммам̣ анзгасабхаавам̣ палам̣ нибпаад̣̇зд̇ум̣ самад̇т̇ам̣ ход̇ийд̇и д̣̇ассзд̇и. ид̣̇аани гаммасса вуд̇д̇аббагаарависзсаабхаавз д̣̇осамааха ‘‘инд̣̇рияанд̇араабхааваббад̇д̇ид̇о’’д̇и. д̇ассад̇т̇о – гааран̣ависзсаабхаавз палависзсасса асамбхавад̇о яам̣ висзсаяуд̇д̇ам̣ гаммам̣ жагкусса гааран̣ам̣, д̇асса д̇ад̇о ан̃н̃ависзсаабхаавз д̇ад̣̇ан̃н̃инд̣̇рияуббаад̣̇агад̇ааби на сияаад̇и сод̇инд̣̇рияаад̣̇ийнам̣ д̇ад̇о ануббад̇д̇и зва сияаа. звамид̇арад̇т̇ааби. висзсод̇и жзд̇т̇а гаммасса д̇ам̣д̇ам̣инд̣̇рияуббаад̣̇анасамад̇т̇ад̇аа ад̇хиббзд̇аа, саа жа буб̣б̣з д̣̇ассид̇асабхаавова.
Ekampīti pi-saddena anekasmiṃ vattabbameva natthīti dasseti. Pañcāyatanikattabhāve patthanā yā daṭṭhukāmatādibhāvena vuttā, tāya nipphannaṃ. Etena kāraṇavisesena phalavisesamāha. Na hītiādinā vuttamevatthaṃ samatthayati. Tanti kammaṃ. Visesenāti attano kāraṇena āhitātisayena . Teneva sotassa na hoti paccayo, tato aññeneva pana hotīti adhippāyo. Tena anekasabhāvena kāraṇena āhitavisesaṃ ekampi kammaṃ anekasabhāvaṃ phalaṃ nipphādetuṃ samatthaṃ hotīti dasseti. Idāni kammassa vuttappakāravisesābhāve dosamāha ‘‘indriyantarābhāvappattito’’ti. Tassattho – kāraṇavisesābhāve phalavisesassa asambhavato yaṃ visesayuttaṃ kammaṃ cakkhussa kāraṇaṃ, tassa tato aññavisesābhāve tadaññindriyuppādakatāpi na siyāti sotindriyādīnaṃ tato anuppatti eva siyā. Evamitaratthāpi. Visesoti cettha kammassa taṃtaṃindriyuppādanasamatthatā adhippetā, sā ca pubbe dassitasabhāvova.
анзгаахи махаг̇г̇ад̇ажзд̇анаахи згааяа ваа барид̇д̇ажзд̇анаасахид̇ааяа бадисанд̇хигкан̣з гадад̇д̇ааруубаанам̣ ниб̣б̣ад̇д̇ийд̇и на саггаа вин̃н̃аад̇унд̇и ‘‘саб̣б̣зсам̣…бз… вин̃н̃ааяад̇ий’’д̇и вуд̇д̇ам̣. ид̣̇аани д̇амзва асаггун̣зяяад̇ам̣ вид̇т̇аарад̇о д̣̇ассзд̇ум̣ ‘‘наанаажзд̇анааяаа’’д̇иаад̣̇и вуд̇д̇ам̣. д̇ассааяам̣ сан̇кзбад̇т̇о – ‘‘бадиса…бз… бажжаяо’’д̇и зд̇т̇а яад̣̇и наанаагаммавасзна инд̣̇рияаанам̣ уббад̇д̇и ад̇хиббзд̇аа, звам̣ сад̇и махаг̇г̇ад̇агаммзна жа гаамааважарагаммзна жа д̇ам̣д̇ам̣бадисанд̇хигкан̣з гадад̇д̇ааруубам̣ уббаннам̣ сияаа, на жзд̇ам̣ яуд̇д̇ам̣ ‘‘махаг̇г̇ад̇ажзд̇анаа гаммабажжаяо’’д̇и (бадтаа. 2.12.78) вуд̇д̇ад̇д̇аа. нааби д̇ам̣д̇ам̣бхаванияад̇аруубинд̣̇риязхи вигалинд̣̇рияад̇аа г̇ад̇исамбад̇д̇ияаа обабаад̇игаяонияам̣ бадисанд̇хигкан̣з яуд̇д̇аа. ат̇а махаг̇г̇ад̇аахи зва наанаажзд̇анаахи ниб̣б̣ад̇д̇ам̣, на жзгаа бадисанд̇хи анзгагамманиб̣б̣ад̇д̇аа ход̇и. нижчид̇ан̃хзд̇ам̣ саагзд̇абан̃хзнаад̇и. звам̣ згзна махаг̇г̇ад̇агаммунаа жагкунд̣̇рияасод̇инд̣̇рияахад̣̇аяавад̇т̇уунам̣ уббад̇д̇ин̃аабагзна иминаа важанзна барид̇д̇агаммунааби згзна яат̇аарахам̣ анзгзсам̣ инд̣̇рияаанам̣ уббад̇д̇и сид̣̇д̇хааваад̇и вуд̇д̇ам̣ ‘‘сид̣̇д̇хамзгзна гаммзна анзгинд̣̇рияуббад̇д̇и ход̇ий’’д̇и.
Anekāhi mahaggatacetanāhi ekāya vā parittacetanāsahitāya paṭisandhikkhaṇe kaṭattārūpānaṃ nibbattīti na sakkā viññātunti ‘‘sabbesaṃ…pe… viññāyatī’’ti vuttaṃ. Idāni tameva asakkuṇeyyataṃ vitthārato dassetuṃ ‘‘nānācetanāyā’’tiādi vuttaṃ. Tassāyaṃ saṅkhepattho – ‘‘paṭisa…pe… paccayo’’ti ettha yadi nānākammavasena indriyānaṃ uppatti adhippetā, evaṃ sati mahaggatakammena ca kāmāvacarakammena ca taṃtaṃpaṭisandhikkhaṇe kaṭattārūpaṃ uppannaṃ siyā, na cetaṃ yuttaṃ ‘‘mahaggatacetanā kammapaccayo’’ti (paṭṭhā. 2.12.78) vuttattā. Nāpi taṃtaṃbhavaniyatarūpindriyehi vikalindriyatā gatisampattiyā opapātikayoniyaṃ paṭisandhikkhaṇe yuttā. Atha mahaggatāhi eva nānācetanāhi nibbattaṃ, na cekā paṭisandhi anekakammanibbattā hoti. Nicchitañhetaṃ sāketapañhenāti. Evaṃ ekena mahaggatakammunā cakkhundriyasotindriyahadayavatthūnaṃ uppattiñāpakena iminā vacanena parittakammunāpi ekena yathārahaṃ anekesaṃ indriyānaṃ uppatti siddhāvāti vuttaṃ ‘‘siddhamekena kammena anekindriyuppatti hotī’’ti.
самбад̇д̇оязва наама самбад̇д̇игижжагаран̣ад̇од̇и имамад̇т̇ам̣ д̣̇ассзд̇ум̣ ‘‘бади…бз… нагад̇о’’д̇и вуд̇д̇ам̣. ад̇исукумабхаавад̇о мам̣сажагкуаг̇ожарзна руубааяад̇анзна саманнааг̇ад̇асан̇гхаад̇авуд̇д̇ид̇ааяа жа ‘‘вааяу вияаа’’д̇и вуд̇д̇ам̣. жид̇д̇асамудтаанам̣ сад̣̇д̣̇ааяад̇анам̣ сод̇авин̃н̃аан̣асса гад̣̇аажиби аарамман̣абажжаяо на сияаа д̇хаад̇убарамбарааяа гхаддзнд̇асса уд̇усамудтаанад̇д̇аа. д̇знааха ‘‘на хи…бз… баж̇ж̇ад̇ий’’д̇и. бадтаанз (бадтаа. 1.1.2) жа ‘‘сад̣̇д̣̇ааяад̇анам̣ сод̇авин̃н̃аан̣асса аарамман̣абажжаязна бажжаяо’’д̇и ависзсзна вуд̇д̇ам̣.
Sampattoyeva nāma sampattikiccakaraṇatoti imamatthaṃ dassetuṃ ‘‘paṭi…pe… nakato’’ti vuttaṃ. Atisukhumabhāvato maṃsacakkhuagocarena rūpāyatanena samannāgatasaṅghātavuttitāya ca ‘‘vāyu viyā’’ti vuttaṃ. Cittasamuṭṭhānaṃ saddāyatanaṃ sotaviññāṇassa kadācipi ārammaṇapaccayo na siyā dhātuparamparāya ghaṭṭentassa utusamuṭṭhānattā. Tenāha ‘‘na hi…pe… pajjatī’’ti. Paṭṭhāne (paṭṭhā. 1.1.2) ca ‘‘saddāyatanaṃ sotaviññāṇassa ārammaṇapaccayena paccayo’’ti avisesena vuttaṃ.
нану жирзна суяяанд̇ийд̇и д̣̇уурз тид̇аанам̣ лахугам̣ саванам̣ над̇т̇и, д̇зсамби ваа лахугам̣ саванзна д̣̇уураасаннабхааваанам̣ висзсо на сияаад̇и ад̇хиббааяо. на , д̣̇уу…бз… д̇од̇и на д̣̇уурз тид̇зхи раж̇агаад̣̇исад̣̇д̣̇аа жирзна сод̇авин̃н̃аан̣зна суяяанд̇и, сажз савануубажаарз со сад̣̇д̣̇о д̣̇уурз аасаннз жа тид̇аанам̣ яат̇аабхууд̇з аабаат̇аг̇ад̇з сад̣̇д̣̇з мановин̃н̃аан̣асан̇каад̇ад̇о г̇ахан̣ависзсад̇о жирзна суд̇о сийгхам̣ суд̇од̇и абхимаанод̇и ад̇т̇о. зд̇амзвад̇т̇ам̣ вид̇т̇аарад̇о д̣̇ассзнд̇о ‘‘яат̇аа хий’’д̇иаад̣̇имааха. нижчаяа…бз… абхимаано ход̇и, сод̇авин̃н̃аан̣аббавад̇д̇и бана убхаяад̇т̇ааби самаанаа, яасмаа со бана сад̣̇д̣̇о…бз… ааг̇ажчад̇ийд̇и. яад̣̇и д̇хаад̇убарамбарааяа сад̣̇д̣̇о наббавад̇д̇ад̇и, гат̇ам̣ бадигхосаад̣̇ийнам̣ уббад̇д̇ийд̇и ааха ‘‘д̣̇уурз…бз… бажжаяо ход̇ий’’д̇и. уббад̇д̇ивасзна ааг̇ад̇аанийд̇и зд̇зна руубад̇хаммааби яад̇т̇а уббаж̇ж̇анд̇и, д̇ад̇т̇зва бхиж̇ж̇анд̇и, на д̣̇зсанд̇арам̣ сан̇гаманд̇ийд̇и д̣̇ассзд̇и. гхадданасабхааваанзваад̇и д̇зсам̣ бхууд̇аанам̣ сад̣̇д̣̇асамуббад̇д̇ихзд̇убхаавамааха. сод̇абад̣̇зсассаад̇и сод̇ад̣̇зсасса, сод̇ад̣̇зсз тид̇ассаад̇и ад̇т̇о.
Nanu cirena suyyantīti dūre ṭhitānaṃ lahukaṃ savanaṃ natthi, tesampi vā lahukaṃ savanena dūrāsannabhāvānaṃ viseso na siyāti adhippāyo. Na, dū…pe… toti na dūre ṭhitehi rajakādisaddā cirena sotaviññāṇena suyyanti, sace savanūpacāre so saddo dūre āsanne ca ṭhitānaṃ yathābhūte āpāthagate sadde manoviññāṇasaṅkhātato gahaṇavisesato cirena suto sīghaṃ sutoti abhimānoti attho. Etamevatthaṃ vitthārato dassento ‘‘yathā hī’’tiādimāha. Nicchaya…pe… abhimāno hoti, sotaviññāṇappavatti pana ubhayatthāpi samānā, yasmā so pana saddo…pe… āgacchatīti. Yadi dhātuparamparāya saddo nappavattati, kathaṃ paṭighosādīnaṃ uppattīti āha ‘‘dūre…pe… paccayo hotī’’ti. Uppattivasena āgatānīti etena rūpadhammāpi yattha uppajjanti, tattheva bhijjanti, na desantaraṃ saṅkamantīti dasseti. Ghaṭṭanasabhāvānevāti tesaṃ bhūtānaṃ saddasamuppattihetubhāvamāha. Sotapadesassāti sotadesassa, sotadese ṭhitassāti attho.
жагкумад̇о буг̇г̇аласса аж̇жхаасаяавасзнаад̇и жид̇равижид̇раруубааяад̇анз язбхуяязна сад̇д̇аанам̣ жагкуд̣̇вааригаж̇аванасса анугад̣дханавасзна бавад̇д̇им̣ санд̇хааяа вуд̇д̇ам̣. ган̣н̣агуубажчид̣̇д̣̇зязва бавад̇д̇анад̇од̇и зд̇зна ад̇хидтаанад̇о б̣ахид̣̇д̇хаа инд̣̇рияам̣ бавад̇д̇ийд̇и ваад̣̇ам̣ бадисзд̇хзд̇и. ад̇хидтаанад̣̇зсз зва хи инд̣̇рияам̣ вад̇д̇ад̇и д̇ад̇т̇а гижжаад̣̇иббаяог̇ад̣̇ассанад̇о. сад̇иби банасса б̣ахид̣̇д̇хаа вуд̇д̇ияам̣ на висаяаг̇г̇ахан̣з самад̇т̇ад̇аа, ан̃н̃ат̇аа ад̇хидтаанабид̣̇аханзби висаяаг̇г̇ахан̣ам̣ бхавзяяаад̇и. аарамман̣аг̇г̇ахан̣ахзд̇уд̇о жаад̇и ган̣н̣агуубажчид̣̇д̣̇зязва тад̇ваа аарамман̣агаран̣асса вин̃н̃аан̣асса ваа хзд̇убхаавад̇о.
Cakkhumato puggalassa ajjhāsayavasenāti citravicitrarūpāyatane yebhuyyena sattānaṃ cakkhudvārikajavanassa anukaḍḍhanavasena pavattiṃ sandhāya vuttaṃ. Kaṇṇakūpacchiddeyeva pavattanatoti etena adhiṭṭhānato bahiddhā indriyaṃ pavattīti vādaṃ paṭisedheti. Adhiṭṭhānadese eva hi indriyaṃ vattati tattha kiccādippayogadassanato. Satipi panassa bahiddhā vuttiyaṃ na visayaggahaṇe samatthatā, aññathā adhiṭṭhānapidahanepi visayaggahaṇaṃ bhaveyyāti. Ārammaṇaggahaṇahetuto cāti kaṇṇakūpacchiddeyeva ṭhatvā ārammaṇakaraṇassa viññāṇassa vā hetubhāvato.
д̇аб̣б̣охаарзнаад̇и г̇анд̇хаг̇анд̇хаг̇г̇ахан̣асса сахажарид̇ааяа г̇анд̇хоби д̇ат̇аа вуд̇д̇од̇и ад̇хиббааяо. г̇анд̇хо бажжаяод̇и г̇анд̇хо сахагаарийбажжаяод̇и ад̇т̇о. кзл̣аад̣̇иго бажжаяод̇и яож̇зд̇аб̣б̣ам̣. д̇ат̇аа бат̇авийд̇и сахагаарийбажжаяанд̇арабхууд̇аа аж̇жхад̇д̇игаб̣аахираа бат̇авий аарамман̣аг̇г̇ахан̣з бажжаяод̇и ад̇т̇о. аад̇хаарабхууд̇аад̇и д̇зж̇овааяод̇хаад̇уунам̣ аад̇хаарабхууд̇аа. ниссаяабхууд̇аананд̇и ниссаяамахаабхууд̇аанам̣ аабод̇зж̇овааяод̇хаад̇уунам̣. саб̣б̣ад̣̇аад̇и уббийл̣анагаалз жа ануббийл̣анагаалз жа. д̇ад̇т̇аад̇и жад̇ураасийд̇ибабхзд̣̇з убаримагааяасан̇каад̇з руубасамуухз. виниб̣бхуж̇ж̇ид̇ум̣ асаггун̣зяяаананд̇и ид̣̇ам̣ жагкуд̣̇асагам̣ ид̣̇ам̣ гааяад̣̇асагам̣ ид̣̇ам̣ бхаавад̣̇асаганд̇и звам̣ галаабад̇оби виниб̣бхуж̇ж̇ид̇ум̣ асаггун̣зяяаанам̣.
Tabbohārenāti gandhagandhaggahaṇassa sahacaritāya gandhopi tathā vuttoti adhippāyo. Gandho paccayoti gandho sahakārīpaccayoti attho. Kheḷādiko paccayoti yojetabbaṃ. Tathā pathavīti sahakārīpaccayantarabhūtā ajjhattikabāhirā pathavī ārammaṇaggahaṇe paccayoti attho. Ādhārabhūtāti tejovāyodhātūnaṃ ādhārabhūtā. Nissayabhūtānanti nissayamahābhūtānaṃ āpotejovāyodhātūnaṃ. Sabbadāti uppīḷanakāle ca anuppīḷanakāle ca. Tatthāti caturāsītipabhede uparimakāyasaṅkhāte rūpasamūhe. Vinibbhujjituṃ asakkuṇeyyānanti idaṃ cakkhudasakaṃ idaṃ kāyadasakaṃ idaṃ bhāvadasakanti evaṃ kalāpatopi vinibbhujjituṃ asakkuṇeyyānaṃ.
616. д̣̇ийгхаад̣̇ийнам̣ пусид̇ваа ж̇аанид̇аб̣б̣ад̇од̇и ид̣̇ам̣ д̣̇ийгхаад̣̇ийнам̣ на гааяавин̃н̃аан̣аг̇ожарад̇д̇аа вуд̇д̇ам̣, д̣̇ийгхаад̣̇ивохаараруубаад̣̇ийнам̣ бана подтаб̣б̣ам̣ пусид̇ваа гааяавин̃н̃аан̣авийт̇ияаа барад̇о бавад̇д̇зна мановин̃н̃аан̣знаби ж̇аанид̇аб̣б̣ад̇д̇аа вуд̇д̇ам̣. д̣̇ийгхаад̣̇исаннивзсанд̇и д̣̇ийгхаад̣̇исаннивзсаванд̇ам̣. згасмим̣ ид̇арасса абхааваад̇и чааяаад̇абаанам̣ аалоганд̇хагаараанан̃жа асахадтааяид̇ам̣ ааха. гат̇ам̣ бана аалого анд̇хагаарам̣ вид̇хамад̇ийд̇и? ‘‘аалогаббавад̇д̇исамаанагаалам̣ анд̇хагаарасабхаавзна бавад̇д̇амаанам̣ ван̣н̣ааяад̇анам̣ бхиж̇ж̇ад̇и. анд̇хагаарасса ниссаяо худ̇ваа бавад̇д̇амаанаани бхууд̇аани гамзна д̇ат̇ааруубасса ван̣н̣ааяад̇анасса ниссаяабхаавам̣ г̇ажчанд̇ий’’д̇и гзжи. саха анд̇хагаарзна д̇анниссаяабхууд̇аанам̣ нирод̇хасамананд̇арам̣ д̇ам̣санд̇ад̇ияам̣ д̇аад̣̇исз бажжаяасаннибаад̇з аалоганиссаяабхууд̇аанам̣ уббад̇д̇ийд̇и взд̣̇ид̇аб̣б̣ам̣. на хи ниссаяамахаабхууд̇зхи винаа аалогаббавад̇д̇и ад̇т̇и, нааби анд̇хагаарасан̇каад̇ам̣ ван̣н̣ааяад̇анамзва нируж̇жхад̇и д̇ам̣ниссаязхи баяуж̇ж̇амаанагазгагалаабабхууд̇обаад̣̇ааруубаанам̣ сахзва нируж̇жханад̇о. бад̣̇ийбасикааман̣ирам̣сияо вияа бат̇авийбаагаараругкаад̣̇ийни мун̃жид̇вааби анд̇хагааро бавад̇д̇ад̇ийд̇и вад̣̇анд̇и. манд̣̇ам̣ бана баагаараад̣̇иаад̇хаарарахид̇ам̣ на судту бан̃н̃ааяад̇и, б̣ахалам̣ аад̇хаарам̣ ниссааяа бавад̇д̇ад̇ийд̇и яуд̇д̇анд̇и жа вад̣̇анд̇и.
616. Dīghādīnaṃphusitvā jānitabbatoti idaṃ dīghādīnaṃ na kāyaviññāṇagocarattā vuttaṃ, dīghādivohārarūpādīnaṃ pana phoṭṭhabbaṃ phusitvā kāyaviññāṇavīthiyā parato pavattena manoviññāṇenapi jānitabbattā vuttaṃ. Dīghādisannivesanti dīghādisannivesavantaṃ. Ekasmiṃ itarassa abhāvāti chāyātapānaṃ ālokandhakārānañca asahaṭṭhāyitaṃ āha. Kathaṃ pana āloko andhakāraṃ vidhamatīti? ‘‘Ālokappavattisamānakālaṃ andhakārasabhāvena pavattamānaṃ vaṇṇāyatanaṃ bhijjati. Andhakārassa nissayo hutvā pavattamānāni bhūtāni kamena tathārūpassa vaṇṇāyatanassa nissayabhāvaṃ gacchantī’’ti keci. Saha andhakārena tannissayabhūtānaṃ nirodhasamanantaraṃ taṃsantatiyaṃ tādise paccayasannipāte ālokanissayabhūtānaṃ uppattīti veditabbaṃ. Na hi nissayamahābhūtehi vinā ālokappavatti atthi, nāpi andhakārasaṅkhātaṃ vaṇṇāyatanameva nirujjhati taṃnissayehi payujjamānakaekakalāpabhūtopādārūpānaṃ saheva nirujjhanato. Padīpasikhāmaṇiraṃsiyo viya pathavīpākārarukkhādīni muñcitvāpi andhakāro pavattatīti vadanti. Mandaṃ pana pākārādiādhārarahitaṃ na suṭṭhu paññāyati, bahalaṃ ādhāraṃ nissāya pavattatīti yuttanti ca vadanti.
620. ‘‘амануссасад̣̇д̣̇о’’д̇и зд̇т̇а а-гааро на мануссад̇аамад̇д̇анивад̇д̇иад̇т̇о сад̣̇исабхаавад̣̇ийбанад̇ааяа анад̇хиббзд̇ад̇д̇аа, мануссад̇о бана анан̃н̃ад̇аанивад̇д̇иад̇т̇од̇и д̣̇ассзд̇ум̣ ‘‘аманусса…бз… дтаад̣̇аяобий’’д̇и ааха. д̇ат̇аа гид̇д̇зд̇аб̣б̣од̇и ‘‘вам̣сапааланасад̣̇д̣̇о’’д̇иаад̣̇инаа вад̇т̇увасзна гид̇д̇зд̇аб̣б̣о.
620. ‘‘Amanussasaddo’’ti ettha a-kāro na manussatāmattanivattiattho sadisabhāvadīpanatāya anadhippetattā, manussato pana anaññatānivattiatthoti dassetuṃ ‘‘amanussa…pe… ṭṭhādayopī’’ti āha. Tathā kittetabboti ‘‘vaṃsaphālanasaddo’’tiādinā vatthuvasena kittetabbo.
632. гаммажид̇д̇аад̣̇инаад̇и аад̣̇и-сад̣̇д̣̇зна уд̇уаахаарз сан̇г̇ан̣хаад̇и. д̇ам̣д̇ад̣̇аагаараанийд̇и ид̇т̇илин̇г̇аад̣̇иаагаараани. ид̇т̇инд̣̇рияам̣ бадижжа самудтаханд̇ийд̇и ан̃н̃аман̃н̃абажжаяааниби ид̇т̇илин̇г̇аад̣̇ийни язбхуяязна ид̇т̇инд̣̇рияасахид̇з зва санд̇аанз саб̣бхааваа ид̇арад̇т̇а жа абхааваа инд̣̇рияахзд̇угаани вуд̇д̇аани. ан̃н̃ат̇аад̇и ид̇т̇илин̇г̇аад̣̇иаагаарад̇о ан̃н̃ат̇аа, ид̇т̇инд̣̇рияаабхаавз ваа. ид̇т̇иг̇г̇ахан̣асса жаад̇и ид̇т̇ийд̇и жид̇д̇аббавад̇д̇ияаа. д̇зсам̣ руубаананд̇и ид̇т̇илин̇г̇аад̣̇иаагаараруубаанам̣. яад̣̇и ид̇т̇инд̣̇рияам̣ ид̇т̇илин̇г̇аад̣̇иаагаараруубаанам̣ сахагаарийгааран̣ам̣, ат̇а гасмаа д̇асса инд̣̇рияаад̣̇ибажжаяабхааво д̇зсам̣ на вуд̇д̇од̇и? нзва д̇ам̣ сахагаарийгааран̣ам̣, ат̇а ко д̇зсам̣ д̇аб̣бхаавабхаавид̇аамад̇д̇зна д̇ам̣ гааран̣анд̇и вужжад̇ийд̇и д̣̇ассзд̇ум̣ ааха ‘‘яасмаа банаа’’д̇иаад̣̇и.
632. Kammacittādināti ādi-saddena utuāhāre saṅgaṇhāti. Taṃtadākārānīti itthiliṅgādiākārāni. Itthindriyaṃ paṭicca samuṭṭhahantīti aññamaññapaccayānipi itthiliṅgādīni yebhuyyena itthindriyasahite eva santāne sabbhāvā itarattha ca abhāvā indriyahetukāni vuttāni. Aññathāti itthiliṅgādiākārato aññathā, itthindriyābhāve vā. Itthiggahaṇassa cāti itthīti cittappavattiyā. Tesaṃ rūpānanti itthiliṅgādiākārarūpānaṃ. Yadi itthindriyaṃ itthiliṅgādiākārarūpānaṃ sahakārīkāraṇaṃ, atha kasmā tassa indriyādipaccayabhāvo tesaṃ na vuttoti? Neva taṃ sahakārīkāraṇaṃ, atha kho tesaṃ tabbhāvabhāvitāmattena taṃ kāraṇanti vuccatīti dassetuṃ āha ‘‘yasmā panā’’tiādi.
633. лин̇г̇ам̣ баривад̇д̇амаанам̣ бурималин̇г̇аад̇хаараж̇аад̇иануруубамзва худ̇ваа баривад̇д̇ад̇ийд̇и гад̇ваа вуд̇д̇ам̣ ‘‘бадисанд̇хияам̣ вияа бавад̇д̇збий’’д̇и. яасса…бз… нод̇и аад̣̇иважанад̇од̇и аад̣̇и-сад̣̇д̣̇зна ‘‘яасса ваа бана бурисинд̣̇рияам̣ уббаж̇ж̇ад̇и, д̇асса ид̇т̇инд̣̇рияам̣ уббаж̇ж̇ад̇ийд̇и но’’д̇и (яама. 3.инд̣̇рияаяамага.188) сан̇г̇ан̣хаад̇и.
633. Liṅgaṃ parivattamānaṃ purimaliṅgādhārajātianurūpameva hutvā parivattatīti katvā vuttaṃ ‘‘paṭisandhiyaṃ viya pavattepī’’ti. Yassa…pe… noti ādivacanatoti ādi-saddena ‘‘yassa vā pana purisindriyaṃ uppajjati, tassa itthindriyaṃ uppajjatīti no’’ti (yama. 3.indriyayamaka.188) saṅgaṇhāti.
635. д̣̇ваарабхаавзна гужчид̇аанам̣ аасавад̇хаммаанам̣ бавад̇д̇идтаанад̇ааяа басаад̣̇ависзсз вияа вин̃н̃ад̇д̇ивисзсзби гааяавохаараббавад̇д̇и д̣̇адтаб̣б̣аа. вид̇т̇амбханасабхаавад̇ааяа вааяод̇хаад̇уяаа т̇амбханам̣ ‘‘вааяод̇хаад̇угижжа’’нд̇и вуд̇д̇ам̣. гижжамби хи д̇хаммаанам̣ сабхаавоязваад̇и. бат̇авийд̇хаад̇уяаа аагааро важийвин̃н̃ад̇д̇ийд̇и вад̇д̇ум̣ ваддад̇ийд̇и яож̇анаа.
635. Dvārabhāvena kucchitānaṃ āsavadhammānaṃ pavattiṭṭhānatāya pasādavisese viya viññattivisesepi kāyavohārappavatti daṭṭhabbā. Vitthambhanasabhāvatāya vāyodhātuyā thambhanaṃ ‘‘vāyodhātukicca’’nti vuttaṃ. Kiccampi hi dhammānaṃ sabhāvoyevāti. Pathavīdhātuyā ākāro vacīviññattīti vattuṃ vaṭṭatīti yojanā.
636. вид̇агга…бз… г̇ахид̇аад̇и яат̇аад̇хиббзд̇ад̇т̇аабхиб̣яан̃ж̇игааяа ваажааяа самудтаабанаад̇хиббааяаббавад̇д̇им̣ санд̇хааяа вуд̇д̇ам̣. д̇ад̣̇аа хи саа д̇зхи бариг̇г̇ахид̇аа наама ход̇ийд̇и. згассаби агкарасса анзгзхи ж̇аванзхи ниб̣б̣ад̇д̇зд̇аб̣б̣ад̇д̇аа д̇ат̇аа ниб̣б̣ад̇д̇ияамаанад̇ааяа асамад̇т̇асабхаавад̇д̇аа на вин̃н̃аад̇ависзсаа на бхиннаа зваад̇и ааха ‘‘сава…бз… бхиннаа’’д̇и. аб̣б̣огин̣н̣зд̇и анд̇аранд̇араа уббаж̇ж̇амаанзхи асам̣садтз. ‘‘бажчимажид̇д̇а’’нд̇и ависзсзна жуд̇ижид̇д̇ам̣ вуд̇д̇анд̇и ад̇хиббааязна ‘‘ан̃н̃зсамби жуд̇ижид̇д̇ам̣…бз… н̃ааяад̇ий’’д̇и вуд̇д̇ам̣.
636. Vitakka…pe… gahitāti yathādhippetatthābhibyañjikāya vācāya samuṭṭhāpanādhippāyappavattiṃ sandhāya vuttaṃ. Tadā hi sā tehi pariggahitā nāma hotīti. Ekassapi akkharassa anekehi javanehi nibbattetabbattā tathā nibbattiyamānatāya asamatthasabhāvattā na viññātavisesā na bhinnā evāti āha ‘‘sava…pe… bhinnā’’ti. Abbokiṇṇeti antarantarā uppajjamānehi asaṃsaṭṭhe. ‘‘Pacchimacitta’’nti avisesena cuticittaṃ vuttanti adhippāyena ‘‘aññesampi cuticittaṃ…pe… ñāyatī’’ti vuttaṃ.
ат̇а ваа ‘‘яз жа руубааважарам̣ аруубааважарам̣ убабаж̇ж̇ид̇ваа бариниб̣б̣ааяиссанд̇и, д̇зсам̣ жаванд̇аанам̣ д̇зсам̣ важийсан̇кааро нируж̇жхиссад̇и, но жа д̇зсам̣ гааяасан̇кааро нируж̇жхиссад̇ий’’д̇и (яама. 2.сан̇каараяамага.88) руубааруубабхавуубабаж̇ж̇анагаанам̣ гаамааважаражуд̇ижид̇д̇ассаби гааяасан̇каараасамудтаабанаважанзна кийн̣аасавзхи ан̃н̃зсамби…бз… н̃ааяад̇ий’’д̇и вуд̇д̇ам̣. яасмаа жа –
Atha vā ‘‘ye ca rūpāvacaraṃ arūpāvacaraṃ upapajjitvā parinibbāyissanti, tesaṃ cavantānaṃ tesaṃ vacīsaṅkhāro nirujjhissati, no ca tesaṃ kāyasaṅkhāro nirujjhissatī’’ti (yama. 2.saṅkhārayamaka.88) rūpārūpabhavūpapajjanakānaṃ kāmāvacaracuticittassapi kāyasaṅkhārāsamuṭṭhāpanavacanena khīṇāsavehi aññesampi…pe… ñāyatī’’ti vuttaṃ. Yasmā ca –
‘‘яасса гааяасан̇кааро нируж̇жхад̇и, д̇асса важийсан̇кааро нируж̇жхиссад̇ийд̇и ааманд̇аа’’д̇и (яама. 2.сан̇каараяамага.108),
‘‘Yassa kāyasaṅkhāro nirujjhati, tassa vacīsaṅkhāro nirujjhissatīti āmantā’’ti (yama. 2.saṅkhārayamaka.108),
‘‘яасса гааяасан̇кааро нируж̇жхад̇и, д̇асса жид̇д̇асан̇кааро нируж̇жхиссад̇ийд̇и ааманд̇аа’’д̇и (яама. 2.сан̇каараяамага.108) жа,
‘‘Yassa kāyasaṅkhāro nirujjhati, tassa cittasaṅkhāro nirujjhissatīti āmantā’’ti (yama. 2.saṅkhārayamaka.108) ca,
‘‘бажчимажид̇д̇асса бхан̇г̇агкан̣з д̇зсам̣ гааяасан̇кааро жа на нируж̇жхад̇и жид̇д̇асан̇кааро жа на нируж̇жхиссад̇ий’’д̇и (яама. 2.сан̇каараяамага.113) –
‘‘Pacchimacittassa bhaṅgakkhaṇe tesaṃ kāyasaṅkhāro ca na nirujjhati cittasaṅkhāro ca na nirujjhissatī’’ti (yama. 2.saṅkhārayamaka.113) –
аад̣̇иважанад̇о жа бажчимажид̇д̇асса бурад̇о сол̣асамзна жид̇д̇зна д̇ад̇о оримзна ваа сад̣̇д̇хим̣ ассаасабассаасаа на уббаж̇ж̇анд̇ийд̇и сид̣̇д̇хам̣. яад̣̇и уббаж̇ж̇зяяум̣, ‘‘бажчимажид̇д̇асса бхан̇г̇агкан̣з д̇зсам̣ гааяасан̇кааро на нируж̇жхад̇ий’’д̇и на вад̣̇зяяа, вуд̇д̇ан̃жзд̇ам̣, д̇асмаа хздтимагодияаа жуд̇ид̇о буримзна сад̇д̇арасамзна уббаннаа ассаасабассаасаа жуд̇ияаа хздтаа д̣̇уд̇иязна жид̇д̇зна сад̣̇д̇хим̣ нируж̇жханд̇и. д̇зна ‘‘яасса жид̇д̇асса ананд̇араа гаамааважараанам̣ бажчимажид̇д̇ам̣ уббаж̇ж̇иссад̇ий’’д̇и жуд̇ижид̇д̇ассаананд̇арабажжаяабхууд̇ассаби жид̇д̇асса гааяасан̇каараасамудтаабанад̇аа вуд̇д̇аа.
Ādivacanato ca pacchimacittassa purato soḷasamena cittena tato orimena vā saddhiṃ assāsapassāsā na uppajjantīti siddhaṃ. Yadi uppajjeyyuṃ, ‘‘pacchimacittassa bhaṅgakkhaṇe tesaṃ kāyasaṅkhāro na nirujjhatī’’ti na vadeyya, vuttañcetaṃ, tasmā heṭṭhimakoṭiyā cutito purimena sattarasamena uppannā assāsapassāsā cutiyā heṭṭhā dutiyena cittena saddhiṃ nirujjhanti. Tena ‘‘yassa cittassa anantarā kāmāvacarānaṃ pacchimacittaṃ uppajjissatī’’ti cuticittassānantarapaccayabhūtassapi cittassa kāyasaṅkhārāsamuṭṭhāpanatā vuttā.
ат̇а ваа яасса жид̇д̇ассаад̇и язна жид̇д̇зна саб̣б̣абажчимо гааяасан̇кааро уббаж̇ж̇ад̇и. д̇ам̣ жид̇д̇ам̣ вуд̇д̇анд̇и г̇ахзд̇аб̣б̣ам̣, на бажчимажид̇д̇асса ананд̇арабажжаяабхууд̇ам̣. ананд̇араад̇и хи гааяасан̇кааруббаад̣̇анам̣ анд̇арам̣ винаа, яад̇о бажчаа гааяасан̇кааруббаад̣̇анзна ананд̇арид̇ам̣ худ̇ваа бажчимажид̇д̇ам̣ уббаж̇ж̇иссад̇ийд̇и ад̇т̇о. гасмаа? ‘‘ид̇арзсам̣ важийсан̇кааро жа нируж̇жхиссад̇и гааяасан̇кааро жа нируж̇жхиссад̇ий’’д̇и (яама. 2.сан̇каараяамага.88) вуд̇д̇ад̇д̇аа. ан̃н̃ат̇аабажчимажид̇д̇ад̇о буримад̇ад̇ияажид̇д̇асаман̇г̇ийнам̣ гааяасан̇кааро уббаж̇ж̇ад̇ийд̇и аабаж̇ж̇ад̇ийд̇и. звам̣ саб̣б̣зсамби жуд̇ижид̇д̇асса руубаж̇анагад̇аабхаавз ааг̇амам̣ д̣̇ассзд̇ваа ид̣̇аани яуд̇д̇им̣ д̣̇ассзд̇ум̣ ‘‘на хий’’д̇иаад̣̇имааха. д̇ад̇т̇а г̇аб̣бхаг̇аманаад̣̇ийд̇и аад̣̇и-сад̣̇д̣̇зна уд̣̇аганимуг̇г̇аасан̃н̃ийбхууд̇агаалагад̇ажад̇уд̇т̇аж̇жхаанасамаабаннаруубааруубабхавасаман̇г̇ийнирод̇хасамаабаннабхаавз сан̇г̇ан̣хаад̇и.
Atha vā yassa cittassāti yena cittena sabbapacchimo kāyasaṅkhāro uppajjati. Taṃ cittaṃ vuttanti gahetabbaṃ, na pacchimacittassa anantarapaccayabhūtaṃ. Anantarāti hi kāyasaṅkhāruppādanaṃ antaraṃ vinā, yato pacchā kāyasaṅkhāruppādanena anantaritaṃ hutvā pacchimacittaṃ uppajjissatīti attho. Kasmā? ‘‘Itaresaṃ vacīsaṅkhāro ca nirujjhissati kāyasaṅkhāro ca nirujjhissatī’’ti (yama. 2.saṅkhārayamaka.88) vuttattā. Aññathāpacchimacittato purimatatiyacittasamaṅgīnaṃ kāyasaṅkhāro uppajjatīti āpajjatīti. Evaṃ sabbesampi cuticittassa rūpajanakatābhāve āgamaṃ dassetvā idāni yuttiṃ dassetuṃ ‘‘na hī’’tiādimāha. Tattha gabbhagamanādīti ādi-saddena udakanimuggaasaññībhūtakālakatacatutthajjhānasamāpannarūpārūpabhavasamaṅgīnirodhasamāpannabhāve saṅgaṇhāti.
637. анзгзсам̣ галаабаанам̣ згад̇о худ̇ваа згагханабин̣д̣абхаавзна бавад̇д̇анад̇о галаабанд̇арабхууд̇аанам̣ галаабанд̇арабхууд̇зхи сампудтабхааво вуд̇д̇о. яад̇о д̇зсам̣ д̣̇увин̃н̃зяяанаанад̇д̇ам̣, на бана авиниб̣бхуд̇д̇абхаавад̇о. д̇ам̣д̇ам̣бхууд̇авивид̇д̇ад̇аад̇и д̇зсам̣ д̇зсам̣ бхууд̇аанам̣ вибхад̇д̇абхааво галаабанд̇арабхууд̇зхи вибхад̇д̇асабхаавад̇аа асам̣гин̣н̣ад̇аад̇и ад̇т̇о. яасмаа бана яат̇аавуд̇д̇аа вивид̇д̇ад̇аа руубаанам̣ осаанам̣ ход̇и, д̇асмаа ‘‘руубабарияанд̇о’’д̇и вуд̇д̇ам̣. ат̇а ваа д̇ам̣д̇ам̣бхууд̇асун̃н̃ад̇аа. язсан̃хи барижчзд̣̇о аагаасо, д̇зсам̣ барияанд̇ад̇ааяа д̇зхи сун̃н̃абхаавод̇и лагкид̇аб̣б̣о. д̇ад̇оязва жа со бхууд̇анд̇арзхи вияа д̇зхи асампудтод̇и вужжад̇ийд̇и. ан̃н̃ат̇аад̇и барижчинд̣̇ид̇аб̣б̣зхи асампудтабхааваабхаавз.
637. Anekesaṃ kalāpānaṃ ekato hutvā ekaghanapiṇḍabhāvena pavattanato kalāpantarabhūtānaṃ kalāpantarabhūtehi samphuṭṭhabhāvo vutto. Yato tesaṃ duviññeyyanānattaṃ, na pana avinibbhuttabhāvato. Taṃtaṃbhūtavivittatāti tesaṃ tesaṃ bhūtānaṃ vibhattabhāvo kalāpantarabhūtehi vibhattasabhāvatā asaṃkiṇṇatāti attho. Yasmā pana yathāvuttā vivittatā rūpānaṃ osānaṃ hoti, tasmā ‘‘rūpapariyanto’’ti vuttaṃ. Atha vā taṃtaṃbhūtasuññatā. Yesañhi paricchedo ākāso, tesaṃ pariyantatāya tehi suññabhāvoti lakkhitabbo. Tatoyeva ca so bhūtantarehi viya tehi asamphuṭṭhoti vuccatīti. Aññathāti paricchinditabbehi asamphuṭṭhabhāvābhāve.
638. д̇ам̣д̇ам̣вигаараад̇хигаруубзхийд̇и зд̇т̇а гат̇ам̣ жаммасуван̣н̣зсу муд̣̇уд̇аагамман̃н̃ад̇аа лаб̣бханд̇и, нану лахуд̇аад̣̇ивигаараа зганд̇ад̇о инд̣̇рияаб̣ад̣̇д̇харуубз зва бавад̇д̇анад̇о анинд̣̇рияаб̣ад̣̇д̇хз на лаб̣бханд̇ийд̇и? сажжамзд̇ам̣, ид̇ха бана д̇ам̣сад̣̇исзсу д̇аб̣б̣охааравасзна вуд̇д̇ам̣. д̇ат̇аа хи д̇уулабижуаад̣̇ийсу г̇арубхааваад̣̇ихзд̇уунам̣ бхууд̇аанам̣ ад̇хигабхааваабхаавад̇о лахуаад̣̇ивохааро. нид̣̇д̣̇исид̇аб̣б̣ад̇хамманиссаяаруубз зва ваа санд̇хааяа ‘‘д̇ам̣д̇ам̣вигаараад̇хигаруубзхий’’д̇и вуд̇д̇анд̇и д̣̇адтаб̣б̣ам̣. саб̣б̣з саб̣б̣зсам̣ бажжаяаа лахуд̇аад̣̇ийнам̣ ан̃н̃аман̃н̃аавиж̇аханад̇од̇и ад̇хиббааяо.
638. Taṃtaṃvikārādhikarūpehīti ettha kathaṃ cammasuvaṇṇesu mudutākammaññatā labbhanti, nanu lahutādivikārā ekantato indriyabaddharūpe eva pavattanato anindriyabaddhe na labbhantīti? Saccametaṃ, idha pana taṃsadisesu tabbohāravasena vuttaṃ. Tathā hi tūlapicuādīsu garubhāvādihetūnaṃ bhūtānaṃ adhikabhāvābhāvato lahuādivohāro. Niddisitabbadhammanissayarūpe eva vā sandhāya ‘‘taṃtaṃvikārādhikarūpehī’’ti vuttanti daṭṭhabbaṃ. Sabbe sabbesaṃ paccayā lahutādīnaṃ aññamaññāvijahanatoti adhippāyo.
641. аажаяасад̣̇д̣̇знзваад̇и нид̣̇д̣̇зсз вуд̇д̇ааажаяасад̣̇д̣̇знзва. яо ааяад̇анаанам̣ аад̣̇ижаяад̇д̇аа аажаяо бунаббунам̣ ниб̣б̣ад̇д̇амаанаанам̣, сова руубасса убарижаяад̇д̇аа убажаяод̇и ад̇хиббзд̇ам̣ ад̇т̇ам̣ баал̣ияам̣ яож̇зд̇ваа д̣̇ассзд̇ум̣ ‘‘баал̣ияам̣ банаа’’д̇иаад̣̇и вуд̇д̇ам̣. уба-сад̣̇д̣̇о батамад̇т̇о ‘‘д̣̇аанам̣, бхигкавз, бан̣д̣ид̇убан̃н̃ад̇д̇а’’нд̇иаад̣̇ийсу (а. ни. 3.45) вияа. убариад̇т̇ожа ‘‘саммадтз убасид̇д̇з жа, д̇з нисийд̣̇им̣су ман̣д̣абз’’д̇иаад̣̇ийсу вияа. ан̃н̃ат̇аад̇и уба-сад̣̇д̣̇асса убариад̇т̇ассзва г̇ахан̣з.
641. Ācayasaddenevāti niddese vuttaācayasaddeneva. Yo āyatanānaṃ ādicayattā ācayo punappunaṃ nibbattamānānaṃ, sova rūpassa uparicayattā upacayoti adhippetaṃ atthaṃ pāḷiyaṃ yojetvā dassetuṃ ‘‘pāḷiyaṃ panā’’tiādi vuttaṃ. Upa-saddo paṭhamattho ‘‘dānaṃ, bhikkhave, paṇḍitupaññatta’’ntiādīsu (a. ni. 3.45) viya. Upariatthoca ‘‘sammaṭṭhe upasitte ca, te nisīdiṃsu maṇḍape’’tiādīsu viya. Aññathāti upa-saddassa upariatthasseva gahaṇe.
643. палавибажжанабагад̇ияаад̇и палавибажжанасабхаавзна. паламзва ваа багад̇ийд̇и ааяусам̣хаанаад̣̇инаа паласабхаавзна ж̇араанид̣̇д̣̇зсод̇и ад̇т̇о. д̇ат̇аа хи ‘‘палуубажаарзна вуд̇д̇аа’’д̇и вуд̇д̇ам̣. субарин̣ад̇аруубабарибаагагаалз хаанид̣̇асагаад̣̇ийсу.
643. Phalavipaccanapakatiyāti phalavipaccanasabhāvena. Phalameva vā pakatīti āyusaṃhānādinā phalasabhāvena jarāniddesoti attho. Tathā hi ‘‘phalūpacārena vuttā’’ti vuttaṃ. Supariṇatarūpaparipākakāle hānidasakādīsu.
645. гад̇д̇аб̣б̣асабхаавад̇од̇и муулапалаад̣̇ийнам̣ ид̇хаад̇хиббзд̇ааахааравад̇т̇уунам̣ мукзна асанаад̣̇игад̇д̇аб̣б̣асабхаавад̇о. висабхууд̇з сан̇гхаад̇з ож̇аа манд̣̇аа ход̇ийд̇и сависад̇д̇аабхаавад̇о сукумад̇аа вуд̇д̇аа. ан̇г̇аман̇г̇аанусаарино расасса саарод̇и расахаран̣ийд̇хаманиж̇аалаанусаарзна сарийрааваяавз ануббавидтасса аахаарарасасса аб̣бханд̇араахаарабажжаяо снзхо, яо логз расад̇хаад̇ууд̇и вужжад̇и.
645. Kattabbasabhāvatoti mūlaphalādīnaṃ idhādhippetaāhāravatthūnaṃ mukhena asanādikattabbasabhāvato. Visabhūte saṅghāte ojā mandā hotīti savisattābhāvato sukhumatā vuttā. Aṅgamaṅgānusārino rasassa sāroti rasaharaṇīdhamanijālānusārena sarīrāvayave anuppaviṭṭhassa āhārarasassa abbhantarāhārapaccayo sneho, yo loke rasadhātūti vuccati.
убаад̣̇аабхааж̇анийяагат̇ааван̣н̣анаа нидтид̇аа.
Upādābhājanīyakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубавибхад̇д̇и • Rūpavibhatti
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / убаад̣̇аабхааж̇анийяагат̇аа • Upādābhājanīyakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / убаад̣̇аабхааж̇анийяагат̇ааван̣н̣анаа • Upādābhājanīyakathāvaṇṇanā
