| Library / Tipiṭaka / तिपिटक • Tipiṭaka / पट्ठानपाळि • Paṭṭhānapāḷi |
११. उपादानगोच्छकं
11. Upādānagocchakaṃ
६९. उपादानदुकं
69. Upādānadukaṃ
१. पटिच्चवारो
1. Paṭiccavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१. उपादानं धम्मं पटिच्च उपादानो धम्मो उप्पज्जति हेतुपच्चया – दिट्ठुपादानं पटिच्च कामुपादानं, कामुपादानं पटिच्च दिट्ठुपादानं , सीलब्बतुपादानं पटिच्च कामुपादानं, कामुपादानं पटिच्च सीलब्बतुपादानं, अत्तवादुपादानं पटिच्च कामुपादानं, कामुपादानं पटिच्च अत्तवादुपादानं। (१)
1. Upādānaṃ dhammaṃ paṭicca upādāno dhammo uppajjati hetupaccayā – diṭṭhupādānaṃ paṭicca kāmupādānaṃ, kāmupādānaṃ paṭicca diṭṭhupādānaṃ , sīlabbatupādānaṃ paṭicca kāmupādānaṃ, kāmupādānaṃ paṭicca sīlabbatupādānaṃ, attavādupādānaṃ paṭicca kāmupādānaṃ, kāmupādānaṃ paṭicca attavādupādānaṃ. (1)
उपादानं धम्मं पटिच्च नोउपादानो धम्मो उप्पज्जति हेतुपच्चया – उपादाने पटिच्च सम्पयुत्तका खन्धा चित्तसमुट्ठानञ्च रूपं। (२)
Upādānaṃ dhammaṃ paṭicca noupādāno dhammo uppajjati hetupaccayā – upādāne paṭicca sampayuttakā khandhā cittasamuṭṭhānañca rūpaṃ. (2)
उपादानं धम्मं पटिच्च उपादानो च नोउपादानो च धम्मा उप्पज्जन्ति हेतुपच्चया – दिट्ठुपादानं पटिच्च कामुपादानं सम्पयुत्तका च खन्धा चित्तसमुट्ठानञ्च रूपं, कामुपादानं…पे॰… (सब्बं चक्कं कातब्बं)। (३)
Upādānaṃ dhammaṃ paṭicca upādāno ca noupādāno ca dhammā uppajjanti hetupaccayā – diṭṭhupādānaṃ paṭicca kāmupādānaṃ sampayuttakā ca khandhā cittasamuṭṭhānañca rūpaṃ, kāmupādānaṃ…pe… (sabbaṃ cakkaṃ kātabbaṃ). (3)
२. नोउपादानं धम्मं पटिच्च नोउपादानो धम्मो उप्पज्जति हेतुपच्चया – नोउपादानं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे नोउपादानं एकं खन्धं पटिच्च तयो खन्धा कटत्ता च रूपं…पे॰… द्वे खन्धे…पे॰… खन्धे पटिच्च वत्थु, वत्थुं पटिच्च खन्धा, एकं महाभूतं…पे॰… महाभूते पटिच्च चित्तसमुट्ठानं रूपं कटत्तारूपं उपादारूपं। (१)
2. Noupādānaṃ dhammaṃ paṭicca noupādāno dhammo uppajjati hetupaccayā – noupādānaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe noupādānaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
नोउपादानं धम्मं पटिच्च उपादानो धम्मो उप्पज्जति हेतुपच्चया – नोउपादाने खन्धे पटिच्च उपादाना। (२)
Noupādānaṃ dhammaṃ paṭicca upādāno dhammo uppajjati hetupaccayā – noupādāne khandhe paṭicca upādānā. (2)
नोउपादानं धम्मं पटिच्च उपादानो च नोउपादानो च धम्मा उप्पज्जन्ति हेतुपच्चया – नोउपादानं एकं खन्धं पटिच्च तयो खन्धा उपादाना च चित्तसमुट्ठानञ्च रूपं…पे॰… द्वे खन्धे पटिच्च द्वे खन्धा उपादाना च चित्तसमुट्ठानञ्च रूपं। (३)
Noupādānaṃ dhammaṃ paṭicca upādāno ca noupādāno ca dhammā uppajjanti hetupaccayā – noupādānaṃ ekaṃ khandhaṃ paṭicca tayo khandhā upādānā ca cittasamuṭṭhānañca rūpaṃ…pe… dve khandhe paṭicca dve khandhā upādānā ca cittasamuṭṭhānañca rūpaṃ. (3)
३. उपादानञ्च नोउपादानञ्च धम्मं पटिच्च उपादानो धम्मो उप्पज्जति हेतुपच्चया – दिट्ठुपादानञ्च सम्पयुत्तके च खन्धे पटिच्च कामुपादानं (सब्बे चक्का कातब्बा)। (१)
3. Upādānañca noupādānañca dhammaṃ paṭicca upādāno dhammo uppajjati hetupaccayā – diṭṭhupādānañca sampayuttake ca khandhe paṭicca kāmupādānaṃ (sabbe cakkā kātabbā). (1)
उपादानञ्च नोउपादानञ्च धम्मं पटिच्च नोउपादानो धम्मो उप्पज्जति हेतुपच्चया – नोउपादानं एकं खन्धञ्च उपादानञ्च पटिच्च तयो खन्धा चित्तसमुट्ठानञ्च रूपं, द्वे खन्धे च…पे॰… उपादानञ्च महाभूते च पटिच्च चित्तसमुट्ठानं रूपं। (२)
Upādānañca noupādānañca dhammaṃ paṭicca noupādāno dhammo uppajjati hetupaccayā – noupādānaṃ ekaṃ khandhañca upādānañca paṭicca tayo khandhā cittasamuṭṭhānañca rūpaṃ, dve khandhe ca…pe… upādānañca mahābhūte ca paṭicca cittasamuṭṭhānaṃ rūpaṃ. (2)
उपादानञ्च नोउपादानञ्च धम्मं पटिच्च उपादानो च नोउपादानो च धम्मा उप्पज्जन्ति हेतुपच्चया – नोउपादानं एकं खन्धञ्च दिट्ठुपादानञ्च पटिच्च तयो खन्धा कामुपादानञ्च चित्तसमुट्ठानं रूपं, द्वे खन्धे च…पे॰… (चक्कं कातब्बं)। (३)
Upādānañca noupādānañca dhammaṃ paṭicca upādāno ca noupādāno ca dhammā uppajjanti hetupaccayā – noupādānaṃ ekaṃ khandhañca diṭṭhupādānañca paṭicca tayo khandhā kāmupādānañca cittasamuṭṭhānaṃ rūpaṃ, dve khandhe ca…pe… (cakkaṃ kātabbaṃ). (3)
आरम्मणपच्चयो
Ārammaṇapaccayo
४. उपादानं धम्मं पटिच्च उपादानो धम्मो उप्पज्जति आरम्मणपच्चया (नवपि पञ्हा कातब्बा, रूपं छड्डेतब्बं)।
4. Upādānaṃ dhammaṃ paṭicca upādāno dhammo uppajjati ārammaṇapaccayā (navapi pañhā kātabbā, rūpaṃ chaḍḍetabbaṃ).
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
५. हेतुया नव, आरम्मणे नव, अधिपतिया नव (सब्बत्थ नव), विपाके एकं…पे॰… अविगते नव।
5. Hetuyā nava, ārammaṇe nava, adhipatiyā nava (sabbattha nava), vipāke ekaṃ…pe… avigate nava.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
६. नोउपादानं धम्मं पटिच्च नोउपादानो धम्मो उप्पज्जति नहेतुपच्चया – अहेतुकं नोउपादानं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… अहेतुकपटिसन्धिक्खणे…पे॰… खन्धे पटिच्च वत्थु, वत्थुं पटिच्च खन्धा, एकं महाभूतं…पे॰… महाभूते पटिच्च चित्तसमुट्ठानं रूपं कटत्तारूपं उपादारूपं; बाहिरं… आहारसमुट्ठानं… उतुसमुट्ठानं… असञ्ञसत्तानं…पे॰… विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो। (१)
6. Noupādānaṃ dhammaṃ paṭicca noupādāno dhammo uppajjati nahetupaccayā – ahetukaṃ noupādānaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ; bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
नआरम्मणपच्चयादि
Naārammaṇapaccayādi
७. उपादानं धम्मं पटिच्च नोउपादानो धम्मो उप्पज्जति नआरम्मणपच्चया – उपादाने पटिच्च चित्तसमुट्ठानं रूपं। (१)
7. Upādānaṃ dhammaṃ paṭicca noupādāno dhammo uppajjati naārammaṇapaccayā – upādāne paṭicca cittasamuṭṭhānaṃ rūpaṃ. (1)
नोउपादानं धम्मं पटिच्च नोउपादानो धम्मो उप्पज्जति नआरम्मणपच्चया – नोउपादाने खन्धे पटिच्च चित्तसमुट्ठानं रूपं; पटिसन्धिक्खणे नोउपादाने खन्धे पटिच्च कटत्तारूपं, खन्धे पटिच्च वत्थु, एकं महाभूतं…पे॰… (याव असञ्ञसत्ता)। (१)
Noupādānaṃ dhammaṃ paṭicca noupādāno dhammo uppajjati naārammaṇapaccayā – noupādāne khandhe paṭicca cittasamuṭṭhānaṃ rūpaṃ; paṭisandhikkhaṇe noupādāne khandhe paṭicca kaṭattārūpaṃ, khandhe paṭicca vatthu, ekaṃ mahābhūtaṃ…pe… (yāva asaññasattā). (1)
उपादानञ्च नोउपादानं च धम्मं पटिच्च नोउपादानो धम्मो उप्पज्जति नआरम्मणपच्चया – उपादाने च सम्पयुत्तके च खन्धे पटिच्च चित्तसमुट्ठानं रूपं, उपादाने च महाभूते च पटिच्च चित्तसमुट्ठानं रूपं। (१)
Upādānañca noupādānaṃ ca dhammaṃ paṭicca noupādāno dhammo uppajjati naārammaṇapaccayā – upādāne ca sampayuttake ca khandhe paṭicca cittasamuṭṭhānaṃ rūpaṃ, upādāne ca mahābhūte ca paṭicca cittasamuṭṭhānaṃ rūpaṃ. (1)
नअधिपतिपच्चया… नअनन्तरपच्चया…पे॰… नउपनिस्सयपच्चया।
Naadhipatipaccayā… naanantarapaccayā…pe… naupanissayapaccayā.
नपुरेजातपच्चयो
Napurejātapaccayo
८. उपादानं धम्मं पटिच्च उपादानो धम्मो उप्पज्जति नपुरेजातपच्चया – अरूपे अत्तवादुपादानं पटिच्च कामुपादानं, कामुपादानं पटिच्च अत्तवादुपादानं। (१)
8. Upādānaṃ dhammaṃ paṭicca upādāno dhammo uppajjati napurejātapaccayā – arūpe attavādupādānaṃ paṭicca kāmupādānaṃ, kāmupādānaṃ paṭicca attavādupādānaṃ. (1)
उपादानं धम्मं पटिच्च नोउपादानो धम्मो उप्पज्जति नपुरेजातपच्चया – अरूपे उपादाने पटिच्च सम्पयुत्तका खन्धा, उपादाने पटिच्च चित्तसमुट्ठानं रूपं (संखित्तं, नवपि पञ्हा अरूपे द्वे उपादाना)।
Upādānaṃ dhammaṃ paṭicca noupādāno dhammo uppajjati napurejātapaccayā – arūpe upādāne paṭicca sampayuttakā khandhā, upādāne paṭicca cittasamuṭṭhānaṃ rūpaṃ (saṃkhittaṃ, navapi pañhā arūpe dve upādānā).
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
९. नहेतुया एकं, नआरम्मणे तीणि, नअधिपतिया नव, नअनन्तरे तीणि…पे॰… नउपनिस्सये तीणि, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते तीणि, नविप्पयुत्ते नव, नोनत्थिया तीणि, नोविगते तीणि।
9. Nahetuyā ekaṃ, naārammaṇe tīṇi, naadhipatiyā nava, naanantare tīṇi…pe… naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte nava, nonatthiyā tīṇi, novigate tīṇi.
३. पच्चयानुलोमपच्चनीयं
3. Paccayānulomapaccanīyaṃ
१०. हेतुपच्चया नआरम्मणे तीणि, नअधिपतिया नव…पे॰… नउपनिस्सये तीणि, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नसम्पयुत्ते तीणि, नविप्पयुत्ते नव, नोनत्थिया तीणि, नोविगते तीणि।
10. Hetupaccayā naārammaṇe tīṇi, naadhipatiyā nava…pe… naupanissaye tīṇi, napurejāte nava, napacchājāte nava, naāsevane nava, nakamme tīṇi, navipāke nava, nasampayutte tīṇi, navippayutte nava, nonatthiyā tīṇi, novigate tīṇi.
४. पच्चयपच्चनीयानुलोमं
4. Paccayapaccanīyānulomaṃ
११. नहेतुपच्चया आरम्मणे एकं (सब्बत्थ एकं), मग्गे एकं…पे॰… अविगते एकं।
11. Nahetupaccayā ārammaṇe ekaṃ (sabbattha ekaṃ), magge ekaṃ…pe… avigate ekaṃ.
२. सहजातवारो
2. Sahajātavāro
(सहजातवारो पटिच्चवारसदिसो विभजन्तेन दिट्ठुपादानं ‘‘सहजातं कामुपादान’’न्ति कातब्बं।)
(Sahajātavāro paṭiccavārasadiso vibhajantena diṭṭhupādānaṃ ‘‘sahajātaṃ kāmupādāna’’nti kātabbaṃ.)
३. पच्चयवारो
3. Paccayavāro
१-४. पच्चयानुलोमादि
1-4. Paccayānulomādi
हेतुपच्चयो
Hetupaccayo
१२. उपादानं धम्मं पच्चया उपादानो धम्मो उप्पज्जति हेतुपच्चया – दिट्ठुपादानं पच्चया कामुपादानं… तीणि (पटिच्चसदिसा)।
12. Upādānaṃ dhammaṃ paccayā upādāno dhammo uppajjati hetupaccayā – diṭṭhupādānaṃ paccayā kāmupādānaṃ… tīṇi (paṭiccasadisā).
नोउपादानं धम्मं पच्चया नोउपादानो धम्मो उप्पज्जति हेतुपच्चया – नोउपादानं एकं खन्धं पच्चया तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे…पे॰… खन्धे पच्चया वत्थु…पे॰… (याव अज्झत्तिका महाभूता) वत्थुं पच्चया नोउपादाना खन्धा। (१)
Noupādānaṃ dhammaṃ paccayā noupādāno dhammo uppajjati hetupaccayā – noupādānaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paccayā vatthu…pe… (yāva ajjhattikā mahābhūtā) vatthuṃ paccayā noupādānā khandhā. (1)
नोउपादानं धम्मं पच्चया उपादानो धम्मो उप्पज्जति हेतुपच्चया – नोउपादाने खन्धे पच्चया उपादाना, वत्थुं पच्चया उपादाना। (२)
Noupādānaṃ dhammaṃ paccayā upādāno dhammo uppajjati hetupaccayā – noupādāne khandhe paccayā upādānā, vatthuṃ paccayā upādānā. (2)
नोउपादानं धम्मं पच्चया उपादानो च नोउपादानो च धम्मा उप्पज्जन्ति हेतुपच्चया – नोउपादानं एकं खन्धं पच्चया तयो खन्धा उपादाना च चित्तसमुट्ठानञ्च रूपं…पे॰… द्वे खन्धे…पे॰… वत्थुं पच्चया उपादाना, महाभूते पच्चया चित्तसमुट्ठानं रूपं, वत्थुं पच्चया उपादाना सम्पयुत्तका च खन्धा। (३)
Noupādānaṃ dhammaṃ paccayā upādāno ca noupādāno ca dhammā uppajjanti hetupaccayā – noupādānaṃ ekaṃ khandhaṃ paccayā tayo khandhā upādānā ca cittasamuṭṭhānañca rūpaṃ…pe… dve khandhe…pe… vatthuṃ paccayā upādānā, mahābhūte paccayā cittasamuṭṭhānaṃ rūpaṃ, vatthuṃ paccayā upādānā sampayuttakā ca khandhā. (3)
१३. उपादानञ्च नोउपादानञ्च धम्मं पच्चया उपादानो धम्मो उप्पज्जति हेतुपच्चया – दिट्ठुपादानञ्च सम्पयुत्तके च खन्धे पच्चया कामुपादानं, कामुपादानञ्च सम्पयुत्तके च खन्धे पच्चया दिट्ठुपादानं (चक्कं कातब्बं)। दिट्ठुपादानञ्च वत्थुञ्च पच्चया कामुपादानं (चक्कं कातब्बं)। (१)
13. Upādānañca noupādānañca dhammaṃ paccayā upādāno dhammo uppajjati hetupaccayā – diṭṭhupādānañca sampayuttake ca khandhe paccayā kāmupādānaṃ, kāmupādānañca sampayuttake ca khandhe paccayā diṭṭhupādānaṃ (cakkaṃ kātabbaṃ). Diṭṭhupādānañca vatthuñca paccayā kāmupādānaṃ (cakkaṃ kātabbaṃ). (1)
उपादानञ्च नोउपादानञ्च धम्मं पच्चया नोउपादानो धम्मो उप्पज्जति हेतुपच्चया – नोउपादानं एकं खन्धञ्च उपादानञ्च पच्चया तयो खन्धा चित्तसमुट्ठानञ्च रूपं…पे॰… द्वे खन्धे च…पे॰… (चक्कं कातब्बं)। उपादाने च महाभूते च पच्चया चित्तसमुट्ठानं रूपं, उपादानञ्च वत्थुञ्च पच्चया नोउपादाना खन्धा। (२)
Upādānañca noupādānañca dhammaṃ paccayā noupādāno dhammo uppajjati hetupaccayā – noupādānaṃ ekaṃ khandhañca upādānañca paccayā tayo khandhā cittasamuṭṭhānañca rūpaṃ…pe… dve khandhe ca…pe… (cakkaṃ kātabbaṃ). Upādāne ca mahābhūte ca paccayā cittasamuṭṭhānaṃ rūpaṃ, upādānañca vatthuñca paccayā noupādānā khandhā. (2)
उपादानञ्च नोउपादानञ्च धम्मं पच्चया उपादानो च नोउपादानो च धम्मा उप्पज्जन्ति हेतुपच्चया – नोउपादानं एकं खन्धञ्च दिट्ठुपादानञ्च पच्चया तयो खन्धा कामुपादानं चित्तसमुट्ठानञ्च रूपं…पे॰… (चक्कं)। दिट्ठुपादानञ्च वत्थुञ्च पच्चया कामुपादानं सम्पयुत्तका च खन्धा…पे॰… (चक्कं)। (३)
Upādānañca noupādānañca dhammaṃ paccayā upādāno ca noupādāno ca dhammā uppajjanti hetupaccayā – noupādānaṃ ekaṃ khandhañca diṭṭhupādānañca paccayā tayo khandhā kāmupādānaṃ cittasamuṭṭhānañca rūpaṃ…pe… (cakkaṃ). Diṭṭhupādānañca vatthuñca paccayā kāmupādānaṃ sampayuttakā ca khandhā…pe… (cakkaṃ). (3)
आरम्मणपच्चया… (आरम्मणे नोउपादानमूलके पञ्चायतनञ्च वत्थुञ्च कातब्बा)।
Ārammaṇapaccayā… (ārammaṇe noupādānamūlake pañcāyatanañca vatthuñca kātabbā).
हेतुया नव, आरम्मणे नव, अधिपतिया नव (सब्बत्थ नव), विपाके एकं…पे॰… अविगते नव।
Hetuyā nava, ārammaṇe nava, adhipatiyā nava (sabbattha nava), vipāke ekaṃ…pe… avigate nava.
अनुलोमं।
Anulomaṃ.
१४. नोउपादानं धम्मं पच्चया नोउपादानो धम्मो उप्पज्जति नहेतुपच्चया – अहेतुकं नोउपादानं एकं खन्धं पच्चया…पे॰… अहेतुकपटिसन्धिक्खणे…पे॰… (याव असञ्ञसत्ता) चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं, वत्थुं पच्चया अहेतुका नोउपादाना खन्धा, विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो।
14. Noupādānaṃ dhammaṃ paccayā noupādāno dhammo uppajjati nahetupaccayā – ahetukaṃ noupādānaṃ ekaṃ khandhaṃ paccayā…pe… ahetukapaṭisandhikkhaṇe…pe… (yāva asaññasattā) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā noupādānā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho.
नहेतुया एकं, नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि…पे॰… नपुरेजाते नव…पे॰… नकम्मे तीणि, नविपाके नव (पटिच्चसदिसं)…पे॰… नोविगते तीणि।
Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi…pe… napurejāte nava…pe… nakamme tīṇi, navipāke nava (paṭiccasadisaṃ)…pe… novigate tīṇi.
पच्चनीयं।
Paccanīyaṃ.
४. निस्सयवारो
4. Nissayavāro
(एवं इतरे द्वे गणनापि निस्सयवारोपि कातब्बो।)
(Evaṃ itare dve gaṇanāpi nissayavāropi kātabbo.)
५. संसट्ठवारो
5. Saṃsaṭṭhavāro
१-४. पच्चयानुलोमादि
1-4. Paccayānulomādi
हेतुपच्चयो
Hetupaccayo
१५. उपादानं धम्मं संसट्ठो उपादानो धम्मो उप्पज्जति हेतुपच्चया – दिट्ठुपादानं संसट्ठं कामुपादानं, कामुपादानं संसट्ठं दिट्ठुपादानं (चक्कं। एवं नवपि पञ्हा कातब्बा)।
15. Upādānaṃ dhammaṃ saṃsaṭṭho upādāno dhammo uppajjati hetupaccayā – diṭṭhupādānaṃ saṃsaṭṭhaṃ kāmupādānaṃ, kāmupādānaṃ saṃsaṭṭhaṃ diṭṭhupādānaṃ (cakkaṃ. Evaṃ navapi pañhā kātabbā).
हेतुया नव, आरम्मणे नव, अधिपतिया नव (सब्बत्थ नव), विपाके एकं…पे॰… विगते नव, अविगते नव।
Hetuyā nava, ārammaṇe nava, adhipatiyā nava (sabbattha nava), vipāke ekaṃ…pe… vigate nava, avigate nava.
अनुलोमं।
Anulomaṃ.
१६. नोउपादानं धम्मं संसट्ठो नोउपादानो धम्मो उप्पज्जति नहेतुपच्चया – अहेतुकं नोउपादानं एकं खन्धं संसट्ठा तयो खन्धा…पे॰… द्वे खन्धे…पे॰… अहेतुकपटिसन्धिक्खणे…पे॰… विचिकिच्छासहगते उद्धच्चसहगते खन्धे संसट्ठो विचिकिच्छासहगतो उद्धच्चसहगतो मोहो।
16. Noupādānaṃ dhammaṃ saṃsaṭṭho noupādāno dhammo uppajjati nahetupaccayā – ahetukaṃ noupādānaṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe… vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho.
नहेतुया एकं, नअधिपतिया नव, नपुरेजाते नव, नपच्छाजाते नव, नआसेवने नव, नकम्मे तीणि, नविपाके नव, नझाने एकं, नमग्गे एकं, नविप्पयुत्ते नव।
Nahetuyā ekaṃ, naadhipatiyā nava, napurejāte nava, napacchājāte nava, naāsevane nava, nakamme tīṇi, navipāke nava, najhāne ekaṃ, namagge ekaṃ, navippayutte nava.
पच्चनीयं।
Paccanīyaṃ.
६. सम्पयुत्तवारो
6. Sampayuttavāro
(एवं इतरे द्वे गणनापि सम्पयुत्तवारोपि कातब्बो।)
(Evaṃ itare dve gaṇanāpi sampayuttavāropi kātabbo.)
७. पञ्हावारो
7. Pañhāvāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१७. उपादानो धम्मो उपादानस्स धम्मस्स हेतुपच्चयेन पच्चयो – उपादाना हेतू सम्पयुत्तकानं उपादानानं हेतुपच्चयेन पच्चयो। (मूलं कातब्बं) उपादाना हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। (मूलं कातब्बं) उपादाना हेतू सम्पयुत्तकानं खन्धानं उपादानानञ्च चित्तसमुट्ठानानं रूपानं हेतुपच्चयेन पच्चयो। (३)
17. Upādāno dhammo upādānassa dhammassa hetupaccayena paccayo – upādānā hetū sampayuttakānaṃ upādānānaṃ hetupaccayena paccayo. (Mūlaṃ kātabbaṃ) upādānā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (Mūlaṃ kātabbaṃ) upādānā hetū sampayuttakānaṃ khandhānaṃ upādānānañca cittasamuṭṭhānānaṃ rūpānaṃ hetupaccayena paccayo. (3)
१८. नोउपादानो धम्मो नोउपादानस्स धम्मस्स हेतुपच्चयेन पच्चयो – नोउपादाना हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो; पटिसन्धिक्खणे…पे॰…। (१)
18. Noupādāno dhammo noupādānassa dhammassa hetupaccayena paccayo – noupādānā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; paṭisandhikkhaṇe…pe…. (1)
नोउपादानो धम्मो उपादानस्स धम्मस्स हेतुपच्चयेन पच्चयो – नोउपादाना हेतू सम्पयुत्तकानं उपादानानं हेतुपच्चयेन पच्चयो। (मूलं कातब्बं) नोउपादाना हेतू सम्पयुत्तकानं खन्धानं उपादानानञ्च चित्तसमुट्ठानानं रूपानं हेतुपच्चयेन पच्चयो। (३)
Noupādāno dhammo upādānassa dhammassa hetupaccayena paccayo – noupādānā hetū sampayuttakānaṃ upādānānaṃ hetupaccayena paccayo. (Mūlaṃ kātabbaṃ) noupādānā hetū sampayuttakānaṃ khandhānaṃ upādānānañca cittasamuṭṭhānānaṃ rūpānaṃ hetupaccayena paccayo. (3)
१९. उपादानो च नोउपादानो च धम्मा उपादानस्स धम्मस्स हेतुपच्चयेन पच्चयो – उपादाना च नोउपादाना च हेतू सम्पयुत्तकानं उपादानानं हेतुपच्चयेन पच्चयो। (मूलं कातब्बं) उपादाना च नोउपादाना च हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। (मूलं कातब्बं) उपादाना च नोउपादाना च हेतू सम्पयुत्तकानं खन्धानं उपादानानञ्च चित्तसमुट्ठानानं रूपानं हेतुपच्चयेन पच्चयो। (३)
19. Upādāno ca noupādāno ca dhammā upādānassa dhammassa hetupaccayena paccayo – upādānā ca noupādānā ca hetū sampayuttakānaṃ upādānānaṃ hetupaccayena paccayo. (Mūlaṃ kātabbaṃ) upādānā ca noupādānā ca hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (Mūlaṃ kātabbaṃ) upādānā ca noupādānā ca hetū sampayuttakānaṃ khandhānaṃ upādānānañca cittasamuṭṭhānānaṃ rūpānaṃ hetupaccayena paccayo. (3)
आरम्मणपच्चयो
Ārammaṇapaccayo
२०. उपादानो धम्मो उपादानस्स धम्मस्स आरम्मणपच्चयेन पच्चयो – उपादाने आरब्भ उपादाना उप्पज्जन्ति… तीणि (आरब्भ कातब्बा)।
20. Upādāno dhammo upādānassa dhammassa ārammaṇapaccayena paccayo – upādāne ārabbha upādānā uppajjanti… tīṇi (ārabbha kātabbā).
नोउपादानो धम्मो नोउपादानस्स धम्मस्स आरम्मणपच्चयेन पच्चयो – दानं दत्वा सीलं…पे॰… उपोसथकम्मं कत्वा तं पच्चवेक्खति अस्सादेति अभिनन्दति, तं आरब्भ रागो उप्पज्जति, दिट्ठि उप्पज्जति; विचिकिच्छा…पे॰… उद्धच्चं…पे॰… दोमनस्सं उप्पज्जति; पुब्बे सुचिण्णानि…पे॰… झाना वुट्ठहित्वा झानं पच्चवेक्खति, अरिया मग्गा वुट्ठहित्वा मग्गं पच्चवेक्खन्ति, फलं…पे॰… निब्बानं पच्चवेक्खन्ति; निब्बानं गोत्रभुस्स, वोदानस्स, मग्गस्स, फलस्स, आवज्जनाय आरम्मणपच्चयेन पच्चयो। अरिया नोउपादाने पहीने किलेसे …पे॰… विक्खम्भिते किलेसे पच्चवेक्खन्ति, पुब्बे समुदाचिण्णे…पे॰… चक्खुं…पे॰… वत्थुं नोउपादाने खन्धे अनिच्चतो…पे॰… दोमनस्सं उप्पज्जति; दिब्बेन चक्खुना रूपं पस्सति, दिब्बाय सोतधातुया सद्दं सुणाति। चेतोपरियञाणेन नोउपादानचित्तसमङ्गिस्स चित्तं जानाति, आकासानञ्चायतनं विञ्ञाणञ्चायतनस्स…पे॰… आकिञ्चञ्ञायतनं नेवसञ्ञानासञ्ञायतनस्स…पे॰… रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स…पे॰… नोउपादाना खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। (१)
Noupādāno dhammo noupādānassa dhammassa ārammaṇapaccayena paccayo – dānaṃ datvā sīlaṃ…pe… uposathakammaṃ katvā taṃ paccavekkhati assādeti abhinandati, taṃ ārabbha rāgo uppajjati, diṭṭhi uppajjati; vicikicchā…pe… uddhaccaṃ…pe… domanassaṃ uppajjati; pubbe suciṇṇāni…pe… jhānā vuṭṭhahitvā jhānaṃ paccavekkhati, ariyā maggā vuṭṭhahitvā maggaṃ paccavekkhanti, phalaṃ…pe… nibbānaṃ paccavekkhanti; nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo. Ariyā noupādāne pahīne kilese …pe… vikkhambhite kilese paccavekkhanti, pubbe samudāciṇṇe…pe… cakkhuṃ…pe… vatthuṃ noupādāne khandhe aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Cetopariyañāṇena noupādānacittasamaṅgissa cittaṃ jānāti, ākāsānañcāyatanaṃ viññāṇañcāyatanassa…pe… ākiñcaññāyatanaṃ nevasaññānāsaññāyatanassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… noupādānā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
नोउपादानो धम्मो उपादानस्स धम्मस्स आरम्मणपच्चयेन पच्चयो – दानं…पे॰… सीलं…पे॰… उपोसथकम्मं कत्वा तं अस्सादेति अभिनन्दति, तं आरब्भ रागो उप्पज्जति, दिट्ठि उप्पज्जति; पुब्बे सुचिण्णानि…पे॰… झाना…पे॰… चक्खुं…पे॰… वत्थुं नोउपादाने खन्धे अस्सादेति अभिनन्दति, तं आरब्भ रागो उप्पज्जति, दिट्ठि उप्पज्जति। (२)
Noupādāno dhammo upādānassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā taṃ assādeti abhinandati, taṃ ārabbha rāgo uppajjati, diṭṭhi uppajjati; pubbe suciṇṇāni…pe… jhānā…pe… cakkhuṃ…pe… vatthuṃ noupādāne khandhe assādeti abhinandati, taṃ ārabbha rāgo uppajjati, diṭṭhi uppajjati. (2)
नोउपादानो धम्मो उपादानस्स च नोउपादानस्स च धम्मस्स आरम्मणपच्चयेन पच्चयो – दानं…पे॰… सीलं…पे॰… उपोसथकम्मं कत्वा…पे॰… पुब्बे सुचिण्णानि …पे॰… झाना वुट्ठहित्वा झानं…पे॰… चक्खुं…पे॰… वत्थुं नोउपादाने खन्धे अस्सादेति अभिनन्दति, तं आरब्भ उपादाना च सम्पयुत्तका च खन्धा उप्पज्जन्ति। (३)
Noupādāno dhammo upādānassa ca noupādānassa ca dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ katvā…pe… pubbe suciṇṇāni …pe… jhānā vuṭṭhahitvā jhānaṃ…pe… cakkhuṃ…pe… vatthuṃ noupādāne khandhe assādeti abhinandati, taṃ ārabbha upādānā ca sampayuttakā ca khandhā uppajjanti. (3)
उपादानो च नोउपादानो च धम्मा उपादानस्स धम्मस्स आरम्मणपच्चयेन पच्चयो… तीणि (आरब्भ कातब्बा)।
Upādāno ca noupādāno ca dhammā upādānassa dhammassa ārammaṇapaccayena paccayo… tīṇi (ārabbha kātabbā).
अधिपतिपच्चयो
Adhipatipaccayo
२१. उपादानो धम्मो उपादानस्स धम्मस्स अधिपतिपच्चयेन पच्चयो। आरम्मणाधिपति – उपादाने गरुं कत्वा उपादाना उप्पज्जन्ति… तीणि (आरम्मणाधिपतियेव)।
21. Upādāno dhammo upādānassa dhammassa adhipatipaccayena paccayo. Ārammaṇādhipati – upādāne garuṃ katvā upādānā uppajjanti… tīṇi (ārammaṇādhipatiyeva).
२२. नोउपादानो धम्मो नोउपादानस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं दत्वा सीलं…पे॰… उपोसथकम्मं…पे॰… पुब्बे…पे॰… झाना वुट्ठहित्वा झानं गरुं कत्वा पच्चवेक्खति, अस्सादेति अभिनन्दति, अरिया मग्गा वुट्ठहित्वा मग्गं गरुं कत्वा पच्चवेक्खन्ति…पे॰… फलस्स अधिपतिपच्चयेन पच्चयो; चक्खुं…पे॰… वत्थुं नोउपादाने खन्धे गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति। सहजाताधिपति – नोउपादानाधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो। (१)
22. Noupādāno dhammo noupādānassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ…pe… uposathakammaṃ…pe… pubbe…pe… jhānā vuṭṭhahitvā jhānaṃ garuṃ katvā paccavekkhati, assādeti abhinandati, ariyā maggā vuṭṭhahitvā maggaṃ garuṃ katvā paccavekkhanti…pe… phalassa adhipatipaccayena paccayo; cakkhuṃ…pe… vatthuṃ noupādāne khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – noupādānādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
नोउपादानो धम्मो उपादानस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं…पे॰… सीलं…पे॰… उपोसथकम्मं कत्वा तं गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति; पुब्बे…पे॰… झाना…पे॰… चक्खुं…पे॰… वत्थुं नोउपादाने खन्धे गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति। सहजाताधिपति – नोउपादानाधिपति सम्पयुत्तकानं उपादानानं अधिपतिपच्चयेन पच्चयो। (२)
Noupādāno dhammo upādānassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ katvā taṃ garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati; pubbe…pe… jhānā…pe… cakkhuṃ…pe… vatthuṃ noupādāne khandhe garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. Sahajātādhipati – noupādānādhipati sampayuttakānaṃ upādānānaṃ adhipatipaccayena paccayo. (2)
नोउपादानो धम्मो उपादानस्स च नोउपादानस्स च धम्मस्स अधिपतिपच्चयेन पच्चयो – आरम्मणाधिपति , सहजाताधिपति। आरम्मणाधिपति – दानं…पे॰… सीलं…पे॰… उपोसथकम्मं…पे॰… पुब्बे…पे॰… झानं…पे॰… चक्खुं…पे॰… वत्थुं नोउपादाने खन्धे गरुं कत्वा अस्सादेति अभिनन्दति, तं गरुं कत्वा उपादाना च सम्पयुत्तका च खन्धा उप्पज्जन्ति। सहजाताधिपति – नोउपादानाधिपति सम्पयुत्तकानं खन्धानं उपादानानञ्च चित्तसमुट्ठानानं रूपानं अधिपतिपच्चयेन पच्चयो। (३)
Noupādāno dhammo upādānassa ca noupādānassa ca dhammassa adhipatipaccayena paccayo – ārammaṇādhipati , sahajātādhipati. Ārammaṇādhipati – dānaṃ…pe… sīlaṃ…pe… uposathakammaṃ…pe… pubbe…pe… jhānaṃ…pe… cakkhuṃ…pe… vatthuṃ noupādāne khandhe garuṃ katvā assādeti abhinandati, taṃ garuṃ katvā upādānā ca sampayuttakā ca khandhā uppajjanti. Sahajātādhipati – noupādānādhipati sampayuttakānaṃ khandhānaṃ upādānānañca cittasamuṭṭhānānaṃ rūpānaṃ adhipatipaccayena paccayo. (3)
उपादानो च नोउपादानो च धम्मा उपादानस्स धम्मस्स अधिपतिपच्चयेन पच्चयो… तीणि… आरम्मणाधिपति… तीणि (आरब्भ कातब्बा, आरम्मणाधिपतियेव)।
Upādāno ca noupādāno ca dhammā upādānassa dhammassa adhipatipaccayena paccayo… tīṇi… ārammaṇādhipati… tīṇi (ārabbha kātabbā, ārammaṇādhipatiyeva).
अनन्तरपच्चयादि
Anantarapaccayādi
२३. उपादानो धम्मो उपादानस्स धम्मस्स अनन्तरपच्चयेन पच्चयो – पुरिमा पुरिमा उपादाना पच्छिमानं पच्छिमानं उपादानानं अनन्तरपच्चयेन पच्चयो। (मूलं कातब्बं) पुरिमा पुरिमा उपादाना पच्छिमानं पच्छिमानं नोउपादानानं खन्धानं अनन्तरपच्चयेन पच्चयो; उपादानं वुट्ठानस्स अनन्तरपच्चयेन पच्चयो। (मूलं कातब्बं) पुरिमा पुरिमा उपादाना पच्छिमानं पच्छिमानं उपादानानं सम्पयुत्तकानञ्च खन्धानं अनन्तरपच्चयेन पच्चयो। (३)
23. Upādāno dhammo upādānassa dhammassa anantarapaccayena paccayo – purimā purimā upādānā pacchimānaṃ pacchimānaṃ upādānānaṃ anantarapaccayena paccayo. (Mūlaṃ kātabbaṃ) purimā purimā upādānā pacchimānaṃ pacchimānaṃ noupādānānaṃ khandhānaṃ anantarapaccayena paccayo; upādānaṃ vuṭṭhānassa anantarapaccayena paccayo. (Mūlaṃ kātabbaṃ) purimā purimā upādānā pacchimānaṃ pacchimānaṃ upādānānaṃ sampayuttakānañca khandhānaṃ anantarapaccayena paccayo. (3)
२४. नोउपादानो धम्मो नोउपादानस्स धम्मस्स अनन्तरपच्चयेन पच्चयो – पुरिमा पुरिमा नोउपादाना खन्धा पच्छिमानं पच्छिमानं नोउपादानानं खन्धानं अनन्तरपच्चयेन पच्चयो; अनुलोमं गोत्रभुस्स…पे॰… फलसमापत्तिया अनन्तरपच्चयेन पच्चयो। (१)
24. Noupādāno dhammo noupādānassa dhammassa anantarapaccayena paccayo – purimā purimā noupādānā khandhā pacchimānaṃ pacchimānaṃ noupādānānaṃ khandhānaṃ anantarapaccayena paccayo; anulomaṃ gotrabhussa…pe… phalasamāpattiyā anantarapaccayena paccayo. (1)
नोउपादानो धम्मो उपादानस्स धम्मस्स अनन्तरपच्चयेन पच्चयो – पुरिमा पुरिमा नोउपादाना खन्धा पच्छिमानं पच्छिमानं उपादानानं खन्धानं अनन्तरपच्चयेन पच्चयो; आवज्जना उपादानानं अनन्तरपच्चयेन पच्चयो। (२)
Noupādāno dhammo upādānassa dhammassa anantarapaccayena paccayo – purimā purimā noupādānā khandhā pacchimānaṃ pacchimānaṃ upādānānaṃ khandhānaṃ anantarapaccayena paccayo; āvajjanā upādānānaṃ anantarapaccayena paccayo. (2)
नोउपादानो धम्मो उपादानस्स च नोउपादानस्स च धम्मस्स अनन्तरपच्चयेन पच्चयो – पुरिमा पुरिमा नोउपादाना खन्धा पच्छिमानं पच्छिमानं उपादानानं सम्पयुत्तकानञ्च खन्धानं अनन्तरपच्चयेन पच्चयो; आवज्जना उपादानानं सम्पयुत्तकानञ्च खन्धानं अनन्तरपच्चयेन पच्चयो। (३)
Noupādāno dhammo upādānassa ca noupādānassa ca dhammassa anantarapaccayena paccayo – purimā purimā noupādānā khandhā pacchimānaṃ pacchimānaṃ upādānānaṃ sampayuttakānañca khandhānaṃ anantarapaccayena paccayo; āvajjanā upādānānaṃ sampayuttakānañca khandhānaṃ anantarapaccayena paccayo. (3)
२५. उपादानो च नोउपादानो च धम्मा उपादानस्स धम्मस्स अनन्तरपच्चयेन पच्चयो – पुरिमा पुरिमा उपादाना च सम्पयुत्तका च खन्धा पच्छिमानं पच्छिमानं उपादानानं अनन्तरपच्चयेन पच्चयो। (मूलं कातब्बं) पुरिमा पुरिमा उपादाना च सम्पयुत्तका च खन्धा पच्छिमानं पच्छिमानं नोउपादानानं खन्धानं अनन्तरपच्चयेन पच्चयो; उपादाना च सम्पयुत्तका च खन्धा वुट्ठानस्स अनन्तरपच्चयेन पच्चयो। (मूलं कातब्बं) पुरिमा पुरिमा उपादाना च सम्पयुत्तका च खन्धा पच्छिमानं पच्छिमानं उपादानानं सम्पयुत्तकानञ्च खन्धानं अनन्तरपच्चयेन पच्चयो। (३)
25. Upādāno ca noupādāno ca dhammā upādānassa dhammassa anantarapaccayena paccayo – purimā purimā upādānā ca sampayuttakā ca khandhā pacchimānaṃ pacchimānaṃ upādānānaṃ anantarapaccayena paccayo. (Mūlaṃ kātabbaṃ) purimā purimā upādānā ca sampayuttakā ca khandhā pacchimānaṃ pacchimānaṃ noupādānānaṃ khandhānaṃ anantarapaccayena paccayo; upādānā ca sampayuttakā ca khandhā vuṭṭhānassa anantarapaccayena paccayo. (Mūlaṃ kātabbaṃ) purimā purimā upādānā ca sampayuttakā ca khandhā pacchimānaṃ pacchimānaṃ upādānānaṃ sampayuttakānañca khandhānaṃ anantarapaccayena paccayo. (3)
समनन्तरपच्चयेन पच्चयो… सहजातपच्चयेन पच्चयो (पटिच्चसदिसं)… अञ्ञमञ्ञपच्चयेन पच्चयो (पटिच्चसदिसं)… निस्सयपच्चयेन पच्चयो (पच्चयसदिसं)।
Samanantarapaccayena paccayo… sahajātapaccayena paccayo (paṭiccasadisaṃ)… aññamaññapaccayena paccayo (paṭiccasadisaṃ)… nissayapaccayena paccayo (paccayasadisaṃ).
उपनिस्सयपच्चयो
Upanissayapaccayo
२६. उपादानो धम्मो उपादानस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो …पे॰…। पकतूपनिस्सयो – उपादाना उपादानानं उपनिस्सयपच्चयेन पच्चयो… तीणि।
26. Upādāno dhammo upādānassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo …pe…. Pakatūpanissayo – upādānā upādānānaṃ upanissayapaccayena paccayo… tīṇi.
२७. नोउपादानो धम्मो नोउपादानस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – सद्धं उपनिस्साय दानं देति…पे॰… समापत्तिं उप्पादेति, मानं जप्पेति, दिट्ठिं गण्हाति; सीलं…पे॰… पञ्ञं… रागं…पे॰… पत्थनं… कायिकं सुखं…पे॰… सेनासनं उपनिस्साय दानं देति…पे॰… समापत्तिं उप्पादेति, मानं जप्पेति, दिट्ठिं गण्हाति; पाणं हनति…पे॰… सङ्घं भिन्दति, सद्धा…पे॰… सेनासनं सद्धाय…पे॰… फलसमापत्तिया उपनिस्सयपच्चयेन पच्चयो। (१)
27. Noupādāno dhammo noupādānassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti; sīlaṃ…pe… paññaṃ… rāgaṃ…pe… patthanaṃ… kāyikaṃ sukhaṃ…pe… senāsanaṃ upanissāya dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti; pāṇaṃ hanati…pe… saṅghaṃ bhindati, saddhā…pe… senāsanaṃ saddhāya…pe… phalasamāpattiyā upanissayapaccayena paccayo. (1)
नोउपादानो धम्मो उपादानस्स धम्मस्स उपनिस्सयपच्चयेन पच्चयो। पकतूपनिस्सयो – सद्धं उपनिस्साय मानं जप्पेति, दिट्ठिं गण्हाति; सीलं…पे॰… सेनासनं उपनिस्साय अदिन्नं…पे॰… मुसा…पे॰… पिसुणं…पे॰… सम्फं…पे॰… सन्धिं…पे॰… निल्लोपं…पे॰… एकागारिकं…पे॰… परिपन्थे…पे॰… परदारं…पे॰… गामघातं…पे॰… निगमघातं करोति; सद्धा…पे॰… सेनासनं उपादानानं उपनिस्सयपच्चयेन पच्चयो। (मूलं कातब्बं) सद्धं उपनिस्साय मानं जप्पेति, दिट्ठिं गण्हाति; सीलं…पे॰… सेनासनं उपनिस्साय अदिन्नं आदियति, मुसा…पे॰… पिसुणं…पे॰… सम्फं…पे॰… सन्धिं…पे॰… निल्लोपं…पे॰… एकागारिकं…पे॰… परिपन्थे…पे॰… परदारं…पे॰… गामघातं…पे॰… निगमघातं करोति; सद्धा…पे॰… सेनासनं उपादानानं सम्पयुत्तकानञ्च खन्धानं उपनिस्सयपच्चयेन पच्चयो। (३)
Noupādāno dhammo upādānassa dhammassa upanissayapaccayena paccayo. Pakatūpanissayo – saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya adinnaṃ…pe… musā…pe… pisuṇaṃ…pe… samphaṃ…pe… sandhiṃ…pe… nillopaṃ…pe… ekāgārikaṃ…pe… paripanthe…pe… paradāraṃ…pe… gāmaghātaṃ…pe… nigamaghātaṃ karoti; saddhā…pe… senāsanaṃ upādānānaṃ upanissayapaccayena paccayo. (Mūlaṃ kātabbaṃ) saddhaṃ upanissāya mānaṃ jappeti, diṭṭhiṃ gaṇhāti; sīlaṃ…pe… senāsanaṃ upanissāya adinnaṃ ādiyati, musā…pe… pisuṇaṃ…pe… samphaṃ…pe… sandhiṃ…pe… nillopaṃ…pe… ekāgārikaṃ…pe… paripanthe…pe… paradāraṃ…pe… gāmaghātaṃ…pe… nigamaghātaṃ karoti; saddhā…pe… senāsanaṃ upādānānaṃ sampayuttakānañca khandhānaṃ upanissayapaccayena paccayo. (3)
उपादानो च नोउपादानो च धम्मा उपादानस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो… तीणि।
Upādāno ca noupādāno ca dhammā upādānassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo… tīṇi.
पुरेजातपच्चयो
Purejātapaccayo
२८. नोउपादानो धम्मो नोउपादानस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं…पे॰… वत्थुं अनिच्चतो…पे॰… दोमनस्सं उप्पज्जति; दिब्बेन चक्खुना रूपं पस्सति, दिब्बाय सोतधातुया सद्दं सुणाति। रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स…पे॰…। वत्थुपुरेजातं – चक्खायतनं चक्खुविञ्ञाणस्स…पे॰… कायायतनं कायविञ्ञाणस्स…पे॰… वत्थु नोउपादानानं खन्धानं पुरेजातपच्चयेन पच्चयो। (१)
28. Noupādāno dhammo noupādānassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu noupādānānaṃ khandhānaṃ purejātapaccayena paccayo. (1)
नोउपादानो धम्मो उपादानस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं…पे॰… वत्थुं अस्सादेति अभिनन्दति, तं आरब्भ रागो उप्पज्जति, दिट्ठि उप्पज्जति। वत्थुपुरेजातं – वत्थु उपादानानं पुरेजातपच्चयेन पच्चयो। (२)
Noupādāno dhammo upādānassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha rāgo uppajjati, diṭṭhi uppajjati. Vatthupurejātaṃ – vatthu upādānānaṃ purejātapaccayena paccayo. (2)
नोउपादानो धम्मो उपादानस्स च नोउपादानस्स च धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं…पे॰… वत्थुं अस्सादेति अभिनन्दति, तं आरब्भ उपादाना च सम्पयुत्तका च खन्धा उप्पज्जन्ति। वत्थुपुरेजातं – वत्थु उपादानानं सम्पयुत्तकानञ्च खन्धानं पुरेजातपच्चयेन पच्चयो। (३)
Noupādāno dhammo upādānassa ca noupādānassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati, taṃ ārabbha upādānā ca sampayuttakā ca khandhā uppajjanti. Vatthupurejātaṃ – vatthu upādānānaṃ sampayuttakānañca khandhānaṃ purejātapaccayena paccayo. (3)
पच्छाजातासेवनपच्चया
Pacchājātāsevanapaccayā
२९. उपादानो धम्मो नोउपादानस्स धम्मस्स पच्छाजातपच्चयेन पच्चयो (संखित्तं)। (१)
29. Upādāno dhammo noupādānassa dhammassa pacchājātapaccayena paccayo (saṃkhittaṃ). (1)
नोउपादानो धम्मो नोउपादानस्स धम्मस्स पच्छाजातपच्चयेन पच्चयो (संखित्तं)। (१)
Noupādāno dhammo noupādānassa dhammassa pacchājātapaccayena paccayo (saṃkhittaṃ). (1)
उपादानो च नोउपादानो च धम्मा नोउपादानस्स धम्मस्स पच्छाजातपच्चयेन पच्चयो (संखित्तं)। (१) …आसेवनपच्चयेन पच्चयो।
Upādāno ca noupādāno ca dhammā noupādānassa dhammassa pacchājātapaccayena paccayo (saṃkhittaṃ). (1) …Āsevanapaccayena paccayo.
कम्मपच्चयो
Kammapaccayo
३०. नोउपादानो धम्मो नोउपादानस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – नोउपादाना चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो; पटिसन्धिक्खणे…पे॰…। नानाक्खणिका – नोउपादाना चेतना विपाकानं खन्धानं कटत्ता च रूपानं कम्मपच्चयेन पच्चयो। (१)
30. Noupādāno dhammo noupādānassa dhammassa kammapaccayena paccayo – sahajātā, nānākkhaṇikā. Sahajātā – noupādānā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – noupādānā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)
नोउपादानो धम्मो उपादानस्स धम्मस्स कम्मपच्चयेन पच्चयो – नोउपादाना चेतना सम्पयुत्तकानं उपादानानं कम्मपच्चयेन पच्चयो। (२)
Noupādāno dhammo upādānassa dhammassa kammapaccayena paccayo – noupādānā cetanā sampayuttakānaṃ upādānānaṃ kammapaccayena paccayo. (2)
नोउपादानो धम्मो उपादानस्स च नोउपादानस्स च धम्मस्स कम्मपच्चयेन पच्चयो – नोउपादाना चेतना सम्पयुत्तकानं खन्धानं उपादानानञ्च चित्तसमुट्ठानानं रूपानं कम्मपच्चयेन पच्चयो। (३)
Noupādāno dhammo upādānassa ca noupādānassa ca dhammassa kammapaccayena paccayo – noupādānā cetanā sampayuttakānaṃ khandhānaṃ upādānānañca cittasamuṭṭhānānaṃ rūpānaṃ kammapaccayena paccayo. (3)
विपाकपच्चयादि
Vipākapaccayādi
३१. नोउपादानो धम्मो नोउपादानस्स धम्मस्स विपाकपच्चयेन पच्चयो – विपाको नोउपादानो एको खन्धो…पे॰… एकं।
31. Noupādāno dhammo noupādānassa dhammassa vipākapaccayena paccayo – vipāko noupādāno eko khandho…pe… ekaṃ.
नोउपादानो धम्मो नोउपादानस्स धम्मस्स आहारपच्चयेन पच्चयो… तीणि (एकोयेव कबळीकारो आहारो)… इन्द्रियपच्चयेन पच्चयो… तीणि (रूपजीवितिन्द्रियं एकंयेव)… झानपच्चयेन पच्चयो… तीणि।
Noupādāno dhammo noupādānassa dhammassa āhārapaccayena paccayo… tīṇi (ekoyeva kabaḷīkāro āhāro)… indriyapaccayena paccayo… tīṇi (rūpajīvitindriyaṃ ekaṃyeva)… jhānapaccayena paccayo… tīṇi.
उपादानो धम्मो उपादानस्स धम्मस्स मग्गपच्चयेन पच्चयो – उपादानानि मग्गङ्गानि सम्पयुत्तकानं उपादानानं मग्गपच्चयेन पच्चयो (इमिना कारणेन नव पञ्हा कातब्बा)… सम्पयुत्तपच्चयेन पच्चयो… नव।
Upādāno dhammo upādānassa dhammassa maggapaccayena paccayo – upādānāni maggaṅgāni sampayuttakānaṃ upādānānaṃ maggapaccayena paccayo (iminā kāraṇena nava pañhā kātabbā)… sampayuttapaccayena paccayo… nava.
विप्पयुत्तपच्चयो
Vippayuttapaccayo
३२. उपादानो धम्मो नोउपादानस्स धम्मस्स विप्पयुत्तपच्चयेन पच्चयो – सहजातं, पच्छाजातं। सहजाता – उपादाना चित्तसमुट्ठानानं रूपानं विप्पयुत्तपच्चयेन पच्चयो। पच्छाजातं – पच्छाजाता उपादाना पुरेजातस्स इमस्स कायस्स विप्पयुत्तपच्चयेन पच्चयो। (१)
32. Upādāno dhammo noupādānassa dhammassa vippayuttapaccayena paccayo – sahajātaṃ, pacchājātaṃ. Sahajātā – upādānā cittasamuṭṭhānānaṃ rūpānaṃ vippayuttapaccayena paccayo. Pacchājātaṃ – pacchājātā upādānā purejātassa imassa kāyassa vippayuttapaccayena paccayo. (1)
नोउपादानो धम्मो नोउपादानस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं (संखित्तं)। (१)
Noupādāno dhammo noupādānassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). (1)
नोउपादानो धम्मो उपादानस्स धम्मस्स विप्पयुत्तपच्चयेन पच्चयो। पुरेजातं – वत्थु उपादानानं विप्पयुत्तपच्चयेन पच्चयो। (२)
Noupādāno dhammo upādānassa dhammassa vippayuttapaccayena paccayo. Purejātaṃ – vatthu upādānānaṃ vippayuttapaccayena paccayo. (2)
नोउपादानो धम्मो उपादानस्स च नोउपादानस्स च धम्मस्स विप्पयुत्तपच्चयेन पच्चयो। पुरेजातं – वत्थु उपादानानं सम्पयुत्तकानञ्च खन्धानं विप्पयुत्तपच्चयेन पच्चयो। (३)
Noupādāno dhammo upādānassa ca noupādānassa ca dhammassa vippayuttapaccayena paccayo. Purejātaṃ – vatthu upādānānaṃ sampayuttakānañca khandhānaṃ vippayuttapaccayena paccayo. (3)
३३. उपादानो च नोउपादानो च धम्मा नोउपादानस्स धम्मस्स विप्पयुत्तपच्चयेन पच्चयो – सहजातं, पच्छाजातं। सहजाता – उपादाना च सम्पयुत्तका च खन्धा चित्तसमुट्ठानानं रूपानं विप्पयुत्तपच्चयेन पच्चयो। पच्छाजाता – उपादाना च सम्पयुत्तका च खन्धा पुरेजातस्स इमस्स कायस्स विप्पयुत्तपच्चयेन पच्चयो। (१)
33. Upādāno ca noupādāno ca dhammā noupādānassa dhammassa vippayuttapaccayena paccayo – sahajātaṃ, pacchājātaṃ. Sahajātā – upādānā ca sampayuttakā ca khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – upādānā ca sampayuttakā ca khandhā purejātassa imassa kāyassa vippayuttapaccayena paccayo. (1)
अत्थिपच्चयो
Atthipaccayo
३४. उपादानो धम्मो उपादानस्स धम्मस्स अत्थिपच्चयेन पच्चयो – दिट्ठुपादानं कामुपादानस्स अत्थिपच्चयेन पच्चयो (चक्कं)। (१)
34. Upādāno dhammo upādānassa dhammassa atthipaccayena paccayo – diṭṭhupādānaṃ kāmupādānassa atthipaccayena paccayo (cakkaṃ). (1)
उपादानो धम्मो नोउपादानस्स धम्मस्स अत्थिपच्चयेन पच्चयो – सहजातं, पच्छाजातं। सहजाता – उपादाना सम्पयुत्तकानं खन्धानं चित्तसमुट्ठानानञ्च रूपानं अत्थिपच्चयेन पच्चयो। पच्छाजाता – उपादाना पुरेजातस्स इमस्स कायस्स अत्थिपच्चयेन पच्चयो। (२)
Upādāno dhammo noupādānassa dhammassa atthipaccayena paccayo – sahajātaṃ, pacchājātaṃ. Sahajātā – upādānā sampayuttakānaṃ khandhānaṃ cittasamuṭṭhānānañca rūpānaṃ atthipaccayena paccayo. Pacchājātā – upādānā purejātassa imassa kāyassa atthipaccayena paccayo. (2)
उपादानो धम्मो उपादानस्स च नोउपादानस्स च धम्मस्स अत्थिपच्चयेन पच्चयो (संखित्तं, पटिच्चसदिसं)। (३)
Upādāno dhammo upādānassa ca noupādānassa ca dhammassa atthipaccayena paccayo (saṃkhittaṃ, paṭiccasadisaṃ). (3)
३५. नोउपादानो धम्मो नोउपादानस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं (संखित्तं, वित्थारेतब्बं)। (१)
35. Noupādāno dhammo noupādānassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ, vitthāretabbaṃ). (1)
नोउपादानो धम्मो उपादानस्स धम्मस्स अत्थिपच्चयेन पच्चयो – सहजातं, पुरेजातं। सहजातं (सहजातसदिसं)। पुरेजातं (पुरेजातसदिसं)। (२)
Noupādāno dhammo upādānassa dhammassa atthipaccayena paccayo – sahajātaṃ, purejātaṃ. Sahajātaṃ (sahajātasadisaṃ). Purejātaṃ (purejātasadisaṃ). (2)
नोउपादानो धम्मो उपादानस्स च नोउपादानस्स च धम्मस्स अत्थिपच्चयेन पच्चयो – सहजातं, पुरेजातं (संखित्तं, सहजातसदिसं सहजातं विभजितब्बं, पुरेजातसदिसं पुरेजातं)। (३)
Noupādāno dhammo upādānassa ca noupādānassa ca dhammassa atthipaccayena paccayo – sahajātaṃ, purejātaṃ (saṃkhittaṃ, sahajātasadisaṃ sahajātaṃ vibhajitabbaṃ, purejātasadisaṃ purejātaṃ). (3)
३६. उपादानो च नोउपादानो च धम्मा उपादानस्स धम्मस्स अत्थिपच्चयेन पच्चयो – सहजातं, पुरेजातं। सहजातं – दिट्ठुपादानञ्च सम्पयुत्तका च खन्धा कामुपादानस्स अत्थिपच्चयेन पच्चयो (चक्कं)। सहजातं – दिट्ठुपादानञ्च वत्थु च कामुपादानस्स अत्थिपच्चयेन पच्चयो (चक्कं)। (१)
36. Upādāno ca noupādāno ca dhammā upādānassa dhammassa atthipaccayena paccayo – sahajātaṃ, purejātaṃ. Sahajātaṃ – diṭṭhupādānañca sampayuttakā ca khandhā kāmupādānassa atthipaccayena paccayo (cakkaṃ). Sahajātaṃ – diṭṭhupādānañca vatthu ca kāmupādānassa atthipaccayena paccayo (cakkaṃ). (1)
उपादानो च नोउपादानो च धम्मा नोउपादानस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं। सहजातो – नोउपादानो एको खन्धो च उपादाना च तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे॰… द्वे खन्धा च…पे॰…। सहजाता – उपादाना च महाभूता च चित्तसमुट्ठानानं रूपानं अत्थिपच्चयेन पच्चयो। सहजाता – उपादाना च वत्थु च नोउपादानानं खन्धानं अत्थिपच्चयेन पच्चयो। पच्छाजाता – उपादाना च सम्पयुत्तका च खन्धा पुरेजातस्स इमस्स कायस्स अत्थिपच्चयेन पच्चयो। पच्छाजाता – उपादाना च सम्पयुत्तका च खन्धा कबळीकारो आहारो च इमस्स कायस्स अत्थिपच्चयेन पच्चयो। पच्छाजाता – उपादाना च सम्पयुत्तका च खन्धा रूपजीवितिन्द्रियञ्च कटत्तारूपानं अत्थिपच्चयेन पच्चयो। (२)
Upādāno ca noupādāno ca dhammā noupādānassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – noupādāno eko khandho ca upādānā ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe…. Sahajātā – upādānā ca mahābhūtā ca cittasamuṭṭhānānaṃ rūpānaṃ atthipaccayena paccayo. Sahajātā – upādānā ca vatthu ca noupādānānaṃ khandhānaṃ atthipaccayena paccayo. Pacchājātā – upādānā ca sampayuttakā ca khandhā purejātassa imassa kāyassa atthipaccayena paccayo. Pacchājātā – upādānā ca sampayuttakā ca khandhā kabaḷīkāro āhāro ca imassa kāyassa atthipaccayena paccayo. Pacchājātā – upādānā ca sampayuttakā ca khandhā rūpajīvitindriyañca kaṭattārūpānaṃ atthipaccayena paccayo. (2)
उपादानो च नोउपादानो च धम्मा उपादानस्स च नोउपादानस्स च धम्मस्स अत्थिपच्चयेन पच्चयो – सहजातं, पुरेजातं। सहजातो – नोउपादानो एको खन्धो च दिट्ठुपादानञ्च तिण्णन्नं खन्धानं कामुपादानस्स च चित्तसमुट्ठानानं रूपानं अत्थिपच्चयेन पच्चयो…पे॰… द्वे खन्धा च…पे॰… (चक्कं)। सहजातं – दिट्ठुपादानञ्च वत्थु च कामुपादानस्स सम्पयुत्तकानञ्च खन्धानं अत्थिपच्चयेन पच्चयो (चक्कं)। (३)
Upādāno ca noupādāno ca dhammā upādānassa ca noupādānassa ca dhammassa atthipaccayena paccayo – sahajātaṃ, purejātaṃ. Sahajāto – noupādāno eko khandho ca diṭṭhupādānañca tiṇṇannaṃ khandhānaṃ kāmupādānassa ca cittasamuṭṭhānānaṃ rūpānaṃ atthipaccayena paccayo…pe… dve khandhā ca…pe… (cakkaṃ). Sahajātaṃ – diṭṭhupādānañca vatthu ca kāmupādānassa sampayuttakānañca khandhānaṃ atthipaccayena paccayo (cakkaṃ). (3)
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
३७. हेतुया नव, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव , उपनिस्सये नव, पुरेजाते तीणि, पच्छाजाते तीणि , आसेवने नव, कम्मे तीणि, विपाके एकं, आहारे तीणि, इन्द्रिये तीणि, झाने तीणि, मग्गे नव, सम्पयुत्ते नव, विप्पयुत्ते पञ्च, अत्थिया नव, नत्थिया नव, विगते नव, अविगते नव।
37. Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava , upanissaye nava, purejāte tīṇi, pacchājāte tīṇi , āsevane nava, kamme tīṇi, vipāke ekaṃ, āhāre tīṇi, indriye tīṇi, jhāne tīṇi, magge nava, sampayutte nava, vippayutte pañca, atthiyā nava, natthiyā nava, vigate nava, avigate nava.
अनुलोमं।
Anulomaṃ.
२. पच्चनीयुद्धारो
2. Paccanīyuddhāro
३८. उपादानो धम्मो उपादानस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
38. Upādāno dhammo upādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
उपादानो धम्मो नोउपादानस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो। (२)
Upādāno dhammo noupādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)
उपादानो धम्मो उपादानस्स च नोउपादानस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (३)
Upādāno dhammo upādānassa ca noupādānassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)
३९. नोउपादानो धम्मो नोउपादानस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (१)
39. Noupādāno dhammo noupādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
नोउपादानो धम्मो उपादानस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो। (२)
Noupādāno dhammo upādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)
नोउपादानो धम्मो उपादानस्स च नोउपादानस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो । (३)
Noupādāno dhammo upādānassa ca noupādānassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo . (3)
४०. उपादानो च नोउपादानो च धम्मा उपादानस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
40. Upādāno ca noupādāno ca dhammā upādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
उपादानो च नोउपादानो च धम्मा नोउपादानस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो। (२)
Upādāno ca noupādāno ca dhammā noupādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)
उपादानो च नोउपादानो च धम्मा उपादानस्स च नोउपादानस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (३)
Upādāno ca noupādāno ca dhammā upādānassa ca noupādānassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
४१. नहेतुया नव, नआरम्मणे नव (सब्बत्थ नव), नोअविगते नव।
41. Nahetuyā nava, naārammaṇe nava (sabbattha nava), noavigate nava.
३. पच्चयानुलोमपच्चनीयं
3. Paccayānulomapaccanīyaṃ
४२. हेतुपच्चया नआरम्मणे नव, नअधिपतिया नव…पे॰… नअञ्ञमञ्ञे तीणि, नउपनिस्सये नव (सब्बत्थ नव), नसम्पयुत्ते तीणि, नविप्पयुत्ते नव, नोनत्थिया नव, नोविगते नव।
42. Hetupaccayā naārammaṇe nava, naadhipatiyā nava…pe… naaññamaññe tīṇi, naupanissaye nava (sabbattha nava), nasampayutte tīṇi, navippayutte nava, nonatthiyā nava, novigate nava.
४. पच्चयपच्चनीयानुलोमं
4. Paccayapaccanīyānulomaṃ
४३. नहेतुपच्चया आरम्मणे नव, अधिपतिया नव (अनुलोममातिका कातब्बा)…पे॰… अविगते नव।
43. Nahetupaccayā ārammaṇe nava, adhipatiyā nava (anulomamātikā kātabbā)…pe… avigate nava.
उपादानदुकं निट्ठितं।
Upādānadukaṃ niṭṭhitaṃ.
७०. उपादानियदुकं
70. Upādāniyadukaṃ
१-७. पटिच्चवारादि
1-7. Paṭiccavārādi
४४. उपादानियं धम्मं पटिच्च उपादानियो धम्मो उप्पज्जति हेतुपच्चया – उपादानियं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे…पे॰… खन्धे पटिच्च वत्थु, वत्थुं पटिच्च खन्धा, एकं महाभूतं…पे॰… (यथा लोकियदुकं, एवं कातब्बं। निन्नानाकरणं)।
44. Upādāniyaṃ dhammaṃ paṭicca upādāniyo dhammo uppajjati hetupaccayā – upādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe… (yathā lokiyadukaṃ, evaṃ kātabbaṃ. Ninnānākaraṇaṃ).
उपादानियदुकं निट्ठितं।
Upādāniyadukaṃ niṭṭhitaṃ.
७१. उपादानसम्पयुत्तदुकं
71. Upādānasampayuttadukaṃ
१. पटिच्चवारो
1. Paṭiccavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
४५. उपादानसम्पयुत्तं धम्मं पटिच्च उपादानसम्पयुत्तो धम्मो उप्पज्जति हेतुपच्चया – उपादानसम्पयुत्तं एकं खन्धं पटिच्च तयो खन्धा…पे॰… द्वे खन्धे…पे॰…। (१)
45. Upādānasampayuttaṃ dhammaṃ paṭicca upādānasampayutto dhammo uppajjati hetupaccayā – upādānasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)
उपादानसम्पयुत्तं धम्मं पटिच्च उपादानविप्पयुत्तो धम्मो उप्पज्जति हेतुपच्चया – उपादानसम्पयुत्ते खन्धे पटिच्च चित्तसमुट्ठानं रूपं, दिट्ठिगतविप्पयुत्तलोभसहगते खन्धे पटिच्च लोभो चित्तसमुट्ठानञ्च रूपं। (२)
Upādānasampayuttaṃ dhammaṃ paṭicca upādānavippayutto dhammo uppajjati hetupaccayā – upādānasampayutte khandhe paṭicca cittasamuṭṭhānaṃ rūpaṃ, diṭṭhigatavippayuttalobhasahagate khandhe paṭicca lobho cittasamuṭṭhānañca rūpaṃ. (2)
उपादानसम्पयुत्तं धम्मं पटिच्च उपादानसम्पयुत्तो च उपादानविप्पयुत्तो च धम्मा उप्पज्जन्ति हेतुपच्चया – उपादानसम्पयुत्तं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… दिट्ठिगतविप्पयुत्तलोभसहगतं एकं खन्धं पटिच्च तयो खन्धा लोभो च चित्तसमुट्ठानञ्च रूपं…पे॰… द्वे खन्धे…पे॰…। (३)
Upādānasampayuttaṃ dhammaṃ paṭicca upādānasampayutto ca upādānavippayutto ca dhammā uppajjanti hetupaccayā – upādānasampayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… diṭṭhigatavippayuttalobhasahagataṃ ekaṃ khandhaṃ paṭicca tayo khandhā lobho ca cittasamuṭṭhānañca rūpaṃ…pe… dve khandhe…pe…. (3)
४६. उपादानविप्पयुत्तं धम्मं पटिच्च उपादानविप्पयुत्तो धम्मो उप्पज्जति हेतुपच्चया – उपादानविप्पयुत्तं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… दिट्ठिगतविप्पयुत्तं लोभं पटिच्च चित्तसमुट्ठानं रूपं; पटिसन्धिक्खणे उपादानविप्पयुत्तं एकं खन्धं पटिच्च तयो खन्धा कटत्ता च रूपं…पे॰… द्वे खन्धे…पे॰… खन्धे पटिच्च वत्थु, वत्थुं पटिच्च खन्धा, एकं महाभूतं…पे॰…। (१)
46. Upādānavippayuttaṃ dhammaṃ paṭicca upādānavippayutto dhammo uppajjati hetupaccayā – upādānavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… diṭṭhigatavippayuttaṃ lobhaṃ paṭicca cittasamuṭṭhānaṃ rūpaṃ; paṭisandhikkhaṇe upādānavippayuttaṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā, ekaṃ mahābhūtaṃ…pe…. (1)
उपादानविप्पयुत्तं धम्मं पटिच्च उपादानसम्पयुत्तो धम्मो उप्पज्जति हेतुपच्चया – दिट्ठिगतविप्पयुत्तं लोभं पटिच्च सम्पयुत्तका खन्धा। (२)
Upādānavippayuttaṃ dhammaṃ paṭicca upādānasampayutto dhammo uppajjati hetupaccayā – diṭṭhigatavippayuttaṃ lobhaṃ paṭicca sampayuttakā khandhā. (2)
उपादानविप्पयुत्तं धम्मं पटिच्च उपादानसम्पयुत्तो च उपादानविप्पयुत्तो च धम्मा उप्पज्जन्ति हेतुपच्चया – दिट्ठिगतविप्पयुत्तं लोभं पटिच्च सम्पयुत्तका खन्धा चित्तसमुट्ठानञ्च रूपं। (३)
Upādānavippayuttaṃ dhammaṃ paṭicca upādānasampayutto ca upādānavippayutto ca dhammā uppajjanti hetupaccayā – diṭṭhigatavippayuttaṃ lobhaṃ paṭicca sampayuttakā khandhā cittasamuṭṭhānañca rūpaṃ. (3)
४७. उपादानसम्पयुत्तञ्च उपादानविप्पयुत्तञ्च धम्मं पटिच्च उपादानसम्पयुत्तो धम्मो उप्पज्जति हेतुपच्चया – दिट्ठिगतविप्पयुत्तलोभसहगतं एकं खन्धञ्च लोभञ्च पटिच्च तयो खन्धा…पे॰… द्वे खन्धे च…पे॰…। (१)
47. Upādānasampayuttañca upādānavippayuttañca dhammaṃ paṭicca upādānasampayutto dhammo uppajjati hetupaccayā – diṭṭhigatavippayuttalobhasahagataṃ ekaṃ khandhañca lobhañca paṭicca tayo khandhā…pe… dve khandhe ca…pe…. (1)
उपादानसम्पयुत्तञ्च उपादानविप्पयुत्तञ्च धम्मं पटिच्च उपादानविप्पयुत्तो धम्मो उप्पज्जति हेतुपच्चया – उपादानसम्पयुत्ते खन्धे च महाभूते च पटिच्च चित्तसमुट्ठानं रूपं, दिट्ठिगतविप्पयुत्तलोभसहगते खन्धे च लोभञ्च पटिच्च चित्तसमुट्ठानं रूपं। (२)
Upādānasampayuttañca upādānavippayuttañca dhammaṃ paṭicca upādānavippayutto dhammo uppajjati hetupaccayā – upādānasampayutte khandhe ca mahābhūte ca paṭicca cittasamuṭṭhānaṃ rūpaṃ, diṭṭhigatavippayuttalobhasahagate khandhe ca lobhañca paṭicca cittasamuṭṭhānaṃ rūpaṃ. (2)
उपादानसम्पयुत्तञ्च उपादानविप्पयुत्तञ्च धम्मं पटिच्च उपादानसम्पयुत्तो च उपादानविप्पयुत्तो च धम्मा उप्पज्जन्ति हेतुपच्चया – दिट्ठिगतविप्पयुत्तलोभसहगतं एकं खन्धञ्च लोभञ्च पटिच्च तयो खन्धा चित्तसमुट्ठानञ्च रूपं…पे॰… द्वे खन्धे च…पे॰…। (३)
Upādānasampayuttañca upādānavippayuttañca dhammaṃ paṭicca upādānasampayutto ca upādānavippayutto ca dhammā uppajjanti hetupaccayā – diṭṭhigatavippayuttalobhasahagataṃ ekaṃ khandhañca lobhañca paṭicca tayo khandhā cittasamuṭṭhānañca rūpaṃ…pe… dve khandhe ca…pe…. (3)
आरम्मणपच्चयो
Ārammaṇapaccayo
४८. उपादानसम्पयुत्तं धम्मं पटिच्च उपादानसम्पयुत्तो धम्मो उप्पज्जति आरम्मणपच्चया – उपादानसम्पयुत्तं एकं खन्धं पटिच्च तयो खन्धा…पे॰… द्वे खन्धे…पे॰…। (१)
48. Upādānasampayuttaṃ dhammaṃ paṭicca upādānasampayutto dhammo uppajjati ārammaṇapaccayā – upādānasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)
उपादानसम्पयुत्तं धम्मं पटिच्च उपादानविप्पयुत्तो धम्मो उप्पज्जति आरम्मणपच्चया – दिट्ठिगतविप्पयुत्तलोभसहगते खन्धे पटिच्च लोभो। (२)
Upādānasampayuttaṃ dhammaṃ paṭicca upādānavippayutto dhammo uppajjati ārammaṇapaccayā – diṭṭhigatavippayuttalobhasahagate khandhe paṭicca lobho. (2)
उपादानसम्पयुत्तं धम्मं पटिच्च उपादानसम्पयुत्तो च उपादानविप्पयुत्तो च धम्मा उप्पज्जन्ति आरम्मणपच्चया – दिट्ठिगतविप्पयुत्तलोभसहगतं एकं खन्धं पटिच्च तयो खन्धा लोभो च…पे॰… द्वे खन्धे…पे॰…। (३)
Upādānasampayuttaṃ dhammaṃ paṭicca upādānasampayutto ca upādānavippayutto ca dhammā uppajjanti ārammaṇapaccayā – diṭṭhigatavippayuttalobhasahagataṃ ekaṃ khandhaṃ paṭicca tayo khandhā lobho ca…pe… dve khandhe…pe…. (3)
४९. उपादानविप्पयुत्तं धम्मं पटिच्च उपादानविप्पयुत्तो धम्मो उप्पज्जति आरम्मणपच्चया – उपादानविप्पयुत्तं एकं खन्धं…पे॰… द्वे खन्धे…पे॰… पटिसन्धिक्खणे…पे॰… वत्थुं पटिच्च खन्धा। (१)
49. Upādānavippayuttaṃ dhammaṃ paṭicca upādānavippayutto dhammo uppajjati ārammaṇapaccayā – upādānavippayuttaṃ ekaṃ khandhaṃ…pe… dve khandhe…pe… paṭisandhikkhaṇe…pe… vatthuṃ paṭicca khandhā. (1)
उपादानविप्पयुत्तं धम्मं पटिच्च उपादानसम्पयुत्तो धम्मो उप्पज्जति आरम्मणपच्चया – दिट्ठिगतविप्पयुत्तं लोभं पटिच्च सम्पयुत्तका खन्धा। (२)
Upādānavippayuttaṃ dhammaṃ paṭicca upādānasampayutto dhammo uppajjati ārammaṇapaccayā – diṭṭhigatavippayuttaṃ lobhaṃ paṭicca sampayuttakā khandhā. (2)
उपादानसम्पयुत्तञ्च उपादानविप्पयुत्तञ्च धम्मं पटिच्च उपादानसम्पयुत्तो धम्मो उप्पज्जति आरम्मणपच्चया – दिट्ठिगतविप्पयुत्तलोभसहगतं एकं खन्धञ्च लोभञ्च पटिच्च तयो खन्धा…पे॰… द्वे खन्धे च…पे॰…। (३) (संखित्तं।)
Upādānasampayuttañca upādānavippayuttañca dhammaṃ paṭicca upādānasampayutto dhammo uppajjati ārammaṇapaccayā – diṭṭhigatavippayuttalobhasahagataṃ ekaṃ khandhañca lobhañca paṭicca tayo khandhā…pe… dve khandhe ca…pe…. (3) (Saṃkhittaṃ.)
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
५०. हेतुया नव, आरम्मणे छ, अधिपतिया नव, अनन्तरे छ, समनन्तरे छ, सहजाते नव, अञ्ञमञ्ञे छ, निस्सये नव, उपनिस्सये छ, पुरेजाते छ, आसेवने छ, कम्मे नव, विपाके एकं, आहारे नव (सब्बत्थ नव), मग्गे नव, सम्पयुत्ते छ, विप्पयुत्ते नव, अत्थिया नव, नत्थिया छ, विगते छ, अविगते नव।
50. Hetuyā nava, ārammaṇe cha, adhipatiyā nava, anantare cha, samanantare cha, sahajāte nava, aññamaññe cha, nissaye nava, upanissaye cha, purejāte cha, āsevane cha, kamme nava, vipāke ekaṃ, āhāre nava (sabbattha nava), magge nava, sampayutte cha, vippayutte nava, atthiyā nava, natthiyā cha, vigate cha, avigate nava.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
५१. उपादानविप्पयुत्तं धम्मं पटिच्च उपादानविप्पयुत्तो धम्मो उप्पज्जति नहेतुपच्चया – अहेतुकं उपादानविप्पयुत्तं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… अहेतुकपटिसन्धिक्खणे…पे॰… (याव असञ्ञसत्ता) विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो। (१)
51. Upādānavippayuttaṃ dhammaṃ paṭicca upādānavippayutto dhammo uppajjati nahetupaccayā – ahetukaṃ upādānavippayuttaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… (yāva asaññasattā) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
नआरम्मणपच्चयादि
Naārammaṇapaccayādi
५२. उपादानसम्पयुत्तं धम्मं पटिच्च उपादानविप्पयुत्तो धम्मो उप्पज्जति नआरम्मणपच्चया – उपादानसम्पयुत्ते खन्धे पटिच्च चित्तसमुट्ठानं रूपं। (१)
52. Upādānasampayuttaṃ dhammaṃ paṭicca upādānavippayutto dhammo uppajjati naārammaṇapaccayā – upādānasampayutte khandhe paṭicca cittasamuṭṭhānaṃ rūpaṃ. (1)
उपादानविप्पयुत्तं धम्मं पटिच्च उपादानविप्पयुत्तो धम्मो उप्पज्जति नआरम्मणपच्चया – उपादानविप्पयुत्ते खन्धे पटिच्च चित्तसमुट्ठानं रूपं, दिट्ठिगतविप्पयुत्तं लोभं पटिच्च चित्तसमुट्ठानं रूपं; पटिसन्धिक्खणे…पे॰… (याव असञ्ञसत्ता)। (१)
Upādānavippayuttaṃ dhammaṃ paṭicca upādānavippayutto dhammo uppajjati naārammaṇapaccayā – upādānavippayutte khandhe paṭicca cittasamuṭṭhānaṃ rūpaṃ, diṭṭhigatavippayuttaṃ lobhaṃ paṭicca cittasamuṭṭhānaṃ rūpaṃ; paṭisandhikkhaṇe…pe… (yāva asaññasattā). (1)
उपादानसम्पयुत्तञ्च उपादानविप्पयुत्तञ्च धम्मं पटिच्च उपादानविप्पयुत्तो धम्मो उप्पज्जति नआरम्मणपच्चया – उपादानसम्पयुत्ते खन्धे च महाभूते च पटिच्च चित्तसमुट्ठानं रूपं, दिट्ठिगतविप्पयुत्तलोभसहगते खन्धे च लोभञ्च पटिच्च चित्तसमुट्ठानं रूपं। (१)
Upādānasampayuttañca upādānavippayuttañca dhammaṃ paṭicca upādānavippayutto dhammo uppajjati naārammaṇapaccayā – upādānasampayutte khandhe ca mahābhūte ca paṭicca cittasamuṭṭhānaṃ rūpaṃ, diṭṭhigatavippayuttalobhasahagate khandhe ca lobhañca paṭicca cittasamuṭṭhānaṃ rūpaṃ. (1)
नअधिपतिपच्चया… नअनन्तरपच्चया… नसमनन्तरपच्चया… नउपनिस्सयपच्चया।
Naadhipatipaccayā… naanantarapaccayā… nasamanantarapaccayā… naupanissayapaccayā.
नपुरेजातपच्चयादि
Napurejātapaccayādi
५३. उपादानसम्पयुत्तं धम्मं पटिच्च उपादानसम्पयुत्तो धम्मो उप्पज्जति नपुरेजातपच्चया – अरूपे उपादानसम्पयुत्तं एकं खन्धं पटिच्च तयो खन्धा…पे॰… द्वे खन्धे…पे॰…। (१)
53. Upādānasampayuttaṃ dhammaṃ paṭicca upādānasampayutto dhammo uppajjati napurejātapaccayā – arūpe upādānasampayuttaṃ ekaṃ khandhaṃ paṭicca tayo khandhā…pe… dve khandhe…pe…. (1)
उपादानसम्पयुत्तं धम्मं पटिच्च उपादानविप्पयुत्तो धम्मो उप्पज्जति नपुरेजातपच्चया – अरूपे दिट्ठिगतविप्पयुत्तलोभसहगते खन्धे पटिच्च लोभो, उपादानसम्पयुत्ते खन्धे पटिच्च चित्तसमुट्ठानं रूपं। (२)
Upādānasampayuttaṃ dhammaṃ paṭicca upādānavippayutto dhammo uppajjati napurejātapaccayā – arūpe diṭṭhigatavippayuttalobhasahagate khandhe paṭicca lobho, upādānasampayutte khandhe paṭicca cittasamuṭṭhānaṃ rūpaṃ. (2)
उपादानसम्पयुत्तं धम्मं पटिच्च उपादानसम्पयुत्तो च उपादानविप्पयुत्तो च धम्मा उप्पज्जन्ति नपुरेजातपच्चया – अरूपे दिट्ठिगतविप्पयुत्तलोभसहगतं एकं खन्धं पटिच्च तयो खन्धा लोभो च…पे॰… द्वे खन्धे…पे॰…। (३)
Upādānasampayuttaṃ dhammaṃ paṭicca upādānasampayutto ca upādānavippayutto ca dhammā uppajjanti napurejātapaccayā – arūpe diṭṭhigatavippayuttalobhasahagataṃ ekaṃ khandhaṃ paṭicca tayo khandhā lobho ca…pe… dve khandhe…pe…. (3)
५४. उपादानविप्पयुत्तं धम्मं पटिच्च उपादानविप्पयुत्तो धम्मो उप्पज्जति नपुरेजातपच्चया – अरूपे उपादानविप्पयुत्तं एकं खन्धं पटिच्च तयो खन्धा…पे॰… द्वे खन्धे…पे॰… उपादानविप्पयुत्ते खन्धे पटिच्च चित्तसमुट्ठानं रूपं, दिट्ठिगतविप्पयुत्तं लोभं पटिच्च चित्तसमुट्ठानं रूपं; पटिसन्धिक्खणे…पे॰… (याव असञ्ञसत्ता)। (१)
54. Upādānavippayuttaṃ dhammaṃ paṭicca upādānavippayutto dhammo uppajjati napurejātapaccayā – arūpe upādānavippayuttaṃ ekaṃ khandhaṃ paṭicca tayo khandhā…pe… dve khandhe…pe… upādānavippayutte khandhe paṭicca cittasamuṭṭhānaṃ rūpaṃ, diṭṭhigatavippayuttaṃ lobhaṃ paṭicca cittasamuṭṭhānaṃ rūpaṃ; paṭisandhikkhaṇe…pe… (yāva asaññasattā). (1)
उपादानविप्पयुत्तं धम्मं पटिच्च उपादानसम्पयुत्तो धम्मो उप्पज्जति नपुरेजातपच्चया – अरूपे दिट्ठिगतविप्पयुत्तं लोभं पटिच्च सम्पयुत्तका खन्धा। (२)
Upādānavippayuttaṃ dhammaṃ paṭicca upādānasampayutto dhammo uppajjati napurejātapaccayā – arūpe diṭṭhigatavippayuttaṃ lobhaṃ paṭicca sampayuttakā khandhā. (2)
उपादानसम्पयुत्तञ्च उपादानविप्पयुत्तञ्च धम्मं पटिच्च उपादानसम्पयुत्तो धम्मो उप्पज्जति नपुरेजातपच्चया – अरूपे दिट्ठिगतविप्पयुत्तलोभसहगतं एकं खन्धञ्च लोभञ्च पटिच्च तयो खन्धा…पे॰… द्वे खन्धे च…पे॰…। (१)
Upādānasampayuttañca upādānavippayuttañca dhammaṃ paṭicca upādānasampayutto dhammo uppajjati napurejātapaccayā – arūpe diṭṭhigatavippayuttalobhasahagataṃ ekaṃ khandhañca lobhañca paṭicca tayo khandhā…pe… dve khandhe ca…pe…. (1)
उपादानसम्पयुत्तञ्च उपादानविप्पयुत्तञ्च धम्मं पटिच्च उपादानविप्पयुत्तो धम्मो उप्पज्जति नपुरेजातपच्चया – उपादानसम्पयुत्ते खन्धे च महाभूते च पटिच्च चित्तसमुट्ठानं रूपं, दिट्ठिगतविप्पयुत्तलोभसहगते खन्धे च लोभञ्च पटिच्च चित्तसमुट्ठानं रूपं। (२)
Upādānasampayuttañca upādānavippayuttañca dhammaṃ paṭicca upādānavippayutto dhammo uppajjati napurejātapaccayā – upādānasampayutte khandhe ca mahābhūte ca paṭicca cittasamuṭṭhānaṃ rūpaṃ, diṭṭhigatavippayuttalobhasahagate khandhe ca lobhañca paṭicca cittasamuṭṭhānaṃ rūpaṃ. (2)
नपच्छाजातपच्चया… नआसेवनपच्चया।
Napacchājātapaccayā… naāsevanapaccayā.
नकम्मपच्चयो
Nakammapaccayo
५५. उपादानसम्पयुत्तं धम्मं पटिच्च उपादानसम्पयुत्तो धम्मो उप्पज्जति नकम्मपच्चया – उपादानसम्पयुत्ते खन्धे पटिच्च सम्पयुत्तका चेतना। (१)
55. Upādānasampayuttaṃ dhammaṃ paṭicca upādānasampayutto dhammo uppajjati nakammapaccayā – upādānasampayutte khandhe paṭicca sampayuttakā cetanā. (1)
उपादानविप्पयुत्तं धम्मं पटिच्च उपादानविप्पयुत्तो धम्मो उप्पज्जति नकम्मपच्चया – उपादानविप्पयुत्ते खन्धे पटिच्च सम्पयुत्तका चेतना; बाहिरं… आहारसमुट्ठानं… उतुसमुट्ठानं…पे॰…। (१)
Upādānavippayuttaṃ dhammaṃ paṭicca upādānavippayutto dhammo uppajjati nakammapaccayā – upādānavippayutte khandhe paṭicca sampayuttakā cetanā; bāhiraṃ… āhārasamuṭṭhānaṃ… utusamuṭṭhānaṃ…pe…. (1)
उपादानविप्पयुत्तं धम्मं पटिच्च उपादानसम्पयुत्तो धम्मो उप्पज्जति नकम्मपच्चया – दिट्ठिगतविप्पयुत्तं लोभं पटिच्च सम्पयुत्तका चेतना। (२)
Upādānavippayuttaṃ dhammaṃ paṭicca upādānasampayutto dhammo uppajjati nakammapaccayā – diṭṭhigatavippayuttaṃ lobhaṃ paṭicca sampayuttakā cetanā. (2)
उपादानसम्पयुत्तञ्च उपादानविप्पयुत्तञ्च धम्मं पटिच्च उपादानसम्पयुत्तो धम्मो उप्पज्जति नकम्मपच्चया – दिट्ठिगतविप्पयुत्तलोभसहगते खन्धे च लोभञ्च पटिच्च सम्पयुत्तका चेतना। (१) (संखित्तं।)
Upādānasampayuttañca upādānavippayuttañca dhammaṃ paṭicca upādānasampayutto dhammo uppajjati nakammapaccayā – diṭṭhigatavippayuttalobhasahagate khandhe ca lobhañca paṭicca sampayuttakā cetanā. (1) (Saṃkhittaṃ.)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
५६. नहेतुया एकं, नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि, नअञ्ञमञ्ञे तीणि, नउपनिस्सये तीणि, नपुरेजाते सत्त, नपच्छाजाते नव, नआसेवने नव, नकम्मे चत्तारि, नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते तीणि, नविप्पयुत्ते छ, नोनत्थिया तीणि, नोविगते तीणि।
56. Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte satta, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte cha, nonatthiyā tīṇi, novigate tīṇi.
२. सहजातवारो
2. Sahajātavāro
(इतरे द्वे गणनापि कातब्बा। सहजातवारो पटिच्चवारसदिसो।)
(Itare dve gaṇanāpi kātabbā. Sahajātavāro paṭiccavārasadiso.)
३. पच्चयवारो
3. Paccayavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
५७. उपादानसम्पयुत्तं धम्मं पच्चया उपादानसम्पयुत्तो धम्मो उप्पज्जति हेतुपच्चया… तीणि (पटिच्चसदिसं)।
57. Upādānasampayuttaṃ dhammaṃ paccayā upādānasampayutto dhammo uppajjati hetupaccayā… tīṇi (paṭiccasadisaṃ).
उपादानविप्पयुत्तं धम्मं पच्चया उपादानविप्पयुत्तो धम्मो उप्पज्जति हेतुपच्चया – उपादानविप्पयुत्तं एकं खन्धं पच्चया…पे॰… (याव अज्झत्तिका महाभूता) वत्थुं पच्चया उपादानविप्पयुत्ता खन्धा, वत्थुं पच्चया दिट्ठिगतविप्पयुत्तो लोभो। (१)
Upādānavippayuttaṃ dhammaṃ paccayā upādānavippayutto dhammo uppajjati hetupaccayā – upādānavippayuttaṃ ekaṃ khandhaṃ paccayā…pe… (yāva ajjhattikā mahābhūtā) vatthuṃ paccayā upādānavippayuttā khandhā, vatthuṃ paccayā diṭṭhigatavippayutto lobho. (1)
उपादानविप्पयुत्तं धम्मं पच्चया उपादानसम्पयुत्तो धम्मो उप्पज्जति हेतुपच्चया – वत्थुं पच्चया उपादानसम्पयुत्ता खन्धा, दिट्ठिगतविप्पयुत्तं लोभं पच्चया सम्पयुत्तका खन्धा। (२)
Upādānavippayuttaṃ dhammaṃ paccayā upādānasampayutto dhammo uppajjati hetupaccayā – vatthuṃ paccayā upādānasampayuttā khandhā, diṭṭhigatavippayuttaṃ lobhaṃ paccayā sampayuttakā khandhā. (2)
उपादानविप्पयुत्तं धम्मं पच्चया उपादानसम्पयुत्तो च उपादानविप्पयुत्तो च धम्मा उप्पज्जन्ति हेतुपच्चया – वत्थुं पच्चया उपादानसम्पयुत्तका खन्धा, महाभूते पच्चया चित्तसमुट्ठानं रूपं; दिट्ठिगतविप्पयुत्तं लोभं पच्चया सम्पयुत्तका खन्धा चित्तसमुट्ठानञ्च रूपं, वत्थुं पच्चया दिट्ठिगतविप्पयुत्तलोभसहगता खन्धा च लोभो च। (३)
Upādānavippayuttaṃ dhammaṃ paccayā upādānasampayutto ca upādānavippayutto ca dhammā uppajjanti hetupaccayā – vatthuṃ paccayā upādānasampayuttakā khandhā, mahābhūte paccayā cittasamuṭṭhānaṃ rūpaṃ; diṭṭhigatavippayuttaṃ lobhaṃ paccayā sampayuttakā khandhā cittasamuṭṭhānañca rūpaṃ, vatthuṃ paccayā diṭṭhigatavippayuttalobhasahagatā khandhā ca lobho ca. (3)
५८. उपादानसम्पयुत्तञ्च उपादानविप्पयुत्तञ्च धम्मं पच्चया उपादानसम्पयुत्तो धम्मो उप्पज्जति हेतुपच्चया – उपादानसम्पयुत्तं एकं खन्धञ्च वत्थुञ्च पच्चया तयो खन्धा…पे॰… द्वे खन्धे च…पे॰… दिट्ठिगतविप्पयुत्तलोभसहगतं एकं खन्धञ्च लोभञ्च पच्चया तयो खन्धा…पे॰… द्वे खन्धे च…पे॰…। (१)
58. Upādānasampayuttañca upādānavippayuttañca dhammaṃ paccayā upādānasampayutto dhammo uppajjati hetupaccayā – upādānasampayuttaṃ ekaṃ khandhañca vatthuñca paccayā tayo khandhā…pe… dve khandhe ca…pe… diṭṭhigatavippayuttalobhasahagataṃ ekaṃ khandhañca lobhañca paccayā tayo khandhā…pe… dve khandhe ca…pe…. (1)
उपादानसम्पयुत्तञ्च उपादानविप्पयुत्तञ्च धम्मं पच्चया उपादानविप्पयुत्तो धम्मो उप्पज्जति हेतुपच्चया – उपादानसम्पयुत्ते खन्धे च महाभूते च पच्चया चित्तसमुट्ठानं रूपं, दिट्ठिगतविप्पयुत्तलोभसहगते खन्धे च लोभञ्च पच्चया चित्तसमुट्ठानं रूपं, दिट्ठिगतविप्पयुत्तलोभसहगते खन्धे च वत्थुञ्च पच्चया लोभो। (२)
Upādānasampayuttañca upādānavippayuttañca dhammaṃ paccayā upādānavippayutto dhammo uppajjati hetupaccayā – upādānasampayutte khandhe ca mahābhūte ca paccayā cittasamuṭṭhānaṃ rūpaṃ, diṭṭhigatavippayuttalobhasahagate khandhe ca lobhañca paccayā cittasamuṭṭhānaṃ rūpaṃ, diṭṭhigatavippayuttalobhasahagate khandhe ca vatthuñca paccayā lobho. (2)
उपादानसम्पयुत्तञ्च उपादानविप्पयुत्तञ्च धम्मं पच्चया उपादानसम्पयुत्तो च उपादानविप्पयुत्तो च धम्मा उप्पज्जन्ति हेतुपच्चया – उपादानसम्पयुत्तं एकं खन्धञ्च वत्थुञ्च पच्चया तयो खन्धा…पे॰… द्वे खन्धे च…पे॰… उपादानसम्पयुत्ते खन्धे च महाभूते च पच्चया चित्तसमुट्ठानं रूपं; दिट्ठिगतविप्पयुत्तलोभसहगतं एकं खन्धञ्च वत्थुञ्च पच्चया तयो खन्धा लोभो च…पे॰… द्वे खन्धे च…पे॰…। (३) (संखित्तं। आरम्मणपच्चयम्हि पञ्च विञ्ञाणा कातब्बा।)
Upādānasampayuttañca upādānavippayuttañca dhammaṃ paccayā upādānasampayutto ca upādānavippayutto ca dhammā uppajjanti hetupaccayā – upādānasampayuttaṃ ekaṃ khandhañca vatthuñca paccayā tayo khandhā…pe… dve khandhe ca…pe… upādānasampayutte khandhe ca mahābhūte ca paccayā cittasamuṭṭhānaṃ rūpaṃ; diṭṭhigatavippayuttalobhasahagataṃ ekaṃ khandhañca vatthuñca paccayā tayo khandhā lobho ca…pe… dve khandhe ca…pe…. (3) (Saṃkhittaṃ. Ārammaṇapaccayamhi pañca viññāṇā kātabbā.)
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
५९. हेतुया नव, आरम्मणे नव, अधिपतिया नव, अनन्तरे नव (सब्बत्थ नव), विपाके एकं…पे॰… अविगते नव।
59. Hetuyā nava, ārammaṇe nava, adhipatiyā nava, anantare nava (sabbattha nava), vipāke ekaṃ…pe… avigate nava.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
६०. उपादानविप्पयुत्तं धम्मं पच्चया उपादानविप्पयुत्तो धम्मो उप्पज्जति नहेतुपच्चया – अहेतुकं उपादानविप्पयुत्तं एकं खन्धं पच्चया…पे॰… (याव असञ्ञसत्ता ) चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं…पे॰… वत्थुं पच्चया अहेतुका उपादानविप्पयुत्ता खन्धा, विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो (संखित्तं)।
60. Upādānavippayuttaṃ dhammaṃ paccayā upādānavippayutto dhammo uppajjati nahetupaccayā – ahetukaṃ upādānavippayuttaṃ ekaṃ khandhaṃ paccayā…pe… (yāva asaññasattā ) cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ…pe… vatthuṃ paccayā ahetukā upādānavippayuttā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho (saṃkhittaṃ).
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
६१. नहेतुया एकं, नआरम्मणे तीणि, नअधिपतिया नव, नअनन्तरे तीणि, नसमनन्तरे तीणि, नअञ्ञमञ्ञे तीणि, नउपनिस्सये तीणि, नपुरेजाते सत्त, नपच्छाजाते नव, नआसेवने नव, नकम्मे चत्तारि, नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते तीणि, नविप्पयुत्ते छ, नोनत्थिया तीणि, नोविगते तीणि।
61. Nahetuyā ekaṃ, naārammaṇe tīṇi, naadhipatiyā nava, naanantare tīṇi, nasamanantare tīṇi, naaññamaññe tīṇi, naupanissaye tīṇi, napurejāte satta, napacchājāte nava, naāsevane nava, nakamme cattāri, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte tīṇi, navippayutte cha, nonatthiyā tīṇi, novigate tīṇi.
४. निस्सयवारो
4. Nissayavāro
(एवं इतरे द्वे गणनापि निस्सयवारोपि कातब्बो।)
(Evaṃ itare dve gaṇanāpi nissayavāropi kātabbo.)
५. संसट्ठवारो
5. Saṃsaṭṭhavāro
१-४. पच्चयानुलोमादि
1-4. Paccayānulomādi
६२. उपादानसम्पयुत्तं धम्मं संसट्ठो उपादानसम्पयुत्तो धम्मो उप्पज्जति हेतुपच्चया – उपादानसम्पयुत्तं एकं खन्धं संसट्ठा… तीणि।
62. Upādānasampayuttaṃ dhammaṃ saṃsaṭṭho upādānasampayutto dhammo uppajjati hetupaccayā – upādānasampayuttaṃ ekaṃ khandhaṃ saṃsaṭṭhā… tīṇi.
उपादानविप्पयुत्तं धम्मं संसट्ठो उपादानविप्पयुत्तो धम्मो उप्पज्जति हेतुपच्चया (पटिच्चसदिसं, अरूपंयेव कातब्बं)।
Upādānavippayuttaṃ dhammaṃ saṃsaṭṭho upādānavippayutto dhammo uppajjati hetupaccayā (paṭiccasadisaṃ, arūpaṃyeva kātabbaṃ).
उपादानविप्पयुत्तं धम्मं संसट्ठो उपादानसम्पयुत्तो धम्मो उप्पज्जति हेतुपच्चया (पटिच्चसदिसं, अरूपंयेव कातब्बं)।
Upādānavippayuttaṃ dhammaṃ saṃsaṭṭho upādānasampayutto dhammo uppajjati hetupaccayā (paṭiccasadisaṃ, arūpaṃyeva kātabbaṃ).
उपादानसम्पयुत्तञ्च उपादानविप्पयुत्तञ्च धम्मं संसट्ठो उपादानसम्पयुत्तो धम्मो उप्पज्जति हेतुपच्चया (पटिच्चसदिसं, अरूपंयेव कातब्बं)।
Upādānasampayuttañca upādānavippayuttañca dhammaṃ saṃsaṭṭho upādānasampayutto dhammo uppajjati hetupaccayā (paṭiccasadisaṃ, arūpaṃyeva kātabbaṃ).
हेतुया छ, आरम्मणे छ, अधिपतिया छ (सब्बत्थ छ), विपाके एकं…पे॰… अविगते छ।
Hetuyā cha, ārammaṇe cha, adhipatiyā cha (sabbattha cha), vipāke ekaṃ…pe… avigate cha.
अनुलोमं।
Anulomaṃ.
उपादानविप्पयुत्तं धम्मं संसट्ठो उपादानविप्पयुत्तो धम्मो उप्पज्जति नहेतुपच्चया (संखित्तं)।
Upādānavippayuttaṃ dhammaṃ saṃsaṭṭho upādānavippayutto dhammo uppajjati nahetupaccayā (saṃkhittaṃ).
नहेतुया एकं, नअधिपतिया छ, नपुरेजाते छ, नपच्छाजाते छ, नआसेवने छ, नकम्मे चत्तारि, नविपाके छ, नझाने एकं, नमग्गे एकं, नविप्पयुत्ते छ।
Nahetuyā ekaṃ, naadhipatiyā cha, napurejāte cha, napacchājāte cha, naāsevane cha, nakamme cattāri, navipāke cha, najhāne ekaṃ, namagge ekaṃ, navippayutte cha.
पच्चनीयं।
Paccanīyaṃ.
६. सम्पयुत्तवारो
6. Sampayuttavāro
(एवं इतरे द्वे गणनापि सम्पयुत्तवारोपि कातब्बो।)
(Evaṃ itare dve gaṇanāpi sampayuttavāropi kātabbo.)
७. पञ्हावारो
7. Pañhāvāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
६३. उपादानसम्पयुत्तो धम्मो उपादानसम्पयुत्तस्स धम्मस्स हेतुपच्चयेन पच्चयो – उपादानसम्पयुत्ता हेतू सम्पयुत्तकानं खन्धानं हेतुपच्चयेन पच्चयो। (१)
63. Upādānasampayutto dhammo upādānasampayuttassa dhammassa hetupaccayena paccayo – upādānasampayuttā hetū sampayuttakānaṃ khandhānaṃ hetupaccayena paccayo. (1)
उपादानसम्पयुत्तो धम्मो उपादानविप्पयुत्तस्स धम्मस्स हेतुपच्चयेन पच्चयो – उपादानसम्पयुत्ता हेतू चित्तसमुट्ठानानं रूपानं हेतुपच्चयेन पच्चयो; दिट्ठिगतविप्पयुत्तलोभसहगता हेतू दिट्ठिगतविप्पयुत्तलोभस्स चित्तसमुट्ठानानञ्च रूपानं हेतुपच्चयेन पच्चयो। (मूलं कातब्बं) उपादानसम्पयुत्ता हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो; दिट्ठिगतविप्पयुत्तलोभसहगता हेतू सम्पयुत्तकानं खन्धानं लोभस्स च चित्तसमुट्ठानानञ्च रूपानं हेतुपच्चयेन पच्चयो। (३)
Upādānasampayutto dhammo upādānavippayuttassa dhammassa hetupaccayena paccayo – upādānasampayuttā hetū cittasamuṭṭhānānaṃ rūpānaṃ hetupaccayena paccayo; diṭṭhigatavippayuttalobhasahagatā hetū diṭṭhigatavippayuttalobhassa cittasamuṭṭhānānañca rūpānaṃ hetupaccayena paccayo. (Mūlaṃ kātabbaṃ) upādānasampayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; diṭṭhigatavippayuttalobhasahagatā hetū sampayuttakānaṃ khandhānaṃ lobhassa ca cittasamuṭṭhānānañca rūpānaṃ hetupaccayena paccayo. (3)
६४. उपादानविप्पयुत्तो धम्मो उपादानविप्पयुत्तस्स धम्मस्स हेतुपच्चयेन पच्चयो – उपादानविप्पयुत्ता हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो; दिट्ठिगतविप्पयुत्तो लोभो चित्तसमुट्ठानानं रूपानं हेतुपच्चयेन पच्चयो; पटिसन्धिक्खणे…पे॰…। (मूलं कातब्बं) दिट्ठिगतविप्पयुत्तो लोभो सम्पयुत्तकानं खन्धानं हेतुपच्चयेन पच्चयो। (मूलं कातब्बं) दिट्ठिगतविप्पयुत्तो लोभो सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। (३)
64. Upādānavippayutto dhammo upādānavippayuttassa dhammassa hetupaccayena paccayo – upādānavippayuttā hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo; diṭṭhigatavippayutto lobho cittasamuṭṭhānānaṃ rūpānaṃ hetupaccayena paccayo; paṭisandhikkhaṇe…pe…. (Mūlaṃ kātabbaṃ) diṭṭhigatavippayutto lobho sampayuttakānaṃ khandhānaṃ hetupaccayena paccayo. (Mūlaṃ kātabbaṃ) diṭṭhigatavippayutto lobho sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
६५. उपादानसम्पयुत्तो च उपादानविप्पयुत्तो च धम्मा उपादानसम्पयुत्तस्स धम्मस्स हेतुपच्चयेन पच्चयो – दिट्ठिगतविप्पयुत्तलोभसहगतो मोहो च लोभो च सम्पयुत्तकानं खन्धानं हेतुपच्चयेन पच्चयो। (मूलं कातब्बं) दिट्ठिगतविप्पयुत्तलोभसहगतो मोहो च लोभो च चित्तसमुट्ठानानं रूपानं हेतुपच्चयेन पच्चयो। (२)
65. Upādānasampayutto ca upādānavippayutto ca dhammā upādānasampayuttassa dhammassa hetupaccayena paccayo – diṭṭhigatavippayuttalobhasahagato moho ca lobho ca sampayuttakānaṃ khandhānaṃ hetupaccayena paccayo. (Mūlaṃ kātabbaṃ) diṭṭhigatavippayuttalobhasahagato moho ca lobho ca cittasamuṭṭhānānaṃ rūpānaṃ hetupaccayena paccayo. (2)
उपादानसम्पयुत्तो च उपादानविप्पयुत्तो च धम्मा उपादानसम्पयुत्तस्स च उपादानविप्पयुत्तस्स च धम्मस्स हेतुपच्चयेन पच्चयो – दिट्ठिगतविप्पयुत्तलोभसहगतो मोहो च लोभो च सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। (३)
Upādānasampayutto ca upādānavippayutto ca dhammā upādānasampayuttassa ca upādānavippayuttassa ca dhammassa hetupaccayena paccayo – diṭṭhigatavippayuttalobhasahagato moho ca lobho ca sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
आरम्मणपच्चयो
Ārammaṇapaccayo
६६. उपादानसम्पयुत्तो धम्मो उपादानसम्पयुत्तस्स धम्मस्स आरम्मणपच्चयेन पच्चयो – उपादानसम्पयुत्ते खन्धे आरब्भ उपादानसम्पयुत्ता खन्धा उप्पज्जन्ति। (मूलं कातब्बं) उपादानसम्पयुत्ते खन्धे आरब्भ उपादानविप्पयुत्ता खन्धा च लोभो च उप्पज्जन्ति। (मूलं कातब्बं) उपादानसम्पयुत्ते खन्धे आरब्भ दिट्ठिगतविप्पयुत्तलोभसहगता खन्धा च लोभो च उप्पज्जन्ति। (३)
66. Upādānasampayutto dhammo upādānasampayuttassa dhammassa ārammaṇapaccayena paccayo – upādānasampayutte khandhe ārabbha upādānasampayuttā khandhā uppajjanti. (Mūlaṃ kātabbaṃ) upādānasampayutte khandhe ārabbha upādānavippayuttā khandhā ca lobho ca uppajjanti. (Mūlaṃ kātabbaṃ) upādānasampayutte khandhe ārabbha diṭṭhigatavippayuttalobhasahagatā khandhā ca lobho ca uppajjanti. (3)
६७. उपादानविप्पयुत्तो धम्मो उपादानविप्पयुत्तस्स धम्मस्स आरम्मणपच्चयेन पच्चयो – दानं…पे॰… सीलं…पे॰… उपोसथकम्मं…पे॰… पुब्बे सुचिण्णानि…पे॰… झाना वुट्ठहित्वा झानं पच्चवेक्खति, अस्सादेति अभिनन्दति, तं आरब्भ दिट्ठिगतविप्पयुत्तो रागो…पे॰… विचिकिच्छा…पे॰… उद्धच्चं उप्पज्जति, झाने परिहीने विप्पटिसारिस्स दोमनस्सं उप्पज्जति। अरिया मग्गा वुट्ठहित्वा मग्गं पच्चवेक्खन्ति, फलं…पे॰… निब्बानं पच्चवेक्खन्ति। निब्बानं गोत्रभुस्स, वोदानस्स, मग्गस्स, फलस्स, आवज्जनाय आरम्मणपच्चयेन पच्चयो। अरिया उपादानविप्पयुत्ते पहीने किलेसे…पे॰… विक्खम्भिते किलेसे…पे॰… पुब्बे समुदाचिण्णे किलेसे…पे॰… चक्खुं…पे॰… वत्थुं उपादानविप्पयुत्ते खन्धे च लोभञ्च अनिच्चतो…पे॰… विपस्सति, अस्सादेति अभिनन्दति, तं आरब्भ दिट्ठिगतविप्पयुत्तो रागो…पे॰… विचिकिच्छा…पे॰… उद्धच्चं…पे॰… दोमनस्सं उप्पज्जति…पे॰… (सब्बं परिपुण्णं), दिब्बेन चक्खुना… (याव कायविञ्ञाणं), उपादानविप्पयुत्ता खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। (१)
67. Upādānavippayutto dhammo upādānavippayuttassa dhammassa ārammaṇapaccayena paccayo – dānaṃ…pe… sīlaṃ…pe… uposathakammaṃ…pe… pubbe suciṇṇāni…pe… jhānā vuṭṭhahitvā jhānaṃ paccavekkhati, assādeti abhinandati, taṃ ārabbha diṭṭhigatavippayutto rāgo…pe… vicikicchā…pe… uddhaccaṃ uppajjati, jhāne parihīne vippaṭisārissa domanassaṃ uppajjati. Ariyā maggā vuṭṭhahitvā maggaṃ paccavekkhanti, phalaṃ…pe… nibbānaṃ paccavekkhanti. Nibbānaṃ gotrabhussa, vodānassa, maggassa, phalassa, āvajjanāya ārammaṇapaccayena paccayo. Ariyā upādānavippayutte pahīne kilese…pe… vikkhambhite kilese…pe… pubbe samudāciṇṇe kilese…pe… cakkhuṃ…pe… vatthuṃ upādānavippayutte khandhe ca lobhañca aniccato…pe… vipassati, assādeti abhinandati, taṃ ārabbha diṭṭhigatavippayutto rāgo…pe… vicikicchā…pe… uddhaccaṃ…pe… domanassaṃ uppajjati…pe… (sabbaṃ paripuṇṇaṃ), dibbena cakkhunā… (yāva kāyaviññāṇaṃ), upādānavippayuttā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (1)
उपादानविप्पयुत्तो धम्मो उपादानसम्पयुत्तस्स धम्मस्स आरम्मणपच्चयेन पच्चयो – दानं …पे॰… झानं…पे॰… चक्खुं…पे॰… वत्थुं उपादानविप्पयुत्ते खन्धे च लोभञ्च अस्सादेति अभिनन्दति, तं आरब्भ रागो उप्पज्जति, दिट्ठि उप्पज्जति। (२)
Upādānavippayutto dhammo upādānasampayuttassa dhammassa ārammaṇapaccayena paccayo – dānaṃ …pe… jhānaṃ…pe… cakkhuṃ…pe… vatthuṃ upādānavippayutte khandhe ca lobhañca assādeti abhinandati, taṃ ārabbha rāgo uppajjati, diṭṭhi uppajjati. (2)
उपादानविप्पयुत्तो धम्मो उपादानसम्पयुत्तस्स च उपादानविप्पयुत्तस्स च धम्मस्स आरम्मणपच्चयेन पच्चयो – चक्खुं…पे॰… वत्थुं उपादानविप्पयुत्ते खन्धे च लोभञ्च आरब्भ दिट्ठिगतविप्पयुत्तलोभसहगता खन्धा च लोभो च उप्पज्जन्ति। (३)
Upādānavippayutto dhammo upādānasampayuttassa ca upādānavippayuttassa ca dhammassa ārammaṇapaccayena paccayo – cakkhuṃ…pe… vatthuṃ upādānavippayutte khandhe ca lobhañca ārabbha diṭṭhigatavippayuttalobhasahagatā khandhā ca lobho ca uppajjanti. (3)
६८. उपादानसम्पयुत्तो च उपादानविप्पयुत्तो च धम्मा उपादानसम्पयुत्तस्स धम्मस्स आरम्मणपच्चयेन पच्चयो – दिट्ठिगतविप्पयुत्तलोभसहगते खन्धे च लोभञ्च आरब्भ उपादानसम्पयुत्ता खन्धा उप्पज्जन्ति। (मूलं कातब्बं) दिट्ठिगतविप्पयुत्तलोभसहगते खन्धे च लोभञ्च आरब्भ उपादानविप्पयुत्ता खन्धा च लोभो च उप्पज्जन्ति। (मूलं कातब्बं) दिट्ठिगतविप्पयुत्तलोभसहगते खन्धे च लोभञ्च आरब्भ दिट्ठिगतविप्पयुत्तलोभसहगता खन्धा च लोभो च उप्पज्जन्ति। (३)
68. Upādānasampayutto ca upādānavippayutto ca dhammā upādānasampayuttassa dhammassa ārammaṇapaccayena paccayo – diṭṭhigatavippayuttalobhasahagate khandhe ca lobhañca ārabbha upādānasampayuttā khandhā uppajjanti. (Mūlaṃ kātabbaṃ) diṭṭhigatavippayuttalobhasahagate khandhe ca lobhañca ārabbha upādānavippayuttā khandhā ca lobho ca uppajjanti. (Mūlaṃ kātabbaṃ) diṭṭhigatavippayuttalobhasahagate khandhe ca lobhañca ārabbha diṭṭhigatavippayuttalobhasahagatā khandhā ca lobho ca uppajjanti. (3)
अधिपतिपच्चयो
Adhipatipaccayo
६९. उपादानसम्पयुत्तो धम्मो उपादानसम्पयुत्तस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – उपादानसम्पयुत्ते खन्धे गरुं कत्वा उपादानसम्पयुत्ता खन्धा उप्पज्जन्ति। सहजाताधिपति – उपादानसम्पयुत्ताधिपति सम्पयुत्तकानं खन्धानं अधिपतिपच्चयेन पच्चयो। (मूलं कातब्बं) आरम्मणाधिपति, सहजाताधिपति। आरम्मणाधिपति – उपादानसम्पयुत्ते खन्धे गरुं कत्वा दिट्ठिगतविप्पयुत्तो लोभो उप्पज्जति। सहजाताधिपति – उपादानसम्पयुत्ताधिपति चित्तसमुट्ठानानं रूपानं अधिपतिपच्चयेन पच्चयो; दिट्ठिगतविप्पयुत्तलोभसहगताधिपति लोभस्स च चित्तसमुट्ठानानञ्च रूपानं अधिपतिपच्चयेन पच्चयो। (मूलं कातब्बं) आरम्मणाधिपति, सहजाताधिपति। आरम्मणाधिपति – उपादानसम्पयुत्ते खन्धे गरुं कत्वा दिट्ठिगतविप्पयुत्तलोभसहगता खन्धा च लोभो च उप्पज्जन्ति। सहजाताधिपति – उपादानसम्पयुत्ताधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो; दिट्ठिगतविप्पयुत्तलोभसहगताधिपति सम्पयुत्तकानं खन्धानं लोभस्स च चित्तसमुट्ठानानञ्च रूपानं अधिपतिपच्चयेन पच्चयो। (३)
69. Upādānasampayutto dhammo upādānasampayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – upādānasampayutte khandhe garuṃ katvā upādānasampayuttā khandhā uppajjanti. Sahajātādhipati – upādānasampayuttādhipati sampayuttakānaṃ khandhānaṃ adhipatipaccayena paccayo. (Mūlaṃ kātabbaṃ) ārammaṇādhipati, sahajātādhipati. Ārammaṇādhipati – upādānasampayutte khandhe garuṃ katvā diṭṭhigatavippayutto lobho uppajjati. Sahajātādhipati – upādānasampayuttādhipati cittasamuṭṭhānānaṃ rūpānaṃ adhipatipaccayena paccayo; diṭṭhigatavippayuttalobhasahagatādhipati lobhassa ca cittasamuṭṭhānānañca rūpānaṃ adhipatipaccayena paccayo. (Mūlaṃ kātabbaṃ) ārammaṇādhipati, sahajātādhipati. Ārammaṇādhipati – upādānasampayutte khandhe garuṃ katvā diṭṭhigatavippayuttalobhasahagatā khandhā ca lobho ca uppajjanti. Sahajātādhipati – upādānasampayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo; diṭṭhigatavippayuttalobhasahagatādhipati sampayuttakānaṃ khandhānaṃ lobhassa ca cittasamuṭṭhānānañca rūpānaṃ adhipatipaccayena paccayo. (3)
७०. उपादानविप्पयुत्तो धम्मो उपादानविप्पयुत्तस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं…पे॰… सीलं…पे॰… झाना वुट्ठहित्वा झानं गरुं कत्वा पच्चवेक्खति, अस्सादेति अभिनन्दति, तं गरुं कत्वा दिट्ठिगतविप्पयुत्तो रागो उप्पज्जति…पे॰… अरिया मग्गा वुट्ठहित्वा…पे॰… फलस्स अधिपतिपच्चयेन पच्चयो; चक्खुं…पे॰… वत्थुं उपादानविप्पयुत्ते खन्धे च लोभञ्च गरुं कत्वा अस्सादेति अभिनन्दति, तं गरुं कत्वा दिट्ठिगतविप्पयुत्तो रागो उप्पज्जति। सहजाताधिपति – उपादानविप्पयुत्ताधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो। (१)
70. Upādānavippayutto dhammo upādānavippayuttassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… sīlaṃ…pe… jhānā vuṭṭhahitvā jhānaṃ garuṃ katvā paccavekkhati, assādeti abhinandati, taṃ garuṃ katvā diṭṭhigatavippayutto rāgo uppajjati…pe… ariyā maggā vuṭṭhahitvā…pe… phalassa adhipatipaccayena paccayo; cakkhuṃ…pe… vatthuṃ upādānavippayutte khandhe ca lobhañca garuṃ katvā assādeti abhinandati, taṃ garuṃ katvā diṭṭhigatavippayutto rāgo uppajjati. Sahajātādhipati – upādānavippayuttādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
उपादानविप्पयुत्तो धम्मो उपादानसम्पयुत्तस्स धम्मस्स अधिपतिपच्चयेन पच्चयो। आरम्मणाधिपति – दानं…पे॰… झानं…पे॰… चक्खुं…पे॰… वत्थुं उपादानविप्पयुत्ते खन्धे च लोभञ्च गरुं कत्वा अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति। (२)
Upādānavippayutto dhammo upādānasampayuttassa dhammassa adhipatipaccayena paccayo. Ārammaṇādhipati – dānaṃ…pe… jhānaṃ…pe… cakkhuṃ…pe… vatthuṃ upādānavippayutte khandhe ca lobhañca garuṃ katvā assādeti abhinandati, taṃ garuṃ katvā rāgo uppajjati, diṭṭhi uppajjati. (2)
उपादानविप्पयुत्तो धम्मो उपादानसम्पयुत्तस्स च उपादानविप्पयुत्तस्स च धम्मस्स अधिपतिपच्चयेन पच्चयो। आरम्मणाधिपति – चक्खुं…पे॰… वत्थुं उपादानविप्पयुत्ते खन्धे च लोभञ्च गरुं कत्वा दिट्ठिगतविप्पयुत्तलोभसहगता खन्धा च लोभो च उप्पज्जन्ति। (३)
Upādānavippayutto dhammo upādānasampayuttassa ca upādānavippayuttassa ca dhammassa adhipatipaccayena paccayo. Ārammaṇādhipati – cakkhuṃ…pe… vatthuṃ upādānavippayutte khandhe ca lobhañca garuṃ katvā diṭṭhigatavippayuttalobhasahagatā khandhā ca lobho ca uppajjanti. (3)
७१. उपादानसम्पयुत्तो च उपादानविप्पयुत्तो च धम्मा उपादानसम्पयुत्तस्स धम्मस्स अधिपतिपच्चयेन पच्चयो। आरम्मणाधिपति – दिट्ठिगतविप्पयुत्तलोभसहगते खन्धे च लोभञ्च गरुं कत्वा उपादानसम्पयुत्ता खन्धा उप्पज्जन्ति। (मूलं कातब्बं) दिट्ठिगतविप्पयुत्तलोभसहगते खन्धे च लोभञ्च गरुं कत्वा दिट्ठिगतविप्पयुत्तो लोभो उप्पज्जति। (मूलं कातब्बं) दिट्ठिगतविप्पयुत्तलोभसहगते खन्धे च लोभञ्च गरुं कत्वा दिट्ठिगतविप्पयुत्तलोभसहगता खन्धा च लोभो च उप्पज्जन्ति। (३)
71. Upādānasampayutto ca upādānavippayutto ca dhammā upādānasampayuttassa dhammassa adhipatipaccayena paccayo. Ārammaṇādhipati – diṭṭhigatavippayuttalobhasahagate khandhe ca lobhañca garuṃ katvā upādānasampayuttā khandhā uppajjanti. (Mūlaṃ kātabbaṃ) diṭṭhigatavippayuttalobhasahagate khandhe ca lobhañca garuṃ katvā diṭṭhigatavippayutto lobho uppajjati. (Mūlaṃ kātabbaṃ) diṭṭhigatavippayuttalobhasahagate khandhe ca lobhañca garuṃ katvā diṭṭhigatavippayuttalobhasahagatā khandhā ca lobho ca uppajjanti. (3)
अनन्तरपच्चयो
Anantarapaccayo
७२. उपादानसम्पयुत्तो धम्मो उपादानसम्पयुत्तस्स धम्मस्स अनन्तरपच्चयेन पच्चयो – पुरिमा पुरिमा उपादानसम्पयुत्ता खन्धा पच्छिमानं पच्छिमानं उपादानसम्पयुत्तकानं खन्धानं अनन्तरपच्चयेन पच्चयो। (मूलं कातब्बं) पुरिमा पुरिमा दिट्ठिगतविप्पयुत्तलोभसहगता खन्धा पच्छिमस्स पच्छिमस्स दिट्ठिगतविप्पयुत्तस्स लोभस्स अनन्तरपच्चयेन पच्चयो; उपादानसम्पयुत्ता खन्धा वुट्ठानस्स अनन्तरपच्चयेन पच्चयो। (मूलं कातब्बं) पुरिमा पुरिमा दिट्ठिगतविप्पयुत्तलोभसहगता खन्धा पच्छिमानं पच्छिमानं दिट्ठिगतविप्पयुत्तलोभसहगतानं खन्धानं लोभस्स च अनन्तरपच्चयेन पच्चयो। (३)
72. Upādānasampayutto dhammo upādānasampayuttassa dhammassa anantarapaccayena paccayo – purimā purimā upādānasampayuttā khandhā pacchimānaṃ pacchimānaṃ upādānasampayuttakānaṃ khandhānaṃ anantarapaccayena paccayo. (Mūlaṃ kātabbaṃ) purimā purimā diṭṭhigatavippayuttalobhasahagatā khandhā pacchimassa pacchimassa diṭṭhigatavippayuttassa lobhassa anantarapaccayena paccayo; upādānasampayuttā khandhā vuṭṭhānassa anantarapaccayena paccayo. (Mūlaṃ kātabbaṃ) purimā purimā diṭṭhigatavippayuttalobhasahagatā khandhā pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ lobhassa ca anantarapaccayena paccayo. (3)
७३. उपादानविप्पयुत्तो धम्मो उपादानविप्पयुत्तस्स धम्मस्स अनन्तरपच्चयेन पच्चयो – पुरिमो पुरिमो दिट्ठिगतविप्पयुत्तो लोभो पच्छिमस्स पच्छिमस्स दिट्ठिगतविप्पयुत्तस्स लोभस्स अनन्तरपच्चयेन पच्चयो; पुरिमा पुरिमा उपादानविप्पयुत्ता खन्धा पच्छिमानं पच्छिमानं उपादानविप्पयुत्तानं खन्धानं अनन्तरपच्चयेन पच्चयो; दिट्ठिगतविप्पयुत्तो लोभो वुट्ठानस्स अनन्तरपच्चयेन पच्चयो; अनुलोमं गोत्रभुस्स…पे॰… फलसमापत्तिया अनन्तरपच्चयेन पच्चयो। (मूलं कातब्बं) पुरिमो पुरिमो दिट्ठिगतविप्पयुत्तो लोभो पच्छिमानं पच्छिमानं दिट्ठिगतविप्पयुत्तलोभसहगतानं खन्धानं अनन्तरपच्चयेन पच्चयो। आवज्जना उपादानसम्पयुत्तकानं खन्धानं अनन्तरपच्चयेन पच्चयो। (मूलं कातब्बं) पुरिमो पुरिमो दिट्ठिगतविप्पयुत्तो लोभो पच्छिमानं पच्छिमानं दिट्ठिगतविप्पयुत्तलोभसहगतानं खन्धानं लोभस्स च अनन्तरपच्चयेन पच्चयो; आवज्जना दिट्ठिगतविप्पयुत्तलोभसहगतानं खन्धानं लोभस्स च अनन्तरपच्चयेन पच्चयो। (३)
73. Upādānavippayutto dhammo upādānavippayuttassa dhammassa anantarapaccayena paccayo – purimo purimo diṭṭhigatavippayutto lobho pacchimassa pacchimassa diṭṭhigatavippayuttassa lobhassa anantarapaccayena paccayo; purimā purimā upādānavippayuttā khandhā pacchimānaṃ pacchimānaṃ upādānavippayuttānaṃ khandhānaṃ anantarapaccayena paccayo; diṭṭhigatavippayutto lobho vuṭṭhānassa anantarapaccayena paccayo; anulomaṃ gotrabhussa…pe… phalasamāpattiyā anantarapaccayena paccayo. (Mūlaṃ kātabbaṃ) purimo purimo diṭṭhigatavippayutto lobho pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ anantarapaccayena paccayo. Āvajjanā upādānasampayuttakānaṃ khandhānaṃ anantarapaccayena paccayo. (Mūlaṃ kātabbaṃ) purimo purimo diṭṭhigatavippayutto lobho pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ lobhassa ca anantarapaccayena paccayo; āvajjanā diṭṭhigatavippayuttalobhasahagatānaṃ khandhānaṃ lobhassa ca anantarapaccayena paccayo. (3)
७४. उपादानसम्पयुत्तो च उपादानविप्पयुत्तो च धम्मा उपादानसम्पयुत्तस्स धम्मस्स अनन्तरपच्चयेन पच्चयो – पुरिमा पुरिमा दिट्ठिगतविप्पयुत्तलोभसहगता खन्धा च लोभो च पच्छिमानं पच्छिमानं दिट्ठिगतविप्पयुत्तलोभसहगतानं खन्धानं अनन्तरपच्चयेन पच्चयो। (मूलं कातब्बं) पुरिमा पुरिमा दिट्ठिगतविप्पयुत्तलोभसहगता खन्धा च लोभो च पच्छिमस्स पच्छिमस्स दिट्ठिगतविप्पयुत्तस्स लोभस्स अनन्तरपच्चयेन पच्चयो; दिट्ठिगतविप्पयुत्तलोभसहगता खन्धा च लोभो च वुट्ठानस्स अनन्तरपच्चयेन पच्चयो। (मूलं कातब्बं) पुरिमा पुरिमा दिट्ठिगतविप्पयुत्तलोभसहगता खन्धा च लोभो च पच्छिमानं पच्छिमानं दिट्ठिगतविप्पयुत्तलोभसहगतानं खन्धानं लोभस्स च अनन्तरपच्चयेन पच्चयो। (३)
74. Upādānasampayutto ca upādānavippayutto ca dhammā upādānasampayuttassa dhammassa anantarapaccayena paccayo – purimā purimā diṭṭhigatavippayuttalobhasahagatā khandhā ca lobho ca pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ anantarapaccayena paccayo. (Mūlaṃ kātabbaṃ) purimā purimā diṭṭhigatavippayuttalobhasahagatā khandhā ca lobho ca pacchimassa pacchimassa diṭṭhigatavippayuttassa lobhassa anantarapaccayena paccayo; diṭṭhigatavippayuttalobhasahagatā khandhā ca lobho ca vuṭṭhānassa anantarapaccayena paccayo. (Mūlaṃ kātabbaṃ) purimā purimā diṭṭhigatavippayuttalobhasahagatā khandhā ca lobho ca pacchimānaṃ pacchimānaṃ diṭṭhigatavippayuttalobhasahagatānaṃ khandhānaṃ lobhassa ca anantarapaccayena paccayo. (3)
समनन्तरपच्चयादि
Samanantarapaccayādi
७५. उपादानसम्पयुत्तो धम्मो उपादानसम्पयुत्तस्स धम्मस्स समनन्तरपच्चयेन पच्चयो… सहजातपच्चयेन पच्चयो… (पटिच्चसदिसं) नव… अञ्ञमञ्ञपच्चयेन पच्चयो… (पटिच्चसदिसं) छ… निस्सयपच्चयेन पच्चयो… (पच्चयवारसदिसं) नव।
75. Upādānasampayutto dhammo upādānasampayuttassa dhammassa samanantarapaccayena paccayo… sahajātapaccayena paccayo… (paṭiccasadisaṃ) nava… aññamaññapaccayena paccayo… (paṭiccasadisaṃ) cha… nissayapaccayena paccayo… (paccayavārasadisaṃ) nava.
उपनिस्सयपच्चयो
Upanissayapaccayo
७६. उपादानसम्पयुत्तो धम्मो उपादानसम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – उपादानसम्पयुत्ता खन्धा उपादानसम्पयुत्तकानं खन्धानं उपनिस्सयपच्चयेन पच्चयो। (मूलं कातब्बं) उपादानसम्पयुत्ता खन्धा उपादानविप्पयुत्तकानं खन्धानं लोभस्स च उपनिस्सयपच्चयेन पच्चयो। (मूलं कातब्बं) उपादानसम्पयुत्ता खन्धा दिट्ठिगतविप्पयुत्तलोभसहगतानं खन्धानं लोभस्स च उपनिस्सयपच्चयेन पच्चयो। (३)
76. Upādānasampayutto dhammo upādānasampayuttassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upādānasampayuttā khandhā upādānasampayuttakānaṃ khandhānaṃ upanissayapaccayena paccayo. (Mūlaṃ kātabbaṃ) upādānasampayuttā khandhā upādānavippayuttakānaṃ khandhānaṃ lobhassa ca upanissayapaccayena paccayo. (Mūlaṃ kātabbaṃ) upādānasampayuttā khandhā diṭṭhigatavippayuttalobhasahagatānaṃ khandhānaṃ lobhassa ca upanissayapaccayena paccayo. (3)
७७. उपादानविप्पयुत्तो धम्मो उपादानविप्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो पकतूपनिस्सयो…पे॰…। पकतूपनिस्सयो – सद्धं उपनिस्साय दानं देति…पे॰… समापत्तिं उप्पादेति, मानं जप्पेति, सीलं…पे॰… पञ्ञं… उपादानविप्पयुत्तं रागं… मानं… पत्थनं…पे॰… सेनासनं उपनिस्साय दानं देति…पे॰… सङ्घं भिन्दति; सद्धा…पे॰… सेनासनं सद्धाय…पे॰… पञ्ञाय उपादानविप्पयुत्तस्स रागस्स… मानस्स… पत्थनाय… कायिकस्स सुखस्स…पे॰… फलसमापत्तिया उपनिस्सयपच्चयेन पच्चयो। (१)
77. Upādānavippayutto dhammo upādānavippayuttassa dhammassa upanissayapaccayena paccayo – ārammaṇūpanissayo, anantarūpanissayo pakatūpanissayo…pe…. Pakatūpanissayo – saddhaṃ upanissāya dānaṃ deti…pe… samāpattiṃ uppādeti, mānaṃ jappeti, sīlaṃ…pe… paññaṃ… upādānavippayuttaṃ rāgaṃ… mānaṃ… patthanaṃ…pe… senāsanaṃ upanissāya dānaṃ deti…pe… saṅghaṃ bhindati; saddhā…pe… senāsanaṃ saddhāya…pe… paññāya upādānavippayuttassa rāgassa… mānassa… patthanāya… kāyikassa sukhassa…pe… phalasamāpattiyā upanissayapaccayena paccayo. (1)
उपादानविप्पयुत्तो धम्मो उपादानसम्पयुत्तस्स धम्मस्स उपनिस्सयपच्चयेन पच्चयो – (तीणि उपनिस्सया) सद्धं उपनिस्साय मानं जप्पेति, दिट्ठिं गण्हाति, सीलं…पे॰… पञ्ञं… उपादानविप्पयुत्तं रागं… मानं… पत्थनं… सेनासनं उपनिस्साय अदिन्नं…पे॰… मुसा…पे॰… पिसुणं…पे॰… सम्फं…पे॰… सन्धिं…पे॰… निल्लोपं…पे॰… एकागारिकं…पे॰… परिपन्थे…पे॰… परदारं…पे॰… गामघातं…पे॰… निगमघातं करोति । सद्धा…पे॰… सेनासनं उपादानसम्पयुत्तस्स रागस्स… मोहस्स… मानस्स… दिट्ठिया… पत्थनाय उपनिस्सयपच्चयेन पच्चयो। (२)
Upādānavippayutto dhammo upādānasampayuttassa dhammassa upanissayapaccayena paccayo – (tīṇi upanissayā) saddhaṃ upanissāya mānaṃ jappeti, diṭṭhiṃ gaṇhāti, sīlaṃ…pe… paññaṃ… upādānavippayuttaṃ rāgaṃ… mānaṃ… patthanaṃ… senāsanaṃ upanissāya adinnaṃ…pe… musā…pe… pisuṇaṃ…pe… samphaṃ…pe… sandhiṃ…pe… nillopaṃ…pe… ekāgārikaṃ…pe… paripanthe…pe… paradāraṃ…pe… gāmaghātaṃ…pe… nigamaghātaṃ karoti . Saddhā…pe… senāsanaṃ upādānasampayuttassa rāgassa… mohassa… mānassa… diṭṭhiyā… patthanāya upanissayapaccayena paccayo. (2)
उपादानविप्पयुत्तो धम्मो उपादानसम्पयुत्तस्स च उपादानविप्पयुत्तस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – सद्धं उपनिस्साय मानं जप्पेति, सीलं…पे॰… पञ्ञं… उपादानविप्पयुत्तं रागं…पे॰… सेनासनं उपनिस्साय अदिन्नं आदियति…पे॰… गामघातं करोति… निगमघातं करोति…। सद्धा…पे॰… सेनासनं दिट्ठिगतविप्पयुत्तलोभसहगतानं खन्धानं लोभस्स च उपनिस्सयपच्चयेन पच्चयो। (३)
Upādānavippayutto dhammo upādānasampayuttassa ca upādānavippayuttassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – saddhaṃ upanissāya mānaṃ jappeti, sīlaṃ…pe… paññaṃ… upādānavippayuttaṃ rāgaṃ…pe… senāsanaṃ upanissāya adinnaṃ ādiyati…pe… gāmaghātaṃ karoti… nigamaghātaṃ karoti…. Saddhā…pe… senāsanaṃ diṭṭhigatavippayuttalobhasahagatānaṃ khandhānaṃ lobhassa ca upanissayapaccayena paccayo. (3)
७८. उपादानसम्पयुत्तो च उपादानविप्पयुत्तो च धम्मा उपादानसम्पयुत्तस्स धम्मस्स उपनिस्सयपच्चयेन पच्चयो – दिट्ठिगतविप्पयुत्तलोभसहगता खन्धा च लोभो च उपादानसम्पयुत्तकानं खन्धानं उपनिस्सयपच्चयेन पच्चयो। (मूलं कातब्बं) दिट्ठिगतविप्पयुत्तलोभसहगता खन्धा च लोभो च उपादानविप्पयुत्तकानं खन्धानं लोभस्स च उपनिस्सयपच्चयेन पच्चयो। (मूलं कातब्बं) दिट्ठिगतविप्पयुत्तलोभसहगता खन्धा च लोभो च दिट्ठिगतविप्पयुत्तलोभसहगतानं खन्धानं लोभस्स च उपनिस्सयपच्चयेन पच्चयो। (३)
78. Upādānasampayutto ca upādānavippayutto ca dhammā upādānasampayuttassa dhammassa upanissayapaccayena paccayo – diṭṭhigatavippayuttalobhasahagatā khandhā ca lobho ca upādānasampayuttakānaṃ khandhānaṃ upanissayapaccayena paccayo. (Mūlaṃ kātabbaṃ) diṭṭhigatavippayuttalobhasahagatā khandhā ca lobho ca upādānavippayuttakānaṃ khandhānaṃ lobhassa ca upanissayapaccayena paccayo. (Mūlaṃ kātabbaṃ) diṭṭhigatavippayuttalobhasahagatā khandhā ca lobho ca diṭṭhigatavippayuttalobhasahagatānaṃ khandhānaṃ lobhassa ca upanissayapaccayena paccayo. (3)
पुरेजातपच्चयो
Purejātapaccayo
७९. उपादानविप्पयुत्तो धम्मो उपादानविप्पयुत्तस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं…पे॰… वत्थुं अनिच्चतो…पे॰… दोमनस्सं उप्पज्जति; दिब्बेन चक्खुना रूपं पस्सति, दिब्बाय सोतधातुया सद्दं सुणाति। रूपायतनं चक्खुविञ्ञाणस्स…पे॰… फोट्ठब्बायतनं…पे॰…। वत्थुपुरेजातं – चक्खायतनं चक्खुविञ्ञाणस्स…पे॰… कायायतनं…पे॰… वत्थु उपादानविप्पयुत्तकानं खन्धानं लोभस्स च पुरेजातपच्चयेन पच्चयो। (१)
79. Upādānavippayutto dhammo upādānavippayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ aniccato…pe… domanassaṃ uppajjati; dibbena cakkhunā rūpaṃ passati, dibbāya sotadhātuyā saddaṃ suṇāti. Rūpāyatanaṃ cakkhuviññāṇassa…pe… phoṭṭhabbāyatanaṃ…pe…. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ…pe… vatthu upādānavippayuttakānaṃ khandhānaṃ lobhassa ca purejātapaccayena paccayo. (1)
उपादानविप्पयुत्तो धम्मो उपादानसम्पयुत्तस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं…पे॰… वत्थुं अस्सादेति अभिनन्दति , तं आरब्भ रागो उप्पज्जति, दिट्ठि उप्पज्जति। वत्थुपुरेजातं – वत्थु उपादानसम्पयुत्तकानं खन्धानं पुरेजातपच्चयेन पच्चयो। (२)
Upādānavippayutto dhammo upādānasampayuttassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ assādeti abhinandati , taṃ ārabbha rāgo uppajjati, diṭṭhi uppajjati. Vatthupurejātaṃ – vatthu upādānasampayuttakānaṃ khandhānaṃ purejātapaccayena paccayo. (2)
उपादानविप्पयुत्तो धम्मो उपादानसम्पयुत्तस्स च उपादानविप्पयुत्तस्स च धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – चक्खुं…पे॰… वत्थुं आरब्भ दिट्ठिगतविप्पयुत्तलोभसहगता खन्धा च लोभो च उप्पज्जन्ति। वत्थुपुरेजातं – वत्थु दिट्ठिगतविप्पयुत्तलोभसहगतानं खन्धानं लोभस्स च पुरेजातपच्चयेन पच्चयो। (३)
Upādānavippayutto dhammo upādānasampayuttassa ca upādānavippayuttassa ca dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – cakkhuṃ…pe… vatthuṃ ārabbha diṭṭhigatavippayuttalobhasahagatā khandhā ca lobho ca uppajjanti. Vatthupurejātaṃ – vatthu diṭṭhigatavippayuttalobhasahagatānaṃ khandhānaṃ lobhassa ca purejātapaccayena paccayo. (3)
पच्छाजातासेवनपच्चया
Pacchājātāsevanapaccayā
८०. उपादानसम्पयुत्तो धम्मो उपादानविप्पयुत्तस्स धम्मस्स पच्छाजातपच्चयेन पच्चयो (संखित्तं)। (१)
80. Upādānasampayutto dhammo upādānavippayuttassa dhammassa pacchājātapaccayena paccayo (saṃkhittaṃ). (1)
उपादानविप्पयुत्तो धम्मो उपादानविप्पयुत्तस्स धम्मस्स पच्छाजातपच्चयेन पच्चयो (संखित्तं)। (१)
Upādānavippayutto dhammo upādānavippayuttassa dhammassa pacchājātapaccayena paccayo (saṃkhittaṃ). (1)
उपादानसम्पयुत्तो च उपादानविप्पयुत्तो च धम्मा उपादानविप्पयुत्तस्स धम्मस्स पच्छाजातपच्चयेन पच्चयो। (संखित्तं।) (१) …आसेवनपच्चयेन पच्चयो।
Upādānasampayutto ca upādānavippayutto ca dhammā upādānavippayuttassa dhammassa pacchājātapaccayena paccayo. (Saṃkhittaṃ.) (1) …Āsevanapaccayena paccayo.
कम्म-विपाकपच्चया
Kamma-vipākapaccayā
८१. उपादानसम्पयुत्तो धम्मो उपादानसम्पयुत्तस्स धम्मस्स कम्मपच्चयेन पच्चयो – उपादानसम्पयुत्ता चेतना सम्पयुत्तकानं खन्धानं कम्मपच्चयेन पच्चयो। (१)
81. Upādānasampayutto dhammo upādānasampayuttassa dhammassa kammapaccayena paccayo – upādānasampayuttā cetanā sampayuttakānaṃ khandhānaṃ kammapaccayena paccayo. (1)
उपादानसम्पयुत्तो धम्मो उपादानविप्पयुत्तस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – उपादानसम्पयुत्ता चेतना चित्तसमुट्ठानानं रूपानं कम्मपच्चयेन पच्चयो; दिट्ठिगतविप्पयुत्तलोभसहगता चेतना लोभस्स चित्तसमुट्ठानानञ्च रूपानं कम्मपच्चयेन पच्चयो। नानाक्खणिका – उपादानसम्पयुत्ता चेतना विपाकानं खन्धानं कटत्ता च रूपानं कम्मपच्चयेन पच्चयो। (२)
Upādānasampayutto dhammo upādānavippayuttassa dhammassa kammapaccayena paccayo – sahajātā, nānākkhaṇikā. Sahajātā – upādānasampayuttā cetanā cittasamuṭṭhānānaṃ rūpānaṃ kammapaccayena paccayo; diṭṭhigatavippayuttalobhasahagatā cetanā lobhassa cittasamuṭṭhānānañca rūpānaṃ kammapaccayena paccayo. Nānākkhaṇikā – upādānasampayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (2)
उपादानसम्पयुत्तो धम्मो उपादानसम्पयुत्तस्स च उपादानविप्पयुत्तस्स च धम्मस्स कम्मपच्चयेन पच्चयो – उपादानसम्पयुत्ता चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो; दिट्ठिगतविप्पयुत्तलोभसहगता चेतना सम्पयुत्तकानं खन्धानं लोभस्स च चित्तसमुट्ठानानञ्च रूपानं कम्मपच्चयेन पच्चयो। (३)
Upādānasampayutto dhammo upādānasampayuttassa ca upādānavippayuttassa ca dhammassa kammapaccayena paccayo – upādānasampayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; diṭṭhigatavippayuttalobhasahagatā cetanā sampayuttakānaṃ khandhānaṃ lobhassa ca cittasamuṭṭhānānañca rūpānaṃ kammapaccayena paccayo. (3)
८२. उपादानविप्पयुत्तो धम्मो उपादानविप्पयुत्तस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – उपादानविप्पयुत्ता चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो; पटिसन्धिक्खणे…पे॰…। नानाक्खणिका – उपादानविप्पयुत्ता चेतना विपाकानं खन्धानं कटत्ता च रूपानं कम्मपच्चयेन पच्चयो। (१)
82. Upādānavippayutto dhammo upādānavippayuttassa dhammassa kammapaccayena paccayo – sahajātā, nānākkhaṇikā. Sahajātā – upādānavippayuttā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo; paṭisandhikkhaṇe…pe…. Nānākkhaṇikā – upādānavippayuttā cetanā vipākānaṃ khandhānaṃ kaṭattā ca rūpānaṃ kammapaccayena paccayo. (1)
उपादानविप्पयुत्तो धम्मो उपादानविप्पयुत्तस्स धम्मस्स विपाकपच्चयेन पच्चयो – विपाको उपादानविप्पयुत्तो एको…पे॰… एकं।
Upādānavippayutto dhammo upādānavippayuttassa dhammassa vipākapaccayena paccayo – vipāko upādānavippayutto eko…pe… ekaṃ.
आहारपच्चयादि
Āhārapaccayādi
८३. उपादानसम्पयुत्तो धम्मो उपादानसम्पयुत्तस्स धम्मस्स आहारपच्चयेन पच्चयो… इन्द्रियपच्चयेन पच्चयो… झानपच्चयेन पच्चयो… मग्गपच्चयेन पच्चयो (इमेसु चतूसुपि यथा कम्मपच्चये दिट्ठिगतविप्पयुत्तो लोभो दस्सितो एवं दस्सेतब्बो। चत्तारि चत्तारि पञ्हा)… सम्पयुत्तपच्चयेन पच्चयो… छ।
83. Upādānasampayutto dhammo upādānasampayuttassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo (imesu catūsupi yathā kammapaccaye diṭṭhigatavippayutto lobho dassito evaṃ dassetabbo. Cattāri cattāri pañhā)… sampayuttapaccayena paccayo… cha.
विप्पयुत्तपच्चयो
Vippayuttapaccayo
८४. उपादानसम्पयुत्तो धम्मो उपादानविप्पयुत्तस्स धम्मस्स विप्पयुत्तपच्चयेन पच्चयो – सहजातं, पच्छाजातं (संखित्तं)। (१)
84. Upādānasampayutto dhammo upādānavippayuttassa dhammassa vippayuttapaccayena paccayo – sahajātaṃ, pacchājātaṃ (saṃkhittaṃ). (1)
उपादानविप्पयुत्तो धम्मो उपादानविप्पयुत्तस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं (संखित्तं)। (१)
Upādānavippayutto dhammo upādānavippayuttassa dhammassa vippayuttapaccayena paccayo – sahajātaṃ, purejātaṃ, pacchājātaṃ (saṃkhittaṃ). (1)
उपादानविप्पयुत्तो धम्मो उपादानसम्पयुत्तस्स धम्मस्स विप्पयुत्तपच्चयेन पच्चयो। पुरेजातं – वत्थु उपादानसम्पयुत्तकानं खन्धानं विप्पयुत्तपच्चयेन पच्चयो। (२)
Upādānavippayutto dhammo upādānasampayuttassa dhammassa vippayuttapaccayena paccayo. Purejātaṃ – vatthu upādānasampayuttakānaṃ khandhānaṃ vippayuttapaccayena paccayo. (2)
उपादानविप्पयुत्तो धम्मो उपादानसम्पयुत्तस्स च उपादानविप्पयुत्तस्स च धम्मस्स विप्पयुत्तपच्चयेन पच्चयो। पुरेजातं – वत्थु दिट्ठिगतविप्पयुत्तलोभसहगतानं खन्धानं लोभस्स च विप्पयुत्तपच्चयेन पच्चयो। (३)
Upādānavippayutto dhammo upādānasampayuttassa ca upādānavippayuttassa ca dhammassa vippayuttapaccayena paccayo. Purejātaṃ – vatthu diṭṭhigatavippayuttalobhasahagatānaṃ khandhānaṃ lobhassa ca vippayuttapaccayena paccayo. (3)
उपादानसम्पयुत्तो च उपादानविप्पयुत्तो च धम्मा उपादानविप्पयुत्तस्स धम्मस्स विप्पयुत्तपच्चयेन पच्चयो – सहजातं, पच्छाजातं। सहजाता – दिट्ठिगतविप्पयुत्तलोभसहगता खन्धा च लोभो च चित्तसमुट्ठानानं रूपानं विप्पयुत्तपच्चयेन पच्चयो। पच्छाजाता…पे॰…।
Upādānasampayutto ca upādānavippayutto ca dhammā upādānavippayuttassa dhammassa vippayuttapaccayena paccayo – sahajātaṃ, pacchājātaṃ. Sahajātā – diṭṭhigatavippayuttalobhasahagatā khandhā ca lobho ca cittasamuṭṭhānānaṃ rūpānaṃ vippayuttapaccayena paccayo. Pacchājātā…pe….
अत्थिपच्चयादि
Atthipaccayādi
८५. उपादानसम्पयुत्तो धम्मो उपादानसम्पयुत्तस्स धम्मस्स अत्थिपच्चयेन पच्चयो… एकं (पटिच्चसदिसं)। (१)
85. Upādānasampayutto dhammo upādānasampayuttassa dhammassa atthipaccayena paccayo… ekaṃ (paṭiccasadisaṃ). (1)
उपादानसम्पयुत्तो धम्मो उपादानविप्पयुत्तस्स धम्मस्स अत्थिपच्चयेन पच्चयो – सहजातं , पच्छाजातं (संखित्तं)। (२)
Upādānasampayutto dhammo upādānavippayuttassa dhammassa atthipaccayena paccayo – sahajātaṃ , pacchājātaṃ (saṃkhittaṃ). (2)
उपादानसम्पयुत्तो धम्मो उपादानसम्पयुत्तस्स च उपादानविप्पयुत्तस्स च धम्मस्स अत्थिपच्चयेन पच्चयो (पटिच्चसदिसं)। (३)
Upādānasampayutto dhammo upādānasampayuttassa ca upādānavippayuttassa ca dhammassa atthipaccayena paccayo (paṭiccasadisaṃ). (3)
८६. उपादानविप्पयुत्तो धम्मो उपादानविप्पयुत्तस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं (संखित्तं)। (१)
86. Upādānavippayutto dhammo upādānavippayuttassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ (saṃkhittaṃ). (1)
उपादानविप्पयुत्तो धम्मो उपादानसम्पयुत्तस्स धम्मस्स अत्थिपच्चयेन पच्चयो – सहजातं, पुरेजातं (संखित्तं)। (२)
Upādānavippayutto dhammo upādānasampayuttassa dhammassa atthipaccayena paccayo – sahajātaṃ, purejātaṃ (saṃkhittaṃ). (2)
उपादानविप्पयुत्तो धम्मो उपादानसम्पयुत्तस्स च उपादानविप्पयुत्तस्स च धम्मस्स अत्थिपच्चयेन पच्चयो – सहजातं, पुरेजातं (इमेसु सहजातं सहजातसदिसं, पुरेजातं पुरेजातसदिसं)। (३)
Upādānavippayutto dhammo upādānasampayuttassa ca upādānavippayuttassa ca dhammassa atthipaccayena paccayo – sahajātaṃ, purejātaṃ (imesu sahajātaṃ sahajātasadisaṃ, purejātaṃ purejātasadisaṃ). (3)
८७. उपादानसम्पयुत्तो च उपादानविप्पयुत्तो च धम्मा उपादानसम्पयुत्तस्स धम्मस्स अत्थिपच्चयेन पच्चयो – सहजातं, पुरेजातं। सहजातो – उपादानसम्पयुत्तो एको खन्धो च वत्थु च तिण्णन्नं खन्धानं अत्थिपच्चयेन पच्चयो…पे॰… द्वे खन्धा च…पे॰…। सहजातो – दिट्ठिगतविप्पयुत्तलोभसहगतो एको खन्धो च लोभो च तिण्णन्नं खन्धानं अत्थिपच्चयेन पच्चयो…पे॰… द्वे खन्धा च…पे॰…। (१)
87. Upādānasampayutto ca upādānavippayutto ca dhammā upādānasampayuttassa dhammassa atthipaccayena paccayo – sahajātaṃ, purejātaṃ. Sahajāto – upādānasampayutto eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā ca…pe…. Sahajāto – diṭṭhigatavippayuttalobhasahagato eko khandho ca lobho ca tiṇṇannaṃ khandhānaṃ atthipaccayena paccayo…pe… dve khandhā ca…pe…. (1)
उपादानसम्पयुत्तो च उपादानविप्पयुत्तो च धम्मा उपादानविप्पयुत्तस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं। सहजाता – उपादानसम्पयुत्ता खन्धा च महाभूता च चित्तसमुट्ठानानं रूपानं अत्थिपच्चयेन पच्चयो। सहजाता – दिट्ठिगतविप्पयुत्तलोभसहगता खन्धा च लोभो च चित्तसमुट्ठानानं रूपानं अत्थिपच्चयेन पच्चयो। सहजाता – दिट्ठिगतविप्पयुत्तलोभसहगता खन्धा च वत्थु च लोभस्स अत्थिपच्चयेन पच्चयो। पच्छाजाता – दिट्ठिगतविप्पयुत्तलोभसहगता खन्धा च लोभो च पुरेजातस्स इमस्स कायस्स अत्थिपच्चयेन पच्चयो। पच्छाजाता – दिट्ठिगतविप्पयुत्तलोभसहगता खन्धा च लोभो च कबळीकारो आहारो च इमस्स कायस्स अत्थिपच्चयेन पच्चयो। पच्छाजाता – दिट्ठिगतविप्पयुत्तलोभसहगता खन्धा च लोभो च रूपजीवितिन्द्रियञ्च कटत्तारूपानं अत्थिपच्चयेन पच्चयो। (२)
Upādānasampayutto ca upādānavippayutto ca dhammā upādānavippayuttassa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajātā – upādānasampayuttā khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Sahajātā – diṭṭhigatavippayuttalobhasahagatā khandhā ca lobho ca cittasamuṭṭhānānaṃ rūpānaṃ atthipaccayena paccayo. Sahajātā – diṭṭhigatavippayuttalobhasahagatā khandhā ca vatthu ca lobhassa atthipaccayena paccayo. Pacchājātā – diṭṭhigatavippayuttalobhasahagatā khandhā ca lobho ca purejātassa imassa kāyassa atthipaccayena paccayo. Pacchājātā – diṭṭhigatavippayuttalobhasahagatā khandhā ca lobho ca kabaḷīkāro āhāro ca imassa kāyassa atthipaccayena paccayo. Pacchājātā – diṭṭhigatavippayuttalobhasahagatā khandhā ca lobho ca rūpajīvitindriyañca kaṭattārūpānaṃ atthipaccayena paccayo. (2)
उपादानसम्पयुत्तो च उपादानविप्पयुत्तो च धम्मा उपादानसम्पयुत्तस्स च उपादानविप्पयुत्तस्स च धम्मस्स अत्थिपच्चयेन पच्चयो – सहजातं, पुरेजातं। सहजातो – दिट्ठिगतविप्पयुत्तलोभसहगतो एको खन्धो च लोभो च तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे॰… द्वे खन्धा च…पे॰…। सहजातो – दिट्ठिगतविप्पयुत्तलोभसहगतो एको खन्धो च वत्थु च तिण्णन्नं खन्धानं लोभस्स च अत्थिपच्चयेन पच्चयो…पे॰… द्वे खन्धा च…पे॰…। (३)
Upādānasampayutto ca upādānavippayutto ca dhammā upādānasampayuttassa ca upādānavippayuttassa ca dhammassa atthipaccayena paccayo – sahajātaṃ, purejātaṃ. Sahajāto – diṭṭhigatavippayuttalobhasahagato eko khandho ca lobho ca tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā ca…pe…. Sahajāto – diṭṭhigatavippayuttalobhasahagato eko khandho ca vatthu ca tiṇṇannaṃ khandhānaṃ lobhassa ca atthipaccayena paccayo…pe… dve khandhā ca…pe…. (3)
नत्थिपच्चयेन पच्चयो… विगतपच्चयेन पच्चयो… अविगतपच्चयेन पच्चयो।
Natthipaccayena paccayo… vigatapaccayena paccayo… avigatapaccayena paccayo.
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
८८. हेतुया नव, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे छ, निस्सये नव, उपनिस्सये नव, पुरेजाते तीणि, पच्छाजाते तीणि, आसेवने नव , कम्मे चत्तारि, विपाके एकं, आहारे चत्तारि, इन्द्रिये चत्तारि, झाने चत्तारि, मग्गे चत्तारि, सम्पयुत्ते छ, विप्पयुत्ते पञ्च, अत्थिया नव, नत्थिया नव, विगते नव, अविगते नव।
88. Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe cha, nissaye nava, upanissaye nava, purejāte tīṇi, pacchājāte tīṇi, āsevane nava , kamme cattāri, vipāke ekaṃ, āhāre cattāri, indriye cattāri, jhāne cattāri, magge cattāri, sampayutte cha, vippayutte pañca, atthiyā nava, natthiyā nava, vigate nava, avigate nava.
पच्चनीयुद्धारो
Paccanīyuddhāro
८९. उपादानसम्पयुत्तो धम्मो उपादानसम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
89. Upādānasampayutto dhammo upādānasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
उपादानसम्पयुत्तो धम्मो उपादानविप्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो। (२)
Upādānasampayutto dhammo upādānavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (2)
उपादानसम्पयुत्तो धम्मो उपादानसम्पयुत्तस्स च उपादानविप्पयुत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (३)
Upādānasampayutto dhammo upādānasampayuttassa ca upādānavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)
९०. उपादानविप्पयुत्तो धम्मो उपादानविप्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो … पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (१)
90. Upādānavippayutto dhammo upādānavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo … pacchājātapaccayena paccayo… kammapaccayena paccayo… āhārapaccayena paccayo… indriyapaccayena paccayo. (1)
उपादानविप्पयुत्तो धम्मो उपादानसम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो। (२)
Upādānavippayutto dhammo upādānasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (2)
उपादानविप्पयुत्तो धम्मो उपादानसम्पयुत्तस्स च उपादानविप्पयुत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो। (३)
Upādānavippayutto dhammo upādānasampayuttassa ca upādānavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo. (3)
९१. उपादानसम्पयुत्तो च उपादानविप्पयुत्तो च धम्मा उपादानसम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
91. Upādānasampayutto ca upādānavippayutto ca dhammā upādānasampayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
उपादानसम्पयुत्तो च उपादानविप्पयुत्तो च धम्मा उपादानविप्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो। (२)
Upādānasampayutto ca upādānavippayutto ca dhammā upādānavippayuttassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (2)
उपादानसम्पयुत्तो च उपादानविप्पयुत्तो च धम्मा उपादानसम्पयुत्तस्स च उपादानविप्पयुत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (३)
Upādānasampayutto ca upādānavippayutto ca dhammā upādānasampayuttassa ca upādānavippayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
९२. नहेतुया नव, नआरम्मणे नव, नअधिपतिया नव (सब्बत्थ नव), नोअविगते नव।
92. Nahetuyā nava, naārammaṇe nava, naadhipatiyā nava (sabbattha nava), noavigate nava.
३. पच्चयानुलोमपच्चनीयं
3. Paccayānulomapaccanīyaṃ
९३. हेतुपच्चया नआरम्मणे नव, नअधिपतिया नव, नअनन्तरे नव, नसमनन्तरे नव, नअञ्ञमञ्ञे तीणि, नउपनिस्सये नव (सब्बत्थ नव), नसम्पयुत्ते तीणि, नविप्पयुत्ते छ, नोनत्थिया नव, नोविगते नव।
93. Hetupaccayā naārammaṇe nava, naadhipatiyā nava, naanantare nava, nasamanantare nava, naaññamaññe tīṇi, naupanissaye nava (sabbattha nava), nasampayutte tīṇi, navippayutte cha, nonatthiyā nava, novigate nava.
४. पच्चयपच्चनीयानुलोमं
4. Paccayapaccanīyānulomaṃ
९४. नहेतुपच्चया आरम्मणे नव, अधिपतिया नव (अनुलोममातिका)…पे॰… अविगते नव।
94. Nahetupaccayā ārammaṇe nava, adhipatiyā nava (anulomamātikā)…pe… avigate nava.
उपादानसम्पयुत्तदुकं निट्ठितं।
Upādānasampayuttadukaṃ niṭṭhitaṃ.
७२. उपादानउपादानियदुकं
72. Upādānaupādāniyadukaṃ
१. पटिच्चवारो
1. Paṭiccavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
९५. उपादानञ्चेव उपादानियञ्च धम्मं पटिच्च उपादानो चेव उपादानियो च धम्मो उप्पज्जति हेतुपच्चया – दिट्ठुपादानं पटिच्च कामुपादानं, कामुपादानं पटिच्च दिट्ठुपादानं (चक्कं)। (१)
95. Upādānañceva upādāniyañca dhammaṃ paṭicca upādāno ceva upādāniyo ca dhammo uppajjati hetupaccayā – diṭṭhupādānaṃ paṭicca kāmupādānaṃ, kāmupādānaṃ paṭicca diṭṭhupādānaṃ (cakkaṃ). (1)
उपादानञ्चेव उपादानियञ्च धम्मं पटिच्च उपादानियो चेव नो च उपादानो धम्मो उप्पज्जति हेतुपच्चया – उपादाने पटिच्च सम्पयुत्तका खन्धा चित्तसमुट्ठानञ्च रूपं। (१)
Upādānañceva upādāniyañca dhammaṃ paṭicca upādāniyo ceva no ca upādāno dhammo uppajjati hetupaccayā – upādāne paṭicca sampayuttakā khandhā cittasamuṭṭhānañca rūpaṃ. (1)
उपादानञ्चेव उपादानियञ्च धम्मं पटिच्च उपादानो चेव उपादानियो च उपादानियो चेव नो च उपादानो च धम्मा उप्पज्जन्ति हेतुपच्चया – दिट्ठुपादानं पटिच्च कामुपादानं सम्पयुत्तका च खन्धा चित्तसमुट्ठानानञ्च रूपं (चक्कं)। (३)
Upādānañceva upādāniyañca dhammaṃ paṭicca upādāno ceva upādāniyo ca upādāniyo ceva no ca upādāno ca dhammā uppajjanti hetupaccayā – diṭṭhupādānaṃ paṭicca kāmupādānaṃ sampayuttakā ca khandhā cittasamuṭṭhānānañca rūpaṃ (cakkaṃ). (3)
९६. उपादानियञ्चेव नो च उपादानं धम्मं पटिच्च उपादानियो चेव नो च उपादानो धम्मो उप्पज्जति हेतुपच्चया – उपादानियञ्चेव नो च उपादानं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे…पे॰… (याव अज्झत्तिका महाभूता)। (१)
96. Upādāniyañceva no ca upādānaṃ dhammaṃ paṭicca upādāniyo ceva no ca upādāno dhammo uppajjati hetupaccayā – upādāniyañceva no ca upādānaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… (yāva ajjhattikā mahābhūtā). (1)
उपादानियञ्चेव नो च उपादानं धम्मं पटिच्च उपादानो चेव उपादानियो च धम्मो उप्पज्जति हेतुपच्चया – उपादानिये चेव नो च उपादाने खन्धे पटिच्च उपादाना। (२)
Upādāniyañceva no ca upādānaṃ dhammaṃ paṭicca upādāno ceva upādāniyo ca dhammo uppajjati hetupaccayā – upādāniye ceva no ca upādāne khandhe paṭicca upādānā. (2)
उपादानियञ्चेव नो च उपादानं धम्मं पटिच्च उपादानो चेव उपादानियो च उपादानियो चेव नो च उपादानो च धम्मा उप्पज्जन्ति हेतुपच्चया – उपादानियञ्चेव नो च उपादानं एकं खन्धं पटिच्च तयो खन्धा उपादाना च चित्तसमुट्ठानञ्च रूपं…पे॰… द्वे खन्धे…पे॰…। (३)
Upādāniyañceva no ca upādānaṃ dhammaṃ paṭicca upādāno ceva upādāniyo ca upādāniyo ceva no ca upādāno ca dhammā uppajjanti hetupaccayā – upādāniyañceva no ca upādānaṃ ekaṃ khandhaṃ paṭicca tayo khandhā upādānā ca cittasamuṭṭhānañca rūpaṃ…pe… dve khandhe…pe…. (3)
९७. उपादानञ्चेव उपादानियञ्च उपादानियञ्चेव नो च उपादानञ्च धम्मं पटिच्च उपादानो चेव उपादानियो च धम्मो उप्पज्जति हेतुपच्चया – दिट्ठुपादानञ्च सम्पयुत्तके च खन्धे पटिच्च कामुपादानं (चक्कं)। (१)
97. Upādānañceva upādāniyañca upādāniyañceva no ca upādānañca dhammaṃ paṭicca upādāno ceva upādāniyo ca dhammo uppajjati hetupaccayā – diṭṭhupādānañca sampayuttake ca khandhe paṭicca kāmupādānaṃ (cakkaṃ). (1)
उपादानञ्चेव उपादानियञ्च उपादानियञ्चेव नो च उपादानञ्च धम्मं पटिच्च उपादानियो चेव नो च उपादानो धम्मो उप्पज्जति हेतुपच्चया – उपादानियञ्चेव नो च उपादानं एकं खन्धञ्च उपादाने च पटिच्च तयो खन्धा चित्तसमुट्ठानञ्च रूपं…पे॰… द्वे खन्धे च…पे॰… उपादाने च महाभूते च पटिच्च चित्तसमुट्ठानं रूपं। (२)
Upādānañceva upādāniyañca upādāniyañceva no ca upādānañca dhammaṃ paṭicca upādāniyo ceva no ca upādāno dhammo uppajjati hetupaccayā – upādāniyañceva no ca upādānaṃ ekaṃ khandhañca upādāne ca paṭicca tayo khandhā cittasamuṭṭhānañca rūpaṃ…pe… dve khandhe ca…pe… upādāne ca mahābhūte ca paṭicca cittasamuṭṭhānaṃ rūpaṃ. (2)
उपादानञ्चेव उपादानियञ्च उपादानियञ्चेव नो च उपादानञ्च धम्मं पटिच्च उपादानो चेव उपादानियो च उपादानियो चेव नो च उपादानो च धम्मा उप्पज्जन्ति हेतुपच्चया – उपादानियञ्चेव नो च उपादानं एकं खन्धञ्च दिट्ठुपादानञ्च पटिच्च तयो खन्धा कामुपादानञ्च चित्तसमुट्ठानञ्च रूपं…पे॰… द्वे खन्धे च…पे॰… (चक्कं)। (३)
Upādānañceva upādāniyañca upādāniyañceva no ca upādānañca dhammaṃ paṭicca upādāno ceva upādāniyo ca upādāniyo ceva no ca upādāno ca dhammā uppajjanti hetupaccayā – upādāniyañceva no ca upādānaṃ ekaṃ khandhañca diṭṭhupādānañca paṭicca tayo khandhā kāmupādānañca cittasamuṭṭhānañca rūpaṃ…pe… dve khandhe ca…pe… (cakkaṃ). (3)
२-६. सहजात-पच्चय-निस्सय-संसट्ठ-सम्पयुत्तवारो
2-6. Sahajāta-paccaya-nissaya-saṃsaṭṭha-sampayuttavāro
(यथा उपादानदुकं एवं पटिच्चवारोपि सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि कातब्बा, निन्नानाकरणा, आमसनं नानाकरणं।)
(Yathā upādānadukaṃ evaṃ paṭiccavāropi sahajātavāropi paccayavāropi nissayavāropi saṃsaṭṭhavāropi sampayuttavāropi kātabbā, ninnānākaraṇā, āmasanaṃ nānākaraṇaṃ.)
७. पञ्हावारो
7. Pañhāvāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
९८. उपादानो चेव उपादानियो च धम्मो उपादानस्स चेव उपादानियस्स च धम्मस्स हेतुपच्चयेन पच्चयो – उपादाना चेव उपादानिया च हेतू सम्पयुत्तकानं उपादानानं हेतुपच्चयेन पच्चयो। (१)
98. Upādāno ceva upādāniyo ca dhammo upādānassa ceva upādāniyassa ca dhammassa hetupaccayena paccayo – upādānā ceva upādāniyā ca hetū sampayuttakānaṃ upādānānaṃ hetupaccayena paccayo. (1)
उपादानो चेव उपादानियो च धम्मो उपादानियस्स चेव नो च उपादानस्स धम्मस्स हेतुपच्चयेन पच्चयो – उपादाना चेव उपादानिया च हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो (उपादानदुकसदिसा निन्नाना, नव पञ्हा)।
Upādāno ceva upādāniyo ca dhammo upādāniyassa ceva no ca upādānassa dhammassa hetupaccayena paccayo – upādānā ceva upādāniyā ca hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo (upādānadukasadisā ninnānā, nava pañhā).
आरम्मणपच्चयो
Ārammaṇapaccayo
९९. उपादानो चेव उपादानियो च धम्मो उपादानस्स चेव उपादानियस्स च धम्मस्स आरम्मणपच्चयेन पच्चयो – उपादाने आरब्भ उपादाना उप्पज्जन्ति… तीणि।
99. Upādāno ceva upādāniyo ca dhammo upādānassa ceva upādāniyassa ca dhammassa ārammaṇapaccayena paccayo – upādāne ārabbha upādānā uppajjanti… tīṇi.
उपादानियो चेव नो च उपादानो धम्मो उपादानियस्स चेव नो च उपादानस्स धम्मस्स आरम्मणपच्चयेन पच्चयो – दानं…पे॰… झाना वुट्ठहित्वा झानं पच्चवेक्खति, अस्सादेति अभिनन्दति, तं आरब्भ रागो उप्पज्जति, दिट्ठि उप्पज्जति, विचिकिच्छा उद्धच्चं दोमनस्सं उप्पज्जति; अरिया गोत्रभुं पच्चवेक्खन्ति, वोदानं पच्चवेक्खन्ति, पहीने किलेसे…पे॰… विक्खम्भिते किलेसे…पे॰… पुब्बे समुदाचिण्णे…पे॰… चक्खुं…पे॰… वत्थुं…पे॰… (संखित्तं) अनागतंसञाणस्स आवज्जनाय आरम्मणपच्चयेन पच्चयो। (१)
Upādāniyo ceva no ca upādāno dhammo upādāniyassa ceva no ca upādānassa dhammassa ārammaṇapaccayena paccayo – dānaṃ…pe… jhānā vuṭṭhahitvā jhānaṃ paccavekkhati, assādeti abhinandati, taṃ ārabbha rāgo uppajjati, diṭṭhi uppajjati, vicikicchā uddhaccaṃ domanassaṃ uppajjati; ariyā gotrabhuṃ paccavekkhanti, vodānaṃ paccavekkhanti, pahīne kilese…pe… vikkhambhite kilese…pe… pubbe samudāciṇṇe…pe… cakkhuṃ…pe… vatthuṃ…pe… (saṃkhittaṃ) anāgataṃsañāṇassa āvajjanāya ārammaṇapaccayena paccayo. (1)
उपादानियो चेव नो च उपादानो धम्मो उपादानस्स चेव उपादानियस्स च धम्मस्स आरम्मणपच्चयेन पच्चयो (संखित्तं, इतरे द्वे उपादानदुकसदिसा)। (३)
Upādāniyo ceva no ca upādāno dhammo upādānassa ceva upādāniyassa ca dhammassa ārammaṇapaccayena paccayo (saṃkhittaṃ, itare dve upādānadukasadisā). (3)
उपादानो चेव उपादानियो च उपादानियो चेव नो च उपादानो च धम्मा उपादानस्स चेव उपादानियस्स च धम्मस्स आरम्मणपच्चयेन पच्चयो… तीणि (हेट्ठा अधिपति तीणि, उपादानदुकसदिसा)।
Upādāno ceva upādāniyo ca upādāniyo ceva no ca upādāno ca dhammā upādānassa ceva upādāniyassa ca dhammassa ārammaṇapaccayena paccayo… tīṇi (heṭṭhā adhipati tīṇi, upādānadukasadisā).
अधिपतिपच्चयो
Adhipatipaccayo
१००. उपादानियो चेव नो च उपादानो धम्मो उपादानियस्स चेव नो च उपादानस्स च धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं…पे॰… झाना वुट्ठहित्वा झानं गरुं कत्वा पच्चवेक्खति, अस्सादेति अभिनन्दति, तं गरुं कत्वा रागो उप्पज्जति, दिट्ठि उप्पज्जति; सेक्खा गोत्रभुं गरुं कत्वा…पे॰… वोदानं…पे॰… चक्खुं…पे॰… वत्थुं उपादानिये चेव नो च उपादाने खन्धे गरुं कत्वा उपादानिया चेव नो च उपादाना खन्धा उप्पज्जन्ति। सहजाताधिपति – उपादानिया चेव नो च उपादानाधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो (अवसेसा द्वेपि आरम्मणाधिपति सहजाताधिपतिपि उपादानदुकसदिसा)। (३)
100. Upādāniyo ceva no ca upādāno dhammo upādāniyassa ceva no ca upādānassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ…pe… jhānā vuṭṭhahitvā jhānaṃ garuṃ katvā paccavekkhati, assādeti abhinandati, taṃ garuṃ katvā rāgo uppajjati, diṭṭhi uppajjati; sekkhā gotrabhuṃ garuṃ katvā…pe… vodānaṃ…pe… cakkhuṃ…pe… vatthuṃ upādāniye ceva no ca upādāne khandhe garuṃ katvā upādāniyā ceva no ca upādānā khandhā uppajjanti. Sahajātādhipati – upādāniyā ceva no ca upādānādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo (avasesā dvepi ārammaṇādhipati sahajātādhipatipi upādānadukasadisā). (3)
(घटना अधिपति तीणि, उपादानदुकसदिसा। सब्बे पच्चया उपादानदुकसदिसा। उपादानिये लोकुत्तरं नत्थि, पच्चनीयम्पि इतरे द्वे गणनापि उपादानदुकसदिसं।)
(Ghaṭanā adhipati tīṇi, upādānadukasadisā. Sabbe paccayā upādānadukasadisā. Upādāniye lokuttaraṃ natthi, paccanīyampi itare dve gaṇanāpi upādānadukasadisaṃ.)
उपादानउपादानियदुकं निट्ठितं।
Upādānaupādāniyadukaṃ niṭṭhitaṃ.
७३. उपादानउपादानसम्पयुत्तदुकं
73. Upādānaupādānasampayuttadukaṃ
१. पटिच्चवारो
1. Paṭiccavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१०१. उपादानञ्चेव उपादानसम्पयुत्तञ्च धम्मं पटिच्च उपादानो चेव उपादानसम्पयुत्तो च धम्मो उप्पज्जति हेतुपच्चया – दिट्ठुपादानं पटिच्च कामुपादानं (चक्कं कातब्बं)। (१)
101. Upādānañceva upādānasampayuttañca dhammaṃ paṭicca upādāno ceva upādānasampayutto ca dhammo uppajjati hetupaccayā – diṭṭhupādānaṃ paṭicca kāmupādānaṃ (cakkaṃ kātabbaṃ). (1)
उपादानञ्चेव उपादानसम्पयुत्तञ्च धम्मं पटिच्च उपादानसम्पयुत्तो चेव नो च उपादानो धम्मो उप्पज्जति हेतुपच्चया – उपादाने पटिच्च सम्पयुत्तका खन्धा। (२)
Upādānañceva upādānasampayuttañca dhammaṃ paṭicca upādānasampayutto ceva no ca upādāno dhammo uppajjati hetupaccayā – upādāne paṭicca sampayuttakā khandhā. (2)
उपादानञ्चेव उपादानसम्पयुत्तञ्च धम्मं पटिच्च उपादानो चेव उपादानसम्पयुत्तो च उपादानसम्पयुत्तो चेव नो च उपादानो च धम्मा उप्पज्जन्ति हेतुपच्चया – दिट्ठुपादानं पटिच्च कामुपादानं सम्पयुत्तका च खन्धा (चक्कं)। (३)
Upādānañceva upādānasampayuttañca dhammaṃ paṭicca upādāno ceva upādānasampayutto ca upādānasampayutto ceva no ca upādāno ca dhammā uppajjanti hetupaccayā – diṭṭhupādānaṃ paṭicca kāmupādānaṃ sampayuttakā ca khandhā (cakkaṃ). (3)
२-६. सहजात-पच्चय-निस्सय-संसट्ठ-सम्पयुत्तवारो
2-6. Sahajāta-paccaya-nissaya-saṃsaṭṭha-sampayuttavāro
उपादानसम्पयुत्तञ्चेव नो च उपादानं धम्मं पटिच्च…पे॰…। (संखित्तं। आमसनं नानाकरणं उपादानदुकसदिसं नव पञ्हा। रूपं नत्थि। एवं सब्बेपि वारा वित्थारेतब्बा। अरूपंयेव।)
Upādānasampayuttañceva no ca upādānaṃ dhammaṃ paṭicca…pe…. (Saṃkhittaṃ. Āmasanaṃ nānākaraṇaṃ upādānadukasadisaṃ nava pañhā. Rūpaṃ natthi. Evaṃ sabbepi vārā vitthāretabbā. Arūpaṃyeva.)
७. पञ्हावारो
7. Pañhāvāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१०२. उपादानो चेव उपादानसम्पयुत्तो च धम्मो उपादानस्स चेव उपादानसम्पयुत्तस्स च धम्मस्स हेतुपच्चयेन पच्चयो – उपादाना चेव उपादानसम्पयुत्ता च हेतू सम्पयुत्तकानं उपादानानं हेतुपच्चयेन पच्चयो। (मूलं पुच्छितब्बं) उपादाना चेव उपादानसम्पयुत्ता च हेतू सम्पयुत्तकानं खन्धानं हेतुपच्चयेन पच्चयो। (मूलं पुच्छितब्बं) उपादाना चेव उपादानसम्पयुत्ता च हेतू सम्पयुत्तकानं खन्धानं उपादानानञ्च हेतुपच्चयेन पच्चयो। (३)
102. Upādāno ceva upādānasampayutto ca dhammo upādānassa ceva upādānasampayuttassa ca dhammassa hetupaccayena paccayo – upādānā ceva upādānasampayuttā ca hetū sampayuttakānaṃ upādānānaṃ hetupaccayena paccayo. (Mūlaṃ pucchitabbaṃ) upādānā ceva upādānasampayuttā ca hetū sampayuttakānaṃ khandhānaṃ hetupaccayena paccayo. (Mūlaṃ pucchitabbaṃ) upādānā ceva upādānasampayuttā ca hetū sampayuttakānaṃ khandhānaṃ upādānānañca hetupaccayena paccayo. (3)
१०३. उपादानसम्पयुत्तो चेव नो च उपादानो धम्मो उपादानसम्पयुत्तस्स चेव नो च उपादानस्स धम्मस्स हेतुपच्चयेन पच्चयो – उपादानसम्पयुत्ता चेव नो च उपादाना हेतू सम्पयुत्तकानं खन्धानं हेतुपच्चयेन पच्चयो। (मूलं पुच्छितब्बं) उपादानसम्पयुत्ता चेव नो च उपादाना हेतू सम्पयुत्तकानं उपादानानं हेतुपच्चयेन पच्चयो। (मूलं पुच्छितब्बं) उपादानसम्पयुत्ता चेव नो च उपादाना हेतू सम्पयुत्तकानं खन्धानं उपादानानञ्च हेतुपच्चयेन पच्चयो। (३)
103. Upādānasampayutto ceva no ca upādāno dhammo upādānasampayuttassa ceva no ca upādānassa dhammassa hetupaccayena paccayo – upādānasampayuttā ceva no ca upādānā hetū sampayuttakānaṃ khandhānaṃ hetupaccayena paccayo. (Mūlaṃ pucchitabbaṃ) upādānasampayuttā ceva no ca upādānā hetū sampayuttakānaṃ upādānānaṃ hetupaccayena paccayo. (Mūlaṃ pucchitabbaṃ) upādānasampayuttā ceva no ca upādānā hetū sampayuttakānaṃ khandhānaṃ upādānānañca hetupaccayena paccayo. (3)
१०४. उपादानो चेव उपादानसम्पयुत्तो च उपादानसम्पयुत्तो चेव नो च उपादानो च धम्मा उपादानस्स चेव उपादानसम्पयुत्तस्स च धम्मस्स हेतुपच्चयेन पच्चयो – उपादाना चेव उपादानसम्पयुत्ता च उपादानसम्पयुत्ता चेव नो च उपादाना च हेतू सम्पयुत्तकानं उपादानानं हेतुपच्चयेन पच्चयो। (मूलं पुच्छितब्बं) उपादाना चेव उपादानसम्पयुत्ता च उपादानसम्पयुत्ता चेव नो च उपादाना च हेतू सम्पयुत्तकानं खन्धानं हेतुपच्चयेन पच्चयो। (मूलं पुच्छितब्बं) उपादाना चेव उपादानसम्पयुत्ता च उपादानसम्पयुत्ता चेव नो च उपादाना च हेतू सम्पयुत्तकानं खन्धानं उपादानानञ्च हेतुपच्चयेन पच्चयो। (३)
104. Upādāno ceva upādānasampayutto ca upādānasampayutto ceva no ca upādāno ca dhammā upādānassa ceva upādānasampayuttassa ca dhammassa hetupaccayena paccayo – upādānā ceva upādānasampayuttā ca upādānasampayuttā ceva no ca upādānā ca hetū sampayuttakānaṃ upādānānaṃ hetupaccayena paccayo. (Mūlaṃ pucchitabbaṃ) upādānā ceva upādānasampayuttā ca upādānasampayuttā ceva no ca upādānā ca hetū sampayuttakānaṃ khandhānaṃ hetupaccayena paccayo. (Mūlaṃ pucchitabbaṃ) upādānā ceva upādānasampayuttā ca upādānasampayuttā ceva no ca upādānā ca hetū sampayuttakānaṃ khandhānaṃ upādānānañca hetupaccayena paccayo. (3)
आरम्मणपच्चयो
Ārammaṇapaccayo
१०५. उपादानो चेव उपादानसम्पयुत्तो च धम्मो उपादानस्स चेव उपादानसम्पयुत्तस्स च धम्मस्स आरम्मणपच्चयेन पच्चयो – उपादाने आरब्भ उपादाना उप्पज्जन्ति। (मूलं पुच्छितब्बं) उपादाने आरब्भ उपादानसम्पयुत्ता चेव नो च उपादाना खन्धा उप्पज्जन्ति। (मूलं पुच्छितब्बं) उपादाने आरब्भ उपादाना च सम्पयुत्तका च खन्धा उप्पज्जन्ति। (३)
105. Upādāno ceva upādānasampayutto ca dhammo upādānassa ceva upādānasampayuttassa ca dhammassa ārammaṇapaccayena paccayo – upādāne ārabbha upādānā uppajjanti. (Mūlaṃ pucchitabbaṃ) upādāne ārabbha upādānasampayuttā ceva no ca upādānā khandhā uppajjanti. (Mūlaṃ pucchitabbaṃ) upādāne ārabbha upādānā ca sampayuttakā ca khandhā uppajjanti. (3)
उपादानसम्पयुत्तो चेव नो च उपादानो धम्मो उपादानसम्पयुत्तस्स चेव नो च उपादानस्स धम्मस्स आरम्मणपच्चयेन पच्चयो – उपादानसम्पयुत्ते चेव नो च उपादाने खन्धे आरब्भ उपादानसम्पयुत्ता चेव नो च उपादाना खन्धा उप्पज्जन्ति (तीणिपि कातब्बा, घटने तीणिपि कातब्बा)।
Upādānasampayutto ceva no ca upādāno dhammo upādānasampayuttassa ceva no ca upādānassa dhammassa ārammaṇapaccayena paccayo – upādānasampayutte ceva no ca upādāne khandhe ārabbha upādānasampayuttā ceva no ca upādānā khandhā uppajjanti (tīṇipi kātabbā, ghaṭane tīṇipi kātabbā).
अधिपतिपच्चयो
Adhipatipaccayo
१०६. उपादानो चेव उपादानसम्पयुत्तो च धम्मो उपादानस्स चेव उपादानसम्पयुत्तस्स च धम्मस्स अधिपतिपच्चयेन पच्चयो… तीणि। (३)
106. Upādāno ceva upādānasampayutto ca dhammo upādānassa ceva upādānasampayuttassa ca dhammassa adhipatipaccayena paccayo… tīṇi. (3)
उपादानसम्पयुत्तो चेव नो च उपादानो धम्मो उपादानसम्पयुत्तस्स चेव नो च उपादानस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति (तीणिपि, तीसुपि द्वेपि अधिपति कातब्बा, घटनाधिपतिपि तीणि)।
Upādānasampayutto ceva no ca upādāno dhammo upādānasampayuttassa ceva no ca upādānassa dhammassa adhipatipaccayena paccayo – ārammaṇādhipati, sahajātādhipati (tīṇipi, tīsupi dvepi adhipati kātabbā, ghaṭanādhipatipi tīṇi).
अनन्तरपच्चयो
Anantarapaccayo
१०७. उपादानो चेव उपादानसम्पयुत्तो च धम्मो उपादानस्स चेव उपादानसम्पयुत्तस्स च धम्मस्स अनन्तरपच्चयेन पच्चयो – पुरिमा पुरिमा उपादाना चेव उपादानसम्पयुत्ता च खन्धा पच्छिमानं पच्छिमानं उपादानानं अनन्तरपच्चयेन पच्चयो (एवं नवपि पञ्हा कातब्बा, आवज्जनापि वुट्ठानम्पि नत्थि)।
107. Upādāno ceva upādānasampayutto ca dhammo upādānassa ceva upādānasampayuttassa ca dhammassa anantarapaccayena paccayo – purimā purimā upādānā ceva upādānasampayuttā ca khandhā pacchimānaṃ pacchimānaṃ upādānānaṃ anantarapaccayena paccayo (evaṃ navapi pañhā kātabbā, āvajjanāpi vuṭṭhānampi natthi).
समनन्तरपच्चयादि
Samanantarapaccayādi
१०८. उपादानो चेव उपादानसम्पयुत्तो च धम्मो उपादानस्स चेव उपादानसम्पयुत्तस्स च धम्मस्स समनन्तरपच्चयेन पच्चयो… नव… सहजातपच्चयेन पच्चयो… नव… अञ्ञमञ्ञपच्चयेन पच्चयो… नव… निस्सयपच्चयेन पच्चयो… नव।
108. Upādāno ceva upādānasampayutto ca dhammo upādānassa ceva upādānasampayuttassa ca dhammassa samanantarapaccayena paccayo… nava… sahajātapaccayena paccayo… nava… aññamaññapaccayena paccayo… nava… nissayapaccayena paccayo… nava.
उपनिस्सयपच्चयो
Upanissayapaccayo
१०९. उपादानो चेव उपादानसम्पयुत्तो च धम्मो उपादानस्स चेव उपादानसम्पयुत्तस्स च धम्मस्स उपनिस्सयपच्चयेन पच्चयो…पे॰… तीणि।
109. Upādāno ceva upādānasampayutto ca dhammo upādānassa ceva upādānasampayuttassa ca dhammassa upanissayapaccayena paccayo…pe… tīṇi.
उपादानसम्पयुत्तो चेव नो च उपादानो धम्मो उपादानसम्पयुत्तस्स चेव नो च उपादानस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – उपादानसम्पयुत्ता चेव नो च उपादाना खन्धा उपादानसम्पयुत्तकानञ्चेव नो च उपादानानं खन्धानं उपनिस्सयपच्चयेन पच्चयो (तीणि घटनुपनिस्सयेपि तीणि)… आसेवनपच्चयेन पच्चयो… नव।
Upādānasampayutto ceva no ca upādāno dhammo upādānasampayuttassa ceva no ca upādānassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upādānasampayuttā ceva no ca upādānā khandhā upādānasampayuttakānañceva no ca upādānānaṃ khandhānaṃ upanissayapaccayena paccayo (tīṇi ghaṭanupanissayepi tīṇi)… āsevanapaccayena paccayo… nava.
कम्मपच्चयादि
Kammapaccayādi
११०. उपादानसम्पयुत्तो चेव नो च उपादानो धम्मो उपादानसम्पयुत्तस्स चेव नो च उपादानस्स धम्मस्स कम्मपच्चयेन पच्चयो… तीणि… आहारपच्चयेन पच्चयो… तीणि… इन्द्रियपच्चयेन पच्चयो… तीणि… झानपच्चयेन पच्चयो… तीणि… मग्गपच्चयेन पच्चयो… नव… सम्पयुत्तपच्चयेन पच्चयो… नव… अत्थिपच्चयेन पच्चयो… नव… नत्थिपच्चयेन पच्चयो… नव… विगतपच्चयेन पच्चयो… नव… अविगतपच्चयेन पच्चयो… नव।
110. Upādānasampayutto ceva no ca upādāno dhammo upādānasampayuttassa ceva no ca upādānassa dhammassa kammapaccayena paccayo… tīṇi… āhārapaccayena paccayo… tīṇi… indriyapaccayena paccayo… tīṇi… jhānapaccayena paccayo… tīṇi… maggapaccayena paccayo… nava… sampayuttapaccayena paccayo… nava… atthipaccayena paccayo… nava… natthipaccayena paccayo… nava… vigatapaccayena paccayo… nava… avigatapaccayena paccayo… nava.
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
१११. हेतुया नव, आरम्मणे नव, अधिपतिया नव, अनन्तरे नव, समनन्तरे नव, सहजाते नव, अञ्ञमञ्ञे नव, निस्सये नव, उपनिस्सये नव, आसेवने नव, कम्मे तीणि, आहारे तीणि, इन्द्रिये तीणि, झाने तीणि, मग्गे नव, सम्पयुत्ते नव, अत्थिया नव, नत्थिया नव, विगते नव, अविगते नव।
111. Hetuyā nava, ārammaṇe nava, adhipatiyā nava, anantare nava, samanantare nava, sahajāte nava, aññamaññe nava, nissaye nava, upanissaye nava, āsevane nava, kamme tīṇi, āhāre tīṇi, indriye tīṇi, jhāne tīṇi, magge nava, sampayutte nava, atthiyā nava, natthiyā nava, vigate nava, avigate nava.
पच्चनीयुद्धारो
Paccanīyuddhāro
११२. उपादानो चेव उपादानसम्पयुत्तो च धम्मो उपादानस्स चेव उपादानसम्पयुत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
112. Upādāno ceva upādānasampayutto ca dhammo upādānassa ceva upādānasampayuttassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
उपादानो चेव उपादानसम्पयुत्तो च धम्मो उपादानसम्पयुत्तस्स चेव नो च उपादानस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (२)
Upādāno ceva upādānasampayutto ca dhammo upādānasampayuttassa ceva no ca upādānassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (2)
उपादानो चेव उपादानसम्पयुत्तो च धम्मो उपादानस्स चेव उपादानसम्पयुत्तस्स च उपादानसम्पयुत्तस्स चेव नो च उपादानस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो (एवं नवपि कातब्बा, एकेकस्स मूले तीणि तीणि पञ्हा)।
Upādāno ceva upādānasampayutto ca dhammo upādānassa ceva upādānasampayuttassa ca upādānasampayuttassa ceva no ca upādānassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo (evaṃ navapi kātabbā, ekekassa mūle tīṇi tīṇi pañhā).
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
११३. नहेतुया नव, नआरम्मणे नव, नअधिपतिया नव (सब्बत्थ नव), नोअविगते नव।
113. Nahetuyā nava, naārammaṇe nava, naadhipatiyā nava (sabbattha nava), noavigate nava.
३. पच्चयानुलोमपच्चनीयं
3. Paccayānulomapaccanīyaṃ
११४. हेतुपच्चया नआरम्मणे नव, नअधिपतिया नव, नअनन्तरे नव, नसमनन्तरे नव, नउपनिस्सये नव (सब्बत्थ नव), नमग्गे नव, नसम्पयुत्ते नव, नोनत्थिया नव, नोविगते नव।
114. Hetupaccayā naārammaṇe nava, naadhipatiyā nava, naanantare nava, nasamanantare nava, naupanissaye nava (sabbattha nava), namagge nava, nasampayutte nava, nonatthiyā nava, novigate nava.
४. पच्चयपच्चनीयानुलोमं
4. Paccayapaccanīyānulomaṃ
११५. नहेतुपच्चया आरम्मणे नव, अधिपतिया नव…पे॰… (अनुलोममातिका कातब्बा)।
115. Nahetupaccayā ārammaṇe nava, adhipatiyā nava…pe… (anulomamātikā kātabbā).
उपादानउपादानसम्पयुत्तदुकं निट्ठितं।
Upādānaupādānasampayuttadukaṃ niṭṭhitaṃ.
७४. उपादानविप्पयुत्तउपादानियदुकं
74. Upādānavippayuttaupādāniyadukaṃ
१. पटिच्चवारो
1. Paṭiccavāro
१-४. पच्चयानुलोमादि
1-4. Paccayānulomādi
हेतुपच्चयो
Hetupaccayo
११६. उपादानविप्पयुत्तं उपादानियं धम्मं पटिच्च उपादानविप्पयुत्तो उपादानियो धम्मो उप्पज्जति हेतुपच्चया – उपादानविप्पयुत्तं उपादानियं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे…पे॰… एकं महाभूतं…पे॰… महाभूते पटिच्च चित्तसमुट्ठानं रूपं कटत्तारूपं उपादारूपं। (१)
116. Upādānavippayuttaṃ upādāniyaṃ dhammaṃ paṭicca upādānavippayutto upādāniyo dhammo uppajjati hetupaccayā – upādānavippayuttaṃ upādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
उपादानविप्पयुत्तं अनुपादानियं धम्मं पटिच्च उपादानविप्पयुत्तो अनुपादानियो धम्मो उप्पज्जति हेतुपच्चया – उपादानविप्पयुत्तं अनुपादानियं एकं खन्धं पटिच्च तयो खन्धा…पे॰… द्वे खन्धे…पे॰…। (१)
Upādānavippayuttaṃ anupādāniyaṃ dhammaṃ paṭicca upādānavippayutto anupādāniyo dhammo uppajjati hetupaccayā – upādānavippayuttaṃ anupādāniyaṃ ekaṃ khandhaṃ paṭicca tayo khandhā…pe… dve khandhe…pe…. (1)
उपादानविप्पयुत्तं अनुपादानियं धम्मं पटिच्च उपादानविप्पयुत्तो उपादानियो धम्मो उप्पज्जति हेतुपच्चया – उपादानविप्पयुत्ते अनुपादानिये खन्धे पटिच्च चित्तसमुट्ठानं रूपं। (२)
Upādānavippayuttaṃ anupādāniyaṃ dhammaṃ paṭicca upādānavippayutto upādāniyo dhammo uppajjati hetupaccayā – upādānavippayutte anupādāniye khandhe paṭicca cittasamuṭṭhānaṃ rūpaṃ. (2)
उपादानविप्पयुत्तं अनुपादानियं धम्मं पटिच्च उपादानविप्पयुत्तो उपादानियो च उपादानविप्पयुत्तो अनुपादानियो च धम्मा उप्पज्जन्ति हेतुपच्चया – उपादानविप्पयुत्तं अनुपादानियं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰…। (३)
Upādānavippayuttaṃ anupādāniyaṃ dhammaṃ paṭicca upādānavippayutto upādāniyo ca upādānavippayutto anupādāniyo ca dhammā uppajjanti hetupaccayā – upādānavippayuttaṃ anupādāniyaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)
उपादानविप्पयुत्तं उपादानियञ्च उपादानविप्पयुत्तं अनुपादानियञ्च धम्मं पटिच्च उपादानविप्पयुत्तो उपादानियो धम्मो उप्पज्जति हेतुपच्चया – उपादानविप्पयुत्ते अनुपादानिये खन्धे च महाभूते च पटिच्च चित्तसमुट्ठानं रूपं। (१)
Upādānavippayuttaṃ upādāniyañca upādānavippayuttaṃ anupādāniyañca dhammaṃ paṭicca upādānavippayutto upādāniyo dhammo uppajjati hetupaccayā – upādānavippayutte anupādāniye khandhe ca mahābhūte ca paṭicca cittasamuṭṭhānaṃ rūpaṃ. (1)
हेतुया पञ्च, आरम्मणे द्वे…पे॰… अविगते पञ्च।
Hetuyā pañca, ārammaṇe dve…pe… avigate pañca.
(इमं दुकं चूळन्तरदुके लोकियदुकसदिसं, निन्नानाकरणं।)
(Imaṃ dukaṃ cūḷantaraduke lokiyadukasadisaṃ, ninnānākaraṇaṃ.)
उपादानविप्पयुत्तउपादानियदुकं निट्ठितं।
Upādānavippayuttaupādāniyadukaṃ niṭṭhitaṃ.
उपादानगोच्छकं निट्ठितं।
Upādānagocchakaṃ niṭṭhitaṃ.
ततियो भागो निट्ठितो।
Tatiyo bhāgo niṭṭhito.
