| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. убаад̣̇аанасуд̇д̇ам̣
2. Upādānasuttaṃ
52. саавад̇т̇ияам̣ вихарад̇и…бз… ‘‘убаад̣̇ааниязсу, бхигкавз, д̇хаммзсу ассаад̣̇аанубассино вихарад̇о д̇ан̣хаа бавад̣дхад̇и. д̇ан̣хаабажжаяаа убаад̣̇аанам̣; убаад̣̇аанабажжаяаа бхаво; бхавабажжаяаа ж̇аад̇и; ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇и. звамзд̇асса гзваласса д̣̇угкагканд̇хасса самуд̣̇аяо ход̇и’’.
52. Sāvatthiyaṃ viharati…pe… ‘‘upādāniyesu, bhikkhave, dhammesu assādānupassino viharato taṇhā pavaḍḍhati. Taṇhāpaccayā upādānaṃ; upādānapaccayā bhavo; bhavapaccayā jāti; jātipaccayā jarāmaraṇaṃ sokaparidevadukkhadomanassupāyāsā sambhavanti. Evametassa kevalassa dukkhakkhandhassa samudayo hoti’’.
‘‘сзяяат̇ааби , бхигкавз, д̣̇асаннам̣ ваа гадтаваахаанам̣ вийсааяа ваа гадтаваахаанам̣ д̇им̣сааяа ваа гадтаваахаанам̣ жад̇д̇аарийсааяа ваа гадтаваахаанам̣ махаааг̇г̇игканд̇хо ж̇алзяяа. д̇ад̇ра бурисо гаалзна гаалам̣ сугкаани жзва д̇ин̣аани багкибзяяа, сугкаани жа г̇омаяаани багкибзяяа, сугкаани жа гадтаани багкибзяяа. зван̃хи со, бхигкавз, махаааг̇г̇игканд̇хо д̇ад̣̇аахааро д̇ад̣̇убаад̣̇аано жирам̣ д̣̇ийгхамад̣̇д̇хаанам̣ ж̇алзяяа. звамзва ко, бхигкавз, убаад̣̇ааниязсу д̇хаммзсу ассаад̣̇аанубассино вихарад̇о д̇ан̣хаа бавад̣дхад̇и. д̇ан̣хаабажжаяаа убаад̣̇аанам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и.
‘‘Seyyathāpi , bhikkhave, dasannaṃ vā kaṭṭhavāhānaṃ vīsāya vā kaṭṭhavāhānaṃ tiṃsāya vā kaṭṭhavāhānaṃ cattārīsāya vā kaṭṭhavāhānaṃ mahāaggikkhandho jaleyya. Tatra puriso kālena kālaṃ sukkhāni ceva tiṇāni pakkhipeyya, sukkhāni ca gomayāni pakkhipeyya, sukkhāni ca kaṭṭhāni pakkhipeyya. Evañhi so, bhikkhave, mahāaggikkhandho tadāhāro tadupādāno ciraṃ dīghamaddhānaṃ jaleyya. Evameva kho, bhikkhave, upādāniyesu dhammesu assādānupassino viharato taṇhā pavaḍḍhati. Taṇhāpaccayā upādānaṃ…pe… evametassa kevalassa dukkhakkhandhassa samudayo hoti.
‘‘убаад̣̇ааниязсу, бхигкавз, д̇хаммзсу аад̣̇ийнаваанубассино вихарад̇о д̇ан̣хаа нируж̇жхад̇и. д̇ан̣хаанирод̇хаа убаад̣̇аананирод̇хо; убаад̣̇аананирод̇хаа бхаванирод̇хо; бхаванирод̇хаа ж̇аад̇инирод̇хо; ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и. звамзд̇асса гзваласса д̣̇угкагканд̇хасса нирод̇хо ход̇и.
‘‘Upādāniyesu, bhikkhave, dhammesu ādīnavānupassino viharato taṇhā nirujjhati. Taṇhānirodhā upādānanirodho; upādānanirodhā bhavanirodho; bhavanirodhā jātinirodho; jātinirodhā jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hoti.
‘‘сзяяат̇ааби, бхигкавз, д̣̇асаннам̣ ваа гадтаваахаанам̣ вийсааяа ваа д̇им̣сааяа ваа жад̇д̇аарийсааяа ваа гадтаваахаанам̣ махаааг̇г̇игканд̇хо ж̇алзяяа; д̇ад̇ра бурисо на гаалзна гаалам̣ сугкаани жзва д̇ин̣аани багкибзяяа, на сугкаани жа г̇омаяаани багкибзяяа, на сугкаани жа гадтаани багкибзяяа. зван̃хи со, бхигкавз, махаааг̇г̇игканд̇хо буримасса жа убаад̣̇аанасса барияаад̣̇аанаа ан̃н̃асса жа анубахаараа 1 анаахааро ниб̣б̣ааязяяа. звамзва ко, бхигкавз, убаад̣̇ааниязсу д̇хаммзсу аад̣̇ийнаваанубассино вихарад̇о д̇ан̣хаа нируж̇жхад̇и, д̇ан̣хаанирод̇хаа убаад̣̇аананирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’д̇и. д̣̇уд̇ияам̣.
‘‘Seyyathāpi, bhikkhave, dasannaṃ vā kaṭṭhavāhānaṃ vīsāya vā tiṃsāya vā cattārīsāya vā kaṭṭhavāhānaṃ mahāaggikkhandho jaleyya; tatra puriso na kālena kālaṃ sukkhāni ceva tiṇāni pakkhipeyya, na sukkhāni ca gomayāni pakkhipeyya, na sukkhāni ca kaṭṭhāni pakkhipeyya. Evañhi so, bhikkhave, mahāaggikkhandho purimassa ca upādānassa pariyādānā aññassa ca anupahārā 2 anāhāro nibbāyeyya. Evameva kho, bhikkhave, upādāniyesu dhammesu ādīnavānupassino viharato taṇhā nirujjhati, taṇhānirodhā upādānanirodho…pe… evametassa kevalassa dukkhakkhandhassa nirodho hotī’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. убаад̣̇аанасуд̇д̇аван̣н̣анаа • 2. Upādānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. убаад̣̇аанасуд̇д̇аван̣н̣анаа • 2. Upādānasuttavaṇṇanā
