| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
9. убааханаваг̇г̇о
9. Upāhanavaggo
[231] 1. убааханаж̇аад̇агаван̣н̣анаа
[231] 1. Upāhanajātakavaṇṇanā
яат̇ааби гийд̇аад̇и ид̣̇ам̣ сад̇т̇аа ж̇зд̇аванз вихаранд̇о д̣̇звад̣̇ад̇д̇ам̣ аараб̣бха гат̇зси. д̇хаммасабхааяан̃хи бхигкуу гат̇ам̣ самудтаабзсум̣ – ‘‘аавусо, д̣̇звад̣̇ад̇д̇о аажарияам̣ бажжагкааяа д̇ат̇ааг̇ад̇асса бадибагко бадисад̇д̇у худ̇ваа махаавинаасам̣ баабун̣ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, д̣̇звад̣̇ад̇д̇о ид̣̇аанзва аажарияам̣ бажжагкааяа мама бадибагко худ̇ваа махаавинаасам̣ бад̇д̇о, буб̣б̣зби бад̇д̇оязваа’’д̇и вад̇ваа ад̇ийд̇ам̣ аахари.
Yathāpikītāti idaṃ satthā jetavane viharanto devadattaṃ ārabbha kathesi. Dhammasabhāyañhi bhikkhū kathaṃ samuṭṭhāpesuṃ – ‘‘āvuso, devadatto ācariyaṃ paccakkhāya tathāgatassa paṭipakkho paṭisattu hutvā mahāvināsaṃ pāpuṇī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, devadatto idāneva ācariyaṃ paccakkhāya mama paṭipakkho hutvā mahāvināsaṃ patto, pubbepi pattoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о хад̇т̇аажарияагулз ниб̣б̣ад̇д̇ид̇ваа ваяаббад̇д̇о хад̇т̇исиббз нибпад̇д̇им̣ баабун̣и. ат̇зго гаасиг̇аамаго маан̣аваго ааг̇анд̇ваа д̇асса санд̇игз сиббам̣ уг̇г̇ан̣хи. б̣од̇хисад̇д̇аа наама сиббам̣ ваажзнд̇аа аажарияамудтим̣ на гаронд̇и, ад̇д̇ано ж̇аанананияаамзна ниравасзсам̣ сигкаабзнд̇и. д̇асмаа со маан̣аво б̣од̇хисад̇д̇асса ж̇аананасиббам̣ ниравасзсамуг̇г̇ан̣хид̇ваа б̣од̇хисад̇д̇ам̣ ааха – ‘‘аажарияа , ахам̣ рааж̇аанам̣ убадтахиссаамий’’д̇и. б̣од̇хисад̇д̇о ‘‘саад̇ху, д̇аад̇аа’’д̇и г̇анд̇ваа ран̃н̃о аарожзси – ‘‘махаарааж̇а, мама анд̇зваасиго д̇умхз убадтаад̇ум̣ ижчад̇ий’’д̇и. ‘‘саад̇ху, убадтаад̇уу’’д̇и. ‘‘д̇зна хисса бариб̣б̣аяам̣ ж̇аанаат̇аа’’д̇и? ‘‘д̇умхаагам̣ анд̇зваасиго д̇умхзхи самагам̣ на лажчад̇и, д̇умхзсу сад̇ам̣ лабханд̇зсу бан̣н̣аасам̣ лажчад̇и, д̣̇вз лабханд̇зсу згам̣ лажчад̇ий’’д̇и. со г̇зхам̣ г̇анд̇ваа д̇ам̣ бавад̇д̇им̣ анд̇зваасигасса аарожзси. анд̇зваасиго ‘‘ахам̣, аажарияа, д̇умхзхи самам̣ сиббам̣ ж̇аанаами. сажз самаган̃н̃зва бариб̣б̣аяам̣ лабхиссаами, убадтахиссаами. но жз, на убадтахиссаамий’’д̇и ааха. б̣од̇хисад̇д̇о д̇ам̣ бавад̇д̇им̣ ран̃н̃о аарожзси. рааж̇аа ‘‘сажз со д̇умхзхи самаббагааро, д̇умхзхи самаган̃н̃зва сиббам̣ д̣̇ассзд̇ум̣ саггонд̇о самагам̣ лабхиссад̇ий’’д̇и ааха. б̣од̇хисад̇д̇о д̇ам̣ бавад̇д̇им̣ д̇асса аарожзд̇ваа д̇зна ‘‘саад̇ху д̣̇ассзссаамий’’д̇и вуд̇д̇з ран̃н̃о аарожзси. рааж̇аа ‘‘д̇зна хи свз сиббам̣ д̣̇ассзт̇аа’’д̇и. ‘‘саад̇ху, д̣̇ассзссаама, наг̇арз бхзрим̣ жараабзт̇аа’’д̇и. рааж̇аа ‘‘свз гира аажарияо жа анд̇зваасиго жа убхо хад̇т̇исиббам̣ д̣̇ассзссанд̇и, рааж̇ан̇г̇ан̣з саннибад̇ид̇ваа д̣̇адтугаамаа бассанд̇уу’’д̇и бхзрим̣ жараабзси.
Atīte bārāṇasiyaṃ brahmadatte rajjaṃ kārente bodhisatto hatthācariyakule nibbattitvā vayappatto hatthisippe nipphattiṃ pāpuṇi. Atheko kāsigāmako māṇavako āgantvā tassa santike sippaṃ uggaṇhi. Bodhisattā nāma sippaṃ vācentā ācariyamuṭṭhiṃ na karonti, attano jānananiyāmena niravasesaṃ sikkhāpenti. Tasmā so māṇavo bodhisattassa jānanasippaṃ niravasesamuggaṇhitvā bodhisattaṃ āha – ‘‘ācariya , ahaṃ rājānaṃ upaṭṭhahissāmī’’ti. Bodhisatto ‘‘sādhu, tātā’’ti gantvā rañño ārocesi – ‘‘mahārāja, mama antevāsiko tumhe upaṭṭhātuṃ icchatī’’ti. ‘‘Sādhu, upaṭṭhātū’’ti. ‘‘Tena hissa paribbayaṃ jānāthā’’ti? ‘‘Tumhākaṃ antevāsiko tumhehi samakaṃ na lacchati, tumhesu sataṃ labhantesu paṇṇāsaṃ lacchati, dve labhantesu ekaṃ lacchatī’’ti. So gehaṃ gantvā taṃ pavattiṃ antevāsikassa ārocesi. Antevāsiko ‘‘ahaṃ, ācariya, tumhehi samaṃ sippaṃ jānāmi. Sace samakaññeva paribbayaṃ labhissāmi, upaṭṭhahissāmi. No ce, na upaṭṭhahissāmī’’ti āha. Bodhisatto taṃ pavattiṃ rañño ārocesi. Rājā ‘‘sace so tumhehi samappakāro, tumhehi samakaññeva sippaṃ dassetuṃ sakkonto samakaṃ labhissatī’’ti āha. Bodhisatto taṃ pavattiṃ tassa ārocetvā tena ‘‘sādhu dassessāmī’’ti vutte rañño ārocesi. Rājā ‘‘tena hi sve sippaṃ dassethā’’ti. ‘‘Sādhu, dassessāma, nagare bheriṃ carāpethā’’ti. Rājā ‘‘sve kira ācariyo ca antevāsiko ca ubho hatthisippaṃ dassessanti, rājaṅgaṇe sannipatitvā daṭṭhukāmā passantū’’ti bheriṃ carāpesi.
аажарияо ‘‘на мз анд̇зваасиго убааяагосаллам̣ ж̇аанаад̇ий’’д̇и згам̣ хад̇т̇им̣ г̇ахзд̇ваа згарад̇д̇знзва виломам̣ сигкаабзси. со д̇ам̣ ‘‘г̇ажчаа’’д̇и вуд̇д̇з осаггид̇ум̣, ‘‘осаггаа’’д̇и вуд̇д̇з г̇анд̇ум̣, ‘‘д̇идтаа’’д̇и вуд̇д̇з нибаж̇ж̇ид̇ум̣, ‘‘нибаж̇ж̇аа’’д̇и вуд̇д̇з таад̇ум̣, ‘‘г̇ан̣хаа’’д̇и вуд̇д̇з табзд̇ум̣, ‘‘табзхий’’д̇и вуд̇д̇з г̇ан̣хид̇ум̣ сигкаабзд̇ваа бунад̣̇ивасз д̇ам̣ хад̇т̇им̣ абхирухид̇ваа рааж̇ан̇г̇ан̣ам̣ аг̇амааси. анд̇зваасигоби згам̣ манаабам̣ хад̇т̇им̣ абхирухи. махааж̇ано саннибад̇и. убхоби самагам̣ сиббам̣ д̣̇ассзсум̣. буна б̣од̇хисад̇д̇о ад̇д̇ано хад̇т̇им̣ виломам̣ гаарзси, со ‘‘г̇ажчаа’’д̇и вуд̇д̇з осагги, ‘‘осаггаа’’д̇и вуд̇д̇з бурад̇о д̇хаави, ‘‘д̇идтаа’’д̇и вуд̇д̇з нибаж̇ж̇и, ‘‘нибаж̇ж̇аа’’д̇и вуд̇д̇з адтааси, ‘‘г̇ан̣хаа’’д̇и вуд̇д̇з нигкиби, ‘‘нигкибаа’’д̇и вуд̇д̇з г̇ан̣хи. махааж̇ано ‘‘арз д̣̇удтаанд̇зваасига, д̇вам̣ аажариязна сад̣̇д̇хим̣ саарамбхам̣ гароси, ад̇д̇ано бамаан̣ам̣ на ж̇аанааси, ‘аажариязна самагам̣ ж̇аанаамий’д̇и звам̣сан̃н̃ий хосий’’д̇и лзд̣д̣уд̣̇ан̣д̣аад̣̇ийхи бахарид̇ваа д̇ад̇т̇зва ж̇ийвид̇агкаяам̣ баабзси.
Ācariyo ‘‘na me antevāsiko upāyakosallaṃ jānātī’’ti ekaṃ hatthiṃ gahetvā ekaratteneva vilomaṃ sikkhāpesi. So taṃ ‘‘gacchā’’ti vutte osakkituṃ, ‘‘osakkā’’ti vutte gantuṃ, ‘‘tiṭṭhā’’ti vutte nipajjituṃ, ‘‘nipajjā’’ti vutte ṭhātuṃ, ‘‘gaṇhā’’ti vutte ṭhapetuṃ, ‘‘ṭhapehī’’ti vutte gaṇhituṃ sikkhāpetvā punadivase taṃ hatthiṃ abhiruhitvā rājaṅgaṇaṃ agamāsi. Antevāsikopi ekaṃ manāpaṃ hatthiṃ abhiruhi. Mahājano sannipati. Ubhopi samakaṃ sippaṃ dassesuṃ. Puna bodhisatto attano hatthiṃ vilomaṃ kāresi, so ‘‘gacchā’’ti vutte osakki, ‘‘osakkā’’ti vutte purato dhāvi, ‘‘tiṭṭhā’’ti vutte nipajji, ‘‘nipajjā’’ti vutte aṭṭhāsi, ‘‘gaṇhā’’ti vutte nikkhipi, ‘‘nikkhipā’’ti vutte gaṇhi. Mahājano ‘‘are duṭṭhaantevāsika, tvaṃ ācariyena saddhiṃ sārambhaṃ karosi, attano pamāṇaṃ na jānāsi, ‘ācariyena samakaṃ jānāmī’ti evaṃsaññī hosī’’ti leḍḍudaṇḍādīhi paharitvā tattheva jīvitakkhayaṃ pāpesi.
б̣од̇хисад̇д̇о хад̇т̇имхаа оруяха рааж̇аанам̣ убасан̇гамид̇ваа ‘‘махаарааж̇а, сиббам̣ наама ад̇д̇ано сукад̇т̇ааяа г̇ан̣ханд̇и, згажжасса бана г̇ахид̇асиббам̣ д̣̇уггадаубааханаа вияа винаасамзва аавахад̇ий’’д̇и вад̇ваа ид̣̇ам̣ г̇аат̇аад̣̇ваяамааха –
Bodhisatto hatthimhā oruyha rājānaṃ upasaṅkamitvā ‘‘mahārāja, sippaṃ nāma attano sukhatthāya gaṇhanti, ekaccassa pana gahitasippaṃ dukkaṭaupāhanā viya vināsameva āvahatī’’ti vatvā idaṃ gāthādvayamāha –
161.
161.
‘‘яат̇ааби гийд̇аа бурисассубааханаа, сукасса ад̇т̇ааяа д̣̇укам̣ уд̣̇аб̣б̣ахз;
‘‘Yathāpi kītā purisassupāhanā, sukhassa atthāya dukhaṃ udabbahe;
гхаммаабхид̇ад̇д̇аа д̇аласаа бабийл̣ид̇аа, д̇ассзва баад̣̇з бурисасса каад̣̇арз.
Ghammābhitattā talasā papīḷitā, tasseva pāde purisassa khādare.
162.
162.
‘‘звамзва яо д̣̇уггулийно анарияо, д̇аммаага виж̇ж̇ан̃жа суд̇ан̃жа аад̣̇ияа;
‘‘Evameva yo dukkulīno anariyo, tammāka vijjañca sutañca ādiya;
д̇амзва со д̇ад̇т̇а суд̇зна каад̣̇ад̇и, анарияо вужжад̇и баанад̣̇уубамо’’д̇и.
Tameva so tattha sutena khādati, anariyo vuccati pānadūpamo’’ti.
д̇ад̇т̇а уд̣̇аб̣б̣ахзд̇и уд̣̇аб̣б̣ахзяяа. гхаммаабхид̇ад̇д̇аа д̇аласаа бабийл̣ид̇аад̇и гхаммзна абхид̇ад̇д̇аа баад̣̇ад̇алзна жа бийл̣ид̇аа. д̇ассзваад̇и язна д̇аа сукад̇т̇ааяа гин̣ид̇ваа баад̣̇зсу бадимуггаа д̣̇уггадуубааханаа, д̇ассзва. каад̣̇арзд̇и ван̣ам̣ гаронд̇аа баад̣̇з каад̣̇анд̇и.
Tattha udabbaheti udabbaheyya. Ghammābhitattā talasā papīḷitāti ghammena abhitattā pādatalena ca pīḷitā. Tassevāti yena tā sukhatthāya kiṇitvā pādesu paṭimukkā dukkaṭūpāhanā, tasseva. Khādareti vaṇaṃ karontā pāde khādanti.
д̣̇уггулийнод̇и д̣̇уж̇ж̇аад̇иго агулабуд̇д̇о. анарияод̇и хирод̇д̇аббаваж̇ж̇ид̇о асаббурисо. д̇аммаага виж̇ж̇ан̃жа суд̇ан̃жа аад̣̇ияаад̇и зд̇т̇а д̇ам̣ д̇ам̣ манад̇ийд̇и ‘‘д̇аммо’’д̇и вад̇д̇аб̣б̣з д̇аммааго, д̇ам̣ д̇ам̣ сиббам̣ аасзвад̇и баривад̇д̇зд̇ийд̇и ад̇т̇о, аажарияассзд̇ам̣ наамам̣. д̇асмаа д̇аммаагаа, г̇аат̇ааб̣анд̇хасукад̇т̇ам̣ банасса рассабхааво гад̇о. виж̇ж̇анд̇и адтаарасасу виж̇ж̇аадтаанзсу яам̣гин̃жи. суд̇анд̇и яам̣гин̃жи суд̇абарияад̇д̇и. аад̣̇ияаад̇иаад̣̇ияид̇ваа. д̇амзва со д̇ад̇т̇а суд̇зна каад̣̇ад̇ийд̇и д̇амзваад̇и ад̇д̇аанамзва. сод̇и яо д̣̇уггулийно анарияо аажарияамхаа виж̇ж̇ан̃жа суд̇ан̃жа аад̣̇ияад̇и, со. д̇ад̇т̇а суд̇зна каад̣̇ад̇ийд̇и д̇асса санд̇игз суд̇зна со ад̇д̇аанамзва каад̣̇ад̇ийд̇и ад̇т̇о. адтагат̇ааяам̣ бана ‘‘д̇знзва со д̇ад̇т̇а суд̇зна каад̣̇ад̇ий’’д̇иби баато. д̇ассааби со д̇зна д̇ад̇т̇а суд̇зна ад̇д̇аанамзва каад̣̇ад̇ийд̇и аяамзва ад̇т̇о. анарияо вужжад̇и баанад̣̇уубамод̇и ид̇и анарияо д̣̇убаахануубамо д̣̇уггадуубаахануубамо вужжад̇и. яат̇аа хи д̣̇уггадуубааханаа бурисам̣ каад̣̇анд̇и, звамзса суд̇зна каад̣̇анд̇о ад̇д̇анаава ад̇д̇аанам̣ каад̣̇ад̇и. ат̇а ваа баанааяа д̣̇уд̇од̇и баанад̣̇у, убаахануубад̇аабид̇асса убааханааяа каад̣̇ид̇абаад̣̇ассзд̇ам̣ наамам̣. д̇асмаа яо со ад̇д̇аанам̣ суд̇зна каад̣̇ад̇и, со д̇зна суд̇зна каад̣̇ид̇ад̇д̇аа ‘‘анарияо’’д̇и вужжад̇и баанад̣̇уубамо, убаахануубад̇аабид̇абаад̣̇асад̣̇исод̇и вужжад̇ийд̇и аяамзд̇т̇а ад̇т̇о. рааж̇аа д̇удто б̣од̇хисад̇д̇асса маханд̇ам̣ яасам̣ ад̣̇ааси.
Dukkulīnoti dujjātiko akulaputto. Anariyoti hirottappavajjito asappuriso. Tammāka vijjañca sutañca ādiyāti ettha taṃ taṃ manatīti ‘‘tammo’’ti vattabbe tammāko, taṃ taṃ sippaṃ āsevati parivattetīti attho, ācariyassetaṃ nāmaṃ. Tasmā tammākā, gāthābandhasukhatthaṃ panassa rassabhāvo kato. Vijjanti aṭṭhārasasu vijjāṭṭhānesu yaṃkiñci. Sutanti yaṃkiñci sutapariyatti. Ādiyātiādiyitvā. Tameva so tattha sutena khādatīti tamevāti attānameva. Soti yo dukkulīno anariyo ācariyamhā vijjañca sutañca ādiyati, so. Tattha sutena khādatīti tassa santike sutena so attānameva khādatīti attho. Aṭṭhakathāyaṃ pana ‘‘teneva so tattha sutena khādatī’’tipi pāṭho. Tassāpi so tena tattha sutena attānameva khādatīti ayameva attho. Anariyo vuccati pānadūpamoti iti anariyo dupāhanūpamo dukkaṭūpāhanūpamo vuccati. Yathā hi dukkaṭūpāhanā purisaṃ khādanti, evamesa sutena khādanto attanāva attānaṃ khādati. Atha vā pānāya dutoti pānadu, upāhanūpatāpitassa upāhanāya khāditapādassetaṃ nāmaṃ. Tasmā yo so attānaṃ sutena khādati, so tena sutena khāditattā ‘‘anariyo’’ti vuccati pānadūpamo, upāhanūpatāpitapādasadisoti vuccatīti ayamettha attho. Rājā tuṭṭho bodhisattassa mahantaṃ yasaṃ adāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа анд̇зваасиго д̣̇звад̣̇ад̇д̇о ахоси, аажарияо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā antevāsiko devadatto ahosi, ācariyo pana ahameva ahosi’’nti.
убааханаж̇аад̇агаван̣н̣анаа батамаа.
Upāhanajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 231. убааханаж̇аад̇агам̣ • 231. Upāhanajātakaṃ
