A World of Knowledge
    Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā

    15. убаж̇жхаажарияавад̇д̇анид̣̇д̣̇зсаван̣н̣анаа

    15. Upajjhācariyavattaniddesavaṇṇanā

    145. ‘‘ид̣̇ам̣ д̇аяаа д̣̇уггад̇ам̣, д̣̇уб̣бхаасид̇а’’нд̇иаад̣̇ийни вад̇ваа жод̣̇анад̇о, ад̇д̇ано важ̇ж̇ам̣ ассаранд̇асса сад̇уббаад̣̇авасзна сааран̣ад̇о, саммаа бадибад̇д̇ияам̣ сааран̣ад̇о бавад̇д̇аабанад̇о ваа важ̇ж̇ааваж̇ж̇ам̣ убаниж̇жхааяад̇и бхусам̣ жинд̇зд̇ийд̇и убаж̇жхаа. убаж̇жхаа зва убаж̇жхааяо. ‘‘звам̣ д̇аяаа б̣уд̣̇д̇хаважанам̣ саж̇жхааяид̇аб̣б̣ам̣, звам̣ ад̇иггамид̇аб̣б̣ам̣, звам̣ бадиггамид̇аб̣б̣а’’нд̇иаад̣̇инаа аажаарасигкаабанз аажарад̇и бавад̇д̇ад̇ийд̇и аажарияо. со жа ниссаяабаб̣б̣аж̇ж̇ааубасамбад̣̇аад̇хаммаажарияавасзна жад̇уб̣б̣ид̇хо. убаж̇жхаа жа аажарияо жа убаж̇жхаажарияаа, д̇з. ниссааяа васамаанод̇и иминаа ниссаяабаб̣б̣аж̇ж̇ааубасамбад̣̇аад̇хамманд̇зваасигзсу яо ниссааяа васад̇и, д̇ам̣ д̣̇ассзд̇и. жад̇уусу хи д̇зсу ниссаяанд̇зваасигзна яаава аажарияам̣ ниссааяа васад̇и, д̇аавасаб̣б̣ам̣ аажарияавад̇д̇ам̣ гаад̇аб̣б̣ам̣, нзд̇арзхи. ид̇арзхи, ниссаяамуд̇д̇агзхиби яаава жийварараж̇анам̣, д̇аава жа арад̇ивинод̣̇анаад̣̇иган̃жа вад̇д̇ам̣ гаад̇аб̣б̣ам̣. анаабужчид̇ваа бад̇д̇ажийварад̣̇аанаад̣̇имхи бана зд̇зсам̣ анаабад̇д̇и. сад̣̇д̇хивихааригасса бана убаж̇жхааяаанам̣ яаава жийварараж̇анам̣, д̇аава жа арад̇ивинод̣̇анаад̣̇иган̃жа агаронд̇асса ниссаяамуд̇д̇агассааби амуд̇д̇агассааби аабад̇д̇иязва. згажжасса бад̇д̇ад̣̇аанаад̣̇ид̇о бадтааяа амуд̇д̇аниссаяассзва аабад̇д̇и. д̇зсу маж̇жхз д̣̇вз аажарияасса яааваж̇ийвам̣ бхаараа. ид̇арз бана яаава самийбз васанд̇и, д̇аавад̣̇зва, д̇асмаа аажариязнааби д̇зсу саммаа вад̇д̇ид̇аб̣б̣ам̣, убаж̇жхааязна сад̣̇д̇хивихааригзсу вад̇д̇аб̣б̣амзва над̇т̇и. субзсалод̇и бияам̣ сийламассаад̇и бзсало, вуд̣̇д̇хи, яа-лобзна ий-гаарасса ад̇д̇агаран̣зна, судту бзсало субзсало, сигкаагаамод̇и ад̇т̇о. ‘‘д̣̇анд̇агадта’’нд̇иаад̣̇и ‘‘д̣̇ад̣̇з’’д̇имасса гаммам̣. д̣̇ад̣̇зд̇и саммаа аад̣̇арзна яат̇аад̇хиббааяам̣ д̣̇ад̣̇зяяаад̇и ад̇т̇о. гаалзд̇и д̇ад̣̇ануруубз гаалз.

    145. ‘‘Idaṃ tayā dukkataṃ, dubbhāsita’’ntiādīni vatvā codanato, attano vajjaṃ assarantassa satuppādavasena sāraṇato, sammā paṭipattiyaṃ sāraṇato pavattāpanato vā vajjāvajjaṃ upanijjhāyati bhusaṃ cintetīti upajjhā. Upajjhā eva upajjhāyo. ‘‘Evaṃ tayā buddhavacanaṃ sajjhāyitabbaṃ, evaṃ atikkamitabbaṃ, evaṃ paṭikkamitabba’’ntiādinā ācārasikkhāpane ācarati pavattatīti ācariyo. So ca nissayapabbajjāupasampadādhammācariyavasena catubbidho. Upajjhā ca ācariyo ca upajjhācariyā, te. Nissāya vasamānoti iminā nissayapabbajjāupasampadādhammantevāsikesu yo nissāya vasati, taṃ dasseti. Catūsu hi tesu nissayantevāsikena yāva ācariyaṃ nissāya vasati, tāvasabbaṃ ācariyavattaṃ kātabbaṃ, netarehi. Itarehi, nissayamuttakehipi yāva cīvararajanaṃ, tāva ca arativinodanādikañca vattaṃ kātabbaṃ. Anāpucchitvā pattacīvaradānādimhi pana etesaṃ anāpatti. Saddhivihārikassa pana upajjhāyānaṃ yāva cīvararajanaṃ, tāva ca arativinodanādikañca akarontassa nissayamuttakassāpi amuttakassāpi āpattiyeva. Ekaccassa pattadānādito paṭṭhāya amuttanissayasseva āpatti. Tesu majjhe dve ācariyassa yāvajīvaṃ bhārā. Itare pana yāva samīpe vasanti, tāvadeva, tasmā ācariyenāpi tesu sammā vattitabbaṃ, upajjhāyena saddhivihārikesu vattabbameva natthi. Supesaloti piyaṃ sīlamassāti pesalo, vuddhi, ya-lopena ī-kārassa attakaraṇena, suṭṭhu pesalo supesalo, sikkhākāmoti attho. ‘‘Dantakaṭṭha’’ntiādi ‘‘dade’’timassa kammaṃ. Dadeti sammā ādarena yathādhippāyaṃ dadeyyāti attho. Kāleti tadanurūpe kāle.

    146. бад̇д̇з жа…бз… жийварз жа вад̇д̇ам̣ жарзд̇и самб̣анд̇хо. жарзд̇и гарзяяа. д̇ад̇т̇а нийжам̣ гад̇ваа саад̇хугам̣ абаригхам̣санд̇зна д̇хованам̣, мухуд̇д̇ам̣ ун̣хз од̇аабанам̣, табанадтаанам̣ убабаригкид̇ваа жаммаад̣̇инаа гзнажи анд̇арахид̇ааяа нигкибанам̣ бад̇д̇з вад̇д̇ам̣. г̇аамам̣ бависанд̇аанам̣ ниваасанагааяаб̣анд̇ханасан̇гхаадид̣̇аанам̣, д̇ховид̇ваа сод̣̇агабад̇д̇асса д̣̇аанам̣ г̇аамаббавзсз вад̇д̇ам̣. яад̣̇и ааган̇канд̇и, бариман̣д̣алам̣ ниваасзд̇ваа жа баарубид̇ваа жа наад̇ид̣̇ууранажжаасаннз г̇аманам̣, бад̇д̇абарияаабаннаг̇г̇ахан̣ан̃жа г̇аманз вад̇д̇ам̣. нивад̇д̇знд̇з бана батамад̇арам̣ ааг̇анд̇ваа аасанабан̃н̃аабанам̣, баад̣̇од̣̇агаад̣̇иубанигкибанам̣, бад̇д̇ажийвараббадиг̇г̇ахан̣ам̣ ааг̇амз ааг̇аманз вад̇д̇ам̣. бхан̣анд̇аанам̣ анд̇араа гат̇ааанобаад̇анам̣ саб̣б̣ад̇т̇а вад̇д̇ам̣. аасанабан̃н̃аабанам̣, удтид̇зсу аасанауд̣̇д̇харан̣ам̣, баад̣̇абийтагат̇алаанам̣ убанигкибанам̣, бадисааманан̃жа аасанз баад̣̇абийтз баад̣̇агат̇алз жа вад̇д̇ам̣. д̇ход̇абаад̣̇адтабанагам̣ баад̣̇абийтам̣. ан̃н̃ам̣ гат̇алам̣. убааханаа жа жийваран̃жаад̇и д̣̇ванд̣̇о, д̇асмим̣. сугкааллажол̣зхи бун̃чанам̣ убааханааяа вад̇д̇ам̣. синнажийварасса мухуд̇д̇ам̣ од̇аабанам̣, жад̇уран̇г̇улам̣ ган̣н̣ам̣ уссаарзд̇ваа жийварасам̣харан̣ан̃жа жийварз вад̇д̇ам̣.

    146. Patte ca…pe… cīvare ca vattaṃ careti sambandho. Careti kareyya. Tattha nīcaṃ katvā sādhukaṃ aparighaṃsantena dhovanaṃ, muhuttaṃ uṇhe otāpanaṃ, ṭhapanaṭṭhānaṃ upaparikkhitvā cammādinā kenaci antarahitāya nikkhipanaṃ patte vattaṃ. Gāmaṃ pavisantānaṃ nivāsanakāyabandhanasaṅghāṭidānaṃ, dhovitvā sodakapattassa dānaṃ gāmappavese vattaṃ. Yadi ākaṅkhanti, parimaṇḍalaṃ nivāsetvā ca pārupitvā ca nātidūranaccāsanne gamanaṃ, pattapariyāpannaggahaṇañca gamane vattaṃ. Nivattente pana paṭhamataraṃ āgantvā āsanapaññāpanaṃ, pādodakādiupanikkhipanaṃ, pattacīvarappaṭiggahaṇaṃ āgame āgamane vattaṃ. Bhaṇantānaṃ antarā kathāanopātanaṃ sabbattha vattaṃ. Āsanapaññāpanaṃ, uṭṭhitesu āsanauddharaṇaṃ, pādapīṭhakathalānaṃ upanikkhipanaṃ, paṭisāmanañca āsane pādapīṭhe pādakathale ca vattaṃ. Dhotapādaṭṭhapanakaṃ pādapīṭhaṃ. Aññaṃ kathalaṃ. Upāhanā ca cīvarañcāti dvando, tasmiṃ. Sukkhaallacoḷehi puñchanaṃ upāhanāya vattaṃ. Sinnacīvarassa muhuttaṃ otāpanaṃ, caturaṅgulaṃ kaṇṇaṃ ussāretvā cīvarasaṃharaṇañca cīvare vattaṃ.

    147. барибхож̇анийяа…бз… бассаавадтаанису жа вихаарасод̇ханз жа буна бан̃н̃аабанз жа вад̇д̇ам̣ д̇ат̇аад̇и самб̣анд̇хо. важжан̃жа бассааво жа важжабассааваа. д̇идтад̇и зд̇т̇аад̇и тааний, гуди. важжабассааваанам̣ таанийд̇и д̇аббурисо. ат̇а ваа д̇идтад̇и зд̇т̇аад̇и таанам̣, соязва самаасо, важжабассаавасса жа бад̇анадтаанам̣, д̇ам̣ асса ад̇т̇ийд̇и идтаг̇зхаад̣̇и. барибхож̇анийяан̃жа баанийяан̃жа важжабассаавадтааний жа бари…бз… дтааний. д̇аасу д̇зсу ваа. баад̣̇од̣̇агаун̣хасийд̇анахаанод̣̇агаббадияаад̣̇аабанам̣ барибхож̇анийяз вад̇д̇ам̣. баад̇аб̣б̣абаанийязна бужчанам̣ убадтаабанан̃жа баанийяз вад̇д̇ам̣. саммаж̇ж̇анабаанийяаубадтаабанам̣ важжабассаавадтаанийсу вад̇д̇ам̣. батамам̣ бад̇д̇ажийвараад̣̇ийни хараабзд̇ваа згаманд̇з нигкибанаад̣̇и, уллогад̇о бадтааяа маггадасанд̇аанам̣ охаарзд̇ваа саммаж̇ж̇анан̃жа вихаарасод̇ханз вад̇д̇ам̣. од̇аабзд̇ваа сод̇хзд̇ваа бабподзд̇ваа ад̇ихарид̇ваа яат̇аатаанз бхуумад̇т̇аран̣аад̣̇ибан̃н̃аабанам̣ буна бан̃н̃аабанз вад̇д̇ам̣. д̇ат̇аад̇и иминаа ‘‘жарз’’д̇и ид̣̇ам̣ ад̇ид̣̇исад̇и.

    147. Paribhojanīya…pe… passāvaṭṭhānisu ca vihārasodhane ca puna paññāpane ca vattaṃ tathāti sambandho. Vaccañca passāvo ca vaccapassāvā. Tiṭṭhati etthāti ṭhānī, kuṭi. Vaccapassāvānaṃ ṭhānīti tappuriso. Atha vā tiṭṭhati etthāti ṭhānaṃ, soyeva samāso, vaccapassāvassa ca patanaṭṭhānaṃ, taṃ assa atthīti iṭṭhagehādi. Paribhojanīyañca pānīyañca vaccapassāvaṭṭhānī ca pari…pe… ṭṭhānī. Tāsu tesu vā. Pādodakauṇhasītanahānodakappaṭiyādāpanaṃ paribhojanīye vattaṃ. Pātabbapānīyena pucchanaṃ upaṭṭhāpanañca pānīye vattaṃ. Sammajjanapānīyaupaṭṭhāpanaṃ vaccapassāvaṭṭhānīsu vattaṃ. Paṭhamaṃ pattacīvarādīni harāpetvā ekamante nikkhipanādi, ullokato paṭṭhāya makkaṭasantānaṃ ohāretvā sammajjanañca vihārasodhane vattaṃ. Otāpetvā sodhetvā papphoṭetvā atiharitvā yathāṭhāne bhūmattharaṇādipaññāpanaṃ puna paññāpane vattaṃ. Tathāti iminā ‘‘care’’ti idaṃ atidisati.

    148. вихаарам̣ сод̇хзнд̇о бхигку бадиваад̇з ваа сан̇г̇ан̣з ваа баанийяасааманд̇аа ваа саяанаасанам̣ на бабподзяяаад̇и самб̣анд̇хо. баанийяа-сад̣̇д̣̇зна барибхож̇анийяан̃жа сан̇г̇ахид̇ам̣. бадиваад̇зд̇и убариваад̇з. сан̇г̇ан̣зд̇и б̣ахуунам̣ самосаран̣з вивадаббад̣̇зсз. саяанаасанам̣ наама бхуумад̇т̇аран̣аман̃жаад̣̇и.

    148. Vihāraṃ sodhento bhikkhu paṭivāte vā saṅgaṇe vā pānīyasāmantā vā sayanāsanaṃ na papphoṭeyyāti sambandho. Pānīya-saddena paribhojanīyañca saṅgahitaṃ. Paṭivāteti uparivāte. Saṅgaṇeti bahūnaṃ samosaraṇe vivaṭappadese. Sayanāsanaṃ nāma bhūmattharaṇamañcādi.

    149. нхаанз вад̇д̇ам̣ жарз, нхаад̇асса гаад̇аб̣б̣з жарзд̇и самб̣анд̇хасса бурисаад̇хийнад̇ааяа самб̣анд̇хо взд̣̇ид̇аб̣б̣о . жийвараббадиг̇г̇ахан̣аг̇ад̇д̇абаригаммагаран̣ам̣ нахаанз вад̇д̇ам̣. гаад̇аб̣б̣з жарзд̇и г̇ад̇д̇ад̇о уд̣̇агасаммаж̇ж̇ананиваасанад̣̇аанаад̣̇игижжз бавад̇д̇зяяаад̇и ад̇т̇о. ‘‘ванаббаг̇умб̣з’’д̇иаад̣̇ийсу вияа сисса з-гаараад̣̇зсам̣ руубам̣, д̇асмаа гаад̇аб̣б̣ам̣ вад̇д̇ам̣ жарзяяаад̇и яож̇зд̇ваа взд̣̇ид̇аб̣б̣ам̣. б̣уд̇хаа бана ‘‘нхаанз нхаад̇асса гаад̇аб̣б̣з вад̇д̇ам̣ жарз’’д̇и яож̇зд̇ваа ад̇т̇ам̣ вад̣̇анд̇и. звам̣ сад̇и гаад̇аб̣б̣а-сад̣̇д̣̇асса гаммасаад̇ханад̇д̇аа вад̇д̇амзва гаад̇аб̣б̣ам̣ наамаад̇и ‘‘вад̇д̇з вад̇д̇ам̣ жарз’’д̇и вуд̇д̇ам̣ вияа ход̇ийд̇и вируж̇жхад̇и. ‘‘нахаад̇зна нахаад̇ассаа’’д̇и ваа баато, уд̣̇агз г̇ад̇д̇абаригаммзна т̇зрам̣ батамам̣ нахаабзд̇ваа саяамби нахаад̇знаад̇и ад̇т̇о. баал̣ияамби ‘‘нахаад̇зна батамад̇арам̣ уд̇д̇арид̇ваа’’д̇и (махаава. 67) ад̇т̇и. ат̇а ран̇г̇абаагз д̇хованз сиб̣б̣анз жа вад̇д̇ам̣ жарзд̇и самб̣анд̇хо, раж̇анабаагз жийварад̇хованз жийварасиб̣б̣анз жаад̇и ад̇т̇о. раж̇анд̇о жийварз т̇звз тид̇з на важ̇зд̇и самб̣анд̇хо. раж̇анд̇од̇и жийварам̣ раж̇анд̇о. т̇звзд̇и раж̇анаб̣инд̣̇умхи.

    149. Nhāne vattaṃ care, nhātassa kātabbe careti sambandhassa purisādhīnatāya sambandho veditabbo . Cīvarappaṭiggahaṇagattaparikammakaraṇaṃ nahāne vattaṃ. Kātabbe careti gattato udakasammajjananivāsanadānādikicce pavatteyyāti attho. ‘‘Vanappagumbe’’tiādīsu viya sissa e-kārādesaṃ rūpaṃ, tasmā kātabbaṃ vattaṃ careyyāti yojetvā veditabbaṃ. Budhā pana ‘‘nhāne nhātassa kātabbe vattaṃ care’’ti yojetvā atthaṃ vadanti. Evaṃ sati kātabba-saddassa kammasādhanattā vattameva kātabbaṃ nāmāti ‘‘vatte vattaṃ care’’ti vuttaṃ viya hotīti virujjhati. ‘‘Nahātena nahātassā’’ti vā pāṭho, udake gattaparikammena theraṃ paṭhamaṃ nahāpetvā sayampi nahātenāti attho. Pāḷiyampi ‘‘nahātena paṭhamataraṃ uttaritvā’’ti (mahāva. 67) atthi. Atha raṅgapāke dhovane sibbane ca vattaṃ careti sambandho, rajanapāke cīvaradhovane cīvarasibbane cāti attho. Rajanto cīvare theve ṭhite na vajeti sambandho. Rajantoti cīvaraṃ rajanto. Theveti rajanabindumhi.

    150. згажжассаад̇и аажарияубаж̇жхааяаанам̣ взрино буг̇г̇аласса бад̇д̇ам̣ ваа жийвараани ваа гин̃жанам̣ баригкаарам̣ ваа на д̣̇ад̣̇зяяа на г̇ан̣хзяяа ваад̇и самб̣анд̇хо. д̇ад̇т̇а на д̣̇ад̣̇зяяа на г̇ан̣хзяяаад̇и бадисааманад̇т̇ааяаби на д̣̇ад̣̇зяяа, на г̇ан̣хзяяа ваад̇и ад̇т̇о. ‘‘аагин̃жана’’нд̇иаад̣̇ийсу вияа гин̃жана-сад̣̇д̣̇о д̣̇адтаб̣б̣о, д̇асса гин̃жийд̇и ад̇т̇о. гин̃жинанд̇и ваа баато, гин̃жи нам̣ баригкааранд̇и яож̇анаа. бад̣̇асид̣̇д̇хивасзнзд̇т̇а нанд̇и д̇а-сад̣̇д̣̇аббаяог̇о гад̇о.

    150.Ekaccassāti ācariyupajjhāyānaṃ verino puggalassa pattaṃ vā cīvarāni vā kiñcanaṃ parikkhāraṃ vā na dadeyya na gaṇheyya vāti sambandho. Tattha na dadeyya na gaṇheyyāti paṭisāmanatthāyapi na dadeyya, na gaṇheyya vāti attho. ‘‘Ākiñcana’’ntiādīsu viya kiñcana-saddo daṭṭhabbo, tassa kiñcīti attho. Kiñcinanti vā pāṭho, kiñci naṃ parikkhāranti yojanā. Padasiddhivasenettha nanti ta-saddappayogo kato.

    151-2. бажчад̇о гаад̇унд̇и бажчаасаман̣ам̣ гаад̇ум̣. д̇ассаад̇и згажжасса. бажчад̇од̇и бажчаасаман̣о худ̇ваа. ниннзд̇унд̇и згажжасса нийхарид̇ум̣. саб̣б̣ад̇т̇а анаабужчаа на ваддад̇ийд̇и яож̇зд̇аб̣б̣ам̣. гижжаяам̣ ваад̇и взяяааважжаад̣̇и яам̣ гин̃жи гижжам̣ ваа. гижжамзва гижжаяам̣, гасса яо ‘‘сзнияо’’д̇иаад̣̇ийсу вияа. баригаммам̣ ваад̇и бидтибаригаммаад̣̇ибаригаммам̣. ад̇д̇ано гаараабзд̇ум̣ ваад̇и згажжзна ад̇д̇ано гаараабзд̇ум̣ ваа. гаад̇ум̣ ваад̇и д̇асса ад̇д̇анаа гаад̇ум̣ ваа.

    151-2.Pacchato kātunti pacchāsamaṇaṃ kātuṃ. Tassāti ekaccassa. Pacchatoti pacchāsamaṇo hutvā. Ninnetunti ekaccassa nīharituṃ. Sabbattha anāpucchā na vaṭṭatīti yojetabbaṃ. Kiccayaṃ vāti veyyāvaccādi yaṃ kiñci kiccaṃ vā. Kiccameva kiccayaṃ, kassa yo ‘‘seniyo’’tiādīsu viya. Parikammaṃ vāti piṭṭhiparikammādiparikammaṃ. Attano kārāpetuṃ vāti ekaccena attano kārāpetuṃ vā. Kātuṃ vāti tassa attanā kātuṃ vā.

    153. сиймад̇о ниг̇г̇ад̇аа б̣ахибхууд̇аа ниссиймаа, д̇ам̣. аажарияубаж̇жхааязсу авад̇ваа д̣̇уурам̣ бхигкаажаарам̣ г̇ад̇зсуби абассанд̇зна г̇аамо бависид̇аб̣б̣о. д̣̇идтадтаанад̇о бадтааяа бана аабужчид̇ум̣язва ваддад̇и. ад̇д̇ано гижжаяам̣ ваабийд̇и ад̇д̇ано сиймааяаби бад̇д̇абажанажийварараж̇анаад̣̇игам̣ сагам̣ гаран̣ийяам̣ вааби гаад̇ум̣.

    153. Sīmato niggatā bahibhūtā nissīmā, taṃ. Ācariyupajjhāyesu avatvā dūraṃ bhikkhācāraṃ gatesupi apassantena gāmo pavisitabbo. Diṭṭhaṭṭhānato paṭṭhāya pana āpucchituṃyeva vaṭṭati. Attano kiccayaṃ vāpīti attano sīmāyapi pattapacanacīvararajanādikaṃ sakaṃ karaṇīyaṃ vāpi kātuṃ.

    154. арад̇инд̇и саасанз анабхирад̇им̣. сан̇гхааяад̇д̇зсу гаммзсууд̇и бариваасаад̣̇ид̇аж̇ж̇анийяаад̣̇ийсу сан̇гхаббадиб̣ад̣̇д̇хзсу гаммзсу. уссуггам̣ ваабийд̇и аажарияубаж̇жхааязсу г̇аруд̇хаммам̣ аж̇жхаабаннзсу, гаммаарахзсу жа ‘‘гинд̇и ну ко сан̇гхо бариваасам̣ д̣̇ад̣̇зяяаа’’д̇иаад̣̇инаа уссаахам̣ вааби.

    154.Aratinti sāsane anabhiratiṃ. Saṅghāyattesu kammesūti parivāsāditajjanīyādīsu saṅghappaṭibaddhesu kammesu. Ussukkaṃ vāpīti ācariyupajjhāyesu garudhammaṃ ajjhāpannesu, kammārahesu ca ‘‘kinti nu kho saṅgho parivāsaṃ dadeyyā’’tiādinā ussāhaṃ vāpi.

    155. г̇илаанзсу убадтзяяаад̇и ‘‘бан̃жахи, бхигкавз, ан̇г̇зхи саманнааг̇ад̇о г̇илаанубадтааго алам̣ г̇илаанам̣ убадтаад̇ум̣, бадиб̣ало ход̇и бхзсаж̇ж̇ам̣ сам̣вид̇хаад̇ум̣, саббааяаасаббааяам̣ ж̇аанаад̇и, асаббааяам̣ абанаамзд̇и, саббааяам̣ убанаамзд̇и, мзд̇д̇ажид̇д̇о г̇илаанам̣ убадтаад̇и но аамисанд̇аро, аж̇зг̇ужчий ход̇и ужжаарам̣ ваа бассаавам̣ ваа кзл̣ам̣ ваа ванд̇ам̣ ваа нийхаад̇ум̣, бадиб̣ало ход̇и г̇илаанам̣ гаалзна гаалам̣ д̇хаммияаа гат̇ааяа санд̣̇ассзд̇ум̣ самаад̣̇абзд̇ум̣ самуд̇д̇зж̇зд̇ум̣ самбахам̣сзд̇у’’нд̇и (махаава. 366) звам̣ вуд̇д̇абан̃жан̇г̇асаманнааг̇ад̇зна худ̇ваа г̇илаанзсу убадтахзяяаад̇и ад̇т̇о. иминаа саб̣б̣зхиби аажарид̇аб̣б̣ам̣ г̇илаанавад̇д̇ам̣ убад̣̇исад̇и. вудтаананд̇и г̇злан̃н̃аа вудтид̇ам̣. ааг̇амзд̇и ааг̇амзяяа, ологзяяаад̇и ад̇т̇о. убаж̇жхаажариязхи жа сад̣̇д̇хивихааригаанд̇зваасигзсу яад̣̇и д̇з г̇илаанаа хонд̇и, аад̣̇ид̇о бадтааяа жийварз раж̇анабарияосаанан̃жа арад̇ивинод̣̇анаад̣̇иган̃жа вад̇д̇ам̣, аг̇илаанзсу бана уд̣̇д̣̇зсабарибужчаа оваад̣̇аанусаасанияаа ануг̇г̇ахобад̇д̇ажийвараад̣̇ид̣̇аанан̃жаад̇и саб̣б̣ам̣ гаад̇аб̣б̣ам̣. д̇знзва хздтаа вуд̇д̇ам̣ ‘‘д̇асмаа аажариязнааби д̇зсу саммаа вад̇д̇ид̇аб̣б̣ам̣, убаж̇жхааязна сад̣̇д̇хивихааригзсу вад̇д̇аб̣б̣амзва над̇т̇ий’’д̇и.

    155.Gilānesu upaṭṭheyyāti ‘‘pañcahi, bhikkhave, aṅgehi samannāgato gilānupaṭṭhāko alaṃ gilānaṃ upaṭṭhātuṃ, paṭibalo hoti bhesajjaṃ saṃvidhātuṃ, sappāyāsappāyaṃ jānāti, asappāyaṃ apanāmeti, sappāyaṃ upanāmeti, mettacitto gilānaṃ upaṭṭhāti no āmisantaro, ajegucchī hoti uccāraṃ vā passāvaṃ vā kheḷaṃ vā vantaṃ vā nīhātuṃ, paṭibalo hoti gilānaṃ kālena kālaṃ dhammiyā kathāya sandassetuṃ samādapetuṃ samuttejetuṃ sampahaṃsetu’’nti (mahāva. 366) evaṃ vuttapañcaṅgasamannāgatena hutvā gilānesu upaṭṭhaheyyāti attho. Iminā sabbehipi ācaritabbaṃ gilānavattaṃ upadisati. Vuṭṭhānanti gelaññā vuṭṭhitaṃ. Āgameti āgameyya, olokeyyāti attho. Upajjhācariyehi ca saddhivihārikaantevāsikesu yadi te gilānā honti, ādito paṭṭhāya cīvare rajanapariyosānañca arativinodanādikañca vattaṃ, agilānesu pana uddesaparipucchā ovādānusāsaniyā anuggahopattacīvarādidānañcāti sabbaṃ kātabbaṃ. Teneva heṭṭhā vuttaṃ ‘‘tasmā ācariyenāpi tesu sammā vattitabbaṃ, upajjhāyena saddhivihārikesu vattabbameva natthī’’ti.

    убаж̇жхаажарияавад̇д̇анид̣̇д̣̇зсаван̣н̣анаа нидтид̇аа.

    Upajjhācariyavattaniddesavaṇṇanā niṭṭhitā.





    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact