| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౬. ఉపజ్ఝాయసుత్తవణ్ణనా
6. Upajjhāyasuttavaṇṇanā
౫౬. ఛట్ఠే మధురకజాతోతి సఞ్జాతగరుభావో. దిసా చ మే న పక్ఖాయన్తీతి చతస్సో దిసా చ అనుదిసా చ మయ్హం న ఉపట్ఠహన్తీతి వదతి. ధమ్మా చ మం నప్పటిభన్తీతి సమథవిపస్సనాధమ్మాపి మే న ఉపట్ఠహన్తి. అనభిరతో చ బ్రహ్మచరియం చరామీతి ఉక్కణ్ఠితో హుత్వా బ్రహ్మచరియవాసం వసామి. యేన భగవా తేనుపసఙ్కమీతి తస్స కథం సుత్వా ‘‘బుద్ధవేనేయ్యపుగ్గలో అయ’’న్తి తం కారణం భగవతో ఆరోచేతుం ఉపసఙ్కమి. అవిపస్సకస్స కుసలానం ధమ్మానన్తి కుసలధమ్మే అవిపస్సన్తస్స, అనేసన్తస్స అగవేసన్తస్సాతి అత్థో. బోధిపక్ఖియానం ధమ్మానన్తి సతిపట్ఠానాదీనం సత్తతింసధమ్మానం.
56. Chaṭṭhe madhurakajātoti sañjātagarubhāvo. Disā ca me na pakkhāyantīti catasso disā ca anudisā ca mayhaṃ na upaṭṭhahantīti vadati. Dhammā ca maṃ nappaṭibhantīti samathavipassanādhammāpi me na upaṭṭhahanti. Anabhirato ca brahmacariyaṃ carāmīti ukkaṇṭhito hutvā brahmacariyavāsaṃ vasāmi. Yena bhagavā tenupasaṅkamīti tassa kathaṃ sutvā ‘‘buddhaveneyyapuggalo aya’’nti taṃ kāraṇaṃ bhagavato ārocetuṃ upasaṅkami. Avipassakassa kusalānaṃ dhammānanti kusaladhamme avipassantassa, anesantassa agavesantassāti attho. Bodhipakkhiyānaṃ dhammānanti satipaṭṭhānādīnaṃ sattatiṃsadhammānaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౬. ఉపజ్ఝాయసుత్తం • 6. Upajjhāyasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౬. ఉపజ్ఝాయసుత్తవణ్ణనా • 6. Upajjhāyasuttavaṇṇanā
