| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
15. убаж̇жхааяавад̇д̇агат̇аа
15. Upajjhāyavattakathā
64. анубаж̇жхааяагаад̇и зд̇т̇а важ̇ж̇ааваж̇ж̇ам̣ убаг̇анд̇ваа жхааяад̇ийд̇и убаж̇жхааяо, со над̇т̇и зд̇зсанд̇и анубаж̇жхааяагаад̇и ад̇т̇ам̣ д̣̇ассзнд̇о ааха ‘‘важ̇ж̇ааваж̇ж̇а’’нд̇иаад̣̇и. ‘‘бин̣д̣ааяа жаран̣агабад̇д̇а’’нд̇и иминаа бин̣д̣ааяа уд̣̇д̣̇исса, удтахид̇ваа ваа д̇идтад̇и анзнаад̇и уд̇д̇идто, соязва бад̇д̇о уд̇д̇идтабад̇д̇од̇и ад̇т̇ам̣ д̣̇ассзд̇и. ‘‘уд̇д̇идтз на бамаж̇ж̇зяяаа’’д̇иаад̣̇ийсу (д̇ха. ба. 168) бана бин̣д̣ааяа жаран̣ам̣ ‘‘уд̇д̇идта’’нд̇и вужжад̇и. д̇асмаа д̇ад̇т̇а бин̣д̣ааяа уд̣̇д̣̇исса, удтахид̇ваа ваа д̇идтанам̣ уд̇д̇идтанд̇и важанад̇т̇о гаад̇аб̣б̣о. ‘‘бин̣д̣ааяа жаран̣абад̇д̇а’’нд̇и ид̣̇ам̣ важанам̣ ‘‘д̇асмин̃хи мануссаа ужчидтасан̃н̃ино’’д̇ибад̣̇ам̣ лан̇гхид̇ваа ‘‘д̇асмаа уд̇д̇идтабад̇д̇анд̇и вуд̇д̇а’’нд̇ибад̣̇зна яож̇зд̇аб̣б̣ам̣, д̇асмаа бин̣д̣ааяа жаран̣агабад̇д̇ад̇д̇аа уд̇д̇идтабад̇д̇анд̇и вуд̇д̇анд̇и вуд̇д̇ам̣ ход̇и. д̇асмим̣ мануссаа гим̣сан̃н̃инод̇и ааха ‘‘д̇асмин̃хи мануссаа ужчидтасан̃н̃ино’’д̇и. д̇асмин̃хи д̇асмим̣ зва уд̇д̇идтабад̇д̇з баб̣б̣аж̇ид̇аанам̣ барибхог̇абхаавзна мануссзхи авасаж̇ж̇ид̇аб̣б̣ад̇д̇аа, авачад̣д̣зд̇аб̣б̣ад̇д̇аа ваа мануссаа ужчидтасан̃н̃ино хонд̇ийд̇и яож̇анаа. баб̣б̣аж̇ид̇аанам̣ бин̣д̣ааяа жаран̣агабад̇д̇ад̇д̇аа уд̇д̇идтабад̇д̇анд̇и вуд̇д̇ам̣, мануссаанам̣ бана авасаж̇ж̇ид̇абад̇д̇ад̇д̇аа ужчидтабад̇д̇анд̇и вуд̇д̇анд̇и ад̇хиббааяо. уд̇д̇идта бад̇д̇анд̇ибад̣̇ам̣ ваагяамзва, на самаасод̇иби д̣̇ассзнд̇о ааха ‘‘ат̇а ваа’’д̇иаад̣̇и. ‘‘удтахид̇ваа’’д̇и иминаа уд̇д̇идтаад̇и зд̇т̇а д̇ваалобод̇и д̣̇ассзд̇и. ‘‘г̇ахзд̇у’’нд̇и иминаа баатасзсам̣ д̣̇ассзд̇и. г̇зхасид̇абзмавасзнаад̇и г̇зхз ниссид̇абзмавасзна, мзд̇д̇аабуб̣б̣ан̇г̇амабзмавасзнаад̇и ад̇т̇о. саг̇аараваа худ̇ваа саббад̇иссаа худ̇ваа вихаранд̇аад̇и ад̇т̇ам̣ д̣̇ассзнд̇о ааха ‘‘убадтабзд̇ваа’’д̇и. ‘‘сабхааг̇аж̇ийвигаа’’д̇и иминаа сабхааг̇авуд̇д̇игаад̇и зд̇т̇а вуд̇д̇исад̣̇д̣̇о ж̇ийвигад̇т̇оязва, на виваран̣аад̣̇яад̇т̇од̇и д̣̇ассзд̇и. убаж̇жхааяабхаавам̣ самбадижчад̇и зд̇зхийд̇и убаж̇жхааяабхаавасамбадижчанаани, д̇ааниязва взважанаани убаж̇жхааяабхаавасамбадижчанавзважанаани. д̇игкад̇д̇унд̇и уггадтавасзна вуд̇д̇ам̣, сагимби ваддад̇иязва. бад̣̇асса васзна вин̃н̃аабзд̇ийд̇и самб̣анд̇хо. хийд̇и сажжам̣. зд̇т̇аад̇и убаж̇жхааяаг̇ахан̣адтаанз. яад̣̇ид̣̇ам̣ ваажааяа ваа сааванам̣, яад̣̇ид̣̇ам̣ гааязна ваа ад̇т̇авин̃н̃аабанам̣ ад̇т̇и, ид̣̇амзва сааванаад̇т̇авин̃н̃аабанамзва убаж̇жхааяаг̇ахан̣анд̇и яож̇анаа. саад̇хууд̇и самбадижчананд̇и убаж̇жхааязна бан̃жасу бад̣̇зсу яасмим̣ гисмим̣жи вуд̇д̇з сад̣̇д̇хивихааригасса ‘‘саад̇хуу’’д̇и самбадижчанам̣. д̇анд̇и гзсан̃жи важанам̣. хийд̇и сажжам̣, яасмаа ваа. зд̇т̇аад̇и убаж̇жхааяаг̇ахан̣з. ‘‘на самбадижчанам̣ ан̇г̇а’’нд̇и иминаа ааяаажанад̣̇аанааниязва ан̇г̇аани наамаад̇и д̣̇ассзд̇и. сад̣̇д̇хивихааригзнааби н̃аад̇унд̇и самб̣анд̇хо. иминаа бад̣̇знаад̇и ‘‘саад̇хуу’’д̇и иминаа бад̣̇зна.
64.Anupajjhāyakāti ettha vajjāvajjaṃ upagantvā jhāyatīti upajjhāyo, so natthi etesanti anupajjhāyakāti atthaṃ dassento āha ‘‘vajjāvajja’’ntiādi. ‘‘Piṇḍāya caraṇakapatta’’nti iminā piṇḍāya uddissa, uṭṭhahitvā vā tiṭṭhati anenāti uttiṭṭho, soyeva patto uttiṭṭhapattoti atthaṃ dasseti. ‘‘Uttiṭṭhe na pamajjeyyā’’tiādīsu (dha. pa. 168) pana piṇḍāya caraṇaṃ ‘‘uttiṭṭha’’nti vuccati. Tasmā tattha piṇḍāya uddissa, uṭṭhahitvā vā tiṭṭhanaṃ uttiṭṭhanti vacanattho kātabbo. ‘‘Piṇḍāya caraṇapatta’’nti idaṃ vacanaṃ ‘‘tasmiñhi manussā ucchiṭṭhasaññino’’tipadaṃ laṅghitvā ‘‘tasmā uttiṭṭhapattanti vutta’’ntipadena yojetabbaṃ, tasmā piṇḍāya caraṇakapattattā uttiṭṭhapattanti vuttanti vuttaṃ hoti. Tasmiṃ manussā kiṃsaññinoti āha ‘‘tasmiñhi manussā ucchiṭṭhasaññino’’ti. Tasmiñhi tasmiṃ eva uttiṭṭhapatte pabbajitānaṃ paribhogabhāvena manussehi avasajjitabbattā, avachaḍḍetabbattā vā manussā ucchiṭṭhasaññino hontīti yojanā. Pabbajitānaṃ piṇḍāya caraṇakapattattā uttiṭṭhapattanti vuttaṃ, manussānaṃ pana avasajjitapattattā ucchiṭṭhapattanti vuttanti adhippāyo. Uttiṭṭha pattantipadaṃ vākyameva, na samāsotipi dassento āha ‘‘atha vā’’tiādi. ‘‘Uṭṭhahitvā’’ti iminā uttiṭṭhāti ettha tvālopoti dasseti. ‘‘Gahetu’’nti iminā pāṭhasesaṃ dasseti. Gehasitapemavasenāti gehe nissitapemavasena, mettāpubbaṅgamapemavasenāti attho. Sagāravā hutvā sappatissā hutvā viharantāti atthaṃ dassento āha ‘‘upaṭṭhapetvā’’ti. ‘‘Sabhāgajīvikā’’ti iminā sabhāgavuttikāti ettha vuttisaddo jīvikatthoyeva, na vivaraṇādyatthoti dasseti. Upajjhāyabhāvaṃ sampaṭicchati etehīti upajjhāyabhāvasampaṭicchanāni, tāniyeva vevacanāni upajjhāyabhāvasampaṭicchanavevacanāni. Tikkhattunti ukkaṭṭhavasena vuttaṃ, sakimpi vaṭṭatiyeva. Padassa vasena viññāpetīti sambandho. Hīti saccaṃ. Etthāti upajjhāyagahaṇaṭṭhāne. Yadidaṃ vācāya vā sāvanaṃ, yadidaṃ kāyena vā atthaviññāpanaṃ atthi, idameva sāvanaatthaviññāpanameva upajjhāyagahaṇanti yojanā. Sādhūti sampaṭicchananti upajjhāyena pañcasu padesu yasmiṃ kismiṃci vutte saddhivihārikassa ‘‘sādhū’’ti sampaṭicchanaṃ. Tanti kesañci vacanaṃ. Hīti saccaṃ, yasmā vā. Etthāti upajjhāyagahaṇe. ‘‘Na sampaṭicchanaṃ aṅga’’nti iminā āyācanadānāniyeva aṅgāni nāmāti dasseti. Saddhivihārikenāpi ñātunti sambandho. Iminā padenāti ‘‘sādhū’’ti iminā padena.
д̇ад̇рааяам̣ саммаавад̇д̇анаад̇и зд̇т̇а д̇асад̣̇д̣̇асса висаяам̣ д̣̇ассзд̇ум̣ вуд̇д̇ам̣ ‘‘яам̣ вуд̇д̇ам̣ саммаа вад̇д̇ид̇аб̣б̣а’’нд̇и. иминаа гирияаависаяабхаавамзва д̣̇ийбзд̇и, на д̣̇аб̣б̣ависаяабхаавам̣. аяанд̇и вужжамаанаа. ассаад̇и сад̣̇д̇хивихааригасса. д̇ход̇абаад̣̇абарихаран̣ад̇т̇ааяаад̇и д̇ход̇асса баад̣̇асса бам̣сумагканаад̣̇ийнам̣ барихаран̣ад̇т̇ааяа. д̇аад̇и убааханааяо. гаалассзваад̇и бажжуусагаалад̇оязва, ниссаггад̇т̇з жзд̇ам̣ саамиважанам̣. д̇ад̇од̇и д̇зхи д̇ийхи д̣̇анд̇агадтзхи, вибхад̇д̇аабаад̣̇аанамзд̇ам̣. д̇зсу ваа д̇ийсу д̣̇анд̇агадтзсу. яанд̇и яам̣ д̣̇анд̇агадтам̣. ат̇аад̇и д̇асмим̣ г̇ахан̣з.
Tatrāyaṃ sammāvattanāti ettha tasaddassa visayaṃ dassetuṃ vuttaṃ ‘‘yaṃ vuttaṃ sammā vattitabba’’nti. Iminā kiriyāvisayabhāvameva dīpeti, na dabbavisayabhāvaṃ. Ayanti vuccamānā. Assāti saddhivihārikassa. Dhotapādapariharaṇatthāyāti dhotassa pādassa paṃsumakkhanādīnaṃ pariharaṇatthāya. Tāti upāhanāyo. Kālassevāti paccūsakālatoyeva, nissakkatthe cetaṃ sāmivacanaṃ. Tatoti tehi tīhi dantakaṭṭhehi, vibhattaapādānametaṃ. Tesu vā tīsu dantakaṭṭhesu. Yanti yaṃ dantakaṭṭhaṃ. Athāti tasmiṃ gahaṇe.
д̇ад̇од̇и сийд̇ун̣ход̣̇агзхи, сийд̇ун̣ход̣̇агзсу ваа. вал̣ан̃ж̇зд̇ийд̇и барибхун̃ж̇ад̇и. уд̣̇аганд̇и мукад̇хованод̣̇агам̣. ‘‘важжагудид̇о’’д̇и иминаа бассаавагудийби г̇ахзд̇аб̣б̣аа. званд̇и саммаж̇ж̇ияамаанз. асун̃н̃анд̇и ж̇анасад̣̇д̣̇ад̇о ад̇ужчам̣. аасананд̇и т̇зрасса аасанам̣. д̇асминд̇и аасанз. нисиннасса т̇зрасса вад̇д̇ам̣ гаад̇аб̣б̣анд̇и самб̣анд̇хо. углаабо асмим̣ д̣̇зсз ад̇т̇ийд̇и углаабод̇и ад̇т̇ам̣ д̣̇ассзнд̇о ааха ‘‘гзнажи гажаварзна сам̣гин̣н̣о’’д̇и. зд̇т̇а жа сан̇гааро ужчидто галаабо самуухо углаабод̇и важанад̇т̇зна углаабод̇и вужжад̇и. гажийяад̇и б̣анд̇хийяад̇и асмим̣ д̣̇зсзд̇и гажо, со варийяад̇и ижчийяад̇и анзнаад̇и гажаварод̇и важанад̇т̇зна гажаварод̇и вужжад̇и. хад̇т̇знабийд̇и зд̇т̇а бисад̣̇д̣̇о билод̇игзнабийд̇иаад̣̇им̣ сан̇г̇ан̣хаад̇и.
Tatoti sītuṇhodakehi, sītuṇhodakesu vā. Vaḷañjetīti paribhuñjati. Udakanti mukhadhovanodakaṃ. ‘‘Vaccakuṭito’’ti iminā passāvakuṭīpi gahetabbā. Evanti sammajjiyamāne. Asuññanti janasaddato atucchaṃ. Āsananti therassa āsanaṃ. Tasminti āsane. Nisinnassa therassa vattaṃ kātabbanti sambandho. Uklāpo asmiṃ dese atthīti uklāpoti atthaṃ dassento āha ‘‘kenaci kacavarena saṃkiṇṇo’’ti. Ettha ca saṅkāro ucchiṭṭho kalāpo samūho uklāpoti vacanatthena uklāpoti vuccati. Kacīyati bandhīyati asmiṃ deseti kaco, so varīyati icchīyati anenāti kacavaroti vacanatthena kacavaroti vuccati. Hatthenapīti ettha pisaddo pilotikenapītiādiṃ saṅgaṇhāti.
згад̇о гад̇ваад̇и згад̇о самаанабадалам̣ гад̇ваа. гасмаа сан̇гхаадийд̇и ааха ‘‘саб̣б̣ам̣ хий’’д̇иаад̣̇и. ‘‘сан̇гхадид̇ад̇д̇аа’’д̇и иминаа сам̣харид̇аб̣б̣аад̇и сан̇гхаадийд̇и важанад̇т̇ам̣ д̣̇ассзд̇и. нивад̇д̇ид̇ваа ологзнд̇ам̣ убаж̇жхааяам̣ сам̣баабун̣аад̇ийд̇и яож̇анаа. згзна ваа бад̣̇авийд̇ихаарзнаад̇и самб̣анд̇хо. бад̇д̇оязва ун̣хабхааригзсу барияаабаннод̇и бад̇д̇абарияаабанно, бад̇д̇з барияаабанно яааг̇уаад̣̇иго бад̇д̇абарияаабаннод̇иби яуж̇ж̇ад̇иязва. бхигкаажаарзд̇и бхигкаажаарадтаанз. яааг̇уяаа ваа лад̣̇д̇хааяаад̇и самб̣анд̇хо. д̇ассаад̇и убаж̇жхааяасса. со бад̇д̇од̇и ун̣хаад̣̇ийсу барияаабанно со бад̇д̇о. ан̃н̃ад̇ра ваад̇и аараамаад̣̇ийсу ваа. д̇ассаад̇и убаж̇жхааяасса. важанз анидтид̇зд̇и самб̣анд̇хо. ид̇о бадтааяаад̇и ‘‘на убаж̇жхааяасса бхан̣амаанассаа’’д̇и зд̇т̇а вуд̇д̇анагаарад̇о бадтааяа. иминаа хздтаа вуд̇д̇зсу ‘‘наад̇ид̣̇уурз г̇анд̇аб̣б̣а’’нд̇иаад̣̇ийсу нагаарабадисид̣̇д̇хзсу аабад̇д̇и над̇т̇ийд̇и д̣̇ассзд̇и. яад̇т̇а гад̇т̇ажийд̇и ‘‘на жа ун̣хз жийварам̣ нид̣̇ахид̇аб̣б̣а’’нд̇иаад̣̇ийсу язсу гзсужи. аяанд̇и д̣̇уггадаабад̇д̇и. хийд̇и сажжам̣. аабад̇д̇исааманд̇аад̇и зд̇т̇а аабад̇д̇ияаа сааманд̇аа аабад̇д̇исааманд̇аад̇и ад̇т̇ам̣ д̣̇ассзнд̇о ааха ‘‘аабад̇д̇ияаа аасанна’’нд̇и. ‘‘аасанна’’нд̇и иминаа сааманд̇аасад̣̇д̣̇асса аасаннавзважанад̇ан̃жа убаяог̇ад̇т̇з ниссаггаважанад̇ан̃жа д̣̇ассзд̇и. ийд̣̇исам̣ важанам̣ бханд̇з вад̇д̇ум̣ ваддад̇и наамаад̇и яож̇анаа.
Ekato katvāti ekato samānapaṭalaṃ katvā. Kasmā saṅghāṭīti āha ‘‘sabbaṃ hī’’tiādi. ‘‘Saṅghaṭitattā’’ti iminā saṃharitabbāti saṅghāṭīti vacanatthaṃ dasseti. Nivattitvā olokentaṃ upajjhāyaṃ saṃpāpuṇātīti yojanā. Ekena vā padavītihārenāti sambandho. Pattoyeva uṇhabhārikesu pariyāpannoti pattapariyāpanno, patte pariyāpanno yāguādiko pattapariyāpannotipi yujjatiyeva. Bhikkhācāreti bhikkhācāraṭṭhāne. Yāguyā vā laddhāyāti sambandho. Tassāti upajjhāyassa. So pattoti uṇhādīsu pariyāpanno so patto. Aññatra vāti ārāmādīsu vā. Tassāti upajjhāyassa. Vacane aniṭṭhiteti sambandho. Ito paṭṭhāyāti ‘‘na upajjhāyassa bhaṇamānassā’’ti ettha vuttanakārato paṭṭhāya. Iminā heṭṭhā vuttesu ‘‘nātidūre gantabba’’ntiādīsu nakārapaṭisiddhesu āpatti natthīti dasseti. Yattha katthacīti ‘‘na ca uṇhe cīvaraṃ nidahitabba’’ntiādīsu yesu kesuci. Ayanti dukkaṭāpatti. Hīti saccaṃ. Āpattisāmantāti ettha āpattiyā sāmantā āpattisāmantāti atthaṃ dassento āha ‘‘āpattiyā āsanna’’nti. ‘‘Āsanna’’nti iminā sāmantāsaddassa āsannavevacanatañca upayogatthe nissakkavacanatañca dasseti. Īdisaṃ vacanaṃ bhante vattuṃ vaṭṭati nāmāti yojanā.
г̇аамад̇о батамад̇аранд̇и г̇аамад̇о убаж̇жхааяасса батамад̇арам̣. д̇знзваад̇и убаж̇жхааязнзва. нивад̇д̇анд̇зна сад̣̇д̇хивихааригзнаад̇и самб̣анд̇хо. ‘‘д̇инд̇а’’нд̇и вад̇ваа д̇амзвад̇т̇ам̣ д̣̇ассзд̇ум̣ вуд̇д̇ам̣ ‘‘сзд̣̇аг̇г̇ахид̇а’’нд̇и. иминаа сзд̣̇зна сийд̣̇ад̇ийд̇и синнанд̇и ад̇т̇ам̣ д̣̇ассзд̇и. ‘‘ад̇ирзгам̣ гад̇ваа’’д̇и иминаа уссаарзд̇ваад̇ибад̣̇асса ад̇хиббааяад̇т̇ам̣ д̣̇ассзд̇и, уд̣̇д̇хам̣ уд̣̇д̇хам̣ саарзд̇ваад̇и вуд̇д̇ам̣ ход̇и. бажчимаваагяасса буб̣б̣аваагяагааран̣абхаавам̣ д̣̇ассзд̇ум̣ вуд̇д̇ам̣ ‘‘гим̣ гааран̣аа’’д̇и. маж̇жхз бхан̇г̇асса д̣̇осам̣ аавигаронд̇о ааха ‘‘самам̣ гад̇ваа’’д̇иаад̣̇и. д̇ад̇од̇и самам̣ гад̇ваа сам̣харан̣ад̇о, нижжам̣ бхиж̇ж̇амаананд̇и самб̣анд̇хо. маж̇жхз бхан̇г̇ад̇о ваа, д̣̇уб̣б̣аланд̇и самб̣анд̇хо. зд̇анд̇и ‘‘жад̇уран̇г̇улам̣ ган̣н̣ам̣ уссаарзд̇ваа’’д̇и зд̇ам̣ важанам̣. яат̇аад̇и язнаагаарзна сам̣харияамаанзд̇и самб̣анд̇хо. жийварабхог̇асса оро анд̇о обхог̇од̇и ад̇т̇ам̣ д̣̇ассзнд̇о ааха ‘‘гааяаб̣анд̇хана’’нд̇иаад̣̇и.
Gāmatopaṭhamataranti gāmato upajjhāyassa paṭhamataraṃ. Tenevāti upajjhāyeneva. Nivattantena saddhivihārikenāti sambandho. ‘‘Tinta’’nti vatvā tamevatthaṃ dassetuṃ vuttaṃ ‘‘sedaggahita’’nti. Iminā sedena sīdatīti sinnanti atthaṃ dasseti. ‘‘Atirekaṃ katvā’’ti iminā ussāretvātipadassa adhippāyatthaṃ dasseti, uddhaṃ uddhaṃ sāretvāti vuttaṃ hoti. Pacchimavākyassa pubbavākyakāraṇabhāvaṃ dassetuṃ vuttaṃ ‘‘kiṃ kāraṇā’’ti. Majjhe bhaṅgassa dosaṃ āvikaronto āha ‘‘samaṃ katvā’’tiādi. Tatoti samaṃ katvā saṃharaṇato, niccaṃ bhijjamānanti sambandho. Majjhe bhaṅgato vā, dubbalanti sambandho. Etanti ‘‘caturaṅgulaṃ kaṇṇaṃ ussāretvā’’ti etaṃ vacanaṃ. Yathāti yenākārena saṃhariyamāneti sambandho. Cīvarabhogassa oro anto obhogoti atthaṃ dassento āha ‘‘kāyabandhana’’ntiādi.
яод̇и убаж̇жхааяо. ‘‘г̇аамзязваа’’д̇и вад̇ваа д̇амзвад̇т̇ам̣ д̣̇ассзд̇ум̣ вуд̇д̇ам̣ ‘‘анд̇арагхарз ваа бадиггаманз ваа’’д̇и. бадиггаманз ваад̇и бхож̇анасаалааяам̣ ваа. д̇ассаад̇и убаж̇жхааяасса. лад̣̇д̇хаа бхигкаа язнаад̇и лад̣̇д̇хабхигко, д̇асса ваа. бин̣д̣абаад̇о ход̇ийд̇и яож̇анаа. д̇ассаад̇и убаж̇жхааяасса. бин̣д̣абаад̇о на ход̇ийд̇и самб̣анд̇хо. ад̇д̇анаа лад̣̇д̇хобийд̇и бисад̣̇д̣̇о убаж̇жхааязна лад̣̇д̇хобийд̇и ад̇т̇ам̣ самбин̣д̣зд̇и. аахарияад̇ууд̇и зд̇т̇а д̇увибхад̇д̇и бужчааяам̣ ход̇и, аахарияад̇у гинд̇и ад̇т̇о. гаалод̇и бхож̇анагаало. бхун̃ж̇ид̇т̇аад̇и бхуд̇д̇о, д̇асмим̣ сад̇ийд̇и самб̣анд̇хо. убагадтод̇и маж̇жханхигасса аасанно.
Yoti upajjhāyo. ‘‘Gāmeyevā’’ti vatvā tamevatthaṃ dassetuṃ vuttaṃ ‘‘antaraghare vā paṭikkamane vā’’ti. Paṭikkamane vāti bhojanasālāyaṃ vā. Tassāti upajjhāyassa. Laddhā bhikkhā yenāti laddhabhikkho, tassa vā. Piṇḍapāto hotīti yojanā. Tassāti upajjhāyassa. Piṇḍapāto na hotīti sambandho. Attanā laddhopīti pisaddo upajjhāyena laddhopīti atthaṃ sampiṇḍeti. Āhariyatūti ettha tuvibhatti pucchāyaṃ hoti, āhariyatu kinti attho. Kāloti bhojanakālo. Bhuñjitthāti bhutto, tasmiṃ satīti sambandho. Upakaṭṭhoti majjhanhikassa āsanno.
ананд̇арахид̇ааяаад̇и зд̇т̇а анд̇арад̇хааяад̇ийд̇и анд̇арахид̇о, д̇аддигажаммакан̣д̣аад̣̇и, над̇т̇и анд̇арахид̇о зд̇асмим̣ бад̇д̇абхуумийнаманд̇арзд̇и ананд̇арахид̇од̇и ад̇т̇ам̣ д̣̇ассзнд̇о ааха ‘‘анад̇т̇ад̇ааяаа’’д̇и. гаал̣аван̣н̣агад̇аа ваа суд̇хааб̣ад̣̇д̇хаа ваа нираж̇амад̇д̇игаа ход̇ийд̇и яож̇анаа. д̇анд̇и бад̇д̇ам̣. д̇ход̇аваалигааяабийд̇и суд̣̇д̇хаваалигааяаби. д̇ад̇т̇аад̇и бам̣сураж̇асагкараад̣̇ийсу. буна д̇ад̇т̇аад̇и бан̣н̣аад̇хаарагзсу. ид̣̇ам̣ важанам̣ вуд̇д̇анд̇и самб̣анд̇хо. абхимукзнаад̇и ад̇д̇ано абхимукзна. сан̣иганд̇и синнам̣ . анд̇з банаад̇и жийварасса годияам̣ бана. нигкибанд̇асса сад̣̇д̇хивихааригасса жийварасса бхог̇од̇и яож̇анаа.
Anantarahitāyāti ettha antaradhāyatīti antarahito, taṭṭikacammakhaṇḍādi, natthi antarahito etasmiṃ pattabhūmīnamantareti anantarahitoti atthaṃ dassento āha ‘‘anatthatāyā’’ti. Kāḷavaṇṇakatā vā sudhābaddhā vā nirajamattikā hotīti yojanā. Tanti pattaṃ. Dhotavālikāyapīti suddhavālikāyapi. Tatthāti paṃsurajasakkharādīsu. Puna tatthāti paṇṇādhārakesu. Idaṃ vacanaṃ vuttanti sambandho. Abhimukhenāti attano abhimukhena. Saṇikanti sinnaṃ . Ante panāti cīvarassa koṭiyaṃ pana. Nikkhipantassa saddhivihārikassa cīvarassa bhogoti yojanā.
жун̣н̣ам̣ саннзд̇аб̣б̣анд̇и зд̇т̇а жун̣н̣асамод̇хаанзна нзд̇аб̣б̣анд̇и ад̇т̇ам̣ д̣̇ассзнд̇о ааха ‘‘бин̣д̣и гаад̇аб̣б̣аа’’д̇и. ‘‘згасмим̣ нид̣̇д̇хуумз таанз’’д̇и иминаа згаманд̇анд̇и зд̇т̇а згасмим̣ анд̇з таанзд̇и ад̇т̇ам̣ д̣̇ассзд̇и. ж̇анд̇аагхарзд̇и аг̇г̇исаалааяам̣. саа хи ж̇алад̇и д̣̇иб̣б̣ад̇и аг̇г̇и зд̇т̇аад̇и ж̇анд̇аа, ж̇анзд̇и сарийрасзд̣̇амзд̇т̇аад̇и ваа ж̇анд̇аа, саа зва гхарам̣ ж̇анд̇аагхаранд̇и вужжад̇и, д̇асмим̣. барибууж̇аавасзна гарийяад̇ийд̇и баригамманд̇и ад̇т̇зна ан̇г̇аарад̣̇аанаад̣̇игам̣ баригаммам̣ наамаад̇и д̣̇ассзнд̇о ааха ‘‘баригаммам̣ наамаа’’д̇иаад̣̇и.
Cuṇṇaṃsannetabbanti ettha cuṇṇasamodhānena netabbanti atthaṃ dassento āha ‘‘piṇḍi kātabbā’’ti. ‘‘Ekasmiṃ niddhūme ṭhāne’’ti iminā ekamantanti ettha ekasmiṃ ante ṭhāneti atthaṃ dasseti. Jantāghareti aggisālāyaṃ. Sā hi jalati dibbati aggi etthāti jantā, janeti sarīrasedametthāti vā jantā, sā eva gharaṃ jantāgharanti vuccati, tasmiṃ. Paripūjāvasena karīyatīti parikammanti atthena aṅgāradānādikaṃ parikammaṃ nāmāti dassento āha ‘‘parikammaṃ nāmā’’tiādi.
‘‘на гзнажи г̇злан̃н̃знаа’’д̇иаад̣̇инаа уссаханасса гааран̣ам̣ д̣̇ассзд̇и. хийд̇и сажжам̣. аг̇илаанзна садтивассзна сад̣̇д̇хивихааригзнааби гаад̇аб̣б̣анд̇и яож̇анаа. анаад̣̇арзнаад̇и вад̇д̇агаран̣асса анаад̣̇арзна. нагаарабадисам̣яуд̇д̇зсууд̇и бадисзд̇хаваажагзна нагаарзна бадисам̣яуд̇д̇зсу. бад̣̇зсууд̇и ‘‘на убаж̇жхааяасса бхан̣амаанасса анд̇аранд̇араа гат̇аа обаад̇зд̇аб̣б̣аа’’д̇иаад̣̇ийсу ваагязсу. бхуумияанд̇и убалагкан̣авасзна вуд̇д̇ам̣ бхид̇д̇ияамби абадигхам̣сид̇аб̣б̣ад̇д̇аа. ‘‘битасан̇гхаадан̃жаа’’д̇и иминаа гаваадабийл̣анд̇и зд̇т̇а бийтасад̣̇д̣̇зна битасан̇гхаадам̣ вужжад̇и уд̇д̇арабад̣̇алобавасзна ваа згад̣̇зсавохааравасзна ваад̇и д̣̇ассзд̇и. ‘‘ажчубанд̇знаа’’д̇и иминаа аббадигхам̣санд̇знаад̇и зд̇т̇а гхам̣сад̇хаад̇уяаа ад̇т̇ам̣ д̣̇ассзд̇и. саммаа д̇ааяад̇и ад̇д̇аанан̃жа баран̃жа анзнаад̇и санд̇аанам̣, д̇амзва санд̇аанаганд̇и ад̇т̇зна гийдагулаавагамаггадагасуд̇д̇аад̣̇и санд̇аанагам̣ наамаад̇и д̣̇ассзнд̇о ааха ‘‘санд̇аанага’’нд̇иаад̣̇и. уллогад̇од̇и вид̇аанад̇о. д̇ан̃хи уд̣̇д̇хам̣ лужийяад̇з б̣анд̇хийяад̇зд̇и уллоганд̇и вужжад̇и, жагаарасса гагаарамагад̇ваа ‘‘улложа’’нд̇иби вужжад̇и. д̇осад̣̇д̣̇зна аагаарасса смааважанасса гаарияабхаавам̣ д̣̇ассзд̇и. абахарид̇аб̣б̣анд̇и абанзд̇аб̣б̣ам̣. ‘‘авахарид̇аб̣б̣а’’нд̇иби баато, хздтаа харид̇аб̣б̣ам̣ баад̇зд̇аб̣б̣анд̇и ад̇т̇о.
‘‘Na kenaci gelaññenā’’tiādinā ussahanassa kāraṇaṃ dasseti. Hīti saccaṃ. Agilānena saṭṭhivassena saddhivihārikenāpi kātabbanti yojanā. Anādarenāti vattakaraṇassa anādarena. Nakārapaṭisaṃyuttesūti paṭisedhavācakena nakārena paṭisaṃyuttesu. Padesūti ‘‘na upajjhāyassa bhaṇamānassa antarantarā kathā opātetabbā’’tiādīsu vākyesu. Bhūmiyanti upalakkhaṇavasena vuttaṃ bhittiyampi apaṭighaṃsitabbattā. ‘‘Piṭhasaṅghāṭañcā’’ti iminā kavāṭapīḷanti ettha pīṭhasaddena piṭhasaṅghāṭaṃ vuccati uttarapadalopavasena vā ekadesavohāravasena vāti dasseti. ‘‘Acchupantenā’’ti iminā appaṭighaṃsantenāti ettha ghaṃsadhātuyā atthaṃ dasseti. Sammā tāyati attānañca parañca anenāti santānaṃ, tameva santānakanti atthena kīṭakulāvakamakkaṭakasuttādi santānakaṃ nāmāti dassento āha ‘‘santānaka’’ntiādi. Ullokatoti vitānato. Tañhi uddhaṃ lucīyate bandhīyateti ullokanti vuccati, cakārassa kakāramakatvā ‘‘ulloca’’ntipi vuccati. Tosaddena ākārassa smāvacanassa kāriyabhāvaṃ dasseti. Apaharitabbanti apanetabbaṃ. ‘‘Avaharitabba’’ntipi pāṭho, heṭṭhā haritabbaṃ pātetabbanti attho.
аалогасанд̇хибхааг̇аад̇и зд̇т̇а бхааг̇асад̣̇д̣̇асса д̣̇ванд̣̇ад̇о барад̇д̇аа буб̣б̣абад̣̇зсуби бажжзгам̣ яож̇зд̇аб̣б̣од̇и ааха ‘‘аалогасанд̇хибхааг̇аа жа ган̣н̣абхааг̇аа жаа’’д̇и. д̇асса ад̇т̇ам̣ д̣̇ассзнд̇о ааха ‘‘анд̇араб̣аахираа’’д̇иаад̣̇и. ‘‘ваад̇абаанагаваадагааний’’д̇и иминаа аалогасанд̇хисад̣̇д̣̇асса ваад̇абаанагаваадагабарияааяабхаавам̣ д̣̇ассзд̇и. ‘‘гон̣аа’’д̇и иминаа ган̣н̣асад̣̇д̣̇асса гон̣авзважанабхаавам̣ д̣̇ассзд̇и.
Ālokasandhibhāgāti ettha bhāgasaddassa dvandato parattā pubbapadesupi paccekaṃ yojetabboti āha ‘‘ālokasandhibhāgā ca kaṇṇabhāgā cā’’ti. Tassa atthaṃ dassento āha ‘‘antarabāhirā’’tiādi. ‘‘Vātapānakavāṭakānī’’ti iminā ālokasandhisaddassa vātapānakavāṭakapariyāyabhāvaṃ dasseti. ‘‘Koṇā’’ti iminā kaṇṇasaddassa koṇavevacanabhāvaṃ dasseti.
‘‘яат̇аа батама’’нд̇иаад̣̇инаа батамабан̃н̃ад̇д̇амзва бан̃н̃абзд̇аб̣б̣ам̣, на ан̃н̃ат̇аад̇и д̣̇ассзд̇и. ид̣̇ам̣ бад̇ируубам̣ батамабан̃н̃ад̇д̇ам̣ санд̇хааяа вуд̇д̇ам̣. батамабан̃н̃ад̇д̇з абад̇ируубз ан̃н̃ат̇ааби бан̃н̃абзд̇аб̣б̣ам̣. зд̇ад̣̇ад̇т̇амзваад̇и яат̇аабан̃н̃ад̇д̇ам̣ бан̃н̃абзд̇аб̣б̣асса ад̇т̇ааяа зва. сажз бан̃н̃ад̇д̇ам̣ ахоси, звам̣ сад̇ийд̇и яож̇анаа. ид̣̇анд̇и бхид̇д̇им̣ можзд̇ваа бан̃н̃аабанам̣. гадзсу гил̣ан̃ж̇зсу саарад̇д̇аа уд̇д̇амад̇д̇аа гадасаарагод̇и вужжад̇и. нивад̇д̇зд̇ваад̇и сам̣харид̇ваа. бурад̇т̇имаад̇и зд̇т̇а яагааралобзна нид̣̇д̣̇зсод̇и ааха ‘‘бурад̇т̇имааяаа’’д̇и.
‘‘Yathā paṭhama’’ntiādinā paṭhamapaññattameva paññapetabbaṃ, na aññathāti dasseti. Idaṃ patirūpaṃ paṭhamapaññattaṃ sandhāya vuttaṃ. Paṭhamapaññatte apatirūpe aññathāpi paññapetabbaṃ. Etadatthamevāti yathāpaññattaṃ paññapetabbassa atthāya eva. Sace paññattaṃ ahosi, evaṃ satīti yojanā. Idanti bhittiṃ mocetvā paññāpanaṃ. Kaṭesu kiḷañjesu sārattā uttamattā kaṭasārakoti vuccati. Nivattetvāti saṃharitvā. Puratthimāti ettha yakāralopena niddesoti āha ‘‘puratthimāyā’’ti.
вуубагаасзд̇аб̣б̣од̇и зд̇т̇а гасад̇хаад̇у г̇ад̇яад̇т̇од̇и ааха ‘‘ан̃н̃ад̇т̇а нзд̇аб̣б̣о’’д̇и. убаж̇жхааяам̣ г̇ахзд̇ваа ан̃н̃ад̇т̇а г̇анд̇аб̣б̣од̇и ад̇т̇о. ан̃н̃ад̇т̇аад̇и ан̃н̃ам̣ таанам̣. вивзжзд̇аб̣б̣анд̇и зд̇т̇а д̣̇идтиг̇ад̇ад̇о убаж̇жхааяам̣ вивзжзд̇аб̣б̣анд̇и д̣̇ассзнд̇о ааха ‘‘виссаж̇ж̇аабзд̇аб̣б̣а’’нд̇и. ‘‘ан̃н̃о вад̇д̇аб̣б̣о’’д̇и вад̇ваа д̇асса аагаарам̣ д̣̇ассзд̇и ‘‘т̇зра’’нд̇иаад̣̇инаа. со со бхигку яаажид̇аб̣б̣од̇и самб̣анд̇хо. ан̃н̃зна д̣̇аабзд̇аб̣б̣од̇и ад̇д̇анаа ан̃н̃зна бхигкунаа убаж̇жхааяасса бариваасо д̣̇аабзд̇аб̣б̣од̇и ад̇т̇о. гинд̇и ну код̇и гзна зва убааязна д̣̇ад̣̇зяяа нукод̇и ад̇т̇о. ид̇исад̣̇д̣̇о хи авад̇хааран̣ад̇т̇о. адтагат̇ааяаби имамзва наяам̣ д̣̇ассзд̇и ‘‘гзна ну ко убааязнаа’’д̇и иминаа. саб̣б̣ад̇т̇аад̇и саб̣б̣зсу ‘‘гинд̇и ну ко бадигассзяяаа’’д̇иаад̣̇иваагязсу. сад̇д̇асу гаммзсу д̇ивид̇хасса угкзбанийяагаммасса г̇аругад̇д̇аа вуд̇д̇ам̣ ‘‘угкзбанийяам̣ агад̇ваа’’д̇и. д̇амзвад̇т̇ам̣ вид̇т̇аарзнд̇о ааха ‘‘д̇зна хий’’д̇иаад̣̇и.
Vūpakāsetabboti ettha kasadhātu gatyatthoti āha ‘‘aññattha netabbo’’ti. Upajjhāyaṃ gahetvā aññattha gantabboti attho. Aññatthāti aññaṃ ṭhānaṃ. Vivecetabbanti ettha diṭṭhigatato upajjhāyaṃ vivecetabbanti dassento āha ‘‘vissajjāpetabba’’nti. ‘‘Añño vattabbo’’ti vatvā tassa ākāraṃ dasseti ‘‘thera’’ntiādinā. So so bhikkhu yācitabboti sambandho. Aññena dāpetabboti attanā aññena bhikkhunā upajjhāyassa parivāso dāpetabboti attho. Kinti nu khoti kena eva upāyena dadeyya nukhoti attho. Itisaddo hi avadhāraṇattho. Aṭṭhakathāyapi imameva nayaṃ dasseti ‘‘kena nu kho upāyenā’’ti iminā. Sabbatthāti sabbesu ‘‘kinti nu kho paṭikasseyyā’’tiādivākyesu. Sattasu kammesu tividhassa ukkhepanīyakammassa garukattā vuttaṃ ‘‘ukkhepanīyaṃ akatvā’’ti. Tamevatthaṃ vitthārento āha ‘‘tena hī’’tiādi.
д̇зна сад̣̇д̇хивихааригзна яаажид̇аб̣б̣аад̇и самб̣анд̇хо. сажз гаронд̇иязваад̇и бхигкуу сажз гаммам̣ гаронд̇иязва. буна сажз гаронд̇иязваад̇и бхигкуу сажз угкзбанийяагаммам̣ гаронд̇иязва. ат̇аад̇и д̇асмим̣ гаммз гад̇з. ид̇ийд̇и звам̣ яаажанзна. нанд̇и д̇ам̣ убаж̇жхааяам̣.
Tena saddhivihārikena yācitabbāti sambandho. Sace karontiyevāti bhikkhū sace kammaṃ karontiyeva. Puna sace karontiyevāti bhikkhū sace ukkhepanīyakammaṃ karontiyeva. Athāti tasmiṃ kamme kate. Itīti evaṃ yācanena. Nanti taṃ upajjhāyaṃ.
самбаривад̇д̇аганд̇и зд̇т̇а ‘‘бин̣д̣угкзбага’’нд̇иаад̣̇ийсу (баажи. 620) вияа самбаривад̇д̇аганд̇ибад̣̇ам̣ гирияаависзсанам̣, габажжаяо жа вижчад̇т̇од̇и ааха ‘‘самбаривад̇д̇зд̇ваа самбаривад̇д̇зд̇ваа’’д̇и. яад̣̇ийд̇и яаава. яад̣̇исад̣̇д̣̇о хи яаавабарияааяо, д̇зна вуд̇д̇ам̣ ‘‘на д̇аава баггамид̇аб̣б̣а’’нд̇и. яаава аббамад̇д̇агамби раж̇анам̣ г̇алад̇и, на д̇аава баггамид̇аб̣б̣анд̇и яож̇анаа. висабхааг̇абуг̇г̇алзнаад̇и висабхааг̇зна буг̇г̇алзна гаран̣абхууд̇зна. на убаж̇жхааяам̣ анаабужчаа г̇аамо бависид̇аб̣б̣од̇и зд̇т̇а на ан̃н̃знзва гаран̣ийязна бависид̇аб̣б̣о. бин̣д̣ааяа бана бависид̇аб̣б̣од̇и аасан̇гаа бхавзяяаад̇и ааха ‘‘бин̣д̣ааяа ваа’’д̇иаад̣̇и. ‘‘анаабужчид̇ваа’’д̇и иминаа анаабужчаад̇и зд̇т̇а аагааро д̇ваабажжаяасса гаарияод̇и д̣̇ассзд̇и. бхигкаажааранд̇и бхигкааяа жаран̣адтаанам̣, убаж̇жхааязна г̇анд̇аб̣б̣анд̇и яож̇анаа. баривзн̣анд̇и убаж̇жхааяасса баривзн̣ам̣. бассад̇ийд̇и убаж̇жхааяам̣ бассад̇и.
Samparivattakanti ettha ‘‘piṇḍukkhepaka’’ntiādīsu (pāci. 620) viya samparivattakantipadaṃ kiriyāvisesanaṃ, kapaccayo ca vicchatthoti āha ‘‘samparivattetvā samparivattetvā’’ti. Yadīti yāva. Yadisaddo hi yāvapariyāyo, tena vuttaṃ ‘‘na tāva pakkamitabba’’nti. Yāva appamattakampi rajanaṃ galati, na tāva pakkamitabbanti yojanā. Visabhāgapuggalenāti visabhāgena puggalena karaṇabhūtena. Na upajjhāyaṃ anāpucchā gāmo pavisitabboti ettha na aññeneva karaṇīyena pavisitabbo. Piṇḍāya pana pavisitabboti āsaṅkā bhaveyyāti āha ‘‘piṇḍāya vā’’tiādi. ‘‘Anāpucchitvā’’ti iminā anāpucchāti ettha ākāro tvāpaccayassa kāriyoti dasseti. Bhikkhācāranti bhikkhāya caraṇaṭṭhānaṃ, upajjhāyena gantabbanti yojanā. Pariveṇanti upajjhāyassa pariveṇaṃ. Passatīti upajjhāyaṃ passati.
д̣̇ассанад̇т̇ааяа ваад̇и асубхад̣̇ассанад̇т̇ааяа ваа. иминааби ваасад̇т̇ааяа зва на г̇анд̇аб̣б̣анд̇и аасан̇гам̣ нивад̇д̇зд̇и. гамманд̇и баггаманасса гааран̣ам̣ гаммам̣. анануж̇аананам̣ санд̇хааяа вуд̇д̇ам̣ ‘‘яаавад̇ад̇ияа’’нд̇и. д̇анд̇и убаж̇жхааяам̣. ассаад̇и сад̣̇д̇хивихааригасса. ‘‘на самбаж̇ж̇ад̇ий’’д̇и иминаа сажз самбаж̇ж̇ад̇и, на баггамид̇аб̣б̣аад̇и д̣̇ассзд̇и. гзваланд̇и винаа уд̣̇д̣̇зсаад̣̇исамбаж̇ж̇анзхи. зваруубз убаж̇жхааяз ниваарзнд̇збийд̇и яож̇анаа. ‘‘г̇злан̃н̃ад̇о’’д̇и иминаа вудтаанасад̣̇д̣̇асса авад̇хиабзгкад̇ам̣ д̣̇ассзд̇и. ассаад̇и убаж̇жхааяасса. ан̃н̃од̇и ад̇д̇анаа ан̃н̃о. д̇ассаад̇и ан̃н̃асса бхигкусса.
Dassanatthāya vāti asubhadassanatthāya vā. Imināpi vāsatthāya eva na gantabbanti āsaṅkaṃ nivatteti. Kammanti pakkamanassa kāraṇaṃ kammaṃ. Ananujānanaṃ sandhāya vuttaṃ ‘‘yāvatatiya’’nti. Tanti upajjhāyaṃ. Assāti saddhivihārikassa. ‘‘Na sampajjatī’’ti iminā sace sampajjati, na pakkamitabbāti dasseti. Kevalanti vinā uddesādisampajjanehi. Evarūpe upajjhāye nivārentepīti yojanā. ‘‘Gelaññato’’ti iminā vuṭṭhānasaddassa avadhiapekkhataṃ dasseti. Assāti upajjhāyassa. Aññoti attanā añño. Tassāti aññassa bhikkhussa.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 15. убаж̇жхааяавад̇д̇агат̇аа • 15. Upajjhāyavattakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / убаж̇жхааяавад̇д̇агат̇аа • Upajjhāyavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убаж̇жхааяавад̇д̇агат̇ааван̣н̣анаа • Upajjhāyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убаж̇жхааяавад̇д̇агат̇ааван̣н̣анаа • Upajjhāyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / убаж̇жхааяавад̇д̇агат̇ааван̣н̣анаа • Upajjhāyavattakathāvaṇṇanā
