| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૧૦. ઉપક્કિલેસસુત્તવણ્ણના
10. Upakkilesasuttavaṇṇanā
૫૦. દસમે ઉપક્કિલિટ્ઠભાવકરણેનાતિ મલીનભાવકરણેન. પઞ્ચવિધાય સુરાય ચતુબ્બિધસ્સ ચ મેરયસ્સાતિ એત્થ પૂવસુરા, પિટ્ઠસુરા, ઓદનસુરા, કિણ્ણપક્ખિત્તા, સમ્ભારસંયુત્તાતિ પઞ્ચ સુરા. પુપ્ફાસવો, ફલાસવો, મધ્વાસવો, ગુળાસવોતિ ચત્તારો આસવા, ચતુબ્બિધં મેરયં નામ. તત્થ પૂવે ભાજને પક્ખિપિત્વા તજ્જં ઉદકં દત્વા મદ્દિત્વા કતા પૂવસુરા. એવં સેસસુરાપિ. કિણ્ણાતિ પન તસ્સા સુરાય બીજં વુચ્ચતિ. યે સુરા ‘‘મોદકા’’તિપિ વુચ્ચન્તિ, તે પક્ખિપિત્વા કતા કિણ્ણપક્ખિત્તા. ધાતકિઆસવાદિનાનાસમ્ભારેહિ સંયોજિતા સમ્ભારસંયુત્તા.મધુકતાલનાળિકેરાદિપુપ્ફરસો ચિરપરિવાસિતો પુપ્ફાસવો. પનસાદિફલરસો ફલાસવો. મુદ્દિકારસો મધ્વાસવો. ઉચ્છુરસો ગુળાસવો.
50. Dasame upakkiliṭṭhabhāvakaraṇenāti malīnabhāvakaraṇena. Pañcavidhāya surāya catubbidhassa ca merayassāti ettha pūvasurā, piṭṭhasurā, odanasurā, kiṇṇapakkhittā, sambhārasaṃyuttāti pañca surā. Pupphāsavo, phalāsavo, madhvāsavo, guḷāsavoti cattāro āsavā, catubbidhaṃ merayaṃ nāma. Tattha pūve bhājane pakkhipitvā tajjaṃ udakaṃ datvā madditvā katā pūvasurā. Evaṃ sesasurāpi. Kiṇṇāti pana tassā surāya bījaṃ vuccati. Ye surā ‘‘modakā’’tipi vuccanti, te pakkhipitvā katā kiṇṇapakkhittā. Dhātakiāsavādinānāsambhārehi saṃyojitā sambhārasaṃyuttā.Madhukatālanāḷikerādipuppharaso ciraparivāsito pupphāsavo. Panasādiphalaraso phalāsavo. Muddikāraso madhvāsavo. Ucchuraso guḷāsavo.
ઉપક્કિલેસસુત્તવણ્ણના નિટ્ઠિતા.
Upakkilesasuttavaṇṇanā niṭṭhitā.
રોહિતસ્સવગ્ગવણ્ણના નિટ્ઠિતા.
Rohitassavaggavaṇṇanā niṭṭhitā.
પઠમપણ્ણાસકં નિટ્ઠિતં.
Paṭhamapaṇṇāsakaṃ niṭṭhitaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧૦. ઉપક્કિલેસસુત્તં • 10. Upakkilesasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૦. ઉપક્કિલેસસુત્તવણ્ણના • 10. Upakkilesasuttavaṇṇanā
