| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੯-੧੦. ਉਪਾਲਿਸੁਤ੍ਤਾਦਿવਣ੍ਣਨਾ
9-10. Upālisuttādivaṇṇanā
੯੯-੧੦੦. ਨવਮੇ ਅਜ੍ਝੋਗਾਹੇਤ੍વਾ ਅਧਿਪ੍ਪੇਤਮਤ੍ਥਂ ਸਮ੍ਭવਿਤੁਂ ਸਾਧੇਤੁਂ ਦੁਕ੍ਖਾਨਿ ਦੁਰਭਿਸਮ੍ਭવਾਨਿ। ਅਟ੍ਠਕਥਾਯਂ ਪਨ ਤਤ੍ਥ ਨਿવਾਸੋਯੇવ ਦੁਕ੍ਖੋਤਿ ਦਸ੍ਸੇਤੁਂ ‘‘ਸਮ੍ਭવਿਤੁਂ ਦੁਕ੍ਖਾਨਿ ਦੁਸ੍ਸਹਾਨੀ’’ਤਿ વੁਤ੍ਤਂ। ਅਰਞ੍ਞવਨਪਤ੍ਥਾਨੀਤਿ ਅਰਞ੍ਞਲਕ੍ਖਣਪ੍ਪਤ੍ਤਾਨਿ વਨਸਣ੍ਡਾਨਿ। વਨਪਤ੍ਥਸਦ੍ਦੋ ਹਿ ਸਣ੍ਡਭੂਤੇ ਰੁਕ੍ਖਸਮੂਹੇਪਿ વਤ੍ਤਤੀਤਿ ਅਰਞ੍ਞਗ੍ਗਹਣਂ। ਪવਿવੇਕਨ੍ਤਿ ਪਕਾਰਤੋ, ਪਕਾਰੇਹਿ વਾ વਿવੇਚਨਂ, ਰੂਪਾਦਿਪੁਥੁਤ੍ਤਾਰਮ੍ਮਣੇ ਪਕਾਰਤੋ ਗਮਨਾਦਿਇਰਿਯਾਪਥਪ੍ਪਕਾਰੇਹਿ ਅਤ੍ਤਨੋ ਕਾਯਸ੍ਸ વਿવੇਚਨਂ, ਗਚ੍ਛਤੋਪਿ ਤਿਟ੍ਠਤੋਪਿ ਨਿਸਜ੍ਜਤੋਪਿ ਨਿਪਜ੍ਜਤੋਪਿ ਏਕਸ੍ਸੇવ ਪવਤ੍ਤਿ। ਤੇਨੇવ ਹਿ વਿવੇਚੇਤਬ੍ਬਾਨਂ વਿવੇਚਨਾਕਾਰਸ੍ਸ ਚ ਭੇਦਤੋ ਬਹੁવਿਧਤ੍ਤਾ ਤੇ ਏਕਤ੍ਤੇਨ ਗਹੇਤ੍વਾ ‘‘ਪવਿવੇਕ’’ਨ੍ਤਿ ਏਕવਚਨੇਨ વੁਤ੍ਤਂ। ਦੁਕ੍ਕਰਂ ਪવਿવੇਕਨ੍ਤਿ વਾ ਪવਿવੇਕਂ ਕਤ੍ਤੁਂ ਨ ਸੁਖਨ੍ਤਿ ਅਤ੍ਥੋ। ਏਕੀਭਾવੇਤਿ ਏਕਤ੍ਤਭਾવੇ। ਦ੍વਯਂਦ੍વਯਾਰਾਮੋਤਿ ਦ੍વਿਨ੍ਨਂ ਦ੍વਿਨ੍ਨਂ ਭਾવਾਭਿਰਤੋ। ਹਰਨ੍ਤਿ વਿਯਾਤਿ ਸਂਹਰਨ੍ਤਿ વਿਯ વਿਘਾਤੁਪ੍ਪਾਦਨੇਨ। ਤੇਨਾਹ ‘‘ਘਸਨ੍ਤਿ વਿਯਾ’’ਤਿ। ਭਯਸਨ੍ਤਾਸੁਪ੍ਪਾਦਨੇਨ ਖਾਦਿਤੁਂ ਆਗਤਾ ਯਕ੍ਖਰਕ੍ਖਸਪਿਸਾਚਾਦਯੋ વਿਯਾਤਿ ਅਧਿਪ੍ਪਾਯੋ। ਈਦਿਸਸ੍ਸਾਤਿ ਅਲਦ੍ਧਸਮਾਧਿਨੋ। ਤਿਣਪਣ੍ਣਮਿਗਾਦਿਸਦ੍ਦੇਹੀਤਿ વਾਤੇਰਿਤਾਨਂ ਤਿਣਪਣ੍ਣਾਦੀਨਂ ਮਿਗਪਕ੍ਖਿਆਦੀਨਞ੍ਚ ਭੀਸਨਕੇਹਿ ਭੇਰવੇਹਿ ਸਦ੍ਦੇਹਿ। વਿવਿਧੇਹਿ ਚ ਅਞ੍ਞੇਹਿ ਖਾਣੁਆਦੀਹਿ ਯਕ੍ਖਾਦਿਆਕਾਰੇਹਿ ਉਪਟ੍ਠਿਤੇਹਿ ਭੀਸਨਕੇਹਿ। ਘਟੇਨ ਕੀਲ਼ਾ ਘਟਿਕਾਤਿ ਏਕੇ। ਦਸਮਂ ਉਤ੍ਤਾਨਮੇવ।
99-100. Navame ajjhogāhetvā adhippetamatthaṃ sambhavituṃ sādhetuṃ dukkhāni durabhisambhavāni. Aṭṭhakathāyaṃ pana tattha nivāsoyeva dukkhoti dassetuṃ ‘‘sambhavituṃ dukkhāni dussahānī’’ti vuttaṃ. Araññavanapatthānīti araññalakkhaṇappattāni vanasaṇḍāni. Vanapatthasaddo hi saṇḍabhūte rukkhasamūhepi vattatīti araññaggahaṇaṃ. Pavivekanti pakārato, pakārehi vā vivecanaṃ, rūpādiputhuttārammaṇe pakārato gamanādiiriyāpathappakārehi attano kāyassa vivecanaṃ, gacchatopi tiṭṭhatopi nisajjatopi nipajjatopi ekasseva pavatti. Teneva hi vivecetabbānaṃ vivecanākārassa ca bhedato bahuvidhattā te ekattena gahetvā ‘‘paviveka’’nti ekavacanena vuttaṃ. Dukkaraṃ pavivekanti vā pavivekaṃ kattuṃ na sukhanti attho. Ekībhāveti ekattabhāve. Dvayaṃdvayārāmoti dvinnaṃ dvinnaṃ bhāvābhirato. Haranti viyāti saṃharanti viya vighātuppādanena. Tenāha ‘‘ghasanti viyā’’ti. Bhayasantāsuppādanena khādituṃ āgatā yakkharakkhasapisācādayo viyāti adhippāyo. Īdisassāti aladdhasamādhino. Tiṇapaṇṇamigādisaddehīti vāteritānaṃ tiṇapaṇṇādīnaṃ migapakkhiādīnañca bhīsanakehi bheravehi saddehi. Vividhehi ca aññehi khāṇuādīhi yakkhādiākārehi upaṭṭhitehi bhīsanakehi. Ghaṭena kīḷā ghaṭikāti eke. Dasamaṃ uttānameva.
ਉਪਾਲਿਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Upālisuttādivaṇṇanā niṭṭhitā.
ਉਪਾਲਿવਗ੍ਗવਣ੍ਣਨਾ ਨਿਟ੍ਠਿਤਾ।
Upālivaggavaṇṇanā niṭṭhitā.
ਦੁਤਿਯਪਣ੍ਣਾਸਕਂ ਨਿਟ੍ਠਿਤਂ।
Dutiyapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੯. ਉਪਾਲਿਸੁਤ੍ਤਂ • 9. Upālisuttaṃ
੧੦. ਅਭਬ੍ਬਸੁਤ੍ਤਂ • 10. Abhabbasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਉਪਾਲਿਸੁਤ੍ਤવਣ੍ਣਨਾ • 9. Upālisuttavaṇṇanā
