| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
9. убаниссаяабажжаяанид̣̇д̣̇зсаван̣н̣анаа
9. Upanissayapaccayaniddesavaṇṇanā
9. убаниссаяз д̇аяод̇и ананд̇араарамман̣абагад̇уубаниссаяаббабхзд̣̇з д̇аяо убаниссаяз. анзгасан̇г̇аахагад̇ааяаад̇и анзгзсам̣ бажжаяад̇хаммаанам̣ сан̇г̇ахан̣ад̇о. зганд̇знзва хонд̇и жид̇д̇анияамахзд̇убхаавзна бавад̇д̇инияамад̇о. язсу бад̣̇зсууд̇и язсу гусалаад̣̇ибад̣̇зсу. сан̇г̇ахид̇од̇и сан̇г̇ахам̣ г̇ад̇о, гусалаад̣̇ибад̣̇зсу язсам̣ бад̣̇аанам̣язва ананд̇аруубаниссаяо лаб̣бхад̇ийд̇и ад̇т̇о. д̇зсу ‘‘гзсан̃жий’’д̇и на вуд̇д̇ам̣. гасмаа? на саггаа вад̇д̇ум̣ зганд̇знзва убалаб̣бханад̇о. д̇зсууд̇и гусалаагусалабад̣̇зсу. на хи гусало агусаласса ананд̇аруубаниссаяо ход̇и, агусало ваа гусаласса, аарамман̣абагад̇уубаниссаяаа бана анзганд̇игаа, д̇асмаа д̇ад̇т̇а ‘‘гзсан̃жий’’д̇и вуд̇д̇ам̣. сид̣̇д̇хаанам̣ бажжаяад̇хаммаананд̇и бажжаяабхаавзна буриманибпаннаанам̣ гусалаад̣̇ийнам̣ гусаласса агусаласса ваад̇и ад̇т̇о. агусалаад̣̇ийхийд̇и яат̇аасан̇кяам̣ агусалзна гусалзна ваа. ависзсзнаад̇и яат̇аавуд̇д̇ависзсз нияамам̣ аг̇г̇ахзд̇ваа агусалаад̣̇ийсу агусалагусалаанам̣ ‘‘гзсан̃жий’’д̇иаад̣̇инаа.
9. Upanissaye tayoti anantarārammaṇapakatūpanissayappabhede tayo upanissaye. Anekasaṅgāhakatāyāti anekesaṃ paccayadhammānaṃ saṅgahaṇato. Ekanteneva honti cittaniyamahetubhāvena pavattiniyamato. Yesu padesūti yesu kusalādipadesu. Saṅgahitoti saṅgahaṃ gato, kusalādipadesu yesaṃ padānaṃyeva anantarūpanissayo labbhatīti attho. Tesu ‘‘kesañcī’’ti na vuttaṃ. Kasmā? Na sakkā vattuṃ ekanteneva upalabbhanato. Tesūti kusalākusalapadesu. Na hi kusalo akusalassa anantarūpanissayo hoti, akusalo vā kusalassa, ārammaṇapakatūpanissayā pana anekantikā, tasmā tattha ‘‘kesañcī’’ti vuttaṃ. Siddhānaṃ paccayadhammānanti paccayabhāvena purimanipphannānaṃ kusalādīnaṃ kusalassa akusalassa vāti attho. Akusalādīhīti yathāsaṅkhyaṃ akusalena kusalena vā. Avisesenāti yathāvuttavisese niyamaṃ aggahetvā akusalādīsu akusalakusalānaṃ ‘‘kesañcī’’tiādinā.
анаарамман̣ад̇д̇аа аарамман̣уубаниссаяам̣ буб̣б̣аабаранияамзна аббавад̇д̇ид̇о ананд̇аруубаниссаяам̣ на лабхад̇ийд̇и яож̇анаа. багад̇ассаад̇и нибпаад̣̇ид̇асса, убасзвид̇асса ваа. на хи руубасанд̇аанасса сад̣̇д̇хаад̣̇инибпаад̣̇анам̣ ад̇т̇и, уд̇убхож̇анаад̣̇иубасзванам̣ ваа самбхавад̇и. д̇знааха ‘‘яат̇аа хи…бз… руубасанд̇аанзнаа’’д̇и. нану жа руубасанд̇аанз буб̣б̣знаабарам̣ висзсо лаб̣бхад̇и , со жа на винаа самаанаж̇аад̇иязна гааран̣знаад̇и свааяам̣ багад̇уубаниссаяалаабход̇и гад̣̇аажи аасан̇гзяяаад̇и ааха ‘‘яасмин̃жаа’’д̇иаад̣̇и. д̇ад̇т̇а д̇анд̇и уд̇уб̣ийж̇аад̣̇игам̣ гаммаад̣̇и жа д̇зна руубзна буриманибпаннзна. уббаад̣̇анам̣ саабхисанд̇хигам̣ д̣̇адтаб̣б̣ам̣. ад̇хибад̇ийсу буб̣б̣аабхисан̇кааро вияа багаббанам̣ сам̣вид̣̇аханам̣. багаран̣ам̣ вуд̇д̇алагкан̣зна гааран̣абхаавзна авадтаанам̣, яад̇о гааран̣ависзсо ‘‘багад̇ий’’д̇и вужжад̇и. яад̣̇и звам̣ гасмаа руубассзва д̇ам̣ бадигкибийяад̇ийд̇и ааха ‘‘яат̇аа жа…бз… д̣̇адтаб̣б̣аа’’д̇и. звамби уд̇уб̣ийж̇аад̣̇ийнам̣ ан̇гураад̣̇ийсу гат̇ам̣ бажжаяависзсабхаавод̇и ааха ‘‘уд̇уб̣ийж̇аад̣̇аяо бана…бз… бхаавад̇о’’д̇и. убаниссаяод̇и жа яасмаа б̣алавад̇аагааран̣ам̣ ад̇хиббзд̇ам̣, д̇асмаа на зд̇т̇а зганд̇зна буриманибпад̇д̇и ижчид̇аб̣б̣аа. яад̣̇и звам̣ баал̣ияам̣ гат̇ам̣ буримаг̇г̇ахан̣анд̇и ааха ‘‘буримабуримаанам̣язва банаа’’д̇иаад̣̇и. д̇зби ваа баригаббанавасзна буриманибпаннааязва наама хонд̇и. на хи асам̣вид̣̇ид̇аагаарз вад̇т̇усмим̣ бад̇т̇анаабавад̇д̇ийд̇и. д̇знааха ‘‘д̇ам̣самааналагкан̣ад̇ааяаа’’д̇и.
Anārammaṇattā ārammaṇūpanissayaṃ pubbāparaniyamena appavattito anantarūpanissayaṃ na labhatīti yojanā. Pakatassāti nipphāditassa, upasevitassa vā. Na hi rūpasantānassa saddhādinipphādanaṃ atthi, utubhojanādiupasevanaṃ vā sambhavati. Tenāha ‘‘yathā hi…pe… rūpasantānenā’’ti. Nanu ca rūpasantāne pubbenāparaṃ viseso labbhati , so ca na vinā samānajātiyena kāraṇenāti svāyaṃ pakatūpanissayalābhoti kadāci āsaṅkeyyāti āha ‘‘yasmiñcā’’tiādi. Tattha tanti utubījādikaṃ kammādi ca tena rūpena purimanipphannena. Uppādanaṃ sābhisandhikaṃ daṭṭhabbaṃ. Adhipatīsu pubbābhisaṅkhāro viya pakappanaṃ saṃvidahanaṃ. Pakaraṇaṃ vuttalakkhaṇena kāraṇabhāvena avaṭṭhānaṃ, yato kāraṇaviseso ‘‘pakatī’’ti vuccati. Yadi evaṃ kasmā rūpasseva taṃ paṭikkhipīyatīti āha ‘‘yathā ca…pe… daṭṭhabbā’’ti. Evampi utubījādīnaṃ aṅkurādīsu kathaṃ paccayavisesabhāvoti āha ‘‘utubījādayo pana…pe… bhāvato’’ti. Upanissayoti ca yasmā balavatākāraṇaṃ adhippetaṃ, tasmā na ettha ekantena purimanipphatti icchitabbā. Yadi evaṃ pāḷiyaṃ kathaṃ purimaggahaṇanti āha ‘‘purimapurimānaṃyeva panā’’tiādi. Tepi vā parikappanavasena purimanipphannāyeva nāma honti. Na hi asaṃviditākāre vatthusmiṃ patthanāpavattīti. Tenāha ‘‘taṃsamānalakkhaṇatāyā’’ti.
д̇хаммзд̇и буг̇г̇аласзнаасанабан̃н̃ад̇д̇ийнам̣ убаад̣̇аанабхууд̇з д̇хаммз. аяам̣ наяод̇и бан̃н̃ад̇д̇имукзна бан̃н̃абзд̇аб̣б̣аа д̇ад̣̇убаад̣̇аанабхууд̇аа д̇хаммаа г̇аяханд̇ийд̇и яат̇аавуд̇д̇о наяо. зд̇т̇зваад̇и ‘‘сзнаасанамби убаниссаяабажжаязна бажжаяо’’д̇и зд̇асмим̣язва важанз. гат̇ам̣ бажжуббаннасса багад̇уубаниссаяабхаавод̇и жод̣̇анааяа ‘‘вагкад̇ий’’д̇иаад̣̇инаа ааг̇амам̣ д̣̇ассзд̇ваа яуд̇д̇им̣ д̣̇ассзд̇ум̣ ‘‘бажжуббаннаанамбижа д̇аад̣̇исаанам̣ буб̣б̣з багад̇ад̇д̇аа’’д̇и вуд̇д̇ам̣. д̇аад̣̇исаананд̇и яаад̣̇исаа уд̇уаад̣̇аяо бажжубадтид̇аа, д̇аад̣̇исаанам̣ д̇ад̇о буб̣б̣з бурзд̇арам̣ багад̇ад̇д̇аа багад̇уубаниссаяаяог̇яад̇ааяа аабаад̣̇ид̇ад̇д̇аа.
Dhammeti puggalasenāsanapaññattīnaṃ upādānabhūte dhamme. Ayaṃ nayoti paññattimukhena paññapetabbā tadupādānabhūtā dhammā gayhantīti yathāvutto nayo. Etthevāti ‘‘senāsanampi upanissayapaccayena paccayo’’ti etasmiṃyeva vacane. Kathaṃ paccuppannassa pakatūpanissayabhāvoti codanāya ‘‘vakkhatī’’tiādinā āgamaṃ dassetvā yuttiṃ dassetuṃ ‘‘paccuppannānampica tādisānaṃ pubbepakatattā’’ti vuttaṃ. Tādisānanti yādisā utuādayo paccupaṭṭhitā, tādisānaṃ tato pubbe puretaraṃ pakatattā pakatūpanissayayogyatāya āpāditattā.
гасин̣аад̣̇ийнамби аарамман̣уубаниссаяад̇аа самбхавад̇ийд̇и гад̇ваа вуд̇д̇ам̣ ‘‘иминаа ад̇хиббааязна ‘згажжааяаа’д̇и аахаа’’д̇и. д̇ат̇аа хи ‘‘гасин̣аман̣д̣алам̣ д̣̇исваа’’д̇иаад̣̇инаа д̇асса убаниссаяабхааво адтагат̇ааяам̣ вуд̇д̇о.
Kasiṇādīnampi ārammaṇūpanissayatā sambhavatīti katvā vuttaṃ ‘‘iminā adhippāyena ‘ekaccāyā’ti āhā’’ti. Tathā hi ‘‘kasiṇamaṇḍalaṃ disvā’’tiādinā tassa upanissayabhāvo aṭṭhakathāyaṃ vutto.
аруубааважарагусаламби убаниссаяо ход̇и, баг̇зва гаамааважараруубааважарагусаланд̇и ад̇хиббааяо. д̇ам̣ бана яат̇аа убаниссаяо ход̇и, д̇ам̣ д̣̇ассзд̇ум̣ ‘‘яасмим̣ гасин̣аад̣̇имхий’’д̇иаад̣̇и вуд̇д̇ам̣. ануббаннажхаануббаад̣̇анзд̇и руубааважараж̇жхаанам̣ санд̇хааяааха, аруубааважараж̇жхаанз бана вад̇д̇аб̣б̣амзва над̇т̇и. д̇ад̣̇уббаад̣̇агагусалаананд̇и д̇асса руубааважаравибаагасса уббаад̣̇агагусалаанам̣, руубааважарагусалаананд̇и ад̇т̇о. бадисанд̇хинияаамагассаад̇и руубааважарабадисанд̇хинияаамагасса. жуд̇ид̇од̇и руубааважарабадисанд̇хияаа ананд̇арабажжаяабхууд̇ааяа жуд̇ияаа. буримаж̇аванасса васзнаад̇и жуд̇ияаа аасаннаж̇аванабхаавзна. руубааважарагусалам̣ аруубааважаравибаагассаад̇и зд̇т̇ааби ‘‘д̇ад̣̇уббаад̣̇агагусалаана’’нд̇иаад̣̇инаа аанзд̇ваа яож̇зд̇аб̣б̣ам̣. яат̇аа жа ‘‘руубааважарагусалам̣ аруубааважаравибаагасса убаниссаяо’’д̇и вуд̇д̇ам̣, звам̣ ‘‘гаамааважарагусаламби д̇ад̣̇уббаад̣̇агагусалаана’’нд̇иаад̣̇инаа яож̇зд̇аб̣б̣ам̣. логуд̇д̇аравибаагасса д̇збхуумагагусалаанамби баад̣̇агаад̣̇ивасзна убаниссаяабхааво баагадоязва, д̇ат̇аа д̇ам̣д̇ам̣бхуумагагусалаанам̣ д̇ам̣д̇ам̣бхуумагагирияаанам̣, гаамааважарагусаласса руубааруубааважарагирияаанам̣, руубааважарагусаласса аруубааважарагирияааяа убаниссаяабхаавод̇и имамад̇т̇ам̣ д̣̇ассзнд̇о ‘‘звам̣ бажжзгам̣…бз… взд̣̇ид̇аб̣б̣о’’д̇и ааха. ‘‘сад̣̇д̇хам̣ убаниссааяа д̣̇аанам̣ д̣̇зд̇ий’’д̇иаад̣̇инаа багад̇уубаниссаяо уд̣̇д̣̇зсавасзнзва баато ааг̇ад̇о, на вибхаж̇анавасзнаад̇и ааха ‘‘баал̣ияамби…бз… виссаж̇ж̇ид̇о’’д̇и. гусалад̇д̇игаад̣̇ийсу ануломаад̣̇ибхзд̣̇абхиннад̇д̇аа бан̃хааваарзсууд̇и б̣ахуважананид̣̇д̣̇зсо.
Arūpāvacarakusalampi upanissayo hoti, pageva kāmāvacararūpāvacarakusalanti adhippāyo. Taṃ pana yathā upanissayo hoti, taṃ dassetuṃ ‘‘yasmiṃ kasiṇādimhī’’tiādi vuttaṃ. Anuppannajhānuppādaneti rūpāvacarajjhānaṃ sandhāyāha, arūpāvacarajjhāne pana vattabbameva natthi. Taduppādakakusalānanti tassa rūpāvacaravipākassa uppādakakusalānaṃ, rūpāvacarakusalānanti attho. Paṭisandhiniyāmakassāti rūpāvacarapaṭisandhiniyāmakassa. Cutitoti rūpāvacarapaṭisandhiyā anantarapaccayabhūtāya cutiyā. Purimajavanassa vasenāti cutiyā āsannajavanabhāvena. Rūpāvacarakusalaṃ arūpāvacaravipākassāti etthāpi ‘‘taduppādakakusalāna’’ntiādinā ānetvā yojetabbaṃ. Yathā ca ‘‘rūpāvacarakusalaṃ arūpāvacaravipākassa upanissayo’’ti vuttaṃ, evaṃ ‘‘kāmāvacarakusalampi taduppādakakusalāna’’ntiādinā yojetabbaṃ. Lokuttaravipākassa tebhūmakakusalānampi pādakādivasena upanissayabhāvo pākaṭoyeva, tathā taṃtaṃbhūmakakusalānaṃ taṃtaṃbhūmakakiriyānaṃ, kāmāvacarakusalassa rūpārūpāvacarakiriyānaṃ, rūpāvacarakusalassa arūpāvacarakiriyāya upanissayabhāvoti imamatthaṃ dassento ‘‘evaṃ paccekaṃ…pe… veditabbo’’ti āha. ‘‘Saddhaṃ upanissāya dānaṃ detī’’tiādinā pakatūpanissayo uddesavaseneva pāṭho āgato, na vibhajanavasenāti āha ‘‘pāḷiyampi…pe… vissajjito’’ti. Kusalattikādīsu anulomādibhedabhinnattā pañhāvāresūti bahuvacananiddeso.
логуд̇д̇араниб̣б̣ад̇д̇анам̣ убаниссааяа барасса синзхуббаад̣̇анз логуд̇д̇арад̇хаммаа убаниссаяо вияа хонд̇ийд̇и аяамзд̇т̇а лзсо, бхаавино бана логуд̇д̇арасса агусалаанам̣ убаниссаяад̇аа самбхавад̇ийд̇и ааха ‘‘на ид̣̇ам̣ саарад̇о д̣̇адтаб̣б̣анд̇и ад̇хиббааяо’’д̇и. руубааважараад̣̇игусалаананд̇и руубааруубааважаралогуд̇д̇арагусалаанам̣ уббаад̣̇ияамаанасса руубааважарагусалассаад̇и яож̇анаа. руубааважарагирияасса жа аруубааважаравибааго убаниссаяо гат̇анд̇и ааха ‘‘буб̣б̣з нивуд̇т̇аад̣̇ийсу…бз… арахад̇о’’д̇и . д̇ам̣ д̇ам̣ вибаагам̣ бад̇т̇знд̇о д̇асса д̇асса вибаагасса хзд̇убхууд̇ам̣ гусалам̣ ниб̣б̣ад̇д̇зд̇ийд̇и вибаагаанам̣ гусалуубаниссаяад̇аад̇и ааха ‘‘жад̇убхуумагаа…бз… убаниссаяо’’д̇и. логияагусалаанам̣ бана логуд̇д̇аравибаагаа убаниссаяо на хонд̇ийд̇и д̣̇ассзнд̇о ‘‘яад̣̇ибий’’д̇иаад̣̇имааха. д̇знзва хи ‘‘д̇ат̇аа д̇збхуумагавибааго’’д̇и д̇збхуумагаг̇г̇ахан̣ам̣ гад̇ам̣. д̇ад̇т̇а д̇знаад̇и анааг̇ааминаа. д̇анд̇и арахад̇д̇апалам̣. д̇асмаад̇и ад̣̇идтабуб̣б̣ад̇д̇аа. д̇аани вияаад̇и сод̇аабад̇д̇ипалаани вияа. д̇зсанд̇и бут̇уж̇ж̇анаад̣̇ийнам̣. имассаад̇и анааг̇аамино. ид̣̇ам̣ вуд̇д̇ам̣ ход̇и – яат̇аа бут̇уж̇ж̇анаад̣̇ийнам̣ санд̇аанз жхаанаад̣̇ийнам̣ сод̇аабад̇д̇ипалаад̣̇ийнам̣ на убаниссаяабажжаяо анубалад̣̇д̇хабуб̣б̣ад̇д̇аа, звам̣ анааг̇аамино жхаанаад̣̇ийнам̣ аг̇г̇апалам̣ убаниссаяабажжаяо ад̣̇идтабуб̣б̣ад̇д̇аа. д̇знааха ‘‘убалад̣̇д̇хабуб̣б̣асад̣̇исамзва хи анааг̇ад̇амби убаниссаяо’’д̇и. адтагат̇ааяам̣ бана хздтимапалаанам̣ гусалуубаниссаяад̇аа вуд̇д̇аа зва.
Lokuttaranibbattanaṃ upanissāya parassa sinehuppādane lokuttaradhammā upanissayo viya hontīti ayamettha leso, bhāvino pana lokuttarassa akusalānaṃ upanissayatā sambhavatīti āha ‘‘na idaṃ sārato daṭṭhabbanti adhippāyo’’ti. Rūpāvacarādikusalānanti rūpārūpāvacaralokuttarakusalānaṃ uppādiyamānassa rūpāvacarakusalassāti yojanā. Rūpāvacarakiriyassa ca arūpāvacaravipāko upanissayo kathanti āha ‘‘pubbe nivutthādīsu…pe… arahato’’ti . Taṃ taṃ vipākaṃ patthento tassa tassa vipākassa hetubhūtaṃ kusalaṃ nibbattetīti vipākānaṃ kusalūpanissayatāti āha ‘‘catubhūmakā…pe… upanissayo’’ti. Lokiyakusalānaṃ pana lokuttaravipākā upanissayo na hontīti dassento ‘‘yadipī’’tiādimāha. Teneva hi ‘‘tathā tebhūmakavipāko’’ti tebhūmakaggahaṇaṃ kataṃ. Tattha tenāti anāgāminā. Tanti arahattaphalaṃ. Tasmāti adiṭṭhapubbattā. Tāni viyāti sotāpattiphalāni viya. Tesanti puthujjanādīnaṃ. Imassāti anāgāmino. Idaṃ vuttaṃ hoti – yathā puthujjanādīnaṃ santāne jhānādīnaṃ sotāpattiphalādīnaṃ na upanissayapaccayo anupaladdhapubbattā, evaṃ anāgāmino jhānādīnaṃ aggaphalaṃ upanissayapaccayo adiṭṭhapubbattā. Tenāha ‘‘upaladdhapubbasadisameva hi anāgatampi upanissayo’’ti. Aṭṭhakathāyaṃ pana heṭṭhimaphalānaṃ kusalūpanissayatā vuttā eva.
яат̇аа вибаагаа гусалаанам̣, звам̣ гирияааби д̇зсам̣ убаниссаяо ход̇ийд̇и д̇ам̣ наяам̣ д̣̇ассзд̇ум̣ ‘‘гирияам̣ ад̇т̇абадисамбхид̣̇аад̣̇и’’нд̇иаад̣̇и вуд̇д̇ам̣. яонисоманасигаарз вад̇д̇аб̣б̣амзва над̇т̇ийд̇и жад̇убхуумагагусалассаби яонисоманасигааро убаниссаяо ход̇ийд̇и зд̇т̇а вад̇д̇аб̣б̣амзва над̇т̇и, д̇ад̣̇ад̇т̇ам̣ яонисоманасигаарам̣ бавад̇д̇знд̇ассаад̇и ад̇т̇о. д̇анд̇и яонисоманасигаарам̣. агусаласса жа жад̇убхуумагавибаагасса убаниссаяо яонисоманасигаарод̇и яож̇анаа. звам̣ гирияассабийд̇и яат̇аа гусаласса яонисоманасигаарасса васзна убаниссаяо вуд̇д̇о, звам̣ гирияассаби яонисоманасигаарасса васзна яож̇зд̇аб̣б̣анд̇и ад̇т̇о. со хи д̇ам̣ убаниссааяа рааг̇аад̣̇иуббаад̣̇анз агусаласса вуд̇д̇анаязна гусалаагусалуубаниссаяабхаавамукзна жад̇убхуумагавибаагасса убаниссаяо ход̇иязва. яад̣̇и гирияасан̇каад̇о…бз… ход̇иязва, ат̇а гасмаа багад̇уубаниссаяавибхаж̇анз гирияаа на г̇ахид̇аа, уд̇убхож̇анасзнаасанааниязва г̇ахид̇аанийд̇и ааха ‘‘нзвавибааганавибаагад̇хаммад̇хаммзсу…бз… наяад̣̇ассанамад̇д̇амзваа’’д̇и. звамаад̣̇иганд̇и аад̣̇и-сад̣̇д̣̇зна ‘‘гусалам̣ д̇хаммам̣ сахаж̇аад̇о аб̣яаагад̇о д̇хаммо уббаж̇ж̇ад̇и на убаниссаяабажжаяаа’’д̇и звамаад̣̇игам̣ сан̇г̇ан̣хаад̇и. убаниссаяабарияааяо убанисасад̣̇д̣̇од̇и гад̇ваа вуд̇д̇ам̣ ‘‘вин̃н̃аан̣уубанисам̣ наамаруубам̣, наамаруубуубанисан̃жа сал̣ааяад̇ананд̇иаад̣̇игзнаа’’д̇и. зд̇т̇а хи вин̃н̃аан̣асса наамаруубаанам̣ пассаруубаад̣̇ийнам̣ жагкааяад̇анаад̣̇ийнан̃жа убаниссаяабхааво вуд̇д̇од̇и.
Yathā vipākā kusalānaṃ, evaṃ kiriyāpi tesaṃ upanissayo hotīti taṃ nayaṃ dassetuṃ ‘‘kiriyaṃ atthapaṭisambhidādi’’ntiādi vuttaṃ. Yonisomanasikāre vattabbameva natthīti catubhūmakakusalassapi yonisomanasikāro upanissayo hotīti ettha vattabbameva natthi, tadatthaṃ yonisomanasikāraṃ pavattentassāti attho. Tanti yonisomanasikāraṃ. Akusalassa ca catubhūmakavipākassa upanissayo yonisomanasikāroti yojanā. Evaṃ kiriyassapīti yathā kusalassa yonisomanasikārassa vasena upanissayo vutto, evaṃ kiriyassapi yonisomanasikārassa vasena yojetabbanti attho. So hi taṃ upanissāya rāgādiuppādane akusalassa vuttanayena kusalākusalūpanissayabhāvamukhena catubhūmakavipākassa upanissayo hotiyeva. Yadi kiriyasaṅkhāto…pe… hotiyeva, atha kasmā pakatūpanissayavibhajane kiriyā na gahitā, utubhojanasenāsanāniyeva gahitānīti āha ‘‘nevavipākanavipākadhammadhammesu…pe… nayadassanamattamevā’’ti. Evamādikanti ādi-saddena ‘‘kusalaṃ dhammaṃ sahajāto abyākato dhammo uppajjati na upanissayapaccayā’’ti evamādikaṃ saṅgaṇhāti. Upanissayapariyāyo upanisasaddoti katvā vuttaṃ ‘‘viññāṇūpanisaṃ nāmarūpaṃ, nāmarūpūpanisañca saḷāyatanantiādikenā’’ti. Ettha hi viññāṇassa nāmarūpānaṃ phassarūpādīnaṃ cakkhāyatanādīnañca upanissayabhāvo vuttoti.
убаниссаяабажжаяанид̣̇д̣̇зсаван̣н̣анаа нидтид̇аа.
Upanissayapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. убаниссаяабажжаяанид̣̇д̣̇зсаван̣н̣анаа • 9. Upanissayapaccayaniddesavaṇṇanā
