| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. убанийяасуд̇д̇аван̣н̣анаа
3. Upanīyasuttavaṇṇanā
3. д̇ад̇ияз убанийяад̇ийд̇и баригкийяад̇и нируж̇жхад̇и, убаг̇ажчад̇и ваа, анубуб̣б̣зна маран̣ам̣ убзд̇ийд̇и ад̇т̇о. яат̇аа ваа г̇обаалзна г̇ог̇ан̣о нийяад̇и, звам̣ ж̇арааяа маран̣асанд̇игам̣ убанийяад̇ийд̇и ад̇т̇о. ж̇ийвид̇анд̇и ж̇ийвид̇инд̣̇рияам̣. аббанд̇и барид̇д̇ам̣ т̇огам̣. д̇асса д̣̇вийхаагаарзхи барид̇д̇ад̇аа взд̣̇ид̇аб̣б̣аа сарасабарид̇д̇ад̇ааяа жа кан̣абарид̇д̇ад̇ааяа жа. сарасабарид̇д̇ад̇ааяаби хи ‘‘яо, бхигкавз, жирам̣ ж̇ийвад̇и, со вассасад̇ам̣ аббам̣ ваа бхияяо’’д̇и (д̣̇ий. ни. 2.7; сам̣. ни. 2.143) важанад̇о барид̇д̇ам̣. кан̣абарид̇д̇ад̇ааяаби. барамад̇т̇ад̇о хи ад̇ибарид̇д̇о сад̇д̇аанам̣ ж̇ийвид̇агкан̣о згажид̇д̇аббавад̇д̇имад̇д̇оязва . яат̇аа наама рат̇ажаггам̣ бавад̇д̇амаанамби згзнзва нзмиббад̣̇зсзна бавад̇д̇ад̇и, д̇идтамаанамби згзнзва д̇идтад̇и, звамзвам̣ згажид̇д̇агкан̣игам̣ сад̇д̇аанам̣ ж̇ийвид̇ам̣, д̇асмим̣ жид̇д̇з нируд̣̇д̇хамад̇д̇з сад̇д̇о нируд̣̇д̇ход̇и вужжад̇и. яат̇ааха – ад̇ийд̇з жид̇д̇агкан̣з ж̇ийвид̇т̇а на ж̇ийвад̇и на ж̇ийвиссад̇и, анааг̇ад̇з жид̇д̇агкан̣з ж̇ийвиссад̇и на ж̇ийвад̇и на ж̇ийвид̇т̇а, бажжуббаннз жид̇д̇агкан̣з ж̇ийвад̇и на ж̇ийвид̇т̇а на ж̇ийвиссад̇и.
3. Tatiye upanīyatīti parikkhīyati nirujjhati, upagacchati vā, anupubbena maraṇaṃ upetīti attho. Yathā vā gopālena gogaṇo nīyati, evaṃ jarāya maraṇasantikaṃ upanīyatīti attho. Jīvitanti jīvitindriyaṃ. Appanti parittaṃ thokaṃ. Tassa dvīhākārehi parittatā veditabbā sarasaparittatāya ca khaṇaparittatāya ca. Sarasaparittatāyapi hi ‘‘yo, bhikkhave, ciraṃ jīvati, so vassasataṃ appaṃ vā bhiyyo’’ti (dī. ni. 2.7; saṃ. ni. 2.143) vacanato parittaṃ. Khaṇaparittatāyapi. Paramatthato hi atiparitto sattānaṃ jīvitakkhaṇo ekacittappavattimattoyeva . Yathā nāma rathacakkaṃ pavattamānampi ekeneva nemippadesena pavattati, tiṭṭhamānampi ekeneva tiṭṭhati, evamevaṃ ekacittakkhaṇikaṃ sattānaṃ jīvitaṃ, tasmiṃ citte niruddhamatte satto niruddhoti vuccati. Yathāha – atīte cittakkhaṇe jīvittha na jīvati na jīvissati, anāgate cittakkhaṇe jīvissati na jīvati na jīvittha, paccuppanne cittakkhaṇe jīvati na jīvittha na jīvissati.
‘‘ж̇ийвид̇ам̣ ад̇д̇абхааво жа, сукад̣̇угкаа жа гзвалаа;
‘‘Jīvitaṃ attabhāvo ca, sukhadukkhā ca kevalā;
згажид̇д̇асамааяуд̇д̇аа, лахусо вад̇д̇ад̇з кан̣о.
Ekacittasamāyuttā, lahuso vattate khaṇo.
‘‘яз нируд̣̇д̇хаа маранд̇асса, д̇идтамаанасса ваа ид̇ха;
‘‘Ye niruddhā marantassa, tiṭṭhamānassa vā idha;
саб̣б̣зби сад̣̇исаа канд̇хаа, г̇ад̇аа аббадисанд̇хигаа.
Sabbepi sadisā khandhā, gatā appaṭisandhikā.
‘‘аниб̣б̣ад̇д̇зна на ж̇аад̇о, бажжуббаннзна ж̇ийвад̇и;
‘‘Anibbattena na jāto, paccuppannena jīvati;
жид̇д̇абхан̇г̇аа мад̇о лого, бан̃н̃ад̇д̇и барамад̇т̇ияаа’’д̇и. (махаани. 10);
Cittabhaṅgā mato loko, paññatti paramatthiyā’’ti. (mahāni. 10);
ж̇аруубанийд̇ассаад̇и ж̇арам̣ убаг̇ад̇асса, ж̇арааяа ваа маран̣асанд̇игам̣ убанийд̇асса. на санд̇и д̇аан̣аад̇и д̇аан̣ам̣ лзн̣ам̣ саран̣ам̣ бхавид̇ум̣ самад̇т̇аа наама гзжи над̇т̇и. зд̇ам̣ бхаяанд̇и зд̇ам̣ ж̇ийвид̇инд̣̇рияасса маран̣уубаг̇аманам̣, ааяубарид̇д̇ад̇аа, ж̇аруубанийд̇асса д̇аан̣аабхаавод̇и д̇ивид̇хам̣ бхаяам̣ бхаяавад̇т̇у бхаяагааран̣анд̇и ад̇т̇о. бун̃н̃аани гаяираат̇а сукаавахаанийд̇и вин̃н̃уу бурисо сукаавахаани сукад̣̇ааяагаани бун̃н̃аани гарзяяа. ид̇и д̣̇звад̇аа руубааважараж̇жхаанам̣ санд̇хааяа буб̣б̣ажзд̇анам̣ абаражзд̇анам̣ мун̃жажзд̇анан̃жа г̇ахзд̇ваа б̣ахуважанавасзна ‘‘бун̃н̃ааний’’д̇и ааха. жхаанассаад̣̇ам̣ жхаананиганд̇им̣ жхаанасукан̃жа г̇ахзд̇ваа ‘‘сукаавахааний’’д̇и ааха. д̇ассаа гира д̣̇звад̇ааяа саяам̣ д̣̇ийгхааяугадтаанз б̣рахмалогз ниб̣б̣ад̇д̇ад̇д̇аа хздтаа гаамааважарад̣̇звзсу барид̇д̇ааяугадтаанз жавамаанз убабаж̇ж̇амаанз жа т̇уллапусид̇агз вудтибаад̇асад̣̇исз сад̇д̇з д̣̇исваа зд̇ад̣̇ахоси ‘‘аховад̇имз сад̇д̇аа жхаанам̣ бхаавзд̇ваа абарихийнаж̇жхаанаа гаалам̣ гад̇ваа б̣рахмалогз згагабба-д̣̇взгабба-жад̇угабба-адтагабба-сол̣асагабба-д̣̇вад̇д̇им̣сагабба-жад̇усадтигаббаббамаан̣ам̣ ад̣̇д̇хаанам̣ д̇идтзяяу’’нд̇и. д̇асмаа звамааха.
Jarūpanītassāti jaraṃ upagatassa, jarāya vā maraṇasantikaṃ upanītassa. Na santi tāṇāti tāṇaṃ leṇaṃ saraṇaṃ bhavituṃ samatthā nāma keci natthi. Etaṃ bhayanti etaṃ jīvitindriyassa maraṇūpagamanaṃ, āyuparittatā, jarūpanītassa tāṇābhāvoti tividhaṃ bhayaṃ bhayavatthu bhayakāraṇanti attho. Puññāni kayirātha sukhāvahānīti viññū puriso sukhāvahāni sukhadāyakāni puññāni kareyya. Iti devatā rūpāvacarajjhānaṃ sandhāya pubbacetanaṃ aparacetanaṃ muñcacetanañca gahetvā bahuvacanavasena ‘‘puññānī’’ti āha. Jhānassādaṃ jhānanikantiṃ jhānasukhañca gahetvā ‘‘sukhāvahānī’’ti āha. Tassā kira devatāya sayaṃ dīghāyukaṭṭhāne brahmaloke nibbattattā heṭṭhā kāmāvacaradevesu parittāyukaṭṭhāne cavamāne upapajjamāne ca thullaphusitake vuṭṭhipātasadise satte disvā etadahosi ‘‘ahovatime sattā jhānaṃ bhāvetvā aparihīnajjhānā kālaṃ katvā brahmaloke ekakappa-dvekappa-catukappa-aṭṭhakappa-soḷasakappa-dvattiṃsakappa-catusaṭṭhikappappamāṇaṃ addhānaṃ tiṭṭheyyu’’nti. Tasmā evamāha.
ат̇а бхаг̇аваа – ‘‘аяам̣ д̣̇звад̇аа анияяаанигам̣ ваддагат̇ам̣ гат̇зд̇ий’’д̇и виваддамассаа д̣̇ассзнд̇о д̣̇уд̇ияам̣ г̇аат̇амааха. д̇ад̇т̇а логаамисанд̇и д̣̇вз логаамисаа барияааязна жа ниббарияааязна жа. барияааязна д̇збхуумагаваддам̣ логаамисам̣, ниббарияааязна жад̇д̇ааро бажжаяаа. ид̇ха барияааяалогаамисам̣ ад̇хиббзд̇ам̣. ниббарияааяалогаамисамби ваддад̇иязва. санд̇ибзгкод̇и ниб̣б̣аанасан̇каад̇ам̣ ажжанд̇асанд̇им̣ бзгканд̇о ижчанд̇о бад̇т̇аяанд̇од̇и.
Atha bhagavā – ‘‘ayaṃ devatā aniyyānikaṃ vaṭṭakathaṃ kathetī’’ti vivaṭṭamassā dassento dutiyaṃ gāthamāha. Tattha lokāmisanti dve lokāmisā pariyāyena ca nippariyāyena ca. Pariyāyena tebhūmakavaṭṭaṃ lokāmisaṃ, nippariyāyena cattāro paccayā. Idha pariyāyalokāmisaṃ adhippetaṃ. Nippariyāyalokāmisampi vaṭṭatiyeva. Santipekkhoti nibbānasaṅkhātaṃ accantasantiṃ pekkhanto icchanto patthayantoti.
убанийяасуд̇д̇аван̣н̣анаа нидтид̇аа.
Upanīyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. убанийяасуд̇д̇ам̣ • 3. Upanīyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. убанийяасуд̇д̇аван̣н̣анаа • 3. Upanīyasuttavaṇṇanā
