| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[166] 6. убасаал̣агаж̇аад̇агаван̣н̣анаа
[166] 6. Upasāḷakajātakavaṇṇanā
убасаал̣аганаамаанийд̇и ид̣̇ам̣ сад̇т̇аа взл̣уванз вихаранд̇о згам̣ убасаал̣агам̣ наама сусаанасуд̣̇д̇хигам̣ б̣раахман̣ам̣ аараб̣бха гат̇зси. со гира ад̣дхо ахоси махад̣̇д̇хано, д̣̇идтиг̇ад̇игад̇д̇аа бана д̇хуравихаарз васанд̇аанамби б̣уд̣̇д̇хаанам̣ сан̇г̇ахам̣ наама на агааси. буд̇д̇о банасса бан̣д̣ид̇о ахоси н̃аан̣асамбанно. со махаллагагаалз буд̇д̇ам̣ ааха – ‘‘маа ко мам̣, д̇аад̇а, ан̃н̃асса васаласса жхаабид̇асусаанз жхаабзхи, згасмим̣ бана анужчидтасусаанзязва мам̣ жхаабзяяаасий’’д̇и. ‘‘д̇аад̇а, ахам̣ д̇умхаагам̣ жхаабзд̇аб̣б̣аяуд̇д̇агам̣ таанам̣ на ж̇аанаами, саад̇ху вад̇а мам̣ аад̣̇ааяа г̇анд̇ваа ‘имасмим̣ таанз мам̣ жхаабзяяаасий’д̇и д̇умхзва аажигкат̇аа’’д̇и. б̣раахман̣о ‘‘саад̇ху, д̇аад̇аа’’д̇и д̇ам̣ аад̣̇ааяа наг̇араа нигкамид̇ваа г̇иж̇жхагуудамад̇т̇агам̣ абхирухид̇ваа ‘‘д̇аад̇а, ид̣̇ам̣ ан̃н̃асса васаласса ажхаабид̇адтаанам̣, зд̇т̇а мам̣ жхаабзяяаасий’’д̇и вад̇ваа буд̇д̇зна сад̣̇д̇хим̣ баб̣б̣ад̇аа од̇арид̇ум̣ аарабхи.
Upasāḷakanāmānīti idaṃ satthā veḷuvane viharanto ekaṃ upasāḷakaṃ nāma susānasuddhikaṃ brāhmaṇaṃ ārabbha kathesi. So kira aḍḍho ahosi mahaddhano, diṭṭhigatikattā pana dhuravihāre vasantānampi buddhānaṃ saṅgahaṃ nāma na akāsi. Putto panassa paṇḍito ahosi ñāṇasampanno. So mahallakakāle puttaṃ āha – ‘‘mā kho maṃ, tāta, aññassa vasalassa jhāpitasusāne jhāpehi, ekasmiṃ pana anucchiṭṭhasusāneyeva maṃ jhāpeyyāsī’’ti. ‘‘Tāta, ahaṃ tumhākaṃ jhāpetabbayuttakaṃ ṭhānaṃ na jānāmi, sādhu vata maṃ ādāya gantvā ‘imasmiṃ ṭhāne maṃ jhāpeyyāsī’ti tumheva ācikkhathā’’ti. Brāhmaṇo ‘‘sādhu, tātā’’ti taṃ ādāya nagarā nikkhamitvā gijjhakūṭamatthakaṃ abhiruhitvā ‘‘tāta, idaṃ aññassa vasalassa ajhāpitaṭṭhānaṃ, ettha maṃ jhāpeyyāsī’’ti vatvā puttena saddhiṃ pabbatā otarituṃ ārabhi.
сад̇т̇аа бана д̇ам̣ д̣̇ивасам̣ бажжуусагаалз б̣од̇ханзяяаб̣анд̇хавз ологзнд̇о д̇зсам̣ бид̇аабуд̇д̇аанам̣ сод̇аабад̇д̇имаг̇г̇асса убаниссаяам̣ ад̣̇д̣̇аса. д̇асмаа маг̇г̇ам̣ г̇ахзд̇ваа тид̇алуд̣̇д̣̇аго вияа баб̣б̣ад̇абаад̣̇ам̣ г̇анд̇ваа д̇зсам̣ баб̣б̣ад̇амад̇т̇агаа од̇аранд̇аанам̣ ааг̇амаяамаано нисийд̣̇и, д̇з од̇аранд̇аа сад̇т̇аарам̣ ад̣̇д̣̇асам̣су. сад̇т̇аа бадисант̇аарам̣ гаронд̇о ‘‘гахам̣ г̇амиссат̇а б̣раахман̣аа’’д̇и бужчи. маан̣аво д̇амад̇т̇ам̣ аарожзси. сад̇т̇аа ‘‘д̇зна хи зхи, д̇ава бид̇араа аажигкид̇адтаанам̣ г̇ажчаамаа’’д̇и убхо бид̇аабуд̇д̇з г̇ахзд̇ваа баб̣б̣ад̇амад̇т̇агам̣ ааруяха ‘‘гад̇арам̣ таана’’нд̇и бужчи. маан̣аво ‘‘имзсам̣ д̇ин̣н̣ам̣ баб̣б̣ад̇аанам̣ анд̇арам̣ аажигки, бханд̇з’’д̇и ааха. сад̇т̇аа ‘‘на ко, маан̣ава, д̇ава бид̇аа ид̣̇аанзва сусаанасуд̣̇д̇хиго, буб̣б̣зби сусаанасуд̣̇д̇хигова, на жзса ид̣̇аанзва ‘имасмим̣ таанз мам̣ жхаабзяяаасий’д̇и д̇ава аажигкад̇и, буб̣б̣зби имасмим̣язва таанз ад̇д̇ано жхаабид̇абхаавам̣ аажигкий’’д̇и вад̇ваа д̇зна яаажид̇о ад̇ийд̇ам̣ аахари.
Satthā pana taṃ divasaṃ paccūsakāle bodhaneyyabandhave olokento tesaṃ pitāputtānaṃ sotāpattimaggassa upanissayaṃ addasa. Tasmā maggaṃ gahetvā ṭhitaluddako viya pabbatapādaṃ gantvā tesaṃ pabbatamatthakā otarantānaṃ āgamayamāno nisīdi, te otarantā satthāraṃ addasaṃsu. Satthā paṭisanthāraṃ karonto ‘‘kahaṃ gamissatha brāhmaṇā’’ti pucchi. Māṇavo tamatthaṃ ārocesi. Satthā ‘‘tena hi ehi, tava pitarā ācikkhitaṭṭhānaṃ gacchāmā’’ti ubho pitāputte gahetvā pabbatamatthakaṃ āruyha ‘‘kataraṃ ṭhāna’’nti pucchi. Māṇavo ‘‘imesaṃ tiṇṇaṃ pabbatānaṃ antaraṃ ācikkhi, bhante’’ti āha. Satthā ‘‘na kho, māṇava, tava pitā idāneva susānasuddhiko, pubbepi susānasuddhikova, na cesa idāneva ‘imasmiṃ ṭhāne maṃ jhāpeyyāsī’ti tava ācikkhati, pubbepi imasmiṃyeva ṭhāne attano jhāpitabhāvaṃ ācikkhī’’ti vatvā tena yācito atītaṃ āhari.
ад̇ийд̇з имасмин̃н̃зва рааж̇аг̇ахз аяамзва убасаал̣аго б̣раахман̣о аяамзвасса буд̇д̇о ахоси. д̇ад̣̇аа б̣од̇хисад̇д̇о маг̇ад̇харадтз б̣раахман̣агулз ниб̣б̣ад̇д̇ид̇ваа барибун̣н̣асиббо исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа жхаанагийл̣ам̣ гийл̣анд̇о химаванд̇абад̣̇зсз жирам̣ васид̇ваа лон̣амб̣иласзванад̇т̇ааяа г̇иж̇жхагуудз бан̣н̣асаалааяам̣ вихааси. д̇ад̣̇аа со б̣раахман̣о иминаава нияаамзна буд̇д̇ам̣ вад̇ваа буд̇д̇зна ‘‘д̇умхзязва мз д̇ат̇ааруубам̣ таанам̣ аажигкат̇аа’’д̇и вуд̇д̇з ‘‘ид̣̇амзва таана’’нд̇и аажигкид̇ваа буд̇д̇зна сад̣̇д̇хим̣ од̇аранд̇о б̣од̇хисад̇д̇ам̣ д̣̇исваа д̇асса санд̇игам̣ убасан̇гами. б̣од̇хисад̇д̇о иминаава нияаамзна бужчид̇ваа маан̣авасса важанам̣ суд̇ваа ‘‘зхи, д̇ава бид̇араа аажигкид̇адтаанасса ужчидтабхаавам̣ ваа анужчидтабхаавам̣ ваа ж̇ааниссаамаа’’д̇и д̇зхи сад̣̇д̇хим̣ баб̣б̣ад̇амад̇т̇агам̣ ааруяха ‘‘ид̣̇ам̣ д̇ин̣н̣ам̣ баб̣б̣ад̇аанам̣ анд̇арам̣ анужчидтадтаана’’нд̇и маан̣авзна вуд̇д̇з ‘‘маан̣ава, имасмим̣язва таанз жхаабид̇агаанам̣ бамаан̣ам̣ над̇т̇и, д̇авзва бид̇аа имасмим̣язва рааж̇аг̇ахз б̣раахман̣агулзязва ниб̣б̣ад̇д̇ид̇ваа убасаал̣агоязва наама худ̇ваа имасмим̣язва баб̣б̣ад̇анд̇арз жуд̣̇д̣̇аса ж̇аад̇исахассаани жхаабид̇о. бат̇авияан̃хи ажхаабид̇адтаанам̣ ваа асусаанадтаанам̣ ваа сийсаанам̣ анивзсид̇адтаанам̣ ваа лад̣̇д̇хум̣ на саггаа’’д̇и буб̣б̣зниваасан̃аан̣зна барижчинд̣̇ид̇ваа имам̣ г̇аат̇аад̣̇ваяамааха –
Atīte imasmiññeva rājagahe ayameva upasāḷako brāhmaṇo ayamevassa putto ahosi. Tadā bodhisatto magadharaṭṭhe brāhmaṇakule nibbattitvā paripuṇṇasippo isipabbajjaṃ pabbajitvā abhiññā ca samāpattiyo ca nibbattetvā jhānakīḷaṃ kīḷanto himavantapadese ciraṃ vasitvā loṇambilasevanatthāya gijjhakūṭe paṇṇasālāyaṃ vihāsi. Tadā so brāhmaṇo imināva niyāmena puttaṃ vatvā puttena ‘‘tumheyeva me tathārūpaṃ ṭhānaṃ ācikkhathā’’ti vutte ‘‘idameva ṭhāna’’nti ācikkhitvā puttena saddhiṃ otaranto bodhisattaṃ disvā tassa santikaṃ upasaṅkami. Bodhisatto imināva niyāmena pucchitvā māṇavassa vacanaṃ sutvā ‘‘ehi, tava pitarā ācikkhitaṭṭhānassa ucchiṭṭhabhāvaṃ vā anucchiṭṭhabhāvaṃ vā jānissāmā’’ti tehi saddhiṃ pabbatamatthakaṃ āruyha ‘‘idaṃ tiṇṇaṃ pabbatānaṃ antaraṃ anucchiṭṭhaṭṭhāna’’nti māṇavena vutte ‘‘māṇava, imasmiṃyeva ṭhāne jhāpitakānaṃ pamāṇaṃ natthi, taveva pitā imasmiṃyeva rājagahe brāhmaṇakuleyeva nibbattitvā upasāḷakoyeva nāma hutvā imasmiṃyeva pabbatantare cuddasa jātisahassāni jhāpito. Pathaviyañhi ajhāpitaṭṭhānaṃ vā asusānaṭṭhānaṃ vā sīsānaṃ anivesitaṭṭhānaṃ vā laddhuṃ na sakkā’’ti pubbenivāsañāṇena paricchinditvā imaṃ gāthādvayamāha –
31.
31.
‘‘убасаал̣аганаамаани , сахассаани жад̇уд̣̇д̣̇аса;
‘‘Upasāḷakanāmāni , sahassāni catuddasa;
асмим̣ бад̣̇зсз д̣̇ад̣дхаани, над̇т̇и логз анаамад̇ам̣.
Asmiṃ padese daḍḍhāni, natthi loke anāmataṃ.
32.
32.
‘‘яамхи сажжан̃жа д̇хаммо жа, ахим̣саа сам̣яамо д̣̇амо;
‘‘Yamhi saccañca dhammo ca, ahiṃsā saṃyamo damo;
зд̇ам̣ арияаа сзванд̇и, зд̇ам̣ логз анаамад̇а’’нд̇и.
Etaṃ ariyā sevanti, etaṃ loke anāmata’’nti.
д̇ад̇т̇а анаамад̇анд̇и мад̇адтаанам̣. д̇ан̃хи убажааравасзна ‘‘амад̇а’’нд̇и вужжад̇и, д̇ам̣ бадисзд̇хзнд̇о ‘‘анаамад̇а’’нд̇и ааха. ‘‘анамад̇а’’нд̇иби баато, логасмин̃хи анамад̇адтаанам̣ асусаанам̣ наама над̇т̇ийд̇и ад̇т̇о. яамхи сажжан̃жа д̇хаммо жаад̇и яасмим̣ буг̇г̇алз жад̇усажжавад̇т̇угам̣ буб̣б̣абхааг̇асажжан̃аан̣ан̃жа логуд̇д̇арад̇хаммо жа ад̇т̇и. ахим̣саад̇и барзсам̣ авихзсаа авихзтанаа. сам̣яамод̇и сийласам̣яамо. д̣̇амод̇и инд̣̇рияад̣̇аманам̣. ид̣̇ан̃жа г̇ун̣аж̇аад̇ам̣ яамхи буг̇г̇алз ад̇т̇и, зд̇ам̣ арияаа сзванд̇ийд̇и, арияаа б̣уд̣̇д̇хаа жа бажжзгаб̣уд̣̇д̇хаа жа б̣уд̣̇д̇хасаавагаа жа зд̇ам̣ таанам̣ сзванд̇и, зваруубам̣ буг̇г̇алам̣ убасан̇гаманд̇и бхаж̇анд̇ийд̇и ад̇т̇о. зд̇ам̣ логз анаамад̇анд̇и зд̇ам̣ г̇ун̣аж̇аад̇ам̣ логз амад̇абхаавасаад̇ханад̇о анаамад̇ам̣ наама.
Tattha anāmatanti mataṭṭhānaṃ. Tañhi upacāravasena ‘‘amata’’nti vuccati, taṃ paṭisedhento ‘‘anāmata’’nti āha. ‘‘Anamata’’ntipi pāṭho, lokasmiñhi anamataṭṭhānaṃ asusānaṃ nāma natthīti attho. Yamhi saccañca dhammo cāti yasmiṃ puggale catusaccavatthukaṃ pubbabhāgasaccañāṇañca lokuttaradhammo ca atthi. Ahiṃsāti paresaṃ avihesā aviheṭhanā. Saṃyamoti sīlasaṃyamo. Damoti indriyadamanaṃ. Idañca guṇajātaṃ yamhi puggale atthi, etaṃ ariyā sevantīti, ariyā buddhā ca paccekabuddhā ca buddhasāvakā ca etaṃ ṭhānaṃ sevanti, evarūpaṃ puggalaṃ upasaṅkamanti bhajantīti attho. Etaṃ loke anāmatanti etaṃ guṇajātaṃ loke amatabhāvasādhanato anāmataṃ nāma.
звам̣ б̣од̇хисад̇д̇о бид̇аабуд̇д̇аанам̣ д̇хаммам̣ д̣̇зсзд̇ваа жад̇д̇ааро б̣рахмавихаарз бхаавзд̇ваа б̣рахмалогабарааяан̣о ахоси.
Evaṃ bodhisatto pitāputtānaṃ dhammaṃ desetvā cattāro brahmavihāre bhāvetvā brahmalokaparāyaṇo ahosi.
сад̇т̇аа имам̣ д̇хаммам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз убхо бид̇аабуд̇д̇аа сод̇аабад̇д̇ипалз бад̇идтахим̣су. ‘‘д̇ад̣̇аа бид̇аабуд̇д̇аава зд̇арахи бид̇аабуд̇д̇аа ахзсум̣, д̇аабасо бана ахамзва ахоси’’нд̇и.
Satthā imaṃ dhammaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ubho pitāputtā sotāpattiphale patiṭṭhahiṃsu. ‘‘Tadā pitāputtāva etarahi pitāputtā ahesuṃ, tāpaso pana ahameva ahosi’’nti.
убасаал̣агаж̇аад̇агаван̣н̣анаа чадтаа.
Upasāḷakajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 166. убасаал̣агаж̇аад̇агам̣ • 166. Upasāḷakajātakaṃ
