| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
9. убасзнасуд̇д̇ам̣
9. Upasenasuttaṃ
39. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ат̇а ко ааяасмад̇о убасзнасса ван̇г̇анд̇абуд̇д̇асса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘лаабхаа вад̇а мз, сулад̣̇д̇хам̣ вад̇а мз, сад̇т̇аа жа мз бхаг̇аваа арахам̣ саммаасамб̣уд̣̇д̇хо; сваагкаад̇з жамхи д̇хаммавинаяз аг̇аарасмаа анаг̇аарияам̣ баб̣б̣аж̇ид̇о; саб̣рахмажаарино жа мз сийлаванд̇о галяаан̣ад̇хаммаа; сийлзсу жамхи барибуурагаарий; сусамаахид̇о жамхи згаг̇г̇ажид̇д̇о; арахаа жамхи кийн̣аасаво; махид̣̇д̇хиго жамхи махаанубхааво. бхад̣̇д̣̇агам̣ мз ж̇ийвид̇ам̣, бхад̣̇д̣̇агам̣ маран̣а’’нд̇и.
39. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Atha kho āyasmato upasenassa vaṅgantaputtassa rahogatassa paṭisallīnassa evaṃ cetaso parivitakko udapādi – ‘‘lābhā vata me, suladdhaṃ vata me, satthā ca me bhagavā arahaṃ sammāsambuddho; svākkhāte camhi dhammavinaye agārasmā anagāriyaṃ pabbajito; sabrahmacārino ca me sīlavanto kalyāṇadhammā; sīlesu camhi paripūrakārī; susamāhito camhi ekaggacitto; arahā camhi khīṇāsavo; mahiddhiko camhi mahānubhāvo. Bhaddakaṃ me jīvitaṃ, bhaddakaṃ maraṇa’’nti.
ат̇а ко бхаг̇аваа ааяасмад̇о убасзнасса ван̇г̇анд̇абуд̇д̇асса жзд̇асаа жзд̇обаривид̇аггаман̃н̃ааяа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā āyasmato upasenassa vaṅgantaputtassa cetasā cetoparivitakkamaññāya tāyaṃ velāyaṃ imaṃ udānaṃ udānesi –
‘‘яам̣ ж̇ийвид̇ам̣ на д̇абад̇и, маран̣анд̇з на сожад̇и;
‘‘Yaṃ jīvitaṃ na tapati, maraṇante na socati;
са вз д̣̇идтабад̣̇о д̇хийро, согамаж̇жхз на сожад̇и.
Sa ve diṭṭhapado dhīro, sokamajjhe na socati.
‘‘ужчиннабхавад̇ан̣хасса , санд̇ажид̇д̇асса бхигкуно;
‘‘Ucchinnabhavataṇhassa , santacittassa bhikkhuno;
вигкийн̣о ж̇аад̇исам̣сааро, над̇т̇и д̇асса бунаб̣бхаво’’д̇и. навамам̣;
Vikkhīṇo jātisaṃsāro, natthi tassa punabbhavo’’ti. navamaṃ;
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 9. убасзнасуд̇д̇аван̣н̣анаа • 9. Upasenasuttavaṇṇanā
