| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. उपसेनवङ्गन्तपुत्तत्थेरअपदानं
7. Upasenavaṅgantaputtattheraapadānaṃ
८६.
86.
‘‘पदुमुत्तरं भगवन्तं, लोकजेट्ठं नरासभं।
‘‘Padumuttaraṃ bhagavantaṃ, lokajeṭṭhaṃ narāsabhaṃ;
पब्भारम्हि निसीदन्तं, उपगच्छिं नरुत्तमं॥
Pabbhāramhi nisīdantaṃ, upagacchiṃ naruttamaṃ.
८७.
87.
अलङ्करित्वा छत्तम्हि, बुद्धस्स अभिरोपयिं॥
Alaṅkaritvā chattamhi, buddhassa abhiropayiṃ.
८८.
88.
‘‘पिण्डपातञ्च पादासिं, परमन्नं सुभोजनं।
‘‘Piṇḍapātañca pādāsiṃ, paramannaṃ subhojanaṃ;
बुद्धेन नवमे तत्थ, समणे अट्ठ भोजयिं॥
Buddhena navame tattha, samaṇe aṭṭha bhojayiṃ.
८९.
89.
‘‘अनुमोदि महावीरो, सयम्भू अग्गपुग्गलो।
‘‘Anumodi mahāvīro, sayambhū aggapuggalo;
इमिना छत्तदानेन, परमन्नपवेच्छना॥
Iminā chattadānena, paramannapavecchanā.
९०.
90.
‘‘तेन चित्तप्पसादेन, सम्पत्तिमनुभोस्ससि।
‘‘Tena cittappasādena, sampattimanubhossasi;
छत्तिंसक्खत्तुं देविन्दो, देवरज्जं करिस्सति॥
Chattiṃsakkhattuṃ devindo, devarajjaṃ karissati.
९१.
91.
‘‘एकवीसतिक्खत्तुञ्च, चक्कवत्ती भविस्सति।
‘‘Ekavīsatikkhattuñca, cakkavattī bhavissati;
पदेसरज्जं विपुलं, गणनातो असङ्खियं॥
Padesarajjaṃ vipulaṃ, gaṇanāto asaṅkhiyaṃ.
९२.
92.
‘‘सतसहस्सितो कप्पे, ओक्काककुलसम्भवो।
‘‘Satasahassito kappe, okkākakulasambhavo;
९३.
93.
‘‘सासने दिब्बमानम्हि, मनुस्सत्तं गमिस्सति।
‘‘Sāsane dibbamānamhi, manussattaṃ gamissati;
तस्स धम्मेसु दायादो, ओरसो धम्मनिम्मितो॥
Tassa dhammesu dāyādo, oraso dhammanimmito.
९४.
94.
‘‘उपसेनोति नामेन, हेस्सति सत्थु सावको।
‘‘Upasenoti nāmena, hessati satthu sāvako;
९५.
95.
‘‘चरिमं वत्तते मय्हं, भवा सब्बे समूहता।
‘‘Carimaṃ vattate mayhaṃ, bhavā sabbe samūhatā;
९६.
96.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा उपसेनो वङ्गन्तपुत्तो थेरो इमा गाथायो अभासित्थाति।
Itthaṃ sudaṃ āyasmā upaseno vaṅgantaputto thero imā gāthāyo abhāsitthāti.
उपसेनवङ्गन्तपुत्तत्थेरस्सापदानं सत्तमं।
Upasenavaṅgantaputtattherassāpadānaṃ sattamaṃ.
ततियभाणवारं।
Tatiyabhāṇavāraṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ७. उपसेनवङ्गन्तपुत्तत्थेरअपदानवण्णना • 7. Upasenavaṅgantaputtattheraapadānavaṇṇanā
