| Library / Tipiṭaka / તિપિટક • Tipiṭaka / મહાવિભઙ્ગ-અટ્ઠકથા • Mahāvibhaṅga-aṭṭhakathā |
૮. ઉપસ્સુતિસિક્ખાપદવણ્ણના
8. Upassutisikkhāpadavaṇṇanā
૪૭૧. અટ્ઠમે – અધિકરણજાતાનન્તિ એતેહિ ભણ્ડનાદીહિ ઉપ્પન્નવિવાદાધિકરણાનં. ઉપસ્સુતિન્તિ સુતિસમીપં; યત્થ ઠત્વા સક્કા હોતિ તેસં વચનં સોતું, તત્થાતિ અત્થો. ગચ્છતિ આપત્તિ દુક્કટસ્સાતિ એત્થ પદવારે પદવારે દુક્કટં. મન્તેન્તન્તિ અઞ્ઞેન સદ્ધિં અઞ્ઞસ્મિં મન્તયમાને; ‘‘મન્તેન્તે’’તિ વા પાઠો, અયમેવત્થો.
471. Aṭṭhame – adhikaraṇajātānanti etehi bhaṇḍanādīhi uppannavivādādhikaraṇānaṃ. Upassutinti sutisamīpaṃ; yattha ṭhatvā sakkā hoti tesaṃ vacanaṃ sotuṃ, tatthāti attho. Gacchati āpatti dukkaṭassāti ettha padavāre padavāre dukkaṭaṃ. Mantentanti aññena saddhiṃ aññasmiṃ mantayamāne; ‘‘mantente’’ti vā pāṭho, ayamevattho.
૪૭૩. વૂપસમિસ્સામીતિ ઉપસમં ગમિસ્સામિ, કલહં ન કરિસ્સામિ. અત્તાનં પરિમોચેસ્સામીતિ મમ અકારકભાવં કથેત્વા અત્તાનં મોચેસ્સામિ. સેસમેત્થ ઉત્તાનમેવ.
473.Vūpasamissāmīti upasamaṃ gamissāmi, kalahaṃ na karissāmi. Attānaṃ parimocessāmīti mama akārakabhāvaṃ kathetvā attānaṃ mocessāmi. Sesamettha uttānameva.
થેય્યસત્થસમુટ્ઠાનં – કાયચિત્તતો કાયવાચાચિત્તતો ચ સમુટ્ઠાતિ, સિયા કિરિયં સોતુકામતાય ગમનવસેન, સિયા અકિરિયં ઠિતટ્ઠાનં આગન્ત્વા મન્તયમાનાનં અજાનાપનવસેન, રૂપિયં અઞ્ઞવાદકં ઉપસ્સુતીતિ ઇમાનિ હિ તીણિ સિક્ખાપદાનિ એકપરિચ્છેદાનિ, સઞ્ઞાવિમોક્ખં, સચિત્તકં, લોકવજ્જં, કાયકમ્મં, વચીકમ્મં, અકુસલચિત્તં, દુક્ખવેદનન્તિ.
Theyyasatthasamuṭṭhānaṃ – kāyacittato kāyavācācittato ca samuṭṭhāti, siyā kiriyaṃ sotukāmatāya gamanavasena, siyā akiriyaṃ ṭhitaṭṭhānaṃ āgantvā mantayamānānaṃ ajānāpanavasena, rūpiyaṃ aññavādakaṃ upassutīti imāni hi tīṇi sikkhāpadāni ekaparicchedāni, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ઉપસ્સુતિસિક્ખાપદં અટ્ઠમં.
Upassutisikkhāpadaṃ aṭṭhamaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૮. સહધમ્મિકવગ્ગો • 8. Sahadhammikavaggo
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૮. ઉપસ્સુતિસિક્ખાપદવણ્ણના • 8. Upassutisikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૮. ઉપસ્સુતિસિક્ખાપદવણ્ણના • 8. Upassutisikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૮. ઉપસ્સુતિસિક્ખાપદવણ્ણના • 8. Upassutisikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૮. ઉપસ્સુતિસિક્ખાપદં • 8. Upassutisikkhāpadaṃ
