| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၈. ဥပသ္သုတိသိက္ခာပဒဝဏ္ဏနာ
8. Upassutisikkhāpadavaṇṇanā
ဥပသ္သုတိန္တိ ယထာ ဥပကုဇ္ဈံ ‘‘သမီပကုဇ္ဈ’’န္တိ ဝုစ္စတိ, တထာ ဥပသ္သုတိ ‘‘သမီပသ္သုတီ’’တိ ဝေဒိတဗ္ဗာ။ ယတ္ထ ဌိတော သုဏာတိ, တံ ဌာနန္တိ အတ္ထော။ သုတီတိ ပနေတ္ထ ပရေသံ ဝစနသဒ္ဒော စ။ သော ဟိ သုယ္ယတီတိ သုတိ နာမ။ ဥပသုယ္ယတိ ဝာ ဧတ္ထာတိ ဥပသ္သုတိ။ ဩကာသော ဟိ သုတိ နာမ။ ဣမေသံ သုတ္ဝာတိ ဧတ္ထ ‘‘ဝစန’’န္တိ ပာဌသေသော။
Upassutinti yathā upakujjhaṃ ‘‘samīpakujjha’’nti vuccati, tathā upassuti ‘‘samīpassutī’’ti veditabbā. Yattha ṭhito suṇāti, taṃ ṭhānanti attho. Sutīti panettha paresaṃ vacanasaddo ca. So hi suyyatīti suti nāma. Upasuyyati vā etthāti upassuti. Okāso hi suti nāma. Imesaṃ sutvāti ettha ‘‘vacana’’nti pāṭhaseso.
သမုဋ္ဌာနာဒီနိ အတီတဒ္ဝယသဒိသာနီတိ န ဂဟေတဗ္ဗာနိ။ ထေယ္ယသတ္ထသမုဋ္ဌာနံ။ သိယာ ကိရိယံ ဂန္တ္ဝာ သဝနေ။ သိယာ အကိရိယံ ဌိတဋ္ဌာနံ အာဂန္တ္ဝာ ဝဒန္တာနံ အဇာနာပနဝသေန သမုဋ္ဌာနတော။ ‘‘သညာဝိမောက္ခံ, သစိတ္တကံ, လောကဝဇ္ဇံ, ကာယကမ္မံ, ဝစီကမ္မံ, အကုသလစိတ္တံ, ဒုက္ခဝေဒန’’န္တိ လိခိတံ။
Samuṭṭhānādīni atītadvayasadisānīti na gahetabbāni. Theyyasatthasamuṭṭhānaṃ. Siyā kiriyaṃ gantvā savane. Siyā akiriyaṃ ṭhitaṭṭhānaṃ āgantvā vadantānaṃ ajānāpanavasena samuṭṭhānato. ‘‘Saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedana’’nti likhitaṃ.
ဥပသ္သုတိသိက္ခာပဒဝဏ္ဏနာ နိဋ္ဌိတာ။
Upassutisikkhāpadavaṇṇanā niṭṭhitā.
