| Library / Tipiṭaka / ཏིཔིཊཀ • Tipiṭaka / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā |
༨. ཨུཔསྶུཏིསིཀྑཱཔདཝཎྞནཱ
8. Upassutisikkhāpadavaṇṇanā
༤༧༡. ཨཊྛམེ – ཨདྷིཀརཎཛཱཏཱནནྟི ཨེཏེཧི བྷཎྜནཱདཱིཧི ཨུཔྤནྣཝིཝཱདཱདྷིཀརཎཱནཾ། ཨུཔསྶུཏིནྟི སུཏིསམཱིཔཾ; ཡཏྠ ཋཏྭཱ སཀྐཱ ཧོཏི ཏེསཾ ཝཙནཾ སོཏུཾ, ཏཏྠཱཏི ཨཏྠོ། གཙྪཏི ཨཱཔཏྟི དུཀྐཊསྶཱཏི ཨེཏྠ པདཝཱརེ པདཝཱརེ དུཀྐཊཾ། མནྟེནྟནྟི ཨཉྙེན སདྡྷིཾ ཨཉྙསྨིཾ མནྟཡམཱནེ; ‘‘མནྟེནྟེ’’ཏི ཝཱ པཱཋོ, ཨཡམེཝཏྠོ།
471. Aṭṭhame – adhikaraṇajātānanti etehi bhaṇḍanādīhi uppannavivādādhikaraṇānaṃ. Upassutinti sutisamīpaṃ; yattha ṭhatvā sakkā hoti tesaṃ vacanaṃ sotuṃ, tatthāti attho. Gacchati āpatti dukkaṭassāti ettha padavāre padavāre dukkaṭaṃ. Mantentanti aññena saddhiṃ aññasmiṃ mantayamāne; ‘‘mantente’’ti vā pāṭho, ayamevattho.
༤༧༣. ཝཱུཔསམིསྶཱམཱིཏི ཨུཔསམཾ གམིསྶཱམི, ཀལཧཾ ན ཀརིསྶཱམི། ཨཏྟཱནཾ པརིམོཙེསྶཱམཱིཏི མམ ཨཀཱརཀབྷཱཝཾ ཀཐེཏྭཱ ཨཏྟཱནཾ མོཙེསྶཱམི། སེསམེཏྠ ཨུཏྟཱནམེཝ།
473.Vūpasamissāmīti upasamaṃ gamissāmi, kalahaṃ na karissāmi. Attānaṃ parimocessāmīti mama akārakabhāvaṃ kathetvā attānaṃ mocessāmi. Sesamettha uttānameva.
ཐེཡྻསཏྠསམུཊྛཱནཾ – ཀཱཡཙིཏྟཏོ ཀཱཡཝཱཙཱཙིཏྟཏོ ཙ སམུཊྛཱཏི, སིཡཱ ཀིརིཡཾ སོཏུཀཱམཏཱཡ གམནཝསེན, སིཡཱ ཨཀིརིཡཾ ཋིཏཊྛཱནཾ ཨཱགནྟྭཱ མནྟཡམཱནཱནཾ ཨཛཱནཱཔནཝསེན, རཱུཔིཡཾ ཨཉྙཝཱདཀཾ ཨུཔསྶུཏཱིཏི ཨིམཱནི ཧི ཏཱིཎི སིཀྑཱཔདཱནི ཨེཀཔརིཙྪེདཱནི, སཉྙཱཝིམོཀྑཾ, སཙིཏྟཀཾ, ལོཀཝཛྫཾ, ཀཱཡཀམྨཾ, ཝཙཱིཀམྨཾ, ཨཀུསལཙིཏྟཾ, དུཀྑཝེདནནྟི།
Theyyasatthasamuṭṭhānaṃ – kāyacittato kāyavācācittato ca samuṭṭhāti, siyā kiriyaṃ sotukāmatāya gamanavasena, siyā akiriyaṃ ṭhitaṭṭhānaṃ āgantvā mantayamānānaṃ ajānāpanavasena, rūpiyaṃ aññavādakaṃ upassutīti imāni hi tīṇi sikkhāpadāni ekaparicchedāni, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ཨུཔསྶུཏིསིཀྑཱཔདཾ ཨཊྛམཾ།
Upassutisikkhāpadaṃ aṭṭhamaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༨. སཧདྷམྨིཀཝགྒོ • 8. Sahadhammikavaggo
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༨. ཨུཔསྶུཏིསིཀྑཱཔདཝཎྞནཱ • 8. Upassutisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༨. ཨུཔསྶུཏིསིཀྑཱཔདཝཎྞནཱ • 8. Upassutisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༨. ཨུཔསྶུཏིསིཀྑཱཔདཝཎྞནཱ • 8. Upassutisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༨. ཨུཔསྶུཏིསིཀྑཱཔདཾ • 8. Upassutisikkhāpadaṃ
