| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൫. ഉപവാണസുത്തവണ്ണനാ
5. Upavāṇasuttavaṇṇanā
൧൭൫-൧൭൬. പഞ്ചമേ വിജ്ജായന്തകരോ ഹോതീതി വിജ്ജായ വട്ടദുക്ഖസ്സ അന്തകരോ ഹോതി, സകലം വട്ടദുക്ഖം പരിച്ഛിന്നം പരിവടുമം കത്വാ തിട്ഠതീതി. സേസപദേസുപി ഏസേവ നയോ. സഉപാദാനോതി സഗഹണോവ ഹുത്വാ. അന്തകരോ അഭവിസ്സാതി വട്ടദുക്ഖസ്സ അന്തം കത്വാ ഠിതോ അഭവിസ്സ. ചരണസമ്പന്നോതി പന്നരസധമ്മഭേദേന ചരണേന സമന്നാഗതോ. യഥാഭൂതം ജാനം പസ്സം അന്തകരോ ഹോതീതി യഥാസഭാവം മഗ്ഗപഞ്ഞായ ജാനിത്വാ പസ്സിത്വാ വട്ടദുക്ഖസ്സ അന്തം കത്വാ ഠിതോ നാമ ഹോതീതി അരഹത്തനികൂടേന പഞ്ഹം നിട്ഠപേസി. ഛട്ഠം ഹേട്ഠാ ഏകകനിപാതവണ്ണനായം വുത്തനയേനേവ വേദിതബ്ബം.
175-176. Pañcame vijjāyantakaro hotīti vijjāya vaṭṭadukkhassa antakaro hoti, sakalaṃ vaṭṭadukkhaṃ paricchinnaṃ parivaṭumaṃ katvā tiṭṭhatīti. Sesapadesupi eseva nayo. Saupādānoti sagahaṇova hutvā. Antakaro abhavissāti vaṭṭadukkhassa antaṃ katvā ṭhito abhavissa. Caraṇasampannoti pannarasadhammabhedena caraṇena samannāgato. Yathābhūtaṃ jānaṃpassaṃ antakaro hotīti yathāsabhāvaṃ maggapaññāya jānitvā passitvā vaṭṭadukkhassa antaṃ katvā ṭhito nāma hotīti arahattanikūṭena pañhaṃ niṭṭhapesi. Chaṭṭhaṃ heṭṭhā ekakanipātavaṇṇanāyaṃ vuttanayeneva veditabbaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya
൫. ഉപവാണസുത്തം • 5. Upavāṇasuttaṃ
൬. ആയാചനസുത്തം • 6. Āyācanasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൫-൬. ഉപവാണസുത്താദിവണ്ണനാ • 5-6. Upavāṇasuttādivaṇṇanā
