| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਉਪવਾਨਤ੍ਥੇਰਅਪਦਾਨવਣ੍ਣਨਾ
10. Upavānattheraapadānavaṇṇanā
ਦਸਮਾਪਦਾਨੇ ਪਦੁਮੁਤ੍ਤਰੋ ਨਾਮ ਜਿਨੋਤਿਆਦਿਕਂ ਆਯਸ੍ਮਤੋ ਉਪવਾਨਤ੍ਥੇਰਸ੍ਸ ਅਪਦਾਨਂ। ਅਯਂ ਕਿਰ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਕੇਨਚਿ ਕਮ੍ਮਚ੍ਛਿਦ੍ਦੇਨ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਦਲ੍ਲਿਦ੍ਦਕੁਲੇ ਨਿਬ੍ਬਤ੍ਤਿਤ੍વਾ વਿਞ੍ਞੁਤਂ ਪਤ੍ਤੋ ਭਗવਤਿ ਪਰਿਨਿਬ੍ਬੁਤੇ ਤਸ੍ਸ ਧਾਤੁਂ ਗਹੇਤ੍વਾ ਮਨੁਸ੍ਸਦੇવਨਾਗਗਰੁਲ਼ਯਕ੍ਖਕੁਮ੍ਭਣ੍ਡਗਨ੍ਧਬ੍ਬੇਹਿ ਸਤ੍ਤਰਤਨਮਯੇ ਸਤ੍ਤਯੋਜਨਿਕੇ ਥੂਪੇ ਕਤੇ ਤਤ੍ਥ ਸੁਧੋਤਂ ਅਤ੍ਤਨੋ ਉਤ੍ਤਰਾਸਙ੍ਗਂ વੇਲ਼ਗ੍ਗੇ ਆਬਨ੍ਧਿਤ੍વਾ ਧਜਂ ਕਤ੍વਾ ਪੂਜਂ ਅਕਾਸਿ। ਤਂ ਗਹੇਤ੍વਾ ਅਭਿਸਮ੍ਮਤਕੋ ਨਾਮ ਯਕ੍ਖਸੇਨਾਪਤਿ ਦੇવੇਹਿ ਚੇਤਿਯਪੂਜਾਰਕ੍ਖਣਤ੍ਥਂ ਠਪਿਤੋ ਅਦਿਸ੍ਸਮਾਨਕਾਯੋ ਆਕਾਸੇ ਧਾਰੇਨ੍ਤੋ ਚੇਤਿਯਂ ਤਿਕ੍ਖਤ੍ਤੁਂ ਪਦਕ੍ਖਿਣਂ ਅਕਾਸਿ। ਤਂ ਦਿਸ੍વਾ ਭਿਯ੍ਯੋਸੋਮਤ੍ਤਾਯ ਪਸਨ੍ਨਮਾਨਸੋ ਅਹੋਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤਿਤ੍વਾ ਉਪવਾਨੋਤਿ ਲਦ੍ਧਨਾਮੋ વਯਪ੍ਪਤ੍ਤੋ ਜੇਤવਨਪਟਿਗ੍ਗਹਣੇ ਬੁਦ੍ਧਾਨੁਭਾવਂ ਦਿਸ੍વਾ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ વਿਪਸ੍ਸਨਾਯ ਕਮ੍ਮਂ ਕਰੋਨ੍ਤੋ ਛਲ਼ਭਿਞ੍ਞੋ ਅਹੋਸਿ। ਅਥਾਯਸ੍ਮਾ ਉਪવਾਨੋ ਭਗવਤੋ ਉਪਟ੍ਠਾਕੋ ਅਹੋਸਿ । ਤੇਨ ਚ ਸਮਯੇਨ ਭਗવਤੋ વਾਤਾਬਾਧੋ ਉਪ੍ਪਜ੍ਜਿ। ਥੇਰਸ੍ਸ ਗਿਹਿਸਹਾਯੋ ਦੇવਹਿਤੋ ਨਾਮ ਬ੍ਰਾਹ੍ਮਣੋ ਸਾવਤ੍ਥਿਯਂ ਪਟਿવਸਤਿ। ਸੋ ਥੇਰਂ ਚਤੂਹਿ ਪਚ੍ਚਯੇਹਿ ਪવਾਰੇਸਿ। ਅਥਾਯਸ੍ਮਾ ਉਪવਾਨੋ ਨਿવਾਸੇਤ੍વਾ ਪਤ੍ਤਚੀવਰਂ ਗਹੇਤ੍વਾ ਤਸ੍ਸ ਬ੍ਰਾਹ੍ਮਣਸ੍ਸ ਨਿવੇਸਨਂ ਉਪਗਞ੍ਛਿ। ਬ੍ਰਾਹ੍ਮਣੋ ‘‘ਕੇਨਚਿ ਮਞ੍ਞੇ ਪਯੋਜਨੇਨ ਥੇਰੋ ਆਗਤੋ ਭવਿਸ੍ਸਤੀ’’ਤਿ ਞਤ੍વਾ ‘‘વਦੇਯ੍ਯਾਥ, ਭਨ੍ਤੇ, ਕੇਨਤ੍ਥੋ’’ਤਿ ਆਹ। ਥੇਰੋ ਤਸ੍ਸ ਬ੍ਰਾਹ੍ਮਣਸ੍ਸ ਪਯੋਜਨਂ ਆਚਿਕ੍ਖਨ੍ਤੋ –
Dasamāpadāne padumuttaro nāma jinotiādikaṃ āyasmato upavānattherassa apadānaṃ. Ayaṃ kira purimabuddhesu katādhikāro tattha tattha bhave vivaṭṭūpanissayāni puññāni upacinanto kenaci kammacchiddena padumuttarassa bhagavato kāle dalliddakule nibbattitvā viññutaṃ patto bhagavati parinibbute tassa dhātuṃ gahetvā manussadevanāgagaruḷayakkhakumbhaṇḍagandhabbehi sattaratanamaye sattayojanike thūpe kate tattha sudhotaṃ attano uttarāsaṅgaṃ veḷagge ābandhitvā dhajaṃ katvā pūjaṃ akāsi. Taṃ gahetvā abhisammatako nāma yakkhasenāpati devehi cetiyapūjārakkhaṇatthaṃ ṭhapito adissamānakāyo ākāse dhārento cetiyaṃ tikkhattuṃ padakkhiṇaṃ akāsi. Taṃ disvā bhiyyosomattāya pasannamānaso ahosi. So tena puññakammena devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbattitvā upavānoti laddhanāmo vayappatto jetavanapaṭiggahaṇe buddhānubhāvaṃ disvā paṭiladdhasaddho pabbajitvā vipassanāya kammaṃ karonto chaḷabhiñño ahosi. Athāyasmā upavāno bhagavato upaṭṭhāko ahosi . Tena ca samayena bhagavato vātābādho uppajji. Therassa gihisahāyo devahito nāma brāhmaṇo sāvatthiyaṃ paṭivasati. So theraṃ catūhi paccayehi pavāresi. Athāyasmā upavāno nivāsetvā pattacīvaraṃ gahetvā tassa brāhmaṇassa nivesanaṃ upagañchi. Brāhmaṇo ‘‘kenaci maññe payojanena thero āgato bhavissatī’’ti ñatvā ‘‘vadeyyātha, bhante, kenattho’’ti āha. Thero tassa brāhmaṇassa payojanaṃ ācikkhanto –
‘‘ਅਰਹਂ ਸੁਗਤੋ ਲੋਕੇ, વਾਤੇਹਾਬਾਧਿਕੋ ਮੁਨਿ।
‘‘Arahaṃ sugato loke, vātehābādhiko muni;
ਸਚੇ ਉਣ੍ਹੋਦਕਂ ਅਤ੍ਥਿ, ਮੁਨਿਨੋ ਦੇਹਿ ਬ੍ਰਾਹ੍ਮਣ॥
Sace uṇhodakaṃ atthi, munino dehi brāhmaṇa.
‘‘ਪੂਜਿਤੋ ਪੂਜਨੇਯ੍ਯਾਨਂ, ਸਕ੍ਕਰੇਯ੍ਯਾਨ ਸਕ੍ਕਤੋ।
‘‘Pūjito pūjaneyyānaṃ, sakkareyyāna sakkato;
ਅਪਚਿਤੋਪਚੇਯ੍ਯਾਨਂ, ਤਸ੍ਸ ਇਚ੍ਛਾਮਿ ਹਾਤવੇ’’ਤਿ॥ (ਥੇਰਗਾ॰ ੧੮੫-੧੮੬) –
Apacitopaceyyānaṃ, tassa icchāmi hātave’’ti. (theragā. 185-186) –
ਗਾਥਾਦ੍વਯਂ ਅਭਾਸਿ।
Gāthādvayaṃ abhāsi.
ਤਸ੍ਸਤ੍ਥੋ – ਯੋ ਇਮਸ੍ਮਿਂ ਲੋਕੇ ਪੂਜਨੇਯ੍ਯਾਨਂ ਪੂਜੇਤਬ੍ਬੇਹਿ ਸਕ੍ਕਾਦੀਹਿ ਦੇવੇਹਿ ਮਹਾਬ੍ਰਹ੍ਮਾਦੀਹਿ ਚ ਬ੍ਰਹ੍ਮੇਹਿ ਪੂਜਿਤੋ, ਸਕ੍ਕਰੇਯ੍ਯਾਨਂ ਸਕ੍ਕਾਤਬ੍ਬੇਹਿ ਬਿਮ੍ਬਿਸਾਰਕੋਸਲਰਾਜਾਦੀਹਿ ਸਕ੍ਕਤੋ, ਅਪਚੇਯ੍ਯਾਨਂ ਅਪਚਾਯਿਤਬ੍ਬੇਹਿ ਮਹੇਸੀਹਿ ਖੀਣਾਸવੇਹਿ ਅਪਚਿਤੋ, ਕਿਲੇਸੇਹਿ ਆਰਕਤ੍ਤਾਦਿਨਾ ਅਰਹਂ, ਸੋਭਨਗਮਨਾਦਿਨਾ ਸੁਗਤੋ ਸਬ੍ਬਞ੍ਞੂ ਮੁਨਿ ਮਯ੍ਹਂ ਸਤ੍ਥਾ ਦੇવਦੇવੋ ਸਕ੍ਕਾਨਂ ਅਤਿਸਕ੍ਕੋ ਬ੍ਰਹ੍ਮਾਨਂ ਅਤਿਬ੍ਰਹ੍ਮਾ, ਸੋ ਦਾਨਿ વਾਤੇਹਿ વਾਤਹੇਤੁ વਾਤਕ੍ਖੋਭਨਿਮਿਤ੍ਤਂ ਆਬਾਧਿਕੋ ਜਾਤੋ। ਸਚੇ , ਬ੍ਰਾਹ੍ਮਣ, ਉਣ੍ਹੋਦਕਂ ਅਤ੍ਥਿ, ਤਸ੍ਸ વਾਤਾਬਾਧવੂਪਸਮਨਤ੍ਥਂ ਤਂ ਹਾਤવੇ ਉਪਨੇਤੁਂ ਇਚ੍ਛਾਮੀਤਿ।
Tassattho – yo imasmiṃ loke pūjaneyyānaṃ pūjetabbehi sakkādīhi devehi mahābrahmādīhi ca brahmehi pūjito, sakkareyyānaṃ sakkātabbehi bimbisārakosalarājādīhi sakkato, apaceyyānaṃ apacāyitabbehi mahesīhi khīṇāsavehi apacito, kilesehi ārakattādinā arahaṃ, sobhanagamanādinā sugato sabbaññū muni mayhaṃ satthā devadevo sakkānaṃ atisakko brahmānaṃ atibrahmā, so dāni vātehi vātahetu vātakkhobhanimittaṃ ābādhiko jāto. Sace , brāhmaṇa, uṇhodakaṃ atthi, tassa vātābādhavūpasamanatthaṃ taṃ hātave upanetuṃ icchāmīti.
ਤਂ ਸੁਤ੍વਾ ਬ੍ਰਾਹ੍ਮਣੋ ਉਣ੍ਹੋਦਕਂ ਤਦਨੁਰੂਪਂ વਾਤਹਰਞ੍ਚ ਭੇਸਜ੍ਜਂ ਭਗવਤੋ ਉਪਨਾਮੇਸਿ। ਤੇਨ ਚ ਸਤ੍ਥੁ ਰੋਗੋ વੂਪਸਮਿ। ਤਸ੍ਸ ਭਗવਾ ਅਨੁਮੋਦਨਂ ਅਕਾਸਿ।
Taṃ sutvā brāhmaṇo uṇhodakaṃ tadanurūpaṃ vātaharañca bhesajjaṃ bhagavato upanāmesi. Tena ca satthu rogo vūpasami. Tassa bhagavā anumodanaṃ akāsi.
੧੨੨. ਅਥਾਯਸ੍ਮਾ ਉਪવਾਨੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰੋ ਨਾਮ ਜਿਨੋਤਿਆਦਿਮਾਹ। ਤਤ੍ਥ ਪਦੁਮੁਤ੍ਤਰੋਤਿਆਦੀਨਿ ਪੁਬ੍ਬੇ વੁਤ੍ਤਤ੍ਥਾਨੇવ।
122. Athāyasmā upavāno aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Tattha padumuttarotiādīni pubbe vuttatthāneva.
੧੨੩. ਮਹਾਜਨਾ ਸਮਾਗਮ੍ਮਾਤਿ ਸਕਲਜਮ੍ਬੁਦੀਪવਾਸਿਨੋ ਰਾਸਿਭੂਤਾਤਿ ਅਤ੍ਥੋ। ਚਿਤਕਂ ਕਤ੍વਾਤਿ ਯੋਜਨੁਬ੍ਬੇਧਂ ਚਨ੍ਦਨਰਾਸਿਚਿਤਕਂ ਕਤ੍વਾ ਭਗવਤੋ ਸਰੀਰਂ ਤਤ੍ਥ ਅਭਿਰੋਪਯਿਂਸੂਤਿ ਸਮ੍ਬਨ੍ਧੋ।
123.Mahājanā samāgammāti sakalajambudīpavāsino rāsibhūtāti attho. Citakaṃ katvāti yojanubbedhaṃ candanarāsicitakaṃ katvā bhagavato sarīraṃ tattha abhiropayiṃsūti sambandho.
੧੨੪. ਸਰੀਰਕਿਚ੍ਚਂ ਕਤ੍વਾਨਾਤਿ ਆਦਹਨਾਤਿ ਅਗ੍ਗਿਨਾ ਦਹਨਕਿਚ੍ਚਂ ਕਤ੍વਾਤਿ ਅਤ੍ਥੋ।
124.Sarīrakiccaṃkatvānāti ādahanāti agginā dahanakiccaṃ katvāti attho.
੧੨੭-੨੮. ਜਙ੍ਘਾ ਮਣਿਮਯਾ ਆਸੀਤਿ ਮਨੁਸ੍ਸੇਹਿ ਕਤਥੂਪੇ ਜਙ੍ਘਾ ਪੁਪ੍ਫવਾਹਤ੍ਥਂ ਚਰਿਤਟ੍ਠਾਨਂ ਮਣਿਮਯਾ ਇਨ੍ਦਨੀਲਮਣਿਨਾ ਕਤਾਤਿ ਅਤ੍ਥੋ। ਮਯਮ੍ਪੀਤਿ ਸਬ੍ਬੇ ਦੇવਾ ਥੂਪਂ ਕਰਿਸ੍ਸਾਮਾਤਿ ਅਤ੍ਥੋ।
127-28.Jaṅghā maṇimayā āsīti manussehi katathūpe jaṅghā pupphavāhatthaṃ caritaṭṭhānaṃ maṇimayā indanīlamaṇinā katāti attho. Mayampīti sabbe devā thūpaṃ karissāmāti attho.
੧੨੯. ਧਾਤੁ ਆવੇਣਿਕਾ ਨਤ੍ਥੀਤਿ ਦੇવਮਨੁਸ੍ਸੇਹਿ વਿਸੁਂ વਿਸੁਂ ਚੇਤਿਯਂ ਕਾਤੁਂ ਆવੇਣਿਕਾ વਿਸੁਂ ਧਾਤੁ ਨਤ੍ਥਿ, ਤਂ ਦਸ੍ਸੇਨ੍ਤੋ ਸਰੀਰਂ ਏਕਪਿਣ੍ਡਿਤਨ੍ਤਿ ਆਹ। ਅਧਿਟ੍ਠਾਨਬਲੇਨ ਸਕਲਸਰੀਰਧਾਤੁ ਏਕਘਨਸਿਲਾਮਯਪਟਿਮਾ વਿਯ ਏਕਮੇવ ਅਹੋਸੀਤਿ ਅਤ੍ਥੋ। ਇਮਮ੍ਹਿ ਬੁਦ੍ਧਥੂਪਮ੍ਹੀਤਿ ਸਕਲਜਮ੍ਬੁਦੀਪવਾਸੀਹਿ ਕਤਮ੍ਹਿ ਇਮਮ੍ਹਿ ਸੁવਣ੍ਣਥੂਪਮ੍ਹਿ ਮਯਂ ਸਬ੍ਬੇ ਸਮਾਗਨ੍ਤ੍વਾ ਕਞ੍ਚੁਕਥੂਪਂ ਕਰਿਸ੍ਸਾਮਾਤਿ ਅਤ੍ਥੋ।
129.Dhātu āveṇikā natthīti devamanussehi visuṃ visuṃ cetiyaṃ kātuṃ āveṇikā visuṃ dhātu natthi, taṃ dassento sarīraṃ ekapiṇḍitanti āha. Adhiṭṭhānabalena sakalasarīradhātu ekaghanasilāmayapaṭimā viya ekameva ahosīti attho. Imamhi buddhathūpamhīti sakalajambudīpavāsīhi katamhi imamhi suvaṇṇathūpamhi mayaṃ sabbe samāgantvā kañcukathūpaṃ karissāmāti attho.
੧੩੩. ਇਨ੍ਦਨੀਲਂ ਮਹਾਨੀਲਨ੍ਤਿ ਇਨ੍ਦੀવਰਪੁਪ੍ਫવਣ੍ਣਾਭਂ ਮਣਿ ਇਨ੍ਦਨੀਲਮਣਿ। ਤਤੋ ਅਧਿਕવਣ੍ਣਤਾ ਮਹਾਮਣਿ ਇਨ੍ਦਨੀਲਮਣਯੋ ਚ ਮਹਾਨੀਲਮਣਯੋ ਚ ਜੋਤਿਰਸਮਣਿਜਾਤਿਰਙ੍ਗਮਣਯੋ ਚ ਏਕਤੋ ਸਨ੍ਨਿਪਾਤੇਤ੍વਾ ਰਾਸੀ ਕਤ੍વਾ ਸੁવਣ੍ਣਥੂਪੇ ਕਞ੍ਚੁਕਥੂਪਂ ਕਤ੍વਾ ਅਛਾਦਯੁਨ੍ਤਿ ਸਮ੍ਬਨ੍ਧੋ।
133.Indanīlaṃ mahānīlanti indīvarapupphavaṇṇābhaṃ maṇi indanīlamaṇi. Tato adhikavaṇṇatā mahāmaṇi indanīlamaṇayo ca mahānīlamaṇayo ca jotirasamaṇijātiraṅgamaṇayo ca ekato sannipātetvā rāsī katvā suvaṇṇathūpe kañcukathūpaṃ katvā achādayunti sambandho.
੧੪੪. ਪਚ੍ਚੇਕਂ ਬੁਦ੍ਧਸੇਟ੍ਠਸ੍ਸਾਤਿ ਬੁਦ੍ਧੁਤ੍ਤਮਸ੍ਸ ਪਤਿ ਏਕਂ વਿਸੁਂ ਉਪਰਿਛਦਨੇਨ ਥੂਪਂ ਅਕਂਸੂਤਿ ਅਤ੍ਥੋ।
144.Paccekaṃbuddhaseṭṭhassāti buddhuttamassa pati ekaṃ visuṃ uparichadanena thūpaṃ akaṃsūti attho.
੧੪੭. ਕੁਮ੍ਭਣ੍ਡਾ ਗੁਯ੍ਹਕਾ ਤਥਾਤਿ ਕੁਮ੍ਭਮਤ੍ਤਾਨਿ ਅਣ੍ਡਾਨਿ ਯੇਸਂ ਦੇવਾਨਂ ਤੇ ਕੁਮ੍ਭਣ੍ਡਾ, ਪਟਿਚ੍ਛਾਦੇਤ੍વਾ ਨਿਗੁਹਿਤ੍વਾ ਪਟਿਚ੍ਛਾਦਨਤੋ ਗਰੁਲ਼ਾ ਗੁਯ੍ਹਕਾ ਨਾਮ ਜਾਤਾ, ਤੇ ਕੁਮ੍ਭਣ੍ਡਾ ਗੁਯ੍ਹਕਾਪਿ ਥੂਪਂ ਅਕਂਸੂਤਿ ਅਤ੍ਥੋ।
147.Kumbhaṇḍā guyhakātathāti kumbhamattāni aṇḍāni yesaṃ devānaṃ te kumbhaṇḍā, paṭicchādetvā niguhitvā paṭicchādanato garuḷā guyhakā nāma jātā, te kumbhaṇḍā guyhakāpi thūpaṃ akaṃsūti attho.
੧੫੧. ਅਤਿਭੋਨ੍ਤਿ ਨ ਤਸ੍ਸਾਭਾਤਿ ਤਸ੍ਸ ਚੇਤਿਯਸ੍ਸ ਪਭਂ ਚਨ੍ਦਸੂਰਿਯਤਾਰਕਾਨਂ ਪਭਾ ਨ ਅਤਿਭੋਨ੍ਤਿ, ਨ ਅਜ੍ਝੋਤ੍ਥਰਨ੍ਤੀਤਿ ਅਤ੍ਥੋ।
151.Atibhonti na tassābhāti tassa cetiyassa pabhaṃ candasūriyatārakānaṃ pabhā na atibhonti, na ajjhottharantīti attho.
੧੫੮. ਅਹਮ੍ਪਿ ਕਾਰਂ ਕਸ੍ਸਾਮੀਤਿ ਤਾਦਿਨੋ ਲੋਕਨਾਥਸ੍ਸ ਥੂਪਸ੍ਮਿਂ ਅਹਮ੍ਪਿ ਕਾਰਂ ਪੁਞ੍ਞਕਿਰਿਯਂ ਕੁਸਲਕਮ੍ਮਂ ਧਜਪਟਾਕਪੂਜਂ ਕਰਿਸ੍ਸਾਮੀਤਿ ਅਤ੍ਥੋ।
158.Ahampi kāraṃ kassāmīti tādino lokanāthassa thūpasmiṃ ahampi kāraṃ puññakiriyaṃ kusalakammaṃ dhajapaṭākapūjaṃ karissāmīti attho.
ਉਪવਾਨਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Upavānattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧੦. ਉਪવਾਨਤ੍ਥੇਰਅਪਦਾਨਂ • 10. Upavānattheraapadānaṃ
