| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౯. ఉపయన్తిసుత్తవణ్ణనా
9. Upayantisuttavaṇṇanā
౬౯. నవమే ఉపయన్తోతి ఉదకవడ్ఢనసమయే ఉపరి గచ్ఛన్తో. మహానదియోతి గఙ్గాయమునాదికా మహాసరితాయో. ఉపయాపేతీతి ఉపరి యాపేతి, వడ్ఢేతి పూరేతీతి అత్థో. అవిజ్జా ఉపయన్తీతి అవిజ్జా ఉపరి గచ్ఛన్తీ సఙ్ఖారానం పచ్చయో భవితుం సక్కుణన్తీ. సఙ్ఖారే ఉపయాపేతీతి సఙ్ఖారే ఉపరి యాపేతి వడ్ఢేతి. ఏవం సబ్బపదేసు అత్థో వేదితబ్బో. అపయన్తోతి అపగచ్ఛన్తో ఓసరన్తో. అవిజ్జా అపయన్తీతి అవిజ్జా అపగచ్ఛమానా ఓసరమానా ఉపరి సఙ్ఖారానం పచ్చయో భవితుం న సక్కుణన్తీతి అత్థో. సఙ్ఖారే అపయాపేతీతి సఙ్ఖారే అపగచ్ఛాపేతి. ఏస నయో సబ్బపదేసు. నవమం.
69. Navame upayantoti udakavaḍḍhanasamaye upari gacchanto. Mahānadiyoti gaṅgāyamunādikā mahāsaritāyo. Upayāpetīti upari yāpeti, vaḍḍheti pūretīti attho. Avijjā upayantīti avijjā upari gacchantī saṅkhārānaṃ paccayo bhavituṃ sakkuṇantī. Saṅkhāre upayāpetīti saṅkhāre upari yāpeti vaḍḍheti. Evaṃ sabbapadesu attho veditabbo. Apayantoti apagacchanto osaranto. Avijjā apayantīti avijjā apagacchamānā osaramānā upari saṅkhārānaṃ paccayo bhavituṃ na sakkuṇantīti attho. Saṅkhāre apayāpetīti saṅkhāre apagacchāpeti. Esa nayo sabbapadesu. Navamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౯. ఉపయన్తిసుత్తం • 9. Upayantisuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౯. ఉపయన్తిసుత్తవణ్ణనా • 9. Upayantisuttavaṇṇanā
