| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౬. ఉపయవగ్గో
6. Upayavaggo
౧. ఉపయసుత్తవణ్ణనా
1. Upayasuttavaṇṇanā
౫౩. ఉపయవగ్గస్స పఠమే ఉపయోతి తణ్హామానదిట్ఠివసేన పఞ్చక్ఖన్ధే ఉపగతో. విఞ్ఞాణన్తి కమ్మవిఞ్ఞాణం. ఆపజ్జేయ్యాతి కమ్మం జవాపేత్వా పటిసన్ధిఆకడ్ఢనసమత్థతాయ వుద్ధిఆదీని ఆపజ్జేయ్య. విఞ్ఞాణుపయన్తి పదస్స అగ్గహణే కారణం వుత్తమేవ. వోచ్ఛిజ్జతారమ్మణన్తి పటిసన్ధిఆకడ్ఢనసమత్థతాయ అభావేన ఆరమ్మణం వోచ్ఛిజ్జతి. పతిట్ఠా విఞ్ఞాణస్సాతి కమ్మవిఞ్ఞాణస్స పతిట్ఠా న హోతి. తదప్పతిట్ఠితన్తి తం అప్పతిట్ఠితం. అనభిసఙ్ఖచ్చ విముత్తన్తి పటిసన్ధిం అనభిసఙ్ఖరిత్వా విముత్తం. పఠమం.
53. Upayavaggassa paṭhame upayoti taṇhāmānadiṭṭhivasena pañcakkhandhe upagato. Viññāṇanti kammaviññāṇaṃ. Āpajjeyyāti kammaṃ javāpetvā paṭisandhiākaḍḍhanasamatthatāya vuddhiādīni āpajjeyya. Viññāṇupayanti padassa aggahaṇe kāraṇaṃ vuttameva. Vocchijjatārammaṇanti paṭisandhiākaḍḍhanasamatthatāya abhāvena ārammaṇaṃ vocchijjati. Patiṭṭhā viññāṇassāti kammaviññāṇassa patiṭṭhā na hoti. Tadappatiṭṭhitanti taṃ appatiṭṭhitaṃ. Anabhisaṅkhacca vimuttanti paṭisandhiṃ anabhisaṅkharitvā vimuttaṃ. Paṭhamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧. ఉపయసుత్తం • 1. Upayasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧. ఉపయసుత్తవణ్ణనా • 1. Upayasuttavaṇṇanā
