Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
44. убосат̇анид̣̇д̣̇зсо
44. Uposathaniddeso
убосат̇од̇и –
Uposathoti –
410.
410.
д̣̇увз убосат̇аа жаад̇у-д̣̇д̣̇асо баннарасо ид̇и;
Duve uposathā cātu-ddaso pannaraso iti;
суд̇д̇уд̣̇д̣̇зсамад̇хидтаана-баарисуд̣̇д̇хивасаа д̇аяо.
Suttuddesamadhiṭṭhāna-pārisuddhivasā tayo.
411.
411.
суд̇д̇уд̣̇д̣̇зсова сан̇гхасса, ад̇хидтаанаубосат̇о;
Suttuddesova saṅghassa, adhiṭṭhānauposatho;
буг̇г̇алассзва сзсаанам̣, баарисуд̣̇д̇хиубосат̇о.
Puggalasseva sesānaṃ, pārisuddhiuposatho.
412.
412.
буб̣б̣агижжз жа гаран̣з, бад̇д̇агаллз самаанид̇з;
Pubbakicce ca karaṇe, pattakalle samānite;
суд̇д̇ам̣ уд̣̇д̣̇исад̇и сан̇гхо, бан̃жад̇хаа со вибхаавид̇о.
Suttaṃ uddisati saṅgho, pañcadhā so vibhāvito.
413.
413.
винаанд̇арааяам̣ сан̇кзбз-нуд̣̇д̣̇зсо виниваарид̇о;
Vināntarāyaṃ saṅkhepe-nuddeso vinivārito;
‘‘т̇зрова иссаро д̣̇вийсу, уд̣̇д̣̇зсзсвзд̇т̇а д̇ийсу ваа;
‘‘Therova issaro dvīsu, uddesesvettha tīsu vā;
висад̣̇зсуу’’д̇и вуд̇д̇ад̇д̇аа, авад̇д̇анд̇зби ваддад̇и.
Visadesū’’ti vuttattā, avattantepi vaṭṭati.
414.
414.
ааг̇ажчзяяум̣ яад̣̇и самаа, уд̣̇д̣̇исанд̇з ва т̇огигаа;
Āgaccheyyuṃ yadi samā, uddisante va thokikā;
уд̣̇д̣̇идтам̣ яам̣ сууд̣̇д̣̇идтам̣, сод̇аб̣б̣амавасзсагам̣.
Uddiṭṭhaṃ yaṃ suuddiṭṭhaṃ, sotabbamavasesakaṃ.
415.
415.
уд̣̇д̣̇идтамад̇д̇з сагалаа-язгажжааяудтид̇ааяа ваа;
Uddiṭṭhamatte sakalā-yekaccāyuṭṭhitāya vā;
баарисуд̣̇д̇хим̣ гарзяязсам̣, санд̇игз б̣ахугаат̇а жз;
Pārisuddhiṃ kareyyesaṃ, santike bahukātha ce;
гад̇ваа саб̣б̣авигаббзсу, буб̣б̣агижжам̣ бунуд̣̇д̣̇исз.
Katvā sabbavikappesu, pubbakiccaṃ punuddise.
416.
416.
баннарасоваасигаанам̣, ид̇араанам̣ сажзд̇аро;
Pannarasovāsikānaṃ, itarānaṃ sacetaro;
самаанзд̇арзнувад̇д̇анд̇у, буримаанам̣ сажзд̇хигаа;
Samānetarenuvattantu, purimānaṃ sacedhikā;
буримаа анувад̇д̇анд̇у, д̇зсам̣ сзсзбяаяам̣ наяо.
Purimā anuvattantu, tesaṃ sesepyayaṃ nayo.
417.
417.
баадибад̣̇оваасигаанам̣, ид̇араанам̣ убосат̇о;
Pāṭipadovāsikānaṃ, itarānaṃ uposatho;
самат̇огаанам̣ саамаг̇г̇им̣, мууладтаа д̣̇знд̇у гаамад̇о.
Samathokānaṃ sāmaggiṃ, mūlaṭṭhā dentu kāmato.
418.
418.
б̣ахи г̇анд̇ваана гаад̇аб̣б̣о, но жз д̣̇знд̇и убосат̇о;
Bahi gantvāna kātabbo, no ce denti uposatho;
д̣̇зяяаанижчааяа саамаг̇г̇ий, б̣ахуусу б̣ахи ваа важ̇з.
Deyyānicchāya sāmaggī, bahūsu bahi vā vaje.
419.
419.
баадибад̣̇зг̇анд̇угаанам̣ , звамзва аяам̣ наяо;
Pāṭipadegantukānaṃ , evameva ayaṃ nayo;
саавзяяа суд̇д̇ам̣ сан̃жижжа, ассаавзнд̇асса д̣̇уггадам̣.
Sāveyya suttaṃ sañcicca, assāventassa dukkaṭaṃ.
420.
420.
саммаж̇ж̇ид̇ум̣ бад̣̇ийбзд̇ум̣, бан̃н̃аабзд̇ум̣ д̣̇агаасанам̣;
Sammajjituṃ padīpetuṃ, paññāpetuṃ dakāsanaṃ;
на гарзяяа д̇ат̇аа галло, махаат̇зрзна бзсид̇о.
Na kareyya tathā kallo, mahātherena pesito.
421. саммаж̇ж̇ид̇ваа бад̣̇ийбзд̇ваа, бадтабзд̇ваа д̣̇агаасанам̣. г̇ан̣ан̃ад̇д̇им̣ табзд̇взвам̣, гад̇д̇аб̣б̣о д̇ийхубосат̇о. ‘‘сун̣анд̇у мз ааяасманд̇аа, аж̇ж̇убосат̇о баннарасо, яад̣̇ааяасманд̇аанам̣ бад̇д̇агаллам̣, маяам̣ ан̃н̃аман̃н̃ам̣ баарисуд̣̇д̇хиубосат̇ам̣ гарзяяаамаа’’д̇и.
421. Sammajjitvā padīpetvā, paṭṭhapetvā dakāsanaṃ. Gaṇañattiṃ ṭhapetvevaṃ, kattabbo tīhuposatho. ‘‘Suṇantu me āyasmantā, ajjuposatho pannaraso, yadāyasmantānaṃ pattakallaṃ, mayaṃ aññamaññaṃ pārisuddhiuposathaṃ kareyyāmā’’ti.
422. згам̣сам̣ жийварам̣ гад̇ваа, нисийд̣̇ид̇ваа уггудигам̣,. т̇зрзна ан̃ж̇алим̣ д̇звам̣, баг̇г̇аяха самуд̣̇ийрияаа. ‘‘барисуд̣̇д̇хо ахам̣ аавусо, барисуд̣̇д̇ход̇и мам̣ д̇хаарзт̇аа’’д̇и, вад̣̇з яаавад̇ад̇ийяагам̣.
422. Ekaṃsaṃ cīvaraṃ katvā, nisīditvā ukkuṭikaṃ,. Therena añjaliṃ tevaṃ, paggayha samudīriyā. ‘‘Parisuddho ahaṃ āvuso, parisuddhoti maṃ dhārethā’’ti, vade yāvatatīyakaṃ.
423. самад̇д̇абуб̣б̣аарамбхзна, д̇з навзнзвамийрияаа. ‘‘барисуд̣̇д̇хо ахам̣ бханд̇з, барисуд̣̇д̇ход̇и мам̣ д̇хаарзт̇аа’’д̇и, вад̣̇з яаавад̇ад̇ийяагам̣.
423. Samattapubbārambhena, te navenevamīriyā. ‘‘Parisuddho ahaṃ bhante, parisuddhoti maṃ dhārethā’’ti, vade yāvatatīyakaṃ.
424. д̣̇вийсу т̇зрзна гад̇д̇аб̣б̣ам̣, гад̇взвамийрияо наво. ‘‘барисуд̣̇д̇хо ахам̣ аавусо, барисуд̣̇д̇ход̇и мам̣ д̇хаарзхий’’д̇и д̇игкад̇д̇ум̣ вад̇д̇аб̣б̣о.
424. Dvīsu therena kattabbaṃ, katvevamīriyo navo. ‘‘Parisuddho ahaṃ āvuso, parisuddhoti maṃ dhārehī’’ti tikkhattuṃ vattabbo.
425.
425.
навзна т̇зро д̇игкад̇д̇ум̣, звамасса уд̣̇ийрияо;
Navena thero tikkhattuṃ, evamassa udīriyo;
‘‘барисуд̣̇д̇хо ахам̣ бханд̇з, барисуд̣̇д̇ход̇и мам̣ д̇хаарзт̇аа’’д̇и.
‘‘Parisuddho ahaṃ bhante, parisuddhoti maṃ dhārethā’’ti.
426. буб̣б̣агижжам̣ самаабзд̇ваа, ад̇хидтзяязвамзгаго. ‘‘аж̇ж̇а мз убосат̇о баннарасод̇и ваа жаад̇уд̣̇д̣̇асод̇и ваа ад̇хидтаамий’’д̇и вад̇д̇аб̣б̣ам̣, но жзд̇хидтзяяа д̣̇уггадам̣.
426. Pubbakiccaṃ samāpetvā, adhiṭṭheyyevamekako. ‘‘Ajja me uposatho pannarasoti vā cātuddasoti vā adhiṭṭhāmī’’ti vattabbaṃ, no cedhiṭṭheyya dukkaṭaṃ.
427.
427.
яад̇т̇а васанд̇и жад̇д̇ааро, д̇аяо ваа яад̣̇и ваа д̣̇увз;
Yattha vasanti cattāro, tayo vā yadi vā duve;
баарисуд̣̇д̇хим̣ харид̇ваана, згзгассид̇арийд̇арз;
Pārisuddhiṃ haritvāna, ekekassitarītare;
д̇ам̣ д̇ам̣ убосат̇ам̣ гаяирум̣, сияаа аабад̇д̇и д̣̇уггадам̣.
Taṃ taṃ uposathaṃ kayiruṃ, siyā āpatti dukkaṭaṃ.
428.
428.
ваг̇г̇з самаг̇г̇з ваг̇г̇од̇и, сан̃н̃ино вимад̇исса ваа;
Vagge samagge vaggoti, saññino vimatissa vā;
д̣̇уггадам̣ гарод̇о бхзд̣̇аа-д̇хиббааязна т̇уллажжаяам̣;
Dukkaṭaṃ karoto bhedā-dhippāyena thullaccayaṃ;
ваг̇г̇з самаг̇г̇знаабад̇д̇и, самаг̇г̇о ид̇и сан̃н̃ино.
Vagge samaggenāpatti, samaggo iti saññino.
429.
429.
угкид̇д̇асса г̇ахадтасса, сзсаанам̣ сахад̇хамминам̣;
Ukkhittassa gahaṭṭhassa, sesānaṃ sahadhamminaṃ;
баарааж̇игассаабхаб̣б̣асса, сигкаанигкид̇д̇агасса жа.
Pārājikassābhabbassa, sikkhānikkhittakassa ca.
430.
430.
нисиннабарисааяан̃жа, сабхааг̇аабад̇д̇иго д̇ат̇аа;
Nisinnaparisāyañca, sabhāgāpattiko tathā;
чанд̣̇зна баривуд̇т̇зна, баад̇имогкам̣ на уд̣̇д̣̇исз.
Chandena parivutthena, pātimokkhaṃ na uddise.
431.
431.
ад̣̇зсаяид̇ваанаабаннам̣, наавигад̇ваана взмад̇им̣;
Adesayitvānāpannaṃ, nāvikatvāna vematiṃ;
нубосат̇зби ваа гаад̇ум̣, босат̇о на жа габбад̇и.
Nuposathepi vā kātuṃ, posatho na ca kappati.
432.
432.
адтид̇обосат̇ааваасаа, на важ̇з д̇ад̣̇ахуу винаа;
Aṭṭhitoposathāvāsā, na vaje tadahū vinā;
анд̇арааяам̣ ва сан̇гхам̣ ваа-д̇хидтаад̇ум̣ сиймамзва ваад̇и.
Antarāyaṃ va saṅghaṃ vā-dhiṭṭhātuṃ sīmameva vāti.