| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૧૦. ઉપોસથસુત્તવણ્ણના
10. Uposathasuttavaṇṇanā
૧૯૦. દસમે તુણ્હીભૂતં તુણ્હીભૂતન્તિ આમેડિતવચનં બ્યાપનિચ્છાવસેન વુત્તન્તિ આહ ‘‘યતો યતો અનુવિલોકેતી’’તિ. અનુવિલોકેત્વાતિ એત્થ અનુ-સદ્દોપિ બ્યાપનિચ્છાવચનમેવાતિ અનુ અનુ વિલોકેત્વાતિ અત્થો, પઞ્ચપસાદપ્પટિમણ્ડિતાનિ અક્ખીનિ ઉમ્મીલેત્વા તતો તતો વિલોકેત્વાતિ વુત્તં હોતિ. અલન્તિ યુત્તં, ઓપાયિકન્તિ અત્થો ‘‘અલમેવ નિબ્બિન્દિતુ’’ન્તિઆદીસુ (દી॰ નિ॰ ૨.૨૭૨; સં॰ નિ॰ ૨.૧૨૪-૧૨૬) વિય. પુટબન્ધનેન પરિહરિત્વા અસિતબ્બં પુટોસં સમ્બલં અ-કારસ્સ ઓ-કારં કત્વા. તેનાહ ‘‘પાથેય્ય’’ન્તિ. સેસમેત્થ સુવિઞ્ઞેય્યમેવ.
190. Dasame tuṇhībhūtaṃ tuṇhībhūtanti āmeḍitavacanaṃ byāpanicchāvasena vuttanti āha ‘‘yato yato anuviloketī’’ti. Anuviloketvāti ettha anu-saddopi byāpanicchāvacanamevāti anu anu viloketvāti attho, pañcapasādappaṭimaṇḍitāni akkhīni ummīletvā tato tato viloketvāti vuttaṃ hoti. Alanti yuttaṃ, opāyikanti attho ‘‘alameva nibbinditu’’ntiādīsu (dī. ni. 2.272; saṃ. ni. 2.124-126) viya. Puṭabandhanena pariharitvā asitabbaṃ puṭosaṃ sambalaṃ a-kārassa o-kāraṃ katvā. Tenāha ‘‘pātheyya’’nti. Sesamettha suviññeyyameva.
ઉપોસથસુત્તવણ્ણના નિટ્ઠિતા.
Uposathasuttavaṇṇanā niṭṭhitā.
બ્રાહ્મણવગ્ગવણ્ણના નિટ્ઠિતા.
Brāhmaṇavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧૦. ઉપોસથસુત્તં • 10. Uposathasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૦. ઉપોસથસુત્તવણ્ણના • 10. Uposathasuttavaṇṇanā
