| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
7.убосат̇аавимаанаван̣н̣анаа
7.Uposathāvimānavaṇṇanā
абхигганд̇зна ван̣н̣знаад̇и убосат̇аавимаанам̣. ид̇ха адтуббад̇д̇ияам̣ саагзд̇з убосат̇аа наама згаа убаасигаад̇и аяамзва висзсо, сзсам̣ ананд̇аравимаанасад̣̇исам̣. д̇зна вуд̇д̇ам̣ –
Abhikkantenavaṇṇenāti uposathāvimānaṃ. Idha aṭṭhuppattiyaṃ sākete uposathā nāma ekā upāsikāti ayameva viseso, sesaṃ anantaravimānasadisaṃ. Tena vuttaṃ –
229-231.
229-231.
‘‘абхигганд̇зна ван̣н̣зна…бз…
‘‘Abhikkantena vaṇṇena…pe…
ван̣н̣о жа д̇з саб̣б̣ад̣̇исаа бабхаасад̇ий’’д̇и.
Vaṇṇo ca te sabbadisā pabhāsatī’’ti.
232.
232.
‘‘саа д̣̇звад̇аа ад̇д̇аманаа…бз… яасса гаммассид̣̇ам̣ палам̣’’.
‘‘Sā devatā attamanā…pe… yassa kammassidaṃ phalaṃ’’.
233-238.
233-238.
‘‘убосат̇аад̇и мам̣ ан̃н̃ам̣су, саагзд̇ааяам̣ убаасигаа…бз…
‘‘Uposathāti maṃ aññaṃsu, sāketāyaṃ upāsikā…pe…
убаасигаа жагкумад̇о, г̇од̇амасса яасассино.
Upāsikā cakkhumato, gotamassa yasassino.
239.
239.
‘‘д̇зна мзд̇аад̣̇исо ван̣н̣о…бз…
‘‘Tena metādiso vaṇṇo…pe…
ван̣н̣о жа мз саб̣б̣ад̣̇исаа бабхаасад̇ий’’д̇и. –
Vaṇṇo ca me sabbadisā pabhāsatī’’ti. –
д̣̇звад̇аа б̣яаагааси. буна ад̇д̇ано згам̣ д̣̇осам̣ д̣̇ассзнд̇ий –
Devatā byākāsi. Puna attano ekaṃ dosaṃ dassentī –
241.
241.
‘‘абхигкан̣ам̣ нанд̣̇анам̣ суд̇ваа, чанд̣̇о мз уд̣̇абаж̇ж̇ат̇а;
‘‘Abhikkhaṇaṃ nandanaṃ sutvā, chando me udapajjatha;
д̇ад̇т̇а жид̇д̇ам̣ бан̣ид̇хааяа, убабаннаамхи нанд̣̇анам̣.
Tattha cittaṃ paṇidhāya, upapannāmhi nandanaṃ.
242.
242.
‘‘наагаасим̣ сад̇т̇у важанам̣, б̣уд̣̇д̇хассаад̣̇ижжаб̣анд̇хуно;
‘‘Nākāsiṃ satthu vacanaṃ, buddhassādiccabandhuno;
хийнз жид̇д̇ам̣ бан̣ид̇хааяа, саамхи бажчаануд̇аабиний’’д̇и. – д̣̇вз г̇аат̇аа абхааси;
Hīne cittaṃ paṇidhāya, sāmhi pacchānutāpinī’’ti. – dve gāthā abhāsi;
233. д̇ад̇т̇а убосат̇аад̇и мам̣ ан̃н̃ам̣сууд̇и ‘‘убосат̇аа’’д̇и иминаа наамзна мам̣ мануссаа ж̇ааним̣су. саагзд̇ааяанд̇и саагзд̇анаг̇арз.
233. Tattha uposathāti maṃ aññaṃsūti ‘‘uposathā’’ti iminā nāmena maṃ manussā jāniṃsu. Sāketāyanti sāketanagare.
241. абхигкан̣анд̇и абхин̣хам̣. нанд̣̇анам̣ суд̇ваад̇и ‘‘д̇аавад̇им̣сабхаванз нанд̣̇анаванам̣ наама зд̣̇исан̃жа зд̣̇исан̃жаа’’д̇и д̇ад̇т̇а наанаавид̇хам̣ д̣̇иб̣б̣асамбад̇д̇им̣ суд̇ваа. чанд̣̇од̇и д̇анниб̣б̣ад̇д̇агабун̃н̃агаммасса гааран̣абхууд̇о гусалажчанд̣̇о, д̇ад̇руубабад̇д̇ияаа бад̇т̇анаабхууд̇о д̇ан̣хаачанд̣̇о ваа. уд̣̇абаж̇ж̇ат̇аад̇и уббаж̇ж̇ид̇т̇а. д̇ад̇т̇аад̇и д̇аавад̇им̣сабхаванз, нанд̣̇анаабад̣̇зсзнаби хи д̇ам̣ д̣̇звалогам̣ вад̣̇ад̇и. убабаннаамхийд̇и уббаннаа ниб̣б̣ад̇д̇аа амхи.
241.Abhikkhaṇanti abhiṇhaṃ. Nandanaṃ sutvāti ‘‘tāvatiṃsabhavane nandanavanaṃ nāma edisañca edisañcā’’ti tattha nānāvidhaṃ dibbasampattiṃ sutvā. Chandoti tannibbattakapuññakammassa kāraṇabhūto kusalacchando, tatrūpapattiyā patthanābhūto taṇhāchando vā. Udapajjathāti uppajjittha. Tatthāti tāvatiṃsabhavane, nandanāpadesenapi hi taṃ devalokaṃ vadati. Upapannāmhīti uppannā nibbattā amhi.
242. наагаасим̣ сад̇т̇у важананд̇и ‘‘наахам̣, бхигкавз, аббамад̇д̇агамби бхавам̣ ван̣н̣змий’’д̇иаад̣̇инаа (а. ни. 1.320-321) сад̇т̇аараа вуд̇д̇аважанам̣ на гарим̣, бхавзсу чанд̣̇арааг̇ам̣ на баж̇ахинд̇и ад̇т̇о. аад̣̇ижжо г̇од̇амаг̇од̇д̇о, бхаг̇авааби г̇од̇амаг̇од̇д̇од̇и саг̇од̇д̇ад̇ааяа вуд̇д̇ам̣ ‘‘б̣уд̣̇д̇хассаад̣̇ижжаб̣анд̇хуно’’д̇и. ат̇а ваа аад̣̇ижжасса б̣анд̇ху аад̣̇ижжаб̣анд̇ху, бхаг̇аваа. д̇ам̣ бадижжа д̇асса арияааяа ж̇аад̇ияаа ж̇аад̇ад̇д̇аа аад̣̇ижжо ваа б̣анд̇ху зд̇асса орасабуд̇д̇абхаавад̇од̇и аад̣̇ижжаб̣анд̇ху, бхаг̇аваа. д̇ат̇аа хи вуд̇д̇ам̣ –
242.Nākāsiṃsatthu vacananti ‘‘nāhaṃ, bhikkhave, appamattakampi bhavaṃ vaṇṇemī’’tiādinā (a. ni. 1.320-321) satthārā vuttavacanaṃ na kariṃ, bhavesu chandarāgaṃ na pajahinti attho. Ādicco gotamagotto, bhagavāpi gotamagottoti sagottatāya vuttaṃ ‘‘buddhassādiccabandhuno’’ti. Atha vā ādiccassa bandhu ādiccabandhu, bhagavā. Taṃ paṭicca tassa ariyāya jātiyā jātattā ādicco vā bandhu etassa orasaputtabhāvatoti ādiccabandhu, bhagavā. Tathā hi vuttaṃ –
‘‘яо анд̇хагаарз д̇амасий бабхан̇гаро, взрожано ман̣д̣алий уг̇г̇ад̇зж̇о;
‘‘Yo andhakāre tamasī pabhaṅkaro, verocano maṇḍalī uggatejo;
маа рааху г̇илий жараманд̇алигкз, баж̇ам̣ мамам̣ рааху бамун̃жа суурияа’’нд̇и. (сам̣. ни. 1.91);
Mā rāhu gilī caramantalikkhe, pajaṃ mamaṃ rāhu pamuñca sūriya’’nti. (saṃ. ni. 1.91);
хийнзд̇и лаамагз. ад̇д̇ано бхаваабхирад̇им̣ санд̇хааяа вад̣̇ад̇и. саамхийд̇и саа амхи.
Hīneti lāmake. Attano bhavābhiratiṃ sandhāya vadati. Sāmhīti sā amhi.
звам̣ д̇ааяа д̣̇звад̇ааяа бхаваабхирад̇инимид̇д̇з уббаннавиббадисаарз бавзд̣̇ид̇з т̇зро бхавасса барижчиннааяубхаававибхааванамукзна ааяад̇им̣ мануссад̇д̇абхаавз тад̇ваа ваддад̣̇угкасса самад̇иггамо гаад̇ум̣ сугаро, саб̣б̣асо кийн̣аасавабхааво наама махаанисам̣сод̇и жа самассаасзд̇ум̣ –
Evaṃ tāya devatāya bhavābhiratinimitte uppannavippaṭisāre pavedite thero bhavassa paricchinnāyubhāvavibhāvanamukhena āyatiṃ manussattabhāve ṭhatvā vaṭṭadukkhassa samatikkamo kātuṃ sukaro, sabbaso khīṇāsavabhāvo nāma mahānisaṃsoti ca samassāsetuṃ –
243.
243.
‘‘гийва жирам̣ вимаанамхи, ид̇ха важчасубосат̇з;
‘‘Kīva ciraṃ vimānamhi, idha vacchasuposathe;
д̣̇звад̇з бужчид̇аажигка, яад̣̇и ж̇аанааси ааяуно’’д̇и. –
Devate pucchitācikkha, yadi jānāsi āyuno’’ti. –
г̇аат̇амааха. буна саа –
Gāthamāha. Puna sā –
244.
244.
‘‘садти вассасахассаани , д̇иссо жа вассагодияо;
‘‘Saṭṭhi vassasahassāni , tisso ca vassakoṭiyo;
ид̇ха тад̇ваа махаамуни, ид̇о жуд̇аа г̇амиссаами;
Idha ṭhatvā mahāmuni, ito cutā gamissāmi;
мануссаанам̣ сахаб̣яад̇а’’нд̇и. – ааха;
Manussānaṃ sahabyata’’nti. – āha;
буна т̇зро –
Puna thero –
245.
245.
‘‘маа д̇вам̣ убосат̇з бхааяи, самб̣уд̣̇д̇хзнааси б̣яаагад̇аа;
‘‘Mā tvaṃ uposathe bhāyi, sambuddhenāsi byākatā;
сод̇аабаннаа висзсаяи, бахийнаа д̇ава д̣̇уг̇г̇ад̇ий’’д̇и. –
Sotāpannā visesayi, pahīnā tava duggatī’’ti. –
имааяа г̇аат̇ааяа самуд̇д̇зж̇зси.
Imāya gāthāya samuttejesi.
243-4. д̇ад̇т̇а гийва жиранд̇и гид̇д̇агам̣ ад̣̇д̇хаанам̣. ид̇хаад̇и имасмим̣ д̣̇звалогз, ид̇ха ваа вимаанасмим̣. ааяу нод̇и ааяу, нод̇и нибаад̇амад̇д̇ам̣. ааяуно ваа жираажирабхаавам̣, ат̇а ваа яад̣̇и ж̇аанааси ааяунод̇и ад̇т̇о. махаамунийд̇и т̇зрам̣ аалабад̇и.
243-4. Tattha kīva ciranti kittakaṃ addhānaṃ. Idhāti imasmiṃ devaloke, idha vā vimānasmiṃ. Āyu noti āyu, noti nipātamattaṃ. Āyuno vā cirācirabhāvaṃ, atha vā yadi jānāsi āyunoti attho. Mahāmunīti theraṃ ālapati.
245. маа д̇вам̣ убосат̇з бхааяийд̇и бхад̣̇д̣̇з убосат̇з д̇вам̣ маа бхааяи. гасмаа? яасмаа самб̣уд̣̇д̇хзнааси б̣яаагад̇аа. гинд̇и? сод̇аабаннаа висзсаяийд̇и. маг̇г̇апаласан̃н̃ид̇ам̣ висзсам̣ яаад̇аа ад̇хиг̇ад̇аа, д̇асмаа бахийнаа д̇ава саб̣б̣ааби д̣̇уг̇г̇ад̇ийд̇и имамби висзсам̣ яаад̇аад̇и висзсаяи. сзсам̣ вуд̇д̇анаяамзва.
245.Mā tvaṃ uposathe bhāyīti bhadde uposathe tvaṃ mā bhāyi. Kasmā? Yasmā sambuddhenāsi byākatā. Kinti? Sotāpannā visesayīti. Maggaphalasaññitaṃ visesaṃ yātā adhigatā, tasmā pahīnā tava sabbāpi duggatīti imampi visesaṃ yātāti visesayi. Sesaṃ vuttanayameva.
убосат̇аавимаанаван̣н̣анаа нидтид̇аа.
Uposathāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 7. убосат̇аавимаанавад̇т̇у • 7. Uposathāvimānavatthu
