| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၉. ဥပ္ပာဒသုတ္တံ
9. Uppādasuttaṃ
၃၀. သာဝတ္ထိနိဒာနံ။ ‘‘ယော, ဘိက္ခဝေ, ရူပသ္သ ဥပ္ပာဒော ဌိတိ အဘိနိဗ္ဗတ္တိ ပာတုဘာဝော , ဒုက္ခသ္သေသော ဥပ္ပာဒော ရောဂာနံ ဌိတိ ဇရာမရဏသ္သ ပာတုဘာဝော။ ယော ဝေဒနာယ။ပေ.။ ယော သညာယ။ပေ.။ ယော သင္ခာရာနံ။ပေ.။ ယော ဝိညာဏသ္သ ဥပ္ပာဒော ဌိတိ အဘိနိဗ္ဗတ္တိ ပာတုဘာဝော, ဒုက္ခသ္သေသော ဥပ္ပာဒော ရောဂာနံ ဌိတိ ဇရာမရဏသ္သ ပာတုဘာဝော။ ယော စ ခော, ဘိက္ခဝေ, ရူပသ္သ နိရောဓော ဝူပသမော အတ္ထင္ဂမော, ဒုက္ခသ္သေသော နိရောဓော ရောဂာနံ ဝူပသမော ဇရာမရဏသ္သ အတ္ထင္ဂမော။ ယော ဝေဒနာယ ။ပေ.။ ယော သညာယ။ ယော သင္ခာရာနံ။ ယော ဝိညာဏသ္သ နိရောဓော ဝူပသမော အတ္ထင္ဂမော, ဒုက္ခသ္သေသော နိရောဓော ရောဂာနံ ဝူပသမော ဇရာမရဏသ္သ အတ္ထင္ဂမော’’တိ။ နဝမံ။
30. Sāvatthinidānaṃ. ‘‘Yo, bhikkhave, rūpassa uppādo ṭhiti abhinibbatti pātubhāvo , dukkhasseso uppādo rogānaṃ ṭhiti jarāmaraṇassa pātubhāvo. Yo vedanāya…pe… yo saññāya…pe… yo saṅkhārānaṃ…pe… yo viññāṇassa uppādo ṭhiti abhinibbatti pātubhāvo, dukkhasseso uppādo rogānaṃ ṭhiti jarāmaraṇassa pātubhāvo. Yo ca kho, bhikkhave, rūpassa nirodho vūpasamo atthaṅgamo, dukkhasseso nirodho rogānaṃ vūpasamo jarāmaraṇassa atthaṅgamo. Yo vedanāya …pe… yo saññāya… yo saṅkhārānaṃ… yo viññāṇassa nirodho vūpasamo atthaṅgamo, dukkhasseso nirodho rogānaṃ vūpasamo jarāmaraṇassa atthaṅgamo’’ti. Navamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄-၉. ဆန္ဒရာဂသုတ္တာဒိဝဏ္ဏနာ • 4-9. Chandarāgasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄-၉. ဆန္ဒရာဂသုတ္တာဒိဝဏ္ဏနာ • 4-9. Chandarāgasuttādivaṇṇanā
