| Library / Tipiṭaka / ਤਿਪਿਟਕ • Tipiṭaka / ਉਦਾਨ-ਅਟ੍ਠਕਥਾ • Udāna-aṭṭhakathā |
੧੦. ਉਪ੍ਪਜ੍ਜਨ੍ਤਿਸੁਤ੍ਤવਣ੍ਣਨਾ
10. Uppajjantisuttavaṇṇanā
੬੦. ਦਸਮੇ ਯਾવਕੀવਨ੍ਤਿ ਯਤ੍ਤਕਂ ਕਾਲਂ। ਯਤੋਤਿ ਯਦਾ, ਯਤੋ ਪਟ੍ਠਾਯ, ਯਸ੍ਮਿਂ ਕਾਲੇਤਿ વਾ ਅਤ੍ਥੋ। ਏવਮੇਤਂ, ਆਨਨ੍ਦਾਤਿ, ਆਨਨ੍ਦ, ਤਥਾਗਤੇ ਉਪ੍ਪਨ੍ਨੇ ਤਥਾਗਤਸ੍ਸ ਤਥਾਗਤਸਾવਕਾਨਂਯੇવ ਚ ਲਾਭਸਕ੍ਕਾਰੋ ਅਭਿવਡ੍ਢਤਿ, ਤਿਤ੍ਥਿਯਾ ਪਨ ਨਿਤ੍ਤੇਜਾ વਿਹਤਪ੍ਪਭਾ ਪਹੀਨਲਾਭਸਕ੍ਕਾਰਾ ਹੋਨ੍ਤੀਤਿ ਯਂ ਤਯਾ વੁਤ੍ਤਂ, ਏਤਂ ਏવਂ, ਨ ਏਤਸ੍ਸ ਅਞ੍ਞਥਾਭਾવੋ। ਚਕ੍ਕવਤ੍ਤਿਨੋ ਹਿ ਚਕ੍ਕਰਤਨਸ੍ਸ ਪਾਤੁਭਾવੇਨ ਲੋਕੋ ਚਕ੍ਕਰਤਨਂ ਮੁਞ੍ਚਿਤ੍વਾ ਅਞ੍ਞਤ੍ਥ ਪੂਜਾਸਕ੍ਕਾਰਸਮ੍ਮਾਨਂ ਨ ਪવਤ੍ਤੇਤਿ, ਚਕ੍ਕਰਤਨਮੇવ ਪਨ ਸਬ੍ਬੋ ਲੋਕੋ ਸਬ੍ਬਭਾવੇਹਿ ਸਕ੍ਕਰੋਤਿ ਗਰੁਂ ਕਰੋਤਿ ਮਾਨੇਤਿ ਪੂਜੇਤਿ। ਇਤਿ વਟ੍ਟਾਨੁਸਾਰਿਪੁਞ੍ਞਮਤ੍ਤਨਿਸ੍ਸਨ੍ਦਸ੍ਸਪਿ ਤਾવ ਮਹਨ੍ਤੋ ਆਨੁਭਾવੋ, ਕਿਮਙ੍ਗਂ ਪਨ વਿવਟ੍ਟਾਨੁਸਾਰਿਪੁਞ੍ਞਫਲੂਪਤ੍ਥਮ੍ਭਸ੍ਸ ਅਨਨ੍ਤਾਪਰਿਮੇਯ੍ਯਗੁਣਗਣਾਧਾਰਸ੍ਸ ਬੁਦ੍ਧਰਤਨਸ੍ਸ ਧਮ੍ਮਰਤਨਸ੍ਸ ਸਙ੍ਘਰਤਨਸ੍ਸ ਚਾਤਿ ਦਸ੍ਸੇਤਿ।
60. Dasame yāvakīvanti yattakaṃ kālaṃ. Yatoti yadā, yato paṭṭhāya, yasmiṃ kāleti vā attho. Evametaṃ, ānandāti, ānanda, tathāgate uppanne tathāgatassa tathāgatasāvakānaṃyeva ca lābhasakkāro abhivaḍḍhati, titthiyā pana nittejā vihatappabhā pahīnalābhasakkārā hontīti yaṃ tayā vuttaṃ, etaṃ evaṃ, na etassa aññathābhāvo. Cakkavattino hi cakkaratanassa pātubhāvena loko cakkaratanaṃ muñcitvā aññattha pūjāsakkārasammānaṃ na pavatteti, cakkaratanameva pana sabbo loko sabbabhāvehi sakkaroti garuṃ karoti māneti pūjeti. Iti vaṭṭānusāripuññamattanissandassapi tāva mahanto ānubhāvo, kimaṅgaṃ pana vivaṭṭānusāripuññaphalūpatthambhassa anantāparimeyyaguṇagaṇādhārassa buddharatanassa dhammaratanassa saṅgharatanassa cāti dasseti.
ਭਗવਾ ਹਿ ਸਮ੍ਮਾਸਮ੍ਬੋਧਿਂ ਪਤ੍વਾ ਪવਤ੍ਤવਰਧਮ੍ਮਚਕ੍ਕੋ ਅਨੁਕ੍ਕਮੇਨ ਲੋਕੇ ਏਕਸਟ੍ਠਿਯਾ ਅਰਹਨ੍ਤੇਸੁ ਜਾਤੇਸੁ ਸਟ੍ਠਿ ਅਰਹਨ੍ਤੇ ਜਨਪਦਚਾਰਿਕਾਯ વਿਸ੍ਸਜ੍ਜੇਤ੍વਾ ਉਰੁવੇਲਂ ਪਤ੍વਾ ਉਰੁવੇਲਕਸ੍ਸਪਪ੍ਪਮੁਖੇ ਸਹਸ੍ਸਜਟਿਲੇ ਅਰਹਤ੍ਤੇ ਪਤਿਟ੍ਠਾਪੇਤ੍વਾ ਤੇਹਿ ਪਰਿવੁਤੋ ਲਟ੍ਠਿવਨੁਯ੍ਯਾਨੇ ਨਿਸੀਦਿਤ੍વਾ ਬਿਮ੍ਬਿਸਾਰਪ੍ਪਮੁਖਾਨਂ ਅਙ੍ਗਮਗਧવਾਸੀਨਂ ਦ੍વਾਦਸ ਨਹੁਤਾਨਿ ਸਾਸਨੇ ਓਤਾਰੇਤ੍વਾ ਯਦਾ ਰਾਜਗਹੇ વਿਹਾਸਿ, ਤਤੋ ਪਟ੍ਠਾਯ ਭਗવਤੋ ਭਿਕ੍ਖੁਸਙ੍ਘਸ੍ਸ ਚ ਯਥਾ ਯਥਾ ਉਪਰੂਪਰਿ ਉਲ਼ਾਰਲਾਭਸਕ੍ਕਾਰੋ ਅਭਿવਡ੍ਢਤਿ, ਤਥਾ ਤਥਾ ਸਬ੍ਬਤਿਤ੍ਥਿਯਾਨਂ ਲਾਭਸਕ੍ਕਾਰੋ ਪਰਿਹਾਯਿ ਏવ।
Bhagavā hi sammāsambodhiṃ patvā pavattavaradhammacakko anukkamena loke ekasaṭṭhiyā arahantesu jātesu saṭṭhi arahante janapadacārikāya vissajjetvā uruvelaṃ patvā uruvelakassapappamukhe sahassajaṭile arahatte patiṭṭhāpetvā tehi parivuto laṭṭhivanuyyāne nisīditvā bimbisārappamukhānaṃ aṅgamagadhavāsīnaṃ dvādasa nahutāni sāsane otāretvā yadā rājagahe vihāsi, tato paṭṭhāya bhagavato bhikkhusaṅghassa ca yathā yathā uparūpari uḷāralābhasakkāro abhivaḍḍhati, tathā tathā sabbatitthiyānaṃ lābhasakkāro parihāyi eva.
ਅਥੇਕਦਿવਸਂ ਆਯਸ੍ਮਾ ਆਨਨ੍ਦੋ ਦਿવਾਟ੍ਠਾਨੇ ਨਿਸਿਨ੍ਨੋ ਭਗવਤੋ ਚ ਅਰਿਯਸਙ੍ਘਸ੍ਸ ਚ ਸਮ੍ਮਾਪਟਿਪਤ੍ਤਿਂ ਪਚ੍ਚવੇਕ੍ਖਿਤ੍વਾ ਪੀਤਿਸੋਮਨਸ੍ਸਜਾਤੋ ‘‘ਕਥਂ ਨੁ ਖੋ ਤਿਤ੍ਥਿਯਾਨ’’ਨ੍ਤਿ ਤੇਸਂ ਪਟਿਪਤ੍ਤਿਂ ਆવਜ੍ਜੇਸਿ। ਅਥਸ੍ਸ ਨੇਸਂ ਸਬ੍ਬਥਾਪਿ ਦੁਪ੍ਪਟਿਪਤ੍ਤਿਯੇવ ਉਪਟ੍ਠਾਸਿ। ਸੋ ‘‘ਏવਂਮਹਾਨੁਭਾવੇ ਨਾਮ ਪੁਞ੍ਞੂਪਨਿਸ੍ਸਯਸ੍ਸ ਧਮ੍ਮਾਨੁਧਮ੍ਮਪ੍ਪਟਿਪਤ੍ਤਿਯਾ ਚ ਉਕ੍ਕਂਸਪਾਰਮਿਪ੍ਪਤ੍ਤੇ ਭਗવਤਿ, ਅਰਿਯਸਙ੍ਘੇ ਚ ਧਰਨ੍ਤੇ ਕਥਂ ਇਮੇ ਅਞ੍ਞਤਿਤ੍ਥਿਯਾ ਏવਂ ਦੁਪ੍ਪਟਿਪਨ੍ਨਾ ਅਕਤਪੁਞ੍ਞਾ વਰਾਕਾ ਲਾਭਿਨੋ ਸਕ੍ਕਤਾ ਭવਿਸ੍ਸਨ੍ਤੀ’’ਤਿ ਤਿਤ੍ਥਿਯਾਨਂ ਲਾਭਸਕ੍ਕਾਰਹਾਨਿਂ ਨਿਸ੍ਸਾਯ ਕਾਰੁਞ੍ਞਂ ਉਪ੍ਪਾਦੇਤ੍વਾ ਅਥ ਅਤ੍ਤਨੋ ਪਰਿવਿਤਕ੍ਕਂ ‘‘ਯਾવਕੀવਞ੍ਚ, ਭਨ੍ਤੇ’’ਤਿਆਦਿਨਾ ਭਗવਤੋ ਆਰੋਚੇਸਿ। ਭਗવਾ ਚ ਤਂ, ‘‘ਆਨਨ੍ਦ, ਤਯਾ ਮਿਚ੍ਛਾ ਪਰਿવਿਤਕ੍ਕਿਤ’’ਨ੍ਤਿ ਅવਤ੍વਾ ਸੁવਣ੍ਣਾਲਿਙ੍ਗਸਦਿਸਂ ਗੀવਂ ਉਨ੍ਨਾਮੇਤ੍વਾ ਸੁਪੁਪ੍ਫਿਤਸਤਪਤ੍ਤਸਸ੍ਸਿਰਿਕਂ ਮਹਾਮੁਖਂ ਅਭਿਪ੍ਪਸਨ੍ਨਤਰਂ ਕਤ੍વਾ ‘‘ਏવਮੇਤਂ, ਆਨਨ੍ਦਾ’’ਤਿ ਸਮ੍ਪਹਂਸਿਤ੍વਾ ‘‘ਯਾવਕੀવਞ੍ਚਾ’’ਤਿਆਦਿਨਾ ਤਸ੍ਸ વਚਨਂ ਪਚ੍ਚਨੁਮੋਦਿ। ਤੇਨ વੁਤ੍ਤਂ – ‘‘ਅਥ ਖੋ ਆਯਸ੍ਮਾ ਆਨਨ੍ਦੋ…ਪੇ॰… ਭਿਕ੍ਖੁਸਙ੍ਘੋ ਚਾ’’ਤਿ। ਅਥ ਭਗવਾ ਤਸ੍ਸਂ ਅਟ੍ਠੁਪ੍ਪਤ੍ਤਿਯਂ ਅਤੀਤੇਪਿ ਮਯਿ ਅਨੁਪ੍ਪਨ੍ਨੇ ਏਕਚ੍ਚੇ ਨੀਚਜਨਾ ਸਮ੍ਮਾਨਂ ਲਭਿਤ੍વਾ ਮਮ ਉਪ੍ਪਾਦਤੋ ਪਟ੍ਠਾਯ ਹਤਲਾਭਸਕ੍ਕਾਰਾ ਅਹੇਸੁਨ੍ਤਿ ਬਾવੇਰੁਜਾਤਕਂ (ਜਾ॰ ੧.੪.੧੫੩ ਆਦਯੋ) ਕਥੇਸਿ।
Athekadivasaṃ āyasmā ānando divāṭṭhāne nisinno bhagavato ca ariyasaṅghassa ca sammāpaṭipattiṃ paccavekkhitvā pītisomanassajāto ‘‘kathaṃ nu kho titthiyāna’’nti tesaṃ paṭipattiṃ āvajjesi. Athassa nesaṃ sabbathāpi duppaṭipattiyeva upaṭṭhāsi. So ‘‘evaṃmahānubhāve nāma puññūpanissayassa dhammānudhammappaṭipattiyā ca ukkaṃsapāramippatte bhagavati, ariyasaṅghe ca dharante kathaṃ ime aññatitthiyā evaṃ duppaṭipannā akatapuññā varākā lābhino sakkatā bhavissantī’’ti titthiyānaṃ lābhasakkārahāniṃ nissāya kāruññaṃ uppādetvā atha attano parivitakkaṃ ‘‘yāvakīvañca, bhante’’tiādinā bhagavato ārocesi. Bhagavā ca taṃ, ‘‘ānanda, tayā micchā parivitakkita’’nti avatvā suvaṇṇāliṅgasadisaṃ gīvaṃ unnāmetvā supupphitasatapattasassirikaṃ mahāmukhaṃ abhippasannataraṃ katvā ‘‘evametaṃ, ānandā’’ti sampahaṃsitvā ‘‘yāvakīvañcā’’tiādinā tassa vacanaṃ paccanumodi. Tena vuttaṃ – ‘‘atha kho āyasmā ānando…pe… bhikkhusaṅgho cā’’ti. Atha bhagavā tassaṃ aṭṭhuppattiyaṃ atītepi mayi anuppanne ekacce nīcajanā sammānaṃ labhitvā mama uppādato paṭṭhāya hatalābhasakkārā ahesunti bāverujātakaṃ (jā. 1.4.153 ādayo) kathesi.
ਏਤਮਤ੍ਥਂ વਿਦਿਤ੍વਾਤਿ ਦਿਟ੍ਠਿਗਤਿਕਾਨਂ ਤਾવ ਸਕ੍ਕਾਰਸਮ੍ਮਾਨੋ ਯਾવ ਨ ਸਮ੍ਮਾਸਮ੍ਬੁਦ੍ਧਾ ਲੋਕੇ ਉਪ੍ਪਜ੍ਜਨ੍ਤਿ, ਤੇਸਂ ਪਨ ਉਪ੍ਪਾਦਤੋ ਪਟ੍ਠਾਯ ਤੇ ਹਤਲਾਭਸਕ੍ਕਾਰਾ ਨਿਪ੍ਪਭਾ ਨਿਤ੍ਤੇਜਾવ ਹੋਨ੍ਤਿ, ਦੁਪ੍ਪਟਿਪਤ੍ਤਿਯਾ ਦੁਕ੍ਖਤੋ ਚ ਨ ਮੁਚ੍ਚਨ੍ਤੀਤਿ ਏਤਮਤ੍ਥਂ ਸਬ੍ਬਾਕਾਰਤੋ વਿਦਿਤ੍વਾ ਤਦਤ੍ਥਦੀਪਨਂ ਇਮਂ ਉਦਾਨਂ ਉਦਾਨੇਸਿ।
Etamatthaṃviditvāti diṭṭhigatikānaṃ tāva sakkārasammāno yāva na sammāsambuddhā loke uppajjanti, tesaṃ pana uppādato paṭṭhāya te hatalābhasakkārā nippabhā nittejāva honti, duppaṭipattiyā dukkhato ca na muccantīti etamatthaṃ sabbākārato viditvā tadatthadīpanaṃ imaṃ udānaṃ udānesi.
ਤਤ੍ਥ ਓਭਾਸਤਿ ਤਾવ ਸੋ ਕਿਮੀਤਿ ਸੋ ਖਜ੍ਜੂਪਨਕਕਿਮਿ ਤਾવਦੇવ ਓਭਾਸਤਿ ਜੋਤਤਿ ਦਿਬ੍ਬਤਿ। ਯਾવ ਨ ਉਨ੍ਨਮਤੇ ਪਭਙ੍ਕਰੋਤਿ ਤੀਸੁਪਿ ਮਹਾਦੀਪੇਸੁ ਏਕਕ੍ਖਣੇ ਆਲੋਕਕਰਣੇਨ ‘‘ਪਭਙ੍ਕਰੋ’’ਤਿ ਲਦ੍ਧਨਾਮੋ ਸੂਰਿਯੋ ਯਾવ ਨ ਉਗ੍ਗਮਤਿ ਨ ਉਦੇਤਿ। ਅਨੁਗ੍ਗਤੇ ਹਿ ਸੂਰਿਯੇ ਲਦ੍ਧੋਕਾਸਾ ਖਜ੍ਜੂਪਨਕਾ વਿਪਰਿવਤ੍ਤਮਾਨਾਪਿ ਕਣ੍ਟਕਫਲਸਦਿਸਾ ਤਮਸਿ વਿਜ੍ਜੋਤਨ੍ਤਿ। ਸ વੇਰੋਚਨਮ੍ਹਿ ਉਗ੍ਗਤੇ, ਹਤਪ੍ਪਭੋ ਹੋਤਿ ਨ ਚਾਪਿ ਭਾਸਤੀਤਿ ਸਮਨ੍ਤਤੋ ਅਨ੍ਧਕਾਰਂ વਿਧਮਿਤ੍વਾ ਕਿਰਣਸਹਸ੍ਸੇਨ વਿਰੋਚਨਸਭਾવਤਾਯ વੇਰੋਚਨਨਾਮਕੇ ਆਦਿਚ੍ਚੇ ਉਟ੍ਠਿਤੇ ਸੋ ਖਜ੍ਜੂਪਨਕੋ ਹਤਪ੍ਪਭੋ ਨਿਤ੍ਤੇਜੋ ਕਾਲ਼ਕੋ ਹੋਤਿ, ਰਤ੍ਤਨ੍ਧਕਾਰੇ વਿਯ ਨ ਭਾਸਤਿ ਨ ਦਿਬ੍ਬਤਿ।
Tattha obhāsati tāva so kimīti so khajjūpanakakimi tāvadeva obhāsati jotati dibbati. Yāva na unnamate pabhaṅkaroti tīsupi mahādīpesu ekakkhaṇe ālokakaraṇena ‘‘pabhaṅkaro’’ti laddhanāmo sūriyo yāva na uggamati na udeti. Anuggate hi sūriye laddhokāsā khajjūpanakā viparivattamānāpi kaṇṭakaphalasadisā tamasi vijjotanti. Sa verocanamhi uggate, hatappabho hoti na cāpi bhāsatīti samantato andhakāraṃ vidhamitvā kiraṇasahassena virocanasabhāvatāya verocananāmake ādicce uṭṭhite so khajjūpanako hatappabho nittejo kāḷako hoti, rattandhakāre viya na bhāsati na dibbati.
ਏવਂ ਓਭਾਸਿਤਮੇવ ਤਕ੍ਕਿਕਾਨਨ੍ਤਿ ਯਥਾ ਤੇਨ ਖਜ੍ਜੂਪਨਕੇਨ ਸੂਰਿਯੁਗ੍ਗਮਨਤੋ ਪੁਰੇਯੇવ ਓਭਾਸਿਤਂ ਹੋਤਿ, ਏવਂ ਤਕ੍ਕੇਤ੍વਾ વਿਤਕ੍ਕੇਤ੍વਾ ਪਰਿਕਪ੍ਪਨਮਤ੍ਤੇਨ ਦਿਟ੍ਠੀਨਂ ਗਹਣਤੋ ‘‘ਤਕ੍ਕਿਕਾ’’ਤਿ ਲਦ੍ਧਨਾਮੇਹਿ ਤਿਤ੍ਥਿਯੇਹਿ ਓਭਾਸਿਤਂ ਅਤ੍ਤਨੋ ਸਮਯਤੇਜੇਨ ਦੀਪੇਤ੍વਾ ਅਧਿਟ੍ਠਿਤਂ ਤਾવ, ਯਾવ ਸਮ੍ਮਾਸਮ੍ਬੁਦ੍ਧਾ ਲੋਕੇ ਨੁਪ੍ਪਜ੍ਜਨ੍ਤਿ। ਨ ਤਕ੍ਕਿਕਾ ਸੁਜ੍ਝਨ੍ਤਿ ਨ ਚਾਪਿ ਸਾવਕਾਤਿ ਯਦਾ ਪਨ ਸਮ੍ਮਾਸਮ੍ਬੁਦ੍ਧਾ ਲੋਕੇ ਉਪ੍ਪਜ੍ਜਨ੍ਤਿ, ਤਦਾ ਦਿਟ੍ਠਿਗਤਿਕਾ ਨ ਸੁਜ੍ਝਨ੍ਤਿ ਨ ਸੋਭਨ੍ਤਿ, ਨ ਚਾਪਿ ਤੇਸਂ ਸਾવਕਾ ਸੋਭਨ੍ਤਿ, ਅਞ੍ਞਦਤ੍ਥੁ વਿਹਤਸੋਭਾ ਰਤ੍ਤਿਖਿਤ੍ਤਾ વਿਯ ਸਰਾ ਨ ਪਞ੍ਞਾਯਨ੍ਤੇવ। ਅਥ વਾ ਯਾવ ਸਮ੍ਮਾਸਮ੍ਬੁਦ੍ਧਾ ਲੋਕੇ ਨੁਪ੍ਪਜ੍ਜਨ੍ਤਿ, ਤਾવਦੇવ ਤਕ੍ਕਿਕਾਨਂ ਓਭਾਸਿਤਂ ਅਤ੍ਤਨੋ ਸਮਯੇਨ ਜੋਤਨਂ ਬਾਲਲਾਪਨਂ, ਨ ਤਤੋ ਪਰਂ। ਕਸ੍ਮਾ? ਯਸ੍ਮਾ ਨ ਤਕ੍ਕਿਕਾ ਸੁਜ੍ਝਨ੍ਤਿ, ਨ ਚਾਪਿ ਸਾવਕਾ। ਤੇ ਹਿ ਦੁਰਕ੍ਖਾਤਧਮ੍ਮવਿਨਯਾ ਸਮ੍ਮਾਪਟਿਪਤ੍ਤਿਰਹਿਤਾ ਨ ਸਂਸਾਰਤੋ ਸੁਜ੍ਝਨ੍ਤਿ ਅਨਿਯ੍ਯਾਨਿਕਸਾਸਨਤ੍ਤਾ। ਤੇਨਾਹ ‘‘ਦੁਦ੍ਦਿਟ੍ਠੀ ਨ ਦੁਕ੍ਖਾ ਪਮੁਚ੍ਚਰੇ’’ਤਿ। ਤਕ੍ਕਿਕਾ ਹਿ ਅਯਾਥਾવਲਦ੍ਧਿਕਤਾਯ ਦੁਦ੍ਦਿਟ੍ਠਿਨੋ ਮਿਚ੍ਛਾਭਿਨਿવਿਟ੍ਠਦਿਟ੍ਠਿਕਾ વਿਪਰੀਤਦਸ੍ਸਨਾ ਤਂ ਦਿਟ੍ਠਿਂ ਅਨਿਸ੍ਸਜ੍ਜਿਤ੍વਾ ਸਂਸਾਰਦੁਕ੍ਖਤੋ ਨ ਕਦਾਚਿਪਿ ਮੁਚ੍ਚਨ੍ਤੀਤਿ।
Evaṃ obhāsitameva takkikānanti yathā tena khajjūpanakena sūriyuggamanato pureyeva obhāsitaṃ hoti, evaṃ takketvā vitakketvā parikappanamattena diṭṭhīnaṃ gahaṇato ‘‘takkikā’’ti laddhanāmehi titthiyehi obhāsitaṃ attano samayatejena dīpetvā adhiṭṭhitaṃ tāva, yāva sammāsambuddhā loke nuppajjanti. Na takkikā sujjhanti na cāpi sāvakāti yadā pana sammāsambuddhā loke uppajjanti, tadā diṭṭhigatikā na sujjhanti na sobhanti, na cāpi tesaṃ sāvakā sobhanti, aññadatthu vihatasobhā rattikhittā viya sarā na paññāyanteva. Atha vā yāva sammāsambuddhā loke nuppajjanti, tāvadeva takkikānaṃ obhāsitaṃ attano samayena jotanaṃ bālalāpanaṃ, na tato paraṃ. Kasmā? Yasmā na takkikā sujjhanti, na cāpi sāvakā. Te hi durakkhātadhammavinayā sammāpaṭipattirahitā na saṃsārato sujjhanti aniyyānikasāsanattā. Tenāha ‘‘duddiṭṭhī na dukkhā pamuccare’’ti. Takkikā hi ayāthāvaladdhikatāya duddiṭṭhino micchābhiniviṭṭhadiṭṭhikā viparītadassanā taṃ diṭṭhiṃ anissajjitvā saṃsāradukkhato na kadācipi muccantīti.
ਦਸਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dasamasuttavaṇṇanā niṭṭhitā.
ਨਿਟ੍ਠਿਤਾ ਚ ਜਚ੍ਚਨ੍ਧવਗ੍ਗવਣ੍ਣਨਾ।
Niṭṭhitā ca jaccandhavaggavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਉਦਾਨਪਾਲ਼ਿ • Udānapāḷi / ੧੦. ਉਪ੍ਪਜ੍ਜਨ੍ਤਿਸੁਤ੍ਤਂ • 10. Uppajjantisuttaṃ
