| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૯. ઉપ્પજ્જતિજાનનપઞ્હો
9. Uppajjatijānanapañho
૯. રાજા આહ ‘‘ભન્તે નાગસેન, યો ઉપ્પજ્જતિ, જાનાતિ સો ‘ઉપ્પજ્જિસ્સામી’’’તિ? ‘‘આમ, મહારાજ, યો ઉપ્પજ્જતિ જાનાતિ સો ‘ઉપ્પજ્જિસ્સામી’’’તિ. ‘‘ઓપમ્મં કરોહી’’તિ. ‘‘યથા, મહારાજ, કસ્સકો ગહપતિકો બીજાનિ પથવિયં નિક્ખિપિત્વા સમ્મા દેવે વસ્સન્તે જાનાતિ ‘ધઞ્ઞં નિબ્બત્તિસ્સતી’’’તિ? ‘‘આમ, ભન્તે, જાનેય્યા’’તિ. ‘‘એવમેવ ખો, મહારાજ, યો ઉપ્પજ્જતિ, જાનાતિ સો ‘ઉપ્પજ્જિસ્સામી’’’તિ.
9. Rājā āha ‘‘bhante nāgasena, yo uppajjati, jānāti so ‘uppajjissāmī’’’ti? ‘‘Āma, mahārāja, yo uppajjati jānāti so ‘uppajjissāmī’’’ti. ‘‘Opammaṃ karohī’’ti. ‘‘Yathā, mahārāja, kassako gahapatiko bījāni pathaviyaṃ nikkhipitvā sammā deve vassante jānāti ‘dhaññaṃ nibbattissatī’’’ti? ‘‘Āma, bhante, jāneyyā’’ti. ‘‘Evameva kho, mahārāja, yo uppajjati, jānāti so ‘uppajjissāmī’’’ti.
‘‘કલ્લોસિ, ભન્તે નાગસેના’’તિ.
‘‘Kallosi, bhante nāgasenā’’ti.
ઉપ્પજ્જતિજાનનપઞ્હો નવમો.
Uppajjatijānanapañho navamo.
