| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੩. ਉਪ੍ਪਲਹਤ੍ਥਿਯਤ੍ਥੇਰਅਪਦਾਨવਣ੍ਣਨਾ
3. Uppalahatthiyattheraapadānavaṇṇanā
ਤਿવਰਾਯਂ ਨਿવਾਸੀਹਨ੍ਤਿਆਦਿਕਂ ਆਯਸ੍ਮਤੋ ਉਪ੍ਪਲਹਤ੍ਥਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਜਿਨવਰੇਸੁ ਕਤਕੁਸਲੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋ ਕਾਲੇ ਮਾਲਾਕਾਰਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਮਾਲਾਕਾਰਕਮ੍ਮੇਨ ਅਨੇਕਾਨਿ ਪੁਪ੍ਫਾਨਿ વਿਕ੍ਕਿਣਨ੍ਤੋ ਜੀવਤਿ। ਅਥੇਕਦਿવਸਂ ਪੁਪ੍ਫਾਨਿ ਗਹੇਤ੍વਾ ਚਰਨ੍ਤੋ ਭਗવਨ੍ਤਂ ਰਤਨਗ੍ਘਿਕਮਿવ ਚਰਮਾਨਂ ਦਿਸ੍વਾ ਰਤ੍ਤੁਪ੍ਪਲਕਲਾਪੇਨ ਪੂਜੇਸਿ। ਸੋ ਤਤੋ ਚੁਤੋ ਤੇਨੇવ ਪੁਞ੍ਞੇਨ ਸੁਗਤੀਸੁ ਪੁਞ੍ਞਮਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਦ੍ਧਾਜਾਤੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Tivarāyaṃ nivāsīhantiādikaṃ āyasmato uppalahatthakattherassa apadānaṃ. Ayampi purimajinavaresu katakusalo tattha tattha bhave vivaṭṭūpanissayāni puññāni upacinanto siddhatthassa bhagavato kāle mālākārakule nibbatto vuddhimanvāya mālākārakammena anekāni pupphāni vikkiṇanto jīvati. Athekadivasaṃ pupphāni gahetvā caranto bhagavantaṃ ratanagghikamiva caramānaṃ disvā rattuppalakalāpena pūjesi. So tato cuto teneva puññena sugatīsu puññamanubhavitvā imasmiṃ buddhuppāde kulagehe nibbatto vuddhimanvāya saddhājāto pabbajitvā nacirasseva arahā ahosi.
੧੩. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਤਿવਰਾਯਂ ਨਿવਾਸੀਹਨ੍ਤਿਆਦਿਮਾਹ। ਤਤ੍ਥ ਤਿવਰਾਤਿ ਤੀਹਿ વਾਰੇਹਿ ਕਾਰਿਤਂ ਸਞ੍ਚਰਿਤਂ ਪਟਿਚ੍ਛਨ੍ਨਂ ਨਗਰਂ, ਤਸ੍ਸਂ ਤਿવਰਾਯਂ ਨਿવਾਸੀ, વਸਨਸੀਲੋ ਨਿવਾਸਨਟ੍ਠਾਨਗੇਹੇ વਾ વਸਨ੍ਤੋ ਅਹਨ੍ਤਿ ਅਤ੍ਥੋ। ਅਹੋਸਿਂ ਮਾਲਿਕੋ ਤਦਾਤਿ ਤਦਾ ਨਿਬ੍ਬਾਨਤ੍ਥਾਯ ਪੁਞ੍ਞਸਮ੍ਭਾਰਕਰਣਸਮਯੇ ਮਾਲਿਕੋ ਮਾਲਾਕਾਰੋવ ਪੁਪ੍ਫਾਨਿ ਕਯવਿਕ੍ਕਯਂ ਕਤ੍વਾ ਜੀવਨ੍ਤੋ ਅਹੋਸਿਨ੍ਤਿ ਅਤ੍ਥੋ।
13. So aparabhāge attano pubbakammaṃ saritvā somanassajāto pubbacaritāpadānaṃ pakāsento tivarāyaṃ nivāsīhantiādimāha. Tattha tivarāti tīhi vārehi kāritaṃ sañcaritaṃ paṭicchannaṃ nagaraṃ, tassaṃ tivarāyaṃ nivāsī, vasanasīlo nivāsanaṭṭhānagehe vā vasanto ahanti attho. Ahosiṃ māliko tadāti tadā nibbānatthāya puññasambhārakaraṇasamaye māliko mālākārova pupphāni kayavikkayaṃ katvā jīvanto ahosinti attho.
੧੪. ਪੁਪ੍ਫਹਤ੍ਥਮਦਾਸਹਨ੍ਤਿ ਸਿਦ੍ਧਤ੍ਥਂ ਭਗવਨ੍ਤਂ ਦਿਸ੍વਾ ਉਪ੍ਪਲਕਲਾਪਂ ਅਦਾਸਿਂ ਪੂਜੇਸਿਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
14.Pupphahatthamadāsahanti siddhatthaṃ bhagavantaṃ disvā uppalakalāpaṃ adāsiṃ pūjesinti attho. Sesaṃ sabbattha uttānatthamevāti.
ਉਪ੍ਪਲਹਤ੍ਥਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Uppalahatthakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੩. ਉਪ੍ਪਲਹਤ੍ਥਿਯਤ੍ਥੇਰਅਪਦਾਨਂ • 3. Uppalahatthiyattheraapadānaṃ
