| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. уббалаван̣н̣аасуд̇д̇ам̣
5. Uppalavaṇṇāsuttaṃ
166. саавад̇т̇инид̣̇аанам̣. ат̇а ко уббалаван̣н̣аа бхигкуний буб̣б̣ан̣хасамаяам̣ ниваасзд̇ваа…бз… ан̃н̃ад̇арасмим̣ субубпид̇асааларугкамуулз адтааси. ат̇а ко мааро баабимаа уббалаван̣н̣ааяа бхигкунияаа бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇угаамо самаад̇химхаа жаавзд̇угаамо язна уббалаван̣н̣аа бхигкуний д̇знубасан̇гами; убасан̇гамид̇ваа уббалаван̣н̣ам̣ бхигкуним̣ г̇аат̇ааяа аж̇жхабхааси –
166. Sāvatthinidānaṃ. Atha kho uppalavaṇṇā bhikkhunī pubbaṇhasamayaṃ nivāsetvā…pe… aññatarasmiṃ supupphitasālarukkhamūle aṭṭhāsi. Atha kho māro pāpimā uppalavaṇṇāya bhikkhuniyā bhayaṃ chambhitattaṃ lomahaṃsaṃ uppādetukāmo samādhimhā cāvetukāmo yena uppalavaṇṇā bhikkhunī tenupasaṅkami; upasaṅkamitvā uppalavaṇṇaṃ bhikkhuniṃ gāthāya ajjhabhāsi –
‘‘субубпид̇аг̇г̇ам̣ убаг̇амма бхигкуни,
‘‘Supupphitaggaṃ upagamma bhikkhuni,
згаа д̇увам̣ д̇идтаси сааламуулз;
Ekā tuvaṃ tiṭṭhasi sālamūle;
на жад̇т̇и д̇з д̣̇уд̇ияаа ван̣н̣ад̇хаад̇у,
Na catthi te dutiyā vaṇṇadhātu,
б̣аалз на д̇вам̣ бхааяаси д̇худ̇д̇агаана’’нд̇и.
Bāle na tvaṃ bhāyasi dhuttakāna’’nti.
ат̇а ко уббалаван̣н̣ааяа бхигкунияаа зд̇ад̣̇ахоси – ‘‘го ну квааяам̣ мануссо ваа амануссо ваа г̇аат̇ам̣ бхаасад̇ий’’д̇и? ат̇а ко уббалаван̣н̣ааяа бхигкунияаа зд̇ад̣̇ахоси – ‘‘мааро ко аяам̣ баабимаа мама бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇угаамо самаад̇химхаа жаавзд̇угаамо г̇аат̇ам̣ бхаасад̇ий’’д̇и. ат̇а ко уббалаван̣н̣аа бхигкуний ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇аахи бажжабхааси –
Atha kho uppalavaṇṇāya bhikkhuniyā etadahosi – ‘‘ko nu khvāyaṃ manusso vā amanusso vā gāthaṃ bhāsatī’’ti? Atha kho uppalavaṇṇāya bhikkhuniyā etadahosi – ‘‘māro kho ayaṃ pāpimā mama bhayaṃ chambhitattaṃ lomahaṃsaṃ uppādetukāmo samādhimhā cāvetukāmo gāthaṃ bhāsatī’’ti. Atha kho uppalavaṇṇā bhikkhunī ‘‘māro ayaṃ pāpimā’’ iti viditvā māraṃ pāpimantaṃ gāthāhi paccabhāsi –
‘‘сад̇ам̣ сахассааниби д̇худ̇д̇агаанам̣,
‘‘Sataṃ sahassānipi dhuttakānaṃ,
ид̇хааг̇ад̇аа д̇аад̣̇исагаа бхавзяяум̣;
Idhāgatā tādisakā bhaveyyuṃ;
ломам̣ на ин̃ж̇аами на санд̇асаами,
Lomaṃ na iñjāmi na santasāmi,
на маара бхааяаами д̇амзгигааби.
Na māra bhāyāmi tamekikāpi.
‘‘зсаа анд̇арад̇хааяаами, гужчим̣ ваа бависаами д̇з;
‘‘Esā antaradhāyāmi, kucchiṃ vā pavisāmi te;
бакуманд̇аригааяамби, д̇идтанд̇им̣ мам̣ на д̣̇агкаси.
Pakhumantarikāyampi, tiṭṭhantiṃ maṃ na dakkhasi.
‘‘жид̇д̇асмим̣ васийбхууд̇аамхи, ид̣̇д̇хибаад̣̇аа субхаавид̇аа;
‘‘Cittasmiṃ vasībhūtāmhi, iddhipādā subhāvitā;
саб̣б̣аб̣анд̇ханамуд̇д̇аамхи, на д̇ам̣ бхааяаами аавусо’’д̇и.
Sabbabandhanamuttāmhi, na taṃ bhāyāmi āvuso’’ti.
ат̇а ко мааро баабимаа ‘‘ж̇аанаад̇и мам̣ уббалаван̣н̣аа бхигкуний’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
Atha kho māro pāpimā ‘‘jānāti maṃ uppalavaṇṇā bhikkhunī’’ti dukkhī dummano tatthevantaradhāyīti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. уббалаван̣н̣аасуд̇д̇аван̣н̣анаа • 5. Uppalavaṇṇāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. уббалаван̣н̣аасуд̇д̇аван̣н̣анаа • 5. Uppalavaṇṇāsuttavaṇṇanā
