| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
2. уббад̇д̇аануббад̇д̇иваараван̣н̣анаа
2. Uppattānuppattivāravaṇṇanā
991. д̣̇уд̇ияаваарз яз д̇хаммаа гаамабхавз гаамад̇хаад̇усамбхууд̇аанан̃жа сад̇д̇аанам̣ уббаж̇ж̇анд̇и – гаамад̇хаад̇уяам̣ барияаабаннаа ваа абарияаабаннаа ваа – д̇з саб̣б̣з сан̇г̇ахзд̇ваа гаамад̇хаад̇уяаа бан̃жагканд̇хаад̇иаад̣̇и вуд̇д̇ам̣. руубад̇хаад̇уаад̣̇ийсуби зсзва наяо. яасмаа бана руубад̇хаад̇убарияаабаннаанам̣ сад̇д̇аанам̣ гхаанааяад̇анаад̣̇ийнам̣ абхаавзна г̇анд̇хааяад̇анаад̣̇ийни ааяад̇анаад̣̇игижжам̣ на гаронд̇и, д̇асмаа руубад̇хаад̇уяаа ча ааяад̇анаани, нава д̇хаад̇уяод̇иаад̣̇и вуд̇д̇ам̣ . яасмаа жа огаасавасзна ваа сад̇д̇уббад̇д̇ивасзна ваа абарияаабаннад̇хаад̇у наама над̇т̇и, д̇асмаа абарияаабаннад̇хаад̇уяаад̇и авад̇ваа яам̣ яам̣ абарияаабаннам̣ д̇ам̣ д̇ад̣̇зва д̣̇ассзд̇ум̣ абарияаабаннз гад̇и канд̇хаад̇иаад̣̇и вуд̇д̇ам̣.
991. Dutiyavāre ye dhammā kāmabhave kāmadhātusambhūtānañca sattānaṃ uppajjanti – kāmadhātuyaṃ pariyāpannā vā apariyāpannā vā – te sabbe saṅgahetvā kāmadhātuyā pañcakkhandhātiādi vuttaṃ. Rūpadhātuādīsupi eseva nayo. Yasmā pana rūpadhātupariyāpannānaṃ sattānaṃ ghānāyatanādīnaṃ abhāvena gandhāyatanādīni āyatanādikiccaṃ na karonti, tasmā rūpadhātuyā cha āyatanāni, nava dhātuyotiādi vuttaṃ . Yasmā ca okāsavasena vā sattuppattivasena vā apariyāpannadhātu nāma natthi, tasmā apariyāpannadhātuyāti avatvā yaṃ yaṃ apariyāpannaṃ taṃ tadeva dassetuṃ apariyāpanne kati khandhātiādi vuttaṃ.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 18. д̇хаммахад̣̇аяавибхан̇г̇о • 18. Dhammahadayavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 18. д̇хаммахад̣̇аяавибхан̇г̇о • 18. Dhammahadayavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 18. д̇хаммахад̣̇аяавибхан̇г̇о • 18. Dhammahadayavibhaṅgo
