| Library / Tipiṭaka / ཏིཔིཊཀ • Tipiṭaka / སམྨོཧཝིནོདནཱི-ཨཊྛཀཐཱ • Sammohavinodanī-aṭṭhakathā |
༢. ཨུཔྤཏྟཱནུཔྤཏྟིཝཱརཝཎྞནཱ
2. Uppattānuppattivāravaṇṇanā
༩༩༡. དུཏིཡཝཱརེ ཡེ དྷམྨཱ ཀཱམབྷཝེ ཀཱམདྷཱཏུསམྦྷཱུཏཱནཉྩ སཏྟཱནཾ ཨུཔྤཛྫནྟི – ཀཱམདྷཱཏུཡཾ པརིཡཱཔནྣཱ ཝཱ ཨཔརིཡཱཔནྣཱ ཝཱ – ཏེ སབྦེ སངྒཧེཏྭཱ ཀཱམདྷཱཏུཡཱ པཉྩཀྑནྡྷཱཏིཨཱདི ཝུཏྟཾ། རཱུཔདྷཱཏུཨཱདཱིསུཔི ཨེསེཝ ནཡོ། ཡསྨཱ པན རཱུཔདྷཱཏུཔརིཡཱཔནྣཱནཾ སཏྟཱནཾ གྷཱནཱཡཏནཱདཱིནཾ ཨབྷཱཝེན གནྡྷཱཡཏནཱདཱིནི ཨཱཡཏནཱདིཀིཙྩཾ ན ཀརོནྟི, ཏསྨཱ རཱུཔདྷཱཏུཡཱ ཚ ཨཱཡཏནཱནི, ནཝ དྷཱཏུཡོཏིཨཱདི ཝུཏྟཾ ། ཡསྨཱ ཙ ཨོཀཱསཝསེན ཝཱ སཏྟུཔྤཏྟིཝསེན ཝཱ ཨཔརིཡཱཔནྣདྷཱཏུ ནཱམ ནཏྠི, ཏསྨཱ ཨཔརིཡཱཔནྣདྷཱཏུཡཱཏི ཨཝཏྭཱ ཡཾ ཡཾ ཨཔརིཡཱཔནྣཾ ཏཾ ཏདེཝ དསྶེཏུཾ ཨཔརིཡཱཔནྣེ ཀཏི ཁནྡྷཱཏིཨཱདི ཝུཏྟཾ།
991. Dutiyavāre ye dhammā kāmabhave kāmadhātusambhūtānañca sattānaṃ uppajjanti – kāmadhātuyaṃ pariyāpannā vā apariyāpannā vā – te sabbe saṅgahetvā kāmadhātuyā pañcakkhandhātiādi vuttaṃ. Rūpadhātuādīsupi eseva nayo. Yasmā pana rūpadhātupariyāpannānaṃ sattānaṃ ghānāyatanādīnaṃ abhāvena gandhāyatanādīni āyatanādikiccaṃ na karonti, tasmā rūpadhātuyā cha āyatanāni, nava dhātuyotiādi vuttaṃ . Yasmā ca okāsavasena vā sattuppattivasena vā apariyāpannadhātu nāma natthi, tasmā apariyāpannadhātuyāti avatvā yaṃ yaṃ apariyāpannaṃ taṃ tadeva dassetuṃ apariyāpanne kati khandhātiādi vuttaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཝིབྷངྒཔཱལི༹ • Vibhaṅgapāḷi / ༡༨. དྷམྨཧདཡཝིབྷངྒོ • 18. Dhammahadayavibhaṅgo
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / ཝིབྷངྒ-མཱུལཊཱིཀཱ • Vibhaṅga-mūlaṭīkā / ༡༨. དྷམྨཧདཡཝིབྷངྒོ • 18. Dhammahadayavibhaṅgo
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / ཝིབྷངྒ-ཨནུཊཱིཀཱ • Vibhaṅga-anuṭīkā / ༡༨. དྷམྨཧདཡཝིབྷངྒོ • 18. Dhammahadayavibhaṅgo
