| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[154] 4. ураг̇аж̇аад̇агаван̣н̣анаа
[154] 4. Uragajātakavaṇṇanā
ид̇хуураг̇аанам̣ баваро бавидтод̇и ид̣̇ам̣ сад̇т̇аа ж̇зд̇аванз вихаранд̇о сзн̣ибхан̣д̣анам̣ аараб̣бха гат̇зси. госаларан̃н̃о гира сзвагаа сзн̣ибамукаа д̣̇вз махаамад̇д̇аа ан̃н̃аман̃н̃ам̣ д̣̇идтадтаанз галахам̣ гаронд̇и, д̇зсам̣ взрибхааво сагаланаг̇арз баагадо ж̇аад̇о. д̇з нзва рааж̇аа, на н̃аад̇имид̇д̇аа самаг̇г̇з гаад̇ум̣ сагким̣су. ат̇згад̣̇ивасам̣ сад̇т̇аа бажжуусасамаяз б̣од̇ханзяяаб̣анд̇хавз ологзнд̇о д̇зсам̣ убхиннамби сод̇аабад̇д̇имаг̇г̇асса убаниссаяам̣ д̣̇исваа бунад̣̇ивасз згагова саавад̇т̇ияам̣ бин̣д̣ааяа бависид̇ваа д̇зсу згасса г̇зхад̣̇ваарз адтааси. со нигкамид̇ваа бад̇д̇ам̣ г̇ахзд̇ваа сад̇т̇аарам̣ анд̇онивзсанам̣ бавзсзд̇ваа аасанам̣ бан̃н̃абзд̇ваа нисийд̣̇аабзси. сад̇т̇аа нисийд̣̇ид̇ваа д̇асса мзд̇д̇аабхааванааяа аанисам̣сам̣ гат̇зд̇ваа галлажид̇д̇ад̇ам̣ н̃ад̇ваа сажжаани багаасзси, со сажжабарияосаанз сод̇аабад̇д̇ипалз бад̇идтахи.
Idhūragānaṃ pavaro paviṭṭhoti idaṃ satthā jetavane viharanto seṇibhaṇḍanaṃ ārabbha kathesi. Kosalarañño kira sevakā seṇipamukhā dve mahāmattā aññamaññaṃ diṭṭhaṭṭhāne kalahaṃ karonti, tesaṃ veribhāvo sakalanagare pākaṭo jāto. Te neva rājā, na ñātimittā samagge kātuṃ sakkhiṃsu. Athekadivasaṃ satthā paccūsasamaye bodhaneyyabandhave olokento tesaṃ ubhinnampi sotāpattimaggassa upanissayaṃ disvā punadivase ekakova sāvatthiyaṃ piṇḍāya pavisitvā tesu ekassa gehadvāre aṭṭhāsi. So nikkhamitvā pattaṃ gahetvā satthāraṃ antonivesanaṃ pavesetvā āsanaṃ paññapetvā nisīdāpesi. Satthā nisīditvā tassa mettābhāvanāya ānisaṃsaṃ kathetvā kallacittataṃ ñatvā saccāni pakāsesi, so saccapariyosāne sotāpattiphale patiṭṭhahi.
сад̇т̇аа д̇асса сод̇аабаннабхаавам̣ н̃ад̇ваа д̇амзва бад̇д̇ам̣ г̇аахаабзд̇ваа удтааяа ид̇арасса г̇зхад̣̇ваарам̣ аг̇амааси. соби нигкамид̇ваа сад̇т̇аарам̣ ванд̣̇ид̇ваа ‘‘бависат̇а, бханд̇з’’д̇и гхарам̣ бавзсзд̇ваа нисийд̣̇аабзси. ид̇ароби бад̇д̇ам̣ г̇ахзд̇ваа сад̇т̇аараа сад̣̇д̇хим̣язва баависи. сад̇т̇аа д̇асса згаад̣̇аса мзд̇д̇аанисам̣сз ван̣н̣зд̇ваа галлажид̇д̇ад̇ам̣ н̃ад̇ваа сажжаани багаасзси, сажжабарияосаанз соби сод̇аабад̇д̇ипалз бад̇идтахи. ид̇и д̇з убхоби сод̇аабаннаа худ̇ваа ан̃н̃аман̃н̃ам̣ ажжаяам̣ д̣̇ассзд̇ваа камаабзд̇ваа самаг̇г̇аа саммод̣̇амаанаа згаж̇жхаасаяаа ахзсум̣. д̇ам̣ д̣̇ивасан̃н̃зва жа бхаг̇авад̇о саммукаава згад̇о бхун̃ж̇им̣су. сад̇т̇аа бхад̇д̇агижжам̣ нидтаабзд̇ваа вихаарам̣ аг̇амааси. д̇з б̣ахууни маалааг̇анд̇хавилзбанаани жзва саббимад̇хупаан̣ид̇аад̣̇ийни жа аад̣̇ааяа сад̇т̇аараа сад̣̇д̇хим̣язва нигкамим̣су. сад̇т̇аа бхигкусан̇гхзна вад̇д̇з д̣̇ассид̇з суг̇ад̇оваад̣̇ам̣ д̣̇ад̇ваа г̇анд̇хагудим̣ баависи.
Satthā tassa sotāpannabhāvaṃ ñatvā tameva pattaṃ gāhāpetvā uṭṭhāya itarassa gehadvāraṃ agamāsi. Sopi nikkhamitvā satthāraṃ vanditvā ‘‘pavisatha, bhante’’ti gharaṃ pavesetvā nisīdāpesi. Itaropi pattaṃ gahetvā satthārā saddhiṃyeva pāvisi. Satthā tassa ekādasa mettānisaṃse vaṇṇetvā kallacittataṃ ñatvā saccāni pakāsesi, saccapariyosāne sopi sotāpattiphale patiṭṭhahi. Iti te ubhopi sotāpannā hutvā aññamaññaṃ accayaṃ dassetvā khamāpetvā samaggā sammodamānā ekajjhāsayā ahesuṃ. Taṃ divasaññeva ca bhagavato sammukhāva ekato bhuñjiṃsu. Satthā bhattakiccaṃ niṭṭhāpetvā vihāraṃ agamāsi. Te bahūni mālāgandhavilepanāni ceva sappimadhuphāṇitādīni ca ādāya satthārā saddhiṃyeva nikkhamiṃsu. Satthā bhikkhusaṅghena vatte dassite sugatovādaṃ datvā gandhakuṭiṃ pāvisi.
бхигкуу сааяанхасамаяз д̇хаммасабхааяам̣ сад̇т̇у г̇ун̣агат̇ам̣ самудтаабзсум̣ ‘‘аавусо, сад̇т̇аа ад̣̇анд̇ад̣̇амаго, яз наама д̣̇вз махаамад̇д̇з жирам̣ вааяамамааноби нзва рааж̇аа самаг̇г̇з гаад̇ум̣ сагки, на н̃аад̇имид̇д̇аад̣̇аяо сагким̣су, д̇з згад̣̇ивасзнзва д̇ат̇ааг̇ад̇зна д̣̇амид̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзваахам̣ имз д̣̇вз ж̇анз самаг̇г̇з агаасим̣, буб̣б̣збзд̇з маяаа самаг̇г̇аа гад̇ааязваа’’д̇и вад̇ваа ад̇ийд̇ам̣ аахари.
Bhikkhū sāyanhasamaye dhammasabhāyaṃ satthu guṇakathaṃ samuṭṭhāpesuṃ ‘‘āvuso, satthā adantadamako, ye nāma dve mahāmatte ciraṃ vāyamamānopi neva rājā samagge kātuṃ sakkhi, na ñātimittādayo sakkhiṃsu, te ekadivaseneva tathāgatena damitā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idānevāhaṃ ime dve jane samagge akāsiṃ, pubbepete mayā samaggā katāyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣аараан̣асияам̣ уссавз гхосид̇з махаасамаж̇ж̇ам̣ ахоси. б̣ахуу мануссаа жзва д̣̇званааг̇асубан̣н̣аад̣̇аяо жа самаж̇ж̇ад̣̇ассанад̇т̇ам̣ саннибад̇им̣су. д̇ад̇рзгасмим̣ таанз зго нааг̇о жа субан̣н̣о жа самаж̇ж̇ам̣ бассамаанаа згад̇о адтам̣су. нааг̇о субан̣н̣асса субан̣н̣абхаавам̣ аж̇аананд̇о ам̣сз хад̇т̇ам̣ табзси. субан̣н̣о ‘‘гзна мз ам̣сз хад̇т̇о табид̇о’’д̇и нивад̇д̇ид̇ваа ологзнд̇о нааг̇ам̣ сан̃ж̇аани. нааг̇оби ологзнд̇о субан̣н̣ам̣ сан̃ж̇аанид̇ваа маран̣абхаяад̇аж̇ж̇ид̇о наг̇араа нигкамид̇ваа над̣̇ийбидтзна балааяи. субан̣н̣оби ‘‘д̇ам̣ г̇ахзссаамий’’д̇и ануб̣анд̇хи. д̇асмим̣ самаяз б̣од̇хисад̇д̇о д̇аабасо худ̇ваа д̇ассаа над̣̇ияаа д̇ийрз бан̣н̣асаалааяа васамаано д̣̇иваа д̣̇арат̇абадиббассамбханад̇т̇ам̣ уд̣̇агасаадигам̣ ниваасзд̇ваа ваггалам̣ б̣ахи табзд̇ваа над̣̇им̣ од̇арид̇ваа нхааяад̇и. нааг̇о ‘‘имам̣ баб̣б̣аж̇ид̇ам̣ ниссааяа ж̇ийвид̇ам̣ лабхиссаамий’’д̇и багад̇иван̣н̣ам̣ виж̇ахид̇ваа ман̣игканд̇хаван̣н̣ам̣ маабзд̇ваа ваггаланд̇арам̣ баависи. субан̣н̣о ануб̣анд̇хамаано д̇ам̣ д̇ад̇т̇а бавидтам̣ д̣̇исваа ваггалз г̇арубхаавзна аг̇г̇ахзд̇ваа б̣од̇хисад̇д̇ам̣ ааманд̇зд̇ваа ‘‘бханд̇з, ахам̣ чаад̇о, д̇умхаагам̣ ваггалам̣ г̇ан̣хат̇а, имам̣ нааг̇ам̣ каад̣̇иссаамий’’д̇и имамад̇т̇ам̣ багаасзд̇ум̣ батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bārāṇasiyaṃ ussave ghosite mahāsamajjaṃ ahosi. Bahū manussā ceva devanāgasupaṇṇādayo ca samajjadassanatthaṃ sannipatiṃsu. Tatrekasmiṃ ṭhāne eko nāgo ca supaṇṇo ca samajjaṃ passamānā ekato aṭṭhaṃsu. Nāgo supaṇṇassa supaṇṇabhāvaṃ ajānanto aṃse hatthaṃ ṭhapesi. Supaṇṇo ‘‘kena me aṃse hattho ṭhapito’’ti nivattitvā olokento nāgaṃ sañjāni. Nāgopi olokento supaṇṇaṃ sañjānitvā maraṇabhayatajjito nagarā nikkhamitvā nadīpiṭṭhena palāyi. Supaṇṇopi ‘‘taṃ gahessāmī’’ti anubandhi. Tasmiṃ samaye bodhisatto tāpaso hutvā tassā nadiyā tīre paṇṇasālāya vasamāno divā darathapaṭippassambhanatthaṃ udakasāṭikaṃ nivāsetvā vakkalaṃ bahi ṭhapetvā nadiṃ otaritvā nhāyati. Nāgo ‘‘imaṃ pabbajitaṃ nissāya jīvitaṃ labhissāmī’’ti pakativaṇṇaṃ vijahitvā maṇikkhandhavaṇṇaṃ māpetvā vakkalantaraṃ pāvisi. Supaṇṇo anubandhamāno taṃ tattha paviṭṭhaṃ disvā vakkale garubhāvena aggahetvā bodhisattaṃ āmantetvā ‘‘bhante, ahaṃ chāto, tumhākaṃ vakkalaṃ gaṇhatha, imaṃ nāgaṃ khādissāmī’’ti imamatthaṃ pakāsetuṃ paṭhamaṃ gāthamāha –
7.
7.
‘‘ид̇хуураг̇аанам̣ баваро бавидто, сзласса ван̣н̣зна бамогкамижчам̣;
‘‘Idhūragānaṃ pavaro paviṭṭho, selassa vaṇṇena pamokkhamicchaṃ;
б̣рахман̃жа ван̣н̣ам̣ абажааяамаано, б̣убхугкид̇о но вид̇араами бход̇д̇у’’нд̇и.
Brahmañca vaṇṇaṃ apacāyamāno, bubhukkhito no vitarāmi bhottu’’nti.
д̇ад̇т̇а ид̇хуураг̇аанам̣ баваро бавидтод̇и имасмим̣ ваггалз ураг̇аанам̣ баваро нааг̇арааж̇аа бавидто. сзласса ван̣н̣знаад̇и ман̣иван̣н̣зна, ман̣игканд̇хо худ̇ваа бавидтод̇и ад̇т̇о. бамогкамижчанд̇и мама санд̇игаа могкам̣ ижчамаано. б̣рахман̃жа ван̣н̣ам̣ абажааяамаанод̇и ахам̣ бана д̇умхаагам̣ б̣рахмаван̣н̣ам̣ сздтаван̣н̣ам̣ бууж̇знд̇о г̇арум̣ гаронд̇о. б̣убхугкид̇о но вид̇араами бход̇д̇унд̇и зд̇ам̣ нааг̇ам̣ ваггаланд̇арам̣ бавидтам̣ чаад̇оби самаано бхагкид̇ум̣ на саггомийд̇и.
Tattha idhūragānaṃ pavaro paviṭṭhoti imasmiṃ vakkale uragānaṃ pavaro nāgarājā paviṭṭho. Selassa vaṇṇenāti maṇivaṇṇena, maṇikkhandho hutvā paviṭṭhoti attho. Pamokkhamicchanti mama santikā mokkhaṃ icchamāno. Brahmañca vaṇṇaṃ apacāyamānoti ahaṃ pana tumhākaṃ brahmavaṇṇaṃ seṭṭhavaṇṇaṃ pūjento garuṃ karonto. Bubhukkhito no vitarāmi bhottunti etaṃ nāgaṃ vakkalantaraṃ paviṭṭhaṃ chātopi samāno bhakkhituṃ na sakkomīti.
б̣од̇хисад̇д̇о уд̣̇агз тид̇оязва субан̣н̣арааж̇асса т̇уд̇им̣ гад̇ваа д̣̇уд̇ияам̣ г̇аат̇амааха –
Bodhisatto udake ṭhitoyeva supaṇṇarājassa thutiṃ katvā dutiyaṃ gāthamāha –
8.
8.
‘‘со б̣рахмаг̇уд̇д̇о жирамзва ж̇ийва, д̣̇иб̣яаа жа д̇з баад̇убхаванд̇у бхагкаа;
‘‘So brahmagutto cirameva jīva, dibyā ca te pātubhavantu bhakkhā;
яо б̣рахмаван̣н̣ам̣ абажааяамаано, б̣убхугкид̇о но вид̇арааси бход̇д̇у’’нд̇и.
Yo brahmavaṇṇaṃ apacāyamāno, bubhukkhito no vitarāsi bhottu’’nti.
д̇ад̇т̇а со б̣рахмаг̇уд̇д̇од̇и со д̇вам̣ б̣рахмаг̇обид̇о б̣рахмарагкид̇о худ̇ваа. д̣̇иб̣яаа жа д̇з баад̇убхаванд̇у бхагкаад̇и д̣̇звад̇аанам̣ барибхог̇аарахаа бхагкаа жа д̇ава баад̇убхаванд̇у, маа баан̣аад̇ибаад̇ам̣ гад̇ваа нааг̇амам̣сакаад̣̇аго ахоси.
Tattha so brahmaguttoti so tvaṃ brahmagopito brahmarakkhito hutvā. Dibyā ca te pātubhavantu bhakkhāti devatānaṃ paribhogārahā bhakkhā ca tava pātubhavantu, mā pāṇātipātaṃ katvā nāgamaṃsakhādako ahosi.
ид̇и б̣од̇хисад̇д̇о уд̣̇агз тид̇ова анумод̣̇анам̣ гад̇ваа уд̇д̇арид̇ваа ваггалам̣ ниваасзд̇ваа д̇з убхоби г̇ахзд̇ваа ассамабад̣̇ам̣ г̇анд̇ваа мзд̇д̇аабхааванааяа ван̣н̣ам̣ гат̇зд̇ваа д̣̇взби ж̇анз самаг̇г̇з агааси. д̇з д̇ад̇о бадтааяа самаг̇г̇аа саммод̣̇амаанаа сукам̣ васим̣су.
Iti bodhisatto udake ṭhitova anumodanaṃ katvā uttaritvā vakkalaṃ nivāsetvā te ubhopi gahetvā assamapadaṃ gantvā mettābhāvanāya vaṇṇaṃ kathetvā dvepi jane samagge akāsi. Te tato paṭṭhāya samaggā sammodamānā sukhaṃ vasiṃsu.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа нааг̇о жа субан̣н̣о жа имз д̣̇вз махаамад̇д̇аа ахзсум̣, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā nāgo ca supaṇṇo ca ime dve mahāmattā ahesuṃ, tāpaso pana ahameva ahosi’’nti.
ураг̇аж̇аад̇агаван̣н̣анаа жад̇уд̇т̇аа.
Uragajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 154. ураг̇аж̇аад̇ага • 154. Uragajātaka
