| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૮. ઉસ્સૂરભત્તસુત્તં
8. Ussūrabhattasuttaṃ
૨૨૮. ‘‘પઞ્ચિમે , ભિક્ખવે, આદીનવા ઉસ્સૂરભત્તે કુલે. કતમે પઞ્ચ? યે તે અતિથી પાહુના, તે ન કાલેન પટિપૂજેન્તિ; યા તા બલિપટિગ્ગાહિકા દેવતા, તા ન કાલેન પટિપૂજેન્તિ; યે તે સમણબ્રાહ્મણા એકભત્તિકા રત્તૂપરતા વિરતા વિકાલભોજના, તે ન કાલેન પટિપૂજેન્તિ; દાસકમ્મકરપોરિસા વિમુખા કમ્મં કરોન્તિ; તાવતકંયેવ અસમયેન ભુત્તં અનોજવન્તં હોતિ. ઇમે ખો, ભિક્ખવે, પઞ્ચ આદીનવા ઉસ્સૂરભત્તે કુલે.
228. ‘‘Pañcime , bhikkhave, ādīnavā ussūrabhatte kule. Katame pañca? Ye te atithī pāhunā, te na kālena paṭipūjenti; yā tā balipaṭiggāhikā devatā, tā na kālena paṭipūjenti; ye te samaṇabrāhmaṇā ekabhattikā rattūparatā viratā vikālabhojanā, te na kālena paṭipūjenti; dāsakammakaraporisā vimukhā kammaṃ karonti; tāvatakaṃyeva asamayena bhuttaṃ anojavantaṃ hoti. Ime kho, bhikkhave, pañca ādīnavā ussūrabhatte kule.
‘‘પઞ્ચિમે, ભિક્ખવે, આનિસંસા સમયભત્તે કુલે. કતમે પઞ્ચ? યે તે અતિથી પાહુના, તે કાલેન પટિપૂજેન્તિ; યા તા બલિપટિગ્ગાહિકા દેવતા, તા કાલેન પટિપૂજેન્તિ; યે તે સમણબ્રાહ્મણા એકભત્તિકા રત્તૂપરતા વિરતા વિકાલભોજના, તે કાલેન પટિપૂજેન્તિ; દાસકમ્મકરપોરિસા અવિમુખા કમ્મં કરોન્તિ; તાવતકંયેવ સમયેન ભુત્તં ઓજવન્તં હોતિ. ઇમે ખો, ભિક્ખવે, પઞ્ચ આનિસંસા સમયભત્તે કુલે’’તિ. અટ્ઠમં.
‘‘Pañcime, bhikkhave, ānisaṃsā samayabhatte kule. Katame pañca? Ye te atithī pāhunā, te kālena paṭipūjenti; yā tā balipaṭiggāhikā devatā, tā kālena paṭipūjenti; ye te samaṇabrāhmaṇā ekabhattikā rattūparatā viratā vikālabhojanā, te kālena paṭipūjenti; dāsakammakaraporisā avimukhā kammaṃ karonti; tāvatakaṃyeva samayena bhuttaṃ ojavantaṃ hoti. Ime kho, bhikkhave, pañca ānisaṃsā samayabhatte kule’’ti. Aṭṭhamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૮. ઉસ્સૂરભત્તસુત્તવણ્ણના • 8. Ussūrabhattasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૦. પઠમદીઘચારિકસુત્તાદિવણ્ણના • 1-10. Paṭhamadīghacārikasuttādivaṇṇanā
