| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
8. уд̇д̇арзяяад̣̇ааяагад̇т̇зраабад̣̇аанам̣
8. Uttareyyadāyakattheraapadānaṃ
90.
90.
‘‘наг̇арз хам̣савад̇ияаа, ахосим̣ б̣раахман̣о д̇ад̣̇аа;
‘‘Nagare haṃsavatiyā, ahosiṃ brāhmaṇo tadā;
аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу.
Ajjhāyako mantadharo, tiṇṇaṃ vedāna pāragū.
91.
91.
‘‘бурагкад̇о сасиссзхи, ж̇аад̇имаа жа сусигкид̇о;
‘‘Purakkhato sasissehi, jātimā ca susikkhito;
д̇ояаабхисзжанад̇т̇ааяа, наг̇араа нигкамим̣ д̇ад̣̇аа.
Toyābhisecanatthāya, nagarā nikkhamiṃ tadā.
92.
92.
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
кийн̣аасавасахассзхи, баависий наг̇арам̣ ж̇ино.
Khīṇāsavasahassehi, pāvisī nagaraṃ jino.
93.
93.
‘‘сужааруруубам̣ д̣̇исваана, аанзн̃ж̇агаарид̇ам̣ вияа;
‘‘Sucārurūpaṃ disvāna, āneñjakāritaṃ viya;
баривуд̇ам̣ араханд̇зхи, д̣̇исваа жид̇д̇ам̣ басаад̣̇аяим̣.
Parivutaṃ arahantehi, disvā cittaṃ pasādayiṃ.
94.
94.
‘‘сирасмим̣ ан̃ж̇алим̣ гад̇ваа, намассид̇ваана суб̣б̣ад̇ам̣;
‘‘Sirasmiṃ añjaliṃ katvā, namassitvāna subbataṃ;
басаннажид̇д̇о сумано, уд̇д̇арийяамад̣̇аасахам̣.
Pasannacitto sumano, uttarīyamadāsahaṃ.
95.
95.
‘‘убхо хад̇т̇зхи баг̇г̇аяха, саадагам̣ угкибим̣ ахам̣;
‘‘Ubho hatthehi paggayha, sāṭakaṃ ukkhipiṃ ahaṃ;
яаавад̇аа б̣уд̣̇д̇хабарисаа, д̇аава чаад̣̇зси саадаго.
Yāvatā buddhaparisā, tāva chādesi sāṭako.
96.
96.
‘‘бин̣д̣ажаарам̣ жаранд̇асса, махаабхигкуг̇ан̣аад̣̇ино;
‘‘Piṇḍacāraṃ carantassa, mahābhikkhugaṇādino;
чад̣̇ам̣ гаронд̇о адтааси, хаасаяанд̇о мамам̣ д̇ад̣̇аа.
Chadaṃ karonto aṭṭhāsi, hāsayanto mamaṃ tadā.
97.
97.
‘‘гхарад̇о нигкаманд̇асса, саяамбхуу аг̇г̇абуг̇г̇ало;
‘‘Gharato nikkhamantassa, sayambhū aggapuggalo;
98.
98.
‘‘басаннажид̇д̇о сумано, яо мз ад̣̇ааси саадагам̣;
‘‘Pasannacitto sumano, yo me adāsi sāṭakaṃ;
д̇амахам̣ гид̇д̇аяиссаами, сун̣от̇а мама бхаасад̇о.
Tamahaṃ kittayissāmi, suṇotha mama bhāsato.
99.
99.
‘‘‘д̇им̣сагаббасахассаани, д̣̇звалогз рамиссад̇и;
‘‘‘Tiṃsakappasahassāni, devaloke ramissati;
бан̃н̃аасагкад̇д̇ум̣ д̣̇звинд̣̇о, д̣̇звараж̇ж̇ам̣ гариссад̇и.
Paññāsakkhattuṃ devindo, devarajjaṃ karissati.
100.
100.
‘‘‘д̣̇звалогз васанд̇асса, бун̃н̃агаммасаман̇г̇ино;
‘‘‘Devaloke vasantassa, puññakammasamaṅgino;
саманд̇аа яож̇анасад̇ам̣, д̣̇уссажчаннам̣ бхависсад̇и.
Samantā yojanasataṃ, dussacchannaṃ bhavissati.
101.
101.
‘‘‘чад̇д̇им̣сагкад̇д̇ум̣ рааж̇аа жа, жаггавад̇д̇ий бхависсад̇и;
‘‘‘Chattiṃsakkhattuṃ rājā ca, cakkavattī bhavissati;
бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.
Padesarajjaṃ vipulaṃ, gaṇanāto asaṅkhiyaṃ.
102.
102.
‘‘‘бхавз сам̣сарамаанасса, бун̃н̃агаммасаман̇г̇ино;
‘‘‘Bhave saṃsaramānassa, puññakammasamaṅgino;
манасаа бад̇т̇ид̇ам̣ саб̣б̣ам̣, ниб̣б̣ад̇д̇иссад̇и д̇аавад̣̇з.
Manasā patthitaṃ sabbaṃ, nibbattissati tāvade.
103.
103.
махаг̇гхаани жа д̣̇уссаани, бадилажчад̇ияам̣ наро.
Mahagghāni ca dussāni, paṭilacchatiyaṃ naro.
104.
104.
‘‘‘манасаа бад̇т̇ид̇ам̣ саб̣б̣ам̣, бадилажчад̇ияам̣ наро;
‘‘‘Manasā patthitaṃ sabbaṃ, paṭilacchatiyaṃ naro;
згад̣̇уссасса вибаагам̣, анубхоссад̇и саб̣б̣ад̣̇аа.
Ekadussassa vipākaṃ, anubhossati sabbadā.
105.
105.
‘‘‘со бажчаа баб̣б̣аж̇ид̇ваана, суггамуулзна жод̣̇ид̇о;
‘‘‘So pacchā pabbajitvāna, sukkamūlena codito;
г̇од̇амасса бхаг̇авад̇о, д̇хаммам̣ сажчигариссад̇и’.
Gotamassa bhagavato, dhammaṃ sacchikarissati’.
106.
106.
‘‘ахо мз сугад̇ам̣ гаммам̣, саб̣б̣ан̃н̃усса махзсино;
‘‘Aho me sukataṃ kammaṃ, sabbaññussa mahesino;
згаахам̣ саадагам̣ д̣̇ад̇ваа, бад̇д̇омхи амад̇ам̣ бад̣̇ам̣.
Ekāhaṃ sāṭakaṃ datvā, pattomhi amataṃ padaṃ.
107.
107.
‘‘ман̣д̣абз ругкамуулз ваа, васад̇о сун̃н̃агз гхарз;
‘‘Maṇḍape rukkhamūle vā, vasato suññake ghare;
д̇хаарзд̇и д̣̇уссачад̣̇анам̣, саманд̇аа б̣яаамад̇о мама.
Dhāreti dussachadanaṃ, samantā byāmato mama.
108.
108.
‘‘авин̃н̃ад̇д̇ам̣ ниваасзми 5, жийварам̣ бажжаяан̃жахам̣;
‘‘Aviññattaṃ nivāsemi 6, cīvaraṃ paccayañcahaṃ;
лаабхий 7 аннасса баанасса, уд̇д̇арзяяассид̣̇ам̣ палам̣.
Lābhī 8 annassa pānassa, uttareyyassidaṃ phalaṃ.
109.
109.
‘‘сад̇асахассид̇о габбз, яам̣ гаммамагарим̣ д̇ад̣̇аа;
‘‘Satasahassito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, вад̇т̇ад̣̇аанассид̣̇ам̣ палам̣.
Duggatiṃ nābhijānāmi, vatthadānassidaṃ phalaṃ.
110.
110.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа уд̇д̇арзяяад̣̇ааяаго т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā uttareyyadāyako thero imā gāthāyo abhāsitthāti.
уд̇д̇арзяяад̣̇ааяагад̇т̇зрассаабад̣̇аанам̣ адтамам̣.
Uttareyyadāyakattherassāpadānaṃ aṭṭhamaṃ.
Footnotes:
