| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
10. уяяод̇хигасигкаабад̣̇ам̣
10. Uyyodhikasikkhāpadaṃ
322. д̣̇асамз яуж̇жханд̇ийд̇и сам̣бахаранд̇и. ‘‘б̣аласса аг̇г̇ам̣ зд̇т̇аа’’д̇ииминаа бхиннаад̇хигаран̣аб̣аахирад̇т̇асамаасам̣ д̣̇ассзд̇и. ‘‘ж̇аананд̇ий’’д̇ибад̣̇ам̣ ад̇т̇асамбун̣н̣ад̇т̇ааяа багкид̇д̇ам̣. аг̇г̇анд̇и годтаасам̣. б̣алам̣ г̇ан̣ийяад̇и зд̇т̇аад̇и б̣алаг̇г̇анд̇и важанад̇т̇оби яуж̇ж̇ад̇и. д̇знааха ‘‘б̣алаг̇ан̣анадтаана’’нд̇и. ид̣̇ан̃хи важанам̣ амб̣асзжанаг̇арусинанаязна вуд̇д̇ам̣. гат̇ам̣? ‘‘б̣алаг̇ан̣анадтаана’’нд̇и вад̣̇анд̇зна адтагат̇аажариязна ‘‘б̣аласса аг̇г̇ам̣ ж̇аананд̇и зд̇т̇аад̇и б̣алаг̇г̇а’’нд̇и важанад̇т̇асса бин̣д̣ад̇т̇о жа н̃аабийяад̇и, ‘‘б̣алам̣ г̇ан̣ийяад̇и зд̇т̇аад̇и б̣алаг̇г̇а’’нд̇и важанад̇т̇о жа д̣̇ассийяад̇и. вияуухийяад̇з самбин̣д̣ийяад̇з б̣яуухо, сзнааяа б̣яуухо сзнааб̣яууход̇и ад̇т̇ам̣ д̣̇ассзд̇и ‘‘сзнааяа вияууха’’нд̇иаад̣̇инаа. ан̣ад̇и бхзравасад̣̇д̣̇ам̣ гарод̇ийд̇и ан̣ийгам̣, муд̣̇д̇хаж̇ан̣агааро, хад̇т̇ийязва ан̣ийгам̣ хад̇т̇аан̣ийгам̣. зсзва наяо сзсзсуби. яо хад̇т̇ий буб̣б̣з вуд̇д̇о, д̇зна хад̇т̇инаад̇и яож̇анаад̇и. д̣̇асамам̣.
322. Dasame yujjhantīti saṃpaharanti. ‘‘Balassa aggaṃ etthā’’tiiminā bhinnādhikaraṇabāhiratthasamāsaṃ dasseti. ‘‘Jānantī’’tipadaṃ atthasampuṇṇatthāya pakkhittaṃ. Agganti koṭṭhāsaṃ. Balaṃ gaṇīyati etthāti balagganti vacanatthopi yujjati. Tenāha ‘‘balagaṇanaṭṭhāna’’nti. Idañhi vacanaṃ ambasecanagarusinanayena vuttaṃ. Kathaṃ? ‘‘Balagaṇanaṭṭhāna’’nti vadantena aṭṭhakathācariyena ‘‘balassa aggaṃ jānanti etthāti balagga’’nti vacanatthassa piṇḍattho ca ñāpīyati, ‘‘balaṃ gaṇīyati etthāti balagga’’nti vacanattho ca dassīyati. Viyūhīyate sampiṇḍīyate byūho, senāya byūho senābyūhoti atthaṃ dasseti ‘‘senāya viyūha’’ntiādinā. Aṇati bheravasaddaṃ karotīti aṇīkaṃ, muddhajaṇakāro, hatthīyeva aṇīkaṃ hatthāṇīkaṃ. Eseva nayo sesesupi. Yo hatthī pubbe vutto, tena hatthināti yojanāti. Dasamaṃ.
ажзлагаваг̇г̇о бан̃жамо.
Acelakavaggo pañcamo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. ажзлагаваг̇г̇о • 5. Acelakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. уяяод̇хигасигкаабад̣̇аван̣н̣анаа • 10. Uyyodhikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. уяяод̇хигасигкаабад̣̇аван̣н̣анаа • 10. Uyyodhikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. уяяод̇хигасигкаабад̣̇аван̣н̣анаа • 10. Uyyodhikasikkhāpadavaṇṇanā
