| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
੧੦. વਚ੍ਚਕੁਟਿવਤ੍ਤਕਥਾ
10. Vaccakuṭivattakathā
੩੭੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਬ੍ਰਾਹ੍ਮਣਜਾਤਿਕੋ વਚ੍ਚਂ ਕਤ੍વਾ ਨ ਇਚ੍ਛਤਿ ਆਚਮੇਤੁਂ – ਕੋ ਇਮਂ વਸਲਂ ਦੁਗ੍ਗਨ੍ਧਂ ਆਮਸਿਸ੍ਸਤੀਤਿ 1। ਤਸ੍ਸ વਚ੍ਚਮਗ੍ਗੇ ਕਿਮਿ ਸਣ੍ਠਾਤਿ। ਅਥ ਖੋ ਸੋ ਭਿਕ੍ਖੁ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸਿ। ‘‘ਕਿਂ ਪਨ ਤ੍વਂ, ਆવੁਸੋ, વਚ੍ਚਂ ਕਤ੍વਾ ਨ ਆਚਮੇਸੀ’’ਤਿ? ‘‘ਏવਮਾવੁਸੋ’’ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੁ વਚ੍ਚਂ ਕਤ੍વਾ ਨ ਆਚਮੇਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ ਤ੍વਂ, ਭਿਕ੍ਖੁ, વਚ੍ਚਂ ਕਤ੍વਾ ਨ ਆਚਮੇਸੀ’’ਤਿ? ‘‘ਸਚ੍ਚਂ ਭਗવਾ’’ਤਿ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਨ, ਭਿਕ੍ਖવੇ, વਚ੍ਚਂ ਕਤ੍વਾ ਸਤਿ ਉਦਕੇ ਨਾਚਮੇਤਬ੍ਬਂ। ਯੋ ਨਾਚਮੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
373. Tena kho pana samayena aññataro bhikkhu brāhmaṇajātiko vaccaṃ katvā na icchati ācametuṃ – ko imaṃ vasalaṃ duggandhaṃ āmasissatīti 2. Tassa vaccamagge kimi saṇṭhāti. Atha kho so bhikkhu bhikkhūnaṃ etamatthaṃ ārocesi. ‘‘Kiṃ pana tvaṃ, āvuso, vaccaṃ katvā na ācamesī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma bhikkhu vaccaṃ katvā na ācamessatī’’ti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira tvaṃ, bhikkhu, vaccaṃ katvā na ācamesī’’ti? ‘‘Saccaṃ bhagavā’’ti…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, vaccaṃ katvā sati udake nācametabbaṃ. Yo nācameyya, āpatti dukkaṭassā’’ti.
ਤੇਨ ਖੋ ਪਨ ਸਮਯੇਨ ਭਿਕ੍ਖੂ વਚ੍ਚਕੁਟਿਯਾ ਯਥਾવੁਡ੍ਢਂ વਚ੍ਚਂ ਕਰੋਨ੍ਤਿ। ਨવਕਾ ਭਿਕ੍ਖੂ ਪਠਮਤਰਂ ਆਗਨ੍ਤ੍વਾ વਚ੍ਚਿਤਾ ਆਗਮੇਨ੍ਤਿ। ਤੇ વਚ੍ਚਂ ਸਨ੍ਧਾਰੇਨ੍ਤਾ ਮੁਚ੍ਛਿਤਾ ਪਪਤਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਸਚ੍ਚਂ ਕਿਰ ਭਿਕ੍ਖવੇ…ਪੇ॰… ਸਚ੍ਚਂ ਭਗવਾਤਿ…ਪੇ॰… ‘‘ਨ, ਭਿਕ੍ਖવੇ, વਚ੍ਚਕੁਟਿਯਾ ਯਥਾવੁਡ੍ਢਂ વਚ੍ਚੋ ਕਾਤਬ੍ਬੋ। ਯੋ ਕਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਆਗਤਪਟਿਪਾਟਿਯਾ વਚ੍ਚਂ ਕਾਤੁ’’ਨ੍ਤਿ।
Tena kho pana samayena bhikkhū vaccakuṭiyā yathāvuḍḍhaṃ vaccaṃ karonti. Navakā bhikkhū paṭhamataraṃ āgantvā vaccitā āgamenti. Te vaccaṃ sandhārentā mucchitā papatanti. Bhagavato etamatthaṃ ārocesuṃ…pe… saccaṃ kira bhikkhave…pe… saccaṃ bhagavāti…pe… ‘‘na, bhikkhave, vaccakuṭiyā yathāvuḍḍhaṃ vacco kātabbo. Yo kareyya, āpatti dukkaṭassa. Anujānāmi, bhikkhave, āgatapaṭipāṭiyā vaccaṃ kātu’’nti.
ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਅਤਿਸਹਸਾਪਿ વਚ੍ਚਕੁਟਿਂ ਪવਿਸਨ੍ਤਿ, ਉਬ੍ਭਜਿਤ੍વਾਪਿ 3 ਪવਿਸਨ੍ਤਿ, ਨਿਤ੍ਥੁਨਨ੍ਤਾਪਿ વਚ੍ਚਂ ਕਰੋਨ੍ਤਿ , ਦਨ੍ਤਕਟ੍ਠਂ ਖਾਦਨ੍ਤਾਪਿ વਚ੍ਚਂ ਕਰੋਨ੍ਤਿ, ਬਹਿਦ੍ਧਾਪਿ વਚ੍ਚਦੋਣਿਕਾਯ વਚ੍ਚਂ ਕਰੋਨ੍ਤਿ, ਬਹਿਦ੍ਧਾਪਿ ਪਸ੍ਸਾવਦੋਣਿਕਾਯ ਪਸ੍ਸਾવਂ ਕਰੋਨ੍ਤਿ, ਪਸ੍ਸਾવਦੋਣਿਕਾਯਪਿ ਖੇਲ਼ਂ ਕਰੋਨ੍ਤਿ, ਫਰੁਸੇਨਪਿ ਕਟ੍ਠੇਨ ਅવਲੇਖਨ੍ਤਿ, ਅવਲੇਖਨਕਟ੍ਠਮ੍ਪਿ વਚ੍ਚਕੂਪਮ੍ਹਿ ਪਾਤੇਨ੍ਤਿ, ਅਤਿਸਹਸਾਪਿ ਨਿਕ੍ਖਮਨ੍ਤਿ, ਉਬ੍ਭਜਿਤ੍વਾਪਿ ਨਿਕ੍ਖਮਨ੍ਤਿ, ਚਪੁਚਪੁਕਾਰਕਮ੍ਪਿ ਆਚਮੇਨ੍ਤਿ, ਆਚਮਨਸਰਾવਕੇਪਿ ਉਦਕਂ ਸੇਸੇਨ੍ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਅਤਿਸਹਸਾਪਿ વਚ੍ਚਕੁਟਿਂ ਪવਿਸਿਸ੍ਸਨ੍ਤਿ, ਉਬ੍ਭਜਿਤ੍વਾਪਿ ਪવਿਸਿਸ੍ਸਨ੍ਤਿ, ਨਿਤ੍ਥੁਨਨ੍ਤਾਪਿ વਚ੍ਚਂ ਕਰਿਸ੍ਸਨ੍ਤਿ, ਦਨ੍ਤਕਟ੍ਠਂ ਖਾਦਨ੍ਤਾਪਿ વਚ੍ਚਂ ਕਰਿਸ੍ਸਨ੍ਤਿ, ਬਹਿਦ੍ਧਾਪਿ વਚ੍ਚਦੋਣਿਕਾਯ વਚ੍ਚਂ ਕਰਿਸ੍ਸਨ੍ਤਿ, ਬਹਿਦ੍ਧਾਪਿ ਪਸ੍ਸਾવਦੋਣਿਕਾਯ ਪਸ੍ਸਾવਂ ਕਰਿਸ੍ਸਨ੍ਤਿ, ਪਸ੍ਸਾવਦੋਣਿਕਾਯਪਿ ਖੇਲ਼ਂ ਕਰਿਸ੍ਸਨ੍ਤਿ, ਫਰੁਸੇਨਪਿ ਕਟ੍ਠੇਨ ਅવਲੇਖਿਸ੍ਸਨ੍ਤਿ, ਅવਲੇਖਨਕਟ੍ਠਮ੍ਪਿ વਚ੍ਚਕੂਪਮ੍ਹਿ ਪਾਤੇਸ੍ਸਨ੍ਤਿ, ਅਤਿਸਹਸਾਪਿ ਨਿਕ੍ਖਮਿਸ੍ਸਨ੍ਤਿ, ਉਬ੍ਭਜਿਤ੍વਾਪਿ ਨਿਕ੍ਖਮਿਸ੍ਸਨ੍ਤਿ, ਚਪੁਚਪੁਕਾਰਕਮ੍ਪਿ ਆਚਮੇਸ੍ਸਨ੍ਤਿ, ਆਚਮਨਸਰਾવਕੇਪਿ ਉਦਕਂ ਸੇਸੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ…ਪੇ॰… ਸਚ੍ਚਂ ਭਗવਾਤਿ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ –
Tena kho pana samayena chabbaggiyā bhikkhū atisahasāpi vaccakuṭiṃ pavisanti, ubbhajitvāpi 4 pavisanti, nitthunantāpi vaccaṃ karonti , dantakaṭṭhaṃ khādantāpi vaccaṃ karonti, bahiddhāpi vaccadoṇikāya vaccaṃ karonti, bahiddhāpi passāvadoṇikāya passāvaṃ karonti, passāvadoṇikāyapi kheḷaṃ karonti, pharusenapi kaṭṭhena avalekhanti, avalekhanakaṭṭhampi vaccakūpamhi pātenti, atisahasāpi nikkhamanti, ubbhajitvāpi nikkhamanti, capucapukārakampi ācamenti, ācamanasarāvakepi udakaṃ sesenti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū atisahasāpi vaccakuṭiṃ pavisissanti, ubbhajitvāpi pavisissanti, nitthunantāpi vaccaṃ karissanti, dantakaṭṭhaṃ khādantāpi vaccaṃ karissanti, bahiddhāpi vaccadoṇikāya vaccaṃ karissanti, bahiddhāpi passāvadoṇikāya passāvaṃ karissanti, passāvadoṇikāyapi kheḷaṃ karissanti, pharusenapi kaṭṭhena avalekhissanti, avalekhanakaṭṭhampi vaccakūpamhi pātessanti, atisahasāpi nikkhamissanti, ubbhajitvāpi nikkhamissanti, capucapukārakampi ācamessanti, ācamanasarāvakepi udakaṃ sesessantī’’ti! Atha kho te bhikkhū bhagavato etamatthaṃ ārocesuṃ…pe… saccaṃ kira, bhikkhave…pe… saccaṃ bhagavāti…pe… vigarahitvā…pe… dhammiṃ kathaṃ katvā bhikkhū āmantesi –
੩੭੪. ‘‘ਤੇਨ ਹਿ, ਭਿਕ੍ਖવੇ, ਭਿਕ੍ਖੂਨਂ વਚ੍ਚਕੁਟਿવਤ੍ਤਂ ਪਞ੍ਞਪੇਸ੍ਸਾਮਿ ਯਥਾ ਭਿਕ੍ਖੂਹਿ વਚ੍ਚਕੁਟਿਯਾ ਸਮ੍ਮਾ વਤ੍ਤਿਤਬ੍ਬਂ। ਯੋ વਚ੍ਚਕੁਟਿਂ ਗਚ੍ਛਤਿ ਤੇਨ ਬਹਿ ਠਿਤੇਨ 5 ਉਕ੍ਕਾਸਿਤਬ੍ਬਂ। ਅਨ੍ਤੋ ਨਿਸਿਨ੍ਨੇਨਪਿ ਉਕ੍ਕਾਸਿਤਬ੍ਬਂ। ਚੀવਰવਂਸੇ વਾ ਚੀવਰਰਜ੍ਜੁਯਾ વਾ ਚੀવਰਂ ਨਿਕ੍ਖਿਪਿਤ੍વਾ ਸਾਧੁਕਂ ਅਤਰਮਾਨੇਨ વਚ੍ਚਕੁਟੀ ਪવਿਸਿਤਬ੍ਬਾ। ਨਾਤਿਸਹਸਾ ਪવਿਸਿਤਬ੍ਬਾ। ਨ ਉਬ੍ਭਜਿਤ੍વਾ ਪવਿਸਿਤਬ੍ਬਾ। વਚ੍ਚਪਾਦੁਕਾਯ ਠਿਤੇਨ ਉਬ੍ਭਜਿਤਬ੍ਬਂ। ਨ ਨਿਤ੍ਥੁਨਨ੍ਤੇਨ વਚ੍ਚੋ ਕਾਤਬ੍ਬੋ। ਨ ਦਨ੍ਤਕਟ੍ਠਂ ਖਾਦਨ੍ਤੇਨ વਚ੍ਚੋ ਕਾਤਬ੍ਬੋ। ਨ ਬਹਿਦ੍ਧਾ વਚ੍ਚਦੋਣਿਕਾਯ વਚ੍ਚੋ ਕਾਤਬ੍ਬੋ। ਨ ਬਹਿਦ੍ਧਾ ਪਸ੍ਸਾવਦੋਣਿਕਾਯ ਪਸ੍ਸਾવੋ ਕਾਤਬ੍ਬੋ। ਨ ਪਸ੍ਸਾવਦੋਣਿਕਾਯ ਖੇਲ਼ੋ ਕਾਤਬ੍ਬੋ। ਨ ਫਰੁਸੇਨ ਕਟ੍ਠੇਨ ਅવਲੇਖਿਤਬ੍ਬਂ। ਨ ਅવਲੇਖਨਕਟ੍ਠਂ વਚ੍ਚਕੂਪਮ੍ਹਿ ਪਾਤੇਤਬ੍ਬਂ। વਚ੍ਚਪਾਦੁਕਾਯ ਠਿਤੇਨ ਪਟਿਚ੍ਛਾਦੇਤਬ੍ਬਂ। ਨਾਤਿਸਹਸਾ ਨਿਕ੍ਖਮਿਤਬ੍ਬਂ। ਨ ਉਬ੍ਭਜਿਤ੍વਾ ਨਿਕ੍ਖਮਿਤਬ੍ਬਂ। ਆਚਮਨਪਾਦੁਕਾਯ ਠਿਤੇਨ ਉਬ੍ਭਜਿਤਬ੍ਬਂ। ਨ ਚਪੁਚਪੁਕਾਰਕਂ ਆਚਮੇਤਬ੍ਬਂ। ਨ ਆਚਮਨਸਰਾવਕੇ ਉਦਕਂ ਸੇਸੇਤਬ੍ਬਂ। ਆਚਮਨਪਾਦੁਕਾਯ ਠਿਤੇਨ ਪਟਿਚ੍ਛਾਦੇਤਬ੍ਬਂ।
374. ‘‘Tena hi, bhikkhave, bhikkhūnaṃ vaccakuṭivattaṃ paññapessāmi yathā bhikkhūhi vaccakuṭiyā sammā vattitabbaṃ. Yo vaccakuṭiṃ gacchati tena bahi ṭhitena 6 ukkāsitabbaṃ. Anto nisinnenapi ukkāsitabbaṃ. Cīvaravaṃse vā cīvararajjuyā vā cīvaraṃ nikkhipitvā sādhukaṃ ataramānena vaccakuṭī pavisitabbā. Nātisahasā pavisitabbā. Na ubbhajitvā pavisitabbā. Vaccapādukāya ṭhitena ubbhajitabbaṃ. Na nitthunantena vacco kātabbo. Na dantakaṭṭhaṃ khādantena vacco kātabbo. Na bahiddhā vaccadoṇikāya vacco kātabbo. Na bahiddhā passāvadoṇikāya passāvo kātabbo. Na passāvadoṇikāya kheḷo kātabbo. Na pharusena kaṭṭhena avalekhitabbaṃ. Na avalekhanakaṭṭhaṃ vaccakūpamhi pātetabbaṃ. Vaccapādukāya ṭhitena paṭicchādetabbaṃ. Nātisahasā nikkhamitabbaṃ. Na ubbhajitvā nikkhamitabbaṃ. Ācamanapādukāya ṭhitena ubbhajitabbaṃ. Na capucapukārakaṃ ācametabbaṃ. Na ācamanasarāvake udakaṃ sesetabbaṃ. Ācamanapādukāya ṭhitena paṭicchādetabbaṃ.
‘‘ਸਚੇ વਚ੍ਚਕੁਟਿ ਉਹਤਾ 7 ਹੋਤਿ, ਧੋવਿਤਬ੍ਬਾ। ਸਚੇ ਅવਲੇਖਨਪਿਧਰੋ ਪੂਰੋ ਹੋਤਿ, ਅવਲੇਖਨਕਟ੍ਠਂ ਛਡ੍ਡੇਤਬ੍ਬਂ। ਸਚੇ વਚ੍ਚਕੁਟਿ ਉਕ੍ਲਾਪਾ ਹੋਤਿ, વਚ੍ਚਕੁਟਿ ਸਮ੍ਮਜ੍ਜਿਤਬ੍ਬਾ। ਸਚੇ ਪਰਿਭਣ੍ਡਂ ਉਕ੍ਲਾਪਂ ਹੋਤਿ, ਪਰਿਭਣ੍ਡਂ ਸਮ੍ਮਜ੍ਜਿਤਬ੍ਬਂ। ਸਚੇ ਪਰਿવੇਣਂ ਉਕ੍ਲਾਪਂ ਹੋਤਿ, ਪਰਿવੇਣਂ ਸਮ੍ਮਜ੍ਜਿਤਬ੍ਬਂ । ਸਚੇ ਕੋਟ੍ਠਕੋ ਉਕ੍ਲਾਪੋ ਹੋਤਿ, ਕੋਟ੍ਠਕੋ ਸਮ੍ਮਜ੍ਜਿਤਬ੍ਬੋ। ਸਚੇ ਆਚਮਨਕੁਮ੍ਭਿਯਾ ਉਦਕਂ ਨ ਹੋਤਿ, ਆਚਮਨਕੁਮ੍ਭਿਯਾ ਉਦਕਂ ਆਸਿਞ੍ਚਿਤਬ੍ਬਂ । ਇਦਂ ਖੋ, ਭਿਕ੍ਖવੇ, ਭਿਕ੍ਖੂਨਂ વਚ੍ਚਕੁਟਿવਤ੍ਤਂ ਯਥਾ ਭਿਕ੍ਖੂਹਿ વਚ੍ਚਕੁਟਿਯਾ ਸਮ੍ਮਾ વਤ੍ਤਿਤਬ੍ਬ’’ਨ੍ਤਿ।
‘‘Sace vaccakuṭi uhatā 8 hoti, dhovitabbā. Sace avalekhanapidharo pūro hoti, avalekhanakaṭṭhaṃ chaḍḍetabbaṃ. Sace vaccakuṭi uklāpā hoti, vaccakuṭi sammajjitabbā. Sace paribhaṇḍaṃ uklāpaṃ hoti, paribhaṇḍaṃ sammajjitabbaṃ. Sace pariveṇaṃ uklāpaṃ hoti, pariveṇaṃ sammajjitabbaṃ . Sace koṭṭhako uklāpo hoti, koṭṭhako sammajjitabbo. Sace ācamanakumbhiyā udakaṃ na hoti, ācamanakumbhiyā udakaṃ āsiñcitabbaṃ . Idaṃ kho, bhikkhave, bhikkhūnaṃ vaccakuṭivattaṃ yathā bhikkhūhi vaccakuṭiyā sammā vattitabba’’nti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਜਨ੍ਤਾਘਰવਤ੍ਤਾਦਿਕਥਾ • Jantāgharavattādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / વਚ੍ਚਕੁਟਿવਤ੍ਤਕਥਾવਣ੍ਣਨਾ • Vaccakuṭivattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪਿਣ੍ਡਚਾਰਿਕવਤ੍ਤਕਥਾਦਿવਣ੍ਣਨਾ • Piṇḍacārikavattakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੯. ਜਨ੍ਤਾਘਰવਤ੍ਤਾਦਿਕਥਾ • 9. Jantāgharavattādikathā
