| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[235] 5. важчанакаж̇аад̇агаван̣н̣анаа
[235] 5. Vacchanakhajātakavaṇṇanā
сукаа гхараа важчанакаад̇и ид̣̇ам̣ сад̇т̇аа ж̇зд̇аванз вихаранд̇о рож̇амаллам̣ аараб̣бха гат̇зси. со гирааяасмад̇о аананд̣̇асса г̇ихисахааяо. со згад̣̇ивасам̣ ааг̇аманад̇т̇ааяа т̇зрасса саасанам̣ баахзси, т̇зро сад̇т̇аарам̣ аабужчид̇ваа аг̇амааси. со т̇зрам̣ наанаг̇г̇арасабхож̇анам̣ бхож̇зд̇ваа згаманд̇ам̣ нисинно т̇зрзна сад̣̇д̇хим̣ бадисант̇аарам̣ гад̇ваа т̇зрам̣ г̇ихибхог̇зхи бан̃жахи гаамаг̇ун̣зхи ниманд̇знд̇о ‘‘бханд̇з аананд̣̇а, мама г̇зхз бахууд̇ам̣ савин̃н̃аан̣агаавин̃н̃аан̣агарад̇анам̣, ид̣̇ам̣ маж̇жхз бхинд̣̇ид̇ваа д̇уяхам̣ д̣̇амми, зхи убхо аг̇аарам̣ аж̇жхаавасаамаа’’д̇и. т̇зро д̇асса гаамаг̇ун̣зсу аад̣̇ийнавам̣ гат̇зд̇ваа удтааяаасанаа вихаарам̣ г̇анд̇ваа ‘‘д̣̇идто д̇з, аананд̣̇а, рож̇о’’д̇и сад̇т̇аараа бужчид̇о ‘‘аама, бханд̇з’’д̇и вад̇ваа ‘‘гимасса гат̇зсий’’д̇и вуд̇д̇з ‘‘бханд̇з, мам̣ рож̇о гхарааваасзна ниманд̇зси, ат̇ассаахам̣ гхарааваасз жзва гаамаг̇ун̣зсу жа аад̣̇ийнавам̣ гат̇зси’’нд̇и. сад̇т̇аа ‘‘на ко, аананд̣̇а, рож̇о малло ид̣̇аанзва баб̣б̣аж̇ид̇з гхарааваасзна ниманд̇зси, буб̣б̣зби ниманд̇зсиязваа’’д̇и вад̇ваа д̇зна яаажид̇о ад̇ийд̇ам̣ аахари.
Sukhāgharā vacchanakhāti idaṃ satthā jetavane viharanto rojamallaṃ ārabbha kathesi. So kirāyasmato ānandassa gihisahāyo. So ekadivasaṃ āgamanatthāya therassa sāsanaṃ pāhesi, thero satthāraṃ āpucchitvā agamāsi. So theraṃ nānaggarasabhojanaṃ bhojetvā ekamantaṃ nisinno therena saddhiṃ paṭisanthāraṃ katvā theraṃ gihibhogehi pañcahi kāmaguṇehi nimantento ‘‘bhante ānanda, mama gehe pahūtaṃ saviññāṇakaaviññāṇakaratanaṃ, idaṃ majjhe bhinditvā tuyhaṃ dammi, ehi ubho agāraṃ ajjhāvasāmā’’ti. Thero tassa kāmaguṇesu ādīnavaṃ kathetvā uṭṭhāyāsanā vihāraṃ gantvā ‘‘diṭṭho te, ānanda, rojo’’ti satthārā pucchito ‘‘āma, bhante’’ti vatvā ‘‘kimassa kathesī’’ti vutte ‘‘bhante, maṃ rojo gharāvāsena nimantesi, athassāhaṃ gharāvāse ceva kāmaguṇesu ca ādīnavaṃ kathesi’’nti. Satthā ‘‘na kho, ānanda, rojo mallo idāneva pabbajite gharāvāsena nimantesi, pubbepi nimantesiyevā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о ан̃н̃ад̇арасмим̣ ниг̇амаг̇аамз б̣раахман̣агулз ниб̣б̣ад̇д̇ид̇ваа ваяаббад̇д̇о исибаб̣б̣аж̇ж̇ам̣ баб̣б̣аж̇ид̇ваа химаванд̇абад̣̇зсз жирам̣ васид̇ваа лон̣амб̣иласзванад̇т̇ааяа б̣аараан̣асим̣ бад̇ваа рааж̇уяяаанз васид̇ваа бунад̣̇ивасз б̣аараан̣асим̣ баависи. ат̇асса б̣аараан̣асисздти аажааравихаарз басийд̣̇ид̇ваа г̇зхам̣ нзд̇ваа бхож̇зд̇ваа уяяаанз васанад̇т̇ааяа бадин̃н̃ам̣ г̇ахзд̇ваа д̇ам̣ бадиж̇аг̇г̇анд̇о уяяаанз васаабзси. д̇з ан̃н̃аман̃н̃ам̣ уббаннасинзхаа ахзсум̣.
Atīte bārāṇasiyaṃ brahmadatte rajjaṃ kārente bodhisatto aññatarasmiṃ nigamagāme brāhmaṇakule nibbattitvā vayappatto isipabbajjaṃ pabbajitvā himavantapadese ciraṃ vasitvā loṇambilasevanatthāya bārāṇasiṃ patvā rājuyyāne vasitvā punadivase bārāṇasiṃ pāvisi. Athassa bārāṇasiseṭṭhi ācāravihāre pasīditvā gehaṃ netvā bhojetvā uyyāne vasanatthāya paṭiññaṃ gahetvā taṃ paṭijagganto uyyāne vasāpesi. Te aññamaññaṃ uppannasinehā ahesuṃ.
ат̇згад̣̇ивасам̣ б̣аараан̣асисздти б̣од̇хисад̇д̇з бзмависсаасавасзна звам̣ жинд̇зси – ‘‘баб̣б̣аж̇ж̇аа наама д̣̇угкаа, мама сахааяам̣ важчанакабариб̣б̣ааж̇агам̣ уббаб̣б̣ааж̇зд̇ваа саб̣б̣ам̣ вибхавам̣ маж̇жхз бхинд̣̇ид̇ваа д̇асса д̣̇ад̇ваа д̣̇взби самаг̇г̇аваасам̣ васиссаамаа’’д̇и. со згад̣̇ивасам̣ бхад̇д̇агижжабарияосаанз д̇зна сад̣̇д̇хим̣ мад̇хурабадисант̇аарам̣ гад̇ваа ‘‘бханд̇з важчанака, баб̣б̣аж̇ж̇аа наама д̣̇угкаа, суко гхарааваасо, зхи убхо самаг̇г̇аа гаамз барибхун̃ж̇анд̇аа васаамаа’’д̇и вад̇ваа батамам̣ г̇аат̇амааха –
Athekadivasaṃ bārāṇasiseṭṭhi bodhisatte pemavissāsavasena evaṃ cintesi – ‘‘pabbajjā nāma dukkhā, mama sahāyaṃ vacchanakhaparibbājakaṃ uppabbājetvā sabbaṃ vibhavaṃ majjhe bhinditvā tassa datvā dvepi samaggavāsaṃ vasissāmā’’ti. So ekadivasaṃ bhattakiccapariyosāne tena saddhiṃ madhurapaṭisanthāraṃ katvā ‘‘bhante vacchanakha, pabbajjā nāma dukkhā, sukho gharāvāso, ehi ubho samaggā kāme paribhuñjantā vasāmā’’ti vatvā paṭhamaṃ gāthamāha –
169.
169.
‘‘сукаа гхараа важчанака, сахиран̃н̃аа сабхож̇анаа;
‘‘Sukhā gharā vacchanakha, sahiraññā sabhojanā;
яад̇т̇а бхуд̇ваа бивид̇ваа жа, саязяяаат̇а ануссуго’’д̇и.
Yattha bhutvā pivitvā ca, sayeyyātha anussuko’’ti.
д̇ад̇т̇а сахиран̃н̃аад̇и сад̇д̇арад̇анасамбаннаа. сабхож̇анаад̇и б̣ахукаад̣̇анийяабхож̇анийяаа. яад̇т̇а бхуд̇ваа бивид̇ваа жаад̇и язсу сахиран̃н̃абхож̇анзсу гхарзсу наанаг̇г̇арасаани бхож̇анаани барибхун̃ж̇ид̇ваа наанаабаанаани жа бивид̇ваа. саязяяаат̇а ануссугод̇и язсу алан̇гад̇асирисаяанабидтз ануссуго худ̇ваа саязяяааси, д̇з гхараа наама ад̇ивияа сукаад̇и.
Tattha sahiraññāti sattaratanasampannā. Sabhojanāti bahukhādanīyabhojanīyā. Yattha bhutvā pivitvā cāti yesu sahiraññabhojanesu gharesu nānaggarasāni bhojanāni paribhuñjitvā nānāpānāni ca pivitvā. Sayeyyātha anussukoti yesu alaṅkatasirisayanapiṭṭhe anussuko hutvā sayeyyāsi, te gharā nāma ativiya sukhāti.
ат̇асса д̇ам̣ суд̇ваа б̣од̇хисад̇д̇о ‘‘махаасздти, д̇вам̣ ан̃н̃аан̣ад̇ааяа гаамаг̇ид̣̇д̇хо худ̇ваа гхарааваасасса г̇ун̣ам̣, баб̣б̣аж̇ж̇ааяа жа аг̇ун̣ам̣ гат̇зси, гхарааваасасса д̇з аг̇ун̣ам̣ гат̇зссаами, сун̣аахи д̣̇ааний’’д̇и вад̇ваа д̣̇уд̇ияам̣ г̇аат̇амааха –
Athassa taṃ sutvā bodhisatto ‘‘mahāseṭṭhi, tvaṃ aññāṇatāya kāmagiddho hutvā gharāvāsassa guṇaṃ, pabbajjāya ca aguṇaṃ kathesi, gharāvāsassa te aguṇaṃ kathessāmi, suṇāhi dānī’’ti vatvā dutiyaṃ gāthamāha –
170.
170.
‘‘гхараа наанийхамаанасса, гхараа наабхан̣ад̇о мусаа;
‘‘Gharā nānīhamānassa, gharā nābhaṇato musā;
гхараа наад̣̇иннад̣̇ан̣д̣асса, барзсам̣ анигуб̣б̣ад̇о;
Gharā nādinnadaṇḍassa, paresaṃ anikubbato;
звам̣ чид̣̇д̣̇ам̣ д̣̇урабхисамбхавам̣, го гхарам̣ бадибаж̇ж̇ад̇ий’’д̇и.
Evaṃ chiddaṃ durabhisambhavaṃ, ko gharaṃ paṭipajjatī’’ti.
д̇ад̇т̇а гхараа наанийхамаанассаад̇и нижжагаалам̣ гасиг̇орагкаад̣̇игаран̣зна анийхамаанасса авааяаманд̇асса гхараа наама над̇т̇и, гхарааваасо на бад̇идтаад̇ийд̇и ад̇т̇о. гхараа наабхан̣ад̇о мусаад̇и кзд̇д̇авад̇т̇ухиран̃н̃асуван̣н̣аад̣̇ийнам̣ ад̇т̇ааяа амусаабхан̣ад̇оби гхараа наама над̇т̇и. гхараа наад̣̇иннад̣̇ан̣д̣асса, барзсам̣ анигуб̣б̣ад̇од̇и наад̣̇иннад̣̇ан̣д̣ассаад̇и аг̇г̇ахид̇ад̣̇ан̣д̣асса, нигкид̇д̇ад̣̇ан̣д̣асса барзсам̣ анигуб̣б̣ад̇о гхараа наама над̇т̇и. яо бана аад̣̇иннад̣̇ан̣д̣о худ̇ваа барзсам̣ д̣̇аасагаммагараад̣̇ийнам̣ д̇асмим̣ д̇асмим̣ абараад̇хз абараад̇хаануруубам̣ вад̇хаб̣анд̇ханачзд̣̇анад̇аал̣анаад̣̇ивасзна гарод̇и, д̇ассзва гхарааваасо сан̣тахад̇ийд̇и ад̇т̇о. звам̣ чид̣̇д̣̇ам̣ д̣̇урабхисамбхавам̣, го гхарам̣ бадибаж̇ж̇ад̇ийд̇и д̇ам̣ д̣̇аани звам̣ зд̇зсам̣ ийханаад̣̇ийнам̣ агаран̣з сад̇и д̇ааяа д̇ааяа барихаанияаа чид̣̇д̣̇ам̣ гаран̣зби сад̇и нижжамзва гаад̇аб̣б̣ад̇о д̣̇урабхисамбхавам̣ д̣̇ураараад̇ханийяам̣, нижжам̣ гаронд̇ассаби ваа д̣̇урабхисамбхавамзва д̣̇уббуурам̣ гхарааваасам̣ ‘‘ахам̣ ниббарид̇ассо худ̇ваа аж̇жхаавасиссаамий’’д̇и го бадибаж̇ж̇ад̇ийд̇и.
Tattha gharā nānīhamānassāti niccakālaṃ kasigorakkhādikaraṇena anīhamānassa avāyamantassa gharā nāma natthi, gharāvāso na patiṭṭhātīti attho. Gharā nābhaṇato musāti khettavatthuhiraññasuvaṇṇādīnaṃ atthāya amusābhaṇatopi gharā nāma natthi. Gharā nādinnadaṇḍassa, paresaṃ anikubbatoti nādinnadaṇḍassāti aggahitadaṇḍassa, nikkhittadaṇḍassa paresaṃ anikubbato gharā nāma natthi. Yo pana ādinnadaṇḍo hutvā paresaṃ dāsakammakarādīnaṃ tasmiṃ tasmiṃ aparādhe aparādhānurūpaṃ vadhabandhanachedanatāḷanādivasena karoti, tasseva gharāvāso saṇṭhahatīti attho. Evaṃ chiddaṃ durabhisambhavaṃ, ko gharaṃ paṭipajjatīti taṃ dāni evaṃ etesaṃ īhanādīnaṃ akaraṇe sati tāya tāya parihāniyā chiddaṃ karaṇepi sati niccameva kātabbato durabhisambhavaṃ durārādhanīyaṃ, niccaṃ karontassapi vā durabhisambhavameva duppūraṃ gharāvāsaṃ ‘‘ahaṃ nipparitasso hutvā ajjhāvasissāmī’’ti ko paṭipajjatīti.
звам̣ махаасад̇д̇о гхарааваасасса д̣̇осам̣ гат̇зд̇ваа уяяаанамзва аг̇амааси.
Evaṃ mahāsatto gharāvāsassa dosaṃ kathetvā uyyānameva agamāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа б̣аараан̣асисздти рож̇о малло ахоси, важчанакабариб̣б̣ааж̇аго бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā bārāṇasiseṭṭhi rojo mallo ahosi, vacchanakhaparibbājako pana ahameva ahosi’’nti.
важчанакаж̇аад̇агаван̣н̣анаа бан̃жамаа.
Vacchanakhajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 235. важчанакаж̇аад̇агам̣ • 235. Vacchanakhajātakaṃ
