| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
9. наваганибаад̇о
9. Navakanipāto
1. вад̣дхамаад̇ут̇зрийг̇аат̇ааван̣н̣анаа
1. Vaḍḍhamātutherīgāthāvaṇṇanā
наваганибаад̇з маа су д̇з вад̣дха логамхийд̇иаад̣̇игаа вад̣дхамаад̇ааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий, ануггамзна самбхад̇авимогкасамбхаараа худ̇ваа имасмим̣ б̣уд̣̇д̇хуббаад̣̇з бхааругажчаганаг̇арз гулаг̇зхз ниб̣б̣ад̇д̇ид̇ваа ваяаббад̇д̇аа бад̇игулам̣ г̇ад̇аа згам̣ буд̇д̇ам̣ виж̇ааяи. д̇асса вад̣дход̇и наамам̣ ахоси. д̇ад̇о бадтааяа саа вад̣дхамаад̇аад̇и вохарийяид̇т̇а. саа бхигкуунам̣ санд̇игз д̇хаммам̣ суд̇ваа бадилад̣̇д̇хасад̣̇д̇хаа буд̇д̇ам̣ н̃аад̇ийнам̣ нияяаад̣̇зд̇ваа бхигкунубассаяам̣ г̇анд̇ваа баб̣б̣аж̇и. ид̇о барам̣ яам̣ вад̇д̇аб̣б̣ам̣, д̇ам̣ вад̣дхад̇т̇зрасса вад̇т̇умхи (т̇зраг̇аа. адта. 2.вад̣дхад̇т̇зраг̇аат̇ааван̣н̣анаа) ааг̇ад̇амзва. вад̣дхад̇т̇зран̃хи ад̇д̇ано буд̇д̇ам̣ санд̇аруд̇д̇арам̣ згагам̣ бхигкунубассаяз ад̇д̇ано д̣̇ассанад̇т̇ааяа убаг̇ад̇ам̣ аяам̣ т̇зрий ‘‘гасмаа д̇вам̣ згаго санд̇аруд̇д̇арова ид̇хааг̇ад̇о’’д̇и жод̣̇зд̇ваа овад̣̇анд̇ий –
Navakanipāte mā su te vaḍḍha lokamhītiādikā vaḍḍhamātāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī, anukkamena sambhatavimokkhasambhārā hutvā imasmiṃ buddhuppāde bhārukacchakanagare kulagehe nibbattitvā vayappattā patikulaṃ gatā ekaṃ puttaṃ vijāyi. Tassa vaḍḍhoti nāmaṃ ahosi. Tato paṭṭhāya sā vaḍḍhamātāti voharīyittha. Sā bhikkhūnaṃ santike dhammaṃ sutvā paṭiladdhasaddhā puttaṃ ñātīnaṃ niyyādetvā bhikkhunupassayaṃ gantvā pabbaji. Ito paraṃ yaṃ vattabbaṃ, taṃ vaḍḍhattherassa vatthumhi (theragā. aṭṭha. 2.vaḍḍhattheragāthāvaṇṇanā) āgatameva. Vaḍḍhattherañhi attano puttaṃ santaruttaraṃ ekakaṃ bhikkhunupassaye attano dassanatthāya upagataṃ ayaṃ therī ‘‘kasmā tvaṃ ekako santaruttarova idhāgato’’ti codetvā ovadantī –
204.
204.
‘‘маа су д̇з вад̣дха логамхи, ванат̇о аху гуд̣̇аажанам̣;
‘‘Mā su te vaḍḍha lokamhi, vanatho ahu kudācanaṃ;
маа буд̇д̇ага бунаббунам̣, аху д̣̇угкасса бхааг̇имаа.
Mā puttaka punappunaṃ, ahu dukkhassa bhāgimā.
205.
205.
‘‘сукан̃хи вад̣дха мунаяо, анзж̇аа чиннасам̣саяаа;
‘‘Sukhañhi vaḍḍha munayo, anejā chinnasaṃsayā;
сийд̇ибхууд̇аа д̣̇амаббад̇д̇аа, вихаранд̇и анаасаваа.
Sītibhūtā damappattā, viharanti anāsavā.
206.
206.
‘‘д̇зхаанужин̣н̣ам̣ исийхи, маг̇г̇ам̣ д̣̇ассанабад̇д̇ияаа;
‘‘Tehānuciṇṇaṃ isīhi, maggaṃ dassanapattiyā;
д̣̇угкассанд̇агирияааяа, д̇вам̣ вад̣дха ануб̣руухаяаа’’д̇и. –
Dukkhassantakiriyāya, tvaṃ vaḍḍha anubrūhayā’’ti. –
имаа д̇иссо г̇аат̇аа абхааси.
Imā tisso gāthā abhāsi.
д̇ад̇т̇а маа су д̇з вад̣дха логамхи, ванат̇о аху гуд̣̇аажананд̇и сууд̇и нибаад̇амад̇д̇ам̣. вад̣дха, буд̇д̇ага, саб̣б̣асмимби сад̇д̇алогз, сан̇кааралогз жа гилзсаванат̇о д̇уяхам̣ гад̣̇аажиби маа аху маа ахоси . д̇ад̇т̇а гааран̣амааха – ‘‘маа, буд̇д̇ага, бунаббунам̣, аху д̣̇угкасса бхааг̇имаа’’д̇и ванат̇ам̣ анужчинд̣̇анд̇о д̇ам̣ нимид̇д̇асса бунаббунам̣ абараабарам̣ ж̇аад̇иаад̣̇ид̣̇угкасса бхааг̇ий маа ахоси.
Tattha mā su te vaḍḍha lokamhi, vanatho ahu kudācananti sūti nipātamattaṃ. Vaḍḍha, puttaka, sabbasmimpi sattaloke, saṅkhāraloke ca kilesavanatho tuyhaṃ kadācipi mā ahu mā ahosi . Tattha kāraṇamāha – ‘‘mā, puttaka, punappunaṃ, ahu dukkhassa bhāgimā’’ti vanathaṃ anucchindanto taṃ nimittassa punappunaṃ aparāparaṃ jātiādidukkhassa bhāgī mā ahosi.
звам̣ ванат̇асса асамужчзд̣̇з аад̣̇ийнавам̣ д̣̇ассзд̇ваа ид̣̇аани самужчзд̣̇з аанисам̣сам̣ д̣̇ассзнд̇ий ‘‘сукан̃хи вад̣дхаа’’д̇иаад̣̇имааха. д̇ассад̇т̇о – буд̇д̇ага, вад̣дха монзяяад̇хаммасаманнааг̇ад̇зна мунаяо, зж̇аасан̇каад̇ааяа д̇ан̣хааяа абхаавзна анзж̇аа, д̣̇ассанамаг̇г̇знзва бахийнавижигижчад̇ааяа чиннасам̣саяаа, саб̣б̣агилзсабарил̣аахаабхаавзна сийд̇ибхууд̇аа, уд̇д̇амасса д̣̇амат̇асса ад̇хиг̇ад̇ад̇д̇аа д̣̇амаббад̇д̇аа анаасаваа кийн̣аасаваа сукам̣ вихаранд̇и, на д̇зсам̣ зд̇арахи жзд̇од̣̇угкам̣ ад̇т̇и, ааяад̇им̣ бана саб̣б̣амби д̣̇угкам̣ на бхависсад̇зва.
Evaṃ vanathassa asamucchede ādīnavaṃ dassetvā idāni samucchede ānisaṃsaṃ dassentī ‘‘sukhañhivaḍḍhā’’tiādimāha. Tassattho – puttaka, vaḍḍha moneyyadhammasamannāgatena munayo, ejāsaṅkhātāya taṇhāya abhāvena anejā, dassanamaggeneva pahīnavicikicchatāya chinnasaṃsayā, sabbakilesapariḷāhābhāvena sītibhūtā, uttamassa damathassa adhigatattā damappattā anāsavā khīṇāsavā sukhaṃ viharanti, na tesaṃ etarahi cetodukkhaṃ atthi, āyatiṃ pana sabbampi dukkhaṃ na bhavissateva.
яасмаа жзд̇звам̣, д̇асмаа д̇зхаанужин̣н̣ам̣ исийхи…бз… ануб̣руухаяаад̇и д̇зхи кийн̣аасавзхи исийхи анужин̣н̣ам̣ бадибаннам̣ самат̇авибассанаамаг̇г̇ам̣ н̃аан̣ад̣̇ассанасса ад̇хиг̇амааяа сагалассааби ваддад̣̇угкасса анд̇агирияааяа вад̣дха, д̇вам̣ ануб̣руухаяа вад̣дхзяяаасийд̇и.
Yasmā cetevaṃ, tasmā tehānuciṇṇaṃ isīhi…pe… anubrūhayāti tehi khīṇāsavehi isīhi anuciṇṇaṃ paṭipannaṃ samathavipassanāmaggaṃ ñāṇadassanassa adhigamāya sakalassāpi vaṭṭadukkhassa antakiriyāya vaḍḍha, tvaṃ anubrūhaya vaḍḍheyyāsīti.
д̇ам̣ суд̇ваа вад̣дхад̇т̇зро ‘‘ад̣̇д̇хаа мама маад̇аа арахад̇д̇з бад̇идтид̇аа’’д̇и жинд̇зд̇ваа д̇амад̇т̇ам̣ бавзд̣̇знд̇о –
Taṃ sutvā vaḍḍhatthero ‘‘addhā mama mātā arahatte patiṭṭhitā’’ti cintetvā tamatthaṃ pavedento –
207.
207.
‘‘висаарад̣̇аава бхан̣аси, зд̇амад̇т̇ам̣ ж̇анзд̇д̇и мз;
‘‘Visāradāva bhaṇasi, etamatthaṃ janetti me;
ман̃н̃аами нууна маамигз, ванат̇о д̇з на виж̇ж̇ад̇ий’’д̇и. – г̇аат̇амааха;
Maññāmi nūna māmike, vanatho te na vijjatī’’ti. – gāthamāha;
д̇ад̇т̇а висаарад̣̇аава бхан̣аси, зд̇амад̇т̇ам̣ ж̇анзд̇д̇и мзд̇и ‘‘маа су д̇з вад̣дха логамхи, ванат̇о аху гуд̣̇аажана’’нд̇и зд̇амад̇т̇ам̣ зд̇ам̣ оваад̣̇ам̣, амма, виг̇ад̇асаараж̇ж̇аа гад̇т̇ажи алаг̇г̇аа аналлийнаава худ̇ваа маяхам̣ вад̣̇аси. д̇асмаа ман̃н̃аами нууна маамигз, ванат̇о д̇з на виж̇ж̇ад̇ийд̇и, нууна маамигз маяхам̣, амма, г̇зхасид̇абзмамад̇д̇оби ванат̇о д̇уяхам̣ маяи на виж̇ж̇ад̇ийд̇и ман̃н̃аами, на маамигаад̇и ад̇т̇о.
Tattha visāradāva bhaṇasi, etamatthaṃ janetti meti ‘‘mā su te vaḍḍha lokamhi, vanatho ahu kudācana’’nti etamatthaṃ etaṃ ovādaṃ, amma, vigatasārajjā katthaci alaggā anallīnāva hutvā mayhaṃ vadasi. Tasmā maññāmi nūna māmike, vanatho te na vijjatīti, nūna māmike mayhaṃ, amma, gehasitapemamattopi vanatho tuyhaṃ mayi na vijjatīti maññāmi, na māmikāti attho.
д̇ам̣ суд̇ваа т̇зрий ‘‘ан̣умад̇д̇оби гилзсо гад̇т̇ажиби висаяз мама на виж̇ж̇ад̇ий’’д̇и вад̇ваа ад̇д̇ано гад̇агижжад̇ам̣ багаасзнд̇ий –
Taṃ sutvā therī ‘‘aṇumattopi kileso katthacipi visaye mama na vijjatī’’ti vatvā attano katakiccataṃ pakāsentī –
208.
208.
‘‘яз гзжи вад̣дха сан̇каараа, хийнаа уггадтамаж̇жхимаа;
‘‘Ye keci vaḍḍha saṅkhārā, hīnā ukkaṭṭhamajjhimā;
ан̣ууби ан̣умад̇д̇оби, ванат̇о мз на виж̇ж̇ад̇и.
Aṇūpi aṇumattopi, vanatho me na vijjati.
209.
209.
‘‘саб̣б̣з мз аасаваа кийн̣аа, аббамад̇д̇асса жхааяад̇о;
‘‘Sabbe me āsavā khīṇā, appamattassa jhāyato;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и. –
Tisso vijjā anuppattā, kataṃ buddhassa sāsana’’nti. –
имам̣ г̇аат̇аад̣̇ваяамааха.
Imaṃ gāthādvayamāha.
д̇ад̇т̇а яз гзжийд̇и анияамаважанам̣. сан̇каараад̇и сан̇кад̇ад̇хаммаа. хийнаад̇и лаамагаа бад̇игудтаа. уггадтамаж̇жхимаад̇и бан̣ийд̇аа жзва маж̇жхимаа жа. д̇зсу ваа асан̇кад̇аа хийнаа ж̇аад̇исан̇кад̇аа уггадтаа, убхаяавимиссид̇аа маж̇жхимаа. хийнзхи ваа чанд̣̇аад̣̇ийхи ниб̣б̣ад̇д̇ид̇аа хийнаа, маж̇жхимзхи маж̇жхимаа, бан̣ийд̇зхи уггадтаа. агусалаа д̇хаммаа ваа хийнаа, логуд̇д̇араа д̇хаммаа уггадтаа, ид̇араа маж̇жхимаа. ан̣ууби ан̣умад̇д̇обийд̇и на гзвалам̣ д̇аяи зва, ат̇а ко яз гзжи хийнаад̣̇ибхзд̣̇абхиннаа сан̇каараа. д̇зсу саб̣б̣зсу ан̣ууби ан̣умад̇д̇оби ад̇ибарид̇д̇агоби ванат̇о маяхам̣ на виж̇ж̇ад̇и.
Tattha ye kecīti aniyamavacanaṃ. Saṅkhārāti saṅkhatadhammā. Hīnāti lāmakā patikuṭṭhā. Ukkaṭṭhamajjhimāti paṇītā ceva majjhimā ca. Tesu vā asaṅkhatā hīnā jātisaṅkhatā ukkaṭṭhā, ubhayavimissitā majjhimā. Hīnehi vā chandādīhi nibbattitā hīnā, majjhimehi majjhimā, paṇītehi ukkaṭṭhā. Akusalā dhammā vā hīnā, lokuttarā dhammā ukkaṭṭhā, itarā majjhimā. Aṇūpi aṇumattopīti na kevalaṃ tayi eva, atha kho ye keci hīnādibhedabhinnā saṅkhārā. Tesu sabbesu aṇūpi aṇumattopi atiparittakopi vanatho mayhaṃ na vijjati.
д̇ад̇т̇а гааран̣амааха – ‘‘саб̣б̣з мз аасаваа кийн̣аа, аббамад̇д̇асса жхааяад̇о’’д̇и. д̇ад̇т̇а аббамад̇д̇асса жхааяад̇од̇и аббамад̇д̇ааяа жхааяанд̇ияаа, лин̇г̇авибаллаасзна хзд̇ам̣ вуд̇д̇ам̣. зд̇т̇а жа яасмаа д̇иссо виж̇ж̇аа ануббад̇д̇аа, д̇асмаа гад̇ам̣ б̣уд̣̇д̇хасса саасанам̣. яасмаа аббамад̇д̇аа жхааяиний, д̇асмаа саб̣б̣з мз аасаваа кийн̣аа, ан̣ууби ан̣умад̇д̇оби ванат̇о мз на виж̇ж̇ад̇ийд̇и яож̇анаа.
Tattha kāraṇamāha – ‘‘sabbe me āsavā khīṇā, appamattassa jhāyato’’ti. Tattha appamattassa jhāyatoti appamattāya jhāyantiyā, liṅgavipallāsena hetaṃ vuttaṃ. Ettha ca yasmā tisso vijjā anuppattā, tasmā kataṃ buddhassa sāsanaṃ. Yasmā appamattā jhāyinī, tasmā sabbe me āsavā khīṇā, aṇūpi aṇumattopi vanatho me na vijjatīti yojanā.
звам̣ вуд̇д̇аоваад̣̇ам̣ ан̇гусам̣ гад̇ваа сан̃ж̇аад̇асам̣взг̇о т̇зро вихаарам̣ г̇анд̇ваа д̣̇иваадтаанз нисинно вибассанам̣ вад̣дхзд̇ваа арахад̇д̇ам̣ бад̇ваа ад̇д̇ано бадибад̇д̇им̣ бажжавзгкид̇ваа сан̃ж̇аад̇асоманассо маад̇у санд̇игам̣ г̇анд̇ваа ан̃н̃ам̣ б̣яаагаронд̇о –
Evaṃ vuttaovādaṃ aṅkusaṃ katvā sañjātasaṃvego thero vihāraṃ gantvā divāṭṭhāne nisinno vipassanaṃ vaḍḍhetvā arahattaṃ patvā attano paṭipattiṃ paccavekkhitvā sañjātasomanasso mātu santikaṃ gantvā aññaṃ byākaronto –
210.
210.
‘‘ул̣аарам̣ вад̇а мз маад̇аа, бад̇од̣̇ам̣ самавассари;
‘‘Uḷāraṃ vata me mātā, patodaṃ samavassari;
барамад̇т̇асан̃хид̇аа г̇аат̇аа, яат̇ааби анугамбигаа.
Paramatthasañhitā gāthā, yathāpi anukampikā.
211.
211.
‘‘д̇ассаахам̣ важанам̣ суд̇ваа, анусидтим̣ ж̇анзд̇д̇ияаа;
‘‘Tassāhaṃ vacanaṃ sutvā, anusiṭṭhiṃ janettiyā;
д̇хаммасам̣взг̇амаабаад̣̇им̣, яог̇агкзмасса бад̇д̇ияаа.
Dhammasaṃvegamāpādiṃ, yogakkhemassa pattiyā.
212.
212.
‘‘сохам̣ бад̇хаанабахид̇ад̇д̇о, рад̇д̇инд̣̇ивамад̇анд̣̇ид̇о;
‘‘Sohaṃ padhānapahitatto, rattindivamatandito;
маад̇араа жод̣̇ид̇о санд̇з, апусим̣ санд̇имуд̇д̇ама’’нд̇и. –
Mātarā codito sante, aphusiṃ santimuttama’’nti. –
имаа д̇иссо г̇аат̇аа абхааси.
Imā tisso gāthā abhāsi.
ат̇а т̇зрий ад̇д̇ано важанам̣ ан̇гусам̣ гад̇ваа буд̇д̇асса арахад̇д̇аббад̇д̇ияаа аараад̇хид̇ажид̇д̇аа д̇зна бхаасид̇аг̇аат̇аа саяам̣ бажжанубхааси. звам̣ д̇ааби т̇зрияаа г̇аат̇аа наама ж̇аад̇аа.
Atha therī attano vacanaṃ aṅkusaṃ katvā puttassa arahattappattiyā ārādhitacittā tena bhāsitagāthā sayaṃ paccanubhāsi. Evaṃ tāpi theriyā gāthā nāma jātā.
д̇ад̇т̇а ул̣ааранд̇и вибулам̣ маханд̇ам̣. бад̇од̣̇анд̇и оваад̣̇абад̇од̣̇ам̣. самавассарийд̇и саммаа бавад̇д̇зси вад̇аад̇и яож̇анаа. го бана со бад̇од̣̇од̇и ааха ‘‘барамад̇т̇асан̃хид̇аа г̇аат̇аа’’д̇и. д̇ам̣ ‘‘маа су д̇з, вад̣дха, логамхий’’д̇иаад̣̇игаа г̇аат̇аа санд̇хааяа вад̣̇ад̇и. яат̇ааби анугамбигаад̇и яат̇аа ан̃н̃ааби ануг̇г̇аахигаа, звам̣ маяхам̣ маад̇аа бавад̇д̇инивад̇д̇ивибхааванаг̇аат̇аасан̇каад̇ам̣ ул̣аарам̣ бад̇од̣̇ам̣ бааж̇анад̣̇ан̣д̣агам̣ мама н̃аан̣авзг̇асамуд̇д̇зж̇ам̣ бавад̇д̇зсийд̇и ад̇т̇о.
Tattha uḷāranti vipulaṃ mahantaṃ. Patodanti ovādapatodaṃ. Samavassarīti sammā pavattesi vatāti yojanā. Ko pana so patodoti āha ‘‘paramatthasañhitā gāthā’’ti. Taṃ ‘‘mā su te, vaḍḍha, lokamhī’’tiādikā gāthā sandhāya vadati. Yathāpi anukampikāti yathā aññāpi anuggāhikā, evaṃ mayhaṃ mātā pavattinivattivibhāvanagāthāsaṅkhātaṃ uḷāraṃ patodaṃ pājanadaṇḍakaṃ mama ñāṇavegasamuttejaṃ pavattesīti attho.
д̇хаммасам̣взг̇амаабаад̣̇инд̇и н̃аан̣абхаяаавахад̇д̇аа ад̇ивияа маханд̇ам̣ бхим̣санам̣ сам̣взг̇ам̣ аабаж̇ж̇им̣.
Dhammasaṃvegamāpādinti ñāṇabhayāvahattā ativiya mahantaṃ bhiṃsanaṃ saṃvegaṃ āpajjiṃ.
бад̇хаанабахид̇ад̇д̇од̇и жад̇уб̣б̣ид̇хасаммаббад̇хаанаяог̇зна д̣̇иб̣б̣аанам̣ бадибзсид̇ажид̇д̇о. апусим̣ санд̇имуд̇д̇аманд̇и ануд̇д̇арам̣ санд̇им̣ ниб̣б̣аанам̣ пусим̣ ад̇хиг̇ажчинд̇и ад̇т̇о.
Padhānapahitattoti catubbidhasammappadhānayogena dibbānaṃ paṭipesitacitto. Aphusiṃ santimuttamanti anuttaraṃ santiṃ nibbānaṃ phusiṃ adhigacchinti attho.
вад̣дхамаад̇ут̇зрийг̇аат̇ааван̣н̣анаа нидтид̇аа.
Vaḍḍhamātutherīgāthāvaṇṇanā niṭṭhitā.
наваганибаад̇аван̣н̣анаа нидтид̇аа.
Navakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. вад̣дхамаад̇ут̇зрийг̇аат̇аа • 1. Vaḍḍhamātutherīgāthā
