| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૦. વાદીસુત્તં
10. Vādīsuttaṃ
૧૪૦. ‘‘ચત્તારોમે , ભિક્ખવે, વાદી. કતમે ચત્તારો? અત્થિ , ભિક્ખવે, વાદી અત્થતો પરિયાદાનં ગચ્છતિ, નો બ્યઞ્જનતો; અત્થિ, ભિક્ખવે, વાદી બ્યઞ્જનતો પરિયાદાનં ગચ્છતિ, નો અત્થતો; અત્થિ, ભિક્ખવે, વાદી અત્થતો ચ બ્યઞ્જનતો ચ પરિયાદાનં ગચ્છતિ; અત્થિ, ભિક્ખવે, વાદી નેવત્થતો નો બ્યઞ્જનતો પરિયાદાનં ગચ્છતિ. ઇમે ખો, ભિક્ખવે, ચત્તારો વાદી. અટ્ઠાનમેતં, ભિક્ખવે, અનવકાસો યં ચતૂહિ પટિસમ્ભિદાહિ સમન્નાગતો 1 અત્થતો વા બ્યઞ્જનતો વા પરિયાદાનં ગચ્છેય્યા’’તિ. દસમં.
140. ‘‘Cattārome , bhikkhave, vādī. Katame cattāro? Atthi , bhikkhave, vādī atthato pariyādānaṃ gacchati, no byañjanato; atthi, bhikkhave, vādī byañjanato pariyādānaṃ gacchati, no atthato; atthi, bhikkhave, vādī atthato ca byañjanato ca pariyādānaṃ gacchati; atthi, bhikkhave, vādī nevatthato no byañjanato pariyādānaṃ gacchati. Ime kho, bhikkhave, cattāro vādī. Aṭṭhānametaṃ, bhikkhave, anavakāso yaṃ catūhi paṭisambhidāhi samannāgato 2 atthato vā byañjanato vā pariyādānaṃ gaccheyyā’’ti. Dasamaṃ.
પુગ્ગલવગ્ગો ચતુત્થો.
Puggalavaggo catuttho.
તસ્સુદ્દાનં –
Tassuddānaṃ –
સંયોજનં પટિભાનો, ઉગ્ઘટિતઞ્ઞુ ઉટ્ઠાનં;
Saṃyojanaṃ paṭibhāno, ugghaṭitaññu uṭṭhānaṃ;
સાવજ્જો દ્વે ચ સીલાનિ, નિકટ્ઠ ધમ્મ વાદી ચાતિ.
Sāvajjo dve ca sīlāni, nikaṭṭha dhamma vādī cāti.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૦. વાદીસુત્તવણ્ણના • 10. Vādīsuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૯-૧૦. ધમ્મકથિકસુત્તાદિવણ્ણના • 9-10. Dhammakathikasuttādivaṇṇanā
