| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೧೦. ವಾದೀಸುತ್ತಂ
10. Vādīsuttaṃ
೧೪೦. ‘‘ಚತ್ತಾರೋಮೇ , ಭಿಕ್ಖವೇ, ವಾದೀ। ಕತಮೇ ಚತ್ತಾರೋ? ಅತ್ಥಿ , ಭಿಕ್ಖವೇ, ವಾದೀ ಅತ್ಥತೋ ಪರಿಯಾದಾನಂ ಗಚ್ಛತಿ, ನೋ ಬ್ಯಞ್ಜನತೋ; ಅತ್ಥಿ, ಭಿಕ್ಖವೇ, ವಾದೀ ಬ್ಯಞ್ಜನತೋ ಪರಿಯಾದಾನಂ ಗಚ್ಛತಿ, ನೋ ಅತ್ಥತೋ; ಅತ್ಥಿ, ಭಿಕ್ಖವೇ, ವಾದೀ ಅತ್ಥತೋ ಚ ಬ್ಯಞ್ಜನತೋ ಚ ಪರಿಯಾದಾನಂ ಗಚ್ಛತಿ; ಅತ್ಥಿ, ಭಿಕ್ಖವೇ, ವಾದೀ ನೇವತ್ಥತೋ ನೋ ಬ್ಯಞ್ಜನತೋ ಪರಿಯಾದಾನಂ ಗಚ್ಛತಿ। ಇಮೇ ಖೋ, ಭಿಕ್ಖವೇ, ಚತ್ತಾರೋ ವಾದೀ। ಅಟ್ಠಾನಮೇತಂ, ಭಿಕ್ಖವೇ, ಅನವಕಾಸೋ ಯಂ ಚತೂಹಿ ಪಟಿಸಮ್ಭಿದಾಹಿ ಸಮನ್ನಾಗತೋ 1 ಅತ್ಥತೋ ವಾ ಬ್ಯಞ್ಜನತೋ ವಾ ಪರಿಯಾದಾನಂ ಗಚ್ಛೇಯ್ಯಾ’’ತಿ। ದಸಮಂ।
140. ‘‘Cattārome , bhikkhave, vādī. Katame cattāro? Atthi , bhikkhave, vādī atthato pariyādānaṃ gacchati, no byañjanato; atthi, bhikkhave, vādī byañjanato pariyādānaṃ gacchati, no atthato; atthi, bhikkhave, vādī atthato ca byañjanato ca pariyādānaṃ gacchati; atthi, bhikkhave, vādī nevatthato no byañjanato pariyādānaṃ gacchati. Ime kho, bhikkhave, cattāro vādī. Aṭṭhānametaṃ, bhikkhave, anavakāso yaṃ catūhi paṭisambhidāhi samannāgato 2 atthato vā byañjanato vā pariyādānaṃ gaccheyyā’’ti. Dasamaṃ.
ಪುಗ್ಗಲವಗ್ಗೋ ಚತುತ್ಥೋ।
Puggalavaggo catuttho.
ತಸ್ಸುದ್ದಾನಂ –
Tassuddānaṃ –
ಸಂಯೋಜನಂ ಪಟಿಭಾನೋ, ಉಗ್ಘಟಿತಞ್ಞು ಉಟ್ಠಾನಂ।
Saṃyojanaṃ paṭibhāno, ugghaṭitaññu uṭṭhānaṃ;
ಸಾವಜ್ಜೋ ದ್ವೇ ಚ ಸೀಲಾನಿ, ನಿಕಟ್ಠ ಧಮ್ಮ ವಾದೀ ಚಾತಿ॥
Sāvajjo dve ca sīlāni, nikaṭṭha dhamma vādī cāti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೧೦. ವಾದೀಸುತ್ತವಣ್ಣನಾ • 10. Vādīsuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೯-೧೦. ಧಮ್ಮಕಥಿಕಸುತ್ತಾದಿವಣ್ಣನಾ • 9-10. Dhammakathikasuttādivaṇṇanā
